| | | ︽ᠮᠠ ᠮᠠ᠂ ᠰᠢᠭᠡ︾ | ︽ᠮᠠ ᠮᠠ᠂ ᠪᠠ ᠢᠳᠢ︾ | ᠁ | 200 ᠭᠠᠷᠤᠢ ᠲᠡᠭᠰᠢ ᠲᠦᠷᠪᠡᠯᠵᠢᠨ ᠲᠠᠯᠠᠪᠠᠢ ᠲᠠᠢ ︽ᠪᠦᠪᠡᠢ ᠬᠡᠤᠭᠡᠳ ᠤᠨ ᠤᠶᠢᠯᠡᠴᠢᠯᠡᠭᠡᠨ ᠤ ᠲᠦᠪ︾ | ᠲᠤ ᠨᠢᠯᠬᠠ ᠬᠡᠤᠭᠡᠳ ᠤᠨ ᠡᠩᠬᠦᠷᠡᠢ ᠲᠠᠭᠤᠨ ᠲᠤᠭᠤᠯᠳᠠᠵᠦ᠂ ᠲᠦᠩᠭᠡᠵᠢ ᠯᠠ ᠶᠡᠭᠡ ᠰᠤᠷᠭᠠᠭᠤᠯᠢ ᠪᠠᠨ | ᠲᠡᠬᠦᠰᠭᠡᠭᠰᠡᠨ ᠤᠤ ᠬᠡᠮᠡᠷ ᠵᠠᠯᠠᠭᠤᠬᠠᠨ ᠦᠬᠢᠨ ᠤᠯᠠᠨ ᠬᠡᠤᠭᠡᠳ ᠤᠨ ᠲᠤᠮᠳᠠ ᠶᠠᠭᠠᠷᠠᠯᠳᠠᠶᠢᠬᠠᠨ ᠡᠷᠬᠢᠯᠳᠦᠨᠡ᠃ | | ᠡᠨᠡ ᠦᠬᠢᠨ ᠢ ᠲᠠᠨᠠ ᠬᠡᠳᠡᠭ᠃ ᠨᠢᠳᠤᠨᠤᠨ ᠵᠢᠯ ᠦᠪᠦᠷ ᠮᠤᠩᠭᠤᠯ ᠤᠨ ᠪᠠᠭᠰᠢ ᠶᠢᠨ ᠶᠡᠭᠡ ᠰᠤᠷᠭᠠᠭᠤᠯᠢ | ᠠᠴᠠ ᠰᠤᠷᠬᠤ ᠠᠴᠠ ᠡᠮᠦᠨᠡᠬᠢ ᠰᠤᠷᠭᠠᠨ ᠬᠦᠮᠦᠵᠢᠯ ᠤᠨ ᠮᠡᠷᠬᠡᠵᠢᠯ ᠢᠶᠠᠷ ᠲᠡᠬᠦᠰᠦᠭᠡᠳ᠂ ᠲᠦᠷᠦᠭᠰᠡᠨ ᠨᠤᠳᠤᠭ | ᠲᠠᠭᠠᠨ ᠬᠠᠷᠢᠵᠦ ᠢᠷᠡᠨ ᠰᠢᠨᠡᠭᠡᠨ ᠪᠤᠰᠬᠠᠭᠰᠠᠨ ᠤᠶᠢᠯᠡᠰ ᠤᠨ ᠭᠠᠷᠤᠭᠠᠨ ᠲᠡᠭᠡᠷᠡ ᠪᠠᠨ ᠬᠢᠯᠠᠷᠠᠭᠤᠯᠵᠦ ᠶᠠᠪᠤᠭᠠ ᠨᠢ | ᠡᠨᠡ ᠠᠵᠢ᠃ | ︽ᠪᠦᠪᠡᠢ ᠬᠡᠤᠭᠡᠳ ᠤᠨ ᠤᠶᠢᠯᠡᠴᠢᠯᠡᠭᠡᠨ ᠤ ᠲᠦᠪ︾ ᠨᠢ ᠬᠡᠤᠭᠡᠳ ᠤᠨ ᠴᠡᠴᠡᠷᠯᠢᠭ ᠲᠤ ᠤᠷᠤᠬᠤ ᠠᠴᠠ | ᠡᠮᠦᠨᠡᠬᠢ ︵1 ᠨᠠᠰᠤ ᠭᠠᠷᠤᠢ ᠠᠴᠠ 2 ᠨᠠᠰᠤ ᠭᠠᠷᠤᠢ︶ ᠨᠢᠯᠬᠠ ᠬᠡᠤᠭᠡᠳ ᠲᠤ ᠵᠤᠷᠢᠭᠤᠯᠤᠭᠰᠠᠨ ᠠᠷᠠᠴᠢᠯᠠᠬᠤ ᠪᠠ | ᠰᠤᠷᠭᠠᠨ ᠬᠦᠮᠦᠵᠢᠯ ᠢ ᠬᠠᠮᠳᠤᠷᠠᠭᠤᠯᠤᠭᠰᠠᠨ ᠤᠶᠢᠯᠡᠴᠢᠯᠡᠭᠡ ᠬᠠᠩᠭᠠᠳᠠᠭ᠃ ᠡ᠊ᠨᠳᠡ ᠬᠡᠤᠬᠡᠳ ᠢᠶᠠᠨ ᠬᠦᠷᠭᠡᠵᠦ | ᠢᠷᠡᠵᠦ ᠪᠠᠶᠢᠭᠠ ᠠᠪᠤ ᠡᠵᠢ ᠶᠢᠨ ᠤᠯᠠᠩᠬᠢ ᠨᠢ ᠬᠤᠶᠠᠭᠤᠯᠠ ᠪᠠᠨ ᠠᠯᠪᠠᠨ ᠠᠵᠢᠯ ᠲᠠᠢ ᠪᠤᠶᠤ ᠡᠳᠦᠷ ᠢᠶᠠᠷ ᠬᠡᠤᠬᠡᠳ | ᠢᠶᠠᠨ ᠬᠠᠷᠠᠭᠠᠯᠵᠠᠬᠤ ᠨᠦᠬᠦᠴᠡᠯ ᠦᠭᠡᠢ ᠬᠦᠮᠦᠰ ᠪᠤᠯᠤᠨᠠ᠃ | ᠲᠦᠩᠭᠡᠵᠢ ᠯᠠ ᠶᠡᠭᠡ ᠰᠤᠷᠭᠠᠭᠤᠯᠢ ᠪᠠᠨ ᠲᠡᠬᠦᠰᠭᠡᠵᠦ ᠪᠠᠶᠢᠭᠠ ᠬᠡᠤᠬᠡᠨ ᠪᠡᠶᠡ ᠪᠠᠨ ᠲᠠᠭᠠᠭᠠᠨ ᠤᠶᠢᠯᠡᠰ | ᠡᠷᠬᠢᠯᠡᠵᠦ ᠪᠠᠶᠢᠭᠠ ᠮᠦᠷᠳᠡᠭᠡᠨ ᠡᠳᠦᠷᠵᠢᠨ ᠰᠠᠶ᠋ᠢ ᠯᠠ ᠬᠦᠯ ᠳᠤ᠂ ᠬᠡᠯᠡ ᠳᠤ ᠤᠷᠤᠵᠦ ᠪᠠᠶᠢᠭᠠ ᠬᠡᠤᠬᠡᠳ ᠲᠠᠢ | ᠤᠷᠢᠶᠠᠴᠠᠯᠳᠤᠵᠦ᠂ ᠠᠷᠪᠠᠭᠠᠳ ᠬᠡᠤᠬᠡᠳ ᠤᠨ ︽ᠡᠵᠢ︾ ᠪᠤᠯᠤᠨᠡ ᠬᠡᠳᠡᠭ ᠨᠢ ᠭᠠᠶᠢᠬᠠᠯᠳᠠᠢ ᠰᠠᠨᠠᠭᠳᠠᠵᠦ | ᠠᠰᠠᠭᠤᠬᠤ ᠳᠤ᠂ ᠲᠠᠨᠠ ᠬᠡᠤᠬᠡᠨ ︽ᠪᠢ ᠵᠦᠭᠡᠷ ᠯᠠ ᠦᠪᠡᠷ ᠤᠨ ᠰᠤᠷᠤᠭᠰᠠᠨ ᠮᠡᠷᠭᠡᠵᠢᠯ ᠢᠶᠠᠨ ᠲᠦᠰᠢᠵᠦ ᠠᠵᠢᠯ | ᠤᠯᠤᠶᠠ ᠬᠡᠰᠡᠨ ᠬᠦᠰᠡᠯ ᠲᠠᠢ ᠪᠠᠶᠢᠭᠰᠠᠨ᠂ ᠬᠡᠳᠡᠯᠡ ᠪᠠᠰᠠ ᠬᠦᠮᠦᠨ ᠤ ᠲᠤᠤᠷᠠ ᠲᠤᠭᠳᠠᠭᠰᠠᠨ ᠴᠠᠯᠢᠩ ᠢᠶᠠᠨ | ᠠᠪᠤᠭᠠᠳ ᠡᠳᠦᠷ ᠬᠤᠷᠤᠭᠠᠵᠦ ᠶᠠᠪᠤᠶᠠ ᠬᠡᠵᠦ ᠰᠠᠨᠠᠬᠤ ᠦᠭᠡᠢ᠃ ᠵᠠᠯᠠᠭᠤ ᠬᠦᠮᠦᠨ ᠶᠤᠮᠴᠢᠨᠢ ᠡᠷᠬᠡᠪᠰᠢ ᠦᠪᠡᠷ ᠤᠨ | ᠪᠡᠶᠡ ᠪᠠᠨ ᠲᠦᠰᠢᠵᠦ ᠤᠶᠢᠯᠡᠰ ᠪᠤᠰᠬᠠᠬᠤ ᠨᠢ ᠵᠤᠶᠢᠳᠡᠢ ᠰᠢᠭ᠋ ᠰᠠᠨᠠᠭᠳᠠᠵᠦ᠂ ᠡᠨᠡ ᠪᠤᠳᠤᠯ ᠢᠶᠠᠨ ᠡᠵᠢ ᠠᠪᠤ ᠳᠤ | ᠪᠠᠨ ᠴᠤᠬᠤᠶᠢᠯᠭᠠᠬᠤ ᠳᠤ ᠲᠡᠳᠡᠨ ᠤ ᠬᠠᠯᠠᠭᠤᠨ ᠲᠡᠮᠵᠢᠯᠭᠡ ᠶᠢ ᠬᠦᠷᠳᠡᠭᠰᠡᠨ᠃ ᠠᠪᠤ ᠡᠵᠢ ᠳᠡᠭᠡᠨ ᠦᠨᠡᠭᠡᠷ | ᠪᠠᠶᠠᠷᠯᠠᠵᠦ ᠶᠠᠪᠤᠳᠠᠭ ᠰᠢᠤ︾ ᠬᠡᠵᠦ ᠠᠩᠬᠠ ᠤᠶᠢᠯᠡᠰ ᠪᠤᠰᠬᠠᠬᠤ ᠳᠤ ᠰᠡᠳᠬᠢᠯ ᠤᠨ ᠲᠡᠩᠭᠡᠭᠡ ᠦᠭᠬᠦᠭᠰᠡᠨ ᠠᠪᠤ | ᠡᠵᠢ ᠶᠢᠨ ᠢᠶᠠᠨ ᠲᠤᠬᠠᠢ ᠶᠠᠷᠢᠯᠠ᠃ ᠶᠡᠷᠦᠨᠢ ᠠᠪᠤ ᠡᠵᠢ ᠪᠤᠯᠤᠭᠰᠠᠨ ᠬᠦᠮᠦᠨ ᠪᠦᠬᠦᠨ ᠦᠷᠡ ᠬᠡᠤᠬᠡᠳ ᠲᠤ ᠪᠠᠨ | ᠰᠠᠶᠢᠨ ᠰᠠᠶᠢᠬᠠᠨ ᠢ ᠬᠦᠰᠡᠵᠦ᠂ ᠴᠢᠳᠠᠯ ᠤᠨ ᠬᠢᠷᠢ ᠪᠠᠷ ᠢᠶᠠᠨ ᠰᠠᠶᠢᠨ ᠪᠦᠬᠦᠨ ᠢ ᠬᠦᠷᠳᠡᠭᠡᠳᠡᠭ ᠨᠢ ᠶᠢᠷᠳᠢᠨᠴᠦ ᠶᠢᠨ | ᠵᠢᠮᠡ ᠶᠤᠰᠤ᠃ | | | | | | ︽ᠲᠦᠮᠡᠨ ᠠᠵᠢᠯ ᠤᠨ ᠲᠦᠷᠦᠬᠦᠦ ᠠᠯᠬᠤᠮ ᠬᠦᠴᠢᠷ︾ ᠬᠡᠳᠡᠭᠴᠢᠯᠡᠨ ᠰᠠᠶ᠋ᠢᠬᠠᠨ ᠰᠤᠷᠤᠯᠭᠠ ᠪᠠᠨ | ᠲᠡᠬᠦᠰᠭᠡᠭᠰᠡᠨ ᠲᠠᠨᠠ ᠬᠡᠤᠬᠡᠨ ᠳᠤ ᠠᠪᠴᠤ ᠬᠡᠯᠡᠪᠡᠯ ᠬᠡᠤᠬᠡᠳ ᠠᠰᠠᠷᠠᠨᠠ ᠬᠡᠳᠡᠭ ᠴᠢᠨᠢ ᠲᠡᠩᠳᠡᠬᠦᠦ ᠬᠤᠯᠠ ᠤᠴᠢᠷ᠃ | ᠲᠡᠶᠢᠮᠤ ᠳᠡᠭᠡᠨ ᠬᠡᠤᠬᠡᠳ ᠤᠨ ᠴᠡᠴᠡᠷᠯᠢᠭ ᠲᠤ ᠬᠡᠳᠦᠨ ᠰᠠᠷᠠ ᠶᠢᠨ ᠬᠤᠭᠤᠴᠠᠭᠠ ᠲᠠᠢ ᠲᠠᠳᠤᠯᠭᠠ ᠬᠢᠵᠦ ᠨᠡᠯᠢᠶᠡᠳ | ᠲᠤᠷᠰᠢᠯᠭᠠ ᠬᠤᠷᠠᠮᠳᠤᠭᠤᠯᠵᠡᠢ᠃ ᠲᠡᠬᠦᠨ ᠢ ᠲᠠᠷᠠᠭᠠ ᠠᠯᠬᠤᠮ ᠳᠤ ᠶᠠᠭᠠᠬᠢᠳᠠᠭ ᠪᠢᠯᠡ ᠬᠡᠮᠡᠨ ᠭᠠᠴᠢᠭᠳᠠᠵᠦ ᠪᠠᠶᠢᠬᠤ | ᠳᠤ ᠤᠤᠯ ᠠᠴᠠ ᠪᠠᠨ ᠲᠠᠨᠢᠯ ᠪᠠᠶᠢᠭᠰᠠᠨ ᠡᠷᠳᠡᠨᠢᠬᠤᠸᠠᠷ ᠡᠬᠡᠴᠢ ᠨᠢ ᠲᠡᠬᠦᠨ ᠲᠠᠢ ᠬᠠᠮᠳᠤᠷᠠᠵᠦ ᠤᠶᠢᠯᠡᠴᠢᠯᠡᠭᠡᠨ ᠤ | ᠲᠦᠪ ᠡᠷᠬᠢᠯᠡᠬᠦ ᠶᠢ ᠵᠦᠪᠰᠢᠶᠡᠷᠡᠯᠡ᠃ ᠲᠡᠭᠡᠭᠡᠳ ᠯᠠ ᠤᠶᠢᠯᠡᠴᠢᠯᠡᠭᠡᠨ ᠤ ᠲᠦᠪ ᠡᠷᠬᠢᠯᠡᠬᠦ ᠭᠠᠵᠠᠷ ᠢᠶᠠᠨ ᠰᠤᠩᠭᠤᠬᠤ | ᠂ ᠬᠡᠷ ᠰᠠᠭᠤᠴᠠ ᠪᠠᠨ ᠵᠠᠰᠠᠬᠤ᠂ ᠡᠷᠡᠬᠦᠯ ᠬᠠᠮᠠᠭᠠᠯᠠᠯ᠂ ᠢᠳᠡᠭᠡᠨ ᠤᠮᠳᠠᠭᠠᠨ᠂ ᠰᠤᠷᠭᠠᠨ ᠬᠦᠮᠦᠵᠢᠯ ᠮᠡᠳᠦ ᠶᠢᠨ | ᠦᠰᠦᠨ ᠠᠴᠠ ᠴᠤ ᠤᠯᠠᠨ ᠬᠡᠮᠡᠷ ᠬᠢᠨᠠᠯᠳᠠ ᠶᠢ ᠦᠩᠭᠡᠷᠡᠬᠦᠯᠦᠭᠡᠳ᠂ ᠤᠳᠤ ᠯᠠ ᠴᠠᠭᠠᠯᠠᠵᠦ ᠦᠩᠭᠡᠷᠡᠭᠡᠳ | ᠡᠵᠡᠩᠨᠡᠯᠳᠡ ᠪᠠᠨ ᠡᠬᠢᠯᠡᠬᠦᠯᠦᠶᠡ ᠬᠡᠳᠡᠯᠡ ᠬᠢᠵᠢᠭ ᠡᠪᠡᠳᠴᠢᠨ ᠲᠡᠯᠭᠡᠷᠡᠴᠢᠭᠡᠯᠡ᠃ ᠲᠡᠯᠭᠡᠬᠦᠷ ᠨᠡᠭᠡᠭᠡᠭᠰᠡᠨ ᠬᠦᠮᠦᠰ ᠲᠤ | ᠠᠪᠴᠤ ᠬᠡᠯᠡᠪᠡᠯ ᠬᠢᠵᠢᠭ ᠡᠪᠡᠳᠴᠢᠨ ᠲᠡᠯᠭᠡᠷᠡᠵᠦ ᠤᠶᠢᠯᠡᠴᠢᠯᠡᠭᠡᠨ ᠤ ᠬᠠᠮᠢᠶᠠ ᠲᠠᠢ ᠲᠠᠯᠠᠪᠤᠷ ᠪᠦᠬᠦᠳᠡ ᠶᠢ | ᠬᠠᠭᠠᠭᠰᠠᠨ ᠨᠢ ᠶᠡᠭᠡ ᠲᠠᠷᠤᠯᠳᠠ ᠪᠤᠯᠬᠤ ᠨᠢ ᠮᠡᠳᠡᠭᠡᠵᠢ᠃ ᠡᠨᠡ ᠨᠢ ᠲᠠᠨᠠ ᠳᠤ ᠠᠪᠴᠤ ᠬᠡᠯᠡᠪᠡᠯ ᠤᠶᠢᠯᠡᠰ | ᠪᠤᠰᠬᠠᠬᠤ ᠵᠠᠮ ᠳᠤᠨᠢ ᠲᠤᠬᠢᠶᠠᠯᠳᠤᠭᠰᠠᠨ ᠬᠠᠮᠤᠭ ᠶᠡᠭᠡ ᠬᠦᠴᠢᠷᠳᠡᠯ ᠪᠤᠯᠤᠨᠠ᠃ ᠲᠡᠶᠢᠮᠤ ᠪᠤᠯᠪᠠᠴᠤ ᠵᠤᠷᠢᠭᠰᠠᠨ | ᠵᠦᠭ ᠲᠡᠭᠡᠨ ᠬᠦᠷᠬᠦ ᠠᠴᠠ ᠪᠤᠴᠠᠬᠤ ᠦᠭᠡᠢ ᠵᠤᠷᠢᠭ ᠰᠠᠨᠠᠭᠠ ᠪᠠᠷ ᠬᠡᠳᠦᠨ ᠰᠠᠷᠠ ᠶᠢ ᠲᠡᠰᠴᠦ ᠦᠩᠭᠡᠷᠡᠬᠦᠯᠦᠭᠡᠳ | 7 ᠰᠠᠷᠠ ᠶᠢᠨ 7 ᠤ ᠡᠳᠦᠷ ᠠᠴᠠ ᠵᠢᠩᠬᠢᠨᠢ ᠪᠠᠷ ᠡᠵᠡᠩᠨᠡᠯᠳᠡ ᠪᠠᠨ ᠡᠬᠢᠯᠡᠬᠦᠯᠵᠡᠢ᠃ | | | | | | | ︽ᠠᠩᠬᠠ ᠤᠶᠢᠯᠡᠰ ᠡᠷᠬᠢᠯᠡᠬᠦ ᠳᠤ ᠮᠡᠳᠡᠬᠦ ᠦᠭᠡᠢ ᠴᠢᠳᠠᠬᠤ ᠦᠭᠡᠢ ᠵᠤᠶᠢᠯ ᠤᠯᠠᠨ ᠪᠠᠶᠢᠵᠡᠢ᠃ | ᠡᠷᠳᠡᠨᠢᠬᠤᠸᠠᠷ ᠡᠬᠡᠴᠢ ᠮᠠᠨᠢ ᠬᠡᠤᠬᠡᠳ ᠲᠠᠢ ᠬᠦᠮᠦᠨ᠂ ᠲᠡᠷᠡ ᠮᠦᠷᠳᠡᠭᠡᠨ ᠤᠤᠯ ᠳᠠᠭᠠᠨ ᠮᠤᠩᠭᠤᠯ ᠲᠠᠪᠤᠨ ᠵᠠᠰᠠᠯ | ᠤᠨ ᠠᠵᠢᠯ ᠬᠢᠵᠦ ᠪᠠᠶᠢᠭᠰᠠᠨ ᠪᠤᠯᠬᠤᠷ ᠶᠠᠭᠠᠬᠢᠯᠠ ᠴᠤ ᠬᠡᠰᠡᠨ ᠨᠠᠮᠠᠢᠢ ᠪᠤᠳᠤᠪᠠᠯ ᠬᠡᠤᠬᠡᠳ ᠠᠷᠠᠴᠢᠯᠠᠬᠤ᠂ ᠬᠦᠮᠦᠨ | ᠬᠠᠷᠠᠭᠠᠯᠵᠠᠬᠤ ᠲᠠᠯᠠ ᠶᠢᠨ ᠲᠤᠷᠰᠢᠯᠭᠠ ᠲᠠᠢ᠂ ᠲᠡᠰᠪᠦᠷᠢ ᠲᠡᠪᠵᠢᠶᠡᠷᠢ ᠲᠠᠢ᠃ ᠲᠡᠶᠢᠮᠤ ᠳᠡᠭᠡᠨ ᠠᠩᠬᠠ ᠤᠶᠢᠯᠡᠰ | ᠪᠤᠰᠬᠠᠬᠤ ᠵᠠᠮ ᠳᠤ ᠮᠠᠨᠢ ᠨᠦᠬᠦᠳ ᠪᠤᠯᠤᠭᠰᠠᠨ ᠡᠬᠡᠴᠢ ᠳᠡᠭᠡᠨ ᠶᠡᠭᠡ ᠪᠠᠶᠠᠷᠯᠠᠵᠦ ᠶᠠᠪᠤᠳᠠᠭ︕︾ ᠬᠡᠵᠦ ᠬᠠᠮᠳᠤ | ᠤᠶᠢᠯᠡᠰ ᠪᠤᠰᠬᠠᠭᠰᠠᠨ ᠠᠶᠠᠨ ᠤ ᠬᠠᠨᠢ ᠳᠠᠭᠠᠨ ᠲᠠᠯᠠᠷᠬᠠᠯ ᠲᠡᠪᠰᠢᠬᠦᠯᠵᠦ ᠪᠠᠶᠢᠯᠠ᠃ ᠲᠠᠨᠠ ᠶᠢᠨ ᠬᠤᠪᠢ ᠳᠤ ᠴᠤ | ᠠᠩᠬᠠ ᠡᠬᠢᠯᠡᠬᠦ ᠳᠤ ᠬᠡᠯᠡ ᠳᠤ ᠤᠷᠤᠭᠠ ᠦᠭᠡᠢ ᠬᠡᠤᠭᠡᠳ ᠲᠠᠢ ᠬᠡᠯᠡᠯᠴᠡᠭᠡ ᠤᠯᠳᠠᠬᠤ ᠦᠭᠡᠢ ᠵᠦᠳᠡᠷᠡᠳᠡᠭ | ᠪᠠᠶᠢᠭᠰᠠᠨ ᠪᠤᠯ ᠤᠳᠤ ᠬᠠᠷᠢᠨ ᠲᠡᠳᠡᠨ ᠤ ᠨᠢᠭᠡ ᠬᠠᠷᠠᠴᠠ᠂ ᠨᠢᠭᠡ ᠲᠠᠭᠤᠨ ᠠᠴᠠ ᠨᠢ ᠶᠠᠭᠤ ᠬᠡᠯᠡᠵᠦ ᠪᠠᠶᠢᠭᠠ᠂ | ᠶᠠᠭᠤ ᠶᠢ ᠬᠦᠰᠡᠵᠦ ᠪᠠᠶᠢᠭᠠ ᠬᠡᠳᠡᠭ ᠢ ᠪᠦᠷᠢᠨ ᠤᠶᠢᠯᠠᠭᠠᠳᠠᠭ ᠬᠠᠰᠢᠷ ︽ᠡᠵᠢ︾ ᠪᠤᠯᠤᠭᠰᠠᠨ ᠬᠡᠳᠡᠭ ᠢ ᠨᠢᠭᠡ | ᠡᠳᠦᠷ ᠲᠡᠳᠡᠨ ᠤ ᠲᠡᠷᠭᠡᠳᠡ ᠰᠤᠷᠪᠤᠯᠵᠢᠯᠠᠭᠠ ᠠᠪᠬᠤ ᠳᠠᠭᠠᠨ ᠤᠶᠢᠯᠠᠭᠠᠭᠰᠠᠨ ᠪᠢᠯᠡ᠃ | | | | | | | 8 ᠴᠠᠭ ᠲᠤ ᠬᠡᠤᠭᠡᠳ ᠢᠶᠠᠨ ᠲᠤᠰᠴᠤ ᠠᠪᠤᠨᠠ᠂ ᠲᠡᠭᠡᠴᠢᠭᠡᠭᠡᠳ ᠬᠡᠤᠬᠡᠳ ᠲᠤ ᠪᠠᠨ ᠡᠷᠳᠡ ᠶᠢᠨ ᠬᠤᠭᠤᠯᠠ | ᠢᠳᠡᠬᠦᠯᠦᠨᠡ᠂ ᠢᠳᠡᠵᠦ ᠲᠠᠭᠤᠰᠤᠭᠠᠳ ᠭᠠᠷ ᠨᠢᠭᠤᠷ ᠢ ᠨᠢ ᠤᠬᠢᠶᠠᠨᠠ᠂ ᠲᠠᠷᠠᠭᠠ ᠨᠢ ᠡᠷᠳᠡ ᠶᠢᠨ ᠬᠢᠴᠢᠶᠡᠯ ᠢᠶᠠᠨ | ᠡᠬᠢᠯᠡᠬᠦᠯᠦᠨᠡ᠂ ᠦᠳᠡ ᠶᠢᠨ ᠬᠤᠭᠤᠯᠠᠨ ᠳᠤ ᠤᠷᠤᠨᠠ᠂ ᠦᠳᠡ ᠶᠢᠨ ᠤᠨᠳᠠᠯᠭᠠ ᠬᠢᠨᠡ᠂ ᠲᠤᠭᠯᠠᠭᠠᠮ ᠬᠢᠨᠡ ᠁ | ᠬᠡᠮᠡᠨ ᠲᠠᠨᠠ ᠳᠤ ᠠᠮᠠᠷᠠᠵᠦ ᠰᠠᠭᠤᠬᠤ ᠴᠠᠭ ᠲᠤᠩ ᠬᠤᠮᠰᠠᠬᠠᠨ᠃ ᠨᠢᠭᠡ ᠠᠴᠠ ᠭᠤᠷᠪᠠᠨ ᠨᠠᠰᠤᠨ ᠤ | ᠬᠤᠭᠤᠷᠤᠨᠳᠤᠬᠢ ᠬᠡᠤᠬᠡᠳ ᠲᠤ ᠬᠢᠴᠢᠶᠡᠯ ᠤᠷᠤᠨᠡ ᠬᠡᠵᠦ ᠦᠨᠡᠨᠳᠡᠭᠡᠨ ᠵᠢᠷᠤᠭ ᠵᠢᠷᠤᠭᠤᠯᠬᠤ᠂ ᠦᠰᠦᠷᠬᠦ ᠲᠠᠮᠢᠷ | ᠬᠢᠬᠦ᠂ ᠭᠠᠷ ᠬᠤᠷᠤᠭᠤᠨ ᠤ ᠵᠢᠵᠢᠭ ᠪᠤᠯᠴᠢᠩ ᠢ ᠬᠦᠭᠵᠢᠬᠦᠯᠬᠦ ᠲᠠᠮᠢᠷ ᠬᠢᠬᠦ᠂ ᠰᠡᠳᠬᠢᠬᠦᠢ ᠨᠡᠭᠡᠭᠡᠬᠦ ᠲᠤᠭᠯᠠᠭᠠᠮ ᠬᠢᠬᠦ | ᠂ ᠲᠦᠬᠦᠮᠭᠡᠨ ᠲᠠᠭᠤᠤ ᠪᠤᠶᠤ ᠰᠢᠯᠦᠭ ᠵᠢᠭᠠᠬᠤ ᠵᠡᠷᠭᠡ ᠬᠡᠯᠪᠡᠷᠢ ᠪᠠᠷ ᠶᠠᠪᠤᠭᠳᠠᠳᠠᠭ ᠪᠠᠶᠢᠨᠠ᠃ ᠡᠨᠡ ᠨᠢ | ᠭᠤᠤᠯᠳᠠᠭᠤ ᠬᠡᠤᠭᠡᠳ ᠤᠨ ᠲᠤᠷᠠ ᠰᠤᠨᠢᠷᠬᠠᠯ ᠪᠠ ᠠᠪᠢᠶᠠᠰ ᠪᠢᠯᠢᠭ ᠢ ᠨᠢ ᠠᠵᠢᠬᠤ᠂ ᠰᠡᠳᠬᠢᠬᠦᠢ ᠶᠢ ᠨᠢ | ᠬᠦᠭᠵᠢᠬᠦᠯᠬᠦ ᠲᠡᠭᠡᠷᠡ ᠠᠵᠢᠯᠯᠠᠳᠠᠭ ᠬᠡᠵᠦ ᠲᠠᠨᠠ ᠪᠠᠭᠰᠢ ᠲᠠᠨᠢᠯᠴᠠᠭᠤᠯᠤᠯᠠ᠃ ᠲᠠᠨᠠ ᠲᠠᠢ ᠬᠠᠮᠳᠤᠷᠠᠵᠦ | ᠤᠶᠢᠯᠡᠴᠢᠯᠡᠭᠡᠨ ᠤ ᠲᠦᠪ ᠡᠷᠬᠢᠯᠡᠭᠰᠡᠨ ᠡᠷᠳᠡᠨᠢᠬᠤᠸᠠᠷ ᠤᠨ ᠨᠦᠬᠦᠷ ᠨᠢ ᠮᠤᠩᠭᠤᠯ ᠡᠮᠴᠢ ᠶᠢᠨ ᠬᠤᠷᠢᠶᠠᠨ ᠳᠤ | ᠠᠵᠢᠯᠯᠠᠳᠠᠭ ᠪᠤᠯᠬᠤᠷ ᠠᠵᠢᠯ ᠠᠴᠠ ᠪᠠᠨ ᠪᠠᠭᠤᠮᠠᠭᠴᠠ ᠲᠡᠳᠡᠨ ᠤ ᠲᠡᠷᠭᠡᠳᠡ ᠬᠦᠷᠴᠦ ᠬᠠᠨᠢᠶᠠᠯᠭᠠᠵᠦ ᠪᠠᠶᠢᠭᠠ | ᠬᠡᠤᠬᠡᠳ ᠤᠨ ᠴᠡᠭᠡᠵᠢ ᠶᠢ ᠨᠢ ᠴᠢᠩᠨᠠᠵᠦ ᠦᠵᠡᠬᠦ᠂ ᠢᠳᠡᠭᠡᠨ ᠤ ᠲᠤᠷᠠᠰᠢᠯ ᠦᠭᠡᠢ ᠬᠡᠤᠭᠡᠳ ᠤᠨ ᠪᠡᠶᠡ ᠶᠢᠨ | ᠪᠠᠶᠢᠳᠠᠯ ᠢ ᠨᠢ ᠠᠵᠢᠭᠯᠠᠬᠤ ᠵᠡᠷᠭᠡ ᠪᠠᠷ ᠬᠠᠮᠵᠢᠯᠴᠠᠳᠠᠭ ᠪᠠᠶᠢᠨᠠ᠃ | | | | | | | | | ᠤᠷᠤᠢ ᠶᠢᠨ 6 ᠴᠠᠭ ᠠᠶᠠᠳᠠᠬᠤ ᠳᠤ ᠲᠠᠨᠠ ᠬᠡᠤᠭᠡᠳ ᠤᠳ ᠢᠶᠠᠨ ᠬᠦᠷᠬᠡᠵᠦ ᠶᠠᠪᠤᠭᠤᠯᠤᠯᠠ᠃ ᠪᠦᠬᠦᠯᠢ | ᠡᠳᠦᠷ ᠭᠡᠤᠭᠡᠳ ᠤᠨ ᠢᠳᠡᠭᠡᠨ ᠤᠮᠳᠠᠭᠠᠨ᠂ ᠤᠨᠳᠠᠯᠠᠭᠠ᠂ ᠠᠮᠤᠷ ᠲᠦᠪᠰᠢᠨ ᠭᠡᠮᠡᠨ ᠪᠤᠷᠪᠢ ᠪᠤᠬᠢᠷᠤᠯ ᠦᠭᠡᠢ | ᠠᠵᠢᠯᠯᠠᠳᠠᠭ ᠪᠤᠯᠪᠠᠴᠤ ᠶᠢᠷᠳᠢᠨᠴᠦ ᠶᠢᠨ ᠬᠠᠮᠤᠭ ᠠᠴᠠ ᠴᠡᠪᠡᠷ ᠴᠠᠶᠢᠯᠭᠠᠨ ᠰᠡᠳᠬᠢᠯ ᠲᠠᠢ ᠠᠮᠢᠳᠠᠳ ᠲᠠᠢ ᠬᠠᠮᠳᠤ | ᠪᠠᠶᠢᠳᠠᠭ ᠲᠤ ᠪᠠᠨ ᠲᠠᠨᠠ ᠵᠢᠴᠢ ᠬᠤᠶᠠᠷ ᠬᠠᠮᠳᠤ ᠠᠵᠢᠯᠳᠠᠳ ᠤᠨ ᠴᠢᠷᠠᠢ ᠠᠴᠠ ᠪᠠᠶᠠᠷ ᠤᠨ ᠮᠦᠰᠢᠶᠡᠳᠦ ᠶᠡᠷᠦᠨᠢ | ᠰᠠᠯᠬᠤ ᠦᠭᠡᠢ ᠪᠠᠶᠢᠯᠠ᠃ ᠬᠡᠤᠬᠡᠳ ᠤᠳ ᠴᠤ ᠲᠠᠳᠠᠭᠠᠷ ᠲᠠᠢ ᠲᠠᠰᠴᠢᠬᠠᠭᠰᠠᠨ ᠪᠠᠭᠰᠢ ᠶᠢᠨ ᠢᠶᠠᠨ ᠬᠤᠷᠮᠤᠢ ᠠᠴᠠ | ᠵᠢᠭᠤᠷᠠᠨ ︽ᠮᠠ ᠮᠠ︾ ᠬᠡᠮᠡᠨ ᠲᠠᠭᠤᠳᠠᠬᠤ ᠨᠢ ᠬᠦᠭᠡᠷᠦᠬᠦᠨ᠂ ᠪᠠᠭᠰᠢ ᠨᠢ ᠴᠤ ᠬᠡᠤᠬᠡᠳ ᠤᠳ ᠢᠶᠠᠨ ᠡᠩᠬᠦᠷᠡᠶᠢᠯᠡᠨ | ᠂ ᠲᠡᠪᠡᠷᠢᠯᠳᠡ ᠬᠦᠰᠡᠭᠰᠡᠨ ᠳᠤᠨᠢ ᠲᠡᠪᠡᠷᠢᠯᠳᠡ ᠪᠠᠨ ᠬᠦᠷᠬᠡᠵᠦ᠂ ᠬᠠᠶᠠ ᠪᠠᠰᠠ ᠦᠪᠡᠷ ᠤᠨ ᠡᠷᠭᠡ ᠦᠭᠡᠢ ᠵᠢᠵᠢᠭᠭᠡᠨ | ᠲᠤᠷᠭᠠᠨ ᠬᠠᠴᠡᠷ ᠲᠡᠭᠡᠷᠡ ᠨᠢ ᠵᠦᠭᠡᠯᠡᠨ ᠦᠨᠦᠰᠦᠨᠡ᠃ | | | | | | | | | | ︽ᠠᠩᠬᠠ ᠡᠵᠡᠩᠨᠡᠯᠳᠡ ᠪᠠᠨ ᠡᠬᠢᠯᠡᠬᠦᠯᠴᠢᠭᠡᠭᠡᠳ ᠬᠡᠤᠬᠡᠳ ᠢᠶᠠᠨ ᠬᠦᠷᠬᠡᠵᠦ ᠢᠷᠡᠬᠦ ᠬᠦᠮᠦᠨ ᠦᠭᠡᠢ ᠪᠠᠶᠢᠬᠤ | ᠠᠴᠠ ᠶᠡᠭᠡ ᠠᠶᠤᠵᠦ ᠪᠠᠶᠢᠯᠠ᠃ ᠲᠡᠭᠡᠳᠡᠯᠡ ᠬᠤᠶᠠᠷ᠂ ᠭᠤᠷᠪᠠ ᠬᠡᠭᠰᠡᠭᠡᠷ ᠪᠠᠶᠢᠭᠠᠳ ᠮᠠᠨᠠᠶᠢᠬᠢᠨ ᠴᠤ ᠠᠷᠪᠠᠭᠠᠳ | ᠬᠡᠤᠬᠡᠳ ᠲᠠᠢ ᠪᠤᠯᠴᠢᠬᠠᠯᠠ᠃ ᠪᠢᠳᠠᠨᠠᠷ ᠢ ᠢᠳᠡᠭᠡᠵᠦ ᠤᠶᠢᠯᠡᠰ ᠪᠤᠰᠬᠠᠬᠤ ᠳᠤ ᠮᠠᠨᠢ ᠬᠦᠴᠦᠨ ᠴᠢᠳᠠᠯ ᠦᠭᠬᠦᠭᠰᠡᠨ | ᠬᠡᠷ ᠤᠨ ᠠᠬᠠᠮᠠᠳ ᠨᠠᠷ ᠲᠤ ᠪᠠᠨ ᠲᠠᠯᠠᠷᠬᠠᠵᠦ᠂ ᠲᠡᠳᠡᠨᠡᠷ ᠢ ᠪᠠᠨ ᠬᠦᠰᠡᠷᠳᠡᠬᠦᠯᠬᠦ ᠦᠭᠡᠢ ᠶᠢᠨ ᠲᠤᠰᠠᠳᠠ ᠠᠷᠢᠭᠤᠨ | ᠴᠡᠪᠡᠷ᠂ ᠭᠡᠤᠭᠡᠳ ᠤᠨ ᠠᠮᠤᠷ ᠲᠦᠪᠰᠢᠨ ᠵᠡᠷᠭᠡ ᠡᠯᠡ ᠲᠠᠯᠠ ᠶᠢᠨ ᠠᠰᠠᠭᠤᠳᠠᠯ ᠢ ᠰᠠᠶᠢᠨ ᠠᠩᠬᠠᠷᠴᠤ᠂ ᠬᠤᠶᠢᠰᠢᠳᠠ | ᠡᠨᠡᠬᠦ ᠤᠶᠢᠯᠡᠰ ᠢᠶᠠᠨ ᠨᠡᠩ ᠰᠠᠶᠢᠨ ᠬᠢᠵᠦ᠂ ᠦᠪᠡᠷ ᠤᠨ ᠮᠡᠷᠬᠡᠵᠢᠯ ᠪᠤᠯᠪᠠᠰᠤᠷᠠᠯ ᠢᠶᠠᠨ ᠲᠡᠭᠡᠭᠰᠢᠯᠡᠬᠦᠯᠵᠦ ᠶᠠᠪᠤᠶᠠ | ᠬᠡᠵᠦ ᠰᠠᠨᠠᠳᠠᠭ︾ ᠬᠡᠮᠡᠨ ᠲᠠᠨᠠ ᠬᠡᠤᠭᠡᠨ ᠲᠠᠬᠢᠨᠳᠠ ᠲᠠᠯᠠᠷᠬᠠᠯ ᠢᠶᠠᠨ ᠢᠯᠡᠷᠬᠡᠶᠢᠯᠡᠬᠦ ᠳᠤ᠂ ᠦᠡᠨᠡᠭᠡᠷ ᠬᠢᠵᠦ ᠪᠠᠶᠢᠭᠠ | ᠤᠶᠢᠯᠡᠰ ᠲᠠᠢ ᠪᠠᠨ ᠠᠳᠠᠯᠢ ᠠᠶᠠᠳᠠᠶᠢᠬᠠᠨ ᠵᠠᠩ᠂ ᠨᠠᠮᠤᠭᠤᠬᠠᠨ ᠠᠷᠠᠨᠰᠢᠨ ᠲᠠᠢ ᠬᠡᠤᠬᠡᠨ ᠤ ᠵᠤᠷᠢᠭᠰᠠᠨ ᠰᠠᠨᠠᠭᠰᠠᠨ | ᠤᠶᠢᠯᠡᠰ ᠨᠢ ᠯᠠᠪᠳᠠᠢ ᠵᠤᠯᠪᠤᠭᠠᠳᠠᠢ ᠪᠤᠯᠤᠨᠠ ᠬᠡᠳᠡᠭ ᠢ ᠢᠳᠡᠭᠡᠵᠦ ᠪᠢᠯᠡ᠃ | | ᠪᠡᠯᠡᠳᠬᠡᠭᠰᠡᠨ ᠨᠢ᠄ ᠡᠷᠳᠡᠨᠢᠬᠦᠦ | ᠨᠠᠶᠢᠷᠠᠭᠤᠯᠤᠭᠰᠠᠨ ᠨᠢ᠄ ᠨᠠᠮᠤᠷ | ᠬᠢᠨᠠᠭᠰᠠᠨ ᠨᠢ᠄ ᠤᠷᠢᠬᠠᠨ | |