| | ᠣᠣᠬᠠᠨ · ᠬᠠᠭᠳᠠ | | — ᠾᠦᠩᠨᠦ ᠬᠡᠯᠡᠨ ᠤ ᠬᠠᠷᠢᠶᠠᠯᠠᠯ ᠢ ᠰᠢᠨᠵᠢᠬᠦ ᠰᠢᠷᠢᠰ ᠦᠭᠦᠯᠡᠯ | ᠠᠳᠡ ᠶᠠᠷᠢᠯᠴᠠᠨ ᠪᠦᠬᠦᠢ ᠾᠦᠩᠨᠦ ᠦᠭᠡ ᠬᠡᠯᠡ ᠪᠦᠷ ᠡᠷᠳᠡᠨ ᠤ ᠬᠢᠳᠠᠳ ᠲᠡᠣᠬᠡ ᠠᠴᠠ ᠢᠷᠡᠯᠳᠡ ᠶᠣᠮ᠃ | ᠲᠣᠲᠣᠷᠠᠭᠤᠯᠣᠨ ᠶᠠᠷᠢᠪᠠᠯ ᠰᠧ ᠮᠠ ᠴᠢᠶᠠᠨ ᠤ ᠵᠣᠬᠢᠶᠠᠭᠰᠠᠨ ︽ᠰᠣᠳᠣᠷ ᠲᠡᠮᠳᠡᠭᠯᠡᠯ · ᠾᠦᠩᠨᠦ ᠶᠢᠨ ᠱᠠᠰᠳᠢᠷ︾᠂ | ᠪᠠᠨ ᠭᠦ᠋ ᠶᠢᠨ ᠵᠣᠬᠢᠶᠠᠭᠰᠠᠨ ︽ᠬᠠᠨ ᠣᠯᠣᠰ ᠤᠨ ᠪᠢᠴᠢᠭ · ᠾᠦᠩᠨᠦ ᠶᠢᠨ ᠱᠠᠰᠳᠢᠷ︾᠂ ᠹᠠᠨ ᠶᠧ ᠶᠢᠨ | ᠵᠣᠬᠢᠶᠠᠭᠰᠠᠨ ︽ᠬᠤᠶᠢᠳᠣ ᠬᠠᠨ ᠣᠯᠣᠰ ᠤᠨ ᠪᠢᠴᠢᠭ · ᠾᠦᠩᠨᠦ ᠶᠢᠨ ᠱᠠᠰᠳᠢᠷ︾ ᠵᠢᠴᠢ ᠪᠠᠰᠠ ᠴᠧᠨ ᠱᠸᠥ ᠶᠢᠨ | ᠵᠣᠬᠢᠶᠠᠭᠰᠠᠨ ︽ᠭᠤᠷᠪᠠᠨ ᠣᠯᠣᠰ ᠤᠨ ᠴᠠᠳᠢᠭ︾ ᠲᠣᠲᠣᠷᠠᠬᠢ ᠾᠦᠩᠨᠦ ᠲᠠᠢ ᠬᠤᠯᠪᠣᠭᠳᠠᠯ ᠪᠦᠬᠦᠢ ᠠᠭᠤᠯᠭᠠ | ᠪᠣᠯᠣᠨ ᠹᠠᠩ ᠰᠢᠥᠸᠠᠨ ᠯᠢᠩ ᠨᠡᠷ ᠤᠨ ᠵᠣᠬᠢᠶᠠᠭᠰᠠᠨ ︽ ᠶᠢᠨ ᠣᠯᠣᠰ ᠤᠨ ᠪᠢᠴᠢᠭ︾ ᠲᠣᠲᠣᠷᠠᠬᠢ ᠾᠦᠩᠨᠦ ᠶᠢᠨ | ᠲᠣᠬᠠᠢ ᠠᠭᠤᠯᠭᠠ ᠵᠡᠷᠭᠡ ᠪᠠᠶᠢᠳᠠᠭ ᠶᠣᠮ᠃ ᠲᠡᠭᠡᠷᠡᠬᠢ ᠡᠳᠡᠭᠡᠷ ᠲᠡᠣᠬᠡᠴᠢᠳ ᠾᠦᠩᠨᠦ ᠶᠢᠨ ᠲᠡᠣᠬᠡ ᠱᠠᠰᠳᠢᠷ | ᠲᠣᠲᠣᠷᠠ ᠮᠢᠩᠭᠠ ᠪᠠᠷ ᠲᠣᠭᠠᠯᠠᠭᠳᠠᠬᠤ ᠶᠡᠭᠡ ᠬᠡᠮᠵᠢᠶᠡᠨ ᠤ ᠾᠦᠩᠨᠦ ᠦᠭᠡ ᠬᠡᠯᠡ ᠶᠢ ᠡᠷᠳᠡᠨ ᠤ ᠬᠢᠳᠠᠳ ᠦᠰᠦᠭ | ᠤᠨ ᠠᠪᠢᠶᠠ ᠠᠶᠠᠯᠭᠤ ᠪᠠᠷ ᠢᠶᠠᠨ ᠠᠪᠢᠶᠠᠴᠢᠯᠠᠨ ᠣᠷᠴᠢᠭᠤᠯᠵᠣ ᠲᠡᠮᠳᠡᠭᠯᠡᠨ ᠦᠯᠡᠳᠡᠭᠡᠵᠡᠢ᠃ ᠡᠶᠢᠮᠦᠷᠬᠦ ᠾᠦᠩᠨᠦ | ᠦᠭᠡ ᠬᠡᠯᠡ ᠲᠣᠲᠣᠷᠠ ᠠᠴᠠ ᠵᠣᠬᠢᠶᠠᠭᠴᠢ ᠵᠦᠪᠬᠡᠨ ᠲᠦᠷᠪᠡᠨ ᠵᠠᠭᠤ ᠭᠠᠷᠣᠢ ᠵᠣᠷᠪᠣᠰ ᠦᠭᠡ ᠶᠢ ᠰᠣᠩᠭᠤᠵᠣ | ᠦᠪᠡᠷ ᠤᠨ ᠰᠣᠳᠣᠯᠣᠯᠭᠠᠨ ᠳᠠᠭᠠᠨ ᠬᠠᠮᠣᠷᠣᠭᠤᠯᠣᠨ ᠬᠡᠷᠡᠭᠯᠡᠵᠡᠢ᠃ ᠲᠡᠭᠡᠭᠡᠳ ᠲᠡᠭᠦᠨ ᠢᠶᠠᠨ ᠲᠣᠣᠷᠠᠬᠢ ᠮᠡᠳᠦ | ᠾᠦᠩᠨᠦ ᠬᠠᠭᠠᠳ ᠤᠨ ᠬᠦᠨᠳᠦᠳᠭᠡᠯᠳᠦ ᠴᠣᠯᠠ᠂ ᠾᠦᠩᠨᠦ ᠸᠠᠩ ᠤᠨ ᠴᠣᠯᠠ ᠨᠡᠷᠡᠶᠢᠳᠦᠯ᠂ ᠾᠦᠩᠨᠦ ᠶᠢᠨ | ᠰᠠᠶᠢᠳ ᠳᠦᠰᠢᠮᠡᠯ ᠤᠨ ᠵᠡᠷᠭᠡ ᠭᠡᠷᠭᠢᠮ ᠤᠨ ᠨᠡᠷᠡᠶᠢᠳᠦᠯ᠂ ᠾᠦᠩᠨᠦ ᠬᠦᠮᠦᠨ ᠤ ᠣᠪᠣᠭ ᠨᠡᠷᠡ᠂ ᠾᠦᠩᠨᠦ ᠶᠢᠨ | ᠠᠶᠢᠮᠠᠭ ᠣᠭᠰᠠᠭᠠ ᠶᠢᠨ ᠨᠡᠷᠡᠶᠢᠳᠦᠯ᠂ ᠾᠦᠩᠨᠦ ᠶᠢᠨ ᠭᠠᠵᠠᠷ ᠣᠰᠣᠨ ᠤ ᠨᠡᠷᠡᠰ ᠵᠢᠴᠢ ᠪᠠᠰᠠ ᠴᠦᠬᠡᠨ ᠬᠡᠮᠵᠢᠶᠡᠨ | ᠤ ᠾᠦᠩᠨᠦ ᠬᠦᠮᠦᠰ ᠤᠨ ᠰᠠᠪᠠ ᠰᠠᠭᠠᠯᠢ ᠶᠢᠨ ᠨᠡᠷᠡᠰ ᠪᠣᠯᠣᠨ ᠵᠠᠩ ᠢᠷᠭᠡᠨᠰᠢᠯ ᠲᠠᠢ ᠬᠤᠯᠪᠣᠭᠳᠠᠯ ᠲᠠᠢ ᠨᠡᠷᠡᠰ | ᠦᠭᠡ ᠵᠡᠷᠭᠡ ᠵᠢᠷᠭᠤᠭᠠ ᠲᠣᠯᠣᠭᠠᠨ ᠶᠡᠭᠡ ᠲᠦᠷᠦᠯ ᠵᠦᠢᠯ ᠢᠶᠠᠷ ᠢᠯᠭᠠᠨ ᠰᠠᠯᠭᠠᠨ ᠬᠤᠪᠢᠶᠠᠷᠯᠠᠨ ᠰᠣᠳᠣᠯᠵᠠᠢ᠃ | ᠲᠣᠰ ᠦᠭᠦᠯᠡᠯ ᠳᠤ ᠶᠠᠷᠢᠯᠴᠠᠬᠤ ᠠᠭᠤᠯᠭᠠ ᠭᠡᠪᠡᠯ ᠾᠦᠩᠨᠦ ᠶᠢᠨ ︽ᠸᠠᠩ︾ ᠴᠣᠯᠠ ᠶᠢᠨ ᠢᠷᠡᠯ ᠭᠠᠷᠣᠯ ᠠᠴᠠ | ᠴᠣᠯᠠ ᠮᠢᠨᠳᠠᠭ ᠤᠨ ᠬᠡᠯᠡᠨ ᠤ ᠬᠠᠷᠢᠶᠠᠯᠠᠯ ᠢ ᠶᠠᠷᠢᠯᠴᠠᠬᠤ ᠪᠣᠯᠬᠤᠷ᠂ ᠣᠷᠢᠳᠠᠪᠠᠷ ᠪᠢᠳᠡ ᠾᠦᠩᠨᠦ ᠶᠢᠨ ᠣᠯᠣᠰ ᠤᠨ | ᠲᠣᠭᠳᠠᠯᠴᠠᠭᠠ ᠲᠣᠲᠣᠷᠠᠬᠢ ᠡᠵᠡᠳ ᠬᠠᠭᠠᠳ ᠸᠠᠩ ᠨᠡᠷ ᠤᠨ ᠨᠡᠷᠡᠶᠢᠳᠦᠯ ᠤᠨ ᠲᠣᠬᠠᠢ ᠡᠷᠳᠡᠨ ᠤ ᠬᠢᠳᠠᠳ | ᠲᠡᠣᠬᠡᠴᠢᠳ ᠤᠨ ᠣᠣᠯ ᠬᠢᠳᠠᠳ ᠦᠰᠦᠭ ᠢᠶᠠᠷ ᠢᠶᠠᠨ ᠠᠪᠢᠶᠠᠴᠢᠯᠠᠭᠰᠠᠨ ᠣᠷᠴᠢᠭᠤᠯᠭᠠ ᠶᠠᠮᠠᠷ ᠪᠠᠶᠢᠭᠰᠠᠨ ᠢ | ᠣᠶᠢᠯᠭᠠᠬᠤ ᠴᠢᠬᠤᠯᠠ ᠲᠠᠢ ᠶᠣᠮ᠃ ᠾᠦᠩᠨᠦ ᠶᠢᠨ ᠡᠵᠡᠳ ᠬᠠᠭᠠᠳ ᠢ ᠬᠢᠳᠠᠳ ᠲᠡᠣᠬᠡᠴᠢᠳ ᠪᠦᠷ ᠴᠠᠨ ᠢᠥᠢ | ᠭᠡᠳᠡᠭ ᠬᠤᠶᠠᠷ ᠬᠢᠳᠠᠳ ᠦᠰᠦᠭ ᠢᠶᠠᠷ ᠮᠠᠰᠢ ᠨᠢᠭᠡᠳᠦᠯ ᠲᠠᠢ ᠠᠪᠢᠶᠠᠴᠢᠯᠠᠨ ᠣᠷᠴᠢᠭᠤᠯᠵᠠᠢ᠃ ᠲᠡᠭᠡᠭᠡᠳ ᠬᠤᠵᠢᠮ | ᠤᠨ ᠲᠡᠣᠬᠡᠴᠢᠳ ᠨᠢ ᠴᠦ ᠶᠠᠮᠠᠷ ᠴᠦ ᠲᠠᠶᠢᠯᠪᠣᠷᠢ ᠪᠠ ᠵᠠᠰᠠᠪᠣᠷᠢᠯᠠᠭᠰᠠᠨ ᠵᠦᠢᠯᠡᠰ ᠦᠭᠡᠢ᠃ ︽ᠴᠠᠨ ᠢᠥᠢ︾ | ᠭᠡᠳᠡᠭ ᠦᠭᠡ ᠶᠢ ᠡᠷᠳᠡᠮᠳᠡᠳ ᠴᠢᠩᠬᠢᠰ ᠭᠡᠵᠦ ᠲᠠᠶᠢᠯᠪᠣᠷᠢᠯᠠᠭᠰᠠᠨ ᠢ ᠵᠣᠬᠢᠶᠠᠭᠴᠢ ᠠᠴᠠ ᠵᠦᠪ ᠭᠡᠵᠦ ᠦᠵᠡᠭᠰᠡᠨ | ᠪᠦᠭᠡᠳ ᠲᠡᠭᠦᠨ ᠳᠤ ᠨᠦᠬᠦᠪᠦᠷᠢ ᠯᠠᠪᠯᠠᠯᠳᠠ ᠪᠣᠶᠣ ᠨᠦᠬᠦᠪᠦᠷᠢ ᠭᠡᠷᠡᠴᠢ ᠪᠣᠯᠭᠠᠮᠠᠷ ᠰᠠᠨᠠᠯ ᠢᠶᠠᠨ ᠲᠡᠪᠰᠢᠭᠦᠯᠵᠦ | ᠦᠩᠭᠡᠷᠡᠭᠰᠡᠨ ᠪᠣᠯᠬᠤᠷ ᠠᠳᠡ ᠲᠠᠬᠢᠨ ᠲᠠᠪᠳᠠᠬᠤ ᠦᠭᠡᠢ ᠲᠠᠯᠪᠢᠶᠠ᠃ ᠲᠡᠭᠡᠪᠡᠯ ᠾᠦᠩᠨᠦ ᠶᠢᠨ ︽ᠸᠠᠩ︾ ᠭᠡᠳᠡᠭ | ᠭᠡᠷᠭᠢᠮ ᠳᠤ ᠬᠢᠳᠠᠳ ᠲᠡᠣᠬᠡᠴᠢᠳ ᠪᠦᠬᠦᠨ ᠰᠢᠭᠤᠳ ᠬᠢᠳᠠᠳ ᠦᠭᠡᠨ ᠤ ︽王︾ ︵ᠸᠠᠩ︶ ᠭᠡᠳᠡᠭ ᠦᠰᠦᠭ | ᠢᠶᠠᠨ ᠬᠡᠷᠡᠭᠯᠡᠭᠰᠡᠨ ᠮᠦᠷᠳᠡᠭᠡᠨ᠂ ᠾᠦᠩᠨᠦ ᠶᠢᠨ ᠸᠠᠩ ᠨᠡᠷ ᠪᠣᠯ ᠵᠠᠪᠠᠯ ᠴᠠᠨ ᠢᠥᠢ ᠶᠢᠨ ᠬᠦᠪᠡᠭᠦᠳ ᠲᠡᠭᠦᠥ ᠨᠡᠷ | ᠢᠶᠠᠷ ᠪᠦᠷᠢᠯᠳᠦᠬᠦ ᠬᠠᠳᠠᠭᠤ ᠴᠢᠩᠭᠠ ᠲᠢᠭᠯᠢᠮ ᠲᠠᠢ ᠭᠡᠵᠦ ᠮᠠᠰᠢ ᠢᠵᠢᠯᠬᠡᠨ ᠳ᠋ᠦᠩᠨᠡᠯᠳᠡ ᠦᠭᠴᠠᠭᠡᠵᠡᠢ᠃ ᠡᠭᠦᠨ | ᠠᠴᠠ ᠦᠵᠡᠪᠡᠯ ᠬᠢᠳᠠᠳ ᠲᠡᠣᠬᠡᠴᠢᠳ ᠾᠦᠩᠨᠦ ᠡᠵᠡᠳ ᠬᠠᠭᠠᠳ ᠤᠨ ᠨᠡᠷᠡ ᠴᠣᠯᠠ ᠶᠢ ᠡᠷᠳᠡᠨ ᠤ ᠬᠢᠳᠠᠳ | ᠦᠰᠦᠭ ᠢᠶᠠᠷ ᠢᠶᠠᠨ ᠠᠪᠢᠶᠠᠴᠢᠯᠠᠨ ᠣᠷᠴᠢᠭᠤᠯᠣᠭᠠᠳ᠂ ᠾᠦᠩᠨᠦ ᠸᠠᠩ ᠤᠨ ᠴᠣᠯᠠ ᠶᠢ ᠬᠠᠷᠢᠨ ᠬᠢᠳᠠᠳ ᠦᠰᠦᠭ | ᠢᠶᠠᠷ ᠠᠪᠢᠶᠠᠴᠢᠯᠠᠨ ᠣᠷᠴᠢᠭᠤᠯᠣᠭᠰᠠᠨ ᠦᠭᠡᠢ᠂ ᠰᠢᠭᠤᠳ ᠬᠢᠳᠠᠳ ᠬᠡᠯᠡ ᠪᠠᠷ ᠢᠶᠠᠨ ᠨᠡᠷᠡᠶᠢᠳᠦᠭᠰᠡᠨ ᠮᠡᠳᠦ ᠪᠣᠯᠵᠠᠢ᠃ | ᠭᠡᠶᠡ ᠪᠢᠳᠡ ᠾᠦᠩᠨᠦ ᠡᠵᠡᠳ ᠬᠠᠭᠠᠳ ᠤᠨ ᠬᠦᠪᠡᠭᠦᠳ ᠸᠠᠩ ᠨᠡᠷ ᠢᠶᠠᠨ ᠾᠦᠩᠨᠦ ᠬᠡᠯᠡᠨ ᠳᠤ ᠶᠠᠭᠠᠬᠢᠵᠣ | ᠲᠠᠭᠤᠳᠠᠳᠠᠭ ᠢ ᠣᠳᠣ ᠪᠠᠷ ᠶᠠᠭᠤ ᠴᠦ ᠮᠡᠳᠡᠬᠦ ᠦᠭᠡᠢ᠂ ᠵᠦᠪᠬᠡᠨ ᠮᠡᠳᠡᠬᠦ ᠠᠴᠠ ᠮᠣᠩᠭᠤᠯᠴᠣᠳ ᠪᠣᠯ ᠬᠠᠨ᠂ ᠬᠠᠨ | ᠬᠦᠪᠡᠭᠦᠳ᠂ ᠦᠴᠦᠬᠡᠨ ᠬᠠᠳ ᠭᠡᠵᠦ ᠲᠠᠭᠤᠳᠠᠨᠡ᠃ ᠵᠣᠬᠢᠶᠠᠭᠴᠢ ᠶᠢᠨ ᠰᠣᠳᠣᠯᠣᠭᠰᠠᠨ ᠳ᠋ᠦᠩ ᠢᠶᠠᠷ | ᠾᠦᠩᠨᠦᠴᠦᠳ ᠴᠦ ᠮᠣᠩᠭᠤᠯ ᠲᠠᠢ ᠠᠳᠠᠯᠢ ᠪᠠᠷ ᠬᠠᠨ ᠪᠣᠶᠣ ᠬᠠᠩ ᠭᠡᠵᠦ ᠲᠠᠭᠤᠳᠠᠳᠠᠭ ᠪᠠᠶᠢᠵᠠᠢ᠃ ᠦᠨᠳᠦᠰᠦᠯᠡᠯ | ᠨᠢ ᠮᠠᠨ ᠤ ᠠᠳᠡ ᠶᠠᠷᠢᠯᠴᠠᠵᠣ ᠪᠠᠶᠢᠭᠠ ᠬᠢᠳᠠᠳ ᠦᠭᠡᠨ ᠤ ᠸᠠᠩ ᠦᠰᠦᠭ ᠤᠨ ᠡᠷᠳᠡᠨ ᠤ ᠠᠪᠢᠶᠠ ᠴᠦ ᠮᠦᠨ | ᠣᠶᠢᠷᠠᠯᠴᠠᠭᠠ ᠪᠠᠷ ᠬᠠᠨ ᠪᠣᠶᠣ ᠬᠠᠩ ᠪᠠᠶᠢᠵᠠᠢ᠃ ᠲᠣᠣᠷᠠ ᠪᠢᠳᠡ 王 ︵ᠸᠠᠩ︶ ᠦᠰᠦᠭ ᠤᠨ ᠡᠷᠳᠡᠨ ᠡᠳᠦᠬᠡ | ᠶᠢᠨ ᠠᠪᠢᠶᠠ ᠠᠴᠠ ᠦᠵᠡᠶᠡ᠃ ᠨᠢᠭᠡ ᠬᠢᠳᠠᠳ ᠤᠨ ᠣᠳᠣ ᠦᠶᠡ ᠶᠢᠨ ᠪᠠᠷᠢᠮᠵᠢᠶᠠᠳᠣ ᠠᠪᠢᠶᠠ᠄ wáng ᠪᠣᠯᠣᠨ | wàng ᠭᠡᠵᠦ ᠬᠤᠶᠠᠷ ᠪᠠᠶᠢᠵᠣ᠂ ᠲᠦᠭᠦᠮᠴᠢᠯᠡᠨ ᠲᠠᠶᠢᠯᠪᠣᠷᠢᠯᠠᠪᠠᠯ ᠡᠮᠦᠨᠡᠬᠢ ᠨᠢ ᠨᠡᠷᠡ ᠦᠭᠡ ᠪᠠᠷ ᠬᠡᠷᠡᠭᠯᠡᠨ᠂ | ᠬᠠᠮᠤᠭ ᠠᠩᠬᠠᠨ ᠳᠠᠭᠠᠨ ᠣᠯᠣᠰ ᠤᠨ ᠬᠠᠭᠠᠨ ᠭᠡᠳᠡᠭ ᠣᠳᠬᠠ ᠲᠠᠢ ᠬᠡᠷᠡᠭᠯᠡᠵᠦ ᠪᠠᠶᠢᠭᠰᠠᠨ ᠠᠴᠠ ᠪᠠᠨ ᠬᠤᠵᠢᠮ ᠨᠢ | ᠬᠠᠭᠠᠨ ᠡᠵᠡᠨ ᠠᠴᠠ ᠨᠢᠭᠡᠯᠡ ᠲᠡᠰ ᠲᠣᠣᠷᠠ ᠡᠷᠬᠢᠮ ᠭᠡᠷᠬᠢᠮ ᠪᠣᠯᠬᠤ ᠸᠠᠩ ᠳᠤ ᠬᠡᠷᠡᠭᠯᠡᠬᠦ ᠪᠠ ᠪᠠᠰᠠ ᠣᠪᠣᠭ ᠲᠤ | ᠬᠡᠷᠡᠭᠯᠡᠬᠦ ᠪᠣᠯᠵᠠᠢ᠃ ᠬᠤᠶᠢᠨᠠᠬᠢ ᠨᠢ ᠦᠢᠯᠡ ᠦᠭᠡ ᠪᠠᠷ ᠬᠡᠷᠡᠭᠯᠡᠵᠦ᠂ ᠬᠠᠭᠠᠨᠴᠢᠯᠠᠪᠠ ︵ᠬᠠᠭᠠᠨ ᠪᠣᠯᠪᠠ︶᠂ ᠡᠵᠡᠨ | ᠪᠣᠯᠪᠠ ︵ᠣᠯᠣᠰ ᠤᠨ ᠡᠵᠡᠨ ᠪᠣᠯᠪᠠ︶ ᠭᠡᠳᠡᠭ ᠣᠳᠬᠠ ᠪᠠᠷ ᠬᠡᠷᠡᠭᠯᠡᠬᠦ ᠪᠣᠯᠵᠠᠢ᠃ ᠭᠡᠪᠡᠴᠦ ᠬᠤᠶᠢᠨᠠᠬᠢ ᠣᠳᠬᠠ | ᠪᠠᠷ ᠬᠡᠷᠡᠭᠯᠡᠬᠦ ᠨᠢ ᠣᠷᠴᠢᠨ ᠦᠶᠡ ᠳᠤ ᠢᠷᠡᠭᠡᠳ ᠲᠡᠮᠡᠢ ᠬᠡᠷᠡᠭᠯᠡᠭᠳᠡᠬᠦ ᠦᠭᠡᠢ ᠪᠣᠯᠵᠠᠢ᠃ | ᠬᠤᠶᠠᠷ ᠬᠢᠳᠠᠳ ᠲᠣᠯᠢ ᠪᠢᠴᠢᠭ ᠳᠠᠬᠢ ᠠᠪᠢᠶᠠ᠄ ︽ᠦᠰᠦᠭ ᠪᠢᠴᠢᠭ ᠤᠨ ᠲᠠᠶᠢᠯᠪᠣᠷᠢ︾ ᠵᠢᠴᠢ ︽ᠭᠤᠸᠠᠩ | ᠶᠦᠨ︾᠂ ︽ᠵᠢᠢ ᠶᠦᠨ︾᠂ ︽ᠶᠦᠨ ᠾᠦᠢ︾ ᠵᠡᠷᠭᠡ ᠡᠷᠳᠡᠨ ᠤ ᠲᠣᠯᠢ ᠪᠢᠴᠢᠭ ᠪᠦᠷ 雨方切 ᠪᠣᠶᠣ 于 | 放切 ᠭᠡᠵᠦ ᠠᠪᠢᠶᠠᠯᠠᠨᠠ ᠭᠡᠵᠦ ᠲᠠᠶᠢᠯᠪᠣᠷᠢᠯᠠᠵᠠᠢ᠃ ᠠᠳᠡ ᠪᠢᠳᠡ ᠮᠡᠳᠡᠬᠦ ᠴᠢᠬᠤᠯᠠ ᠲᠠᠢ ᠨᠢ 雨 ᠪᠣᠯᠣᠨ 于 | ᠶᠢᠨ ᠡᠷᠳᠡᠨ ᠤ ᠠᠪᠢᠶᠠ ᠨᠢ ᠪᠦᠷ hiu ᠪᠠᠶᠢᠵᠣ᠂ ᠠᠳᠠᠯᠢᠬᠠᠨ ᠢᠶᠠᠷ h ︵x︶ ᠪᠠᠷ ᠡᠬᠢᠯᠡᠨ ᠠᠪᠢᠶᠠᠯᠠᠳᠠᠭ | ᠪᠠᠶᠢᠵᠠᠢ᠂ ᠡᠶᠢᠮᠦ ᠠᠴᠠ hiuɑng᠂ xwang ᠭᠡᠵᠦ ᠠᠪᠢᠶᠠᠯᠠᠳᠠᠭ ᠨᠢ ᠵᠦᠪ ᠪᠠᠶᠢᠵᠠᠢ᠃ | ᠭᠤᠷᠪᠠ ᠡᠷᠳᠡᠨ ᠤ ᠠᠪᠢᠶᠠ᠄ | 1 ᠲᠡᠭᠡᠳᠦ ᠡᠷᠳᠡᠨ ᠤ ᠠᠪᠢᠶᠠ᠄ ɢʷaŋ᠂ ɢʷaŋs ᠭᠡᠵᠦ ᠮᠦᠨ ᠲᠡᠭᠡᠷᠡᠬᠢ ᠲᠠᠢ ᠪᠠᠨ ᠠᠳᠠᠯᠢ ᠪᠠᠷ | ᠨᠡᠷᠡ ᠦᠭᠡ ᠪᠠ ᠦᠢᠯᠡ ᠦᠭᠡ ᠪᠠᠷ ᠬᠡᠷᠡᠭᠯᠡᠭᠰᠡᠨ ᠵᠢᠱᠢᠶᠡ ᠲᠠᠢ ᠠᠳᠠᠯᠢ ᠪᠠᠷ ᠬᠡᠷᠡᠭᠯᠡᠭᠰᠡᠨ ᠪᠠᠶᠢᠨᠠ᠃ | 2 ᠴᠢᠨ ᠠᠴᠠ ᠡᠮᠦᠨᠡᠬᠢ ᠠᠪᠢᠶᠠ᠄ ᠡᠬᠢᠯᠡᠪᠪᠦᠷᠢ ᠨᠢ ɡ᠂ ɣ ᠪᠣᠶᠣ gw ᠪᠠᠶᠢᠵᠣ᠂ ᠠᠶᠠᠯᠭᠤ ᠨᠢ | ǐwaŋ᠂ juaŋ᠂ jwaŋ ᠪᠣᠶᠣ jang ᠪᠠᠶᠢᠵᠠᠢ ᠭᠡᠳᠡᠭ᠃ | 3 ᠲᠣᠲᠣᠭᠠᠳᠣ ᠭᠠᠳᠠᠭᠠᠳᠣ ᠶᠢᠨ ᠬᠢᠳᠠᠳ ᠬᠡᠯᠡᠨ ᠤ ᠡᠷᠳᠡᠨ ᠤ ᠠᠪᠢᠶᠠ ᠠᠶᠠᠯᠭᠤ ᠶᠢᠨ ᠡᠷᠳᠡᠮᠳᠡᠳ ᠤᠨ | ᠰᠡᠷᠭᠦᠭᠡᠭᠰᠡᠨ ᠡᠷᠳᠡᠨ ᠤ ᠠᠪᠢᠶᠠ᠄ ɣĭwaŋ᠂ ɣiuaŋ ᠪᠣᠶᠣ hvang ᠪᠣᠯᠣᠨᠠ᠃ | 4 ᠲᠠᠩ ᠣᠯᠣᠰ ᠤᠨ ᠦᠶᠡ ᠶᠢᠨ ᠠᠪᠢᠶᠠ᠄ *hiuɑng᠂ hiuɑ̀ng ᠪᠠᠶᠢᠵᠣ᠂ ᠮᠦᠨ ᠲᠣᠰ ᠵᠣᠷᠪᠣᠰ | ᠤᠨ 1 ᠪᠠ 2 ᠲᠠᠢ ᠦᠨᠳᠦᠰᠦᠨ ᠳᠡᠭᠡᠨ ᠠᠳᠠᠯᠢ ᠠᠵᠠᠢ᠃ | 5 ᠫᠠᠭᠪᠠ ᠦᠰᠦᠭ ᠲᠤ᠄ ꡑꡧꡃ ᠪᠠ ꡝꡧꡃ ︵xwang︶ ᠪᠠᠶᠢᠵᠣ᠂ ᠯᠠᠲ᠋ᠢᠨ ᠦᠰᠦᠭ ᠢᠶᠠᠷ | ɦwaŋ ᠭᠡᠵᠦ ᠲᠣᠳᠣᠳᠬᠠᠵᠠᠢ᠃ | 6 ᠮᠢᠩ ᠣᠯᠣᠰ ᠤᠨ ᠦᠶᠡ ᠪᠣᠯᠬᠤ ᠳᠤ ᠮᠦᠨ uaŋ ᠭᠡᠵᠦ ᠣᠩᠰᠢᠳᠠᠭ ᠪᠠᠶᠢᠵᠠᠢ᠃ | 7 ᠺᠣᠷᠢᠶᠠ ᠬᠡᠯᠡᠨ ᠳᠤ WANG ᠭᠡᠵᠦ ᠠᠪᠢᠶᠠᠯᠠᠨᠠ᠃ | 8 ᠸᠢᠶᠧᠲᠨᠠᠮ ᠬᠡᠯᠡᠨ ᠳᠤ vương ᠭᠡᠳᠡᠭ ᠠᠵᠠᠢ᠃ | 9 ᠬᠢᠳᠠᠳ ᠬᠡᠯᠡᠨ ᠤ ᠣᠯᠠᠨ ᠨᠣᠳᠤᠭ ᠤᠨ ᠠᠪᠢᠶᠠ᠄ ᠺᠧ ᠵᠢᠶᠠ ᠬᠡᠯᠡ ᠪᠣᠯᠣᠨ ᠶᠣᠸᠠᠢ ᠬᠡᠯᠡᠨ ᠳᠤ wong ︵ | vɔŋ︶ ᠭᠡᠵᠦ ᠠᠪᠢᠶᠠᠯᠠᠬᠤ ᠨᠢ ᠭᠤᠣᠯᠳᠠᠵᠣ ᠪᠠᠶᠢᠬᠤ ᠳᠤ ᠴᠣᠣᠵᠸᠥ ᠬᠡᠯᠡᠨ ᠳᠤ ᠬᠠᠷᠢᠨ hêng ᠭᠡᠵᠦ | ᠠᠪᠢᠶᠠᠯᠠᠬᠤ ᠨᠢ ᠣᠯᠠᠨ ᠭᠡᠳᠡᠭ ᠶᠣᠮ᠃ ᠭᠡᠳᠡᠯᠡ ᠮᠢᠨᠨᠠᠨ ᠬᠡᠯᠡᠨ ᠳᠤ 0eŋ ᠪᠣᠯᠣᠨ huaŋ ᠪᠣᠶᠣ hioŋ | ᠢᠶᠠᠷ ᠠᠪᠢᠶᠠᠯᠠᠬᠤ ᠨᠢ ᠣᠯᠠᠨ ᠪᠠᠶᠢᠳᠠᠭ ᠭᠡᠵᠡᠢ᠃ | ᠲᠦᠷᠪᠡ ᠸᠠᠩ ︵王︶ ᠦᠰᠦᠭ ᠤᠨ ᠠᠪᠢᠶᠠᠨ ᠤ ᠬᠤᠪᠢᠷᠠᠯ ᠤᠨ ᠶᠠᠪᠣᠴᠠ᠄ ɢʷaŋ᠂ ɡǐwaŋ | ᠂ ɣǐwaŋ᠂ hiuɑng᠂ hvang᠂ xwang᠂ uaŋ ᠠᠴᠠ ᠪᠠᠨ wáng ᠵᠦᠭ ᠲᠤ | ᠲᠣᠭᠳᠠᠪᠣᠷᠢᠵᠢᠨ ᠲᠦᠯᠦᠪᠰᠢᠵᠡᠢ᠃ ᠡᠭᠦᠨ ᠳᠤ ᠡᠷᠳᠡᠨ ᠤ ᠠᠪᠢᠶᠠ ᠶᠢᠨ ᠦᠯᠡᠳᠡᠭᠳᠡᠯ huaŋ ᠪᠠ hioŋ | ᠮᠦᠨ ᠨᠣᠳᠤᠭ ᠤᠨ ᠠᠶᠠᠯᠭᠤᠨ ᠳᠤ ᠬᠡᠪ ᠢᠶᠠᠷ ᠣᠷᠣᠰᠢᠭᠰᠠᠭᠠᠷ ᠪᠠᠶᠢᠨᠠ᠃ | ᠲᠠᠪᠤ ᠸᠠᠩ ᠦᠰᠦᠭ ᠤᠨ ᠠᠪᠢᠶᠠᠨ ᠤ ᠲᠠᠶᠢᠯᠪᠣᠷᠢ᠄ | ᠵᠣᠬᠢᠶᠠᠭᠴᠢ ᠶᠢᠨ ᠰᠣᠳᠣᠯᠭᠠᠨ ᠤ ᠪᠠᠶᠢᠳᠠᠯ ᠠᠴᠠ ᠦᠵᠡᠬᠦ ᠳᠤ᠂ ᠬᠢᠳᠠᠳ 王 ᠦᠰᠦᠭ ᠤᠨ ᠡᠷᠳᠡᠨ ᠤ ᠠᠪᠢᠶᠠ᠂ | ᠣᠨᠴᠠᠭᠠᠶᠢᠯᠠᠨ ᠰᠧ ᠮᠠ ᠴᠢᠶᠠᠨ ᠤ ᠠᠮᠢᠳᠣᠷᠠᠵᠣ ᠠᠭᠰᠠᠨ ᠦᠶᠡ ᠶᠢᠨ ᠠᠪᠢᠶᠠ ᠨᠢ ᠬᠠᠨ ᠪᠣᠶᠣ ᠬᠠᠩ ︵han᠂ | haŋ᠂ hian᠂ hiaŋ︶ ᠠᠴᠠ ᠮᠠᠰᠢ ᠣᠶᠢᠷᠬᠠᠨ ᠠᠪᠢᠶᠠᠯᠠᠵᠣ ᠪᠠᠶᠢᠭᠰᠠᠨ ᠮᠦᠷᠳᠡᠭᠡᠨ ᠡᠨᠡᠬᠦ ᠠᠪᠢᠶᠠ ᠨᠢ | ᠾᠦᠩᠨᠦ ᠶᠢᠨ ᠸᠠᠩ ᠭᠡᠳᠡᠭ ᠦᠭᠡ ᠲᠠᠢ ᠮᠠᠰᠢ ᠣᠶᠢᠷᠬᠠᠨ ᠠᠪᠢᠶᠠ ᠲᠠᠢ ᠪᠣᠯᠣᠯᠴᠠᠭᠠ ᠲᠠᠢ ᠪᠣᠯᠬᠤᠷ ᠰᠢᠭᠤᠳ ᠲᠣᠰ | ᠦᠰᠦᠭ ᠢ ᠬᠡᠷᠡᠭᠯᠡᠭᠰᠡᠨ ᠮᠠᠭᠠᠳᠯᠠᠯ ᠲᠠᠢ᠂ ᠨᠦᠬᠦᠭᠡ ᠲᠠᠯᠠ ᠪᠠᠷ ᠾᠦᠩᠨᠦ ᠬᠦᠮᠦᠰ ᠸᠠᠩ ᠨᠡᠷ ︵ᠬᠠᠭᠠᠳ ᠡᠵᠡᠳ | ᠤᠨ ᠬᠦᠪᠡᠭᠦᠳ ᠲᠡᠭᠦᠥ ᠨᠡᠷ︶ ᠢᠶᠠᠨ ᠶᠠᠭᠠᠬᠢᠵᠣ ᠨᠡᠷᠡᠶᠢᠳᠦᠬᠦ ᠶᠢ ᠪᠢᠳᠡ ᠨᠢᠭᠡᠨᠳᠡ ᠮᠡᠳᠡᠵᠦ ᠴᠢᠳᠠᠬᠤ ᠦᠭᠡᠢ ᠪᠣᠯᠵᠠᠢ | ᠃ ᠵᠦᠪᠬᠡᠨ ᠮᠡᠳᠡᠬᠦ ᠠᠴᠠ ᠮᠣᠩᠭᠤᠯᠴᠣᠳ ᠪᠣᠯ ᠬᠠᠨ᠂ ᠬᠠᠨ ᠬᠦᠪᠡᠭᠦᠨ᠂ ᠬᠠᠨ ᠬᠦᠪᠡᠭᠦᠳ᠂ ᠦᠴᠦᠬᠡᠨ ᠬᠠᠳ | ᠵᠡᠷᠭᠡ ᠪᠠᠷ ᠨᠡᠷᠡᠶᠢᠳᠦᠬᠦ ᠶᠢ ᠯᠠ ᠮᠡᠳᠡᠨᠡ᠃ ᠡᠭᠦᠨ ᠠᠴᠠ ᠴᠢᠨᠠᠭᠰᠢ ᠲᠦᠯᠬᠢᠵᠦ ᠪᠣᠳᠣᠪᠠᠯ ᠲᠣᠬᠠᠢ ᠶᠢᠨ ᠦᠶᠡ ᠳᠤ | ᠾᠦᠩᠨᠦᠴᠦᠳ ᠲᠠᠷᠣᠢ ᠸᠠᠩ ᠨᠡᠷ ᠢᠶᠠᠨ ᠮᠣᠩᠭᠤᠯᠴᠣᠳ ᠲᠠᠢ ᠠᠳᠠᠯᠢ ᠪᠠᠷ ᠬᠠᠨ᠂ ᠬᠠᠨ ᠬᠦᠪᠡᠭᠦᠳ ᠵᠡᠷᠭᠡ ᠪᠠᠷ | ᠨᠡᠷᠡᠶᠢᠳᠦᠵᠦ ᠪᠠᠶᠢᠭᠰᠠᠨ ᠮᠠᠭᠠᠳ᠂ ᠭᠡᠶᠡ ᠠᠪᠢᠶᠠᠨ ᠤ ᠲᠠᠯᠠ ᠪᠠᠷ ᠣᠶᠢᠷᠠᠯᠴᠠᠭᠠ ᠪᠠᠷ haŋ᠂ hiaŋ ᠪᠠᠶᠢᠵᠣ | ᠬᠢᠳᠠᠳ 王 ᠦᠰᠦᠭ ᠤᠨ ᠡᠷᠳᠡᠨ ᠤ ᠠᠪᠢᠶᠠ ᠲᠠᠢ ᠣᠶᠢᠷᠠᠳᠴᠣ ᠪᠠᠶᠢᠭᠰᠠᠨ ᠲᠦᠯᠦᠪᠳᠡᠢ ᠶᠣᠮ᠃ ᠶᠠᠭ ᠡᠶᠢᠮᠦ | ᠠᠴᠠ ᠬᠢᠳᠠᠳ ᠲᠡᠣᠬᠡᠴᠢᠳ ᠡᠨᠡᠬᠦ haŋ᠂ hiaŋ ᠢ ᠰᠢᠭᠤᠳ 王 ᠦᠰᠦᠭ ᠤᠨ ᠡᠷᠳᠡᠨ ᠤ ᠠᠪᠢᠶᠠ | ᠠᠶᠠᠯᠭᠤ ᠪᠣᠯᠬᠤ hiuɑng᠂ xwang ᠢ ᠬᠡᠷᠡᠭᠯᠡᠭᠰᠡᠨ ᠪᠠᠶᠢᠨᠠ ᠭᠡᠵᠦ ᠦᠵᠡᠵᠦ ᠪᠣᠢ᠃ | | | | ᠪᠡᠯᠡᠳᠬᠡᠭᠰᠡᠨ ᠨᠢ᠄ ᠡᠷᠳᠡᠨᠢᠬᠦᠦ | ᠨᠠᠶᠢᠷᠠᠭᠤᠯᠤᠭᠰᠠᠨ ᠨᠢ᠄ ᠨᠠᠮᠤᠷ | ᠬᠢᠨᠠᠭᠰᠠᠨ ᠨᠢ᠄ ᠤᠷᠢᠬᠠᠨ |