| ᠸᠠᠩᠴᠢᠨᠪᠠᠮᠪᠠᠷ ᠪᠣᠯ ᠯᠤᠪᠰᠠᠩᠳᠤᠷᠵᠢ ᠶᠢᠨ ᠠᠬᠠᠮᠠᠳ ᠬᠦᠪᠡᠭᠦᠨ ᠪᠦᠭᠡᠳ ᠲᠡᠳᠡ ᠮᠠᠬᠠᠪᠠᠯᠠ ᠵᠡᠷᠭᠡ ᠠᠬᠠ ᠳᠡᠭᠦᠦ | ᠳᠣᠯᠤᠭᠠ ᠪᠠᠶᠢᠵᠡᠢ᠃ ᠲᠡᠭᠷᠢ ᠲᠡᠳᠬᠦᠭᠴᠢ ᠶᠢᠨ44 ᠣᠨ ︵1779 ᠣᠨ︶ ᠳᠤ ᠸᠠᠩᠴᠢᠨᠪᠠᠮᠪᠠᠷ ᠭᠦᠩ ᠤᠨ ᠵᠡᠷᠭᠡ | ᠲᠠᠶᠢᠵᠢ ᠪᠣᠯᠵᠤ᠂ ᠰᠢᠲᠠᠷ ᠲᠤᠷ ᠶᠠᠪᠤᠭᠠᠳ ᠬᠤᠶᠠᠷ ᠨᠢᠳᠦᠲᠦ ᠤᠲᠤᠭᠠ᠂ ᠰᠢᠷᠠ ᠣᠯᠪᠤᠭ ᠢᠶᠠᠷ ᠱᠠᠩᠨᠠᠭᠳᠠᠵᠤᠬᠤᠢ᠃ | ᠲᠡᠷᠡ᠂ ᠬᠤᠰᠢᠭᠤ ᠭᠡᠭᠡ ᠯᠦᠭᠡ ᠤᠷᠤᠭ ᠬᠤᠯᠪᠤᠵᠤ ᠳᠡᠮᠡᠢ ᠤᠳᠠᠭᠰᠠᠨ ᠦᠭᠡᠢ ᠪᠠᠷ ᠭᠡᠭᠡ ᠨᠠᠰᠤ ᠪᠠᠷᠠᠭᠰᠠᠨ ᠳᠤ᠂ | ᠲᠦᠷᠦ ᠶᠢᠨ ᠭᠡᠭᠡ ᠯᠦᠭᠡ ᠤᠷᠤᠭ ᠬᠤᠯᠪᠣᠵᠤ᠂ ᠲᠦᠷᠦ ᠶᠢᠨ ᠡᠹᠦ᠋ ᠪᠣᠯᠵᠡᠢ᠃1781 ᠣᠨ ᠳᠤ ᠵᠠᠷᠯᠢᠭ ᠢᠶᠠᠷ | ᠮᠠᠨᠵᠤ ᠶᠢᠨ ᠶᠡᠭᠡ ᠴᠡᠷᠢᠭ ᠯᠦᠭᠡ ᠬᠠᠪᠰᠤᠷᠴᠤ᠂ ᠬᠤᠸᠠ ᠯᠢᠨ ᠰᠧ ᠶᠢᠨ ᠭᠠᠵᠠᠷ ᠬᠦᠷᠴᠦ ᠳᠠᠬᠢᠨ ᠤᠷᠪᠠᠭᠰᠠᠨ | ᠰᠠᠯᠠᠷ ᠤᠨ ᠰᠠᠮᠠᠭᠤᠨ ᠢ ᠳᠠᠷᠤᠭᠠᠳ ᠭᠠᠪᠢᠶᠠ ᠲᠡᠮᠳᠡᠭᠯᠡᠵᠦ᠂1783 ᠣᠨ ᠳᠤ ᠵᠠᠰᠠᠭ ᠬᠤᠱᠤᠢ ᠴᠢᠨ ᠸᠠᠩ ᠤᠨ | ᠬᠡᠷᠬᠡᠮ ᠢ ᠵᠠᠯᠭᠠᠮᠵᠢᠯᠠᠵᠤ᠂ ᠲᠡᠭᠦᠨ ᠤ ᠳᠣᠣᠷᠠᠬᠢ ᠲᠦᠰᠢᠮᠡᠳ ᠲᠤ᠂ ᠤᠯᠤᠰ ᠤᠨ ᠲᠦᠰᠢᠶᠡ ᠭᠦᠩ ᠳᠣᠷᠵᠢᠰᠠᠪᠳᠠᠨ | ᠂ ᠤᠯᠤᠰ ᠲᠤᠷ ᠲᠤᠰᠠᠯᠠᠬᠤ ᠭᠦᠩ ᠤᠷᠲᠤᠨᠠᠰᠤᠨ᠂ ᠲᠤᠰᠠᠯᠠᠭᠴᠢ ᠢᠳᠡᠮ᠂ ᠬᠠᠶᠢᠳᠤᠪ᠂ ᠨᠠᠮᠵᠢᠯᠳᠤᠷᠵᠢ᠂ | ᠬᠤᠰᠢᠭᠤ ᠶᠢ ᠵᠠᠬᠢᠷᠤᠭᠴᠢ ᠳ᠋ᠠᠷᠮᠠᠪᠠᠯᠠ ᠨᠠᠷ ᠪᠠᠶᠢᠵᠡᠢ᠃ᠸᠠᠩᠴᠢᠨᠪᠠᠮᠪᠠᠷ1784 ᠣᠨ ᠳᠤ᠂ ᠢᠷᠭᠠᠢ ᠶᠢᠨ ᠴᠢᠩ | ᠤᠯᠤᠰ ᠤᠨ ᠴᠡᠷᠢᠭ ᠤᠨ ᠮᠠᠶᠢᠷᠠᠨ ᠤ ᠵᠠᠩᠭᠢ ᠶᠢᠨ ᠲᠤᠰᠢᠶᠠᠯ ᠢ ᠬᠦᠯᠢᠶᠡᠭᠰᠡᠨ ᠤ ᠳᠠᠷᠠᠭᠠ᠂ ᠱᠢ ᠹᠧᠩ ᠬᠤᠷᠢᠶᠠ᠂ | ᠳ᠋ᠢ ᠲᠢᠶᠠᠨ ᠽᠢ ᠵᠡᠷᠭᠡ ᠭᠠᠵᠠᠷ ᠲᠤᠷ ᠬᠤᠲᠤᠩ ᠤᠨ ᠤᠷᠪᠠᠯᠭᠠᠨ ᠭᠠᠷᠤᠭᠰᠠᠨᠠ᠂ ᠵᠠᠷᠯᠢᠭ ᠢᠶᠠᠷ ᠸᠠᠩᠴᠢᠨᠪᠠᠮᠪᠠᠷ ᠢ | ᠠᠯᠠᠱᠠ ᠴᠡᠷᠢᠭ᠂ ᠮᠠᠨᠵᠤ ᠶᠢᠨ ᠴᠡᠷᠢᠭ ᠬᠠᠮᠳᠤᠷᠠᠵᠤ᠂ ᠤᠷᠪᠠᠭᠰᠠᠳ ᠢ ᠳᠠᠷᠤᠨ᠂ ᠭᠠᠵᠠᠷ ᠣᠷᠤᠨ ᠢ ᠲᠦᠪᠰᠢᠳᠭᠡᠵᠦ | ᠂ ᠠᠷᠠᠳ ᠢᠷᠭᠡᠳ ᠢ ᠠᠮᠤᠷᠵᠢᠭᠤᠯᠲᠤᠭᠠᠢ ᠭᠡᠮᠡᠭᠰᠡᠨ ᠶᠣᠰᠤᠭᠠᠷ ᠲᠡᠳᠡᠭᠡᠷ ᠭᠠᠵᠠᠷ ᠲᠤᠷ ᠣᠳᠴᠤ᠂ ᠰᠠᠯᠠᠷ ᠯᠤᠭᠠ | ᠪᠠᠶᠢᠯᠳᠤᠵᠤ᠂ ᠰᠠᠮᠠᠭᠤᠨ ᠢ ᠲᠦᠪᠰᠢᠳᠬᠡᠭᠡᠳ ᠭᠠᠵᠠᠷ ᠣᠷᠣᠨ ᠢ ᠲᠣᠭᠲᠠᠭᠤᠨ ᠪᠣᠯᠭᠠᠭᠰᠠᠨ ᠲᠤᠬᠠᠢ ᠭᠠᠪᠢᠶᠠ | ᠲᠡᠮᠳᠡᠭᠯᠡᠬᠦ ᠪᠠᠷ ᠵᠠᠷᠯᠢᠭ ᠪᠠᠭᠤᠵᠤ᠂ ᠸᠠᠩᠴᠢᠨᠪᠠᠮᠪᠠᠷ ᠤᠨ ᠲᠦᠷᠦᠭᠰᠡᠨ ᠳᠡᠭᠦᠦ ᠨᠠᠷ ᠳᠤᠲᠤᠷᠠ ᠠᠴᠠ ᠨᠢᠭᠡᠨ ᠢ | ᠰᠣᠩᠭᠤᠨ ᠮᠡᠳᠡᠭᠦᠯᠵᠦ ᠱᠠᠩᠨᠠᠭᠤᠯᠲᠤᠭᠠᠢ ᠭᠡᠬᠦᠯᠡ᠂ ᠮᠠᠬᠠᠪᠠᠯᠠ ᠶᠢ ᠠᠶᠢᠯᠠᠳᠬᠠᠨ ᠮᠡᠳᠡᠭᠦᠯᠦᠭᠡᠳ ᠭᠦᠩ ᠤᠨ ᠵᠡᠷᠭᠡ | ᠲᠡᠷᠢᠭᠦᠨ ᠵᠡᠷᠭᠡ ᠲᠠᠶᠢᠵᠢ ᠪᠣᠯᠭᠠᠨ ᠡᠷᠭᠦᠮᠵᠢᠯᠡᠭᠦᠯᠵᠡᠢ᠃ ᠰᠠᠶᠢᠰᠢᠶᠠᠯ ᠢᠷᠦᠭᠡᠯᠲᠤ ᠶᠢᠨ ᠶᠢᠰᠦᠳᠦᠭᠡᠷ ᠣᠨ ︵1804 | ᠣᠨ︶ ᠳ᠋ᠤ᠋ᠸᠠᠩᠴᠢᠨᠪᠠᠮᠪᠠᠷ ᠨᠠᠰᠤ ᠨᠦᠭᠴᠢᠬᠦᠯᠡ ᠨᠡᠬᠡᠮᠵᠢᠯᠡᠨ ᠡᠷᠭᠦᠮᠵᠢᠯᠡᠭᠰᠡᠨ ᠴᠤᠯᠠ ᠢᠨᠤ ︽ᠪᠤᠷᠬᠠᠨ ᠨᠣᠶᠠᠨ︾ | ᠭᠡᠵᠡᠢ᠃ | |