| ᠬᠤᠱᠤᠳ ᠦᠭᠡᠯᠡᠳ ᠤᠳᠤᠮ ᠲᠠᠢ ᠠᠯᠠᠱᠠ ᠮᠣᠩᠭᠤᠯᠴᠤᠳ ᠤᠤᠯ ᠨᠢ ᠲᠠᠷᠡᠬᠠᠢ ᠪᠤᠲᠠᠷᠬᠠᠢ ᠨᠡᠭᠦᠳᠡᠯ ᠤᠨ | ᠬᠡᠯᠪᠡᠷᠢ ᠪᠠᠷ ᠠᠮᠢᠳᠤᠷᠠᠵᠤ ᠢᠷᠡᠭᠰᠡᠨ ᠲᠡᠤᠬᠡ ᠶᠢᠨ ᠢᠷᠡᠯ ᠲᠠᠢ ᠤᠴᠢᠷ᠂ ᠠᠶᠢᠯ ᠡᠷᠦᠬᠡ ᠪᠦᠬᠦᠨ ᠤᠭ ᠲᠠᠭᠠᠨ | ᠪᠠᠶᠢᠰᠢᠩ ᠭᠡᠷ ᠪᠠᠶᠢᠳᠠᠭ ᠦᠭᠡᠢ᠂ ᠢᠮᠠᠭᠲᠠ ᠮᠣᠩᠭᠤᠯ ᠭᠡᠷ᠂ ᠴᠡᠭᠡᠵᠢ ᠭᠡᠷ᠂ ᠪᠦᠰ ᠮᠠᠶᠢᠬᠠᠨ ᠵᠡᠷᠭᠡ ᠪᠠᠷ ᠣᠷᠣᠨ | ᠰᠠᠭᠤᠴᠠ ᠪᠠᠨ ᠪᠣᠯᠭᠠᠵᠤ ᠪᠠᠶᠢᠵᠠᠢ᠃ ᠢᠢᠮᠦ ᠠᠴᠠ ᠮᠣᠩᠭᠤᠯ ᠭᠡᠷ ᠢ ᠶᠡᠭᠡ ᠪᠠᠷ ᠡᠷᠬᠢᠮᠯᠡᠨ ᠬᠦᠨᠳᠦᠳᠬᠡᠳᠡᠭ ᠶᠤᠮ᠃ | ᠠᠳᠡᠬᠢ ᠮᠣᠩᠭᠤᠯ ᠭᠡᠷ ᠤᠨ ᠪᠦᠲᠦᠴᠡ ᠪᠣᠯ ᠳᠥᠷᠪᠡ᠂ ᠵᠢᠷᠭᠤᠭᠠ᠂ ᠨᠠᠢᠮᠠ ᠲᠠᠷᠮᠠ ︵ᠬᠠᠨᠠ︶ ᠲᠠᠢ᠂ ᠲᠠᠷᠮᠠ | ᠪᠦᠷᠢ ᠠᠷᠪᠠᠨ ᠳᠣᠯᠤᠭᠠᠨ ᠤᠨᠢ ᠲᠠᠢ᠂ ᠤᠨᠢ ᠪᠦᠷᠢ ᠳᠡᠭᠡᠨ ᠰᠣᠯᠤᠭ ᠲᠠᠢ᠂ ᠲᠣᠲᠤᠭᠠᠨ ᠳᠡᠭᠡᠷᠡ ᠪᠠᠨ ᠲᠠᠪᠤᠨ ᠤᠨᠢ | ᠰᠠᠭᠤᠯᠭᠠᠳᠠᠭ᠃ ᠶᠡᠭᠡ ᠲᠦᠭᠦᠷᠢᠭ ᠬᠠᠷᠠᠭᠠᠴᠠ ︵ᠲᠣᠭᠤᠨᠣ︶ ᠲᠠᠢ᠂ ᠡᠷᠦᠬᠡ ᠡᠭᠦᠳᠠ᠂ ᠳᠡᠭᠡᠪᠦᠷ᠂ ᠲᠤᠭᠤᠷᠭᠠ᠂ | ᠵᠠᠪᠠᠭ᠂ ᠢᠷᠭᠡᠪᠴᠢ ᠵᠡᠷᠭᠡ ᠪᠠᠷ ᠪᠦᠷᠢᠵᠤ᠂ ᠴᠢᠭᠲᠠᠭᠠ ᠪᠠᠨ ᠪᠠᠷᠠᠭᠤᠨ ᠵᠡᠬᠦᠨ ᠰᠤᠮᠤᠨ ᠤ ᠬᠠᠷᠢᠶᠠᠲᠤ ᠪᠠᠷ ᠢᠯᠭᠠᠵᠤ | ᠵᠡᠭᠦᠨᠰᠢ ᠪᠠᠷᠠᠭᠤᠨᠰᠢ ᠬᠠᠪᠴᠢᠭᠤᠯᠳᠠᠭ᠃ ᠨᠣᠶᠠᠨ ᠪᠣᠯᠣᠨ ᠲᠠᠶᠢᠵᠢ ᠲᠠᠪᠤᠨᠠᠩ ᠤᠨ ᠭᠡᠷ ᠨᠢ ᠤᠯᠠᠭᠠᠨ ᠡᠷᠦᠭᠡ᠂ | ᠤᠯᠠᠭᠠᠨ ᠵᠠᠬᠠᠪᠴᠢ᠂ ᠤᠯᠠᠭᠠᠨ ᠡᠭᠦᠳᠡ ᠲᠠᠢ ᠪᠠᠶᠢᠳᠠᠭ ᠶᠤᠮ᠃ ᠵᠠᠷᠢᠮ ᠵᠠᠬᠢᠷᠤᠭᠴᠢ ᠬᠦᠮᠦᠨ ᠪᠠᠰᠠ ᠢᠢᠮᠦ ᠭᠡᠷ ᠲᠤ | ᠰᠠᠭᠤᠵᠤ ᠦᠩᠭᠡᠷᠡᠵᠡᠢ᠃ ᠮᠣᠩᠭᠤᠯ ᠭᠡᠷ ᠲᠤ ᠳᠣᠲᠣᠷ ᠭᠠᠳᠠᠷ ᠪᠦᠰᠡ᠂ ᠳᠡᠭᠡᠪᠦᠷ ᠤᠨ ᠳᠣᠪᠲᠤᠯᠭᠠ᠂ ᠣᠭᠤᠰᠤᠷ᠂ | ᠲᠠᠷᠮᠠ ᠶᠢᠨ ᠣᠷᠢᠶᠠᠳᠠᠯ ᠵᠡᠷᠭᠡ ᠪᠠᠶᠢᠳᠠᠭ᠃ ᠸᠠᠩ ᠤᠨ ᠨᠠᠶᠢᠷ ᠳᠡᠭᠡᠷᠡ ᠪᠠᠶᠢᠳᠠᠭ ᠪᠠᠶᠢᠪᠠᠩᠬᠠ ᠭᠡᠳᠡᠭ ᠪᠣᠯ ᠦᠨᠳᠦᠷ | ᠳᠥᠷᠪᠡᠨ ᠪᠠᠭᠠᠨᠠ ᠲᠠᠢ᠂ ᠪᠣᠭᠤᠨᠢ ᠠᠷᠪᠠᠨ ᠵᠢᠷᠭᠤᠭᠠᠨ ᠪᠠᠭᠠᠨᠠ ᠲᠠᠢ᠂ ᠠᠷᠪᠠᠨ ᠵᠢᠷᠭᠤᠭᠠᠨ ᠲᠠᠷᠮᠠ ᠲᠠᠢ᠂ ᠵᠠᠭᠤᠨ | ᠨᠠᠶᠠᠨ ᠤᠨᠢ ᠲᠠᠢ᠂ ᠬᠤᠶᠠᠷ ᠡᠭᠦᠳᠡ ᠲᠠᠢ᠂ ᠳᠡᠭᠡᠪᠦᠷ ᠲᠤᠭᠤᠷᠭᠠ᠂ ᠰᠢᠯ ᠴᠣᠩᠬᠤ᠂ ᠢᠷᠭᠡᠪᠴᠢ ᠲᠤᠰ ᠪᠦᠷᠢ | ᠨᠠᠢᠮᠠ ᠪᠠᠶᠢᠵᠤ᠂ ᠳᠤᠭᠤᠢ ᠣᠷᠣᠢ ᠲᠠᠢ᠂ ᠳᠥᠷᠪᠡᠯᠵᠢᠨ ᠰᠠᠭᠤᠷᠢ ᠲᠠᠢ ᠲᠣᠮᠣ ᠭᠡᠷ ᠪᠣᠯᠣᠨᠠ᠃ ᠱᠠᠰᠢᠨ ᠢ | ᠪᠠᠳᠠᠷᠠᠭᠤᠯᠤᠭᠴᠢ ᠰᠦᠮᠡ ᠳᠤ ᠪᠠᠶᠢᠳᠠᠭ ᠳᠠᠯᠠᠢ ᠴᠠᠭᠠᠨ ᠭᠡᠬᠦ ᠭᠡᠷ ᠪᠣᠯ ᠳᠥᠷᠪᠡᠨ ᠲᠤᠯᠭᠠᠭᠤᠷ ᠲᠠᠢ᠂ ᠠᠷᠪᠠᠨ | ᠲᠠᠷᠮᠠ ᠲᠠᠢ ᠶᠤᠮ᠃ ᠪᠠᠰᠠ ᠵᠠᠷᠢᠮ ᠰᠦᠮᠡ ᠳᠤ ᠲᠣᠮᠣᠬᠠᠨ ᠬᠡᠮᠵᠢᠶᠡᠨ ᠤ ᠭᠡᠷ ᠬᠡᠳᠤ ᠪᠠᠶᠢᠵᠡᠢ᠃ ᠡᠭᠦᠨ ᠠᠴᠠ | ᠭᠠᠳᠠᠨᠠ ᠮᠣᠩᠭᠤᠯ ᠭᠡᠷ ᠢ ᠳᠡᠭᠡᠪᠦᠷ ᠳᠡᠭᠡᠷᠡᠬᠢ ᠬᠡ ᠤᠭᠠᠯᠵᠠ᠂ ᠲᠣᠯᠪᠦ ᠡᠮᠵᠢᠶᠡᠷᠢ ᠪᠣᠯᠣᠨ ᠬᠡᠪᠢᠰ ᠡᠭᠦᠳᠡ᠂ | ᠰᠢᠷᠢᠮᠡᠯ ᠡᠭᠦᠳᠡ᠂ ᠬᠠᠨᠠᠪᠴᠢ᠂ ᠬᠦᠰᠢᠭᠡ᠂ ᠬᠠᠯᠬᠠᠪᠴᠢ ᠬᠦᠰᠢᠭᠡ ᠵᠡᠷᠭᠡ ᠪᠠᠷ ᠵᠠᠰᠠᠨ ᠴᠢᠮᠡᠭᠰᠡᠨ ᠵᠦᠢᠯ ᠤᠳ ᠴᠤ | ᠪᠠᠶᠢᠳᠠᠭ᠃ ᠳᠠᠷᠠᠭᠠᠯᠠᠪᠠᠯ᠂ ᠣᠲᠣᠷ ᠨᠡᠭᠦᠳᠡᠯ ᠳᠤ ᠬᠡᠷᠡᠭᠯᠡᠳᠡᠭ ᠴᠡᠭᠡᠵᠢ ᠭᠡᠷ ᠭᠡᠳᠡᠭ ᠨᠢ ᠲᠠᠷᠮᠠ ᠦᠭᠡᠢ ᠭᠡᠷ ᠢ | ᠬᠡᠯᠡᠨᠡ᠃ ᠠᠶᠠᠨ ᠲᠡᠭᠡᠭᠡᠪᠦᠷᠢ ᠳᠤ ᠬᠡᠷᠡᠭᠯᠡᠳᠡᠭ ᠪᠠᠭᠠ ᠶᠡᠭᠡ ᠪᠦᠰ ᠮᠠᠶᠢᠬᠠᠨ ᠨᠢ ᠣᠶᠢᠨ ᠳᠤ ᠣᠳᠣ ᠴᠤ ᠠᠷᠪᠢᠨ | ᠪᠠᠶᠢᠨᠠ᠃ᠠᠶᠠᠨ ᠲᠡᠭᠡᠭᠡᠪᠦᠷᠢ ᠳᠤ ᠬᠡᠷᠡᠭᠯᠡᠳᠡᠭ ᠪᠠᠭᠠ ᠶᠡᠭᠡ ᠪᠦᠰ ᠮᠠᠶᠢᠬᠠᠨ ᠨᠢ ᠣᠳᠣ ᠴᠤ ᠠᠷᠪᠢᠨ ᠪᠠᠶᠢᠨᠠ᠃ | ᠮᠣᠩᠭᠤᠯ ᠭᠡᠷ ᠤᠨ ᠳᠣᠲᠣᠷᠠᠬᠢ ᠡᠳ᠋ᠯᠡᠯ ᠬᠡᠷᠡᠭᠰᠡᠯ ᠪᠣᠯᠪᠠᠰᠤ᠂ ᠭᠡᠷ ᠤᠨ ᠬᠤᠶᠢᠮᠤᠷ ᠲᠤ ᠬᠢ ᠱᠦᠭᠦᠷ ᠳᠡᠭᠡᠷᠡ | ᠪᠤᠷᠬᠠᠨ ᠤ ᠭᠦᠩᠭᠠᠷᠠᠪᠠ ᠲᠠᠯᠪᠢᠵᠤ᠂ ᠪᠠᠷᠠᠭᠤᠨ ᠲᠠᠯᠠ ᠳᠤᠨᠢ ᠱᠦᠭᠦᠢ ᠲᠠᠢ ᠬᠤᠣᠰ ᠠᠪᠳᠠᠷᠠ ᠲᠠᠯᠪᠢᠵᠤ᠂ ᠵᠡᠭᠦᠨ | ᠬᠤᠶᠢᠮᠤᠷ ᠨᠢ ᠣᠷᠣ ᠶᠢᠨ ᠰᠢᠷᠡᠭᠡ ᠲᠠᠯᠪᠢᠭᠠᠳ ᠳᠡᠭᠡᠷᠡ ᠨᠢ ᠣᠷᠣ ᠪᠣᠭᠴᠣ ᠬᠤᠶᠠᠷ ᠢ ᠲᠠᠯᠪᠢᠨᠠ᠃ ᠵᠡᠭᠦᠨ ᠲᠠᠯᠠ | ᠳᠤᠨᠢ ᠱᠦᠭᠦᠢ ᠲᠠᠢ ᠠᠪᠳᠠᠷᠠ ᠨᠢᠭᠡ ᠬᠤᠣᠰ ᠢ ᠲᠠᠯᠪᠢᠵᠤ᠂ ᠵᠠᠯᠭᠠᠭᠠᠳ ᠦᠢᠯᠡ ᠤᠲᠠᠰᠣᠨ ᠤ ᠬᠠᠶᠢᠷᠴᠠᠭ ᠪᠠ | ᠠᠶᠠᠭᠠ ᠲᠠᠯᠪᠢᠳᠠᠭ ᠡᠷᠭᠢᠨᠡᠭ ᠢ ᠲᠠᠯᠪᠢᠭᠰᠠᠨ ᠪᠠᠶᠢᠳᠠᠭ᠃ ᠭᠡᠷ ᠳᠦᠭᠦᠷᠡᠩ ᠰᠢᠷᠢᠮᠡᠯ ᠰᠢᠷᠢᠳᠡᠭ ᠳᠡᠪᠢᠰᠴᠦ᠂ | ᠬᠤᠶᠢᠲᠤ ᠲᠠᠯᠠ ᠪᠠ ᠪᠠᠷᠠᠭᠤᠨ ᠲᠠᠯᠠ ᠪᠠᠷ ᠨᠢ ᠬᠡᠪᠢᠰ ᠲᠠᠯᠪᠠᠭ ᠪᠤᠶᠤ ᠬᠡᠪᠢᠰ ᠳᠡᠪᠢᠰᠭᠡᠷ ᠢᠶᠠᠷ ᠦᠩᠭᠡᠯᠡᠭᠡᠳ | ᠡᠮᠦᠨᠡᠭᠦᠷ ᠨᠢ ᠴᠠᠢ ᠶᠢᠨ ᠶᠠᠪᠠᠭᠠᠨ ᠰᠢᠷᠡᠭᠡ ᠳᠦᠷᠪᠡ ᠶᠢ ᠲᠠᠯᠪᠢᠭᠰᠠᠨ ᠪᠠᠶᠢᠳᠠᠭ᠃ ᠭᠤᠣᠯ ᠳᠤᠮᠳᠠ ᠨᠢ ᠰᠠᠭᠰᠠ | ᠲᠤᠯᠭᠠ ᠪᠠᠷ ᠭᠠᠯ ᠭᠤᠯᠣᠮᠲᠠ ᠪᠣᠯᠭᠠᠵᠤ ᠲᠣᠭᠤᠷᠢᠭᠤᠯᠤᠭᠠᠳ ᠳᠦᠷᠪᠡᠯᠵᠢᠨ ᠮᠣᠳᠣᠨ ᠳᠡᠪᠦᠷᠡ ᠪᠠᠷ ᠬᠠᠰᠢᠨᠠ᠃ | ᠠᠯᠠᠱᠠ ᠮᠣᠩᠭᠤᠯᠴᠤᠳ ᠡᠪᠦᠯᠵᠢᠶᠡᠨ ᠤ ᠨᠤᠲᠤᠭ ᠢᠶᠠᠨ ᠦᠯᠡᠮᠵᠢ ᠰᠠᠶᠢᠬᠠᠨ ᠰᠢᠨᠵᠢ ᠪᠡᠯᠭᠡ ᠲᠠᠢ ᠭᠠᠵᠠᠷ ᠢ ᠰᠣᠩᠭᠤᠨ | ᠰᠠᠭᠤᠷᠢᠰᠢᠵᠤ᠂ ᠪᠠᠶᠠᠨᠰᠦᠮᠪᠦᠷ ᠤᠨ ᠵᠦᠭ ᠲᠤ ᠴᠢᠭᠯᠡᠭᠦᠯᠦᠨ ᠬᠡᠢ ᠮᠣᠷᠢ ᠶᠢᠨ ᠵᠡᠯᠡ ᠳᠠᠷᠴᠤᠭ ᠪᠣᠰᠬᠠᠵᠤ᠂ ᠳᠤᠮᠳᠠ | ᠨᠢ ᠰᠠᠩ ᠤᠨ ᠶᠠᠨᠳᠠᠷ ᠵᠣᠬᠢᠶᠠᠨ᠂ ᠦᠷᠯᠦᠭᠡ ᠪᠦᠷᠢ ᠶᠢᠨ ᠡᠷᠲᠡ ᠰᠠᠩ ᠰᠡᠷᠵᠢᠮ ᠡᠷᠭᠦᠨ ᠲᠤᠩ ᠦᠯᠢᠶᠡᠵᠦ | ᠳᠠᠭᠠᠳᠬᠠᠵᠤ ᠪᠠᠶᠢᠬᠤ ᠪᠠᠨ ᠰᠡᠳᠬᠢᠯᠭᠡ ᠪᠠᠨ ᠢᠯᠡᠳᠬᠡᠳᠡᠭ ᠪᠠᠶᠢᠵᠠᠢ᠃ ᠠᠷᠢᠭᠤᠨ ᠴᠡᠪᠡᠷ ᠪᠠᠶᠢᠬᠤ ᠶᠢ ᠬᠦᠨᠳᠦᠳᠬᠡᠵᠦ | ᠂ ᠲᠦᠯᠡᠭᠡ ᠲᠦᠯᠡᠰᠢ ᠪᠠᠨ ᠦᠨᠳᠦᠷ ᠰᠢᠭ ᠭᠠᠵᠠᠷ ᠲᠤ ᠲᠡᠭᠰᠢ ᠰᠠᠶᠢᠬᠠᠨ ᠣᠪᠤᠭᠠᠯᠠᠨ ᠬᠤᠷᠢᠶᠠᠵᠤ᠂ ᠤᠯᠠᠮ ᠢᠶᠠᠷ | ᠰᠡᠯᠪᠢᠵᠤ ᠨᠡᠮᠡᠬᠦ ᠠᠴᠠ ᠪᠢᠰᠢ ᠳᠤᠮᠳᠠᠷᠠᠭᠤᠯᠬᠤ ᠪᠤᠶᠤ ᠨᠡᠩ ᠴᠤ ᠬᠤᠭᠤᠰᠤᠷᠠᠳᠠᠯᠠ ᠲᠦᠯᠡᠵᠦ ᠪᠠᠷᠠᠬᠤ ᠠᠴᠠ ᠶᠡᠭᠡ | ᠴᠡᠭᠡᠷᠯᠡᠳᠡᠭ ᠪᠠᠶᠢᠨᠠ᠃ ᠤᠨᠤᠭᠠ ᠶᠢᠨ ᠤᠶᠠᠭᠠ ᠶᠢ ᠶᠡᠷᠦᠩᠬᠡᠢ ᠳᠡᠭᠡᠨ ᠭᠡᠷ ᠤᠨ ᠪᠠᠷᠠᠭᠤᠨ ᠡᠮᠦᠨᠡ ᠲᠠᠯᠠ ᠳᠤ ᠬᠤᠯᠠ | ᠰᠢᠭ᠋ ᠲᠣᠬᠢᠷᠠᠭᠤᠯᠵᠤ᠂ ᠮᠠᠯ ᠤᠨ ᠬᠠᠰᠢᠶᠠ ᠬᠤᠷᠤᠭᠠ ᠪᠠᠨ ᠭᠡᠷ ᠠᠴᠠ ᠪᠠᠭ᠋ᠠᠨ ᠵᠠᠶᠢᠲᠠᠢ ᠰᠢᠭ᠋ ᠪᠠᠷᠢᠨᠠ᠃ ᠬᠦᠮᠦᠨ | ᠲᠠᠢ ᠪᠠᠶᠢᠲᠠᠯᠠ ᠭᠡᠭᠡᠨ ᠴᠠᠭᠠᠨ ᠡᠳᠦᠷ ᠡᠷᠦᠬᠡ ᠪᠠᠨ ᠪᠦᠲᠡᠭᠡᠬᠦ ᠪᠠ ᠢᠰᠡᠭᠡᠢ ᠡᠭᠦᠳᠡ ᠪᠠᠨ ᠭᠡᠷ ᠳᠡᠭᠡᠷᠡ ᠪᠠᠨ | ᠰᠤᠩᠭᠠᠵᠤ ᠰᠡᠬᠦᠬᠦ ᠶᠢ ᠴᠡᠭᠡᠷᠯᠡᠵᠦ᠂ ᠵᠢᠴᠢ ᠣᠷᠤᠵᠤ ᠭᠠᠷᠬᠤ ᠳᠠᠭᠠᠨ ᠢᠰᠡᠭᠡᠢ ᠡᠭᠦᠳᠡ ᠶᠢᠨ ᠵᠦᠪ ᠲᠠᠯᠠ ᠶᠢ | ᠰᠡᠬᠦᠬᠦ ᠠᠴᠠ ᠪᠢᠰᠢ ᠪᠤᠷᠤᠭᠤ ᠲᠠᠯᠠ ᠶᠢᠨ ᠡᠭᠦᠳᠡ ᠶᠢ ᠰᠡᠬᠦᠵᠦ ᠪᠣᠯᠬᠤ ᠦᠭᠡᠢ᠃ | | | ᠪᠡᠯᠡᠳᠬᠡᠭᠰᠡᠨ ᠨᠢ᠄ ᠡᠷᠳᠡᠨᠢᠬᠦᠦ | ᠨᠠᠶᠢᠷᠠᠭᠤᠯᠤᠭᠰᠠᠨ ᠨᠢ᠄ ᠨᠠᠮᠤᠷ | ᠬᠢᠨᠠᠭᠰᠠᠨ ᠨᠢ᠄ ᠤᠷᠢᠬᠠᠨ |