| | ᠪᠤᠷᠵᠢᠬᠢᠨ ᠡᠬᠦᠯᠡᠴᠢ | ᠱᠠᠭᠠ ᠶᠢᠨ ᠢᠷᠦᠬᠡᠯ | ᠤᠮ ᠰᠠᠶᠢᠨ ᠠᠮᠤᠭᠤᠯᠠᠩ ᠳᠠᠨ ᠪᠤᠯᠳᠤᠭᠠᠢ︕ | ᠡᠩᠬᠡ ᠰᠠᠶᠢᠬᠠᠨ ᠵᠢᠷᠭᠠᠯᠠᠩ ᠳᠠᠨ ᠪᠤᠯᠳᠤᠭᠠᠢ︕ | ᠡᠩ ᠤᠷᠳᠤ ᠶᠢᠨ ᠨᠢᠬᠡᠨ ᠴᠠᠭ ᠲᠤ | ᠡᠵᠡᠨ ᠪᠤᠭᠳᠠ ᠴᠢᠩᠬᠢᠰ ᠬᠠᠭᠠᠨ | ᠪᠠᠭᠠ ᠨᠠᠰᠤᠨ ᠳᠠᠭᠠᠨ ᠪᠠᠶᠢᠬᠤ ᠶᠢᠨ ᠴᠠᠭ ᠲᠤ | ᠵᠠᠳᠠᠷᠠᠨ ᠤᠪᠤᠭ ᠤᠨ ᠵᠠᠮᠤᠬᠠ ᠲᠠᠢ | ᠤᠨᠤᠨ ᠮᠦᠷᠢᠨ ᠤ ᠮᠦᠰᠦᠨ ᠳᠡᠬᠡᠷᠡ | ᠠᠯᠳᠠᠨ ᠮᠦᠩᠬᠦᠨ ᠱᠠᠭᠠ ᠳᠤᠭᠯᠠᠵᠤ | ᠠᠩᠬᠠᠨ ᠤ ᠠᠨᠳᠠ ᠪᠤᠯᠤᠯᠴᠠᠨ | ᠠᠷᠢᠭᠤᠨ ᠱᠠᠭᠠ ᠰᠤᠯᠢᠯᠴᠠᠭᠰᠠᠨ ᠬᠡᠨᠡ᠃ | ᠵᠠ ᠡᠨᠡ ᠱᠠᠭᠠ ᠶᠢ ᠨᠢ ᠠᠪᠤᠭᠠᠳ ᠰᠢᠨᠵᠢᠬᠡᠳ ᠦᠵᠡᠪᠡᠯ᠄ | ᠠᠳᠤᠭᠤ ᠮᠠᠯ ᠳᠠᠪᠤᠨ ᠡᠷᠳᠡᠨᠢ | ᠠᠯᠳᠠᠨ ᠱᠠᠭᠠ ᠠᠷᠪᠠᠨ ᠡᠷᠳᠡᠨᠢ | ᠮᠤᠷᠢᠨ ᠱᠠᠭᠠ ᠮᠤᠯᠤᠷ ᠡᠷᠳᠡᠨᠢ | ᠮᠦᠩᠬᠦᠨ ᠱᠠᠭᠠ ᠪᠤᠶᠠᠨᠳᠤ ᠡᠷᠳᠡᠨᠢ | ᠮᠠᠯ ᠶᠢᠨ ᠱᠠᠭᠠ ᠮᠦᠩᠬᠡ ᠡᠷᠳᠡᠨᠢ | ᠮᠠᠯᠴᠢᠨ ᠳᠦᠮᠡᠨ ᠤ ᠡᠷᠬᠡᠮ ᠡᠷᠳᠡᠨᠢ | ᠬᠤᠨᠢᠨ ᠱᠠᠭᠠ ᠬᠤᠪᠤᠷ ᠡᠷᠳᠡᠨᠢ | ᠬᠤᠳᠠᠯᠠ ᠤᠯᠠᠨ ᠤ ᠳᠤᠭᠯᠠᠭᠠᠮ ᠶᠢᠨ ᠡᠷᠳᠡᠨᠢ | ᠮᠢᠬᠠᠨ ᠳᠤᠳᠤᠷᠠ ᠶᠠᠰᠤ ᠡᠷᠳᠡᠨᠢ | ᠶᠠᠰᠤᠨ ᠳᠤᠳᠤᠷᠠ ᠱᠠᠭᠠ ᠡᠷᠳᠡᠨᠢ | ᠳᠡᠭᠰᠢ ᠳᠠᠯᠠ ᠨᠢ ᠮᠤᠷᠢᠨ ᠡᠷᠳᠡᠨᠢ | ᠡᠰᠡᠷᠭ ᠳᠠᠯᠠ ᠨᠢ ᠳᠡᠮᠡᠬᠡᠨ ᠡᠷᠳᠡᠨᠢ | ᠬᠦᠳᠡᠩ ᠳᠠᠯᠠ ᠨᠢ ᠦᠬᠡᠷ ᠡᠷᠳᠡᠨᠢ | ᠬᠤᠳᠤᠩ ᠳᠠᠯᠠ ᠨᠢ ᠬᠤᠨᠢ ᠢᠮᠠᠭᠠᠨ ᠤ ᠡᠷᠳᠡᠨᠢ | ᠳᠡᠬᠡᠭᠰᠢ ᠶᠢᠨ ᠪᠠᠨ ᠬᠠᠨᠳᠤᠪᠠᠯ ᠠᠯᠳᠠᠨ ᠪᠠᠭᠠᠨᠠ | ᠳᠤᠭᠤᠭᠰᠢ ᠪᠠᠨ ᠬᠠᠨᠳᠤᠪᠠᠯ ᠱᠤᠷᠤᠨ ᠪᠠᠭᠠᠨᠠ | ᠬᠤᠷᠤᠢ | ᠬᠤᠷᠤᠢ | ᠬᠤᠷᠤᠢ | ᠵᠠ ᠡᠨᠡ ᠳᠡᠭᠰᠢ ᠳᠠᠯᠠ ᠠᠴᠠ ᠨᠢ ᠦᠵᠡᠪᠡᠯ᠄ | ᠴᠡᠭᠷᠡᠸᠠᠷᠳᠢ ᠬᠠᠭᠠᠨ ᠤ ᠰᠠᠩ ᠳᠤ | ᠰᠠᠩᠪᠤᠤ ᠵᠠᠯᠰᠠᠨ ᠤ ᠬᠠᠳᠤᠨ ᠤ ᠰᠦᠷᠦᠭ ᠲᠤ | ᠽᠠᠨᠳᠠᠨ ᠬᠦᠷᠦᠩ ᠮᠤᠷᠢᠨ ᠠᠴᠠ ᠭᠠᠷᠤᠭᠰᠠᠨ | ᠪᠢᠯᠡᠬᠦᠨ ᠬᠡᠬᠡᠷᠡ ᠮᠤᠷᠢ ᠪᠠᠶᠢᠨᠠ᠃ | ᠴᠢᠬᠢᠭ ᠲᠠᠢ ᠭᠠᠵᠠᠷ ᠪᠡᠯᠴᠢᠬᠡᠷᠯᠡᠭᠰᠡᠨ | ᠴᠡᠴᠡᠭ ᠲᠠᠢ ᠭᠠᠵᠠᠷ ᠵᠤᠭᠰᠤᠭᠠᠭᠰᠠᠨ | ᠬᠢᠵᠡᠯᠡᠩ ᠳᠤ ᠨᠢ ᠬᠢᠨᠠᠭᠰᠠᠨ | ᠰᠤᠶᠤᠯᠠᠩ ᠳᠤ ᠨᠢ ᠰᠤᠷᠢᠭᠰᠠᠨ | ᠲᠦᠬᠡ ᠰᠠᠶᠢᠬᠠᠨ ᠴᠢᠬᠢ ᠲᠠᠢ | ᠲᠦᠬᠦᠷᠡᠩ ᠬᠠᠷᠠ ᠨᠢᠳᠦ ᠲᠠᠢ | ᠳᠤᠷᠤᠭ ᠰᠠᠶᠢᠬᠠᠨ ᠪᠡᠶᠡ ᠲᠠᠢ | ᠳᠤᠭ ᠰᠠᠶᠢᠬᠠᠨ ᠰᠡᠬᠦᠯ ᠲᠠᠢ | ᠦᠨᠳᠦᠷ ᠰᠠᠶᠢᠬᠠᠨ ᠪᠡᠶᠡ ᠲᠠᠢ | ᠦᠷᠬᠡᠨ ᠰᠠᠶᠢᠬᠠᠨ ᠴᠡᠬᠡᠵᠢ ᠲᠠᠢ | ᠤᠷᠳᠤ ᠰᠠᠶᠢᠬᠠᠨ ᠵᠤ ᠲᠠᠢ | ᠠᠭᠤᠵᠢᠮ ᠰᠠᠶᠢᠬᠠᠨ ᠳᠠᠰᠢᠶᠠ ᠲᠠᠢ | ᠬᠦᠯ ᠳᠡᠭᠡᠨ ᠵᠢᠷᠤᠭᠠ ᠲᠠᠢ | ᠬᠦᠵᠦᠬᠦᠨ ᠳᠡᠭᠡᠨ ᠤᠶᠠᠯᠭᠠ ᠲᠠᠢ | ᠦᠶᠡᠨ ᠳᠡᠭᠡᠨ ᠦᠵᠦᠭ ᠲᠠᠢ | ᠦᠰᠦᠨ ᠳᠡᠭᠡᠨ ᠳᠡᠮᠳᠡᠭ ᠲᠠᠢ | ᠡᠷᠳᠡᠨᠢ ᠶᠢᠨ ᠴᠠᠭᠠᠨ ᠮᠤᠷᠢ ᠪᠠᠶᠢᠨᠠ᠃ | ᠬᠤᠶᠠᠷ ᠴᠢᠬᠢ ᠨᠢ ᠬᠤᠩᠬᠤᠨ ᠸᠠᠴᠢᠷ ᠪᠤᠯᠤᠭᠰᠠᠨ | ᠬᠠᠶᠠᠷ ᠨᠢᠳᠤ ᠨᠢ ᠳᠤᠷᠠᠨ ᠪᠤᠯᠤᠭᠰᠠᠨ | ᠬᠤᠷᠢᠨ ᠳᠦᠷᠪᠡᠨ ᠯᠠᠪᠠᠢ ᠴᠠᠭᠠᠨ ᠰᠢᠳᠦ ᠨᠢ | ᠠᠷᠪᠠᠨ ᠵᠦᠭ ᠤᠨ ᠳᠠᠬᠢᠯ ᠪᠤᠯᠤᠭᠰᠠᠨ | ᠳᠡᠯ ᠰᠡᠬᠦᠯ ᠨᠢ ᠪᠠᠳᠮᠠᠨ ᠵᠢᠮᠰᠠ ᠪᠤᠯᠤᠭᠰᠠᠨ | ᠵᠠᠭᠠᠨ ᠤ ᠳᠡᠷᠢᠬᠦᠨ ᠲᠠᠢ | ᠯᠤᠤ ᠶᠢᠨ ᠬᠦᠵᠦᠬᠦᠤ ᠲᠠᠢ | ᠭᠠᠷᠤᠳᠢ ᠶᠢᠨ ᠬᠤᠩᠰᠢᠶᠠᠷ ᠲᠠᠢ | ᠠᠷᠰᠠᠯᠠᠨ ᠤ ᠬᠡᠳᠡᠰᠤ ᠲᠠᠢ | ᠴᠤᠯᠤᠮᠠᠨ ᠬᠤᠶᠠᠷ ᠨᠢᠳᠤ ᠲᠠᠢ | ᠴᠢᠨᠸᠠ ᠶᠢᠨ ᠬᠤᠶᠠᠷ ᠴᠢᠬᠢ ᠲᠠᠢ | ᠦᠶᠡᠩ ᠳᠦᠷᠪᠡᠨ ᠳᠤᠭᠤᠷᠠᠢ ᠲᠠᠢ | ᠦᠰᠦ ᠪᠦᠷᠢ ᠨᠢ ᠦᠵᠡᠮᠵᠢ ᠲᠠᠢ | ᠦᠶᠡ ᠪᠦᠷᠢ ᠨᠢ ᠭᠠᠷᠴᠠᠭ ᠲᠠᠢ | ᠡᠶᠢᠮᠤ ᠰᠠᠶᠢᠬᠠᠨ ᠳᠡᠭᠷᠢ ᠶᠢᠨ | ᠶᠢᠰᠦᠨ ᠰᠢᠨᠵᠢ ᠳᠡᠬᠦᠰᠦᠭᠰᠠᠨ | ᠠᠵᠢᠨᠠᠢ ᠬᠦᠯᠦᠭ ᠮᠤᠷᠢ ᠡᠷᠳᠡᠨᠢ ᠬᠡᠨᠡ᠃ | ᠬᠤᠷᠤᠢ ᠬᠤᠷᠤᠢ | ᠬᠤᠷᠤᠢ | ᠡᠨᠡ ᠳᠠᠯᠠ ᠠᠴᠠ ᠨᠢ ᠢᠩᠬᠢᠵᠦ ᠬᠠᠷᠠᠪᠠᠯ | ᠬᠤᠷᠮᠤᠰᠳᠠ ᠳᠡᠭᠷᠢ ᠶᠢᠨ ᠬᠤᠨ ᠴᠠᠭᠠᠨ | ᠬᠤᠨ ᠴᠠᠭᠠᠨ ᠳᠡᠮᠡᠭᠡ ᠬᠡᠭᠴᠢ ᠨᠢ ᠪᠤᠯᠪᠠᠰᠤ᠄ | ᠠᠷᠤ ᠭᠠᠵᠠᠷ ᠡᠬᠦᠳᠡᠭᠰᠡᠨ ᠳᠡᠮᠡᠭᠡ ᠬᠡᠨᠡ | ᠦᠯᠦᠬᠡᠢ ᠭᠠᠵᠠᠷ ᠦᠰᠦᠭᠰᠡᠨ ᠳᠡᠮᠡᠭᠡ ᠬᠡᠨᠡ | ᠪᠤᠳᠤᠭᠠᠨ ᠪᠡᠶᠡ ᠳᠡᠭᠡᠨ | ᠭᠤᠷᠪᠠᠨ ᠭᠤᠤᠯ ᠤᠨ ᠤᠰᠤ ᠶᠢ ᠳᠠᠰᠤ ᠵᠠᠯᠬᠢᠵᠦ | ᠭᠤᠷᠪᠠᠳᠤᠭᠠᠷ ᠵᠢᠭᠠᠰᠤ ᠶᠢ ᠡᠮᠬᠦᠨ ᠠᠪᠴᠤ | ᠠᠮᠠᠨ ᠳᠠᠭᠠᠨ ᠭᠠᠯ ᠪᠠᠳᠠᠷᠠᠭᠤᠯᠤᠭᠰᠠᠨ | ᠬᠤᠨ ᠬᠡᠮᠡᠨ ᠨᠡᠷᠡᠶᠢᠳᠦᠭᠰᠡᠨ ᠳᠡᠮᠡᠭᠡ | ᠤᠶᠢᠳᠤ ᠮᠡᠷᠬᠡᠨ᠂ ᠤᠷᠠᠨ ᠰᠡᠴᠡᠨ ᠬᠤᠶᠠᠭᠤᠯᠠ | ᠮᠦᠩᠬᠦ ᠶᠢ ᠰᠤᠩᠭᠠᠵᠤ ᠪᠤᠶᠢᠯᠠ ᠵᠠᠰᠠᠭᠠᠳ | ᠰᠤᠪᠤᠳ ᠢ ᠬᠡᠯᠬᠢᠵᠦ ᠪᠤᠷᠠᠨᠳᠠᠭ ᠵᠠᠰᠠᠭᠠᠳ | ᠽᠠᠨᠳᠠᠨ ᠱᠠᠳᠤ ᠮᠠᠩᠨᠤᠭ ᠪᠠᠮᠪᠠᠢ ᠪᠠᠷ ᠴᠢᠮᠡᠭᠯᠡᠵᠦ | ᠳᠤᠯᠤᠭᠠᠢ ᠨᠢ ᠮᠤᠯᠤᠷ ᠡᠷᠳᠡᠨᠢ | ᠬᠤᠶᠠᠷ ᠨᠢᠳᠦ ᠨᠢ ᠰᠢᠯ ᠡᠷᠳᠡᠨᠢ | ᠰᠢᠳᠦ ᠨᠢ ᠠᠪᠠᠢ ᠡᠷᠳᠡᠨᠢ | ᠬᠦᠯ ᠨᠢ ᠬᠦᠷᠳᠦᠨ ᠡᠷᠳᠡᠨᠢ | ᠬᠤᠭᠤᠯᠠᠢ ᠨᠢ ᠬᠤᠩᠬᠤᠨ ᠡᠷᠳᠡᠨᠢ | ᠬᠤᠳᠤᠭᠠᠳᠤ ᠨᠢ ᠯᠤᠩᠬᠤᠨ ᠡᠷᠳᠡᠨᠢ | ᠰᠡᠬᠦᠯ ᠨᠢ ᠰᠤᠪᠤᠳ ᠡᠷᠳᠡᠨᠢ | ᠡᠳᠡᠬᠡᠷ ᠨᠠᠶᠢᠮᠠᠨ ᠡᠷᠳᠡᠨᠢ ᠪᠠᠷ ᠴᠢᠮᠡᠭᠯᠡᠵᠦ | ᠬᠤᠯᠤᠭᠠᠨᠠ ᠶᠢᠨ ᠴᠢᠬᠢ ᠲᠠᠢ | ᠦᠬᠡᠷ ᠤᠨ ᠰᠡᠬᠡᠷ ᠲᠠᠢ | ᠪᠠᠷᠠᠰ ᠤᠨ ᠬᠦᠴᠦ ᠲᠠᠢ | ᠳᠠᠤᠯᠠᠢ ᠶᠢᠨ ᠤᠷᠤᠭᠤᠯ ᠲᠠᠢ | ᠯᠤᠤ ᠶᠢᠨ ᠬᠦᠵᠦᠬᠦᠤ ᠲᠠᠢ | ᠮᠤᠭᠠᠢ ᠶᠢᠨ ᠨᠢᠳᠦ ᠲᠠᠢ | ᠮᠤᠷᠢᠨ ᠤ ᠰᠢᠳᠦ ᠲᠠᠢ | ᠬᠤᠨᠢᠨ ᠤ ᠠᠬᠤᠷ ᠲᠠᠢ | ᠪᠢᠴᠢᠨ ᠤ ᠦᠩᠬᠡ ᠲᠠᠢ | ᠳᠠᠬᠢᠶᠠ ᠶᠢᠨ ᠡᠪᠴᠡᠬᠦᠤ ᠲᠠᠢ | ᠨᠤᠬᠠᠢ ᠶᠢᠨ ᠭᠤᠶᠠ ᠲᠠᠢ | ᠭᠠᠭ᠋ᠠᠢ ᠶᠢᠨ ᠰᠡᠬᠦᠯ ᠲᠠᠢ | ᠮᠦᠨ ᠪᠡᠶᠡ ᠳᠡᠭᠡᠨ ᠠᠷᠪᠠᠨ ᠬᠤᠶᠠᠷ ᠵᠢᠯ ᠢ | ᠴᠤᠭᠴᠠᠯᠠᠵᠦ ᠠᠪᠴᠢᠷᠠᠭᠰᠠᠨ ᠳᠡᠮᠡᠭᠡ | ᠠᠭᠠᠷ ᠳᠡᠭᠷᠢ ᠠᠴᠠ ᠢᠷᠡᠯ ᠲᠠᠢ | ᠠᠯᠳᠠᠨ ᠳᠡᠯᠡᠬᠡᠢ ᠳᠤ ᠠᠯᠳᠠᠷ ᠲᠠᠢ | ᠰᠡᠷᠡᠭᠡ ᠪᠦᠬᠦ ᠨᠢ ᠰᠠᠵᠢᠯᠠᠭᠠᠳ ᠦᠬᠡᠢ | ᠱᠢᠷᠮᠡᠨ ᠳᠠᠪᠠᠭ ᠨᠢ ᠴᠤᠭᠤᠷᠠᠭᠠᠳ ᠦᠬᠡᠢ | ᠪᠠᠭᠤᠮᠠᠯ ᠬᠦᠴᠦ ᠨᠢ ᠪᠠᠭᠤᠷᠠᠭᠠᠳ ᠦᠬᠡᠢ | ᠪᠤᠯᠭᠠᠨ ᠰᠤᠷ ᠨᠢ ᠬᠤᠭᠤᠷᠠᠭᠠᠳ ᠦᠬᠡᠢ | ᠠᠮᠪᠢᠨ ᠴᠠᠭᠠᠨ ᠳᠡᠮᠡᠭᠡ ᠡᠷᠳᠡᠨᠢ ᠬᠡᠵᠦ | ᠡᠨᠡ ᠳᠠᠯᠠ ᠶᠢ ᠨᠢ ᠬᠡᠯᠡᠨᠡ︔ | ᠬᠤᠷᠤᠢ | ᠬᠤᠷᠤᠢ | ᠬᠤᠷᠤᠢ | ᠵᠠ ᠡᠨᠡ ᠬᠤᠨᠳᠤᠯᠠᠢ ᠳᠠᠯᠠ ᠨᠢ | ᠦᠬᠡᠷ ᠡᠷᠳᠡᠨᠢ ᠪᠢᠯᠡ | ᠠᠪᠤᠨ ᠰᠠᠶᠢᠬᠠᠨ ᠰᠢᠨᠵᠢᠬᠡᠳ ᠦᠵᠡᠪᠡᠯ | ᠠᠷᠢᠭᠤᠨ ᠳᠡᠭᠷᠢ ᠶᠢᠨ ᠤᠷᠤᠨ ᠳᠤ ᠤᠷᠤᠰᠢᠨ ᠪᠦᠬᠡᠳᠡᠯᠡ | ᠠᠮᠢᠳᠠᠨ ᠬᠦᠮᠦᠨ ᠶᠢ ᠳᠤᠰᠯᠠᠬᠤ ᠶᠢᠨ ᠳᠤᠯᠠᠳᠠ | ᠡᠨᠡᠬᠦ ᠶᠢᠷᠳᠢᠨᠴᠤ ᠳᠤ ᠪᠠᠭᠤᠯᠭᠠᠭᠰᠠᠨ | ᠨᠦᠢᠷᠰᠤᠭᠰᠠᠨ ᠮᠠᠳᠤ ᠨᠤᠮᠤᠬᠠᠨ ᠵᠠᠩ ᠲᠠᠢ | ᠨᠤᠭᠤᠭᠠ ᠳᠡᠯᠬᠡᠷᠡᠭᠰᠡᠨ ᠮᠡᠳᠦ ᠳᠠᠷᠭᠤ ᠬᠦᠴᠦ ᠲᠠᠢ | ᠬᠤᠪ ᠰᠢᠷᠠ ᠦᠬᠡᠷ ᠡ | ᠬᠦᠨᠳᠠᠢ ᠲᠦᠬᠦᠷᠡᠩ ᠬᠡᠪᠳᠡᠷᠢ ᠲᠠᠢ | ᠬᠦᠳᠡᠯ ᠲᠦᠬᠦᠷᠡᠩ ᠴᠤᠪᠠᠭᠠ ᠲᠠᠢ | ᠬᠤᠪ ᠰᠢᠷᠠ ᠵᠢᠰᠦ ᠲᠠᠢ | ᠽᠠᠨᠳᠠᠨ ᠬᠠᠷᠠ ᠡᠪᠡᠷ ᠲᠠᠢ | ᠴᠡᠯ ᠶᠡᠭᠡ ᠱᠠᠯᠠᠩ ᠲᠠᠢ | ᠳᠤᠩ ᠴᠠᠩ ᠤᠨ ᠳᠠᠭᠤ ᠲᠠᠢ | ᠴᠢᠬᠢᠨ ᠠᠴᠠ ᠪᠠᠨ ᠴᠡᠴᠡᠭ | ᠰᠡᠬᠦᠯ ᠠᠴᠠ ᠪᠠᠨ ᠰᠦᠷ ᠲᠠᠢ | ᠦᠰᠦᠨ ᠠᠴᠠ ᠪᠠᠨ ᠦᠰᠦᠭ ᠲᠠᠢ | ᠠᠯᠤᠰ ᠳᠠᠯᠠᠩ ᠪᠡᠶᠡ ᠲᠠᠢ | ᠠᠯᠳᠠᠨ ᠳᠠᠯᠢᠮ ᠠᠯᠬᠤᠭᠠ ᠲᠠᠢ | ᠰᠠᠯᠠᠭᠠ ᠲᠦᠷᠪᠡᠨ ᠲᠤᠭᠤᠷᠠᠢ ᠲᠠᠢ | ᠰᠡᠨᠳᠠᠨ ᠤᠯᠠᠭᠠᠨ ᠦᠩᠬᠡ ᠲᠠᠢ | ᠳᠡᠪᠢᠬᠦᠷ ᠠᠳᠠᠯᠢ ᠬᠡᠳᠡᠰᠤ ᠲᠠᠢ | ᠳ᠋ᠠᠯᠡᠩ ᠲᠦᠬᠦᠷᠡᠩ ᠰᠦ ᠲᠠᠢ | ᠰᠡᠷᠳᠡᠬᠡᠷ ᠬᠤᠶᠠᠷ ᠴᠢᠬᠢ ᠲᠠᠢ | ᠰᠡᠷᠬᠡᠭ ᠬᠤᠶᠠᠷ ᠨᠢᠳᠦ ᠲᠠᠢ | ᠮᠤᠰᠢᠭᠤ ᠬᠤᠶᠠᠷ ᠡᠪᠡᠷ ᠲᠠᠢ | ᠮᠦᠩᠬᠦᠨ ᠬᠤᠩᠬᠤᠨ ᠳᠠᠭᠤ ᠲᠠᠢ | ᠪᠤᠰᠤᠭᠠ ᠦᠨᠳᠦᠷ ᠰᠡᠬᠡᠷ ᠲᠠᠢ | ᠪᠤᠶᠠᠨ ᠬᠡᠰᠡᠭ ᠤᠨ ᠨᠢᠷᠤᠭᠤ ᠲᠠᠢ | ᠬᠠᠩᠬᠠᠯ ᠲᠦᠬᠦᠷᠡᠩ ᠬᠠ ᠲᠠᠢ | ᠬᠠᠰ ᠦᠯᠵᠡᠢ ᠶᠢᠨ ᠭᠤᠶᠠ ᠲᠠᠢ | ᠪᠦᠲᠦᠬᠦᠨ ᠱᠠᠷ ᠤᠨ ᠴᠤᠯᠠ ᠲᠠᠢ | ᠪᠤᠮᠠᠨ ᠰᠠᠶᠠ ᠪᠠᠷ ᠪᠡᠯᠴᠢᠳᠡᠭ | ᠮᠤᠩᠭᠤᠯ ᠰᠠᠶᠢᠬᠠᠨ ᠦᠬᠡᠷ ᠡᠨᠡ ᠡ | ᠬᠤᠷᠤᠢ | ᠬᠤᠷᠤᠢ | ᠬᠤᠷᠤᠢ | | ᠪᠡᠯᠡᠳᠬᠡᠭᠰᠡᠨ ᠨᠢ᠄ ᠡᠷᠳᠡᠨᠢᠬᠦᠦ | ᠨᠠᠶᠢᠷᠠᠭᠤᠯᠤᠭᠰᠠᠨ ᠨᠢ᠄ ᠨᠠᠮᠤᠷ | ᠬᠢᠨᠠᠭᠰᠠᠨ ᠨᠢ᠄ ᠤᠷᠢᠬᠠᠨ |