| ᠡᠩᠬᠡ ᠠᠮᠤᠭᠤᠯᠠᠩ ᠤᠨ ᠲᠠᠪᠢᠨ ᠳᠦᠷᠪᠡᠳᠦᠭᠡᠷ ᠣᠨ ︵1715 ᠣᠨ︶ ᠳᠤ ᠬᠠᠭᠠᠨ ᠠᠴᠠ ᠵᠠᠷᠯᠢᠭ ᠪᠠᠭᠤᠵᠤ᠂ | ᠠᠪᠤᠤ ᠨᠠᠴᠢᠨ ᠵᠠᠩᠵᠦᠨ ᠯᠤᠭᠠ ᠬᠠᠪᠰᠤᠷᠤᠨ ᠴᠢᠩ ᠤᠨ ᠶᠡᠭᠡ ᠴᠡᠷᠢᠭ ᠢ ᠳᠡᠮᠵᠢᠬᠦ ᠶᠢᠨ ᠲᠦᠯᠦᠭᠡ ᠬᠠᠷᠢᠶᠠᠲᠤ | ᠲᠠᠪᠤᠨ ᠵᠠᠭᠤᠨ ᠴᠡᠷᠢᠭ ᠠᠪᠴᠤ᠂ ᠲᠤᠤᠯᠠ ᠭᠤᠣᠯ ᠳᠤ ᠬᠦᠷᠦᠭᠡᠳ ᠵᠦᠩᠭᠠᠷ ᠤᠨ ᠤᠷᠪᠠᠯᠭᠠᠨ ᠢ ᠳᠠᠷᠤᠨ᠂ | ᠪᠠᠷᠠᠭᠤᠨ ᠬᠤᠶᠢᠲᠤ ᠣᠷᠣᠨ ᠤ ᠰᠠᠮᠠᠭᠤᠷᠠᠯ ᠢ ᠲᠦᠪᠰᠢᠳᠭᠡᠲᠤᠭᠡᠢ ᠭᠡᠰᠡᠨ ᠢ ᠬᠦᠯᠢᠶᠡᠵᠤ᠂ ᠪᠠᠷᠺᠦ᠋ᠯ ᠳᠤ ᠣᠳᠴᠤ᠂ | ᠵᠦᠩᠭᠠᠷ ᠤᠨ ᠪᠣᠰᠣᠯᠭᠠ ᠶᠢ ᠳᠠᠷᠤᠬᠤ ᠳᠠᠶᠢᠨ ᠳᠤ ᠶᠡᠭᠡ ᠴᠡᠷᠢᠭ ᠤᠨ ᠬᠦᠴᠦᠨ ᠢ ᠭᠠᠷᠭᠠᠯ ᠦᠭᠡᠢ ᠪᠠᠷ ᠡᠶᠡᠳᠡᠭᠦᠯᠦᠨ | ᠲᠦᠪᠰᠢᠳᠬᠡᠭᠰᠡᠨ ᠤᠴᠢᠷ ᠲᠤ ᠠᠪᠤᠤ ᠶᠢ ᠵᠠᠷᠯᠢᠭ ᠢᠶᠠᠷ ᠪᠠᠷᠠᠭᠤᠨ ᠡᠲᠡᠭᠡᠳ ᠢ ᠰᠠᠬᠢᠭᠴᠢ ᠵᠠᠩᠵᠤᠨ ᠹᠠᠶᠠᠨ ᠬᠤ᠋ ᠶᠢᠨ | ᠬᠤᠤᠪᠢ ᠶᠢᠨ ᠰᠠᠶᠢᠳ ᠪᠣᠯᠭᠠᠵᠡᠢ᠃ ᠮᠦᠨ ᠬᠠᠭᠠᠨ ᠤ ᠲᠠᠪᠢ ᠶᠢᠰᠦᠳᠦᠭᠡᠷ ᠣᠨ ︵1720 ᠣᠨ︶ ᠳᠤ | ᠵᠠᠷᠯᠢᠭ ᠢᠶᠠᠷ ᠪᠠᠷᠺᠦ᠋ᠯ ᠠᠴᠠ ᠬᠦᠬᠡᠨᠠᠭᠤᠷ ᠲᠤ ᠬᠦᠷᠴᠤ᠂ ᠲᠡᠷᠰᠯᠡᠭᠰᠡᠨ ᠢ ᠲᠦᠪᠰᠢᠳᠬᠡᠭᠴᠢ ᠵᠠᠩᠵᠤᠨ ᠤ ᠴᠡᠷᠢᠭ | ᠯᠦᠭᠡ ᠬᠠᠪᠰᠤᠷᠤᠨ ᠲᠦᠪᠡᠳ ᠣᠷᠣᠨ ᠢ ᠲᠦᠢᠪᠡᠭᠡᠵᠤ ᠪᠠᠶᠢᠭᠰᠠᠨ ᠴᠡᠷᠢᠨᠳᠦᠨᠳᠤᠪ ᠨᠠᠷ ᠢ ᠳᠠᠷᠤᠨ ᠲᠦᠪᠰᠢᠳᠬᠡᠭᠡᠳ | ᠳᠠᠯᠠᠢ ᠯᠠᠮᠠ ᠶᠢ ᠰᠢᠷᠡᠭᠡᠨ ᠳᠤᠷ ᠵᠠᠯᠠᠳᠤᠭᠠᠢ ᠭᠡᠮᠡᠭᠰᠡᠨ ᠢ ᠬᠦᠯᠢᠶᠡᠵᠤ᠂ ᠮᠠᠨᠵᠤ ᠶᠢᠨ ᠬᠤᠯᠠᠳᠠᠬᠢᠨ ᠢ ᠲᠣᠭᠲᠠᠭᠠᠭᠴᠢ | ᠶᠡᠭᠡ ᠵᠠᠩᠵᠤᠨ ᠨᠢᠶᠡᠨ ᠭᠧᠩ ᠶᠣᠣ ᠯᠤᠭᠠ ᠬᠠᠪᠰᠤᠷᠤᠯᠴᠠᠨ ᠶᠡᠭᠡ ᠴᠡᠷᠢᠭ ᠲᠠᠢ ᠬᠠᠮᠲᠤ ᠪᠠᠷ ᠪᠣᠯᠤᠤ ᠭᠤᠣᠯ᠂ | ᠴᠢᠨ᠋ᠸᠠ ᠭᠤᠣᠯ᠂ ᠴᠣᠮᠤᠷᠠ ᠵᠡᠷᠭᠡ ᠶᠢᠨ ᠭᠠᠵᠠᠷ ᠲᠤ ᠬᠦᠷᠴᠦ᠂ ᠲᠦᠪᠡᠳ ᠣᠷᠤᠨ ᠤ ᠰᠠᠮᠠᠭᠤᠨ ᠢ ᠳᠠᠷᠤᠭᠠᠳ ᠳᠠᠯᠠᠢ | ᠯᠠᠮᠠ ᠶᠢ ᠬᠠᠮᠠᠭᠠᠯᠠᠨ ᠵᠤᠤ ᠳᠤ ᠬᠦᠷᠭᠡᠵᠡᠢ᠃ ᠲᠡᠭᠦᠨ ᠤ ᠳᠠᠷᠠᠭᠠ ᠵᠢᠯ᠂ ᠵᠠᠷᠯᠢᠭ ᠢᠶᠠᠷ ᠲᠠᠪᠤᠨ ᠵᠠᠭᠤᠨ ᠴᠡᠷᠢᠭ | ᠠᠪᠴᠤ ᠮᠦᠩᠬᠡ ᠵᠤᠤ ᠶᠢᠨ ᠣᠷᠣᠨ ᠳᠤ ᠰᠡᠷᠭᠡᠶᠢᠯᠡᠨ ᠰᠠᠭᠤᠵᠤ᠂ ᠪᠠᠷᠠᠭᠤᠨ ᠢ ᠲᠣᠭᠲᠠᠭᠠᠭᠴᠢ ᠵᠠᠩᠵᠤᠨ ᠤ ᠬᠡᠷᠡᠭ ᠢ | ᠬᠠᠪᠰᠤᠷᠤᠨ ᠰᠢᠢᠳᠬᠡᠭᠴᠢ ᠭᠦᠩᠼᠧᠩᠨᠣᠷᠪᠤ ᠶᠢᠨ ᠬᠤᠤᠪᠢ ᠶᠢᠨ ᠰᠠᠶᠢᠳ ᠪᠣᠯᠵᠡᠢ᠃ ᠨᠠᠶᠢᠷᠠᠯᠲᠤ ᠲᠦᠪ ᠤᠨ | ᠲᠡᠷᠢᠭᠦᠨ ᠣᠨ ︵1723 ᠣᠨ︶ ᠳᠤ ᠵᠠᠷᠯᠢᠭ ᠢᠶᠠᠷ ᠲᠦᠪᠡᠳ ᠣᠷᠣᠨ ᠳᠤ ᠪᠠᠶᠢᠭᠰᠠᠨ ᠴᠡᠷᠢᠭ ᠢ ᠬᠤᠶᠢᠰᠢ | ᠲᠠᠲᠠᠬᠤ ᠦᠶᠡ ᠪᠠᠷ ᠭᠦᠦᠰᠢ ᠬᠠᠨ ᠤ ᠠᠴᠢ ᠬᠦᠪᠡᠬᠦᠨ ᠯᠤᠪᠠᠰᠠᠩᠳᠠᠨᠵᠢᠨ ᠬᠦᠬᠡᠨᠠᠭᠤᠷ ᠲᠤ ᠤᠷᠪᠠᠯᠭᠠ | ᠭᠠᠷᠭᠠᠭᠰᠠᠨᠠ᠂ ᠣᠯᠠᠨ ᠭᠠᠵᠠᠷ ᠤᠨ ᠮᠣᠩᠭᠤᠯ ᠴᠡᠷᠢᠭ ᠤᠳ ᠴᠦᠮ ᠬᠤᠯᠠᠳᠠᠬᠢᠨ ᠢ ᠳᠠᠭᠠᠭᠤᠯᠤᠭᠴᠢ ᠶᠡᠭᠡ ᠵᠠᠩᠵᠤᠨ | ᠨᠢᠶᠡᠨ ᠭᠧᠩ ᠶᠤᠤ ᠶᠢᠨ ᠳᠠᠶᠢᠴᠢᠯᠠᠨ ᠣᠳᠬᠤ ᠶᠢ ᠳᠠᠭᠠᠲᠤᠭᠠᠢ ᠭᠡᠮᠡᠨ ᠵᠠᠷᠯᠢᠭᠳᠠᠵᠠᠢ᠃ ᠡᠨᠡ ᠦᠶᠡ ᠳᠤ ᠠᠪᠤᠤ ᠵᠤᠤ | ᠭᠠᠵᠠᠷ ᠠᠴᠠ ᠪᠤᠴᠠᠵᠤ ᠬᠦᠬᠡᠨᠠᠭᠤᠷ ᠲᠤ ᠢᠷᠡᠬᠦᠯᠡ᠂ ᠨᠢᠶᠡᠨ ᠭᠧᠩ ᠶᠤᠤ ᠭᠠᠭᠴᠠᠭᠠᠷ ᠢᠶᠠᠨ ᠶᠡᠭᠡ ᠵᠠᠩᠵᠦᠨ ᠪᠣᠯᠵᠤ᠂ | ᠭᠠᠪᠢᠶᠠ ᠪᠠᠶᠢᠭᠤᠯᠬᠤ ᠪᠠᠷ ᠪᠡᠯᠡᠳᠬᠡᠭᠡᠳ ᠠᠪᠤᠤ ᠶᠢᠨ ᠴᠡᠷᠢᠭ ᠢ ᠠᠪᠬᠤ ᠦᠭᠡᠢ ᠪᠠᠷ ᠠᠪᠤᠤ ᠡᠪᠡᠳᠴᠢᠨ ᠲᠠᠢ ᠲᠤᠯᠠ | ᠨᠤᠲᠤᠭ ᠲᠤᠨᠢ ᠡᠭᠡᠭᠦᠯᠪᠡᠰᠦ ᠵᠣᠬᠢᠮᠤᠢ ᠭᠡᠮᠡᠨ ᠬᠠᠭᠠᠨ ᠳᠤ ᠠᠶᠢᠯᠠᠳᠬᠠᠨ ᠮᠡᠳᠡᠭᠦᠯᠦᠭᠰᠡᠨ ᠪᠠᠶᠢᠵᠡᠢ᠃ ᠡᠨᠡ ᠬᠦ | ᠪᠠᠶᠢᠳᠠᠯ ᠢ ᠠᠪᠤᠤ ᠮᠡᠳᠡᠮᠡᠭᠴᠡ ᠰᠢᠭᠤᠳ ᠨᠡᠶᠢᠰᠯᠡᠯ ᠬᠤᠲᠠ ᠳᠤ ᠬᠦᠷᠴᠦ ᠡᠵᠡᠨ ᠬᠠᠭᠠᠨ ᠤ ᠳᠡᠷᠭᠡᠳᠡ | ᠪᠠᠷᠠᠯᠠᠭᠰᠠᠨ ᠳᠤ᠂ ᠠᠪᠤᠤ ᠶᠢ ᠲᠦᠪᠡᠳ ᠣᠷᠣᠨ ᠳᠠᠬᠢ ᠰᠠᠮᠠᠭᠤᠨ ᠢ ᠲᠦᠪᠰᠢᠳᠭᠡᠬᠦ ᠳᠤ ᠶᠡᠭᠡ ᠬᠦᠴᠦᠨ ᠭᠠᠷᠭᠠᠵᠤ | ᠵᠦᠳᠡᠭᠰᠡᠨ ᠢ ᠠᠰᠠᠷᠠᠨ ᠲᠣᠬᠤᠨᠢᠭᠤᠯᠵᠤ᠂ ᠲᠦᠷᠦ ᠶᠢ ᠵᠢᠶᠦ᠋ᠨ ᠸᠠᠩ ᠡᠷᠭᠦᠮᠵᠢᠯᠡᠭᠡᠳ ᠪᠠᠷᠠᠭᠤᠨ ᠵᠢᠭᠦᠷ ᠤᠨ ᠰᠠᠶᠢᠳ᠂ | ᠵᠦᠪᠯᠡᠨ ᠬᠡᠯᠡᠯᠴᠡᠬᠦ ᠲᠤᠰᠠᠯᠠᠭᠴᠢ ᠵᠡᠷᠭᠡ ᠶᠢᠨ ᠬᠡᠷᠬᠡᠮ ᠳᠤᠷ ᠳᠡᠪᠰᠢᠭᠦᠯᠵᠤ᠂ ᠨᠢᠭᠡ ᠲᠦᠮᠡᠨ ᠯᠠᠩ ᠮᠦᠩᠭᠦ ᠪᠠᠷ | ᠱᠠᠩᠨᠠᠵᠤᠬᠤᠢ᠃ ᠲᠡᠭᠦᠨ ᠤ ᠳᠠᠷᠠᠭᠠ ᠵᠢᠯ᠂ ᠵᠠᠷᠯᠢᠭ ᠢᠶᠠᠷ ᠠᠪᠤᠤ ᠶᠢ ᠬᠠᠷᠢᠶᠠᠲᠤ ᠠᠶᠢᠮᠠᠭ ᠢᠶᠠᠨ ᠳᠠᠭᠠᠭᠤᠯᠤᠨ | ᠶᠠᠪᠤᠵᠤ ᠬᠦᠬᠡᠨᠠᠭᠤᠷ ᠲᠤ ᠬᠦᠷᠴᠦ ᠵᠣᠬᠢᠰᠲᠠᠢ ᠪᠠᠷ ᠡᠪᠯᠡᠨ ᠲᠣᠬᠤᠨᠢᠭᠤᠯᠵᠤ ᠲᠦᠪᠰᠢᠳᠬᠡᠭᠡᠳ ᠬᠡᠰᠡᠭ | ᠬᠤᠭᠤᠴᠠᠭᠠᠨᠠ ᠰᠠᠭᠤᠨ ᠠᠲᠠᠯᠠ᠂ ᠴᠢᠩ ᠤᠯᠤᠰ ᠤᠨ ᠵᠠᠰᠠᠭ ᠤᠨ ᠭᠠᠵᠠᠷ ᠠᠴᠠ ᠠᠪᠤᠤ ᠶᠢ ᠬᠦᠬᠡᠨᠠᠭᠤᠷ ᠤᠨ ᠪᠣᠷᠣ | ᠴᠦᠩᠭᠦᠭ ᠭᠡᠮᠡᠬᠦ ᠭᠠᠵᠠᠷ ᠲᠤᠷ ᠣᠷᠣᠰᠢᠨ ᠰᠠᠭᠤᠲᠤᠭᠠᠢ ᠭᠡᠮᠡᠨ ᠵᠠᠷᠯᠢᠭ ᠪᠣᠯᠪᠡᠢ᠃ ᠲᠤᠬᠠᠢ ᠶᠢᠨ ᠦᠶᠡ ᠶᠢᠨ ᠠᠯᠠᠱᠠ | ᠭᠠᠵᠠᠷ ᠪᠣᠯᠪᠠᠰᠤ ᠵᠠᠬᠠ ᠬᠢᠵᠠᠭᠠᠷ ᠤᠨ ᠠᠮᠠᠰᠠᠷ ᠪᠣᠯᠬᠤᠷ ᠰᠡᠷᠭᠡᠶᠢᠯᠡᠨ ᠬᠠᠮᠠᠭᠠᠯᠠᠬᠤ ᠴᠢᠬᠤᠯᠠ ᠭᠠᠵᠠᠷ ᠢᠶᠠᠷ | ᠢᠷᠭᠠᠢ ᠳᠤ ᠬᠠᠮᠢᠶᠠᠷᠤᠭᠤᠯᠤᠨ᠂ ᠶᠦᠸᠧ ᠵᠦᠩ ᠴᠢ ᠶᠢ ᠰᠠᠭᠤᠯᠭᠠᠵᠤ᠂ ᠬᠤᠲᠠ ᠶᠢᠨ ᠰᠡᠷᠭᠡᠶᠢᠯᠡᠯᠲᠡ ᠶᠢᠨ ᠴᠡᠷᠢᠭ | ᠰᠠᠬᠢᠭᠤᠯᠤᠨ ᠰᠠᠭᠤᠯᠭᠠᠭᠰᠠᠨ ᠪᠡᠶᠢᠵᠡᠢ᠃ ᠠᠪᠤᠤ ᠵᠠᠷᠯᠢᠭ ᠶᠣᠰᠤᠭᠠᠷ ᠪᠣᠷᠤ ᠴᠦᠩᠬᠦᠭ ᠲᠤ ᠬᠡᠰᠡᠭ ᠰᠠᠭᠤᠭᠰᠠᠨ | ᠪᠣᠯᠪᠠᠴᠤ ᠲᠡᠨᠳᠡᠬᠢ ᠶᠢᠨ ᠠᠭᠤᠷ ᠠᠮᠢᠰᠬᠤᠯ ᠲᠤᠬᠢᠷᠠᠮᠵᠢ ᠦᠭᠡᠢ ᠮᠠᠯᠵᠢᠬᠤ ᠳᠤ ᠨᠤᠲᠤᠭ ᠪᠡᠯᠴᠢᠭᠡᠷ ᠢᠪᠴᠤᠤ | ᠪᠣᠯᠬᠤᠷ᠂ ᠮᠦᠨ ᠬᠠᠭᠠᠨ ᠤ ᠳᠦᠷᠪᠡᠳᠦᠭᠡᠷ ᠣᠨ ᠳᠤ ᠠᠪᠤᠤ ᠬᠠᠷᠢᠶᠠᠲᠤ ᠠᠷᠠᠳ ᠢᠶᠠᠨ ᠳᠠᠭᠠᠭᠤᠯᠤᠨ ᠨᠡᠭᠦᠳᠡᠯᠯᠡᠨ | ᠶᠠᠪᠤᠭᠰᠠᠭᠠᠷ ᠠᠯᠠᠱᠠ ᠳᠤ ᠢᠷᠡᠬᠦᠯᠡ᠂ ᠲᠣᠬᠢᠷᠠᠭᠤᠯᠤᠭᠰᠠᠨ ᠭᠠᠵᠠᠷ ᠰᠠᠭᠤᠬᠤ ᠦᠭᠡᠢ ᠪᠠᠷ ᠳᠤᠷᠠ ᠪᠠᠷ ᠢᠶᠠᠨ | ᠵᠠᠷᠯᠢᠭ ᠢ ᠵᠦᠷᠢᠴᠡᠵᠤ ᠠᠯᠤᠰ ᠭᠠᠵᠠᠷ ᠨᠡᠭᠦᠳᠡᠯᠯᠡᠪᠡ ᠭᠡᠮᠡᠭᠡᠳ ᠠᠪᠤᠤ ᠶᠢᠨ ᠵᠢᠶᠦ᠋ᠨ ᠸᠠᠩ ᠤᠨ ᠬᠡᠷᠬᠡᠮ ᠢ | ᠪᠠᠭᠤᠯᠭᠠᠭᠠᠳ ᠪᠡᠶᠢᠯᠡ ᠪᠣᠯᠭᠠᠵᠡᠢ᠃ ᠮᠦᠨ ᠬᠠᠭᠠᠨ ᠤ ᠨᠠᠢᠮᠠᠳᠤᠭᠠᠷ ᠣᠨ ︵1730 ᠣᠨ︶ ᠳᠤ᠂ ᠵᠠᠷᠯᠢᠭ ᠢᠶᠠᠷ | ᠠᠪᠤᠤ ᠶᠢ ᠬᠠᠷᠢᠶᠠᠲᠤ ᠴᠡᠷᠢᠭ ᠢᠶᠠᠨ ᠳᠠᠭᠠᠭᠤᠯᠤᠨ ᠪᠠᠷᠺᠦ᠋ᠯ ᠳᠤ ᠣᠳᠴᠤ ᠪᠠᠷᠠᠭᠤᠨ ᠵᠠᠮ ᠤᠨ ᠶᠡᠭᠡ ᠴᠡᠷᠢᠭ ᠯᠦᠭᠡ | ᠨᠡᠶᠢᠯᠡᠵᠤ᠂ ᠵᠦᠩᠭᠠᠷ ᠢ ᠳᠠᠶᠢᠯᠠᠲᠤᠭᠠᠢ ᠭᠡᠮᠡᠭᠰᠡᠨ ᠢ ᠭᠦᠯᠢᠶᠡᠵᠤ ᠮᠣᠷᠳᠠᠬᠤ ᠭᠡᠲᠡᠯᠡ᠂ ᠭᠠᠯᠲᠠᠨ ᠪᠣᠱᠣᠭᠲᠤ ᠡᠯᠴᠢ | ᠢᠯᠡᠭᠡᠨ ᠡᠪᠰᠡᠬᠦ ᠶᠢ ᠭᠤᠶᠤᠴᠢᠯᠠᠨ ᠢᠷᠡᠬᠦᠯᠡ᠂ ᠵᠠᠷᠯᠢᠭ ᠢᠶᠠᠷ ᠳᠠᠶᠢᠯᠠᠬᠤ ᠪᠠᠷ ᠣᠳᠬᠤ ᠶᠢ ᠲᠦᠷ ᠬᠦᠯᠢᠶᠡᠲᠦᠭᠡᠢ | ᠭᠡᠵᠡᠢ᠃ ᠤᠳᠠᠯ ᠦᠭᠡᠢ ᠵᠦᠩᠭᠠᠷ ᠤᠨ ᠴᠡᠷᠢᠭ ᠪᠠᠷᠠᠭᠤᠨ ᠵᠠᠮ ᠤᠨ ᠴᠡᠷᠢᠭ ᠢ ᠳᠠᠷᠤᠷᠠ ᠢᠷᠡᠭᠰᠡᠨᠡ᠂ ᠵᠠᠷᠯᠢᠭ ᠢᠶᠠᠷ | ᠠᠪᠤᠤ ᠶᠢ ᠳᠣᠲᠤᠭᠠᠳᠤ ᠵᠠᠰᠠᠭ ᠤᠨ ᠮᠢᠩᠭᠠᠨ ᠴᠡᠷᠢᠭ ᠢ ᠳᠠᠶᠢᠴᠢᠯᠠᠨ ᠣᠴᠢᠲᠤᠭᠠᠢ᠂ ᠵᠦᠩᠭᠠᠷ ᠤᠨ ᠴᠡᠷᠢᠭ ᠲᠠᠢ | ᠪᠠᠶᠢᠯᠳᠤᠨ ᠳᠡᠶᠢᠯᠬᠦ ᠠᠪᠠᠰᠤ ᠣᠴᠢᠭᠲᠤᠨ᠂ ᠬᠡᠷᠪᠡ ᠳᠡᠶᠢᠯᠦᠭᠳᠡᠬᠦ ᠪᠣᠯᠪᠠᠰᠦ ᠬᠢᠵᠠᠭᠠᠷ ᠲᠤᠷ ᠣᠷᠤᠵᠤ᠂ ᠨᠣᠭᠤᠭᠠᠨ | ᠲᠤᠭ ᠤᠨ ᠴᠡᠷᠢᠭ ᠯᠦᠭᠡ ᠬᠠᠮᠲᠤ ᠪᠠᠷ ᠳᠣᠲᠤᠭᠠᠳᠤ ᠬᠠᠷᠠᠭᠤᠯ ᠢ ᠰᠠᠬᠢᠲᠤᠭᠠᠢ ᠭᠡᠮᠡᠵᠦᠬᠦᠢ᠃ ᠡᠭᠦᠨ ᠳᠤ᠂ | ᠠᠪᠤᠤ ᠶᠢᠨ ᠬᠦᠪᠡᠭᠦᠨ ᠪᠠᠶᠢᠰᠠ ᠭᠤᠮᠪᠤ ᠵᠦᠩᠭᠠᠷ ᠤᠨ ᠴᠡᠷᠢᠭ ᠢ ᠢᠯᠠᠭᠰᠠᠨ ᠤ ᠳᠠᠷᠠᠭᠠ᠂ 1731 ᠣᠨ ᠳᠤ ᠠᠪᠤᠤ | ᠴᠡᠷᠢᠭ ᠤᠨ ᠬᠦᠷᠢᠶᠡᠨ ᠠᠴᠠ ᠠᠯᠠᠱᠠ ᠳᠤ ᠢᠷᠡᠭᠡᠳ ᠳᠡᠭᠡᠷᠡᠬᠢ ᠶᠢᠨ ᠵᠦᠪᠰᠢᠶᠡᠷᠡᠯ ᠢ ᠣᠯᠤᠭᠰᠠᠨ ᠦᠭᠡᠢ ᠪᠠᠷ ᠪᠣᠷᠤ | ᠴᠦᠩᠬᠦᠭ ᠠᠴᠠ ᠨᠡᠭᠦᠭᠰᠡᠨ ᠣᠰᠣᠯ ᠪᠤᠷᠤᠭᠤ ᠪᠠᠨ ᠡᠵᠡᠨ ᠬᠠᠭᠠᠨ ᠳᠤ ᠣᠴᠢᠵᠤ ᠮᠡᠳᠡᠭᠦᠯᠵᠤ ᠠᠶᠢᠯᠠᠳᠬᠠᠭᠰᠠᠨᠠ᠂ | ᠬᠠᠭᠠᠨ ᠠᠴᠠ ᠣᠰᠣᠯ ᠪᠤᠷᠤᠭᠤ ᠶᠢ ᠨᠢ ᠠᠭᠤᠴᠢᠠᠯᠨ ᠬᠡᠯᠲᠦᠷᠢᠭᠦᠯᠵᠦ᠂ ᠭᠠᠪᠢᠶᠠ ᠵᠢᠳᠬᠦᠯ ᠢ ᠲᠡᠷᠢᠬᠦᠨ ᠳᠤ ᠲᠠᠯᠪᠢᠵᠤ | ᠂ ᠵᠢᠶᠦ᠋ᠨ ᠸᠠᠩ ᠤᠨ ᠬᠡᠷᠬᠡᠮ ᠢ ᠨᠢ ᠰᠡᠷᠭᠦᠭᠡᠨ ᠦᠭᠭᠦᠭᠰᠡᠨ ᠤ ᠬᠠᠮᠲᠤ᠂ ᠰᠢᠨᠡ ᠪᠠᠷ ᠪᠠᠶᠢᠭᠤᠯᠤᠭᠰᠠᠨ ᠬᠤᠲᠠ ᠶᠢ | ᠬᠤᠯᠠᠳᠠᠬᠢᠨ ᠢ ᠲᠣᠭᠲᠠᠭᠠᠭᠴᠢ ᠬᠤᠷᠢᠶᠠ ︵定远营） ᠭᠡᠮᠡᠨ ᠨᠡᠷᠡᠯᠡᠭᠡᠳ ᠠᠪᠤᠤ ᠳᠤ ᠱᠠᠩᠨᠠᠨ ᠦᠭᠭᠦᠭᠰᠡᠨ | ᠲᠤᠯᠠ᠂ ᠰᠢᠷᠠᠪᠦ᠋ᠷᠢᠳᠤ ᠳᠤ ᠪᠠᠶᠢᠭᠰᠠᠨ ᠬᠤᠰᠢᠭᠤ ᠶᠠᠮᠤᠨ ᠢᠶᠠᠨ ᠳ᠋ᠢᠩ ᠶᠤᠸᠠᠨ ᠶᠢᠩ ᠬᠤᠲᠠ ᠳᠤ ᠨᠡᠭᠦᠯᠭᠡᠨ | ᠢᠷᠡᠭᠦᠯᠦᠭᠡᠳ ᠦᠯᠵᠡᠶᠢᠲᠤ ᠮᠦᠷᠡᠨ ᠤ ᠡᠬᠢᠨ ᠳᠤ ︽ᠳᠡᠯᠭᠡᠷ ᠪᠢᠯᠢᠭᠲᠦ ᠶᠡᠭᠡ ᠶᠠᠮᠤᠨ︾ ᠢ ᠪᠠᠶᠢᠭᠤᠯᠵᠡᠢ᠃ ᠠᠪᠤᠤ | 1739 ᠣᠨ ᠳᠤ ᠨᠠᠰᠤ ᠨᠦᠭᠴᠢᠬᠦᠯᠡ᠂ ︽ᠮᠦᠩᠭᠦᠨ ᠠᠪᠤᠤ︾ ᠭᠡᠮᠡᠬᠦ ᠨᠡᠬᠡᠮᠵᠢᠯᠡᠭᠰᠡᠨ ᠴᠣᠯᠠ ᠣᠯᠭᠤᠵᠡᠢ᠃ |