| | ᠴᠠᠨ ᠢᠥᠢ ᠭᠡᠳᠡᠭ ᠪᠣᠯ ᠠᠤᠭᠠ ᠶᠡᠭᠡ ᠬᠡᠮᠡᠭᠴᠢ ᠣᠳᠬᠠ ᠲᠠᠢ ᠦᠭᠡ ᠪᠣᠯᠣᠮᠣᠢ᠂ ᠦᠭᠡᠷᠡ ᠪᠠᠷ ᠬᠡᠯᠡᠪᠡᠯ ᠲᠡᠭᠷᠢ | ᠮᠡᠳᠦ ᠠᠭᠤᠤ ᠶᠡᠭᠡ ᠭᠡᠳᠡᠭ ᠣᠳᠬᠠ ᠲᠠᠢ ᠭᠡᠵᠡᠢ᠃ ᠬᠡᠯᠬᠢᠶᠡᠰᠦ ᠳᠤ ᠬᠡᠯᠡᠭᠰᠡᠨ ᠨᠢ᠄ ᠬᠠᠨ ᠣᠯᠣᠰ ᠤᠨ ᠪᠢᠴᠢᠭ | ᠲᠤ ᠦᠬᠦᠯᠡᠭᠰᠡᠨ ᠨᠢ᠂ ᠴᠠᠨ ᠢᠥᠢ ᠪᠣᠯ ᠯᠣᠸᠠᠨ ᠳ᠋ᠢ ᠣᠪᠣᠭ ᠲᠠᠢ᠃ ᠲᠡᠭᠦᠨ ᠤ ᠣᠯᠣᠰ ᠤᠨ ᠬᠦᠮᠦᠰ ᠴᠠᠨ ᠢᠥᠢ | ᠪᠠᠨ ᠲᠧᠩ ᠯᠢ ᠭᠦ᠋ ᠲᠤ ᠴᠠᠨ ᠢᠥᠢ ︵撑犁孤涂单于︶ ᠬᠡᠮᠡᠮᠣᠢ ᠭᠡᠵᠡᠢ᠃ ᠰᠢᠥᠸᠠᠨ ᠶᠠᠨ ᠤ | ᠵᠣᠬᠢᠶᠠᠭᠰᠠᠨ ᠴᠦᠨ ᠴᠢᠦ ᠭᠡᠳᠡᠭ ᠨᠣᠮ ᠳᠤ ᠦᠬᠦᠯᠡᠭᠰᠡᠨ ᠨᠢ᠄ ᠡᠷᠳᠡ ᠪᠢ ᠬᠠᠨ ᠣᠯᠣᠰ ᠤᠨ ᠪᠢᠴᠢᠭ ᠢ | ᠣᠩᠰᠢᠬᠤᠶᠠ᠂ ᠡᠨᠡᠬᠦ ᠦᠭᠡ ᠶᠠᠮᠠᠷ ᠣᠳᠬᠠ ᠲᠠᠢ ᠶᠢ ᠦᠯᠦ ᠮᠡᠳᠡᠬᠦ ᠪᠠᠶᠢᠯᠤᠭᠠ᠂ ᠬᠠᠵᠠᠭᠤ ᠳᠤ ᠨᠢᠭᠡᠨ ᠬᠣ᠋ ᠪᠣᠭᠤᠯ | ᠪᠠᠶᠢᠵᠣ ᠦᠬᠦᠯᠡᠷᠦᠨ᠄ ︽ᠬᠣ᠋ ᠨᠡᠷ ᠤᠨ ᠲᠡᠭᠷᠢ ᠶᠢᠨ ᠬᠦᠪᠡᠭᠦᠨ ᠭᠡᠳᠡᠭ ᠦᠭᠡ ᠪᠣᠯᠠᠢ︾ ᠬᠡᠮᠡᠵᠣᠬᠦᠢ᠂ ᠡᠨᠡ ᠨᠢ | ᠡᠷᠳᠡᠨ ᠤ ᠨᠣᠮ ᠪᠢᠴᠢᠭ ᠲᠤ ᠦᠬᠦᠯᠡᠭᠰᠡᠨ ᠯᠦᠭᠡ ᠨᠡᠶᠢᠴᠡᠵᠦ ᠠᠮᠣᠢ ᠬᠡᠮᠡᠪᠡᠢ ᠭᠡᠵᠡᠢ᠃ ︽ᠴᠣᠬᠤᠯᠠᠪᠣᠷᠢ︾᠄ | ᠯᠢᠶᠠᠩ᠂ ᠭᠠᠨ᠂ ᠰᠣ᠋᠂ ᠶᠠᠨ᠂ ᠱᠠ ᠵᠡᠷᠭᠡ ᠶᠢᠨ ᠵᠸᠥ ᠶᠢᠨ ᠯᠢᠶᠠᠩ ᠵᠸᠥ ᠪᠣᠯ ᠣᠳᠣᠬᠢ ᠭᠠᠨᠰᠣ ᠮᠣᠵᠢ ᠶᠢᠨ ᠡᠣ | ᠸᠧᠢ ᠬᠤᠳᠠ ᠪᠣᠯᠣᠨᠠ᠂ ᠭᠠᠨ ᠵᠸᠥ ᠨᠢ ᠣᠳᠣᠬᠢ ᠭᠠᠨ ᠰᠣ᠋ ᠮᠣᠵᠢ ᠶᠢᠨ ᠵᠠᠩ ᠶᠧ ᠬᠤᠳᠠ ᠶᠢᠨ ᠨᠢᠭᠡᠨ | ᠲᠣᠭᠤᠷᠢᠭ ᠪᠣᠯᠬᠤ ᠭᠠᠨ ᠵᠸᠥ ᠲᠣᠭᠤᠷᠢᠭ ᠬᠡᠮᠡᠨ ᠨᠡᠷᠡᠯᠡᠵᠦ ᠪᠣᠢ᠂ ᠰᠣ᠋ ᠵᠸᠥ ᠨᠢ ᠣᠳᠣᠬᠢ ᠭᠠᠨ ᠰᠣ᠋ ᠮᠣᠵᠢ ᠶᠢᠨ | ᠵᠢᠦ ᠴᠢᠥᠸᠠᠨ ᠬᠤᠳᠠ ᠶᠢᠨ ᠨᠢᠭᠡᠨ ᠲᠣᠭᠤᠷᠢᠭ ᠪᠣᠯᠵᠠᠢ᠂ ᠶᠠᠨ ᠵᠸᠥ ᠨᠢ ᠣᠳᠣᠬᠢ ᠱᠠᠨᠰᠢ ᠮᠣᠵᠢ ᠶᠢᠨ ᠶᠠᠨ ᠠᠨ | ᠬᠤᠳᠠ ᠣᠷᠴᠢᠮ ᠪᠠᠶᠢᠵᠠᠢ᠂ ᠱᠠ ᠵᠸᠥ ᠨᠢ ᠣᠳᠣ ᠱᠠᠨᠰᠢ ᠮᠣᠵᠢ ᠶᠢᠨ ᠳ᠋ᠦᠨᠬᠤᠸᠠᠩ ᠬᠤᠳᠠ ᠪᠣᠯᠣᠨᠠ᠃ ᠡᠳᠡᠭᠡᠷ | ᠭᠠᠵᠠᠷ ᠣᠣᠯ ᠨᠢ ᠪᠦᠷ ᠷᠸᠥ ᡁᠢ ᠶᠢᠨ ᠨᠣᠳᠤᠭ ᠪᠠᠶᠢᠵᠠᠢ ᠭᠡᠳᠡᠭ ᠦᠭᠡ ᠪᠣᠯᠣᠨᠠ᠃ ᠴᠠᠨ ᠢᠥᠢ (单于) | ᠪᠣᠯᠣᠨ ᠮᠣᠳᠣᠨ ︵冒顿︶ ᠭᠡᠳᠡᠭ ᠬᠤᠶᠠᠷ ᠦᠭᠡ ᠶᠢᠨ ᠣᠳᠬᠠ ᠶᠢ ᠶᠠᠫᠣᠨ ᠤ ᠡᠷᠳᠡᠮᠳᠡᠨ ᠰᠢᠷᠠᠲ᠋ᠣᠷᠢ | ᠺᠢᠷᠠᠺᠦᠴᠢ ︵白鸟库吉︶ ᠠᠪᠣᠭᠠᠢ ᠠᠯᠳᠠᠢ ᠰᠯᠪᠣᠷᠢ ᠶᠢᠨ ᠣᠯᠠᠨ ᠬᠡᠯᠡ ᠶᠢ ᠬᠠᠷᠢᠴᠠᠭᠤᠯᠣᠨ ᠰᠣᠳᠣᠯᠵᠣ | ᠪᠠᠶᠢᠭᠠᠳ ᠭᠠᠷᠭᠠᠭᠰᠠᠨ ᠳ᠋ᠦᠩᠨᠡᠯᠳᠡ ᠪᠠᠷ ᠪᠣᠯ ᠮᠣᠩᠭᠤᠯ ᠬᠡᠯᠡᠨ ᠤ ᠴᠢᠩᠬᠢᠰ ᠪᠣᠯᠣᠨ ᠪᠣᠭᠳᠠ ᠭᠡᠳᠡᠭ ᠦᠭᠡ ᠭᠡᠵᠦ | ᠲᠠᠶᠢᠯᠪᠣᠷᠢᠯᠠᠵᠠᠢ᠃ ᠡᠭᠦᠨ ᠢ ᠪᠢ ᠵᠦᠪ ᠬᠡᠮᠡᠨ ᠦᠵᠡᠨᠡ᠃ 撑犁 ᠭᠡᠳᠡᠭ ᠨᠢ ᠬᠡᠯᠡᠯᠭᠡᠨ ᠦᠭᠡᠢ ᠲᠡᠭᠷᠢ | ᠪᠣᠯᠣᠨᠠ᠃ ᠡᠷᠳᠡᠨ ᠦᠶᠡ ᠶᠢᠨ ᠬᠢᠳᠠᠳ ᠬᠡᠯᠡᠨ ᠳᠤ 撑 ᠪᠠ 腾 ᠪᠦᠷ ᠠᠳᠠᠯᠢᠬᠠᠨ ᠲᠧᠩ ᠭᠡᠳᠡᠭ ᠠᠪᠢᠶᠠ ᠲᠠᠢ | ᠪᠠᠶᠢᠵᠠᠢ᠃ ᠪᠢᠳᠡ ᠣᠳᠣ ᠪᠣᠯ ᠲᠡᠭᠷᠢ ᠭᠡᠵᠦ ᠪᠢᠴᠢᠭᠡᠳ ᠲᠧᠩ ᠭᠧ ᠷᠢ ᠭᠡᠵᠦ ᠣᠩᠰᠢᠨᠠ ᠭᠡᠵᠦ ᠲᠠᠶᠢᠯᠪᠣᠷᠢᠯᠠᠵᠣ | ᠪᠣᠢ᠂ ᠦᠨᠡᠨᠳᠡᠭᠡᠨ ᠲᠡᠭᠷᠢ ᠭᠡᠳᠡᠭ ᠦᠰᠦᠭ ᠪᠣᠯ ᠡᠷᠳᠡᠨ ᠤ ᠰᠣᠭᠳᠠ ᠦᠰᠦᠭ ᠤᠨ ᠪᠢᠴᠢᠭᠯᠡᠬᠦ ᠲᠦᠷᠢᠮ ᠤᠨ | ᠣᠨᠴᠠᠯᠢᠭ ᠢ ᠬᠠᠳᠠᠭᠠᠯᠠᠵᠣ ᠪᠠᠶᠢᠭᠠ ᠦᠰᠦᠭ ᠪᠣᠯᠣᠨᠠ ᠭᠡᠵᠦ ᠮᠣᠩᠭᠤᠯ ᠬᠡᠯᠡᠨ ᠤ ᠡᠷᠳᠡᠮᠳᠡᠳ ᠬᠡᠯᠡᠵᠦ ᠦᠩᠭᠡᠷᠡᠵᠡᠢ | ᠃ ᠲᠠᠷᠣᠢ ᠲ᠊ ᠩ᠊ ᠷᠢ ︵t ng ri︶ ᠪᠠᠷ ᠪᠦᠳᠦᠵᠦ᠂ ᠡᠨᠡ ᠨᠢ ᠰᠣᠭᠳᠠ ᠬᠡᠯᠡᠨ ᠤ ᠡᠭᠡᠰᠢᠭ ᠪᠢᠴᠢᠬᠦ ᠦᠭᠡᠢ | ᠲᠦᠷᠢᠮ ᠠᠴᠠ ᠪᠣᠯᠣᠭᠰᠠᠨ ᠭᠡᠵᠡᠢ᠃ ᠲᠡᠭᠡᠭᠡᠳ ᠡᠳᠦᠬᠡ ᠪᠢᠳᠡ te g ri ᠭᠡᠵᠦ ᠪᠢᠴᠢᠭᠡᠳ ᠲᠡᠩᠭᠡᠷᠢ ᠭᠡᠵᠦ | ᠣᠩᠰᠢᠨᠠ ᠭᠡᠳ ᠯᠡ ᠪᠣᠯᠭᠠᠵᠣ ᠪᠠᠶᠢᠭᠠ ᠪᠢᠯᠡ᠃ ᠡᠶᠢᠮᠦᠷᠬᠦ ᠪᠠᠶᠢᠳᠠᠯ ᠰᠣᠭᠳᠠ ᠦᠰᠦᠭ ᠠᠴᠠ ᠢᠷᠡᠭᠰᠡᠨ ᠳᠡᠳᠦᠢ | ᠣᠴᠢᠷ ᠪᠢᠰᠢ ᠮᠠᠭᠠᠳ᠂ ᠬᠡᠯᠳᠦᠰᠬᠢᠪᠡᠯ ᠡᠷᠳᠡᠨ ᠤ ᠾᠦᠩᠨᠦ ᠨᠡᠷ ᠤᠨ ᠦᠰᠦᠭ ᠪᠢᠴᠢᠭ ᠴᠦ ᠲᠣᠪᠴᠢᠯᠠᠨ ᠪᠢᠴᠢᠬᠦ | ᠪᠣᠶᠣ ᠡᠰᠡᠭᠦᠯᠡ ᠡᠭᠡᠰᠢᠭ ᠪᠢᠴᠢᠬᠦ ᠦᠭᠡᠢ ᠪᠢᠴᠢᠭᠯᠡᠬᠦ ᠲᠦᠷᠢᠮ ᠲᠠᠢ ᠪᠠᠶᠢᠭᠰᠠᠨ ᠪᠣᠯᠣᠯᠳᠠᠢ᠃ ᠡᠭᠦᠨ ᠢ ᠣᠷᠴᠢᠮ ᠤᠨ | ᠰᠣᠯᠣᠩᠭᠤᠳ ᠯ᠊ · ᠬᠤᠷᠴᠠᠪᠠᠭᠠᠳᠣᠷ ᠳ᠋ᠣᠺᠲ᠋ᠣᠷ ᠤᠨ ᠨᠡᠶᠢᠳᠡᠯᠡᠭᠰᠡᠨ ᠾᠦᠩᠨᠦ ᠶᠢᠨ ᠱᠠᠭᠠ ᠪᠢᠴᠢᠭ ᠠᠴᠠ ᠦᠵᠡᠪᠡᠯ | ᠪᠠᠷᠤᠭ ᠡᠶᠢᠮᠦ ᠪᠠᠶᠢᠭᠰᠠᠨ ᠮᠠᠭᠠᠳᠯᠠᠯ ᠲᠠᠢ ᠪᠠᠶᠢᠨᠠ᠃ 孤涂 ᠨᠢ ᠬᠤᠳᠤᠭ ᠭᠡᠳᠡᠭ ᠦᠭᠡ ᠪᠣᠯᠣᠨᠠ᠂ ᠪᠦᠬᠦᠯᠢ | ᠳᠤᠨᠢ ᠦᠵᠡᠪᠡᠯ ︽ᠲᠡᠭᠷᠢ ᠶᠢᠨ ᠬᠤᠳᠣᠭᠳᠣ ᠴᠠᠨ ᠢᠥᠢ︾ ᠭᠡᠰᠡᠨ ᠦᠭᠡ ᠪᠣᠯᠬᠤ ᠠᠵᠠᠢ᠃ ᠲᠡᠭᠷᠢ ᠶᠢᠨ | ᠬᠤᠳᠣᠭᠳᠣ ᠭᠡᠪᠡᠯ ᠲᠡᠭᠷᠢ ᠠᠴᠠ ᠡᠰᠢ ᠲᠠᠢ ᠭᠡᠬᠦ ᠪᠣᠶᠣ ᠲᠡᠭᠷᠢ ᠳ᠋ᠡᠴᠡ ᠲᠦᠷᠦᠭᠦᠯᠦᠭᠰᠡᠨ ᠡᠰᠡ ᠪᠦᠭᠡᠰᠦ ᠲᠡᠭᠷᠢ | ᠠᠴᠠ ᠵᠠᠶᠠᠭᠠᠳᠣ ᠭᠡᠳᠡᠭ ᠣᠳᠬᠠ ᠪᠦᠬᠦᠢ ᠦᠭᠡ ᠪᠣᠯᠣᠨᠠ᠃ ᠰᠢᠭᠤᠳ ᠶᠠᠷᠢᠪᠠᠯ ᠲᠡᠭᠷᠢ ᠶᠢᠨ ᠬᠦᠪᠡᠭᠦᠨ ᠭᠡᠳᠡᠭ | ᠦᠭᠡ ᠪᠢᠵᠡ᠃ ᠡᠶᠢᠮᠦ ᠠᠴᠠ ᠬᠤᠸᠠᠩ ᠹᠦ᠋ ᠮᠢ ︵ᠰᠢᠥᠸᠠᠨ ᠶᠠᠨ︶ ᠶᠢᠨ ᠬᠣ᠋ ᠪᠣᠭᠤᠯ ᠠᠴᠠ ᠲᠡᠬᠦᠨ ᠳᠤ᠂ 撑犁 | 孤涂 ᠭᠡᠳᠡᠭ ᠦᠭᠡ ᠶᠢ᠄ ︽ᠬᠣ᠋ ᠨᠡᠷ ᠤᠨ ᠲᠡᠭᠷᠢ ᠶᠢᠨ ᠬᠦᠪᠡᠭᠦᠨ ᠭᠡᠳᠡᠭ ᠦᠭᠡ ᠮᠦᠨ︾ ᠭᠡᠵᠦ ᠬᠡᠯᠡᠵᠦ | ᠦᠭᠭᠦᠭᠰᠡᠨ ᠨᠢ ᠭᠤᠣᠯᠳᠠᠭᠤ ᠬᠢᠳᠠᠳ ᠬᠦᠮᠦᠨ ᠪᠣᠯ ᠰᠢᠭᠤᠳ ᠲᠡᠭᠷᠢ ᠶᠢᠨ ᠬᠦᠪᠡᠭᠦᠨ ᠭᠡᠵᠦ ᠬᠡᠯᠡᠳᠡᠭ ᠵᠣᠷᠰᠢᠯ ᠢ | ᠦᠨᠳᠦᠰᠦᠯᠡᠵᠦ ᠣᠷᠴᠢᠭᠤᠯᠣᠭᠰᠠᠨ ᠦᠭᠡ ᠪᠣᠯᠬᠤ ᠠᠵᠠᠢ᠃ ᠮᠣᠩᠭᠤᠯ ᠾᠦᠩᠨᠦ ᠬᠡᠯᠡᠨ ᠳᠤ ᠪᠣᠯ ᠲᠡᠭᠷᠢ ᠠᠴᠠ | ᠡᠰᠢᠲᠦ᠂ ᠲᠡᠭᠷᠢ ᠠᠴᠠ ᠵᠠᠶᠠᠭᠠᠳᠣ᠂ ᠲᠡᠭᠷᠢ ᠶᠢᠨ ᠬᠤᠳᠣᠭᠳᠣ ᠭᠡᠵᠦ ᠬᠡᠯᠡᠬᠦ ᠠᠴᠠ ᠪᠢᠰᠢ ᠰᠢᠭᠤᠳ ᠲᠡᠭᠷᠢ ᠶᠢᠨ | ᠬᠦᠪᠡᠭᠦᠨ ᠭᠡᠵᠦ ᠬᠡᠯᠡᠬᠦ ᠦᠭᠡᠢ ᠪᠠᠶᠢᠭᠰᠠᠨ ᠪᠣᠯᠣᠯᠳᠠᠢ᠃ ᠣᠯᠠᠨ ᠡᠷᠳᠡᠮᠳᠡᠨ 孤涂 ᠶᠢᠨ 孤 ︵ᠭᠦ᠋︶ ᠶᠢ ᠨᠢ | ᠬᠦᠥ ᠭᠡᠵᠦ ᠲᠠᠶᠢᠯᠪᠣᠷᠢᠯᠠᠭᠠᠳ 涂 ︵ ᠲᠤ︶ ᠶᠢ ᠨᠢ ᠬᠦᠥ ᠲᠠᠢ ᠪᠠᠨ ᠬᠤᠯᠪᠣᠵᠣ ᠲᠡᠶᠢᠯᠬᠦ ᠦᠭᠡᠢ ᠠᠷᠭᠠ | ᠪᠠᠷᠠᠳᠠᠭ ᠪᠠᠶᠢᠨᠠ᠃ ᠦᠨᠡᠨ ᠲᠡᠭᠡᠨ ᠬᠤᠳᠣᠭᠳᠣ ᠭᠡᠳᠡᠭ ᠦᠭᠡ ᠶᠢᠨ ᠬᠢᠳᠠᠳ ᠠᠪᠢᠶᠠᠯᠠᠯᠭᠠ ᠪᠣᠯᠬᠤ ᠯᠠ ᠲᠡᠳᠦᠢ | ᠪᠢᠵᠡ᠃ ᠲᠠᠬᠢᠨ ᠬᠡᠯᠡᠪᠡᠯ ᠡᠷᠳᠡᠨ ᠤ ᠮᠣᠩᠭᠤᠯ ᠬᠡᠯᠡᠨ ᠳᠤ ᠠ ᠬᠠ ᠭᠠ ᠺᠠ ᠶᠢ ᠢᠯᠭᠠᠬᠤ ᠦᠭᠡᠢ ᠦᠵᠡᠭᠳᠡᠯ | ᠶᠡᠬᠡᠯᠡ ᠲᠦᠭᠡᠮᠡᠯ ᠣᠷᠣᠰᠢᠵᠣ ᠪᠠᠶᠢᠵᠠᠢ ᠭᠡᠳᠡᠭ ᠢ ᠣᠶᠢᠯᠭᠠᠬᠤ ᠴᠢᠬᠤᠯᠠ ᠲᠠᠢ ᠪᠠᠶᠢᠨᠠ᠃ ᠨᠦᠬᠦᠭᠡ ᠲᠠᠯᠠ ᠪᠠᠷ | ᠪᠠᠰᠠ ᠠᠩᠬᠠᠷᠬᠤ ᠴᠢᠬᠤᠯᠠ ᠲᠠᠢ ᠨᠢ ᠪᠢᠳᠡ ᠡᠷᠳᠡᠨ ᠤ ᠮᠣᠩᠭᠤᠯ ᠦᠭᠡ ᠶᠢ ᠲᠠᠶᠢᠯᠪᠣᠷᠢᠯᠠᠶᠠ ᠭᠡᠪᠡᠯ ᠠᠷᠪᠠᠨ | ᠭᠤᠷᠪᠠᠳᠣᠭᠠᠷ ᠵᠠᠭᠤᠨ ᠤ ᠨᠢᠭᠤᠴᠠ ᠲᠣᠪᠴᠢᠶᠠᠨ ᠠᠴᠠ ᠡᠷᠢᠬᠦ ᠨᠢ ᠣᠯᠠᠨ ᠪᠠᠶᠢᠳᠠᠭ᠂ ᠭᠡᠪᠡᠴᠦ ᠨᠢᠭᠤᠴᠠ | ᠲᠣᠪᠴᠢᠶᠠᠨ ᠪᠣᠯ ᠴᠢᠩᠬᠢᠰ ᠬᠠᠭᠠᠨ ᠤ ᠭᠡᠷ ᠪᠦᠯᠢ ᠪᠠᠷ ᠭᠤᠣᠯ ᠪᠣᠯᠭᠠᠭᠰᠠᠨ ᠵᠦᠪᠬᠡᠨ ᠲᠣᠬᠠᠢ ᠶᠢᠨ ᠦᠶᠡ ᠶᠢᠨ ︽ | ᠮᠣᠩᠭᠤᠯ︾ ᠠᠶᠢᠮᠠᠭ ᠤᠨ ᠨᠣᠳᠤᠭ ᠤᠨ ᠬᠡᠯᠡ ᠪᠣᠯᠣᠨᠠ᠃ ᠦᠭᠡᠷᠡ ᠪᠠᠷ ᠬᠡᠯᠡᠪᠡᠯ ᠡᠭᠦᠨ ᠠᠴᠠ ᠣᠨᠳᠣᠥ ᠪᠠᠰᠠ | ᠦᠢ ᠣᠯᠠᠨ ᠪᠣᠰᠣᠳ ᠮᠣᠩᠭᠤᠯ ᠬᠡᠯᠡᠳᠡᠨ ᠠᠶᠢᠮᠠᠭ ᠨᠤᠭᠤᠳ ᠪᠦᠷ ᠦᠪᠡᠷ ᠦᠪᠡᠷ ᠤᠨ ᠨᠣᠳᠤᠭ ᠤᠨ ᠠᠪᠢᠶᠠ ᠪᠠᠷ | ᠢᠶᠠᠨ ᠶᠠᠷᠢᠯᠴᠠᠵᠣ ᠪᠠᠶᠢᠭᠰᠠᠨ ᠨᠢ ᠯᠠᠪᠳᠠᠢ ᠶᠣᠮ᠃ ᠡᠶᠢᠮᠦ ᠠᠴᠠ ᠵᠠᠪᠠᠯ ᠨᠢᠭᠤᠴᠠ ᠲᠣᠪᠴᠢᠶᠠᠨ ᠲᠠᠬᠢ ᠦᠭᠡ | ᠠᠶᠠᠯᠭᠤ ᠪᠠᠷ ᠪᠠᠷᠢᠮᠵᠢᠶᠠᠯᠠᠬᠤ ᠶᠣᠮ ᠪᠣᠯ ᠭᠦᠢᠴᠡᠳ ᠪᠣᠯᠵᠣ ᠴᠢᠳᠠᠬᠤ ᠦᠭᠡᠢ ᠨᠢ ᠮᠡᠳᠡᠭᠡᠵᠢ ᠪᠣᠯᠬᠤᠷ ᠪᠣᠰᠣᠳ | ᠮᠣᠩᠭᠤᠯ ᠠᠶᠢᠮᠠᠭ ᠤᠨ ᠨᠣᠳᠤᠭ ᠤᠨ ᠠᠪᠢᠶᠠ ᠶᠢ ᠵᠦᠢᠴᠢᠯᠡᠨ ᠯᠠᠪᠯᠠᠬᠤ ᠨᠢ ᠵᠦᠢᠳᠡᠢ ᠪᠢᠵᠡ᠃ | ᠮᠣᠳᠣᠨ ︵冒顿︶ ᠪᠠ ᠴᠠᠨ ᠢᠥᠢ ᠭᠡᠳᠡᠭ ᠦᠭᠡ ᠶᠢᠨ ᠲᠣᠬᠠᠢ᠂ ᠶᠠᠫᠣᠨ ᠤ ᠡᠷᠳᠡᠮᠳᠡᠨ ᠰᠢᠷᠠᠲ᠋ᠣᠷᠢ | ᠺᠢᠷᠠᠺᠦᠴᠢ ᠠᠪᠣᠭᠠᠢ ᠠᠯᠳᠠᠢ ᠶᠢᠨ ᠣᠯᠠᠨ ᠬᠡᠯᠡᠨ ᠶᠢ ᠬᠠᠷᠢᠴᠠᠭᠤᠯᠣᠭᠰᠠᠨ ᠰᠣᠳᠣᠯᠣᠯᠭᠠ ᠬᠢᠭᠰᠡᠨ ᠰᠠᠭᠤᠷᠢᠨ ᠲᠡᠭᠡᠷᠡ | ᠾᠦᠩᠨᠦ ᠦᠭᠡ ᠶᠢ ᠲᠠᠶᠢᠯᠪᠣᠷᠢᠯᠠᠬᠤ ᠲᠠᠭᠠᠨ ᠪᠣᠭᠳᠠ ᠪᠠ ᠴᠢᠩᠬᠢᠰ ᠭᠡᠵᠦ ᠰᠡᠷᠭᠦᠭᠡᠭᠰᠡᠨ ᠶᠣᠮ᠃ ᠪᠢ ᠴᠣ᠋ ᠡᠨᠡᠬᠦ | ᠬᠡᠯᠡᠯᠭᠡ ᠶᠢ ᠵᠦᠪᠰᠢᠶᠡᠷᠡᠨᠡ᠃ ᠣᠳᠣ ᠪᠣᠯ 冒 ᠨᠢ ᠮᠣᠤ ᠪᠠ ᠮᠦᠸᠧ ᠬᠤᠶᠠᠷ ᠣᠩᠰᠢᠯᠭᠠ ᠲᠠᠢ᠂ ᠭᠡᠪᠡᠴᠦ ᠠᠳᠡ | ᠮᠢᠨᠦ ᠬᠡᠯᠡᠬᠦ ᠵᠦᠢᠯ ᠪᠣᠯ ᠡᠷᠳᠡᠨ ᠤ ᠬᠢᠳᠠᠳ ᠦᠰᠦᠭ ᠪᠣᠯ ᠣᠩᠰᠢᠯᠭᠠ ᠨᠢ ᠮᠠᠰᠢ ᠪᠣᠳᠣᠯᠢᠶᠠᠨ ᠲᠠᠢ ᠪᠠᠶᠢᠵᠠᠢ᠃ | ᠣᠯᠠᠩᠬᠢ ᠦᠰᠦᠭ ᠲᠤᠨᠢ ᠠᠪᠢᠶᠠᠨ ᠤ ᠡᠬᠢᠯᠡᠪᠣᠷᠢ ︵韵头︶ ᠪᠠ ᠠᠪᠢᠶᠠᠨ ᠤ ᠰᠡᠬᠦᠯ ︵韵尾︶ ᠭᠡᠳᠡᠭ | ᠶᠠᠭᠤᠮᠠ ᠲᠠᠢ ᠪᠠᠶᠢᠵᠠᠢ᠃ ᠡᠳᠡᠭᠡᠷ ᠨᠢ ᠡᠷᠳᠡᠨ ᠦᠶᠡ ᠳᠤ ᠬᠢᠳᠠᠳ ᠦᠰᠦᠭ ᠴᠦᠬᠡᠨ ᠪᠦᠭᠡᠳ ᠠᠪᠢᠶᠠ ᠨᠢ ᠴᠣ᠋ | ᠴᠦᠬᠡᠨ ᠪᠣᠯᠬᠤᠷ ᠬᠠᠷᠢᠯᠴᠠᠨ ᠢᠯᠭᠠᠬᠤ ᠡᠬᠦᠳᠡᠨ ᠠᠴᠠ ᠡᠶᠢᠮᠦ ᠶᠠᠭᠤᠮᠠ ᠪᠠᠶᠢᠭᠰᠠᠨ ᠴᠣ᠋ ᠪᠣᠯᠪᠠᠥ︖ ᠡᠰᠡᠬᠦᠯᠡ | ᠮᠦᠨ ᠵᠠᠯᠭᠠᠮᠠᠯ ᠬᠡᠯᠡ ᠠᠴᠠ ᠣᠯᠠᠷᠢᠵᠣ ᠢᠷᠡᠭᠰᠡᠨ ᠦᠰᠦᠭ ᠴᠦ ᠶᠣᠮ ᠤᠤ ᠭᠡᠵᠦ ᠪᠣᠳᠣᠳᠠᠭ᠃ ᠲᠣᠣᠷᠠ ᠴᠦᠬᠡᠨ | ᠬᠡᠳᠦᠨ ᠠᠮᠠᠷᠬᠠᠨ ᠣᠶᠢᠯᠭᠠᠬᠤ ᠵᠢᠱᠢᠶᠡ ᠪᠠᠷ ᠦᠵᠡᠬᠦᠯᠦᠶᠡ᠄ 越南 ᠭᠡᠳᠡᠭ ᠣᠯᠣᠰ ᠤᠨ ᠨᠡᠷᠡ ᠶᠢ ᠸᠢᠶᠧᠲᠨᠠᠮ | ᠭᠡᠵᠦ ᠪᠢᠴᠢᠳᠡᠭ ᠢ ᠬᠦᠮᠦᠨ ᠪᠦᠬᠦᠨ ᠮᠡᠳᠡᠨᠡ᠃ ᠲᠡᠭᠦᠨ ᠤ ᠠᠩᠭ᠍ᠯᠢ ᠭᠠᠯᠢᠭ ᠨᠢ Viet Nam ᠭᠡᠵᠦ᠂ | ᠣᠩᠰᠢᠯᠭᠠ ᠨᠢ ᠮᠦᠨ ᠸᠢᠶᠧᠲᠨᠠᠮ ᠭᠡᠵᠦ ᠣᠩᠰᠢᠨᠠ᠃ ᠡᠨᠡ ᠪᠣᠯ ᠦᠨᠡᠨᠳᠡᠭᠡᠨ ᠸᠢᠶᠧᠲ ︵越Viet︶ ᠪᠣᠯᠣᠨ | ᠨᠠᠮ ︵南 Nam︶ ᠪᠣᠯ ᠡᠷᠳᠡᠨ ᠤ ᠣᠩᠰᠢᠯᠭᠠ ᠪᠠᠨ ᠬᠠᠳᠠᠭᠠᠯᠠᠵᠣ ᠪᠠᠶᠢᠭᠠ ᠬᠤᠶᠠᠷ ᠬᠢᠳᠠᠳ ᠦᠰᠦᠭ ᠢᠶᠠᠷ | ᠪᠦᠷᠢᠯᠳᠦᠭᠰᠡᠨ ᠢ ᠬᠠᠷᠠᠭᠤᠯᠵᠣ ᠪᠠᠶᠢᠭᠠ ᠶᠣᠮ᠃ ᠡᠷᠳᠡᠨ ᠦᠶᠡ ᠳᠤ 越 ᠦᠰᠦᠭ ᠲᠤ ᠨᠢᠭᠡᠨ ᠲ ᠠᠪᠢᠶᠠᠨᠨ ᠤ | ᠰᠡᠬᠦᠯ ᠲᠠᠢ ᠪᠠᠶᠢᠵᠣ᠂ 南 ᠦᠰᠦᠭ ᠲᠤ ᠪᠣᠯ ᠨᠢᠭᠡ ᠮ ᠠᠪᠢᠶᠠᠨ ᠤ ᠰᠡᠬᠦᠯ ᠲᠠᠢ ᠪᠠᠶᠢᠵᠠᠢ ᠭᠡᠰᠡᠨ ᠦᠭᠡ ᠮᠦᠨ᠃ | ᠲᠠᠷᠠᠭᠠ ᠨᠢ ᠪᠣᠮᠪᠠᠢ ︵Bombay︶ ᠭᠡᠳᠡᠭ ᠦᠭᠡ ᠶᠢ ᠦᠵᠡᠶᠡ᠄ ᠪᠣᠮᠪᠠᠢ ᠪᠣᠯ ᠡᠨᠡᠳᠬᠡᠭ ᠤᠨ ᠨᠢᠭᠡᠨ ᠶᠡᠭᠡ | ᠬᠤᠳᠠ ᠪᠣᠯᠣᠨᠠ᠃ ᠬᠦᠭᠵᠢᠯ ᠰᠠᠶᠢᠳᠠᠢ ᠬᠤᠳᠠ ᠪᠠᠶᠢᠭᠰᠠᠨ ᠪᠣᠯᠬᠤᠷ ᠬᠦᠮᠦᠨ ᠤ ᠶᠢᠷᠲᠢᠨᠴᠦ ᠶᠢᠨ ᠳ᠋ᠧᠪᠠᠵᠠᠨ ᠭᠡᠵᠦ | ᠠᠯᠳᠠᠷᠰᠢᠵᠠᠢ᠃ ᠡᠨᠡᠬᠦ ᠬᠤᠳᠠᠨ ᠤ ᠡᠷᠳᠡᠨ ᠤ ᠨᠡᠷᠡ ᠨᠢ ᠲᠠᠷᠣᠢ ᠪᠣᠮᠪᠠᠢ᠂ ᠮᠣᠩᠭᠤᠯ ᠬᠡᠯᠡᠨ ᠳᠤ ᠣᠷᠣᠬᠤ ᠲᠠᠭᠠᠨ | ᠪᠣᠮᠪᠠ ᠪᠣᠯᠵᠣ᠂ ᠪᠣᠷᠬᠠᠨ ᠪᠣᠮᠪᠠ ᠶᠢᠨ ᠣᠷᠣᠨ ᠭᠡᠵᠦ ᠬᠤᠯᠪᠣᠨ ᠬᠡᠯᠡᠳᠡᠭ ᠪᠣᠯᠵᠠᠢ᠃ ᠲᠣᠰ ᠨᠡᠷᠡ ᠬᠢᠳᠠᠳ ᠬᠡᠯᠡᠨ | ᠳᠤ ᠣᠷᠣᠬᠤ ᠲᠠᠭᠠᠨ ᠮᠧᠩ ᠮᠠᠢ ᠪᠣᠯᠵᠠᠢ᠃ ᠲᠠᠷᠣᠢ ᠪᠣᠮ ᠦᠰᠦᠭ ᠤᠨ ᠲᠡᠭᠡᠷᠡ ᠨᠢᠭᠡ ᠮ᠊ ᠠᠪᠢᠶᠠᠨ ᠤ ᠡᠬᠢᠯᠡᠪᠣᠷᠢ | ᠲᠠᠢ ᠣᠩᠰᠢᠭᠳᠠᠵᠣ᠂ ᠪᠠᠢ ᠦᠰᠦᠭ ᠲᠤ ᠨᠢ ᠪᠣᠮ ᠤᠨ ᠮ ᠨᠢ ᠠᠪᠢᠶᠠᠨ ᠤ ᠡᠬᠢᠯᠡᠪᠣᠷᠢ ᠪᠣᠯᠣᠨ ᠣᠩᠰᠢᠭᠰᠠᠨ ᠠᠴᠠ | ᠪᠣᠯᠣᠭᠰᠠᠨ ᠮᠧᠩ ᠮᠠᠢ ᠠᠵᠠᠢ᠃ ᠦᠭᠡᠷᠡ ᠪᠠᠷ ᠬᠡᠯᠡᠪᠡᠯ ᠪᠦᠷ ᠠᠪᠢᠶᠠᠨ ᠤ ᠡᠬᠢᠯᠡᠪᠣᠷᠢ ᠪᠠᠷ ᠨᠢ ᠠᠪᠢᠶᠠᠯᠠᠭᠰᠠᠨ | ᠪᠠᠶᠢᠭᠠ ᠠᠵᠠᠢ᠃ ᠡᠳᠡᠭᠡᠷ ᠠᠴᠠ ᠦᠵᠡᠪᠡᠯ ᠶᠠᠫᠣᠨ ᠡᠷᠳᠡᠮᠳᠡᠨ ᠰᠢᠷᠠᠲ᠋ᠣᠷᠢ ᠠᠪᠣᠭᠠᠢ ᠶᠢᠨ 冒顿 ᠭᠡᠳᠡᠭ ᠦᠭᠡ | ᠶᠢ ᠪᠣᠭᠳᠠ ᠭᠡᠵᠦ ᠰᠡᠷᠭᠦᠭᠡᠭᠰᠡᠨ ᠢ ᠵᠦᠪ ᠪᠣᠯᠬᠤ ᠪᠣᠯᠣᠯᠴᠠᠭᠠ ᠶᠡᠭᠡ ᠪᠠᠶᠢᠨᠠ ᠭᠡᠵᠦ ᠦᠵᠡᠵᠦ ᠪᠠᠶᠢᠨᠠ᠃ ᠣᠴᠢᠷ | ᠨᠢ 冒 ᠪᠣᠯ ᠪᠣᠭᠳᠠ ᠶᠢᠨ ᠪᠤ ᠶᠢ ᠠᠪᠢᠶᠠᠯᠬᠤ ᠳᠠᠭᠠᠨ ᠲᠡᠭᠦᠨ ᠤ ᠠᠪᠢᠶᠠᠨ ᠤ ᠡᠬᠢᠯᠡᠪᠣᠷᠢ ᠪᠣᠯᠬᠤ ᠮ᠊ ᠪᠠᠷ | ᠠᠪᠢᠶᠠᠯᠠᠭᠰᠠᠨ ᠬᠡᠷᠡᠭ ᠪᠣᠯᠬᠤ ᠶᠣᠮ᠃ ᠲᠠᠬᠢᠨ ᠬᠡᠯᠡᠪᠡᠯ Bogdo ︵冒毒᠂ ᠪᠣᠭᠳᠣ︶ ᠭᠡᠬᠦ ᠪᠣᠶᠣ | Bogdon ︵冒顿᠂ ᠪᠣᠭᠳᠣᠨ︶ ᠭᠡᠬᠦ ᠬᠤᠶᠠᠷ ᠦᠭᠡ ᠶᠠᠭ ᠰᠠᠶᠢᠬᠠᠨ ᠮᠣᠩᠭᠤᠯ ᠦᠭᠡ ᠶᠢᠨ ᠪᠣᠭᠳᠠ ᠭᠡᠬᠦ | ᠪᠣᠶᠣ ᠪᠣᠭᠳᠠᠨ ᠭᠡᠳᠡᠭ ᠦᠭᠡ ᠶᠢᠨ ᠬᠠᠷᠠ ᠶᠠᠷᠢᠶᠠᠨ ᠤ ᠠᠪᠢᠶᠠᠯᠠᠯᠭᠠ ᠲᠠᠢ ᠶᠠᠪ ᠴᠠᠪ ᠵᠣᠬᠢᠴᠠᠵᠣ ᠪᠠᠶᠢᠨᠠ᠃ | | ᠪᠡᠯᠡᠳᠬᠡᠭᠰᠡᠨ ᠨᠢ᠄ ᠡᠷᠳᠡᠨᠢᠬᠦᠦ | ᠨᠠᠶᠢᠷᠠᠭᠤᠯᠤᠭᠰᠠᠨ ᠨᠢ᠄ ᠨᠠᠮᠤᠷ | ᠬᠢᠨᠠᠭᠰᠠᠨ ᠨᠢ᠄ ᠤᠷᠢᠬᠠᠨ |