| | ᠬᠢᠪᠴᠠᠭ ᠬᠠᠭᠠᠨᠲᠤ ᠤᠯᠤᠰ ᠢ ᠪᠠᠰᠠ ᠠᠯᠲᠠᠨ ᠤᠷᠲᠤᠨ ᠬᠠᠭᠠᠨᠲᠤ ᠤᠯᠤᠰ ᠪᠤᠶᠤ ᠵᠦᠴᠢ ᠶᠢᠨ ᠤᠯᠤᠰ ᠭᠡᠲᠡᠭ᠃ | ᠴᠢᠩᠭᠢᠰ ᠬᠠᠭᠠᠨ ᠤ ᠶᠡᠭᠡ ᠬᠦᠪᠡᠭᠦᠨ ᠵᠦᠴᠢ ᠶᠢᠨ ᠬᠤᠶᠠᠲᠤᠭᠠᠷ ᠬᠦᠦ ᠪᠠᠲᠤ ᠡᠴᠢᠭᠡ ᠶᠢᠨ ᠢᠶᠠᠨ ᠬᠤᠪᠢ | ᠭᠠᠵᠠᠷ ᠢᠶᠠᠷ ᠰᠠᠭᠤᠷᠢ ᠪᠤᠯᠭᠠᠨ ᠪᠠᠶᠢᠭᠤᠯᠤᠭᠰᠠᠨ ᠬᠠᠭᠠᠨᠲᠤ ᠤᠯᠤᠰ ᠶᠤᠮ᠃ ᠬᠢᠪᠴᠠᠭ ᠬᠠᠭᠠᠨᠲᠤ ᠤᠯᠤᠰ ᠪᠤᠯ | ᠬᠠᠮᠤᠭ ᠡᠷᠲᠡ ᠪᠠᠶᠢᠭᠤᠯᠤᠭᠲᠠᠭᠰᠠᠨ ᠬᠠᠷᠢᠶᠠᠲᠤ ᠬᠠᠭᠠᠨᠲᠤ ᠤᠯᠤᠰ ᠪᠦᠭᠡᠳ ᠨᠤᠶᠠᠷᠬᠠᠯ ᠤᠨ ᠬᠤᠭᠤᠴᠠᠭᠠ ᠪᠠᠷ | ᠬᠠᠮᠤᠭ ᠤᠷᠲᠤ ᠬᠠᠭᠠᠨᠲᠤ ᠤᠯᠤᠰ ᠶᠤᠮ᠃ ᠠᠩᠬᠠᠨ ᠤ ᠨᠡᠶᠢᠰᠯᠡᠯ ᠨᠢ ᠤᠲᠤ ᠶᠢᠨ ᠤᠷᠤᠰ ᠤᠨ ᠬᠤᠯᠪᠤᠭᠠᠨ ᠤ | ᠤᠯᠤᠰ ᠤᠨ ᠠᠰᠲᠠᠷᠬᠠᠨ ᠬᠤᠲᠠ ᠶᠢᠨ ᠤᠶᠢᠷᠠᠯᠴᠠᠭᠠ ᠪᠠᠶᠢᠭᠰᠠᠨ ᠪᠠᠲᠤ ᠶᠢᠨ ᠰᠠᠷᠠᠢ ᠬᠤᠲᠠ ᠶᠤᠮ᠃ 1243 | ᠤᠨ ᠳᠤ ᠦᠷᠦᠨᠡ ᠵᠦᠭ ᠲᠤᠪᠲᠤᠯᠬᠤ ᠪᠠᠨ ᠵᠤᠭᠰᠤᠵᠤ ᠢᠵᠢᠯ ᠮᠦᠷᠡᠨ ︵ᠤᠲᠤ ᠶᠢᠨ ᠸᠤᠯᠭᠠ ᠮᠦᠷᠡᠨ︶ ᠤ | ᠬᠦᠪᠡᠭᠡᠨ ᠳᠤ ᠬᠢᠪᠴᠠᠭ ᠬᠠᠭᠠᠨᠲᠤ ᠤᠯᠤᠰ ᠢ ᠪᠠᠶᠢᠭᠤᠯᠵᠠᠢ᠃ ᠨᠤᠲᠤᠭ ᠲᠡᠪᠢᠰᠭᠡᠷ ᠨᠢ ᠵᠡᠭᠦᠨ ᠵᠠᠬᠠ ᠶᠢᠨ ᠡᠷᠴᠢᠰ | ᠮᠦᠷᠡᠨ ᠠᠴᠠ ᠪᠠᠷᠠᠭᠤᠨ ᠲᠠᠯᠠ ᠶᠢᠨ ᠤᠷᠤᠰ ᠬᠦᠷᠲᠡᠯᠡ᠂ ᠡᠮᠦᠨᠡ ᠪᠡᠶᠡ ᠶᠢᠨ ᠪᠠᠯᠬᠠᠱ ᠨᠠᠭᠤᠷ᠂ ᠲᠤᠲᠤᠭᠠᠲᠤ | ᠲᠠᠩᠭᠢᠰ ᠪᠠ ᠬᠠᠷᠠ ᠲᠠᠩᠭᠢᠰ ᠠᠴᠠ ᠬᠤᠶᠢᠲᠤ ᠬᠢᠵᠠᠭᠠᠷ ᠤᠨ ᠲᠦᠢᠯ ᠤᠨ ᠴᠠᠭᠠᠷᠢᠭ ᠲᠤ ᠲᠤᠯᠵᠤ ᠪᠠᠶᠢᠵᠠᠢ᠃ | 1480 ᠤᠨ ᠳᠤ ᠤᠷᠤᠰ ᠤᠨ ᠢᠸᠠᠨ ᠭᠤᠷᠪᠠᠲᠤᠭᠠᠷ ᠤᠨ ᠤᠲᠤᠷᠢᠲᠤᠭᠰᠠᠨ ᠮᠤᠰᠺᠸᠠ ᠤᠯᠤᠰ ᠤᠨ ᠴᠡᠷᠢᠭ ᠲᠤ | ᠮᠤᠩᠭᠤᠯ ᠴᠡᠷᠢᠭ ᠢᠯᠠᠭᠲᠠᠭᠠᠳ ᠬᠢᠪᠴᠠᠭ ᠬᠠᠭᠠᠨᠲᠤ ᠤᠯᠤᠰ ᠮᠦᠬᠦᠪᠡ᠃ ᠪᠠᠲᠤ ᠶᠢᠨ ᠬᠤᠶᠢᠴᠢᠰ ᠤᠷᠤᠰ ᠤᠷᠤᠨ ᠢ | 270 ᠵᠢᠯ ᠨᠤᠶᠠᠷᠬᠠᠵᠤ᠂ 58 ᠬᠠᠭᠠᠨ ᠰᠠᠭᠤᠷᠢᠨᠠ ᠰᠠᠭᠤᠵᠠᠢ᠃ ᠪᠠᠲᠤ ᠬᠠᠨ ᠤ ᠡᠴᠢᠭᠡ ᠵᠦᠴᠢ ᠬᠠᠨ ᠪᠤᠯ | ᠬᠢᠶᠠᠨ ᠠᠶᠢᠮᠠᠭ ᠤᠨ ᠪᠤᠷᠵᠢᠬᠢᠨ ᠤᠪᠤᠭᠲᠠᠨ᠃ ᠴᠢᠩᠭᠢᠰ ᠬᠠᠭᠠᠨ ᠤ ᠤᠤᠭᠠᠨ ᠬᠦᠪᠡᠭᠦᠨ᠃ 1178 ᠤᠨ ᠳᠤ | ᠲᠦᠷᠦᠵᠤ᠂ 1227 ᠤᠨ ᠳᠤ ᠨᠠᠰᠤ ᠪᠠᠷᠠᠵᠠᠢ᠃ ᠲᠡᠷᠡ ᠬᠠᠭᠠᠨ ᠡᠴᠢᠭᠡ ᠪᠠᠨ ᠲᠠᠭᠠᠵᠤ ᠤᠯᠠᠨ ᠤᠲᠠᠭᠠ ᠶᠢᠨ | ᠲᠠᠶᠢᠨ ᠲᠤᠯᠤᠯᠳᠤᠭᠠᠨ ᠳᠤ ᠶᠠᠪᠤᠭᠰᠠᠨ ᠪᠤᠯᠪᠠᠴᠤ ᠬᠦᠴᠦᠷᠭᠡᠭᠯᠡᠯ ᠢᠶᠠᠷ ᠪᠢᠰᠢ ᠶᠤᠰᠤ ᠪᠠᠷ ᠤᠷᠤᠭᠤᠯᠤᠨ ᠠᠪᠬᠤ ᠶᠢ | ᠡᠷᠬᠢᠮᠯᠡᠲᠡᠭ ᠪᠠᠶᠢᠵᠠᠢ᠃ ᠴᠢᠩᠭᠢᠰ ᠬᠠᠭᠠᠨ ᠡᠵᠡᠯᠡᠭᠰᠡᠨ ᠰᠠᠷᠲᠠᠭᠤᠯ ᠤᠯᠤᠰ ᠢ ᠵᠦᠴᠢ ᠶᠢᠨ ᠮᠡᠲᠡᠯ ᠳᠤ ᠦᠭᠴᠦ᠂ | ᠲᠡᠷᠡ ᠤᠯᠤᠰ ᠨᠢ ᠵᠦᠴᠢ ᠶᠢᠨ ᠤᠯᠤᠰ ᠪᠤᠯᠵᠠᠢ᠃ ᠪᠠᠲᠤ ᠪᠤᠯ ᠵᠦᠴᠢ ᠶᠢᠨ ᠬᠤᠶᠠᠲᠤᠭᠠᠷ ᠬᠦᠪᠡᠭᠦᠨ᠃ 1209 | ᠤᠨ ᠳᠤ ᠲᠦᠷᠦᠵᠠᠢ᠃ 1235 ᠤᠨ ᠳᠤ᠂ ᠦᠭᠡᠲᠡᠢ ᠬᠠᠭᠠᠨ ︽ᠠᠬᠠᠮᠠᠳ ᠬᠦᠪᠡᠭᠦᠳ ᠤᠨ ᠪᠠᠷᠠᠭᠤᠨᠰᠢ | ᠠᠶᠠᠯᠠᠭᠰᠠᠨ ᠲᠠᠶᠢᠨ︾ ᠢ ᠵᠤᠬᠢᠶᠠᠨ ᠪᠠᠶᠢᠭᠤᠯᠬᠤ ᠳᠤ ᠪᠠᠲᠤ ᠪᠤᠯ ᠶᠡᠷᠦᠩᠭᠡᠢ ᠵᠠᠬᠢᠷᠤᠭᠴᠢ ᠪᠢᠯᠡ᠃ ᠪᠠᠲᠤ ᠶᠢᠨ | ᠵᠠᠬᠢᠷᠤᠭᠰᠠᠨ ᠠᠬᠠᠮᠠᠳ ᠬᠦᠪᠡᠭᠦᠳ ᠤᠨ ᠰᠦᠷ ᠵᠢᠪᠬᠤᠭᠠ ᠲᠠᠢ ᠡᠨᠡ ᠤᠲᠠᠭᠠᠨ ᠤ ᠠᠶᠠᠨ ᠲᠠᠶᠢᠨ ︵ᠪᠦᠬᠦ | ᠴᠡᠷᠢᠭ ᠤᠨ ᠲᠤᠭᠠ ᠨᠢ 12 ᠲᠦᠮᠡ ᠪᠠᠶᠢᠪᠠ︶ ᠪᠤᠯ ᠦᠭᠡᠲᠡᠢ ᠬᠠᠭᠠᠨ ᠤ ᠦᠶᠡᠰ ᠲᠠᠬᠢ ᠬᠠᠮᠤᠭ ᠤᠨ ᠰᠦᠷ | ᠲᠠᠯᠠᠶᠢᠴᠠᠲᠠᠢ ᠪᠦᠭᠡᠳ ᠬᠠᠮᠤᠭ ᠠᠴᠠ ᠠᠮᠵᠢᠯᠲᠠ ᠤᠯᠤᠭᠰᠠᠨ ᠨᠢᠭᠡ ᠤᠲᠠᠭᠠᠨ ᠤ ᠠᠶᠠᠨ ᠲᠠᠶᠢᠨ ᠮᠦᠨ᠃ 1236 | - 1242 ᠤᠨ ᠪᠤᠯᠲᠠᠯᠠ᠂ ᠠᠶᠠᠨ ᠲᠠᠶᠢᠨ ᠨᠢ ᠦᠷᠡᠯ ᠭᠤᠤᠯ ᠠᠴᠠ ᠪᠠᠷᠠᠭᠤᠨᠰᠢᠬᠢ ᠢᠵᠢᠯ ᠮᠦᠷᠡᠨ ᠤ ᠰᠠᠪᠠ | ᠭᠠᠵᠠᠷ ᠤᠨ ᠬᠢᠪᠴᠠᠭ᠂ ᠬᠠᠨᠭ᠍ᠭᠠᠷᠢ ᠵᠡᠷᠭᠡ ᠤᠭᠰᠠᠭᠠᠲᠠᠨ ᠢ ᠲᠠᠶᠢᠯᠠᠨ ᠲᠠᠭᠠᠭᠤᠯᠵᠤ᠂ ᠤᠷᠤᠰ ᠤᠯᠤᠰ ᠢ ᠡᠵᠡᠯᠡᠭᠡᠳ᠂ | ᠪᠤᠯᠭᠠᠷᠢᠶᠠ ᠶᠢᠨ ᠬᠢᠯᠢ ᠳᠤ ᠴᠦᠮᠦᠷᠠᠨ ᠤᠷᠤᠵᠠᠢ᠃ ᠡᠨᠡ ᠤᠲᠠᠭᠠᠨ ᠤ ᠪᠠᠷᠠᠭᠤᠨᠰᠢ ᠲᠠᠶᠢᠯᠠᠭᠰᠠᠨ ᠲᠠᠶᠢᠨ ᠨᠢ | ᠬᠢᠪᠴᠠᠭ ᠬᠠᠭᠠᠨᠲᠤ ᠤᠯᠤᠰ ︵ᠪᠠᠰᠠ ᠠᠯᠲᠠᠨ ᠤᠷᠲᠤᠲᠤ ᠬᠠᠭᠠᠨᠲᠤ ᠤᠯᠤᠰ ᠭᠡᠲᠡᠭ︶ ᠤᠨ ᠰᠠᠭᠤᠷᠢ ᠶᠢ | ᠲᠠᠯᠪᠢᠭᠰᠠᠨ ᠶᠤᠮ᠃ | | |