| ᠬᠤᠶᠠᠳᠣᠭᠠᠷ ᠪᠦᠯᠦᠭ | ᠪᠢ ᠮᠠᠰᠢ ᠢᠳᠡᠭᠡᠮᠵᠢᠳᠡᠢ ᠮᠣᠩᠭᠤᠯ ᠣᠯᠠᠮᠵᠢᠯᠠᠯ ᠶᠠᠷᠢᠶᠠ ︵ᠮᠦᠨᠴᠦ ᠮᠢᠨᠦ ᠡᠴᠢᠭᠡ ᠪᠠ ᠠᠪᠠᠭᠠ ᠡᠴᠢᠭᠡ ᠶᠢᠨ | ᠦᠷᠬᠦᠯᠵᠢ ᠬᠡᠯᠡᠳᠡᠭ ᠣᠯᠠᠮᠵᠢᠯᠠᠯ ᠶᠠᠷᠢᠶᠠ︶ ᠠᠴᠠ ᠣᠯᠵᠣ ᠰᠣᠨᠣᠰᠣᠭᠰᠠᠨ ᠢᠶᠠᠷ ᠲᠣᠬᠤᠯᠭᠠ ᠲᠡᠮᠦᠷ ᠬᠠᠭᠠᠨ ᠳᠤ | ᠨᠢᠭᠡ ᠰᠠᠳᠢᠮᠢᠱ ᠭᠡᠳᠡᠭ ᠨᠡᠷᠡ ᠲᠠᠢ ᠮᠠᠰᠢ ᠢᠨᠠᠭ ᠬᠠᠳᠣᠨ ᠪᠠᠶᠢᠵᠠᠢ᠃ ᠪᠠᠰᠠ ᠨᠢᠭᠡ ᠬᠠᠳᠣᠨ ᠤ ᠨᠡᠷᠡ ᠨᠢ ᠮᠧᠩᠯᠢᠭ | ︵ᠡᠨᠡᠬᠦ ᠬᠦᠮᠦᠨ ᠤ ᠨᠡᠷᠡ ᠶᠢᠨ ᠲᠣᠬᠠᠢ ᠠᠪᠢᠴᠢᠯᠠᠯᠭᠠ ᠨᠢ ᠮᠠᠰᠢ ᠠᠳᠠᠯᠢ ᠦᠭᠡᠢ ᠪᠠᠶᠢᠨᠠ᠂ ᠵᠠᠷᠢᠮ ᠳᠠᠭᠠᠨ ᠮᠧᠩᠯᠢᠭ | ᠭᠡᠵᠦ ᠵᠠᠷᠢᠮ ᠲᠠᠭᠠᠨ ᠮᠠᠩᠯᠢᠭ ᠭᠡᠵᠦ ᠪᠠᠰᠠ ᠵᠠᠷᠢᠮ ᠳᠠᠭᠠᠨ ᠮᠦᠩᠯᠢᠭ᠂ ᠮᠧᠯᠢᠭ᠂ ᠮᠢᠯᠢᠩ᠂ ᠮᠢᠯᠢ ᠵᠡᠷᠭᠡ ᠪᠠᠷ ᠪᠦᠷ | ᠠᠪᠢᠶᠠᠯᠠᠵᠣ ᠪᠠᠶᠢᠨᠠ᠂ ᠡᠭᠦᠨ ᠢ ᠨᠢᠭᠡᠳᠭᠡᠬᠦ ᠰᠠᠨᠠᠭᠠᠨ ᠠᠴᠠ ᠪᠦᠷ ᠮᠧᠩᠯᠢᠭ ᠭᠡᠳᠡᠭ ᠨᠡᠷᠡ ᠪᠣᠯᠭᠠᠵᠠᠢ — | ᠮᠣᠩᠭᠤᠯᠴᠢᠯᠠᠭᠴᠢ ᠠᠴᠠ︶ ᠭᠡᠳᠡᠭ᠂ ᠲᠡᠷᠡ ᠦᠶᠡ ᠳᠤ ᠡᠰᠡᠨ ᠪᠣᠬᠠ ᠬᠠᠭᠠᠨ ᠳᠤ ᠬᠡᠣᠬᠡᠳ ᠵᠠᠶᠠᠭᠠ ᠡᠳᠦᠢ | ᠪᠠᠶᠢᠵᠣ᠂ ᠰᠠᠳᠢᠮᠢᠱ ᠬᠠᠳᠣᠨ ᠠᠴᠠ ᠬᠡᠣᠬᠡᠳ ᠭᠠᠷᠬᠤ ᠦᠭᠡᠢ ᠠᠵᠠᠢ᠃ ᠨᠢᠭᠡᠨ ᠣᠳᠠᠭᠠ ᠡᠨᠡᠬᠦ ᠬᠠᠭᠠᠨ ᠠᠯᠣᠰ ᠤᠨ | ᠲᠠᠶᠢᠨ ᠳᠤ ᠮᠣᠷᠳᠠᠪᠠ᠃ ᠲᠣᠬᠠᠢ ᠶᠢᠨ ᠦᠶᠡ ᠶᠢᠨ ᠮᠣᠩᠭᠤᠯ ᠤᠨ ᠬᠠᠭᠤᠴᠢᠨ ᠶᠣᠰᠣ ᠪᠠᠷ ᠪᠣᠯ ᠬᠠᠭᠠᠨ ᠤ ᠢᠨᠠᠭ | ᠬᠠᠳᠣᠳ ᠨᠢ ᠬᠠᠭᠠᠨ ᠤ ᠪᠣᠰᠣᠳ ᠬᠠᠳᠣᠳ ᠢ ᠬᠠᠭᠠᠨ ᠣᠷᠳᠣᠨ ᠳᠤ ᠦᠯᠡᠳᠡᠭᠡᠬᠦ ᠪᠣᠶᠣ ᠦᠪᠡᠷ ᠤᠨ ᠲᠣᠷᠠ ᠲᠠᠢ | ᠠᠯᠢ ᠨᠢᠬᠡ ᠬᠦᠮᠦᠨ ᠳᠤ ᠬᠦᠷᠭᠡᠵᠦ ᠦᠭᠬᠦ ᠡᠷᠬᠡ ᠲᠠᠢ ᠪᠠᠶᠢᠵᠠᠢ᠃ ᠰᠠᠳᠢᠮᠢᠱ ᠬᠠᠳᠣᠨ ᠮᠧᠩᠯᠢᠭ ᠬᠠᠳᠣᠨ ᠤ | ᠵᠢᠷᠮᠦᠰᠦᠯᠡᠭᠡᠳ ᠪᠠᠶᠢᠭᠰᠠᠨ ᠢ ᠮᠡᠳᠡᠮᠡᠭᠴᠡ ᠪᠠᠨ ᠰᠡᠳᠬᠢᠯ ᠵᠢᠷᠦᠬᠡᠨ ᠲᠤᠨᠢ ᠠᠳᠠᠭᠠᠷᠬᠠᠯ ᠤᠨ ᠭᠠᠯ ᠲᠦᠷᠡᠯᠵᠡᠨ᠂ | ᠲᠡᠭᠦᠨ ᠢ ᠶᠡᠭᠡ ᠡᠮᠢᠷ ᠲᠣᠬᠠᠳᠠᠢ · ᠰᠢᠷᠸᠠᠯ ᠳᠤ ᠬᠦᠷᠭᠡᠵᠦ ᠦᠭᠭᠦᠪᠡ᠃ ᠬᠠᠭᠠᠨ ᠲᠠᠶᠢᠨ ᠠᠴᠠ ᠪᠣᠴᠠᠵᠣ ᠢᠷᠡᠭᠡᠳ | ᠮᠡᠩᠯᠢᠭ ᠬᠠᠳᠣᠨ ᠢ ᠠᠰᠠᠭᠤᠭᠰᠠᠨ ᠳᠤ᠂ ᠰᠠᠳᠢᠮᠢᠱ ᠬᠠᠳᠣᠨ ᠲᠡᠭᠦᠨ ᠳᠤ ︽ᠪᠢ ᠲᠡᠭᠦᠨ ᠢ ᠨᠢᠭᠡᠨᠳᠡ ᠪᠣᠰᠣᠳ ᠲᠤ | ᠦᠭᠭᠦᠴᠢᠬᠡᠭᠰᠡ︾ ᠭᠡᠵᠡᠢ᠃ ᠬᠠᠭᠠᠨ ᠲᠡᠬᠦᠨ ᠳᠤ᠄ ︽ᠭᠡᠳᠡᠯᠡ ᠲᠡᠷᠡ ᠨᠢᠭᠡᠨᠳᠡ ᠨᠠᠳᠠ ᠬᠡᠣᠬᠡᠳ ᠵᠢᠷᠮᠦᠰᠦᠯᠡᠬᠡᠳ | ᠪᠠᠶᠢᠭᠠ ᠶᠣᠮ︾ ᠭᠡᠪᠡ᠃ ᠢᠩᠬᠢᠭᠡᠳ ᠬᠠᠭᠠᠨ ᠮᠠᠰᠢ ᠣᠨᠳᠣᠭᠤᠴᠠᠭᠰᠠᠨ ᠪᠣᠯᠪᠠᠴᠣ᠂ ᠮᠣᠩᠭᠤᠯ ᠤᠨ ᠬᠠᠭᠤᠴᠢᠨ | ᠲᠠᠳᠬᠠᠯ ᠶᠣᠮ ᠴᠢᠨᠢ ᠲᠡᠷᠡ ᠴᠦ ᠲᠡᠮᠡᠢ ᠶᠠᠭᠤᠮᠠ ᠶᠠᠷᠢᠭᠰᠠᠨ ᠦᠭᠡᠢ ᠦᠩᠭᠡᠷᠡᠵᠡᠢ᠃ | ᠬᠤᠵᠢᠮ ᠣᠳᠠᠯ ᠦᠭᠡᠢ ᠡᠰᠡᠨ ᠪᠣᠬᠠ ᠬᠠᠭᠠᠨ ᠦᠬᠦᠵᠦ᠂ ᠮᠣᠩᠭᠤᠯ ᠠᠶᠢᠮᠠᠭ ᠲᠤ ᠬᠠᠭᠠᠨ ᠣᠷᠣ ᠬᠤᠭᠤᠰᠣᠨ | ᠪᠣᠯᠪᠠ᠃ ᠲᠡᠭᠡᠭᠡᠳ ᠬᠦᠮᠦᠰ ᠦᠢᠮᠡᠭᠡᠨ ᠲᠦᠷᠪᠡᠭᠡᠨ ᠲᠡᠭᠳᠡᠭᠡᠵᠦ ᠡᠬᠢᠯᠡᠪᠡ᠃ ᠦᠵᠡᠳᠡᠯᠡ ᠰᠠᠮᠠᠭᠤᠷᠠᠬᠤ ᠭᠡᠵᠦ | ᠪᠠᠶᠢᠭᠠ ᠪᠣᠯᠬᠤᠷ ᠲᠣᠬᠠᠢ ᠶᠢᠨ ᠦᠶᠡ ᠶᠢᠨ ᠡᠮᠢᠷ · ᠪᠣᠷᠣᠯᠵᠢ · ᠲᠣᠬᠤᠷᠠᠭᠤᠳ — ᠵᠣᠬᠢᠶᠠᠭᠴᠢ ᠮᠢᠨᠦ ᠲᠡᠭᠡᠳᠦᠰ | — ᠰᠡᠳᠬᠢᠯ ᠰᠢᠭᠤᠳᠣᠨ ᠲᠡᠷᠡᠬᠦ ᠬᠠᠭᠠᠨ ᠬᠦᠪᠡᠭᠦᠨ ᠢ ᠡᠷᠢᠵᠦ ᠠᠪᠴᠢᠷᠠᠨ᠂ ᠣᠯᠣᠰ ᠭᠡᠷ ᠢ ᠠᠮᠣᠭᠤᠯᠬᠤ ᠪᠠᠷ | ᠪᠣᠯᠪᠠ᠃ ᠡᠶᠢᠮᠦ ᠠᠴᠠ ᠲᠡᠷᠡ ᠲᠠᠱᠲᠡᠮᠦᠷ ᠢ ᠲᠣᠮᠢᠯᠠᠨ ᠲᠣᠬᠠᠳᠠᠢ · ᠰᠢᠷᠸᠠᠯ ᠢ ᠡᠷᠢᠭᠦᠯᠵᠦ᠂ ᠮᠧᠩᠯᠢᠭ ᠬᠠᠳᠣᠨ ᠤ | ᠴᠢᠮᠡᠭᠡ ᠶᠢ ᠰᠣᠷᠠᠭᠯᠠᠨ᠂ ᠣᠨᠴᠠᠭᠠᠶᠢᠯᠠᠨ ᠲᠡᠭᠦᠨ ᠤ ᠲᠦᠷᠦᠭᠰᠡᠨ ᠬᠡᠣᠬᠡᠳ ᠤᠨ ᠰᠣᠷᠠᠭ ᠢ ᠬᠠᠶᠢᠯᠭᠠᠪᠠ᠃ ᠲᠡᠷᠡ | ᠲᠠᠱᠲᠡᠮᠦᠷ ᠲᠤ ᠳᠣᠰᠢᠶᠠᠭᠰᠠᠨ ᠨᠢ᠂ ᠬᠡᠷᠪᠡ ᠮᠧᠩᠯᠢᠭ ᠬᠠᠳᠣᠨ ᠠᠴᠠ ᠬᠦᠪᠡᠭᠦᠨ ᠲᠦᠷᠦᠭᠰᠡᠨ ᠪᠣᠯ ᠴᠢ ᠡᠨᠡᠬᠦ | ᠬᠦᠪᠡᠭᠦᠨ ᠢ ᠬᠤᠯᠠᠭᠠᠶᠢᠯᠠᠨ ᠠᠪᠴᠣ ᠲᠠᠭᠠᠭᠤᠯᠣᠨ ᠢᠷᠡᠳᠦᠭᠡᠢ ᠭᠡᠪᠡ᠃ ᠲᠠᠱᠲᠡᠮᠦᠷ ᠬᠡᠯᠡᠭᠰᠡᠨ ᠨᠢ ᠡᠨᠡ ᠪᠣᠯ ᠨᠢᠬᠡᠨ | ᠮᠠᠰᠢ ᠣᠳᠠᠭᠠᠨ ᠡᠳᠦᠷ ᠬᠡᠷᠡᠭᠳᠡᠢ ᠡᠭᠦᠷᠭᠡ ᠪᠣᠯᠣᠨᠠ᠃ ᠵᠠᠮ ᠭᠤᠳᠣᠰ ᠤᠨ ᠪᠡᠯᠡᠳᠭᠡᠯ ᠡᠷᠭᠡᠪᠰᠢ ᠭᠦᠢᠴᠡᠳ ᠪᠠᠶᠢᠬᠤ | ᠬᠡᠷᠡᠭᠳᠡᠢ ᠪᠣᠯᠬᠤᠷ᠂ ᠲᠠ ᠨᠠᠳᠠ ᠵᠢᠷᠭᠤᠭᠠᠨ ᠵᠠᠭᠤᠨ ᠢᠮᠠᠭᠠ ᠦᠭᠳᠦᠭᠡᠢ᠃ ᠪᠢᠳᠡ ᠣᠷᠢᠳᠠᠪᠡᠷ ᠲᠡᠭᠦᠨ ᠤ ᠰᠦ ᠶᠢ | ᠢᠳᠡᠵᠦ ᠵᠠᠮᠨᠠᠨ᠂ ᠬᠤᠵᠢᠮ ᠨᠢᠬᠡ ᠪᠠᠷ ᠠᠯᠠᠵᠣ ᠮᠢᠬᠠ ᠶᠢ ᠨᠢ ᠢᠳᠡᠵᠦ ᠪᠠᠶᠢᠮᠠᠨᠵᠢᠨ ᠡᠭᠦᠷᠭᠡ ᠪᠠᠨ ᠪᠡᠶᠡᠯᠡᠬᠦᠯᠬᠦ | ᠪᠣᠯᠣᠨᠠ︾ ᠭᠡᠵᠡᠢ᠃ ᠡᠮᠢᠷ · ᠪᠣᠷᠣᠯᠵᠢ ᠲᠡᠭᠦᠨ ᠤ ᠱᠠᠭᠠᠷᠳᠠᠯᠭᠠ ᠶᠢ ᠵᠦᠪᠰᠢᠶᠡᠷᠡᠨ ᠵᠠᠮ ᠭᠤᠳᠣᠰ ᠲᠤ ᠬᠡᠷᠡᠭᠳᠡᠢ | ᠪᠦᠬᠦ ᠶᠠᠭᠤᠮᠠ ᠶᠢ ᠪᠡᠯᠡᠳᠭᠡᠨ ᠦᠭᠴᠦ ᠲᠡᠭᠦᠨ ᠢ ᠮᠣᠷᠳᠠᠭᠤᠯᠪᠠ᠃ ᠲᠡᠷᠡ ᠮᠣᠩᠭᠤᠯᠰᠲ᠋ᠠᠨ ᠢᠶᠠᠷ ᠬᠦᠷᠴᠦ᠂ ᠮᠠᠰᠢ | ᠣᠳᠠᠭᠠᠨ ᠡᠳᠦᠷ ᠢᠶᠠᠷ ᠡᠷᠢᠵᠦ᠂ ᠲᠣᠬᠠᠳᠠᠢ · ᠰᠢᠷᠸᠠᠯ ᠤᠨ ᠲᠡᠷᠡ ᠪᠦᠯᠦᠭ ᠬᠦᠮᠦᠰ ᠢ ᠡᠷᠢᠵᠣ ᠣᠯᠬᠤ ᠦᠶᠡ ᠳᠤ | ᠲᠡᠭᠦᠨ ᠳᠤ ᠵᠦᠪᠬᠡᠨ ᠨᠢᠭᠡᠯᠡ ᠪᠣᠷᠣ ᠢᠮᠠᠭᠠ ᠦᠯᠡᠳᠡᠵᠦ ᠪᠠᠶᠢᠭᠰᠠᠨ ᠭᠡᠳᠡᠭ ᠶᠣᠮ᠃ ᠲᠡᠷᠡ ᠮᠧᠩᠯᠢᠭ ᠪᠣᠯᠣᠨ | ᠲᠡᠭᠦᠨ ᠤ ᠲᠦᠷᠦᠭᠰᠡᠨ ᠬᠡᠣᠬᠡᠳ ᠢ ᠰᠣᠷᠠᠭᠯᠠᠭᠰᠠᠨ ᠳᠤ ᠬᠦᠮᠦᠰ ᠲᠡᠭᠦᠨ ᠳᠤ ᠮᠧᠩᠯᠢᠭ ᠨᠢᠭᠡ ᠬᠦᠪᠡᠭᠦᠨ ᠲᠦᠷᠦᠵᠦ | ᠂ ᠬᠤᠵᠢᠮ ᠲᠣᠬᠠᠳᠠᠢ · ᠪᠣᠬᠠ ᠳᠤ ᠪᠠᠰᠠ ᠨᠢᠭᠡ ᠬᠦᠪᠡᠭᠦᠨ ᠲᠦᠷᠦᠵᠦ ᠦᠭᠴᠡᠢ᠃ ᠬᠠᠭᠠᠨ ᠤ ᠬᠦᠪᠡᠭᠦᠨ ᠤ ᠨᠡᠷᠡ | ᠲᠣᠬᠤᠯᠭᠠ ᠲᠡᠮᠦᠷ ᠭᠡᠵᠦ᠂ ᠲᠣᠬᠠᠳᠠᠢ ᠪᠣᠬᠠ ᠶᠢᠨ ᠬᠦᠡᠪᠡᠭᠦᠨ ᠤ ᠨᠡᠷᠡ ᠨᠢ ᠶᠢᠩᠵᠦ ᠮᠠᠯᠢᠭ① ᠭᠡᠳᠡᠭ ᠭᠡᠵᠦ | ᠬᠡᠯᠡᠵᠦ ᠦᠭᠭᠦᠪᠡ᠃ ᠲᠠᠱᠲᠡᠮᠦᠷ ᠡᠴᠦᠰ ᠲᠡᠭᠡᠨ ᠲᠣᠬᠤᠯᠭᠠ ᠲᠡᠮᠦᠷ ᠢ ᠭᠠᠷ ᠲᠠᠭᠠᠨ ᠣᠷᠣᠭᠤᠯᠵᠣ᠂ ᠶᠡᠬᠡᠯᠡ | ᠠᠮᠠᠷᠬᠠᠨ ᠢᠶᠠᠷ ᠲᠠᠭᠠᠭᠤᠯᠣᠨ ᠡᠮᠢᠷ · ᠪᠣᠷᠣᠯᠵᠢ ᠳᠤ ᠠᠪᠴᠢᠷᠠᠨ ᠲᠣᠰᠢᠶᠠᠪᠠ᠃ ᠪᠣᠷᠣᠯᠵᠢ ᠪᠣᠯ ᠠᠺᠰᠣ | ︵Aksu︶ ᠶᠢᠨ ᠬᠦᠮᠦᠨ ᠶᠣᠮ᠃ ᠴᠠᠭᠠᠳᠠᠢ ᠬᠠᠭᠠᠨ ᠦᠪᠡᠷ ᠤᠨ ᠨᠣᠳᠤᠭ ᠢᠶᠠᠨ ᠲᠣᠷᠣᠭᠰᠢ ᠬᠤᠪᠢᠳᠠᠬᠤ ᠦᠶᠡ | ᠳᠤ ᠮᠠᠩᠭᠠᠯᠠᠢ ᠰᠣᠶᠣᠬᠤ ︵Mangalai Soyah︶ ᠶᠢ ᠡᠮᠢᠷ ᠪᠣᠷᠣᠯᠵᠢ ᠶᠢᠨ ᠡᠪᠦᠭᠡ ᠣᠷᠳᠣᠪ ᠳᠤ ᠬᠤᠪᠢᠶᠠᠨ | ᠦᠭᠭᠦᠭᠰᠡᠨ ᠠᠵᠠᠢ᠃ ᠮᠠᠩᠭᠠᠯᠠᠢ ᠰᠣᠶᠣᠬᠤ ᠭᠡᠳᠡᠭ ᠨᠢ Aftab Ru ᠲᠠᠢ ᠠᠳᠠᠯᠢ ᠣᠳᠬᠠ ᠲᠠᠢ ᠦᠭᠡ ᠪᠣᠯᠣᠨᠠ | ᠃ ᠲᠠᠷᠣᠢ ᠨᠠᠷᠠᠨ ᠡᠭᠡᠪᠦᠷ ᠭᠠᠵᠠᠷ ᠭᠡᠳᠡᠭ ᠣᠳᠬᠠ ᠲᠠᠢ ᠦᠭᠡ ᠠᠵᠠᠢ᠃ ᠲᠡᠭᠦᠨ ᠤ ᠵᠡᠬᠦᠨ ᠵᠠᠬᠠ ᠨᠢ ᠺᠦ᠋ ᠰᠢᠶᠠᠨ | ︵Kusan︶ ᠲᠠᠷᠪᠦᠭᠠᠷ ︵Tarbugar ᠲᠠᠷᠣᠢ ᠣᠳᠣᠬᠢ ᠯᠦᠨ ᠲᠠᠢ︶ ᠬᠦᠷᠴᠦ᠂ ᠪᠠᠷᠠᠭᠤᠨ ᠵᠠᠬᠠ ᠨᠢ ᠰᠠᠮ | ︵Sam︶᠂ ᠭᠠᠽ ︵Gaz︶ ᠪᠣᠯᠣᠨ ᠵᠠᠺᠢᠱᠮᠠᠨ ︵Jakishman︶ ᠬᠦᠷᠴᠦ᠂ ᠡᠳᠡᠭᠡᠷ ᠭᠠᠵᠠᠷ ᠹᠢᠷᠭᠠᠨᠠ | ᠶᠢᠨ ᠬᠢᠯᠢ ᠲᠡᠭᠡᠷᠡ ᠪᠠᠶᠢᠳᠠᠭ ᠶᠣᠮ᠃ ᠣᠮᠠᠷᠠᠰᠢ ᠢᠰᠠᠶᠢᠺ ᠨᠠᠭᠤᠷ ᠬᠦᠷᠴᠦ᠂ ᠡᠮᠦᠨᠡᠰᠢ ᠵᠣᠷᠵᠠᠨ ︵Jorjan︶ | ᠪᠣᠯᠣᠨ ᠰᠠᠷᠢᠭ ᠣᠶᠢᠭᠤᠷ ︵Sarigh-Uigur︶ ᠬᠦᠷᠴᠦ ᠪᠠᠶᠢᠨᠠ᠃ ᠡᠨᠡᠬᠦ ᠨᠣᠳᠤᠭ ᠢ ᠪᠣᠯ ᠮᠠᠩᠭᠠᠯᠠᠢ | ᠰᠣᠶᠣᠬᠤ ᠭᠡᠵᠦ ᠡᠮᠢᠷ · ᠪᠣᠷᠣᠯᠵᠢ ᠳᠤ ᠬᠠᠷᠢᠶᠠᠯᠠᠭᠳᠠᠨᠠ᠃ ᠡᠨᠡ ᠡᠮᠢᠷ ᠢ ᠵᠠᠰᠠᠭ ᠪᠠᠷᠢᠵᠣ ᠪᠠᠶᠢᠭᠠ ᠦᠶᠡ ᠳᠤ ᠡᠨᠡ | ᠨᠣᠳᠤᠭ ᠢᠶᠠᠷ ᠮᠠᠰᠢ ᠣᠯᠠᠨ ᠶᠡᠭᠡ ᠶᠡᠭᠡ ᠬᠤᠳᠠ ᠪᠠᠯᠭᠠᠰᠣ ᠲᠠᠢ ᠪᠠᠶᠢᠵᠠᠢ᠃ ᠲᠡᠭᠦᠨ ᠤ ᠲᠣᠲᠣᠷᠠ ᠬᠠᠮᠤᠭ ᠶᠡᠭᠡ ᠨᠢ | ᠺᠠᠱᠭᠠᠷ᠂ ᠢᠥᠢ ᠲᠢᠶᠠᠨ᠂ ᠶᠠᠷᠺᠠᠨᠳ᠋ ︵ᠡᠷᠴᠢᠶᠠᠩ︶᠂ ᠺᠠᠰᠠᠢ︵Kasan︶᠂ ᠰᠢᠺᠧᠨ ︵Akhsikent︶᠂ | ᠠᠨᠳᠢᠵᠠᠨ᠂ ᠠᠺᠰᠣ᠂ ᠠᠲᠪᠠᠱ ᠪᠣᠯᠣᠨ ᠺᠦ᠋ ᠰᠢᠶᠠᠨ ᠵᠡᠷᠭᠡ ᠪᠠᠶᠢᠵᠠᠢ᠃ ᠡᠳᠡᠭᠡᠷ ᠬᠤᠳᠠ ᠶᠢᠨ ᠲᠣᠲᠣᠷᠠ ᠠᠴᠠ ᠡᠮᠢᠷ | ᠪᠣᠷᠣᠯᠵᠢ ᠠᠺᠰᠣ ᠶᠢ ᠰᠣᠩᠭᠤᠨ ᠦᠪᠡᠷ ᠤᠨ ᠣᠷᠳᠣᠳᠠ ᠰᠠᠭᠤᠭᠠ ᠭᠠᠵᠠᠷ ᠪᠣᠯᠭᠠᠵᠠᠢ᠃ ᠲᠠᠱᠲᠡᠮᠦᠷ ᠶᠠᠭ ᠰᠠᠶᠢᠬᠠᠨ | ᠠᠺᠰᠣ ᠬᠤᠳᠠ ᠳᠤ ᠲᠣᠬᠤᠯᠭᠠ ᠲᠡᠮᠦᠷ ᠢ ᠲᠠᠭᠠᠭᠤᠯᠣᠨ ᠠᠪᠴᠢᠷᠠᠵᠣ ᠡᠮᠢᠷ · ᠪᠣᠷᠣᠯᠵᠢ ᠳᠤ ᠳᠣᠰᠢᠶᠠᠨ ᠦᠭᠭᠦᠭᠰᠡᠨ | ᠶᠣᠮ᠃ ᠲᠠᠱᠲᠡᠮᠦᠷ ᠢᠷᠡᠬᠦ ᠦᠶᠡ ᠳᠤ ᠮᠦᠨ ᠲᠡᠷᠡ ᠪᠣᠷᠣ ᠢᠮᠠᠭᠠ ᠪᠠᠨ ᠲᠠᠭᠠᠭᠤᠯᠵᠣ ᠢᠷᠡᠵᠡᠢ᠃ ᠡᠶᠢᠮᠦ ᠠᠴᠠ | ᠬᠦᠮᠦᠰ ᠲᠡᠭᠦᠨ ᠳᠤ ︽ᠪᠣᠷᠣ ᠢᠮᠠᠭᠠᠳᠣ︾ ︵Kuk uchgu︶ ᠭᠡᠳᠡᠭ ᠬᠤᠴᠢ ᠦᠭᠴᠡᠢ᠃ ᠣᠳᠣ ᠪᠣᠯᠳᠠᠯᠠ | ᠲᠡᠭᠦᠨ ᠤ ᠪᠦᠬᠦ ᠬᠤᠶᠢᠴᠢᠰ ᠮᠦᠨ ᠡᠨᠡᠬᠦ ᠬᠤᠴᠢ ᠨᠡᠷᠡ ᠪᠠᠷ ᠲᠠᠭᠤᠳᠠᠭᠰᠠᠭᠠᠷ ᠶᠣᠮ᠃ | ᠲᠡᠳᠡ ᠠᠺᠰᠣ ᠣᠶᠢᠷᠠᠳᠣᠭᠠᠳ ᠪᠠᠶᠢᠳᠠᠯᠠ ᠨᠢᠭᠡ ᠰᠠᠯᠠᠭᠠ ᠠᠷᠠᠯᠵᠢᠶᠠᠨ ᠤ ᠠᠩᠬᠢ ᠣᠴᠠᠷᠠᠵᠣ ᠬᠠᠮᠳᠣ ᠶᠠᠪᠣᠵᠠᠢ᠃ | ᠲᠡᠳᠡ ᠨᠢᠭᠡᠨ ᠠᠭᠤᠯᠠᠨ ᠠᠮᠠ ᠶᠢ ᠦᠩᠭᠡᠷᠡᠬᠦ ᠦᠶᠡ ᠳᠤ ᠲᠣᠬᠤᠯᠭᠠ ᠲᠡᠮᠦᠷ ᠬᠠᠭᠠᠨ ᠮᠦᠰᠦᠨ ᠬᠦᠨᠳᠡᠢ ᠣᠷᠣᠭᠤ | ᠣᠨᠠᠴᠢᠬᠠᠪᠠ᠃ ᠲᠡᠭᠡᠭᠡᠳ ᠲᠠᠱᠲᠡᠮᠦᠷ ᠦᠨᠳᠦᠷ ᠲᠠᠭᠤ ᠪᠠᠷ ᠬᠠᠰᠬᠢᠷᠣᠨ ᠲᠣᠰᠠᠯᠠᠮᠵᠢ ᠬᠦᠰᠡᠭᠰᠡᠨ ᠪᠣᠯᠪᠠᠴᠣ | ᠠᠷᠠᠯᠵᠢᠶᠠᠨ ᠤ ᠠᠩᠬᠢ ᠴᠢᠨᠠᠭᠰᠢ ᠨᠡᠯᠢᠶᠡᠳ ᠬᠤᠯᠠᠳᠣᠭᠠᠳ ᠠᠭᠤᠯᠠᠨ ᠠᠮᠠ ᠶᠢ ᠦᠩᠭᠡᠷᠡᠨ ᠠᠮᠠᠷᠠᠬᠤ ᠭᠠᠵᠠᠷ ᠲᠠᠭᠠᠨ | ᠬᠦᠷᠴᠦ ᠪᠠᠭᠤᠳᠠᠯᠯᠠᠵᠣ ᠪᠠᠶᠢᠵᠠᠢ᠃ ᠡᠶᠢᠮᠦ ᠠᠴᠠ ᠬᠡᠨ ᠴᠦ ᠣᠯᠵᠣ ᠰᠣᠨᠣᠰᠣᠭᠰᠠᠨ ᠦᠭᠡᠢ᠃ ᠲᠠᠱᠲᠡᠮᠦᠷ ᠠᠷᠭᠠ | ᠦᠭᠡᠢ ᠠᠮᠠᠷᠠᠬᠤ ᠭᠠᠵᠠᠷ ᠬᠦᠷᠴᠦ ᠨᠢᠭᠡ ᠪᠧᠵᠢᠺ ᠭᠡᠳᠡᠭ ᠠᠷᠠᠯᠵᠢᠶᠠᠴᠢᠨ ᠤ ᠲᠡᠨᠳᠡ ᠣᠴᠢᠵᠣ᠂ ᠬᠡᠷᠡᠭ ᠣᠴᠢᠷ ᠢᠶᠠᠨ | ᠬᠡᠯᠡᠵᠦ ᠲᠣᠰᠠᠯᠠᠮᠵᠢ ᠬᠦᠰᠡᠭᠰᠡᠨ ᠳᠤ ᠲᠡᠷᠡᠬᠦ ᠠᠷᠠᠯᠵᠢᠶᠠᠴᠢᠨ ᠲᠠᠱᠲᠡᠮᠦᠷ ᠢ ᠲᠠᠭᠠᠵᠣ ᠬᠠᠭᠠᠨ ᠤ ᠮᠦᠰᠦᠨ ᠬᠦᠨᠳᠡᠢ | ᠳᠤ ᠣᠨᠠᠭᠰᠠᠨ ᠭᠠᠵᠠᠷ ᠢᠷᠡᠪᠡ᠃ ᠲᠡᠭᠡᠭᠡᠳ ᠪᠧᠵᠢᠺ ᠮᠦᠰᠦᠨ ᠬᠦᠨᠳᠡᠢ ᠳᠤ ᠲᠡᠭᠡᠰᠦ ᠪᠠᠷ ᠲᠠᠲᠠᠨ ᠪᠠᠭᠤᠵᠣ | ᠦᠵᠡᠭᠰᠡᠨ ᠳᠤ ᠬᠠᠭᠠᠨ ᠬᠠᠷᠢᠨ ᠰᠢᠷᠬᠠ ᠭᠡᠮᠳᠦᠯ ᠦᠭᠡᠢ ᠡᠷᠡᠭᠦᠯ ᠰᠠᠶᠢᠬᠠᠨ ᠪᠠᠶᠢᠵᠠᠢ᠃ ᠲᠡᠭᠡᠭᠡᠳ ᠲᠡᠷᠡ ᠬᠠᠭᠠᠨ | ᠲᠠᠢ ᠨᠦᠬᠦᠷᠰᠡᠭ ᠢᠶᠠᠷ ᠵᠦᠪᠳᠡᠯᠴᠡᠵᠦ᠂ ᠬᠠᠭᠠᠨ ᠳᠤ ᠣᠰᠣᠯ ᠬᠦᠯᠢᠶᠡᠨ ᠬᠡᠯᠡᠭᠰᠡᠨ ᠨᠢ᠄ ︽ᠬᠡᠷᠪᠡ ᠲᠠ ᠣᠷᠢᠳᠠᠪᠡᠷ | ᠭᠠᠷᠪᠠᠯ ᠲᠡᠳᠡᠨᠡᠷ ᠨᠡᠳᠡ ᠶᠢ ᠬᠠᠶᠠᠭᠠᠳ ᠮᠢᠨᠦ ᠡᠳ᠋ ᠪᠠᠷᠠᠭᠠ ᠶᠢ ᠠᠪᠣᠭᠠᠳ ᠶᠠᠪᠣᠴᠢᠬᠠᠨᠠ ᠰᠢᠥ᠃ ᠡᠶᠢᠮᠦ ᠠᠴᠠ | ᠬᠠᠰᠢᠯᠠ ᠪᠢ ᠣᠷᠢᠳᠠᠪᠡᠷ ᠭᠠᠷᠣᠶᠠ᠂ ᠲᠡᠭᠡᠭᠡᠳ ᠲᠠᠨ ᠢ ᠲᠠᠲᠠᠵᠣ ᠭᠠᠷᠭᠠᠶᠠ︾ ᠭᠡᠳ ᠪᠠᠰᠠ ᠮᠠᠰᠢ ᠣᠯᠠᠨ ᠣᠰᠣᠯ | ᠬᠦᠯᠢᠶᠡᠭᠰᠡᠨ ᠦᠭᠡ ᠬᠡᠯᠡᠭᠰᠡᠨ ᠳᠤ ᠬᠠᠭᠠᠨ ᠵᠦᠪᠰᠢᠶᠡᠷᠡᠪᠡ᠃ ᠲᠡᠭᠡᠭᠳ ᠳᠡᠳᠡ ᠰᠠᠶ᠋ᠢ ᠲᠡᠭᠡᠷᠡᠬᠢ ᠬᠦᠮᠦᠨ ᠢᠶᠠᠨ | ᠲᠠᠭᠤᠳᠠᠨ ᠲᠡᠷᠡ ᠣᠷᠢᠳᠠᠪᠡᠷ ᠭᠠᠷᠴᠠᠢ᠂ ᠲᠠᠷᠠᠭᠠ ᠨᠢ ᠲᠡᠭᠡᠰᠦ ᠪᠠᠨ ᠪᠠᠭᠤᠯᠭᠠᠨ ᠬᠠᠭᠠᠨ ᠢ ᠲᠠᠲᠠᠵᠣ ᠭᠠᠷᠭᠠᠪᠠ᠃ | ᠢᠩᠬᠢᠭᠡᠳ ᠲᠡᠳᠡ ᠬᠠᠮᠳᠣ ᠪᠠᠷ ᠠᠺᠰᠣ ᠳᠤ ᠬᠦᠷᠴᠡᠢ᠃ ᠡᠮᠢᠷ · ᠪᠣᠷᠣᠯᠵᠢ ᠢᠩᠬᠢᠵᠦ ᠲᠣᠭᠤᠯᠬᠠ ᠲᠡᠮᠦᠷ ᠢ ᠬᠠᠭᠠᠨ | ᠰᠠᠭᠤᠷᠢᠨ ᠳᠤ ᠰᠠᠭᠤᠯᠭᠠᠭᠰᠠᠨ ᠶᠣᠮ᠃ ᠬᠤᠵᠢᠮ ᠲᠣᠬᠤᠯᠭᠠ ᠲᠡᠮᠦᠷ ᠬᠠᠭᠠᠨ ᠵᠦᠪᠬᠡᠨ ᠮᠣᠩᠭᠤᠯᠰᠲ᠋ᠠᠨ ᠤ ᠪᠦᠬᠦ | ᠨᠣᠳᠤᠭ ᠢ ᠨᠣᠶᠠᠷᠬᠠᠭᠰᠠᠨ ᠪᠢᠰᠢ ᠪᠠᠰᠠ ᠴᠠᠭᠠᠳᠠᠢ ᠬᠠᠭᠠᠨᠳᠣ ᠣᠯᠣᠰ ᠤᠨ ᠶᠡᠬᠡᠩᠬᠢ ᠨᠣᠳᠤᠭ ᠢ ᠨᠣᠶᠠᠷᠬᠠᠬᠤ ᠪᠣᠯᠵᠠᠢ | ᠃ ᠡᠳᠡᠭᠡᠷ ᠬᠡᠷᠡᠭ ᠣᠴᠢᠷ ᠢ ᠲᠠᠷᠠᠭᠠ ᠪᠠᠷ ᠪᠠᠰᠠ ᠦᠬᠦᠯᠡᠬᠦ ᠪᠣᠯᠣᠨᠠ᠃ | ᠲᠣᠰ ᠪᠦᠯᠦᠭ ᠤᠨ ᠲᠠᠶᠢᠯᠪᠣᠷᠢ ① ᠡᠨᠡᠬᠦ ᠨᠡᠷᠡ ᠶᠢ ᠵᠠᠷᠢᠮ ᠨᠣᠮ ᠳᠤ᠂ ᠵᠢᠱᠢᠶᠡᠯᠡᠪᠡᠯ ᠠᠪᠣᠯ · ᠭᠠᠽᠢ ᠶᠢᠨ | ᠨᠣᠮ ᠳᠤ ᠲᠡᠮᠦᠷ ᠮᠠᠯᠢᠺ ᠭᠡᠵᠦ ᠪᠢᠴᠢᠵᠣ ᠪᠠᠶᠢᠨᠠ᠃ | | | ᠪᠡᠯᠡᠳᠬᠡᠭᠰᠡᠨ ᠨᠢ᠄ ᠡᠷᠳᠡᠨᠢᠬᠦᠦ | ᠨᠠᠶᠢᠷᠠᠭᠤᠯᠤᠭᠰᠠᠨ ᠨᠢ᠄ ᠨᠠᠮᠤᠷ | ᠬᠢᠨᠠᠭᠰᠠᠨ ᠨᠢ᠄ ᠤᠷᠢᠬᠠᠨ | | |