| ᠲᠦᠰᠢᠮᠡᠳ ᠬᠦᠮᠦᠨ ᠪᠠᠭᠠ ᠶᠣᠰᠤᠯᠠᠯ ᠤᠨ ᠴᠠᠭ ᠲᠤ ᠤᠷᠲᠤ ᠳᠡᠪᠡᠯ ᠳᠡᠭᠡᠷᠡ ᠪᠠᠨ ᠣᠬᠤᠷ ᠬᠦᠷᠮᠡ ᠡᠮᠦᠰᠦᠨᠡ᠃ | ᠬᠠᠷᠠᠴᠤ ᠬᠦᠮᠦᠨ ᠤ ᠵᠢᠩᠰᠠ ᠵᠡᠷᠭᠡ ᠶᠢᠨ ᠢᠯᠭᠠᠭᠠ ᠪᠠᠷ ᠨᠢ ᠪᠠᠶᠢᠷᠢ ᠰᠠᠭᠤᠷᠢ ᠶᠢ ᠨᠢ ᠦᠵᠡᠨᠡ᠃ ᠡᠷᠡᠭᠲᠡᠢ | ᠬᠦᠮᠦᠨ ᠤ ᠡᠮᠦᠰᠳᠡᠭ ᠤᠷᠲᠤ ᠬᠤᠪᠴᠠᠰᠤᠨ ᠤ ᠲᠦᠷᠦᠯ ᠳᠤ ᠤᠯᠠᠷᠢᠯ ᠤᠨ ᠣᠨᠴᠠᠯᠢᠭ ᠢ ᠳᠠᠭᠠᠵᠤ ᠳᠠᠩ ᠴᠠᠮᠴᠠ᠂ | ᠳᠣᠲᠤᠷ ᠲᠠᠢ ᠯᠠᠪᠠᠰᠢᠭ᠂ ᠬᠦᠪᠦᠩ ᠲᠠᠢ ᠯᠠᠪᠠᠰᠢᠭ᠂ ᠭᠠᠳᠠᠷ ᠲᠠᠢ ᠠᠷᠠᠰᠤᠨ ᠳᠡᠪᠡᠯ᠂ ᠬᠤᠷᠠᠭᠠᠨ ᠠᠷᠠᠰᠤᠨ ᠳᠡᠪᠡᠯ | ᠭᠡᠵᠤ ᠢᠯᠭᠠᠬᠤ ᠪᠦᠭᠡᠳ ᠣᠨᠣᠭᠤ ︵ᠲᠠᠰᠢᠶᠠ︶ ᠲᠠᠢ ᠪᠠᠶᠢᠳᠠᠭ᠃ ᠶᠣᠰᠤᠨ ᠤ ᠴᠠᠭ ᠲᠤ ᠬᠠᠨᠵᠢᠶᠠᠷ ᠪᠤᠶᠤ ᠬᠦᠷᠮᠡ | ᠡᠮᠦᠰᠦᠨᠡ᠃ ᠮᠠᠯᠠᠭᠠᠢ ᠶᠢᠨ ᠲᠦᠷᠦᠯ ᠳᠤ ᠡᠪᠦᠯ ᠤᠨ ᠮᠠᠯᠠᠭᠠᠢ᠂ ᠵᠤᠨ ᠤ ᠮᠠᠯᠠᠭᠠᠢ ᠭᠡᠵᠤ ᠪᠠᠶᠢᠳᠠᠭ᠃ ᠠᠷᠠᠰᠤᠨ | ᠭᠤᠲᠤᠯ ︵ᠭᠤᠳᠤᠰ︶᠂ ᠬᠢᠯᠢᠩ ᠭᠤᠲᠤᠯ᠂ ᠪᠤᠯᠢᠭᠠᠷᠢ ᠭᠤᠲᠤᠯ ᠡᠮᠤᠰᠳᠡᠭ ᠪᠦᠭᠡᠳ ᠦᠮᠦᠳᠦ ᠶᠢᠨ | ᠭᠠᠳᠠᠭᠤᠷ ᠢᠶᠠᠨ ᠡᠪᠦᠳᠦᠭᠴᠢ ᠡᠮᠦᠰᠦᠨᠡ᠃ ᠬᠦᠬᠦᠦᠷ ᠤᠨ ᠳᠠᠯᠢᠩ᠂ ᠬᠡᠲᠡ ᠬᠢᠲᠤᠭᠠ ︵ᠪᠡᠯᠡ ᠲᠠᠰᠢᠶᠠ︶᠂ | ᠮᠦᠩᠭᠦᠨ ᠠᠶᠠᠭᠠ᠂ ᠮᠦᠩᠭᠦᠨ ᠴᠠᠬᠢᠭᠤᠷ ᠲᠠᠢ᠂ ᠹᠸᠢᠢᠰᠦ᠋ᠢ ᠪᠤᠶᠤ ᠬᠠᠰ ᠰᠣᠷᠤᠭᠤᠯ ᠲᠠᠢ ᠤᠷᠲᠤ ᠭᠠᠩᠰᠠ ᠶᠢ | ᠵᠡᠭᠦᠳᠡᠭ᠃ ᠬᠦᠬᠦᠦᠷ ᠤᠨ ᠵᠦᠢᠯ ᠳᠤ ᠡᠷᠡᠭᠲᠡᠢ ᠡᠮᠡᠭᠲᠡᠢ ᠭᠡᠵᠤ ᠢᠯᠭᠠᠬᠤ ᠦᠭᠡᠢ ᠪᠠᠷ ᠭᠠᠷᠤᠳᠢ ᠶᠢᠨ ᠪᠦᠭᠡᠯᠵᠢᠰᠦᠨ | ᠴᠢᠯᠠᠭᠤ᠂ ᠤᠰᠤᠨ ᠪᠣᠯᠤᠷ᠂ ᠬᠠᠰ᠂ ᠮᠠᠨᠤ᠂ ᠹᠸᠢᠢᠰᠦ᠋ᠢ ᠵᠡᠷᠭᠡ ᠶᠢᠨ ᠦᠨᠡᠲᠦ ᠴᠢᠯᠠᠭᠤ ᠪᠠᠶᠢᠳᠠᠭ ᠪᠦᠭᠡᠳ | ᠪᠠᠳᠮᠠᠷᠠᠭᠠ ᠪᠤᠶᠤ ᠱᠢᠷᠦᠨ ᠬᠠᠯᠢᠪᠲᠠᠢ ᠪᠠᠶᠢᠳᠠᠭ᠃ ᠭᠠᠷ ᠲᠠᠭᠠᠨ ᠮᠦᠩᠭᠦᠨ ᠪᠠᠭᠤ ᠵᠡᠭᠦᠵᠦ᠂ ᠬᠤᠷᠤᠭᠤᠨ ᠳᠠᠭᠠᠨ | ᠪᠠᠰᠠ ᠠᠯᠲᠠ᠂ ᠮᠦᠩᠭᠦᠨ ᠪᠦᠯᠡᠵᠡᠭ ᠵᠡᠭᠦᠭᠰᠡᠨ ᠴᠤ ᠪᠤᠢ᠃ ᠡᠬᠡᠨᠡᠷ ᠬᠦᠮᠦᠨ ᠨᠢ ᠣᠨᠤᠭᠤ ᠦᠭᠡᠢ ᠤᠷᠲᠤ | ᠬᠤᠪᠴᠠᠰᠤᠨ ᠳᠡᠭᠡᠷᠡ ᠬᠠᠨᠵᠢᠶᠠᠷ ᠳᠠᠪᠬᠤᠷᠯᠠᠨ ᠡᠮᠦᠰᠦᠨᠡ᠂ ᠪᠦᠰᠡ ᠪᠦᠰᠡᠯᠡᠬᠦ ᠶᠣᠰᠣ ᠦᠭᠡᠢ᠂ ᠸᠠᠩ ᠤᠨ ᠬᠠᠲᠤᠨ | ᠪᠣᠯ ᠵᠢᠵᠢᠭ ᠪᠠᠳᠮᠠᠷᠠᠭᠠ ᠶᠢ ᠬᠡᠯᠬᠢᠨ ᠤᠶᠠᠭᠰᠠᠨ ᠵᠠᠩᠭᠢᠯᠠᠭᠠ ᠵᠢᠩᠰᠠ ᠲᠠᠢ ᠪᠠᠶᠢᠳᠠᠭ᠃ ᠡᠩ ᠤᠨ ᠬᠦᠮᠦᠨ ᠤ | ᠶᠣᠰᠤᠨ ᠤ ᠮᠠᠯᠠᠭᠠᠢ ᠨᠢ ᠠᠯᠲᠠ ᠪᠤᠶᠤ ᠮᠦᠩᠭᠦᠨ ᠤᠭᠠᠯᠵᠠ ᠲᠠᠢ ᠪᠦᠭᠡᠳ ᠵᠢᠵᠢᠭ ᠱᠢᠷᠦ ᠪᠠᠷ ᠬᠡᠯᠬᠢᠭᠰᠡᠨ | ᠵᠠᠩᠭᠢᠯᠠᠭᠠ ᠵᠢᠩᠰᠠ ᠲᠠᠢ᠃ ᠡᠮᠡᠭᠲᠡᠢ ᠶᠢᠨ ᠲᠣᠯᠤᠭᠠᠢ ᠶᠢᠨ ᠵᠠᠰᠠᠯ ᠪᠣᠯᠪᠠᠰᠤ᠂ ᠦᠰᠦ ᠪᠠᠨ ᠬᠤᠶᠠᠷ ᠠᠩᠭᠢᠯᠠᠵᠤ᠂ | ᠦᠪᠦᠷ ᠲᠠᠯᠠ ᠳᠠᠭᠠᠨ ᠬᠠᠷᠠ ᠲᠣᠷᠭᠠ ᠪᠤᠶᠤ ᠨᠠᠷᠢᠯᠢᠭ ᠬᠢᠯᠢᠩ ᠢᠶᠠᠷ ᠭᠡᠷᠯᠡᠭᠡᠳ ᠦᠰᠦᠨ ᠤ ᠭᠡᠷ ᠤᠨ ᠳᠡᠭᠡᠳᠤ | ᠠᠮᠠᠰᠠᠷ ᠢ ᠬᠤᠶᠠᠷ ᠮᠦᠬᠦᠯᠢᠭ ᠱᠢᠷᠦᠨ ᠲᠣᠪᠴᠢ ᠪᠠᠷ ᠬᠤᠯᠪᠤᠵᠤ ᠠᠯᠲᠠᠨ ᠬᠠᠳᠬᠤᠭᠤᠷ ᠢᠶᠠᠷ ᠲᠡᠪᠡᠭᠡᠴᠢᠯᠡᠭᠡᠳ ᠵᠤᠯᠠᠢ | ᠳᠡᠭᠡᠷᠡ ᠪᠠᠨ ᠠᠯᠲᠠ ᠪᠤᠶᠤ ᠮᠦᠩᠭᠦ ᠪᠠᠷ ᠳᠠᠪᠲᠠᠵᠤ ᠤᠷᠠᠯᠠᠨ ᠰᠡᠶᠢᠯᠦᠭᠰᠡᠨ ᠦᠯᠵᠡᠢ ᠤᠲᠠᠰᠤᠨ ᠡᠷᠢᠶᠡ ᠳᠡᠭᠡᠭᠦᠷ | ᠹᠸᠢᠢᠰᠦᠢ᠂ ᠪᠠᠳᠮᠠᠷᠠᠭᠠ᠂ ᠣᠭ᠍ᠶᠤ᠂ ᠱᠢᠷᠦ ᠵᠡᠷᠭᠡ ᠶᠢᠨ ᠠᠯᠢ ᠦᠵᠡᠮᠵᠢᠲᠡᠢ ᠰᠢᠭᠢᠳᠭᠡᠭᠡᠷᠢ ᠶᠢ ᠶᠢᠰᠦ ᠰᠠᠭᠤᠯᠭᠠᠭᠰᠠᠨ | ᠳᠠᠷᠤᠭᠤᠯᠭᠠ ᠶᠢ ᠬᠠᠷᠠ ᠱᠠ ᠳᠡᠭᠡᠷᠡ ᠨᠠᠭᠠᠵᠤ ᠦᠰᠦ ᠪᠠᠨ ᠭᠤᠶᠣ ᠰᠠᠶᠢᠬᠠᠨ ᠳᠠᠷᠤᠭᠤᠯᠤᠭᠰᠠᠨ ᠪᠠᠶᠢᠳᠠᠭ᠃ | ᠦᠰᠦᠨ ᠤ ᠭᠡᠷ ᠤᠨ ᠳᠣᠣᠷᠠᠲᠤ ᠠᠮᠠᠰᠠᠷ ᠢ ᠬᠡ ᠲᠠᠢ ᠲᠤᠤᠰᠠ ᠪᠤᠶᠤ ᠬᠤᠷᠬᠢ᠂ ᠵᠢᠩᠭᠢᠪ ᠮᠡᠲᠤ ᠶᠢᠨ ᠡᠳ᠋ ᠢᠶᠠᠷ | ᠡᠮᠵᠢᠶᠡᠷᠢᠯᠡᠳᠡᠭ᠃ ᠬᠤᠶᠠᠷ ᠴᠢᠬᠢᠨ ᠳᠡᠭᠡᠨ ᠰᠦᠢᠬᠡ ᠪᠤᠶᠤ ᠵᠢᠵᠢᠭ ᠡᠭᠡᠮᠦᠭ ᠵᠡᠭᠦᠵᠦ᠂ ᠠᠯᠲᠠᠨ ᠰᠦᠢᠬᠡ ᠪᠣᠯ ᠲᠤᠰ | ᠪᠦᠷᠢ ᠲᠠᠪᠤᠨ ᠠᠯᠲᠠᠨ ᠰᠤᠪᠤᠳ ᠨᠢᠭᠤᠷ ᠲᠠᠢ᠂ ᠮᠦᠩᠭᠦᠨ ᠰᠦᠢᠬᠡ ᠪᠣᠯ ᠱᠢᠷᠦ ᠪᠤᠶᠤ ᠣᠭ᠍ᠶᠤ ᠵᠢᠴᠢ ᠡᠯᠳᠡᠪ | ᠦᠩᠭᠡ ᠶᠢᠨ ᠱᠠᠭᠠᠵᠠᠩ ᠰᠢᠷᠠᠭᠰᠠᠨ ᠨᠢᠭᠤᠷ ᠲᠠᠢ ᠪᠠᠶᠢᠳᠠᠭ᠃ | ᠡᠮᠡᠭᠲᠡᠢ ᠬᠦᠮᠦᠨ ᠤ ᠶᠣᠰᠤᠨ ᠤ ᠮᠠᠯᠠᠭᠠᠢ ᠪᠣᠯ ᠵᠣᠣᠪᠠᠩ ᠬᠡᠯᠪᠡᠷᠢ ᠲᠠᠢ᠂ ᠬᠠᠷᠠ ᠲᠣᠷᠭᠠᠨ ᠬᠦᠷᠢᠶᠡ ᠲᠠᠢ᠂ ᠤᠯᠠᠭᠠᠨ | ᠲᠣᠷᠭᠠᠨ ᠣᠷᠤᠢ ᠲᠠᠢ᠂ ᠳᠡᠭᠡᠷᠡ ᠪᠠᠨ ᠠᠯᠲᠠ ᠮᠦᠩᠭᠦᠨ ᠤᠭᠠᠯᠵᠠ ᠲᠠᠢ᠂ ᠤᠶᠠᠮᠠᠯ ᠱᠢᠷᠦᠨ ᠵᠢᠩᠰᠠ ᠲᠠᠢ᠂ ᠠᠷᠤ | ᠲᠠᠯᠠ ᠳᠠᠭᠠᠨ ᠤᠯᠠᠭᠠᠨ ᠮᠢᠨᠳᠠᠰᠦᠨ ᠵᠠᠯᠠᠭᠠ ᠰᠠᠪᠰᠠᠭᠤᠯᠵᠤ ᠪᠠᠶᠢᠳᠠᠭ᠃ ᠡᠪᠦᠯ ᠤᠨ ᠮᠠᠯᠠᠭᠠᠢ ᠪᠣᠯ ᠠᠷᠤ ᠲᠠᠯᠠ ᠨᠢ | ᠰᠡᠲᠡᠷᠭᠡᠢ ᠪᠦᠭᠡᠳ ᠬᠠᠯᠢᠭᠤ ᠪᠤᠯᠠᠭᠠ ᠶᠢᠨ ᠠᠷᠠᠰᠤᠨ ᠬᠦᠷᠢᠶᠡ ᠲᠠᠢ᠂ ᠡᠯᠳᠡᠪ ᠵᠦᠢᠯ ᠤᠨ ᠬᠡ ᠤᠭᠠᠯᠵᠠ ᠶᠢ | ᠲᠠᠭᠠᠷᠠᠭᠤᠯᠵᠤ᠂ ᠵᠠᠩᠭᠢᠯᠠᠭᠠ ᠱᠢᠷᠦᠨ ᠵᠢᠩᠰᠠ ᠬᠠᠳᠠᠵᠤ᠂ ᠠᠯᠲᠠ ᠮᠦᠩᠭᠦᠨ ᠤᠲᠠᠰᠤ ᠳᠠᠷᠤᠭᠤᠯᠤᠨ ᠲᠣᠷᠭᠠᠨ | ᠤᠲᠠᠰᠤ ᠪᠠᠷ ᠴᠡᠴᠡᠭ ᠬᠠᠳᠬᠤᠵᠤ ᠤᠷᠠᠯᠠᠭᠰᠠᠨ ᠤᠯᠠᠭᠠᠨ᠂ ᠨᠣᠭᠤᠭᠠᠨ᠂ ᠰᠢᠷᠠ ᠭᠤᠷᠪᠠᠨ ᠳᠠᠪᠬᠤᠷ ᠬᠤᠣᠰ | ᠲᠣᠷᠭᠠᠨ ᠪᠦᠴᠡ ᠶᠢ ᠰᠠᠪᠰᠠᠭᠤᠯᠤᠨᠠ᠃ ᠬᠠᠨᠵᠢᠶᠠᠷ ᠤᠨ ᠡᠩᠭᠡᠷ ᠤᠨ ᠲᠣᠣᠷᠠᠨ ︵ᠬᠠᠷᠮᠠᠨ︶ ᠳᠠᠭᠠᠨ ᠰᠠᠴᠤᠭ | ᠤᠨᠵᠢᠭᠤᠯᠤᠭᠰᠠᠨ ᠭᠤᠶᠣ ᠭᠡᠷ ᠲᠠᠢ ᠬᠦᠬᠦᠦᠷ ᠢᠶᠠᠨ ᠵᠡᠭᠦᠵᠤ᠂ ᠦᠰᠦᠨ ᠤ ᠭᠡᠷ ᠢᠶᠠᠨ ᠬᠠᠨᠵᠢᠶᠡᠷ ᠤᠨ ᠬᠤᠶᠠᠷ | ᠰᠤᠭᠤ ᠪᠠᠷ ᠳᠣᠷᠤᠭᠰᠢ ᠣᠷᠤᠭᠤᠯᠤᠨ ᠳᠣᠣᠷᠠᠳᠤ ᠠᠮᠠᠰᠠᠷ ᠢ ᠨᠢ ᠢᠯᠡ ᠭᠠᠷᠭᠠᠨᠠ᠃ ᠭᠠᠷ ᠲᠠᠭᠠᠨ ᠠᠯᠲᠠ ᠪᠤᠶᠤ | ᠮᠦᠩᠭᠦᠨ ᠪᠠᠭᠤᠤ ᠵᠡᠭᠦᠵᠤ᠂ ᠬᠤᠷᠤᠭᠤᠨ ᠳᠠᠭᠠᠨ ᠪᠠᠰᠠ ᠠᠯᠲᠠ ᠪᠤᠶᠤ ᠮᠦᠩᠭᠦᠨ ᠪᠦᠯᠡᠵᠡᠭ ᠵᠡᠭᠦᠭᠰᠡᠨ ᠪᠠᠶᠢᠳᠠᠭ᠃ | ᠠᠯᠠᠱᠠᠴᠤᠳ ᠠᠶᠢᠯ ᠡᠷᠦᠬᠡ ᠬᠤᠭᠤᠷᠤᠨᠳᠣ ᠪᠠᠨ ᠠᠶᠢᠯᠴᠢᠯᠠᠨ ᠶᠠᠪᠤᠯᠴᠠᠬᠤ ᠳᠠᠭᠠᠨ ᠡᠷᠬᠢᠮᠰᠦᠭ ᠵᠣᠴᠢᠨᠰᠠᠭ ᠢᠶᠠᠷ | ᠤᠭᠲᠤᠵᠤ ᠠᠭᠤᠯᠵᠠᠬᠤ ᠪᠠ ᠬᠠᠯᠠᠭᠤᠮᠰᠤᠭ ᠳᠣᠲᠤᠨᠤᠰᠤᠭ ᠢᠶᠠᠷ ᠦᠳᠡᠨ ᠮᠣᠷᠳᠠᠭᠤᠯᠳᠠᠭ ᠶᠣᠰᠤ ᠲᠠᠢ ᠶᠤᠮ᠃ | ᠦᠩᠭᠡᠷᠡᠭᠰᠡᠨ ᠳᠤ ᠪᠣᠯ ᠬᠦᠭᠰᠢᠨ ᠵᠠᠯᠠᠭᠤ ᠡᠷᠡᠭᠲᠡᠢ ᠡᠮᠡᠭᠲᠡᠢ ᠴᠦᠮ ᠢᠶᠠᠷ ᠬᠦᠬᠦᠦᠷ ᠲᠠᠢ ᠪᠠᠶᠢᠵᠤ᠂ ᠠᠮᠤᠷ | ᠮᠡᠨᠳᠦ ᠪᠠᠨ ᠮᠡᠳᠡᠯᠴᠡᠬᠦ ᠶᠣᠰᠤᠨ ᠢ ᠲᠤᠶᠢᠯ ᠤᠨ ᠡᠷᠬᠢᠮ ᠪᠣᠯᠭᠠᠳᠠᠭ᠃ ᠠᠮᠤᠷ ᠮᠡᠨᠳᠦ ᠠᠰᠠᠭᠤᠯᠴᠠᠬᠤ ᠦᠭᠡᠢ᠂ | ᠬᠦᠬᠦᠦᠷ ᠲᠠᠮᠡᠬᠢ ᠨᠡᠷᠡᠬᠦ ᠦᠭᠡᠢ ᠪᠣᠯ ᠬᠡᠨ ᠦᠬᠦᠭᠡᠳ ᠬᠠᠷᠠ ᠪᠣᠷᠤ ᠲᠠᠢ ᠪᠣᠯᠵᠤ ᠮᠡᠨᠳᠦ ᠪᠠᠨ ᠬᠤᠷᠢᠶᠠᠭᠰᠠᠨ ᠶᠤᠮ | ᠤᠤ︖ ᠭᠡᠵᠤ ᠠᠰᠠᠭᠤᠭᠳᠠᠳᠠᠭ ᠪᠢᠯᠡ᠃ ᠠᠯᠪᠠᠨ ᠤ ᠲᠦᠰᠢᠮᠡᠯ ᠪᠣᠯᠤᠨ ᠬᠦᠭᠰᠢᠨ ᠨᠠᠰᠤᠲᠠᠢ᠂ ᠠᠬᠠ ᠶᠡᠬᠡᠰ | ᠬᠦᠮᠦᠨ ᠠᠶᠢᠯ ᠳᠤ ᠢᠷᠡᠪᠡᠯ ᠬᠦᠭᠰᠢᠨ ᠵᠠᠯᠠᠭᠤ ᠡᠷᠡᠭᠲᠡᠢ ᠡᠮᠡᠭᠲᠡᠢ ᠪᠦᠬᠦᠨ ᠢᠶᠠᠷ ᠢᠶᠠᠨ ᠶᠣᠰᠤᠨ ᠤ ᠬᠤᠪᠴᠠᠰᠤ | ᠮᠠᠯᠠᠭᠠᠢ ᠪᠠᠨ ᠡᠮᠦᠰᠴᠦ ᠤᠶᠠᠭᠠᠨ ᠳᠡᠭᠡᠷᠡ ᠲᠣᠰᠴᠤ ᠣᠴᠢᠭᠠᠳ ᠤᠭᠲᠤᠨ ᠮᠡᠨᠳᠦᠴᠢᠯᠡᠭᠡᠳ ᠤᠨᠤᠭᠠ ᠬᠦᠯᠦᠭ ᠢ ᠨᠢ | ᠠᠪᠴᠤ ᠤᠶᠠᠨᠠ᠃ ᠵᠣᠴᠢᠨ ᠬᠦᠮᠦᠨ ᠠᠶᠢᠯ ᠳᠤ ᠣᠳᠬᠤ ᠳᠠᠭᠠᠨ ᠭᠡᠷ ᠤᠨ ᠡᠭᠦᠳᠡ ᠪᠠᠷ ᠨᠢ ᠬᠦᠨᠳᠡᠯᠡᠨ ᠭᠠᠷᠬᠤ | ᠶᠣᠰᠤ ᠦᠭᠡᠢ᠂ ᠤᠶᠠᠭᠠᠨ ᠳᠡᠭᠡᠷᠡ ᠪᠠᠭᠤᠭᠠᠳ ᠭᠠᠳᠠᠭᠠᠯᠠᠵᠤ ᠪᠣᠯᠬᠤ ᠦᠭᠡᠢ᠂ ᠭᠡᠷ ᠤᠨ ᠡᠭᠦᠳᠡᠨ ᠳᠤᠨᠢ ᠬᠦᠷᠴᠦ | ᠢᠷᠡᠭᠡᠳ ᠭᠡᠷ ᠤᠨ ᠡᠵᠡᠨ ᠨᠢ ᠵᠣᠴᠢᠨ ᠢᠶᠠᠨ ᠤᠷᠢᠳ ᠢᠶᠠᠷ ᠳᠣᠲᠤᠭᠰᠢ ᠤᠷᠢᠵᠤ ᠣᠷᠤᠭᠤᠯᠤᠭᠰᠠᠨ ᠤ ᠬᠤᠶᠢᠨᠠ | ᠦᠪᠡᠷᠰᠡᠳ ᠢᠶᠠᠨ ᠣᠷᠤᠵᠠᠭᠠᠨᠠ᠃ ᠵᠣᠴᠢᠨ ᠭᠠᠯ ᠤᠨ ᠵᠠᠬᠠ ᠪᠠᠷ ᠵᠡᠷᠭᠡ ᠲᠤᠰᠢᠶᠠᠯ ᠶᠡᠭᠡ ᠪᠠᠭᠠ ᠶᠢᠨ | ᠬᠦᠨᠳᠦᠳᠬᠡᠯ ᠢᠶᠠᠷ ᠳᠠᠷᠠᠭᠠᠯᠠᠨ ᠰᠠᠭᠤᠭᠰᠠᠨ ᠤ ᠬᠦᠬᠦᠦᠷ ᠭᠠᠷᠭᠠᠨ ᠮᠡᠨᠳᠦᠴᠢᠯᠡᠵᠦ᠂ ᠪᠡᠯᠭᠡ ᠲᠠᠢ ᠦᠭᠡᠰ ᠢᠶᠠᠷ | ᠰᠡᠳᠭᠢᠯ ᠰᠠᠨᠠᠭᠠ ᠪᠠᠨ ᠮᠡᠳᠡᠯᠴᠡᠵᠤ ᠡᠬᠢᠯᠡᠳᠡᠭ᠃ ᠬᠠᠷᠢᠯᠴᠠᠨ ᠲᠠᠮᠠᠬᠢᠯᠠᠬᠤ ᠳᠠᠭᠠᠨ ᠪᠡᠶᠡ ᠠᠴᠠ ᠪᠠᠨ ᠠᠬᠠ ᠪᠤᠶᠤ | ᠵᠡᠷᠭᠡ ᠲᠤᠰᠢᠶᠠᠯ ᠢᠶᠠᠷ ᠦᠨᠳᠦᠷ ᠬᠦᠮᠦᠨ ᠢ ᠡᠷᠬᠡᠪᠰᠢ ᠰᠠᠭᠤᠯᠭᠠᠵᠤ ᠪᠠᠶᠢᠭᠠᠳ ᠲᠠᠮᠠᠬᠢᠯᠠᠨᠠ᠃ ᠠᠯᠠᠱᠠ ᠶᠢᠨ | ᠭᠤᠴᠢᠨ ᠨᠠᠰᠤ ᠳᠠᠪᠠᠭᠰᠠᠨ ᠬᠦᠮᠦᠨ ᠢ ︽ᠴᠢ︾ ᠭᠡᠬᠦ ᠪᠤᠶᠤ ᠨᠡᠷᠡ ᠪᠠᠷ ᠨᠢ ᠳᠠᠭᠤᠳᠠᠳᠠᠭ ᠦᠭᠡᠢ᠂ ᠬᠠᠷᠢᠨ ︽ᠲᠠ | ︾ ᠭᠡᠬᠦ ᠪᠤᠶᠤ ᠡᠷᠡᠭᠲᠡᠢ ᠪᠣᠯ ᠮᠠᠨᠢᠭᠠ ᠳ᠋ᠠᠨᠢᠭᠠ᠂ ᠡᠮᠡᠭᠲᠡᠢ ᠪᠣᠯ ᠵᠢᠡᠵᠢᠭᠡ᠂ ᠮᠢᠡᠵᠢᠭᠡ ᠭᠡᠬᠦ ᠮᠡᠲᠦ ᠶᠢᠨ ᠠᠪᠤᠭᠠᠶᠢᠯᠠᠭᠠ | ᠳᠠᠭᠤᠳᠠᠯᠭᠠ ᠪᠠᠷ ᠨᠡᠷᠡᠰᠢᠭᠰᠡᠨ ᠪᠠᠶᠢᠳᠠᠭ᠃ ᠨᠡᠨ ᠶᠣᠰᠤ ᠪᠠᠷ ᠬᠠᠷᠢᠯᠴᠠᠨ ᠡᠶᠡᠯᠳᠡᠭ ᠨᠠᠶᠢᠷᠰᠠᠭ ᠢᠶᠠᠷ ᠶᠠᠷᠢᠯᠴᠠᠬᠤ ᠶᠢᠨ | ᠳᠠᠭᠠᠤ ᠭᠡᠷ ᠤᠨ ᠡᠵᠡᠨ ᠤ ᠬᠢᠨ ᠴᠠᠢ ᠪᠠᠨ ᠵᠠᠰᠠᠵᠤ ᠰᠠᠭᠠᠯᠢ ᠶᠢᠨ ᠳᠡᠭᠡᠵᠢ ᠪᠠᠷ ᠦᠩᠭᠡᠯᠡᠭᠰᠡᠨ ᠲᠠᠪᠠᠭ ᠲᠠᠢ | ᠪᠣᠭᠤᠷᠰᠤᠭ ᠢᠶᠠᠨ ᠰᠢᠷᠡᠭᠡᠨ ᠳᠡᠭᠡᠷᠡ ᠲᠠᠯᠪᠢᠭᠠᠳ ᠳᠠᠶᠠᠭᠠᠷ ᠴᠠᠢ ᠪᠣᠭᠤᠷᠰᠤᠭ ᠵᠣᠭᠤᠭᠯᠠᠵᠤ ᠠᠶᠢᠯᠠᠳ︕ ᠭᠡᠵᠦ | ᠬᠤᠶᠠᠷ ᠭᠠᠷ ᠢᠶᠠᠨ ᠳᠡᠯᠭᠡᠨ ᠶᠣᠰᠤᠯᠠᠨᠠ᠃ ᠴᠠᠢ ᠶᠢᠨ ᠳᠡᠪᠦᠷᠡ ᠪᠣᠯᠤᠨ ᠰᠢᠨᠠᠭᠠ ᠪᠠᠨ ᠵᠣᠴᠢᠨ ᠳᠤ ᠭᠠᠷᠳᠠᠭᠤᠯᠬᠤ | ᠶᠣᠰᠤ ᠦᠭᠡᠢ᠂ ᠵᠣᠴᠢᠨ ᠴᠠᠢ ᠪᠠᠨ ᠤᠤᠭᠤᠵᠤ ᠪᠠᠷᠠᠭᠠᠳ ᠢᠷᠡᠭᠰᠡᠨ ᠤᠴᠢᠷ ᠢᠶᠠᠨ ᠬᠡᠯᠡᠯᠴᠡᠵᠤ ᠪᠠᠷᠠᠭᠰᠠᠨ ᠤ | ᠳᠠᠷᠠᠭᠠ ᠣᠳᠣ ᠴᠢᠯᠦᠭᠡ ᠠᠶᠢᠯᠠᠳᠬᠠᠶᠠ ᠭᠡᠬᠦᠯᠡᠷ ᠠᠶᠢᠯ ᠤᠨ ᠬᠦᠮᠦᠰ᠄ ᠬᠤᠨᠣᠵᠤ ᠦᠨᠵᠢᠵᠦ ᠲᠠᠪᠠ ᠪᠠᠷ ᠢᠶᠠᠨ | ᠰᠠᠭᠠᠲᠠᠵᠤ ᠪᠠᠶᠢᠭᠠᠳ ᠮᠣᠷᠢᠯᠠ᠂ ᠲᠤᠩ ᠶᠠᠭᠠᠷᠠᠤ ᠪᠣᠯ ᠳᠠᠬᠢᠵᠤ ᠬᠤᠭᠤᠯᠠ ᠤᠮᠳᠠ ᠵᠣᠭᠤᠭᠯᠠᠭᠠᠳ ᠮᠣᠷᠢᠯᠠ ᠭᠡᠨᠡ᠃ | ᠵᠣᠴᠢᠨ ᠬᠦᠮᠦᠨ ᠤᠶᠠᠭᠠᠨ ᠳᠡᠭᠡᠷᠡ ᠬᠦᠷᠬᠦᠯᠡ ᠤᠨᠤᠭᠠ ᠲᠠᠶᠢᠯᠵᠤ ᠭᠠᠷᠳᠠᠭᠤᠯᠤᠨ ᠦᠭᠬᠦ ᠳᠤ ᠵᠣᠴᠢᠨ᠄ ᠲᠠ ᠨᠠᠷ | ᠰᠠᠶᠢᠨ ᠰᠠᠭᠠᠲᠠᠵᠤ ᠪᠠᠶᠢᠭᠠᠷᠠᠢ ᠭᠡᠨᠡ᠃ ᠠᠶᠢᠯ ᠤᠨ ᠬᠢᠨ᠄ ᠳᠠᠬᠢᠵᠤ ᠮᠣᠷᠢᠯᠠᠵᠤ ᠰᠠᠭᠠᠲᠠᠭᠠᠷᠠᠢ ᠭᠡᠵᠤ ᠬᠡᠯᠡᠬᠦᠯᠡ | ᠵᠣᠴᠢᠨ ᠨᠡᠯᠢᠶᠡᠳ ᠬᠤᠯᠠᠳᠠᠰᠬᠢᠵᠤ ᠣᠴᠢᠭᠠᠳ ᠤᠨᠤᠭᠠ ᠪᠠᠨ ᠮᠣᠷᠳᠠᠨ ᠣᠳᠣᠨᠠ᠃ ᠠᠶᠢᠯ ᠤᠨ ᠤᠶᠠᠭᠠᠨ | ᠳᠡᠭᠡᠷᠡ ᠠᠴᠠ ᠮᠣᠷᠳᠠᠬᠤ ᠶᠣᠰᠤ ᠦᠭᠡᠢ ᠶᠤᠮ᠃ ᠬᠢᠴᠢᠶᠡᠳᠡᠭ ᠵᠦᠢᠯ ᠨᠢ ᠡᠮᠡᠭᠲᠡᠢ ᠬᠦᠮᠦᠨ ᠪᠣᠯ ᠡᠭᠡᠮᠦᠭ | ᠳᠠᠷᠤᠭᠤᠯᠭᠠ ᠪᠠᠨ ᠦᠷᠭᠦᠯᠵᠢ ᠵᠡᠭᠦᠵᠦ ᠬᠠᠨᠵᠢᠶᠠᠷ ᠢᠶᠠᠨ ᠡᠮᠦᠰᠴᠦ ᠪᠠᠶᠢᠬᠤ ᠬᠡᠷᠡᠭᠲᠡᠢ᠂ ᠵᠣᠴᠢᠳ ᠤᠨ ᠳᠡᠷᠭᠡᠳᠡ | ᠬᠠᠷᠠ ᠲᠣᠯᠤᠭᠠᠢ ᠲᠠᠢ ᠪᠠᠶᠢᠵᠤ ᠪᠣᠯᠬᠤ ᠦᠭᠡᠢ᠃ ᠵᠣᠴᠢᠨ ᠪᠣᠯᠤᠭᠰᠠᠨ ᠡᠮᠡᠭᠲᠡᠢ ᠬᠦᠮᠦᠨ ᠪᠦᠰᠡ ᠪᠦᠰᠡᠯᠡᠭᠡᠳ | ᠠᠶᠢᠯ ᠳᠤ ᠣᠷᠣᠵᠤ ᠪᠣᠯᠬᠤ ᠦᠭᠡᠢ᠃ ᠭᠡᠶᠢᠴᠢᠨ ᠢᠷᠡᠵᠤ ᠪᠠᠶᠢᠬᠤ ᠳᠤ ᠡᠮᠦᠨᠡ ᠠᠴᠠ ᠨᠢ ᠬᠤᠭ ᠢᠶᠠᠨ ᠬᠠᠶᠠᠵᠤ | ᠤᠰᠤ ᠰᠠᠴᠤᠵᠤ ᠪᠣᠯᠬᠤ ᠦᠭᠡᠢ᠂ ᠭᠡᠶᠢᠴᠢᠨ ᠶᠠᠪᠤᠭᠰᠠᠨ ᠤ ᠬᠤᠶᠢᠨᠠ ᠳᠠᠯᠳᠠ ᠣᠷᠤᠭᠠ ᠦᠭᠡᠢ ᠪᠠᠶᠢᠲᠠᠯᠠ ᠢᠰᠡᠭᠡᠢ | ᠰᠢᠷᠢᠳᠡᠭ ᠭᠦᠪᠢᠬᠦ ᠶᠢ ᠴᠡᠭᠡᠷᠯᠡᠳᠡᠭ᠃ ᠪᠠᠰᠠ ᠨᠢᠭᠡ ᠠᠩᠬᠠᠷᠬᠤ ᠨᠢ ᠭᠡᠶᠢᠴᠢ ᠬᠦᠮᠦᠨ ᠠᠶᠢᠯ ᠤᠨ ᠬᠦᠮᠦᠨ ᠲᠣᠰᠴᠤ | ᠭᠠᠷᠴᠤ ᠢᠷᠡᠬᠦ ᠦᠭᠡᠢ ᠪᠠᠶᠢᠳᠠᠯ ᠳᠣᠣᠷᠠ ᠡᠷᠬᠡᠪᠰᠢ ᠬᠠᠨᠢᠶᠠᠵᠤ ᠬᠠᠬᠢᠷᠴᠦ ᠴᠢᠮᠡᠭᠡ ᠦᠭᠴᠦ ᠭᠡᠷ ᠲᠤ ᠣᠷᠤᠬᠤ | ᠬᠡᠷᠡᠭᠲᠡᠢ᠃ ᠪᠠᠷᠢᠭᠰᠠᠨ ᠲᠠᠰᠢᠭᠤᠷ ᠢᠶᠠᠨ ᠪᠡᠶᠡ ᠳᠡᠭᠡᠨ ᠠᠪᠴᠤ ᠣᠷᠤᠵᠤ ᠪᠣᠯᠬᠤ ᠦᠭᠡᠢ᠂ ᠬᠠᠷᠢᠨ ᠭᠡᠷ ᠤᠨ ᠭᠠᠳᠠᠨᠠ | ᠲᠠᠯᠪᠢᠭᠠᠳ ᠣᠷᠤᠢ ᠬᠡᠷᠡᠭᠲᠡᠢ᠃ | | | ᠪᠡᠯᠡᠳᠬᠡᠭᠰᠡᠨ ᠨᠢ᠄ ᠡᠷᠳᠡᠨᠢᠬᠦᠦ | ᠨᠠᠶᠢᠷᠠᠭᠤᠯᠤᠭᠰᠠᠨ ᠨᠢ᠄ ᠨᠠᠮᠤᠷ | ᠬᠢᠨᠠᠭᠰᠠᠨ ᠨᠢ᠄ ᠤᠷᠢᠬᠠᠨ |