| ᠵᠡᠭᠦᠨᠭᠠᠷ ᠪᠤᠶᠠᠨᠪᠠᠲᠤ | | ᠵᠡᠭᠦᠳᠥ ᠵᠥᠩ ᠤᠨ ᠲᠤᠮᠳᠠᠭᠤᠷ ᠤᠷᠤᠰᠤᠩᠬᠠᠨ ᠲᠤᠨᠤᠷᠠᠩᠬᠠᠨ ᠪᠠᠶᠢᠳᠠᠭ | ᠵᠡᠯᠡᠭᠦᠳ ᠤᠩᠭᠤᠳ ᠤᠨ ᠮᠢᠨᠢ ᠴᠢᠨᠳᠠᠮᠣᠨᠢ ᠡᠷᠳᠡᠨᠢ ᠢᠢᠨᠬᠦ ᠴᠠᠭᠠᠰᠤᠨᠠ ᠪᠥᠵᠢᠪᠠᠢ ᠡᠵᠢ ᠶᠢᠨ | ᠮᠥᠮᠥᠨ ᠠᠴᠠ ᠢᠪᠢᠯᠥᠭᠰᠡᠨ | ᠲᠤᠮᠤᠭ ᠤᠨ ᠴᠠᠭᠠᠨ ᠮᠥᠷᠡᠨ ᠬᠠᠯᠬᠠ ᠶᠢᠨ ᠭᠤᠤᠯ ᠡᠲᠥᠭᠡ ᠠᠴᠠ ᠡᠲᠥᠭᠡ ᠤᠷᠤᠭᠤ ᠴᠢᠳᠬᠤᠯᠠᠭᠰᠠᠨ | ᠲᠡᠥᠭᠡ ᠶᠢᠨ ᠪᠤᠯᠤᠷ ᠴᠢᠰᠤ ᠬᠠᠯᠬᠠ ᠶᠢᠨ ᠭᠤᠤᠯ | ᠡᠮᠡᠭᠡᠯ ᠲᠡᠭᠡᠷᠡ ᠲᠥᠷᠡᠯᠵᠡᠭᠰᠡᠨ ᠭᠥᠨ ᠤᠬᠠᠭᠠᠨ ᠤ | ᠭᠠᠵᠠᠷ ᠲᠤ ᠪᠤᠴᠠᠯᠤᠭᠰᠠᠨ ᠰᠢᠪᠰᠢᠯᠭᠡ ᠬᠠᠯᠬᠠ ᠶᠢᠨ ᠭᠤᠤᠯ | ᠡᠷᠭᠢᠵᠤ ᠮᠠᠨᠳᠤᠬᠤ ᠶᠢᠨ ᠨᠠᠷᠠᠨ ᠵᠥᠭ | ᠮᠥᠩᠭᠡᠳᠡ ᠵᠤᠯᠠᠷᠠᠭᠰᠠᠨ ᠢᠳᠡᠭᠡᠯ ᠬᠠᠯᠬᠠ ᠶᠢᠨ ᠭᠤᠤᠯ ᠮᠤᠩᠭᠤᠯ ᠠᠴᠠ ᠪᠠᠨ ᠡᠭᠢᠯᠡᠵᠤ ᠮᠤᠩᠭᠤᠯ ᠳᠠᠭᠠᠨ | ᠲᠡᠭᠦᠰᠭᠦ ᠶᠢᠨ ᠯᠡ ᠲᠠᠪᠢᠯᠠᠩ ᠲᠠᠢ ᠬᠠᠯᠬᠠ ᠶᠢᠨ ᠭᠤᠤᠯ ᠮᠥᠩᠭᠦᠨ ᠬᠠᠵᠠᠭᠠᠷ ᠤᠨ ᠴᠢᠮᠡᠭᠡᠨ ᠳᠤ | ᠮᠡᠯᠳᠡᠷᠡᠵᠤ ᠬᠠᠶᠢᠯᠬᠤ ᠶᠢᠨ ᠯᠠ ᠤᠴᠢᠷ ᠲᠠᠢ ᠬᠠᠯᠬᠠ ᠶᠢᠨ ᠭᠤᠤᠯ ᠮᠤᠷᠢᠨ ᠬᠤᠭᠤᠷ ᠤᠨ ᠬᠤᠶᠠᠷ | ᠴᠢᠪᠬᠠᠳᠠᠰᠤ ᠶᠢᠨ ᠬᠤᠭᠤᠷᠤᠨᠳᠤ | ᠬᠠᠯᠢᠵᠦ ᠤᠶᠠᠩᠭᠠᠷᠠᠭᠰᠠᠨ ᠴᠢᠨᠳᠠᠮᠤᠨᠢ ᠡᠷᠳᠡᠨᠢ ᠬᠠᠯᠬᠠ ᠶᠢᠨ ᠭᠤᠤᠯ ᠮᠡᠨᠡᠩ ᠤᠨ ᠶᠡᠭᠡ ᠲᠠᠯᠠ ᠶᠢ ᠶᠠᠳᠤᠭᠠ | ᠶᠢᠨ ᠭᠡᠮᠨᠡᠯ ᠢᠶᠠᠷ ᠭᠥᠭᠯᠡᠭᠰᠡᠨ | ᠲᠡᠭᠡᠵᠢ ᠶᠢᠨ ᠴᠡᠩᠭᠡᠷ ᠡᠭᠡᠰᠢᠭ ᠬᠠᠯᠬᠠ ᠶᠢᠨ ᠭᠤᠤᠯ ᠲᠡᠥᠭᠡ ᠶᠢᠨ ᠰᠠᠭᠠᠷᠠᠯ ᠤᠭᠢᠶᠠᠳᠠᠰᠤ ᠶᠢ ᠴᠡᠪᠡᠷᠯᠡᠭᠦ | ᠯᠡ ᠬᠡᠮᠡᠡ | ᠥᠨᠥ ᠶᠢ ᠭᠥᠷᠳᠡᠯᠡ ᠤᠷᠤᠰᠤᠭᠰᠠᠨ ᠬᠠᠯᠬᠠ ᠶᠢᠨ ᠭᠤᠤᠯ ᠲᠥᠭᠦᠭᠡᠢ ᠪᠤᠳᠤᠯ ᠤᠨ ᠭᠤᠯᠭᠢᠳᠠᠰᠤ ᠶᠢ | ᠱᠦᠭᠦᠷᠳᠡᠬᠦ ᠯᠡ ᠭᠡᠮᠡᠨ | ᠵᠠᠭᠤᠨ ᠭᠢᠷᠤᠭᠡᠳᠡᠵᠤ ᠴᠠᠯᠭᠢᠭᠰᠠᠨ ᠬᠠᠯᠬᠠ ᠶᠢᠨ ᠭᠤᠤᠯ ᠲᠤᠭᠤᠷᠭᠠ ᠲᠤᠰᠭᠠᠷᠯᠠᠭᠰᠠᠨ ᠰᠠᠳᠤᠨ ᠢᠶᠠᠨ | ᠭᠠᠩᠨᠠᠬᠤ ᠯᠠ ᠬᠡᠮᠡᠡ | ᠮᠥᠷᠥᠭᠡᠳᠤᠯ ᠰᠥᠯᠵᠢᠵᠤ ᠴᠥᠮᠴᠥᠭᠡᠨᠡᠭᠰᠡᠨ ᠬᠠᠯᠬᠠ ᠶᠢᠨ ᠭᠤᠤᠯ ᠲᠤᠭ ᠢᠶᠠᠨ ᠰᠠᠭᠢᠭᠰᠠᠨ ᠪᠠᠭᠠᠳᠤᠷ ᠤᠳ | ᠢᠶᠠᠨ ᠰᠠᠨᠠᠬᠤ ᠯᠠ ᠬᠡᠮᠡᠡ | ᠤᠳᠤ ᠵᠠᠯᠭᠢᠯᠠᠵᠤ ᠴᠢᠪᠴᠢᠷᠠᠭᠰᠠᠨ ᠬᠠᠯᠬᠠ ᠶᠢᠨ ᠭᠤᠤᠯ ᠮᠤᠩᠭᠤᠯ ᠶᠠᠫᠤᠨ ᠬᠤᠶᠠᠷ ᠰᠤᠮᠤ ᠪᠠᠷ | ︽ᠨᠤᠯᠮᠤᠴᠠᠵᠤ︾ ᠪᠠᠶᠢᠬᠤ ᠳᠤ ᠨᠤᠮᠤᠨ ᠬᠠᠨ ᠤᠷᠤᠭᠤ ᠲᠠᠷᠨᠢᠳᠡᠵᠦ | ᠲᠠᠶᠢᠰᠤᠠ ᠤ ᠰᠤᠮᠤ ᠶᠢ ︽ᠰᠦᠬᠦᠷᠡᠬᠦᠯᠵᠦ︾ ᠪᠠᠶᠢᠭᠰᠠᠨ ᠶᠤᠮ ᠭᠡᠨᠡ ᠯᠠᠢ ᠬᠠᠯᠬᠠ ᠶᠢᠨ ᠭᠤᠤᠯ ᠮᠤᠩᠭᠤᠯ | ᠮᠤᠩᠭᠤᠯ ᠤᠷᠤᠭᠤ ᠪᠠᠨ ︽ᠥᠨᠡᠰᠥ ᠪᠠᠷ ᠪᠤᠯᠠᠵᠤ︾ ᠡᠭᠢᠯᠡᠭᠦ ᠳᠤ | ᠭᠤᠤᠯ ᠠᠴᠠ ᠪᠠᠨ ᠵᠠᠩᠭᠢᠷᠠᠵᠤ ︽ᠨᠢᠳᠤ ᠠᠨᠢᠬᠤ︾ ᠳᠤ ᠲᠥᠭᠦᠵᠥ ᠤᠴᠢᠭᠰᠠᠨ ᠶᠤᠮ ᠭᠡᠨᠡ ᠯᠠᠢ ᠬᠠᠯᠬᠠ ᠶᠢᠨ | ᠭᠤᠤᠯ ᠬᠤᠢ ᠠᠴᠠ ᠪᠠᠨ ᠰᠤᠭᠤᠷᠠᠵᠤ ᠠᠮᠵᠢᠭᠠ ᠥᠭᠡᠢ | ᠬᠠᠰᠠᠷ ᠤᠨ ᠬᠠᠷᠠ ᠰᠡᠯᠡᠮᠡ ᠬᠠᠯᠬᠠ ᠶᠢᠨ ᠭᠤᠤᠯ ᠬᠤᠷᠢᠮ ᠳᠠᠭᠠᠨ ᠶᠠᠭᠠᠷᠠᠵᠤ ᠲᠠᠪᠭᠢᠭᠰᠠᠨ ᠭᠡᠥᠭᠡᠨ ᠤ | ᠠᠯᠳᠠᠷᠠᠵᠤ ᠤᠨᠠᠭᠰᠠᠨ ᠠᠯᠴᠢᠭᠤᠷ ᠬᠠᠯᠬᠠ ᠶᠢᠨ ᠭᠤᠤᠯ ᠬᠤᠷᠮᠤᠰᠳᠠ ᠶᠢᠨ ᠠᠶᠤᠩᠭᠠ ᠪᠠᠷ ᠪᠢᠴᠢᠭᠰᠡᠨ | ᠲᠠᠳᠠᠯᠭᠠᠨ ᠮᠤᠩᠭᠤᠯ ᠥᠰᠥᠭ ᠬᠠᠯᠬᠠ ᠶᠢᠨ ᠭᠤᠤᠯ ᠬᠤᠷ ᠲᠠᠷᠭᠤᠨ ᠠᠳᠤᠭᠤᠳ ᠤᠨ | ᠲᠡᠭᠷᠢ ᠳᠤ ᠢᠨᠴᠠᠭᠠᠭᠰᠠᠨ ᠠᠶᠠᠯᠭᠤ ᠬᠠᠯᠬᠠ ᠶᠢᠨ ᠭᠤᠤᠯ ᠰᠠᠷᠠᠨ ᠤ ᠴᠠᠭᠠᠭᠤᠷ ᠮᠤᠷᠢ ᠪᠠᠨ ᠲᠠᠭᠤᠭᠠᠳ | ᠶᠥᠷᠭᠡᠭᠦᠯᠭᠦ ᠮᠡᠳᠥ ᠬᠠᠯᠬᠠ ᠶᠢᠨ ᠭᠤᠤᠯ ᠰᠠᠨᠠᠭᠠ ᠠᠯᠳᠠᠨ ᠭᠡᠨᠡ ᠭᠡᠨᠡᠭᠡᠨ | ᠭᠡᠭᠡᠨ ᠭᠤᠨᠢᠭ ᠭᠥᠪᠥᠷᠢᠭᠦᠯᠭᠦ ᠮᠡᠳᠥ ᠬᠠᠯᠬᠠ ᠶᠢᠨ ᠭᠤᠤᠯ | ᠰᠠᠷᠬᠤᠳ ᠤᠨ ᠬᠠᠯᠠᠭᠤ ᠪᠠᠷ ᠠᠰᠬᠠᠷᠠᠭᠰᠠᠨ | ᠵᠢᠷᠭᠠᠯ ᠤᠨ ᠨᠢᠯᠪᠤᠰᠤ ᠮᠡᠳᠤ ᠬᠠᠯᠬᠠ ᠶᠢᠨ ᠭᠤᠤᠯ | ᠰᠠᠷᠨᠠᠢ ᠶᠢᠨ ᠲᠡᠯᠪᠡᠭᠡᠨ ᠳᠤ ᠮᠠᠯᠮᠡᠷᠡᠭᠰᠡᠨ | ᠰᠠᠨᠰᠠᠷ ᠤᠨ ᠲᠡᠯᠡᠰ ᠮᠡᠳᠥ ᠬᠠᠯᠬᠠ ᠶᠢᠨ ᠭᠤᠤᠯ | | | ᠪᠡᠯᠡᠳᠬᠡᠭᠰᠡᠨ ᠨᠢ᠄ ᠡᠷᠳᠡᠨᠢᠬᠦᠦ | ᠨᠠᠶᠢᠷᠠᠭᠤᠯᠤᠭᠰᠠᠨ ᠨᠢ᠄ ᠨᠠᠮᠤᠷ | ᠬᠢᠨᠠᠭᠰᠠᠨ ᠨᠢ᠄ ᠤᠷᠢᠬᠠᠨ |