| ᠣᠳᠤ ᠰᠢᠨᠵᠢᠶᠠᠩ ᠤᠨ ᠣᠶᠢᠭᠤᠷ ᠦᠪᠡᠷᠲᠡᠭᠡᠨ ᠵᠠᠰᠠᠬᠤ ᠣᠷᠤᠨ ᠳᠤ ᠣᠷᠤᠰᠢᠨ ᠰᠠᠭᠤᠵᠤ ᠪᠠᠶᠢᠭᠠ ᠮᠣᠩᠭᠤᠯ | ᠬᠦᠮᠦᠰ ᠪᠣᠯᠪᠠᠯ ᠡᠷᠲᠡ ᠳᠡᠭᠡᠷᠡ ᠴᠠᠭ ᠤᠨ ᠦᠬᠦᠭᠰᠡᠨ ᠠᠴᠠ ᠦᠯᠡᠳᠡᠭᠰᠡᠨ᠂ ᠦᠷᠭᠦᠭᠰᠡᠨ ᠠᠴᠠ ᠬᠤᠴᠤᠷᠠᠭᠰᠠᠨ | ᠲᠣᠭᠠᠲᠤ ᠶᠢᠨ ᠬᠤᠶᠢᠴᠢᠰ ᠪᠣᠯᠬᠤ ᠶᠢᠨ ᠬᠠᠮᠲᠤ ᠰᠡᠭᠦᠯ ᠢᠶᠠᠷ ᠰᠢᠯᠵᠢᠵᠦ ᠢᠷᠡᠭᠡᠳ ᠰᠠᠭᠤᠷᠢᠰᠢᠭᠰᠠᠨ ᠴᠠᠬᠠᠷ᠂ | ᠵᠠᠬᠠᠴᠢᠨ ᠨᠠᠷ ᠤᠨ ᠲᠣᠬᠤᠮ ᠠᠴᠠ ᠪᠦᠷᠢᠳᠤᠭ᠍ᠰᠡᠨ ᠤᠯᠤᠰ ᠪᠣᠯᠬᠤ ᠶᠤᠮ᠃ ᠣᠳᠣ ᠪᠠᠶᠢᠬᠤ ᠠᠴᠠ ᠳᠡᠭᠡᠷᠡ ᠬᠡᠯᠡᠭᠰᠡᠨ | ᠴᠠᠬᠠᠷ ᠵᠠᠬᠠᠴᠢᠨ ᠠᠴᠠ ᠭᠠᠵᠠᠭᠠ ᠤᠭ ᠤᠨ ᠰᠦᠯᠪᠡᠭᠡ ᠪᠠᠨ ᠵᠠᠯᠭᠠᠭᠰᠠᠨ ᠲᠣᠷᠭᠤᠳ᠂ ᠬᠤᠱᠤᠳ᠂ ᠦᠭᠡᠯᠡᠳ᠂ | ᠤᠷᠢᠶᠠᠩᠬᠠᠢ᠂ ᠮᠤᠨᠴᠠᠭ ᠵᠡᠷᠭᠡ ᠶᠠᠰᠦᠲᠠᠨ ᠪᠠᠶᠢᠬᠤ ᠪᠦᠭᠡᠳ ᠲᠡᠲᠡᠨ ᠨᠢ ᠪᠠᠶᠠᠨᠭᠤᠣᠯ᠂ ᠪᠣᠷᠤᠲᠠᠯᠠ᠂ ᠬᠤᠪᠤᠭᠰᠠᠶᠢᠷᠢ | ᠂ ᠲᠦᠷᠪᠡᠯᠵᠢᠨ᠂ ᠬᠠᠷᠬᠤᠰᠤᠨ᠂ ᠢᠯᠢ ᠶᠢᠨ ᠳᠡᠭᠡᠰ᠂ ᠮᠣᠩᠭᠤᠯᠬᠦ᠋ᠷᠢᠶᠡ᠂ ᠨᠢᠯᠬᠠ ᠭᠤᠷᠪᠠᠨ ᠰᠢᠶᠡᠨ᠂ ᠠᠯᠲᠠᠢ | ᠠᠶᠢᠮᠠᠭ ᠤᠨ ᠠᠯᠲᠠᠢ ᠬᠤᠲᠠ ᠶᠢᠨ ᠬᠠᠨᠳᠠᠭᠠᠶᠢᠲᠤ᠂ ᠪᠣᠷᠵᠢᠨ ᠰᠢᠶᠡᠨ ᠤ ᠬᠤᠮ ᠬᠠᠨᠠᠰ᠂ ᠴᠠᠭᠠᠨ ᠬᠠᠪᠠ᠂ ᠵᠢᠮᠨᠠᠢ | ᠰᠢᠶᠡᠨ᠂ ᠴᠢᠩᠬᠢᠯ ᠰᠢᠶᠡᠨ᠂ ᠴᠣᠨᠵᠢ ᠵᠸᠤ ᠶᠢᠨ ᠵᠢᠮᠰᠠᠶᠢᠷᠢ ᠰᠢᠶᠡᠨ᠂ ᠬᠠᠮᠢᠯ ᠤᠨ ᠪᠠᠷᠺᠦ᠋ᠯ ᠵᠡᠷᠭᠡ ᠭᠠᠵᠠᠷ ᠲᠤ ᠪᠠᠭ | ᠪᠠᠭ ᠢᠶᠠᠷ ᠲᠠᠷᠬᠠᠨ᠂ ᠲᠤᠰ ᠲᠤᠰ ᠭᠠᠵᠠᠷ ᠤᠨ ᠢᠶᠠᠨ ᠵᠠᠰᠠᠭ ᠵᠠᠬᠢᠷᠭᠠᠨ ᠤ ᠬᠦᠷᠢᠶᠡᠨ ᠳᠤ ᠠᠮᠢᠳᠤᠷᠠᠵᠤ ᠪᠠᠶᠢᠳᠠᠭ᠃ | ᠲᠣᠷᠭᠤᠳ ᠶᠠᠰᠤᠲᠠᠨ ᠤ ᠪᠠᠶᠢᠳᠠᠯ ᠢᠶᠠᠷ ᠬᠡᠯᠡᠬᠦ ᠳᠤ᠂ ᠦᠨᠡᠨ ᠰᠦᠵᠦᠭᠲᠦ ᠬᠠᠭᠤᠴᠢᠨ ᠲᠤᠷᠭᠤᠳ ᠢ ᠳᠦᠷᠪᠡᠨ | ᠵᠠᠮ ᠬᠤᠪᠢᠶᠠᠳᠠᠭ ᠪᠦᠭᠡᠳ ᠡᠮᠦᠨᠡ ᠵᠠᠮ ᠤᠨ ᠴᠢᠭᠤᠯᠭᠠᠨ ᠪᠣᠯᠬᠤ ᠲᠣᠷᠭᠤᠳᠴᠤᠳ ᠢ ︽ᠬᠠᠷᠠᠱᠠᠷᠠ ᠶᠢᠨ ᠲᠣᠷᠭᠤᠳ | ︾ ᠭᠡᠵᠦ ᠬᠡᠯᠡᠳᠡᠭ᠃ ᠡᠳᠡᠨ ᠣᠳᠤ ᠪᠠᠶᠠᠨᠭᠤᠣᠯ ᠤᠨ ᠮᠣᠩᠭᠤᠯ ᠦᠪᠡᠷᠲᠡᠭᠡᠨ ᠵᠠᠰᠠᠬᠤ ᠵᠸᠤ ᠶᠢᠨ ᠡᠾᠧᠵᠢᠩ ᠰᠢᠶᠡᠨ᠂ | ᠶᠠᠨᠴᠢ ᠬᠤᠶᠢᠬᠤᠢ ︵ᠬᠤᠲᠤᠩ︶ ᠶᠢᠨ ᠦᠪᠡᠷᠲᠡᠭᠡᠨ ᠵᠠᠰᠠᠬᠤ ᠰᠢᠶᠡᠨ ᠵᠡᠷᠭᠡ ᠭᠠᠵᠠᠷ ᠲᠤ ᠪᠠᠶᠢᠳᠠᠭ ᠪᠠ ᠨᠡᠶᠢᠲᠡ | ᠲᠠᠪᠢᠨ ᠳᠦᠷᠪᠡᠨ ᠰᠤᠮᠤᠨ ᠲᠣᠷᠭᠤᠳ ᠪᠣᠯᠤᠨᠠ᠃ ᠡᠨᠡ ᠨᠢ ᠳᠤᠲᠤᠷᠠ ᠪᠠᠨ ᠬᠠᠨ ᠬᠤᠰᠢᠭᠤ ᠪᠣᠯᠤᠨ ᠳᠡᠭᠦᠦᠨᠡᠷ | ᠭᠡᠵᠦ ᠬᠤᠪᠢᠶᠠᠭᠳᠠᠳᠠᠭ ᠪᠠ ᠬᠠᠨ ᠬᠤᠰᠢᠭᠤ ᠨᠢ ᠳᠤᠲᠤᠷᠠ ᠪᠠᠨ ᠭᠡᠷᠡᠶᠢᠳ ᠬᠤᠰᠢᠭᠤᠨ᠂ ᠴᠠᠭᠠᠲᠠᠨ ᠬᠤᠰᠢᠭᠤᠨ᠂ | ᠪᠠᠷᠠᠭᠤᠨ ᠬᠤᠰᠢᠭᠤᠨ᠂ ᠵᠠᠪᠰᠠᠷ ᠬᠤᠰᠢᠭᠤᠨ᠂ ᠱᠠᠪᠢᠨᠠᠷ ᠬᠤᠰᠢᠭᠤᠨ ᠭᠡᠵᠦ ᠲᠠᠪᠤᠨ ᠪᠠᠭᠠ ᠬᠤᠰᠢᠭᠤ | ᠬᠤᠪᠢᠶᠠᠭᠳᠠᠳᠠᠭ ᠃ ᠳᠡᠭᠦᠦᠨᠡᠷ ᠨᠢ ᠳᠤᠲᠤᠷᠠ ᠪᠠᠨ ᠳᠤᠮᠳᠠ ᠬᠤᠰᠢᠭᠤ ᠪᠤᠶᠤ ᠪᠠᠶᠢᠰᠠ ᠶᠢᠨ ᠬᠤᠰᠢᠭᠤ᠂ ᠪᠠᠷᠠᠭᠤᠨ | ᠬᠤᠰᠢᠭᠤ ᠪᠤᠶᠤ ᠭᠦᠩ ᠤᠨ ᠬᠤᠰᠢᠭᠤ᠂ ᠵᠡᠭᠦᠨ ᠬᠤᠰᠢᠭᠤ ᠪᠤᠶᠤ ᠵᠠᠰᠠᠭ ᠤᠨ ᠬᠤᠰᠢᠭᠤ ᠭᠡᠵᠦ ᠭᠤᠷᠪᠠ | ᠬᠤᠪᠢᠶᠠᠭᠳᠠᠳᠠᠭ ᠪᠠᠶᠢᠪᠠ᠃ ᠰᠤᠮᠤᠨ ᠢᠶᠠᠷ ᠢᠯᠭᠠᠪᠠᠯ᠂ ᠭᠡᠷᠡᠶᠢᠳ ᠬᠤᠰᠢᠭᠤᠨ ᠪᠤᠶᠤ ᠠᠬᠠ ᠬᠤᠰᠢᠭᠤᠨ ᠳᠤ ᠶᠡᠭᠡ | ᠰᠤᠮᠤᠨ᠂ ᠮᠤᠬᠤᠷ ᠤᠨ ᠰᠤᠮᠤᠨ᠂ ᠵᠢᠷᠭᠠᠯ ᠤᠨ ᠰᠤᠮᠤ᠂ ᠪᠠᠶᠠᠵᠢᠬᠠ ᠶᠢᠨ ᠰᠤᠮᠤ᠂ ᠭᠤᠨᠴᠤᠭ ᠤᠨ ᠰᠤᠮᠤ᠂ | ᠳ᠋ᠧᠨᠢᠩ ᠤᠨ ᠰᠤᠮᠤᠨ᠂ ᠬᠡᠰᠢᠭᠲᠦ ᠶᠢᠨ ᠰᠤᠮᠤᠨ᠂ ᠶᠡᠭᠡ ᠴᠠᠭᠠᠲᠠᠨ ᠰᠤᠮᠤᠨ᠂ ᠪᠠᠭᠠ ᠭᠡᠷᠡᠶᠢᠳ ᠰᠤᠮᠤᠨ᠂ ᠮᠠᠨᠵᠢ | ︵ᠳ᠋ᠠᠨᠵᠢᠨ︶ ᠶᠢᠨ ᠰᠤᠮᠤᠨ ᠵᠡᠷᠭᠡ ᠠᠷᠪᠠᠨ ᠰᠤᠮᠤᠨ ᠪᠠᠶᠢᠳᠠᠭ᠃ ᠡᠨᠡ ᠪᠦᠯᠦᠭ ᠨᠤᠲᠤᠭ ᠡᠾᠧᠵᠢᠩ ᠰᠢᠶᠡᠨ ᠤ | ᠠᠯᠭᠤᠤ᠂ ᠶᠠᠨᠴᠢ ᠰᠢᠶᠠᠨ ᠤ ᠪᠤᠷᠤᠬᠠᠢ᠂ ᠪᠠᠶᠠᠨᠪᠤᠯᠠᠭ ᠰᠤᠮᠤᠨ ᠳᠤ ᠲᠠᠷᠬᠠᠨ ᠰᠠᠭᠤᠵᠤ ᠪᠤᠢ᠃ ᠴᠠᠭᠠᠲᠠᠨ | ᠬᠤᠰᠢᠭᠤᠨ ᠳᠤ ᠬᠦᠬᠡ ᠶᠢᠨ ᠰᠤᠮᠤᠨ᠂ ᠴᠠᠭᠠᠨ ᠮᠠᠨᠵᠢ ᠶᠢᠨ ᠰᠤᠮᠤᠨ᠂ ᠰᠢᠷᠠᠪ ᠤᠨ ᠰᠤᠮᠤᠨ᠂ ᠦᠯᠡᠮᠵᠢ ᠶᠢᠨ | ᠰᠤᠮᠤᠨ᠂ ᠬᠤᠩᠭᠤᠷ ᠤᠨ ᠰᠤᠮᠤᠨ᠂ ᠳᠠᠸᠠ ᠶᠢᠨ ᠰᠤᠮᠤᠨ᠂ ᠡᠷᠳᠡᠨᠢ ᠶᠢᠨ ᠰᠤᠮᠤᠨ᠂ ᠲᠦᠴᠢᠳ ᠤᠨ ᠰᠤᠮᠤᠨ᠂ | ᠬᠠᠷᠠᠨᠤᠳ ᠰᠤᠮᠤᠨ᠂ ᠭᠠᠯᠵᠠᠳ ᠤᠨ ᠰᠤᠮᠤᠨ ᠵᠡᠷᠭᠡ ᠠᠷᠪᠠᠨ ᠰᠤᠮᠤᠨ ᠨᠤᠲᠤᠭ ᠪᠠᠶᠢᠳᠠᠭ᠃ ᠡᠨᠡ ᠪᠦᠯᠦᠭ ᠬᠦᠮᠦᠰ | ᠨᠢ ᠭᠤᠣᠯᠳᠠᠭᠤ ᠪᠠᠶᠠᠨᠪᠤᠯᠠᠭ ᠪᠠᠯᠭᠠᠰᠤᠨ ᠤ ᠶᠡᠭᠡ ᠵᠣᠯᠲᠤᠰ ᠭᠡᠬᠦ ᠨᠤᠲᠤᠭ ᠲᠤ ᠰᠠᠭᠤᠷᠢᠰᠢᠳᠠᠭ᠃ ᠪᠠᠷᠠᠭᠤᠨ | ᠬᠤᠰᠢᠭᠤᠨ ᠳᠤ ᠪᠦᠳᠡᠢ ᠶᠢᠨ ᠰᠤᠮᠤᠨ᠂ ᠪᠠᠶᠠᠨ ᠤ ᠰᠤᠮᠤᠨ᠂ ᠪᠤᠶᠠᠨᠬᠡᠰᠢᠭ ᠤᠨ ᠰᠤᠮᠤᠨ᠂ ᠦᠷᠭᠡᠵᠢᠬᠦ ᠶᠢᠨ ᠰᠤᠮᠤᠨ᠂ | ᠴᠡᠷᠡᠨ ᠤ ᠰᠤᠮᠤᠨ᠂ ᠬᠤᠶᠠᠷ ᠰᠤᠮᠤᠨ᠂ ᠪᠠᠭᠰᠢ ᠶᠢᠨ ᠰᠤᠮᠤᠨ᠂ ᠳ᠋ᠤᠭᠤᠷ ᠤᠨ ᠰᠤᠮᠤᠨ᠂ ᠰᠠᠨᠵᠠᠪ ᠤᠨ ᠰᠤᠮᠤᠨ᠂ | ᠰᠡᠩᠭᠡ ᠶᠢᠨ ᠰᠤᠮᠤᠨ ᠵᠡᠷᠭᠡ ᠠᠷᠪᠠᠨ ᠰᠤᠮᠤᠨ ᠪᠠᠶᠢᠳᠠᠭ᠃ ᠡᠨᠡ ᠨᠤᠲᠤᠭ ᠣᠳᠤ ᠶᠢᠨ ᠶᠠᠨᠴᠢ ᠰᠢᠶᠠᠨ ᠤ ᠰᠢᠭᠰᠢᠨ᠂ | ᠡᠾᠧᠵᠢᠩ ᠰᠢᠶᠠᠨ ᠤ ᠪᠠᠷᠠᠭᠤᠨ ᠬᠠᠷᠠᠮᠤᠳᠤᠨ᠂ ᠪᠠᠶᠠᠨᠪᠤᠯᠠᠭ ᠤᠨ ᠶᠡᠭᠡ ᠵᠣᠯᠲᠤᠰ ᠵᠡᠷᠭᠡ ᠭᠠᠵᠠᠷ ᠲᠤ ᠰᠠᠭᠤᠷᠢᠯᠠᠨ | ᠰᠠᠭᠤᠵᠤ ᠪᠤᠢ᠃ ᠵᠠᠪᠰᠠᠷ ᠬᠤᠰᠢᠭᠤᠨ ᠳᠤ ᠪᠣᠯᠪᠠᠯ ᠮᠣᠩᠭᠤᠯ ᠤᠨ ᠰᠤᠮᠤᠨ᠂ ᠪᠣᠷᠤ ᠶᠢᠨ ᠰᠤᠮᠤᠨ ᠵᠡᠷᠭᠡ ᠠᠷᠪᠠᠨ | ᠰᠤᠮᠤᠨ ᠪᠠᠶᠢᠳᠠᠭ᠃ ᠱᠠᠪᠢᠨᠠᠷ ᠬᠤᠰᠢᠭᠤᠨ ᠳᠤᠲᠤᠷᠠ ᠨᠢ ᠪᠠᠭᠰᠢ ᠶᠢᠨ ᠱᠠᠪᠢᠨᠠᠷ᠂ ᠯᠠᠮᠠ ᠶᠢᠨ ᠱᠠᠪᠢᠨᠠᠷ᠂ | ᠠᠨᠵᠡᠢ ᠶᠢᠨ ᠱᠠᠪᠢᠨᠠᠷ᠂ ᠴᠣᠶᠢᠵᠤᠩ ᠤᠨ ᠱᠠᠪᠢᠨᠠᠷ᠂ ᠭᠡᠭᠡᠨ ᠤ ᠱᠠᠪᠢᠨᠠᠷ᠂ ᠽᠤᠩᠺᠠᠪᠠ ᠶᠢᠨ ᠱᠠᠪᠢᠨᠠᠷ ᠭᠡᠵᠦ | ᠬᠤᠪᠢᠶᠠᠳᠠᠭ᠃ ᠪᠠᠭᠰᠢ ᠶᠢᠨ ᠱᠠᠪᠢᠨᠠᠷ ᠲᠤ ᠭᠤᠷᠪᠠᠨ ᠰᠤᠮᠤᠨ ᠪᠠᠶᠢᠵᠦ᠂ ᠠᠨᠵᠡᠢ ᠶᠢᠨ ᠰᠤᠮᠤᠨ᠂ ᠴᠣᠶᠢᠵᠢᠩ ᠤᠨ | ᠰᠤᠮᠤᠨ ᠵᠡᠷᠭᠡ ᠨᠢ ᠨᠡᠶᠢᠯᠡᠭᠡᠳ ᠠᠷᠪᠠᠨ ᠨᠢᠭᠡᠨ ᠰᠤᠮᠤᠨ ᠪᠣᠯᠳᠠᠭ᠃ | ᠳᠠᠷᠪᠠᠭᠠᠳᠠᠢ ᠠᠶᠢᠮᠠᠭ ᠤᠨ ᠬᠤᠪᠤᠭᠰᠠᠶᠢᠷᠢ ᠮᠣᠩᠭᠤᠯ ᠦᠪᠡᠷᠲᠡᠭᠡᠨ ᠵᠠᠰᠠᠬᠤ ᠰᠢᠶᠡᠨ ᠳᠤ ᠪᠠᠶᠢᠬᠤ ᠲᠣᠷᠭᠤᠳᠴᠤᠳ | ᠪᠣᠯᠪᠠᠯ ᠴᠡᠪᠡᠭᠳᠣᠷᠵᠢ᠂ ᠭᠡᠶᠢᠷᠤᠪ᠂ ᠠᠭᠰᠠᠬᠠᠯ ᠨᠠᠷ ᠤᠨ ᠬᠠᠷᠢᠶᠠᠨ ᠳᠤ ᠶᠠᠪᠤᠭᠰᠠᠨ ᠦᠨᠡᠨ ᠰᠦᠵᠦᠭᠲᠦ ᠬᠠᠭᠤᠴᠢᠨ | ᠲᠣᠷᠭᠤᠳ ᠤᠨ ᠬᠤᠶᠢᠲᠤ ᠵᠠᠮ ᠤᠨ ᠴᠢᠭᠤᠯᠭᠠᠨ ᠤ ᠵᠠᠯᠭᠠᠮᠵᠢ ᠪᠣᠯᠬᠤ ᠶᠤᠮ᠃ | ᠲᠠᠷᠪᠠᠭᠠᠳᠠᠢ ᠠᠶᠢᠮᠠᠭ ᠤᠨ ᠬᠠᠷᠬᠤᠰᠤᠨ ᠬᠤᠲᠠ ᠶᠢᠨ ᠬᠠᠷᠢᠶᠠᠨ ᠳᠤ ᠪᠠᠶᠢᠬᠤ ᠲᠣᠷᠭᠤᠳᠴᠤᠳ ᠪᠣᠯᠪᠠᠯ ᠦᠨᠡᠨ | ᠰᠦᠵᠦᠭᠲᠦ ᠬᠠᠭᠤᠴᠢᠨ ᠲᠣᠷᠭᠤᠳ ᠠᠶᠢᠮᠠᠭ ᠤᠨ ᠵᠡᠭᠦᠨ ᠵᠠᠮ ᠤᠨ ᠴᠢᠭᠤᠯᠭᠠᠨ ᠤ ᠵᠠᠯᠭᠠᠮᠵᠢ ᠪᠣᠯᠬᠤ ᠪᠦᠭᠡᠳ ᠨᠢᠭᠡ | ᠸᠠᠩ ᠤᠨ ᠬᠠᠷᠢᠶᠠ ᠲᠠᠢ ᠶᠠᠪᠤᠭᠰᠠᠨ ᠸᠠᠩ ᠬᠤᠰᠢᠭᠤᠨ ᠪᠤᠶᠤ ᠪᠠᠷᠠᠭᠤᠨ ᠬᠤᠰᠢᠭᠤᠨ᠂ ᠪᠠᠶᠢᠰᠠ ᠶᠢᠨ ᠬᠤᠰᠢᠭᠤᠨ | ᠪᠤᠶᠤ ᠵᠡᠭᠦᠨ ᠬᠤᠰᠢᠭᠤᠨ ᠭᠡᠬᠦ ᠬᠤᠶᠠᠷ ᠬᠤᠰᠢᠭᠤᠨ ᠨᠤᠲᠤᠭ ᠪᠣᠯᠤᠨᠠ᠃ | ᠪᠤᠷᠤᠲᠠᠯᠠ ᠶᠢᠨ ᠮᠣᠩᠭᠤᠯ ᠦᠪᠡᠷᠲᠡᠭᠡᠨ ᠵᠠᠰᠠᠬᠤ ᠵᠸᠤ ᠶᠢᠨ ᠵᠢᠩ ᠰᠢᠶᠠᠨ ᠪᠣᠯᠤᠨ ᠪᠤᠷᠤᠲᠠᠯᠠ ᠬᠤᠲᠠ ᠶᠢᠨ | ᠪᠠᠶᠢᠯᠡ ᠶᠢᠨ ᠬᠠᠷᠠᠮᠣᠳᠣᠨ ᠰᠤᠮᠤᠨ ᠳᠤ ᠨᠤᠲᠤᠭ ᠲᠠᠢ ᠳᠦᠷᠪᠡᠨ ᠰᠤᠮᠤᠨ ᠲᠣᠷᠭᠤᠳ ᠪᠠᠶᠢᠳᠠᠭ᠃ | ᠦᠭᠡᠯᠡᠳ ᠨᠤᠲᠤᠭ ᠤᠨ ᠪᠠᠶᠢᠳᠠᠯ ᠢᠶᠠᠷ ᠬᠡᠯᠡᠪᠡᠯ᠂ ᠣᠳᠤ ᠶᠢᠨ ᠲᠠᠷᠪᠠᠭᠠᠳᠠᠢ ᠠᠶᠢᠮᠠᠭ ᠤᠨ ᠲᠠᠷᠪᠠᠭᠠᠳᠠᠢ ᠬᠤᠲᠠ᠂ | ᠳᠦᠷᠪᠡᠯᠵᠢᠨ ᠰᠢᠶᠡᠨ ᠪᠠ ᠲᠣᠯᠢ ᠰᠢᠶᠠᠨ ᠳᠤ ᠪᠠᠶᠢᠬᠤ ᠠᠷᠪᠠᠨ ᠰᠤᠮᠤᠨ ᠦᠭᠡᠯᠡᠳ ᠨᠤᠲᠤᠭ ᠢ ᠪᠦᠭᠦᠳᠡᠯᠡᠭᠡᠳ ︽ | ᠡᠮᠡᠭᠡᠯ ᠤᠨ ᠠᠷᠪᠠᠨ ᠰᠤᠮᠤᠨ ᠦᠭᠡᠯᠡᠳ︾ ᠭᠡᠬᠦ ᠪᠤᠶᠤ ᠵᠠᠩᠰᠢᠯ ᠢᠶᠠᠷ ︽ᠲᠠᠷᠪᠡᠭᠠᠲᠠᠢ ᠶᠢᠨ ᠠᠷᠪᠠᠨ ᠰᠤᠮᠤᠨ | ᠦᠭᠡᠯᠡᠳ︾ ᠭᠡᠳᠡᠭ ᠪᠠ ᠮᠦᠨ ︽ᠪᠠᠷᠤᠯᠠᠭ ᠤᠨ ᠠᠷᠪᠠᠨ ᠰᠤᠮᠤᠨ ᠦᠭᠡᠯᠡᠳ︾ ᠭᠡᠵᠦ ᠴᠤ ᠬᠡᠯᠡᠳᠡᠭ᠃ | ᠣᠳᠣ ᠶᠢᠨ ᠲᠠᠷᠪᠠᠭᠠᠲᠠᠢ ᠠᠶᠢᠮᠠᠭ ᠤᠨ ᠬᠠᠷᠬᠤᠰᠤᠨ ᠬᠤᠲᠠ ᠶᠢᠨ ᠲᠣᠷᠭᠤᠳᠴᠤᠳ ᠤᠨ ᠳᠣᠲᠤᠷᠠ ᠨᠢᠭᠡ ᠰᠤᠮᠤᠨ | ᠵᠠᠬᠠᠴᠢᠨ ᠪᠠᠶᠢᠬᠤ ᠪᠦᠭᠡᠳ ᠵᠢᠮᠰᠠᠶᠢᠷᠢ ᠶᠢᠨ ᠲᠣᠷᠭᠤᠳᠴᠤᠳ ᠤᠨ ᠳᠤᠲᠤᠷᠠ ᠮᠦᠨ ᠨᠢᠭᠡ ᠬᠡᠰᠡᠭ ᠵᠠᠬᠠᠴᠢᠨ ᠨᠤᠲᠤᠭ | ᠶᠠᠪᠤᠳᠠᠭ ᠶᠤᠮ᠃ ᠡᠳᠡ ᠨᠠᠷ ᠪᠣᠯᠪᠠᠯ ᠠᠷᠪᠠᠨ ᠳᠣᠯᠤᠭᠠ ᠠᠷᠪᠠᠨ ᠨᠠᠢᠮᠠᠳᠤᠭᠠᠷ ᠵᠠᠭᠤᠨ ᠤ ᠦᠶᠡ ᠪᠠᠷ ᠪᠦᠷᠢᠳᠦᠭᠰᠡᠨ | ᠣᠲᠤᠭ ᠨᠤᠲᠤᠭ ᠪᠣᠯᠬᠤ ᠪᠦᠭᠡᠳ ᠡᠳᠡᠨ ᠤ ᠳᠡᠭᠡᠳᠦᠰ ᠨᠢ ᠵᠡᠭᠦᠨᠭᠠᠷ ᠤᠨ ᠵᠠᠬᠠ ᠬᠢᠯᠢ ᠶᠢ ᠬᠠᠮᠠᠭᠠᠯᠠᠬᠤ ᠪᠠᠷ ᠠᠯᠪᠠ | ᠬᠠᠰᠢᠵᠤ ᠶᠠᠪᠤᠭᠰᠠᠨ ᠤᠯᠤᠰ ᠲᠤᠯᠠ ᠲᠡᠷᠡ ᠦᠢᠯᠡ ᠶᠢ ᠨᠢ ᠣᠨᠴᠠᠯᠠᠵᠤ ︽ᠵᠠᠬᠠ ᠭᠡᠰᠡᠨ ᠦᠭᠡᠨ ᠳᠤ ᠡᠷᠬᠢᠯᠡᠭᠰᠡᠨ | ᠠᠵᠢᠯ ᠮᠡᠷᠭᠡᠵᠢᠯ ᠢ ᠨᠢ ᠵᠢᠭᠠᠳᠠᠭ ᠴᠢᠨ ᠲᠠᠭᠠᠪᠤᠷᠢ ᠵᠠᠯᠭᠠᠵᠤ ︵ᠵᠠᠬᠠᠴᠢᠨ︶ ᠪᠦᠲᠦᠭᠡᠭᠰᠡᠨ ᠨᠡᠷᠡ ᠶᠤᠮ︾ ᠭᠡᠳᠡᠭ | ᠪᠦᠭᠡᠳ ︽ᠠᠷᠪᠠᠨ ᠨᠠᠢᠮᠠᠳᠤᠭᠠᠷ ᠵᠠᠭᠤᠨ ᠤ ᠲᠡᠷᠢᠭᠦᠨ ᠬᠠᠭᠠᠰ ᠤᠨ ᠡᠴᠦᠰ ᠢᠶᠠᠷ ᠵᠡᠭᠦᠨᠭᠠᠷ ᠬᠠᠭᠠᠨᠲᠤ ᠤᠯᠤᠰ ᠲᠤ | ᠬᠠᠭᠠᠨ ᠤ ᠰᠢᠭᠤᠳ ᠮᠡᠳᠡᠯ ᠤᠨ20 ᠭᠠᠷᠤᠢ ᠣᠲᠤᠭ ᠪᠠᠶᠢᠭᠰᠠᠨ ᠪᠦᠭᠡᠳ ᠵᠠᠬᠠᠴᠢᠨ ᠨᠡᠷᠡ ᠪᠡᠶᠡ ᠪᠠᠨ ᠳᠠᠭᠠᠭᠠᠭᠰᠠᠨ | ᠨᠢᠭᠡ ᠨᠤᠲᠤᠭ ᠲᠤ ᠲᠣᠭᠠᠯᠠᠭᠳᠠᠵᠤ ᠪᠠᠶᠢᠵᠡᠢ︾ ᠭᠡᠵᠦ ᠬᠡᠯᠡᠳᠡᠭ᠃ | |