| | ᠨᠡᠶᠢᠰᠯᠡᠯ ᠬᠦᠷᠢᠶᠠᠨᠠ ᠲᠤᠭᠳᠠᠭᠰᠠᠨ ᠮᠤᠩᠭᠤᠯ ᠭᠠᠵᠠᠷ ᠪᠦᠬᠦᠢ ᠪᠤᠷᠢᠶᠠᠳ ᠨᠠᠷ ᠤᠨ ᠲᠦᠯᠤᠭᠡᠯᠡᠭᠴᠢᠳ ᠤᠨ 2 | ᠳ᠋ᠤᠭᠠᠷ ᠬᠤᠷᠠᠯ ᠤᠨ ᠰᠢᠢᠳᠪᠤᠷᠢ ᠶᠢ ᠭᠡᠷᠡᠭᠵᠢᠬᠦᠯᠬᠦ ᠵᠤᠷᠢᠯᠭᠠ ᠪᠠᠷ ᠲᠤᠤᠷᠠᠬᠢ ᠠᠷᠭᠠ ᠭᠡᠮᠵᠢᠶᠠ ᠶᠢ ᠠᠪᠤᠭᠰᠠᠨ | ᠪᠠᠶᠢᠨᠠ᠃ ᠠᠷᠠᠳ ᠤᠨ ᠵᠠᠰᠠᠭ ᠤᠨ ᠭᠠᠵᠠᠷ ᠪᠤᠯᠤᠨ ᠪᠤᠷᠢᠶᠠᠳ ᠤᠨ ᠬᠤᠷᠠᠯ ᠤᠨ ᠭᠠᠵᠠᠷ ᠤᠨ ᠦᠭᠬᠦᠭᠰᠡᠨ | ᠴᠢᠭᠯᠡᠯ ᠤᠨ ᠲᠠᠭᠠᠤ ᠤᠷᠤᠨ ᠨᠤᠳᠤᠭ ᠲᠤ ᠤᠷᠢᠳᠴᠢᠯᠠᠨ ᠰᠤᠮᠤ ᠨᠤᠭᠤᠳ ᠢ ᠪᠠᠶᠢᠭᠤᠯᠵᠤ ᠲᠠᠷᠠᠭᠠ ᠨᠢ ᠬᠤᠰᠢᠭᠤ | ᠪᠠᠶᠢᠭᠤᠯᠤᠭᠳᠠᠭᠰᠠᠨ ᠪᠠᠶᠢᠨᠠ᠃ ᠡᠬᠦᠨ ᠳᠤ᠄ | 1. ᠤᠯᠵᠠ ᠭᠤᠤᠯ ᠤᠨ ᠪᠤᠷᠢᠶᠠᠳ ᠬᠤᠰᠢᠭᠤ ︵ᠤᠳᠤ ᠶᠢᠨ ᠲᠤᠷᠤᠨᠠᠳᠤ ᠠᠶᠢᠮᠠᠭ ᠤᠨ ᠲᠠᠰᠢᠪᠠᠯᠪᠠᠷ᠂ ︵ | ᠪᠠᠶ᠋ᠬᠠᠠᠭᠤᠯᠠ ᠰᠤᠮᠤ︶ ᠨᠢ 1922 ᠤᠨ ᠳᠤ ᠠᠩᠬᠠ ᠪᠠᠶᠠᠨ — ᠲᠤᠩ᠂ ᠫᠠᠷᠴᠢᠨ᠂ ᠪᠠᠶᠠᠨᠵᠢᠷᠤᠭᠡ᠂ ᠪᠤᠮᠪᠠᠳᠤ᠂ | ᠂ ᠲᠡᠯᠭᠡᠷ — ᠠᠭᠤᠯᠠ᠂ ᠵᠡᠬᠦᠨ — ᠲᠠᠷᠨᠢ᠂ ᠤᠯᠵᠠ ᠭᠤᠤᠯ᠂ ᠬᠦᠭᠡ — ᠠᠭᠤᠯᠠ᠂ ᠬᠠᠨ — | ᠠᠭᠤᠯᠠ ᠵᠠᠷᠭᠡ 9 ᠰᠤᠮᠤ ᠲᠠᠢ ᠪᠠᠶᠢᠭᠤᠯᠤᠭᠳᠠᠭᠰᠠᠨ᠃ ᠡᠬᠦᠨ ᠳᠤ᠂ 1297 ᠡᠷᠤᠭᠡ᠂ 5982 ᠬᠦᠮᠤᠨ ᠠᠮᠠ | ᠬᠠᠮᠤᠷᠤᠭᠳᠠᠭᠰᠠᠨ ᠪᠠᠶᠢᠨᠠ᠃ ᠡᠳᠡᠭᠡᠷ ᠰᠤᠮᠤ ᠨᠤᠭᠤᠳ ᠲᠤ ᠠᠭᠠ ᠨᠠᠢᠮᠠᠨ ᠡᠴᠢᠭᠡ ᠶᠢᠨ ᠦᠷᠠ ᠰᠠᠳᠤ ᠪᠤᠯᠤᠨ | ᠰᠤᠩᠭᠤᠤᠯ᠂ ᠬᠠᠮᠨᠢᠭᠠᠨ ᠨᠠᠷ ᠶᠡᠭᠡᠪᠴᠢᠯᠡᠨ ᠰᠠᠭᠤᠷᠢᠰᠢᠵᠤ ᠡᠬᠢᠯᠡᠭᠰᠡᠨ᠃ | 2. ᠤᠨᠤᠨ ᠭᠤᠤᠯ ᠤᠨ ᠪᠤᠷᠢᠶᠠᠳ ᠬᠤᠰᠢᠭᠤ ︵ᠤᠳᠤ ᠶᠢᠨ ᠭᠡᠨᠳᠡᠢ ᠠᠶᠢᠮᠠᠭ ᠤᠨ ᠲᠠᠳᠠᠯ᠂ ᠪᠢᠨᠳᠠᠷ᠂ | ᠪᠠᠳᠤᠰᠢᠷᠡᠭᠡᠳᠤ ᠰᠤᠮᠤ ᠶᠢᠨ ᠬᠢᠨ︶ ᠨᠢ 1922 ᠤᠨ ᠳᠤ ᠪᠠᠶᠠᠨ᠂ ᠪᠠᠶᠠᠨ — ᠬᠠᠨ᠂ ᠪᠠᠯᠵᠠ ᠭᠤᠤᠯ᠂ ᠪᠠᠳᠤ | — ᠰᠦᠮᠪᠤᠷ᠂ ᠤᠨᠤᠨ ᠭᠤᠤᠯ᠂ ᠴᠠᠭᠠᠨ ᠨᠠᠭᠤᠷ᠂ ᠰᠢᠷᠠ ᠪᠤᠯᠠᠭ ᠵᠡᠷᠭᠡ 7 ᠰᠤᠮᠤ ᠲᠠᠢ ᠪᠠᠶᠢᠭᠤᠯᠤᠭᠳᠠᠭᠰᠠᠨ᠃ | ᠡᠬᠦᠨ ᠳᠤ᠂ 618 ᠡᠷᠤᠭᠡ᠂ 2700 ᠬᠦᠮᠤᠨ ᠠᠮᠠ ᠬᠠᠮᠤᠷᠤᠭᠳᠠᠭᠰᠠᠨ ᠪᠠᠶᠢᠨᠠ᠃ ᠬᠤᠷᠢ ᠶᠢᠨ 11 | ᠡᠴᠢᠭᠡ ᠶᠢᠨ ᠬᠢᠨ ᠪᠤᠯᠤᠨ ᠰᠤᠩᠭᠤᠤᠯ ᠨᠠᠷ ᠤᠷᠤᠰᠢᠨ ᠰᠠᠭᠤᠷᠢᠰᠢᠵᠤ ᠡᠬᠢᠯᠡᠭᠰᠡᠨ᠃ | 3. ᠬᠠᠯᠬᠠ᠂ ᠨᠦᠮᠤᠷᠭᠡ ᠭᠤᠤᠯ ᠤᠨ ᠪᠤᠷᠢᠶᠠᠳ ᠬᠤᠰᠢᠭᠤ ︵ᠤᠳᠤ ᠶᠢᠨ ᠲᠤᠷᠤᠨᠠᠳᠤ ᠠᠶᠢᠮᠠᠭ ᠤᠨ ᠴᠠᠭᠠᠨ | ᠤᠪᠤᠭᠠ ᠰᠤᠮᠤ ᠶᠢᠨ ᠬᠢᠨ︶ ᠨᠢ 1923 ᠤᠨ ᠳᠤ ᠠᠩᠬᠠ ᠮᠤᠭᠠᠶᠢᠳᠤ ᠭᠤᠤᠯ᠂ ᠨᠦᠮᠤᠷᠭᠡ ᠭᠤᠤᠯ᠂ ᠬᠠᠯᠬᠠ | ᠭᠤᠤᠯ ᠵᠡᠷᠭᠡ 3 ᠰᠤᠮᠤ ᠲᠠᠢ ᠪᠠᠶᠢᠭᠤᠯᠤᠭᠳᠠᠭᠰᠠᠨ᠃ ᠡᠬᠦᠨ ᠳᠤ᠂ 334 ᠡᠷᠤᠭᠡ᠂ 1539 ᠬᠦᠮᠤᠨ ᠠᠮᠠ | ᠬᠠᠮᠤᠷᠤᠭᠳᠠᠭᠰᠠᠨ ᠪᠦᠭᠡᠳ ᠠᠭᠠ ᠨᠠᠢᠮᠠᠨ ᠡᠴᠢᠭᠡ ᠶᠢᠨ ᠬᠢᠨ ᠪᠤᠯᠤᠨ ᠬᠠᠮᠨᠢᠭᠠᠳ ᠠᠩᠬᠠ ᠰᠠᠭᠤᠷᠢᠰᠢᠭᠰᠠᠨ᠃ | 4. ᠮᠠᠯᠠᠭᠠᠢ ᠠᠭᠤᠯᠠ ᠶᠢᠨ ᠪᠤᠷᠢᠶᠠᠳ ᠬᠤᠰᠢᠭᠤ ︵ᠤᠳᠤ ᠶᠢᠨ ᠲᠦᠪ ᠠᠶᠢᠮᠠᠭ ᠤᠨ ᠮᠦᠩᠬᠦᠨ ᠮᠤᠷᠢᠳᠤ | ᠰᠤᠮᠤ ᠶᠢᠨ ᠬᠢᠨ︶ ᠨᠢ 1923 ᠤᠨ ᠳᠤ ᠮᠦᠩᠭᠡ ᠵᠢᠷᠭᠠᠯᠠᠩᠳᠤ᠂ ᠨᠤᠭᠤᠭᠠᠨ ᠨᠠᠭᠤᠷ᠂ ᠨᠤᠭᠤᠭᠠᠨ ᠨᠢᠷᠤᠭᠤ ᠵᠡᠷᠭᠡ | 3 ᠰᠤᠮᠤ ᠲᠠᠢ ᠠᠩᠬᠠ ᠪᠠᠶᠢᠭᠤᠯᠤᠭᠳᠠᠵᠤ ᠰᠡᠬᠦᠯ ᠳᠤ ᠭᠡᠷᠤᠯᠤᠨ ᠭᠤᠤᠯ ᠤᠨ ᠪᠤᠷᠢᠶᠠᠳ ᠬᠤᠰᠢᠭᠤ ᠪᠤᠯᠵᠤ ᠨᠠᠷᠠ ᠨᠢ | ᠦᠭᠡᠷᠡᠴᠢᠯᠡᠭᠳᠡᠭᠰᠡᠨ᠃ ᠡᠬᠦᠨ ᠳᠤ᠂ 311 ᠡᠷᠤᠭᠡ᠂ 1216 ᠬᠦᠮᠤᠨ ᠠᠮᠠ ᠬᠠᠮᠤᠷᠤᠭᠳᠠᠭᠰᠠᠨ᠃ ᠪᠤᠳᠤᠩᠭᠤᠳ᠂ | ᠬᠦᠰᠢᠳ᠂ ᠰᠢᠷᠠᠶᠢᠳ ᠤᠪᠤᠭ ᠤᠨ ᠬᠢᠨ ᠶᠡᠭᠡᠪᠴᠢᠯᠡᠨ ᠰᠠᠭᠤᠷᠢᠰᠢᠭᠰᠠᠨ᠃ | 5. ᠢᠷᠤᠭᠡ ᠭᠤᠤᠯ ᠤᠨ ᠪᠤᠷᠢᠶᠠᠳ ᠬᠤᠰᠢᠭᠤ ︵ᠤᠳᠤ ᠶᠢᠨ ᠰᠡᠯᠡᠩᠭᠡ ᠠᠶᠢᠮᠠᠭ ᠤᠨ ᠢᠷᠤᠭᠡ ᠰᠤᠮᠤ ᠶᠢᠨ ᠬᠢᠨ︶ | ᠨᠢ 1922 ᠤᠨ ᠳᠤ ᠪᠠᠶᠠᠨ — ᠭᠤᠤᠯ᠂ ᠠᠯᠳᠠᠨ — ᠪᠤᠯᠠᠭ ᠬᠤᠶᠠᠷ ᠰᠤᠮᠤ ᠲᠠᠢ ᠠᠩᠬᠠ | ᠪᠠᠶᠢᠭᠤᠯᠤᠭᠳᠠᠭᠰᠠᠨ᠃ ᠡᠬᠦᠨ ᠳᠤ᠂ 222 ᠡᠷᠤᠭᠡ᠂ 1016 ᠬᠦᠮᠤᠨ ᠠᠮᠠ ᠬᠠᠮᠤᠷᠤᠭᠳᠠᠭᠰᠠᠨ᠃ ᠬᠦᠮᠤᠨ | ᠠᠮᠠ ᠶᠢᠨ ᠶᠡᠭᠡᠩᠭᠢ ᠨᠢ ᠪᠤᠷᠢᠶᠠᠳ᠂ ᠰᠤᠩᠭᠤᠤᠯ ᠪᠠᠶᠢᠭᠰᠠᠨ᠃ | 6. ᠡᠭ᠌ — ᠰᠡᠯᠡᠩᠭᠡ ᠭᠤᠤᠯ ᠤᠨ ᠪᠤᠷᠢᠶᠠᠳ ︵ᠤᠳᠤ ᠶᠢᠨ ᠬᠦᠪᠰᠤᠬᠦᠯ᠂ ᠰᠡᠯᠡᠩᠭᠡ ᠠᠶᠢᠮᠠᠭ ᠤᠨ ᠬᠢᠯᠢ | ᠵᠠᠯᠭᠠᠭᠠ ᠰᠤᠮᠤ ᠶᠢᠨ ᠬᠢᠨ︶ ᠨᠢ ᠠᠩᠬᠠ 1923 ᠤᠨ ᠳᠤ ᠪᠠᠶᠢᠭᠤᠯᠤᠭᠳᠠᠭᠰᠠᠨ ᠪᠤᠯᠪᠠᠴᠤ ᠭᠠᠵᠠᠷ ᠭᠠᠵᠠᠷ ᠲᠤ | ᠴᠦᠭᠡᠨ ᠲᠤᠭᠠ ᠪᠠᠷ ᠲᠠᠷᠬᠠᠮᠠᠯ ᠰᠠᠭᠤᠬᠤ ᠤᠴᠢᠷ ᠲᠤᠰ ᠬᠤᠰᠢᠭᠤ ᠶᠢ ᠲᠠᠳᠠᠨ ᠪᠠᠭᠤᠯᠭᠠᠵᠤ᠂ ᠤᠷᠤᠨ ᠨᠤᠳᠤᠭ ᠤᠨ | ᠬᠤᠰᠢᠭᠤᠳ ᠲᠤ ᠬᠠᠷᠢᠶᠠᠯᠠᠭᠤᠯᠤᠭᠰᠠᠨ ᠪᠠᠶᠢᠨᠠ᠃ ᠡᠬᠦᠨ ᠳᠤ᠂ 61 ᠡᠷᠤᠭᠡ ᠬᠠᠮᠤᠷᠤᠭᠳᠠᠵᠤ ᠪᠠᠶᠢᠭᠰᠠᠨ᠃ ᠠᠳᠡ᠂ | 3 ᠡᠴᠢᠭᠡ ᠶᠢᠨ ᠲᠠᠪᠤᠩᠭᠤᠳ ᠪᠤᠯᠤᠨ ᠴᠦᠭᠡᠨ ᠲᠤᠭᠠᠨ ᠤ ᠪᠤᠷᠢᠶᠠᠳ ᠤᠳ ᠠᠮᠢᠳᠤᠷᠠᠳᠠᠭ ᠪᠠᠶᠢᠨᠠ᠃ | ᠢᠩᠬᠢᠵᠤ ᠬᠤᠰᠢᠭᠤ ᠶᠢ ᠲᠡᠭᠡᠷᠡᠬᠢ ᠵᠤᠬᠢᠶᠠᠨ ᠪᠠᠶᠢᠭᠤᠯᠤᠯᠳᠠ ᠪᠠᠷ ᠪᠠᠶᠢᠭᠤᠯᠵᠤ᠂ ᠬᠤᠰᠢᠭᠤᠨ ᠤ ᠲᠠᠮᠠᠭᠠ ᠵᠠᠯᠠᠵᠤ | ᠬᠦᠷᠭᠡᠬᠦ᠂ ᠠᠵᠢᠯ ᠭᠡᠷᠡᠭ ᠲᠤᠨᠢ ᠲᠤᠰᠠᠯᠠᠭᠤᠯᠬᠤ ᠲᠦᠯᠤᠭᠡᠯᠡᠭᠴᠢ ᠶᠢ ᠬᠤᠷᠠᠯ ᠤᠨ ᠭᠠᠵᠠᠷ ᠠᠴᠠ ᠲᠤᠮᠢᠯᠠᠭᠰᠠᠨ | ᠪᠠᠶᠢᠨᠠ᠃ ᠡᠬᠦᠨ ᠳᠤ᠂ ᠤᠯᠵᠠ ᠭᠤᠤᠯ ᠤᠨ ᠬᠤᠰᠢᠭᠤᠨ ᠳᠤ ᠪᠠᠳᠮᠠ ᠶᠢᠨ ᠳ᠋ᠠᠮᠪᠠ᠂ ᠢᠷᠤᠭᠡ ᠭᠤᠤᠯ ᠤᠨ | ᠬᠤᠰᠢᠭᠤᠨ ᠳᠤ ᠪᠠᠳᠮᠠ ᠶᠢᠨ ᠪᠠᠳᠤ᠂ ᠡᠭ᠌ — ᠰᠡᠯᠡᠩᠭᠡ ᠭᠤᠤᠯ ᠤᠨ ᠬᠤᠰᠢᠭᠤᠨ ᠳᠤ ᠳ᠋ᠧᠯᠢᠭ ᠤᠨ ᠲᠠᠸᠠ᠂ | ᠮᠠᠯᠠᠭᠠᠷ ᠠᠭᠤᠯᠠ ᠶᠢᠨ ᠬᠤᠰᠢᠭᠤᠨ ᠳᠤ ᠼᠠᠳᠠᠪ ᠤᠨ ᠴᠧᠳᠧᠩ ᠨᠠᠷ ᠢ ᠲᠤᠮᠢᠯᠠᠨ ᠠᠵᠢᠯᠯᠠᠭᠤᠯᠤᠭᠰᠠᠨ ᠪᠠᠶᠢᠨᠠ᠃ | ᠡᠨᠡ ᠨᠢ ᠠᠷᠠᠳ ᠤᠨ ᠵᠠᠰᠠᠭ ᠤᠨ ᠭᠠᠵᠠᠷ ᠤᠨ ᠪᠤᠷᠢᠶᠠᠳ ᠲᠤᠳᠤᠷᠠ ᠰᠢᠨᠠ ᠪᠠᠶᠢᠭᠤᠯᠤᠭᠰᠠᠨ ᠬᠤᠰᠢᠭᠤᠨ ᠳᠤ | ᠲᠦᠷᠤ ᠶᠢᠨ ᠵᠠᠬᠢᠷᠭᠠᠨ ᠤ ᠡᠷᠭᠡ ᠤᠯᠭᠤᠵᠤ᠂ ᠤᠷᠤᠨ ᠨᠤᠳᠤᠭ ᠤᠨ ᠪᠤᠷᠢᠶᠠᠳ ᠨᠠᠷ ᠤᠨ ᠲᠤᠮᠳᠠ ᠵᠠᠬᠢᠷᠬᠤ᠂ | ᠵᠠᠬᠢᠷᠤᠭᠳᠠᠬᠤ ᠶᠤᠰᠤ ᠵᠢᠷᠤᠮ ᠢ ᠲᠤᠭᠳᠠᠭᠠᠭᠰᠠᠨ ᠨᠡᠩ ᠴᠢᠬᠤᠯᠠ ᠠᠷᠭᠠ ᠭᠡᠮᠵᠢᠶᠠ ᠪᠠᠶᠢᠯᠠ᠃ ᠵᠦᠪᠯᠡᠯᠳᠤ ᠤᠷᠤᠰ | ᠤᠯᠤᠰ ᠤᠨ ᠲᠦᠪ ᠤᠨ ᠬᠦᠢᠴᠡᠳᠭᠡᠬᠦ ᠬᠤᠷᠢᠶᠠ 1923 ᠤᠨ ᠤ 9 ᠰᠠᠷᠠ ᠶᠢᠨ 7 ᠤ ᠡᠳᠤᠷ ᠤᠨ ᠲᠤᠭᠳᠠᠭᠠᠯ ᠢᠶᠠᠷ | ᠮᠤᠩᠭᠤᠯ ᠭᠠᠵᠠᠷ ᠨᠡᠬᠦᠳᠡᠯᠯᠡᠨ ᠤᠷᠤᠭᠰᠠᠨ ᠤᠷᠤᠰ ᠤᠨ ᠬᠠᠷᠢᠶᠠᠳᠤ ᠨᠠᠷ ᠢ ᠮᠤᠩᠭᠤᠯ ᠤᠯᠤᠰ ᠤᠨ ᠠᠯᠪᠠᠳᠤ | ᠪᠤᠯᠭᠠᠬᠤ ᠪᠠᠷ ᠵᠦᠪᠰᠢᠶᠡᠷᠡᠵᠡᠢ᠃ ᠡᠨᠡ ᠦᠨᠳᠤᠰᠤᠨ ᠳᠤ ᠤᠷᠤᠰ ᠮᠤᠩᠭᠤᠯ ᠤᠨ ᠵᠠᠰᠠᠭ ᠤᠨ ᠭᠠᠵᠠᠷ ᠤᠨ | ᠰᠢᠢᠳᠪᠤᠷᠢ ᠶᠢᠨ ᠲᠠᠭᠠᠤ 1924 ᠤᠨ ᠤ 10 ᠰᠠᠷᠠ ᠳᠤ ᠵᠦᠪᠯᠡᠯᠳᠤ ᠶᠢᠨ ᠲᠠᠯᠠ ᠠᠴᠠ ᠮᠤᠩᠭᠤᠯ ᠳᠤ ᠰᠠᠭᠤᠭᠠ | ᠪᠦᠷᠢᠨ ᠡᠷᠭᠡ ᠪᠠᠷᠢᠬᠤ ᠲᠦᠯᠤᠭᠡᠯᠡᠭᠴᠢ ᠠ᠊ · ᠨ᠊ · ᠸᠠᠰᠢᠯᠸᠧ᠂ ᠮᠤᠩᠭᠤᠯ ᠤᠨ ᠲᠠᠯᠠ ᠠᠴᠠ ᠭᠠᠳᠠᠭᠠᠳᠤ | ᠶᠠᠪᠤᠳᠠᠯ ᠤᠨ ᠶᠠᠮᠤᠨ ᠤ ᠰᠠᠶᠢᠳ ᠠ᠊ · ᠠᠮᠤᠷ ᠨᠠᠷ ᠭᠡᠷᠡ ᠪᠠᠶᠢᠭᠤᠯᠵᠤ ︽ᠡᠨᠡ ᠡᠳᠤᠷ ᠠᠴᠠ ᠬᠦᠰᠡᠯᠳᠡ ᠭᠠᠷᠭᠠᠭᠰᠠᠨ | ᠪᠤᠷᠢᠶᠠᠳ ᠨᠠᠷ ᠮᠤᠩᠭᠤᠯ ᠤᠨ ᠠᠯᠪᠠᠳᠤ ᠪᠤᠯᠤᠭᠰᠠᠨ ᠳᠤ ᠲᠤᠭᠠᠴᠠᠨᠠ︾ ᠭᠡᠵᠤ ᠲᠤᠭᠳᠠᠭᠠᠳ ᠭᠠᠷ ᠤᠨ ᠦᠰᠦᠭ | ᠵᠢᠷᠤᠵᠤ ᠪᠠᠳᠤᠯᠠᠭᠠᠵᠢᠭᠤᠯᠵᠠᠢ᠃ ᠡᠨᠡ ᠦᠢᠯᠡ ᠶᠠᠪᠤᠳᠠᠯ ᠨᠢ ᠨᠠᠶᠢᠷᠠᠮᠳᠠᠯᠳᠤ ᠬᠤᠶᠠᠷ ᠤᠷᠤᠨ ᠤ ᠵᠠᠰᠠᠭ ᠤᠨ | ᠭᠠᠵᠠᠷ ᠠᠴᠠ ᠡᠨᠡ ᠬᠦ ᠵᠢᠵᠢᠭ ᠠᠷᠠᠳ ᠲᠦᠮᠡᠨ ᠤ ᠬᠦᠰᠡᠯ ᠰᠠᠨᠠᠯ ᠢ ᠡᠨᠡᠷᠢᠩᠬᠦᠢ ᠪᠤᠳᠤᠯᠭᠠ ᠪᠠᠷ ᠬᠦᠯᠢᠶᠠᠨ ᠠᠪᠴᠤ᠂ | ᠬᠦᠰᠡᠯᠳᠡ ᠶᠢᠨ ᠶᠤᠰᠤ ᠪᠠᠷ ᠨᠢ ᠪᠤᠯᠭᠠᠨ ᠰᠢᠢᠳᠪᠤᠷᠢᠯᠡᠭᠰᠡᠨ ᠶᠠᠪᠤᠳᠠᠯ ᠨᠢ ᠮᠤᠩᠭᠤᠯ ᠪᠤᠷᠢᠶᠠᠳ ᠨᠠᠷ ᠤᠨ ᠲᠡᠤᠭᠡᠨ ᠳᠤ | ᠦᠨᠡᠭᠡᠷ ᠠᠴᠢ ᠬᠤᠯᠪᠤᠭᠳᠠᠯ ᠲᠠᠢ ᠵᠦᠢᠯ ᠪᠤᠯᠵᠠᠢ᠃ | ᠮᠤᠩᠭᠤᠯ ᠳᠤ ᠲᠠᠭᠠᠷᠠ ᠤᠷᠤᠭᠰᠠᠨ ᠪᠤᠷᠢᠶᠠᠳ ᠨᠠᠷ ᠤᠨ ᠵᠠᠬᠢᠷᠭᠠ ᠪᠠᠶᠢᠭᠤᠯᠤᠭᠳᠠᠭᠰᠠᠨ ᠤ ᠲᠠᠷᠠᠭᠠ ᠤᠯᠤᠰ ᠤᠨ | ᠠᠩᠬᠠᠳᠤᠭᠠᠷ ᠶᠡᠭᠡ ᠬᠤᠷᠠᠯ 1924 ᠤᠨ ᠤ 11 ᠰᠠᠷᠠ ᠶᠢᠨ 8 — 28 ᠤ ᠡᠳᠤᠷ ᠬᠦᠷᠳᠡᠯᠠ ᠬᠤᠷᠠᠯᠳᠤᠵᠤ᠂ | ᠵᠠᠰᠠᠭ ᠤᠨ ᠭᠠᠵᠠᠷ ᠤᠨ ᠲᠡᠶᠢᠯᠤᠨ᠂ ᠪᠦᠬᠦ ᠶᠠᠮᠤᠨ ᠨᠤᠭᠤᠳ ᠪᠤᠯᠤᠨ ᠠᠶᠢᠮᠠᠭ ᠤᠳ ᠤᠨ ᠢᠯᠡᠳᠭᠡᠯ ᠵᠡᠷᠭᠡ | ᠬᠤᠷᠢᠭᠠᠳ ᠠᠰᠠᠭᠤᠳᠠᠯ ᠢ ᠭᠡᠯᠡᠯᠴᠡᠵᠤ ᠲᠠᠯᠪᠢᠭᠳᠠᠭᠰᠠᠨ ᠢᠯᠡᠳᠭᠡᠯ ᠪᠦᠷᠢ ᠳᠤ ᠲᠤᠭᠳᠠᠭᠠᠯ ᠭᠠᠷᠭᠠᠵᠠᠢ᠃ | ᠤᠯᠤᠰ ᠤᠨ ᠶᠡᠭᠡ ᠬᠤᠷᠠᠯ ᠤᠨ ᠤᠨᠴᠠᠭᠠᠢ ᠠᠴᠢ ᠬᠤᠯᠪᠤᠭᠳᠠᠯ ᠨᠢ ᠮᠤᠩᠭᠤᠯ ᠤᠯᠤᠰ ᠤᠨ ᠠᠩᠬᠠᠳᠤᠭᠠᠷ ᠦᠨᠳᠤᠰᠤᠨ | ᠬᠠᠤᠯᠢ ᠶᠢ ᠭᠡᠯᠡᠯᠴᠡᠵᠤ ᠪᠠᠳᠤᠯᠠᠭᠰᠠᠨ ᠶᠠᠪᠤᠳᠠᠯ ᠶᠤᠮ᠃ 1922 ᠤᠨ ᠠᠴᠠ ᠦᠨᠳᠤᠰᠤᠨ ᠬᠠᠤᠯᠢ | ᠪᠤᠯᠪᠠᠰᠤᠷᠠᠭᠤᠯᠬᠤ ᠲᠤᠰᠬᠠᠢ ᠺᠤᠮᠢᠰ ᠲᠤᠮᠢᠯᠠᠵᠤ᠂ ᠡᠬᠢᠯᠡᠭᠡᠳ ᠰᠢᠬᠦᠬᠦ ᠶᠠᠮᠤᠨ ᠤ ᠲᠡᠷᠢᠬᠦᠨ ᠰᠡᠶᠢᠳ ᠨ᠊ · | ᠴᠠᠷᠠᠨᠳᠤᠷᠵᠢ ᠪᠠᠷ ᠤᠳᠤᠷᠢᠳᠤᠭᠤᠯᠵᠠᠢ᠃ ᠰᠡᠬᠦᠯ ᠳᠤᠨᠢ ᠺᠤᠮᠢᠰ ᠤᠨ ᠪᠤᠯᠪᠠᠰᠤᠷᠠᠭᠤᠯᠤᠭᠰᠠᠨ ᠦᠨᠳᠤᠰᠤᠨ ᠬᠠᠤᠯᠢ ᠶᠢᠨ | ᠲᠦᠰᠦᠯ ᠢ ᠤᠷᠤᠰ ᠤᠨ ᠬᠠᠤᠯᠢ ᠴᠠᠭᠠᠵᠠ ᠶᠢᠨ ᠮᠡᠷᠭᠡᠵᠢᠯᠳᠡᠨ ᠫ᠊ · ᠸᠰᠸᠧᠶᠡᠳ᠋ᠰᠺᠢ ᠭᠡᠭᠴᠢ ᠦᠭᠡᠷᠡᠴᠢᠯᠡᠵᠤ ᠪᠠᠷᠤᠭ | ᠭᠠᠭᠴᠠᠭᠠᠷ ᠢᠶᠠᠨ ᠦᠨᠳᠤᠰᠤᠨ ᠬᠠᠤᠯᠢ ᠶᠢᠨ ᠰᠢᠨᠠ ᠲᠦᠰᠤᠯ ᠪᠡᠯᠡᠳᠭᠡᠵᠤ ᠪᠠᠳᠤᠯᠠᠭᠤᠯᠤᠭᠰᠠᠨ ᠪᠠᠶᠢᠨᠠ᠃ ᠶᠡᠭᠡ | ᠬᠤᠷᠠᠯ ᠢᠶᠠᠷ ᠤᠯᠤᠰ ᠤᠨ ᠨᠡᠶᠢᠰᠯᠡᠯ ᠢ ᠲ᠊ · ᠷᠠᠢᠰᠺᠤᠯᠤᠸ᠋ ᠤᠨ ᠰᠠᠨᠠᠯ ᠪᠤᠯᠠᠭᠠᠭᠰᠠᠨ ᠢᠶᠠᠷ ︽ᠤᠯᠠᠭᠠᠨᠪᠠᠭᠠᠳᠤᠷ︾ | ᠭᠡᠵᠤ ᠨᠡᠷᠡᠶᠢᠳᠬᠦ ᠪᠠᠷ ᠪᠤᠯᠤᠭᠰᠠᠨ ᠪᠠᠶᠢᠨᠠ᠃ ᠡᠨᠡ ᠶᠡᠭᠡ ᠬᠤᠷᠠᠯ ᠳᠤ 90 ᠲᠦᠯᠤᠭᠡᠯᠡᠭᠴᠢ ᠰᠤᠩᠭᠤᠭᠳᠠᠵᠤ᠂ 77 | ᠲᠦᠯᠤᠭᠡᠯᠡᠭᠴᠢ ᠤᠷᠤᠯᠴᠠᠭᠰᠠᠨ ᠪᠦᠭᠡᠳ ᠰᠢᠨᠠ ᠲᠠᠭᠠᠷᠠ ᠤᠷᠤᠭᠰᠠᠨ ᠪᠤᠷᠢᠶᠠᠳ ᠤᠨ ᠤᠯᠵᠠ ᠭᠤᠤᠯ ᠤᠨ | ᠬᠤᠰᠢᠭᠤᠨ ᠠᠴᠠ ᠠᠷᠠᠳ ᠪᠠᠽᠠᠷ ᠤᠨ ᠴᠧᠳᠧᠩ ︵38 ᠨᠠᠰᠤᠳᠠᠢ︶᠂ ᠮᠠᠯᠠᠭᠠᠢ ᠠᠭᠤᠯᠠ ᠶᠢᠨ ᠬᠤᠰᠢᠭᠤᠨ ᠠᠴᠠ | ᠠᠷᠠᠳ ᠪᠠᠯᠺᠢ ᠶᠢᠨ ᠠᠶᠤᠰᠢ ︵41 ᠨᠠᠰᠤᠳᠠᠢ︶᠂ ᠤᠨᠤᠨ ᠭᠤᠤᠯ ᠤᠨ ᠬᠤᠰᠢᠭᠤᠨ ᠠᠴᠠ ᠠᠷᠠᠳ ᠴᠢᠮᠡᠳᠷᠢᠨᠴᠢᠨ | ︵30 ᠨᠠᠰᠤᠳᠠᠢ︶᠂ ᠬᠠᠯᠬᠠ᠂ ᠨᠦᠮᠤᠷᠭᠡ ᠭᠤᠤᠯ ᠤᠨ ᠬᠤᠰᠢᠭᠤᠨ ᠠᠴᠠ ᠠᠷᠠᠳ ᠲᠦᠮᠡᠨᠪᠠᠶᠠᠷ ︵50 ᠨᠠᠰᠤᠳᠠᠢ︶ | ᠨᠠᠷ ᠲᠦᠯᠤᠭᠡᠯᠡᠭᠴᠢ ᠪᠠᠷ ᠰᠤᠩᠭᠤᠭᠳᠠᠵᠤ ᠤᠷᠤᠯᠴᠠᠭᠰᠠᠨ ᠨᠢ ᠪᠤᠷᠢᠶᠠᠳ ᠤᠳ ᠮᠤᠩᠭᠤᠯ ᠤᠨ ᠵᠢᠷ ᠤᠨ ᠢᠷᠭᠡᠨ ᠤ | ᠨᠢᠭᠡᠨ ᠠᠳᠠᠯᠢ ᠲᠦᠷᠤ ᠶᠢᠨ ᠦᠢᠯᠡ ᠭᠡᠷᠡᠭ ᠲᠤ ᠢᠳᠡᠪᠬᠢᠳᠡᠢ ᠤᠷᠤᠯᠴᠠᠬᠤ ᠪᠤᠯᠤᠭᠰᠠᠨ ᠪᠤᠳᠠᠳᠠᠢ ᠵᠢᠱᠢᠶᠠ ᠪᠤᠯᠵᠠᠢ᠃ | ᠡᠳᠡᠭᠡᠷ ᠲᠦᠯᠤᠭᠡᠯᠡᠭᠴᠢ ᠠᠴᠠ ᠤᠯᠵᠠ ᠭᠤᠤᠯ ᠤᠨ ᠬᠤᠰᠢᠭᠤᠨ ᠤ ᠲᠦᠯᠤᠭᠡᠯᠡᠭᠴᠢ ᠪᠠᠽᠠᠷ ᠤᠨ ᠴᠧᠳᠧᠩ ᠶᠡᠭᠡ | ᠬᠤᠷᠠᠯ ᠳᠤ ᠦᠭᠡ ᠭᠡᠯᠡᠵᠤ᠂ ᠮᠠᠯ ᠡᠮᠨᠡᠯᠭᠡ ᠶᠢᠨ ᠰᠠᠯᠪᠤᠷᠢ ᠶᠢ ᠬᠦᠳᠡᠭᠡ ᠳᠤ ᠦᠷᠭᠡᠨ ᠢᠶᠠᠷ ᠪᠠᠶᠢᠭᠤᠯᠬᠤ᠂ ᠬᠠᠷᠢᠯᠴᠠᠨ | ᠲᠤᠰᠠᠯᠠᠯᠴᠠᠬᠤ ᠬᠤᠷᠰᠢᠶᠠ ᠶᠢ ᠲᠡᠮᠵᠢᠨ ᠲᠡᠯᠭᠡᠷᠡᠬᠦᠯᠬᠦ᠂ ᠵᠠᠷᠭᠤ ᠵᠠᠯᠢᠬᠠᠢ ᠭᠡᠮᠳᠤ ᠭᠡᠷᠡᠭ ᠢ ᠤᠷᠤᠨ ᠨᠤᠳᠤᠭ ᠲᠤ | ᠲᠠᠰᠤᠯᠤᠨ ᠰᠢᠳᠭᠡᠭᠡᠬᠦ ᠳᠤ ᠪᠠᠷᠢᠮᠳᠠᠯᠠᠬᠤ ᠲᠦᠷᠢᠮ᠂ ᠵᠢᠭᠠᠪᠤᠷᠢ ᠭᠠᠷᠭᠠᠬᠤ᠂ ᠬᠦᠮᠤᠨ ᠪᠦᠷᠢ ᠶᠢ ᠬᠠᠤᠯᠢ ᠶᠢᠨ | ᠦᠨᠡᠮᠯᠡᠬᠦ ᠪᠢᠴᠢᠭ ᠲᠠᠢ ᠪᠤᠯᠭᠠᠬᠤ᠂ ᠤᠷᠤᠰ ᠭᠤᠰᠲ᠋ᠤᠷᠺ ᠮᠤᠩᠭᠤᠯ ᠬᠤᠷᠰᠢᠶᠠᠨ ᠠᠴᠠ ᠮᠠᠯ ᠪᠡᠯᠡᠳᠭᠡᠭᠡᠬᠦ ᠳᠤ | ᠬᠠᠷᠢᠶᠠᠯᠠᠬᠤ ᠦᠨᠳᠤᠰᠤᠨ ᠵᠠᠬᠢᠷᠭᠠᠨ ᠠᠴᠠ ᠵᠦᠪᠰᠢᠶᠡᠷᠡᠯ ᠠᠪᠴᠤ ᠪᠠᠶᠢᠬᠤ ᠵᠡᠷᠭᠡ ᠴᠢᠬᠤᠯᠠ ᠰᠠᠨᠠᠯ ᠲᠠᠪᠰᠢᠬᠦᠯᠤᠨ | ᠬᠤᠷᠠᠯ ᠤᠨ ᠶᠠᠪᠤᠴᠠ ᠳᠤ ᠵᠢᠷᠭᠤᠭᠠᠨ ᠠᠰᠠᠭᠤᠳᠠᠯ ᠲᠠᠯᠪᠢᠵᠤ ᠦᠭᠡ ᠭᠡᠯᠡᠭᠰᠡᠨ ᠪᠠᠶᠢᠨᠠ᠃ ᠠᠷᠠᠳ ᠤᠨ ᠵᠠᠰᠠᠭ ᠤᠨ | ᠭᠠᠵᠠᠷ ᠠᠴᠠ ᠬᠢᠯᠢ ᠬᠢᠵᠠᠭᠠᠷ ᠢ ᠬᠠᠮᠠᠭᠠᠯᠠᠬᠤ ᠠᠰᠠᠭᠤᠳᠠᠯ ᠢ ᠴᠢᠬᠤᠯᠠᠴᠢᠯᠠᠨ ᠦᠵᠡᠵᠤ᠂ ᠠᠩᠬᠠᠷᠤᠯ ᠲᠠᠳᠠᠵᠤ | ᠪᠠᠶᠢᠭᠰᠠᠨ ᠵᠡᠬᠦᠨ ᠬᠢᠵᠠᠭᠠᠷ ᠤᠨ ᠴᠡᠷᠢᠭ ᠤᠨ ᠪᠠᠶᠢᠳᠠᠯ ᠢ ᠵᠠᠩᠵᠤᠨ ᠳ᠋᠊ · ᠰᠦᠭᠡᠪᠠᠭᠠᠳᠤᠷ 1922 ᠤᠨ ᠤ 11 | ᠰᠠᠷᠠ ᠳᠤ ᠰᠢᠯᠭᠠᠵᠤ᠂ ᠵᠡᠬᠦᠨ ᠬᠤᠶᠢᠳᠤ ᠬᠢᠵᠠᠭᠠᠷ ᠤᠨ ᠰᠡᠷᠭᠡᠶᠢᠯᠡᠬᠦ ᠴᠡᠷᠢᠭ ᠤᠨ 200 ᠬᠦᠮᠤᠨ ᠤ ᠲᠤᠳᠤᠷᠠ ᠠᠴᠠ | ᠪᠠᠶᠠᠨ — ᠲᠤᠩ ᠤᠨ ᠬᠠᠷᠠᠭᠤᠯ ᠳᠤ ᠲᠠᠪᠢ ᠶᠢ᠂ ᠤᠯᠵᠠ ᠶᠢᠨ ᠲᠡᠮᠤᠷ ᠲᠡᠭᠡᠭᠡ ᠭᠡᠳᠡᠭ ᠭᠠᠵᠠᠷ ᠲᠤ 150 | ᠴᠡᠷᠢᠭ ᠢ ᠲᠤᠰ ᠲᠤᠰ ᠰᠠᠭᠤᠯᠭᠠᠬᠤ ᠪᠠᠷ ᠰᠢᠢᠳᠪᠤᠷᠢᠯᠡᠭᠰᠡᠨ ᠠᠴᠠ ᠭᠠᠳᠠᠨᠠ ᠵᠡᠬᠦᠨ ᠬᠢᠵᠠᠭᠠᠷ ᠤᠨ ᠰᠠᠶᠢᠳ | ᠠᠯᠳᠠᠠᠭᠡᠷᠡᠯ ᠤᠨ ᠬᠠᠷᠢᠶᠠᠳᠤ ᠴᠡᠷᠢᠭ ᠠᠴᠠ ᠤᠯᠵᠠ ᠶᠢᠨ ᠡᠮᠵᠡᠭᠳᠤ ᠳᠤ 50 ᠴᠡᠷᠢᠭ ᠢ ᠨᠡᠮᠡᠨ ᠰᠠᠭᠤᠯᠭᠠᠵᠤ᠂ ᠵᠡᠬᠦᠨ | ᠬᠤᠶᠢᠳᠤ ᠬᠢᠵᠠᠭᠠᠷ ᠤᠨ ᠴᠡᠷᠢᠭ ᠢ ᠵᠠᠬᠢᠷᠬᠤ ᠲᠦᠰᠢᠮᠡᠯ ᠢᠶᠠᠷ ᠴᠢᠯᠠᠭᠤᠨ ᠭᠡᠳᠡᠭ ᠬᠦᠮᠤᠨ ᠢ ᠲᠤᠮᠢᠯᠠᠭᠰᠠᠨ ᠪᠠᠶᠢᠨᠠ᠃ | ᠢᠩᠬᠢᠵᠤ ᠵᠡᠬᠦᠨ ᠬᠢᠵᠠᠭᠠᠷ ᠢ ᠵᠠᠩᠵᠤᠨ ᠳ᠋᠊ · ᠰᠦᠭᠡᠪᠠᠭᠠᠳᠤᠷ ᠦᠪᠡᠷ ᠢᠶᠠᠨ ᠤᠨᠴᠠᠯᠠᠨ ᠰᠢᠯᠭᠠᠵᠤ᠂ ᠵᠠᠷᠢᠮ ᠵᠤᠬᠢᠶᠠᠨ | ᠪᠠᠶᠢᠭᠤᠯᠤᠯᠳᠠ ᠶᠢ ᠪᠠᠶᠠᠴᠢᠯᠡᠨ ᠬᠢᠭᠰᠡᠨ ᠨᠢ ᠲᠡᠷᠡ ᠦᠶᠠ ᠳᠤ ᠮᠠᠨᠵᠤᠤᠷ ᠲᠤ ᠦᠢᠮᠡᠭᠡᠨ ᠲᠡᠭᠳᠡᠭᠡᠵᠤ ᠪᠠᠶᠢᠭᠰᠠᠨ | ᠴᠠᠭᠠᠡᠳᠠᠨ ᠨᠤᠭᠤᠳ ᠠᠴᠠ ᠰᠡᠷᠡᠮᠵᠢᠯᠡᠬᠦ ᠲᠠᠢ ᠬᠤᠯᠪᠤᠭᠠ ᠲᠠᠢ ᠪᠠᠶᠢᠭᠰᠠᠨ ᠪᠠᠶᠢᠨᠠ᠃ | ᠵᠠᠰᠠᠭ ᠤᠨ ᠭᠠᠵᠠᠷ ᠤᠨ 1924 ᠤᠨ ᠤ 10 ᠰᠠᠷᠠ ᠶᠢᠨ 18 ᠤ ᠡᠳᠤᠷ ᠤᠨ 12 ᠳ᠋ᠤᠭᠠᠷ ᠬᠤᠷᠠᠯ ᠢᠶᠠᠷ | 15800 ᠬᠦᠮᠤᠨ ᠠᠮᠠ ᠪᠦᠬᠦᠢ 4000 ᠡᠷᠤᠭᠡ ᠶᠢ᠂ ᠮᠦᠨ ᠤᠨ ᠤ 11 ᠳ᠋ᠤᠭᠡᠷ ᠰᠠᠷᠠ ᠳᠤ ᠬᠤᠷᠠᠯᠳᠤᠭᠰᠠᠨ | ᠤᠯᠤᠰ ᠤᠨ ᠠᠩᠬᠠᠳᠤᠭᠠᠷ ᠶᠡᠭᠡ ᠬᠤᠷᠠᠯ ᠢᠶᠠᠷ 16098 ᠬᠦᠮᠤᠨ ᠠᠮᠠ ᠪᠦᠬᠦᠢ 4316 ᠡᠷᠤᠭᠡ ᠶᠢ᠂ ᠵᠠᠰᠠᠭ ᠤᠨ | ᠭᠠᠵᠠᠷ ᠤᠨ 1926 ᠤᠨ ᠤ 6 ᠰᠠᠷᠠ ᠶᠢᠨ 12 ᠤ ᠡᠳᠤᠷ ᠤᠨ 10 ᠳ᠋ᠤᠭᠠᠷ ᠬᠤᠷᠠᠯ ᠢᠶᠠᠷ 3616 ᠬᠦᠮᠤᠨ ᠠᠮᠠ | ᠪᠦᠬᠦᠢ 927 ᠡᠷᠤᠭᠡ ᠶᠢ ᠲᠤᠰ ᠲᠤᠰ ᠮᠤᠩᠭᠤᠯ ᠤᠯᠤᠰ ᠤᠨ ᠬᠠᠷᠢᠶᠠᠳᠤ ᠪᠤᠯᠭᠠᠨ ᠠᠮᠢᠳᠤᠷᠠᠯ ᠢ ᠨᠢ ᠲᠡᠭᠡᠭᠰᠢᠯᠡᠬᠦᠯᠬᠦ | ᠵᠤᠷᠢᠯᠭᠠ ᠪᠠᠷ ᠡᠬᠢᠨ ᠤ ᠭᠤᠷᠪᠠᠨ ᠵᠢᠯ ᠳᠤ ᠡᠯᠳᠡᠪ ᠠᠯᠪᠠᠨ ᠲᠠᠳᠠᠪᠤᠷᠢ ᠠᠴᠠ ᠴᠢᠯᠤᠭᠡᠯᠡᠵᠤ ᠲᠦᠪᠬᠢᠨᠡᠬᠦᠯᠵᠡᠢ᠃ | ᠪᠤᠷᠢᠶᠠᠳ ᠤᠳ ᠠᠩᠬᠠ ᠮᠤᠩᠭᠤᠯ ᠳᠤ ᠤᠷᠤᠵᠤ ᠢᠷᠡᠬᠦ ᠳᠡᠭᠡᠨ ᠪᠠᠰᠠ ᠯᠠ ᠪᠡᠷᠭᠡᠰᠢᠶᠡᠯ ᠳᠤ ᠲᠤᠯᠭᠠᠷᠠᠵᠤ ᠪᠠᠶᠢᠵᠠᠢ᠃ | ᠤᠷᠤᠰ ᠠᠴᠠ ᠰᠢᠨᠠ ᠨᠤᠳᠤᠭ ᠲᠤ ᠢᠷᠡᠭᠰᠡᠳ ᠨᠢ ᠶᠠᠮᠠᠷ ᠴᠤ ᠵᠦᠪᠰᠢᠶᠡᠷᠡᠯ ᠦᠭᠡᠢ ᠲᠤᠯᠠ ᠮᠤᠩᠭᠤᠯ ᠨᠤᠳᠤᠭ ᠲᠤ | ᠤᠷᠤᠵᠤ ᠢᠷᠡᠬᠦ ᠳᠡᠭᠡᠨ ᠬᠢᠯᠢ ᠶᠢᠨ ᠬᠠᠷᠠᠭᠤᠯ ᠨᠤᠭᠤᠳ ᠤᠨ ᠵᠠᠩᠬᠢ ᠲᠦᠰᠢᠮᠡᠳ ᠲᠠᠳᠠᠨ ᠢ ᠭᠠᠳᠠᠭᠤᠷᠬᠠᠨ | ᠤᠷᠤᠰ ᠤᠨ ᠤᠷᠭᠤᠳᠤᠤᠯ ᠤᠳ᠂ ᠦᠭᠡᠷ ᠬᠠᠷᠠ ᠪᠤᠷᠢᠶᠠᠳ ᠤᠳ ᠭᠡᠵᠤ ᠵᠠᠩᠨᠠᠨ ᠡᠯᠳᠡᠪ ᠭᠠᠶᠢᠯᠢ ᠲᠠᠳᠠᠪᠤᠷᠢ | ᠨᠤᠭᠳᠠᠭᠤᠯᠬᠤ᠂ ᠪᠠᠭᠤᠬᠤ ᠦᠭᠡᠢ ᠭᠠᠵᠠᠷ ᠪᠠᠭᠤᠯᠠ᠂ ᠪᠤᠰᠢᠭᠤ ᠵᠠᠶᠢᠯᠠ ᠭᠡᠵᠤ ᠬᠦᠭᠡᠭᠡᠬᠦ᠂ ᠤᠢ ᠮᠤᠳᠤ ᠲᠠᠢ | ᠭᠠᠵᠠᠷ ᠠᠴᠠ ᠮᠤᠳᠤ ᠲᠦᠯᠡᠭᠡ ᠪᠡᠯᠡᠳᠭᠡᠬᠦᠯᠬᠦ ᠦᠭᠡᠢ᠂ ᠡᠪᠡᠰᠤ ᠬᠠᠳᠤᠯᠠᠩ ᠠᠪᠬᠤ ᠶᠢ ᠬᠤᠷᠢᠭᠯᠠᠬᠤ ᠵᠡᠷᠭᠡ ᠪᠠᠷ | ᠲᠠᠷᠤᠮᠳᠠᠯᠠᠬᠤ ᠲᠤᠬᠢᠶᠠᠯᠳᠤᠯ ᠤᠯᠠᠨᠳᠠ ᠭᠠᠷᠳᠠᠭ ᠪᠠᠶᠢᠵᠠᠢ᠃ ᠵᠦᠪᠰᠢᠶᠡᠷᠡᠯ ᠦᠭᠡᠢ ᠤᠷᠤᠵᠤ ᠢᠷᠡᠭᠰᠡᠨ ᠪᠤᠷᠢᠶᠠᠳ | ᠨᠠᠷ ᠲᠤ ᠬᠢᠯᠢ ᠶᠢᠨ ᠬᠠᠷᠠᠭᠤᠯ ᠤᠳ ᠤᠨ ᠲᠠᠯᠪᠢᠵᠤ ᠪᠠᠶᠢᠭᠰᠠᠨ ᠱᠠᠭᠠᠷᠳᠠᠯᠭᠠ ᠵᠦᠢ ᠶᠤᠰᠤᠨ ᠤ ᠬᠢ ᠪᠠᠶᠢᠭᠰᠠᠨ | ᠪᠤᠯᠪᠠᠴᠤ ᠬᠤᠪᠢ ᠳᠠᠭᠠᠨ ᠠᠰᠢᠭᠳᠠᠢ ᠪᠠᠷ ᠶᠡᠭᠡᠩᠭᠢ ᠨᠢ ᠠᠵᠢᠯᠯᠠᠳᠠᠭ ᠪᠠᠶᠢᠪᠠ᠃ ᠬᠢᠯᠢ ᠶᠢᠨ ᠬᠠᠷᠠᠭᠤᠯ ᠤᠨ ᠵᠠᠩᠬᠢ | ᠲᠦᠰᠢᠮᠡᠳ ᠤᠯᠠᠷᠢᠬᠤ ᠴᠠᠭ ᠤᠨ ᠡᠷᠭᠡ ᠪᠠᠷ ᠨᠤᠳᠤᠭ ᠤᠨ ᠪᠤᠷᠢᠶᠠᠳ ᠤᠳ ᠲᠠᠢ ᠲᠠᠨᠢᠯᠴᠠᠵᠤ᠂ ᠬᠠᠳᠤᠯᠠᠩ ᠢᠶᠠᠨ | ᠬᠠᠳᠤᠭᠤᠯᠬᠤ᠂ ᠬᠠᠰᠢᠶᠠ ᠰᠠᠷᠠᠪᠴᠢ ᠪᠠᠨ ᠪᠠᠷᠢᠭᠤᠯᠬᠤ ᠵᠡᠷᠭᠡ ᠠᠵᠢᠯ ᠤᠳ ᠢ ᠦᠨᠠ ᠬᠦᠯᠤᠰᠤ ᠦᠭᠡᠢ ᠪᠤᠶᠤ ᠬᠢᠮᠳᠠ | ᠦᠨᠠ ᠪᠠᠷ ᠬᠢᠯᠭᠡᠵᠤ ᠲᠠᠳᠠᠨ ᠤ ᠵᠦᠭ ᠠᠴᠠ ᠲᠠᠯᠪᠢᠬᠤ ᠲᠠᠷᠤᠮᠳᠠᠯᠠᠯ ᠵᠦᠭᠡᠯᠡᠷᠡᠵᠤ ᠢᠷᠡᠭᠰᠡᠨ ᠪᠠᠶᠢᠨᠠ᠃ ᠬᠠᠷᠢᠨ | ᠠᠷᠠᠳ ᠤᠨ ᠵᠠᠰᠠᠭ ᠲᠤᠭᠳᠠᠭᠰᠠᠨ ᠤ ᠲᠠᠷᠠᠭᠠ ᠨᠡᠬᠦᠨ ᠢᠷᠡᠭᠰᠡᠨ ᠪᠤᠷᠢᠶᠠᠳ ᠤᠳ ᠲᠤ ᠨᠤᠳᠤᠭᠯᠠᠬᠤ ᠭᠠᠵᠠᠷ ᠢ ᠠᠯᠪᠠᠨ | ᠶᠤᠰᠤ ᠪᠠᠷ ᠤᠯᠭᠤᠵᠤ ᠬᠤᠰᠢᠭᠤ ᠵᠠᠬᠢᠷᠭᠠᠨ ᠠᠴᠠ ᠲᠤᠰᠬᠠᠢ ᠦᠨᠡᠮᠯᠡᠯ ᠪᠢᠴᠢᠭ ᠠᠶᠢᠯ ᠡᠷᠤᠭᠡ ᠨᠦᠭᠦᠳ ᠲᠤ | ᠤᠯᠭᠤᠳᠠᠭ ᠪᠠᠶᠢᠪᠠ᠃ ᠵᠢᠱᠢᠶᠠᠯᠡᠪᠡᠯ᠄ | ᠦᠨᠡᠮᠯᠡᠬᠦ | ᠲᠤᠰ ᠬᠤᠰᠢᠭᠤᠨ ᠤ ᠲᠠᠯᠠᠢ ᠰᠤᠮᠤ ᠶᠢᠨ ᠭᠡᠷ ᠤᠨ ᠡᠵᠡᠨ ᠲᠠᠮᠳᠢᠨᠵᠠᠪ ᠨᠢ ᠡᠷᠡ ᠡᠮᠠ 8 ᠠᠮᠠ ᠪᠦᠯᠢ ᠶᠢᠨ ᠬᠠᠮᠳᠤ | ᠠᠴᠢᠳᠤ ᠸᠠᠩ ᠤᠨ ᠬᠤᠰᠢᠭᠤᠨ ᠳᠤ ᠨᠡᠬᠦᠳᠡᠯᠯᠡᠨ ᠠᠵᠤ ᠲᠦᠷᠤᠵᠤ ᠪᠠᠶᠢᠭᠠ ᠨᠢ ᠦᠨᠡᠨ ᠪᠤᠯᠬᠤ ᠶᠢ ᠪᠠᠳᠤᠯᠠᠮᠵᠢᠯᠠᠵᠤ | ᠡᠨᠡ ᠬᠦ ᠦᠨᠡᠮᠯᠡᠬᠦ ᠶᠢ ᠤᠯᠭᠤᠪᠠ᠃ | ᠲᠠᠷᠤᠭᠠ᠄ ᠰ᠊ · ᠴᠧᠷᠧᠨᠫᠢᠯᠤᠸ᠋ | ᠮᠤᠩᠭᠤᠯ ᠳᠠᠬᠢ ᠪᠤᠷᠢᠶᠠᠳ — ᠮᠤᠩᠭᠤᠯ ᠠᠶᠢᠮᠠᠭ ᠤᠨ ᠪᠤᠷᠢᠶᠠᠳ ᠮᠤᠩᠭᠤᠯ ᠬᠤᠰᠢᠭᠤ 1923 ᠤᠨ ᠤ 7 | ᠰᠠᠷᠠ ᠶᠢᠨ 5 ᠤ ᠡᠳᠤᠷ᠂ ᠨᠤᠮᠧᠷ 221 | ᠵᠦᠪᠯᠡᠯᠳᠤ ᠤᠷᠤᠰ ᠤᠨ ᠪᠤᠷᠢᠶᠠᠳ ᠡᠷᠤᠭᠡ ᠠᠶᠢᠯ ᠭᠡᠰᠡᠭ ᠪᠦᠯᠦᠭ ᠢᠶᠠᠷ ᠢᠶᠠᠨ ᠪᠤᠶᠤ ᠭᠠᠭᠴᠠ ᠨᠢᠭᠡ ᠪᠠᠷ ᠢᠶᠠᠨ | ᠮᠤᠩᠭᠤᠯ ᠳᠤ ᠨᠡᠬᠦᠵᠤ ᠢᠷᠡᠬᠦ ᠶᠠᠪᠤᠳᠠᠯ 1927 ᠤᠨ ᠬᠦᠷᠳᠡᠯᠠ ᠦᠷᠬᠦᠯᠵᠢᠯᠡᠭᠰᠡᠨ ᠶᠤᠮ᠃ ᠪᠤᠷᠢᠶᠠᠳ ᠤᠳ | ᠨᠤᠳᠤᠭ ᠤᠰᠤ ᠪᠠᠷ ᠢᠶᠠᠨ ᠤᠷᠤᠰ ᠤᠨ ᠲᠠᠶᠢᠨ ᠰᠠᠮᠠᠭᠤᠨ ᠤ ᠬᠦᠯ ᠦᠢᠮᠡᠭᠡᠨ ᠳᠤ ᠶᠡᠭᠡ ᠨᠡᠷᠪᠡᠭᠳᠡᠵᠤ ᠪᠠᠶᠢᠭᠰᠠᠨ | ᠪᠤᠯᠪᠠᠴᠤ ᠴᠦᠮ ᠢᠶᠠᠷ ᠢᠶᠠᠨ ᠮᠤᠩᠭᠤᠯ ᠤᠷᠤᠭᠤ ᠨᠡᠬᠦᠴᠢᠭᠡᠭᠡ ᠦᠭᠡᠢ᠂ ᠶᠡᠭᠡᠩᠬᠢ ᠨᠢ ᠲᠡᠨᠳᠡ ᠪᠠᠨ ᠦᠯᠡᠳᠡᠭᠰᠡᠨ | ᠶᠤᠮ᠃ ᠡᠨᠡ ᠨᠢ ᠭᠠᠳᠠᠭᠰᠢ ᠪᠠᠨ ᠶᠠᠪᠤᠶᠠ ᠭᠡᠰᠡᠨ ᠪᠦᠬᠦᠨ ᠢ ᠨᠢ ᠴᠢᠯᠤᠭᠡ ᠲᠠᠢ ᠶᠠᠪᠤᠭᠤᠯᠤᠭᠰᠠᠨ ᠦᠭᠡᠢ | ᠬᠢᠵᠠᠭᠠᠷᠯᠠᠯᠳᠠ ᠲᠠᠯᠪᠢᠵᠤ ᠦᠨᠳᠤᠰᠤᠨ ᠳᠡᠭᠡᠨ ᠬᠢᠯᠢ ᠶᠢᠨ ᠠᠰᠠᠭᠤᠳᠠᠯ ᠢ ᠴᠢᠩᠭᠠᠳᠬᠠᠭᠰᠠᠨ ᠲᠠᠢ ᠬᠤᠯᠪᠤᠭᠠᠳᠠᠢ᠃ | 1925 ᠤᠨ ᠤ 4 ᠰᠠᠷᠠ ᠳᠤ ᠪᠤᠷᠢᠶᠠᠳ ᠬᠤᠷᠠᠯ ᠤᠨ ᠭᠠᠵᠠᠷ ᠡᠬᠦᠷᠭᠡ ᠪᠠᠨ ᠬᠦᠢᠴᠡᠳᠭᠡᠭᠰᠡᠨ ᠤᠴᠢᠷ | ᠠᠵᠢᠯ ᠢᠶᠠᠨ ᠬᠠᠭᠠᠭᠰᠠᠨ ᠪᠠᠶᠢᠨᠠ᠃ ᠡᠨᠡ ᠠᠰᠠᠭᠤᠳᠠᠯ ᠲᠠᠢ ᠬᠤᠯᠪᠤᠭᠳᠠᠭᠤᠯᠤᠨ ᠵᠢᠷᠭᠤᠭᠠᠨ ᠬᠤᠰᠢᠭᠤᠨ ᠠᠴᠠ | ᠨᠢᠵᠡᠭᠡᠳ ᠲᠦᠯᠤᠭᠡᠯᠡᠭᠴᠢ ᠶᠢ ᠲᠤᠮᠢᠯᠠᠨ ᠭᠠᠷᠭᠠᠵᠤ᠂ ᠬᠤᠷᠠᠯ ᠤᠨ ᠭᠠᠵᠠᠷ ᠤᠨ ᠮᠦᠩᠬᠦᠨ ᠰᠡᠩᠬᠦᠤᠵᠢᠯᠳᠡ ᠶᠢ | ᠰᠢᠯᠭᠠᠭᠤᠯᠤᠨ ᠵᠠᠷᠤᠯᠭᠠ ᠠᠴᠠ ᠦᠯᠡᠳᠡᠭᠰᠡᠨ ᠮᠦᠩᠬᠦᠨ ᠬᠦᠷᠤᠩᠭᠡ᠂ ᠬᠤᠷᠠᠯ ᠤᠨ ᠭᠠᠵᠠᠷ ᠭᠡᠷᠡᠭᠯᠡᠵᠤ ᠪᠠᠶᠢᠭᠰᠠᠨ | ᠰᠢᠷᠡᠭᠡ ᠰᠠᠨᠳᠠᠯᠢ ᠵᠡᠷᠭᠡ ᠪᠤᠰᠤᠳ ᠡᠳ᠋ ᠬᠤᠭᠰᠢᠯ ᠢ ᠲᠤᠳᠤᠭᠠᠳᠤ ᠶᠠᠮᠤᠨ ᠤ ᠬᠠᠷᠢᠶᠠ ᠡᠷᠡᠬᠦᠯ ᠢ ᠬᠠᠮᠠᠭᠠᠯᠠᠬᠤ | ᠭᠠᠵᠠᠷ ᠲᠤ ᠺᠤᠮᠢᠰ ᠤᠨ 1925 ᠤᠨ ᠤ 11 ᠰᠠᠷᠠ ᠶᠢᠨ 29 ᠤ ᠡᠳᠤᠷ ᠤᠨ ᠲᠤᠭᠳᠠᠭᠠᠯ ᠢᠶᠠᠷ ᠰᠢᠯᠵᠢᠬᠦᠯᠦᠭᠰᠡᠨ | ᠪᠠᠶᠢᠨᠠ᠃ 1925 ᠤᠨ ᠳᠤ ᠵᠠᠰᠠᠭ ᠤᠨ ᠭᠠᠵᠠᠷ ᠤᠨ ᠰᠢᠢᠳᠪᠤᠷᠢ ᠪᠠᠷ ᠤᠷᠤᠨ ᠨᠤᠳᠤᠭ ᠤᠨ ᠵᠠᠬᠢᠷᠭᠠ ᠶᠢ | ᠪᠠᠬᠢᠵᠢᠬᠦᠯᠬᠦ ᠠᠷᠭᠠ ᠭᠡᠮᠵᠢᠶᠠ ᠠᠪᠴᠤ ᠵᠠᠷᠢᠮ ᠬᠤᠰᠢᠭᠤᠳ ᠢ ᠬᠦᠮᠤᠨ ᠠᠮᠠ᠂ ᠮᠠᠯ᠂ ᠭᠠᠵᠠᠷ ᠨᠤᠳᠤᠭ ᠤᠨ | ᠪᠠᠶᠢᠳᠠᠯ ᠢ ᠬᠠᠷᠠᠭᠠᠯᠵᠠᠨ ᠴᠤᠮᠬᠠᠳᠬᠠᠵᠤ ᠪᠤᠷᠢᠶᠠᠳ ᠤᠳ ᠢ ᠲᠦᠷᠪᠡᠨ ᠬᠤᠰᠢᠭᠤ ᠪᠤᠯᠭᠠᠭᠰᠠᠨ ᠪᠠᠶᠢᠨᠠ᠃ | 1930 ᠤᠨ ᠳᠤ ᠬᠠᠯᠬᠠ ᠨᠦᠮᠤᠷᠭᠡ ᠭᠤᠤᠯ ᠤᠨ ᠬᠤᠰᠢᠭᠤ ᠶᠢ ᠲᠠᠳᠠᠨ ᠪᠠᠭᠤᠯᠭᠠᠵᠤ ᠰᠦᠮᠪᠤᠷ᠂ ᠮᠤᠭᠠᠢ ᠭᠤᠤᠯ | ᠂ ᠬᠠᠯᠬᠠ ᠨᠦᠮᠤᠷᠭᠡ ᠰᠤᠮᠤ ᠪᠠᠶᠢᠭᠤᠯᠤᠭᠰᠠᠨ ᠠᠴᠠ ᠭᠠᠳᠠᠨᠠ ᠮᠦᠨ ᠤᠨ ᠳᠤ ᠲᠤᠷᠤᠨᠠᠳᠤ ᠠᠶᠢᠮᠠᠭ᠂ ᠬᠠᠨ ᠭᠡᠨᠳᠡᠢ | ᠠᠭᠤᠯᠠ ᠶᠢᠨ ᠠᠶᠢᠮᠠᠭ ᠠᠴᠠ ᠲᠠᠰᠤᠷᠠᠵᠤ᠂ ᠰᠤᠮᠤ ᠨᠤᠭᠤᠳ ᠤᠨ ᠵᠠᠷᠢᠮ ᠳᠤ ᠦᠭᠡᠷᠡᠴᠢᠯᠡᠯᠳᠡ ᠤᠷᠤᠭᠤᠯᠤᠭᠰᠠᠨ | ᠪᠠᠶᠢᠨᠠ᠃ | 1931 ᠤᠨ ᠤ ᠡᠬᠢ ᠪᠠᠷ ᠨᠤᠳᠤᠭ ᠤᠨ ᠵᠠᠬᠢᠷᠭᠠᠨ ᠤ ᠵᠤᠬᠢᠶᠠᠨ ᠪᠠᠶᠢᠭᠤᠯᠤᠯᠳᠠ ᠶᠢ ᠲᠠᠬᠢᠨ ᠦᠭᠡᠷᠡᠴᠢᠯᠡᠵᠤ | ᠨᠡᠶᠢᠳᠡ ᠬᠤᠰᠢᠭᠤ ᠶᠢ ᠲᠠᠳᠠᠨ ᠪᠠᠭᠤᠯᠭᠠᠵᠤ᠂ ᠰᠤᠮᠤ ᠨᠤᠭᠤᠳ ᠢ ᠠᠶᠢᠮᠠᠭ ᠤᠨ ᠶᠠᠮᠤᠨ ᠳᠤ ᠬᠠᠷᠢᠶᠠᠯᠠᠭᠤᠯᠤᠭᠰᠠᠨ | ᠪᠠᠶᠢᠨᠠ᠃ | 1926 ᠤᠨ ᠳᠤ ᠬᠤᠷᠠᠯᠳᠤᠭᠰᠠᠨ ᠤᠯᠤᠰ ᠤᠨ 3 ᠳ᠋ᠤᠭᠠᠷ ᠶᠡᠭᠡ ᠬᠤᠷᠠᠯ ᠢᠶᠠᠷ ᠲᠠᠳᠠᠨ ᠪᠠᠭᠤᠭᠳᠠᠭᠰᠠᠨ ᠪᠠᠭ ᠤᠳ | 1930 ᠤᠨ ᠠᠴᠠ ᠰᠡᠷᠬᠦᠨ ᠪᠤᠢ ᠪᠤᠯᠤᠭᠰᠠᠨ ᠪᠠᠶᠢᠨᠠ᠃ ᠲᠡᠤᠭᠡ ᠶᠢᠨ ᠨᠢᠭᠡᠨ ᠭᠱᠠᠨ ᠳᠤ ᠢᠩᠬᠢᠵᠤ | ᠪᠤᠷᠢᠶᠠᠳ ᠤᠳ ᠤᠯᠤᠰ ᠲᠦᠷᠤ᠂ ᠱᠠᠰᠢᠨ ᠰᠢᠳᠤᠯᠭᠡ᠂ ᠤᠯᠠᠮᠵᠢᠯᠠᠯᠳᠤ ᠰᠤᠶᠤᠯ᠂ ᠭᠠᠵᠠᠷ ᠨᠤᠳᠤᠭ ᠠᠯᠢᠪᠠ | ᠪᠦᠬᠦᠨ ᠢᠶᠠᠷ ᠢᠶᠠᠨ ᠬᠠᠪᠴᠢᠭᠳᠠᠵᠤ᠂ ᠲᠠᠶᠢᠨ ᠰᠠᠮᠠᠭᠤᠨ ᠤ ᠬᠦᠯ ᠳᠤ ᠬᠠᠮᠤᠭ ᠤᠨ ᠶᠡᠭᠡ ᠪᠠᠷ ᠨᠡᠷᠪᠡᠭᠳᠡᠵᠤ | ᠤᠯᠠᠮ ᠢᠶᠠᠷ ᠲᠤᠭᠤᠷᠭᠠ ᠨᠢᠭᠡᠳᠤ ᠮᠤᠩᠭᠤᠯ ᠳᠠᠭᠠᠨ ᠲᠦᠷᠪᠡᠵᠤ ᠢᠷᠡᠬᠦ ᠳᠤᠨᠢ ᠮᠤᠩᠭᠤᠯ ᠤᠨ ᠠᠷᠠᠳ ᠤᠨ ᠵᠠᠰᠠᠭ | ᠶᠡᠭᠡᠳᠡ ᠠᠩᠬᠠᠷᠴᠤ ᠠᠭᠤᠯᠠ ᠲᠠᠯᠠ᠂ ᠤᠰᠤ ᠤᠷᠭᠤᠮᠠᠯ᠂ ᠠᠩ ᠠᠮᠢᠳᠠᠨ᠂ ᠤᠢ ᠮᠤᠳᠤ ᠪᠠᠷ ᠡᠯᠪᠡᠭ ᠪᠠᠶᠠᠨ | ᠰᠡᠯᠡᠩᠭᠡ᠂ ᠤᠯᠵᠠ᠂ ᠬᠠᠯᠬᠠ ᠭᠤᠤᠯ ᠤᠨ ᠰᠠᠪᠠ ᠭᠠᠵᠠᠷ ᠢ ᠡᠵᠡᠮᠰᠢᠬᠦᠯᠬᠦ ᠪᠠᠷ ᠰᠡᠳᠬᠢᠯ ᠬᠠᠷᠠᠮ ᠦᠭᠡᠢ ᠦᠭᠬᠦᠭᠰᠡᠨ | ᠪᠢᠯᠡ᠃ | ᠭᠤᠷᠪᠠ᠂ ᠭᠡᠯᠡᠮᠡᠭᠳᠡᠬᠦᠯᠤᠯᠳᠡ ᠶᠢᠨ ᠡᠬᠢᠯᠡᠯ ᠪᠠ ᠲᠡᠬᠦᠨ ᠤ ᠦᠷᠠ ᠲᠠᠭᠠᠪᠤᠷᠢ | ᠮᠤᠩᠭᠤᠯ ᠪᠤᠷᠢᠶᠠᠳ ᠵᠤᠨ ᠤᠯᠠᠨ ᠤ ᠡᠪ ᠨᠢᠭᠡᠳᠤᠯ ᠪᠦᠷᠢᠯᠳᠤᠨ ᠲᠤᠭᠳᠠᠵᠤ ᠲᠠᠮ ᠲᠠᠮ ᠳᠡᠭᠡᠨ ᠠᠮᠤᠷ ᠵᠢᠮᠤᠷ ᠡᠩᠭᠡ | ᠠᠮᠤᠭᠤᠯᠠᠩ ᠠᠵᠤ ᠲᠦᠷᠤᠬᠦ ᠡᠷᠭᠡ ᠵᠦᠢ ᠶᠢᠨ ᠦᠨᠳᠤᠰᠤᠯᠡᠯ ᠦᠨᠳᠤᠰᠤᠨ ᠳᠡᠭᠡᠨ ᠪᠦᠷᠢᠯᠳᠤᠨ ᠲᠤᠭᠳᠠᠭᠰᠠᠨ ᠤᠨ | ᠵᠢᠯ ᠤᠳ ᠦᠷᠬᠦᠯᠵᠢᠯᠡᠵᠤ ᠪᠠᠶᠢᠯᠠ᠃ | ᠭᠡᠳᠡᠯᠠ 1930 ᠤᠨ ᠤ 5 ᠰᠠᠷᠠ ᠶᠢᠨ 26 ᠤ ᠡᠳᠤᠷ ︽ᠲᠠᠭᠠᠷᠠ ᠤᠷᠤᠭᠰᠠᠳ ᠤᠨ ᠭᠡᠷᠡᠭ ᠢ ᠨᠢᠭᠡᠨ ᠲᠠᠰᠢ | ᠪᠤᠯᠭᠠᠬᠤ ᠲᠤᠬᠠᠢ︾ ᠤᠷᠤᠰ ᠮᠤᠩᠭᠤᠯ ᠬᠤᠶᠠᠷ ᠤᠯᠤᠰ ᠤᠨ ᠵᠠᠰᠠᠭ ᠤᠨ ᠭᠠᠵᠠᠷ ᠤᠨ ᠬᠤᠭᠤᠷᠤᠨᠳᠤ ᠶᠢᠨ | ᠲᠤᠭᠳᠠᠭᠠᠯ ᠭᠡᠭᠴᠢ ᠭᠡᠨᠡᠳᠳᠡ ᠭᠠᠷᠴᠤ᠂ ᠤᠯᠠᠨ ᠲᠦᠮᠡᠨ ᠤ ᠰᠡᠳᠬᠢᠯ ᠰᠠᠨᠠᠭᠠ ᠶᠢ ᠭᠢᠷᠳ᠋ᠬᠢᠯᠭᠡᠭᠰᠡᠨ ᠪᠠᠶᠢᠨᠠ᠃ | ᠪᠤᠷᠢᠶᠠᠳ ᠨᠠᠷ ᠤᠨ ᠲᠤᠬᠠᠢ ᠠᠰᠠᠭᠤᠳᠠᠯ ᠠᠯᠢ ᠡᠷᠳᠡ ᠰᠢᠢᠳᠪᠤᠷᠢᠯᠡᠭᠳᠡᠭᠰᠡᠨ ᠠᠳᠠᠯᠠ ᠡᠶᠢᠮᠤ ᠰᠢᠢᠳᠪᠤᠷᠢ ᠭᠠᠷᠬᠤ | ᠪᠤᠯᠤᠭᠰᠠᠨ ᠨᠢ ᠪᠤᠷᠢᠶᠠᠳ ᠨᠠᠷ ᠢ ᠲᠦᠷᠤᠯ ᠢᠶᠠᠷ ᠨᠢ ᠤᠰᠠᠳᠬᠠᠬᠤ ᠭᠡᠰᠡᠨ ᠠᠯᠤᠰ ᠤᠨ ᠪᠤᠳᠤᠯᠭᠠ ᠪᠠᠶᠢᠵᠠᠢ᠃ | ᠴᠤᠬᠤᠮ ᠡᠨᠡ ᠬᠦ ᠲᠤᠭᠳᠠᠭᠠᠯ ᠭᠠᠷᠭᠠᠬᠤ ᠪᠤᠯᠤᠭᠰᠠᠨ ᠰᠢᠯᠳᠠᠭᠠᠨ ᠢ ᠠᠯᠢ ᠲᠠᠯᠠ ᠠᠴᠠ ᠡᠬᠦᠨ ᠢ ᠰᠠᠨᠠᠭᠠᠴᠢᠯᠠᠪᠠ | ᠭᠡᠳᠡᠭ ᠨᠢ ᠲᠤᠬᠠᠢ ᠶᠢᠨ ᠦᠶᠠ ᠳᠤ ᠶᠡᠭᠡ ᠯᠡ ᠰᠤᠨᠢᠨ ᠠᠰᠠᠭᠤᠳᠠᠯ ᠤᠨ ᠨᠢᠭᠡ ᠪᠠᠶᠢᠭᠰᠠᠨ ᠴᠤ ᠤᠳᠠᠯ ᠦᠭᠡᠢ᠂ | ᠰᠲ᠋ᠠᠯᠢᠨ ᠤ ᠰᠠᠨᠠᠭᠠᠴᠢᠯᠠᠭᠠ ᠪᠤᠯᠬᠤ ᠨᠢ ᠲᠤᠳᠤᠷᠬᠠᠢ ᠪᠤᠯᠤᠭᠰᠠᠨ ᠶᠤᠮ᠃ | ᠲᠡᠭᠡᠷᠡᠬᠢ ᠲᠤᠭᠳᠠᠭᠠᠯ ᠢᠶᠠᠷ ᠲᠤᠰ ᠤᠯᠤᠰ ᠲᠤ ᠲᠠᠭᠠᠷᠠ ᠤᠷᠤᠭᠰᠠᠨ ︵1924 ᠤᠨ ᠠᠴᠠ ᠬᠤᠶᠢᠰᠢᠬᠢ︶ | ᠪᠤᠷᠢᠶᠠᠳ ᠤᠳ ᠢ ᠲᠠᠬᠢᠨ ᠬᠢᠨᠠᠬᠤ ᠪᠤᠯᠤᠨ ᠤᠯᠤᠰ ᠲᠦᠷᠤ᠂ ᠡᠷᠡᠬᠦᠤ ᠶᠢᠨ ᠭᠡᠷᠡᠭᠳᠡᠨ ᠨᠡᠷᠡᠶᠢᠳᠤᠯ ᠢᠶᠠᠷ ᠪᠤᠴᠠᠭᠠᠨ | ᠠᠪᠬᠤ᠂ ᠦᠭᠬᠦ᠂ ᠴᠦᠭᠡᠩᠬᠢ ᠶᠢᠨ ᠬᠡᠮᠳᠤ ᠦᠢᠯᠡᠳᠤᠯ ᠢ ᠨᠡᠶᠢᠳᠡᠮ ᠳᠤᠨᠢ ᠬᠠᠯᠳᠠᠭᠠᠵᠤ ᠬᠤᠮᠤᠷᠭᠠᠯᠠᠨ | ᠪᠠᠷᠢᠪᠴᠢᠯᠠᠬᠤ ᠶᠢ ︽ᠡᠷᠭᠡ ᠵᠦᠢ ᠬᠠᠷᠢᠯᠴᠠᠭᠠᠨ ᠤ ᠦᠨᠳᠤᠰᠤᠯᠡᠯ︾ ᠪᠤᠯᠭᠠᠵᠤ ᠭᠡᠷᠡᠭᠵᠢᠬᠦᠯᠬᠦ ᠡᠬᠦᠷᠭᠡ ᠲᠤᠰ ᠬᠤᠶᠠᠷ | ᠤᠯᠤᠰ ᠤᠨ ᠠᠶᠤᠯ ᠠᠴᠠ ᠬᠠᠮᠠᠭᠠᠯᠠᠬᠤ ᠪᠠᠶᠢᠭᠤᠯᠭᠠ ᠳᠤ ᠦᠭᠬᠦᠭᠳᠡᠵᠡᠢ᠃ | 1933 ᠤᠨ ᠤ 1 ᠰᠠᠷᠠ ᠳᠤ᠂ ᠲᠤᠳᠤᠭᠠᠳᠤ ᠶᠢ ᠬᠠᠮᠠᠭᠠᠯᠠᠬᠤ ᠭᠠᠵᠠᠷ ᠤᠨ ᠲᠠᠷᠤᠭᠠ ᠳ᠋᠊ · ᠨᠠᠮᠰᠠᠷᠠᠢ᠂ | ᠰᠤᠷᠭᠠᠭᠴᠢ ᠲᠤᠪᠷᠤᠸ᠋ᠰᠺᠢ ᠶᠢᠨ ᠬᠠᠮᠳᠤ ᠵᠦᠪᠯᠡᠯᠳᠤ ᠤᠯᠤᠰ ᠲᠤ ᠤᠴᠢᠵᠤ ᠢᠷᠡᠭᠡᠳ ᠲᠤᠳᠤᠭᠠᠳᠤ ᠶᠢ ᠬᠠᠮᠠᠭᠠᠯᠠᠬᠤ | ᠭᠠᠵᠠᠷ ᠤᠨ ᠤᠳᠤᠷᠢᠳᠬᠤ ᠠᠵᠢᠯᠳᠠᠨ ᠤ ᠵᠦᠪᠯᠡᠯᠭᠡᠨ ᠢ ᠬᠢᠯᠭᠡᠵᠤ ︽ᠬᠢᠳᠠᠳ᠂ ᠪᠤᠷᠢᠶᠠᠳ᠂ ᠤᠷᠤᠰ᠂ ᠲᠦᠪᠡᠳ | ᠬᠦᠮᠤᠰ ᠭᠠᠳᠠᠭᠠᠳᠤ ᠶᠢᠨ ᠲᠠᠩᠨᠠᠭᠤᠯ ᠲᠠᠢ ᠬᠤᠯᠪᠤᠭᠠ ᠲᠠᠢ᠂ ᠢᠷᠡᠬᠦ ᠬᠠᠪᠤᠷ ᠪᠤᠰᠤᠯᠭᠠ ᠭᠠᠷᠭᠠᠵᠤ ᠮᠠᠭᠠᠳ ᠦᠭᠡᠢ︾ | ᠭᠡᠳ᠂ ᠲᠠᠳᠠᠨ ᠢ ᠢᠯᠡᠷᠡᠬᠦᠯᠬᠦ ᠭᠡᠷᠡᠭᠳᠡᠢ ᠭᠡᠰᠡᠨ ᠲᠠᠭᠠᠭᠠᠯᠭᠠᠪᠤᠷᠢ ᠦᠭᠬᠦᠭᠰᠡᠨ ᠪᠠᠶᠢᠨᠠ᠃ ᠤᠭ ᠵᠦᠪᠯᠡᠯᠭᠡᠨ | ᠲᠡᠭᠡᠷᠡ ᠲᠤᠷᠤᠨᠠᠳᠤ ᠠᠶᠢᠮᠠᠭ ᠲᠠᠬᠢ ᠲᠤᠳᠤᠭᠠᠳᠤ ᠶᠢ ᠬᠠᠮᠠᠭᠠᠯᠠᠬᠤ ᠭᠠᠵᠠᠷ ᠤᠨ ᠰᠤᠷᠭᠠᠭᠴᠢ ᠺᠷᠠᠢᠯᠤᠸ᠋ ᠠᠴᠠ | ᠲᠤᠷᠤᠨᠠᠳᠤ ᠠᠶᠢᠮᠠᠭ ᠪᠤᠯ ᠬᠤᠪᠢᠰᠬᠠᠯ ᠤᠨ ᠡᠰᠡᠷᠬᠦᠤ ᠡᠳᠡᠭᠡᠳ ᠤᠯᠠᠨ ᠲᠠᠢ᠂ ᠵᠢᠱᠢᠶᠡᠯᠡᠪᠡᠯ᠂ ᠰ᠊ ᠰ᠊ ᠰ᠊ ᠷ | ᠤᠯᠤᠰ ᠤᠨ ᠠᠭᠠ ᠠᠶᠢᠮᠠᠭ ᠤᠨ ᠬᠤᠪᠢᠰᠬᠠᠯ ᠤᠨ ᠡᠰᠡᠷᠬᠦᠤ ᠪᠤᠷᠢᠶᠠᠳ ᠤᠨ ᠲᠦᠷᠤᠯ᠂ 80 ᠰᠢᠬᠠᠮ ᠬᠤᠪᠢ ᠨᠢ | ᠰᠤᠪᠢᠶᠠᠳ ᠠᠴᠠ ᠬᠢᠳᠠᠳ ᠤᠯᠤᠰ ᠤᠨ ᠪᠠᠷᠭᠤ ᠶᠢᠨ ᠰᠢᠨᠡᠭᠡᠨ ᠨᠤᠳᠤᠭ ᠲᠤ ᠡᠬᠦᠷᠯᠡᠨ ᠰᠠᠭᠤᠭᠰᠠᠨ ᠡᠰᠡᠷᠬᠦᠤ | ᠪᠤᠷᠢᠶᠠᠳ ᠲᠠᠢ ᠲᠦᠷᠤᠯ ᠰᠠᠳᠤᠨ ᠤ ᠬᠤᠯᠪᠤᠭᠠ ᠲᠠᠢ ᠭᠡᠵᠡᠢ᠃ ᠡᠨᠡ ᠡᠬᠦᠳᠡᠨ ᠠᠴᠠ ᠤᠯᠤᠰ ᠤᠨ ᠠᠶᠤᠯ ᠠᠴᠠ | ᠬᠠᠮᠠᠭᠠᠯᠠᠬᠤ ᠪᠠᠶᠢᠭᠤᠯᠭᠠ ᠨᠢ ᠮᠤᠩᠭᠤᠯ ᠳᠤ ᠤᠷᠤᠰᠢᠨ ᠰᠠᠭᠤᠬᠤ ᠵᠦᠪᠰᠢᠶᠡᠷᠡᠯ ᠦᠭᠡᠢ ᠪᠤᠯᠤᠨ ᠸᠢᠽᠢ ᠶᠢᠨ | ᠬᠤᠭᠤᠴᠠᠭᠠ ᠨᠢ ᠲᠠᠭᠤᠰᠤᠭᠰᠠᠨ ᠵᠦᠪᠯᠡᠯᠳᠤ ᠶᠢᠨ ᠬᠠᠷᠢᠶᠠᠳᠤ ᠨᠤᠭᠤᠳ ᠲᠤ ᠪᠤᠴᠠᠭᠠᠬᠤ ᠠᠷᠭᠠ ᠭᠡᠮᠵᠢᠶᠠ ᠠᠪᠴᠤ | ᠪᠠᠶᠢᠭᠰᠠᠨ ᠤ ᠵᠡᠷᠭᠡᠴᠡᠭᠡ ᠭᠡᠮᠳᠤ ᠭᠡᠷᠡᠭ ᠤᠨ ᠦᠢᠯᠡᠳᠤᠯ ᠲᠠᠢ ᠵᠠᠷᠢᠮ ᠬᠦᠮᠤᠨ ᠲᠡᠭᠡᠷᠠ ᠵᠦᠪᠯᠡᠯᠳᠤ ᠶᠢᠨ ᠤᠯᠤᠰ | ᠲᠦᠷᠤ ᠶᠢᠨ ᠨᠢᠭᠡᠳᠦᠭᠰᠡᠨ ᠤᠳᠤᠷᠢᠳᠬᠤ ᠭᠠᠵᠠᠷ ᠲᠠᠢ ᠬᠠᠮᠳᠤᠷᠠᠨ ᠭᠡᠷᠡᠭ ᠪᠤᠯᠪᠠᠰᠤᠷᠠᠭᠤᠯᠤᠯᠳᠠ ᠶᠢᠨ ᠠᠵᠢᠯ | ᠵᠤᠬᠢᠶᠠᠵᠤ ᠡᠬᠢᠯᠡᠵᠡᠢ᠃ | ᠲᠡᠳᠡᠭᠡᠷ ︽ᠤᠷᠭᠤᠳᠤᠤᠯ︾ ᠪᠤᠷᠢᠶᠠᠳ ᠤᠳ ᠤᠨ ᠲᠠᠯᠠ ᠪᠠᠷ ᠤᠯᠤᠰ ᠲᠦᠷᠤ ᠶᠢᠨ ᠨᠢᠭᠡᠳᠦᠭᠰᠡᠨ ᠤᠳᠤᠷᠢᠳᠬᠤ | ᠭᠠᠵᠠᠷ ᠤᠨ ᠠᠵᠢᠯᠳᠠᠨ ᠨᠤᠭᠤᠳ ᠤᠨ ᠭᠠᠷᠳᠠᠨ ᠪᠤᠯᠪᠠᠰᠤᠷᠠᠭᠤᠯᠤᠭᠰᠠᠨ ︽ᠼᠧᠫᠤᠴᠢᠺ︾ ᠭᠡᠮᠡᠬᠦ ᠭᠡᠷᠡᠭ ᠪᠠᠶᠢᠯᠠ᠃ | ᠭᠡᠷᠡᠭ ᠪᠤᠯᠪᠠᠰᠤᠷᠠᠭᠤᠯᠤᠯᠳᠠ ᠶᠢᠨ ᠶᠠᠪᠤᠴᠠ ᠳᠤ 1932 ᠤᠨ ᠤ 10 ᠰᠠᠷᠠ ᠳᠤ ᠠᠭᠠ ᠶᠢᠨ ᠪᠤᠷᠢᠶᠠᠳ ᠠᠴᠠ ᠰ᠊ | · ᠪᠤᠳ᠋᠂ ᠴᠧᠳᠠᠪ᠂ ᠭᠤᠳᠤᠪ ᠨᠠᠷ ᠠᠩᠬᠠᠷᠤᠯ ᠲᠠᠳᠠᠬᠤ ᠪᠤᠯᠤᠭᠰᠠᠨ ᠪᠠᠶᠢᠨᠠ᠃ ᠦᠨᠡᠭᠡᠷ ᠴᠤ ᠰ᠊ · ᠪᠤᠳ᠋ ᠬᠠᠯᠬᠠ | ᠮᠤᠩᠭᠤᠯ ᠳᠤ 1919 ᠤᠨ ᠳᠤ ᠤᠷᠤᠵᠤ ᠢᠷᠡᠭᠡᠳ 1926 ᠤᠨ ᠳᠤ ᠵᠦᠪᠯᠡᠯᠳᠤ ᠳᠤ ᠪᠤᠴᠠᠵᠤ᠂ 1930 | ᠤᠨ ᠠᠴᠠ ᠪᠠᠷᠭᠤ ᠶᠢᠨ ᠰᠢᠨᠡᠭᠡᠨ ᠳᠤ ᠤᠷᠭᠤᠵᠤ ᠪᠠᠶᠢᠭᠠᠳ 1930 ᠤᠨ ᠳᠤ ᠤᠷᠤᠰ ᠲᠤ ᠤᠷᠤᠭᠠᠳ ᠪᠤᠴᠠᠬᠤ | ᠵᠠᠮ ᠳᠠᠭᠠᠨ ᠮᠤᠩᠭᠤᠯ ᠢᠶᠠᠷ ᠲᠠᠭᠠᠷᠢᠵᠤ᠂ ᠭᠡᠳᠤ ᠭᠡᠳᠤᠨ ᠬᠦᠮᠤᠨ ᠲᠠᠢ ᠠᠭᠤᠯᠵᠠᠭᠰᠠᠨ ᠨᠢ ᠰᠦᠷᠬᠦ ᠲᠠᠩᠨᠠᠭᠤᠯ ᠤᠨ | ᠱᠤᠭᠤᠮ ᠢᠶᠠᠷ ᠲᠤᠭᠳᠠᠭᠠᠭᠳᠠᠭᠰᠠᠨ ᠪᠠᠶᠢᠨᠠ᠃ 1932 ᠤᠨ ᠤ 10 ᠰᠠᠷᠠ ᠳᠤ ᠰ᠊ · ᠪᠤᠳ᠋ ᠨᠢ ᠭᠡᠰᠡᠭ | ᠨᠦᠬᠦᠳ ᠤᠨ ᠬᠠᠮᠳᠤ ᠨᠢᠭᠤᠴᠠ ᠪᠠᠷ ᠰᠢᠨᠡᠭᠡᠨ ᠠᠴᠠ ᠮᠤᠩᠭᠤᠯ ᠢ ᠲᠠᠭᠠᠷᠢᠵᠤ ᠠᠭᠠ ᠶᠢᠨ ᠠᠶᠢᠮᠠᠭ ᠲᠤ ᠤᠴᠢᠵᠤ | ᠪᠠᠶᠢᠭᠰᠠᠨ ᠵᠡᠷᠭᠡ ᠦᠢᠯᠡ ᠠᠵᠢᠯᠯᠠᠭᠠ ᠨᠢ ᠠᠩᠬᠠᠷᠤᠯ ᠲᠠᠳᠠᠵᠤ᠂ ᠰ᠊ · ᠪᠤᠳ᠋ ᠲᠠᠢ ᠵᠦᠪᠯᠡᠯᠳᠤ ᠶᠢᠨ ᠤᠯᠤᠰ | ᠲᠦᠷᠤ ᠶᠢᠨ ᠨᠢᠭᠡᠳᠦᠭᠰᠡᠨ ᠤᠳᠤᠷᠢᠳᠬᠤ ᠭᠠᠵᠠᠷ ᠠᠴᠠ ᠬᠠᠷᠢᠯᠴᠠᠭᠠ ᠲᠤᠭᠳᠠᠭᠠᠬᠤ ᠠᠷᠭᠠ ᠭᠡᠮᠵᠢᠶᠠ ᠠᠪᠤᠭᠰᠠᠨ | ᠪᠤᠯᠪᠠᠴᠤ ᠦᠷᠠ ᠳ᠋ᠦᠩ ᠳᠤ ᠬᠦᠷᠤᠭᠡ ᠦᠭᠡᠢ ᠪᠠᠶᠢᠯᠠ᠃ | ᠤᠯᠤᠰ ᠲᠦᠷᠤ ᠶᠢᠨ ᠨᠢᠭᠡᠳᠦᠭᠰᠡᠨ ᠤᠳᠤᠷᠢᠳᠬᠤ ᠭᠠᠵᠠᠷ ᠰ᠊ · ᠪᠤᠳ᠋ ᠤᠨ ᠶᠠᠫᠥᠨ ᠤ ᠲᠠᠩᠨᠠᠭᠤᠯ ᠪᠤᠯᠤᠭᠰᠠᠨ | ᠮᠡᠳᠡᠭᠡ ᠶᠢ 1933 ᠤᠨ ᠤ 4 ᠰᠠᠷᠠ ᠳᠤ ᠴᠡᠷᠢᠭ ᠤᠨ ᠲᠠᠩᠨᠠᠭᠤᠯ ᠤᠨ ᠱᠤᠭᠤᠮ ᠢᠶᠠᠷ ᠠᠪᠴᠤ᠂ ᠲᠡᠬᠦᠨ ᠢ | ᠴᠠᠭᠠᠰᠢᠳᠠ ᠪᠠᠶᠢᠩᠭᠤ ᠶᠢᠨ ᠬᠢᠨᠠᠯᠳᠠ ᠳᠤ ᠪᠠᠶᠢᠯᠭᠠᠵᠤ ᠪᠠᠶᠢᠭᠠᠳ ᠮᠦᠨ ᠤᠨ ᠤ 4 ᠰᠠᠷᠠ ᠶᠢᠨ 11 ᠤ ᠡᠳᠤᠷ | ᠪᠤᠰᠤᠳ ᠨᠦᠬᠦᠳ ᠤᠨ ᠬᠢᠨᠢ ᠬᠠᠮᠳᠤ ᠪᠠᠷᠢᠪᠴᠢᠯᠠᠭᠰᠠᠨ ᠪᠠᠶᠢᠨᠠ᠃ ᠮᠦᠷᠳᠡᠨ ᠪᠠᠶᠢᠴᠠᠭᠠᠯᠳᠠ ᠪᠠᠷ ᠰ᠊ · ᠪᠤᠳ᠋ | ᠶᠠᠫᠤᠨ ᠤ ᠲᠠᠨᠨᠠᠭᠤᠯ ᠤᠨ ᠭᠡᠷᠡᠭ ᠢᠶᠠᠨ ᠬᠦᠯᠢᠶᠠᠵᠤ ᠤᠯᠠᠮ ᠢᠶᠠᠷ ᠲᠤᠷᠤᠨᠠᠳᠤ ᠠᠶᠢᠮᠠᠭ ᠤᠨ ᠤᠯᠵᠠ᠂ ᠳᠠᠰᠢᠪᠠᠯᠪᠠᠷ | ᠰᠤᠮᠤ ᠶᠢᠨ 192 ᠬᠦᠮᠤᠨ ᠢ ᠬᠠᠮᠰᠠᠭᠠᠳᠠᠨ ᠢᠶᠠᠨ ᠪᠤᠯᠭᠠᠨ ᠨᠠᠷᠠ ᠮᠡᠳᠡᠬᠦᠯᠵᠡᠢ᠃ ᠡᠶᠢᠨ ᠬᠦ ᠲᠤᠷᠤᠨᠠᠳᠤ ᠠᠶᠢᠮᠠᠭ ᠲᠤ | ᠪᠤᠷᠢᠶᠠᠳ ᠤᠳ ᠢ ᠪᠠᠷᠢᠪᠴᠢᠯᠠᠬᠤ ᠠᠵᠢᠯᠯᠠᠭᠠ ᠡᠬᠢᠯᠡᠵᠡᠢ᠃ ᠤᠯᠠᠭᠠᠨᠪᠠᠭᠠᠳᠤᠷ ᠬᠤᠳᠠ ᠶᠢᠨ 1 ᠳ᠋ᠤᠭᠡᠷ ᠲᠤᠰᠬᠠᠢ | ᠮᠤᠷᠢᠨ ᠳ᠋ᠢᠸᠢᠽᠢ ᠳᠤ ᠠᠯᠪᠠ ᠬᠠᠭᠠᠵᠤ ᠪᠠᠶᠢᠭᠠᠳ 1929 ᠤᠨ ᠤ 11 ᠰᠠᠷᠠ ᠶᠢᠨ 13 ᠤ ᠡᠳᠤᠷ᠂ ᠴᠡᠷᠢᠭ ᠤᠨ | ᠠᠯᠪᠠᠨ ᠠᠴᠠ ︽ᠤᠷᠭᠤᠭᠰᠠᠨ︾ ᠬᠠᠨ ᠭᠡᠨᠳᠡᠢ ᠠᠶᠢᠮᠠᠭ ᠤᠨ ᠤᠨᠤᠨ ᠭᠤᠤᠯ ᠤᠨ ᠬᠤᠰᠢᠭᠤᠨ ︵ᠤᠳᠤ ᠶᠢᠨ | ᠨᠤᠷᠪᠤᠯᠢᠨ ᠰᠤᠮᠤ ᠶᠢᠨ︶ ᠤ ᠬᠠᠷᠢᠶᠠᠳᠤ ᠷ᠊ · ᠲᠠᠮᠳᠢᠨᠵᠠᠪ᠂ ᠴ᠊ · ᠨᠠᠮᠵᠢᠯ ᠨᠠᠷ ᠤᠨ ᠲᠠᠯᠠ ᠪᠠᠷ ᠠᠪᠤᠭᠰᠠᠨ | ᠮᠡᠳᠡᠭᠡ ᠨᠢ ᠮᠦᠨ ᠲᠤᠬᠠᠢ ᠶᠢᠨ ᠦᠶᠠ ᠳᠤ ᠲᠤᠳᠤᠭᠠᠳᠤ ᠶᠢ ᠬᠠᠮᠠᠭᠠᠯᠠᠬᠤ ᠭᠠᠵᠠᠷ ᠪᠤᠯᠤᠨ ᠲᠡᠬᠦᠨ ᠤ ᠬᠠᠷᠢᠶᠠ ᠭᠡᠨᠳᠡᠢ | ᠠᠶᠢᠮᠠᠭ ᠤᠨ ᠠᠩᠬᠠᠷᠤᠯ ᠢ ᠲᠠᠳᠠᠭᠰᠠᠭᠠᠷ ᠪᠠᠶᠢᠯᠠ᠃ | ᠴᠡᠷᠢᠭ ᠤᠨ ᠶᠠᠪᠤᠳᠠᠯ ᠤᠨ ᠶᠠᠮᠤᠨ ᠤ 3 ᠳ᠋ᠤᠭᠠᠷ ᠭᠠᠵᠠᠷ ᠤᠨ ᠲᠠᠭᠠᠭᠠᠯᠭᠠᠪᠤᠷᠢ ᠪᠠᠷ 1930 ᠤᠨ ᠤ 11 | ᠰᠠᠷᠠ ᠳᠤ᠂ ᠬᠠᠶᠢᠯᠠᠷ ᠬᠤᠳᠠ ᠶᠢᠨ ᠴᠢᠭᠯᠡᠯ ᠳᠤ ᠶᠠᠪᠤᠭᠰᠠᠨ ᠮ᠊ · ᠴᠧᠳᠧᠩ ᠭᠡᠭᠴᠢ ᠪᠤᠴᠠᠵᠤ ᠢᠷᠡᠭᠡᠳ | ᠨᠤᠳᠤᠭ ᠤᠨ ᠢᠶᠠᠨ ᠬᠦᠮᠤᠰ ᠲᠤ ᠲᠠᠩᠨᠠᠭᠤᠯ ᠢᠶᠠᠷ ᠬᠠᠶᠢᠯᠠᠷ ᠬᠤᠳᠠ ᠳᠤ ᠤᠴᠢᠭᠰᠠᠨ ᠢᠶᠠᠨ ᠪᠤᠯᠤᠨ ᠲᠡᠨᠳᠡ ᠷ᠊ · | ᠲᠠᠮᠳᠢᠨᠵᠠᠪ ᠪᠠᠶᠢᠭᠠ ᠲᠤᠬᠠᠢ ᠶᠠᠷᠢᠵᠤ᠂ ᠷ᠊ · ᠲᠠᠮᠳᠢᠨᠵᠠᠪ ᠠᠴᠠ ᠠᠷᠤ ᠭᠡᠷ ᠤᠨ ᠬᠢᠨ ᠳᠡᠭᠡᠨ ᠪᠢᠴᠢᠭᠰᠡᠨ ᠵᠠᠬᠢᠳᠠᠯ ᠢ | ᠲᠠᠮᠰᠤᠭ ᠲᠠᠬᠢ ᠲᠤᠳᠤᠭᠠᠳᠤ ᠶᠢ ᠬᠠᠮᠠᠭᠠᠯᠠᠬᠤ ᠶᠢᠨ ᠲᠤᠰᠬᠠᠢ ᠲᠦᠯᠤᠭᠡᠯᠡᠭᠴᠢ ᠲᠠᠰᠢᠨᠢᠮᠠ ᠪᠤᠯᠤᠨ ᠲᠤᠷᠤᠨᠠᠳᠤ ᠶᠢᠨ | ᠭᠡᠯᠳᠡᠰ ᠤᠨ ᠲᠠᠷᠤᠭᠠ ᠰᠧᠷᠵᠢ ᠰᠤᠷᠭᠠᠭᠴᠢ ᠨᠠᠷ ᠲᠤ ᠲᠠᠨᠢᠯᠴᠠᠭᠤᠯᠵᠠᠢ᠃ | 1932 ᠤᠨ ᠤ 10 ᠰᠠᠷᠠ — 11 ᠰᠠᠷᠠ ᠪᠤᠯᠤᠨ 1933 ᠤᠨ ᠤ 2 ᠰᠠᠷᠠ ᠳᠤ ᠲᠤᠳᠤᠭᠠᠳᠤ ᠶᠢ | ᠬᠠᠮᠠᠭᠠᠯᠠᠬᠤ ᠭᠠᠵᠠᠷ ᠨᠢ ᠷ᠊ · ᠲᠠᠮᠳᠢᠨᠵᠠᠪ ᠢ ᠶᠠᠫᠤᠨ ᠤ ᠲᠠᠭᠠᠭᠠᠯᠭᠠᠪᠤᠷᠢ ᠲᠠᠢ ᠪᠠᠷ ᠨᠤᠳᠤᠭ ᠲᠠᠭᠠᠨ ᠢᠷᠡᠭᠡᠳ | ᠪᠤᠴᠠᠭᠰᠠᠨ ᠪᠠᠶᠢᠵᠤ ︽ᠪᠤᠯᠬᠤ︾ ᠮᠡᠳᠡᠭᠡᠯᠡᠯ ᠠᠪᠤᠭᠰᠠᠨ ᠪᠤᠯᠪᠠᠴᠤ ᠲᠡᠬᠦᠨ ᠢ ᠰᠢᠯᠭᠠᠨ ᠲᠤᠭᠳᠠᠭᠠᠬᠤ ᠡᠬᠦᠷᠭᠡ ᠶᠢ | ᠭᠡᠨᠳᠡᠢ ᠶᠢᠨ ᠠᠩᠬᠢ ᠲᠤᠰᠬᠠᠶᠢᠯᠠᠨ ᠲᠠᠳᠠᠯ ᠰᠤᠮᠤ ᠶᠢᠨ ᠲᠦᠯᠤᠭᠡᠯᠡᠭᠴᠢ ᠳ᠋᠊ · ᠳ᠋ᠠᠨᠽᠠᠨ ᠳᠤ ᠦᠭᠬᠦᠭᠰᠡᠨ ᠪᠤᠯᠪᠠᠴᠤ | ᠤᠭ ᠭᠡᠷᠡᠭ ᠢ ᠤᠷᠬᠢᠭᠳᠠᠭᠤᠯᠵᠤ ᠬᠠᠷᠢᠨ ᠮᠦᠨ ᠰᠤᠮᠤ ᠶᠢᠨ ᠬᠤᠷᠰᠢᠶᠠᠨ ᠤ ᠲᠠᠷᠤᠭᠠ ᠷ᠊ · ᠴᠠᠪᠡᠭᠵᠠᠪ ᠢ ᠷ᠊ · | ᠲᠠᠮᠳᠢᠨᠵᠠᠪ ᠲᠠᠢ ᠬᠤᠯᠪᠤᠨ ᠬᠤᠪᠢ ᠶᠢᠨ ᠵᠤᠷᠢᠯᠭᠠ ᠪᠠᠨ ᠪᠡᠶᠡᠯᠡᠬᠦᠯᠬᠦ᠂ ᠶᠠᠫᠤᠨ ᠲᠠᠩᠨᠠᠭᠤᠯ ᠤᠨ ᠪᠦᠯᠦᠭ | ᠢᠯᠡᠷᠡᠬᠦᠯᠦᠭᠰᠡᠨ ᠨᠠᠷᠠ ᠤᠯᠬᠤ ᠤᠷᠤᠯᠳᠤᠯᠭᠠ ᠪᠠᠷ 1933 ᠤᠨ ᠤ 5 ᠰᠠᠷᠠ ᠳᠤ ᠷ᠊ · ᠴᠡᠪᠡᠭᠵᠡᠪ ᠨᠠᠷ ᠤᠨ | ᠬᠦᠮᠤᠰ ᠢ ᠶᠠᠫᠤᠨ ᠤ ᠲᠠᠩᠨᠠᠭᠤᠯ ᠮᠡᠳᠤ ᠪᠠᠷ ᠬᠦᠳᠭᠡᠭᠰᠡᠨ ᠵᠠᠬᠢᠳᠠᠯ ᠦᠢᠯᠡᠳᠴᠡᠢ᠃ ᠳ᠋᠊ · ᠳ᠋ᠠᠨᠽᠠᠨ ᠤ ᠵᠠᠬᠢᠳᠠᠯ ᠢ | ᠭᠡᠨᠳᠡᠢ ᠶᠢᠨ ᠠᠩᠬᠢ ᠶᠢᠨ ᠲᠠᠷᠤᠭᠠ ᠳ᠋᠊ · ᠷᠢᠨᠴᠢᠨ ᠰᠢᠯᠭᠠᠵᠤ ᠨᠤᠳᠠᠯᠠᠭᠠ ᠦᠭᠡᠢ ᠪᠠᠷ 1933 ᠤᠨ ᠤ 5 | ᠰᠠᠷᠠ ᠶᠢᠨ 24 ᠤ ᠡᠳᠤᠷ᠂ ᠲᠤᠳᠤᠭᠠᠳᠤ ᠶᠢ ᠬᠠᠮᠠᠭᠠᠯᠠᠬᠤ ᠭᠠᠵᠠᠷ ᠤᠨ ᠲᠠᠷᠤᠭᠠ ᠳ᠋᠊ · ᠨᠠᠮᠰᠠᠷᠠᠢ᠂ ᠰᠤᠷᠭᠠᠭᠴᠢ | ᠴᠢᠪᠢᠰᠤᠸ᠋ ᠨᠠᠷ ᠲᠤ ᠲᠠᠨᠢᠯᠴᠠᠭᠤᠯᠤᠭᠰᠠᠨ ᠠᠴᠠ ᠪᠤᠯᠵᠤ᠂ ᠭᠷᠢᠭᠤᠷᠢᠸ᠋ ᠢ ᠭᠡᠨᠳᠡᠢ ᠠᠶᠢᠮᠠᠭ ᠤᠨ ᠰᠤᠷᠭᠠᠭᠴᠢ ᠪᠠᠷ᠂ | ᠤᠷᠴᠢᠭᠤᠯᠤᠭᠴᠢ ᠲᠤᠸ᠋ᠵᠤᠶ᠋ᠸᠧ ᠤᠨ ᠬᠠᠮᠳᠤ ᠰᠢᠨᠠ ᠪᠠᠷ ᠲᠤᠮᠢᠯᠠᠵᠤ ᠪᠠᠷᠢᠪᠴᠢᠯᠠᠯᠭᠠ ᠶᠢᠨ ᠮᠦᠷᠳᠡᠨ | ᠪᠠᠶᠢᠴᠠᠭᠠᠯᠳᠠ ᠶᠢ ᠶᠠᠪᠤᠭᠤᠯᠤᠭᠰᠠᠨ ᠢᠶᠠᠷ ᠮᠦᠨ ᠤᠨ ᠤ 5 ᠰᠠᠷᠠ ᠶᠢᠨ 29 ᠤ ᠡᠳᠤᠷ ᠠᠴᠠ ᠭᠡᠨᠳᠡᠢ ᠠᠶᠢᠮᠠᠭ ᠲᠤ | ᠪᠠᠷᠢᠪᠴᠢᠯᠠᠯᠭᠠ ᠡᠬᠢᠯᠡᠵᠡᠢ᠃ | ᠡᠨᠡ ᠦᠶᠠ ᠳᠤ᠂ ᠶᠠᠫᠤᠨ ᠲᠠᠩᠨᠠᠭᠤᠯ ᠢ ᠢᠯᠡᠷᠡᠬᠦᠯᠬᠦ ᠲᠠᠯᠠ ᠪᠠᠷ ᠭᠡᠨᠳᠡᠢ ᠶᠢᠨ ᠠᠩᠬᠢ᠂ ᠲᠤᠷᠤᠨᠠᠳᠤ ᠶᠢᠨ | ᠭᠡᠯᠳᠡᠰ ᠲᠠᠢ ᠬᠠᠮᠳᠤᠷᠠᠨ ᠠᠵᠢᠯᠯᠠᠬᠤ ᠪᠠᠷ ᠲᠤᠭᠳᠠᠭᠰᠠᠨ ᠨᠢ ᠲᠤᠷᠤᠨᠠᠳᠤ ᠶᠢᠨ ︽ᠼᠧᠫᠤᠴᠢᠺ︾᠂ ︽ᠭᠡᠨᠳᠡᠢ ᠶᠢᠨ ᠁ | ᠳ᠋ᠤᠭᠠᠷ ᠡᠷᠢᠨ ᠰᠤᠷᠪᠤᠯᠵᠢᠯᠠᠬᠤ ᠭᠡᠷᠡᠭ︾ ᠢ ᠬᠦᠴᠤ ᠪᠠᠷ ᠬᠤᠯᠪᠤᠬᠤ ᠨᠦᠬᠦᠴᠡᠯ ᠢ ᠪᠦᠷᠢᠯᠳᠤᠬᠦᠯᠵᠡᠢ᠃ ᠡᠶᠢᠨ ᠬᠦ | ᠬᠤᠶᠠᠷ ᠦᠭᠡᠷᠡ ︽ᠭᠡᠷᠡᠭ︾ ᠢ ᠨᠢᠭᠡᠨ ᠭᠡᠷᠡᠭ ᠲᠤ ᠬᠤᠯᠪᠤᠭᠰᠠᠨ ᠪᠤᠯᠬᠤᠷ ︽ᠯᠾᠦ᠋ᠮᠪᠠ ᠶᠢᠨ ᠭᠡᠷᠡᠭ︾ ᠤᠨ | ᠲᠠᠶᠢᠴᠢᠯᠠᠯᠭᠠ ᠶᠢ ᠲᠤᠷᠤᠨᠠᠳᠤ ᠶᠢᠨ ᠪ᠊ · ᠪᠤᠯᠤᠳ᠂ ᠠ᠊ · ᠲᠠᠮᠪᠠᠷᠢᠯ ᠨᠠᠷ ᠢ ᠠᠩᠬᠠ ᠪᠠᠷᠢᠪᠴᠢᠯᠠᠭᠤᠯᠤᠭᠰᠠᠨ 1933 | ᠤᠨ ᠤ 3 ᠰᠠᠷᠠ ᠶᠢᠨ 8 ᠤ ᠡᠳᠤᠷ ᠢᠶᠠᠷ ᠲᠤᠭᠠᠴᠠᠵᠤ ᠪᠠᠶᠢᠨᠠ᠃ | ᠡᠶᠢᠨ ᠬᠦ ︽ᠼᠧᠫᠤᠴᠢᠺ︾ ᠢ ᠠᠮᠢᠯᠠᠭᠤᠯᠵᠤ ︽ᠭᠡᠨᠳᠡᠢ ᠶᠢᠨ ᠁ ᠳ᠋ᠤᠭᠠᠷ ᠡᠷᠢᠨ ᠰᠤᠷᠪᠤᠯᠵᠢᠯᠠᠬᠤ ᠭᠡᠷᠡᠭ︾ ᠲᠠᠢ | ᠬᠤᠯᠪᠤᠨ ᠦᠷᠭᠡᠳᠭᠡᠭᠰᠡᠨ ᠢᠶᠠᠷ 1934 ᠤᠨ ᠤ 6 ᠰᠠᠷᠠ ᠶᠢᠨ ᠪᠠᠶᠢᠳᠠᠯ ᠢᠶᠠᠷ ᠲᠤᠷᠤᠨᠠᠳᠤ ᠶᠢᠨ ᠭᠷᠦ᠋ᠫ ︵ᠪᠦᠯᠦᠭ︶ | ᠨᠢ ᠲᠤᠭᠠᠷ ᠮᠠᠶᠢᠷᠠᠨ᠂ ᠴ᠊ · ᠨᠠᠴᠤᠭᠳᠤᠷᠵᠢ᠂ ᠳ᠋᠊ · ᠲᠤᠭᠳᠠᠬᠤ᠂ ᠨ᠊ · ᠲᠡᠬᠦᠰᠵᠢᠷᠭᠠᠯ᠂ ᠨᠤᠷᠪᠤᠰᠦ᠋ᠷᠤᠩ᠂ | ᠲᠠᠷᠬᠠᠨ ᠭᠧᠨᠳᠡᠭ ᠨᠠᠷ ᠲᠠᠢ᠂ ᠭᠡᠨᠳᠡᠢ ᠶᠢᠨ ᠭᠷᠦ᠋ᠫ ︵ᠪᠦᠯᠦᠭ︶ ᠨᠢ ᠬᠠᠷᠠᠴᠤᠤᠯ᠂ ᠯᠠᠮᠠ ᠨᠠᠷ᠂ ᠴᠡᠷᠢᠭ ᠤᠨ | ᠰᠧᠺᠲ᠋ᠤᠷ ᠲᠠᠢ᠂ ᠲᠦᠪ ᠤᠨ ᠭᠷᠦ᠋ᠫ ︵ᠪᠦᠯᠦᠭ︶ ᠨᠢ ᠵ᠊ · ᠯᠾᠦ᠋ᠮᠪᠠ᠂ ᠭᠤᠨᠴᠤᠭᠰᠦ᠋ᠷᠤᠩ᠂ ᠮ᠊ · ᠴᠠᠸᠠᠩ᠂ ᠳ᠋᠊ · | ᠴᠠᠷᠠᠨᠳᠤᠷᠵᠢ᠂ ᠰ᠊ · ᠨᠠᠮᠵᠢᠯ᠂ ᠰ᠊ · ᠴᠠᠨᠳᠠ ᠶᠢᠨ ᠵᠡᠷᠭᠡ ᠪᠤᠰᠤᠳ ᠡᠳᠡᠭᠡᠳ ᠤᠨ ᠭᠡᠰᠡᠭ ᠲᠠᠢ ᠪᠤᠯᠤᠨ | ᠨᠠᠷᠢᠪᠴᠢᠯᠠᠭᠳᠠᠵᠤ᠂ 2140 ᠬᠦᠮᠤᠨ ᠤ ᠨᠠᠷᠠ ᠢᠯᠡᠷᠡᠵᠤ ᠲᠡᠳᠡᠭᠡᠷ ᠠᠴᠠ 534 ᠬᠦᠮᠤᠨ ᠢ ᠪᠠᠷᠢᠪᠴᠢᠯᠠᠭᠰᠠᠨ ᠤ | ᠲᠤᠳᠤᠷᠠ ᠦᠨᠳᠤᠰᠤ ᠤᠭᠰᠠᠭᠠᠨ ᠤ ᠬᠤᠪᠢ ᠳᠤ ᠪᠤᠷᠢᠶᠠᠳ 280 ᠬᠦᠮᠤᠨ᠂ ᠬᠠᠯᠬᠠ 192 ᠬᠦᠮᠤᠨ᠂ ᠪᠤᠰᠤᠳ | ᠶᠠᠰᠤᠳᠠᠨ 62 ᠬᠦᠮᠤᠨ ᠤᠷᠤᠵᠠᠢ᠃ ᠡᠬᠦᠨ ᠠᠴᠠ ᠦᠵᠡᠬᠦ ᠳᠤ 50 ᠭᠠᠷᠤᠢ ᠬᠤᠪᠢ ᠨᠢ ᠪᠤᠷᠢᠶᠠᠳ ᠤᠳ | ᠪᠠᠶᠢᠭᠰᠠᠨ ᠪᠠᠶᠢᠨᠠ᠃ ᠡᠨᠡ ᠨᠢ ᠴᠦᠭᠡᠩᠭᠢ ᠶᠠᠰᠤᠳᠠᠨ ᠤ ᠬᠤᠪᠢ ᠳᠤ ᠮᠠᠰᠢ ᠲᠡᠭᠡᠬᠦᠷ ᠬᠤᠪᠢ ᠲᠠᠢ ᠪᠠᠶᠢᠭᠠ ᠨᠢ | ᠲᠤᠳᠤᠷᠬᠠᠢ ᠪᠠᠶᠢᠨᠠ᠃ ᠡᠳᠡᠭᠡᠷ ᠠᠴᠠ ᠲᠤᠷᠤᠨᠠᠳᠤ᠂ ᠭᠡᠨᠳᠡᠢ᠂ ᠲᠦᠪ ᠤᠨ ᠪᠦᠯᠦᠭ ᠤᠨ ᠢᠯᠡᠷᠡᠬᠦᠯᠦᠭᠰᠡᠨ ᠮᠤᠩᠭᠤᠯ | ᠠᠷᠠᠳ ᠤᠨ ᠬᠤᠪᠢᠰᠬᠠᠯᠳᠤ ᠨᠠᠮ ᠤᠨ ᠲᠦᠪ ᠬᠤᠷᠢᠶᠠᠨ ᠤ ᠨᠠᠷᠢᠨ ᠪᠢᠴᠢᠭ ᠤᠨ ᠲᠠᠷᠤᠭᠠ᠂ ᠦᠢᠯᠡᠳᠪᠤᠷᠢᠴᠢᠨ ᠤ | ᠲᠦᠪ ᠵᠦᠪᠯᠡᠯ ᠤᠨ ᠲᠠᠷᠤᠭᠠ ᠵ᠊ · ᠯᠾᠦ᠋ᠮᠪᠠ ᠨᠠᠷ ᠤᠨ 60 ᠬᠦᠮᠤᠨ ᠢ ᠬᠠᠤᠯᠢ ᠶᠢᠨ ᠲᠡᠭᠡᠳᠤ ᠪᠠᠷ ᠠᠪᠠᠴᠢᠵᠤ 257 | ᠬᠦᠮᠤᠨ ᠢ ᠬᠤᠷᠢᠬᠤ ᠶᠠᠯᠠ ᠪᠠᠷ ᠰᠢᠳᠭᠡᠵᠤ᠂ 126 ᠬᠦᠮᠤᠨ ᠢ ᠶᠡᠷᠤᠩᠭᠡᠢ ᠰᠠᠶᠢᠳ ᠫ᠊ · ᠭᠧᠨᠳᠡᠭ 4 ᠲᠤᠭᠠᠳᠤ | ᠨᠢᠭᠤᠴᠠ ᠲᠤᠰᠢᠶᠠᠯ ᠢ ᠦᠨᠳᠤᠰᠤᠯᠡᠨ ︽ᠰᠢᠬᠦᠬᠦ ᠴᠠᠭᠠᠵᠠ ᠶᠢᠨ ᠪᠢᠴᠢᠭ︾ ᠤᠨ 4 ᠳ᠋ᠤᠭᠡᠷ ᠪᠦᠯᠦᠭ ᠤᠨ 14 | ᠳ᠋ᠤᠭᠡᠷ ᠵᠦᠢᠯ ᠤᠨ 11 ᠳ᠋ᠤᠭᠡᠷ ᠵᠤᠷᠪᠤᠰ ᠢ ᠵᠦᠷᠢᠴᠡᠨ ᠵᠦᠪᠯᠡᠯᠳᠤ ᠶᠢᠨ ᠲᠠᠯᠠ ᠳᠤ ᠰᠢᠯᠵᠢᠬᠦᠯᠤᠨ ᠦᠭᠬᠦᠭᠰᠡᠨ | ᠪᠠᠶᠢᠨᠠ᠃ | ᠡᠨᠡ ᠪᠦᠬᠦᠨ ᠠᠴᠠ ᠦᠵᠡᠬᠦ ᠳᠤ ᠦᠨᠤ ᠦᠶᠠ ᠳᠤ ᠤᠯᠠᠨ ᠲᠤᠮᠳᠠ ︽ᠯᠾᠦ᠋ᠮᠪᠠ ᠶᠢᠨ ᠭᠡᠷᠡᠭ︾ ᠪᠤᠶᠤ ︽ᠶᠠᠫᠤᠨ | ᠲᠠᠩᠨᠠᠭᠤᠯ ᠤᠨ ᠭᠡᠷᠡᠭ︾ ᠭᠡᠵᠤ ᠨᠡᠷᠡᠯᠡᠭᠳᠡᠭᠰᠡᠨ ᠪᠦᠬᠦᠢ ᠭᠡᠯᠮᠡᠭᠳᠡᠬᠦᠯᠤᠯᠳᠡ ᠵᠤᠬᠢᠶᠠᠬᠤ ᠳᠠᠭᠠᠨ ᠲᠤᠬᠠᠢ ᠶᠢᠨ | ᠦᠶᠠ ᠳᠡᠭᠡᠨ ᠡᠷᠡᠬᠦᠤ ᠶᠢᠨ ᠬᠠᠤᠯᠢ ᠶᠢᠨ 53᠂ 56᠂ 57᠂ 78 ᠳ᠋ᠤᠭᠠᠷ ᠵᠦᠢᠯ ᠪᠤᠯᠤᠨ 9 ᠳ᠋ᠤᠭᠡᠷ ᠪᠦᠯᠦᠭ ᠤᠨ | 1 ᠳ᠋ᠤᠭᠡᠷ ᠲᠤ ᠵᠢᠭᠠᠭᠰᠠᠨ ᠭᠡᠮᠳᠤ ᠭᠡᠷᠡᠭ ᠤᠨ ᠰᠡᠵᠢᠭᠳᠡᠨ ᠰ᠊ · ᠪᠤᠳ᠋᠂ ᠷ᠊ · ᠲᠠᠮᠳᠢᠨᠵᠠᠪ ᠨᠠᠷ ᠤᠨ ᠠᠷᠪᠠᠭᠠᠳ | ᠬᠦᠮᠤᠨ ᠲᠡᠭᠡᠷᠡ ᠨᠡᠭᠡᠭᠡᠵᠤ ᠠᠵᠢᠯᠯᠠᠭᠤᠯᠵᠤ ᠪᠠᠶᠢᠭᠰᠠᠨ ︽ᠼᠧᠫᠤᠴᠧᠺ︾ ᠲᠤ ︽ᠭᠡᠨᠳᠡᠢ ᠶᠢᠨ ᠁ ᠳ᠋ᠤᠭᠠᠷ | ᠡᠷᠢᠨ ᠰᠤᠷᠪᠤᠯᠵᠢᠯᠠᠬᠤ ᠭᠡᠷᠡᠭ︾ ᠢ ᠰᠢᠯᠳᠠᠭ ᠪᠤᠯᠭᠠᠨ ᠠᠰᠢᠭᠯᠠᠭᠰᠠᠨ ᠪᠠᠶᠢᠨᠠ᠃ | ᠵᠦᠪᠯᠡᠯᠳᠤ ᠶᠢᠨ ᠪᠠᠳᠤᠯᠠᠨ ᠬᠠᠮᠠᠭᠠᠯᠠᠬᠤ ᠶᠠᠮᠤᠨ ᠤ ᠤᠷᠤᠯᠠᠭᠴᠢ ᠰᠠᠶᠢᠳ ᠰᠢᠮᠢᠷᠨᠤᠸ᠋᠂ ᠲᠤᠳᠤᠭᠠᠳᠤ ᠶᠠᠪᠤᠳᠠᠯ ᠤᠨ | ᠶᠠᠮᠤᠨ ᠤ ᠤᠷᠤᠯᠠᠭᠴᠢ ᠰᠠᠶᠢᠳ ᠹᠷᠢᠨᠤᠸ᠋ᠰᠺᠢ᠂ ᠵᠦᠪᠯᠡᠯᠳᠤ ᠠᠴᠠ ᠮᠤᠩᠭᠤᠯ ᠳᠤ ᠰᠠᠭᠤᠭᠠ ᠡᠯᠴᠢᠨ ᠰᠠᠶᠢᠳ | ᠮᠢᠺᠠᠨᠤᠸ᠋ ᠨᠠᠷ 1937 ᠤᠨ ᠤ 8 ᠰᠠᠷᠠ ᠶᠢᠨ 24 ᠤ ᠡᠳᠤᠷ ᠮᠤᠰᠺᠧᠨ ᠠᠴᠠ ᠢᠷᠡᠵᠤ᠂ ᠮᠦᠨ ᠰᠠᠷᠠ ᠶᠢᠨ | 28 ᠤ ᠡᠳᠤᠷ ︽ᠽᠠᠭᠠᠸᠠᠷ ᠨᠤᠮᠧᠷᠳᠤ︾ ᠪᠤᠶᠤ ︽ᠬᠤᠪᠢᠯᠳᠤᠭᠠᠨ ᠨᠤᠮᠧᠷᠳᠤ︾ ᠭᠡᠳᠡᠭ ᠭᠡᠷᠡᠭ ᠢᠶᠠᠷ ᠪᠠᠷᠢᠪᠴᠢᠯᠠ | ᠭᠡᠮᠡᠨ ᠬ᠋᠊ · ᠴᠦᠢᠪᠠᠯᠰᠠᠩ ᠳᠤ 115 ᠬᠦᠮᠤᠨ ᠤ ᠨᠠᠷᠠ ᠶᠢ ᠦᠭᠴᠤ ᠲᠡᠬᠦᠨ ᠢ ᠨᠢ ᠲᠤᠳᠤᠭᠠᠳᠤ ᠶᠠᠪᠤᠳᠠᠯ ᠤᠨ | ᠶᠠᠮᠤᠨ ᠠᠴᠠ 18 ᠬᠤᠨᠤᠭ ᠤᠨ ᠲᠠᠷᠠᠭᠠ ᠪᠤᠶᠤ 9 ᠰᠠᠷᠠ ᠶᠢᠨ 10 ᠤ ᠡᠳᠤᠷ᠂ ᠪᠠᠷᠢᠪᠴᠢᠯᠠᠯᠭᠠ ᠪᠠᠨ | ᠡᠬᠢᠯᠡᠬᠦᠯᠦᠭᠰᠡᠨ ᠠᠴᠠ ︽ᠮᠤᠩᠭᠤᠯ ᠤᠨ ᠶᠡᠭᠡ ᠭᠡᠯᠡᠮᠡᠭᠳᠡᠬᠦᠯᠤᠯᠳᠡ ᠶᠢᠨ ᠠᠶᠤᠮᠰᠢᠭᠳᠤ ᠦᠶᠠ︾ ᠡᠬᠢᠯᠡᠵᠡᠢ᠃ | ᠲᠤᠳᠤᠭᠠᠳᠤ ᠶᠠᠪᠤᠳᠠᠯ ᠤᠨ ᠶᠠᠮᠤᠨ ᠤ ᠰᠠᠶᠢᠳ ᠬ᠋᠊ · ᠴᠦᠢᠪᠠᠯᠰᠠᠩ᠄ ︽ᠦᠨᠤᠳᠤᠷ ᠠᠴᠠ ᠡᠬᠢᠯᠡᠨ ᠡᠳᠤᠷ ᠰᠦᠨᠢ | ᠠᠯᠭᠠᠰᠠᠯ ᠦᠭᠡᠢ᠂ ᠰᠠᠶᠢᠨ ᠮᠠᠭᠤ ᠡᠳᠤᠷ ᠭᠡᠯ ᠦᠭᠡᠢ 25 ᠬᠤᠨᠤᠭ ᠲᠤ ᠪᠠᠶᠢᠴᠠᠭᠠᠵᠤ ᠲᠠᠭᠤᠰᠬᠠᠬᠤ ᠳᠠᠭᠠᠨ | ᠬᠠᠶᠢᠷᠠᠯᠠᠬᠤ ᠭᠡᠷᠡᠭ ᠦᠭᠡᠢ᠂ ᠡᠷᠡᠰ ᠬᠠᠳᠠᠭᠤ ᠴᠢᠩᠭᠠ ᠪᠠᠶᠢᠴᠠᠭᠠᠬᠤ ᠭᠡᠷᠡᠭᠳᠡᠢ︾ ᠭᠡᠵᠤ 1937 ᠤᠨ ᠤ 9 | ᠰᠠᠷᠠ ᠶᠢᠨ 11 ᠤ ᠡᠳᠤᠷ ᠲᠤᠰᠢᠶᠠᠭᠰᠠᠨ ᠤ ᠲᠠᠭᠠᠤ ᠲᠤᠳᠤᠭᠠᠳᠤ ᠶᠠᠪᠤᠳᠠᠯ ᠤᠨ ᠶᠠᠮᠤᠨ ᠳᠤ ᠠᠵᠢᠯᠯᠠᠵᠤ ᠪᠠᠶᠢᠭᠰᠠᠨ | ᠤᠷᠤᠰ ᠰᠤᠷᠭᠠᠭᠴᠢ᠂ ᠮᠤᠩᠭᠤᠯ ᠪᠠᠶᠢᠴᠠᠭᠠᠭᠴᠢ ᠨᠠᠷ ᠵᠤᠳᠤᠵᠤ ᠵᠠᠨᠴᠢᠬᠤ ᠠᠴᠠ ᠡᠬᠢᠯᠡᠭᠡᠳ 20 ᠰᠢᠬᠠᠮ ᠵᠡᠷᠯᠢᠭ | ᠠᠷᠭᠠ ᠶᠢ ᠪᠠᠶᠢᠴᠠᠭᠠᠯᠳᠠ ᠳᠠᠭᠠᠨ ᠭᠡᠷᠡᠭᠯᠡᠵᠤ᠂ ᠬᠢᠯᠢᠰ ᠲᠠᠰᠢᠶᠠ ᠭᠡᠷᠡᠭ ᠢ ᠲᠤᠯᠭᠠᠨ ᠬᠦᠯᠢᠶᠡᠯᠭᠡᠵᠤ ᠪᠠᠶᠢᠵᠠᠢ᠃ ᠡᠳᠤᠷ | ᠪᠦᠷᠢ ᠬᠦᠮᠤᠰ ᠢ ᠫᠤᠤᠳᠠᠨ ᠠᠯᠠᠵᠤ ᠪᠠᠶᠢᠭᠰᠠᠨ ᠪᠠ ᠨᠢᠭᠡ ᠤᠳᠠᠭᠠ ᠳᠤ 10 — 20 ᠬᠦᠮᠤᠨ ᠢ ᠫᠤᠤᠳᠠᠵᠤ | ᠪᠠᠶᠢᠭᠰᠠᠨ ᠪᠠᠷᠢᠮᠳᠠ ᠪᠠᠶᠢᠳᠠᠭ᠃ ᠡᠨᠡ ᠬᠦ ᠠᠯᠠᠯᠭᠠ ᠬᠢᠳᠤᠯᠭᠠᠨ ᠤ ᠦᠶᠠ ᠳᠤ᠂ ᠡᠪᠤᠭᠡᠨ ᠡᠴᠢᠭᠡ᠂ ᠨᠠᠭᠠᠴᠤ ᠠᠪᠤ᠂ | ᠡᠴᠢᠭᠡ ᠡᠭᠡ᠂ ᠠᠬᠠ ᠲᠡᠬᠦᠤ᠂ ᠲᠦᠷᠤᠯ ᠰᠠᠳᠤᠨ ᠤ ᠪᠠᠨ ᠬᠦᠮᠤᠨ ᠢ ᠭᠡᠯᠡᠮᠡᠭᠳᠡᠬᠦᠯᠤᠯ ᠳᠤ ᠦᠷᠳᠤᠯᠤᠭᠡ ᠦᠭᠡᠢ | ᠪᠤᠷᠢᠶᠠᠳ ᠡᠷᠤᠭᠡ ᠠᠶᠢᠯ ᠦᠨᠳᠤᠰᠤᠨ ᠳᠡᠭᠡᠨ ᠨᠢᠭᠡ ᠴᠤ ᠦᠯᠡᠳᠡᠭᠡ ᠦᠭᠡᠢ ᠪᠠᠶᠢᠨᠠ᠃ ᠡᠨᠡ ᠦᠶᠠ ᠳᠤ | ᠰᠡᠯᠡᠩᠭᠡ ᠶᠢᠨ ᠢᠷᠤᠭᠡ ᠰᠤᠮᠤᠨ ᠤ 10 ᠭᠠᠷᠤᠢ ᠪᠤᠷᠢᠶᠠᠳ ᠡᠷᠤᠭᠡ ᠠᠶᠢᠯ ᠳᠤ ᠡᠷᠡᠭᠳᠡᠢ ᠬᠦᠮᠤᠨ ᠶᠡᠷᠤ ᠳᠡᠭᠡᠨ ᠯᠡ | ᠲᠠᠪᠤᠬᠠᠨ ᠦᠯᠡᠳᠡᠭᠰᠡᠨ ᠪᠠᠶᠢᠨᠠ᠃ | 1944 ᠤᠨ ᠳᠤ ᠶᠠᠪᠤᠭᠳᠠᠭᠰᠠᠨ ᠮᠤᠩᠭᠤᠯ ᠤᠨ ᠬᠦᠮᠤᠨ ᠠᠮᠠ ᠶᠢᠨ ᠲᠡᠯᠭᠡᠷᠡᠩᠬᠦᠢ ᠪᠦᠷᠢᠳᠭᠡᠯ ᠠᠴᠠ ᠦᠵᠡᠬᠦ ᠳᠤ | ᠪᠤᠷᠢᠶᠠᠳ ᠪᠦᠬᠦ ᠡᠷᠤᠭᠡ ᠶᠢᠨ 95 ᠬᠤᠪᠢ ᠨᠢ ᠦᠨᠤᠴᠢᠷᠡᠵᠤ᠂ ᠪᠠᠯᠪᠠᠰᠤᠷᠠᠵᠤ ᠦᠯᠡᠳᠡᠭᠰᠡᠨ ᠪᠠᠶᠢᠨᠠ᠃ | ᠤᠯᠠᠨ ᠮᠢᠩᠭᠠᠨ ᠪᠤᠷᠢᠶᠠᠳ ᠬᠦᠮᠤᠰ ᠢ ᠬᠤᠮᠤᠷᠭᠠᠯᠠᠨ ᠪᠠᠷᠢᠪᠴᠢᠯᠠᠵᠤ ᠠᠶᠢᠮᠠᠭᠯᠠᠨ ᠤᠰᠠᠳᠬᠠᠭᠰᠠᠨ ᠠᠴᠠ ᠭᠠᠳᠠᠨᠠ | ᠮᠠᠯ᠂ ᠡᠳ᠋ ᠬᠤᠭᠰᠢᠯ ᠢ ᠨᠢ ᠬᠠᠶᠢᠷᠠ ᠭᠠᠮ ᠦᠭᠡᠢ ᠬᠤᠷᠢᠶᠠᠨ ᠠᠪᠴᠤ ᠠᠷᠤ ᠳᠤ ᠦᠯᠡᠳᠡᠭᠰᠡᠨ ᠡᠭᠡᠨᠠᠷ ᠭᠡᠤᠭᠡᠳ ᠢ ᠨᠢ | ᠠᠮᠢᠳᠤᠷᠠᠬᠤ ᠶᠠᠮᠠᠷ ᠴᠤ ᠪᠠᠳᠤᠯᠠᠭᠠ ᠦᠭᠡᠢ ᠪᠤᠯᠭᠠᠵᠤ ᠶᠠᠳᠠᠭᠤ ᠶᠢᠨ ᠲᠦᠢᠯ ᠤᠷᠤᠭᠤ ᠲᠦᠯᠬᠢᠭᠰᠡᠨ ᠪᠠᠶᠢᠨᠠ᠃ ᠡᠨᠡ | ᠦᠶᠠ ᠳᠤ ᠤᠷᠤᠰ ᠲᠤ ᠦᠯᠡᠳᠡᠭᠰᠡᠨ ᠪᠤᠷᠢᠶᠠᠳ ᠤᠳ ᠮᠤᠩᠭᠤᠯ ᠳᠤ ᠲᠦᠷᠤᠯ ᠲᠠᠢ ᠪᠠᠨ᠂ ᠮᠤᠩᠭᠤᠯ ᠳᠤ ᠪᠠᠶᠢᠭᠠ ᠨᠢ | ᠤᠷᠤᠰ ᠲᠤ ᠲᠦᠷᠤᠯ ᠲᠠᠢ ᠪᠠᠨ ᠨᠢᠭᠤᠬᠤ ᠱᠠᠭᠠᠷᠳᠠᠯᠭᠠ ᠬᠠᠷᠠᠳᠠᠯᠳᠠ ᠰᠠᠷᠠᠳᠠᠯᠳᠠ ᠠᠴᠠ ᠡᠬᠦᠳᠤᠨ ᠭᠠᠷᠤᠭᠰᠠᠨ ᠶᠤᠮ | ᠃ ᠴᠤᠬᠤᠮ ᠳᠠᠭᠠᠨ ᠡᠨᠡ ᠪᠠᠷᠢᠪᠴᠢᠯᠠᠯᠭᠠ᠂ ᠭᠡᠯᠡᠮᠡᠭᠳᠡᠬᠦᠯᠤᠯᠳᠡ ᠶᠢᠨ ᠴᠠᠭᠠᠳᠤ ᠵᠤᠷᠢᠯᠭᠠ ᠨᠢ ᠪᠤᠷᠢᠶᠠᠳ ᠤᠯᠠᠨ ᠳᠤ | ᠴᠤᠬᠢᠯᠳᠠ ᠦᠭᠬᠦ᠂ ᠮᠤᠩᠭᠤᠯ ᠤᠯᠤᠰ ᠤᠨ ᠨᠤᠳᠤᠭ ᠲᠡᠪᠢᠰᠭᠡᠷ ᠢ ᠨᠡᠶᠢᠳᠡ ᠳᠤᠨᠢ ᠬᠠᠮᠤᠷᠤᠭᠰᠠᠨ ᠶᠠᠫᠤᠨ ᠤ | ᠲᠠᠩᠨᠠᠭᠤᠯ ᠤᠨ ᠪᠠᠶᠢᠭᠤᠯᠭᠠ ᠪᠠᠶᠢᠭᠠ ᠪᠤᠯᠤᠨ ᠲᠡᠬᠦᠨ ᠢ ᠮᠤᠩᠭᠤᠯ ᠤᠨ ᠨᠠᠮ ᠲᠦᠷᠤ ᠶᠢᠨ ᠡᠷᠭᠡ ᠪᠠᠷᠢᠭᠴᠢᠳ ᠠᠴᠠ | ᠤᠳᠤᠷᠢᠳᠴᠤ ᠪᠠᠶᠢᠭᠰᠠᠨ ᠵᠢᠴᠢ ᠶᠠᠫᠤᠨ ᠲᠠᠩᠨᠠᠭᠤᠯ ᠤᠨ ᠪᠠᠶᠢᠭᠤᠯᠭᠠ ᠶᠢᠨ ᠪᠠᠷᠠᠭᠤᠨ ᠭᠡᠰᠡᠭ ᠢ ᠰᠢᠨᠵᠢᠶᠠᠩ ᠲᠠᠢ᠂ | ᠲᠤᠷᠤᠨᠠᠳᠤ ᠭᠡᠰᠡᠭ ᠢ ᠨᠢ ᠪᠠᠷᠭᠤ ᠲᠠᠢ᠂ ᠡᠮᠤᠨᠡᠳᠤ ᠪᠤᠶᠤ ᠲᠦᠪ ᠤᠨ ᠭᠡᠰᠡᠭ ᠢ ᠨᠢ ᠦᠪᠤᠷ ᠮᠤᠩᠭᠤᠯ ᠳᠠᠬᠢ ᠡᠰᠡᠷᠬᠦᠤ | ᠨᠠᠷ ᠲᠠᠢ ᠬᠤᠯᠪᠤᠭᠠ ᠲᠠᠢ ᠭᠡᠬᠦ ᠮᠡᠳᠤ ᠶᠢᠨ ᠵᠤᠬᠢᠶᠠᠮᠠᠯ ᠲᠦᠷᠢ ᠲᠦᠷᠬᠦ ᠪᠦᠷᠢᠳᠤᠬᠦᠯᠤᠨ ᠴᠠᠭᠠᠰᠢ ᠳᠠᠭᠠᠨ | ᠨᠡᠶᠢᠳᠡ ᠶᠢᠨ ᠪᠠᠷᠢᠪᠴᠢᠯᠠᠭᠠᠨ ᠤ ᠪᠡᠯᠡᠳᠭᠡᠯ ᠢ ᠬᠠᠩᠭᠠᠬᠤ ᠳᠤ ᠴᠢᠭᠯᠡᠭᠳᠡᠵᠤ ᠪᠠᠶᠢᠪᠠ᠃ | 1937 ᠤᠨ ᠤ 4 ᠰᠠᠷᠠ ᠶᠢᠨ 24 ᠤ ᠡᠳᠤᠷ ᠲᠠᠭᠠᠷᠠ ᠤᠷᠤᠭᠰᠠᠳ ᠤᠨ ᠠᠰᠠᠭᠤᠳᠠᠯ ᠢ ᠲᠤᠭᠳᠠᠭᠠᠬᠤ ᠲᠤᠬᠠᠢ | ᠭᠡᠷᠡ ᠶᠢ ᠤᠷᠤᠰ ᠮᠤᠩᠭᠤᠯ ᠲᠠᠬᠢᠨ ᠪᠠᠶᠢᠭᠤᠯᠵᠠᠢ᠃ | 1937 ᠤᠨ ᠤ 10 ᠰᠠᠷᠠ ᠳᠤ ᠬᠤᠷᠠᠯᠳᠤᠭᠰᠠᠨ ᠨᠠᠮ ᠤᠨ ᠲᠦᠪ ᠬᠤᠷᠢᠶᠠᠨ ᠤ 3 ᠳ᠋ᠤᠭᠠᠷ ᠤᠨᠴᠠ ᠪᠦᠬᠦᠳᠡ | ᠬᠤᠷᠠᠯ ᠲᠡᠭᠡᠷᠡ ᠬ᠋᠊ · ᠴᠦᠢᠪᠠᠯᠰᠠᠩ ︽ᠮᠤᠩᠭᠤᠯ ᠤᠯᠤᠰ ᠲᠤᠳᠤᠷᠠᠬᠢ ᠶᠠᠫᠤᠨ ᠤ ᠲᠠᠩᠨᠠᠭᠤᠯ ᠤᠨ ᠠᠵᠢᠯ ᠭᠡᠷᠡᠭ ᠪᠠ | ᠠᠷᠭᠠ ᠮᠠᠶ᠋ᠢᠭ ᠤᠨ ᠲᠤᠬᠠᠢ︾ ᠭᠡᠰᠡᠨ ᠢᠯᠡᠳᠭᠡᠯ ᠳᠡᠭᠡᠨ ᠲᠡᠷᠡ ᠦᠶᠠ ᠶᠢᠨ ᠪᠤᠳᠤᠯᠭᠠ ᠴᠢᠭᠯᠡᠯ ᠢᠶᠠᠨ | ᠲᠤᠳᠤᠷᠬᠠᠶᠢᠯᠠᠨ ᠭᠡᠯᠡᠬᠦ ᠳᠡᠭᠡᠨ᠄ ︽ᠶᠡᠷᠤ ᠠᠴᠠ ᠡᠯᠠ ᠮᠤᠩᠭᠤᠯ ᠳᠤ ᠰᠠᠭᠤᠭᠠ ᠪᠤᠷᠢᠶᠠᠳ ᠨᠠᠷ ᠭᠡᠨ ᠪᠤᠢ︖ | ᠭᠡᠮᠡᠪᠡᠰᠤ ᠁︾ ᠭᠡᠰᠡᠨ ᠠᠰᠠᠭᠤᠯᠳᠠ ᠲᠠᠯᠪᠢᠭᠠᠳ᠂ ᠡᠴᠤᠰ ᠲᠤᠨᠢ᠄ ︽ᠭᠧᠨᠧᠷᠠᠯ ᠬ᠋᠊ · ᠮ᠊ · ᠰᠧᠮᠧᠨᠤᠸ᠋᠂ | ᠪᠠᠷᠤᠨ ᠦᠩᠭᠧᠷᠡᠨ ᠤ ᠵᠡᠷᠭᠡ ᠴᠠᠭᠠᠭᠳᠠᠨ ᠤ ᠡᠯᠳᠡᠪ ᠤᠨ ᠦᠯᠡᠳᠡᠭᠳᠡᠯ ᠤᠳ ᠪᠤᠯᠤᠮᠤᠢ︾ ᠭᠡᠵᠤ ᠬᠠᠷᠢᠭᠤᠯᠵᠤ | ᠪᠠᠶᠢᠵᠠᠢ᠃ | ᠬ᠋᠊ · ᠴᠦᠢᠪᠠᠯᠰᠠᠩ ᠡᠨᠡ ᠬᠦ ᠢᠯᠡᠳᠭᠡᠯ ᠳᠡᠭᠡᠨ᠄ ︽ᠰᠡᠬᠦᠯ ᠤᠨ ᠡᠳᠤᠷ ᠬᠦᠷᠳᠡᠯᠠ ᠮᠤᠩᠭᠤᠯ ᠳᠠᠬᠢ ᠶᠠᠫᠤᠨ | ᠲᠠᠩᠨᠠᠭᠤᠯ ᠤᠨ ᠭᠡᠷᠡᠭ ᠢ ᠭᠡᠨ ᠤᠳᠤᠷᠢᠳᠴᠤ ᠪᠠᠶᠢᠨᠠ ᠪᠤᠢ︖ ᠭᠡᠮᠡᠪᠠᠰᠤ᠂ ᠮᠦᠨ ᠯᠠ ᠪᠤᠷᠢᠶᠠᠳ ᠤᠳ ᠪᠤᠯᠬᠤ | ᠪᠦᠭᠡᠳ ᠡᠯᠪᠡᠭᠳᠤᠷᠵᠢ᠂ ᠷᠢᠨᠴᠢᠨᠨᠤ᠂ ᠴᠸᠧᠠᠩ ᠵᠠᠮᠰᠠᠷᠠᠠᠨᠤᠸ᠋᠂ ᠴᠤᠭᠳᠤ᠂ ᠪᠠᠳᠮᠠᠵᠠᠫᠤᠸ᠋᠂ ᠷᠢᠨᠴᠢᠨᠪᠢᠮᠪᠠᠨᠤᠸ᠋᠂ | ᠭᠠᠯᠠᠭᠤᠨ ᠭᠠᠯᠵᠤᠳᠤᠸ᠋ ᠪᠠ ᠪᠤᠰᠤᠳ ᠡᠳᠡᠭᠡᠳ ᠨᠠᠷ ᠪᠤᠯᠤᠨᠠ︾ ᠭᠡᠵᠤ ᠤᠨᠴᠠᠯᠠᠨ ᠲᠡᠮᠳᠡᠭᠯᠡᠵᠤ ᠪᠠᠶᠢᠵᠠᠢ᠃ | ᠪᠠᠷᠢᠪᠴᠢᠯᠠᠭᠳᠠᠭᠰᠠᠨ ᠪᠤᠷᠢᠶᠠᠳ ᠤᠳ ᠢ ᠶᠤᠰᠤ ᠲᠠᠢ ᠶᠤᠮ ᠰᠢᠭ ︽ᠤᠺᠲᠶᠠᠪᠠᠷ ᠤᠨ ᠬᠤᠪᠢᠰᠬᠠᠯ ᠠᠴᠠ ᠵᠢᠭᠤᠳᠠᠨ | ᠢᠷᠡᠭᠰᠡᠨ ᠬᠤᠪᠢᠰᠬᠠᠯ ᠤᠨ ᠡᠰᠡᠷᠬᠦᠤ︾ ᠭᠡᠮᠡᠨ ᠪᠠᠶᠢᠴᠠᠭᠠᠳᠠᠭ ᠪᠠᠶᠢᠵᠠᠢ᠃ 1937 ᠤᠨ ᠤ 8 ᠰᠠᠷᠠ ᠶᠢᠨ 24 ᠤ | ᠡᠳᠤᠷ ᠂ ᠲᠤᠳᠤᠭᠠᠳᠤ ᠶᠠᠪᠤᠳᠠᠯ ᠤᠨ ᠶᠠᠮᠤᠨ ᠤ ᠤᠳᠤᠷᠢᠳᠬᠤ ᠠᠵᠢᠯ ᠤᠨ ᠵᠦᠪᠯᠡᠯᠭᠡᠨ ᠲᠡᠭᠡᠷᠡ᠂ ᠴᠦᠢᠪᠠᠯᠰᠠᠩ | ᠢᠯᠡᠳᠭᠡᠯ ᠳᠡᠭᠡᠨ᠄ ︽ᠬᠦᠢᠴᠡᠳ ᠪᠤᠰᠤ ᠮᠡᠳᠡᠭᠡ ᠪᠠᠷ 7000 ᠰᠢᠬᠠᠮ ᠴᠠᠭᠠᠨ ᠤ ᠤᠷᠭᠤᠳᠤᠤᠯ ᠬᠤᠪᠢᠰᠬᠠᠯ ᠤᠨ | ᠡᠰᠡᠷᠬᠦᠤ ᠪᠤᠷᠢᠶᠠᠳ ᠤᠳᠤ ᠪᠠᠶᠢᠨᠠ︾ ᠭᠡᠵᠤ ᠭᠡᠯᠡᠭᠰᠡᠨ ᠪᠠᠶᠢᠨᠠ᠃ | ᠡᠨᠡ ᠦᠶᠠ ᠳᠤ ᠴᠠᠭᠠᠭᠳᠠᠨ ᠤ ᠦᠯᠡᠳᠡᠭᠳᠡᠯ ᠪᠦᠯᠦᠭ ᠤᠳ ᠮᠤᠩᠭᠤᠯ ᠳᠤ ᠲᠠᠭᠠᠷᠠ ᠤᠷᠤᠭᠰᠠᠨ ᠪᠤᠷᠢᠶᠠᠳ ᠤᠳ ᠢ | ᠤᠯᠠᠭᠠᠭᠳᠠᠨ ᠭᠡᠵᠤ ᠠᠯᠠᠵᠤ ᠲᠠᠯᠠᠬᠤ᠂ ᠬᠤᠭᠤᠯᠠ ᠬᠦᠨᠡᠰᠤ᠂ ᠤᠨᠤᠭᠠ ᠮᠤᠷᠢ ᠲᠠᠶᠢᠴᠢᠯᠠᠨ ᠭᠠᠷᠭᠠᠭᠠᠯᠭᠠᠬᠤ | ᠵᠡᠷᠭᠡ ᠪᠠᠷ ᠲᠡᠮᠤᠯᠡᠵᠤ ᠪᠠᠶᠢᠪᠠ᠃ ᠢᠩᠬᠢᠵᠤ ᠪᠤᠷᠢᠶᠠᠳ ᠤᠳ ᠬᠤᠶᠠᠷ ᠲᠠᠯᠠ ᠶᠢᠨ ᠬᠠᠪᠴᠢᠯᠳᠠ ᠰᠢᠬᠠᠯᠳᠠ ᠶᠢ ᠨᠢᠭᠡᠨ | ᠵᠡᠷᠭᠡ ᠠᠮᠰᠠᠵᠤ ᠪᠠᠶᠢᠵᠠᠢ᠃ ᠪᠤᠷᠢᠶᠠᠳ ᠨᠠᠷ ᠢ ᠲᠦᠷᠤᠯ ᠢᠶᠠᠷ ᠨᠢ ᠤᠰᠠᠳᠬᠠᠬᠤ ᠦᠨᠳᠤᠰᠤᠯᠡᠯ ᠡᠶᠢᠨ ᠬᠦ 1930 | ᠤᠨ ᠠᠴᠠ ᠡᠬᠢᠯᠡᠨ ᠶᠠᠪᠤᠭᠳᠠᠵᠤ 1938 ᠤᠨ ᠳᠤ ᠤᠷᠬᠢᠯ ᠳᠠᠭᠠᠨ ᠬᠦᠷᠦᠭᠰᠡᠨ ᠪᠠᠶᠢᠨᠠ᠃ | ᠶᠡᠷᠤ ᠨᠢ ᠭᠡᠯᠡᠮᠡᠭᠳᠡᠬᠦᠯᠤᠯᠳᠡ ᠶᠢᠨ ᠲᠡᠬᠦᠨ ᠤ ᠴᠠᠭᠠᠨᠳᠤ ᠤᠴᠢᠷ ᠤᠳᠬᠠ ᠨᠢ ᠤᠯᠤᠰ ᠲᠦᠷᠤ ᠶᠢᠨ ᠭᠡᠳᠡᠭ ᠨᠢ ᠭᠡᠨ | ᠬᠦᠮᠤᠨ ᠳᠤ ᠦᠢᠯᠠᠭᠠᠮᠵᠢᠳᠠᠢ ᠰᠤᠳᠤᠯᠭᠠᠨ ᠤ ᠮᠡᠳᠡᠭᠡ ᠪᠠᠷ 1937 ᠤᠨ ᠤ 11 ᠰᠠᠷᠠ ᠠᠴᠠ 1939 ᠤᠨ ᠤ 4 | ᠰᠠᠷᠠ ᠬᠦᠷᠳᠡᠯᠠ᠂ 1937 ᠤᠨ ᠤ 10 ᠰᠠᠷᠠ ᠶᠢᠨ 2 ᠤᠨ ᠡᠳᠤᠷ ᠪᠠᠶᠢᠭᠤᠯᠤᠭᠳᠠᠭᠰᠠᠨ ︽ᠤᠨᠴᠠᠭᠠᠢ ᠪᠦᠷᠢᠨ | ᠡᠷᠭᠡᠳᠤ ᠺᠤᠮᠢᠰ︾ ᠠᠴᠠ 25824 ᠬᠦᠮᠤᠨ ᠢ ᠴᠠᠭᠠᠵᠠ ᠪᠠᠷ ᠠᠪᠴᠤ᠂ 5103 ᠶᠢ ᠨᠢ 10 ᠵᠢᠯ ᠢᠶᠠᠷ᠂ | 240 ᠶᠢ ᠨᠢ 10 ᠵᠢᠯ ᠬᠦᠷᠳᠡᠯᠡᠬᠢ ᠶᠠᠯᠠ ᠪᠠᠷ ᠰᠢᠳᠭᠡᠵᠤ᠂ ᠲᠠᠳᠠᠨ ᠤ ᠡᠳ᠋ ᠬᠤᠭᠰᠢᠯ ᠢ ᠨᠢ ᠬᠤᠷᠢᠶᠠᠵᠠᠢ᠃ ︽ | ᠯᠾᠦ᠋ᠮᠪᠠ ᠶᠢᠨ ᠭᠡᠷᠡᠭ︾ ᠤᠨ ᠦᠷᠬᠦᠯᠵᠢᠯᠡᠯ ᠪᠤᠯᠭᠠᠨ ᠵᠤᠬᠢᠶᠠᠮᠠᠯ ᠢᠶᠠᠷ ᠪᠤᠢ ᠪᠤᠯᠭᠠᠭᠰᠠᠨ ᠭᠧᠨᠳᠡᠭ᠂ ᠲᠠᠮᠳᠢᠨ ᠤ | ᠬᠤᠪᠢᠰᠬᠠᠯ ᠤᠨ ᠡᠰᠡᠷᠬᠦᠤ ᠶᠠᠫᠤᠨ ᠤ ᠲᠠᠩᠨᠠᠭᠤᠯ ᠤᠨ ᠭᠡᠷᠡᠭ ᠲᠤ ᠤᠯᠤᠰ ᠤᠨ ᠭᠡᠮᠵᠢᠶᠠ ᠪᠠᠷ 35000 ᠭᠠᠷᠤᠢ | ᠬᠦᠮᠤᠨ ︵ᠶᠡᠭᠡᠩᠬᠢ ᠨᠢ ᠯᠠᠮᠠ ᠨᠠᠷ︶ ᠭᠡᠯᠡᠮᠡᠭᠳᠡᠭᠰᠡᠨ ᠤ ᠲᠤᠳᠤᠷᠠ ᠠᠴᠠ ᠲᠤᠷᠤᠨᠠᠳᠤ ᠠᠶᠢᠮᠠᠭ ᠠᠴᠠ 2705 | ᠪᠤᠷᠢᠶᠠᠳ᠂ ᠭᠡᠨᠳᠡᠢ ᠠᠶᠢᠮᠠᠭ ᠠᠴᠠ 2663 ᠪᠤᠷᠢᠶᠠᠳ ᠭᠡᠯᠮᠡᠭᠳᠡᠭᠰᠡᠨ ᠪᠠᠶᠢᠨᠠ᠃ ᠡᠨᠡ ᠦᠢᠯᠡ ᠶᠠᠪᠤᠴᠠ ᠨᠢ | ᠮᠤᠩᠭᠤᠯ ᠤᠨ ᠠᠷᠠᠳ ᠲᠦᠮᠡᠨ ᠢ ᠬᠤᠮᠤᠷᠭᠠᠯᠠᠨ ᠤᠰᠠᠳᠬᠠᠵᠤ᠂ ᠪᠦᠳᠤᠭᠡᠨ ᠪᠠᠶᠢᠭᠤᠯᠬᠤ ᠶᠢᠨ ᠤᠯᠤᠯᠳᠠ | ᠠᠮᠵᠢᠯᠳᠠ ᠳᠤ ᠴᠠᠭ᠂ ᠬᠦᠮᠤᠨ᠂ ᠬᠦᠴᠤ ᠵᠡᠷᠭᠡ ᠲᠠᠯᠠ ᠳᠤ ᠨᠦᠬᠦᠰᠢ ᠦᠭᠡᠢ ᠬᠤᠬᠢᠷᠠᠯ ᠤᠴᠠᠷᠠᠭᠤᠯᠤᠭᠰᠠᠨ ᠪᠠᠶᠢᠨᠠ | ᠃ ᠭᠡᠯᠡᠮᠡᠭᠳᠡᠬᠦᠯᠤᠯᠳᠡ 1941 ᠤᠨ ᠢ ᠲᠠᠭᠤᠰᠳᠠᠯᠠ ᠦᠷᠬᠦᠯᠵᠢᠯᠡᠭᠰᠡᠨ ᠪᠠᠶᠢᠨᠠ᠃ | ᠢᠩᠬᠢᠵᠤ ᠮᠤᠩᠭᠤᠯ ᠳᠤ ᠶᠠᠪᠤᠭᠳᠠᠭᠰᠠᠨ ᠶᠡᠭᠡ ᠭᠡᠯᠡᠮᠡᠭᠳᠡᠬᠦᠯᠤᠯᠳᠡ ᠶᠢ ᠤᠳᠤᠷᠢᠳᠤᠨ ᠴᠢᠭᠳᠡᠬᠦᠯᠤᠭ᠍ᠴᠢ ᠨᠢ ᠰᠲ᠋ᠠᠯᠢᠨ | ᠵᠢᠴᠢ ᠵᠦᠪᠯᠡᠯᠳᠤ ᠶᠢᠨ ᠲᠤᠳᠤᠭᠠᠳᠤ ᠶᠠᠪᠤᠳᠠᠯ ᠤᠨ ᠶᠠᠮᠤᠨ ᠤ ᠮᠤᠩᠭᠤᠯ ᠳᠠᠬᠢ ᠲᠠᠳᠠᠨ ᠤ ᠰᠤᠷᠭᠠᠭᠴᠢ ᠨᠠᠷ ᠪᠠᠶᠢᠪᠠ᠃ | ᠭᠡᠯᠡᠮᠡᠭᠳᠡᠬᠦᠯᠦᠯᠳᠠ ᠶᠢ 1937 ᠤᠨ ᠤ 10 ᠰᠠᠷᠠ ᠠᠴᠠ 1941 ᠤᠨ ᠤ 12 ᠰᠠᠷᠠ ᠶᠢᠨ 17 ᠬᠦᠷᠳᠡᠯᠡᠬᠢ | ᠬᠤᠭᠤᠴᠠᠭᠠᠨ ᠳᠤ ᠰᠤᠷᠭᠠᠭᠴᠢ ᠴᠢᠤᠫᠧᠺ᠂ ᠴᠢᠪᠢᠰᠤᠸ᠋᠂ ᠭᠤᠯᠤᠪᠴᠢᠺ ᠵᠡᠷᠭᠡ ᠬᠦᠮᠤᠰ ᠤᠳᠤᠷᠢᠳᠴᠤ ᠪᠠᠶᠢᠪᠠ᠃ | ᠡᠨᠡ ᠬᠦ ᠭᠡᠯᠮᠡᠭᠳᠡᠬᠦᠯᠤᠯᠳᠡ ᠳᠤ ᠮᠤᠩᠭᠤᠯ ᠪᠤᠷᠢᠶᠠᠳ ᠤᠨ ᠰᠤᠳᠤ ᠪᠤᠯᠤᠭᠰᠠᠨ ᠰᠡᠭᠡᠭᠡᠳᠡᠨ ᠨᠦᠭᠦᠳ᠂ ᠶᠠᠮᠠᠷ ᠴᠤ | ᠭᠡᠮ ᠵᠢᠮ ᠦᠭᠡᠢ ᠨᠤᠳᠤᠭ ᠤᠨ ᠵᠢᠷ ᠤᠨ ᠮᠠᠯᠴᠢᠳ᠂ ᠯᠠᠮᠠ ᠨᠠᠷ᠂ ᠬᠦᠳᠡᠯᠮᠤᠷᠢ ᠶᠢᠨ ᠲᠡᠷᠢᠬᠦᠨ ᠤ ᠬᠦᠮᠤᠰ | ᠬᠠᠮᠤᠷᠤᠭᠳᠠᠭᠰᠠᠨ ᠨᠢ ᠭᠡᠵᠢᠶᠠ ᠴᠤ ᠨᠦᠬᠦᠵᠤ ᠪᠠᠷᠠᠰᠢ ᠦᠭᠡᠢ ᠬᠤᠬᠢᠷᠠᠯ ᠪᠤᠯᠤᠭᠰᠠᠨ ᠶᠤᠮ᠃ | ᠬ᠋᠊ · ᠴᠦᠢᠪᠠᠯᠰᠠᠩ᠂ ᠰᠲ᠋ᠠᠯᠢᠨ ᠪᠤᠯᠤᠨ ᠲᠡᠬᠦᠨ ᠤ ᠲᠤᠳᠤᠭᠠᠳᠤ ᠶᠠᠮᠤᠨ ᠤ ᠰᠢᠬᠠᠯᠳᠠ ᠬᠠᠪᠴᠢᠯᠳᠠ ᠳᠤ ᠤᠷᠤᠵᠤ | ᠤᠯᠠᠮ ᠢᠶᠠᠷ ᠤᠷᠤᠰ ᠲᠤ ᠭᠡᠳᠤᠨ ᠰᠠᠷᠠ ᠬᠤᠷᠢᠭᠳᠠᠭᠰᠠᠨ ᠤ ᠲᠠᠷᠠᠭᠠ ᠡᠨᠡ ᠬᠦ ᠭᠡᠯᠡᠮᠡᠭᠳᠡᠬᠦᠯᠤᠯᠳᠡ ᠶᠢ ᠵᠤᠬᠢᠶᠠᠨ | ᠪᠠᠶᠢᠭᠤᠯᠤᠭᠴᠢ ᠪᠤᠯᠤᠭᠰᠠᠨ ᠪᠤᠯᠪᠠᠤ ᠭᠡᠵᠤ ᠵᠠᠷᠢᠮ ᠲᠡᠤᠭᠡᠴᠢ᠂ ᠰᠤᠳᠤᠯᠤᠭᠴᠢᠳ ᠦᠵᠡᠵᠤ ᠪᠠᠶᠢᠨᠠ᠃ | ᠴᠦᠢᠪᠠᠯᠰᠠᠩ 1952 ᠤᠨ ᠤ ᠡᠬᠢ ᠪᠠᠷ ᠵᠦᠪᠯᠡᠯᠳᠤ ᠳᠤ ᠡᠮᠴᠢᠯᠡᠭᠡᠨ ᠳᠤ ᠶᠠᠪᠤᠬᠤ ᠳᠠᠭᠠᠨ ᠤᠷᠢᠳᠤ ᠡᠳᠤᠷ ᠨᠢ | ᠲᠡᠷᠡ ᠦᠶᠠ ᠳᠤ ᠰᠢᠳᠠᠷᠠ ᠺᠯᠦ᠋ᠪ ᠤᠨ ᠡᠷᠬᠢᠯᠡᠭᠴᠢ ᠪᠠᠷ ᠠᠵᠢᠯᠯᠠᠵᠤ ᠪᠠᠶᠢᠭᠰᠠᠨ ᠵ᠊ · ᠰᠠᠮᠪᠤᠤ ︵ᠬᠤᠵᠢᠮ ᠨᠢ | ᠠᠷᠠᠳ ᠤᠨ ᠶᠡᠭᠡ ᠬᠤᠷᠠᠯ ᠤᠨ ᠲᠠᠷᠤᠭᠠ ᠪᠤᠯᠤᠭᠰᠠᠨ︶ ᠶᠢ ᠲᠠᠭᠤᠳᠠᠨ ᠢᠷᠡᠬᠦᠯᠵᠤ᠄ ︽ᠵᠠ᠂ ᠰᠠᠮᠪᠤᠤ ᠮᠢᠨᠢ᠂ ᠪᠢ | ᠡᠮᠴᠢᠯᠡᠭᠡ ᠳᠤ ᠶᠠᠪᠤᠬᠤ ᠪᠤᠯᠤᠯᠠ᠂ ᠪᠠᠶᠠ ᠲᠤᠩ ᠲᠠᠷᠤᠤᠬᠠᠨ᠂ ᠪᠤᠴᠠᠵᠤ ᠢᠷᠡᠬᠦ ᠦᠭᠡᠢ ᠴᠤ ᠪᠠᠶᠢᠵᠤ ᠶᠠᠭᠤ ᠮᠠᠭᠠᠳ᠃ | ᠶᠠᠷᠤ ᠨᠢ ᠮᠠᠨᠠᠶᠢᠬᠢᠨ ᠤ ᠤᠳᠤᠮ ᠳᠤ ᠤᠴᠢᠭ ᠮᠠᠭᠤ ᠪᠠᠳᠭᠠᠨ ᠡᠪᠡᠳᠴᠢᠨ ᠪᠠᠶᠢᠭᠰᠠᠨ ᠶᠤᠮ ᠭᠡᠳᠡᠭ᠃ ᠴᠢᠮᠠᠢᠢ | ᠠᠵᠢᠯ ᠲᠦᠷᠤᠯ ᠤᠨ ᠲᠠᠯᠠ ᠪᠠᠷ ᠬᠠᠷᠠᠵᠤ ᠦᠵᠡᠭᠡᠷᠡᠢ ᠭᠡᠵᠤ ᠪᠢ ᠼᠧᠳᠠᠨᠪᠠᠯ ᠳᠤ ᠵᠠᠬᠢᠭᠰᠠᠨ᠂ ᠰᠠᠨᠠᠭᠠ ᠵᠤᠪᠠᠭ᠋ᠤ ᠶᠢᠨ | ᠭᠡᠷᠡᠭ ᠦᠭᠡᠢ᠂ ᠬᠠᠷᠢᠨ ᠴᠢ ᠮᠢᠨᠤ ᠦᠢᠯᠡᠳᠦᠭᠰᠡᠨ ᠨᠢᠬᠦᠯ ᠢ ᠮᠡᠳᠡᠵᠤ ᠪᠠᠶᠢᠭᠠ᠃ ᠬᠦᠮᠤᠨ ᠤ ᠬᠤᠩᠰᠢ ᠦᠭᠡᠢ ᠵᠠᠩ | ᠭᠠᠷᠭᠠᠵᠤ ᠪᠤᠰᠤᠳ ᠤᠨ ᠦᠭᠡ᠂ ᠬᠠᠷᠠ ᠰᠠᠨᠠᠭᠠᠳᠠᠨ ᠤ ᠬᠠᠳᠬᠤᠭᠠᠰᠤ ᠪᠠᠷ ᠬᠠᠶᠢᠷᠠᠨ ᠰᠠᠶᠢᠬᠠᠨ ᠨᠦᠬᠦᠳ ᠢᠶᠠᠨ | ᠦᠭᠡᠢ ᠬᠢᠵᠤ ᠳ᠋ᠧ᠃ ᠮᠢᠨᠤ ᠰᠠᠨᠠᠭᠠ ᠵᠤᠪᠠᠭ᠋ᠤ ᠶᠠᠭᠤᠮᠠ ᠡᠨᠡ ᠯᠡ ᠪᠠᠶᠢᠨᠠ︾ ᠭᠡᠵᠤ ᠭᠡᠯᠡᠵᠤ ᠪᠠᠶᠢᠭᠰᠠᠨ ᠨᠢ | ᠴᠦᠢᠪᠠᠯᠰᠠᠩ ᠤᠨ ᠬᠤᠪᠢ ᠳᠤ ᠬᠤᠵᠢᠮᠳᠠᠵᠤ ᠨᠢᠬᠦᠯ ᠢᠶᠠᠨ ᠨᠠᠮᠠᠨᠴᠢᠯᠠᠭᠰᠠᠨ ᠭᠡᠷᠡᠭ ᠪᠠᠶᠢᠯᠠ᠃ ᠡᠨᠡ ᠬᠦ ᠠᠶᠤᠮᠰᠢᠭᠳᠤ | ᠭᠡᠯᠡᠮᠡᠭᠳᠡᠬᠦᠯᠤᠯᠳᠡ ᠨᠢ ᠮᠤᠩᠭᠤᠯ ᠤᠯᠤᠰ ᠤᠨ ᠲᠡᠤᠭᠡᠨ ᠳᠤ ᠬᠠᠷᠠ ᠲᠤᠯᠪᠤ ᠪᠤᠯᠤᠨ ᠦᠯᠡᠳᠡᠭᠰᠡᠨ ᠨᠢ ᠶᠠᠮᠠᠷᠪᠠ ᠤᠯᠤᠰ | ᠤᠷᠤᠨ᠂ ᠶᠡᠭᠡ ᠬᠦᠷᠤᠨ ᠤ ᠬᠠᠷᠠᠭᠠ ᠬᠢᠨᠠᠯᠳᠠ ᠳᠤ ᠤᠷᠤᠪᠠᠯ ᠶᠠᠮᠠᠷᠴᠤ ᠠᠶᠤᠯ ᠭᠠᠮᠰᠢᠭ ᠨᠦᠮᠤᠷᠴᠤ ᠪᠤᠯᠵᠤᠰᠢ | ᠦᠭᠡᠢ ᠪᠠᠶᠢᠳᠠᠭ ᠤᠨ ᠬᠠᠳᠠᠭᠤ ᠰᠤᠷᠭᠠᠮᠵᠢ ᠪᠤᠯᠵᠠᠢ᠃ | ᠡᠨᠡ ᠨᠢ ᠠᠰᠤᠷᠤ ᠶᠡᠭᠡ ᠦᠨᠠ ᠪᠠᠷ ᠡᠭᠡ ᠤᠷᠤᠨ ᠤ ᠪᠠᠨ ᠲᠤᠰᠠᠭᠠᠷ ᠲᠤᠭᠳᠠᠨᠢᠯ ᠢ ᠬᠠᠳᠠᠭᠠᠯᠠᠵᠤ ᠦᠯᠡᠳᠡᠭᠰᠡᠨ ᠴᠤ | ᠪᠠᠶᠢᠵᠤ ᠪᠤᠯᠬᠤ ᠶᠢ ᠦᠭᠡᠶᠢᠰᠭᠡᠬᠦ ᠠᠷᠭᠠ ᠦᠭᠡᠢ᠃ | ᠡᠶᠢᠮᠤ ᠠᠴᠠ ᠴᠤ ᠠᠷᠪᠠ ᠭᠠᠷᠤᠢ ᠵᠢᠯ ᠤᠨ ᠬᠤᠭᠤᠴᠠᠭᠠᠨ ᠳᠤ ᠤᠯᠤᠰ ᠲᠦᠷᠤ ᠶᠢᠨ ᠲᠠᠯᠠ ᠪᠠᠷ ᠭᠡᠯᠡᠮᠡᠭᠳᠡᠭᠰᠡᠨ | ᠬᠦᠮᠤᠰ ᠤᠨ ᠭᠡᠷᠡᠭ ᠢ ᠲᠠᠬᠢᠨ ᠰᠢᠯᠭᠠᠵᠤ᠂ ᠴᠠᠭᠠᠳᠬᠠᠬᠤ ᠠᠵᠢᠯ ᠢ ᠤᠳᠤᠷᠢᠳᠤᠨ ᠵᠤᠬᠢᠶᠠᠨ ᠪᠠᠶᠢᠭᠤᠯᠬᠤ ᠤᠯᠤᠰ ᠤᠨ | ᠺᠤᠮᠢᠰ ᠪᠠᠶᠢᠭᠤᠯᠤᠭᠳᠠᠨ ᠠᠵᠢᠯᠯᠠᠵᠤ ᠪᠠᠶᠢᠭᠠ ᠠᠴᠠ ᠭᠠᠳᠠᠨᠠ ᠮᠤᠩᠭᠤᠯ ᠤᠨ ᠤᠯᠤᠰ ᠲᠦᠷᠤ ᠶᠢᠨ | ᠭᠡᠯᠡᠮᠡᠭᠳᠡᠭᠰᠡᠳ ᠤᠨ ᠬᠤᠯᠪᠤᠭᠠ 1994 ᠤᠨ ᠠᠴᠠ ᠠᠵᠢᠯᠯᠠᠵᠤ ᠪᠠᠶᠢᠨᠠ᠃ | ᠰᠲ᠋ᠠᠯᠢᠨ ᠤ ᠰᠠᠨᠠᠭᠠᠴᠢᠯᠠᠭᠠ ᠪᠠᠷ ᠴᠦᠢᠪᠠᠯᠰᠠᠩ ᠤᠨ ᠰᠢᠭᠤᠳ ᠤᠳᠤᠷᠢᠳᠤᠯᠭᠠ ᠪᠠᠷ ᠶᠠᠪᠤᠭᠳᠠᠭᠰᠠᠨ ᠡᠨᠡ | ᠭᠡᠯᠡᠮᠡᠭᠳᠡᠬᠦᠯᠤᠯᠳᠡ ᠪᠤᠷᠢᠶᠠᠳ ᠲᠦᠮᠡᠨ ᠢ ᠦᠨᠳᠤᠰᠤ ᠪᠠᠷ ᠨᠢ ᠤᠰᠠᠳᠬᠠᠵᠤ ᠴᠢᠳᠠᠭᠠ ᠦᠭᠡᠢ ᠶᠤᠮ᠃ | | |