| | ᠬᠤᠤ ᠥᠷᠯᠥᠭ — ᠤᠶᠢᠷᠠᠳ ᠠᠶᠢᠮᠠᠭ ᠤᠨ ᠲᠣᠷᠭᠤᠳ ᠣᠪᠤᠭᠲᠠᠨ᠃ ᠲᠡᠭᠦᠨ ᠤ ᠡᠪᠦᠭᠡ ᠨᠢ ᠪᠤᠶᠢᠭᠤ ᠥᠷᠯᠥᠭ | ᠪᠤᠯᠬᠤ ᠪᠦᠭᠡᠳ ᠡᠴᠢᠭᠡ ᠨᠢ ᠵᠤᠯᠵᠠᠭᠠᠨ ᠦᠷᠯᠦᠭ ᠪᠤᠯᠬᠤ ᠶᠤᠮ᠃ | 1607 ᠣᠨ ᠳᠤ ᠬᠤᠤ ᠥᠷᠯᠥᠭ᠄ ︽ᠬᠤᠪᠤᠭ ᠰᠠᠶᠢᠷ ︵ᠣᠳᠣᠬᠢ ᠰᠢᠨᠵᠢᠶᠠᠩ ᠳᠤ ᠪᠤᠢ︶ ᠤᠨ ᠭᠠᠵᠠᠷ ᠨᠤᠲᠤᠭ | ᠠᠭᠢᠷ ᠴᠢᠬᠢᠷ ᠮᠥᠷᠳᠡᠭᠡᠨ ᠬᠦᠮᠦᠨ ᠠᠮᠢᠲᠠᠨ ᠢᠶᠠᠷ ᠴᠦᠭᠡᠨ᠂ ᠠᠯᠪᠠᠲᠤ ᠬᠠᠷᠢᠶᠠᠲᠤ ᠮᠢᠨᠢ ᠠᠩ ᠬᠢᠬᠦ ᠶᠢ ᠪᠠᠶᠢᠳᠤᠭᠠᠢ | ᠠᠳᠤᠭᠤ ᠮᠠᠯ ᠴᠤ ᠬᠠᠷᠢᠭᠤᠯᠬᠤ ᠭᠠᠵᠠᠷ ᠣᠯᠳᠠᠬᠤ ᠦᠭᠡᠢ ᠪᠠᠶᠢᠨᠠ᠃ ᠲᠡᠷᠡᠴᠢᠯᠡᠨ ᠲᠡᠷᠢᠶᠠ ᠲᠥᠮᠦᠰᠦ ᠲᠡᠷᠢᠵᠦ | ᠠᠮᠢ ᠭᠤᠣᠯ ᠢᠶᠠᠨ ᠲᠡᠵᠢᠭᠡᠶᠡ ᠭᠡᠬᠦ ᠳᠤ ᠴᠤ ᠬᠦᠴᠢᠷ ᠪᠤᠯᠤᠭᠠᠳ ᠪᠤᠢ᠃ ᠡᠶᠢᠮᠦ ᠠᠴᠠ ᠭᠠᠵᠠᠷ ᠨᠤᠲᠤᠭ | ᠪᠤᠯᠢᠶᠠᠯᠳᠤᠵᠦ᠂ ᠨᠢᠭᠡ ᠨᠢ ᠨᠢᠭᠡᠨ ᠢᠶᠠᠨ ᠠᠯᠠᠵᠦ ᠬᠢᠳᠤᠭᠠᠳ᠂ ᠠᠯᠪᠠᠲᠤ ᠢᠷᠭᠷᠳ ᠢᠶᠠᠨ ᠬᠤᠷᠤᠭᠠᠭᠰᠠᠨ ᠠᠴᠠ | ᠬᠤᠯᠠ ᠭᠠᠵᠠᠷ ᠣᠳᠴᠤ᠂ ᠬᠠᠷᠢ ᠶᠠᠰᠤᠲᠤ ᠤᠯᠤᠰ ᠤᠨ ᠣᠶᠢᠷᠠ ᠰᠠᠭᠤᠨ᠂ ᠲᠡᠳᠡᠨ ᠯᠦᠭᠡ ᠳᠠᠶᠢᠯᠳᠤᠨ ᠣᠯᠵᠠ | ᠠᠰᠢᠭ ᠠᠪᠴᠤ ᠶᠠᠪᠤᠪᠠᠯ ᠳᠡᠭᠡᠷᠡ ᠪᠠᠶᠢᠬᠠ᠃ ᠰᠣᠨᠤᠰᠬᠤᠯᠠᠷ ᠬᠤᠶᠢᠳ ᠤᠨ ᠬᠤᠶᠢᠳᠤ ᠵᠠᠬᠠ ᠳᠤ ᠣᠷᠣ ᠶᠢᠨ | ᠭᠠᠭᠴᠠ ᠮᠣᠳᠣ ︵ᠣᠳᠣᠬᠢ ᠬᠠᠰᠬᠠᠰᠲ᠋ᠠᠨ ᠳᠤ ᠪᠤᠢ︶ ᠭᠡᠳᠡᠭ ᠡᠵᠡᠭᠦᠢ ᠰᠤᠯᠠ ᠭᠠᠵᠠᠷ ᠪᠠᠶᠢᠬᠤ ᠶᠤᠮ ᠭᠡᠨᠡ᠃ | ᠪᠢᠳᠡ ᠲᠡᠨᠳᠡ ᠬᠦᠷᠴᠦ ᠲᠠᠷᠢᠶᠠ ᠲᠠᠷᠢᠵᠦ᠂ ᠠᠩᠪᠠᠲᠤ ᠢᠷᠭᠡᠳ ᠢᠶᠠᠨ ᠲᠡᠩᠬᠡᠭᠡᠷᠡᠭᠦᠯᠦᠨ ᠠᠪᠤᠶᠠ ᠭᠡᠮᠡᠨ ᠪᠣᠳᠣᠵᠣ | ᠪᠤᠢ︾ ᠭᠡᠵᠦ ᠲᠥᠷᠪᠸᠡᠨ ᠣᠶᠢᠷᠠᠳ ᠤᠨ ᠴᠢᠭᠤᠯᠭᠠᠨ ᠳᠠᠷᠤᠭᠠ ᠪᠠᠶᠢᠭᠰᠠᠨ ᠪᠠᠭᠠᠲᠤᠷ ᠬᠤᠩ ᠲᠠᠶᠢᠵᠢ ᠳᠤ | ᠠᠶᠢᠯᠠᠳᠬᠠᠪᠠ᠃ ᠪᠠᠭᠠᠲᠤᠷ ᠬᠤᠩ ᠲᠠᠶᠢᠵᠢ ᠵᠦᠪᠰᠢᠶᠡᠷᠡᠭᠰᠡᠨ ᠲᠤᠯᠠ ᠬᠤᠤ ᠥᠷᠯᠦᠭ ᠬᠠᠭᠠᠨᠲᠤ ᠣᠷᠤᠰ ᠤᠨ ᠵᠠᠰᠠᠭ | ᠤᠨ ᠭᠠᠵᠠᠷ ᠲᠤ ᠡᠯᠴᠢ ᠲᠤᠮᠢᠯᠠᠨ ᠶᠠᠪᠤᠭᠤᠯᠵᠦ ᠡᠪ ᠨᠠᠶᠢᠷ ᠲᠠᠢ ᠪᠠᠷ ᠵᠡᠷᠭᠡᠴᠡᠨ ᠣᠷᠤᠰᠢᠵᠤ᠂ ᠬᠦᠷᠰᠢ ᠵᠡᠷᠭᠡᠯᠡᠳᠡᠭᠡ | ᠤᠯᠤᠰ ᠪᠤᠯᠵᠦ ᠠᠮᠢᠳᠤᠷᠠᠬᠤ ᠶᠢ ᠬᠦᠰᠡᠭᠰᠡᠨ ᠪᠠᠶᠢᠨᠠ᠃ ᠲᠡᠭᠡᠭᠡᠳ ᠬᠤᠤ ᠥᠷᠯᠥᠭ ᠥᠪᠡᠷᠦᠨ ᠠᠯᠪᠠᠲᠤ ᠲᠤᠷᠭᠤᠳ | ᠪᠠ ᠬᠤᠱᠣᠳ ᠵᠢᠴᠢ ᠳᠥᠷᠪᠡᠳ ᠵᠡᠷᠭᠡ ᠠᠶᠢᠮᠠᠭ ᠤᠭᠰᠠᠭᠠ ᠶᠢᠨ ᠣᠯᠠᠨ ᠢᠶᠠᠨ ᠠᠪᠴᠤ ᠬᠤᠪᠤᠭ ᠰᠠᠶᠢᠷ᠂ ᠡᠮᠢᠯ | ᠠᠴᠠ ᠬᠦᠳᠡᠯᠦᠨ ᠭᠠᠷᠤᠭᠠᠳ᠂ ᠣᠷᠣ ᠶᠢᠨ ᠭᠠᠭᠴᠠ ᠮᠤᠳᠤᠨ ᠳᠤ ᠨᠡᠭᠦᠳᠡᠯᠯᠡᠨ ᠭᠦᠷᠴᠦ ᠨᠤᠲᠤᠭᠯᠠᠨ | ᠰᠠᠭᠤᠷᠢᠰᠢᠭᠠᠳ᠂ ᠲᠠᠷᠢᠶᠠ ᠲᠠᠷᠢᠵᠦ ᠠᠮᠤᠷ ᠵᠢᠷᠭᠠᠯ ᠲᠠᠢ ᠠᠮᠢᠳᠤᠷᠠᠵᠦ ᠡᠬᠢᠯᠡᠪᠡ᠃ ᠡᠨᠡ ᠬᠦ ᠴᠢᠮᠡᠭᠡ ᠶᠢ ᠣᠶᠢᠷᠠᠳ | ᠤᠨ ᠪᠣᠰᠤᠳ ᠬᠦᠮᠦᠰ ᠣᠯᠵᠦ ᠰᠣᠨᠣᠰᠣᠭᠠᠳ᠂ ᠠᠷᠤ ᠠᠷᠤ ᠠᠴᠠ ᠪᠠᠨ ᠬᠤᠤ ᠥᠷᠯᠦᠭ ᠤᠨ ᠬᠤᠶᠢᠨᠠ ᠠᠴᠠ | ᠨᠡᠭᠦᠳᠡᠯᠯᠡᠨ ᠣᠴᠢᠵᠦ ᠨᠡᠶᠢᠯᠡᠭᠰᠡᠭᠡᠷ ᠬᠡᠳᠦᠨ ᠵᠢᠯ ᠤᠨ ᠳᠤᠲᠤᠷᠠ 4 ᠲᠦᠨᠡ ᠢᠯᠡᠭᠦᠦ ᠡᠷᠦᠭᠡ ᠪᠤᠯᠵᠦ ᠥᠰᠦᠭᠰᠡᠨ | ᠪᠠᠶᠢᠨᠠ᠃ | 1608 ᠣᠨ ᠳᠤ ᠬᠤᠤ ᠥᠷᠯᠦᠭ ᠡᠷᠴᠢᠰ ᠭᠤᠤᠯ ᠤᠨ ᠲᠤᠮᠳᠠᠳᠤ ᠣᠷᠤᠰᠬᠠᠯ ᠳᠠᠭᠠᠤ ᠲᠠᠯᠠ ᠬᠤᠳᠠ ︵ᠣᠳᠣᠬᠢ | ᠬᠠᠰᠬᠠᠰᠲ᠋ᠠᠨ ᠳᠤ ᠪᠤᠢ︶ ᠶᠢᠨ ᠣᠷᠴᠢᠨ ᠳᠤ ᠬᠦᠷᠬᠦ ᠲᠠᠢ ᠵᠡᠷᠬᠡ ᠢᠵᠢᠯ ᠵᠠᠢ ︵ᠣᠳᠣᠬᠢ ᠸᠤᠯᠭᠠ ᠮᠦᠷᠡᠨ ᠬᠢᠭᠡᠳ | ᠦᠷᠡᠯ ᠭᠤᠣᠯ ᠪᠣᠯᠤᠨᠠ︶ ᠳᠤ ᠬᠦᠮᠦᠨ ᠶᠠᠪᠤᠭᠤᠯᠵᠦ ᠬᠠᠶᠢᠨ ᠪᠠᠶᠢᠴᠠᠭᠠᠯᠭᠠᠪᠠ᠃ ᠬᠤᠤ ᠥᠷᠯᠥᠭ ᠡᠷᠴᠢᠰ | ᠭᠤᠣᠯ ᠤᠨ ᠳᠤᠮᠳᠠᠳᠤ ᠤᠷᠤᠰᠬᠠᠯ ᠳᠠᠭᠠᠤ ᠲᠠᠯᠠ ᠬᠤᠲᠠᠨ ᠤ ᠣᠷᠴᠢᠨ ᠳᠤ ᠨᠡᠭᠦᠵᠦ ᠣᠴᠢᠬᠤ ᠠᠴᠠ ᠡᠮᠦᠨᠡ | ᠳᠥᠷᠪᠡᠳ ᠤᠨ ᠳᠠᠯᠠᠢ ᠲᠠᠶᠢᠵᠢ ᠪᠤᠯᠤᠨ ᠲᠡᠭᠦᠨ ᠤ ᠵᠠᠬᠢᠷᠭᠠᠨ ᠳᠤᠤᠷᠠᠬᠢ ᠬᠤᠶᠢᠳ ᠤᠨ ᠰᠠᠶᠢᠨ ᠬᠢᠶᠠ ᠬᠢᠶᠠ ᠶᠢᠨ | ᠬᠠᠷᠠᠭᠠᠲᠤ ᠠᠶᠢᠮᠠᠭ ᠤᠳ ᠲᠡᠨᠳᠡ ᠮᠠᠯᠵᠢᠵᠦ ᠪᠠᠶᠢᠭᠰᠠᠨ ᠪᠢᠯᠡ᠃ ᠬᠤᠤ ᠥᠷᠯᠦᠭ ᠢ ᠨᠡᠭᠦᠵᠦ ᠣᠴᠢᠭᠰᠠᠨ ᠤ | ᠳᠠᠷᠠᠭᠠ ᠲᠤᠷᠭᠤᠳ ᠤᠨ ᠡᠵᠡᠨᠡᠢ ᠲᠠᠶᠢᠵᠢ ᠶᠢᠨ ᠬᠠᠳᠤᠨ᠂ ᠲᠡᠭᠦᠨ ᠤ ᠬᠦᠪᠡᠭᠦᠨ ᠪᠤᠯᠤᠨ ᠴᠣᠷᠣᠰ ᠤᠨ ᠬᠠᠷᠠ | ᠬᠤᠯᠠᠨ ᠤ ᠬᠦᠪᠡᠭᠦᠨ ᠴᠦᠬᠦᠷ ᠣᠪᠠᠰᠢ ᠴᠤ ᠠᠷᠣ ᠠᠴᠠ ᠨᠢ ᠨᠡᠭᠦᠵᠦ ᠣᠴᠢᠭᠰᠠᠨ ᠶᠤᠮ᠃ ᠢᠩᠭᠢᠭᠡᠳ ᠡᠳᠡᠭᠡᠷ | ᠠᠶᠢᠮᠠᠭ ᠤᠨ ᠬᠦᠮᠦᠰ ᠢ ᠳᠦᠷᠪᠡᠳ ᠤᠨ ᠳᠠᠯᠠᠢ ᠲᠠᠶᠢᠵᠢ ᠪᠤᠯᠤᠨ ᠲᠤᠷᠭᠤᠳ ᠤᠨ ᠡᠵᠡᠨᠡᠢ ᠲᠠᠶᠢᠵᠢ ᠶᠢᠨ ᠬᠠᠳᠤᠨ | ᠵᠠᠬᠢᠷᠬᠤ ᠪᠤᠯᠵᠠᠢ᠃ ᠲᠤᠬᠠᠢ ᠶᠢᠨ ᠦᠶᠡ ᠳᠤ ᠣᠶᠢᠷᠠᠳ ᠤᠨ ᠡᠳᠡᠭᠡᠷ ᠠᠶᠢᠮᠠᠭ ᠤᠨ ᠬᠦᠮᠦᠰ ᠬᠡᠳᠦᠶᠢᠪᠡᠷ | ᠳᠣᠲᠤᠭᠠᠳᠣ ᠳᠠᠭᠠᠨ ᠴᠣᠷᠣᠰ ᠤᠨ ᠴᠦᠬᠦᠷ ᠤᠪᠠᠰᠢ ᠶᠢᠨ ᠲᠦᠢᠪᠡᠭᠡᠨ ᠳᠤ ᠤᠴᠠᠷᠠᠵᠦ᠂ ᠭᠠᠳᠠᠭᠠᠳᠤ ᠳᠠᠭᠠᠨ | ᠬᠠᠭᠠᠨᠳᠣ ᠣᠷᠣᠰ ᠪᠤᠯᠤᠨ ᠬᠠᠯᠬᠠ ᠶᠢᠨ ᠵᠠᠰᠠᠭᠲᠤ ᠬᠠᠨ ᠠᠶᠢᠮᠠᠭ ᠤᠨ ᠤᠮᠪᠤ ᠡᠷᠳᠡᠨᠢ ᠶᠢᠨ ᠰᠦᠷᠳᠡᠭᠦᠯᠦᠯ ᠳᠤ | ᠳᠤᠬᠢᠶᠠᠯᠳᠤᠵᠤ ᠪᠠᠶᠢᠭᠰᠠᠨ ᠪᠤᠯᠪᠠᠴᠤ᠂ ᠲᠣᠷᠭᠤᠳ ᠤᠨ ᠬᠤᠤ ᠥᠷᠯᠦᠭ ᠪᠤᠯᠤᠨ ᠴᠤᠷᠤᠰ ᠤᠨ ᠬᠠᠷᠠ ᠬᠤᠯᠠᠨ᠂ | ᠪᠠᠭᠠᠳᠣᠷ ᠬᠤᠩ ᠲᠠᠶᠢᠵᠢ ᠶᠢᠨ ᠤᠳᠤᠷᠢᠳᠤᠯᠭᠠ ᠳᠤᠤᠷᠠ᠂ ᠡᠯᠳᠡᠪ ᠵᠦᠢᠯ ᠤᠨ ᠬᠦᠴᠢᠷ ᠪᠡᠷᠬᠡᠰᠢᠶᠡᠯ ᠢ ᠴᠦᠮ | ᠢᠯᠠᠨ ᠳᠠᠪᠠᠭᠠᠳ᠂ ᠳᠤᠰ ᠭᠠᠵᠠᠷ ᠤᠷᠤᠨ ᠳᠤ ᠲᠠᠷᠢᠶᠠᠯᠠᠩ ᠮᠠᠯ ᠠᠵᠦ ᠠᠬᠤᠢ ᠶᠢ ᠶᠡᠬᠡᠪᠡᠷ ᠬᠦᠭᠵᠢᠭᠦᠯᠵᠦ | ᠪᠠᠶᠢᠭᠰᠠᠨ ᠶᠤᠮ᠃ | 1616 ᠬᠤᠱᠤᠳ ᠤᠨ ᠪᠠᠶᠢᠪᠠᠭᠠᠰ ᠪᠠᠭᠠᠳᠤᠷ ᠢᠶᠠᠷ ᠮᠠᠩᠯᠠᠶᠢᠯᠠᠭᠤᠯᠤᠭᠰᠠᠨ ᠳᠦᠷᠪᠡᠨ ᠤᠣᠶᠢᠷᠠᠳ ᠤᠨ ᠶᠡᠭᠡᠰ | ᠨᠤᠶᠠᠳ᠂ ᠲᠦᠪᠡᠳ ᠠᠴᠠ ᠬᠠᠯᠬᠠ ᠳᠤ ᠣᠴᠢᠨ ᠨᠣᠮ ᠳᠡᠯᠭᠡᠷᠡᠭᠦᠯᠦᠨ ᠪᠠᠶᠢᠭᠰᠠᠨ ︽ᠴᠠᠭᠠᠨ ᠨᠣᠮ ᠤᠨ ᠬᠠᠭᠠᠨ︾ | ᠪᠤᠶᠤ ᠮᠠᠨᠴᠤᠰᠢᠷᠢ ᠬᠤᠳᠤᠭᠳᠤ ᠶᠢ ᠵᠠᠯᠠᠵᠦ ᠨᠤᠮ ᠰᠣᠨᠤᠰᠪᠠ᠃ ᠪᠠᠶᠢᠪᠠᠭᠠᠰ ᠣᠯᠠᠨ ᠤᠳᠠᠭᠠ ᠮᠠᠨᠴᠤᠰᠢᠷᠢ | ᠬᠤᠳᠤᠭᠳᠤ ᠶᠢᠨ ᠨᠣᠮ ᠢ ᠰᠤᠨᠤᠰᠤᠭᠰᠠᠨ ᠤ ᠳᠠᠷᠠᠭᠠ᠂ ᠣᠷᠴᠢᠯᠠᠩ ᠤᠨ ᠤᠯᠠᠭᠠᠨ ᠲᠤᠭᠤᠰᠤᠨ ᠠᠴᠠ | ᠠᠩᠭᠢᠵᠢᠷᠠᠵᠦ᠂ ᠰᠦᠮᠡ ᠬᠡᠶᠢᠳ ᠲᠤ ᠰᠠᠭᠤᠨ ᠲᠤᠶᠢᠨ ᠪᠤᠯᠬᠤ ᠶᠢ ᠵᠤᠷᠢᠪᠠ᠃ ᠭᠡᠪᠡᠴᠦ ᠥᠭᠡᠯᠡᠳ ᠤᠨ ᠨᠤᠶᠠᠳ᠄ | ︽ᠴᠢ ᠲᠤᠶᠢᠨ ᠪᠤᠯᠴᠢᠬᠠᠪᠠᠯ᠂ ᠪᠢᠳᠡᠨ ᠤ ᠨᠤᠲᠤᠭ ᠢ ᠬᠡᠨ ᠬᠠᠮᠠᠭᠠᠯᠠᠬᠤ ᠪᠢᠯᠡ︾ ᠭᠡᠳ ᠡᠰᠡ ᠵᠦᠪᠰᠢᠶᠡᠷᠡᠵᠡᠢ᠃ | ᠳᠡᠭᠡᠭᠡᠳ ᠮᠠᠨᠴᠤᠰᠢᠷᠢ ᠬᠤᠳᠤᠭᠳᠣ ᠶᠢᠨ ᠲᠡᠷᠭᠡᠳᠡ ᠤᠴᠢᠵᠠᠭᠠᠵᠦ᠄ ︽ᠪᠠᠶᠢᠪᠠᠭᠠᠰ ᠭᠠᠭᠴᠠᠷᠠᠷ ᠢᠶᠠᠨ ᠲᠤᠶᠢᠨ ᠪᠤᠯᠪᠠᠯ | ᠰᠠᠶᠢᠨ ᠤᠤ︖ ᠡᠰᠡᠭᠦᠯᠡ ᠨᠤᠶᠠᠳ ᠪᠦᠷᠢ ᠨᠢᠭᠡ ᠬᠦᠪᠡᠭᠦᠨ ᠢᠶᠠᠨ ᠯᠠᠮᠠ ᠪᠤᠯᠭᠠᠪᠠᠯ ᠰᠠᠶᠢᠨ ᠤᠤ︖︾ ᠬᠡᠵᠦ | ᠠᠰᠠᠭᠤᠪᠠ᠃ ᠡᠭᠦᠨ ᠳᠤ ᠮᠠᠨᠴᠤᠱᠢᠷᠢ ᠬᠤᠳᠤᠭᠳᠤ᠄ ︽ᠨᠢᠭᠡ ᠬᠦᠮᠦᠨ ᠪᠤᠶᠠᠨ ᠬᠤᠷᠢᠶᠠᠭᠰᠠᠨ ᠠᠴᠠ ᠣᠯᠠᠨ | ᠬᠦᠮᠦᠨ ᠪᠤᠶᠠᠨ ᠬᠤᠷᠢᠶᠠᠪᠠᠯ ᠰᠠᠶᠢᠨ︾ ᠭᠡᠵᠦ ᠬᠠᠷᠢᠭᠤᠯᠪᠠ᠃ ᠡᠭᠦᠨ ᠤ ᠤᠯᠠᠮ ᠠᠴᠠ ᠲᠣᠷᠭᠤᠳ ᠤᠨ ᠬᠤᠤ | ᠥᠷᠯᠦᠭ᠂ ᠵᠦᠩᠭᠠᠷ ᠤᠨ ᠬᠠᠷᠠ ᠬᠤᠯᠠᠨ᠂ ᠴᠦᠭᠦᠷ ᠤᠪᠠᠰᠢ᠂ ᠳᠦᠷᠪᠡᠳ ᠤᠨ ᠳᠠᠯᠠᠢ ᠲᠠᠶᠢᠵᠢ᠂ ᠬᠤᠱᠤᠳ ᠤ | ᠬᠦᠨᠳᠡᠯᠡᠨ ᠤᠪᠠᠰᠢ ᠵᠡᠷᠭᠡ ᠳᠦᠷᠪᠡᠨ ᠣᠶᠢᠷᠠᠳ ᠤᠨ 32 ᠬᠠᠳ ᠨᠤᠶᠠᠳ ᠲᠣᠰ ᠲᠣᠰ ᠨᠢᠭᠡ ᠬᠦᠪᠡᠭᠦᠨ ᠢᠶᠠᠨ | ᠰᠣᠩᠭᠤᠵᠦ᠂ ᠬᠠᠷᠠᠴᠤ ᠠᠯᠪᠠᠲᠤ ᠶᠢᠨ 2 ᠵᠠᠭᠤᠨ ᠬᠦᠪᠡᠭᠦᠨ ᠳᠠᠭᠠᠭᠤᠯᠤᠭᠠᠳ᠂ 1617 ᠣᠨ ᠳᠤ ᠨᠤᠮ | ᠰᠤᠷᠤᠯᠴᠠᠭᠤᠯᠬᠤ ᠪᠠᠷ ᠬᠦᠬᠡᠨᠡᠭᠤᠷ ᠲᠤ ᠶᠠᠪᠤᠭᠤᠯᠪᠠ᠃ ᠲᠡᠭᠦᠨ ᠠᠴᠠ ᠬᠤᠶᠢᠰᠢ ᠬᠤᠤ ᠦᠷᠯᠦᠭ ᠰᠢᠷᠠ ᠶᠢᠨ | ᠱᠠᠰᠢᠨ ᠤ ᠬᠤᠪᠢᠯᠭᠠᠨ ᠬᠤᠲᠤᠭᠳᠤ ᠨᠠᠷ ᠲᠠᠢ ᠬᠠᠷᠢᠴᠠᠭᠠ ᠬᠤᠯᠪᠤᠭᠠ ᠪᠠᠶᠢᠭᠤᠯᠵᠦ ᠡᠬᠢᠯᠡᠭᠰᠡᠨ ᠶᠤᠮ᠃ | 1617 ᠣᠨ ᠳᠤ ᠳᠤᠷᠭᠤᠳ ᠤᠨ ᠬᠤᠤ ᠦᠷᠯᠦᠭ᠂ ᠳᠦᠷᠪᠡᠳ ᠤᠨ ᠳᠠᠯᠠᠢ ᠲᠠᠶᠢᠵᠢ᠂ ᠬᠤᠶᠢᠳ ᠤᠨ ᠰᠠᠶᠢᠨ | ᠬᠢᠶᠠ ᠶᠢᠨ ᠬᠦᠪᠡᠭᠦᠨ ᠰᠤᠯᠳᠠᠨ ᠲᠠᠶᠢᠵᠢ ᠨᠠᠷ ᠴᠠᠭᠠᠨ ᠨᠤᠮ ᠤᠨ ᠬᠠᠭᠠᠨ ᠮᠠᠨᠴᠣᠰᠢᠷᠢ ᠶᠢ ᠵᠠᠯᠠᠭᠰᠠᠨ ᠳᠦᠷᠪᠡᠨ | ᠣᠶᠢᠷᠠᠳ ᠤᠨ ᠶᠡᠭᠡ ᠬᠤᠷᠠᠯ ᠳᠤ ᠤᠷᠤᠯᠴᠠᠪᠠ᠃ | 1628 ᠣᠨ ᠳᠤ ᠬᠤᠤ ᠦᠷᠯᠦᠭ ᠦᠪᠡᠷᠦᠨ ᠠᠯᠪᠠᠳᠤ ᠳᠤᠷᠭᠤᠳ ᠪᠠ ᠬᠤᠱᠣᠳ᠂ ᠳᠦᠷᠪᠷᠳ ᠤᠨ 5 ᠲᠦᠮᠡᠨ | ᠡᠷᠦᠬᠡ ︵30 ᠲᠦᠮᠡᠨ ᠭᠦᠮᠦᠨ ᠠᠮᠠ︶ ᠤᠯᠤᠰ ᠢ ᠠᠪᠴᠣ᠂ ᠱᠦᠬᠦᠷ ᠲᠠᠶᠢᠴᠢᠩ᠂ ᠭᠤᠮᠪᠤ ᠢᠯᠳᠠᠩ᠂ ᠬᠢᠷᠰᠡᠨ᠂ | ᠰᠠᠨᠵᠢ᠂ ᠯᠤᠪᠰᠠᠩ᠂ ᠰᠤᠩᠬᠡᠢ ᠵᠡᠷᠭᠡ 6 ᠬᠦᠪᠡᠭᠦᠨ ᠪᠠ 6 ᠦᠬᠢᠨ ᠢᠶᠠᠨ ᠳᠠᠭᠠᠭᠤᠯᠤᠨ᠂ ᠣᠷᠤ ᠭᠠᠭᠴᠠ ᠮᠣᠳᠣᠨ | ᠠᠴᠠ ᠮᠣᠷᠳᠠᠵᠦ᠂ ᠳᠦᠷᠦᠯᠬᠢ ᠨᠤᠲᠤᠭ ᠵᠦᠩᠭᠠᠷ ᠢᠶᠠᠨ ᠣᠷᠬᠢᠨ᠂ ᠨᠠᠷᠠᠨ ᠰᠢᠩᠭᠡᠬᠦ ᠪᠠᠷᠠᠭᠤᠨ ᠵᠦᠭ ᠲᠤ ᠮᠣᠷᠳᠠᠪᠠ | ᠃ ᠳᠡᠭᠡᠭᠡᠳ ᠡᠮᠪᠡ ᠭᠤᠣᠯ ︵ᠣᠳᠣᠬᠢ ᠬᠠᠰᠬᠠᠰᠲ᠋ᠠᠨ ᠳᠤ ᠪᠤᠢ︶ ᠤᠨ ᠳᠡᠷᠭᠡᠳᠡ ᠨᠣᠲᠤᠭ ᠲᠠᠢ ᠨᠢᠭᠡᠨ ᠪᠦᠯᠦᠭ | ᠲᠠᠲ᠋ᠠᠷᠴᠣᠳ ᠢ ᠪᠠᠶᠢᠯᠳᠣᠨ ᠳᠠᠭᠠᠭᠤᠯᠤᠭᠠᠳ᠂ ᠨᠠᠭᠠᠢ ᠬᠠᠨ ᠲᠠᠢ ᠬᠢᠪᠴᠠᠭ ᠴᠢᠩᠰᠠᠩ ᠭᠡᠮᠡᠬᠦ ᠲᠠᠲ᠋ᠠᠷᠴᠣᠳ ᠢ ᠡᠷᠭᠡ | ᠰᠦᠷ ᠲᠡᠭᠡᠨ ᠣᠷᠣᠭᠤᠯᠵᠦ᠂ ᠢᠵᠢᠯ ᠮᠦᠷᠡᠨ ᠤ ᠬᠦᠪᠡᠭᠡ ᠳᠤ ᠭᠦᠷᠴᠦ ᠣᠴᠢᠪᠠ᠃ | 1630 ᠣᠨ ᠳᠤ ᠬᠤᠤ ᠦᠷᠯᠦᠭ ᠢᠵᠢᠯ ᠮᠦᠷᠡᠨ ᠤ ᠠᠳᠠᠭ ᠲᠤ ᠭᠦᠷᠭᠦ ᠦᠶᠡᠰ᠂ ᠵᠦᠩᠭᠠᠷ ᠲᠤ ᠬᠤᠣᠷ | ᠬᠦᠷᠭᠡᠬᠦ ᠴᠢᠳᠠᠯ ᠦᠭᠡᠢ ᠦᠴᠦᠬᠡᠨ ᠲᠡᠲ᠋ᠠᠷᠴᠣᠳ ᠠᠴᠠ ᠦᠭᠡᠷᠡ ᠬᠦᠮᠦᠨ ᠦᠭᠡᠢ᠂ ᠣᠷᠤᠰ ᠪᠠᠯᠭᠠᠰᠤ ᠦᠴᠦᠭᠡᠨ | ᠬᠡᠳᠦᠨ ᠰᠠᠭᠤᠷᠢ ᠪᠠᠶᠢᠭᠰᠠᠨ ᠠᠴᠠ ᠭᠠᠳᠠᠨᠠ ᠬᠤᠳᠠ ᠭᠡᠵᠦ ᠦᠭᠡᠢ ᠪᠠᠶᠢᠪᠠ᠃ ᠭᠡᠪᠡᠴᠦ ᠳᠡᠨᠳᠡᠬᠢ ᠠᠭᠤᠳᠠᠮ ᠳᠠᠯᠠ | ᠳᠤ ᠡᠪᠡᠰᠦ ᠬᠠᠭᠲᠠ ᠡᠯᠪᠡᠭ᠂ ᠤᠰᠤ ᠪᠡᠯᠴᠢᠭᠡᠷ ᠰᠠᠶᠢᠨ᠂ ᠮᠠᠯᠴᠢᠨ ᠬᠦᠮᠦᠨ ᠤ ᠠᠮᠢᠳᠤᠷᠠᠬᠤ ᠳᠤ ᠮᠠᠰᠢ | ᠳᠤᠬᠢᠷᠠᠮᠵᠢᠳᠠᠢ ᠭᠠᠵᠠᠷ ᠪᠠᠶᠢᠵᠠᠢ᠂ ᠡᠶᠢᠮᠦ ᠠᠴᠠ ᠬᠤᠤ ᠦᠷᠯᠦᠭ ᠵᠠᠢ ︵ᠦᠷᠡᠯ ᠭᠤᠣᠯ︶ ᠠᠴᠠ ᠢᠵᠢᠯ ᠬᠦᠷᠳᠡᠯᠡ᠂ | ᠠᠰᠳ᠋ᠷᠬᠠᠨ ︵ᠣᠳᠣᠬᠢ ᠸᠤᠯᠭᠠ ᠮᠦᠷᠡᠨ ᠤ ᠠᠮᠠᠰᠠᠷ ᠳᠡᠭᠡᠷᠡ ᠪᠠᠶᠢᠭᠠ ᠬᠤᠳᠠ︶ ᠠᠴᠠ ᠰᠠᠮᠠᠷᠺᠠᠨᠳ᠋ ᠭᠦᠷᠲᠡᠯᠡᠬᠢ | ᠪᠦᠬᠦ ᠭᠠᠵᠠᠷ ᠣᠷᠣᠨ ᠢ ᠴᠦᠮ ᠡᠵᠡᠯᠡᠨ ᠠᠪᠤᠭᠠᠳ᠂ ᠥᠪᠡᠷᠦᠨ ᠠᠯᠪᠠᠲᠤ ᠨᠠᠷ ᠤᠨ ᠮᠦᠩᠬᠡ ᠶᠢᠨ ᠨᠤᠲᠤᠭ | ᠪᠤᠯᠭᠠᠪᠠ᠃ ᠡᠳᠡᠭᠡᠷ ᠭᠠᠵᠠᠷ ᠣᠷᠣᠨ ᠢ ᠬᠤᠤ ᠦᠷᠯᠦᠭ ᠡᠵᠡᠯᠡᠭᠦ ᠬᠦᠷᠳᠡᠯᠡ ᠬᠠᠭᠠᠨᠳᠣ ᠣᠷᠣᠰ ᠠᠴᠠ ᠪᠦᠷᠢᠮᠦᠰᠦᠨ | ᠡᠷᠬᠡᠰᠢᠶᠡᠯ ᠳᠡᠭᠡᠨ ᠤᠷᠤᠭᠤᠯᠵᠦ ᠴᠢᠳᠠᠭᠠᠳᠣᠢ ᠪᠠᠶᠢᠵᠠᠢ᠃ ᠬᠤᠤ ᠦᠷᠯᠦᠭ ᠲᠡᠳᠡᠭᠡᠷ ᠭᠠᠵᠠᠷ ᠣᠷᠣᠨ ᠢ ᠡᠵᠡᠯᠡᠭᠰᠡᠨ | ᠠᠴᠠ ᠪᠤᠯᠵᠦ᠂ ᠬᠢᠷᠬᠢᠰ ᠲᠦᠮᠡᠨ ᠤ ᠬᠤᠶᠢᠲᠦ ᠵᠠᠬᠠ ᠠᠴᠠ ᠪᠠᠷᠠᠭᠤᠨᠰᠢ᠂ ᠡᠷᠴᠢᠰ ᠮᠦᠷᠡᠨ ᠤ ᠳᠤᠮᠳᠠᠲᠤ ᠣᠷᠣᠰᠬᠠᠯ | ᠂ ᠲᠦᠪᠦᠷ ᠮᠦᠷᠡᠨ ᠤ ᠠᠭᠤᠯᠵᠠᠷ᠂ ᠵᠠᠢ ᠮᠦᠷᠡᠨ ᠤ ᠡᠬᠢ᠂ ᠢᠵᠢᠯ ᠮᠦᠷᠡᠨ ᠤ ᠲᠤᠮᠳᠠᠳᠤ ᠤᠷᠤᠰᠬᠠᠯ ᠳᠠᠭᠠᠤ | ᠭᠠᠵᠠᠷ ᠣᠷᠣᠨ ᠳᠤ ᠭᠦᠷᠬᠦ ᠬᠡᠳᠦᠨ ᠮᠢᠩᠭᠠᠨ ᠺᠢᠯᠤᠮᠧᠲ᠋ᠧᠷ ᠣᠷᠳᠣ ᠲᠦᠷᠪᠡᠨ ᠣᠶᠢᠷᠠᠳ ᠤᠨ ᠬᠤᠶᠢᠳᠤ ᠲᠠᠯᠠ ᠶᠢᠨ | ᠰᠢᠨᠡ ᠬᠢᠯᠢ ᠬᠢᠵᠠᠭᠠᠷ ᠪᠦᠷᠢᠯᠳᠦᠭᠰᠠᠨ ᠶᠤᠮ᠃ | 1636 ᠣᠨ ᠳᠤ ᠬᠤᠱᠤᠳ ᠤᠨ ᠬᠦᠰᠢ ᠬᠠᠨ᠂ ᠵᠦᠩᠭᠠᠷ ᠤᠨ ᠬᠠᠷᠠ ᠬᠤᠯᠠᠨ᠂ ᠬᠤᠶᠢᠳ ᠤᠨ ᠰᠤᠯᠳᠠᠨ | ᠲᠠᠶᠢᠵᠢ᠂ ᠳᠦᠷᠪᠷᠳ ᠤᠨ ᠳᠠᠯᠠᠢ ᠲᠠᠶᠢᠵᠢ ᠨᠠᠷ ᠳᠦᠷᠪᠷᠨ ᠣᠶᠢᠷᠠᠳ ᠤᠨ ᠴᠡᠷᠢᠭ ᠢ ᠨᠢᠭᠡᠳᠦᠯᠲᠡᠢ ᠵᠠᠬᠢᠷᠴᠦ | ᠬᠦᠬᠡᠨᠠᠭᠤᠷ ᠲᠦᠪᠡᠳ ᠲᠤ ᠴᠡᠷᠢᠭ ᠣᠷᠣᠭᠤᠯᠬᠤ ᠦᠶᠡᠰ᠂ ᠠᠯᠤᠰ ᠬᠤᠯᠠ ᠬᠡᠳᠦᠨ ᠮᠢᠩᠭᠠᠨ ᠭᠠᠵᠠᠷ ᠨᠡᠭᠦᠵᠦ | ᠣᠴᠢᠭᠰᠠᠨ ᠲᠣᠷᠭᠤᠳ ᠤᠨ ᠬᠤᠤ ᠦᠷᠯᠦᠭ ᠪᠠᠰᠠ ᠦᠪᠡᠷᠦᠨ ᠭᠦᠪᠡᠭᠦᠨ ᠭᠤᠮᠪᠤ ᠢᠯᠳᠠᠩ ᠢ ᠲᠤᠮᠢᠯᠠᠨ ᠶᠠᠪᠤᠭᠤᠯᠵᠦ | ᠬᠠᠪᠰᠦᠷᠤᠭᠰᠠᠨ ᠪᠠᠶᠢᠪᠠ᠃ | 1640 ᠣᠨ ᠳᠤ ᠪᠠᠭᠠᠳᠤᠷ ᠬᠤᠩ ᠲᠠᠶᠢᠵᠢ ᠪᠠᠷ ᠲᠡᠷᠢᠭᠦᠯᠡᠭᠰᠡᠨ ᠣᠶᠢᠷᠠᠳ ᠤᠨ ᠶᠡᠭᠡᠰ ᠨᠤᠶᠠᠳ ᠪᠤᠯᠤᠨ ᠵᠠᠰᠠᠭᠲᠤ | ᠬᠠᠨ ᠰᠦᠪᠡᠭᠡᠳᠡᠢ ᠪᠠᠷ ᠳᠡᠷᠢᠭᠦᠯᠡᠭᠰᠡᠨ ᠳᠤᠯᠤᠭᠠᠨ ᠣᠳᠤᠭ ᠬᠠᠯᠬᠠ ᠶᠢᠨ ᠡᠷᠬᠡ ᠪᠠᠷᠢᠭᠴᠠᠳ᠂ ᠡᠷᠴᠢᠰ ᠮᠦᠷᠡᠨ ᠤ | ᠮᠠᠨᠢᠳᠤ ᠭᠠᠳᠤᠯᠭᠠᠨ ᠤ ᠣᠷᠴᠢᠮ ᠭᠠᠵᠠᠷ ᠲᠤ ᠮᠣᠩᠭᠤᠯ ᠣᠶᠢᠷᠠᠳ ᠤᠨ ᠶᠡᠭᠡ ᠬᠤᠷᠠᠯ ᠢ ᠬᠤᠷᠠᠯᠳᠤᠭᠤᠯᠵᠦ ︽ | ᠮᠣᠩᠭᠤᠯ ᠣᠶᠢᠷᠠᠳ ᠤᠨ ᠶᠡᠭᠡ ᠴᠠᠭᠠᠵᠠ︾ ᠶᠢ ᠲᠤᠭᠳᠠᠭᠠᠬᠤ ᠦᠶᠡ ᠳᠤ ᠬᠤᠤ ᠦᠷᠯᠦᠭ ᠪᠠᠰᠠ ᠠᠯᠤᠰ ᠬᠤᠯᠠ | ᠢᠵᠢᠯ ᠵᠠᠢ ᠠᠴᠠ ᠬᠦᠷᠦᠯᠴᠡᠨ ᠢᠷᠡᠵᠦ ᠤᠷᠤᠯᠴᠠᠭᠰᠠᠨ ᠪᠦᠭᠡᠳ ᠲᠤᠭᠳᠠᠭᠠᠭᠰᠠᠨ ᠴᠠᠭᠠᠵᠠ ᠶᠢ ᠨᠤᠲᠤᠭ ᠲᠠᠭᠠᠨ | ᠠᠪᠠᠴᠢᠵᠦ ᠳᠡᠯᠭᠡᠷᠡᠬᠦᠯᠦᠭᠰᠠᠨ ᠪᠠᠶᠢᠵᠠᠢ᠃ | 1643 ᠣᠨ ᠳᠤ ᠪᠠᠭᠠᠳᠦᠷ ᠬᠤᠩ ᠲᠠᠶᠢᠵᠢ ᠡᠭᠡ ᠨᠤᠲᠤᠭ ᠲᠠᠭᠠᠨ ᠬᠤᠴᠣᠷᠠᠭᠰᠠᠨ ᠲᠦᠷᠪᠡᠨ ᠣᠶᠢᠷᠠᠳ ᠤᠨ | ᠴᠡᠷᠢᠭ ᠪᠤᠯᠤᠨ ᠬᠠᠯᠬᠠ ᠶᠢᠨ ᠵᠠᠰᠠᠭᠳᠤ ᠬᠠᠨ ᠠᠶᠢᠮᠠᠭ ᠤᠨ ᠤᠮᠪᠤ ᠡᠷᠳᠡᠨᠢ ᠶᠢᠨ ᠴᠡᠷᠢᠭ ᠢ ᠳᠠᠶᠢᠴᠢᠯᠡᠵᠦ | ᠬᠠᠰᠠᠭᠴᠣᠳ ᠲᠠᠢ ᠲᠠᠶᠢᠨ ᠬᠢᠬᠦ ᠦᠶᠡ ᠳᠤ᠂ ᠬᠤᠤ ᠦᠷᠯᠦᠭ ᠮᠦᠨ ᠴᠡᠷᠢᠭ ᠶᠠᠪᠤᠭᠤᠯᠵᠦ ᠳᠡᠮᠵᠢᠭᠰᠡᠨ ᠪᠢᠯᠡ᠃ | ᠭᠡᠪᠡᠴᠦ ᠡᠨᠡ ᠤᠳᠠᠭᠠ ᠶᠢᠨ ᠳᠠᠶᠢᠨ ᠪᠠᠶᠢᠯᠳᠤᠭᠠᠨ ᠨᠢ ᠠᠮᠵᠢᠯᠳᠠ ᠪᠠᠭᠠ ᠲᠠᠢ ᠪᠤᠯᠤᠭᠰᠠᠨ ᠪᠤᠯᠬᠤᠷ ᠪᠠᠭᠠᠳᠤᠷ ᠬᠤᠩ | ᠲᠠᠶᠢᠵᠢ 1644 ᠣᠨ ᠳᠤ ᠬᠤᠤ ᠦᠷᠯᠦᠭ ᠲᠤ ᠪᠢᠴᠢᠭ ᠶᠠᠪᠤᠭᠤᠯᠵᠦ ᠬᠠᠰᠠᠭᠴᠣᠳ ᠢ ᠵᠡᠭᠦᠨ ᠪᠠᠷᠠᠭᠤᠨ ᠬᠤᠶᠠᠷ | ᠳᠠᠯᠠ ᠠᠴᠠ ᠨᠢ ᠬᠠᠪᠴᠢᠨ ᠪᠠᠶᠢᠯᠳᠤᠬᠤ ᠪᠠᠷ ᠪᠡᠯᠡᠳᠬᠡᠯ ᠬᠢᠵᠡᠢ᠃ ᠡᠨᠡ ᠦᠶᠡ ᠳᠤ ᠬᠠᠭᠠᠨᠳᠤ ᠣᠷᠣᠰ ᠠᠴᠠ | ᠪᠠᠭᠠᠳᠤᠷ ᠬᠤᠩ ᠲᠠᠶᠢᠵᠢ ᠶᠢ ᠠᠰᠢᠭᠯᠠᠵᠦ ᠬᠤᠤ ᠦᠷᠯᠦᠭ ᠢ ᠳᠠᠶᠢᠴᠢᠯᠠᠭᠤᠯᠬᠤ ᠪᠠᠷ ᠣᠷᠣᠯᠳᠣᠭᠤᠯᠪᠠ᠃ ᠡᠭᠦᠨ | ᠪᠠᠭᠠᠲᠤᠷ ᠬᠤᠩ ᠲᠠᠶᠢᠵᠢ᠄ ︽ᠬᠤᠤ ᠦᠷᠯᠦᠭ ᠪᠤᠯ ᠳᠠᠶᠢᠰᠤᠨ ᠪᠢᠰᠢ᠂ ᠬᠠᠷᠢᠨ ᠮᠢᠨᠦ ᠬᠠᠳᠠᠮ ᠡᠴᠢᠭᠡ ᠮᠦᠨ᠃ | ᠨᠠᠳᠠ ᠪᠠᠷ ᠲᠡᠭᠦᠨ ᠢ ᠳᠠᠶᠢᠯᠠᠭᠤᠯᠬᠤ ᠭᠡᠳᠡᠭ ᠨᠢ ᠬᠦᠦ ᠪᠠᠷ ᠨᠢ ᠡᠴᠢᠭᠡ ᠶᠢ ᠨᠢ ᠪᠠᠶᠢᠯᠳᠤᠭᠤᠯᠬᠤ ᠭᠡᠰᠡᠨ ᠬᠡᠷᠡᠭ | ᠪᠤᠯᠤᠨᠠ᠃ ᠮᠢᠨᠦ ᠨᠦᠭᠦᠳ ᠶᠠᠭᠠᠬᠢᠭᠰᠠᠨ ᠴᠤ ᠲᠡᠭᠦᠨ ᠲᠠᠢ ᠳᠠᠶᠢᠯᠠᠯᠳᠣᠬᠤ ᠦᠭᠡᠢ ᠶᠤᠮ︾ ᠬᠡᠵᠦ ᠬᠠᠭᠠᠨᠳᠤ | ᠣᠷᠣᠰ ᠤᠨ ᠵᠠᠰᠠᠭ ᠤᠨ ᠭᠠᠵᠠᠷ ᠲᠤ ᠬᠠᠷᠢᠭᠤᠯᠵᠠᠢ᠃ ᠭᠡᠳᠡᠯᠡ ᠡᠨᠡ ᠬᠤᠭᠤᠷᠤᠨᠳᠦ ᠬᠤᠤ ᠦᠷᠯᠦᠭ ᠠᠰᠲᠷᠬᠠᠨ ᠢ | ᠲᠤᠪᠳᠤᠯᠤᠭᠰᠠᠨ ᠳᠤ᠂ ᠲᠡᠷᠡ ᠪᠠᠯᠭᠠᠰᠤᠨ ᠤ ᠣᠷᠣᠰ ᠠᠷᠠᠳ ᠬᠠᠯᠢᠮᠠᠭ ᠤᠳ ᠢ ᠳᠡᠶᠢᠯᠦᠭᠡᠳ ᠭᠦᠭᠡᠭᠡᠭᠰᠠᠨ ᠳᠤ | ᠬᠤᠤ ᠦᠷᠯᠦᠭ ᠪᠠᠶᠢᠯᠳᠤᠭᠠᠨ ᠳᠤ ᠦᠷᠡᠭᠳᠡᠭᠰᠠᠨ ᠪᠠᠶᠢᠪᠠ᠃ | ᠬᠤᠤ ᠦᠷᠯᠦᠭ ᠢᠵᠢᠯ ᠵᠠᠢ ᠳᠤ ᠨᠡᠭᠦᠭᠰᠠᠨ ᠠᠴᠠ ᠡᠬᠢᠯᠡᠨ ᠬᠤᠱᠣᠳ ᠪᠤᠯᠤᠨ ᠳᠤᠷᠭᠤᠳ ᠤᠨ ᠨᠡᠷᠡᠶᠢᠳᠦᠯ ᠳᠤ ᠶᠡᠭᠡ | ᠪᠠᠭᠠ ᠰᠢᠨᠡ ᠬᠠᠭᠤᠴᠢᠨ ᠤ ᠢᠯᠭᠠᠯ ᠲᠠᠢ ᠪᠤᠯᠵᠦ᠂ ᠵᠦᠩᠭᠠᠷ ᠤᠨ ᠲᠦᠷᠦᠯᠬᠢ ᠨᠤᠲᠤᠭ ᠲᠠᠭᠠᠨ ᠬᠤᠴᠤᠷᠠᠭᠰᠠᠨ | ᠣᠶᠢᠷᠠᠳ ᠤᠨ ᠡᠯᠡ ᠠᠶᠢᠮᠠᠭ ᠢ ᠬᠤᠱᠣᠳ ᠤᠨ ᠪᠠᠶᠢᠪᠠᠭᠠᠰ ᠤᠨ ᠭᠦᠪᠡᠭᠦᠨ ᠸᠴᠢᠷᠳᠤ ᠲᠠᠶᠢᠵᠢ ᠪᠤᠯᠤᠨ ᠵᠦᠩᠭᠠᠷ | ᠤᠨ ᠬᠠᠷᠠ ᠬᠤᠯᠠᠨ ᠤ ᠭᠦᠪᠡᠬᠦᠨ ᠪᠠᠭᠠᠳᠤᠷ ᠬᠤᠩ ᠲᠠᠶᠢᠵᠢ ᠬᠤᠶᠠᠷ ᠬᠠᠮᠳᠤᠷᠠᠨ ᠵᠠᠬᠢᠷᠬᠤ ᠪᠤᠯᠤᠭᠰᠠᠨ ᠶᠤᠮ᠃ | ᠬᠤᠱᠣᠳ ᠤᠨ ᠶᠡᠭᠡᠩᠬᠢ ᠬᠡᠰᠡᠭ ᠨᠢ ᠬᠦᠬᠡᠨᠡᠭᠤᠷ ᠲᠦᠪᠡᠳ ᠲᠤ ᠨᠡᠭᠦᠵᠦ ᠪᠠᠭᠠ ᠬᠡᠰᠡᠭ ᠨᠢ ᠵᠦᠩᠭᠠᠷ ᠤᠨ | ᠲᠦᠷᠦᠯᠬᠢ ᠨᠤᠲᠤᠭ ᠲᠠᠭᠠᠨ ᠬᠤᠴᠤᠷᠠᠭᠰᠠᠨ ᠪᠤᠯᠬᠤᠷ ᠬᠦᠬᠡᠨᠠᠭᠤᠷ ᠲᠦᠪᠡᠳ ᠤᠨ ᠬᠤᠱᠣᠳ ᠢ ᠶᠡᠭᠡ ᠬᠤᠱᠣᠳ᠂ | ᠵᠦᠩᠭᠠᠷ ᠲᠤ ᠬᠤᠴᠣᠷᠠᠭᠰᠠᠨ ᠬᠤᠱᠣᠳ ᠢ ᠪᠠᠭᠠ ᠬᠤᠱᠣᠳ ᠭᠡᠳᠡᠭ ᠶᠤᠮ᠃ ᠶᠡᠭᠡ ᠬᠤᠱᠣᠳ ᠨᠢ ᠰᠢᠷᠠ ᠶᠢᠨ | ᠱᠠᠰᠢᠨ ᠤ ᠮᠠᠨᠳᠣᠭᠰᠠᠨ ᠬᠦᠭᠡᠨᠡᠭᠤᠷ ᠳᠦᠪᠡᠳ ᠤᠨ ᠦᠨᠳᠦᠷᠯᠢᠭ ᠲᠤ ᠮᠠᠯᠵᠢᠳᠠᠭ ᠪᠤᠯᠬᠤᠷ ᠲᠡᠳᠡᠨᠤᠰ ᠢ ᠪᠠᠰᠠ | ᠳᠡᠭᠡᠳᠤ ᠮᠤᠩᠭᠤᠯ ᠬᠡᠵᠦ ᠬᠡᠯᠡᠳᠡᠭ ᠪᠢᠯᠡ᠃ ᠡᠭᠦᠨ ᠲᠠᠢ ᠠᠳᠠᠯᠢ ᠪᠠᠷ ᠳᠣᠷᠭᠤᠳ ᠤᠨ ᠶᠡᠬᠡᠩᠬᠢ ᠬᠡᠰᠡᠭ ᠨᠢ ᠢᠵᠢᠯ | ᠵᠠᠢ ᠳᠤ ᠨᠡᠭᠦᠵᠦ ᠪᠠᠭᠠ ᠬᠡᠰᠡᠭ ᠨᠢ ᠵᠦᠩᠭᠠᠷ ᠪᠤᠯᠤᠨ ᠬᠦᠬᠡᠨᠠᠭᠤᠷ ᠲᠤ ᠬᠤᠴᠤᠷᠠᠭᠰᠠᠨ ᠪᠤᠯᠬᠤᠷ ᠢᠵᠢᠯ ᠵᠠᠢ ᠤᠨ | ᠲᠤᠷᠭᠤᠳ ᠢ ᠶᠡᠭᠡ ᠲᠣᠷᠭᠤᠳ᠂ ᠵᠦᠩᠭᠠᠷ ᠪᠤᠯᠤᠨ ᠬᠦᠬᠡᠨᠡᠭᠤᠷ ᠲᠤ ᠬᠤᠴᠤᠷᠠᠭᠰᠠᠨ ᠲᠤᠷᠭᠤᠳ ᠢ ᠪᠠᠭᠠ | ᠲᠤᠷᠭᠤᠳ ᠭᠡᠳᠡᠭ ᠶᠤᠮ᠃ ᠳᠠᠬᠢᠨ ᠣᠶᠢᠷᠠᠳ ᠤᠨ ᠲᠤᠷᠭᠤᠳ᠂ ᠬᠤᠱᠣᠳ ᠵᠡᠷᠭᠡ ᠠᠶᠢᠮᠠᠭ ᠤᠨ ᠬᠦᠮᠦᠰ ᠢᠵᠢᠯ | ᠵᠠᠢ ᠳᠤ ᠬᠡᠳᠦᠨ ᠣᠳᠠᠭᠠ ᠨᠡᠭᠦᠵᠦ ᠣᠴᠢᠭᠰᠠᠨ ᠪᠤᠯᠬᠤᠷ ᠬᠤᠤ ᠦᠷᠯᠦᠭ ᠢ ᠳᠠᠭᠠᠵᠦ ᠬᠠᠮᠤᠭ ᠤᠷᠢᠳᠠᠪᠡᠷ | ᠣᠴᠢᠭᠰᠠᠨ ᠢ ᠬᠠᠭᠤᠴᠢᠨ ᠳᠣᠷᠭᠤᠳ ᠭᠡᠮᠡᠨ᠂ ᠰᠡᠭᠦᠯᠡᠷ ᠨᠢ ᠣᠴᠢᠭᠰᠠᠨ ᠢ ᠰᠢᠨᠡ ᠲᠤᠷᠭᠤᠳ ᠰᠢᠨᠡ ᠬᠤᠱᠤᠳ | ᠬᠡᠳᠡᠭ ᠪᠤᠯᠤᠭᠰᠠᠨ ᠶᠤᠮ᠃ ᠡᠶᠢᠮᠦ ᠠᠴᠠ ᠬᠤᠤ ᠦᠷᠯᠦᠭ ᠪᠤᠯ ᠢᠵᠢᠯ ᠵᠠᠢ ᠳᠤ ᠨᠡᠭᠦᠭᠰᠡᠨ ᠶᠡᠭᠡ ᠳᠤᠷᠭᠤᠳ ᠪᠤᠶᠤ | ᠬᠠᠭᠤᠴᠢᠨ ᠲᠤᠷᠭᠤᠳ ᠤᠨ ᠡᠪᠦᠭᠡ ᠳᠡᠭᠡᠳᠦᠰ ᠪᠤᠯᠤᠨᠠ᠃ ᠦᠭᠡᠷᠡ ᠪᠠᠷ ᠬᠡᠯᠡᠪᠡᠯ ᠣᠳᠣᠬᠢ ᠣᠷᠣᠰ ᠤᠯᠤᠰ ᠲᠤ | ᠪᠠᠶᠢᠭᠠ ᠬᠠᠯᠢᠮᠠᠭ ᠤᠳ ᠤᠨ ᠡᠪᠦᠭᠡ ᠳᠡᠭᠡᠳᠦᠰ ᠪᠤᠯᠤᠨᠠ᠃ | ᠰᠣᠨᠣᠷ ᠨᠠᠶᠢᠷᠠᠭᠤᠯᠪᠠ᠃ | |