| ᠵᠡᠭᠦᠨᠭᠠᠷ ᠪᠤᠶᠠᠨᠪᠠᠲᠤ | | ᠭᠥᠮᠥᠷᠢᠵᠥ ᠢᠷᠡᠭᠦ ᠨᠢᠭᠦᠯ ᠢ | ᠭᠥᠭᠦᠨ ᠤ ᠪᠠᠨ ᠰᠥ ᠪᠠᠷ ᠵᠢᠭᠢᠷᠢᠭᠯᠡᠭᠰᠡᠨ ᠡᠵᠢ ᠮᠢᠨᠢ ᠭᠠᠭᠴᠠ ᠶᠤᠮ | ᠶᠡᠷᠥ ᠳᠡᠭᠡᠨ ᠭᠠᠭᠴᠠ ᠶᠤᠮ | ᠰᠥᠨ ᠳᠤ ᠨᠡᠪᠴᠢᠭᠰᠡᠨ ᠵᠤᠯᠠᠢ ᠶᠢ ᠮᠢᠨᠢ | ᠰᠠᠯᠭᠢ ᠠᠷᠭᠠᠳᠠᠵᠤ ᠢᠰᠭᠢᠷᠳᠡᠭ ᠤᠷᠤᠭᠤᠯ ᠢᠶᠠᠷ ᠢᠶᠠᠨ ᠥᠨᠥᠰᠥᠭᠰᠡᠨ ᠠᠪᠤ ᠮᠢᠨᠢ ᠭᠠᠭᠴᠠ ᠶᠤᠮ | ᠶᠡᠷᠥ ᠳᠡᠭᠡᠨ ᠭᠠᠭᠴᠠ ᠶᠤᠮ | ᠭᠡᠷᠡᠯ ᠢᠶᠠᠷ ᠭᠡᠵᠢᠭᠡᠳᠡᠨ ᠨᠢᠭᠡ ᠪᠠᠨ ᠡᠯᠳᠡᠭᠦ ᠮᠡᠳᠤ | ᠭᠡᠨᠡᠨ ᠤᠷᠴᠢᠯᠠᠩ ᠤᠨ ᠠᠮᠠᠷᠠᠭ ᠨᠠᠷᠠ ᠰᠠᠷᠠ ᠭᠠᠭᠴᠠ ᠶᠤᠮ | ᠶᠡᠷᠥ ᠳᠡᠭᠡᠨ ᠭᠠᠭᠴᠠ ᠶᠤᠮ | ᠨᠠᠮᠠ ᠶᠢ ᠲᠥᠷᠥᠭᠦ ᠳᠤ ᠠᠭᠤᠯᠠᠰ ᠨᠢ ᠰᠥᠭᠦᠷᠡᠵᠥ ᠲᠤᠰᠤᠭᠰᠠᠨ | ᠨᠠᠪᠴᠢ ᠲᠠᠢ ᠴᠢᠯᠠᠭᠤ ᠲᠠᠢ ᠨᠤᠳᠤᠭ ᠤᠰᠤ ᠭᠠᠭᠴᠠ ᠶᠤᠮ | ᠶᠡᠷᠥ ᠳᠡᠭᠡᠨ ᠭᠠᠭᠴᠠ ᠶᠤᠮ | ᠢᠯᠳᠤᠨ ᠤ ᠢᠷ ᠮᠡᠳᠤ ᠤᠮᠤᠭᠯᠠᠩ | ᠶᠡᠭᠡᠮᠰᠥᠭ ᠲᠡᠭᠡᠳᠥᠰ ᠤᠨ ᠡᠷᠭᠢᠮᠰᠥᠭ ᠴᠢᠰᠤ ᠭᠠᠭᠴᠠ ᠶᠤᠮ | ᠶᠡᠷᠥ ᠳᠡᠭᠡᠨ ᠭᠠᠭᠴᠠ ᠶᠤᠮ | ᠨᠥᠵᠢ ᠠᠳᠬᠤᠵᠤ ᠲᠥᠷᠥᠭᠰᠡᠨ ᠭᠠᠷ ᠲᠠᠭᠠᠨ | ᠰᠡᠯᠡᠮᠡ ᠠᠳᠬᠤᠵᠤ ᠲᠡᠯᠡᠭᠡᠢ ᠶᠢ ᠶᠢᠰᠤᠨ ᠵᠤᠭᠤᠰ ᠮᠡᠳᠤ ᠰᠢᠭᠰᠢᠭᠰᠡᠨ ᠲᠡᠮᠥᠵᠢᠨ ᠭᠠᠭᠴᠠ ᠶᠤᠮ | ᠶᠡᠷᠥ ᠳᠡᠭᠡᠨ ᠭᠠᠭᠴᠠ ᠶᠤᠮ | ᠲᠤᠷᠤᠨᠠ ᠶᠢᠨ ᠲᠡᠭᠷᠢ ᠠᠴᠠ ᠠᠰᠬᠠᠷᠠᠬᠤ | ᠲᠤᠯᠤᠭᠠᠨ ᠪᠤᠷᠬᠠᠨ ᠤ ᠰᠤᠯᠤᠩᠭᠠ ᠮᠡᠳᠤ ᠮᠤᠩᠭᠤᠯ ᠪᠢᠴᠢᠭ ᠭᠠᠭᠴᠠ ᠶᠤᠮ | ᠶᠡᠷᠥ ᠳᠡᠭᠡᠨ ᠭᠠᠭᠴᠠ ᠶᠤᠮ | ᠭᠠᠵᠠᠷ ᠤᠨ ᠰᠤᠳᠠᠰᠤ ᠮᠡᠳᠤ ᠤᠨᠤᠨ ᠤ ᠱᠤᠤᠭᠢᠶᠠᠨ ᠠᠨᠢᠷᠯᠠᠵᠤ | ᠭᠠᠩ ᠰᠡᠯᠡᠮᠡ ᠶᠢᠨ ᠢᠶᠠᠨ ᠢᠷ ᠢᠶᠠᠷ ᠲᠠᠳᠠᠯᠠᠭᠰᠠᠨ ︽ᠨᠢᠭᠤᠴᠠ ᠲᠤᠪᠴᠢᠶᠠᠨ︾ ᠭᠠᠭᠴᠠ ᠶᠤᠮ | ᠶᠡᠷᠥ ᠳᠡᠭᠡᠨ ᠭᠠᠭᠴᠠ ᠶᠤᠮ | ᠲᠥᠭᠡᠷᠭᠡ ᠵᠠᠶᠠᠭᠠᠨ ᠤ ᠵᠢᠷᠤᠭ ᠠᠰ ᠠᠰ ᠲᠠᠭᠠᠨ ᠭᠡᠯᠡ ᠴᠦ | ᠲᠥᠷᠥᠭᠦ ᠠᠴᠠ ᠥᠭᠦᠭᠦ ᠭᠥᠷᠳᠡᠯᠡᠭᠢ ᠵᠠᠮ ᠭᠠᠭᠴᠠ ᠶᠤᠮ | ᠶᠡᠷᠥ ᠳᠡᠭᠡᠨ ᠭᠠᠭᠴᠠ ᠶᠤᠮ | ᠤᠪᠳᠤ ᠪᠥᠰᠡᠭᠦᠢ ᠶᠢᠨ ᠠᠷᠠᠨᠰᠢᠨ ᠮᠡᠳᠤ ᠬᠤᠷᠸᠠ ᠳᠤ | ᠤᠳᠤ ᠮᠡᠳᠤ ᠭᠢᠯᠡᠰᠭᠢᠨ ᠥᠩᠭᠡᠷᠡᠭᠦ ᠠᠮᠢ ᠨᠠᠰᠤ ᠭᠠᠭᠴᠠ ᠶᠤᠮ | ᠶᠡᠷᠥ ᠳᠡᠭᠡᠨ ᠭᠠᠭᠴᠠ ᠶᠤᠮ | ᠭᠠᠷᠠᠬᠠᠡᠴᠠ ᠭᠠᠷᠠᠬᠠ ᠭᠡᠯᠭᠢᠶᠡᠷᠡᠵᠥ ᠭᠢᠨᠵᠢ ᠪᠤᠯᠬᠤ ᠮᠡᠳᠤ | ᠭᠠᠭᠴᠠ ᠠᠴᠠ ᠭᠠᠭᠴᠠ ᠥᠷᠭᠦᠯᠵᠢᠯᠡᠵᠥ ᠤᠷᠴᠢᠯᠠᠩ ᠪᠥᠳᠥᠭᠦ ᠶᠢᠨ ᠵᠢᠮᠡ ᠪᠠᠰᠠ ᠭᠠᠭᠴᠠ ᠶᠤᠮ | ᠶᠡᠷᠥ ᠳᠡᠭᠡᠨ ᠭᠠᠭᠴᠠ ᠶᠤᠮ | ᠶᠡᠷᠥ ᠳᠡᠭᠡᠨ ᠁ | | ᠪᠡᠯᠡᠳᠬᠡᠭᠰᠡᠨ ᠨᠢ᠄ ᠡᠷᠳᠡᠨᠢᠬᠦᠦ | ᠨᠠᠶᠢᠷᠠᠭᠤᠯᠤᠭᠰᠠᠨ ᠨᠢ᠄ ᠨᠠᠮᠤᠷ | ᠬᠢᠨᠠᠭᠰᠠᠨ ᠨᠢ᠄ ᠤᠷᠢᠬᠠᠨ | |