| ᠶᠢᠰᠦᠳᠦᠭᠡᠷ ᠪᠦᠯᠦᠭ | ᠵᠠᠯᠭᠠᠭᠠᠳ ᠡᠨᠡ ᠬᠤᠶᠠᠷ ᠸᠠᠩ ᠭᠥᠩ ᠺᠦᠨᠳᠦᠱ ᠲᠤ ᠢᠷᠡᠵᠦ ᠲᠡᠨᠳᠡᠬᠢ ᠪᠣᠯᠳᠠᠢ ︵Boldai︶① ᠠᠶᠢᠮᠠᠭ ᠠᠴᠠ | ᠨᠢᠭᠡ ᠰᠠᠯᠠᠭᠠ ᠴᠡᠷᠢᠭ ᠮᠣᠷᠢ ᠡᠯᠰᠡᠪᠡ᠃ ᠲᠡᠭᠡᠭᠡᠳ ᠪᠠᠳᠠᠺᠱᠠᠨ ᠵᠦᠭ ᠲᠤ ᠴᠡᠷᠢᠭᠯᠡᠪᠡ᠃ ᠲᠡᠳᠡ ᠲᠠᠯᠢᠬᠠᠨ② ᠳᠤ | ᠬᠦᠷᠦᠭᠡᠳ ᠲᠡᠳᠡ ᠬᠤᠶᠠᠭᠤᠯᠠ ᠪᠠᠳᠠᠺᠱᠠᠨ ᠤ ᠸᠠᠩ ᠭᠦᠩ ᠨᠡᠷ ᠲᠠᠢ ᠡᠪᠰᠡᠵᠦ᠂ ᠡᠮᠦᠨᠡᠬᠢ ᠠᠯᠢᠪᠠ ᠰᠡᠵᠢᠭᠯᠡᠯ | ᠬᠠᠷᠠᠳᠠᠯᠭᠠ ᠪᠠᠨ ᠪᠦᠷᠢᠮᠦᠰᠦᠨ ᠲᠠᠶᠢᠯᠠᠵᠣ᠂ ᠠᠷᠬᠠᠨ③ ᠵᠦᠭ ᠲᠤ ᠡᠷᠬᠢᠪᠡ᠃ ᠲᠡᠳᠡ ᠲᠡᠨᠳᠡ ᠠᠴᠠ ᠭᠤᠣᠯ | ᠭᠠᠲᠣᠯᠣᠨ᠂ ᠰᠠᠷᠢ ᠰᠠᠷᠠᠢ ᠪᠠᠷ ᠨᠦᠬᠦᠭᠡ ᠡᠷᠬᠢᠨ ᠳᠤ ᠭᠠᠷᠴᠣ᠂ ᠺᠠᠲᠯᠠᠨ ᠵᠦᠭ ᠲᠤ ᠴᠢᠭᠯᠡᠪᠡ᠃ ᠵᠠᠯᠭᠠᠭᠠᠳ ᠲᠡᠳᠡ | ᠡᠯᠡᠰᠦ ᠮᠠᠩᠬᠠ ᠶᠢ ᠲᠣᠭᠤᠯᠣᠨ ᠨᠢᠭᠡ ᠭᠦᠯᠠᠺ ︵Gulak︶ ᠭᠡᠳᠡᠭ ᠲᠣᠰᠬᠤᠨ ᠬᠦᠷᠴᠦ ᠴᠡᠷᠢᠭ ᠤᠨ ᠬᠦᠷᠢᠶᠡ | ᠪᠠᠭᠤᠵᠠᠢ᠃ ᠲᠡᠳᠡ ︽ᠦᠳᠡᠰᠢ ᠪᠣᠯ ᠪᠢᠳᠡᠨ ᠤ ᠠᠮᠠᠷᠠᠬᠤ ᠴᠠᠭ︾ ᠭᠡᠳᠡᠭ ᠡᠷᠳᠡᠨ ᠤ ᠦᠭᠡ ᠶᠢ ᠵᠢᠷᠣᠮᠯᠠᠨ | ᠣᠨᠳᠠᠵᠣ ᠠᠮᠠᠷᠠᠬᠤ ᠪᠠᠷ ᠪᠣᠯᠵᠠᠢ᠃ ᠡᠮᠢᠷ ᠲᠡᠮᠦᠷ ᠶᠠᠭ ᠰᠠᠶᠢᠬᠠᠨ ᠣᠨᠳᠠᠵᠣ ᠠᠮᠠᠷᠠᠬᠤ ᠪᠠᠷ ᠬᠤᠪᠴᠠᠰᠣ ᠲᠡᠪᠡᠯ ᠢᠶᠠᠨ | ᠲᠠᠶᠢᠴᠢᠨ᠂ ᠲᠡᠭᠦᠨ ᠤ ᠡᠷᠬᠢᠮ ᠬᠦᠯ ᠠᠴᠠ ᠭᠤᠳᠣᠯ ᠢᠶᠠᠨ ᠲᠠᠶᠢᠯᠠᠬᠤ ᠪᠠᠷ ᠪᠠᠶᠢᠳᠠᠯᠠ᠂ ᠡᠮᠢᠷ ᠬᠦᠮᠦᠨ ᠢᠷᠡᠭᠦᠯᠦᠨ | ᠲᠡᠭᠦᠨ ᠢ ᠵᠠᠯᠠᠭᠤᠯᠪᠠ᠃ ᠲᠡᠭᠦᠨ ᠢ ᠬᠤᠰᠢᠨ ᠤ ᠲᠡᠨᠳᠡ ᠬᠦᠷᠬᠦ ᠳᠤ ᠰᠠᠭᠤᠳᠠᠯ ᠳᠤ ᠪᠣᠯᠣᠳ · ᠪᠣᠬᠠ ᠪᠠ ᠰᠢᠷ · | ᠪᠠᠾᠷᠠᠮ ᠬᠤᠶᠠᠭᠤᠯᠠ ᠰᠠᠭᠤᠵᠣ ᠪᠠᠶᠢᠪᠠ᠃ ᠡᠮᠢᠷ ᠬᠤᠰᠢᠨ ᠡᠮᠢᠷ ᠲᠡᠮᠦᠷ ᠲᠤ ᠬᠠᠨᠳᠣᠵᠣ ᠰᠢᠷ · ᠪᠠᠾᠷᠠᠮ ᠳᠤ | ᠭᠤᠮᠣᠷᠬᠠᠵᠣ ᠦᠬᠦᠯᠡᠷᠦᠨ᠄ ︽ᠡᠳᠦᠬᠡ ᠪᠢᠳᠡ ᠲᠠᠶᠢᠰᠣᠨ ᠠᠴᠠ ᠨᠢᠭᠡᠨᠳᠡ ᠮᠠᠰᠢ ᠣᠶᠢᠷᠬᠠᠨ ᠢᠷᠡᠭᠰᠡᠨ ᠪᠠᠶᠢᠳᠠᠯᠠ | ᠡᠨᠡ ᠦᠶᠡ ᠪᠠᠷ ᠶᠠᠭᠠᠬᠢᠭᠰᠠᠨ ᠴᠦ ᠪᠢᠳᠡᠨ ᠠᠴᠠ ᠰᠠᠯᠵᠣ ᠶᠠᠪᠣᠬᠤ ᠦᠭᠡᠢ ᠪᠣᠯ ᠲᠠᠭᠠᠷᠠᠬᠤ ᠶᠣᠮᠰᠠᠨ᠃ ᠡᠨᠡ ᠴᠢᠨᠢ | ᠦᠨᠡᠨᠴᠢ ᠵᠢᠷᠣᠮ ᠦᠭᠡᠢ ᠬᠡᠷᠡᠭ ᠪᠢᠰᠢ ᠶᠠᠭᠤ ᠪᠣᠢ︖︾ ᠭᠡᠵᠦ ᠬᠡᠯᠡᠵᠦ ᠭᠠᠷᠣᠯᠠ᠃ ᠢᠩᠭᠢᠭᠡᠳ ᠡᠮᠢᠷ ᠲᠡᠮᠦᠷ ᠴᠦ | ᠴᠢᠳᠠᠯ ᠤᠨ ᠬᠢᠷᠢ ᠪᠠᠷ ᠲᠡᠭᠦᠨ ᠢ ᠢᠣᠬᠠᠵᠠᠢ᠃ ᠭᠡᠪᠡᠴᠦ ᠶᠠᠮᠠᠷ ᠲᠣᠰᠠ ᠪᠣᠯᠣᠭᠰᠠᠨ ᠦᠭᠡᠢ᠂ ᠰᠢᠷ · ᠪᠠᠾᠷᠠᠮ | ᠡᠴᠦᠰ ᠲᠡᠭᠡᠨ ᠬᠦᠳᠡᠯᠵᠦ ᠪᠢᠯᠵᠠᠸᠠᠨ ︵Biljawan︶④ ᠵᠦᠭ ᠶᠠᠪᠣᠵᠠᠢ᠃ | ᠶᠠᠭ ᠡᠨᠡ ᠦᠶᠡ ᠪᠠᠷ ᠲᠡᠳᠡ ᠪᠠᠳᠣᠳᠠᠢ ᠴᠢᠮᠡᠭᠡ ᠣᠯᠵᠣ᠂ ᠲᠣᠬᠤᠯᠬᠤ · ᠰᠦᠯᠳᠦᠰ ᠪᠣᠯᠣᠨ ᠺᠠᠶᠢᠺᠦᠰᠷᠡᠥ ᠴᠦ | ᠴᠡᠷᠢᠭ ᠢᠶᠠᠨ ᠲᠠᠶᠢᠴᠢᠯᠠᠨ ᠢᠷᠡᠵᠦ᠂ ᠪᠠᠰᠠ ᠲᠣᠩ ᠣᠯᠠᠨ ᠴᠠᠭᠠᠳᠠᠢ ᠶᠢᠨ ᠡᠮᠢᠷ ᠨᠡᠷ ᠴᠦ ᠬᠦᠷᠦᠯᠴᠡᠨ ᠢᠷᠡᠭᠡᠳ | ᠪᠠᠶᠢᠯᠳᠣᠬᠤ ᠪᠠᠷ ᠪᠡᠯᠡᠳᠭᠡᠵᠦ ᠪᠠᠶᠢᠵᠠᠢ᠃ ᠡᠭᠦᠨ ᠠᠴᠠ ᠭᠠᠳᠠᠨᠠ ᠵᠠᠯᠠ ᠪᠣᠯᠣᠨ ᠴᠢᠯᠠᠭᠤᠨ ᠬᠦᠬᠦᠷᠭᠡ ᠶᠢᠨ | ᠬᠤᠭᠤᠷᠣᠨᠳᠣ ᠲᠡᠳᠡ ᠪᠠᠰᠠ ᠲᠠᠪᠣᠨ ᠲᠦᠮᠡᠨ ᠬᠦᠮᠦᠨ ᠲᠠᠢ ᠶᠡᠭᠡ ᠴᠡᠷᠢᠭ ᠠᠩᠬᠢ ᠪᠠᠨ ᠴᠣᠭᠯᠠᠷᠠᠭᠤᠯᠣᠭᠠᠳ ᠪᠠᠶᠢᠪᠠ | ᠃ ᠲᠡᠭᠦᠨ ᠤ ᠵᠠᠩᠵᠣᠨ ᠨᠡᠷ ᠨᠢ ᠭᠡᠪᠡᠯ ᠪᠠᠪᠣᠬᠠᠨ ᠤ ᠬᠦᠪᠡᠭᠦᠨ ᠲᠡᠮᠦᠷ᠂ ᠰᠠᠷᠢᠾ᠂ ᠰᠦᠩᠬᠦᠮ᠂ ᠬᠠᠵᠢ · ᠪᠠᠬᠢ | ᠶᠢᠨ ᠲᠡᠭᠦᠥ ᠲᠣᠬᠤᠯᠬᠤ · ᠬᠤᠵᠠ᠂ ᠪᠠᠬᠢᠵᠢᠺ ᠤᠨ ᠬᠦᠪᠡᠭᠦᠨ ᠺᠦᠵᠢ · ᠲᠡᠮᠦᠷ ᠵᠢᠴᠢ ᠪᠠᠰᠠ ᠨᠡᠯᠢᠶᠡᠳ ᠣᠯᠠᠨ | ᠲᠦᠮᠡᠳᠦ ᠮᠢᠩᠭᠠᠳᠠᠨ ᠨᠡᠷ ᠪᠠᠶᠢᠯᠴᠠᠵᠠᠢ᠃ ᠭᠡᠶᠡ ᠲᠡᠳᠡᠨᠡᠷ ᠤᠨ ᠲᠣᠲᠣᠷᠠ ᠠᠴᠠ ᠵᠢᠷᠭᠤᠭᠠᠨ ᠮᠢᠩᠭᠠᠨ ᠬᠦᠮᠦᠨ ᠨᠢ | ᠣᠷᠭᠤᠵᠣ ᠭᠠᠷᠣᠭᠠᠳ ᠪᠠᠶᠢᠪᠠ᠃ ᠡᠮᠢᠷ ᠲᠡᠮᠦᠷ ᠠᠯᠯᠠᠾ ᠯᠠᠪ ᠪᠢᠳᠡᠨ ᠢ ᠲᠣᠰᠠᠯᠠᠨᠠ ᠭᠡᠳᠡᠭ ᠢᠳᠡᠭᠡᠯ ᠢᠶᠠᠨ | ᠴᠢᠩᠭᠠᠳᠬᠠᠵᠣ᠂ ᠺᠦᠷᠠᠨ ᠰᠣᠳᠣᠷ ᠠᠴᠠ ᠨᠢᠭᠡ ᠪᠠᠳᠠᠭ ᠣᠩᠰᠢᠨ ᠴᠡᠷᠢᠭ ᠤᠨ ᠰᠡᠳᠬᠢᠯ ᠢᠶᠠᠨ ᠠᠮᠣᠭᠤᠯᠪᠠ᠃ ᠲᠡᠷᠡ | ᠬᠡᠯᠡᠭᠰᠡᠨ ᠨᠢ᠄ ︽ᠴᠦᠬᠡᠨ ᠴᠡᠷᠢᠭ ᠲᠠᠢ ᠬᠦᠮᠦᠰ ᠠᠯᠯᠠᠾ ᠶᠢᠨ ᠠᠪᠣᠷᠠᠯ ᠳᠤ ᠰᠢᠳᠦᠨ ᠣᠯᠠᠨ ᠴᠡᠷᠢᠭ ᠲᠠᠢ | ᠲᠠᠶᠢᠰᠣᠨ ᠢ ᠢᠯᠠᠭᠰᠠᠨ ᠵᠢᠱᠢᠶᠡ ᠮᠣᠩ ᠦᠭᠡᠢ ᠣᠯᠠᠨ ᠪᠠᠶᠢᠭᠠ ᠶᠣᠮ︾ ᠭᠡᠵᠡᠢ᠃ ᠡᠨᠡᠬᠦ ᠪᠠᠳᠠᠭ ᠦᠭᠡ ᠪᠣᠯ | ᠲᠡᠭᠦᠨ ᠤ ᠴᠢᠬᠢᠨ ᠳᠤ ᠲᠡᠭᠷᠢ ᠪᠣᠷᠬᠠᠨ ᠠᠴᠠ ᠠᠬᠢᠨ ᠲᠠᠬᠢᠨ ᠬᠠᠩᠬᠢᠨᠠᠳᠠᠯᠠ ᠰᠣᠨᠣᠰᠬᠠᠵᠣ ᠪᠠᠶᠢᠭᠰᠠᠨ ᠦᠭᠡ ᠶᠣᠮ᠃ | | ᠰᠢᠯᠦᠭ᠄ | ᠬᠦᠬᠡ ᠲᠠᠯᠠᠢ ᠳᠤ ᠬᠦᠮᠪᠢᠷᠠ ᠮᠠᠲᠠᠷ ᠲᠣᠭᠰᠢᠷᠠᠨ᠂ | ᠬᠦᠬᠡᠮᠳᠦᠭ ᠠᠭᠤᠯᠠᠨᠠ ᠦᠯᠦᠨ ᠪᠠᠷᠰ ᠭᠠᠯᠵᠠᠭᠤᠷᠠᠪᠠᠴᠣ | ᠬᠦᠮᠦᠨ ᠤ ᠶᠢᠷᠲᠢᠨᠴᠦ ᠳᠤ ᠵᠠᠶᠠᠭᠠ ᠪᠣᠶᠠᠨ ᠬᠤᠣᠰᠯᠠᠪᠠᠰᠣ | ᠬᠦᠰᠡᠯ ᠪᠦᠬᠦᠨ ᠦᠯᠦ ᠪᠦᠳᠦᠨ ᠬᠡᠮᠡᠨ ᠪᠠᠶᠢᠮᠣᠢ ᠦᠦ ᠭᠡᠵᠡᠢ᠃ | ᠡᠮᠢᠷ ᠲᠡᠮᠦᠷ ᠬᠤᠶᠠᠷ ᠮᠢᠩᠭᠠᠬᠠᠨ ᠴᠡᠷᠢᠭ ᠪᠠᠭᠠᠳᠣᠷᠴᠣᠳ ᠢᠶᠠᠨ ᠲᠠᠭᠠᠭᠤᠯᠣᠨ ᠲᠠᠶᠢᠰᠣᠨ ᠲᠠᠢ ᠪᠠᠶᠢᠯᠳᠣᠷᠠ ᠭᠠᠷᠴᠠᠢ᠃ | ᠬᠤᠶᠠᠷ ᠲᠠᠯᠠ ᠶᠢᠨ ᠴᠡᠷᠢᠭ ᠵᠣᠯᠭᠠᠨ ᠲᠡᠭᠷᠢ ᠭᠡᠭᠡᠷᠡᠬᠦ ᠶᠢᠨ ᠦᠶᠡ ᠠᠴᠠ ᠡᠬᠢᠯᠡᠨ ᠪᠠᠶᠢᠯᠳᠣᠵᠣ᠂ ᠨᠠᠷᠠᠨ ᠳᠠᠰᠢᠳᠠᠯᠠ | ᠲᠣᠯᠣᠯᠳᠣᠵᠠᠢ᠃ ᠨᠢᠭᠡᠨ ᠡᠳᠦᠷ ᠲᠣᠵᠢ ᠰᠢᠷᠪᠦᠰᠦ ᠪᠠᠨ ᠰᠣᠨᠣᠳᠠᠯᠠ ᠪᠠᠶᠢᠯᠳᠣᠭᠰᠠᠨ ᠴᠡᠷᠢᠭ ᠪᠠᠭᠠᠳᠣᠷᠴᠣᠳ ᠣᠷᠣᠢ | ᠪᠣᠯᠬᠤ ᠶᠢᠨ ᠦᠶᠡᠰ ᠢᠶᠠᠷ ᠨᠢᠭᠡᠮᠦᠰᠦᠨ ᠶᠠᠲᠠᠷᠠᠵᠣ ᠲᠣᠶᠢᠯᠳᠣᠪᠠ᠃ ᠲᠡᠭᠡᠭᠡᠳ ᠬᠤᠶᠠᠷ ᠲᠠᠯᠠ ᠪᠠᠷ ᠢᠶᠠᠨ ᠴᠡᠷᠢᠭ | ᠢᠶᠠᠨ ᠬᠤᠷᠢᠶᠠᠵᠣ ᠠᠮᠠᠷᠠᠪᠠ᠃ ᠣᠨᠴᠠᠭᠠᠶᠢᠯᠠᠨ ᠲᠠᠶᠢᠰᠣᠨ ᠤ ᠲᠤᠭᠠ ᠬᠠᠷᠢᠴᠠᠯᠠᠰᠢ ᠦᠭᠡᠢ ᠣᠯᠠᠨ ᠪᠣᠯᠬᠤᠷ ᠲᠡᠮᠦᠷ | ᠤᠨ ᠴᠡᠷᠢᠭ ᠴᠦ ᠲᠣᠩ ᠵᠦᠳᠡᠷᠡᠵᠡᠢ᠃ | ᠡᠮᠢᠷ ᠲᠡᠮᠦᠷ ᠲᠣᠬᠠᠢ ᠶᠢᠨ ᠪᠠᠶᠢᠳᠠᠯ ᠢ ᠠᠵᠢᠵᠣ᠂ ᠵᠦᠪᠬᠡᠨ ᠪᠠᠭᠠᠳᠣᠷ ᠪᠠᠶᠢᠭᠠᠳ ᠠᠷᠭᠠ ᠣᠬᠠᠭᠠᠨ ᠬᠡᠷᠡᠭᠯᠯᠡᠬᠦ | ᠦᠭᠡᠢ ᠶᠣᠮ ᠪᠣᠯ ᠲᠣᠭᠠᠨ ᠤ ᠲᠠᠪᠠᠭᠤᠯᠢᠭ ᠲᠠᠢ ᠲᠠᠶᠢᠰᠣᠨ ᠢ ᠠᠷᠭᠠᠴᠠᠵᠣ ᠴᠢᠳᠠᠬᠤ ᠦᠭᠡᠢ ᠭᠡᠳᠡᠭ ᠢ ᠮᠡᠳᠡᠵᠦ᠂ | ᠲᠡᠭᠦᠨ ᠤ ᠲᠠᠷᠢᠬᠢᠨ ᠳᠤ ᠨᠢᠭᠡᠨᠳᠡ ᠨᠢᠭᠡᠨ ᠣᠷᠠᠨ ᠠᠷᠭᠠ ᠪᠠᠷ ᠲᠠᠶᠢᠰᠣᠨ ᠢᠶᠠᠨ ᠲᠠᠷᠣᠬᠤ ᠲᠦᠯᠦᠪᠯᠡᠭᠡ ᠪᠦᠷᠢᠳᠦᠪᠡ᠃ | | ᠲᠣᠰ ᠪᠦᠯᠦᠭ ᠤᠨ ᠲᠠᠶᠢᠯᠪᠣᠷᠢ | ① ᠲᠣᠰ ᠠᠶᠢᠮᠠᠭ ᠤᠨ ᠨᠡᠷᠡ ᠶᠢ ᠪᠣᠷᠣᠯᠳᠠᠢ ︵Buruldei︶ ᠭᠡᠵᠦ ᠬᠡᠯᠡᠬᠦ ᠴᠦ ᠶᠣᠮ ᠦᠦ ᠳ᠋ᠠ︖ ᠠᠯᠢ | ᠭᠠᠯᠢᠭᠴᠢᠯᠠᠭᠠ ᠨᠢ ᠴᠦ ᠲᠡᠶᠢᠮᠦ ᠵᠦᠪ ᠰᠠᠨᠠᠭᠳᠠᠭᠰᠠᠨ ᠦᠭᠡᠢ᠃ | ② ᠲᠠᠯᠢᠬᠠᠨ ︵Talikhan︶ ᠢ ᠪᠠᠰᠠ ᠲᠠᠯᠢᠺᠠᠨ ︵Talikan︶ ᠭᠡᠳᠡᠭ᠂ ᠬᠤᠷᠣᠽᠠᠨ ᠪᠠ ᠫᠧᠷᠰ ᠲᠤ ᠡᠶᠢᠮᠦ | ᠨᠡᠷᠡ ᠲᠠᠢ ᠭᠠᠵᠠᠷ ᠨᠡᠯᠢᠶᠡᠳ ᠪᠠᠶᠢᠭᠠ ᠶᠣᠮ᠃ ᠭᠡᠪᠡᠴᠦ ᠠᠳᠡ ᠬᠡᠯᠡᠵᠦ ᠪᠠᠶᠢᠭᠠ ᠲᠠᠯᠢᠬᠠᠨ ᠪᠣᠯ ᠺᠦᠨᠳᠦᠱ ᠤᠨ | ᠵᠡᠬᠦᠨᠳᠡᠢ ᠲᠦᠴᠢᠨ ᠲᠦᠷᠪᠡᠨ ᠮᠢᠯ ᠭᠠᠵᠠᠷ ᠲᠤ ᠪᠠᠶᠢᠨᠠ᠃ ᠺᠦᠳᠦᠯ ᠲᠠᠷᠣᠢ ᠺᠠᠲᠯᠠᠨ ᠠᠴᠠ ᠲᠣᠯᠣᠭᠠᠨ ᠦᠷᠳᠡᠭᠡ | ᠶᠢᠨ ᠵᠠᠢ᠂ ᠲᠠᠷᠣᠢ ᠬᠤᠷᠢᠨ ᠨᠠᠢᠮᠠᠨ ᠮᠢᠯ ᠳᠤ ᠪᠠᠶᠢᠳᠠᠭ ᠶᠣᠮ᠃ | ③ H · ᠶᠦᠯ ᠬᠡᠷᠬᠢᠮᠳᠡᠨ ᠤ ᠬᠡᠯᠡᠬᠦ ᠪᠠᠷ ᠠᠷᠬᠠᠨ ᠪᠣᠯ Arhang᠂ Arheng᠂ Arhend ᠭᠡᠵᠦ | ᠭᠠᠯᠢᠭᠴᠢᠯᠠᠨ ᠪᠢᠴᠢᠳᠡᠭ ᠨᠢᠭᠡ ᠨᠣᠳᠤᠭ ᠤᠨ ᠨᠡᠷᠡ ᠪᠣᠯᠣᠨᠠ᠃ ᠠᠷᠬᠠᠨ ᠨᠣᠳᠤᠭ ᠠᠮᠣᠳᠠᠷᠢᠶᠠ ᠮᠦᠷᠡᠨ ᠢ ᠠᠷᠣᠯᠠᠨ | ᠪᠠᠶᠢᠷᠢᠰᠢᠵᠣ ᠪᠠᠶᠢᠭᠠ ᠨᠢᠭᠡ ᠨᠣᠳᠤᠭ ᠶᠣᠮ᠃ ᠠᠳᠡ ᠠᠩᠬᠠᠷᠬᠤ ᠨᠢ ᠠᠮᠣᠲᠠᠷᠢᠶᠠ ᠮᠦᠷᠡᠨ ᠢ ᠭᠷᠢᠭ ᠬᠡᠯᠡᠨ ᠳᠤ | Oxus ᠭᠡᠳᠡᠭ ᠪᠣᠯᠬᠤᠷ ᠬᠢᠳᠠᠳ ᠰᠣᠷᠪᠣᠯᠵᠢ ᠳᠤ ᠦᠷᠬᠦᠯᠵᠢ ᠲᠡᠬᠦᠨ ᠢ ᠡᠣ ᠾᠣ᠋ ᠱᠦᠢ ᠭᠡᠳᠡᠭ ᠡᠰᠡᠬᠦᠯᠡ ᠪᠠᠰᠠ | ᠲᠣᠪᠴᠢᠯᠠᠭᠠᠳ ᠭᠦᠢ ᠱᠦᠢ ︵妫 guī 水︶ ᠭᠡᠳᠡᠭ ᠶᠣᠮ᠃ ᠠᠮᠣᠲᠠᠷᠢᠶᠠ ᠮᠦᠷᠡᠨ ᠪᠣᠯ ᠲᠣᠮᠳᠠᠳᠣ ᠠᠽᠢ | ᠳᠠᠭᠠᠨ ᠬᠠᠮᠤᠭ ᠲᠣᠮᠣ ᠮᠦᠷᠡᠨ ᠪᠣᠯᠣᠨᠠ᠂ ᠲᠣᠰ ᠭᠤᠣᠯ ᠠᠹᠭᠠᠨᠢᠰᠲ᠋ᠠᠨ ᠪᠠ ᠺᠠᠱᠮᠢᠷ ᠤᠨ ᠬᠤᠭᠤᠷᠣᠨᠳᠣᠬᠢ | ᠦᠨᠳᠦᠷ ᠠᠭᠤᠯᠠᠰ ᠠᠴᠠ ᠡᠬᠢᠯᠡᠭᠰᠡᠨ ᠸᠠᠬᠠᠨ ᠭᠤᠣᠯ ᠪᠠ ᠫᠠᠮᠢᠷ ᠭᠤᠣᠯ ᠠᠴᠠ ᠡᠬᠢ ᠲᠠᠢ ᠭᠤᠣᠯ ᠪᠣᠯᠣᠨᠠ᠃ | ᠠᠮᠣᠲᠠᠷᠢᠶᠠ ︵Amu Darya︶ ᠶᠢᠨ ᠨᠡᠷᠡ ᠶᠢᠨ ᠢᠷᠡᠯᠳᠡ ᠶᠢ ᠲᠣᠰ ᠭᠤᠣᠯ ᠢ ᠠᠷᠣᠯᠠᠨ ᠠᠮᠢᠳᠣᠷᠠᠵᠣ | ᠪᠠᠶᠢᠭᠰᠠᠨ ᠨᠣᠳᠤᠭ ᠤᠨ ᠢᠷᠭᠡᠳ ᠤᠨ ᠠᠶᠢᠮᠠᠭ ᠪᠦᠯᠦᠭ ᠤᠨ ᠨᠡᠷᠡ ᠠᠴᠠ ᠢᠷᠡᠯᠳᠡ ᠲᠠᠢ ᠶᠠᠷᠢᠶᠠ ᠪᠣᠢ᠃ ᠡᠨᠡᠬᠦ | ᠨᠣᠳᠤᠭ ᠤᠨ ᠢᠷᠭᠡᠳ ᠤᠨ ᠠᠶᠢᠮᠠᠭ ᠪᠦᠯᠦᠭ ᠨᠡᠷᠡ ᠨᠢ ᠠᠮᠠᠷᠳ᠋ ᠭᠡᠳᠡᠭ ᠪᠣᠯᠬᠤᠷ ᠠᠮᠠᠷᠳ᠋ ︵Amard︶ | ᠶᠢᠨAmu ᠶᠢᠨ ᠬᠤᠶᠢᠨᠠ ᠭᠤᠣᠯ ᠭᠡᠳᠡᠭ ᠣᠳᠬᠠ ᠲᠠᠢ Darya ᠭᠡᠳᠡᠭ ᠦᠭᠡ ᠶᠢ ᠵᠠᠯᠭᠠᠨ ᠡᠨᠡᠬᠦ ᠭᠤᠣᠯ ᠤᠨ | ᠨᠡᠷᠡ ᠪᠦᠳᠦᠯᠡ ᠭᠡᠯᠴᠡᠳᠡᠭ ᠶᠣᠮ᠃ | ④ ᠲᠠᠷᠣᠢ ᠣᠳᠣ ᠦᠶᠡ ᠶᠢᠨ ᠭᠠᠵᠠᠷ ᠤᠨ ᠵᠢᠷᠤᠭ ᠲᠠᠬᠢ Baljuan ᠭᠡᠳᠡᠭ ᠭᠠᠵᠠᠷ ᠪᠣᠯᠣᠨᠠ᠃ | | | ᠪᠡᠯᠡᠳᠬᠡᠭᠰᠡᠨ ᠨᠢ᠄ ᠡᠷᠳᠡᠨᠢᠬᠦᠦ | ᠨᠠᠶᠢᠷᠠᠭᠤᠯᠤᠭᠰᠠᠨ ᠨᠢ᠄ ᠨᠠᠮᠤᠷ | ᠬᠢᠨᠠᠭᠰᠠᠨ ᠨᠢ᠄ ᠤᠷᠢᠬᠠᠨ |