| ᠠᠷᠪᠠᠨ ᠭᠤᠷᠪᠠᠳᠣᠭᠠᠷ ᠪᠦᠯᠦᠭ | ᠮᠠᠸᠧᠢᠷᠠᠨᠨᠠᠷ ᠪᠣᠯᠣᠨ ᠲᠦᠷᠺᠰᠲ᠋ᠠᠨ ᠬᠤᠶᠠᠷ ᠣᠯᠣᠰ ᠤᠨ ᠪᠦᠬᠦᠶᠢᠯᠡ ᠬᠠᠷᠢᠶᠠᠳᠣ ᠣᠷᠣᠨ ᠨᠣᠳᠤᠭ ᠬᠠᠮᠳᠣᠪᠠᠷ | ᠴᠠᠭᠠᠳᠠᠢ ᠬᠦᠮᠦᠰ ᠤᠨ ᠲᠠᠷᠣᠯᠠᠯ ᠲᠣᠣᠷᠠ ᠠᠴᠠ ᠮᠣᠯᠳᠣᠷᠢᠬᠤ ᠦᠶᠡ ᠳᠤ ᠲᠡᠨᠳᠡᠬᠢ ᠲᠣᠯᠣᠭᠠᠶᠢᠯᠠᠭᠴᠢ ᠪᠠᠶᠢᠭᠰᠠᠨ | ᠸᠠᠩ ᠭᠦᠩ ᠪᠠ ᠠᠶᠢᠮᠠᠭ ᠪᠦᠯᠦᠭ ᠤᠨ ᠲᠦᠷᠦᠭᠦᠴᠣᠳ ᠪᠦᠷ ᠬᠡᠨ ᠠᠯᠢᠨ ᠳᠠᠭᠠᠨ ᠵᠠᠬᠢᠷᠣᠭᠳᠠᠬᠤ ᠲᠣᠷᠠ ᠦᠭᠡᠢ | ᠪᠠᠶᠢᠵᠣ᠂ ᠪᠦᠷ ᠦᠪᠡᠷ ᠤᠨ ᠬᠦᠮᠦᠨ ᠣᠯᠠᠨ ᠲᠠᠭᠠᠨ ᠡᠷᠡᠮᠰᠢᠵᠦ ᠦᠪᠡᠷ ᠢᠶᠠᠨ ᠲᠣᠰᠭᠠᠷ ᠲᠣᠭᠳᠠᠨᠢᠬᠤ ᠪᠠᠷ | ᠴᠢᠷᠮᠠᠶᠢᠵᠣ ᠪᠠᠶᠢᠯᠠ᠃ ᠬᠡᠷᠡᠭ ᠣᠴᠢᠷ ᠮᠠᠰᠢ ᠲᠣᠲᠣᠷᠬᠠᠢ ᠪᠣᠯᠵᠠᠢ᠃ ᠠᠷᠠᠳ ᠢᠷᠭᠡᠳ ᠲᠤ ᠬᠡᠷᠪᠡ ᠨᠢᠭᠡᠨ | ᠲᠣᠯᠣᠭᠠᠶᠢᠯᠠᠭᠴᠢ ᠬᠦᠮᠦᠨ ᠦᠭᠡᠢ ᠪᠣᠯ ᠰᠠᠮᠠᠭᠤᠷᠠᠯ ᠲᠦᠷᠪᠡᠭᠡᠨ ᠡᠭᠦᠰᠴᠦ᠂ ᠡᠴᠦᠰ ᠲᠡᠭᠡᠨ ᠪᠣᠰᠣᠳ ᠲᠤ | ᠢᠳᠡᠭᠳᠡᠬᠦ ᠨᠢ ᠯᠠᠪ ᠶᠣᠮ᠃ ᠣᠯᠣᠰ ᠭᠡᠷ ᠲᠤ ᠬᠠᠭᠠᠨ ᠡᠵᠡᠨ ᠦᠭᠡᠢ᠂ ᠬᠠᠣᠯᠢ ᠴᠠᠭᠠᠵᠠ ᠪᠠᠶᠢᠬᠤ ᠦᠭᠡᠢ ᠪᠣᠯ | ᠲᠡᠭᠷᠢ ᠶᠢᠨ ᠲᠣᠣᠷᠠᠬᠢᠨ ᠶᠡᠬᠡᠪᠡᠷ ᠰᠠᠮᠠᠭᠤᠷᠠᠬᠤ ᠪᠣᠯᠣᠨᠠ᠃ ᠡᠷᠳᠡᠨ ᠤ ᠦᠭᠡᠨ ᠳᠤ ᠬᠡᠯᠡᠭᠰᠡᠨ ᠨᠢ ︽ᠣᠯᠣᠰ ᠲᠤ | ᠬᠠᠭᠠᠨ ᠦᠭᠡᠢ ᠪᠣᠯ᠂ ᠪᠡᠶᠡ ᠳᠤ ᠲᠣᠯᠣᠭᠠᠢ ᠦᠭᠡᠢ ᠮᠡᠳᠦ︾ ᠬᠡᠮᠡᠵᠡᠢ᠃ | ᠡᠶᠢᠮᠦ ᠪᠠᠶᠢᠳᠠᠯ ᠲᠣᠣᠷᠠ ᠡᠮᠢᠷ ᠬᠤᠰᠢᠨ ᠪᠠ ᠡᠮᠢᠷ ᠲᠡᠮᠦᠷ ᠬᠠᠮᠳᠣᠪᠠᠷ ᠶᠡᠭᠡ ᠬᠡᠷᠡᠭ ᠢ ᠵᠦᠪᠳᠡᠯᠴᠡᠨ᠂ ᠴᠠᠭᠠᠳᠠᠢ | ᠬᠠᠭᠠᠳ ᠤᠨ ᠬᠤᠶᠢᠴᠢᠰ ᠠᠴᠠ ᠨᠢᠭᠡᠨ ᠬᠠᠭᠠᠨ ᠰᠣᠩᠭᠤᠵᠣ ᠭᠠᠷᠭᠠᠬᠤ ᠪᠠᠷ ᠲᠣᠭᠳᠠᠵᠠᠢ᠃ ᠡᠨᠡᠬᠦ ᠲᠦᠯᠦᠪᠯᠡᠭᠡ ᠪᠠᠨ | ᠪᠡᠶᠡᠯᠡᠬᠦᠯᠬᠦ ᠪᠠᠷ ᠲᠡᠳᠡ ᠾᠢᠵᠢᠷ ᠲᠣᠭᠠᠯᠠᠯ ᠤᠨ764 ᠣᠨ ︵ᠨᠡᠶᠢᠳᠡ ᠶᠢᠨ ᠲᠣᠭᠠᠯᠠᠯ ᠤᠨ1363 —1364 | ᠣᠨ︶ ᠳᠤ ᠡᠯᠡ ᠠᠶᠢᠮᠠᠭ ᠪᠦᠯᠦᠭ ᠤᠨ ᠸᠠᠩ ᠭᠦᠩ᠂ ᠲᠡᠷᠢᠭᠦᠯᠡᠭᠴᠢ ᠬᠦᠮᠦᠰ ᠣᠷᠣᠯᠴᠠᠭᠰᠠᠨ ᠶᠡᠭᠡ ᠬᠤᠷᠠᠯᠳᠠᠢ | ᠬᠢᠵᠦ᠂ ᠣᠯᠣᠰ ᠭᠡᠷ ᠤᠨ ᠶᠡᠭᠡ ᠬᠡᠷᠡᠭ ᠢ ᠬᠠᠮᠳᠣᠪᠠᠷ ᠵᠦᠪᠯᠡᠨ ᠲᠣᠭᠳᠠᠭᠰᠠᠨ ᠨᠢ᠂ ᠬᠠᠪᠢᠯ · ᠱᠠᠾ · ᠣᠾᠯᠠᠨ ᠢ | ᠬᠠᠭᠠᠨ ᠪᠣᠯᠭᠠᠬᠤ ᠪᠠᠷ ᠲᠣᠭᠳᠠᠵᠠᠢ᠃ ᠬᠠᠪᠢᠯ · ᠱᠠᠾ ᠪᠣᠯ ᠲᠣᠷᠵᠢ ᠶᠢᠨ ᠬᠦᠪᠡᠭᠦᠨ ᠡᠯᠵᠢᠬᠢᠳᠡᠢ ᠶᠢᠨ ᠣᠮᠪᠣᠯ ︵ | ᠣᠴᠢ︶ ᠪᠣᠯᠣᠨᠠ᠃ ᠲᠠᠷᠣᠢ ᠳ᠋ᠦᠸᠠ ᠬᠠᠭᠠᠨ ᠤ ᠲᠣᠮᠪᠣᠯ ︵ᠵᠢᠴᠢ︶ ᠬᠦᠪᠡᠭᠦᠨ ᠶᠣᠮ᠃ ᠣᠣᠯ ᠳᠠᠭᠠᠨ ᠲᠡᠷᠡ | ᠬᠠᠭᠠᠨ ᠣᠷᠳᠣᠨ ᠤ ᠶᠣᠰᠣ ᠵᠢᠷᠣᠮ ᠤᠨ ᠣᠯᠠᠨ ᠠᠷᠪᠢᠨ ᠳᠤ ᠨᠢᠭᠡᠮᠦᠰᠦᠨ ᠬᠠᠰᠢᠷᠠᠵᠣ᠂ ᠲᠣᠭᠤᠰᠣᠳᠣ ᠶᠢᠷᠲᠢᠨᠴᠦ | ᠶᠢᠨ ᠵᠢᠷᠭᠠᠯ ᠴᠡᠩᠬᠡᠯ ᠢ ᠣᠭᠤᠷᠴᠣ᠂ ᠶᠠᠳᠠᠭᠤ ᠬᠤᠭᠤᠰᠣᠨ ᠠᠮᠢᠳᠣᠷᠠᠯ ᠬᠢᠵᠠᠢ᠃ ᠡᠶᠢᠮᠦ ᠠᠴᠠ ᠲᠡᠬᠦᠨ ᠤ ᠲᠡᠪᠡᠯ | ᠬᠤᠪᠴᠠᠰᠣ ᠶᠠᠭ ᠯᠠ ᠨᠢᠭᠡ ᠳ᠋ᠧᠷᠸᠢᠱ ᠮᠡᠳᠦ ᠪᠠᠶᠢᠯᠠ᠃ ᠡᠨᠡ ᠦᠶᠡ ᠪᠠᠷ ᠲᠡᠳᠡ ᠲᠡᠭᠦᠨ ᠤ ᠳ᠋ᠧᠷᠸᠢᠱ ᠶᠢᠨ | ᠬᠤᠪᠴᠠᠰᠣ ᠶᠢ ᠲᠠᠶᠢᠯᠣᠨ ᠠᠪᠴᠣ᠂ ᠲᠡᠭᠦᠨ ᠳᠤ ᠡᠷᠬᠢᠮᠰᠦᠭ ᠭᠡᠭᠡᠨᠴᠢᠷ ᠬᠠᠭᠠᠨ ᠬᠤᠪᠴᠠᠰᠣ ᠶᠢ ᠲᠡᠭᠦᠨ ᠤ ᠡᠷᠬᠢᠮ | ᠲᠡᠭᠡᠳᠦ ᠪᠡᠶᠡ ᠳᠤ ᠡᠮᠦᠰᠭᠡᠨ ᠠᠪᠴᠢᠷᠠᠪᠠ᠃ | ᠰᠢᠯᠦᠭ᠄ ᠣᠷᠳᠣᠨ ᠲᠦᠭᠦᠷᠡᠳᠡᠯᠡ ᠦᠪᠡᠳᠡᠭᠰᠢ ᠬᠤᠷᠢᠮ ᠲᠠᠯᠪᠢᠭᠳᠠᠨ | ᠣᠭᠤᠷᠴᠠᠭ ᠬᠤᠪᠴᠠᠰᠣ ᠡᠷᠬᠢᠮ ᠤᠨ ᠲᠣᠶᠢᠯ ᠢᠶᠠᠷ ᠰᠣᠯᠢᠭᠳᠠᠷᠣᠨ | ᠣᠷᠴᠢᠯᠠᠩ ᠢ ᠡᠯᠡᠭᠡᠳᠡᠯᠡ ᠣᠯᠬᠤ ᠪᠠᠷ ᠭᠤᠷᠢᠳᠠᠬᠤ ᠡᠷᠳᠡᠨᠢ ᠶᠢ | ᠣᠨᠴᠠᠭᠠᠢ ᠪᠡᠯᠡᠭ ᠢᠶᠠᠷ ᠠᠭᠤᠯᠠ ᠪᠣᠰᠳᠠᠯᠠ ᠬᠦᠷᠭᠡᠪᠡᠢ᠃ | ᠲᠡᠳᠡᠨᠡᠷ ᠬᠠᠪᠢᠯ · ᠱᠠᠾ · ᠣᠾᠯᠠᠨ ᠢ ᠬᠠᠭᠠᠨ ᠰᠠᠭᠤᠳᠠᠯ ᠳᠤ ᠮᠠᠰᠢ ᠰᠢᠯᠣᠭᠤᠨ ᠢᠶᠠᠷ ᠭᠠᠷᠭᠠᠵᠣ ᠠᠮᠵᠢᠪᠠ᠃ | ᠲᠦᠷᠺ ᠰᠣᠯᠲ᠋ᠠᠨ ᠤ ᠵᠣᠷᠰᠢᠯ ᠶᠣᠰᠣᠭᠠᠷ ᠲᠡᠷᠡ ᠬᠠᠭᠠᠨ ᠤ ᠬᠤᠨᠳᠠᠭᠠ ᠶᠢ ᠳᠣᠰᠣᠨ ᠠᠪᠣᠪᠠ᠃ | ᠬᠠᠨᠳᠣᠭᠰᠠᠨ ᠵᠦᠭ ᠲᠠᠶᠢᠰᠣᠨ ᠦᠭᠡᠢ ᠡᠷᠬᠡᠳᠦ ᠳᠦᠰᠢᠮᠡᠳ | ᠬᠠᠷᠠᠴᠣ ᠠᠷᠠᠳ ᠢ ᠬᠠᠷᠠᠵᠣ ᠦᠵᠡᠬᠦ ᠦᠭᠡᠢ ᠸᠠᠩ ᠤᠨ ᠬᠦᠪᠡᠭᠦᠳ | ᠬᠠᠭᠠᠨ ᠰᠠᠭᠤᠷᠢᠨ ᠤ ᠡᠮᠦᠨᠡ ᠬᠦᠰᠡᠷ ᠲᠦᠭᠦᠷᠡᠳᠡᠯᠡ ᠰᠦᠬᠦᠷᠡᠵᠦ | ᠬᠠᠭᠠᠨ ᠲᠡᠭᠡᠳᠦᠰ ᠮᠢᠨᠢ ᠲᠦᠮᠡᠨ ᠨᠠᠰᠣᠯᠠ︕ ᠭᠡᠵᠦ ᠬᠠᠰᠬᠢᠷᠣᠯᠠ᠃ | ᠡᠮᠢᠷ ᠬᠠᠶᠢᠳᠠᠷ ᠠᠨᠳᠠᠬᠤᠢ ᠶᠢᠨ ᠬᠦᠮᠦᠨ ᠢ ᠵᠠᠨᠳᠠ · ᠬᠠᠱᠧᠮ ᠳᠤ ᠲᠣᠰᠢᠶᠠᠨ ᠦᠭᠭᠦᠪᠡ᠃ ᠲᠡᠳᠡ ᠲᠡᠷᠡ ᠰᠦᠨᠢ | ᠳᠡᠭᠡᠨ ᠲᠡᠭᠦᠨ ᠢ ᠴᠠᠪᠴᠢᠨ ᠠᠯᠠᠭᠰᠠᠨ ᠶᠣᠮ᠃ | ᠡᠨᠡᠬᠦ ᠣᠷᠣᠨ ᠨᠣᠳᠤᠭ ᠲᠠᠬᠢᠨᠳᠠ ᠡᠮᠢᠷ ᠲᠡᠮᠦᠷ ᠤᠨ ᠵᠠᠬᠢᠷᠣᠯ ᠳᠤ ᠣᠷᠣᠭᠰᠠᠨ ᠤ ᠲᠠᠷᠠᠭᠠ᠂ ᠲᠡᠷᠡ ᠦᠪᠡᠷ ᠤᠨ | ᠬᠢᠵᠠᠭᠠᠯᠠᠰᠢ ᠦᠭᠡᠢ ᠦᠭᠯᠢᠭᠴᠢ ᠦᠭᠬᠢᠶᠡᠮᠦᠷ ᠢᠶᠠᠨ ᠬᠠᠷᠠᠭᠤᠯᠵᠣ᠂ ᠦᠪᠡᠷ ᠤᠨ ᠲᠣᠭᠤᠭᠠᠴᠢ ᠪᠠᠨ ᠵᠠᠷᠯᠢᠭᠳᠠᠨ | ᠦᠪᠡᠳᠡᠭᠰᠢ ᠶᠡᠭᠡ ᠬᠤᠷᠢᠮ ᠪᠠᠵᠠᠭᠠᠨ ᠡᠮᠢᠷ ᠬᠤᠰᠢᠨ ᠢ ᠵᠣᠴᠢᠯᠠᠪᠠ᠃ ᠡᠮᠢᠷ ᠲᠡᠮᠦᠷ ᠦᠪᠡᠷ ᠤᠨ ᠭᠠᠷ ᠲᠣᠣᠷᠠᠬᠢ | ᠬᠦᠮᠦᠰ ᠲᠡᠭᠡᠨ ᠮᠠᠰᠢ ᠠᠭᠤᠳᠠᠮᠴᠢ ᠪᠦᠭᠡᠳ ᠦᠭᠯᠦᠭᠴᠢ ᠶᠣᠮ᠃ ᠬᠦᠮᠦᠨ ᠪᠦᠬᠦᠨ ᠳᠤ ᠣᠨᠴᠠ ᠬᠠᠷᠠᠭᠠᠯᠵᠠᠯ | ᠬᠦᠷᠳᠡᠭᠡᠵᠦ ᠪᠠᠶᠢᠳᠠᠭ ᠠᠳᠠᠯᠢ ᠪᠠᠷ ᠡᠮᠢᠷ ᠬᠤᠰᠢᠨ ᠳᠤ ᠴᠦ ᠲᠣᠩ ᠬᠦᠨᠳᠦ ᠵᠣᠵᠠᠭᠠᠨ ᠪᠡᠯᠡᠭ ᠬᠦᠷᠭᠡᠵᠡᠢ᠃ | ᠡᠮᠢᠷ ᠬᠠᠶᠢᠳᠠᠷ ᠤᠨ ᠡᠴᠢᠭᠡ ᠨᠢ ᠡᠮᠢᠷ ᠲᠡᠮᠦᠷ ᠲᠠᠢ ᠡᠷᠳᠡᠨ ᠠᠴᠠ ᠪᠠᠨ ᠨᠠᠶᠢᠷᠳᠠᠢ ᠪᠠᠶᠢᠭᠰᠠᠨ ᠲᠣᠯᠠᠳᠠ ᠲᠡᠭᠦᠨ ᠢ | ᠬᠤᠷᠢᠮ ᠳᠠᠭᠠᠨ ᠣᠷᠢᠨ ᠰᠠᠭᠤᠯᠭᠠᠪᠠ᠃ ᠡᠮᠢᠷ ᠲᠡᠮᠦᠷ ᠤᠨ ᠮᠡᠷᠭᠡᠨ ᠣᠬᠠᠭᠠᠨ ᠰᠣᠳᠣ ᠪᠣᠳᠣᠯᠭᠠ ᠨᠢ ᠲᠡᠭᠦᠨ ᠤ | ᠳᠣᠷᠰᠢᠯᠭᠠ ᠶᠢᠨ ᠨᠡᠮᠡᠭᠳᠡᠬᠦ ᠶᠢ ᠲᠠᠭᠠᠯᠳᠣᠨ ᠨᠡᠩᠳᠡ ᠦᠩᠭᠡ ᠬᠢᠯᠪᠠᠭᠠ ᠲᠠᠢ ᠪᠣᠯᠵᠣ ᠭᠡᠷᠡᠯᠳᠦᠨ ᠮᠡᠨᠳᠣᠵᠠᠢ᠃ ᠡᠮᠢᠷ | ᠲᠡᠮᠦᠷ ᠡᠮᠢᠷ ᠬᠤᠰᠢᠨ ᠪᠣᠯᠣᠨ ᠡᠮᠢᠷ ᠬᠠᠶᠢᠳᠠᠷ ᠲᠠᠢ ᠵᠦᠪᠯᠡᠨ ᠡᠮᠢᠷ ᠬᠠᠮᠢᠳ᠋ ᠪᠠ ᠢᠰᠺᠠᠨᠳᠠᠷ ᠣᠾᠯᠠᠨ ᠢ ᠲᠠᠯᠪᠢᠬᠤ | ᠡᠰᠡᠬᠦ ᠲᠣᠬᠠᠢ ᠶᠠᠷᠢᠯᠴᠠᠪᠠ᠃ ᠡᠮᠢᠷ ᠬᠤᠰᠢᠨ ᠬᠡᠳᠦᠶᠢᠪᠡᠷ ᠲᠣᠷᠠ ᠦᠭᠡᠢ ᠪᠠᠶᠢᠭᠰᠠᠨ ᠪᠣᠯᠪᠠᠴᠣ ᠡᠮᠢᠷ ᠲᠡᠮᠦᠷ ᠤᠨ | ᠰᠠᠨᠠᠭᠠ ᠶᠢ ᠠᠶᠠᠯᠳᠣᠨ᠂ ᠡᠨᠡᠬᠦ ᠸᠠᠩ ᠤᠨ ᠰᠠᠨᠠᠯ ᠢ ᠡᠰᠡᠷᠭᠦᠴᠡᠭᠰᠡᠨ ᠦᠭᠡᠢ ᠡᠨᠡ ᠬᠤᠶᠠᠭᠤᠯᠠ ᠶᠢ ᠲᠠᠯᠪᠢᠬᠤ ᠪᠠᠷ | ᠵᠦᠪᠰᠢᠶᠡᠷᠡᠪᠡ᠃ | ᠡᠮᠢᠷ ᠬᠤᠰᠢᠨ ᠬᠠᠯᠳᠣ ᠦᠪᠡᠷ ᠤᠨ ᠨᠣᠳᠤᠭ ᠰᠠᠷᠢ ᠰᠠᠷᠠᠢ ᠳᠠᠭᠠᠨ ᠬᠦᠷᠳᠡᠯᠡ᠂ ᠡᠮᠢᠷ ᠲᠡᠮᠦᠷ ᠲᠡᠷᠡ ᠲᠣᠣᠷᠠ ᠨᠢ | ᠡᠮᠢᠷ ᠳ᠋ᠠᠬᠠᠳ᠋ ᠪᠠ ᠡᠮᠢᠷ ᠰᠠᠶᠢᠹᠳᠢᠨ ᠢ ᠵᠠᠷᠯᠢᠭᠳᠠᠨ ᠡᠨᠡ ᠬᠤᠶᠠᠷ ᠣᠯᠵᠠᠯᠠᠭᠰᠠᠳ ᠢ ᠶᠣᠰᠣᠯᠠᠯ ᠬᠦᠨᠳᠦ ᠲᠠᠢ ᠪᠠᠷ | ᠲᠠᠭᠠᠭᠤᠯᠣᠨ ᠠᠪᠴᠢᠷᠠᠳᠣᠭᠠᠢ ᠬᠡᠮᠡᠨ ᠶᠠᠪᠣᠭᠤᠯᠪᠠ᠃ ᠭᠡᠪᠡᠴᠦ ᠢᠰᠺᠠᠨᠳᠠᠷ ᠣᠾᠯᠠᠨ ᠪᠠ ᠬᠠᠮᠢᠳ᠋ ᠬᠤᠶᠠᠭᠤᠯᠠ ᠶᠢ | ᠬᠤᠷᠢᠨ ᠰᠠᠬᠢᠵᠣ ᠪᠠᠶᠢᠭᠰᠠᠨ ᠬᠦᠮᠦᠰ ᠬᠤᠶᠠᠷ ᠡᠮᠢᠷ ᠤᠨ ᠢᠷᠡᠬᠦ ᠶᠢ ᠦᠵᠡᠭᠡᠳ ᠯᠠᠪ ᠲᠡᠳᠡ ᠬᠤᠶᠠᠭᠤᠯᠠ ᠶᠢ | ᠠᠯᠠᠬᠤ ᠪᠠᠷ ᠢᠷᠡᠭᠰᠡᠨ ᠬᠦᠮᠦᠰ ᠭᠡᠵᠦ ᠪᠣᠳᠣᠭᠠᠳ ᠶᠠᠭᠠᠷᠠᠣ ᠰᠠᠨᠳᠣᠷᠠᠣ ᠪᠠᠷ ᠡᠮᠢᠷ ᠬᠠᠮᠢᠳ᠋ ᠢ ᠠᠯᠠᠴᠢᠬᠠᠪᠠ᠃ | ᠲᠡᠳᠡᠨ ᠤ ᠨᠢᠭᠡ ᠬᠦᠮᠦᠨ ᠨᠢ ᠲᠣᠮᠣ ᠰᠢᠳᠠᠮ ᠢᠶᠠᠷ ᠬᠠᠮᠢᠳ᠋ ᠢ ᠨᠢᠭᠡ ᠲᠡᠯᠡᠳᠦᠨ ᠠᠮᠵᠢᠳᠠᠯᠠ ᠨᠦᠬᠦᠭᠡ ᠬᠦᠮᠦᠨ ᠨᠢ | ᠰᠡᠯᠡᠮᠡ ᠪᠠᠷ ᠢᠶᠠᠨ ᠨᠢᠭᠡ ᠴᠠᠪᠴᠢᠨ᠂ ᠬᠠᠮᠢᠳ᠋ ᠢ ᠢᠩᠬᠢᠵᠦ ᠠᠯᠠᠪᠠ᠃ ᠡᠮᠢᠷ ᠬᠤᠰᠢᠨ ᠰᠣᠨᠣᠰᠣᠭᠠᠳ ᠬᠡᠯᠡᠭᠰᠡᠨ ᠨᠢ | ᠄ ︽ᠲᠣᠣᠷᠠᠬᠢ ᠬᠦᠮᠦᠨ ᠤ ᠰᠠᠨᠠᠯ ᠨᠢ ᠡᠵᠡᠨ ᠤ ᠪᠠᠨ ᠰᠠᠨᠠᠯ ᠠᠴᠠ ᠨᠡᠩ ᠮᠡᠷᠭᠡᠨ ᠪᠠᠶᠢᠨᠠ︾ ᠭᠡᠵᠦ ᠬᠡᠯᠡᠭᠡᠳ | ᠬᠦᠮᠦᠨ ᠲᠣᠮᠢᠯᠠᠨ ᠢᠰᠺᠠᠨᠳᠠᠷ ᠤᠨ ᠵᠠᠮ ᠢ ᠲᠣᠰᠴᠣ ᠲᠡᠭᠦᠨ ᠢ ᠠᠯᠠᠨ ᠬᠤᠷᠣᠭᠠᠪᠠ᠃ ᠡᠨᠡ ᠦᠨᠡᠬᠡᠷ ︽ᠵᠠᠶᠠᠭᠠᠨ ᠤ | ᠰᠣᠮᠣ ᠠᠴᠠ ᠵᠠᠶᠢᠯᠠᠬᠤᠶᠠ ᠪᠡᠷᠬᠡ︾ ᠭᠡᠳᠡᠭ ᠦᠭᠡ ᠶᠢ ᠭᠡᠷᠡᠴᠢᠯᠡᠵᠡᠢ᠃ | ᠲᠣᠰ ᠵᠢᠯ ᠤᠨ ᠡᠪᠦᠯ ᠡᠮᠢᠷ ᠬᠤᠰᠢᠨ ᠪᠣᠯᠣᠨ ᠡᠮᠢᠷ ᠲᠡᠮᠦᠷ ᠬᠤᠶᠠᠭᠤᠯᠠ ᠪᠦᠷ ᠲᠣᠲᠣᠭᠠᠳᠣ ᠵᠠᠰᠠᠭ ᠢᠶᠠᠨ ᠴᠡᠭᠴᠡᠯᠡᠨ | ᠵᠠᠰᠠᠵᠣ᠂ ᠬᠢᠵᠠᠭᠠᠷ ᠲᠣᠲᠣᠷᠠ ᠨᠢ ᠡᠩᠬᠡ ᠲᠦᠪᠰᠢᠨ ᠪᠣᠯᠪᠠ᠃ | ᠲᠣᠰ ᠪᠦᠯᠦᠭ ᠤᠨ ᠲᠠᠶᠢᠯᠪᠣᠷᠢ ① ᠳ᠋ᠧᠷᠸᠢᠱ ︵Dervish︶ ᠭᠡᠳᠡᠭ ᠪᠣᠯ ᠫᠧᠷᠰ ᠨᠡᠷᠡ ᠦᠭᠡ ᠪᠣᠯᠣᠨᠠ᠃ | ᠠᠷᠠᠪ ᠬᠡᠯᠡᠨ ᠳᠤ ᠲᠡᠳᠡᠨᠡᠷ ᠢ ᠪᠠᠰᠠ ᠹᠠᠽᠢᠷ ᠭᠡᠳᠡᠭ ᠶᠣᠮ᠃ ᠲᠠᠷᠣᠢ ᠢᠰᠯᠠᠮ ᠱᠠᠰᠢᠨ ᠤ ᠪᠠᠳᠠᠷᠴᠢᠨ ᠯᠠᠮᠠ ᠭᠡᠵᠦ | ᠦᠵᠡᠵᠦ ᠪᠣᠯᠣᠨᠠ᠃ ᠭᠡᠪᠡᠴᠦ ᠲᠡᠳᠡ ᠪᠣᠯ ᠮᠣᠩᠭᠤᠯ ᠲᠦᠪᠡᠳ ᠢᠶᠠᠷ ᠪᠠᠶᠢᠭᠠ ᠪᠠᠳᠠᠷᠴᠢᠨ ᠯᠠᠮᠠ ᠲᠠᠢ ᠣᠭᠳᠣ | ᠠᠳᠠᠯᠢ ᠦᠭᠡᠢ᠂ ᠮᠣᠩᠭᠤᠯ ᠲᠦᠪᠡᠳ ᠤᠨ ᠪᠠᠳᠠᠷᠴᠢᠨ ᠯᠠᠮᠠᠬᠠᠢ ᠪᠣᠯ ᠰᠦᠮᠠ ᠰᠣᠪᠣᠷᠭᠠ ᠪᠠᠶᠢᠭᠤᠯᠵᠣ᠂ ᠪᠣᠷᠬᠠᠨ | ᠰᠣᠳᠣᠷ ᠪᠦᠳᠦᠭᠡᠬᠦ ᠶᠢᠨ ᠳᠣᠰᠠᠳᠠ ᠪᠠᠳᠠᠷ ᠭᠤᠶᠣᠨ ᠶᠠᠪᠣᠳᠠᠭ ᠪᠣᠯᠬᠤᠷ ᠲᠡᠭᠦᠨ ᠢ ᠪᠢᠳᠡ ᠪᠠᠳᠠᠷᠴᠢᠨ ᠯᠠᠮᠠ ᠭᠡᠵᠡᠢ᠃ | ᠭᠡᠳᠡᠯᠡ ᠳ᠋ᠧᠷᠸᠢᠱ ᠪᠣᠯ ᠮᠦᠩᠭᠦ ᠵᠣᠭᠤᠰ ᠴᠣᠭᠯᠠᠭᠤᠯᠬᠤ ᠵᠣᠷᠢᠯᠭᠠ ᠦᠭᠡᠢ ᠵᠦᠪᠬᠡᠨ ᠦᠯ ᠬᠤᠭᠤᠯᠠ ᠵᠠᠯᠭᠠᠬᠤ ᠶᠢᠨ | ᠲᠦᠯᠦᠭᠡ ᠯᠠ ᠭᠤᠶᠣᠯᠭᠠ ᠬᠢᠳᠡᠭ ᠲᠡᠳᠦᠢ ᠶᠣᠮ᠃ ᠲᠡᠳᠡ ᠪᠣᠯ ᠵᠢᠩᠬᠢᠨᠢ ᠬᠠᠳᠠᠭᠤᠵᠢᠯ ᠶᠡᠬᠡᠳᠡᠢ ᠪᠢᠱᠢᠯᠭᠠᠯ ᠬᠢᠳᠡᠭ | ᠢᠶᠠᠷ ᠢᠶᠠᠨ ᠣᠨᠴᠠᠯᠠᠭᠳᠠᠬᠤ ᠢᠰᠯᠠᠮ ᠱᠠᠰᠢᠨ ᠤ ᠨᠢᠬᠡ ᠪᠦᠷᠢᠯᠳᠦᠭᠦᠨ ᠬᠦᠮᠦᠰ ᠪᠣᠯᠣᠨᠠ — ᠮᠣᠩᠭᠤᠯᠴᠢᠯᠠᠭᠴᠢ | ᠠᠴᠠ᠃ | | | ᠪᠡᠯᠡᠳᠬᠡᠭᠰᠡᠨ ᠨᠢ᠄ ᠡᠷᠳᠡᠨᠢᠬᠦᠦ | ᠨᠠᠶᠢᠷᠠᠭᠤᠯᠤᠭᠰᠠᠨ ᠨᠢ᠄ ᠨᠠᠮᠤᠷ | ᠬᠢᠨᠠᠭᠰᠠᠨ ᠨᠢ᠄ ᠤᠷᠢᠬᠠᠨ |