| | ᠡᠨᠡᠬᠦ ᠨᠣᠮ ᠪᠣᠯ ᠪᠠᠷᠠᠭᠤᠨ ᠬᠠᠨ ᠣᠯᠣᠰ ᠤᠨ ᠬᠤᠸᠠᠨ ᠺᠣᠸᠠᠨ ᠭᠡᠳᠡᠭ ᠬᠦᠮᠦᠨ ᠤ ᠨᠠᠶᠢᠷᠠᠭᠤᠯᠣᠨ ᠵᠣᠬᠢᠶᠠᠭᠰᠠᠨ | ᠨᠣᠮ ᠪᠣᠯᠣᠨᠠ᠃ ᠲᠣᠰ ᠨᠣᠮ ᠤᠨ ᠢᠷᠡᠯᠳᠡ ᠭᠡᠪᠡᠯ ᠨᠡᠶᠢᠳᠡ ᠶᠢᠨ ᠣᠨ ᠲᠣᠭᠠᠯᠠᠯ ᠤᠨ ᠡᠮᠦᠨᠡ 81 ᠣᠨ ᠳᠤ᠂ | ᠬᠠᠨ ᠣᠯᠣᠰ ᠤᠨ ᠨᠠᠢᠮᠠᠳᠣᠭᠠᠷ ᠦᠶᠡ ᠶᠢᠨ ᠬᠠᠭᠠᠨ ᠯᠢᠥ ᠹᠦ᠋ ᠯᠢᠩ ︵ᠯᠢᠥ ᠹᠦ᠋ ᠯᠢᠩ ᠤᠨ ᠰᠦᠮᠡ ᠶᠢᠨ ᠴᠣᠯᠠ ᠨᠢ | ᠵᠣᠤ ᠳ᠋ᠢ ᠭᠡᠳᠡᠭ᠂ ᠲᠡᠷᠡ ᠪᠣᠯ ᠬᠠᠨ ᠡᠣ ᠳ᠋ᠢ ᠬᠠᠭᠠᠨ ᠯᠢᠥ ᠴᠧ ᠶᠢᠨ ᠣᠳᠬᠤᠨ ᠬᠦᠪᠡᠭᠦᠨ ᠪᠣᠯᠣᠨᠠ︶ ᠱᠢ | ᠶᠣᠸᠠᠨ ᠤ ᠵᠢᠷᠭᠤᠳᠣᠭᠠᠷ ᠣᠨ᠂ ᠵᠣᠤ ᠪᠢᠴᠢᠭ ᠪᠠᠭᠤᠯᠭᠠᠨ ᠪᠦᠬᠦ ᠣᠯᠣᠰ ᠤᠨ ᠮᠡᠷᠭᠡᠳ ᠰᠠᠶᠢᠴᠣᠣᠯ ᠪᠠ ᠪᠢᠴᠢᠭ | ᠤᠨ ᠡᠷᠳᠡᠮᠳᠡᠳ ᠢ ᠰᠢᠯᠭᠠᠷᠠᠭᠤᠯᠣᠨ᠂ ᠨᠡᠶᠢᠳᠡ ᠵᠢᠷᠠᠨ ᠬᠦᠮᠦᠨ ᠢ ᠰᠣᠩᠭᠤᠨ ᠭᠠᠷᠭᠠᠵᠣ᠂ ᠨᠡᠶᠢᠰᠯᠡᠯ ᠬᠤᠳᠠ ᠳᠤ | ᠬᠤᠷᠠᠭᠤᠯᠣᠨ᠂ ᠡᠣ ᠳ᠋ᠢ ᠬᠠᠭᠠᠨ ᠤ ᠦᠶᠡ ᠠᠴᠠ ᠡᠬᠢᠯᠡᠨ ᠣᠷᠳᠣ ᠬᠤᠭᠤᠴᠠᠭᠠᠨᠠ ᠬᠡᠷᠡᠭᠵᠢᠬᠦᠯᠵᠦ ᠢᠷᠡᠭᠰᠡᠨ | ᠲᠦᠷᠦ ᠶᠢᠨ ᠪᠣᠳᠣᠯᠭᠠ ᠶᠢ ᠲᠠᠬᠢᠨ ᠰᠢᠨᠵᠢᠯᠡᠨ᠂ ᠠᠷᠠᠳ ᠢᠷᠭᠡᠳ ᠤᠨ ᠲᠣᠮᠳᠠᠬᠢ ᠵᠣᠪᠠᠭᠤᠷᠢ ᠵᠦᠳᠡᠬᠦᠷᠢ ᠶᠢ | ᠪᠠᠶᠢᠴᠠᠭᠠᠨ ᠰᠣᠳᠣᠯᠬᠤ ᠡᠬᠦᠳᠡᠨ ᠠᠴᠠ ︽ᠲᠠᠪᠣᠰᠣ ᠲᠡᠮᠦᠷ ᠤᠨ ᠬᠤᠷᠠᠯᠳᠣᠭᠠᠨ︾ ᠢ ᠬᠤᠷᠠᠯᠳᠣᠭᠤᠯᠵᠣ ᠶᠡᠭᠡ | ᠮᠠᠷᠭᠤᠯᠳᠣᠭᠠᠨ ᠬᠢᠯᠭᠡᠵᠡᠢ᠃ ᠡᠨᠡᠬᠦ ᠮᠠᠷᠭᠤᠯᠳᠣᠭᠠᠨ ᠬᠤᠶᠠᠷ ᠲᠠᠯᠠ ᠪᠣᠯᠣᠨ ᠶᠠᠪᠣᠭᠳᠠᠵᠣ᠂ ᠬᠠᠨ ᠣᠯᠣᠰ ᠤᠨ ᠲᠦᠷᠦ | ᠳᠤ ᠣᠷᠳᠣ ᠬᠤᠭᠤᠴᠠᠭᠠ ᠪᠠᠷ ᠡᠳ᠋ ᠤᠨ ᠵᠠᠰᠠᠭ ᠪᠠ ᠲᠠᠷᠢᠶᠠᠯᠠᠩ ᠦᠢᠯᠡᠰ ᠢ ᠡᠷᠬᠢᠯᠡᠭᠰᠡᠨ ᠶᠡᠭᠡ ᠲᠦᠰᠢᠮᠡᠯ ᠪᠦᠭᠡᠳ᠂ | ᠡᠳᠦᠬᠡ ᠨᠢᠭᠡᠨᠳᠡ ᠢᠥᠢ ᠱᠢ ᠳ᠋ᠠᠢ ᠹᠦ᠋ ᠶᠢᠨ ᠲᠣᠰᠢᠶᠠᠯ ᠳᠤ ᠲᠠᠪᠰᠢᠭᠰᠠᠨ ᠰᠠᠩ ᠬᠤᠩ ᠶᠠᠩ ᠪᠣᠯᠣᠨ᠂ ᠵᠢᠴᠢ | ᠲᠣᠬᠠᠢ ᠶᠢᠨ ᠦᠶᠡ ᠶᠢᠨ ᠬᠠᠭᠠᠨ ᠲᠦᠷᠦ ᠶᠢᠨ ᠴᠧᠩᠰᠢᠶᠠᠩ ᠪᠠᠶᠢᠭᠰᠠᠨ ᠲᠢᠶᠠᠨ ᠴᠢᠶᠠᠨ ᠴᠢᠥ ᠬᠤᠶᠠᠭᠤᠯᠠ᠂ | ᠲᠦᠷᠦ ᠶᠢᠨ ᠲᠠᠯᠠ ᠶᠢ ᠲᠦᠯᠦᠭᠡᠯᠡᠨ᠂ ᠮᠡᠷᠭᠡᠳ ᠰᠠᠶᠢᠴᠣᠣᠯ ᠪᠣᠯᠣᠨ ᠪᠢᠴᠢᠭ ᠤᠨ ᠡᠷᠳᠡᠮᠳᠡᠳ ᠢᠷᠭᠡᠳ ᠤᠨ ᠲᠠᠯᠠ | ᠶᠢ ᠲᠦᠯᠦᠭᠡᠯᠡᠨ᠂ ᠲᠣᠬᠠᠢ ᠶᠢᠨ ᠨᠡᠶᠢᠭᠡᠮ ᠤᠨ ᠣᠯᠠᠨ ᠲᠠᠯᠠ ᠶᠢᠨ ᠠᠰᠠᠭᠤᠳᠠᠯ ᠢᠶᠠᠷ ᠰᠡᠳᠦᠪᠯᠡᠨ ᠮᠠᠰᠢ ᠬᠤᠷᠴᠠ | ᠰᠢᠷᠦᠬᠦᠨ ᠮᠠᠷᠭᠤᠯᠳᠣᠭᠠᠨ ᠬᠢᠭᠰᠡᠨ ᠪᠠᠶᠢᠨᠠ᠃ ᠡᠨᠡ ᠣᠳᠠᠭᠠ ᠶᠢᠨ ᠮᠠᠷᠭᠤᠯᠳᠣᠭᠠᠨ ᠤ ᠵᠢᠩᠬᠢᠨᠢ ᠣᠳᠬᠠ ᠨᠢ | ᠦᠨᠡᠨᠳᠡᠭᠡᠨ ᠬᠠᠨ ᠡᠣ ᠳ᠋ᠢ ᠬᠠᠭᠠᠨ ᠤ ᠦᠶᠡ ᠠᠴᠠ ᠡᠬᠢᠯᠡᠨ ᠣᠷᠳᠣ ᠬᠤᠭᠤᠴᠠᠭᠠᠨᠠ ᠬᠡᠷᠡᠭᠵᠢᠬᠦᠯᠵᠦ ᠢᠷᠡᠭᠰᠡᠨ | ᠲᠠᠪᠣᠰᠣ ᠲᠡᠮᠦᠷ ᠤᠨ ᠠᠰᠢᠭ ᠢ ᠣᠯᠣᠰ ᠠᠴᠠ ᠡᠵᠡᠮᠳᠡᠬᠦ᠂ ᠠᠷᠢᠬᠢ ᠲᠠᠷᠠᠰᠣ ᠶᠢ ᠣᠯᠣᠰ ᠠᠴᠠ ᠲᠣᠰᠬᠠᠶᠢᠯᠠᠨ | ᠡᠵᠡᠩᠨᠡᠬᠦ ᠵᠢᠴᠢ ᠠᠭᠤᠯᠠ ᠲᠠᠯᠠ ᠣᠰᠣ ᠨᠠᠭᠤᠷ ᠢ ᠬᠠᠭᠠᠨ ᠲᠦᠷᠦ ᠠᠴᠠ ᠪᠢᠳᠡᠬᠦᠮᠵᠢᠯᠡᠨ ᠡᠵᠡᠮᠰᠢᠬᠦ ᠵᠡᠷᠭᠡ ᠶᠢᠨ | ᠠᠵᠣ ᠠᠬᠤᠢ ᠶᠢᠨ ᠣᠯᠠᠨ ᠲᠠᠯᠠ ᠶᠢᠨ ᠲᠦᠷᠦ ᠶᠢᠨ ᠪᠣᠳᠣᠯᠭᠠ ᠶᠢ ᠪᠠᠭᠳᠠᠭᠠᠭᠰᠠᠨ ᠪᠦᠬᠦ ᠲᠦᠷᠦ ᠶᠢᠨ ᠪᠣᠳᠣᠯᠭᠠ᠂ | ᠴᠢᠭᠯᠡᠯᠳᠡ᠂ ᠴᠡᠷᠢᠭ ᠲᠠᠶᠢᠨ᠂ ᠭᠠᠳᠠᠭᠠᠳᠣ ᠬᠠᠷᠢᠯᠴᠠᠭᠠ ᠵᠡᠷᠭᠡ ᠳᠤ ᠬᠢᠭᠰᠡᠨ ᠨᠢᠭᠡ ᠣᠳᠠᠭᠠᠨ ᠤ ᠶᠠᠷᠣᠩᠬᠡᠶᠢᠯᠡᠭᠰᠡᠨ | ᠦᠨᠡᠯᠡᠮᠵᠢ ᠪᠠ ᠳ᠋ᠦᠩᠨᠡᠯᠳᠡ ᠵᠢᠴᠢ ᠰᠢᠭᠦᠮᠵᠢᠯᠡᠯ ᠭᠡᠵᠦ ᠦᠵᠡᠬᠦ ᠳᠤ ᠪᠣᠷᠣᠭᠤᠳᠠᠮᠠᠷ ᠣᠴᠢᠷ ᠦᠭᠡᠢ᠃ ᠲᠠᠪᠣᠰᠣ | ᠲᠡᠮᠦᠷ ᠤᠨ ᠬᠤᠷᠠᠯ ᠦᠩᠭᠡᠷᠡᠭᠡᠳ ᠭᠤᠴᠢᠨ ᠣᠨ ᠪᠣᠯᠣᠭᠰᠠᠨ ᠤ ᠲᠠᠷᠠᠭᠠ᠂ ᠬᠤᠸᠠᠨ ᠺᠣᠸᠠᠨ ᠭᠡᠳᠡᠭ ᠬᠦᠮᠦᠨ ᠡᠨᠡᠬᠦ | ᠬᠤᠷᠠᠯ ᠤᠨ ᠲᠡᠮᠳᠡᠭᠯᠡᠯ ᠢ ᠦᠨᠳᠦᠰᠦᠯᠡᠨ᠂ ᠮᠠᠷᠭᠤᠯᠳᠣᠭᠰᠠᠨ ᠠᠭᠤᠯᠭᠠ ᠶᠢ ᠲᠦᠷᠦᠯ ᠵᠦᠢᠯ ᠢᠶᠠᠷ ᠢᠯᠭᠠᠨ ᠰᠠᠯᠭᠠᠵᠣ | ᠂ ᠨᠡᠶᠢᠳᠡ ᠠᠷᠪᠠᠨ ᠪᠣᠳᠢ ᠳᠤ ᠠᠩᠬᠢᠯᠠᠨ᠂ ᠵᠢᠷᠠᠨ ᠪᠦᠯᠦᠭ ᠲᠤ ᠬᠤᠪᠢᠶᠠᠵᠣ ᠨᠠᠶᠢᠷᠠᠭᠤᠯᠣᠭᠰᠠᠨ ︽ᠲᠠᠪᠣᠰᠣ ᠲᠡᠮᠦᠷ | ᠠᠴᠠ ᠣᠴᠢᠷᠯᠠᠬᠤᠢ ᠠᠨᠣ︾ ᠭᠡᠳᠡᠭ ᠨᠡᠷᠡ ᠲᠠᠢ ᠮᠠᠷᠭᠤᠯᠳᠣᠭᠠᠨ ᠤ ᠰᠢᠨᠵᠢ ᠪᠦᠬᠦᠢ ᠨᠠᠶᠢᠷᠠᠭᠤᠯᠣᠯ ᠤᠨ ᠬᠡᠯᠪᠡᠷᠢ ᠶᠢᠨ | ᠨᠣᠮ ᠵᠣᠬᠢᠶᠠᠭᠳᠠᠭᠰᠠᠨ ᠪᠠᠶᠢᠨᠠ᠃ ᠲᠣᠰ ᠮᠠᠷᠭᠤᠯᠳᠣᠭᠠᠨ ᠳᠤ ᠨᠢᠭᠡ ᠲᠣᠪᠣᠶᠢᠭᠰᠠᠨ ᠲᠠᠯᠠ ᠭᠡᠪᠡᠯ ᠬᠠᠨ ᠡᠣ ᠳ᠋ᠢ | ᠬᠠᠭᠠᠨ ᠤ ᠠᠩᠬᠠᠨ ᠤ ᠦᠶᠡ ᠠᠴᠠ ᠡᠬᠢᠯᠡᠨ᠂ ᠵᠢᠯ ᠲᠠᠷᠠᠭᠠᠯᠠᠨ ᠾᠦᠩᠨᠦ ᠲᠠᠢ ᠲᠠᠶᠢᠳᠣᠵᠣ᠂ ᠪᠠᠷᠤᠭ ᠭᠤᠴᠢᠨ | ᠬᠡᠳᠦᠨ ᠣᠨ ᠳᠤ ᠵᠢᠯ ᠪᠦᠷᠢ ᠾᠦᠩᠨᠦ ᠶᠢ ᠲᠠᠶᠢᠯᠠᠬᠤ ᠶᠡᠭᠡ ᠴᠡᠷᠢᠭ ᠭᠠᠷᠴᠣ᠂ ᠴᠢᠨᠠᠭᠰᠢᠯᠠᠪᠠᠯ ᠵᠢᠯ ᠳᠤ ᠬᠡᠳᠦ | ᠣᠳᠠᠭᠠ ᠴᠡᠷᠢᠭ ᠲᠣᠮᠢᠯᠠᠨ ᠾᠦᠩᠨᠦ ᠶᠢ ᠲᠦᠷᠢᠮᠡᠬᠡᠶᠢᠯᠡᠵᠦ ᠪᠠᠶᠢᠵᠠᠢ᠃ ᠡᠶᠢᠮᠦ ᠠᠴᠠ ᠣᠯᠣᠰ ᠭᠡᠷ ᠤᠨ ᠠᠵᠣ | ᠠᠬᠤᠢ ᠳᠤ ᠮᠠᠰᠢ ᠶᠡᠭᠡ ᠲᠠᠷᠣᠮᠳᠠ ᠪᠣᠯᠵᠣ᠂ ᠴᠡᠷᠢᠭ ᠲᠠᠶᠢᠨ ᠤ ᠠᠵᠢᠯᠯᠠᠭᠠ ᠶᠢ ᠲᠡᠮᠵᠢᠬᠦ ᠶᠢᠨ ᠲᠦᠯᠦᠭᠡ ᠲᠠᠪᠣᠰᠣ | ᠲᠡᠮᠦᠷ ᠤᠨ ᠠᠰᠢᠭ ᠢ ᠣᠯᠣᠰ ᠠᠴᠠ ᠡᠵᠡᠮᠰᠢᠬᠦ᠂ ᠠᠷᠢᠬᠢ ᠲᠠᠷᠠᠰᠣ ᠶᠢ ᠣᠯᠣᠰ ᠠᠴᠠ ᠲᠣᠰᠬᠠᠶᠢᠯᠠᠨ ᠡᠵᠡᠩᠨᠡᠬᠦ ᠵᠢᠴᠢ | ᠪᠠᠰᠠ ᠠᠭᠤᠯᠠ ᠲᠠᠯᠠ ᠨᠠᠭᠤᠷ ᠭᠤᠣᠯ ᠢ ᠬᠦᠷᠳᠡᠯᠡ ᠪᠢᠳᠡᠬᠦᠮᠵᠢᠯᠡᠨ ᠣᠯᠣᠰ ᠡᠵᠡᠮᠳᠡᠬᠦ ᠵᠡᠷᠭᠡ ᠶᠢᠨ ᠠᠵᠣ ᠠᠬᠤᠢ | ᠶᠢᠨ ᠲᠦᠷᠦ ᠶᠢᠨ ᠪᠣᠳᠣᠯᠭᠠ ᠶᠢ ᠬᠡᠷᠡᠭᠵᠢᠬᠦᠯᠵᠦ ᠪᠠᠶᠢᠭᠰᠠᠨ ᠪᠣᠯᠬᠤᠷ᠂ ᠲᠣᠬᠠᠢ ᠶᠢᠨ ᠦᠶᠡ ᠶᠢᠨ ᠡᠯᠡ ᠡᠳᠡᠭᠡᠳ | ᠠᠴᠠ ᠡᠨᠡᠬᠦ ᠲᠦᠷᠦ ᠶᠢᠨ ᠪᠣᠳᠣᠯᠭᠠ ᠶᠢ ᠣᠯᠣᠰ ᠭᠡᠷ ᠠᠴᠠ ᠠᠷᠠᠳ ᠢᠷᠭᠡᠳ ᠲᠠᠢ ᠪᠠᠨ ᠠᠰᠢᠭ ᠪᠣᠯᠢᠶᠠᠯᠳᠣᠵᠣ | ᠪᠠᠶᠢᠨᠠ ᠭᠡᠵᠦ ᠰᠠᠨᠠᠯ ᠭᠠᠷᠭᠠᠨ ᠮᠠᠷᠭᠤᠵᠠᠭᠠᠭᠰᠠᠨ ᠪᠣᠯᠬᠤᠷ ᠨᠣᠮ ᠤᠨ ᠨᠡᠷᠡ ᠪᠠᠨ ︽ᠲᠠᠪᠣᠰᠣ ᠲᠡᠮᠦᠷ ᠠᠴᠠ | ᠣᠴᠢᠷᠯᠠᠬᠤᠢ ᠠᠨᠣ︾ ᠭᠡᠵᠦ ᠨᠡᠷᠡᠯᠡᠵᠡᠢ᠃ | | ᠪᠡᠯᠡᠳᠬᠡᠭᠰᠡᠨ ᠨᠢ᠄ ᠡᠷᠳᠡᠨᠢᠬᠦᠦ | ᠨᠠᠶᠢᠷᠠᠭᠤᠯᠤᠭᠰᠠᠨ ᠨᠢ᠄ ᠨᠠᠮᠤᠷ | ᠬᠢᠨᠠᠭᠰᠠᠨ ᠨᠢ᠄ ᠤᠷᠢᠬᠠᠨ |