| ᠬᠤᠤᠰᠪᠦ᠋ᠷᠢᠳᠤ ᠰᠤᠮᠤ ᠨᠢ ᠠᠯᠠᠱᠠ ᠵᠡᠬᠦᠨ ᠬᠤᠰᠢᠭᠤᠨ ᠤ ᠪᠠᠷᠠᠭᠤᠨ ᠪᠡᠶᠡ ᠳᠤ ᠪᠠᠶᠢᠷᠢᠯᠠᠵᠦ᠂ ᠳᠤᠬᠠᠢ ᠶᠢᠨ | ᠦᠶᠡ ᠳᠡᠭᠡᠨ ᠵᠡᠬᠦᠨᠰᠢ ᠪᠠᠨ ᠵᠢᠷᠡᠳᠡᠢ ᠪᠠᠯᠭᠠᠰᠤ᠂ ᠰᠢᠯᠢᠭᠤᠤᠯ ᠰᠤᠮᠤ ᠲᠠᠢ ᠵᠠᠯᠭᠠᠯᠳᠤᠨ᠂ ᠤᠷᠢᠳᠤ ᠳᠠᠯᠠ ᠪᠠᠷ ᠢᠶᠠᠨ | ᠳᠤᠩᠭᠠᠯᠠᠭ ᠨᠠᠭᠤᠷ ᠰᠤᠮᠤ᠂ ᠴᠠᠭᠠᠨᠪᠤᠯᠠᠭ ᠰᠤᠮᠤᠨ ᠳᠤ ᠳᠤᠯᠵᠤ᠂ ᠪᠠᠷᠠᠭᠤᠨ ᠳᠠᠯᠠ ᠪᠠᠷ ᠢᠶᠠᠨ ᠠᠯᠠᠱᠠ ᠪᠠᠷᠠᠭᠤᠨ | ᠬᠤᠰᠢᠭᠤ᠂ ᠭᠠᠨᠰᠤ ᠮᠤᠵᠢ ᠶᠢᠨ ᠮᠢᠨᠴᠢᠨ ᠰᠢᠶᠠᠨ ᠲᠠᠢ ᠬᠦᠷᠰᠢᠯᠡᠨ᠂ ᠬᠤᠶᠢᠰᠢ ᠪᠠᠨ ᠪᠠᠶᠠᠨᠨᠢᠷᠤᠭᠤᠨ ᠰᠤᠮᠤ ᠲᠠᠢ | ᠨᠡᠶᠢᠯᠡᠵᠤ᠂ ᠶᠡᠷᠦᠩᠬᠡᠢ ᠳᠠᠯᠠᠪᠡᠢ ᠨᠢ 7814 ᠬᠠᠪᠳᠠᠭᠠᠢ ᠲᠦᠷᠪᠡᠯᠵᠢᠨ ᠺᠢᠯᠦᠮᠧᠲᠷ ᠲᠤ ᠬᠦᠷᠴᠤ᠂ ᠰᠤᠮᠤᠨ ᠤ | ᠵᠠᠰᠠᠭ ᠤᠨ ᠤᠷᠳᠤᠨ ᠨᠢ ᠠᠷᠤ ᠬᠤᠳᠳᠤᠭ ᠭᠡᠬᠦ ᠭᠠᠵᠠᠷ ᠰᠠᠭᠤᠷᠢᠰᠢᠵᠤ ᠪᠠᠶᠢᠭᠰᠠᠨ ᠪᠦᠭᠡᠳ ᠳᠤᠬᠠᠢ ᠶᠢᠨ | ᠦᠶᠡ ᠳᠡᠭᠡᠨ 7 ᠭᠠᠴᠠᠭᠠ ᠲᠠᠢ ᠪᠠᠶᠢᠵᠡᠢ᠃ | ᠬᠤᠤᠰᠪᠦ᠋ᠷᠢᠳᠤ ᠰᠤᠮᠤᠨ ᠤ ᠭᠠᠵᠡᠷ ᠤᠨ ᠪᠠᠶᠢᠴᠠ ᠨᠢ ᠪᠠᠷᠠᠭᠤᠨ ᠬᠤᠶᠢᠳᠤ ᠭᠡᠰᠡᠭ ᠢᠶᠠᠷ ᠢᠶᠠᠨ ᠦᠨᠳᠤᠷ᠂ ᠵᠡᠬᠦᠨ | ᠡᠮᠦᠨᠡ ᠭᠡᠰᠡᠭ ᠢᠶᠠᠷ ᠢᠶᠠᠨ ᠨᠠᠮᠬᠠᠨ ᠪᠠᠶᠢᠵᠤ᠂ ᠵᠡᠬᠦᠨ ᠬᠤᠶᠢᠳᠤ ᠳᠡᠯᠡ ᠪᠠᠷ ᠨᠢ ᠪᠠᠶ᠋ᠬᠠᠭᠤᠯᠠ ᠬᠦᠨᠳᠡᠯᠢᠰᠴᠤ᠂ | ᠪᠠᠷᠠᠭᠤᠨ ᠡᠮᠦᠨᠡ ᠳᠠᠯᠠ ᠪᠠᠷ ᠨᠢ ᠳᠡᠭᠷᠢ ᠡᠯᠡᠰᠤᠨ ᠴᠦᠯ ᠦᠷᠬᠦᠯᠵᠢᠯᠡᠨ᠂ ᠳᠡᠬᠦᠨ ᠤ ᠳᠤᠮᠳᠠ ᠨᠠᠭᠤᠷ ᠪᠦᠷᠢᠳᠤ᠂ | ᠭᠤᠤᠯ ᠬᠤᠭᠤᠯᠠᠢ ᠮᠠᠰᠢ ᠠᠷᠪᠢᠨ ᠪᠠᠶᠢᠵᠤ᠂ ᠬᠤᠶᠢᠳᠤ ᠭᠡᠰᠡᠭ ᠲᠤᠨᠢ ᠪᠤᠭᠤᠨᠢ ᠰᠢᠯᠢ ᠠᠳᠠᠷᠭᠠ ᠪᠤᠯᠤᠨ ᠡᠯᠡᠰᠤᠨ | ᠴᠤᠬᠢᠶᠠ ᠵᠠᠯᠭᠠᠯᠳᠤᠵᠤ ᠪᠠᠶᠢᠳᠠᠭ᠃ ᠳᠤᠬᠠᠢ ᠶᠢᠨ ᠦᠶᠡ ᠳᠤ᠂ ᠮᠠᠯ ᠠᠵᠤ ᠠᠬᠤᠢ ᠨᠢ ᠪᠦᠬᠦ ᠰᠤᠮᠤᠨ ᠤ ᠭᠤᠤᠯᠯᠠᠬᠤ | ᠠᠵᠤ ᠦᠢᠯᠡᠰ ᠪᠠᠶᠢᠵᠤ᠂ ᠳᠡᠮᠡᠭᠡᠨ ᠤ ᠳᠤᠭᠠ ᠨᠢ 4294 ᠳᠤᠯᠤᠭᠠᠢ ᠳᠤ ᠭᠦᠷᠴᠤ᠂ ᠪᠦᠬᠦ ᠬᠤᠰᠢᠭᠤᠨ ᠳᠠᠭᠠᠨ | ᠤᠷᠦ᠋ᠢᠯᠠᠵᠤ ᠪᠠᠶᠢᠵᠡᠢ᠃ 1999 ᠤᠨ ᠤ ᠪᠦᠷᠢᠳᠭᠡᠯ ᠢ ᠦᠨᠳᠤᠰᠤᠯᠡᠪᠡᠯ᠂ ᠨᠡᠶᠢᠳᠡ 156.75 ᠲᠦᠮᠡᠨ | ᠳᠦᠭᠦᠷᠢᠭ ᠤᠨ ᠡᠳ᠋ ᠤᠨ ᠵᠠᠰᠠᠭ ᠤᠨ ᠤᠷᠤᠯᠭᠠ ᠶᠢ ᠪᠡᠶᠡᠯᠡᠬᠦᠯᠦᠭᠡᠳ᠂ ᠪᠦᠬᠦ ᠬᠤᠰᠢᠭᠤᠨ ᠤ ᠪᠠᠨ ᠡᠳ᠋ ᠤᠨ | ᠵᠠᠰᠠᠭ ᠤᠨ ᠤᠷᠤᠯᠭᠠ ᠵᠠᠭᠤᠨ ᠳᠦᠮᠡᠨ ᠳᠦᠭᠦᠷᠢᠭ ᠢ ᠳᠠᠪᠠᠭᠰᠠᠨ ᠳᠦᠷᠪᠡᠨ ᠰᠤᠮᠤ ᠪᠠᠯᠭᠠᠰᠤᠨ ᠤ ᠨᠢᠭᠡ ᠨᠢ | ᠪᠤᠯᠤᠭᠰᠠᠨ ᠪᠠᠶᠢᠨᠠ᠃ ᠰᠤᠮᠤᠨ ᠤ ᠬᠢᠵᠠᠭᠠᠷ ᠲᠤ ᠳᠠᠪᠤᠰᠤ᠂ ᠱᠤᠤ᠂ ᠳᠡᠮᠦᠷ᠂ ᠪᠤᠷᠵᠢᠨ ᠴᠢᠯᠠᠭᠤ ᠵᠡᠷᠭᠡ ᠬᠢᠮᠢ ᠶᠢᠨ | ᠠᠵᠤ ᠦᠢᠯᠡᠳᠪᠦᠷᠢ᠂ ᠠᠭᠤᠷᠬᠠᠢ ᠶᠢᠨ ᠡᠬᠢ ᠪᠠᠶᠠᠯᠢᠭ ᠡᠯᠪᠡᠭ ᠳᠡᠯᠪᠡᠭ ᠠᠭᠤᠯᠤᠭᠳᠠᠵᠤ ᠪᠠᠶᠢᠳᠠᠭ ᠠᠵᠢ᠃ ᠳᠤᠬᠠᠢ | ᠶᠢᠨ ᠦᠶᠡ ᠶᠢᠨ ᠠᠯᠠᠱᠠ ᠵᠡᠬᠦᠨ ᠬᠤᠰᠢᠭᠤᠨ ᠤ ᠭᠤᠷᠪᠠᠨ ᠳᠤᠮᠤ ᠳᠤᠯᠭᠠᠭᠤᠷᠢᠯᠠᠭᠴᠢ ᠠᠵᠤ ᠠᠬᠤᠢᠢᠯᠠᠯ ᠤᠨ ᠨᠢᠬᠡ | ᠪᠤᠯᠬᠤ ᠠᠯᠠᠱᠠ ᠵᠡᠬᠦᠨ ᠬᠤᠰᠢᠭᠤᠨ ᠤ ᠬᠤᠳᠤᠢ ᠶᠢᠨ ᠨᠠᠭᠤᠷ ᠤᠨ ᠳᠠᠪᠤᠰᠤᠨ ᠳᠠᠯᠠᠪᠡᠢ ᠨᠢ ᠰᠤᠮᠤᠨ ᠲᠦᠪ ᠠᠴᠠ | ᠵᠡᠬᠦᠨ ᠡᠮᠦᠨᠡᠰᠢ 36 ᠺᠢᠯᠤᠮᠧᠲᠷ ᠵᠠᠶᠢᠳᠡᠢ ᠪᠠᠶᠢᠳᠠᠭ᠃ ᠳᠤᠰ ᠰᠤᠮᠤᠨ ᠤ ᠳᠤᠯᠢ ᠭᠠᠴᠠᠭᠠᠨ ᠤ ᠬᠦᠷᠡᠩ ᠪᠤᠯᠤᠷ | ᠴᠢᠯᠠᠭᠤᠨ ᠤ ᠨᠢᠳᠤᠨ ᠰᠢᠯ ᠨᠢ ᠪᠦᠬᠦ ᠤᠯᠤᠰ ᠤᠨ ᠡᠯᠡ ᠭᠠᠵᠡᠷ ᠪᠤᠷᠤᠯᠠᠭᠤᠯᠤᠭᠳᠠᠨ᠂ ᠨᠡᠷᠠ ᠠᠯᠳᠠᠷᠰᠢᠵᠤ ᠪᠠᠶᠢᠵᠡᠢ᠃ | ᠮᠠᠨᠵᠤ ᠴᠢᠩ ᠤᠨ ᠰᠠᠶᠢᠰᠢᠶᠠᠯᠳᠤ ᠢᠷᠦᠭᠡᠯᠳᠤ ᠶᠢᠨ ᠬᠤᠷᠢᠨ ᠳᠦᠷᠪᠡᠨ ᠤᠨ ︵1819 ᠤᠨ︶ ᠳᠤ | ᠪᠠᠶᠢᠭᠤᠯᠤᠭᠳᠠᠭᠰᠠᠨ ᠪᠤᠶᠠᠨ ᠢ ᠦᠨᠳᠦᠰᠦᠯᠡᠭᠴᠢ ᠰᠦᠮᠡ ︵ᠵᠡᠬᠦᠨ ᠭᠡᠶᠢᠳ︶ ᠶᠢᠨ ᠬᠠᠷᠢᠶᠠᠳᠤ ᠰᠦᠮᠡ | ᠪᠤᠯᠬᠤ ᠳ᠋ᠠᠷᠠ ᠡᠬᠡ ᠶᠢᠨ ᠰᠦᠮᠡ ᠳᠤᠰ ᠰᠤᠮᠤᠨ ᠤ ᠬᠢᠵᠠᠭᠠᠷ ᠲᠤ ᠪᠠᠶᠢᠭᠠ ᠪᠦᠬᠡᠳ 2006 ᠤᠨ ᠳᠤ ᠦᠪᠦᠷ | ᠮᠤᠩᠭᠤᠯ ᠤᠨ ᠦᠪᠡᠷᠳᠡᠭᠡᠨ ᠵᠠᠰᠠᠬᠤ ᠤᠷᠤᠨ ᠤ ᠳᠡᠰ ᠤᠨ ᠳᠡᠤᠬᠡᠨ ᠳᠤᠷᠠᠰᠬᠠᠯᠳᠤ ᠬᠠᠮᠠᠭᠠᠯᠠᠯᠳᠠ ᠶᠢᠨ ᠨᠢᠭᠡᠴᠡ ᠪᠠᠷ | ᠳᠤᠭᠳᠠᠭᠠᠭᠳᠠᠭᠰᠠᠨ ᠪᠠᠶᠢᠨᠠ᠃ | ᠮᠠᠨᠵᠤ ᠴᠢᠩ ᠤᠨ ᠰᠠᠶᠢᠰᠢᠶᠠᠯᠳᠤ ᠢᠷᠦᠭᠡᠯᠳᠤ ᠶᠢᠨ ᠬᠤᠷᠢᠨ ᠤᠨ ︵1815 ᠤᠨ︶ ᠳᠤ᠂ ᠠᠯᠠᠱᠠ ᠬᠤᠱᠤᠳ | ᠬᠤᠰᠢᠭᠤᠨ ᠠᠴᠠ ᠳᠤᠰ ᠭᠠᠵᠡᠷ ᠲᠤ ᠪᠠᠶᠠᠨᠪᠦ᠋ᠷᠢᠳᠤ ᠶᠢᠨ ᠪᠠᠭ ᠪᠤᠯᠤᠨ ᠬᠦᠭᠡᠪᠦ᠋ᠷᠢᠳᠤ ᠶᠢᠨ ᠪᠠᠭ ᠭᠡᠵᠤ | ᠪᠠᠶᠢᠭᠤᠯᠵᠡᠢ᠃ 1953 ᠤᠨ ᠤ 3 ᠰᠠᠷᠠ ᠳᠤ᠂ ᠤᠤᠯ ᠤᠨ ᠪᠠᠶᠠᠨᠪᠦ᠋ᠷᠢᠳᠤ ᠶᠢᠨ ᠪᠠᠭ ᠪᠤᠯᠤᠨ ᠬᠦᠭᠡᠪᠦ᠋ᠷᠢᠳᠤ ᠶᠢᠨ | ᠪᠠᠭ ᠢ ᠨᠡᠶᠢᠯᠡᠬᠦᠯᠦᠭᠡᠳ ᠬᠤᠤᠰᠪᠦ᠋ᠷᠢᠳᠤ ᠶᠢᠨ ᠪᠠᠭ ᠢ ᠪᠠᠶᠢᠭᠤᠯᠵᠤ᠂ ᠨᠡᠷᠡᠶᠢᠳᠦᠯ ᠨᠢ ᠮᠦᠨ ᠬᠦ ᠡᠬᠦᠨ ᠠᠴᠠ | ᠢᠷᠡᠯᠳᠡ ᠲᠠᠢ᠃ ᠮᠦᠨ ᠵᠢᠯ ᠤᠨ 9 ᠰᠠᠷᠠ ᠳᠤ ᠰᠤᠮᠤ ᠶᠢ ᠬᠦᠡᠭᠱᠧ ᠪᠤᠯᠭᠠᠭᠰᠠᠨ ᠪᠡ 1983 ᠤᠨ ᠤ 11 | ᠰᠠᠷᠠ ᠳᠤ ᠬᠦᠡᠭᠱᠧ ᠬᠡᠬᠦ ᠨᠡᠷᠡᠶᠢᠳᠤᠯ ᠢ ᠳᠠᠬᠢᠨ ᠰᠤᠮᠤ ᠬᠡᠵᠤ ᠰᠡᠷᠬᠦᠬᠡᠨ ᠭᠡᠷᠡᠭᠯᠡᠭᠰᠡᠨ ᠪᠠᠶᠢᠨᠠ᠃ 2006 ᠤᠨ ᠤ | 6 ᠰᠠᠷᠠ ᠳᠤ᠂ ᠤᠤᠯ ᠤᠨ ᠬᠤᠤᠰᠪᠦ᠋ᠷᠢᠳᠤ ᠰᠤᠮᠤ ᠶᠢᠨ ᠪᠠᠶᠢᠭᠤᠯᠦᠮᠵᠢ ᠶᠢ ᠬᠦᠴᠦᠨ ᠦᠬᠡᠢ ᠪᠤᠯᠭᠠᠵᠤ᠂ | ᠪᠠᠶᠠᠨᠨ᠋ᠷᠦᠭᠤᠨ ᠰᠤᠮᠤ ᠲᠠᠢ ᠨᠡᠶᠢᠯᠡᠬᠦᠯᠦᠭᠰᠡᠨ ᠠᠴᠠ ᠤᠳᠤ ᠶᠢᠨ ᠪᠠᠶᠢᠳᠠᠯ ᠳᠤ ᠲᠦᠯᠦᠪᠰᠢᠷᠡᠭᠰᠡᠨ ᠪᠠᠶᠢᠨᠠ᠃ | ᠤᠤᠯ ᠤᠨ ᠬᠤᠤᠰᠪᠦ᠋ᠷᠢᠳᠤ ᠰᠤᠮᠤᠨ ᠤ ᠬᠠᠷᠢᠶᠠᠳᠤ 7 ᠭᠠᠴᠠᠭᠠ ᠪᠤᠯ ᠳᠤᠰᠪᠦᠷᠢ᠄ ᠰᠢᠷᠡᠪᠦ᠋ᠷᠢᠳᠤ ᠭᠠᠴᠠᠭᠠ᠂ | ᠰᠤᠬᠠᠢᠢᠳᠤ ᠭᠠᠴᠠᠭᠠ᠂ ᠲᠤᠯᠢ ᠭᠠᠴᠠᠭᠠ᠂ ᠪᠠᠶᠠᠨᠪᠦ᠋ᠷᠢᠳᠤ ᠭᠠᠴᠠᠭᠠ᠂ ᠰᠢᠷᠠ ᠪᠦᠷᠢᠳᠤ ᠭᠠᠴᠠᠭᠠ᠂ ᠬᠤᠳᠤᠢ | ᠨᠢᠭᠤᠷ ᠭᠠᠴᠠᠭᠠ᠂ ᠵᠡᠷᠭᠡ ᠪᠠᠶᠢᠭᠰᠠᠨ ᠪᠠᠶᠢᠵᠡᠢ᠃ |