| | 1919ᠣᠨ ︵ᠢᠷᠭᠡᠨ ᠤᠯᠤᠰ ᠤᠨ ᠨᠠᠢᠮᠠᠳᠤᠭᠠᠷ ᠣᠨ︶ ᠳᠤ ᠯᠾᠠᠸᠠᠩᠪᠦ᠋ᠷᠦᠭᠵᠢᠯ ᠤᠨ ᠰᠠᠨᠠᠭᠤᠯᠭᠠ ᠪᠠᠷ ᠶᠠᠮᠤᠨ | ᠬᠤᠲᠠ ᠳᠤ ᠮᠣᠩᠭᠤᠯ ᠬᠢᠲᠠᠳ ᠦᠰᠦᠭ ᠢ ᠬᠦᠭᠵᠢᠭᠦᠯᠬᠦ ᠲᠤᠬᠠᠢ ᠲᠠᠮᠠᠭᠠ ᠶᠢᠨ ᠭᠠᠵᠠᠷ ᠠᠴᠠ ᠵᠠᠬᠢᠶᠠ ᠪᠠᠭᠤᠵᠤ᠂ | 300 ᠯᠠᠩ ᠤᠨ ᠮᠦᠩᠭᠦ ᠶᠢ ᠬᠤᠰᠢᠭᠤᠨ ᠤ ᠰᠠᠩ ᠠᠴᠠ ᠭᠠᠷᠭᠠᠭᠤᠯᠵᠤ᠂ ᠰᠤᠷᠭᠠᠭᠤᠯᠢ ᠶᠢ ᠬᠠᠭᠤᠴᠢᠨ | ᠲᠠᠮᠠᠭᠠ ᠶᠢᠨ ᠬᠦᠷᠢᠶᠡᠨ ᠳᠤ ᠭᠡᠷ ᠵᠠᠰᠠᠵᠤ ᠡᠭᠦᠰᠬᠡᠨ ᠪᠠᠶᠢᠭᠤᠯᠵᠤ᠂ ᠮᠤᠩᠭᠤᠯ ᠮᠠᠨᠵᠤ ᠬᠡᠤᠬᠡᠳ ᠢ ᠵᠠᠷᠯᠠᠵᠤ | ᠢᠷᠡᠭᠦᠯᠦᠭᠡᠳ᠂ ᠬᠤᠶᠠᠷ ᠵᠦᠢᠯ ᠤᠨ ᠪᠢᠴᠢᠭ ᠲᠤ ᠨᠡᠪᠲᠡᠷᠡᠭᠰᠡᠨ ᠡᠷᠳᠡᠮᠲᠡᠨ ᠠᠷᠠᠭᠰᠠᠨ ᠵᠠᠬᠢᠷᠤᠭᠴᠢ ᠵᠠᠩᠭᠢ᠂ | ᠲᠠᠶᠢᠵᠢ ᠴᠢᠮᠡᠳᠴᠡᠷᠢᠨ᠂ ᠭᠦᠩ ᠯᠾᠸᠠᠩᠷᠠᠪᠳᠠᠨ ᠢᠶᠠᠷ ᠳᠠᠷᠤᠭᠠ ᠪᠠᠭᠰᠢ ᠲᠠᠯᠪᠢᠵᠤ᠂ ᠲᠦᠮᠡᠨᠵᠢᠷᠭᠠᠯ᠂ ᠢᠤᠢ | ᠨᠠᠰᠤᠨᠳᠠᠯᠠᠢ ᠨᠠᠷ ᠢ ᠪᠠᠭᠰᠢ ᠪᠣᠯᠭᠠᠵᠤ ᠴᠠᠯᠢᠩ ᠣᠯᠭᠤᠨ᠂ ᠰᠤᠷᠤᠭᠴᠢ ᠶᠢᠨ ᠠᠷᠰᠠᠷ ᠵᠠᠷᠤᠳᠠᠯ ᠢ ᠬᠤᠪᠢ ᠠᠴᠠ | ᠭᠠᠷᠭᠠᠭᠤᠯᠵᠤ᠂ ᠰᠤᠷᠤᠭᠴᠢ ᠶᠢᠨ ᠠᠮᠢᠳᠤᠷᠠᠯ ᠤᠨ ᠲᠤᠰᠠᠯᠠᠮᠵᠢ᠂ ᠰᠤᠷᠤᠯᠴᠠᠬᠤ ᠰᠤᠳᠤᠷ ᠨᠣᠮ ᠪᠢᠴᠢᠭ ᠤᠨ | ᠬᠡᠷᠡᠭᠰᠡᠯ ᠢ ᠠᠯᠪᠠᠨ ᠠᠴᠠ ᠭᠠᠷᠭᠠᠵᠤ ᠬᠡᠷᠡᠭᠯᠡᠭᠦᠯᠬᠦ ᠭᠡᠵᠦ ᠲᠤᠭᠲᠠᠭᠠᠭᠰᠠᠨ ᠶᠤᠰᠤᠭᠠᠷ ᠪᠠᠶᠢᠷᠢᠯᠠᠭᠤᠯᠵᠤ᠂ ᠡᠯᠰᠡᠭᠰᠡᠨ | ᠲᠠᠮᠠᠭᠠ ᠶᠢᠨ ᠶᠠᠮᠤᠨ ᠤ ᠳᠠᠰᠬᠠᠯ ᠪᠢᠴᠢᠭᠡᠴᠢ ᠨᠠᠷ ᠲᠤ ᠮᠣᠩᠭᠤᠯ ᠬᠢᠲᠠᠳ ᠬᠤᠶᠠᠷ ᠲᠦᠷᠦᠯ ᠤᠨ ᠬᠡᠯᠡ ᠪᠢᠴᠢᠭ ᠢ | ᠲᠤᠰᠬᠠᠢ ᠰᠤᠷᠤᠯᠴᠠᠭᠤᠯᠪᠠ᠃ ᠰᠤᠷᠤᠭᠴᠢᠳ ᠤᠨ ᠨᠡᠷᠡ᠄ | ᠢᠤᠢ ᠬᠤᠤᠱᠠᠩ᠂ ᠯᠢ ᠰᠡᠴᠡᠨᠪᠢᠯᠢᠭ᠂ ᠬᠤ᠋ ᠪᠦᠬᠡ᠂ ᠰᠢᠤᠢ ᠬᠤᠢ᠂ ᠯᠦᠸᠧ ᠮᠦᠩᠬᠡᠪᠢᠯᠢᠭ᠂ ᠵᠠᠩ | ᠮᠦᠩᠬᠡᠪᠤᠶᠠᠨ᠂ ᠯᠦᠸᠧ ᠡᠷᠬᠢᠮᠪᠠᠲᠤ᠂ ᠵᠠᠩ ᠮᠦᠩᠬᠡᠵᠠᠪ᠂ ᠯᠦᠸᠧ ᠪᠠᠲᠤᠮᠦ᠋ᠩᠬᠡ᠂ ᠯᠦᠸᠧ ᠡᠩᠬᠡᠪᠠᠲᠤ᠂ ᠲᠠᠶᠢᠵᠢ | ᠣᠶᠣᠨ᠂ ᠪᠤᠶᠠᠨᠪᠠᠲᠤ ︵ᠵᠠᠩ ᠶᠤᠶᠠᠨ ᠰᠢᠨ︶᠂ ᠰᠢᠶᠧ ᠰᠢᠩ ᠳ᠋ᠧ᠂ ᠮᠠᠰᠢᠪᠠᠲᠤ᠂ ᠵᠤᠤ ᠣᠶᠤᠨ᠂ ᠵᠠᠩ ᠿᠦᠩ᠂ | ᠴᠣᠯᠮᠤᠨ᠂ ᠲᠠᠶᠢᠵᠢ ᠵᠠᠮᠰᠣ᠂ ᠲᠠᠮᠷᠢᠨᠸᠠᠩᠴᠤᠭ᠂ ᠴᠸᠧᠩᠵᠠᠪ ᠨᠠᠷ ᠪᠤᠯᠤᠨᠠ᠃ | ᠯᠾᠠᠸᠠᠩᠪᠦ᠋ᠷᠦᠭᠵᠢᠯᠨᠤᠶᠠᠨ ᠦᠨᠳᠦᠰᠦᠲᠡᠨ ᠤ ᠦᠭᠡ ᠬᠡᠯᠡ ᠦᠰᠦᠭ ᠪᠢᠴᠢᠭ ᠢ ᠰᠤᠷᠭᠠᠵᠤ᠂ ᠮᠡᠷᠭᠡᠵᠢᠯᠲᠡᠨ ᠪᠠ | ᠴᠢᠳᠠᠪᠤᠷᠢᠲᠠᠨ ᠢ ᠪᠣᠯᠪᠠᠰᠤᠷᠠᠭᠤᠯᠬᠤ ᠪᠠᠷ ᠳᠠᠮᠵᠢᠨ ᠤᠯᠤᠰ ᠲᠦᠷᠦ᠂ ᠠᠵᠤ ᠠᠬᠤᠢ᠂ ᠰᠤᠶᠤᠯ ᠴᠢᠨᠠᠭᠰᠢᠲᠠ ᠠᠷᠠᠳ | ᠲᠦᠮᠡᠨ ᠤ ᠦᠵᠡᠯ ᠤᠬᠠᠮᠰᠠᠷ ᠢ ᠳᠡᠭᠡᠭᠰᠢᠯᠡᠭᠦᠯᠵᠦ᠂ ᠨᠡᠶᠢᠬᠡᠮ ᠤᠨ ᠠᠵᠤ ᠠᠬᠤᠢ᠂ ᠰᠤᠶᠤᠯ ᠭᠡᠭᠡᠷᠡᠯ᠂ ᠡᠷᠡᠭᠦᠯ | ᠮᠡᠨᠲᠤ ᠶᠢᠨ ᠦᠢᠯᠡᠰ ᠢ ᠲᠦᠯᠬᠢᠨ ᠠᠬᠢᠭᠤᠯᠵᠤ ᠪᠤᠰᠤ ᠭᠠᠵᠠᠷ ᠤᠷᠤᠨ ᠲᠠᠢ ᠵᠡᠷᠭᠡᠴᠡᠨ ᠤᠷᠤᠭᠰᠢᠯᠠᠬᠤ ᠲᠦᠯᠦᠪᠯᠡᠭᠡ | ᠲᠠᠢ ᠪᠠᠶᠢᠵᠡᠢ᠃ | 1931ᠣᠨ ︵ᠢᠷᠭᠡᠨ ᠤᠯᠤᠰ ᠤᠨ ᠬᠤᠷᠢᠳᠤᠭᠠᠷ ᠣᠨ︶ ᠳᠤ ᠳ᠋ᠧᠰᠢᠷᠢᠳ ᠬᠤᠳᠤᠭᠲᠤ ᠵᠠᠬᠢᠶᠠ ᠪᠠᠭᠤᠯᠭᠠᠵᠤ᠂ | ᠮᠤᠩᠭᠤᠯ ᠬᠢᠲᠠᠳ ᠪᠢᠴᠢᠭ ᠢ ᠰᠤᠷᠭᠠᠬᠤ ᠲᠤᠬᠠᠢ ᠵᠠᠬᠢᠷᠤᠭᠴᠢ ᠶᠢᠨ ᠵᠡᠷᠭᠡ ᠲᠠᠢ ᠣᠷᠴᠢᠭᠤᠯᠭᠠ ᠶᠢᠨ ᠪᠠᠭᠰᠢ ᠢᠤᠢ | ᠨᠠᠰᠤᠨᠳᠠᠯᠠᠢ ᠶᠢ ᠲᠤᠮᠢᠯᠠᠵᠤ᠂ ᠲᠡᠭᠦᠨ ᠳᠤ ᠡᠷᠬᠡ ᠵᠢᠨᠦᠩ ᠲᠤᠰᠠᠯᠠᠭᠴᠢ ᠳᠠᠮᠷᠢᠨᠸᠠᠩᠱᠤᠭ᠂ ᠲᠤᠰᠢᠶᠠᠯ ᠤᠨ ᠲᠠᠶᠢᠵᠢ | ᠯᠦᠸᠧ ᠮᠦᠩᠬᠡᠪᠢᠯᠢᠭ᠂ ᠪᠢᠴᠢᠭᠡᠴᠢ ᠬᠤ᠋ ᠪᠦᠬᠡ᠂ ᠵᠠᠩ ᠮᠦᠩᠬᠡᠵᠠᠪ᠂ ᠯᠢ ᠰᠡᠴᠡᠨᠪᠢᠯᠢᠭ ᠢ ᠵᠤᠬᠢᠶᠠᠨ ᠪᠠᠶᠢᠭᠤᠯᠵᠤ᠂ | ᠰᠤᠷᠬᠤ ᠪᠣᠯᠤᠯᠴᠠᠭᠠ ᠪᠦᠬᠦᠢ ᠪᠠᠭᠠᠴᠣᠳ ᠢ ᠵᠠᠷᠯᠠᠨ ᠠᠪᠴᠤ᠂ ᠲᠠᠮᠠᠭᠠ ᠶᠢᠨ ᠶᠠᠮᠤᠨ ᠳᠤ ᠰᠤᠷᠭᠠᠭᠤᠯᠢ ᠪᠠᠶᠢᠭᠤᠯᠵᠤ | ᠰᠤᠷᠤᠯᠴᠠᠭᠤᠯᠤᠭᠰᠠᠨ ᠪᠢᠯᠡ᠃ | | ᠪᠡᠯᠡᠳᠬᠡᠭᠰᠡᠨ ᠨᠢ᠄ ᠡᠷᠳᠡᠨᠢᠬᠦᠦ | ᠨᠠᠶᠢᠷᠠᠭᠤᠯᠤᠭᠰᠠᠨ ᠨᠢ᠄ ᠨᠠᠮᠤᠷ | ᠬᠢᠨᠠᠭᠰᠠᠨ ᠨᠢ᠄ ᠤᠷᠢᠬᠠᠨ |