ᠲᠡᠷᠢᠭᠦᠨ ᠬᠠᠭᠤᠳᠠᠰᠤ
ᠲᠣᠶᠢᠮᠣ ᠪᠠᠶᠢᠳᠠᠯ
ᠰᠣᠨᠢᠨ ᠮᠡᠳᠡᠭᠡ
ᠢᠯᠡ ᠵᠠᠰᠠᠭ
ᠦᠢᠯᠡᠴᠢᠯᠡᠭᠡ
ᠰᠣᠶᠣᠯ ᠡᠷᠳᠡᠨᠢ
ᠰᠢᠨ᠎ᠡ ᠬᠦᠳᠡᠭᠡ
ᠾᠦᠩᠨᠦ ᠶᠢᠨ ᠨᠡᠷ᠎ᠡ ᠶᠢᠨ ᠢᠷᠡᠯᠲᠡᠤᠣᠬᠠᠨ ᠬ᠊
ᠨᠡᠶᠢᠲᠡᠯᠡᠭᠰᠡᠨ ᠴᠠᠭ᠄
2020/10/19
ᠾᠦᠩᠨᠦ ᠬᠡᠮᠡᠭᠴᠢ ᠲᠡᠭᠡᠳᠦᠰ ᠠᠨᠣ ᠰᠢᠶᠠ ᠾᠸᠥ ᠣᠪᠣᠭᠳᠣ ᠶᠢᠨ ᠦᠷᠡᠳᠦᠰ ᠪᠦᠯᠦᠭᠡ᠂ ᠲᠡᠭᠦᠨ ᠤ ᠨᠡᠷ᠎ᠡ ᠶᠢ ᠴᠦᠨ ᠸᠧᠢ ︵淳维︶ ᠬᠡᠮᠡᠮᠣᠢ᠃ ᠲᠠᠩ ᠢᠥᠢ ᠠᠴᠠ ᠡᠮᠦᠨ᠎ᠡ ᠪᠣᠯ ᠱᠠᠨ ᠷᠦᠩ ︵山戎︶᠂ ᠰᠢᠶᠠᠨ ᠶᠦᠨ ︵獫狁︶᠂ ᠰᠢᠶᠦ᠋ᠨ ᠶᠦ᠋ ︵荤粥᠂ 荤 ᠤ ᠣᠳᠣᠬᠢ ᠣᠩᠰᠢᠯᠭ᠎ᠠ ᠨᠢ ᠾᠦᠨ ᠪᠣᠯᠣᠨ᠎ᠠ᠂ ᠭᠡᠪᠡᠴᠦ ᠡᠷᠳᠡᠨ ᠤ ᠣᠩᠰᠢᠯᠭ᠎ᠠ ᠪᠠᠷ ᠮᠦᠨ ᠰᠢᠶᠦ᠋ᠨ Xūn ᠭᠡᠳᠡᠭ᠂ 粥 ᠶᠢᠨ ᠡᠷᠳᠡᠨ ᠤ ᠣᠩᠰᠢᠯᠭ᠎ᠠ ᠨᠢ ᠢᠥᠢ ᠪᠣᠯᠣᠨ᠎ᠠ᠂ ᠭᠡᠪᠡᠴᠦ ᠪᠢ ᠲᠡᠭᠦᠨ ᠢ ᠡᠷᠳᠡᠨ ᠤ ᠠᠪᠢᠶ᠎ᠠ ᠲᠠᠢ ᠨᠢ ᠣᠯᠠᠮ ᠣᠶᠢᠷᠠᠳᠣᠭᠤᠯᠬᠤ ᠶᠢᠨ ᠲᠦᠯᠦᠭᠡ ᠶᠦ᠋ ᠬᠡᠮᠡᠨ ᠠᠪᠢᠶᠠᠯᠠᠵᠠᠢ᠂ ᠲᠣᠷᠣᠭᠰᠢ ᠪᠦᠷ ᠠᠳᠠᠯᠢ᠃︶ ᠬᠡᠮᠡᠨ ᠪᠠᠶᠢᠯᠤᠭ᠎ᠠ᠂ ᠳᠡᠳᠡ ᠣᠮᠠᠷᠠᠳᠣ ᠭᠠᠵᠠᠷ ᠰᠠᠭᠤᠵᠣ᠂ ᠮᠠᠯ ᠰᠦᠷᠦᠭ ᠢᠶᠠᠨ ᠲᠠᠭᠠᠨ ᠨᠡᠬᠦᠳᠡᠯᠯᠡᠨ ᠠᠮᠢᠳᠣᠷᠠᠮᠣᠢ᠃ ︽ᠲᠠᠶᠢᠯᠪᠣᠷᠢ︾᠄ ᠬᠤᠷᠢᠶᠠᠩᠭᠤᠢ ᠲᠠᠶᠢᠯᠪᠣᠷᠢ ᠳᠤ ᠬᠡᠯᠡᠭᠰᠡᠨ ᠨᠢ᠂ ᠬᠠᠨ ᠣᠯᠣᠰ ᠤᠨ ᠪᠢᠴᠢᠭ ᠲᠤ ᠴᠦᠨ ᠸᠧᠢ ᠪᠣᠯ ᠾᠦᠩᠨᠦ ᠶᠢᠨ ᠲᠡᠭᠡᠳᠦᠰ ᠪᠣᠯᠠᠢ ᠭᠡᠵᠡᠢ᠃ ᠬᠡᠯᠬᠢᠶᠡᠰᠦ ᠳᠤ ᠵᠠᠩ ᠶᠠᠨ ᠦᠬᠦᠯᠡᠷᠦᠨ᠄ ᠴᠦᠨ ᠸᠧᠢ ᠪᠣᠯᠪᠠᠰᠣ ᠶᠢᠨ ᠣᠯᠣᠰ ᠤᠨ ᠦᠶ᠎ᠡ ᠳᠤ ᠣᠮᠠᠷᠠᠰᠢ ᠪᠣᠷᠣᠭᠤᠯᠠᠨ ᠬᠦᠷᠪᠡᠢ ᠭᠡᠵᠦ ᠪᠢᠴᠢᠵᠡᠢ᠃ ︵ᠶᠢᠨ ᠣᠯᠣᠰ ᠭᠡᠳᠡᠭ ᠨᠢ ᠲᠠᠷᠣᠢ ᠱᠠᠩ ᠣᠯᠣᠰ ᠪᠣᠯᠣᠨ᠎ᠠ᠂ ᠱᠠᠩ ᠣᠯᠣᠰ ᠢ ᠪᠠᠰᠠ ᠶᠢᠨ ᠱᠠᠩ ᠭᠡᠳᠡᠭ᠂ ᠣᠴᠢᠷ ᠨᠢ ᠱᠠᠩ ᠣᠯᠣᠰ ᠬᠤᠵᠢᠮ ᠶᠢᠨ ᠭᠡᠳᠡᠭ ᠭᠠᠵᠠᠷ ᠲᠤ ᠨᠡᠶᠢᠰᠯᠡᠯᠵᠦ ᠶᠢᠨ ᠱᠠᠩ ᠭᠡᠵᠦ ᠲᠠᠭᠤᠳᠠᠬᠤ ᠪᠣᠯᠪᠠ᠃ ᠡᠶᠢᠮᠦ ᠠᠴᠠ ᠶᠢᠨ ᠱᠠᠩ ᠢᠶᠠᠨ ᠲᠦᠭᠦᠮᠴᠢᠯᠠᠨ ᠰᠢᠭᠤᠳ ᠶᠢᠨ ᠣᠯᠣᠰ ᠭᠡᠳᠡᠭ ᠪᠣᠯᠣᠭᠰᠠᠨ ᠠᠵᠠᠢ᠃︶ ᠪᠠᠰᠠ ᠯᠧ ᠴᠠᠨ ᠤ ᠨᠣᠳᠤᠭ ᠦᠷᠭᠡᠳᠭᠡᠭᠰᠡᠨ ᠵᠢᠬᠰᠠᠭᠠᠮᠵᠢ ︵乐产括地谱︶ ᠭᠡᠳᠡᠭ ᠨᠣᠮ ᠳᠤ ᠦᠬᠦᠯᠡᠭᠰᠡᠨ ᠨᠢ᠄ ︽ᠰᠢᠶᠠ ᠵᠢᠶᠧ ᠶᠣᠰᠣᠨ ᠦᠭᠡᠢ ᠶᠠᠪᠣᠵᠣ᠂ ᠲᠠᠩ ᠲᠡᠭᠦᠨ ᠢ ᠮᠢᠩ ᠲᠢᠶᠣᠤ ᠳᠤ ᠴᠦᠯᠡᠯᠦᠭᠡ᠂ ᠭᠤᠷᠪᠠᠨ ᠣᠨ ᠤ ᠲᠠᠷᠠᠭ᠎ᠠ ᠲᠡᠷᠡ ᠪᠠᠷ ᠦᠬᠦᠭᠰᠡᠨ᠎ᠡ᠂ ᠲᠡᠭᠦᠨ ᠤ ᠬᠦᠪᠡᠭᠦᠨ ᠰᠢᠶᠦ᠋ᠨ ᠶᠦ᠋ ︵獯粥︶᠂ ᠡᠴᠢᠭᠡ ᠶᠢᠨ ᠢᠶᠠᠨ ᠬᠠᠳᠣᠳ ᠳᠠᠳᠠᠪᠣᠷᠢ ᠪᠦᠬᠦᠨ ᠢ ᠦᠪᠡᠷ ᠤᠨ ᠡᠬᠡᠨᠡᠷ ᠪᠣᠯᠭᠠᠨ ᠠᠪᠴᠣ᠂ ᠣᠮᠠᠷᠠᠳᠣ ᠬᠡᠭᠡᠷ᠎ᠡ ᠵᠠᠶᠢᠯᠠᠨ ᠰᠠᠭᠤᠵᠣ᠂ ᠮᠠᠯ ᠮᠠᠯᠵᠢᠨ ᠣᠳᠣᠷᠯᠠᠨ ᠠᠮᠢᠳᠣᠷᠠᠪᠠ᠃ ᠲᠣᠮᠳᠠᠳᠣᠴᠣᠳ ᠳᠡᠳᠡᠨᠡᠷ ᠢ ᠾᠦᠩᠨᠦ ︵匈奴︶ ᠬᠡᠮᠡᠮᠣᠢ︾ ᠭᠡᠵᠡᠢ᠃ ᠵᠡᠬᠦᠨ ᠬᠠᠨ ᠣᠯᠣᠰ ᠤᠨ ᠦᠶ᠎ᠡ ᠶᠢᠨ ᠬᠦᠮᠦᠨ ᠶᠢᠩ ᠱᠣᠤ ᠶᠢᠨ ᠵᠣᠬᠢᠶᠠᠭᠰᠠᠨ ︽ᠵᠠᠩ ᠳᠠᠳᠬᠠᠯ ᠤᠨ ᠨᠡᠪᠳᠡᠷᠬᠡᠢ ᠵᠢᠷᠣᠮ︾ ᠬᠡᠮᠡᠭᠴᠢ ᠪᠢᠴᠢᠭ ᠲᠤ ᠬᠡᠯᠡᠭᠰᠡᠨ ᠨᠢ ᠶᠢᠨ ᠣᠯᠣᠰ ᠤᠨ ᠦᠶ᠎ᠡ ᠳᠤ ᠰᠢᠶᠦ᠋ᠨ ᠶᠦ᠋ ︵獯粥︶ ᠬᠡᠮᠡᠨ ᠪᠠᠶᠢᠯᠤᠭ᠎ᠠ᠂ ᠲᠡᠭᠦᠨ ᠤ ᠨᠡᠷ᠎ᠡ ᠶᠢ ᠬᠠᠯᠠᠵᠣ ᠾᠦᠩᠨᠦ ︵匈奴︶ ᠪᠣᠯᠭᠠᠪᠠᠢ ᠭᠡᠵᠡᠢ᠃ ᠪᠠᠰᠠ ᠹᠦ᠋ ᠴᠢᠶᠠᠨ ᠦᠬᠦᠯᠡᠷᠦᠨ᠄ ︽ᠶᠣᠤ ᠶᠢᠨ ᠦᠶ᠎ᠡ ᠳᠤ ᠰᠢᠶᠦ᠋ᠨ ᠶᠦ᠋ ︵荤粥︶ ᠬᠡᠮᠡᠵᠦ᠂ ᠵᠸᠥ ᠶᠢᠨ ᠦᠶ᠎ᠡ ᠳᠤ ᠰᠢᠶᠠᠨ ᠶᠦᠨ ︵獫狁︶ ᠬᠡᠮᠡᠨ᠂ ᠴᠢᠨ ᠤ ᠦᠶ᠎ᠡ ᠳᠤ ᠾᠦᠩᠨᠦ ︵匈奴︶ ᠬᠡᠮᠡᠪᠡᠢ︾ ᠭᠡᠵᠡᠢ᠃ ᠬᠡᠯᠬᠢᠶᠡᠰᠦ  ᠳᠤ ᠬᠡᠯᠡᠭᠰᠡᠨ ᠨᠢ ᠸᠧᠢ ᠵᠣᠤ ᠦᠬᠦᠯᠡᠷᠦᠨ᠄ ︽ᠬᠠᠨ ᠤ ᠦᠶ᠎ᠡ ᠳᠤ ᠾᠦᠩᠨᠦ ᠬᠡᠮᠡᠵᠦ᠂ ᠰᠢᠶᠦ᠋ᠨ ᠶᠦ᠋ ᠬᠡᠮᠡᠭᠴᠢ ᠲᠡᠭᠦᠨ ᠤ ᠨᠦᠬᠦᠭᠡ ᠨᠡᠷ᠎ᠡ ᠪᠣᠯᠣᠮᠣᠢ︾ ᠭᠡᠵᠡᠢ᠃ ᠱᠠᠨ ᠷᠦᠩ ︵山戎︶ ᠭᠡᠳᠡᠭ ᠨᠡᠷ᠎ᠡ ᠪᠣᠯ ᠣᠳᠣ ᠪᠠᠷ ᠮᠡᠳᠡᠵᠦ ᠪᠠᠶᠢᠭ᠎ᠠ ᠬᠢᠳᠠᠳ ᠲᠡᠣᠬᠡᠨ ᠳᠤ ᠲᠡᠮᠳᠡᠭᠯᠡᠭᠳᠡᠭᠰᠡᠨ ᠾᠦᠩᠨᠦ ᠶᠢᠨ ᠬᠠᠮᠤᠭ ᠡᠷᠳᠡᠨ ᠤ ᠨᠡᠷ᠎ᠡ ᠪᠣᠯᠣᠮᠠᠷ ᠪᠠᠶᠢᠨ᠎ᠠ᠃ ᠬᠢᠳᠠᠳ ᠲᠡᠣᠬᠡᠨ ᠳᠠᠬᠢ ᠬᠠᠮᠤᠭ ᠡᠷᠳᠡᠨ ᠤ ᠨᠣᠮ ᠪᠢᠴᠢᠭ ᠤᠳ ᠲᠤ ᠲᠡᠮᠳᠡᠭᠯᠡᠵᠦ ᠪᠠᠶᠢᠭ᠎ᠠ ᠪᠠᠶᠢᠳᠠᠯ ᠠᠴᠠ ᠦᠵᠡᠪᠡᠯ ᠱᠠᠨ ᠷᠦᠩ ᠨᠡᠷ ᠣᠳᠣᠬᠢ ᠪᠡᠭᠡᠵᠢᠩ ᠲᠢᠶᠠᠨᠵᠢᠨ ᠬᠠᠪᠢ ᠪᠠ ᠲᠡᠭᠦᠨ ᠤ ᠠᠷᠣ ᠠᠴᠠ ᠡᠬᠢᠯᠡᠨ ᠪᠠᠷᠠᠭᠤᠨᠰᠢ ᠱᠠᠨᠰᠢ ᠭᠠᠨᠰᠣ ᠬᠦᠷᠳᠡᠯ᠎ᠡ᠂ ᠡᠮᠦᠨᠡᠰᠢ ᠬᠠᠳᠣᠨ ᠭᠤᠣᠯ ᠤᠨ ᠲᠣᠮᠳᠠᠳᠣ ᠲᠡᠭᠡᠳᠦ ᠣᠷᠣᠰᠬᠠᠯ ᠬᠠᠪᠢ ᠬᠦᠷᠳᠡᠯ᠎ᠡ ᠪᠦᠷ ᠲᠠᠷᠬᠠᠨ ᠠᠮᠢᠳᠣᠷᠠᠵᠣ ᠪᠠᠶᠢᠵᠠᠢ᠃ ᠲᠣᠬᠠᠢ ᠶᠢᠨ ᠦᠶ᠎ᠡ ᠳᠤ ᠪᠠᠷᠤᠭ ᠲᠡᠳᠡᠨᠡᠷ ᠤᠨ ᠬᠤᠶᠢᠭᠤᠷ ᠪᠠᠰᠠ ᠶᠠᠮᠠᠷ ᠦᠨᠳᠦᠰᠦᠳᠡᠨ ᠶᠠᠰᠣᠳᠠᠨ ᠪᠠᠶᠢᠭᠰᠠᠨ ᠡᠰᠡᠬᠦ  ᠶᠢ ᠲᠣᠮᠳᠠᠳᠣ ᠶᠢᠨ ᠬᠦᠮᠦᠰ ᠴᠦ ᠮᠡᠳᠡᠬᠦ ᠦᠭᠡᠢ ᠪᠣᠶᠣ ᠡᠰᠡᠬᠦᠯ᠎ᠡ ᠲᠣᠲᠣᠷᠬᠠᠢ ᠮᠡᠳᠡᠬᠦ ᠦᠭᠡᠢ ᠪᠠᠯᠠᠷᠯᠢᠭ ᠴᠠᠭ ᠪᠠᠶᠢᠭᠰᠠᠨ ᠪᠣᠯᠣᠯᠳᠠᠢ᠃ ᠱᠠᠨ ᠷᠦᠩ ᠨᠡᠷ ᠤᠨ ᠣᠯᠠᠩᠬᠢ ᠨᠢ ᠮᠠᠯ ᠮᠠᠯᠵᠢᠨ ᠨᠡᠭᠦᠳᠡᠯᠯᠡᠨ ᠠᠮᠢᠳᠣᠷᠠᠵᠣ ᠪᠠᠶᠢᠬᠤ ᠳᠤ ᠪᠠᠰᠠ ᠴᠦᠬᠡᠨ ᠵᠠᠷᠢᠮ ᠨᠢ ᠬᠤᠳᠠ ᠴᠣᠭᠴᠠᠯᠠᠨ ᠰᠠᠭᠤᠷᠢᠰᠢᠵᠣ ᠪᠠᠶᠢᠭᠰᠠᠨ ᠲᠡᠣᠬᠡ ᠲᠠᠢ ᠠᠵᠠᠢ᠃ ᠵᠢᠱᠢᠶᠡᠯᠡᠪᠡᠯ ︽ᠶᠢ ᠴᠢᠥᠢ ᠶᠢᠨ ᠷᠦᠩ ᠨᠡᠷ ᠬᠤᠷᠢᠨ ᠲᠠᠪᠣᠨ ᠬᠤᠳᠠ ᠴᠣᠭᠴᠠᠯᠠᠨ ᠰᠠᠭᠤᠷᠢᠰᠢᠵᠣ ᠪᠠᠶᠢᠪᠠ᠂ ᠴᠢᠨ ᠣᠯᠣᠰ ᠠᠭᠠᠵᠢᠮ  ᠢᠶᠠᠷ ᠪᠦᠬᠦᠨ ᠢ ᠪᠣᠯᠢᠶᠠᠨ ᠡᠵᠡᠯᠡᠵᠡᠢ︾ ᠭᠡᠵᠦ ᠴᠢᠨ ᠣᠯᠣᠰ ᠤᠨ ᠴᠢᠨ ᠾᠦᠢ ᠸᠠᠩ ᠤᠨ ᠴᠠᠳᠢᠭ ᠲᠤ ᠲᠣᠲᠣᠷᠬᠠᠢ ᠪᠢᠴᠢᠵᠦ ᠪᠠᠶᠢᠨ᠎ᠠ᠃ ᠣᠳᠣᠬᠢ ᠮᠠᠨ ᠤ ᠬᠡᠯᠡᠳᠡᠭ ᠾᠦᠩᠨᠦ ᠭᠡᠳᠡᠭ ᠦᠭᠡ ᠪᠣᠯ ᠬᠢᠳᠠᠳ ᠲᠡᠣᠬᠡᠴᠢᠳ ᠠᠴᠠ ᠲᠣᠬᠠᠢ ᠶᠢᠨ ᠦᠶ᠎ᠡ ᠶᠢᠨ ᠬᠢᠳᠠᠳ ᠦᠰᠦᠭ ᠤᠨ ᠣᠶᠢᠷᠠᠯᠴᠠᠭ᠎ᠠ ᠠᠪᠢᠶ᠎ᠠ ᠪᠦᠬᠦᠢ ᠦᠰᠦᠭ ᠢᠶᠠᠷ ᠾᠦᠩᠨᠦ ᠶᠢᠨ ᠦᠪᠡᠷ ᠤᠨ ᠬᠢᠨᠢ ᠨᠡᠷᠡᠶᠢᠳᠦᠯ  ᠢ ᠲᠣᠬᠠᠢ ᠶᠢᠨ ᠦᠶ᠎ᠡ ᠶᠢᠨ ᠬᠢᠳᠠᠳ ᠬᠡᠯᠡ ᠠᠪᠢᠶ᠎ᠠ ᠳᠠᠭᠠᠨ ᠣᠶᠢᠷᠠᠳᠣᠭᠤᠯᠣᠨ᠂ ᠠᠪᠢᠶᠠᠴᠢᠯᠠᠨ ᠭᠠᠯᠢᠭᠴᠢᠯᠠᠭᠰᠠᠨ ᠨᠡᠷ᠎ᠡ ᠦᠭᠡ ᠪᠣᠯᠣᠨ᠎ᠠ᠃ ᠬᠢᠳᠠᠳ ᠬᠡᠯᠡᠨ ᠤ ᠡᠷᠳᠡᠨ ᠤ ᠠᠪᠢᠶ᠎ᠠ ᠶᠢ ᠨᠡᠯᠢᠶᠡᠳ ᠪᠦᠷᠢᠨ ᠲᠡᠭᠦᠯᠳᠡᠷ ᠬᠠᠳᠠᠭᠠᠯᠠᠵᠣ ᠪᠠᠶᠢᠭ᠎ᠠ ᠭᠤᠸᠠᠩᠳᠦ᠋ᠩ ᠠᠪᠢᠶᠠᠨ ᠤ ᠭᠤᠸᠠᠩᠵᠸᠥ ᠰᠠᠯᠪᠣᠷᠢ ᠳᠤ ᠾᠦᠩᠨᠦ ᠭᠡᠳᠡᠭ ᠦᠭᠡ ᠶᠢ ᠣᠳᠣ ᠴᠦ ᠭᠡᠳ Heung Nou ᠬᠡᠮᠡᠨ ᠠᠪᠢᠶᠠᠯᠠᠳᠠᠭ ᠭᠡᠵᠦ ᠶᠠᠫᠣᠨ ᠬᠡᠯᠡᠨ ᠤ ᠸᠢᠺᠢᠫᠧᠳᠢᠶ᠎ᠠ ᠰᠦᠯᠵᠢᠶᠡᠨ ᠤ ᠾᠦᠩᠨᠦ ᠭᠡᠳᠡᠭ ᠦᠭᠡᠰ ᠤᠨ ᠵᠣᠷᠪᠣᠰ ᠲᠤ ᠪᠢᠴᠢᠵᠦ ᠪᠠᠶᠢᠨ᠎ᠠ᠃ ᠲᠠᠷᠠᠭ᠎ᠠ ᠨᠢ᠂ ᠰᠢᠶᠦ᠋ᠨ ᠶᠦ᠋ ︵獯粥︶ ᠭᠡᠳᠡᠭ ᠨᠡᠷ᠎ᠡ ᠶᠢ ᠢᠯᠡᠳᠭᠡᠭᠰᠡᠨ ᠬᠤᠶᠠᠷ ᠬᠢᠳᠠᠳ ᠦᠰᠦᠭ ᠢ ᠦᠵᠡᠶ᠎ᠡ᠃ ᠲᠡᠭᠦᠨ ᠤ ᠲᠦᠷᠦᠬᠦᠥ ᠦᠰᠦᠭ ᠢ ᠨᠢ ᠣᠳᠣ ᠪᠣᠯ ᠰᠢᠶᠦ᠋ᠨ ︵xūn︶ ᠭᠡᠵᠦ ᠠᠪᠢᠶᠠᠯᠠᠨ᠂ ᠲᠠᠷᠠᠭᠠᠬᠢ 粥 ᠦᠰᠦᠭ ᠢ ᠨᠢ ᠵᠸᠥ ︵zhōu︶ ᠪᠠ ᠶᠦ᠋ ︵yù︶ ᠭᠡᠵᠦ ᠬᠤᠶᠠᠷ ᠵᠦᠢᠯ  ᠢᠶᠠᠷ ᠣᠩᠰᠢᠳᠠᠭ ᠪᠠᠶᠢᠨ᠎ᠠ᠃ ᠭᠡᠪᠡᠴᠦ ᠡᠷᠳᠡ ᠦᠶ᠎ᠡ ︵ᠲᠣᠬᠠᠢ ᠶᠢᠨ ᠦᠶ᠎ᠡ︶ ᠳᠡᠭᠡᠨ ᠰᠢᠶᠦ᠋ᠨ ᠶᠦ᠋ ᠭᠡᠵᠦ ᠣᠩᠰᠢᠳᠠᠭ ᠪᠣᠯᠣᠯᠳᠠᠢ᠃ ᠣᠴᠢᠷ ᠨᠢ ᠭᠤᠸᠠᠩ ᠶᠦᠨ ᠵᠡᠷᠭᠡ ᠨᠡᠯᠢᠶᠡᠳ ᠬᠡᠳᠦᠨ ᠡᠷᠳᠡᠨ ᠤ ᠲᠣᠯᠢ ᠪᠢᠴᠢᠭ ᠲᠤ ᠪᠦᠷ 粥 ᠦᠰᠦᠭ ᠢ 余六切，音育 ᠭᠡᠵᠦ᠂ ᠲᠣᠪ ᠲᠣᠲᠣᠷᠬᠠᠢ ᠶᠦ᠋ ᠠᠪᠢᠶ᠎ᠠ ᠲᠠᠢ ᠭᠡᠵᠦ ᠲᠡᠮᠳᠡᠭᠯᠡᠵᠦ ᠪᠠᠶᠢᠭ᠎ᠠ ᠶᠣᠮ᠂ 余六切 ᠭᠡᠳᠡᠭ ᠨᠢ 余 ᠶᠢᠨ ᠲᠡᠷᠢᠭᠦᠨ ᠤ ᠭᠡᠶᠢᠬᠦᠯᠦᠭᠴᠢ ᠪᠠ 六 ᠶᠢᠨ ᠰᠡᠬᠦᠯ ᠤᠨ ᠡᠭᠡᠰᠢᠭ ᠢᠶᠠᠷ ᠣᠩᠰᠢᠨ᠎ᠠ ᠭᠡᠰᠡᠨ ᠦᠭᠡ ᠪᠣᠯᠣᠨ᠎ᠠ᠃ ᠡᠨᠡ ᠪᠣᠯ ᠡᠷᠳᠡᠨ ᠤ ᠬᠢᠳᠠᠳ ᠬᠦᠮᠦᠰ ᠤᠨ ᠦᠰᠦᠭ ᠨᠢᠳᠦᠯᠡᠬᠦ ᠳᠤ ᠬᠡᠷᠡᠭᠯᠡᠬᠦ ᠵᠦᠪ ᠠᠪᠢᠶᠠᠯᠠᠯᠭ᠎ᠠ ᠶᠢᠨ ᠠᠪᠢᠶᠠᠨ ᠤ ᠭᠠᠯᠢᠭ ᠤᠨ ᠨᠢᠭᠡᠨ ᠵᠦᠢᠯ ᠪᠣᠯᠣᠨ᠎ᠠ᠃ ᠡᠶᠢᠮᠦ ᠠᠴᠠ ᠰᠢᠶᠦ᠋ᠨ ᠶᠦ᠋ 獯粥 ︵xūn yù︶᠂ ᠰᠢᠶᠠᠨ ᠶᠦᠨ 獫狁 ︵xiǎn yǔn︶ ᠭᠡᠬᠦ ᠪᠣᠶᠣ ᠰᠢᠶᠦ᠋ᠨ ᠶᠦ᠋ 荤粥 ᠭᠡᠳᠡᠭ ᠨᠢ ᠪᠦᠷ ᠨᠢᠭᠡᠨ ᠨᠡᠷ᠎ᠡ ᠶᠢᠨ ᠠᠳᠠᠯᠢ ᠪᠣᠰᠣ ᠠᠪᠢᠶᠠᠴᠢᠯᠠᠨ ᠭᠠᠯᠢᠭᠴᠢᠯᠠᠭᠰᠠᠨ ᠦᠭᠡ ᠪᠣᠯᠣᠨ᠎ᠠ᠃ ᠮᠢᠨᠦ ᠦᠵᠡᠬᠦ ᠪᠠᠷ ᠲᠠᠷᠣᠢ ᠬᠢᠶᠠᠨ᠂ ᠬᠢᠶᠣᠨ ᠪᠣᠶᠣ ᠬᠢᠶᠣᠳ ᠭᠡᠳᠡᠭ ᠦᠭᠡ  ᠶᠢᠨ ᠣᠶᠢᠷᠠᠯᠴᠠᠭ᠎ᠠ ᠠᠪᠢᠶ᠎ᠠ ᠶᠢ ᠢᠯᠡᠳᠭᠡᠭᠰᠡᠨ ᠬᠢᠳᠠᠳ ᠦᠰᠦᠭ ᠭᠡᠵᠦ ᠦᠵᠡᠵᠦ ᠪᠠᠶᠢᠨ᠎ᠠ᠃ ᠯᠠᠪᠰᠢᠷᠠᠭᠤᠯᠣᠨ ᠬᠡᠯᠡᠪᠡᠯ ᠰᠢᠶᠠᠨ ᠶᠦᠨ ︵獫狁︶ ᠤ ᠶᠦᠨ ᠨᠢ 粥 ᠦᠰᠦᠭ ᠢ ᠵᠸᠥ ︵zhōu︶ ᠪᠠᠷ ᠣᠩᠰᠢᠬᠤ ᠪᠢᠰᠢ ᠬᠠᠷᠢᠨ ᠶᠦ᠋ ︵yù︶ ᠪᠠᠷ ᠣᠩᠰᠢᠨ᠎ᠠ ᠭᠡᠳᠡᠭ ᠢ ᠲᠠᠪᠬᠤᠷ ᠨᠣᠳᠠᠯᠠᠵᠣ ᠪᠠᠶᠢᠭ᠎ᠠ ᠬᠡᠷᠡᠭ ᠮᠦᠨ᠃ ᠭᠡᠪᠡᠴᠦ ᠵᠸᠥ  ᠪᠠᠷ ᠣᠩᠰᠢᠬᠤ ᠨᠢ ᠴᠦ ᠪᠣᠷᠣᠭᠤ ᠦᠭᠡᠢ ᠮᠠᠭᠠᠳ᠂ ᠣᠴᠢᠷ ᠨᠢ ᠾᠦᠩᠨᠦ ᠬᠦᠮᠦᠰ ᠤᠨ ᠣᠯᠠᠨ ᠲᠣᠭᠠᠨ ᠤ ᠲᠦᠯᠦᠭᠡᠨ ᠤ ᠨᠡᠷ᠎ᠡ ᠪᠠᠷ ᠨᠡᠷᠡᠯᠡᠭᠰᠡᠨ ᠬᠢᠶᠠᠨᠴᠣᠳ ᠭᠡᠳᠡᠭ ᠦᠭᠡ ᠶᠢ ᠬᠢᠳᠠᠳ ᠬᠡᠯᠡᠨ ᠳᠤ ᠰᠢᠶᠦ᠋ᠨ ᠵᠸᠥ ᠭᠡᠵᠦ ᠣᠩᠰᠢᠬᠤ ᠳᠤ ᠪᠣᠯᠬᠤ ᠦᠭᠡᠢ ᠪᠢᠰᠢ᠃ ᠲᠡᠭᠡᠪᠡᠯ 獯᠂ 獫 ᠪᠠ 荤 ᠵᠡᠷᠭᠡ ᠬᠢᠳᠠᠳ ᠦᠰᠦᠭ ᠪᠦᠷ ᠬᠢᠶᠠᠨ hiyan ᠢ ᠣᠶᠢᠷᠠᠳᠣᠭᠤᠯᠣᠨ ᠠᠪᠢᠶᠠᠯᠠᠭᠰᠠᠨ ᠬᠢᠳᠠᠳ ᠦᠰᠦᠭ ᠪᠠᠶᠢᠭᠰᠠᠨ ᠪᠣᠯᠣᠯᠳᠠᠢ ᠭᠡᠵᠦ ᠲᠦᠰᠦᠭᠡᠯᠡᠵᠦ ᠪᠠᠶᠢᠭ᠎ᠠ ᠨᠢ ᠪᠦᠷ ᠪᠣᠷᠣᠭᠤ ᠦᠭᠡᠢ ᠮᠠᠭᠠᠳ ᠭᠡᠵᠦ ᠪᠣᠳᠣᠵᠣ ᠪᠠᠶᠢᠨ᠎ᠠ᠃ ᠡᠷᠳᠡᠨ ᠤ ᠬᠢᠳᠠᠳ ᠬᠡᠯᠡᠨ ᠳᠤ ᠪᠠᠶᠢᠭᠰᠠᠨ ᠣᠶᠢᠷᠠᠯᠴᠠᠭ᠎ᠠ ᠪᠠᠷ ᠬᠢᠶᠠᠨ ︵hiyan︶ ᠭᠡᠳᠡᠭ ᠠᠪᠢᠶ᠎ᠠ ᠣᠳᠣᠬᠢ ᠬᠢᠳᠠᠳ ᠬᠡᠯᠡᠨ ᠳᠤ ᠨᠢᠭᠡᠨᠳᠡ ᠣᠰᠠᠳᠴᠣ᠂ ᠪᠦᠷ ᠰᠢᠶᠠᠨ ︵xian︶ ᠭᠡᠳᠡᠭ ᠠᠪᠢᠶ᠎ᠠ ᠲᠠᠢ ᠠᠭᠤᠰᠣᠯᠳᠣᠨ ᠨᠢᠭᠡᠳᠴᠡᠢ᠃ ᠭᠡᠪᠡᠴᠦ ᠪᠢᠳᠡ ᠲᠣᠮᠳᠠᠳᠣ ᠡᠷᠳᠡᠨ ᠤ ᠬᠢᠳᠠᠳ ᠠᠪᠢᠶ᠎ᠠ ᠶᠢ ᠨᠡᠯᠢᠶᠡᠳ ᠰᠠᠶᠢᠨ ᠬᠠᠳᠠᠭᠠᠯᠠᠵᠣ ᠪᠠᠶᠢᠭ᠎ᠠ ᠰᠣᠯᠣᠩᠭᠤᠰ ᠬᠡᠯᠡᠨ ᠠᠴᠠ ᠡᠬᠦᠨ ᠢ ᠪᠠᠰᠠ ᠣᠯᠵᠣ ᠦᠵᠡᠨ᠎ᠡ᠃ ᠵᠢᠱᠢᠶᠡᠯᠡᠪᠡᠯ 现代 ︵ᠾᠢᠶᠠᠨ ᠳ᠋ᠠᠢ︶ ᠭᠡᠳᠡᠭ ᠺᠣᠷᠢᠶ᠎ᠠ ᠺᠣᠮᠫᠠᠨᠢ ᠶᠢᠨ ᠨᠡᠷ᠎ᠡ ᠶᠢ ᠣᠳᠣ ᠪᠠᠷ ᠴᠦ ᠾᠢᠶᠠᠨ ᠳ᠋ᠠᠢ ᠭᠡᠵᠦ ᠠᠪᠢᠶᠠᠯᠠᠭᠰᠠᠭᠠᠷ ᠪᠠᠶᠢᠭ᠎ᠠ ᠶᠣᠮ᠃ ᠪᠠᠰᠠ ᠮᠠᠨᠵᠣ ᠬᠡᠯᠡᠨ ᠳᠤ ᠡᠯᠪᠡᠷᠢᠯ ᠲᠠᠢ ᠭᠡᠳᠡᠭ ᠦᠭᠡ ᠶᠢ ᠰᠢᠭᠤᠳ ᠬᠢᠳᠠᠳ ᠬᠡᠯᠡᠨ ᠠᠴᠠ 孝顺 ᠭᠡᠳᠡᠭ ᠠᠳᠠᠯᠢ ᠣᠳᠬ᠎ᠠ ᠲᠠᠢ ᠦᠭᠡ ᠶᠢ ᠵᠢᠭᠡᠯᠡᠨ ᠠᠪᠴᠣ᠂ ᠬᠢᠳᠠᠳ  ᠢᠶᠠᠷ ᠨᠢ ᠾᠢᠶᠣᠰᠣᠨ ︵hiyao sun︶ ᠭᠡᠵᠦ ᠠᠪᠢᠶᠠᠯᠠᠨ ᠣᠩᠰᠢᠭᠰᠠᠭᠠᠷ ᠪᠠᠶᠢᠨ᠎ᠠ᠃ ᠡᠭᠦᠨ ᠠᠴᠠ ᠣᠯᠠᠷᠢᠭᠤᠯᠣᠨ ᠦᠬᠦᠯᠡᠪᠡᠯ ᠶᠠᠫᠣᠨ ᠬᠡᠯᠡᠨ ᠤ ᠲᠣᠯᠢ ᠪᠢᠴᠢᠭ ᠲᠤ ᠾᠦᠩᠨᠦ ︵匈奴︶ ᠭᠡᠳᠡᠭ ᠦᠭᠡ ᠶᠢ ᠬᠠᠨᠽᠢ ᠦᠰᠦᠭ ᠤᠨ ᠡᠦ ᠶᠢᠨ ᠠᠪᠢᠶ᠎ᠠ ᠪᠠᠷ ᠺᠦᠨᠦ᠋ ︵くぬ︶ ᠭᠡᠵᠦ ᠣᠩᠰᠢᠨ᠂ ᠬᠠᠨ ᠤ ᠠᠪᠢᠶ᠎ᠠ ᠪᠠᠷ ᠺᠢᠶᠣᠳᠣ᠋ ︵きょうど︶ ᠭᠡᠵᠦ ᠣᠩᠰᠢᠨ᠎ᠠ ᠭᠡᠵᠦ ᠲᠠᠶᠢᠯᠪᠣᠷᠢᠯᠠᠵᠣ ᠪᠠᠶᠢᠨ᠎ᠠ᠃ ᠺᠦᠨᠦ᠋ ᠨᠢ ︽ᠬᠢᠶᠠᠨ ᠤ︾ ᠶᠢᠨ ᠬᠠᠷᠠᠭᠠᠯᠵᠠᠭᠰᠠᠨ ᠠᠪᠢᠶ᠎ᠠ ᠪᠠᠶᠢᠵᠣ᠂ ᠺᠢᠶᠣᠳᠣ᠋ ᠨᠢ ᠬᠢᠶᠠᠨ ᠤ ᠣᠯᠠᠨ ᠲᠤᠭ᠎ᠠ ᠶᠢ ᠵᠢᠭᠠᠭᠰᠠᠨ ︽ᠬᠢᠶᠠᠳ︾ ᠤᠨ ᠬᠠᠷᠠᠭᠠᠯᠵᠠᠭᠰᠠᠨ ᠠᠪᠢᠶ᠎ᠠ ᠪᠣᠯᠪᠠᠥ ᠭᠡᠵᠦ ᠪᠣᠳᠣᠨᠠᠮ᠃ ᠪᠠᠰᠠ ᠨᠢᠭᠡᠨ ᠵᠢᠱᠢᠶ᠎ᠡ ᠠᠴᠠ ᠦᠵᠡᠪᠡᠯ᠂ ᠨᠠᠷᠧᠨᠳ᠋ᠷ᠎ᠠ ᠺᠷᠢᠱᠨᠠ ᠰᠢᠩᠬ᠎ᠠ ( Narendra Krishna Sinha︶ ᠪᠣᠯᠣᠨ ᠠᠨᠢᠯ ᠴᠠᠩᠳ᠋ᠷ᠎ᠠ ᠪᠠᠨᠠᠷᠵᠢ ︵Anil Chandra Banerjee︶ ᠶᠢᠨ ᠵᠣᠬᠢᠶᠠᠭᠰᠠᠨ ︽ᠡᠨᠡᠳᠬᠡᠭ ᠤᠨ ᠨᠡᠪᠳᠡᠷᠬᠡᠢ ᠲᠡᠣᠬᠡ︾ ︵ᠱᠠᠩ ᠡᠣ ᠬᠡᠪᠯᠡᠯ ᠤᠨ ᠬᠤᠷᠢᠶ᠎ᠠ  ᠠᠴᠠ ᠬᠡᠪᠯᠡᠬᠦᠯᠦᠭᠰᠡᠨ 1973 ᠣᠨ ᠤ ᠬᠢᠳᠠᠳ ᠬᠡᠪᠯᠡᠯ︶ ᠳᠤ ᠾᠦᠩᠨᠦ ᠭᠡᠳᠡᠭ ᠦᠭᠡ ᠶᠢ Hiung-nu ᠭᠡᠵᠦ ᠭᠠᠯᠢᠭᠴᠢᠯᠠᠨ ᠪᠢᠴᠢᠵᠦ ᠪᠠᠶᠢᠭ᠎ᠠ ᠶᠣᠮ᠃ ᠠᠳᠡ ᠣᠨᠴᠠᠭᠠᠢ ᠠᠩᠬᠠᠷᠬᠤ ᠨᠢ ᠡᠷᠳᠡᠨ ᠤ ᠡᠨᠡᠳᠭᠡᠭᠴᠦᠳ ᠤᠨ ᠬᠡᠯᠡᠳᠡᠭ ᠡᠨᠡᠬᠦ Hiung-nu ︵ᠬᠢᠶᠠᠨ ᠤ︶ ᠭᠡᠳᠡᠭ ᠦᠭᠡ ᠪᠣᠯ ᠨᠡᠶᠢᠳᠡ ᠶᠢᠨ ᠣᠨ ᠲᠣᠭᠠᠯᠠᠯ ᠤᠨ ᠲᠦᠷᠪᠡᠳᠦᠭᠡᠷ ᠵᠠᠭᠤᠨ  ᠠᠴᠠ ᠲᠠᠪᠣᠳᠣᠭᠠᠷ ᠵᠠᠭᠤᠨ ᠢᠶᠠᠷ ᠲᠣᠮᠳᠠᠳᠣ ᠠᠽᠢ ᠳᠤ ᠪᠠᠶᠢᠭᠰᠠᠨ ᠾᠦᠩᠨᠦ ᠬᠦᠮᠦᠰ ᠤᠨ ᠨᠢᠭᠡᠨ ᠰᠠᠯᠠᠭ᠎ᠠ ᠪᠣᠯᠬᠤ ᠶᠧ ᠳ᠋ᠠ ︵嚈哒᠂ ᠶᠧ ᠳ᠋ᠠ ᠪᠣᠯ ᠬᠡᠯᠳᠦᠰᠬᠢᠪᠡᠯ ᠬᠢᠳᠠᠨ ᠭᠡᠳᠡᠭ ᠨᠡᠷ᠎ᠡ ᠶᠢᠨ ᠡᠷᠳᠡᠨ ᠤ ᠠᠪᠢᠶᠠᠯᠠᠯ ᠪᠣᠯᠬᠤ ᠮᠠᠭᠠᠳᠯᠠᠯ ᠲᠠᠢ︶ ᠭᠡᠬᠦ ᠪᠣᠶᠣ ᠡᠰᠡᠬᠦᠯ᠎ᠡ ᠪᠠᠰᠠ ᠲᠠᠳᠬᠠᠯ ᠢᠶᠠᠷ ᠢᠶᠠᠨ ᠶᠠᠨ ᠳ᠋ᠠ ᠭᠡᠳᠡᠭ ᠨᠡᠷ᠎ᠡ ᠲᠠᠢ ᠷᠸᠣᠷᠠᠨ ᠬᠦᠮᠦᠰ  ᠤᠨ ᠨᠢᠭᠡᠨ ᠰᠠᠯᠪᠣᠷᠢ — ᠴᠠᠭᠠᠨ ᠾᠦᠩᠨᠦ ᠬᠡᠮᠡᠨ ᠠᠯᠳᠠᠷᠰᠢᠭᠰᠠᠨ ᠾᠦᠩᠨᠦ ᠬᠦᠮᠦᠰ ᠡᠨᠡᠳᠬᠡᠭ ᠲᠤ ᠲᠦᠷᠢᠨ ᠣᠷᠣᠭᠠᠳ ᠦᠯᠡᠳᠡᠭᠡᠵᠦ ᠦᠭᠭᠦᠭᠰᠡᠨ ᠨᠡᠷ᠎ᠡ ᠪᠣᠯᠣᠨ᠎ᠠ᠃ ᠬᠠᠷᠢᠨ ᠪᠣᠰᠣᠳ ᠦᠨᠳᠦᠰᠦᠳᠡᠨ ᠶᠠᠰᠣᠳᠠᠨ ᠢ ᠲᠠᠮᠵᠢᠵᠣ ᠲᠠᠮ ᠢᠶᠠᠷ ᠢᠷᠡᠭᠰᠡᠨ ᠨᠡᠷ᠎ᠡ ᠦᠭᠡ ᠪᠢᠰᠢ᠃ ᠲᠣᠬᠠᠢ ᠶᠢᠨ ᠦᠶ᠎ᠡ ᠶᠢᠨ ᠡᠨᠡᠳᠬᠡᠭᠴᠣᠳ᠂ ᠾᠦᠩᠨᠦ ᠶᠢᠨ ᠲᠦᠷᠢᠮᠡᠬᠡᠶᠢᠯᠡᠯ ᠢ ᠡᠰᠡᠷᠭᠦᠴᠡᠭᠰᠡᠨ ᠬᠡᠷᠡᠭ ᠣᠴᠢᠷ ᠢ ᠴᠢᠯᠠᠭᠤᠨ ᠬᠦᠰᠢᠶ᠎ᠡ ᠳᠤ ᠲᠡᠮᠳᠡᠭᠯᠡᠨ ᠦᠯᠡᠳᠡᠭᠡᠬᠦ ᠲᠡᠭᠡᠨ ᠡᠨᠡᠬᠦ Hiung-nu ᠭᠡᠳᠡᠭ ᠦᠨᠳᠦᠰᠦᠳᠡᠨ ᠤ ᠨᠡᠷ᠎ᠡ ᠪᠠ ᠲᠡᠭᠦᠨ ᠤ ᠲᠣᠯᠣᠭᠠᠶᠢᠯᠠᠭᠴᠢ ᠶᠢᠨ ᠨᠡᠷ᠎ᠡ ᠲᠣᠷᠠᠮᠠᠨ ︵Toramana︶ ᠲᠠᠢ ᠬᠠᠮᠳᠣ ᠰᠡᠶᠢᠯᠪᠣᠷᠢᠯᠡᠭᠰᠡᠨ ᠭᠡᠳᠡᠭ ᠶᠣᠮ᠃ ᠡᠶᠢᠮᠦ ᠠᠴᠠ ᠡᠨᠡᠬᠦ Hiung-nu ᠭᠡᠳᠡᠭ ᠠᠪᠢᠶ᠎ᠠ ᠨᠢ ᠾᠦᠩᠨᠦ ᠶᠢᠨ ᠲᠣᠬᠠᠢ ᠶᠢᠨ ᠦᠶ᠎ᠡ ᠶᠢᠨ ᠢᠵᠠᠭᠤᠷ ᠠᠪᠢᠶ᠎ᠠ ᠶᠢ ᠨᠡᠯᠢᠶᠡᠳ ᠪᠠᠳᠣᠳᠠᠢ ᠲᠣᠲᠣ ᠬᠠᠳᠠᠭᠠᠯᠠᠵᠣ ᠪᠠᠶᠢᠭ᠎ᠠ ᠬᠠᠮᠤᠭ ᠡᠷᠳᠡᠨ ᠤ ᠠᠪᠢᠶᠠᠯᠠᠭ᠎ᠠ ᠪᠣᠯᠬᠤ ᠮᠠᠭᠠᠳ᠂ ᠣᠴᠢᠷ ᠨᠢ ᠡᠨᠡ ᠪᠣᠯ ᠲᠡᠯᠡᠬᠡᠢ ᠲᠡᠭᠡᠷ᠎ᠡ ᠬᠠᠮᠤᠭ ᠠᠩᠬᠠᠨ ᠤ ᠵᠢᠩᠬᠢᠨᠢ ᠠᠪᠢᠶᠠᠨ ᠦᠰᠦᠭ ᠢᠶᠠᠷ ᠪᠠᠭᠤᠯᠭᠠᠭᠰᠠᠨ ᠾᠦᠩᠨᠦ ᠭᠡᠳᠡᠭ ᠪᠦᠳᠦᠨ ᠦᠭᠡ ᠶᠢᠨ ᠠᠪᠢᠶᠠᠴᠢᠯᠠᠯᠭ᠎ᠠ ᠪᠣᠯᠬᠤ ᠮᠠᠭᠠᠳ ᠭᠡᠵᠦ ᠪᠢ ᠦᠵᠡᠵᠦ ᠪᠠᠶᠢᠨ᠎ᠠ᠃ ᠲᠡᠭᠡᠷᠡᠬᠢ ᠡᠳᠡᠭᠡᠷ ᠠᠴᠠ ᠬᠤᠷᠢᠶᠠᠩᠭᠤᠶᠢᠯᠠᠨ ᠦᠵᠡᠪᠡᠯ ᠾᠦᠩᠨᠦ ᠭᠡᠳᠡᠭ ᠦᠭᠡ ᠶᠢᠨ ᠣᠣᠯ ᠠᠪᠢᠶ᠎ᠠ ᠨᠢ ︽ᠬᠢᠶᠠᠨ︾᠂ ︽ᠬᠢᠶᠠᠳ︾ ᠡᠰᠡᠬᠦᠯ᠎ᠡ ︽ᠬᠢᠶᠠᠨ ᠤ︾ ᠭᠡᠬᠦ ᠪᠣᠶᠣ ︽ᠬᠢᠶᠠᠨᠴᠣᠳ︾ ᠭᠡᠳᠡᠭ ᠦᠭᠡ ᠪᠣᠯᠬᠤ ᠨᠢ ᠲᠠᠮᠵᠢᠭ ᠦᠭᠡᠢ ᠣᠴᠢᠷ ᠪᠣᠯᠣᠯᠳᠠᠢ᠃ ᠭᠡᠪᠡᠴᠦ ᠠᠩᠬᠠᠷᠬᠤ ᠨᠢ ᠬᠢᠳᠠᠳ ᠲᠡᠣᠬᠡᠨ ᠳᠤ ᠴᠠᠭ ᠦᠶ᠎ᠡ ᠨᠢ ᠠᠳᠠᠯᠢ ᠦᠭᠡᠢ ᠠᠴᠠ ᠪᠣᠯᠵᠣ᠂ ᠱᠠᠨ ᠷᠦᠩ᠂ ᠪᠸᠢ ᠳ᠋ᠢ᠂ ᠰᠢᠶᠠᠨ ᠶᠦᠨ᠂ ᠰᠢᠶᠦ᠋ᠨ ᠶᠦ᠋᠂ ᠰᠢᠶᠦ᠋ᠩ ᠨᠦ᠋ ᠬᠡᠬᠦ ᠵᠡᠷᠭᠡ ᠣᠯᠠᠨ ᠨᠡᠷ᠎ᠡ ᠪᠠᠷ ᠨᠡᠷᠡᠯᠡᠵᠦ ᠪᠠᠶᠢᠵᠠᠢ᠃ ᠠᠯᠢ ᠲᠦᠷᠦᠬᠦᠨ ᠤ ᠬᠢᠨᠢ ᠬᠡᠯᠡᠯᠭᠡ ᠨᠢ ᠠᠯᠢ ᠡᠷᠳᠡᠨ ᠤ ᠨᠡᠷᠡᠶᠢᠳᠦᠯ ᠪᠣᠯᠣᠯᠳᠠᠢ᠃ ᠭᠡᠪᠡᠴᠦ ᠠᠩᠬᠠᠷᠬᠤ ᠨᠢ ᠱᠠᠨ ᠷᠦᠩ  ᠤᠨ ᠷᠦᠩ ᠢ ᠣᠳᠣ ᠪᠣᠯ ᠷᠦᠩ ᠭᠡᠵᠦ ᠠᠪᠢᠶᠠᠯᠠᠳᠠᠭ᠂ ᠭᠡᠳᠡᠯ᠎ᠡ ᠡᠷᠳᠡᠨ ᠤ ᠬᠢᠳᠠᠳ ᠬᠦᠮᠦᠰ ᠶᠦᠩ ᠪᠣᠶᠣ ᠶᠦᠨ ᠭᠡᠵᠦ ᠵᠦᠭᠡᠯᠡᠷᠡᠭᠦᠯᠦᠨ ᠠᠪᠢᠶᠠᠯᠠᠳᠠᠭ ᠶᠣᠮ᠂ ᠡᠶᠢᠮᠦ ᠠᠴᠠ ᠱᠠᠨ ᠷᠦᠩ ᠨᠢ ᠮᠦᠨ ᠰᠢᠶᠠᠨ ᠶᠦᠨ ᠭᠡᠳᠡᠭ ᠲᠠᠢ ᠪᠠᠨ ᠢᠵᠢᠯ ᠲᠠᠭᠤᠳᠠᠯᠭ᠎ᠠ ᠪᠣᠯᠬᠤ ᠪᠣᠯᠣᠯᠴᠠᠭ᠎ᠠ ᠶᠡᠭᠡ ᠪᠣᠢ᠂ ᠭᠡᠪᠡᠴᠦ ᠪᠢ ᠡᠳᠡᠭᠡᠷ ᠪᠦᠬᠦᠨ ᠢ ᠪᠦᠷ ᠲᠠᠳᠬᠠᠯ ᠶᠣᠰᠣ ᠪᠠᠷ ᠾᠦᠩᠨᠦ ᠭᠡᠵᠦ ᠨᠢᠭᠡᠳᠭᠡᠨ ᠬᠡᠷᠡᠭᠯᠡᠵᠡᠢ᠃ ᠪᠡᠯᠡᠳᠬᠡᠭᠰᠡᠨ ᠨᠢ᠄ ᠡᠷᠳᠡᠨᠢᠬᠦᠦᠨᠠᠶᠢᠷᠠᠭᠤᠯᠤᠭᠰᠠᠨ ᠨᠢ᠄ ᠨᠠᠮᠤᠷᠬᠢᠨᠠᠭᠰᠠᠨ ᠨᠢ᠄ ᠤᠷᠢᠬᠠᠨ
 
ᠢᠷᠡᠯᠲᠡ᠄ ᠲᠣᠰ ᠰᠦᠯᠵᠢᠶ᠎ᠡ
 
 
ᠬᠠᠮᠢᠶ᠎ᠡ ᠪᠦᠬᠦᠢ ᠰᠣᠨᠢᠨ
  
ᠠᠯᠠᠱᠠ ᠦᠷᠡᠰ ᠨᠠᠶᠢᠷ ᠤᠨ ᠡᠭᠦᠰᠦᠯᠲᠡ ᠲᠡᠤᠬᠡ
ᠠᠯᠠᠱᠠ ᠣᠷᠴᠢᠭᠤᠯᠭ᠎ᠠ ᠶᠢᠨ ᠰᠤᠷᠭᠠᠭᠤᠯᠢ ᠶᠢᠨ ᠠᠩᠭᠢ ᠪᠠᠶᠢᠭᠤᠯᠪᠠ
ᠠᠯᠠᠱᠠ ᠦᠬᠢᠳ ᠤᠨ ᠰᠤᠷᠭᠠᠭᠤᠯᠢ  ᠶᠢ ᠪᠠᠶᠢᠭᠤᠯᠪᠠ
ᠠᠯᠠᠱᠠ ᠪᠠᠭᠰᠢ ᠶᠢᠨ ᠰᠤᠷᠭᠠᠭᠤᠯᠢ ᠪᠠᠶᠢᠭᠤᠯᠪᠠ
ᠪᠠᠭ᠎ᠠ ᠬᠡᠤᠬᠡᠳ ᠢ ᠯᠠᠮᠠ ᠪᠣᠯᠭᠠᠬᠤ ᠶᠢ ᠬᠤᠷᠢᠭᠯᠠᠭᠰᠠᠨ ᠨᠢ
2014-2015 ©  ᠦᠪᠦᠷ ᠮᠣᠩᠭᠤᠯ ᠤᠨ ᠮᠦᠩᠭᠡᠭᠠᠯ ᠰᠣᠹᠲ ᠤᠨ ᠬᠤᠪᠢᠴᠠᠭᠠᠨ ᠤ ᠬᠢᠵᠠᠭᠠᠷᠲᠦ ᠺᠣᠮᠫᠠᠨᠢ ᠪᠦᠬᠦ ᠵᠦᠢᠯ ᠬᠠᠤᠯᠢ ᠪᠠᠷ ᠬᠠᠮᠠᠭᠠᠯᠠᠭᠳᠠᠭᠰᠠᠨ᠂ ᠵᠦᠪᠰᠢᠶᠡᠷᠡᠯ ᠦᠭᠡᠢ ᠪᠠᠷ ᠬᠠᠭᠤᠯᠪᠤᠷᠢᠯᠠᠬᠤ ᠶᠢ ᠡᠷᠡᠰ ᠬᠤᠷᠢᠭᠯᠠᠨ᠎ᠠ 蒙ICP备05070829号