| | ᠤᠶᠢᠷᠠᠳ ᠠᠶᠢᠮᠠᠭ ᠤᠨ ᠬᠤᠱᠤᠳ ᠤᠪᠤᠭᠳᠠᠨ᠃ ᠲᠡᠷᠡ ᠪᠤᠯ ᠲᠦᠷᠪᠡᠨ ᠤᠶᠢᠷᠠᠳ ᠤᠨ ᠡᠷᠬᠡ ᠶᠢ ᠮᠡᠳᠡᠵᠤ | ᠪᠠᠶᠢᠭᠰᠠᠨ ᠬᠤᠱᠣᠳ ᠠᠶᠢᠮᠠᠭ ᠤᠨ ᠲᠦᠷᠦᠬᠦᠦ ᠬᠠᠨᠢ ᠨᠤᠶᠠᠨ ᠬᠤᠩᠭᠤᠷ ᠤᠨ ᠠᠭᠠᠢ ᠬᠠᠳᠤᠨ ᠠᠴᠠ ᠲᠦᠷᠦᠭᠰᠡᠨ | ᠠᠬᠠᠮᠠᠳ ᠬᠦᠪᠡᠬᠦᠨ ᠪᠤᠯᠬᠤ ᠶᠤᠮ᠃ | ᠪᠠᠶᠢᠪᠠᠭᠠᠰ ᠤᠨ ᠡᠪᠦᠭᠡ ᠪᠦᠪᠠᠢ ᠮᠢᠷᠽᠠ ᠪᠤᠯ ᠡᠰᠡᠨ ᠬᠠᠨ ᠠᠴᠠ ᠰᠡᠭᠦᠯᠡᠷ ᠤᠶᠢᠷᠠᠳ ᠤᠨ ᠲᠡᠦᠬᠡᠨᠡ ᠠᠩᠬᠠ | ᠤᠳᠠᠭᠠ ᠬᠠᠨ ᠴᠤᠯᠠ ᠬᠠᠳᠠᠭᠰᠠᠨ ᠬᠦᠮᠦᠨ ᠪᠣᠯᠣᠨᠠ᠃ ᠪᠦᠪᠠᠢ ᠮᠢᠷᠽᠠ ᠶᠢ ᠨᠠᠰᠤ ᠪᠠᠷᠠᠭᠰᠠᠨ ᠤ ᠰᠡᠭᠦᠯᠡᠷ | ᠲᠡᠬᠦᠨ ᠤ ᠬᠦᠪᠡᠭᠦᠨ ᠬᠠᠨᠢ ᠨᠤᠶᠠᠨ ᠬᠤᠩᠭᠤᠷ ᠬᠠᠨ ᠤᠷᠤ ᠶᠢ ᠵᠠᠯᠭᠠᠮᠵᠢᠯᠠᠪᠠ᠃ ᠬᠠᠨᠢ ᠨᠤᠶᠠᠨ ᠬᠤᠩᠭᠤᠷ ᠤᠨ | ᠦᠶᠡ ᠳᠤ ᠤᠶᠢᠷᠠᠳ ᠤᠨ ᠪᠠᠶᠢᠳᠠᠯ ᠲᠤᠩ ᠬᠦᠴᠢᠷ ᠪᠡᠷᠭᠡᠰᠢᠶᠡᠯ ᠲᠠᠢ ᠪᠠᠶᠢᠵᠠᠢ᠃ ᠪᠤᠳᠠᠳᠠᠢ ᠬᠡᠯᠡᠪᠡᠯ᠃ ᠲᠡᠳᠡᠨ ᠤ | ᠡᠮᠦᠨᠡ ᠵᠦᠭ ᠲᠤ ᠴᠠᠭᠠᠳᠠᠢ ᠶᠢᠨ ᠬᠤᠶᠢᠴᠢᠰ ᠲᠠᠶᠢᠨ ᠲᠠᠵᠢᠨ ᠲᠡᠭᠳᠡᠭᠡᠵᠤ᠂ ᠨᠤᠲᠤᠭ ᠤᠰᠤ ᠶᠢ ᠨᠢ ᠪᠤᠯᠢᠶᠠᠵᠤ | ᠪᠠᠶᠢᠭᠰᠠᠨ ᠲᠤᠯᠠ ᠨᠢᠭᠡ ᠪᠦᠯᠦᠭ ᠤᠶᠢᠷᠠᠳᠴᠤᠳ ᠲᠦᠷᠦᠭᠰᠡᠨ ᠨᠤᠲᠤᠭ ᠠᠴᠠ ᠪᠠᠨ ᠰᠠᠯᠵᠤ ᠬᠦᠬᠡᠨᠠᠭᠤᠷ᠂ | ᠭᠠᠨᠰᠤ ᠶᠢᠨ ᠵᠦᠭ ᠨᠡᠭᠦᠳᠡᠯᠯᠡᠵᠤ ᠪᠠᠶᠢᠵᠠᠢ᠃ ᠦᠷᠦᠨᠡ ᠵᠦᠭ ᠲᠤ ᠬᠠᠰᠠᠭ ᠤᠨ ᠬᠠᠨ ᠨᠢᠭᠡ ᠪᠦᠯᠦᠭ | ᠤᠶᠢᠷᠠᠳᠴᠤᠳ ᠢ ᠨᠤᠶᠠᠷᠬᠠᠯ ᠲᠤᠤᠷᠠ ᠪᠠᠨ ᠤᠷᠤᠭᠤᠯᠤᠨ ᠠᠪᠤᠭᠠᠳ ︽ᠬᠠᠰᠠᠭ᠂ ᠬᠠᠯᠢᠮᠠᠭ ᠤᠨ ᠬᠠᠨ︾ | ᠪᠤᠯᠤᠭᠰᠠᠨ ᠪᠠᠶᠢᠵᠠᠢ᠃ ᠲᠣᠷᠣᠨᠠ ᠵᠦᠭ ᠲᠤ ᠲᠦᠮᠡᠳ ᠤᠨ ᠠᠯᠳᠠᠨ ᠬᠠᠨ ᠤᠶᠢᠷᠠᠳ ᠢ ᠲᠤᠪᠳᠤᠯᠵᠤ ᠬᠠᠩᠭᠠᠢ | ᠠᠭᠤᠯᠠ ᠠᠴᠠ ᠪᠠᠷᠠᠭᠤᠨᠰᠢᠬᠢ ᠨᠤᠲᠤᠭ ᠲᠡᠪᠢᠰᠬᠡᠷ ᠢ ᠪᠠᠶᠢᠯᠳᠤᠨ ᠡᠵᠡᠯᠡᠵᠤ ᠪᠠᠶᠢᠭᠰᠠᠨ ᠪᠦᠭᠡᠳ ᠬᠠᠯᠬᠠ ᠶᠢᠨ | ᠨᠤᠶᠠᠳ ᠴᠦ ᠤᠶᠢᠷᠠᠳ ᠤᠨ ᠲᠦᠪ ᠬᠦᠢᠰᠤ ᠭᠠᠵᠠᠷ ᠤᠷᠤᠭᠤ ᠲᠠᠭᠠᠷᠢᠨ ᠲᠤᠪᠳᠤᠯᠵᠤ ᠪᠠᠶᠢᠵᠠᠢ᠃ | 1585ᠣᠨ ᠤ ᠤᠷᠴᠢᠮ ᠢᠶᠠᠷ ᠬᠠᠯᠬᠠ ᠶᠢᠨ ᠬᠡᠷᠡᠰᠡᠨᠵᠡ ᠵᠠᠯᠠᠶᠢᠷ ᠬᠤᠩ ᠲᠠᠶᠢᠵᠢ ᠶᠢᠨ ᠠᠴᠢ ᠪᠤᠯᠬᠤ ᠠᠪᠠᠳᠠᠢ | ᠬᠠᠨ᠂ ᠤᠷᠢᠳᠣ ᠵᠡᠭᠦᠨ ᠮᠤᠩᠭᠤᠯ ᠤᠨ ᠨᠤᠶᠠᠳ ᠢ ᠡᠰᠡᠨ ᠬᠠᠨ ᠠᠯᠠᠭᠰᠠᠨ ᠦᠰᠢᠶᠡ ᠬᠤᠷᠤᠰᠤᠯ ᠢ ᠠᠪᠬᠤ ᠪᠠᠷ | ᠤᠶᠢᠷᠠᠳ ᠵᠦᠭ ᠲᠤᠪᠳᠤᠯᠤᠨ ᠢᠷᠡᠪᠡ᠃ ᠲᠡᠷᠡ ᠲᠤᠬᠠᠢ ᠪᠠᠶᠢᠪᠠᠭᠠᠰ ᠤᠨ ᠡᠴᠢᠭᠡ ᠬᠠᠨᠢ ᠨᠤᠶᠠᠨ ᠬᠤᠩᠭᠤᠷ | ᠲᠦᠷᠪᠡᠨ ᠤᠶᠢᠷᠠᠳ ᠤᠨ ᠴᠡᠷᠢᠭ ᠢᠶᠠᠨ ᠠᠪᠴᠤ ᠬᠦᠪᠭᠡᠷ ᠬᠡᠷᠢᠶᠡ ︵ᠤᠳᠤ ᠶᠢᠨ ᠰᠢᠨᠵᠢᠶᠠᠩ ᠳᠤ ᠪᠤᠢ︶ ᠬᠡᠮᠡᠬᠦ | ᠭᠠᠵᠠᠷ ᠲᠤ ᠤᠭᠳᠤᠨ ᠪᠠᠶᠢᠯᠳᠤᠭᠠᠳ ᠶᠡᠬᠡᠳᠡ ᠲᠡᠶᠢᠯᠦᠭᠳᠡᠵᠤ ᠬᠠᠯᠬᠠᠴᠤᠳ ᠲᠤ ᠠᠯᠠᠭᠳᠠᠵᠠᠢ᠃ ᠨᠤᠶᠠᠨ | ᠬᠤᠩᠭᠤᠷ ᠢ ᠦᠭᠦᠭᠰᠡᠨ ᠤ ᠰᠡᠭᠦᠯᠡᠷ ᠬᠠᠯᠬᠠ ᠶᠢᠨ ᠠᠪᠠᠳᠠᠢ ᠬᠠᠨ ᠬᠦᠪᠡᠭᠦᠨ ᠰᠤᠪᠠᠭᠤᠳᠠᠢ ᠪᠠᠨ ᠤᠶᠢᠷᠠᠳ ᠤᠨ | ᠬᠠᠨ ᠢᠶᠠᠷ ᠲᠣᠮᠢᠯᠠᠨ ᠢᠷᠡᠭᠦᠯᠪᠡ᠃ ᠬᠡᠪᠡᠴᠤ 1588 ᠣᠨ ᠳᠤ ᠠᠪᠠᠳᠠᠢ ᠬᠠᠨ ᠢ ᠨᠠᠰᠤ ᠨᠦᠭᠴᠢᠭᠰᠡᠨ ᠤ ᠬᠤᠶᠢᠨᠡ | ᠤᠶᠢᠷᠠᠳᠴᠤᠳ ᠪᠤᠰᠤᠯᠴᠠᠭᠠᠳ ᠰᠣᠪᠠᠭᠤᠳᠠᠢ ᠶᠢ ᠤᠭ ᠨᠤᠲᠤᠭ ᠲᠤᠨᠢ ᠦᠯᠳᠡᠨ ᠶᠠᠪᠤᠭᠤᠯᠪᠠ᠃ | ᠡᠴᠢᠬᠡ ᠬᠠᠨᠢ ᠨᠤᠶᠠᠨ ᠬᠤᠩᠭᠤᠷ ᠢᠶᠠᠨ ᠨᠠᠰᠤ ᠪᠠᠷᠠᠬᠤ ᠦᠶᠡ ᠳᠤ ᠪᠠᠶᠢᠪᠠᠭᠠᠰ ᠬᠠᠷᠠᠬᠠᠨ ᠪᠠᠯᠴᠢᠷ ᠪᠠᠭᠠ ᠪᠠᠶᠢᠭᠰᠠᠨ | ᠲᠤᠯᠠ ᠬᠤᠱᠤᠳ ᠠᠶᠢᠮᠠᠭ ᠪᠠ ᠲᠦᠷᠪᠡᠨ ᠤᠶᠢᠷᠠᠳ ᠤᠨ ᠤᠳᠤᠷᠢᠳᠬᠤ ᠡᠷᠬᠡ ᠶᠢ ᠲᠡᠭᠦᠨ ᠤ ᠡᠬᠡ ᠠᠭᠠᠢ ᠬᠠᠳᠤᠨ | ᠠᠳᠬᠤᠵᠤ ᠪᠠᠶᠢᠪᠠ᠃ ᠠᠭᠠᠢ ᠪᠤᠯ ᠤᠤᠯ ᠳᠠᠭᠠᠨ ᠬᠠᠨᠢ ᠨᠤᠶᠠᠨ ᠬᠤᠩᠭᠤᠷ ᠤᠨ ᠦᠶᠡᠯᠢᠳ ᠠᠬᠠ ᠶᠠᠳᠢ | ᠴᠢᠩᠰᠠᠩ ᠤᠨ ᠬᠠᠳᠤᠨ ᠪᠠᠶᠢᠪᠠ᠃ ᠶᠠᠳᠢ ᠶᠢ ᠦᠭᠦᠭᠰᠡᠨ ᠤ ᠰᠡᠭᠦᠯᠡᠷ ᠬᠠᠨᠢ ᠨᠤᠶᠠᠨ ᠬᠤᠩᠭᠤᠷ ᠲᠠᠢ ᠤᠷᠤᠭᠯᠠᠨ | ᠰᠠᠭᠤᠭᠠᠳ ᠪᠠᠶᠢᠪᠠᠭᠠᠰ᠂ ᠲᠦᠮᠡᠨᠳᠡᠢ ᠦᠢᠵᠢᠩ᠂ ᠬᠦᠨᠳᠡᠯᠡᠨ ᠤᠪᠠᠰᠢ᠂ ᠲᠦᠷᠦᠪᠠᠶᠢᠬᠤ ᠬᠦᠦᠰᠢ ᠬᠠᠨ᠂ ᠵᠠᠰᠠᠭᠳᠤ | ᠴᠢᠩ ᠪᠠᠭᠠᠳᠤᠷ᠂ ᠪᠤᠶᠠᠨ ᠬᠠᠳᠠᠨ ᠪᠠᠭᠠᠳᠤᠷ ᠵᠡᠷᠭᠡ ᠣᠶᠢᠷᠠᠳ ᠤᠨ ᠲᠡᠦᠬᠡᠨᠡ ᠠᠯᠳᠠᠷ ᠴᠤᠤ ᠲᠠᠢ ᠵᠢᠷᠭᠤᠭᠠᠨ | ᠬᠦᠪᠡᠭᠦᠨ ᠲᠦᠷᠦᠵᠠᠢ᠃ ᠡᠨᠡ ᠵᠢᠷᠭᠤᠭᠠᠨ ᠬᠦᠪᠡᠭᠦᠨ ᠤ ᠲᠤᠳᠤᠷᠠ ᠪᠠᠶᠢᠪᠠᠭᠠᠰ ᠪᠤᠯ ᠬᠠᠮᠤᠭ ᠤᠨ ᠠᠬᠠ ᠨᠢ ᠪᠤᠯᠬᠤ | ᠪᠦᠭᠡᠳ ᠡᠴᠢᠭᠡ ᠶᠢᠨ ᠢᠶᠠᠨ ᠦᠯᠡᠳᠡᠭᠡᠭᠰᠡᠨ ᠦᠮᠴᠢ ᠬᠤᠪᠢ ᠶᠢ ᠴᠦ ᠬᠠᠮᠤᠭ ᠠᠴᠠ ᠢᠯᠡᠭᠦᠦ ᠬᠤᠪᠢᠶᠠᠵᠤ | ᠤᠯᠤᠭᠰᠠᠨ ᠲᠤᠯᠠ ᠡᠷᠡ ᠶᠢᠨ ᠴᠡᠬᠡᠯᠬᠡᠨ ᠳᠤ ᠬᠦᠷᠦᠮᠡᠭᠴᠡ ᠲᠤᠩ ᠬᠢᠯᠪᠠᠷᠬᠠᠨ ᠢᠶᠠᠷ ᠲᠦᠷᠪᠡᠨ ᠤᠶᠢᠷᠠᠳ ᠤᠨ | ᠴᠢᠭᠤᠯᠭᠠᠨ ᠲᠠᠷᠤᠭᠠ ᠪᠤᠯᠤᠭᠰᠠᠨ ᠪᠠᠶᠢᠨᠠ᠃ ᠪᠠᠶᠢᠪᠠᠭᠠᠰ ᠴᠢᠭᠤᠯᠭᠠᠨ ᠲᠠᠷᠤᠭᠠ ᠪᠤᠯᠤᠮᠠᠭᠴᠠ ᠲᠦᠷᠪᠡᠨ | ᠤᠶᠢᠷᠠᠳ ᠤᠨ ᠨᠤᠶᠠᠳ ᠢ ᠴᠤᠭᠯᠠᠭᠤᠯᠵᠤ ᠶᠡᠭᠡ ᠬᠤᠷᠠᠯ ᠬᠤᠷᠠᠯᠳᠤᠭᠤᠯᠤᠨ᠂ ᠡᠯᠡ ᠠᠶᠢᠮᠠᠭ ᠤᠨ ᠬᠤᠭᠤᠷᠤᠨᠳᠤᠬᠢ | ᠬᠠᠷᠢᠴᠠᠭᠠ ᠬᠤᠯᠪᠤᠭᠠ ᠶᠢ ᠵᠤᠬᠢᠴᠠᠭᠤᠯᠵᠤ᠂ ᠴᠡᠷᠢᠭ ᠵᠠᠰᠠᠭ ᠤᠨ ᠶᠡᠭᠡ ᠬᠡᠷᠡᠭ ᠢ ᠵᠦᠪᠳᠡᠨ᠂ ᠨᠤᠶᠠᠳ ᠤᠨ ᠡᠷᠬᠡ ᠪᠠ | ᠬᠠᠷᠠᠴᠣ ᠶᠢᠨ ᠠᠯᠪᠠ ᠶᠢ ᠲᠤᠳᠤᠷᠬᠠᠶᠢᠯᠠᠵᠤ᠂ ᠲᠤᠳᠤᠭᠠᠳᠤ ᠶᠢᠨ ᠡᠮᠬᠢ ᠵᠢᠷᠤᠮ ᠢᠶᠠᠨ ᠲᠢᠭᠯᠡᠵᠤ ᠪᠠᠶᠢᠪᠠ᠃ | ᠵᠢᠱᠢᠶᠡᠯᠡᠪᠡᠯ ᠨᠢᠭᠡᠨ ᠤᠳᠠᠭᠠ ᠶᠢᠨ ᠴᠢᠭᠤᠯᠭᠠᠨ ᠲᠡᠭᠡᠷᠡ ᠪᠠᠶᠢᠪᠠᠭᠠᠰ᠄ ︽ᠮᠤᠩᠭᠤᠯᠴᠤᠳ ᠬᠤᠭᠤᠷᠤᠨᠳᠤ ᠪᠠᠨ ᠶᠠᠰᠤ | ᠮᠢᠬᠠᠨ ᠤ ᠬᠤᠯᠪᠤᠭᠠ ᠲᠠᠢ ᠪᠤᠯᠬᠤᠷ ᠵᠠᠷᠢᠮ ᠨᠢᠭᠡ ᠬᠦᠮᠦᠨ ᠨᠢ ᠲᠤᠷᠤᠶᠢᠳᠠᠵᠤ ᠠᠯᠪᠠᠳᠤ ᠪᠤᠯᠤᠭᠰᠠᠨ ᠪᠤᠯᠪᠠᠴᠤ | ᠲᠤᠰᠤ ᠨᠡᠭᠦᠷᠡᠰᠦᠨ ᠳᠤ ᠪᠤᠤ ᠵᠠᠷᠤᠶᠠ᠃ ᠬᠡᠦᠬᠡᠨ ᠢ ᠨᠢ ᠦᠪᠡᠷᠰᠡᠳ ᠢᠶᠠᠨ ᠢᠨᠵᠢ ᠪᠤᠤ ᠪᠤᠯᠭᠠᠶᠠ᠃ ᠦᠭᠡᠷᠡ | ᠶᠠᠰᠤᠳᠠᠨ ᠤ ᠠᠯᠪᠠᠳᠤ ᠬᠦᠮᠦᠨ ᠳᠤ ᠪᠤᠤ ᠤᠷᠤᠭᠯᠠᠨ ᠦᠭᠭᠦᠶᠡ ᠁︾ ᠭᠡᠳᠡᠭ ᠰᠢᠢᠳᠪᠤᠷᠢ ᠭᠠᠷᠭᠠᠭᠰᠠᠨ ᠪᠠᠶᠢᠪᠠ | ᠃ | 1612ᠣᠨ ᠳᠤ ᠮᠠᠨᠵᠤᠰᠢᠷᠢ ᠬᠤᠳᠤᠭᠳᠤ ︵ᠴᠠᠭᠠᠨ ᠨᠤᠮᠤ ᠶᠢᠨ ᠬᠠᠨ︶ ᠲᠠᠯᠠᠢ ᠯᠠᠮᠠ ᠶᠢ ᠲᠦᠯᠦᠭᠡᠯᠡᠵᠤ | ᠤᠶᠢᠷᠠᠳ ᠲᠤ ᠬᠦᠷᠴᠦ ᠢᠷᠡᠭᠡᠳ ᠪᠠᠶᠢᠪᠠᠭᠠᠰ ᠢ ︽ᠰᠢᠷᠠ ᠶᠢᠨ ᠱᠠᠰᠢᠨ ᠢ ᠰᠢᠳᠦᠰᠦᠭᠡᠢ︕︾ ᠭᠡᠵᠤ ᠢᠳᠬᠠᠪᠠ᠃ | ᠪᠠᠶᠢᠪᠠᠭᠠᠰ ᠤᠯᠠᠨ ᠤᠳᠠᠭᠠ ᠮᠠᠨᠵᠤᠰᠢᠷᠢ ᠬᠤᠳᠤᠭᠳᠤ ᠶᠢᠨ ᠨᠤᠮ ᠢ ᠰᠤᠨᠤᠰᠤᠭᠠᠳ᠂ ᠢᠯᠠᠩᠭᠤᠶᠠ ︽ᠱᠠᠯᠪᠠ ᠰᠢᠮᠡ | ᠡᠪᠳᠡᠷᠡᠬᠦ ᠬᠤᠭᠤᠰᠤᠨ ᠴᠢᠨᠠᠷ︾ ᠭᠡᠳᠡᠭ ᠨᠤᠮ ᠢ ᠰᠤᠨᠤᠰᠤᠭᠰᠠᠨ ᠤ ᠲᠠᠷᠠᠭᠠ᠂ ᠤᠷᠴᠢᠯᠠᠩ ᠤᠨ ᠤᠯᠠᠭᠠᠨ | ᠲᠤᠭᠤᠰᠤᠨ ᠠᠴᠠ ᠠᠩᠭᠢᠵᠢᠷᠠᠵᠤ᠂ ᠰᠦᠮᠡ ᠬᠡᠶᠢᠳ ᠲᠤ ᠰᠠᠭᠤᠨ ᠲᠤᠶᠢᠨ ᠪᠤᠯᠬᠤ ᠶᠢ ᠵᠤᠷᠢᠪᠠ᠃ ᠬᠡᠪᠡᠴᠤ | ᠲᠦᠷᠪᠡᠨ ᠤᠶᠢᠷᠠᠳ ᠤᠨ ᠨᠤᠶᠠᠳ᠄ ︽ᠴᠢ ᠲᠤᠶᠢᠨ ᠪᠤᠯᠴᠢᠪᠠᠯ᠂ ᠪᠢᠳᠡᠨ ᠤ ᠨᠤᠲᠤᠭ ᠤᠰᠤ ᠶᠢ ᠬᠡᠨ ᠬᠠᠮᠠᠭᠠᠯᠠᠳᠠᠭ | ᠪᠢᠯᠡ︾ ᠭᠡᠳ ᠡᠰᠡ ᠵᠦᠪᠰᠢᠶᠡᠷᠡᠪᠡ᠃ ᠲᠡᠭᠡᠭᠡᠳ ᠮᠠᠨᠵᠤᠰᠢᠷᠢ ᠬᠤᠳᠤᠭᠳᠤ ᠶᠢᠨ ᠲᠡᠷᠭᠡᠳᠡ ᠤᠴᠢᠵᠤ᠄ ︽ | ᠪᠠᠶᠢᠪᠠᠭᠠᠰ ᠭᠠᠭᠴᠠᠭᠠᠷ ᠢᠶᠠᠨ ᠲᠤᠶᠢᠨ ᠪᠣᠯᠪᠠᠯ ᠰᠠᠶᠢᠨ ᠤᠤ︖ ᠡᠰᠡᠭᠦᠯᠡ᠂ ᠨᠤᠶᠠᠨ ᠪᠦᠷᠢ ᠨᠢᠭᠡᠨ ᠬᠦᠪᠡᠭᠦᠨ ᠢᠶᠠᠨ | ᠯᠠᠮᠠ ᠪᠤᠯᠭᠠᠪᠠᠯ ᠰᠠᠶᠢᠨ ᠤᠤ︖︾ ᠭᠡᠵᠤ ᠠᠰᠠᠭᠤᠪᠠ᠃ ᠡᠭᠦᠨ ᠳᠤ ᠮᠠᠨᠵᠤᠰᠢᠷᠢ ᠬᠤᠳᠤᠭᠳᠤ᠄ ︽ᠨᠢᠭᠡ ᠬᠦᠮᠦᠨ | ᠪᠤᠶᠠᠨ ᠬᠤᠷᠢᠶᠠᠭᠰᠠᠨ ᠠᠴᠠ ᠤᠯᠠᠨ ᠬᠦᠮᠦᠨ ᠪᠤᠶᠠᠨ ᠬᠤᠷᠢᠶᠠᠪᠠᠯ ᠰᠠᠶᠢᠨ︾ ᠭᠡᠵᠤ ᠬᠠᠷᠢᠭᠤᠯᠪᠠ᠃ ᠡᠭᠦᠨ ᠤ ᠤᠯᠠᠮ | ᠠᠴᠠ ᠵᠦᠩᠭᠠᠷ ᠤᠨ ᠬᠠᠷᠠ ᠬᠤᠯᠠᠨ᠂ ᠴᠦᠭᠦᠷ ᠤᠪᠠᠰᠢ᠂ ᠲᠦᠷᠪᠡᠳ ᠤᠨ ᠲᠠᠯᠠᠢ ᠲᠠᠶᠢᠵᠢ᠂ ᠲᠤᠷᠭᠤᠳ ᠤᠨ ᠬᠤᠤ | ᠦᠷᠯᠦᠭ᠂ ᠬᠤᠱᠤᠳ ᠤᠨ ᠬᠦᠨᠳᠡᠯᠡᠨ ᠤᠪᠠᠰᠢ ᠵᠡᠷᠭᠡ 31 ᠨᠤᠶᠠᠳ ᠲᠤᠰ ᠪᠦᠷᠢ ᠨᠢᠭᠡᠨ ᠬᠦᠪᠡᠭᠦᠨ ᠢᠶᠠᠨ ᠯᠠᠮᠠ | ᠪᠤᠯᠭᠠᠬᠤ ᠪᠠᠷ ᠪᠤᠯᠪᠠ᠃ ᠬᠡᠪᠡᠴᠤ ᠪᠠᠶᠢᠪᠠᠭᠠᠰ ᠦᠪᠡᠷ ᠢᠶᠠᠨ ᠬᠦᠪᠡᠭᠦᠨ ᠦᠭᠡᠢ ᠲᠤᠯᠠ ᠲᠤᠰ ᠠᠶᠢᠮᠠᠭ ᠤᠨ | ᠪᠠᠭ᠋ᠠᠬᠠᠨ ᠤ ᠬᠦᠪᠡᠭᠦᠨ ᠨᠠᠮᠬᠠᠶᠢᠵᠠᠮᠰᠤ ᠶᠢ ᠡᠷᠭᠦᠨ ᠠᠪᠴᠤ ᠲᠡᠵᠢᠬᠡᠭᠡᠳ ᠯᠠᠮᠠ ᠪᠤᠯᠭᠠᠬᠤ ᠪᠠᠷ ᠪᠤᠯᠪᠠ᠃ ᠡᠨᠡ | ᠮᠡᠳᠦᠴᠢᠯᠡᠨ ᠲᠦᠷᠪᠡᠨ ᠤᠶᠢᠷᠠᠳ ᠤᠨ 32 ᠨᠤᠶᠠᠳ ᠤᠨ ᠬᠦᠪᠡᠭᠦᠨ ᠲᠦᠪᠡᠳ ᠲᠤ ᠲᠤᠶᠢᠨ ᠪᠤᠯᠬᠤ ᠪᠠᠷ ᠮᠤᠷᠳᠠᠬᠤ | ᠳᠤ ᠪᠠᠶᠢᠪᠠᠭᠠᠰ 2 ᠵᠠᠭᠤᠨ ᠠᠯᠪᠠᠳᠤ ᠬᠦᠪᠡᠬᠦᠨ ᠢ ᠵᠠᠷᠤᠴᠠ ᠪᠤᠯᠭᠠᠨ ᠶᠠᠪᠤᠭᠤᠯᠪᠠ᠃ | 1602ᠣᠨ ᠳᠤ ᠪᠠᠶᠢᠪᠠᠭᠠᠰ ᠤᠨ ᠲᠡᠭᠦᠦ ᠴᠦᠭᠦᠷ᠂ ᠲᠦᠷᠪᠡᠳ ᠤᠨ ᠲᠦᠷᠦᠬᠦᠦ ᠲᠠᠯᠠᠢ᠂ ᠲᠤᠷᠭᠤᠳ ᠤᠨ | ᠲᠦᠷᠦᠬᠦᠦ ᠬᠤᠤ ᠦᠷᠯᠦᠭ ᠵᠡᠷᠭᠡ ᠬᠦᠮᠦᠰ ᠤᠷᠤᠰ ᠤᠨ ᠬᠢᠯᠢ ᠳᠤ ᠴᠦᠮᠦᠷᠡᠨ ᠤᠷᠤᠭᠠᠳ ᠶᠡᠬᠡᠪᠡᠷ ᠤᠤᠯᠭᠠᠯᠠᠨ | ᠪᠤᠴᠠᠭᠰᠠᠨ ᠳᠤ ᠴᠠᠭᠠᠨ ᠬᠠᠭᠠᠨ ᠡᠯᠴᠢ ᠲᠤᠮᠢᠯᠠᠨ ᠢᠷᠡᠭᠦᠯᠵᠤ ᠤᠯᠵᠠᠯᠠᠭᠳᠠᠭᠰᠠᠨ ᠬᠦᠮᠦᠰ ᠪᠠ ᠬᠦᠷᠦᠩᠭᠡ ᠮᠠᠯ ᠢᠶᠠᠨ | ᠪᠤᠴᠠᠭᠠᠵᠤ ᠠᠪᠠᠴᠢᠬᠤ ᠶᠢ ᠱᠠᠭᠠᠷᠳᠠᠪᠠ᠃ ᠡᠭᠦᠨ ᠳᠤ ᠪᠠᠶᠢᠪᠠᠭᠠᠰ ᠤᠷᠤᠰ ᠯᠤᠭᠠ ᠨᠠᠶᠢᠷᠠᠮᠳᠠᠵᠤ ᠪᠤᠰᠤᠳ ᠲᠠᠯᠠ ᠶᠢᠨ | ᠲᠠᠶᠢᠰᠦᠨ ᠢ ᠡᠰᠡᠷᠭᠦᠴᠡᠬᠦ ᠶᠢᠨ ᠲᠦᠯᠦᠬᠡ ︽ᠴᠠᠭᠠᠨ ᠬᠠᠭᠠᠨ ᠤ ᠡᠵᠡᠮᠰᠢᠯ ᠨᠤᠲᠤᠭ ᠢ ᠲᠠᠬᠢᠵᠤ ᠲᠠᠭᠠᠷᠢᠨ | ᠲᠤᠪᠳᠤᠯᠬᠤ ᠦᠭᠡᠢ᠂ ᠶᠠᠮᠠᠷ ᠴᠦ ᠮᠠᠭᠤ ᠶᠠᠪᠤᠳᠠᠯ ᠬᠢᠬᠦ ᠦᠭᠡᠢ᠂ ᠠᠩ ᠭᠦᠷᠦᠭᠡ ᠬᠢᠬᠦ ᠳᠡᠭᠡᠨ ᠪᠤᠯᠢᠶᠠᠵᠤ | ᠲᠡᠭᠡᠷᠡᠮᠳᠡᠬᠦ ᠦᠭᠡᠢ᠂ ᠤᠯᠵᠠᠯᠠᠭᠰᠠᠳ ᠢ ᠴᠦᠮ ᠪᠤᠴᠠᠭᠠᠨᠠ︾ ᠭᠡᠵᠤ ᠡᠯᠴᠢ ᠨᠠᠷ ᠲᠤ ᠬᠡᠯᠡᠵᠤ ᠢᠯᠡᠭᠡᠪᠡ᠃ | ᠲᠡᠭᠦᠨ ᠤ ᠬᠤᠶᠢᠨᠡ ᠪᠠᠶᠢᠪᠠᠭᠠᠰ ᠬᠠᠰᠠᠭ ᠤᠨ ᠢᠰᠢᠮ ᠬᠠᠨ ᠳᠤ ᠤᠷᠢᠳᠠᠪᠠᠷ ᠨᠠᠶᠢᠷᠠᠮᠳᠠᠯ ᠤᠨ ᠡᠯᠴᠢ ᠶᠠᠪᠤᠭᠤᠯᠵᠤ | ᠮᠡᠬᠡᠯᠡᠭᠡᠳ᠂ ᠠᠷᠤ ᠠᠴᠠ ᠨᠢ ᠴᠡᠷᠢᠭ ᠤᠷᠤᠭᠤᠯᠵᠤ ᠶᠡᠭᠡ ᠤᠷᠳᠤᠨ ᠢ ᠨᠢ ᠬᠡᠨᠡᠳᠡᠭᠦᠯᠦᠨ ᠲᠠᠭᠠᠷᠢᠪᠠ᠃ ᠭᠡᠪᠡᠴᠤ ᠡᠨᠡ | ᠤᠳᠠᠭᠠ ᠶᠢᠨ ᠲᠠᠶᠢᠨ ᠳᠤ ᠪᠠᠶᠢᠪᠠᠭᠠᠰ ᠲᠡᠮᠡᠢ ᠠᠰᠢᠭ ᠤᠯᠤᠭᠰᠠᠨ ᠦᠭᠡᠢ ᠪᠠᠷ ᠪᠤᠴᠠᠵᠠᠢ᠃ | 1623ᠣᠨ ᠳᠤ ᠬᠠᠯᠬᠠ ᠶᠢᠨ ᠤᠪᠠᠰᠢ ᠬᠤᠩ ᠲᠠᠶᠢᠵᠢ ︵ᠱᠤᠯᠤᠢ︶ ᠪᠤᠯᠤᠨ ᠤᠷᠢᠶᠠᠩᠬᠠᠢ ᠶᠢᠨ ᠰᠠᠶᠢᠨ | ᠮᠠᠵᠢᠭ ᠬᠤᠶᠠᠭᠤᠯᠠ 8 ᠲᠦᠮᠡᠨ ᠴᠡᠷᠢᠭ ᠠᠪᠴᠤ ᠤᠶᠢᠷᠠᠳ ᠢ ᠲᠤᠪᠳᠤᠯᠤᠷᠠ ᠢᠷᠡᠪᠡ᠃ ᠲᠡᠷᠡ ᠦᠶᠡ ᠳᠤ | ᠪᠠᠶᠢᠪᠠᠭᠠᠰ ᠲᠦᠷᠦᠬᠦᠦ ᠲᠠᠢ ᠤᠶᠢᠷᠠᠳ ᠤᠨ ᠨᠤᠶᠠᠳ ᠡᠰᠡᠷᠬᠦᠴᠡᠯᠡᠨ ᠪᠠᠶᠢᠯᠳᠤᠭᠠᠳ ᠤᠪᠠᠰᠢ ᠬᠤᠩ ᠲᠠᠶᠢᠵᠢ ᠶᠢ | ᠠᠯᠠᠭᠰᠠᠨ ᠪᠦᠭᠡᠳ ᠬᠠᠯᠬᠠ ᠶᠢᠨ ᠪᠦᠬᠦ ᠴᠡᠷᠢᠭ ᠢ ᠪᠤᠳᠠ ᠨᠢᠷᠭᠡᠭᠰᠡᠨ ᠤ ᠤᠯᠠᠮ ᠠᠴᠠ ᠪᠠᠶᠢᠪᠠᠭᠠᠰ ᠬᠠᠯᠬᠠ ᠶᠢᠨ | ᠨᠤᠶᠠᠳ ᠤᠨ ᠪᠠᠷᠠᠭᠤᠨᠰᠢ ᠲᠦᠷᠢᠬᠦ ᠶᠢ ᠬᠤᠷᠢᠭᠯᠠᠨ ᠴᠢᠳᠠᠭᠰᠠᠨ ᠪᠦᠭᠡᠳ ᠤᠶᠢᠷᠠᠳ ᠤᠨ ᠤᠯᠠᠮ ᠢᠶᠠᠷ ᠬᠦᠴᠦᠷᠭᠡᠭᠵᠢᠨ | ᠮᠠᠨᠳᠤᠬᠤ ᠳᠤ ᠪᠠᠳᠤ ᠪᠠᠬᠢ ᠰᠠᠭᠤᠷᠢ ᠶᠢ ᠲᠠᠯᠪᠢᠵᠤ ᠦᠭᠭᠦᠭᠰᠡᠨ ᠶᠤᠮ᠃ | 1625ᠣᠨ ᠤ ᠬᠠᠪᠤᠷ ᠤᠨ ᠡᠬᠢᠨ ᠳᠤ ᠪᠠᠶᠢᠪᠠᠭᠠᠰ ᠤᠨ ᠲᠡᠭᠦᠦ ᠵᠠᠰᠠᠭᠳᠤ ᠴᠢᠩ ᠪᠠᠭᠠᠳᠤᠷ ᠨᠠᠰᠤ ᠪᠠᠷᠠᠪᠠ᠃ | ᠲᠡᠷᠡ ᠲᠤᠬᠠᠢ ᠪᠠᠶᠢᠪᠠᠭᠠᠰ ᠯᠤᠭᠠ ᠡᠴᠢᠬᠡ ᠬᠤᠶᠠᠷ᠂ ᠡᠬᠡ ᠨᠢᠭᠡᠳᠡᠢ ᠴᠦᠭᠦᠷ ᠨᠢ ᠵᠠᠰᠠᠭᠳᠤ ᠴᠢᠩ ᠪᠠᠭᠠᠳᠤᠷ ᠤᠨ | ᠠᠷᠠᠳ ᠢᠷᠭᠡᠳ ᠪᠤᠯᠤᠨ ᠠᠳᠤᠭᠤ ᠮᠠᠯ ᠢ ᠭᠠᠭᠴᠠᠭᠠᠷ ᠡᠵᠡᠯᠡᠬᠡᠳ ᠠᠬᠠ ᠪᠠᠶᠢᠪᠠᠭᠠᠰ ᠲᠠᠭᠠᠨ ᠶᠠᠭᠤ ᠴᠦ ᠦᠭᠭᠦᠭᠰᠡᠨ | ᠦᠭᠡᠢ ᠪᠠᠶᠢᠵᠠᠢ᠃ ᠡᠭᠦᠨ ᠳᠤ ᠪᠠᠶᠢᠪᠠᠭᠠᠰ ᠶᠡᠬᠡᠳᠡ ᠠᠭᠤᠷᠯᠠᠭᠠᠳ ᠵᠠᠰᠠᠭᠳᠤ ᠴᠢᠩ ᠪᠠᠭᠠᠳᠤᠷ ᠤᠨ ᠤᠯᠤᠰ ᠪᠠ | ᠮᠠᠯ ᠢ ᠴᠦᠭᠦᠷ ᠠᠴᠠ ᠲᠠᠬᠢᠨ ᠪᠤᠯᠢᠶᠠᠵᠤ ᠠᠪᠤᠪᠠ᠃ ᠡᠨᠡ ᠦᠶᠡ ᠳᠤ ᠲᠠᠯᠠᠢ ᠲᠠᠶᠢᠵᠢ ᠮᠢᠩᠭᠠᠨ ᠴᠡᠷᠢᠭ ᠠᠪᠴᠤ | ᠠᠬᠠ ᠲᠡᠭᠦᠦ ᠬᠤᠶᠠᠷ ᠢ ᠡᠪᠰᠡᠭᠦᠯᠦᠩᠭᠦᠲᠡ ᠪᠠᠷ ᠢᠷᠡᠭᠡᠳ ᠪᠠᠶᠢᠪᠠᠭᠠᠰ ᠠᠴᠠ ᠵᠠᠰᠠᠭᠳᠤ ᠴᠢᠩ ᠪᠠᠭᠠᠳᠤᠷ ᠤᠨ 5 | ᠵᠠᠭᠤᠨ ᠬᠦᠮᠦᠨ ᠢ ᠡᠭᠡᠭᠦᠯᠦᠨ ᠠᠪᠴᠤ ᠴᠦᠭᠦᠷ ᠲᠤ ᠪᠤᠴᠠᠭᠠᠨ ᠦᠭᠪᠡ᠃ ᠬᠡᠪᠡᠴᠤ ᠵᠠᠰᠠᠭᠳᠤ ᠴᠢᠩ ᠪᠠᠭᠠᠳᠤᠷ ᠤᠨ | ᠪᠦᠬᠦ ᠬᠦᠮᠦᠨ ᠪᠠ ᠬᠦᠷᠦᠩᠭᠡ ᠶᠢ ᠴᠦᠮᠡ ᠭᠠᠭᠴᠠᠭᠠᠷ ᠡᠵᠡᠮᠰᠢᠬᠦ ᠰᠠᠨᠠᠭᠠ ᠲᠠᠢ ᠪᠠᠶᠢᠭᠰᠠᠨ ᠲᠤᠯᠠ ᠴᠦᠭᠦᠷ | ᠬᠠᠯᠢᠮᠠᠭ ᠤᠨ ᠮᠡᠷᠭᠡᠨ ᠲᠠᠮᠠᠨᠠ᠂ ᠬᠦᠶᠡᠩ᠂ ᠲᠠᠪᠤᠨᠳᠠᠢ ᠵᠡᠷᠭᠡ ᠲᠠᠶᠢᠵᠢ ᠨᠠᠷ ᠲᠠᠢ ᠬᠤᠯᠪᠤᠭᠠᠯᠠᠨ᠂ 3 ᠲᠦᠮᠡᠨ | ᠴᠡᠷᠢᠭ ᠠᠪᠴᠤ ᠪᠠᠶᠢᠪᠠᠭᠠᠰ ᠢ ᠪᠠᠶᠢᠯᠳᠤᠷᠠ ᠢᠷᠡᠭᠰᠡᠨ ᠪᠠᠶᠢᠨᠠ᠃ ᠡᠨᠡ ᠴᠢᠮᠡᠭᠡ ᠶᠢ ᠬᠠᠷᠠ ᠬᠤᠯᠠᠨ ᠨᠠᠷ | ᠰᠤᠨᠤᠰᠤᠭᠠᠳ᠂ ᠲᠦᠮᠡᠨ ᠴᠡᠷᠢᠭ ᠠᠪᠴᠤ ᠪᠠᠶᠢᠪᠠᠭᠠᠰ ᠢ ᠲᠤᠰᠠᠯᠠᠷᠠ ᠢᠷᠡᠳᠡᠯᠡ᠂ ᠴᠦᠭᠦᠷ ᠨᠢᠭᠡᠨᠳᠡ ᠪᠠᠶᠢᠪᠠᠭᠠᠰ ᠢ | ᠬᠤᠷᠤᠭᠠᠭᠠᠳ ᠬᠦᠮᠦᠨ ᠮᠠᠯ ᠢ ᠨᠢ ᠶᠡᠭᠡᠪᠡᠷ ᠤᠤᠯᠭᠠᠯᠠᠵᠤ ᠪᠠᠷᠠᠭᠤᠨᠰᠢ ᠲᠤᠳᠠᠭᠠᠨ ᠶᠠᠪᠤᠭᠰᠠᠨ ᠪᠠᠶᠢᠵᠠᠢ᠃ | ᠪᠠᠶᠢᠪᠠᠭᠠᠰ ᠨᠠᠰᠤ ᠪᠠᠷᠠᠭᠰᠠᠨ ᠤ ᠰᠡᠭᠦᠯᠡᠷ ᠲᠡᠭᠦᠨ ᠤ ᠲᠡᠭᠦᠦ ᠲᠦᠷᠦᠪᠠᠶᠢᠬᠤ ᠬᠦᠦᠰᠢ ᠬᠠᠨ ᠲᠦᠷᠪᠡᠨ | ᠤᠶᠢᠷᠠᠳ ᠤᠨ ᠴᠢᠭᠤᠯᠭᠠᠨ ᠲᠠᠷᠤᠭᠠ ᠪᠤᠯᠪᠠ᠃ ᠬᠦᠦᠰᠢ ᠬᠠᠨ ᠨᠤᠲᠤᠭ ᠠᠴᠠ ᠪᠠᠨ ᠰᠠᠯᠤᠭᠠᠳ ᠬᠦᠬᠡᠨᠠᠭᠤᠷ᠂ | ᠲᠦᠪᠡᠳ ᠲᠤ ᠬᠤᠱᠤᠳ ᠬᠠᠨ ᠤᠷᠳᠤᠨ ᠪᠠᠶᠢᠭᠤᠯᠤᠭᠰᠠᠨ ᠤ ᠲᠠᠷᠠᠭᠠ᠂ ᠪᠠᠶᠢᠪᠠᠭᠠᠰ ᠤᠨ ᠬᠦᠪᠡᠭᠦᠨ ᠸᠴᠢᠷᠳᠣ | ᠰᠡᠴᠡᠨ ᠬᠠᠨ ᠴᠢᠭᠤᠯᠭᠠᠨ ᠲᠠᠷᠤᠭᠠ ᠪᠤᠯᠤᠭᠰᠠᠨ ᠶᠤᠮ᠃ ᠡᠶᠢᠮᠤ ᠠᠴᠠ ᠪᠦᠪᠠᠢ ᠮᠢᠷᠽᠠ ᠠᠴᠠ ᠸᠴᠢᠷᠳᠣ ᠰᠡᠴᠡᠨ | ᠬᠠᠨ ᠬᠦᠷᠳᠡᠯᠡ ᠵᠠᠭᠤ ᠭᠠᠷᠤᠢ ᠵᠢᠯ ᠤᠨ ᠲᠤᠷᠰᠢ ᠲᠦᠷᠪᠡᠨ ᠣᠶᠢᠷᠠᠳ ᠤᠨ ᠴᠢᠭᠤᠯᠭᠠᠨ ᠲᠠᠷᠤᠭᠠ ᠶᠢᠨ ᠪᠠᠶᠢᠷᠢ | ᠰᠠᠭᠤᠷᠢ ᠶᠢ ᠴᠦᠮ ᠬᠤᠱᠤᠳ ᠤᠭᠰᠠᠭᠠ ᠶᠢᠨ ᠢᠵᠠᠭᠤᠷᠳᠠᠨ ᠠᠳᠬᠤᠵᠤ ᠪᠠᠶᠢᠭᠰᠠᠨ ᠪᠢᠯᠡ᠃ ᠡᠭᠦᠨ ᠤ ᠲᠤᠳᠤᠷᠠ | ᠪᠠᠶᠢᠪᠠᠭᠠᠰ ᠪᠤᠯ ᠬᠠᠮᠤᠭ ᠤᠨ ᠴᠢᠬᠤᠯᠠ ᠦᠢᠯᠡᠳᠦᠯ ᠦᠵᠡᠭᠦᠯᠦᠭᠰᠡᠨ ᠬᠦᠮᠦᠨ ᠪᠤᠯᠬᠤ ᠪᠦᠭᠡᠳ ᠤᠶᠢᠷᠠᠳ ᠤᠨ | ᠬᠦᠴᠦᠷᠭᠡᠭᠵᠢᠨ ᠮᠠᠨᠳᠤᠬᠤ ᠳᠤ ᠴᠦ ᠲᠤᠩ ᠶᠡᠭᠡ ᠬᠤᠪᠢ ᠨᠡᠮᠡᠷᠢ ᠪᠠᠨ ᠦᠵᠡᠬᠦᠯᠦᠭᠰᠡᠨ ᠬᠦᠮᠦᠨ ᠮᠦᠨ᠃ | ᠢᠷᠭᠤᠢ ᠨᠠᠶᠢᠷᠠᠭᠤᠯᠪᠠ᠃ | | |