| ᠵᠡᠭᠦᠠᠭᠠᠷ ᠳ᠋ᠠᠮᠴᠤᠶᠢᠷᠠᠭᠪᠠ | | | ᠭᠠᠶᠢᠬᠠᠮᠰᠢᠭ | ᠡᠭᠦᠯᠡ ᠪᠠᠷ ᠬᠤᠯᠪᠣᠯᠲᠣᠭᠰᠠᠨ ᠠᠭᠤᠯᠠ ᠬᠠᠶᠢᠷᠬᠠᠳ ᠢ | ᠵᠢᠭᠤᠷᠠᠭᠤᠯ ᠭᠢᠭᠰᠡᠨ ᠴᠦ ᠪᠠᠭᠠᠲᠠᠮᠠᠷ | ᠦᠨᠲᠦᠰᠦ ᠪᠠᠷ ᠵᠠᠯᠭᠠᠯᠲᠤᠭᠰᠠᠨ ᠤᠢ ᠰᠢᠭᠤᠢ ᠶᠢ | ᠪᠢᠷ ᠪᠣᠯᠭᠠᠭᠰᠠᠨ ᠴᠦ ᠴᠦᠭᠡᠳᠮᠡᠷ | ᠰᠢᠮᠡ ᠪᠠᠷ ᠨᠠᠶᠢᠯᠡᠯᠲᠦᠭᠰᠡᠨ ᠣᠰᠣ ᠮᠦᠷᠡᠨ ᠢ | ᠪᠡᠭᠡ ᠨᠠᠶᠢᠷᠠᠭᠤᠯᠤᠭᠰᠠᠨ ᠴᠦ ᠬᠤᠮᠰᠠᠲᠠᠮᠠᠷ | ᠰᠢᠷᠭᠡᠭ ᠢᠶᠠᠷ ᠪᠦᠷᠢᠯᠲᠦᠭᠰᠡᠨ ᠭᠠᠵᠠᠷ ᠲᠡᠯᠡᠭᠡᠢ ᠶᠢ | ᠬᠠᠭᠤᠲᠠᠰᠤ ᠲᠡᠯᠭᠡᠭᠰᠡᠨ ᠴᠦ ᠵᠢᠵᠢᠭᠲᠡᠮᠡᠷ | ᠠᠯᠲᠠᠨ ᠲᠡᠯᠡᠭᠡᠢ ᠶᠢ ᠵᠢᠵᠢᠭᠷᠡᠭᠦᠯᠦᠭᠰᠡᠨ ᠡᠵᠡᠨ ᠴᠢᠩᠭᠢᠰ ᠤᠨ | ᠠᠯᠲᠠᠷ ᠰᠤᠤ ᠪᠠᠯᠠᠷᠠᠰᠢ ᠦᠭᠡᠢ | ᠠᠽᠢ ᠡᠸᠦ᠋ᠷᠦᠫᠠ ᠶᠢ ᠰᠤᠨᠲᠠᠯᠠᠭᠰᠠᠨ ᠡᠷᠡᠯᠭᠡᠭ ᠮᠣᠩᠭᠤᠯ ᠤᠨ | ᠲᠡᠦᠭᠡ ᠱᠠᠰᠲᠢᠷ ᠪᠠᠭᠲᠠᠰᠢ ᠦᠭᠡᠢ | ᠪᠣᠶᠠᠨ ᠵᠠᠶᠠᠭᠠ ᠲᠡᠯᠭᠡᠷᠡᠭᠰᠡᠨ ᠡᠷᠲᠡᠨᠢᠲᠤ ᠨᠣᠲᠤᠭ ᠤᠨ | ᠦᠩᠭᠡᠡ ᠦᠵᠡᠮᠵᠢ ᠪᠠᠷᠤᠭᠯᠠᠰᠢ ᠦᠬᠡᠢ | ᠪᠤᠭᠤᠷᠤᠯ ᠬᠤᠷᠸᠠ ᠶᠢ ᠠᠷᠭᠠᠲᠠᠭᠰᠠᠨ ᠪᠢᠯᠢᠭᠲᠦ ᠠᠷᠠᠳ ᠤᠨ | ᠰᠣᠶᠣᠯ ᠠᠷᠠᠨᠰᠢᠨ ᠪᠠᠷᠠᠰᠢ ᠦᠭᠡᠢ | ᠭᠠᠨᠲᠢᠭ ᠤᠨ ᠭᠠᠨᠲᠢᠭ ᠮᠦᠩᠭᠡ ᠶᠢᠨ ᠬᠦᠰᠢᠶᠡ ᠡᠨᠡ ᠮᠦᠨ | ᠲᠠᠶᠠᠭᠠᠷ ᠰᠦᠭᠦᠳᠲᠦᠭᠡᠢ | ᠭᠠᠶᠢᠬᠠᠮᠰᠢᠭ ᠤᠨ ᠭᠠᠶᠢᠬᠠᠮᠰᠢᠭ ᠰᠤᠲᠤᠷ ᠤᠨ ᠲᠠᠯᠠᠢ ᠡᠨᠡ ᠮᠦᠨ | ᠲᠠᠶᠠᠩ ᠰᠦᠰᠦᠭᠯᠡᠲᠦᠭᠡᠢ | ᠣᠬᠢ ᠶᠢᠨ ᠣᠬᠢ ᠲᠠᠩᠰᠤᠭ ᠤᠨ ᠮᠠᠩᠯᠠᠢ ᠡᠨᠡ ᠮᠦᠨ | ᠪᠦᠭᠦᠲᠡ ᠬᠠᠮᠠᠭᠠᠯᠠᠲᠤᠭᠠᠢ | ᠣᠨᠴᠠ ᠶᠢᠨ ᠣᠨᠴᠠ ᠣᠶᠣᠨ ᠤ ᠲᠡᠭᠡᠲᠤ ᠡᠨᠡ ᠮᠦᠨ | ᠬᠠᠮᠤᠭ ᠬᠠᠶᠢᠷᠠᠯᠠᠲᠤᠭᠠᠢ | ᠬᠦᠮᠦᠨ ᠮᠦᠰᠦ | ᠵᠢᠭᠠᠷ ᠰᠠᠶᠢᠲᠠᠢ ᠪᠡᠭᠡᠨ ᠳᠤ ᠬᠠᠷᠠᠯᠠᠰᠢ ᠦᠭᠡᠢ ᠰᠢᠲᠤᠷᠭᠤ ᠴᠠᠭᠠᠨ ᠰᠡᠳᠭᠢᠯ | ᠵᠠᠯᠢ ᠶᠡᠭᠡᠲᠡᠢ ᠮᠡᠭᠡᠨ ᠳᠤ ᠤᠨᠠᠰᠢ ᠦᠭᠡᠢ ᠠᠭᠤᠵᠢᠮ ᠰᠡᠴᠡᠨ ᠤᠬᠠᠭᠠᠨ | ᠢᠷ ᠭᠠᠩᠲᠠᠢ ᠮᠡᠰᠡᠨ ᠳᠤ ᠴᠣᠴᠠᠰᠢ ᠦᠭᠡᠢ ᠬᠠᠲᠠᠨ ᠪᠠᠭᠠᠲᠣᠷ ᠵᠣᠷᠢᠭ | ᠶᠧᠯᠸᠢ ᠪᠠᠴᠢᠲᠠᠢ ᠦᠭᠡᠨ ᠳᠤ ᠠᠪᠲᠠᠰᠢ ᠦᠭᠡᠢ ᠡᠷᠲᠡᠮ ᠮᠡᠷᠭᠡᠨ ᠪᠣᠲᠣᠯᠭᠠ | ᠴᠢᠭᠡᠴᠢ ᠰᠢᠲᠤᠷᠭᠤ ᠴᠠᠭᠠᠨ ᠰᠡᠳᠭᠢᠯ ᠬᠦᠮᠦᠨ ᠤ ᠨᠠᠨᠲᠢᠨ ᠴᠢᠨᠠᠷ | ᠴᠢᠮᠪᠠᠢ ᠠᠭᠤᠵᠢᠮ ᠰᠡᠴᠡᠨ ᠤᠬᠠᠭᠠᠨ ᠠᠮᠢᠲᠣᠷᠠᠯ ᠤᠨ ᠭᠡᠭᠡᠨ ᠣᠶᠣᠨ | ᠴᠢᠬᠢᠷᠠᠭ ᠬᠠᠲᠠᠨ ᠪᠠᠭᠠᠲᠤᠷ ᠵᠣᠷᠢᠭ ᠪᠦᠭᠦᠨ ᠢ ᠢᠯᠠᠬᠤ ᠶᠢᠨ ᠬᠦᠴᠦᠨ | ᠴᠢᠲᠠᠯ ᠡᠷᠲᠡᠮ ᠮᠡᠷᠭᠡᠨ ᠪᠣᠲᠣᠯᠭᠠ ᠪᠦᠲᠦᠭᠡᠬᠦ ᠤᠶᠢᠯᠡᠰ ᠤᠨ ᠲᠦᠯᠬᠢᠭᠦᠷ | ᠠᠮᠢᠲᠤ ᠶᠠᠪᠤᠬᠤ ᠶᠢᠨ ᠦᠷᠲᠡᠭ ᠬᠦᠮᠦᠨ ᠤ ᠨᠠᠨᠲᠢᠨ ᠴᠢᠨᠠᠷ ᠲᠤ ᠪᠤᠢ | ᠠᠵᠤ ᠲᠦᠷᠦᠬᠦ ᠶᠢᠨ ᠨᠢᠭᠤᠴᠠ ᠠᠮᠢᠲᠤᠷᠠᠯ ᠤᠨ ᠭᠡᠭᠡᠨ ᠣᠶᠣᠨ ᠳᠤ ᠪᠤᠢ | ᠠᠬᠢᠯ ᠲᠠᠪᠰᠢᠯ ᠤᠨ ᠡᠷᠴᠢ ᠪᠦᠬᠦᠨ ᠢ ᠢᠯᠠᠬᠤ ᠶᠢᠨ ᠬᠦᠴᠦᠨ ᠳᠤ ᠪᠤᠢ | ᠠᠮᠵᠢᠯᠲᠠ ᠠᠯᠲᠠᠷ ᠤᠨ ᠲᠡᠭᠡᠲᠤ ᠪᠦᠲᠦᠭᠡᠬᠦ ᠤᠶᠢᠯᠡᠰ ᠤᠨ ᠲᠦᠯᠭᠢᠬᠦᠷ ᠲᠤ ᠪᠤᠢ | ᠰᠠᠷᠠᠨ ᠤ ᠮᠦᠩᠭᠦᠨ ᠭᠡᠷᠡᠯ | ᠰᠠᠷᠠᠨ ᠤ ᠮᠦᠩᠭᠦᠨ ᠭᠡᠷᠡᠯ ᠴᠢᠩᠨᠠᠵᠤ | ᠬᠤᠨᠲᠤ ᠨᠠᠭᠤᠷ ᠢᠷᠮᠡᠯᠵᠡᠨᠠ | ᠰᠠᠶᠠ ᠵᠢᠸᠠ ᠣᠲᠣᠳ ᠰᠢᠭᠦᠵᠤ | ᠬᠤᠯᠤᠰᠤᠨ ᠰᠣᠷᠮᠤᠤᠰᠤ ᠲᠣᠬᠢᠯᠵᠡᠨᠠ | ᠰᠠᠨᠠᠭᠠᠨ ᠤ ᠬᠠᠩᠭᠠᠯ ᠬᠦᠯᠦᠭ ᠲᠡᠭᠦᠯᠢᠵᠤ | ᠴᠡᠴᠡᠭ ᠤᠨ ᠰᠠᠯᠬᠢᠨ ᠬᠦᠭᠡᠮᠡᠶᠢᠯᠡᠨᠡ | ᠰᠠᠷᠭᠠᠢ ᠶᠢᠨ ᠶᠠᠭᠠᠨ ᠢᠨᠢᠶᠡᠲᠤ ᠦᠷᠭᠦᠭᠡᠵᠤ | ᠴᠡᠪᠡᠷ ᠠᠮᠢᠰᠬᠤᠯ ᠰᠦᠯᠡᠯᠲᠦᠨᠡ | | | | | ᠪᠡᠯᠡᠳᠬᠡᠭᠰᠡᠨ ᠨᠢ᠄ ᠡᠷᠳᠡᠨᠢᠬᠦᠦ | ᠨᠠᠶᠢᠷᠠᠭᠤᠯᠤᠭᠰᠠᠨ ᠨᠢ᠄ ᠨᠠᠮᠤᠷ | ᠬᠢᠨᠠᠭᠰᠠᠨ ᠨᠢ᠄ ᠤᠷᠢᠬᠠᠨ |