ᠲᠡᠷᠢᠭᠦᠨ ᠬᠠᠭᠤᠳᠠᠰᠤ
ᠲᠣᠶᠢᠮᠣ ᠪᠠᠶᠢᠳᠠᠯ
ᠰᠣᠨᠢᠨ ᠮᠡᠳᠡᠭᠡ
ᠢᠯᠡ ᠵᠠᠰᠠᠭ
ᠦᠢᠯᠡᠴᠢᠯᠡᠭᠡ
ᠰᠣᠶᠣᠯ ᠡᠷᠳᠡᠨᠢ
ᠰᠢᠨ᠎ᠡ ᠬᠦᠳᠡᠭᠡ
ᠳᠡᠭᠡᠳᠤ ᠮᠤᠩᠭᠤᠯᠴᠤᠳ ᠤᠨ ᠴᠡᠭᠡᠷ ᠶᠤᠰᠤᠨ ᠭᠢᠭᠡᠳ ᠨᠡᠶᠢᠭᠡᠮ ᠤᠨ ᠵᠠᠩ ᠰᠤᠷᠳᠠᠬᠤᠨ ᠤ ᠭᠦᠮᠦᠵᠢᠯ ᠤᠨ ᠳᠤᠬᠠᠢ ᠰᠢᠨᠵᠢᠭᠦ ᠨᠢ
ᠨᠡᠶᠢᠲᠡᠯᠡᠭᠰᠡᠨ ᠴᠠᠭ᠄
2019/12/11
ᠠᠭᠤᠯᠭ᠎ᠠ ᠶᠢᠨ ᠳᠤᠪᠴᠢ ᠳᠡᠭᠡᠳᠤ ᠮᠤᠩᠭᠤᠯᠴᠤᠳ ᠠᠮᠢᠳᠤᠷᠠᠯ ᠤᠶᠢᠯᠡᠳᠤᠯᠭᠡ ᠳᠤᠮᠳᠠ ᠪᠠᠨ ᠴᠡᠭᠡᠷ ᠶᠤᠰᠤᠨ ᠢ ᠶᠡᠭᠡᠳᠡ ᠴᠢᠬᠤᠯᠴᠢᠯᠠᠨ ᠦᠷ᠎ᠡ ᠬᠤᠶᠢᠴᠢᠰ ᠢᠶᠠᠨ ᠰᠤᠷᠭᠠᠨ ᠭᠦᠮᠦᠵᠢᠭᠦᠯᠭᠦ ᠤᠷ᠎ᠠ ᠮᠡᠷᠭᠡᠵᠢᠯ ᠢᠶᠠᠨ ᠪᠣᠯᠭᠠᠵᠤ ᠤᠯᠠᠨ ᠵᠤᠶᠢᠯ ᠤᠨ ᠪᠤᠯᠪᠠᠰᠤᠨ ᠰᠤᠶᠤᠯ  ᠢ ᠡᠭᠦᠳᠤᠨ ᠨᠡᠭᠡᠭᠡᠵᠡᠢ᠃ ᠨᠢᠭᠡᠳᠤᠭᠡᠷ ᠲᠤ᠂ ᠶᠤᠰᠤ ᠮᠤᠷᠠᠯ ᠰᠤᠷᠭᠠᠨ ᠭᠦᠮᠦᠵᠢᠯ ᠲᠠᠢ ᠬᠤᠯᠪᠣᠭᠳᠠᠭᠰᠠᠨ ᠴᠡᠭᠡᠷ᠂ ᠡᠭᠦᠨ ᠳᠤ ᠤᠶᠢᠯᠡ ᠭᠦᠳᠡᠯᠦᠯ ᠤᠨ ᠴᠡᠭᠡᠷ ᠪᠠ ᠦᠭᠡ ᠭᠡᠯᠡᠨ ᠤ ᠴᠡᠭᠡᠷ ᠭᠡᠵᠤ ᠬᠤᠶᠠᠷ ᠪᠠᠭ᠎ᠠ ᠭᠡᠰᠡᠭ ᠲᠤ ᠬᠤᠪᠢᠶᠠᠨ ᠶᠠᠷᠢᠪᠠ᠃ ᠬᠤᠶᠠᠳᠤᠭᠠᠷ ᠲᠤ᠂ ᠡᠷᠡᠭᠦᠯ ᠮᠡᠨᠳᠤ ᠲᠠᠢ ᠬᠤᠯᠪᠣᠭᠳᠠᠭᠰᠠᠨ ᠴᠡᠭᠡᠷ᠃ ᠡᠭᠦᠨ ᠳᠤ ᠡᠪᠡᠳᠴᠢᠨ ᠳᠠᠬᠤᠯ ᠢ ᠰᠡᠷᠭᠡᠶᠢᠯᠡᠭᠦ ᠴᠡᠭᠡᠷ ᠪᠠ ᠠᠷᠢᠭᠤᠨ ᠴᠡᠪᠡᠷ ᠢ ᠡᠷᠭᠢᠮᠯᠡᠭᠦ ᠴᠡᠭᠡᠷ ᠭᠡᠵᠤ ᠬᠤᠶᠠᠷ ᠭᠡᠰᠡᠭ ᠲᠤ ᠬᠤᠪᠢᠶᠠᠨ᠎ᠠ᠃ ᠭᠤᠷᠪᠠᠳᠤᠭᠠᠷ ᠲᠤ᠂ ᠡᠭᠡ ᠪᠠᠶᠢᠭᠠᠯᠢ᠂ ᠠᠮᠢᠳᠠᠨ ᠤᠷᠭᠤᠮᠠᠯ ᠲᠠᠢ ᠬᠤᠯᠪᠣᠭᠳᠠᠭᠰᠠᠨ ᠴᠡᠭᠡᠷ᠃ ᠡᠭᠦᠨ ᠳᠤ ᠡᠪᠡᠰᠤ ᠤᠷᠭᠤᠮᠠᠯ ᠭᠠᠵᠠᠷ ᠤᠰᠤᠨ ᠤ ᠴᠡᠭᠡᠷ ᠪᠠ ᠠᠷᠢᠶᠠᠳᠠᠨ ᠠᠮᠢᠳᠠᠨ ᠤ ᠴᠡᠭᠡᠷ ᠭᠡᠵᠤ ᠬᠤᠪᠢᠶᠠᠨ ᠶᠠᠷᠢᠪᠠ᠃ ᠬᠠᠮᠤᠭ ᠰᠡᠭᠦᠯ ᠳᠤ ᠳᠡᠭᠡᠷᠡᠭᠢ ᠠᠭᠤᠯᠭ᠎ᠠ ᠪᠠᠨ ᠳ᠋ᠦᠩᠨᠡᠨ ᠬᠤᠷᠢᠶᠠᠩᠭᠤᠶᠢᠯᠠᠭᠰᠠᠨ ᠪᠠᠶᠢᠨ᠎ᠠ᠃ ᠭᠦᠭᠡᠨᠠᠭᠤᠷ ᠳᠦᠪᠡᠳ ᠤᠨ ᠦᠨᠳᠦᠷᠯᠢᠭ ᠲᠤ ᠠᠵᠤ ᠳᠦᠷᠦᠨ ᠠᠮᠢᠳᠤᠷᠠᠵᠤ ᠰᠠᠭᠤᠭ᠎ᠠ ᠳᠡᠭᠡᠳᠤ ᠮᠤᠩᠭᠤᠯᠴᠤᠳ ᠤᠷᠳᠤ ᠤᠳᠠᠭᠠᠨ ᠬᠤᠭᠤᠴᠠᠭᠠᠨ ᠤ ᠳᠡᠤᠭᠡᠨ ᠤᠯᠠ ᠮᠦᠷ ᠢ ᠡᠯᠡᠭᠡᠵᠤ ᠢᠷᠡᠭᠦ ᠳᠡᠭᠡᠨ ᠦᠪᠡᠷᠮᠢᠴᠠ ᠤᠨᠴᠠᠯᠢᠭ ᠪᠦᠭᠦᠢ ᠰᠤᠶᠤᠯ ᠤᠨ ᠦᠪ ᠭᠦᠷᠦᠩᠭᠡ᠂ ᠱᠠᠰᠢᠨ ᠰᠢᠳᠤᠯᠭᠡ᠂ ᠨᠡᠶᠢᠭᠡᠮ ᠤᠨ ᠵᠠᠩ ᠰᠤᠷᠳᠠᠬᠤᠨ ᠦᠭᠡ ᠭᠡᠯᠡ᠂ ᠠᠮᠢᠳᠤᠷᠠᠯ ᠤᠨ ᠵᠠᠩ ᠵᠠᠩᠰᠢᠯ ᠵᠡᠷᠭᠡ ᠠᠤᠭ᠎ᠠ ᠰᠤᠶᠤᠯ ᠤᠨ ᠤᠯᠠ ᠮᠦᠷ ᠢ ᠡᠭᠦᠳᠤᠨ ᠪᠦᠳᠦᠭᠡᠵᠤ᠂ ᠦᠷ᠎ᠡ ᠬᠤᠶᠢᠴᠢᠰ ᠲᠡᠭᠡᠨ ᠦᠯᠡᠳᠡᠭᠡᠨ ᠦᠶ᠎ᠡ ᠤᠯᠠᠷᠠᠨ ᠵᠠᠯᠭᠠᠮᠵᠢᠯᠠᠵᠤ ᠢᠷᠡᠭᠰᠡᠨ ᠪᠠᠶᠢᠨ᠎ᠠ᠃ ᠴᠡᠭᠡᠷᠯᠡᠯ ᠪᠣᠯ ᠷᠢᠳᠡᠢ ᠰᠢᠳᠢ ᠲᠠᠢ ᠤᠩᠭᠤᠨ ᠭᠡᠮᠡᠭᠳᠡᠭᠰᠡᠨ ᠶᠠᠭᠤᠮᠠᠨ ᠳᠤ ᠡᠰᠡᠭᠦᠯ᠎ᠡ ᠪᠣᠵᠠᠷ ᠮᠠᠭᠤᠬᠠᠢ ᠭᠡᠮᠡᠭᠳᠡᠭᠰᠡᠨ ᠶᠠᠭᠤᠮᠠᠨ ᠳᠤ ᠬᠠᠯᠳᠠᠬᠤ ᠪᠣᠶᠤ ᠳᠡᠭᠦᠨ ᠢ ᠰᠢᠭᠤᠳ ᠨᠡᠷᠡᠯᠡᠭᠦ ᠵᠠᠷᠢᠮ ᠤᠶᠢᠯᠡ ᠶᠠᠪᠣᠳᠠᠯ ᠪᠣᠶᠤ ᠴᠠᠭ ᠳᠤᠭᠢᠶᠠᠯ ᠠᠴᠠ ᠵᠠᠶᠢᠯᠠᠨ ᠴᠡᠭᠡᠷᠯᠡᠭᠦ ᠶᠢ ᠵᠢᠭᠠᠬᠤ ᠪᠦᠭᠡᠳ ᠭᠡᠷᠪᠡ ᠵᠦᠷᠢᠴᠡᠪᠡᠯ ᠪᠠᠶᠢᠭᠠᠯᠢ ᠶᠢᠨ ᠭᠦᠴᠦᠨ ᠤ ᠰᠢᠳᠭᠡᠯ ᠳᠤ ᠤᠴᠠᠷᠠᠬᠤ ᠪᠤᠯᠤᠨ᠎ᠠ ᠭᠡᠵᠤ ᠢᠳᠡᠭᠡᠳᠡᠭ ᠰᠦᠰᠦᠭ ᠪᠢᠰᠢᠷᠡᠯ ᠤᠨ ᠤᠬᠠᠭᠳᠠᠬᠤᠨ ᠮᠥᠨ᠃ ᠶᠠᠭ ᠡᠶᠢᠮᠤ ᠠᠴᠠ ᠮᠠᠨ ᠤ ᠡᠪᠦᠭᠡ ᠳᠡᠭᠡᠳᠤᠰ ᠪᠠᠶᠢᠭᠠᠯᠢ ᠶᠢ ᠡᠷᠭᠡᠰᠢᠶᠡᠨ᠂ ᠪᠠᠶᠢᠭᠠᠯᠢ ᠲᠠᠢ ᠵᠤᠭᠢᠴᠠᠬᠤ ᠤᠶᠢᠯᠡᠳᠪᠣᠷᠢᠯᠠᠯ ᠠᠮᠢᠳᠤᠷᠠᠯ ᠤᠨ ᠤᠶᠢᠯᠡᠳᠤᠯᠭᠡ ᠳᠤᠷᠰᠢᠯᠭ᠎ᠠ ᠶᠢᠨ ᠬᠤᠷᠠᠮᠳᠤᠯᠭ᠎ᠠ ᠪᠣᠯᠵᠤ ᠳᠤᠭᠳᠠᠭᠰᠠᠨ ᠭᠡᠪᠴᠢᠶᠡᠨ ᠳᠤᠳᠤᠷ᠎ᠠ ᠭᠦᠮᠤᠨ ᠪᠣᠯᠤᠨ ᠪᠠᠶᠢᠭᠠᠯᠢ᠂ ᠭᠦᠮᠦᠨ ᠪᠦᠭᠡᠳ ᠨᠡᠶᠢᠭᠡᠮ᠂ ᠭᠦᠮᠤᠨ ᠪᠣᠯᠤᠨ ᠭᠦᠮᠤᠨ ᠤ ᠬᠤᠭᠤᠷᠤᠨᠳᠤᠭᠢ ᠬᠠᠷᠢᠴᠠᠭᠠᠨ ᠳᠤ ᠵᠤᠭᠢᠬᠤ ᠤᠶᠢᠯᠡᠳᠤᠯ ᠦᠵᠡᠭᠦᠯᠳᠡᠭ ᠳᠤᠯᠠ ᠴᠡᠭᠡᠷᠯᠡᠯ ᠤᠨ ᠶᠤᠰᠤ ᠨᠢ ᠨᠢᠭᠡ ᠭᠦᠮᠤᠨ ᠤ ᠦᠭᠦᠭᠦ ᠠᠴᠠ ᠳᠦᠷᠦᠭᠦ ᠭᠦᠷᠳᠡᠯ᠎ᠡ ᠵᠠᠩ ᠵᠠᠩᠰᠢᠯ  ᠤᠨ ᠶᠤᠰᠤᠭᠠᠷ ᠪᠦᠷᠢᠯᠳᠤᠨ ᠳᠤᠭᠳᠠᠭᠰᠠᠨ ᠠᠴᠠ ᠤᠷᠳᠤ ᠤᠳᠠᠭᠠᠨ ᠴᠢᠨᠠᠷ ᠢᠶᠠᠷ ᠴᠢᠩᠭ᠎ᠠ᠂ ᠨᠦᠯᠦᠭᠡᠯᠡᠭᠦ ᠭᠦᠴᠦᠨ  ᠢᠶᠠᠷ ᠭᠦᠨ ᠨᠡᠶᠢᠭᠡᠮ ᠤᠨ ᠵᠠᠩ ᠰᠤᠷᠳᠠᠬᠤᠨ ᠤ ᠭᠦᠮᠦᠵᠢᠯ ᠪᠤᠯᠵᠤ ᠬᠤᠤᠷ ᠭᠦᠨᠦᠭᠡᠯ ᠲᠠᠢ ᠮᠠᠭᠤ ᠮᠠᠭᠤᠬᠠᠢ ᠵᠤᠶᠢᠯ ᠢ ᠴᠡᠭᠡᠷᠯᠡᠭᠦᠯᠦᠨ ᠬᠤᠷᠢᠭᠯᠠᠵᠤ ᠰᠤᠷᠭᠠᠵᠤ ᠰᠡᠷᠡᠮᠵᠢᠭᠦᠯᠦᠨ ᠭᠦᠮᠤᠰ ᠢ ᠳᠠᠮ ᠢᠶᠠᠷ ᠡᠷᠡᠭᠦᠯ ᠰᠠᠷᠠᠭᠤᠯ ᠰᠠᠶᠢᠨ ᠰᠠᠶᠢᠬᠠᠨ ᠳᠡᠰᠢ ᠭᠦᠳᠦᠯᠦᠨ ᠵᠢᠯᠤᠭᠤᠳᠴᠤ᠂ ᠬᠠᠮᠤᠭ ᠪᠦᠳᠤᠮᠵᠢᠳᠠᠢ ᠠᠷᠭ᠎ᠠ ᠶᠢ ᠡᠭᠦᠳᠦᠵᠤ ᠨᠡᠭᠡᠭᠡᠭᠰᠡᠨ ᠪᠠᠶᠢᠨ᠎ᠠ᠃ ᠭᠡᠳᠡᠯ᠎ᠡ ᠴᠡᠭᠡᠷᠯᠡᠯ ᠤᠨ ᠶᠤᠰᠤᠨ ᠳᠤ ᠢᠳᠡᠪᠭᠢ ᠪᠣᠰᠤ ᠪᠣᠶᠤ ᠨᠠᠵᠠᠭᠠᠢ ᠤᠶᠢᠯᠡᠳᠤᠯ ᠲᠠᠢ ᠵᠤᠶᠢᠯ ᠴᠦ ᠪᠠᠶᠢᠭ᠎ᠠ ᠶᠤᠮ᠃ ᠵᠢᠱᠢᠶᠠᠯᠠᠪᠠᠯ ︽ᠭᠤᠷᠪᠠᠯᠵᠢᠨ ᠨᠢᠳᠤ ᠲᠠᠢ ᠵᠢᠰᠤᠷ ᠬᠤᠯᠵᠢᠨ ᠭᠢᠭᠦ︾᠂ ︽ᠶᠡᠭᠡ ᠳᠤᠯᠤᠭᠠᠢ ᠲᠠᠢ ᠭᠦᠮᠤᠨ ᠨᠤᠶᠠᠨ ᠰᠠᠭᠤᠨ᠎ᠠ᠂ ᠶᠡᠭᠡ ᠭᠦᠯ ᠲᠠᠢ ᠭᠦᠮᠤᠨ ᠳᠡᠷᠭᠡ ᠳᠤᠭᠤᠨ᠎ᠠ︾᠂ ︽ᠦᠳᠭᠡᠨ ᠦᠰᠤ ᠲᠠᠢ ᠪᠣᠯ ᠵᠤᠪᠠᠯᠠᠩ ᠶᠡᠭᠡᠳᠡᠢ︾ ᠂ ︽ᠰᠢᠷ᠎ᠠ ᠭᠦᠮᠤᠨ ᠤᠴᠢᠷ ᠲᠠᠢ᠂ ᠰᠢᠷᠠᠭᠰᠠᠨ ᠮᠢᠬ᠎ᠠ ᠠᠮᠳᠠᠳᠠᠢ︾᠂ ︽ᠶᠡᠭᠡ ᠴᠢᠭᠢ ᠲᠠᠢ ᠪᠣᠯ ᠪᠣᠶᠠᠨ ᠭᠡᠰᠢᠭ  ᠲᠠᠢ︾ ᠭᠡᠭᠦ ᠮᠡᠳᠤ ᠶᠢᠨ ᠭᠡᠯᠡᠯᠭᠡ ᠨᠢ ᠭᠦᠮᠤᠨ ᠤ ᠳᠦᠷᠭᠦ ᠵᠢᠰᠤ ᠪᠠᠶᠢᠳᠠᠯ ᠠᠴᠠ ᠭᠦᠮᠤᠨ ᠤ ᠮᠥᠨ ᠴᠢᠨᠠᠷ᠂ ᠠᠪᠢᠶᠠᠰ ᠪᠢᠯᠢᠭ᠂ ᠬᠤᠪᠢ ᠵᠠᠶᠠᠭ᠎ᠠ ᠶᠢ ᠭᠠᠵᠢᠭᠤ ᠪᠣᠷᠤᠭᠤ ᠪᠠᠷ ᠦᠭᠦᠯᠡᠨ᠂ ᠦᠷᠤᠭᠡᠰᠤᠨ ᠢᠶᠠᠷ ᠦᠨᠡᠯᠡᠭᠦ ᠨᠢ ᠵᠦᠢ ᠶᠤᠰᠤᠨ ᠳᠤ ᠨᠡᠶᠢᠴᠡᠭᠦ ᠦᠭᠡᠢ ᠪᠣᠯᠤᠨ᠎ᠠ᠃ ᠭᠡᠷᠪᠡ ᠶᠡᠭᠡ ᠳᠤᠯᠤᠭᠠᠢ ᠲᠠᠢ᠂ ᠶᠡᠭᠡ ᠴᠢᠭᠢ ᠲᠠᠢ ᠪᠣᠯ ᠬᠤᠪᠢ ᠵᠠᠶᠠᠭ᠎ᠠ ᠵᠦᠩᠳᠡᠭᠡᠨ ᠢᠷᠡᠨ᠎ᠡ ᠭᠡᠵᠤ ᠠᠩᠭᠠᠶᠢᠵᠤ ᠢᠳᠡᠵᠤ ᠳᠠᠩᠭᠠᠶᠢᠵᠤ ᠭᠡᠪᠳᠡᠭᠡᠳ ᠪᠠᠶᠢᠪᠠᠯ᠂ ᠶᠢᠷᠳᠢᠨᠴᠤ ᠶᠢᠨ ᠠᠯᠢᠠᠪᠠ ᠰᠠᠶᠢᠨ ᠰᠠᠶᠢᠬᠠᠨ ᠶᠠᠭᠤᠮᠠᠨ ᠠᠴᠠ ᠬᠤᠵᠢᠭᠳᠠᠵᠤ ᠬᠤᠭᠤᠰᠤᠨ ᠰᠠᠭᠤᠬᠤ ᠪᠢᠰᠢ ᠤᠤ︖ ︽ᠰᠦᠨᠢ ᠤᠷᠤᠢ ᠶᠢᠨ ᠳᠤᠯᠢᠨ ᠳᠤ ᠵᠢᠰᠤ ᠪᠠᠨ ᠳᠤᠯᠢᠳᠠᠪᠠᠯ ᠴᠢᠳᠭᠦᠷ ᠦᠵᠡᠭᠳᠡᠨ᠎ᠡ︾᠂ ︽ᠰᠦᠨᠢ ᠦᠰᠤ ᠭᠡᠵᠢᠭᠡ ᠪᠠᠨ ᠰᠠᠮᠨᠠᠬᠤ᠂ ᠭᠠᠷ ᠨᠢᠭᠤᠷ ᠢᠶᠠᠨ ᠤᠭᠢᠶᠠᠪᠠᠯ ᠨᠤᠬᠠᠢ ᠶᠢᠨ ᠬᠤᠷᠢᠮ ᠳᠤ ᠶᠠᠪᠣᠨ᠎ᠠ︾ ᠭᠡᠵᠤ ᠴᠡᠭᠡᠷᠯᠡᠭᠦ ᠨᠢ ᠰᠢᠨᠵᠢᠯᠡᠭᠦ ᠤᠬᠠᠭᠠᠨ ᠳᠤ ᠨᠡᠶᠢᠴᠡᠭᠦ ᠦᠭᠡᠢ᠂ ᠬᠠᠷᠢᠨ ᠤᠷᠤᠢ ᠦᠰᠤ ᠭᠡᠵᠢᠭᠡ ᠪᠠᠨ ᠰᠠᠮᠨᠠᠪᠠᠯ ᠶᠠᠳᠠᠷᠠᠯ ᠢ ᠳᠠᠶᠢᠯᠠᠵᠤ᠂ ᠴᠢᠰᠤᠨ ᠤ ᠡᠷᠭᠢᠯᠳᠡ ᠶᠢ ᠵᠤᠭᠢᠴᠠᠭᠤᠯᠵᠤ᠂ ᠦᠰᠤ ᠭᠡᠵᠢᠭᠡ ᠤᠨᠠᠬᠤ  ᠠᠴᠠ ᠰᠡᠷᠭᠡᠶᠢᠯᠡᠳᠡᠭ᠃ ᠤᠷᠤᠢ ᠨᠢᠭᠤᠷ ᠭᠠᠷ ᠢᠶᠠᠨ ᠦᠷᠭᠦᠯᠵᠢ ᠤᠭᠢᠶᠠᠪᠠᠯ ᠠᠷᠠᠰᠤ ᠴᠢᠷᠠᠢ ᠶᠢ ᠰᠠᠶᠢᠵᠢᠷᠠᠭᠤᠯᠤᠨ ᠴᠤᠭ ᠰᠦᠯᠳᠡ ᠲᠠᠢ ᠪᠤᠯᠤᠨ᠎ᠠ᠃ ︽ᠰᠦᠨᠢ ᠬᠠᠳᠬᠤᠭᠰᠠᠨ ᠦᠷᠭᠡᠰᠤ ᠶᠢ ᠠᠪᠳᠠᠭ ᠦᠭᠡᠢ︾ ᠭᠡᠵᠤ ᠴᠡᠭᠡᠷᠯᠡᠳᠡᠭ  ᠨᠢ ᠳᠤᠩ ᠴᠦ ᠭᠠᠵᠢᠭᠤ ᠪᠣᠷᠤᠭᠤ ᠵᠤᠭᠢᠰ ᠦᠭᠡᠢ ᠭᠡᠯᠡᠯᠭᠡ ᠶᠤᠮ᠃ ᠭᠠᠷ ᠭᠦᠯ ᠳᠤ ᠬᠠᠳᠬᠤᠭᠰᠠᠨ ᠦᠷᠭᠡᠰᠤ ᠶᠢ ᠠᠪᠬᠤ ᠦᠭᠡᠢ ᠤᠳᠠᠪᠠᠯ ᠠᠶᠠᠨᠳᠠᠭᠠᠨ ᠰᠢᠷᠬᠠᠯᠠᠵᠤ ᠬᠠᠪᠣᠳᠴᠤ ᠰᠠᠶᠢᠨ ᠦᠷ᠎ᠡ ᠳ᠋ᠦᠩ ᠦᠭᠡᠢ ᠶᠤᠮ᠃ ︽ᠦᠳᠡ  ᠶᠢᠨ ᠬᠤᠶᠢᠨ᠎ᠠ ᠮᠠᠯ ᠦᠭᠦᠪᠡᠯ ᠠᠷᠠᠰᠤ ᠨᠤᠤᠰᠤ ᠶᠢ ᠠᠪᠬᠤ ᠦᠭᠡᠢ︾ ᠭᠡᠵᠤ ᠴᠡᠭᠡᠷᠯᠡᠳᠡᠭ ᠨᠢ ᠦᠭᠦᠭᠦ ᠪᠠ ᠳᠦᠷᠦᠭᠦ ᠪᠣᠯ ᠭᠦᠮᠤᠨ ᠠᠮᠢᠳᠠᠨ ᠤ ᠶᠢᠷᠳᠢᠨᠴᠤ ᠶᠢᠨ ᠵᠢᠮ᠎ᠡ ᠶᠤᠰᠤ ᠪᠢᠯᠡ᠃ ᠡᠭᠦᠨ ᠢ ᠦᠳᠡ ᠶᠢᠨ ᠡᠮᠤᠨ᠎ᠡ ᠬᠤᠶᠢᠨ᠎ᠠ ᠪᠠᠷ ᠵᠢᠭᠠᠭᠯᠠᠵᠤ ᠭᠡᠯᠡᠭᠦ ᠨᠢ ᠵᠦᠢ ᠶᠤᠰᠤᠨ ᠳᠤ ᠨᠡᠶᠢᠴᠡᠭᠦ ᠦᠭᠡᠢ᠃ ᠳᠡᠭᠡᠷ᠎ᠡ ᠳᠤᠷᠠᠳᠤᠭᠰᠠᠨ ᠭᠡᠳᠤᠨ ᠵᠢᠱᠢᠶ᠎ᠠ ᠠᠴᠠ ᠦᠵᠡᠪᠡᠯ ᠭᠦᠮᠤᠨ ᠳᠦᠷᠦᠯᠭᠢᠳᠡᠨ ᠪᠠᠶᠢᠭᠠᠯᠢ ᠶᠢᠨ ᠡᠯᠳᠡᠪ ᠦᠵᠡᠭᠳᠡᠯ ᠠᠴᠠ ᠠᠶᠤᠨ ᠰᠦᠷᠳᠡᠭᠦ ᠮᠤᠬᠤᠷ ᠪᠣᠳᠤᠯ᠂ ᠪᠠᠯᠠᠷ ᠰᠡᠳᠭᠢᠭᠦᠢ ᠳᠤ ᠤᠳᠤ ᠭᠦᠷᠳᠡᠯ᠎ᠡ ᠭᠦᠯᠢᠶᠡᠰᠦᠯᠡᠭᠳᠡᠨ ᠦᠭᠦᠮᠡᠯ ᠬᠤᠭᠤᠰᠤᠨ ᠢᠶᠠᠷ ᠬᠠᠭᠤᠴᠢᠨ ᠢ ᠪᠠᠷᠢᠮᠳᠠᠯᠠᠨ᠂ ᠰᠢᠨ᠎ᠡ ᠶᠢ ᠰᠡᠵᠢᠭᠯᠡᠨ ᠠᠶᠤᠨ ᠰᠦᠷᠳᠡᠵᠤ ᠭᠦᠮᠤᠨ ᠤ ᠠᠮᠢᠳᠤᠷᠠᠯ ᠤᠶᠢᠯᠡᠳᠤᠯᠭᠡ ᠳᠤ ᠠᠰᠢᠭ ᠦᠭᠡᠢ᠂ ᠰᠢᠨᠵᠢᠯᠡᠭᠦ ᠤᠬᠠᠭᠠᠨ ᠤ ᠦᠨ᠎ᠡ ᠦᠷᠳᠡᠭ ᠦᠭᠡᠢ ᠨᠠᠵᠠᠭᠠᠢ ᠵᠤᠶᠢᠯ ᠮᠥᠨ ᠤᠷᠤᠰᠢᠭᠰᠠᠭᠠᠷ ᠪᠠᠶᠢᠭ᠎ᠠ ᠶᠤᠮ᠃ ᠭᠡᠳᠡᠯ᠎ᠡ ᠡᠳᠡᠭᠡᠷ ᠨᠢ ᠴᠠᠭ ᠦᠶ᠎ᠡ ᠶᠢᠨ ᠭᠦᠭᠵᠢᠯᠳᠡ ᠬᠤᠪᠢᠷᠠᠯᠳᠠ᠂ ᠳᠠᠪᠰᠢᠯᠳᠠ ᠶᠢ ᠲᠠᠭᠠᠨ ᠠᠭᠠᠵᠢᠮ ᠢᠶᠠᠷ ᠢᠳᠡᠪᠭᠢᠳᠤ ᠴᠢᠨᠠᠷ ᠢᠶᠠᠨ ᠠᠯᠳᠠᠵᠤ ᠤᠰᠠᠳᠬᠤ ᠳᠡᠰᠢ ᠴᠢᠭᠯᠡᠵᠤ ᠪᠠᠶᠢᠭ᠎ᠠ ᠶᠤᠮ᠃ ᠵᠢᠱᠢᠶᠠᠯᠠᠪᠠᠯ᠂ ᠡᠮᠡᠭᠳᠡᠢ ᠭᠦᠮᠤᠨ ᠭᠡᠵᠢᠭᠡ ᠪᠠᠨ ᠰᠤᠯᠠ ᠳᠠᠯᠪᠢᠬᠤ ᠶᠢ ᠴᠡᠭᠡᠷᠯᠡᠭᠦ᠂ ᠡᠮᠡᠭᠳᠡᠢ ᠨᠢ ᠡᠷᠡᠭᠳᠡᠢ ᠶᠢᠨ  ᠢᠶᠠᠨ ᠨᠡᠷ᠎ᠡ ᠪᠠᠷ ᠳᠠᠭᠤᠳᠠᠬᠤ ᠶᠢ ᠴᠡᠭᠡᠷᠯᠡᠭᠦ᠂ ᠵᠠᠬ᠎ᠠ ᠦᠭᠡᠢ ᠬᠤᠪᠴᠠᠰᠤ ᠡᠮᠤᠰᠭᠦ ᠶᠢ ᠴᠡᠭᠡᠷᠯᠡᠭᠦ ᠨᠢ ᠤᠳᠤ ᠶᠢᠨ ᠠᠮᠢᠳᠤᠷᠠᠯ ᠨᠡᠶᠢᠭᠡᠮ ᠳᠤ ᠠᠪᠴᠤ ᠭᠡᠯᠡᠪᠡᠯ ᠡᠩ ᠤᠨ ᠵᠤᠶᠢᠯ ᠪᠣᠯᠵᠤ ᠬᠠᠷᠠᠭᠳᠠᠭᠰᠠᠨ ᠶᠤᠮ᠃ ᠳᠡᠭᠡᠳᠤ ᠮᠤᠩᠭᠤᠯᠴᠤᠳ ᠭᠡᠷ ᠤᠨ ᠰᠤᠷᠭᠠᠯ ᠢ ᠴᠢᠬᠤᠯᠴᠢᠯᠠᠨ ︽ᠡᠭᠡ ᠰᠠᠶᠢᠳᠤ ᠶᠢᠨ ᠭᠡᠤᠭᠡᠨ᠂ ᠡᠴᠢᠭᠡ ᠰᠠᠶᠢᠳᠤ  ᠶᠢᠨ ᠭᠦᠪᠡᠭᠦᠨ︾ ᠭᠡᠵᠤ ᠨᠠᠰᠤᠳᠠᠶᠢᠴᠤᠳ ᠨᠢ ᠶᠠᠮᠠᠷ ᠴᠦ ᠭᠦᠴᠢᠷᠳᠡᠯ ᠭᠠᠴᠢᠭᠳᠠᠯ ᠲᠠᠢ ᠴᠠᠭ ᠦᠶ᠎ᠡ ᠳᠤ ᠴᠦ ᠦᠷ᠎ᠡ ᠬᠤᠶᠢᠴᠢᠰ ᠲᠡᠭᠡᠨ ᠤᠬᠠᠭᠠᠨ ᠡᠷᠳᠡ ᠰᠤᠷᠭᠠᠬᠤ ᠶᠢ ᠶᠡᠷᠤ ᠤᠷᠭᠢᠭᠳᠠᠭᠤᠯᠤᠭ᠎ᠠ ᠦᠭᠡᠢ᠃ ᠭᠡᠤᠭᠡᠳ ᠨᠢ ᠮᠡᠳᠡᠭᠡ ᠤᠷᠤᠵᠤ ᠤᠬᠠᠭᠠᠨ ᠰᠠᠭᠤᠬᠤ ᠠᠴᠠ ᠡᠭᠢᠯᠡᠨ ᠡᠪᠦᠭᠡ ᠳᠡᠭᠡᠳᠤᠰ ᠤᠨ ᠰᠤᠷᠭᠠᠯ ᠢ ᠭᠦᠷᠳᠡᠵᠤ ᠡᠷᠡᠭᠦᠯ ᠡᠩᠭᠡ  ᠪᠠᠷ ᠭᠦᠮᠤᠵᠢᠭᠦᠯᠦᠨ ᠪᠤᠶᠢᠵᠢᠭᠤᠯᠳᠠᠭ᠃ ︽ᠬᠦᠮᠤᠨ ᠪᠣᠯᠬᠤ ᠪᠠᠭ᠎ᠠ ᠠᠴᠠ ᠪᠠᠨ ᠭᠦᠯᠦᠭ ᠪᠣᠯᠬᠤ ᠤᠨᠠᠭᠠᠨ ᠠᠴᠠ︾ ᠭᠡᠭᠴᠢ ᠪᠠᠷ ᠦᠷ᠎ᠡ ᠭᠡᠤᠭᠡᠳ ᠤᠨ ᠶᠠᠪᠣᠵᠤ ᠰᠠᠭᠤᠬᠤ᠂ ᠭᠡᠯᠡᠵᠤ ᠶᠠᠷᠢᠬᠤ᠂ ᠢᠳᠡᠵᠤ ᠤᠤᠭᠤᠬᠤ᠂ ᠠᠵᠢᠯᠯᠠᠵᠤ ᠭᠦᠳᠡᠯᠮᠦᠷᠢᠯᠡᠭᠦ ᠠᠴᠠ ᠠᠪᠣᠭᠠᠳ ᠡᠭᠡ ᠪᠠᠶᠢᠭᠠᠯᠢ᠂ ᠠᠷᠢᠶᠠᠳᠠᠨ ᠠᠮᠢᠳᠠᠨ᠂ ᠡᠪᠡᠰᠤ ᠤᠷᠭᠤᠮᠠᠯ ᠢ ᠬᠠᠶᠢᠷᠠᠯᠠᠬᠤ᠂ ᠨᠡᠶᠢᠭᠡᠮ ᠤᠨ ᠠᠮᠢᠳᠤᠷᠠᠯ ᠤᠶᠢᠯᠡᠳᠤᠯᠭᠡ ᠳᠤ ᠤᠷᠤᠯᠴᠠᠬᠤ ᠭᠦᠷᠳᠡᠯ᠎ᠡ ᠪᠦᠷ ᠭᠡᠷ ᠪᠦᠯᠢ ᠶᠢᠨ ᠪᠣᠯᠪᠠᠰᠤᠨ ᠶᠤᠰᠤ ᠰᠤᠷᠳᠠᠬᠤᠨ ᠤ ᠭᠦᠮᠦᠵᠢᠯ ᠨᠢ ᠦᠭᠡ ᠶᠠᠷᠢᠶᠠᠨ ᠤ ᠦᠵᠦᠭᠦᠷ ᠰᠡᠵᠢᠭᠦᠷ ᠠᠴᠠ ᠠᠪᠣᠨ ᠪᠦᠷᠢᠨ ᠢᠯᠡᠷᠡᠳᠡᠭ ᠰᠠᠶᠢᠬᠠᠨ ᠠᠷᠠᠨᠰᠢᠨ ᠲᠠᠢ ᠪᠠᠶᠢᠵᠤ ᠳᠤᠭᠢᠯᠢᠭ ᠡᠪᠳᠡᠢ ᠠᠷᠭ᠎ᠠ ᠪᠠᠷᠢᠯ ᠢᠶᠠᠷ ᠭᠡᠤᠭᠡᠳ ᠦᠷ᠎ᠡ ᠢᠶᠠᠨ ᠦᠶ᠎ᠡ ᠳᠠᠷᠠᠭᠠᠯᠠᠨ ᠭᠦᠮᠦᠵᠢᠭᠦᠯᠦᠨ ᠰᠤᠷᠭᠠᠵᠤ ᠭᠦᠮᠤᠨ ᠪᠣᠯᠬᠤ ᠶᠢᠨ ᠨᠠᠷᠢᠨ ᠶᠤᠰᠤ ᠶᠢ ᠳᠠᠨᠢᠭᠤᠯᠳᠠᠭ᠃ ᠮᠥᠨ ᠭᠡᠯᠡᠪᠡᠯ ᠳᠡᠭᠡᠳᠤ ᠮᠤᠩᠭᠤᠯᠴᠤᠳ ᠤᠨ ᠠᠷᠠᠳ ᠤᠨ ᠵᠠᠩᠰᠢᠯ ᠳᠤ ᠴᠡᠭᠡᠷ ᠶᠢᠨ ᠶᠤᠰᠤ ᠨᠢ ᠳᠤᠩ ᠳᠦᠭᠡᠮᠡᠯ ᠪᠠᠶᠢᠵᠤ ᠶᠤᠰᠤ ᠰᠤᠷᠳᠠᠬᠤᠨ ᠂ ᠤᠶᠤᠨ ᠤᠬᠠᠭᠠᠨ᠂ ᠭᠤᠸ᠎ᠠ ᠰᠠᠶᠢᠬᠠᠨ᠂ ᠪᠡᠶ᠎ᠡ ᠮᠠᠬᠠᠪᠣᠳ᠂ ᠠᠵᠢᠯ ᠭᠦᠳᠡᠯᠮᠤᠷᠢ ᠵᠡᠷᠭᠡ ᠳᠠᠯ᠎ᠠ ᠪᠠᠷ ᠭᠦᠭᠵᠢᠭᠦᠯᠭᠦ ᠰᠤᠷᠭᠠᠨ ᠭᠦᠮᠤᠵᠢᠯ ᠳᠤ ᠶᠡᠭᠡᠭᠡᠨ ᠭᠦᠴᠦ ᠤᠷᠤᠭᠤᠯᠳᠠᠭ ᠳᠤᠯᠠ ᠤᠳᠤ ᠴᠠᠭ ᠤᠨ ᠭᠡᠪ ᠴᠢᠨᠠᠷ ᠤᠨ ᠰᠤᠷᠭᠠᠨ ᠭᠦᠮᠤᠵᠢᠯ ᠢ ᠮᠠᠨ ᠤ ᠡᠪᠦᠭᠡ ᠳᠡᠭᠡᠳᠤᠰ ᠠᠮᠢᠳᠤᠷᠠᠯ ᠤᠶᠢᠯᠡᠳᠤᠯᠭᠡ ᠶᠢᠨ ᠳᠤᠮᠳᠠ ᠪᠠᠨ ᠠᠯᠢ ᠡᠷᠳᠡ ᠳᠠᠨᠢᠨ ᠮᠡᠳᠡᠭᠰᠡᠨ ᠪᠠᠶᠢᠵᠠᠢ᠃ ᠳᠤᠤᠷ᠎ᠠ ᠪᠢ ᠶᠤᠰᠤ ᠮᠤᠷᠠᠯ ᠰᠤᠷᠭᠠᠨ ᠭᠦᠮᠤᠵᠢᠯ ᠲᠠᠢ ᠬᠤᠯᠪᠣᠭᠳᠠᠭᠰᠠᠨ ᠴᠡᠭᠡᠷ᠂ ᠡᠷᠡᠭᠦᠯ ᠮᠡᠨᠳᠤ ᠲᠠᠢ ᠬᠤᠯᠪᠣᠭᠳᠠᠭᠰᠠᠨ ᠴᠡᠭᠡᠷ᠂ ᠡᠭᠡ ᠪᠠᠶᠢᠭᠠᠯᠢ ᠠᠮᠢᠳᠠᠨ ᠤᠷᠭᠤᠮᠠᠯ ᠲᠠᠢ ᠬᠤᠯᠪᠤᠭᠳᠠᠭᠰᠠᠨ ᠴᠡᠭᠡᠷ ᠭᠡᠵᠤ ᠭᠤᠷᠪᠠᠨ ᠭᠡᠰᠡᠭ ᠲᠤ ᠬᠤᠪᠢᠶᠠᠨ ᠵᠠᠳᠠᠯᠤᠨ ᠰᠢᠨᠵᠢᠶ᠎ᠠ᠃ ᠨᠢᠭᠡ᠂ ᠶᠤᠰᠤ ᠮᠤᠷᠠᠯ ᠰᠤᠷᠭᠠᠨ ᠭᠦᠮᠤᠵᠢᠯ ᠲᠠᠢ ᠬᠤᠯᠪᠣᠭᠳᠠᠭᠰᠠᠨ ᠴᠡᠭᠡᠷ ᠶᠤᠰᠤ ᠮᠤᠷᠠᠯ ᠨᠢ ᠭᠡᠷ ᠪᠦᠯᠢ᠂ ᠰᠤᠷᠭᠠᠭᠤᠯᠢ᠂ ᠨᠡᠶᠢᠭᠡᠮ ᠤᠨ ᠠᠮᠢᠳᠤᠷᠠᠯ ᠤᠨ ᠬᠠᠮᠢᠭ᠎ᠠ ᠨᠢ ᠴᠦ ᠪᠦᠷᠢᠨ ᠢᠯᠡᠷᠡᠳᠡᠭ᠃ ᠳᠡᠷᠡ ᠨᠢ ᠰᠤᠷᠭᠠᠨ ᠭᠦᠮᠤᠵᠢᠯ ᠤᠨ ᠭᠦᠴᠤ᠂ ᠶᠠᠷᠢᠶ᠎ᠠ ᠭᠡᠯᠡᠯᠴᠡᠭᠡᠨ ᠤ ᠭᠦᠴᠦ᠂ ᠭᠦᠮᠤᠰ ᠤᠨ ᠢᠳᠡᠭᠡᠯ ᠪᠢᠰᠢᠷᠡᠯ᠂ ᠵᠠᠩ ᠳᠠᠳᠬᠠᠯ ᠢᠶᠠᠷ ᠳᠠᠮᠵᠢᠨ ᠤᠶᠢᠯᠡᠳᠤᠯ ᠦᠵᠡᠭᠦᠯᠳᠡᠭ᠂ ᠶᠠᠭᠠᠭᠢᠪᠠᠯ ᠵᠤᠭᠢᠬᠤ᠂ ᠶᠠᠭᠠᠭᠢᠪᠡᠯ ᠦᠯᠦ ᠵᠤᠭᠢᠬᠤ ᠶᠢ ᠵᠢᠷᠤᠮᠵᠢᠭᠤᠯᠳᠠᠭ ᠥᠢᠯᠡ ᠠᠵᠢᠯᠯᠠᠭᠠᠨ ᠤ ᠲᠦᠷᠢᠮᠯᠡᠯ ᠪᠣᠯᠬᠤ ᠳᠤᠯᠠ ᠭᠡᠷ ᠤᠨ ᠠᠬᠠᠮᠠᠳ ᠨᠢ ᠦᠷ᠎ᠡ ᠭᠡᠤᠭᠡᠳ ᠢᠶᠠᠨ ᠶᠤᠰᠤ ᠮᠤᠷᠠᠯ ᠵᠠᠩ ᠰᠤᠷᠳᠠᠬᠤᠨ ᠤ ᠭᠦᠮᠤᠵᠢᠯ ᠢ ᠳᠤᠩ ᠴᠢᠬᠤᠯᠴᠢᠯᠠᠨ ᠦᠵᠡᠵᠤ ᠨᠠᠰᠤᠳᠠᠶᠢᠴᠤᠳ ᠢ ᠭᠦᠨᠳᠤᠳᠭᠡᠭᠦ᠂ ᠡᠪ ᠪᠦᠯᠭᠦᠮᠳᠡᠯ ᠢ ᠴᠢᠩᠭᠠᠳᠬᠠᠬᠤ᠂ ᠨᠡᠷ᠎ᠡ ᠳᠦᠷᠦ ᠪᠠᠨ ᠬᠠᠮᠠᠭᠠᠯᠠᠬᠤ᠂ ᠤᠶᠢᠯᠡ ᠭᠦᠳᠡᠯᠦᠯ᠂ ᠦᠭᠡ ᠶᠠᠷᠢᠶᠠᠨ ᠠᠴᠠ ᠭᠠᠷᠳᠠᠨ ᠰᠢᠨᠵᠢᠵᠤ ᠰᠠᠶᠢᠨ ᠪᠠ ᠮᠠᠭᠤ᠂ ᠳᠠᠭᠠᠰᠢᠶᠠᠬᠤ ᠪᠠ ᠳᠠᠭᠠᠰᠢᠶᠠᠭᠳᠠᠬᠤ ᠦᠭᠡᠢ ᠵᠡᠷᠭᠡ ᠶᠢ ᠨᠠᠷᠢᠨ ᠢᠯᠭᠠᠨ ᠴᠡᠭᠡᠷᠯᠡᠭᠦᠯᠭᠦ ᠳᠤᠭᠢᠳᠠᠢ ᠭᠦᠮᠤᠵᠢᠯ ᠭᠦᠷᠳᠡᠭᠡᠳᠡᠭ᠃ ︵ᠨᠢᠭᠡ︶ ᠤᠶᠢᠯᠡ ᠭᠦᠳᠡᠯᠦᠯ ᠤᠨ ᠴᠡᠭᠡᠷ ︽ᠠᠮᠠ ᠪᠠᠨ ᠳᠠᠰᠢᠵᠤ ᠨᠠᠭᠠᠳᠪᠠᠯ ᠶᠠᠳᠠᠭᠤᠷᠠᠨ᠎ᠠ︾ ︽ᠭᠦᠮᠤᠨ ᠢ ᠭᠢᠯᠦᠶᠢᠵᠤ ᠬᠠᠷᠠᠪᠠᠯ ᠡᠷᠯᠢᠭ ᠲᠤ ᠤᠴᠢᠪᠠᠯ ᠨᠢᠳᠤ ᠶᠢ ᠨᠢ ᠭᠤᠬ᠎ᠠ ᠳᠡᠭᠡᠭᠡ ᠪᠠᠷ ᠳᠡᠭᠡᠭᠡᠯᠡᠵᠤ ᠳᠠᠳᠠᠨ᠎ᠠ︾᠂ ︽ᠰᠠᠨᠠᠭ᠎ᠠ ᠠᠯᠳᠠᠬᠤ ᠪᠣᠶᠤ ᠵᠦᠩᠳᠡᠭᠡᠨ ᠭᠠᠰᠠᠯᠬᠤ  ᠶᠢ ᠵᠤᠪᠠᠯᠠᠩ ᠳᠠᠭᠤᠳᠠᠨ᠎ᠠ︾᠂ ︽ᠭᠦᠯ ᠢᠶᠠᠨ ᠵᠢᠭᠢᠵᠤ ᠤᠶᠢᠯᠡ ᠤᠶᠤᠪᠠᠯ ᠡᠭᠦᠷᠢᠳᠡ ᠤᠶᠤᠵᠤ ᠳᠠᠭᠤᠰᠬᠤ ᠦᠭᠡᠢ ᠤᠶᠢᠯᠡ ᠲᠠᠢ ᠪᠣᠯᠤᠨ᠎ᠠ︾᠂ ︽ᠭᠦᠯ ᠢᠶᠠᠨ ᠵᠢᠭᠢᠭᠦ ᠪᠣᠶᠤ ᠡᠯᠢᠭᠡ ᠪᠠᠷ ᠢᠶᠠᠨ ᠭᠡᠪᠳᠡᠵᠤ ᠪᠢᠴᠢᠭ ᠦᠵᠡᠪᠡᠯ ᠪᠢᠴᠢᠭ ᠳᠤᠭᠳᠠᠬᠤ ᠦᠭᠡᠢ ᠪᠣᠯᠤᠨ᠎ᠠ︾᠂ ︽ᠡᠪᠣᠳᠦᠭ ᠢᠶᠠᠨ ᠳᠠᠪᠡᠷᠡᠵᠤ ᠰᠠᠭᠤᠪᠠᠯ ᠦᠷᠢ ᠳᠤ ᠤᠨᠠᠨ᠎ᠠ︾ ︽ᠨᠠᠰᠤᠳᠠᠢ ᠭᠦᠮᠤᠨ ᠤ ᠳᠤᠯᠤᠭᠠᠢ ᠪᠣᠶᠤ ᠪᠡᠶ᠎ᠡ ᠳᠤ ᠭᠠᠷ ᠭᠦᠷᠪᠡᠯ ᠪᠣᠶᠠᠨ ᠵᠠᠶᠢᠯᠠᠨ᠎ᠠ︾᠂ ︽ᠬᠤᠶᠢᠰᠢ ᠤᠬᠤᠷᠢᠵᠤ ᠶᠠᠪᠣᠪᠠᠯ ᠡᠭᠡ ᠪᠠᠨ ᠬᠠᠷᠢᠶᠠᠨ᠎ᠠ︾ ᠭᠡᠭᠦ ᠮᠡᠳᠤ ᠶᠢᠨ ᠴᠡᠭᠡᠷ ᠶᠤᠰᠤ ᠨᠢ ᠭᠡᠤᠭᠡᠳ ᠤᠨ ᠡᠷᠭᠡ ᠵᠢᠷᠤᠭ᠎ᠠ ᠦᠭᠡᠢ᠄ ᠡᠴᠡᠭᠡ ᠡᠭᠡ ᠠᠬᠠᠰ ᠵᠠᠬᠠᠰ ᠤᠨ ᠭᠦᠨᠳᠤᠳᠭᠡᠯ ᠰᠤᠷᠭᠠᠯ ᠦᠭᠡᠢ ᠰᠠᠨᠠᠭᠠᠨ ᠳᠤᠷ᠎ᠠ ᠪᠠᠷ ᠠᠭᠠᠰᠢᠯᠠᠭᠰᠠᠨ ᠶᠤᠰᠤ ‍ᠤᠮ ᠦᠭᠡᠢ ᠭᠡᠤᠭᠡᠳ ᠵᠠᠯᠠᠭᠤᠰ ᠢ ᠵᠠᠯᠬᠠᠭᠠᠨ ᠰᠡᠷᠡᠮᠵᠢᠭᠦᠯᠵᠤ ᠵᠠᠭᠢᠭᠰᠠᠨ ᠪᠠ ᠦᠰᠭᠦ ᠪᠤᠰᠬᠤ ᠭᠡᠤᠭᠡᠳ ᠤᠨ ᠪᠡᠶ᠎ᠡ ᠶᠢᠨ ᠡᠷᠡᠭᠦᠯ ᠴᠢᠭᠢᠷᠠᠭ ᠢ ᠠᠩᠬᠠᠷᠤᠨ ᠰᠤᠷᠭᠠᠨ ᠭᠦᠮᠤᠵᠢᠭᠦᠯᠵᠤ ᠤᠶᠢᠯᠡ ᠭᠦᠳᠡᠯᠦᠯ ᠡᠪ ᠵᠢᠮ᠎ᠡ ᠲᠠᠢ᠂ ᠵᠤᠭᠰᠤᠬᠤ ᠶᠠᠪᠣᠬᠤ ᠨᠢ ᠡᠪ ᠠᠶᠠᠰ ᠲᠠᠢ ᠪᠠᠶᠢᠬᠤ ᠶᠢ ᠰᠠᠨᠠᠭᠤᠯᠤᠨ ᠴᠤᠭ ᠰᠦᠯᠳᠡ ᠤᠷᠮ᠎ᠠ ᠵᠤᠷᠢᠭ ᠪᠠᠳᠠᠷᠠᠩᠭᠤᠢ᠂ ᠰᠠᠨᠠᠭ᠎ᠠ ᠰᠡᠳᠭᠢᠯ ᠳᠠᠯ᠎ᠠ ᠰᠢᠭ᠋ ᠠᠭᠤᠳᠠᠮ ᠳᠡᠨᠢᠭᠦᠨ ᠪᠠᠶᠢᠬᠤ ᠶᠢ ᠭᠢᠴᠢᠶᠡᠨ ᠰᠤᠷᠭᠠᠭᠰᠠᠨ ᠪᠠᠶᠢᠨ᠎ᠠ᠃ ︵ᠬᠤᠶᠠᠷ︶ ᠦᠭᠡ ᠭᠡᠯᠡ ᠪᠣᠯ ᠭᠦᠮᠤᠨ ᠳᠦᠷᠦᠯᠭᠢᠳᠡᠨ ᠤ ᠦᠵᠡᠯ ᠪᠣᠳᠤᠯ ᠢᠶᠠᠨ ᠰᠤᠯᠢᠯᠴᠠᠵᠤ ᠰᠠᠨᠠᠭ᠎ᠠ ᠰᠡᠳᠭᠢᠯ  ᠢᠶᠠᠨ ᠢᠯᠡᠳᠭᠡᠵᠤ ᠠᠵᠢᠯ ᠤᠶᠢᠯᠡᠰ ᠢᠶᠠᠨ ᠦᠷᠨᠢᠭᠦᠯᠳᠡᠭ ᠬᠠᠮᠤᠭ ᠰᠠᠶᠢᠨ ᠬᠠᠷᠢᠯᠴᠠᠭᠠᠨ ᠤ ᠪᠠᠭᠠᠵᠢ ᠭᠡᠷᠡᠭᠯᠡᠭᠦᠷ ᠨᠢ ᠪᠣᠯᠬᠤ ᠪᠦᠭᠡᠳ ᠪᠠᠰᠠ ᠵᠠᠩ ᠵᠠᠩᠰᠢᠯ ᠰᠤᠶᠤᠯ ᠤᠨ ᠴᠢᠬᠤᠯᠠ ᠪᠦᠷᠢᠯᠳᠤᠭᠦᠨ ᠮᠥᠨ᠃ ᠡᠷᠳᠡ ᠡᠳᠤᠭᠡ ᠶᠢᠨ ᠭᠦᠮᠤᠰ ᠦᠭᠡ ᠬᠡᠯᠡ ᠶᠢ ᠨᠢᠭᠡ ᠵᠤᠶᠢᠯ ᠤᠨ ᠷᠢᠳᠢ ᠰᠢᠳᠢ ᠲᠠᠢ ᠵᠤᠶᠢᠯ ᠢᠶᠠᠷ ᠢᠳᠡᠭᠡᠨ ᠪᠢᠰᠢᠷᠡᠵᠤ᠂ ᠡᠭᠦᠨ ᠤ ᠤᠯᠠᠮ ᠠᠴᠠ ᠪᠠᠶᠢᠭᠠᠯᠢ ᠨᠡᠶᠢᠭᠡᠮ ᠤᠨ ᠡᠯᠳᠡᠪ ᠵᠤᠶᠢᠯ ᠤᠨ ᠶᠠᠭᠤᠮ᠎ᠠ ᠦᠵᠡᠭᠳᠡᠯ ᠢ ᠮᠠᠭᠳᠠᠨ ᠰᠠᠶᠢᠰᠢᠶᠠᠵᠤ᠂ ᠬᠠᠷᠢᠶᠠᠨ ᠵᠦᠭᠡᠭᠦ᠂ ᠡᠰᠡᠭᠦᠯ᠎ᠡ ᠴᠡᠭᠡᠷᠯᠡᠨ ᠭᠡᠯᠡᠭᠦ ᠪᠤᠶᠤ ᠢᠳᠡᠭᠡᠭᠦᠯᠦᠨ ᠭᠡᠯᠡᠭᠦ ᠶᠤᠰᠤ ᠵᠠᠩᠰᠢᠯ ᠴᠦ ᠪᠣᠢ ᠪᠣᠯᠤᠭᠰᠠᠨ ᠪᠠᠶᠢᠨ᠎ᠠ᠃ ᠳᠡᠭᠡᠳᠤ ᠮᠤᠩᠭᠤᠯᠴᠤᠳ ᠪᠡᠯᠭᠡ ᠳᠡᠮᠪᠡᠷᠡᠯ ᠢ ᠶᠡᠭᠡᠳᠡ ᠰᠢᠳᠤᠨ ᠪᠢᠰᠢᠷᠡᠳᠡᠭ ᠤᠴᠢᠷ ᠭᠡᠤᠭᠡᠳ ︽ᠦᠭᠦᠯ᠎ᠡ᠂ ᠠᠯᠠᠯ᠎ᠠ᠂ ᠡᠪᠡᠳᠴᠢᠯᠡᠯ᠎ᠡ᠂ ᠡᠮ ᠤᠤᠭᠤᠯ᠎ᠠ᠂ ᠳᠡᠭᠡᠷᠡᠮ ᠳᠤ ᠳᠤᠨᠤᠭᠳᠠᠯ᠎ᠠ᠂᠂᠂᠂᠂︾ ᠭᠡᠭᠦ ᠮᠡᠳᠤ ᠶᠢᠨ ᠦᠭᠡ ᠶᠢ ᠭᠡᠯᠡᠵᠤ ᠨᠠᠭᠠᠳᠬᠤ ᠶᠢ ᠴᠡᠭᠡᠷᠯᠡᠨ᠎ᠡ︾᠂ ︽ᠪᠡᠷᠢ ᠭᠦᠮᠤᠨ ᠬᠠᠳᠠᠮ ᠤᠨ ᠨᠡᠷ᠎ᠡ ᠪᠠᠷ ᠳᠠᠭᠤᠳᠠᠬᠤ ᠶᠢ ᠴᠡᠭᠡᠷᠯᠡᠳᠡᠭ ᠪᠦᠭᠡᠳ ᠳᠤᠤᠷ᠎ᠠ ᠦᠶ᠎ᠡ ᠨᠢ ︽ᠠᠬᠠᠮᠠᠳ ᠨᠠᠰᠤᠳᠠᠨ ᠤ ᠨᠡᠷ᠎ᠡ ᠪᠠᠷ ᠨᠢ ᠳᠠᠭᠤᠳᠠᠬᠤ︾ ᠶᠢ ᠳᠠᠰᠤ ᠴᠡᠭᠡᠷᠯᠡᠳᠡᠭ᠃ ︽ᠦᠭᠡᠳᠡ ᠪᠣᠯᠤᠭᠰᠠᠨ ᠭᠦᠮᠤᠨ ᠤ ᠨᠡᠷ᠎ᠡ ᠪᠠᠷ ᠳᠠᠭᠤᠳᠠᠪᠠᠯ ᠳᠤᠯᠤᠭᠠᠢ ᠨᠢ ᠦᠨᠳᠡᠶᠢᠨ᠎ᠡ︾ ᠭᠡᠵᠤ ᠴᠡᠭᠡᠷᠯᠡᠨ᠎ᠡ᠃ ᠪᠠᠰᠠ ᠦᠵᠡᠭᠰᠡᠨ ᠢᠶᠠᠨ ᠠᠪᠣᠪᠠᠯ ᠬᠤᠯᠤᠭᠠᠢ ᠪᠤᠯᠤᠨ᠎ᠠ᠃ ᠰᠤᠨᠤᠰᠤᠭᠰᠠᠨ ᠢᠶᠠᠨ ᠭᠡᠯᠡᠪᠡᠯ ᠬᠤᠪᠴᠢ ᠪᠣᠯᠤᠨ᠎ᠠ᠃ ᠠᠶᠢᠯ ᠲᠠᠢ ᠬᠠᠮᠳᠤ ᠶᠠᠪᠣᠪᠠᠯ ᠠᠮᠠ ᠪᠠᠨ ᠭᠢᠴᠢᠶᠡ᠂ ᠭᠠᠭᠴᠠᠭᠠᠷ ᠶᠠᠪᠣᠪᠠᠯ ᠭᠠᠯ ᠢᠶᠠᠨ ᠭᠢᠴᠢᠶᠡ ᠭᠡᠭᠦ ᠮᠡᠳᠤ ᠶᠢᠨ ᠭᠡᠯᠡ ᠠᠮᠠ ᠪᠣᠯᠵᠤ ᠭᠡᠷᠡᠭᠦᠯ ᠵᠢᠭᠤᠷᠠᠭᠠᠨ ᠪᠣᠯᠬᠤ ᠠᠴᠠ ᠰᠡᠷᠭᠡᠶᠢᠯᠡᠨ ᠬᠤᠳᠠᠯ ᠭᠡᠯᠡᠵᠤ ᠬᠤᠯᠠᠭᠠᠢ ᠭᠢᠭᠦ ᠶᠢ ᠴᠡᠭᠡᠷᠯᠡᠭᠦᠯᠵᠦ᠂ ᠪᠣᠰᠤᠳ ᠲᠤ ᠡᠶ᠎ᠡ ᠨᠠᠶᠢᠷᠰᠠᠭ᠂ ᠡᠶᠡᠯᠳᠡᠭ ᠳᠤᠳᠤᠨᠤ ᠪᠠᠷ ᠠᠬᠠᠮᠠᠳ ᠨᠠᠰᠤᠳᠠᠶᠢᠴᠤᠳ ᠢᠶᠠᠨ ᠭᠦᠨᠳᠤᠳᠭᠡᠨ ᠳᠦᠪ ᠭᠤᠤᠯᠴᠢ᠂ ᠴᠢᠭᠡᠴᠢ ᠦᠨᠡᠨᠴᠢ ᠦᠭᠡ ᠳᠠᠭᠤᠨ ᠲᠠᠢ ᠦᠩᠭᠡ ᠨᠠᠶᠢᠵᠢ ᠲᠠᠢ ᠶᠠᠪᠣᠬᠤ ᠶᠢ ᠡᠷᠭᠢᠮᠯᠡᠨ ᠰᠤᠷᠭᠠᠳᠠᠭ᠃ ᠬᠤᠶᠠᠷ᠂ ᠡᠷᠡᠭᠦᠯ ᠮᠡᠨᠳᠤ ᠲᠠᠢ ᠬᠤᠯᠪᠣᠭᠳᠠᠭᠰᠠᠨ ᠴᠡᠭᠡᠷ ᠡᠷᠡᠭᠦᠯ ᠴᠢᠭᠢᠷᠠᠭ ᠪᠡᠶ᠎ᠡ ᠮᠠᠬᠠᠪᠣᠳ ᠪᠣᠯ ᠭᠦᠮᠤᠨ ᠳᠦᠷᠦᠯᠭᠢᠳᠡᠨ ᠤ ᠬᠠᠮᠤᠭ ᠦᠨ᠎ᠡ ᠴᠠᠨ᠎ᠠ ᠲᠠᠢ ᠦᠪ ᠭᠦᠷᠦᠩᠭᠡ ᠮᠥᠨ᠃ ᠡᠷᠡᠭᠦᠯ ᠴᠢᠭᠢᠷᠠᠭ ᠪᠡᠶ᠎ᠡ ᠮᠠᠬᠠᠪᠣᠳ ᠲᠠᠢ ᠪᠠᠶᠢᠮᠠᠨᠴᠢᠨ ᠭᠦᠮᠤᠨ ᠰᠠᠶ᠋ᠢ ᠪᠣᠳᠤᠭᠰᠠᠨ ᠰᠠᠨᠠᠭᠰᠠᠨ ᠢᠶᠠᠨ ᠪᠡᠶᠡᠯᠡᠭᠦᠯᠵᠦ ᠠᠤᠭ᠎ᠠ ᠤᠶᠢᠯᠡᠰ ᠢ ᠪᠦᠳᠦᠭᠡᠵᠤ ᠠᠮᠢᠳᠤᠷᠠᠯ ᠤᠨ ᠭᠤᠸ᠎ᠠ ᠰᠠᠶᠢᠬᠠᠨ ᠢ ᠪᠦᠷᠢᠨ ᠡᠳ᠋ᠯᠡᠵᠤ ᠴᠢᠳᠠᠨ᠎ᠠ᠃ ︿︿ᠪᠡᠶ᠎ᠡ ᠪᠠᠶᠢᠪᠠᠯ ᠪᠡᠭᠡᠵᠢᠩ ᠪᠠᠶᠢᠨ᠎ᠠ︶︶ ᠭᠡᠵᠤ ᠮᠠᠨ ᠤ ᠡᠪᠦᠭᠡ ᠳᠡᠭᠡᠳᠤᠰ ᠡᠨᠡ ᠶᠤᠰᠤ ᠶᠢ ᠤᠶᠤᠨ ᠤᠬᠠᠭᠠᠨ  ᠳᠠᠭᠠᠨ ᠰᠠᠪᠢᠨ ᠳᠠᠨᠢᠵᠤ ᠡᠨᠡ ᠳᠤᠬᠠᠢ ᠰᠤᠷᠭᠠᠵᠤ ᠰᠡᠷᠡᠮᠵᠢᠭᠦᠯᠦᠨ ᠢᠷᠡᠭᠰᠡᠨ ᠪᠠᠶᠢᠨ᠎ᠠ᠃ ︵ᠨᠢᠭᠡ︶ ᠡᠪᠡᠳᠴᠢᠨ ᠳᠠᠬᠤᠯ ᠠᠴᠠ ᠰᠡᠷᠭᠡᠶᠢᠯᠡᠭᠦ ᠴᠡᠭᠡᠷ ᠰᠠᠶ᠋ᠢ ᠭᠦᠩᠭᠡᠵᠢᠭᠰᠡᠨ ᠭᠦᠯ ᠲᠠᠢ ᠠᠶᠢᠯ ᠳᠤ ᠬᠤᠷᠢᠮ ᠨᠠᠶᠢᠷ ᠪᠣᠶᠤ ᠭᠡᠶᠢᠴᠢᠨ ᠢᠷᠡᠭᠦ ᠠᠴᠠ ᠰᠦᠷ ᠴᠤᠭᠢᠨ᠎ᠡ ᠭᠡᠵᠤ ᠴᠡᠭᠡᠷᠯᠡᠳᠡᠭ ᠨᠢ ᠤᠯᠠᠨ ᠤ ᠭᠦᠯ ᠳᠠᠭᠠᠵᠤ ᠡᠪᠡᠳᠴᠢᠨ ᠬᠠᠭᠤᠴᠢᠨ ᠬᠠᠯᠳᠠᠪᠤᠷᠢᠯᠠᠨ ᠨᠢᠯᠬ᠎ᠠ ᠭᠡᠤᠭᠡᠳ ᠤᠨ ᠠᠶᠤᠵᠤ ᠰᠤᠴᠢᠬᠤ ᠠᠴᠠ ᠪᠣᠯᠭᠤᠮᠵᠢᠯᠠᠨ ᠭᠢᠴᠢᠶᠡᠭᠰᠡᠨ ᠶᠤᠮ᠃ ︽ᠭᠦᠯ ᠭᠦᠨᠳᠤ ᠭᠦᠮᠤᠨ ᠤᠳᠠᠰᠤ ᠤᠷᠢᠶᠠᠪᠠᠯ ᠭᠡᠤᠭᠡᠳ ᠤᠨ ᠭᠦᠢ ᠤᠷᠢᠶᠠᠯᠳᠤᠨ᠎ᠠ︾᠂ ︽ᠭᠦᠯ ᠭᠦᠨᠳᠤ ᠭᠦᠮᠤᠨ ᠳᠠᠤᠯᠠᠢ ᠶᠢᠨ ᠮᠢᠬ᠎ᠠ ᠡᠳᠡᠪᠡᠯ ᠰᠡᠳᠡᠷᠭᠡᠢ ᠭᠡᠤᠭᠡᠳ ᠳᠦᠷᠦᠨ᠎ᠡ︾ ᠭᠡᠵᠤ ᠴᠡᠭᠡᠷᠯᠡᠳᠡᠭ ᠨᠢ ᠦᠷ᠎ᠡ ᠭᠡᠤᠭᠡᠳ ᠢ ᠡᠷᠡᠭᠦᠯ ᠴᠢᠭᠢᠷᠠᠭ ᠵᠠᠷ ᠳᠦᠷᠦᠭᠦᠯᠵᠤ ᠦᠰᠭᠡᠭᠦ ᠪᠠ ᠭᠦᠩᠭᠡᠵᠢᠭᠦ ᠦᠶ᠎ᠡ  ᠶᠢᠨ ᠪᠡᠷᠭᠡᠳᠡᠭᠦ ᠠᠴᠠ ᠭᠢᠴᠢᠶᠡᠨ ᠰᠡᠷᠡᠮᠵᠢᠭᠦᠯᠦᠭᠰᠡᠨ ᠪᠠᠶᠢᠨ᠎ᠠ᠃ ︽ᠭᠠᠳᠠᠨ᠎ᠠ ᠭᠡᠭᠡᠷ᠎ᠡ ᠤᠨᠳᠠᠪᠠᠯ ᠠᠮᠠ ᠬᠠᠵᠠᠶᠢᠨ᠎ᠠ︾ ᠭᠡᠵᠤ ᠴᠡᠭᠡᠷᠯᠡᠨ ᠭᠠᠵᠠᠷ ᠤᠨ ᠴᠡᠭᠢᠭ ᠠᠴᠠ ᠡᠪᠡᠳᠴᠢᠨ ᠬᠠᠭᠤᠴᠢᠨ ᠤᠯᠬᠤ ᠶᠢ ᠰᠡᠷᠭᠡᠶᠢᠯᠡᠭᠰᠡᠨ ᠪᠠᠶᠢᠨ᠎ᠠ᠃ ︵ᠬᠤᠶᠠᠷ︶ ᠠᠷᠢᠭᠤᠨ ᠴᠡᠪᠡᠷ ᠢ ᠡᠷᠭᠢᠮᠯᠡᠭᠦ ᠴᠡᠭᠡᠷ ᠡᠪᠡᠳᠴᠢᠨ ᠡᠮᠭᠢᠭ ᠤᠨ ᠦᠨᠳᠤᠰᠤ ᠨᠢ ᠠᠷᠢᠭᠤᠨ ᠴᠡᠪᠡᠷ ᠪᠤᠰᠤ ᠠᠴᠠ ᠢᠷᠡᠨ᠎ᠡ᠃ ᠡᠷᠡᠭᠦᠯ ᠴᠢᠭᠢᠷᠠᠭ ᠪᠠᠶ᠎ᠠ ᠮᠠᠬᠠᠪᠣᠳ ᠲᠠᠢ ᠪᠣᠯᠤᠶ᠎ᠠ ᠭᠡᠪᠡᠯ ᠠᠷᠢᠭᠤᠨ ᠴᠡᠪᠡᠷ ᠢ ᠡᠷᠭᠢᠮᠯᠡᠭᠦ ᠪᠣᠯ ᠰᠢᠨᠵᠢᠯᠡᠭᠦ ᠤᠬᠠᠭᠠᠨ ᠤ ᠤᠨᠤᠯ ᠮᠥᠨ᠃ ︽ᠬᠤᠷᠤᠭᠤ ᠭᠢᠮᠤᠰᠤ ᠪᠠᠨ ᠠᠮᠠᠨ ᠳᠠᠭᠠᠨ ᠭᠢᠪᠡᠯ ᠭᠠᠯᠵᠢᠭᠤ ᠡᠷᠭᠢᠭᠦᠦ ᠪᠤᠯᠤᠨ᠎ᠠ︾᠂ ︽ᠦᠰᠦ᠋ ᠰᠠᠭᠠᠬᠤ ᠳᠠᠭᠠᠨ ᠭᠠᠷ  ᠢᠶᠠᠨ ᠤᠭᠢᠶᠠᠯ ᠦᠭᠡᠢ ᠦᠯᠦᠨ ᠭᠭᠢᠷ ᠲᠠᠢ ᠰᠠᠭᠠᠪᠠᠯ ᠦᠨᠢᠶᠡᠨ ᠳᠡᠯᠡᠩ ᠬᠠᠪᠤᠳᠤᠨ᠎ᠠ︾ ︽ᠭᠡᠷ ᠲᠤ ᠨᠢᠰᠤ ᠰᠢᠯᠦᠰᠤ  ᠪᠠᠨ ᠬᠠᠶᠠᠬᠤ ᠶᠢ ᠴᠡᠭᠡᠷᠯᠡᠨ᠎ᠡ︾ ︽ᠮᠠᠯ ᠤᠨ ᠬᠠᠰᠢᠶ᠎ᠠ ᠰᠠᠷᠠᠪᠴᠢ ᠤᠶᠠᠭ᠎ᠠ ᠵᠡᠯᠡᠨ ᠳᠡᠭᠡᠷ᠎ᠡ ᠪᠠᠭᠠᠵᠤ ᠰᠢᠭᠡᠪᠡᠯ ᠳᠦᠯ ᠳᠠᠭᠠᠬᠤ ᠦᠭᠡᠢ ᠪᠣᠯᠤᠨ᠎ᠠ᠂ ᠮᠠᠯ ᠤᠨ ᠭᠢᠰᠢᠭ ᠵᠠᠶᠢᠯᠠᠨ᠎ᠠ︾ ᠭᠡᠵᠤ ᠴᠡᠭᠡᠷᠯᠡᠨ᠎ᠡ᠃ ᠡᠨᠡ ᠨᠢ ᠠᠷᠢᠭᠤᠨ ᠴᠡᠪᠡᠷ ᠢ ᠡᠷᠭᠢᠮᠯᠡᠨ ᠡᠪᠡᠳᠴᠢᠨ ᠪᠠᠺᠠᠲ᠋ᠤᠷ ᠤᠨ ᠦᠷᠡᠵᠢᠯ ᠠᠴᠠ ᠰᠡᠷᠭᠡᠶᠢᠯᠡᠭᠦ ᠵᠤᠷᠢᠯᠭ᠎ᠠ ᠲᠠᠢ ᠶᠤᠮ᠃ ︽ᠪᠠᠭᠤᠷᠢ ᠳᠡᠭᠡᠷ᠎ᠡ ᠳᠠᠰᠤᠷᠬᠠᠢ ᠰᠠᠪᠯᠠᠷᠬᠠᠢ ᠬᠤᠭ ᠨᠤᠪᠰᠢ ᠪᠠᠨ ᠴᠡᠪᠡᠷᠯᠡᠭᠦ ᠦᠭᠡᠢ ᠪᠣᠯ ᠮᠠᠭᠤ ᠳᠤᠭᠠᠳᠠᠨ ᠱᠦᠭᠯᠡᠨ᠎ᠡ︾᠂ ︽ᠱᠠᠮ ᠰᠢᠭᠦᠷ᠂ ᠶᠤᠭᠳᠤ ᠪᠠᠨ ᠪᠠᠭᠤᠷᠢ ᠳᠡᠭᠡᠷ᠎ᠡ ᠪᠠᠨ ᠬᠠᠶᠠᠪᠠᠯ ᠴᠢᠳᠭᠦᠷ ᠢᠳᠡᠯᠡᠨ᠎ᠡ︾ ᠭᠡᠵᠤ ᠴᠡᠭᠡᠷᠯᠡᠳᠡᠭ ᠨᠢ ᠮᠠᠨ ᠤ ᠮᠤᠩᠭᠤᠯᠴᠤᠳ ᠪᠠᠭᠤᠭᠰᠠᠨ ᠰᠠᠭᠤᠷᠢᠰᠢᠯ ᠭᠠᠵ᠊ ‍ᠠᠷ ᠲᠡᠭᠡᠨ ᠠᠯᠠᠭᠠᠨ ᠴᠢᠨᠡᠭᠡᠨ ᠦ ᠰᠡᠪ ᠦᠯᠡᠳᠡᠭᠡᠯ ᠦᠭᠡᠢ ᠴᠡᠪᠡᠷ ᠴᠡᠮᠭᠡᠷ ᠶᠠᠪᠣᠳᠠᠭ ᠰᠠᠶᠢᠬᠠᠨ ᠠᠷᠠᠨᠰᠢᠨ ᠤ ᠪᠣᠳᠠᠳᠤ ᠢᠯᠡᠷᠡᠯ ᠮᠥᠨ᠃ ︽ᠨᠢᠯᠬ᠎ᠠ ᠭᠡᠤᠭᠡᠳ ᠤᠨ ᠪᠠᠭᠠᠰᠤ ᠶᠢ ᠮᠤᠳᠤ ᠳᠦᠯᠡᠰᠢᠨ ᠳᠤ ᠤᠶᠢᠷᠠᠳᠤᠭᠤᠯᠵᠤ ᠭᠠᠯ ᠳᠤ ᠤᠷᠤᠪᠠᠯ ᠭᠠᠯ ᠪᠣᠷᠬᠠᠨ ᠠᠭᠤᠷᠯᠠᠨ᠎ᠠ︾᠂ ︽ᠮᠠᠯ ᠤᠨ ᠶᠠᠰᠤ᠂ ᠠᠷᠠᠰᠤ ᠨᠤᠤᠰᠤ ᠳᠦᠯᠡᠭᠦ ᠶᠢ ᠴᠡᠭᠡᠷᠯᠡᠨ᠎ᠡ ᠠᠮᠢᠳᠤ ᠭᠦᠮᠤᠨ ᠤ ᠬᠤᠪᠴᠠᠰᠣ ᠬᠤᠨᠠᠷ ᠢ ᠳᠦᠯᠡᠭᠦ ᠢ ᠴᠡᠭᠡᠷᠯᠡᠨ᠎ᠡ᠂ ᠰᠤᠩᠭᠢᠨ᠎ᠠ ᠰᠠᠷᠢᠮᠰᠤᠭ ᠤᠨ ᠬᠠᠯᠢᠰᠤ ᠶᠢ ᠰᠢᠳᠠᠭᠠᠪᠠᠯ ᠢᠮᠠᠭᠠᠨ ᠰᠦ ᠰᠢᠷᠭᠡᠨ᠎ᠡ︾ ᠭᠡᠵᠤ ᠴᠡᠭᠡᠷᠯᠡᠳᠡᠭ ᠨᠢ ᠠᠭᠠᠷ᠂ ᠠᠭᠤᠷ ᠠᠮᠢᠰᠬᠤᠯ ᠤᠨ ᠪᠣᠭᠢᠷᠳᠠᠯ ᠠᠴᠠ ᠡᠪᠡᠳᠴᠢᠨ ᠳᠠᠬᠤᠯ ᠤᠯᠬᠤ ᠶᠢ ᠰᠡᠷᠭᠡᠶᠢᠯᠡᠨ ᠵᠠᠶᠢᠯᠠᠰᠭᠢᠭᠰᠠᠨ ᠶᠠᠪᠣᠳᠠᠯ ᠪᠣᠯᠤᠨ᠎ᠠ᠃ ᠭᠤᠷᠪᠠ᠂ ᠡᠭᠡ ᠪᠠᠶᠢᠭᠠᠯᠢ᠂ ᠠᠮᠢᠳᠠᠨ ᠤᠷᠭᠤᠮᠠᠯ ᠲᠠᠢ ᠬᠤᠯᠪᠤᠭᠳᠠᠭᠰᠠᠨ ᠴᠡᠭᠡᠷ ᠡᠭᠡ ᠪᠠᠶᠢᠭᠠᠯᠢ ᠶᠢᠨ ᠠᠮᠢ ᠠᠬᠤᠢ ᠪᠣᠯ ᠬᠦᠮᠦᠨ ᠲᠦᠷᠦᠯᠬᠢᠳᠡᠨ ᠤ ᠣᠷᠣᠰᠢᠨ ᠲᠣᠭᠳᠠᠨᠢᠬᠤ ᠶᠢᠨ ᠡᠭᠡ ᠰᠣᠷᠪᠣᠯᠵᠢ ᠮᠥᠨ᠃ ᠡᠨᠡ ᠨᠢ ᠣᠳᠣ ᠦᠶ᠎ᠡ ᠶᠢᠨ ᠪᠦᠬᠦ ᠪᠦᠮᠪᠦᠷᠴᠡᠭ ᠤᠨ ᠠᠩᠬᠠᠷᠠᠬᠤ ᠭᠤᠣᠯ ᠰᠡᠳᠦᠪ ᠪᠣᠯᠵᠣ ᠪᠠᠶᠢᠭ᠎ᠠ ᠶᠤᠮ᠃ ᠬᠡᠳᠡᠯ᠎ᠡ ᠮᠠᠨ ᠤ ᠡᠪᠦᠭᠡ ᠲᠡᠬᠡᠳᠦᠰ ᠡᠭᠡ ᠪᠡᠶᠢᠭᠠᠯᠢ᠂ ᠠᠷᠢᠶᠠᠳᠠᠨ ᠠᠮᠢᠳᠠᠨ᠂ ᠡᠪᠡᠰᠦ ᠣᠷᠭᠤᠮᠠᠯ᠂ ᠬᠡᠷ ᠣᠷᠣᠨ  ᠢᠶᠠᠨ ᠬᠠᠶᠢᠷᠠᠯᠠᠨ ᠬᠠᠮᠠᠭᠠᠯᠠᠬᠤ ᠲᠦᠷᠦᠯᠬᠢ ᠶᠢᠨ ᠲᠡᠬᠡᠳᠦ ᠣᠬᠠᠮᠰᠠᠷ ᠲᠠᠢ ᠪᠠᠶᠢᠳᠠᠭ ᠶᠤᠮ᠃ ︵ᠨᠢᠬᠡ︶ ᠡᠪᠡᠰᠦ ᠣᠷᠭᠤᠮᠠᠯ᠂ ᠭᠠᠵᠠᠷ ᠣᠰᠣᠨ ᠤ ᠴᠡᠬᠡᠷ ︽ᠣᠷᠭᠤᠭ᠎ᠠ ᠴᠡᠴᠡᠭ᠂ ᠣᠷᠭᠤᠮᠠᠯ ᠤᠨ ᠦᠨᠳᠣᠰᠣ ᠶᠢ ᠲᠠᠰᠣᠯᠪᠠᠯ ᠨᠠᠰᠣ ᠣᠬᠤᠷᠳᠣᠨ᠎ᠠ︾ ︽ᠮᠣᠳᠣ ᠰᠢᠷᠣᠢ ᠶᠢ ᠲᠣᠷ᠎ᠡ ᠪᠠᠷ ᠬᠦᠨᠳᠣᠪᠡᠯ ᠭᠠᠷ ᠬᠦᠯ ᠲᠡᠬᠢᠷᠠᠨ᠎ᠠ︾ ︽ᠪᠣᠯᠠᠭ ᠤᠨ ᠨᠢᠳᠦ ᠢ ᠮᠠᠯᠳᠠᠪᠠᠯ ᠨᠢᠳᠣ ᠰᠣᠬᠤᠷᠠᠨ᠎ᠠ︾ ᠭᠡᠵᠤ ᠴᠡᠬᠡᠷᠯᠡᠳᠡᠭ ᠨᠢ ᠡᠭᠡ ᠪᠠᠶᠢᠭᠠᠯᠢ ᠣᠩᠭᠤᠨ ᠲᠠᠷᠬᠠᠨ ᠢ ᠬᠠᠮᠠᠭᠠᠯᠠᠬᠤ ᠰᠠᠨᠠᠭ᠎ᠠ ᠲᠠᠢ ᠶᠤᠮ᠃ ︽ᠬᠠᠪᠣᠷ ᠭᠠᠵᠠᠷ ᠣᠰᠣ ᠬᠡᠰᠬᠦ ᠦᠶ᠎ᠡ ᠳᠤ ᠭᠠᠵᠠᠷ ᠰᠢᠷᠣᠢ ᠶᠢ ᠬᠦᠨᠳᠡᠪᠡᠯ ᠯᠣᠣᠰ ᠰᠢᠪᠳᠠᠭ ᠠᠭᠤᠷᠯᠠᠨ᠎ᠠ︾ ᠭᠡᠵᠤ ᠴᠡᠬᠡᠷᠯᠡᠳᠡᠭ ᠨᠢ ᠬᠠᠪᠣᠷ ᠪᠣᠯ ᠲᠦᠮᠡᠨ ᠪᠣᠳᠠᠰ ᠤᠨ ᠠᠮᠢᠯᠠᠯ ᠤᠨ ᠣᠯᠠᠷᠠᠯ ᠪᠢᠯᠡ᠃ ᠡᠪᠡᠰᠦ ᠣᠷᠭᠤᠮᠠᠯ ᠦᠨᠳᠦᠰᠦᠯᠡᠬᠦ ᠶᠢ ᠬᠠᠷᠰᠢᠯᠠᠬᠤ ᠠᠴᠠ ᠬᠢᠴᠢᠶᠡᠨ ᠵᠠᠬᠢᠭᠰᠠᠨ ᠣᠴᠢᠷ ᠪᠣᠯᠣᠨ᠎ᠠ᠃ ︽ᠰᠦᠨᠢ ᠣᠷᠣᠢ ᠭᠤᠣᠯ ᠭᠤᠷᠤᠬ᠎ᠠ᠂ ᠨᠠᠮᠤᠭ ᠪᠣᠯᠠᠭ ᠠᠴᠠ ᠣᠰᠣ ᠠᠪᠣᠪᠠᠯ ᠡᠪᠡᠳᠴᠢᠨ ᠢᠷᠡᠨ᠎ᠡ︾ ᠭᠡᠵᠤ ᠴᠡᠬᠡᠷᠯᠡᠳᠡᠭ ᠨᠢ ᠬᠠᠷᠠᠩᠭᠤᠢ ᠪᠦᠷᠦᠢ ᠭᠤᠣᠯ ᠤᠨ ᠣᠰᠣᠨ ᠳᠤ ᠣᠨᠠᠬᠤ ᠪᠣᠶᠣ ᠠᠷᠢᠶᠠᠳᠠᠨ ᠠᠮᠢᠳᠠᠨ ᠤ ᠠᠶᠣᠯ ᠬᠡᠨᠡᠳᠡᠯ ᠠᠴᠠ ᠰᠡᠷᠬᠡᠶᠢᠯᠡᠬᠦ ᠵᠣᠷᠢᠯᠭ᠎ᠠ ᠲᠠᠢ ᠶᠤᠮ᠃ ︽ᠭᠠᠵᠠᠷ ᠭᠤᠶᠠᠳᠠᠬᠤ  ᠶᠢ ᠴᠡᠬᠡᠷᠯᠡᠨ᠎ᠡ᠂ ᠮᠠᠯ ᠪᠠᠷᠠᠭᠳᠠᠬᠤ ᠪᠣᠶᠣ ᠡᠷᠬᠢᠬᠦᠦ ᠡᠪᠡᠳᠴᠢᠨ ᠢᠷᠡᠨ᠎ᠡ︾ ︽ᠲᠣᠭᠰᠢᠨ ᠭᠠᠵᠠᠷ ᠮᠠᠯᠳᠠᠬᠤ᠂ ᠮᠣᠳᠣ ᠣᠷᠭᠤᠮᠠᠯ ᠢ ᠣᠭᠳᠣᠯᠠᠬᠤ᠂ ᠣᠰᠣ ᠪᠣᠯᠠᠭ ᠢ ᠭᠦᠨᠳᠡᠭᠦ︾ ᠶᠢ ᠴᠡᠬᠡᠷᠯᠡᠨ᠎ᠡ᠃ ᠡᠨᠡ ᠨᠢ ᠮᠠᠨ ᠤ ᠮᠤᠩᠭᠤᠯᠴᠤᠳ ᠳᠤᠷᠭᠠᠨ ᠦᠭᠡᠳᠡᠰᠤ ᠠᠴᠠ ᠭᠠᠵᠠᠷ ᠤᠨ ᠦᠭᠡᠳᠡᠰᠤ ᠭᠡᠵᠤ ᠭᠠᠵᠠᠷ ᠨᠤᠳᠤᠭ ᠢᠶᠠᠨ ᠠᠮᠢᠨ ᠭᠤᠤᠯ ᠲᠠᠢ ᠪᠠᠨ ᠬᠤᠯᠪᠣᠨ ᠪᠣᠳᠤᠵᠤ᠂ ᠤᠤᠭᠤᠭᠰᠠᠨ ᠤᠰᠤ ᠷᠠᠰᠢᠶᠠᠨ᠂ ᠤᠨᠠᠭᠰᠠᠨ ᠰᠢᠷᠤᠢ ᠠᠯᠳᠠ ᠭᠡᠵᠤ ᠡᠷᠭᠢᠮᠯᠡᠨ ᠬᠠᠶᠢᠷᠠᠯᠠᠵᠤ ᠰᠢᠳᠤᠭᠦ ᠵᠠᠩᠰᠢᠯ ᠲᠠᠢ᠃ ︵ᠬᠤᠶᠠᠷ︶ ᠠᠷᠢᠶᠠᠳᠠᠨ ᠠᠮᠢᠳᠠᠨ ᠤ ᠴᠡᠭᠡᠷ ︽ᠪᠣᠭᠱᠤᠷᠭ᠎ᠠ ᠰᠢᠪᠠᠭᠤᠨ ᠤ ᠦᠨᠳᠡᠭᠡ ᠳᠡᠭᠡᠷ᠎ᠡ ᠪᠡᠶ᠎ᠡ ᠶᠢᠨ ᠰᠡᠭᠦᠳᠡᠷ ᠢᠶᠠᠨ ᠭᠦᠷᠭᠡᠳᠡᠭ ᠦᠭᠡᠢ ᠡᠭᠡ ᠨᠢ ᠭᠤᠯᠤᠴᠢᠬᠠᠳᠠᠭ᠃ ᠰᠢᠪᠠᠭᠤᠨ ᠤ ᠡᠭᠦᠷ ᠢ ᠡᠪᠳᠡᠳᠡᠭ ᠦᠭᠡᠢ᠂ ᠡᠪᠳᠡᠪᠡᠯ ᠬᠤᠵᠢᠮ ᠭᠡᠷ ᠦᠭᠡᠢ ᠪᠣᠯᠤᠨ᠎ᠠ︾᠂ ︽ᠭᠦᠷᠪᠡᠯ ᠢ ᠭᠤᠤᠴᠢᠯᠠᠳᠠᠭ ᠦᠭᠡᠢ᠂ ᠭᠦᠷᠪᠡᠯ ᠭᠠᠷ ᠭᠦᠯ ᠳᠤ ᠨᠠᠭᠠᠯᠳᠤᠪᠠᠯ ᠠᠯᠳᠠᠨ ᠬᠠᠶᠢᠴᠢ ᠪᠠᠷ ᠬᠠᠶᠢᠴᠢᠯᠠᠬᠤ  ᠠᠴᠠ ᠪᠢᠰᠢ ᠰᠠᠯᠳᠠᠭ ᠦᠭᠡᠢ︾᠂ ︽ᠳᠤᠭᠤᠷᠤᠤ ᠶᠢᠨ ᠳᠡᠭᠳᠡᠮᠡᠯ ᠢ ᠭᠤᠤᠴᠢᠯᠠᠵᠤ ᠦᠷᠭᠦᠭᠡᠳᠡᠭ ᠦᠭᠡᠢ᠂ ᠳᠤᠭᠤᠷᠤᠤ ᠢᠷᠡᠵᠤ ᠳᠠᠯᠠᠪᠴᠢ ᠪᠠᠷ ᠢᠶᠠᠨ ᠳᠠᠰᠢᠳᠠᠭ︾᠂ ︽ᠦᠨᠡᠭᠡᠨ ᠨᠦᠭᠡ ᠶᠢ ᠮᠠᠯᠳᠠᠳᠠᠭ ᠦᠭᠡᠢ᠂ ᠦᠷ᠎ᠡ ᠦᠳᠤᠰᠤ ᠪᠠᠷ ᠢᠶᠠᠨ ᠳᠠᠰᠤᠷᠠᠨ᠎ᠠ︾ ︽ᠪᠣᠭᠤ ᠠᠯᠠᠳᠠᠭ ᠦᠭᠡᠢ᠂ ᠪᠣᠶᠠᠨ ᠵᠠᠶᠢᠯᠠᠨ᠎ᠠ᠃ ᠮᠤᠭᠠᠢ ᠠᠯᠠᠪᠠᠯ ᠦᠷ᠎ᠡ ᠦᠨᠳᠤᠰᠤ ᠦᠭᠡᠢ ᠪᠣᠯᠤᠨ᠎ᠠ︾ ᠭᠡᠵᠤ ᠴᠡᠭᠡᠷᠯᠡᠳᠡᠭ ᠨᠢ ᠡᠭᠡ ᠪᠠᠶᠢᠭᠠᠯᠢ ᠶᠢᠨ ᠠᠮᠢᠳᠠᠨ ᠭᠤᠤᠯᠳᠠᠨ ᠪᠦᠭᠦᠨ ᠢ ᠡᠰᠡᠨ ᠮᠡᠨᠳᠤ ᠪᠠᠶᠢᠯᠭᠠᠬᠤ ᠶᠢᠨ ᠤᠴᠢᠷ ᠮᠠᠨ ᠤ ᠡᠪᠦᠭᠡ ᠳᠡᠭᠡᠳᠤᠰ ᠰᠡᠴᠡᠨ ᠴᠡᠯᠮᠡᠭ ᠤᠶᠤᠨ ᠤᠬᠠᠭᠠᠨ ᠢᠶᠠᠷ ᠢᠶᠠᠨ ᠡᠷᠭᠢᠭᠦᠯᠵᠤ ᠳᠤᠭᠤᠷᠢᠭᠤᠯᠤᠨ ᠦᠷ᠎ᠡ ᠭᠡᠤᠭᠡᠳ ᠢᠶᠠᠨ ᠰᠤᠷᠭᠠᠨ ᠡᠯᠪᠡᠷᠡᠯ ᠵᠢᠷᠤᠮ ᠲᠠᠢ ᠶᠠᠪᠣᠬᠤ ᠶᠢ ᠭᠦᠮᠤᠵᠢᠭᠦᠯᠳᠡᠭ ᠬᠠᠮᠤᠭ ᠪᠦᠳᠤᠮᠵᠢᠳᠠᠢ ᠤᠷᠠᠨ ᠠᠷᠭ᠎ᠠ ᠨᠢ ᠪᠣᠯᠤᠨ᠎ᠠ᠃ ︽ᠮᠤᠷᠢ ᠤᠨᠤᠭ᠎ᠠ ᠪᠠᠨ ᠨᠤᠭᠳᠤ ᠴᠤᠯᠪᠣᠭᠤᠷ ᠢᠶᠠᠷ ᠴᠤᠭᠢᠬᠤ  ᠶᠢ ᠮᠠᠯ ᠤᠨ ᠪᠣᠶᠠᠨ ᠭᠡᠰᠢᠭ ᠵᠠᠶᠢᠯᠠᠨ᠎ᠠ᠃ ᠰᠠᠭᠠᠭᠰᠠᠨ ᠦᠨᠢᠶ᠎ᠡ ᠪᠠᠨ ᠬᠠᠷᠢᠶᠠᠵᠤ ᠵᠤᠳᠤᠬᠤ ᠪᠠ ᠰᠠᠭᠠᠯᠢ ᠶᠢᠨ ᠮᠠᠯ  ᠢᠶᠠᠨ ᠭᠠᠳᠠᠭᠰᠢ ᠬᠤᠳᠠᠯᠳᠤᠬᠤ᠂ ᠠᠯᠠᠵᠤ ᠢᠳᠡᠭᠦ︾ ᠶᠢ ᠴᠡᠭᠡᠷᠯᠡᠳᠡᠭ ᠨᠢ᠂ ᠮᠤᠩᠭᠤᠯ ᠭᠦᠮᠤᠨ ᠮᠠᠯ ᠤᠨᠤᠭ᠎ᠠ ᠪᠠᠨ ᠦᠪᠡᠷ ᠤᠨ ᠪᠡᠶ᠎ᠡ ᠰᠢᠭ ᠳᠤᠳᠤᠮᠳᠠᠨ ᠠᠷᠠᠴᠢᠯᠠᠵᠤ ᠬᠠᠶᠢᠷᠠᠯᠠᠳᠠᠭ ᠳᠤᠯᠠ ᠤᠨᠤᠭᠰᠠᠠ ᠮᠤᠷᠢᠨ ᠤ ᠡᠮᠡᠭᠡᠯ ᠢ ᠭᠦᠷᠳᠡᠯ᠎ᠡ ᠭᠠᠵᠠᠷ ᠳᠠᠯᠪᠢᠳᠠᠭ ᠦᠭᠡᠢ ᠶᠤᠰᠤ ᠵᠢᠷᠤᠮ ᠲᠠᠢ ᠪᠠᠶᠢᠳᠠᠭ᠃ ᠮᠠᠯ ᠠᠬᠤᠢ ᠪᠠᠨ ᠦᠨᠢᠷ ᠦᠰᠭᠡᠨ ᠬᠠᠶᠢᠷᠠᠯᠠᠵᠤ ᠬᠠᠮᠠᠭᠠᠯᠠᠬᠤ ᠰᠠᠶᠢᠬᠠᠨ ᠠᠷᠠᠨᠰᠢᠨ ᠲᠠᠢ ᠪᠣᠯᠭᠠᠬᠤ ᠶᠢᠨ ᠳᠦᠯᠦᠭᠡ ᠶᠤᠮ᠃ ᠮᠤᠩᠭᠤᠯᠴᠤᠳ ᠡᠷᠳᠡ ᠦᠶ᠎ᠡ ᠠᠴᠠ ᠠᠩ ᠠᠩᠨᠠᠨ ᠮᠠᠯ ᠠᠬᠤᠢ ᠪᠠᠨ ᠳᠡᠵᠢᠭᠡᠵᠤ ᠢᠷᠡᠭᠰᠡᠨ ᠳᠡᠤᠭᠡ ᠲᠠᠢ᠃ ᠭᠡᠭᠦ ᠳᠤ ᠪᠠᠨ ᠬᠠᠷᠭᠤᠭᠰᠠᠨ ᠤᠴᠠᠷᠠᠭᠰᠠᠨ ᠳᠡᠷᠡ ᠪᠦᠭᠦᠨ ᠢ ᠬᠠᠮᠢᠭ᠎ᠠ ᠨᠠᠮᠢᠶ᠎ᠠ ᠦᠭᠡᠢ ᠠᠯᠠᠵᠤ ᠭᠢᠲᠦᠲᠡᠭ ᠪᠢᠰᠢ᠃ ᠤᠯᠤᠭᠰᠠᠨ ᠤᠯᠵᠠ ᠪᠠᠨ ᠤᠯᠠᠨ ᠢᠶᠠᠷ ᠢᠶᠠᠨ ᠬᠤᠪᠢᠶᠠᠳᠠᠭ᠂ ᠭᠠᠭᠴᠠᠭᠠᠷ ᠢᠶᠠᠨ ᠬᠠᠷᠠᠮᠨᠠᠨ ᠢᠳᠡᠭᠦ ᠶᠢ ᠴᠡᠭᠡᠷᠯᠡᠨ ᠳᠡᠭᠷᠢ ᠶᠢᠨ ᠭᠢᠰᠢᠭ ᠭᠡᠮᠡᠨ ᠠᠶᠢᠯ ᠭᠦᠷᠢᠶ᠎ᠡ ᠪᠠᠷ  ᠢᠶᠠᠨ ᠬᠤᠪᠢᠶᠠᠯᠴᠠᠨ ᠢᠳᠡᠭᠦ ᠵᠠᠩᠰᠢᠯ ᠲᠠᠢ ᠶᠤᠮ᠃ ᠨᠢᠯᠬ᠎ᠠ ᠵᠤᠯᠵᠠᠭᠠᠨ ᠠᠮᠢᠳᠠᠨ ᠢ ᠠᠩᠨᠠᠵᠤ ᠠᠯᠠᠬᠤ᠂ ᠠᠩ ᠠᠮᠢᠳᠠᠨ ᠢ ᠳᠡᠷᠴᠢᠯᠭᠠᠨ ᠠᠯᠠᠬᠤ ᠶᠢ ᠴᠡᠭᠡᠷᠯᠡᠨ ᠵᠦᠷᠢᠴᠡᠪᠡᠰᠤ ᠨᠢᠭᠦᠯ ᠪᠣᠯᠵᠤ ᠳᠤᠯᠤᠭᠠᠨ ᠬᠠᠷ᠎ᠠ ᠳᠠᠮᠤ ᠶᠢᠨ ᠢᠷᠤᠭᠠᠷ ᠲᠤ ᠤᠨᠠᠨ᠎ᠠ᠃ ᠡᠮ᠎ᠡ ᠭᠦᠷᠤᠭᠡᠰᠤ ᠶᠢ ᠠᠯᠠᠵᠤ ᠠᠩᠨᠠᠬᠤ ᠶᠢ ᠴᠡᠭᠡᠷᠯᠡᠨ᠎ᠡ᠃ ᠡᠨᠡ ᠨᠢ ᠠᠷᠢᠶᠠᠳᠠᠨ ᠠᠮᠢᠳᠠᠨ  ᠤ ᠦᠷ᠎ᠡ ᠦᠨᠳᠤᠰᠤ ᠬᠤᠮᠰᠠᠳᠠᠵᠤ ᠴᠦᠭᠡᠷᠡᠭᠦ ᠠᠴᠠ ᠭᠢᠴᠢᠶᠡᠭᠰᠡᠨ ᠤᠴᠢᠷ ᠪᠤᠯᠤᠨ᠎ᠠ᠃ ᠳᠡᠭᠡᠳᠤ ᠮᠤᠩᠭᠤᠯᠴᠤᠳ ᠠᠵᠤ ᠠᠮᠢᠳᠤᠷᠠᠯ ᠤᠨ ᠵᠠᠩ ᠳᠠᠳᠬᠠᠯ ᠶᠤᠰᠤ ᠵᠢᠷᠤᠮ ᠳᠤ ᠪᠡᠯᠭᠡ ᠴᠡᠭᠡᠷ᠎ᠡ ᠤᠨ ᠶᠤᠰᠤᠨ ᠢ ᠶᠡᠭᠡᠳᠡ ᠴᠢᠬᠤᠯᠴᠢᠯᠠᠨ ᠦᠶ᠎ᠡ ᠳᠠᠷᠠᠭᠠᠯᠠᠨ ᠤᠯᠠᠮᠵᠢᠯᠠᠵᠤ᠂ ᠦᠷ᠎ᠡ ᠬᠤᠶᠢᠴᠢᠰ ᠢᠶᠠᠨ ᠭᠦᠮᠦᠵᠢᠭᠦᠯᠦᠨ ᠰᠤᠷᠭᠠᠬᠤ ᠳᠤᠰᠬᠠᠢ ᠤᠷ᠎ᠠ ᠮᠡᠷᠭᠡᠰᠢᠯ  ᠢᠶᠠᠨ ᠪᠣᠯᠭᠠᠵᠤ᠂ ᠤᠯᠠᠨ ᠵᠤᠶᠢᠯ ᠤᠨ ᠪᠣᠯᠪᠠᠰᠤᠨ ᠰᠤᠶᠤᠯ ᠤᠨ ᠡᠭᠦᠳᠡ ᠨᠡᠭᠡᠭᠡᠵᠡᠢ᠃ ᠳᠤᠬᠠᠶᠢᠯᠠᠪᠠᠯ ᠠᠬᠠᠮᠠᠳ ᠨᠠᠰᠤᠳᠠᠨ ᠢᠶᠠᠨ ᠭᠡᠷᠭᠢᠨ ᠭᠦᠨᠳᠤᠯᠡᠨ ᠭᠡᠤᠭᠡᠳ ᠳᠡᠭᠦᠤᠨᠡᠷ ᠢᠶᠠᠨ ᠬᠠᠶᠢᠷᠠᠯᠠᠬᠤ᠂ ᠨᠠᠶᠢᠵᠢ ᠨᠦᠭᠦᠳ᠂ ᠬᠤᠳᠠ ᠭᠦᠷᠢᠶ᠎ᠡ ᠶᠢᠨ ᠬᠤᠭᠤᠷᠤᠨᠳᠤ ᠪᠠᠨ ᠶᠠᠪᠣᠯᠴᠠᠬᠤ ᠭᠦᠷᠳᠡᠯ᠎ᠡ ᠡᠪ ᠨᠠᠶᠢᠷ᠂ ᠡᠯᠪᠡᠷᠡᠯ ᠵᠢᠷᠤᠮ ᠢ ᠴᠢᠬᠤᠯᠴᠢᠯᠠᠨ ᠰᠠᠶᠢᠨ ᠰᠠᠶᠢᠬᠠᠨ ᠬᠡᠪ ᠰᠤᠷᠳᠠᠯ ᠢ ᠪᠣᠢ ᠪᠣᠯᠭᠠᠵᠤ᠂ ᠠᠷᠢᠭᠤᠨ ᠭᠡᠭᠡᠨ ᠪᠤᠯᠪᠠᠰᠤᠨ ᠳᠡᠭᠡᠳᠤ ᠶᠢ ᠡᠷᠭᠢᠮᠯᠡᠨ᠂ ᠡᠪᠡᠳᠴᠢᠨ ᠬᠠᠭᠤᠴᠢᠨ ᠢ ᠭᠢᠴᠢᠶᠡᠨ ᠰᠡᠷᠭᠡᠶᠢᠯᠡᠵᠤ ᠠᠶᠤᠯ ᠭᠡᠮᠳᠤᠯ ᠠᠴᠠ ᠵᠠᠶᠢᠯᠠᠰᠭᠢᠨ ᠮᠠᠯ ᠰᠦᠷᠦᠭ ᠲᠡᠭᠡᠨ ᠭᠢᠵᠠᠭᠠᠯᠠᠰᠢ ᠦᠭᠡᠢ ᠬᠠᠶᠢᠷᠠᠳᠠᠢ ᠪᠠᠶᠢᠵᠤ ᠦᠨᠢᠷ ᠪᠠᠶᠠᠨ ᠦᠰᠭᠡᠨ ᠠᠷᠠᠴᠢᠯᠠᠵᠤ᠂ ᠡᠷᠭᠢᠮᠯᠡᠨ ᠨᠠᠨᠳᠢᠩᠨᠡᠵᠤ ᠭᠠᠢ ᠭᠠᠮᠰᠢᠭ ᠢ ᠰᠡᠷᠭᠡᠶᠢᠯᠡᠨ ᠵᠠᠶᠢᠯᠠᠭᠤᠯᠵᠤ ᠦᠪ ᠭᠦᠷᠦᠩᠭᠡ ᠪᠠᠨ ᠨᠠᠨᠳᠢᠩᠨᠡᠨ ᠰᠠᠶᠢᠨ ᠰᠠᠶᠢᠬᠠᠨ ᠢ ᠡᠭᠦᠰᠭᠡᠵᠤ ᠪᠡᠯᠭᠡᠳᠡᠨ᠂ ᠮᠠᠭᠤ ᠮᠠᠭᠤᠬᠠᠢ ᠶᠢ ᠳᠡᠪᠴᠢᠨ ᠴᠡᠭᠡᠷᠯᠡᠳᠡᠭ ᠪᠠᠶᠢᠵᠠᠢ᠃ ᠡᠨᠡ ᠨᠢ ᠤᠷᠳᠤ ᠤᠳᠠᠭᠠᠨ ᠳᠡᠤᠭᠡ ᠶᠢ ᠦᠩᠭᠡᠷᠡᠭᠡᠨ ᠳᠦᠯᠦᠪᠵᠢᠨ ᠳᠤᠭᠳᠠᠨᠢᠵᠤ ᠨᠢᠭᠡᠨ ᠳᠤᠰᠬᠠᠢ ᠰᠡᠳᠤᠪᠳᠤ ᠰᠤᠶᠤᠯ — ᠴᠡᠭᠡᠷ ᠤᠨ ᠶᠤᠰᠤ ᠶᠢ ᠪᠣᠢ ᠪᠣᠯᠭᠠᠵᠤ ᠭᠦᠭᠵᠢᠭᠡᠳ ᠨᠡᠶᠢᠭᠡᠮ ᠤᠨ ᠵᠠᠩ ᠰᠤᠷᠳᠠᠬᠤᠨ᠂ ᠭᠤᠸ᠎ᠠ ᠰᠠᠶᠢᠬᠠᠨ ᠤ ᠭᠦᠮᠦᠵᠢᠯ ᠢ ᠨᠦᠯᠦᠭᠡᠯᠡᠨ ᠪᠣᠳᠠᠳᠤ ᠠᠮᠢᠳᠤᠷᠠᠯ ᠤᠶᠢᠯᠡᠳᠤᠯᠭᠡ ᠶᠢᠨ ᠭᠡᠷᠡᠴᠢ ᠪᠣᠯᠪᠠᠰᠤᠨ᠂ ᠰᠤᠶᠤᠯ ᠤᠨ ᠠᠤᠭ᠎ᠠ ᠪᠦᠳᠦᠭᠡᠭᠳᠡᠭᠦᠨ ᠪᠣᠯᠤᠭᠰᠠᠨ ᠪᠠᠶᠢᠨ᠎ᠠ᠃ ᠡᠪᠦᠭᠡ ᠳᠡᠭᠡᠳᠤᠰ ᠠᠴᠠ ᠤᠯᠠᠮᠵᠢᠯᠠᠨ ᠵᠠᠯᠭᠠᠮᠵᠢᠯᠠᠵᠤ ᠢᠷᠡᠭᠰᠡᠨ ᠦᠪ ᠰᠤᠶᠤᠯ ᠢᠶᠠᠨ ᠦᠪᠯᠡᠨ ᠬᠠᠳᠠᠭᠠᠯᠠᠵᠤ ᠶᠠᠪᠣᠬᠤ ᠨᠢ ᠮᠠᠨ ᠤ ᠡᠨᠡ ᠡᠷᠡᠨ ᠤ ᠮᠤᠩᠭᠤᠯᠴᠤᠳ ᠤᠨ ᠮᠦᠷᠦᠨ ᠳᠡᠭᠡᠷ᠎ᠡ ᠳᠠᠯᠪᠢᠭᠳᠠᠵᠤ ᠪᠠᠶᠢᠭ᠎ᠠ ᠭᠦᠨᠳᠤ ᠴᠢᠬᠤᠯᠠ ᠡᠭᠦᠷᠭᠡ ᠬᠠᠷᠢᠭᠤᠴᠠᠯᠭ᠎ᠠ ᠮᠦᠨ᠃ ᠯᠠᠪᠯᠠᠯᠳᠠ ᠭᠢᠭᠰᠡᠨ ᠨᠤᠮ᠄ 1. ᠨᠠᠷᠠᠨᠳᠤᠶᠠᠭ᠎ᠠ ᠶᠢᠨ ︽ᠮᠤᠩᠭᠤᠯ ᠤᠨ ᠤᠯᠠᠮᠵᠢᠯᠠᠯᠳᠤ ᠴᠡᠭᠡᠷ ᠶᠤᠰᠤᠨ︾ ᠭᠡᠭᠦ ᠨᠤᠮ᠃ ᠦᠪᠣᠷ ᠮᠤᠩᠭᠤᠯ ᠤᠨ ᠠᠷᠠᠳ ᠤᠨ ᠭᠡᠪᠯᠡᠯ ᠤᠨ ᠬᠤᠷᠢᠶ᠎ᠠ ᠠᠴᠠ ᠭᠡᠪᠯᠡᠵᠡᠢ᠃ 2. ᠴᠡᠪᠰᠢᠭ ᠪᠠᠭᠰᠢ ᠶᠢᠨ ︽ᠳᠠᠪᠤᠰᠤᠠᠭᠤᠪᠢ ᠬᠤᠰᠢᠭᠤᠨ ᠤ ᠡᠷᠳᠡ ᠡᠳᠤᠭᠡ︾ ᠭᠡᠭᠦ ᠨᠤᠮ᠃ ᠦᠨᠳᠤᠰᠤᠳᠡᠨ ᠤ ᠭᠡᠪᠯᠡᠯ ᠤᠨ ᠬᠤᠷᠢᠶ᠎ᠠ ᠭᠡᠪᠯᠡᠵᠡᠢ᠃ 3. ᠰᠠᠷᠠᠨᠬᠡᠷᠡᠯ ᠪᠠᠭᠰᠢ ᠶᠢᠨ ︽ᠳᠡᠭᠡᠳᠤ ᠮᠤᠩᠭᠤᠯ ᠤᠨ ᠵᠠᠩ ᠠᠭᠠᠯᠢ︾ ᠭᠡᠭᠦ ᠨᠤᠮ᠃ ᠦᠪᠣᠷ ᠮᠤᠩᠭᠤᠯ ᠤᠨ ᠠᠷᠠᠳ ᠤᠨ ᠭᠡᠪᠯᠡᠯ ᠤᠨ ᠬᠤᠷᠢᠶ᠎ᠠ᠃ 4. ᠨᠤᠳᠤᠭ ᠤᠨ ᠨᠠᠰᠤᠳᠠᠶᠢᠴᠤᠳ ᠠᠴᠠ ᠠᠰᠠᠭᠤᠨ ᠰᠤᠷᠪᠣᠯᠵᠢᠯᠠᠭᠰᠠᠨ᠃
  
ᠢᠷᠡᠯᠲᠡ᠄ ᠲᠣᠲᠣᠷᠬᠠᠢ ᠦᠭᠡᠢ
 
 
ᠬᠠᠮᠢᠶ᠎ᠡ ᠪᠦᠬᠦᠢ ᠰᠣᠨᠢᠨ
  
ᠠᠯᠠᠱᠠ ᠶᠢᠨ ᠮᠤᠩᠭᠤᠯ ᠮᠦᠰᠯᠢᠮᠴᠤᠳ ᠤᠨ ᠵᠠᠩ ᠵᠡᠩᠰᠢᠯ ᠪᠡ ᠴᠡᠬᠡᠷᠯᠡᠯ᠁
ᠲᠤᠷᠭᠤᠳ ᠠᠩᠴᠢᠨ ᠤ ᠭᠦᠷᠣᠭᠡᠰᠦ ᠠᠩᠨᠠᠬᠤ ᠣᠷᠡᠨ ᠠᠷᠭ᠎ᠠ᠁
ᠬᠤᠱᠤᠳ ᠮᠥᠩᠬᠡᠨᠠᠷᠠᠨ᠁
ᠴᠢᠳᠠᠯ ᠲᠠᠢ ᠠᠪᠤᠭᠠᠢ ᠭᠠᠷᠮ᠎ᠠ ᠶᠢᠨ ᠲᠤᠮᠤᠭ
ᠲᠡᠬᠡᠳᠦ ᠮᠤᠩᠭᠤᠯᠴᠤᠳ ᠤᠨ ᠮᠠᠯ ᠠᠵᠤ ᠠᠬᠤᠢ ᠶᠢᠨ ᠪᠠᠭᠠᠵᠢ ᠭᠡᠷᠡᠭᠰᠡᠯ ᠤᠨ ᠲᠤᠬᠠᠢ ᠲᠦᠬᠦᠮ ᠲᠠᠶᠢᠯᠤᠮᠵᠢ
2014-2015 ©  ᠦᠪᠦᠷ ᠮᠣᠩᠭᠤᠯ ᠤᠨ ᠮᠦᠩᠭᠡᠭᠠᠯ ᠰᠣᠹᠲ ᠤᠨ ᠬᠤᠪᠢᠴᠠᠭᠠᠨ ᠤ ᠬᠢᠵᠠᠭᠠᠷᠲᠦ ᠺᠣᠮᠫᠠᠨᠢ ᠪᠦᠬᠦ ᠵᠦᠢᠯ ᠬᠠᠤᠯᠢ ᠪᠠᠷ ᠬᠠᠮᠠᠭᠠᠯᠠᠭᠳᠠᠭᠰᠠᠨ᠂ ᠵᠦᠪᠰᠢᠶᠡᠷᠡᠯ ᠦᠭᠡᠢ ᠪᠠᠷ ᠬᠠᠭᠤᠯᠪᠤᠷᠢᠯᠠᠬᠤ ᠶᠢ ᠡᠷᠡᠰ ᠬᠤᠷᠢᠭᠯᠠᠨ᠎ᠠ 蒙ICP备05070829号