| | ᠭᠤᠤ ︵高︶ ᠨᠢ ᠦᠨᠳᠦᠷ ᠭᠡᠳᠡᠭ ᠦᠭᠡ᠂ ᠴᠢᠥᠸᠠᠢ ︵阙︶ ᠨᠢ ᠬᠢᠳᠠᠳ ᠬᠡᠯᠡᠨ ᠳᠤ ᠣᠷᠳᠣᠨ ᠬᠠᠷᠰᠢ | ᠶᠢᠨ ᠲᠣᠮᠣ ᠡᠭᠦᠳᠡᠨ ᠤ ᠬᠠᠵᠠᠭᠤᠪᠴᠢ ᠪᠣᠯᠬᠤ ᠦᠨᠳᠦᠷ ᠬᠡᠷᠡᠮ ᠲᠠᠭᠳᠣ ᠠᠰᠠᠷ ᠪᠠᠷᠢᠯᠭᠠ ᠪᠣᠯᠣᠨᠠ᠃ ᠣᠣᠯ ᠦᠭᠡ | ᠨᠢ ︽ᠯᠢᠶᠠᠨ ᠱᠠᠨ ︵ᠣᠳᠣᠬᠢ ᠲᠠᠯᠠᠨ ᠬᠠᠷᠠ ᠠᠭᠤᠯᠠ︶ ᠠᠭᠤᠯᠠᠨ ᠤ ᠠᠰᠬᠠ ᠪᠠᠷᠳᠠᠭᠠ ᠠᠨᠣ ᠴᠠᠭᠠᠨ ᠬᠡᠷᠡᠮ | ᠮᠡᠳᠦ᠂ ᠲᠡᠭᠦᠨ ᠤ ᠲᠣᠮᠳᠠ ᠪᠠᠨ ᠲᠠᠰᠣᠷᠬᠠᠢ ᠭᠠᠷᠴᠣ᠂ ᠬᠤᠶᠠᠷ ᠲᠠᠯᠠ ᠶᠢᠨ ᠬᠠᠳᠠ ᠬᠠᠯᠢᠯ ᠰᠦᠨᠳᠡᠷᠯᠡᠨ ᠶᠠᠭ | ᠲᠣᠮᠣ ᠡᠬᠦᠳᠡᠨ ᠤ ᠬᠠᠵᠠᠭᠤᠪᠴᠢ ᠪᠠᠷᠢᠯᠭᠠ ᠮᠡᠳᠦ᠂ ᠨᠣᠳᠤᠭ ᠤᠨ ᠨᠡᠷᠡ ᠨᠢ ᠭᠤᠣ ᠴᠢᠥᠸᠠᠢ ᠬᠡᠮᠡᠮᠣᠢ︾ ᠭᠡᠵᠡᠢ᠃ | ᠡᠶᠢᠮᠦ ᠠᠴᠠ ᠭᠤᠣ ᠴᠢᠥᠸᠠᠢ ᠭᠡᠳᠡᠭ ᠦᠭᠡ ᠪᠣᠯ ᠠᠭᠤᠯᠠ ᠬᠠᠳᠠᠨ ᠤ ᠲᠠᠰᠣᠷᠬᠠᠢ ᠶᠢ ᠨᠣᠳᠤᠭ ᠤᠨ ᠢᠷᠭᠡᠳ ᠤᠨ | ᠨᠡᠷᠡᠯᠡᠳᠡᠭ ᠦᠭᠡ ᠠᠵᠠᠢ᠃ ᠦᠭᠡᠷᠡ ᠪᠠᠷ ᠬᠡᠯᠡᠪᠡᠯ ᠭᠤᠤ ᠴᠢᠥᠸᠠᠢ ᠪᠣᠯ ᠨᠣᠳᠤᠭ ᠤᠨ ᠦᠭᠡ ᠶᠢᠨ ᠬᠢᠳᠠᠳ | ᠠᠪᠢᠶᠠᠯᠠᠯᠭᠠ ᠪᠣᠯᠣᠨᠠ ᠭᠡᠳᠡᠭ ᠢ ᠮᠡᠳᠡᠵᠦ ᠪᠣᠯᠣᠨᠠ᠃ ᠲᠡᠭᠡᠪᠡᠯ ᠨᠣᠳᠤᠭ ᠤᠨ ᠢᠷᠭᠡᠳ ᠨᠢ ᠬᠡᠯᠡᠯᠭᠡᠨ ᠦᠭᠡᠢ | ᠬᠢᠳᠠᠳ ᠢᠷᠭᠡᠳ ᠪᠢᠰᠢ᠂ ᠬᠠᠷᠢᠨ ᠷᠦᠩ ᠳ᠋ᠢ ᠨᠡᠷ ᠪᠣᠯᠣᠨᠠ᠃ ᠭᠤᠣ ᠴᠢᠥᠸᠠᠢ ᠭᠡᠳᠡᠭ ᠶᠠᠮᠠᠷ ᠦᠭᠡ ᠪᠣᠢ ᠭᠡᠪᠡᠯ | ᠮᠢᠨᠦ ᠰᠡᠷᠭᠦᠭᠡᠯᠳᠡ ᠪᠠᠷ ᠪᠣᠯ ᠬᠠᠪᠴᠢᠯ ︵ᠬᠠᠪᠴᠢᠯ ᠪᠣᠶᠣ ᠭᠠᠪᠴᠢᠯ ᠡᠰᠡᠬᠦᠯᠡ ᠺᠠᠪᠴᠢᠯ︶ ᠭᠡᠳᠡᠭ ᠾᠦᠩᠨᠦ ︵ | ᠮᠣᠩᠭᠤᠯ︶ ᠦᠭᠡ ᠪᠣᠯᠬᠤ ᠨᠢ ᠭᠠᠷᠴᠠᠭᠠ ᠦᠭᠡᠢ᠃ ᠲᠣᠰ ᠭᠠᠵᠠᠷ ᠣᠳᠣ ᠦᠪᠦᠷ ᠮᠣᠩᠭᠤᠯ ᠤᠨ ᠪᠠᠶᠠᠨᠨᠠᠭᠤᠷ | ᠠᠶᠢᠮᠠᠭ ᠤᠨ ᠬᠠᠩᠬᠢᠨ ᠬᠤᠶᠢᠳᠣ ᠬᠤᠰᠢᠭᠤᠨ ᠤ ᠪᠠᠷᠠᠭᠤᠨ ᠬᠤᠶᠢᠨᠠ ᠪᠠᠶᠢᠬᠤ ᠠᠭᠤᠯᠠᠨ ᠳᠠᠰᠣᠷᠬᠠᠢ ᠪᠣᠯᠣᠨᠠ ᠭᠡᠵᠦ | ᠬᠡᠯᠡᠬᠦ ᠬᠦᠮᠦᠨ ᠪᠣᠢ᠂ ᠡᠬᠦᠨ ᠢ ᠣᠳᠣ ᠴᠣ᠋ ᠨᠣᠳᠤᠭ ᠤᠨ ᠬᠦᠮᠦᠰ ᠬᠠᠪᠴᠢᠯ ᠭᠡᠵᠦ ᠨᠡᠷᠡᠯᠡᠭᠰᠡᠭᠡᠷ ᠪᠠᠶᠢᠨᠠ ᠭᠡᠳᠡᠭ᠃ | ᠪᠠᠰᠠ ᠣᠷᠠᠳ ᠤᠨ ᠬᠤᠶᠢᠳᠣ ᠬᠤᠰᠢᠭᠤᠨ ᠤ ᠬᠦᠬᠡ ᠦᠨᠳᠦᠷ ᠪᠠᠯᠭᠠᠰᠣ ᠶᠢᠨ ᠨᠠᠷᠠᠨ ᠦᠪᠦᠷ ᠭᠠᠴᠠᠭᠠ ᠶᠢᠨ ᠠᠷᠣ | ᠳᠤ ᠪᠠᠶᠢᠭᠠ ᠠᠭᠤᠯᠠᠨ ᠲᠠᠰᠣᠷᠬᠠᠢ ᠶᠢ ᠭᠤᠣ ᠴᠢᠥᠸᠠᠢ ᠭᠡᠵᠦ ᠪᠠᠶᠢᠭᠠ ᠭᠡᠨᠡ᠃ ᠴᠣᠬᠤᠮ ᠠᠯᠢᠨ ᠦᠨᠡᠨ ᠡᠷᠳᠡᠨ ᠤ | ᠬᠠᠪᠴᠢᠯ ᠴᠠᠶᠢᠵᠠ ︵ᠭᠤᠤ ᠴᠢᠥᠸᠠᠢ ᠰᠠᠢ︶ ᠪᠣᠯᠬᠤ ᠶᠢ ᠮᠡᠳᠡᠬᠦ ᠦᠭᠡᠢ᠃ ᠭᠤᠣ ᠴᠢᠥᠸᠠᠢ ᠪᠣᠯ ᠵᠣᠤ ᠣᠯᠣᠰ ᠤᠨ | ᠴᠠᠭᠠᠨ ᠬᠡᠷᠡᠮ ᠤᠨ ᠲᠡᠭᠦᠰᠭᠡᠯ ᠪᠣᠯᠣᠨᠠ᠃ ᠲᠣᠰ ᠭᠠᠵᠠᠷ ᠪᠣᠭᠤᠮᠳᠠ ᠪᠠᠶᠢᠭᠤᠯᠣᠨ ᠭᠤᠣ ᠴᠢᠥᠸᠠᠢ ᠰᠠᠢ ᠭᠡᠵᠦ | ᠨᠡᠷᠡᠯᠡᠭᠰᠡᠨ ᠠᠵᠠᠢ᠃ ᠴᠢᠨ ᠱᠢ ᠬᠤᠸᠠᠩ ᠤᠨ ᠴᠠᠳᠢᠭ ᠲᠤ ᠬᠡᠯᠡᠭᠰᠡᠨ ᠨᠢ᠄ ︽ᠮᠧᠩ ᠲᠢᠶᠠᠨ ᠢ ᠢᠯᠡᠭᠡᠨ ᠭᠤᠣᠯ | ᠭᠠᠳᠣᠯᠵᠣ᠂ ᠭᠤᠤ ᠴᠢᠥᠸᠠᠢ ᠶᠢ ᠡᠵᠡᠯᠡᠨ ᠪᠣᠭᠤᠮᠳᠠ ᠪᠠᠶᠢᠭᠤᠯᠣᠨ᠂ ᠷᠦᠩ ᠬᠦᠮᠦᠰ ᠢ ᠦᠯᠳᠡᠨ ᠬᠦᠭᠡᠭᠡᠪᠡ︾ | ᠭᠡᠵᠦ ᠪᠠᠶᠢᠭᠠ ᠶᠣᠮ᠃ ᠡᠭᠦᠨ ᠠᠴᠠ ᠦᠵᠡᠪᠡᠯ ᠡᠨᠡᠬᠦ ᠭᠤᠣ ᠴᠢᠥᠸᠠᠢ ᠳᠤ ᠵᠠᠪᠠᠯ ᠡᠷᠳᠡᠨ ᠤ ᠪᠠᠷᠢᠯᠭᠠ ᠪᠣᠭᠤᠮᠳᠠ ᠪᠠ | ᠴᠡᠷᠢᠭ ᠤᠨ ᠰᠠᠭᠤᠷᠢᠨ ᠪᠣᠶᠣ ᠬᠠᠷᠠᠭᠤᠯ ᠤᠨ ᠭᠠᠵᠠᠷ ᠤᠨ ᠪᠠᠷᠢᠯᠭᠠ ᠶᠢᠨ ᠪᠠᠭᠤᠷᠢ ᠪᠠᠶᠢᠬᠤ ᠬᠡᠷᠡᠭᠳᠡᠢ᠃ ᠡᠨᠡᠬᠦ | ᠮᠠᠭᠠᠳᠯᠠᠯ ᠢᠶᠠᠷ ᠪᠢ Google ᠶᠢᠨ ᠭᠠᠵᠠᠷ ᠤᠨ ᠵᠢᠷᠤᠭ ᠠᠴᠠ ᠯᠠᠪᠯᠠᠭᠰᠠᠨ ᠳᠤ ᠬᠦᠬᠡ ᠦᠨᠳᠦᠷ ᠭᠡᠳᠡᠭ ᠭᠠᠵᠠᠷ | ᠠᠴᠠ ᠵᠢᠭᠠᠬᠠᠨ ᠵᠡᠬᠦᠨ ᠬᠤᠶᠢᠰᠢ ᠪᠠᠷᠤᠭ ᠭᠤᠴᠢᠨ ᠲᠠᠪᠣᠨ ᠭᠠᠵᠠᠷ ᠤᠨ ᠵᠠᠢ ᠲᠤ ᠨᠢᠭᠡᠨ ᠬᠠᠪᠴᠢᠯ ᠬᠡᠳᠡᠭ ᠭᠠᠵᠠᠷ | ᠤᠨ ᠨᠡᠷᠡ ᠶᠢ ᠬᠠᠶᠢᠵᠣ ᠣᠯᠵᠠᠢ᠃ ᠬᠡᠷᠪᠡ ᠣᠷᠠᠳ ᠤᠨ ᠬᠤᠶᠢᠳᠣ ᠬᠤᠰᠢᠭᠤ ᠶᠢᠨ ᠬᠤᠰᠢᠭᠤᠨ ᠲᠦᠪ ᠠᠴᠠ ᠪᠣᠯ | ᠵᠢᠭᠠᠬᠠᠨ ᠪᠠᠷᠠᠭᠤᠨ ᠬᠤᠶᠢᠰᠢ ᠴᠢᠭᠯᠡᠯ ᠢᠶᠠᠷ ᠲᠦᠴᠢᠨ ᠭᠠᠵᠠᠷ ᠤᠨ ᠪᠠᠷᠤᠭ ᠲᠤ ᠡᠨᠡᠬᠦ ᠬᠠᠪᠴᠢᠯ ᠭᠡᠳᠡᠭ ᠮᠣᠩᠭᠤᠯ | ᠨᠡᠷᠡ ᠲᠠᠢ ᠭᠠᠵᠠᠷ ᠪᠣᠢ᠃ ᠲᠡᠭᠡᠭᠡᠳ ᠲᠡᠨᠳᠡ ᠨᠢᠭᠡ ᠲᠦᠭᠦᠷᠢᠭ ᠬᠡᠯᠪᠡᠷᠢ ᠲᠠᠢ ᠪᠠ ᠪᠠᠰᠠ ᠨᠢᠭᠡ ᠣᠷᠳᠣᠯᠵᠢᠨ | ᠲᠦᠷᠪᠡᠯᠵᠢᠨ ᠬᠡᠯᠪᠡᠷᠢ ᠲᠠᠢ ᠬᠡᠳᠦᠨ ᠪᠠᠷᠢᠯᠭᠠ ᠶᠢᠨ ᠪᠠᠭᠤᠷᠢ ᠵᠡᠷᠭᠡ ᠬᠠᠷᠠᠭᠳᠠᠵᠣ ᠪᠣᠢ᠃ ᠠᠳᠡ ᠠᠴᠠ ᠣᠶᠢᠷᠬᠠᠨ | ᠭᠠᠵᠠᠷ ᠬᠢᠷᠢᠳᠡᠢ ᠯᠡ ᠵᠠᠢ ᠳᠤ ᠪᠠᠰᠠ ᠨᠢᠭᠡ ᠬᠠᠭᠠᠨ ᠤ ᠪᠣᠯᠣᠩ ᠭᠡᠳᠡᠭ ᠮᠣᠩᠭᠤᠯ ᠨᠡᠷᠡ ᠲᠠᠢ ᠭᠠᠵᠠᠷ ᠤᠨ ᠨᠡᠷᠡ | ᠪᠠᠶᠢᠭᠠ ᠶᠣᠮ ᠪᠠᠶᠢᠨᠠ᠃ ᠡᠬᠦᠨ ᠢ ᠡᠷᠳᠡᠨ ᠤ ᠭᠤᠣ ᠴᠢᠥᠸᠠᠢ ᠰᠠᠢ ᠶᠢᠨ ᠪᠠᠭᠤᠷᠢ ᠪᠣᠯᠪᠠᠥ ᠭᠡᠵᠦ ᠰᠡᠵᠢᠭᠯᠡᠵᠦ ᠪᠣᠢ᠃ | ᠣᠴᠢᠷ ᠨᠢ ᠡᠳᠡᠭᠡᠷ ᠪᠠᠭᠤᠷᠢ ᠶᠢᠨ ᠪᠠᠶᠢᠭᠠ ᠭᠠᠵᠠᠷ ᠨᠢ ᠶᠠᠭ ᠰᠠᠶᠢᠬᠠᠨ ᠦᠨᠳᠦᠷ ᠠᠭᠤᠯᠠ ᠶᠢᠨ ᠣᠷᠬᠢᠯ ᠢᠶᠠᠷ | ᠬᠠᠷᠠᠭᠳᠠᠵᠣ ᠪᠠᠶᠢᠨᠠ᠃ ᠡᠭᠦᠨ ᠤ ᠲᠣᠬᠠᠢ ᠬᠠᠮᠤᠭ ᠰᠠᠶᠢᠨ ᠨᠢ ᠲᠣᠬᠠᠢ ᠶᠢᠨ ᠭᠠᠵᠠᠷ ᠤᠨ ᠬᠦᠮᠦᠰ ᠬᠡᠬᠡᠷᠡ ᠶᠢᠨ | ᠰᠢᠨᠵᠢᠯᠡᠭᠡ ᠬᠢᠵᠦ᠂ ᠵᠢᠷᠤᠭ ᠰᠢᠩᠭᠡᠭᠡᠯᠳᠡ ᠲᠠᠢ ᠮᠠᠭᠠᠳᠯᠠᠯᠳᠠ ᠬᠢᠪᠡᠯ ᠮᠠᠰᠢ ᠣᠳᠬᠠ ᠠᠭᠤᠯᠭᠠ ᠲᠠᠢ ᠭᠡᠷᠡᠭ | ᠪᠣᠯᠣᠨᠠ᠃ | | ᠪᠡᠯᠡᠳᠬᠡᠭᠰᠡᠨ ᠨᠢ᠄ ᠡᠷᠳᠡᠨᠢᠬᠦᠦ | ᠨᠠᠶᠢᠷᠠᠭᠤᠯᠤᠭᠰᠠᠨ ᠨᠢ᠄ ᠨᠠᠮᠤᠷ | ᠬᠢᠨᠠᠭᠰᠠᠨ ᠨᠢ᠄ ᠤᠷᠢᠬᠠᠨ |