| ᠳᠥᠴᠢᠨ ᠵᠢᠷᠭᠤᠳᠤᠭᠠᠷ ᠣᠨ ︵1707 ᠣᠨ︶ ᠳᠤ᠂ ᠬᠤᠷᠣᠯᠠᠢ ᠨᠠᠰᠤ ᠪᠠᠷᠠᠭᠰᠠᠨ ᠤ ᠳᠠᠷᠠᠭᠠ᠂ ᠳᠥᠴᠢᠨ | ᠨᠠᠶᠢᠮᠠᠳᠣᠭᠠᠷ ᠣᠨ ︵1709 ᠣᠨ︶ ᠳᠤ᠂ ᠠᠪᠤᠤ ᠡᠴᠢᠭᠡ ᠶᠢᠨ ᠢᠶᠠᠨ ᠰᠠᠭᠤᠷᠢ ᠶᠢ ᠵᠠᠯᠭᠠᠮᠵᠢᠯᠠᠵᠤ᠂ ᠪᠠᠭᠠ ᠶᠢᠨ | ᠨᠠᠰᠣᠨ ᠳᠠᠭᠠᠨ ᠪᠡᠭᠡᠵᠢᠩ ᠳᠤ ᠰᠠᠭᠤᠵᠤ ᠰᠢᠲᠠᠷ ᠬᠢᠶᠠ ᠪᠣᠯᠣᠭᠰᠠᠨ ᠪᠥᠭᠡᠳ ᠡᠴᠢᠭᠡ ᠶᠢᠨ ᠢᠶᠠᠨ ᠠᠮᠢᠳᠤ ᠰᠡᠷᠡᠭᠦᠨ | ᠪᠠᠶᠢᠬᠤ ᠦᠶᠡ ᠳᠤ ᠡᠵᠡᠨ ᠬᠠᠭᠠᠨ ᠤ ᠬᠤᠱᠣᠢ ᠭᠦᠩᠵᠤ ᠯᠦᠭᠡ ᠤᠷᠤᠭ ᠬᠤᠯᠪᠣᠨ ᠬᠤᠱᠣᠢ ᠲᠠᠪᠤᠨᠠᠩ ᠪᠣᠯᠵᠠᠢ᠃ | ᠡᠩᠬᠡ ᠠᠮᠤᠭᠤᠯᠠᠩ ᠤᠨ ᠲᠠᠪᠢᠨ ᠬᠤᠶᠠᠳᠤᠭᠠᠷ ᠣᠨ ︵1713 ᠣᠨ︶ ᠳᠤ᠂ ᠮᠠᠨᠵᠤ ᠶᠢᠨ ᠵᠠᠷᠯᠢᠭ ᠢᠶᠠᠷ ᠲᠦᠮᠡᠨ | ᠴᠡᠷᠢᠭ ᠳᠠᠶᠢᠴᠢᠯᠠᠨ ᠵᠡᠭᠦᠨᠭᠠᠷ ᠤᠨ ᠦᠢᠮᠡᠭᠡᠨ ᠢ ᠲᠦᠪᠰᠢᠳᠬᠡᠬᠦ ᠪᠠᠷ ᠰᠢᠨᠵᠢᠶᠠᠩ ᠳᠤ ᠡᠴᠢᠭᠦᠯᠵᠤ᠂ ᠲᠡᠨᠳᠡ 6 ᠵᠢᠯ | ᠰᠠᠭᠤᠭᠰᠠᠨ ᠤ ᠳᠠᠷᠠᠭᠠ᠂ ᠳᠠᠯᠠᠢ ᠯᠠᠮᠠ ᠶᠢ ᠲᠥᠪᠡᠳ ᠲᠤ ᠬᠦᠷᠭᠡᠵᠦ ᠲᠡᠨᠳᠡ 4 ᠵᠢᠯ ᠰᠠᠭᠤᠵᠠᠢ᠃ ᠨᠠᠶᠢᠷᠠᠯᠲᠤ | ᠲᠦᠪ ᠤᠨ ᠲᠡᠷᠢᠭᠦᠨ ᠣᠨ ︵1723 ᠣᠨ︶ ᠳᠤ ᠭᠦᠦᠰᠢ ᠬᠠᠨ ᠤ ᠠᠴᠢ ᠯᠤᠪᠰᠠᠩᠳᠠᠨᠵᠢᠨ ᠬᠥᠬᠡᠨᠠᠭᠤᠷ ᠲᠤ | ᠪᠣᠰᠣᠯᠭᠠ ᠭᠠᠷᠭᠠᠭᠰᠠᠨ ᠪᠣᠯᠬᠤᠷ᠂ ᠮᠦᠨ ᠵᠠᠷᠯᠢᠭ ᠳᠠᠭᠠᠵᠤ ᠬᠥᠬᠡᠨᠠᠭᠤᠷ ᠲᠤ ᠢᠷᠡᠭᠡᠳ ᠦᠢᠮᠡᠭᠡᠨ ᠢ | ᠲᠦᠪᠰᠢᠳᠬᠡᠬᠦ ᠳᠤ ᠭᠠᠪᠢᠶᠠ ᠪᠠᠶᠢᠭᠤᠯᠤᠭᠰᠠᠨᠠ᠂ ᠲᠦᠷᠤ ᠶᠢᠨ ᠵᠢᠶᠦ᠋ᠨ ᠸᠠᠩ ᠡᠷᠭᠦᠮᠵᠢᠯᠡᠵᠡᠢ᠃ ᠨᠠᠶᠢᠷᠠᠯᠲᠤ | ᠲᠦᠪ ᠤᠨ ᠳᠣᠯᠣᠳᠤᠭᠠᠷ ᠣᠨ ︵1729 ᠣᠨ︶ ᠳᠤ᠂ ᠪᠣᠷᠣ ᠴᠦᠩᠬᠡᠭ ᠲᠤ ᠨᠤᠲᠤᠭᠯᠠᠭᠤᠯᠬᠤ ᠭᠡᠰᠠᠨ | ᠮᠠᠨᠵᠤ ᠶᠢᠨ ᠰᠠᠨᠠᠭᠠ ᠠᠴᠠ ᠵᠥᠷᠢᠴᠡᠨ ᠠᠯᠠᠱᠠ ᠳᠤ ᠰᠢᠭᠤᠳ ᠢᠷᠡᠭᠰᠡᠨ ᠤᠴᠢᠷ ᠲᠤ ᠬᠡᠷᠬᠡᠮ ᠢ ᠨᠢ ᠪᠠᠭᠤᠷᠠᠭᠤᠯᠵᠤ | ᠪᠠᠶᠢᠯᠠ ᠪᠣᠯᠭᠠᠭᠰᠠᠨ ᠪᠣᠯᠪᠠᠴᠤ ᠪᠤᠷᠤᠭᠤᠲᠠᠭᠰᠠᠨ ᠢᠶᠠᠨ ᠮᠡᠳᠡᠷᠡᠵᠦ ᠣᠰᠣᠯ ᠢᠶᠠᠨ ᠦᠨᠡᠨ ᠢᠶᠠᠷ ᠬᠦᠯᠢᠶᠡᠭᠰᠡᠨ ᠲᠤᠯᠠ᠂ | ᠶᠢᠰᠦᠳᠦᠭᠡᠷ ᠣᠨ ︵1731 ᠣᠨ︶ ᠳᠤ᠂ ᠤᠭ ᠬᠡᠷᠬᠡᠮ ᠢ ᠨᠢ ᠳᠠᠬᠢᠨ ᠰᠡᠷᠭᠦᠭᠡᠵᠦ᠂ ᠳ᠋ᠢᠩ ᠶᠣᠸᠠᠨ ᠶᠢᠩ ᠢ | ᠸᠠᠩ ᠤᠨ ᠣᠷᠳᠣᠨ ᠪᠣᠯᠭᠠᠨ ᠱᠠᠩᠨᠠᠨ ᠦᠭᠴᠡᠢ᠃ |