ᠲᠡᠷᠢᠭᠦᠨ ᠬᠠᠭᠤᠳᠠᠰᠤ
ᠲᠣᠶᠢᠮᠣ ᠪᠠᠶᠢᠳᠠᠯ
ᠰᠣᠨᠢᠨ ᠮᠡᠳᠡᠭᠡ
ᠢᠯᠡ ᠵᠠᠰᠠᠭ
ᠦᠢᠯᠡᠴᠢᠯᠡᠭᠡ
ᠰᠣᠶᠣᠯ ᠡᠷᠳᠡᠨᠢ
ᠰᠢᠨ᠎ᠡ ᠬᠦᠳᠡᠭᠡ
塗 ᠭᠡᠳᠡᠭ ᠾᠦᠩᠨᠦ ᠦᠭᠡ ᠶᠢ ᠲᠠᠶᠢᠯᠪᠣᠷᠢᠯᠠᠬᠤ ᠨᠢ
ᠨᠡᠶᠢᠲᠡᠯᠡᠭᠰᠡᠨ ᠴᠠᠭ᠄
2020/10/20
ᠣᠣᠬᠠᠨ · ᠬᠠᠭᠳᠠ塗 ᠦᠰᠦᠭ᠄ 塗 ᠦᠰᠦᠭ ᠤᠨ ᠣᠳᠣ ᠦᠶ᠎ᠡ ᠶᠢᠨ ᠯᠠᠲ᠋ᠢᠨ ᠭᠠᠯᠢᠭ᠄ tú᠃ 塗 ᠦᠰᠦᠭ ᠤᠨ ᠬᠢᠳᠠᠳ ᠤᠨ ︽ᠣᠯᠣᠰ ᠤᠨ ᠬᠡᠯᠡᠨ ᠤ ᠦᠭᠡᠰ ᠤᠨ ᠲᠣᠯᠢ︾ ᠲᠠᠬᠢ ᠣᠳᠬ᠎ᠠ ᠶᠢᠨ ᠲᠠᠶᠢᠯᠪᠣᠷᠢ᠄ ᠲᠣᠣᠷᠠᠬᠢ ᠮᠡᠳᠦ ᠬᠤᠶᠠᠷ ᠵᠦᠢᠯ ᠢᠶᠠᠷ ᠬᠡᠷᠡᠭᠯᠡᠨ᠎ᠡ᠂ ᠨᠢᠭᠡ ᠨᠡᠷ᠎ᠡ ᠦᠭᠡ ᠪᠠᠷ ᠬᠡᠷᠡᠭᠯᠡᠬᠦ᠄ ᠰᠢᠪᠡᠷ ᠪᠠᠯᠴᠢᠭ᠂ ᠵᠠᠮ᠂ ᠣᠪᠣᠭ ᠵᠡᠷᠭᠡ ᠪᠣᠢ᠃ ᠬᠤᠶᠠᠷ ᠦᠢᠯᠡ ᠦᠭᠡ ᠪᠠᠷ ᠬᠡᠷᠡᠭᠯᠡᠬᠦ᠄ ᠴᠬᠤᠶᠢᠳᠠᠬᠤ᠂ ᠪᠠᠯᠠᠯᠠᠬᠤ᠂ ᠡᠷᠢᠶᠡᠴᠢᠬᠦ᠂ ᠭᠬᠢᠷᠲᠦᠭᠦᠯᠬᠦ ᠵᠡᠷᠭᠡ ᠪᠣᠢ᠃ 塗 ᠦᠰᠦᠭ ᠤᠨ ᠲᠡᠭᠡᠳᠦ ᠡᠷᠳᠡᠨ ᠤ ᠠᠪᠢᠶ᠎ᠠ ᠠᠶᠠᠯᠭᠤ᠄ rlaː ᠪᠣᠶᠣ l'aː ᠭᠡᠵᠡᠢ᠂ ᠠᠯᠢᠨ ᠪᠣᠯᠪᠠᠴᠣ ᠪᠦᠷ ᠣᠶᠢᠷᠠᠯᠴᠠᠭ᠎ᠠ ᠪᠠᠷ ᠲᠠ ᠠᠪᠢᠶ᠎ᠠ ᠪᠣᠯᠣᠨ᠎ᠠ᠃ 塗 ᠦᠰᠦᠭ ᠤᠨ ᠴᠢᠨ ᠠᠴᠠ ᠡᠮᠦᠨᠡᠬᠢ ᠠᠪᠢᠶ᠎ᠠ ᠠᠶᠠᠯᠭᠤ᠄ ᠠᠪᠢᠶ᠎ᠠ ᠨᠢ dʰ ᠪᠣᠶᠣ d ᠪᠣᠯᠣᠨ᠎ᠠ᠃ ᠠᠶᠠᠯᠭᠤ ᠨᠢ aɣ᠂ a ᠪᠣᠶᠣ o ᠭᠡᠵᠡᠢ᠃ 塗 ᠦᠰᠦᠭ ᠤᠨ ᠬᠠᠨ ᠣᠯᠣᠰ ᠤᠨ ᠦᠶ᠎ᠡ ᠶᠢᠨ ᠲᠣᠯᠢ ᠪᠢᠴᠢᠭ ︽ᠦᠰᠦᠭ ᠪᠢᠴᠢᠭ ᠤᠨ ᠲᠠᠶᠢᠯᠪᠣᠷᠢ︾ ᠲᠠᠬᠢ ᠠᠪᠢᠶ᠎ᠠ ᠠᠶᠠᠯᠭᠤ᠄ 从土涂聲 ᠭᠡᠵᠡᠢ᠃ 涂 ᠦᠰᠦᠭ ᠢ ᠪᠠᠰᠠ 余 ᠭᠡᠵᠦ ᠪᠢᠴᠢᠭᠡᠳ ᠠᠳᠠᠯᠢᠬᠠᠨ  ᠢᠶᠠᠷ ︽ ᠲᠤ︾ ᠭᠡᠵᠦ ᠣᠩᠰᠢᠬᠤ ᠶᠣᠮ᠃ ᠵᠢᠱᠢᠶᠡᠯᠡᠪᠡᠯ ᠲᠣᠣᠯᠠ ᠭᠤᠣᠯ ᠤᠨ ᠡᠷᠳᠡᠨ ᠤ ᠨᠡᠷ᠎ᠡ ᠪᠣᠯᠬᠤ ᠲᠣᠭᠤᠯ ︵Tool ᠲᠠᠷᠣᠢ ᠣᠳᠣ ᠶᠢᠨ ᠲᠣᠣᠯᠠ︶ ᠢ ᠲᠠᠷᠣᠢ 余吾（tu ŋo︶ ᠭᠡᠵᠦ ᠣᠩᠰᠢᠳᠠᠭ ᠪᠠᠶᠢᠵᠠᠢ᠃ 塗 ᠦᠰᠦᠭ ᠤᠨ ᠲᠠᠩ ᠶᠦᠨ᠂ ᠭᠤᠸᠠᠩ ᠶᠦᠨ᠂ ᠵᠢᠢ ᠶᠦᠨ᠂ ᠶᠦᠨ ᠾᠦᠢ᠂ ᠵᠧᠩ ᠶᠦᠨ ᠵᠡᠷᠭᠡ ᠲᠣᠯᠢ ᠪᠢᠴᠢᠭ ᠳᠠᠬᠢ ᠠᠪᠢᠶ᠎ᠠ ᠠᠶᠠᠯᠭᠤ᠄ 同都切，音徒 ᠭᠡᠵᠡᠢ᠃ ᠪᠠᠰᠠ ᠭᠤᠸᠠᠩ ᠶᠦᠨ᠂ ᠵᠢᠢ ᠶᠦᠨ  ᠳᠤ 宅加切᠂ 直加切，音茶 ᠭᠡᠪᠡ᠃ 塗 ᠦᠰᠦᠭ ᠤᠨ ᠲᠠᠩ ᠣᠯᠣᠰ ᠤᠨ ᠦᠶ᠎ᠡ ᠶᠢᠨ ᠠᠪᠢᠶ᠎ᠠ ᠨᠢ᠄ *dho ᠭᠡᠪᠡ᠃ 塗 ᠦᠰᠦᠭ ᠤᠨ ᠶᠠᠫᠣᠨ ᠬᠡᠯᠡᠨ ᠳᠠᠬᠢ ᠣᠩᠰᠢᠯᠭ᠎ᠠ᠄ ᠬᠢᠳᠠᠳ ᠠᠪᠢᠶ᠎ᠠ ᠪᠠᠷ ᠨᠢ ᠣᠩᠰᠢᠪᠠᠯ と ᠭᠡᠵᠦ᠂ ᠵᠢᠱᠢᠶ᠋ᠯᠡᠪᠡᠯ 塗抹 ᠭᠡᠪᠡᠯ とまつ ᠭᠡᠳᠡᠭ᠂ ᠬᠡᠷᠪᠡ ᠶᠠᠫᠣᠨ ᠠᠪᠢᠶ᠎ᠠ ᠪᠠᠷ ᠨᠢ ᠣᠩᠰᠢᠪᠠᠯ ぬり ︵塗る︶ ᠭᠡᠳᠡᠭ ᠠᠵᠠᠢ᠃ 塗 ᠦᠰᠦᠭ ᠤᠨ ᠺᠣᠷᠢᠶ᠎ᠠ ᠬᠡᠯᠡᠨ ᠳᠠᠬᠢ ᠣᠩᠰᠢᠯᠭ᠎ᠠ᠄ TO ᠭᠡᠵᠡᠢ᠃ 塗 ᠦᠰᠦᠭ ᠤᠨ ᠸᠢᠶᠧᠲᠨᠠᠮ ᠬᠡᠯᠡᠨ ᠳᠠᠬᠢ ᠣᠩᠰᠢᠯᠭ᠎ᠠ᠄ đồ ᠭᠡᠪᠡ᠃ 塗 ᠦᠰᠦᠭ ᠤᠨ ᠬᠢᠳᠠᠳ ᠤᠨ ᠲᠣᠲᠣᠭᠠᠳᠣ ᠭᠠᠳᠠᠭᠠᠳᠣ ᠶᠢᠨ ᠬᠢᠳᠠᠳᠴᠢ ᠡᠷᠳᠡᠮᠳᠡᠳ ᠤᠨ ᠰᠡᠷᠭᠦᠭᠡᠭᠰᠡᠨ ᠲᠣᠮᠳᠠᠳᠣ ᠡᠷᠳᠡᠨ ᠤ ᠠᠪᠢᠶ᠎ᠠ ᠠᠶᠠᠯᠭᠤ᠄ dʱuo᠂ du ᠪᠣᠶᠣ ȡa᠂ ɖɣa᠂ ɖɯa ᠵᠡᠷᠭᠡ ᠪᠣᠢ᠃ 塗 ᠦᠰᠦᠭ ᠤᠨ ᠮᠣᠩᠭᠤᠯ ᠫᠠᠭᠰᠪᠠ ᠦᠰᠦᠭ ᠳᠠᠬᠢ ᠣᠩᠰᠢᠯᠭ᠎ᠠ᠄ ꡈꡟ ︵tu︶ ᠭᠡᠵᠡᠢ᠃ 塗 ᠦᠰᠦᠭ ᠤᠨ ᠬᠢᠳᠠᠳ ᠬᠡᠯᠡᠨ ᠤ ᠣᠯᠠᠨ ᠨᠣᠳᠤᠭ ᠤᠨ ᠠᠪᠢᠶᠠᠨ ᠳᠠᠬᠢ ᠠᠪᠢᠶ᠎ᠠ᠄ ᠺᠧ ᠵᠢᠶᠠ ᠬᠡᠯᠡᠨ ᠤ ᠣᠯᠠᠨ ᠰᠠᠯᠪᠣᠷᠢ ᠳᠤ ᠣᠯᠠᠩᠬᠢ ᠨᠢ ᠮᠠᠰᠢ ᠨᠢᠭᠡᠳᠦᠯ ᠲᠠᠢ ᠪᠠᠷ tʰu ᠭᠡᠵᠦ᠂ ᠲᠣᠩ ᠴᠦᠬᠡᠨ ᠨᠢᠭᠡ ᠨᠢ tu ᠭᠡᠳᠡᠭ ᠪᠠᠶᠢᠨ᠎ᠠ᠃ ᠶᠣᠸᠠᠢ ᠬᠡᠯᠡᠨ ᠳᠤ ᠣᠯᠠᠩᠬᠢ ᠨᠢ ᠮᠦᠨ tʰu ᠭᠡᠵᠦ ᠪᠠᠶᠢᠬᠤ ᠳᠤ ᠵᠠᠷᠢᠮ ᠨᠢ ᠪᠠᠰᠠ hAu᠂ hu ᠪᠣᠯᠣᠨ hæu ᠵᠡᠷᠭᠡ ᠪᠠᠷ ᠠᠪᠢᠶᠠᠯᠳᠠᠭ ᠠᠵᠠᠢ᠃ ᠮᠢᠨᠨᠠᠨ ᠬᠡᠯᠡᠨ ᠳᠤ ᠲᠡᠭᠡᠷᠡᠬᠢ ᠲᠠᠢ ᠦᠨᠳᠦᠰᠦᠨ ᠳᠡᠭᠡᠨ ᠠᠳᠠᠯᠢ᠂ ᠠᠳᠠᠯᠢ ᠦᠭᠡᠢ ᠲᠠᠯ᠎ᠠ ᠭᠡᠪᠡᠯ᠂ ᠮᠢᠨᠨᠠᠨ ᠬᠡᠯᠡᠨ ᠤ ᠮᠢᠨᠪᠸᠢ ᠬᠡᠰᠡᠭ ᠢᠶᠠᠷ lo ᠪᠣᠶᠣ du ᠭᠡᠳᠡᠭ ᠪᠠᠶᠢᠨ᠎ᠠ᠃ 塗 ᠦᠰᠦᠭ ᠤᠨ ︽ᠬᠢᠳᠠᠳ ᠬᠡᠯᠡᠨ ᠤ ᠨᠣᠳᠤᠭ ᠤᠨ ᠠᠪᠢᠶᠠᠨ ᠤ ᠲᠣᠯᠢ︾ ᠳᠠᠬᠢ ᠠᠪᠢᠶ᠎ᠠ᠄ ᠭᠤᠸᠠᠩ ᠶᠦᠨ ᠠᠪᠢᠶᠠᠨ ᠳᠤ ᠳ᠋ᠢᠶᠣᠣ᠂ ᠳ᠋ᠣ ︵ᠲᠦᠷᠪᠡᠳᠦᠭᠡᠷ ᠡᠭᠡᠰᠢᠭ︶ ᠪᠣᠯᠣᠨ ᠳ᠋ᠢᠶᠠ ᠭᠡᠵᠦ ᠰᠣᠨᠣᠰᠳᠠᠵᠣ ᠪᠠᠶᠢᠨ᠎ᠠ᠃ ᠮᠢᠨᠨᠠᠨ ᠬᠡᠯᠡᠨ ᠳᠤ ᠲᠣ ᠳ᠋ᠣ ︵ᠪᠦᠷ ᠲᠦᠷᠪᠡᠳᠦᠭᠡᠷ ᠡᠭᠡᠰᠢᠭ︶ ᠪᠣᠯᠣᠨ ᠳ᠋ᠦ᠋ ︵ᠲᠣᠯᠣᠳᠣᠭᠠᠷ ᠡᠭᠡᠰᠢᠭ︶ ᠢᠶᠠᠷ ᠣᠩᠰᠢᠳᠠᠭ ᠠᠵᠠᠢ᠃ ᠶᠣᠸᠠᠢ ᠬᠡᠯᠡᠨ ᠳᠤ ᠭᠠᠭᠴᠠᠬᠠᠨ tou4 ︵ᠲᠣᠣ︶ ᠭᠡᠳᠡᠭ ᠢ ᠲᠡᠮᠳᠡᠭᠯᠡᠵᠡᠢ᠃ ᠴᠣᠣᠵᠸᠥ ᠬᠡᠯᠡ᠂ ᠺᠧ ᠵᠢᠶᠠ ᠬᠡᠯᠡ ᠪᠣᠯᠣᠨ ᠬᠤᠩᠺᠣᠩ ᠬᠡᠯᠡᠨ ᠳᠤ ᠪᠦᠷ ᠠᠳᠠᠯᠢᠬᠠᠨ ᠢᠶᠠᠷ ᠲᠦ᠋ ︵ᠲᠣᠯᠣᠳᠣᠭᠠᠷ ᠡᠭᠡᠰᠢᠭ︶ ᠢᠶᠠᠷ ᠠᠪᠢᠶᠠᠯᠠᠵᠣ ᠪᠠᠶᠢᠨ᠎ᠠ᠃ 塗 ᠦᠰᠦᠭ ᠤᠨ ᠡᠷᠳᠡᠨ ᠤ ᠠᠪᠢᠶᠠᠨ ᠤ ᠬᠢᠨᠠᠨ ᠲᠣᠭᠳᠠᠭᠠᠯᠳᠠ᠄ ᠡᠷᠳᠡ ᠦᠶ᠎ᠡ ᠳᠡᠭᠡᠨ dʰaɣ ᠪᠠᠶᠢᠵᠣ ᠠᠭᠠᠵᠢᠮ ᠢᠶᠠᠷ do᠂ to ᠪᠣᠯᠵᠣ᠂ ᠠᠪᠢᠶ᠎ᠠ ᠨᠢ tu ᠵᠦᠭ ᠲᠤ ᠰᠢᠯᠵᠢᠨ ᠲᠣᠭᠳᠠᠪᠣᠷᠢᠵᠢᠭᠰᠠᠨ ᠪᠠᠶᠢᠨ᠎ᠠ᠃ 撐犁孤塗 ᠶᠢᠨ ᠡᠷᠳᠡᠨ ᠤ ᠠᠪᠢᠶ᠎ᠠ ᠶᠢᠨ ᠰᠡᠭᠦᠭᠡᠯᠳᠡ᠄ 撐rtʰaːŋ᠂ 犁 riːl ᠪᠣᠶᠣ ril ᠂ 孤 ku᠂ 塗dʰ aɣ ᠪᠣᠶᠣ to ᠪᠣᠯᠣᠨ᠎ᠠ᠃ ᠲᠠᠷᠣᠢ ᠶᠠᠭᠠᠬᠢᠵᠣ ᠬᠡᠯᠡᠭᠰᠡᠨ ᠴᠦ ︽ᠲᠡᠭᠷᠢ ᠶᠢᠨ ᠬᠤᠳᠤᠭ ᠲᠤ︾ ᠭᠡᠳᠡᠭ ᠦᠭᠡᠨ ᠤ ᠲᠦᠭᠦᠮᠴᠢᠯᠡᠭᠰᠡᠨ ᠬᠢᠳᠠᠳ ᠠᠪᠢᠶᠠᠨ ᠣᠷᠴᠢᠭᠤᠯᠭ᠎ᠠ ᠶᠣᠮ᠃ 撐犁孤塗單于 ᠭᠡᠪᠡᠯ ᠲᠠᠷᠣᠢ ︽ᠲᠡᠭᠷᠢ ᠶᠢᠨ ᠬᠤᠳᠣᠭᠳᠣ ᠴᠢᠩᠬᠢᠳ ︵ᠴᠢᠩᠬᠢᠰ︶︾ ᠭᠡᠳᠡᠭ ᠦᠭᠡ ᠪᠣᠯᠣᠨ᠎ᠠ᠃ ᠲᠣᠰ ᠦᠭᠡ ᠶᠢᠨ ᠣᠳᠬ᠎ᠠ ᠶᠢ ᠬᠠᠮᠤᠭ ᠡᠷᠳᠡ ᠬᠢᠳᠠᠳ ᠬᠡᠯᠡᠨ ᠳᠤ ᠣᠳᠬ᠎ᠠ ᠶᠢ ᠨᠢ ᠲᠠᠶᠢᠯᠪᠣᠷᠢᠯᠠᠭᠰᠠᠨ ᠬᠦᠮᠦᠨ ᠪᠣᠯ ᠬᠤᠸᠠᠩ ᠹᠦ᠋ ᠮᠢ ᠶᠣᠮ᠃ ᠬᠤᠸᠠᠩ ᠹᠦ᠋ ᠮᠢ ᠨᠡᠶᠢᠳᠡ ᠶᠢᠨ ᠣᠨ ᠲᠣᠭᠠᠯᠠᠯ ᠤᠨ 215 — 282 ᠣᠨ ᠢᠶᠠᠷ ᠠᠮᠢᠳᠣᠷᠠᠵᠣ ᠪᠠᠶᠢᠵᠠᠢ᠃ ᠲᠠᠷᠣᠢ ᠵᠡᠭᠦᠨ ᠬᠠᠨ ᠣᠯᠣᠰ ᠤᠨ ᠡᠴᠦᠰ ᠠᠴᠠ ᠪᠠᠷᠠᠭᠤᠨ ᠶᠢᠨ ᠣᠯᠣᠰ ᠤᠨ ᠡᠬᠢᠨ ᠪᠣᠯᠳᠠᠯ᠎ᠠ ᠠᠮᠢᠳᠣᠷᠠᠵᠣ ᠪᠠᠶᠢᠵᠠᠢ᠂ ᠲᠡᠭᠦᠨ ᠤ ᠡᠷᠭᠦᠭᠰᠡᠨ ᠨᠡᠷ᠎ᠡ ᠱᠢ ᠠᠨ ᠭᠡᠳᠡᠭ᠂ ᠦᠪᠡᠷ ᠤᠨ ᠴᠣᠯᠠ ᠨᠢ ᠰᠢᠥᠸᠠᠨ ᠶᠣᠸᠠᠨ ᠭᠡᠬᠦ ᠪᠣᠶᠣ ᠰᠢᠥᠸᠠᠨ ᠶᠠᠨ ᠭᠡᠳᠡᠭ ᠠᠵᠠᠢ᠃ ᠲᠡᠷᠡ ᠨᠢᠭᠡᠨ ᠨᠠᠰᠣ ᠪᠠᠨ ᠨᠣᠮ ᠵᠣᠬᠢᠶᠠᠯ ᠵᠣᠬᠢᠶᠠᠨ ᠪᠦᠳᠦᠭᠡᠬᠦ  ᠳᠤ ᠵᠣᠷᠢᠭᠤᠯᠵᠣ᠂ ᠮᠠᠰᠢ ᠣᠯᠠᠨ ᠨᠣᠮ ᠵᠣᠬᠢᠶᠠᠯ ᠲᠣᠭᠤᠷᠪᠢᠨ ᠵᠣᠬᠢᠶᠠᠵᠠᠢ᠃ ᠬᠡᠳᠦᠶᠢᠪᠡᠷ ᠣᠯᠠᠩᠬᠢ ᠨᠢ ᠮᠠᠨ ᠤ ᠡᠷᠡᠨ ᠳᠤ ᠣᠯᠠᠮᠵᠢᠯᠠᠭᠳᠠᠵᠣ ᠢᠷᠡᠭᠰᠡᠨ ᠦᠭᠡᠢ ᠪᠣᠯᠪᠠᠴᠣ᠂ ᠮᠠᠰᠢ ᠣᠯᠠᠨ ᠵᠦᠢᠯ ᠤᠨ ᠨᠣᠮ ᠵᠣᠬᠢᠶᠠᠯ ᠲᠣᠭᠤᠷᠪᠢᠨ ᠵᠣᠬᠢᠶᠠᠵᠠᠢ᠃ ᠬᠠᠷᠢᠨ ᠲᠡᠭᠦᠨ ᠤ ᠠᠯᠳᠠᠷ ᠳ᠋ᠳᠡᠢ ᠪᠦᠳᠦᠭᠡᠯ ᠪᠣᠯᠬᠤ ︽ᠵᠡᠭᠦᠥ ᠲᠦᠭᠡᠨᠡᠯᠭᠡ ᠶᠢᠨ ᠠᠩᠬ᠎ᠠ ᠰᠣᠳᠣᠷ︾ ︵︽针灸甲乙经︾︶ ᠭᠡᠳᠡᠭ ᠨᠣᠮ ᠪᠣᠯ ᠴᠢᠬᠤᠯᠠ ᠪᠣᠯᠬᠤ ᠠᠨᠠᠭᠠᠬᠤ ᠣᠬᠠᠭᠠᠨ ᠤ ᠨᠣᠮ ᠰᠣᠳᠣᠷ ᠪᠣᠯᠣᠭᠰᠠᠨ ᠬᠤᠪᠢ ᠪᠠᠷ ᠡᠳᠦᠬᠡ ᠳᠤ ᠬᠦᠷᠴᠦ ᠢᠷᠡᠳᠡᠯ᠎ᠡ ᠣᠯᠠᠮᠵᠢᠯᠠᠭᠳᠠᠵᠣ ᠴᠢᠳᠠᠪᠠ᠃ ᠲᠣᠰ ᠨᠣᠮ ᠪᠣᠯ ᠬᠢᠳᠠᠳ  ᠤᠨ ᠠᠨᠠᠭᠠᠬᠤ ᠣᠬᠠᠭᠠᠨ ᠤ ᠬᠠᠮᠤᠭ ᠡᠷᠳᠡᠨ ᠤ ᠨᠣᠮ ᠤᠨ ᠨᠢᠭᠡ ᠮᠦᠷᠳᠡᠭᠡᠨ ᠬᠠᠮᠤᠭ ᠡᠷᠳᠡᠨ ᠤ ᠵᠡᠭᠦᠥ ᠲᠦᠭᠡᠨᠡᠯᠬᠡ  ᠶᠢᠨ ᠨᠣᠮ ᠮᠦᠨ᠃ ᠡᠶᠢᠮᠦ ᠠᠴᠠ ᠬᠦᠮᠦᠰ ᠬᠤᠸᠠᠩ ᠹᠦ᠋ ᠮᠢ ᠶᠢ ᠪᠠᠰᠠ ᠵᠡᠬᠦᠥ ᠲᠦᠭᠡᠨᠡᠯᠭᠡ ᠶᠢᠨ ︽ᠡᠪᠦᠭᠡ ᠪᠠᠭᠰᠢ︾ ᠬᠡᠳᠡᠭ ᠶᠣᠮ᠃ ᠬᠤᠸᠠᠩ ᠹᠦ᠋ ᠮᠢ ᠬᠠᠮᠤᠭ ᠡᠷᠳᠡ 撐犁孤塗 ᠭᠡᠳᠡᠭ ᠦᠭᠡ ᠶᠢᠨ ᠣᠳᠬ᠎ᠠ ᠶᠢ ᠲᠠᠶᠢᠯᠪᠣᠷᠢᠯᠠᠭᠰᠠᠨ ᠠᠭᠤᠯᠭ᠎ᠠ ᠪᠣᠯ ᠲᠡᠭᠦᠨ ᠤ ᠵᠣᠬᠢᠶᠠᠭᠰᠠᠨ ︽ᠰᠢᠥᠸᠠᠨ ᠶᠣᠸᠠᠨ ᠤ ᠬᠠᠪᠣᠷ ᠨᠠᠮᠣᠷ︾ ᠭᠡᠳᠡᠭ ᠨᠣᠮ  ᠳᠤ ᠪᠠᠶᠢᠵᠠᠢ᠃ ᠲᠣᠰ ᠨᠣᠮ ᠳᠤ ᠦᠭᠦᠯᠡᠭᠰᠡᠨ ᠨᠢ᠄ ︽ᠡᠷᠳᠡ ᠱᠢ ᠠᠨ ᠪᠢ ᠬᠠᠨ ᠣᠯᠣᠰ ᠤᠨ ᠪᠢᠴᠢᠭ ᠢ ᠣᠩᠰᠢᠬᠤᠶ᠎ᠠ᠂ 撐犁孤塗 ᠭᠡᠳᠡᠭ ᠦᠭᠡ ᠶᠢ ᠣᠶᠢᠯᠭᠠᠬᠤ ᠦᠭᠡᠢ ᠪᠠᠶᠢᠯᠤᠭ᠎ᠠ᠂ ᠮᠢᠨᠦ ᠬᠠᠵᠠᠭᠤᠳᠠ ᠪᠠᠶᠢᠭᠰᠠᠨ ᠬᠣ᠋ ᠪᠣᠭᠤᠯ ᠦᠭᠦᠯᠡᠷᠦᠨ ︿ᠡᠨᠡ ᠪᠣᠯ ᠬᠣ᠋ ᠶᠢᠨ ᠬᠡᠯᠡᠨ ᠳᠤ ᠲᠡᠭᠷᠢ ᠶᠢᠨ ᠬᠦᠥ ︵天子︶ ᠭᠡᠳᠡᠭ ᠦᠭᠡ ᠶᠣᠮ︾ ᠭᠡᠵᠦ ᠲᠠᠶᠢᠯᠪᠣᠷᠢᠯᠠᠵᠣ ᠦᠭᠴᠡᠢ᠃ ᠡᠨᠡᠬᠦ ᠲᠠᠶᠢᠯᠪᠣᠷᠢ ᠬᠠᠷᠢᠨ ᠡᠷᠳᠡᠨ ᠤ ᠨᠣᠮ ᠪᠢᠴᠢᠭ ᠤᠨ ᠠᠭᠤᠯᠭ᠎ᠠ ᠲᠠᠢ ᠮᠠᠰᠢ ᠵᠣᠬᠢᠴᠠᠵᠣ ᠪᠠᠶᠢᠮᠣᠢ ᠭᠡᠪᠡ᠃ ᠬᠤᠸᠠᠩ ᠹᠦ᠋ ᠮᠢ ᠶᠢᠨ ᠨᠣᠮ ᠲᠠᠭᠠᠨ ᠪᠢᠴᠢᠭᠰᠡᠨ ᠡᠨᠡ ᠨᠢᠭᠡᠨ ᠪᠠᠳᠠᠭ ᠦᠭᠡ ᠶᠢ ᠬᠤᠵᠢᠮ ᠤᠨ ᠬᠦᠮᠦᠨ ᠰᠧ ᠮᠠ ᠵᠧᠨ ︵679 — 732︶ ᠬᠠᠨ ᠣᠯᠣᠰ ᠤᠨ ᠪᠢᠴᠢᠭ ᠲᠤ ᠲᠠᠶᠢᠯᠪᠣᠷᠢ ᠬᠢᠵᠦ ᠬᠡᠯᠬᠢᠶᠡᠰᠦ ᠬᠠᠳᠠᠬᠤ ᠲᠠᠭᠠᠨ ᠡᠰᠢᠯᠡᠨ ᠬᠡᠷᠡᠭᠯᠡᠭᠡᠳ ᠲᠡᠯᠡᠬᠡᠢ ᠲᠠᠬᠢᠨ ᠳᠤ ᠲᠠᠷᠬᠠᠭᠰᠠᠨ ᠶᠣᠮ᠃ ᠲᠡᠭᠡᠪᠡᠯ ᠡᠨᠡᠬᠦ 撐犁孤塗 ︵ᠲᠡᠭᠷᠢ ᠶᠢᠨ ᠬᠦᠥ︶ ᠭᠡᠪᠡᠯ ᠵᠦᠪᠬᠡᠨ ᠬᠤᠸᠠᠩ ᠹᠦ᠋ ᠮᠢ ᠶᠢᠨ ᠬᠣ᠋ ᠪᠣᠭᠤᠯ ︵ᠾᠦᠩᠨᠦ ᠬᠦᠮᠦᠨ︖︶ ᠤᠨ ᠬᠡᠯᠡᠭᠰᠡᠨ ᠶᠠᠷᠢᠶᠠᠨ ᠤ ᠬᠡᠯᠡᠨ ᠤ ᠦᠭᠡ ᠪᠣᠯᠣᠨ᠎ᠠ᠃ ᠾᠦᠩᠨᠦ ᠬᠦᠮᠦᠰ ᠬᠠᠭᠠᠨ ᠡᠵᠡᠳ ᠢᠶᠠᠨ ᠲᠡᠭᠷᠢ ᠶᠢᠨ ᠬᠦᠥ ᠭᠡᠬᠦ ᠪᠣᠶᠣ ᠲᠡᠭᠷᠢ ᠶᠢᠨ ᠬᠦᠪᠡᠭᠦᠨ ᠭᠡᠬᠦ ᠵᠠᠩᠰᠢᠯ ᠪᠠᠶᠢᠨ᠎ᠠ ᠦᠦ︖ ᠵᠣᠬᠢᠶᠠᠭᠴᠢ  ᠶᠢᠨ ᠮᠡᠳᠡᠵᠦ ᠪᠠᠶᠢᠭ᠎ᠠ ᠪᠠᠷ ᠡᠨᠡ ᠨᠢᠭᠡᠬᠡᠨ ᠲᠠᠮ ᠲᠠᠶᠢᠯᠪᠣᠷᠢ ᠠᠴᠠ ᠭᠠᠳᠠᠨ᠎ᠠ᠂ ᠶᠠᠮᠠᠷᠪᠠ ᠨᠣᠮ ᠰᠣᠳᠣᠷ ᠲᠤ ᠡᠶᠢᠮᠦ ᠪᠠᠶᠢᠳᠠᠯ ᠲᠠᠬᠢᠵᠣ ᠢᠯᠡᠷᠡᠭᠰᠡᠨ ᠦᠭᠡᠢ᠂ ᠴᠢᠨᠠᠭᠰᠢᠯᠠᠪᠠᠯ ᠬᠤᠵᠢᠮ ᠤᠨ ᠴᠢᠩᠬᠢᠰ ᠬᠠᠭᠠᠨ ᠢ ᠴᠦ ︽ᠲᠡᠭᠷᠢ ᠶᠢᠨ ᠬᠦᠪᠡᠭᠦᠨ︾ ᠭᠡᠵᠦ ᠴᠣᠯᠠᠳᠠᠵᠣ ᠪᠠᠶᠢᠭᠰᠠᠨ ᠣᠳᠭ᠎ᠠ ᠪᠠᠶᠢᠬᠤ ᠦᠭᠡᠢ᠃ ᠰᠢᠯᠳᠠᠭᠠᠨ ᠭᠡᠪᠡᠯ ᠲᠣᠩ ᠲᠦᠭᠦᠮ᠂ ᠾᠦᠩᠨᠦ ᠬᠦᠮᠦᠨ᠂ ᠬᠤᠵᠢᠮ ᠤᠨ ᠮᠣᠩᠭᠤᠯ ᠬᠦᠮᠦᠨ ᠪᠦᠷ ᠪᠦᠬᠡ ᠮᠦᠷᠭᠦᠯ ᠰᠢᠳᠦᠳᠡᠭ ᠪᠣᠯᠬᠤᠷ᠂ ᠲᠡᠭᠷᠢ ᠨᠢ ᠭᠠᠭᠴᠠᠬᠠᠨ ᠪᠢᠰᠢ᠂ ᠮᠦᠷᠳᠡᠭᠡᠨ ᠰᠠᠶᠢᠨ ᠵᠦᠭ ᠤᠨ ᠲᠡᠭᠷᠢ᠂ ᠮᠠᠭᠤ ᠵᠦᠭ ᠤᠨ ᠲᠡᠭᠷᠢ ᠭᠡᠵᠦ ᠬᠤᠪᠢᠶᠠᠳᠠᠭ ᠠᠴᠠ ᠪᠣᠯᠵᠠᠢ᠃ ᠡᠶᠢᠮᠦ ᠠᠴᠠ ᠲᠡᠳᠡ ᠬᠡᠵᠢᠶᠡᠳᠡ ᠬᠠᠭᠠᠳ ᠡᠵᠡᠳ ᠢᠶᠠᠨ ᠰᠢᠭᠤᠳ ︽ᠲᠡᠭᠷᠢ ᠶᠢᠨ ᠬᠦᠥ︾ ᠭᠡᠵᠦ ᠴᠣᠯᠠᠳᠠᠵᠣ ᠪᠠᠶᠢᠭ᠎ᠠ ᠦᠭᠡᠢ᠃ ᠵᠦᠪᠬᠡᠨ ᠲᠡᠭᠷᠢ ᠠᠴᠠ ᠡᠰᠢ ᠲᠠᠢ᠂ ᠲᠡᠭᠷᠢ ᠠᠴᠠ ᠵᠠᠶᠠᠭᠠᠳᠣ᠂ ᠲᠡᠭᠷᠢ ᠶᠢᠨ ᠬᠤᠳᠣᠭᠳᠣ ᠭᠡᠬᠦ ᠵᠡᠷᠭᠡ ᠪᠠᠷ ᠴᠣᠯᠠᠳᠠᠳᠠᠭ ᠪᠠᠶᠢᠵᠠᠢ᠃ ᠬᠠᠷᠢᠨ ᠬᠢᠳᠠᠳ ᠬᠠᠭᠠᠨ ᠡᠵᠡᠳ ᠪᠣᠯ ᠬᠠᠨ ᠣᠯᠣᠰ ᠤᠨ ᠲᠠᠪᠣᠳᠣᠭᠠᠷ ᠬᠠᠭᠠᠨ ᠯᠢᠥ ᠴᠧ ᠶᠢᠨ ᠢᠳᠡᠷ ᠨᠠᠰᠣᠨ ᠠᠴᠠ ᠡᠬᠢᠯᠡᠨ ᠰᠠᠶ᠋ᠢ ︽ᠲᠡᠭᠷᠢ ᠶᠢᠨ ᠬᠦᠥ︾ ︵天子︶ ᠭᠡᠵᠦ ᠴᠣᠯᠠᠳᠠᠬᠤ ᠦᠵᠡᠭᠳᠡᠯ ᠲᠡᠣᠬᠡᠨ ᠳᠤ ᠢᠯᠡᠷᠡᠵᠡᠢ᠃ ᠲᠡᠭᠦᠨ ᠤ ᠡᠮᠦᠨ᠎ᠡ ᠬᠠᠭᠠᠰ ᠨᠠᠰᠣ ᠵᠢᠴᠢ ᠬᠠᠨ ᠣᠯᠣᠰ  ᠤᠨ ᠡᠬᠢᠨ ᠤ ᠲᠦᠷᠪᠡᠨ ᠬᠠᠭᠠᠳ ᠲᠤ ᠲᠡᠭᠦᠨ ᠠᠴᠠ ᠡᠶᠢᠮᠦᠷᠬᠦ ᠴᠣᠯᠠ ᠪᠠᠶᠢᠭᠰᠠᠨ ᠦᠭᠡᠢ ᠨᠢ ᠦᠨᠡᠨᠳᠡᠢ ᠶᠣᠮ᠃ ᠯᠢᠥ ᠴᠧ ᠠᠴᠠ ᠬᠤᠵᠢᠮ ᠬᠢᠳᠠᠳ ᠬᠠᠭᠠᠳ ᠪᠣᠯ ᠡᠨᠡᠬᠦ ᠨᠡᠷᠡᠶᠢᠳᠦᠯ ᠢ ᠨᠡᠶᠢᠳᠡᠮ ᠬᠡᠷᠡᠭᠯᠡᠵᠦ ᠪᠣᠯᠵᠠᠢ᠃ ᠶᠠᠭ ᠡᠶᠢᠮᠦ  ᠠᠴᠠ ᠪᠠᠷᠠᠭᠤᠨ ᠶᠢᠨ ᠣᠯᠣᠰ ᠤᠨ ᠬᠦᠮᠦᠨ ᠬᠤᠸᠠᠩ ᠹᠦ᠋ ᠮᠢ ᠶᠢᠨ ᠬᠣ᠋ ᠪᠣᠭᠤᠯ ᠨᠢ ᠬᠢᠳᠠᠳ ᠰᠣᠶᠣᠯ ᠤᠨ ᠡᠨᠡᠬᠦ ᠵᠠᠩᠰᠢᠯ ᠢᠶᠠᠷ ︽ᠲᠡᠭᠷᠢ ᠶᠢᠨ ᠬᠤᠳᠣᠭᠳᠣ︾ ︵撐犁孤塗︶ ᠭᠡᠳᠡᠭ ᠾᠦᠩᠨᠦ ᠦᠭᠡ ᠶᠢ ᠬᠢᠳᠠᠳ ᠬᠡᠯᠡᠨ ᠤ ᠶᠠᠷᠢᠶᠠᠨ ᠤ ᠬᠡᠯᠡ ᠪᠠᠷ ︽ᠲᠡᠭᠷᠢ ᠶᠢᠨ ᠬᠦᠥ︾ ᠭᠡᠵᠦ ᠲᠠᠶᠢᠯᠪᠣᠷᠢᠯᠠᠭᠰᠠᠨ ᠲᠡᠳᠦᠶᠢᠯᠡ ᠠᠵᠠᠢ᠃ ᠠᠳᠡ ᠠᠬᠢᠨ ᠬᠡᠯᠡᠬᠦ ᠠᠴᠠ᠂ ᠣᠳᠣ ᠦᠶ᠎ᠡ ᠳᠤ ᠰᠣᠳᠣᠯᠣᠭᠴᠢᠳ ᠡᠨᠡᠬᠦ ︽ᠲᠡᠭᠷᠢ ᠶᠢᠨ ᠬᠦᠥ︾ ᠬᠡᠭᠦ ᠲᠠᠶᠢᠯᠪᠣᠷᠢ ᠶᠢ ᠡᠰᠢᠯᠡᠭᠴᠢᠳ ᠮᠣᠩ ᠦᠭᠡᠢ ᠣᠯᠠᠨ ᠪᠠᠶᠢᠪᠠᠴᠣ᠂ 撐犁孤塗 ᠶᠠᠭᠠᠬᠢᠵᠣ ᠲᠠᠶᠢᠯᠪᠣᠷᠢᠯᠠᠭᠰᠠᠨ ᠴᠦ 撐犁 ᠪᠣᠯ ᠠᠯᠳᠠᠢ ᠰᠠᠯᠪᠣᠷᠢ ᠶᠢᠨ ᠣᠯᠠᠨ ᠬᠡᠯᠡᠨ ᠳᠤ ᠨᠡᠶᠢᠳᠡᠮ ᠬᠡᠷᠡᠭᠯᠡᠭᠳᠡᠬᠦ ᠨᠡᠶᠢᠳᠡ ᠶᠢᠨ ᠦᠭᠡ ᠪᠣᠯᠬᠤ ︽ᠲᠡᠭᠷᠢ︾ ᠭᠡᠳᠡᠭ ᠦᠭᠡᠨ ᠳᠤ ᠰᠠᠨᠠᠯ ᠨᠢᠭᠡᠳᠴᠦ ᠴᠢᠳᠠᠵᠠᠢ᠂ ᠭᠡᠪᠡᠴᠦ 孤塗 ᠳᠤᠨᠢ ᠬᠠᠷᠬᠠᠨ ᠰᠠᠨᠠᠯ ᠨᠡᠶᠢᠯᠡᠵᠦ ᠴᠢᠳᠠᠭᠠᠳᠣᠢ ᠶᠣᠮ᠃ ᠰᠢᠯᠳᠠᠭᠠᠨ ᠨᠢ ᠪᠦᠷ ᠡᠨᠡᠬᠦ ︽ᠲᠡᠭᠷᠢ ᠶᠢᠨ ᠬᠦᠥ︾ ᠭᠡᠳᠡᠭ ᠲᠠᠶᠢᠯᠪᠣᠷᠢ ᠳᠤ ᠬᠢᠵᠠᠭᠠᠷᠯᠠᠭᠳᠠᠭᠰᠠᠨ ᠠᠴᠠ ᠪᠣᠯᠵᠠᠢ᠃ ᠲᠠᠷᠣᠢ 孤塗 ᠭᠡᠳᠡᠭ ᠦᠭᠡ ᠶᠢ ᠠᠯᠳᠠᠢ ᠶᠢᠨ ᠣᠯᠠᠨ ᠬᠡᠯᠡᠨ ᠤ ᠠᠯᠢ ᠬᠡᠯᠡ ᠪᠠᠷ ᠬᠦᠥ ᠭᠡᠵᠦ ᠲᠠᠶᠢᠯᠪᠣᠷᠢᠯᠠᠭᠰᠠᠨ ᠴᠦ 塗 ᠨᠢ ᠢᠯᠡᠭᠦᠴᠡ ᠭᠠᠷᠴᠣ ᠠᠷᠭ᠎ᠠ ᠪᠠᠷᠠᠭᠳᠠᠭᠤᠯᠳᠠᠭ ᠠᠵᠠᠢ᠃ ᠬᠡᠷᠪᠡ ᠬᠤᠳᠣᠭᠳᠣ ᠭᠡᠵᠦ ᠲᠠᠶᠢᠯᠪᠣᠷᠢᠯᠠᠪᠠᠯ ᠬᠠᠷᠢᠨ ᠨᠡᠩ ᠠᠮᠠᠷᠬᠠᠨ ᠰᠢᠢᠳᠪᠦᠷᠢᠯᠡᠭᠳᠡᠬᠦ ᠮᠦᠷᠳᠡᠭᠡᠨ ᠪᠣᠳᠠᠳᠠᠢ ᠲᠠᠢ ᠨᠡᠶᠢᠴᠡᠨ᠎ᠡ ᠭᠡᠵᠦ ᠵᠣᠬᠢᠶᠠᠭᠴᠢ ᠣᠶᠢᠯᠭᠠᠵᠣ ᠲᠠᠶᠢᠯᠪᠣᠷᠢᠯᠠᠵᠣ ᠪᠠᠶᠢᠨ᠎ᠠ᠃ ᠪᠡᠯᠡᠳᠬᠡᠭᠰᠡᠨ ᠨᠢ᠄ ᠡᠷᠳᠡᠨᠢᠬᠦᠦᠨᠠᠶᠢᠷᠠᠭᠤᠯᠤᠭᠰᠠᠨ ᠨᠢ᠄ ᠨᠠᠮᠤᠷᠬᠢᠨᠠᠭᠰᠠᠨ ᠨᠢ᠄ ᠤᠷᠢᠬᠠᠨ
 
ᠢᠷᠡᠯᠲᠡ᠄ ᠲᠣᠰ ᠰᠦᠯᠵᠢᠶ᠎ᠡ
 
 
ᠬᠠᠮᠢᠶ᠎ᠡ ᠪᠦᠬᠦᠢ ᠰᠣᠨᠢᠨ
  
ᠠᠯᠠᠱᠠ ᠦᠷᠡᠰ ᠨᠠᠶᠢᠷ ᠤᠨ ᠡᠭᠦᠰᠦᠯᠲᠡ ᠲᠡᠤᠬᠡ
ᠠᠯᠠᠱᠠ ᠣᠷᠴᠢᠭᠤᠯᠭ᠎ᠠ ᠶᠢᠨ ᠰᠤᠷᠭᠠᠭᠤᠯᠢ ᠶᠢᠨ ᠠᠩᠭᠢ ᠪᠠᠶᠢᠭᠤᠯᠪᠠ
ᠠᠯᠠᠱᠠ ᠦᠬᠢᠳ ᠤᠨ ᠰᠤᠷᠭᠠᠭᠤᠯᠢ  ᠶᠢ ᠪᠠᠶᠢᠭᠤᠯᠪᠠ
ᠠᠯᠠᠱᠠ ᠪᠠᠭᠰᠢ ᠶᠢᠨ ᠰᠤᠷᠭᠠᠭᠤᠯᠢ ᠪᠠᠶᠢᠭᠤᠯᠪᠠ
ᠪᠠᠭ᠎ᠠ ᠬᠡᠤᠬᠡᠳ ᠢ ᠯᠠᠮᠠ ᠪᠣᠯᠭᠠᠬᠤ ᠶᠢ ᠬᠤᠷᠢᠭᠯᠠᠭᠰᠠᠨ ᠨᠢ
2014-2015 ©  ᠦᠪᠦᠷ ᠮᠣᠩᠭᠤᠯ ᠤᠨ ᠮᠦᠩᠭᠡᠭᠠᠯ ᠰᠣᠹᠲ ᠤᠨ ᠬᠤᠪᠢᠴᠠᠭᠠᠨ ᠤ ᠬᠢᠵᠠᠭᠠᠷᠲᠦ ᠺᠣᠮᠫᠠᠨᠢ ᠪᠦᠬᠦ ᠵᠦᠢᠯ ᠬᠠᠤᠯᠢ ᠪᠠᠷ ᠬᠠᠮᠠᠭᠠᠯᠠᠭᠳᠠᠭᠰᠠᠨ᠂ ᠵᠦᠪᠰᠢᠶᠡᠷᠡᠯ ᠦᠭᠡᠢ ᠪᠠᠷ ᠬᠠᠭᠤᠯᠪᠤᠷᠢᠯᠠᠬᠤ ᠶᠢ ᠡᠷᠡᠰ ᠬᠤᠷᠢᠭᠯᠠᠨ᠎ᠠ 蒙ICP备05070829号