| | ᠮᠣᠳᠣᠨ ᠣᠮᠠᠷᠠᠰᠢ ᠾᠥᠨ ᠢᠥᠢ᠂ ᠴᠢᠥᠢ ᠱᠧ᠂ ᠳ᠋ᠢᠩ ᠯᠢᠩ᠂ ᠭᠧ ᠺᠦᠨ᠂ ᠰᠢᠨ ᠯᠢ ᠵᠡᠷᠭᠡ ᠶᠢᠨ ᠣᠯᠠᠨ | ᠣᠭᠰᠠᠭᠠ ᠶᠢ ᠨᠣᠮᠣᠳᠬᠠᠨ ᠠᠪᠴᠠᠢ᠃ ᠡᠨᠡ ᠦᠶᠡᠰ ᠢᠶᠠᠷ ᠳᠣᠮᠳᠠᠳᠣ ᠣᠯᠣᠰ ᠲᠤ ᠬᠠᠨ ᠣᠯᠣᠰ ᠤᠨ ᠯᠢᠥ ᠪᠠᠩ | ᠲᠣᠲᠣᠭᠠᠳᠣ ᠶᠢᠨ ᠲᠠᠶᠢᠨ ᠳᠠᠭᠠᠨ ᠢᠯᠠᠯᠳᠠ ᠣᠯᠵᠣ᠂ ᠬᠤᠸᠠᠩᠳᠢ ᠶᠢᠨ ᠰᠠᠭᠤᠳᠠᠯ ᠲᠠᠭᠠᠨ ᠰᠠᠭᠤᠪᠠ᠃ ᠨᠡᠶᠢᠳᠡ | ᠶᠢᠨ ᠣᠨ ᠲᠣᠭᠠᠯᠠᠯ ᠠᠴᠠ ᠡᠮᠦᠨᠡ 200 ᠣᠨ ᠳᠤ ᠾᠦᠩᠨᠦ ᠨᠡᠷ ᠮᠠ ᠶᠢ ᠭᠡᠳᠡᠭ ᠭᠠᠵᠠᠷ ᠲᠤ ᠬᠠᠨ ᠣᠯᠣᠰ ᠤᠨ | ᠬᠢᠵᠠᠭᠠᠷ ᠤᠨ ᠲᠦᠰᠢᠮᠡᠯ ᠬᠠᠨ ᠸᠠᠩ ᠬᠡᠷᠬᠢᠮ ᠲᠠᠢ ᠬᠠᠨ ᠰᠢᠨ ︵ᠲᠣᠬᠠᠢ ᠶᠢᠨ ᠦᠶᠡ ᠶᠢᠨ ᠴᠡᠷᠢᠭ ᠤᠨ ᠡᠷᠳᠡᠮᠳᠡᠨ | ᠬᠠᠨ ᠰᠢᠨ ᠪᠢᠰᠢ᠂ ᠡᠳᠡ ᠬᠤᠶᠠᠭᠤᠯᠠ ᠠᠳᠠᠯᠢ ᠣᠪᠣᠭ ᠨᠡᠷᠡ ᠲᠠᠢ ᠪᠣᠯᠬᠤᠷ ᠡᠬᠦᠨ ᠢ ᠨᠢ ᠬᠠᠨ ᠸᠠᠩ ᠰᠢᠨ ᠭᠡᠵᠦ | ᠨᠦᠬᠦᠬᠡ ᠶᠢ ᠬᠤᠸᠠᠢ ᠶᠢᠨ ᠾᠸᠥ ᠬᠠᠨ ᠰᠢᠨ ᠭᠡᠳᠡᠭ ᠶᠣᠮ — ᠮᠣᠩᠭᠤᠯᠴᠢᠯᠠᠭᠴᠢ ᠠᠴᠠ︶ ᠢ ᠲᠠᠶᠢᠯᠠᠨ ᠲᠠᠷᠣᠵᠣ | ᠬᠠᠨ ᠸᠠᠩ ᠰᠢᠨ ᠾᠦᠩᠨᠦ ᠳᠤ ᠪᠠᠭᠤᠵᠣ ᠦᠭᠴᠡᠢ᠃ ᠡᠬᠦᠨ ᠠᠴᠠ ᠪᠣᠯᠵᠣ ᠾᠦᠩᠨᠦ ᠨᠡᠷ ᠲᠠᠶᠢᠶᠣᠸᠠᠨ ᠳᠤ | ᠳᠣᠪᠳᠣᠯᠣᠨ ᠬᠦᠷᠴᠦ᠂ ᠲᠣᠬᠠᠢ ᠶᠢᠨ ᠦᠶᠡ ᠶᠢᠨ ᠴᠢᠬᠤᠯᠠ ᠪᠠᠯᠭᠠᠰᠣ ᠪᠣᠯᠬᠤ ᠶᠢᠨ ᠶᠠᠩ ᠢ ᠰᠢᠬᠠᠮᠳᠠᠭᠤᠯᠪᠠ᠃ | ᠡᠨᠡ ᠦᠶᠡᠰ ᠲᠤ ᠯᠢᠥ ᠪᠠᠩ ᠬᠠ ᠣᠯᠣᠰ ᠤᠨ ᠶᠡᠭᠡ ᠴᠡᠷᠢᠭ ᠢᠶᠠᠨ ᠲᠠᠶᠢᠴᠢᠯᠠᠨ ᠲᠣᠰᠠᠯᠠᠷᠠ ᠢᠷᠡᠭᠰᠡᠨ ᠳᠤ ᠶᠠᠭ | ᠰᠠᠶᠢᠬᠠᠨ ᠡᠪᠦᠯ ᠤᠨ ᠬᠦᠢᠳᠡᠨ ᠪᠦᠭᠡᠳ ᠲᠡᠭᠷᠢ ᠣᠨᠴᠠ ᠬᠦᠢᠳᠡᠷᠡᠨ᠂ ᠬᠦᠢᠳᠡᠨ ᠣᠷᠣᠰᠬᠠᠯ ᠳᠤ ᠲᠠᠭᠠᠷᠢᠭᠳᠠᠨ᠂ | ᠬᠠᠨ ᠣᠯᠣᠰ ᠤᠨ ᠴᠡᠷᠢᠭ ᠶᠡᠬᠡᠪᠡᠷ ᠬᠦᠯᠳᠡᠵᠦ ᠰᠢᠷᠠᠭᠳᠣᠪᠠ᠃ ᠾᠦᠩᠨᠦ ᠶᠢᠨ ᠮᠣᠳᠣᠨ ᠴᠠᠨ ᠢᠥᠢ ᠣᠮᠠᠷᠠᠰᠢ | ᠴᠡᠷᠢᠭ ᠢᠶᠠᠨ ᠲᠠᠲᠠᠵᠣ ᠬᠠᠨ ᠣᠯᠣᠰ ᠤᠨ ᠴᠡᠷᠢᠭ ᠢ ᠦᠳᠦᠭᠡᠨ ᠦᠪᠡᠷ ᠤᠨ ᠪᠦᠰᠡᠯᠡᠯᠳᠡ ᠲᠡᠭᠡᠨ ᠣᠷᠣᠭᠤᠯᠬᠤ ᠪᠠᠷ | ᠣᠬᠤᠷᠢᠵᠠᠢ᠃ ᠪᠠᠢ ᠳ᠋ᠧᠩ ᠳᠤ ᠬᠦᠷᠴᠦ᠂ ᠴᠠᠨ ᠢᠥᠢ ᠦᠪᠡᠷ ᠤᠨ ᠭᠤᠴᠢᠨ ᠲᠦᠮᠡᠨ ᠮᠣᠷᠢᠳᠣ ᠴᠡᠷᠢᠭ ᠢᠶᠠᠷ ᠬᠠᠨ | ᠣᠯᠣᠰ ᠤᠨ ᠶᠡᠭᠡ ᠴᠡᠷᠢᠭ ᠢ ᠪᠦᠰᠡᠯᠡᠨ ᠠᠪᠴᠣ᠂ ᠬᠠᠨ ᠣᠯᠣᠰ ᠤᠨ ᠴᠡᠷᠢᠭ ᠡᠵᠡᠳ ᠲᠦᠰᠢᠮᠡᠳ ᠲᠠᠢ ᠪᠠᠨ ᠬᠠᠮᠳᠣ | ᠲᠣᠯᠣᠭᠠᠨ ᠰᠦᠨᠢ ᠲᠣᠯᠣᠭᠠᠨ ᠡᠳᠦᠷ ᠪᠦᠰᠡᠯᠡᠭᠳᠡᠨ᠂ ᠬᠦᠮᠦᠨ ᠪᠦᠬᠦᠨ ᠨᠣᠶᠢᠷ ᠬᠤᠭᠤᠯᠠ ᠦᠭᠡᠢ ᠲᠣᠯᠤᠭᠠ | ᠬᠤᠨᠣᠯᠠ ᠭᠡᠳᠡᠭ ᠶᠣᠮ᠃ ᠭᠡᠪᠡᠴᠦ ᠯᠢᠥ ᠪᠠᠩ ᠶᠡᠭᠡ ᠵᠦᠪᠯᠡᠭᠴᠢ ᠲᠦᠰᠢᠮᠡᠯ ᠴᠧᠨ ᠫᠢᠩ ᠤᠨ ᠠᠷᠭᠠ ᠪᠠᠷ ᠴᠠᠨ | ᠢᠥᠢ ᠶᠢᠨ ᠬᠠᠳᠣᠨ ᠢ ᠶᠡᠬᠡᠪᠡᠷ ᠬᠠᠭ᠋ᠣᠯᠢᠳᠣᠨ᠂ ᠬᠠᠨ ᠣᠯᠣᠰ ᠠᠴᠠ ᠴᠠᠨ ᠢᠥᠢ ᠳᠤ ᠭᠤᠶᠣ ᠬᠡᠣᠬᠡᠨ ᠬᠦᠷᠭᠡᠬᠦ | ᠭᠡᠵᠦ ᠪᠣᠢ ᠬᠡᠮᠡᠨ ᠵᠠᠪᠰᠠᠷᠳᠠᠭᠤᠯᠵᠣ ᠪᠠᠶᠢᠭᠠᠳ ᠪᠦᠰᠡᠯᠡᠯᠳᠡ ᠠᠴᠠ ᠵᠦᠳᠡᠵᠦ ᠮᠣᠯᠳᠣᠷᠢᠨ ᠭᠠᠷᠴᠠᠢ᠃ | | ᠪᠡᠯᠡᠳᠬᠡᠭᠰᠡᠨ ᠨᠢ᠄ ᠡᠷᠳᠡᠨᠢᠬᠦᠦ | ᠨᠠᠶᠢᠷᠠᠭᠤᠯᠤᠭᠰᠠᠨ ᠨᠢ᠄ ᠨᠠᠮᠤᠷ | ᠬᠢᠨᠠᠭᠰᠠᠨ ᠨᠢ᠄ ᠤᠷᠢᠬᠠᠨ |