ᠠᠷᠪᠠᠨ ᠲᠦᠷᠪᠡᠳᠦᠭᠡᠷ ᠪᠦᠯᠦᠭ | ᠦᠷᠭᠡᠰᠦ ᠰᠣᠨᠳᠣᠣᠯᠠ ᠪᠦᠷᠬᠦᠭᠰᠡᠨ ᠭᠠᠵᠠᠷ ᠠᠴᠠ ᠦᠩᠭᠡᠳᠦ ᠴᠡᠴᠡᠭ ᠮᠢᠷᠠᠯᠵᠠᠭᠰᠠᠨ ᠬᠦᠷᠢᠶᠡᠯᠡᠩ ᠬᠦᠷᠳᠡᠯᠡ᠂ | ᠡᠪᠡᠶᠡᠷᠬᠦ ᠰᠠᠯᠬᠢᠨ ᠢᠪᠡᠯᠵᠡᠨ ᠠᠩᠬᠢᠯᠣᠮᠠᠯ ᠦᠨᠦᠷ ᠬᠠᠩᠬᠤᠯᠠᠵᠣ᠂ ᠭᠤᠨᠨᠢᠭᠳᠣ ᠶᠢᠷᠲᠢᠨᠴᠦ ᠶᠢᠨ ᠴᠢᠰᠣᠳᠣ ᠲᠠᠶᠢᠨ | ᠳᠤ ᠦᠬᠦᠯ ᠢᠶᠠᠨ ᠡᠷᠢᠵᠦ ᠢᠷᠡᠭᠰᠡᠨ ᠬᠦᠮᠦᠰ ᠤᠨ ᠬᠠᠮᠠᠷ ᠲᠤ ᠦᠨᠦᠰᠳᠡᠵᠡᠢ᠃ ᠲᠡᠳᠡ ᠮᠠᠰᠢ ᠰᠠᠶᠢᠨ ᠵᠠᠶᠠᠭᠠ ᠪᠠᠷ | ᠠᠯᠯᠠᠾ ᠲᠡᠭᠷᠢ ᠶᠢᠨ ᠠᠭᠤᠣ ᠶᠡᠭᠡ ᠦᠷᠦᠰᠢᠶᠡᠯ ᠪᠠ ᠠᠰᠠᠷᠣ ᠴᠢᠬᠤᠯᠠ ᠡᠷᠡᠮᠵᠡᠯᠡᠯ ᠳᠤ ᠢᠪᠡᠬᠡᠭᠳᠡᠪᠡ᠃ | ᠵᠣᠯ ᠵᠢᠷᠭᠠᠯ ᠪᠣᠯ ᠣᠯᠠᠩᠬᠢ ᠳᠠᠭᠠᠨ ᠵᠣᠯ ᠪᠣᠰᠣ ᠦᠶᠡ ᠪᠠᠷ ᠢᠯᠡᠷᠡᠳᠡᠭ ᠶᠣᠮ᠃ ᠠᠮᠣᠷ ᠲᠠᠶᠢᠪᠣᠩ ᠪᠠ ᠠᠮᠵᠢᠯᠳᠠ | ᠪᠦᠳᠦᠭᠡᠯ ᠶᠡᠷᠦ ᠨᠢ ᠢᠯᠠᠭᠳᠠᠯ ᠪᠡᠷᠬᠡᠰᠢᠶᠡᠯ ᠠᠴᠠ ᠢᠬᠢᠯᠡᠳᠡᠭ ᠠᠵᠠᠢ᠃ | ᠡᠮᠢᠷ ᠲᠡᠮᠦᠷ ᠤᠨ ᠴᠠᠭ ᠦᠶᠡ ᠳᠤ ᠡᠭᠦᠰᠦᠭᠰᠡᠨ ᠬᠡᠷᠡᠭ ᠬᠤᠪᠢᠰᠣᠯ ᠤᠨ ᠦᠩᠭᠡᠷᠡᠯᠳᠡ ᠪᠣᠯ ᠲᠠᠷᠣᠢ ᠲᠡᠭᠡᠷᠡᠬᠢ | ᠦᠨᠡᠨ ᠶᠣᠰᠣᠨ ᠤ ᠭᠡᠷᠡᠴᠢ ᠪᠣᠯᠬᠤ ᠶᠣᠮ᠃ | ᠡᠪᠦᠯ ᠣᠷᠣᠵᠣ ᠡᠮᠢᠷ ᠲᠡᠮᠦᠷ ᠤᠨ ᠨᠢᠭᠡᠯᠡ ᠰᠡᠳᠬᠢᠯ ᠢᠶᠠᠷ ᠴᠢᠷᠮᠠᠶᠢᠵᠣ ᠪᠠᠶᠢᠭᠰᠠᠨ ᠣᠯᠣᠰ ᠭᠡᠷ ᠤᠨ ᠶᠡᠭᠡ ᠬᠡᠷᠡᠭ | ᠢᠶᠠᠨ ᠲᠡᠭᠰᠢᠯᠡᠨ ᠵᠠᠰᠠᠬᠤ ᠦᠢᠯᠡᠰ ᠰᠢᠪᠳᠣᠷᠭᠠᠨ ᠳᠠᠭᠠᠨ ᠣᠷᠣᠵᠣ ᠪᠠᠶᠢᠭᠠ ᠦᠶᠡ ᠪᠠᠷ ᠬᠠᠪᠣᠷ ᠴᠦ ᠢᠷᠡᠯᠡ᠃ | ᠵᠠᠯᠠᠭᠤ ᠨᠠᠰᠣᠨ ᠤ ᠡᠷᠡᠨ ᠤ ᠠᠯᠳᠠᠨᠵᠣᠯᠠ ᠶᠢᠨ ᠦᠨᠦᠷᠳᠦ ᠲᠠᠯᠪᠠᠭᠠ ᠮᠢᠷᠠᠯᠵᠠᠨ᠂ ᠣᠢ ᠬᠦᠪᠴᠢ ᠲᠠᠯᠠ ᠨᠣᠳᠤᠭ | ᠴᠡᠴᠡᠷᠯᠢᠭ ᠵᠦᠯᠭᠡ ᠪᠠᠷ ᠨᠣᠭᠤᠭᠠᠨ ᠬᠡᠪᠢᠰ ᠢᠶᠠᠨ ᠲᠡᠪᠢᠰᠦᠨ ᠲᠡᠯᠭᠡᠯᠡ᠃ | ᠬᠠᠪᠣᠷ ᠡᠬᠢᠯᠡᠬᠦ ᠦᠶᠡᠰ ᠢᠶᠠᠷ ᠴᠢᠮᠡᠭᠡ ᠢᠷᠡᠵᠦ᠂ ᠴᠠᠭᠠᠳᠠᠢ ᠶᠢᠨ ᠶᠡᠭᠡ ᠴᠡᠷᠢᠭ ᠶᠠᠭ ᠢᠨᠠᠭᠰᠢ ᠢᠷᠡᠵᠦ ᠶᠠᠪᠣᠨᠠ | ᠭᠡᠵᠡᠢ᠃ ᠲᠡᠳᠡ ᠲᠠᠬᠢᠨᠳᠠ ᠡᠨᠡ ᠣᠯᠣᠰ ᠢ ᠲᠣᠪᠳᠣᠯᠬᠤ ᠪᠠᠷ ᠭᠠᠷᠴᠣ ᠢᠷᠡᠭᠰᠡᠨ ᠠᠵᠠᠢ᠃ ᠡᠮᠢᠷ ᠲᠡᠮᠦᠷ ᠨᠢᠭᠡ | ᠲᠠᠯᠠ ᠪᠠᠷ ᠶᠡᠭᠡ ᠴᠡᠷᠢᠭ ᠢᠶᠠᠨ ᠲᠦᠷᠭᠡᠯᠡᠨ ᠴᠣᠭᠯᠠᠭᠤᠯᠵᠣ᠂ ᠨᠦᠬᠦᠭᠡ ᠲᠠᠯᠠ ᠪᠠᠷ ᠬᠦᠮᠦᠨ ᠲᠣᠮᠢᠯᠠᠨ ᠡᠮᠢᠷ ᠬᠤᠰᠢᠨ | ᠳᠤ ᠡᠨᠡᠬᠦ ᠮᠡᠳᠡᠭᠡ ᠶᠢ ᠬᠦᠷᠭᠡᠪᠡ᠃ ᠡᠮᠢᠷ ᠬᠤᠰᠢᠨ ᠪᠣᠯᠣᠳ · ᠪᠣᠬᠠ᠂ ᠮᠠᠬᠠᠮᠠᠳ᠋ · ᠠᠫᠧᠷ ᠤᠨ ᠬᠦᠪᠡᠭᠦᠨ ᠵᠠᠨᠳᠠ · | ᠬᠠᠱᠧᠮ ᠵᠢᠴᠢ ᠮᠧᠯᠢᠭ · ᠪᠠᠭᠠᠳᠣᠷ ᠵᠡᠷᠭᠡ ᠶᠢ ᠵᠠᠷᠯᠢᠭᠳᠠᠨ ᠲᠠᠷᠣᠢ ᠲᠦᠷᠭᠡᠨ ᠴᠡᠷᠢᠭ ᠮᠣᠷᠢ ᠪᠠᠨ ᠴᠣᠭᠯᠠᠭᠤᠯᠵᠣ | ᠮᠣᠷᠳᠠᠨ ᠭᠠᠷᠴᠣ ᠡᠮᠢᠷ ᠲᠡᠮᠦᠷ ᠲᠠᠢ ᠨᠡᠶᠢᠯᠡᠳᠦᠭᠡᠢ ᠭᠡᠪᠡ᠃ ᠲᠡᠭᠡᠭᠡᠳ ᠲᠡᠳᠡ ᠠᠺᠠᠷ ᠵᠦᠭ ᠲᠤ ᠮᠣᠷᠳᠠᠨ ᠭᠠᠷᠴᠣ᠂ | ᠲᠡᠨᠳᠡ ᠴᠡᠷᠢᠭ ᠨᠡᠶᠢᠯᠡᠭᠰᠡᠨ ᠤ ᠲᠠᠷᠠᠭᠠ ᠬᠡᠳᠦᠨ ᠡᠳᠦᠷ ᠬᠡᠷᠡᠭᠰᠡᠨ ᠲᠠᠶᠢᠨ ᠤ ᠠᠭᠳᠠ ᠪᠠ ᠬᠦᠰᠭᠡᠨ ᠤ ᠣᠨᠤᠭᠠ | ᠪᠠᠨ ᠪᠠᠶᠢᠴᠠᠭᠠᠨ᠂ ᠡᠨᠡᠬᠦ ᠲᠠᠷᠭᠤᠨ ᠲᠠᠪᠠᠳᠠᠢ ᠲᠠᠯᠠ ᠨᠣᠳᠤᠭ ᠲᠤ ᠬᠡᠳᠦᠨ ᠡᠳᠦᠷ ᠠᠭᠳᠠ ᠮᠣᠷᠢᠳ ᠢᠶᠠᠨ | ᠢᠳᠡᠰᠢᠯᠡᠬᠦᠯᠵᠡᠢ᠃ ᠲᠡᠭᠡᠭᠡᠳ ᠰᠠᠶ᠋ᠢ ᠲᠡᠨᠳᠡ ᠠᠴᠠ ᠮᠣᠷᠳᠠᠨ ᠭᠠᠷᠴᠣ᠂ ᠵᠧᠬᠤᠨ ᠭᠤᠣᠯ ᠢ ᠭᠠᠳᠣᠯᠣᠨ ᠲᠡᠷᠳᠡᠭᠡ | ᠡᠷᠭᠢᠨ ᠳᠤ ᠬᠦᠷᠢᠶᠡ ᠪᠠᠭᠤᠪᠠ᠃ ᠡᠮᠢᠷ ᠬᠤᠰᠢᠨ ᠶᠡᠭᠡ ᠴᠡᠷᠢᠭ ᠢᠶᠠᠨ ᠲᠠᠭᠠᠭᠤᠯᠣᠨ ᠣᠷᠣᠭᠰᠢᠯᠠᠵᠣ᠂ ᠭᠤᠣᠯ ᠤᠨ | ᠲᠡᠷᠳᠡᠭᠡ ᠡᠷᠬᠢᠨ ᠠᠴᠠ ᠬᠤᠯᠠ ᠦᠭᠡᠢ ᠭᠠᠵᠠᠷ ᠲᠤ ᠲᠠᠶᠢᠰᠣᠨ ᠤ ᠵᠠᠷᠢᠮ ᠬᠠᠷᠠᠭᠤᠯ ᠤᠨ ᠬᠦᠮᠦᠰ ᠲᠠᠢ ᠵᠣᠯᠭᠠᠪᠠ᠃ | ᠡᠨᠡ ᠦᠶᠡ ᠳᠤ ᠡᠮᠢᠷ ᠲᠡᠮᠦᠷ ᠴᠡᠷᠢᠭ ᠤᠨ ᠬᠦᠷᠢᠶᠡ ᠪᠠᠨ ᠴᠠᠨᠠᠽ ᠪᠠ ᠲᠠᠱᠺᠠᠨᠳ᠋ ᠶᠢᠨ ᠬᠤᠭᠤᠷᠣᠨᠳᠣ ᠰᠢᠯᠵᠢᠬᠦᠯᠦᠨ | ᠠᠪᠴᠢᠷᠠᠵᠣ᠂ ᠵᠠᠷᠯᠢᠭ ᠲᠠᠷᠬᠠᠭᠠᠨ ᠡᠨᠡᠬᠦ ᠴᠡᠷᠢᠭ ᠤᠨ ᠬᠦᠷᠢᠶᠡ ᠶᠢ ᠰᠠᠶᠢᠳᠣᠷ ᠬᠠᠮᠠᠭᠠᠯᠠᠳᠣᠭᠠᠢ ᠬᠡᠮᠡᠪᠡ᠃ ᠴᠡᠷᠢᠭ | ᠠᠩᠬᠢ ᠨᠢ ᠲᠡᠭᠦᠨ ᠤ ᠵᠠᠷᠯᠢᠭ ᠶᠣᠰᠣᠭᠠᠷ ᠴᠡᠷᠢᠭ ᠤᠨ ᠬᠦᠷᠢᠶᠡ ᠪᠠᠨ ᠰᠡᠳᠬᠢᠯ ᠲᠠᠯᠪᠢᠨ ᠰᠠᠬᠢᠯᠴᠠᠵᠠᠢ᠃ ᠡᠮᠢᠷ | ᠬᠤᠰᠢᠨ ᠤ ᠶᠡᠭᠡ ᠴᠡᠷᠢᠭ ᠴᠦ ᠬᠦᠷᠦᠯᠴᠡᠨ ᠢᠷᠡᠵᠦ ᠲᠣᠭᠳᠠᠭᠰᠠᠨ ᠭᠠᠵᠠᠷ ᠲᠠᠭᠠᠨ ᠬᠦᠷᠢᠶᠡᠯᠡᠨ ᠪᠠᠭᠤᠪᠠ᠃ ᠲᠡᠭᠷᠢ | ᠭᠡᠭᠡᠷᠡᠬᠦ ᠶᠢᠨ ᠦᠶᠡ ᠪᠠᠷ ᠲᠠᠶᠢᠰᠣᠨ ᠤ ᠶᠡᠭᠡ ᠴᠡᠷᠢᠭ ᠴᠦ ᠢᠷᠡᠵᠦ ᠵᠧᠬᠤᠨ ᠭᠤᠣᠯ ᠢᠵᠢᠯᠢ ᠡᠷᠬᠢᠨ ᠳᠤ ᠬᠦᠷᠢᠶᠡ | ᠪᠠᠭᠤᠪᠠ᠃ ᠡᠮᠢᠷ ᠲᠡᠮᠦᠷ ᠪᠣᠯᠣᠨ ᠡᠮᠢᠷ ᠬᠤᠰᠢᠨ ᠶᠡᠭᠡ ᠴᠡᠷᠢᠭ ᠢᠶᠠᠨ ᠵᠢᠯᠣᠭᠤᠳᠣᠨ ᠣᠷᠣᠭᠰᠢᠯᠠᠵᠣ ᠬᠤᠶᠠᠷ ᠲᠠᠯᠠ | ᠶᠢᠨ ᠶᠡᠭᠡ ᠴᠡᠷᠢᠭ ᠤᠨ ᠡᠮᠦᠨᠡ ᠬᠤᠰᠢᠭᠤᠴᠢ ᠬᠠᠷᠢᠯᠴᠠᠨ ᠬᠠᠷᠠᠭᠳᠠᠬᠤ ᠦᠶᠡᠰ ᠢᠶᠠᠷ ᠵᠢᠬᠰᠠᠭᠠᠯ ᠵᠠᠰᠠᠨ ᠪᠠᠶᠢᠯᠳᠣᠬᠤ | ᠪᠠᠷ ᠪᠡᠯᠡᠳᠭᠡᠪᠡ᠃ ᠡᠮᠢᠷ ᠬᠤᠰᠢᠨ ᠮᠦᠨ ᠪᠠᠷᠠᠭᠤᠨ ᠵᠢᠭᠦᠷ ᠢ ᠵᠠᠬᠢᠷᠴᠣ᠂ ᠲᠢᠷᠯᠠᠨᠵᠢ · ᠢᠷᠯᠠᠲ ᠬᠤᠶᠢᠳᠣ ᠴᠡᠷᠢᠭ | ᠲᠤ ᠬᠠᠶᠢᠭᠤᠯ ᠪᠣᠯᠵᠣ᠂ ᠬᠤᠰᠢᠭᠤᠴᠢ ᠴᠡᠷᠢᠭ ᠲᠤ ᠦᠵᠠ · ᠪᠢᠲ᠋ᠦ · ᠢᠷᠳᠢ᠂ ᠰᠢᠷ · ᠪᠠᠾᠷᠠᠮ᠂ ᠪᠣᠯᠣᠳ · ᠪᠣᠬᠠ | ᠂ ᠹᠠᠷᠬᠠᠳ᠋ · ᠠᠪᠢᠷᠳᠢ᠂ ᠮᠧᠯᠢᠭ · ᠪᠠᠭᠠᠳᠣᠷ ᠵᠢᠴᠢ ᠪᠣᠰᠣᠳ ᠣᠯᠠᠨ ᠪᠠᠭᠠᠳᠣᠷᠴᠣᠳ ᠢᠶᠠᠨ ᠵᠢᠬᠰᠠᠭᠠᠵᠠᠢ᠃ ᠡᠮᠢᠷ | ᠲᠡᠮᠦᠷ ᠪᠦᠬᠦ ᠴᠡᠷᠢᠭ ᠤᠨ ᠵᠢᠯᠣᠭᠤᠳᠣᠭᠴᠢ ᠪᠣᠯᠵᠣ᠂ ᠦᠪᠡᠷ ᠤᠨ ᠪᠡᠶᠡ ᠪᠠᠷ ᠵᠡᠭᠦᠨ ᠵᠢᠭᠦᠷ ᠢ ᠵᠢᠯᠣᠭᠤᠳᠣᠨ ᠡᠮᠢᠷ | ᠰᠠᠷ · ᠪᠣᠬᠠ ᠶᠢ ᠵᠠᠷᠯᠢᠭᠳᠠᠨ ᠬᠢᠪᠴᠠᠭ ᠴᠡᠷᠢᠭ ᠢᠶᠠᠨ ᠵᠠᠬᠢᠷᠣᠨ ᠬᠤᠶᠢᠳᠣ ᠴᠡᠷᠢᠭ ᠲᠤ ᠬᠠᠶᠢᠭᠤᠯ ᠪᠣᠯᠭᠠᠨ᠂ ᠲᠡᠮᠦᠷ | · ᠬᠤᠵᠠ · ᠣᠾᠯᠠᠨ ᠢ ᠬᠤᠰᠢᠭᠤᠴᠢ ᠪᠠᠷ ᠢᠯᠡᠭᠡᠨ᠂ ᠡᠮᠢᠷ · ᠴᠠᠬᠤ᠂ ᠡᠮᠢᠷ · ᠰᠠᠶᠢᠹᠳᠢᠨ᠂ ᠡᠮᠢᠷ · ᠮᠣᠷᠠᠳ᠋ · | ᠪᠠᠷᠣᠯᠠᠰ᠂ ᠠᠪᠠᠰ · ᠪᠠᠭᠠᠳᠣᠷ ᠵᠡᠷᠭᠡ ᠶᠢᠨ ᠪᠠᠭᠠᠳᠣᠷᠴᠣᠳ ᠢᠶᠠᠨ ᠲᠡᠷᠭᠡᠳᠡ ᠪᠠᠨ ᠰᠢᠳᠠᠷ ᠪᠣᠯᠭᠠᠨ ᠦᠯᠡᠳᠡᠭᠡᠵᠡᠢ᠃ | ᠪᠠᠶᠢᠷᠢᠯᠠᠭᠤᠯᠣᠯᠳᠠ ᠲᠠᠭᠤᠰᠣᠮᠠᠭᠴᠠ ᠪᠠᠨ ᠲᠠᠶᠢᠰᠣᠨ ᠲᠠᠢ ᠲᠣᠯᠣᠯᠳᠣᠨ ᠡᠬᠢᠯᠡᠪᠡ᠃ ᠰᠢᠯᠢᠳᠡᠭ ᠴᠡᠷᠢᠭ ᠪᠠᠭᠠᠳᠣᠷ | ᠵᠠᠩᠵᠣᠨ ᠣᠯᠠᠨ ᠬᠡᠮᠡᠨ ᠡᠷᠳᠦᠭᠰᠡᠭᠡᠷ᠂ ᠴᠡᠷᠢᠭ ᠲᠠᠷᠣᠭᠳᠠᠨ ᠵᠠᠩᠵᠣᠨ ᠬᠤᠬᠢᠷᠠᠬᠤ ᠡᠳᠦᠷ ᠬᠤᠯᠠ ᠦᠭᠡᠢ | ᠬᠡᠮᠡᠭᠰᠡᠨᠴᠢᠯᠡᠨ ᠲᠠᠶᠢᠰᠣᠨ ᠡᠳᠡᠭᠡᠳ ᠲᠠᠶᠢᠨ ᠳᠤ ᠢᠯᠠᠭᠳᠠᠬᠤ ᠠᠴᠠ ᠬᠡᠯᠳᠦᠷᠢᠵᠦ ᠴᠢᠳᠠᠭᠰᠠᠨ ᠦᠭᠡᠢ᠃ ᠴᠠᠭᠠᠳᠠᠢ | ᠶᠢᠨ ᠴᠡᠷᠢᠭ ᠣᠣᠯ ᠲᠠᠭᠠᠨ ᠲᠠᠷᠣᠢ ᠬᠦᠮᠦᠨ ᠣᠯᠠᠨ ᠪᠠᠶᠢᠳᠠᠯᠠ ᠺᠠᠪᠠ · ᠮᠠᠳᠠᠨ ᠳᠤ ᠶᠡᠬᠡᠳᠡ ᠢᠯᠠᠭᠳᠠᠭᠰᠠᠨ ᠪᠦᠯᠦᠭᠡ | ᠃ ᠡᠨᠡ ᠣᠳᠠᠭᠠ ᠲᠠᠶᠢᠰᠣᠨ ᠮᠠᠨ ᠤ ᠴᠡᠷᠢᠭ ᠤᠨ ᠲᠣᠩ ᠣᠯᠠᠨ ᠪᠠᠶᠢᠭᠠ ᠶᠢ ᠦᠵᠡᠭᠡᠳ᠂ ᠬᠤᠪᠢᠯᠭᠠᠨ ᠶᠡᠬᠡᠳᠡᠢ | ᠵᠠᠳᠠ ︵Jada︶ ᠶᠢᠨ ᠣᠪᠢᠳᠠᠰ ② ᠢᠶᠠᠨ ᠡᠭᠦᠰᠭᠡᠨ ᠪᠢᠳᠡᠨ ᠲᠠᠢ ᠪᠠᠶᠢᠯᠳᠣᠪᠠ᠃ | ᠰᠦᠷᠭᠦ ᠲᠠᠶᠢᠰᠣᠨ ᠪᠠᠶᠢᠯᠳᠣᠬᠤ ᠲᠡᠩᠬᠡᠭᠡ ᠦᠭᠡᠢ ᠪᠣᠯᠬᠤᠷ | ᠰᠦᠷᠡᠭᠡᠢ ᠲᠣᠭᠰᠢᠨ ᠵᠠᠳᠠ ᠶᠢᠨ ᠬᠤᠪᠢᠯᠭᠠᠨ ᠢᠶᠠᠨ ᠭᠠᠷᠭᠠᠪᠠᠢ | ᠵᠠᠳᠠ ᠲᠠᠬᠢᠨ ᠰᠠᠯᠬᠢᠨ ᠪᠣᠷᠤᠭᠠ ᠣᠷᠢᠨ ᠡᠭᠦᠰᠭᠡᠭᠰᠡᠨᠡ | ᠵᠢᠪᠠᠷ ᠰᠠᠯᠬᠢ ᠪᠣᠷᠣᠭᠠᠨ ᠮᠦᠨᠳᠦᠷ ᠨᠢᠭᠡᠨᠳᠡ ᠲᠣᠭᠰᠢᠷᠠᠪᠠᠢ᠃ | ᠲᠣᠩᠭᠠᠯᠠᠭ ᠡᠳᠦᠷ ᠤᠨ ᠲᠡᠭᠷᠢ ᠳᠤ ᠬᠤᠷᠠ ᠶᠢᠨ ᠡᠬᠦᠯᠡ ᠡᠪᠬᠡᠷᠡᠯᠳᠦᠨ | ᠲᠣᠭᠰᠢᠨ ᠠᠶᠣᠩᠭᠠ ᠭᠠᠵᠠᠷ ᠲᠣᠷᠬᠢᠳᠡᠯᠡ ᠲᠣᠩᠭᠤᠳᠴᠣᠬᠤᠢ᠃ | ᠲᠣᠩᠭᠠᠯᠠᠭ ᠡᠳᠦᠷ ᠤᠨ ᠭᠡᠷᠡᠯᠳᠦ ᠨᠠᠷᠠᠨ ᠬᠡᠳᠦᠶᠢᠪᠡᠷ ᠬᠤᠷᠴᠢᠳᠣ ᠰᠠᠭᠤᠳᠠᠯ③ ᠳᠤ ᠪᠠᠶᠢᠪᠠᠴᠣ᠂ ᠬᠤᠷᠠ ᠶᠢᠨ | ᠡᠭᠦᠯᠡ ᠲᠡᠭᠷᠢ ᠪᠦᠷᠬᠦᠨ᠂ ᠠᠶᠣᠩᠭᠠ ᠨᠢᠵᠢᠭᠡᠨᠡᠨ ᠴᠠᠬᠢᠯᠭᠠᠨ ᠴᠠᠬᠢᠯᠣᠪᠠ᠃ ᠣᠳᠠᠯ ᠦᠭᠡᠢ ᠰᠠᠯᠬᠢᠨ ᠵᠢᠪᠠᠷ ᠡᠭᠦᠰᠦᠨ | ᠪᠣᠷᠣᠭᠠᠨ ᠮᠦᠨᠳᠦᠷ ᠣᠭᠳᠠᠷᠭᠤᠢ ᠶᠢᠨ ᠭᠦᠨ ᠠᠴᠠ ᠢᠯᠡᠷᠡᠵᠦ ᠡᠬᠡ ᠭᠠᠵᠠᠷ ᠢ ᠲᠠᠭᠠᠷᠢᠪᠠ᠃ ᠶᠠᠭ ᠯᠠ ᠪᠠᠯᠠᠷ ᠡᠷᠳᠡᠨ | ᠤ ᠶᠡᠭᠡ ᠦᠶᠡᠷ④ ᠲᠠᠬᠢᠭᠠᠳ ᠢᠯᠡᠷᠡᠭᠰᠡᠨ ᠮᠡᠳᠦ ᠪᠣᠯᠪᠠ᠃ ᠬᠦᠮᠦᠰ ᠲᠤ ᠨᠣᠶᠠ ᠶᠢᠨ ᠲᠠᠭᠠᠳᠬᠠᠯ ᠲᠠᠬᠢᠨ | ᠰᠣᠨᠣᠰᠳᠠᠭᠰᠠᠨ ᠮᠡᠳᠦ ᠪᠣᠯᠵᠠᠢ᠃ | ᠲᠠᠶᠢᠨ ᠤ ᠲᠠᠯᠠᠪᠣᠷ ᠲᠤ ᠪᠠᠶᠢᠭᠰᠠᠨ ᠣᠨᠤᠭᠠ ᠮᠣᠷᠢᠳ ᠪᠦᠷ ᠵᠢᠭᠠᠰᠣ ᠠᠳᠠᠯᠢ ᠣᠰᠣᠨ ᠳᠤ ᠬᠦᠪᠪᠦᠬᠦ ᠳᠤ ᠬᠦᠷᠪᠡ᠃ | ᠮᠣᠷᠢᠳ ᠤᠨ ᠬᠦᠯ ᠪᠦᠷ ᠰᠢᠪᠠᠷ ᠪᠠᠯᠴᠢᠭ ᠲᠤ ᠰᠢᠬᠢᠳᠦᠨ᠂ ᠮᠣᠷᠢᠨ ᠭᠡᠳᠡᠰᠦ ᠭᠠᠵᠠᠷ ᠬᠦᠷᠦᠯᠴᠡᠵᠡᠢ᠃ ᠡᠶᠢᠮᠦ | ᠠᠴᠠ ᠮᠣᠷᠢᠳ ᠢ ᠦᠵᠡᠬᠦᠯᠡ ᠪᠦᠷ ᠠᠷᠠᠰᠣ ᠶᠠᠰᠣ ᠯᠠ ᠦᠯᠡᠳᠡᠭᠰᠡᠨ ᠮᠡᠳᠦ ᠬᠠᠷᠠᠭᠳᠠᠨ᠂ ᠬᠦᠢᠳᠡᠨ ᠨᠣᠶᠢᠳᠠᠨ ᠳᠤ | ᠲᠠᠭᠵᠢᠨ ᠴᠡᠴᠡᠷᠡᠵᠦ᠂ ᠲᠠᠶᠢᠨ ᠪᠠᠶᠢᠯᠳᠣᠭᠠᠨ ᠳᠤ ᠲᠣᠪᠳᠣᠯᠣᠨ ᠣᠷᠣᠬᠤ ᠴᠢᠳᠠᠯ ᠢᠶᠠᠨ ᠠᠯᠳᠠᠵᠠᠢ᠃ ᠰᠣᠮᠣᠨ ᠤ | ᠮᠦᠰᠦ ᠬᠦᠷᠳᠡᠯᠡ ᠪᠣᠷᠣᠭᠠᠨ ᠳᠤ ᠨᠣᠷᠣᠭᠳᠠᠨ ᠣᠨᠠᠵᠣ᠂ ᠨᠣᠮᠣᠨ ᠬᠦᠪᠴᠢ ᠨᠣᠷᠴᠣ ᠰᠣᠯᠠᠷᠠᠨ ᠲᠠᠲᠠᠵᠣ ᠪᠣᠯᠬᠤ | ᠦᠭᠡᠢ ᠪᠣᠯᠪᠠ᠃ ᠵᠠᠷᠢᠮ ᠰᠣᠮᠣᠨ ᠤ ᠵᠡᠪᠡ ᠴᠦ ᠮᠣᠯᠳᠣᠷᠢᠨ ᠣᠨᠠᠬᠤ ᠳᠤ ᠬᠦᠷᠪᠡ᠃ ᠲᠡᠪᠡᠯ ᠬᠤᠪᠴᠠᠰᠣ ᠶᠢ ᠨᠡᠩ | ᠬᠡᠯᠡᠬᠦ ᠶᠢᠨ ᠠᠷᠭᠠ ᠦᠭᠡᠢ ᠪᠣᠯᠵᠣ᠂ ᠴᠡᠷᠢᠭ ᠵᠠᠩᠵᠣᠨ ᠪᠦᠷ ᠲᠠᠭᠵᠢᠨ ᠴᠡᠴᠡᠷᠡᠵᠦ ᠪᠡᠭᠡᠷᠡᠨ ᠬᠦᠯᠳᠡᠵᠦ ᠬᠦᠳᠡᠯᠵᠣ | ᠪᠠᠷᠢᠵᠣ ᠴᠢᠳᠠᠬᠤ ᠦᠭᠡᠢ ᠪᠣᠯᠵᠠᠢ᠃ ᠮᠣᠷᠢᠳᠣ ᠴᠡᠷᠢᠭ ᠶᠠᠪᠠᠭᠠᠨ ᠴᠡᠷᠢᠭ ᠠᠯᠢᠨ ᠴᠦ ᠣᠷᠣᠭᠰᠢᠯᠠᠵᠣ ᠲᠠᠪᠰᠢᠬᠤ ᠳᠤ | ᠬᠦᠴᠢᠷᠳᠡᠬᠦ ᠪᠣᠯᠵᠠᠢ᠃ ᠮᠠᠨ ᠤ ᠴᠡᠷᠢᠭ ᠶᠠᠭ ᠡᠶᠢᠮᠦ ᠪᠠᠶᠢᠳᠠᠯ ᠳᠤ ᠣᠷᠣᠭᠠᠳ ᠪᠠᠶᠢᠬᠤ ᠳᠤ ᠲᠠᠶᠢᠰᠣᠨ ᠬᠠᠷᠢᠨ | ᠬᠦᠮᠦᠨ ᠮᠣᠷᠢ ᠪᠠ ᠵᠡᠪᠰᠡᠭ ᠲᠣᠨᠣᠭᠯᠠᠯ ᠳᠠᠭᠠᠨ ᠨᠦᠮᠦᠷᠭᠡᠵᠦ ᠪᠠᠶᠢᠭᠰᠠᠨ ᠢᠰᠡᠭᠡᠢ ᠬᠡᠪᠨᠡᠭ ᠢᠶᠠᠨ ᠠᠪᠴᠣ | ᠬᠠᠶᠠᠮᠠᠭᠴᠠ᠂ ᠶᠠᠮᠠᠷᠴᠣ ᠬᠡᠷᠡᠭ ᠪᠣᠯᠤᠭᠠ ᠦᠭᠡᠢ ᠮᠡᠳᠦ ᠪᠠᠷ ᠡᠩ ᠤᠨ ᠠᠳᠠᠯᠢ ᠣᠣᠬᠠᠶᠢᠯᠠᠨ ᠲᠠᠪᠬᠢᠯᠳᠣᠵᠣ ᠮᠠᠨ ᠤ | ᠡᠰᠡᠷᠭᠦ ᠲᠠᠭᠠᠷᠢᠯᠳᠠ ᠬᠢᠪᠡ᠃ ᠡᠨᠡ ᠦᠨᠡᠬᠡᠷ᠄ ᠬᠤᠶᠠᠷ ᠲᠠᠯᠠ ᠪᠠᠷ ᠲᠡᠭᠷᠢ ᠲᠣᠷᠬᠢᠳᠡᠯᠡ ᠣᠣᠬᠠᠶᠢᠯᠠᠨ ᠪᠠᠶᠢᠯᠳᠣᠬᠤᠶᠠ | ᠂ ᠲᠦᠷᠪᠡᠨ ᠵᠣᠪᠬᠢᠰ ᠭᠠᠵᠠᠷ ᠲᠡᠷᠪᠡᠯᠵᠡᠨ ᠲᠦᠮᠡᠨ ᠠᠮᠢᠳᠠᠨ ᠴᠡᠴᠡᠷᠬᠢᠯᠳᠦᠪᠡᠢ᠃ ᠪᠠᠭᠠᠳᠣᠷᠴᠣᠳ ᠤᠨ ᠣᠣᠬᠠᠶᠢᠯᠠᠬᠤ | ᠲᠠᠭᠤᠨ ᠪᠠ ᠲᠠᠭᠠᠷᠢᠯᠳᠠ ᠶᠢᠨ ᠪᠦᠷᠢᠶᠡ ᠬᠠᠩᠬᠢᠨᠠᠨ ᠲᠦᠷᠪᠡᠨ ᠵᠦᠭ ᠲᠤ ᠴᠣᠣᠷᠢᠶᠠᠳᠣᠪᠠ᠃ | ᠡᠮᠢᠷ ᠲᠡᠮᠦᠷ ᠠᠯᠯᠠᠾ ᠶᠢᠨ ᠠᠪᠣᠷᠠᠯ ᠢᠶᠠᠷ ᠵᠡᠭᠦᠨ ᠵᠢᠭᠦᠷ ᠢ ᠲᠠᠭᠠᠭᠤᠯᠣᠨ ᠲᠠᠭᠠᠷᠢᠵᠣ᠂ ᠲᠠᠶᠢᠰᠣᠨ ᠤ ᠡᠮᠢᠷ ᠬᠠᠮᠢᠳ᠋ | ᠤᠨ ᠲᠡᠭᠦᠥ ᠰᠡᠩᠬᠦᠮ ᠮᠣᠶᠠᠨ ︵Shenkum muyan︶ ᠤ ᠲᠠᠭᠠᠭᠤᠯᠣᠭᠰᠠᠨ ᠲᠠᠶᠢᠰᠣᠨ ᠤ ᠪᠠᠷᠠᠭᠤᠨ ᠵᠢᠭᠦᠷ | ᠢ ᠲᠠᠭᠠᠷᠢᠨ ᠨᠢᠴᠣᠭᠠᠪᠠ᠃ ᠢᠯᠢᠶᠠᠰ ᠬᠤᠵᠠ ᠬᠠᠭᠠᠨ ᠡᠭᠦᠨ ᠢ ᠦᠵᠡᠭᠡᠳ ᠠᠶᠣᠨ ᠰᠣᠴᠢᠵᠣ ᠰᠡᠩᠳᠡ ᠮᠡᠩᠳᠡ | ᠪᠣᠷᠣᠭᠤᠯᠠᠨ ᠲᠣᠳᠠᠭᠠᠪᠠ᠃ ᠭᠡᠪᠡᠴᠦ ᠮᠠᠨ ᠤ ᠪᠠᠷᠠᠭᠤᠨ ᠵᠢᠭᠦᠷ ᠤᠨ ᠴᠡᠷᠢᠭ ᠲᠠᠶᠢᠰᠣᠨ ᠳᠤ ᠢᠯᠠᠭᠳᠠᠨ᠂ ᠲᠠᠶᠢᠰᠣᠨ | ᠤ ᠱᠠᠷᠠᠸᠠᠯ ᠪᠣᠯᠣᠨ ᠬᠠᠵᠢ · ᠪᠠᠬᠢ ᠶᠢᠨ ᠣᠳᠣᠷᠢᠳᠣᠭᠰᠠᠨ ᠵᠡᠭᠦᠨ ᠵᠢᠬᠦᠷ ᠤᠨ ᠴᠡᠷᠢᠭ ᠮᠠᠨ ᠤ ᠡᠮᠢᠷ ᠲᠢᠷᠯᠠᠨᠵᠢ | ᠪᠣᠯᠣᠨ ᠵᠠᠨᠳᠠ · ᠬᠠᠱᠧᠮ ᠤᠨ ᠴᠡᠷᠢᠭ ᠢ ᠨᠢᠴᠣᠭᠠᠨ ᠲᠠᠷᠣᠵᠣ ᠬᠤᠶᠢᠨᠠ ᠠᠴᠠ ᠨᠢ ᠲᠠᠷᠣᠨ ᠠᠯᠠᠵᠣ ᠡᠮᠢᠷ ᠬᠤᠰᠢᠨ | ᠤ ᠬᠦᠷᠢᠶᠡ ᠳᠤ ᠬᠦᠷᠳᠡᠯᠡ ᠠᠯᠠᠨ ᠲᠠᠭᠤᠪᠠ᠃ ᠡᠮᠢᠷ ᠬᠤᠰᠢᠨ ᠤ ᠰᠢᠳᠠᠷ ᠬᠠᠮᠠᠭᠠᠯᠠᠭᠴᠢ ᠴᠡᠷᠢᠭ ᠠᠩᠬᠢ ᠡᠭᠦᠨ ᠢ | ᠦᠵᠡᠭᠡᠳ ᠨᠢᠭᠡᠮᠦᠰᠦᠨ ᠪᠠᠯᠢᠳᠠᠵᠣ ᠪᠡᠶᠡ ᠡᠷᠭᠢᠨ ᠪᠣᠷᠣᠭᠤᠯᠠᠵᠠᠭᠠᠪᠠ᠃ ᠭᠡᠳᠡᠯᠡ ᠪᠣᠯᠣᠳ · ᠪᠣᠬᠠ ᠪᠣᠯᠣᠨ ᠰᠢᠷ · | ᠪᠠᠾᠷᠠᠮ ᠮᠠᠰᠢᠳᠠ ᠪᠠᠭᠠᠳᠣᠷᠯᠠᠨ ᠪᠠᠶᠢᠯᠳᠣᠵᠣ᠂ ᠦᠪᠡᠷ ᠤᠨ ᠵᠢᠬᠰᠠᠭᠠᠯ ᠢᠶᠠᠨ ᠴᠢᠩᠭᠠᠳᠠ ᠪᠠᠬᠢᠯᠡᠨ ᠰᠠᠬᠢᠵᠣ | ᠦᠯᠡᠳᠡᠪᠡ᠃ ᠬᠠᠵᠢ · ᠪᠠᠬᠢ ᠦᠷᠬᠦᠯᠵᠢᠯᠡᠨ ᠪᠠᠶᠢᠯᠳᠣᠵᠣ ᠪᠠᠶᠢᠭᠠᠳ ᠮᠠᠨ ᠤ ᠪᠠᠷᠠᠭᠤᠨ ᠵᠢᠭᠦᠷ ᠢ ᠲᠠᠷᠣᠪᠠ᠃ | ᠹᠠᠷᠬᠠᠳ᠋ ᠪᠣᠯᠣᠨ ᠦᠯᠦᠭ · ᠲᠡᠮᠦᠷ ᠨᠢᠭᠡᠮᠦᠰᠦᠨ ᠪᠠᠯᠢᠳᠠᠵᠠᠢ᠃ ᠲᠠᠶᠢᠰᠣᠨ ᠤ ᠵᠠᠩᠵᠣᠨ ᠡᠮᠢᠷ ᠵᠠᠮᠰ — ᠠᠳ᠋ᠳᠢᠨ | ᠠᠯᠢ ᠬᠡᠵᠢᠶᠡᠨᠡᠢ ᠨᠢᠳᠣᠷᠭᠠ ᠪᠠᠨ ᠵᠠᠩᠬᠢᠳᠣᠨ ᠬᠦᠯᠢᠶᠡᠵᠦ ᠪᠠᠶᠢᠭᠰᠠᠨ ᠪᠣᠯᠬᠤᠷ ᠮᠠᠨ ᠤ ᠡᠰᠡᠷᠭᠦ ᠠᠴᠠ ᠴᠡᠷᠢᠭ ᠢᠶᠠᠨ | ᠲᠠᠭᠠᠭᠤᠯᠣᠨ ᠲᠠᠭᠠᠷᠢᠨ ᠢᠷᠡᠵᠦ᠂ ᠦᠪᠡᠷ ᠤᠨ ᠪᠠᠭᠠᠳᠣᠷ ᠢᠶᠠᠨ ᠨᠢᠭᠡᠮᠦᠰᠦᠨ ᠭᠠᠶᠢᠬᠠᠭᠤᠯᠵᠠᠢ᠃ | ᠡᠨᠡ ᠦᠶᠡ ᠪᠠᠷ ᠡᠮᠢᠷ ᠲᠡᠮᠦᠷ ᠤᠨ ᠬᠢᠯᠢᠩ ᠤᠨ ᠭᠠᠯ ᠲᠡᠭᠷᠢ ᠲᠣᠯᠳᠠᠯᠠ ᠲᠦᠷᠡᠯᠵᠡᠵᠦ᠂ ᠡᠷᠳᠡᠨᠢ ᠶᠢᠨ ᠰᠡᠯᠡᠮᠡ ᠶᠢ | ᠴᠢᠩᠭᠠ ᠠᠳᠬᠤᠨ ᠡᠷᠡᠰ ᠰᠢᠢᠳᠮᠡᠭᠡᠢ ᠪᠠᠷ ᠲᠠᠶᠢᠰᠣᠨ ᠲᠠᠢ ᠦᠵᠡᠯᠴᠡᠯᠡ᠃ | ᠭᠠᠷᠬᠠᠨ ᠬᠤᠶᠠᠭ ᠯᠣᠣᠳᠣ ᠲᠣᠭᠤᠯᠭᠠ ᠡᠳᠦᠷ ᠤᠨ ᠨᠠᠷᠠᠨ ᠳᠤ ᠬᠢᠯᠠᠯᠵᠠᠵᠣ | ᠭᠠᠷᠮᠠᠭᠠᠢ ᠪᠠᠭᠠᠳᠣᠷ ᠤᠨ ᠡᠷᠡᠯᠬᠡᠭ ᠲᠦᠷᠢ ᠲᠠᠶᠢᠨ ᠤ ᠲᠠᠯᠠᠪᠣᠷ ᠲᠤ ᠮᠠᠩᠯᠠᠶᠢᠯᠠᠪᠠ᠃ | ᠠᠭᠤᠷ ᠬᠢᠯᠢᠩ ᠮᠠᠨᠳᠣᠨ ᠪᠠᠳᠠᠷᠠᠬᠤᠶᠠ ᠶᠢᠰᠦᠨ ᠲᠡᠭᠷᠢ ᠴᠡᠴᠡᠷᠬᠢᠯᠳᠦᠨ | ᠠᠭᠳᠠ ᠶᠢᠨ ᠬᠦᠴᠦ ᠡᠷᠡ ᠶᠢᠨ ᠪᠠᠭᠠᠳᠣᠷ ᠲᠤ ᠲᠠᠶᠢᠰᠣᠨ ᠪᠦᠬᠦᠨ ᠠᠶᠣᠯᠳᠣᠪᠠ᠃ | ᠡᠮᠢᠷ ᠲᠡᠮᠦᠷ ᠦᠪᠡᠷ ᠤᠨ ᠠᠷᠪᠠᠨ ᠲᠣᠯᠣᠭᠠᠨ ᠬᠤᠰᠢᠭᠤ ᠴᠡᠷᠢᠭ ᠢᠶᠠᠨ ᠵᠠᠬᠢᠷᠣᠨ ᠣᠷᠣᠭᠰᠢ ᠲᠠᠭᠠᠷᠢᠵᠣ᠂ ᠲᠡᠭᠦᠨ ᠤ | ᠬᠤᠰᠢᠭᠤᠴᠢ ᠴᠡᠷᠢᠭ ᠨᠠᠮᠣᠷ ᠤᠨ ᠰᠠᠯᠬᠢ ᠣᠨᠠᠭᠰᠠᠨ ᠨᠠᠪᠴᠢᠰ ᠢ ᠱᠦᠭᠦᠷᠳᠡᠬᠦ ᠮᠡᠳᠦ ᠠᠯᠠᠨ ᠣᠷᠣᠭᠰᠠᠨᠠ᠂ | ᠲᠠᠶᠢᠰᠣᠨ ᠤ ᠴᠡᠷᠢᠭ ᠠᠶᠣᠨ ᠪᠠᠯᠢᠳᠠᠵᠣ᠂ ᠡᠮᠢᠷ ᠵᠠᠮᠰ — ᠠᠳ᠋ᠳᠢᠨ ᠬᠦᠷᠳᠡᠯᠡ ᠮᠣᠷᠢᠨ ᠲᠣᠯᠣᠭᠠᠢ ᠡᠷᠭᠢᠭᠦᠯᠦᠨ | ᠲᠠᠶᠢᠨ ᠤ ᠲᠠᠯᠠᠪᠣᠷ ᠠᠴᠠ ᠣᠬᠤᠷᠢᠨ ᠭᠠᠷᠴᠣ᠂ ᠰᠢᠪᠰᠢᠭᠳᠡᠢ ᠪᠠᠷ ᠪᠣᠷᠣᠭᠤᠯᠠᠨ ᠲᠣᠳᠠᠭᠠᠪᠠ᠃ ᠡᠮᠢᠷ ᠲᠡᠮᠦᠷ | ᠲᠠᠶᠢᠰᠣᠨ ᠢᠶᠠᠨ ᠲᠠᠷᠣᠮᠠᠭᠴᠠ ᠪᠠᠨ ᠦᠪᠡᠷ ᠤᠨ ᠵᠢᠬᠰᠠᠭᠠᠯ ᠢᠶᠠᠨ ᠪᠠᠬᠢᠯᠡᠨ ᠰᠠᠬᠢᠪᠠ᠃ | ᠡᠮᠢᠷ ᠲᠡᠮᠦᠷ ᠡᠭᠦᠨ ᠤ ᠵᠡᠷᠭᠡᠳᠡ ᠪᠠᠰᠠ ᠦᠪᠡᠷ ᠤᠨ ᠰᠢᠲᠠᠷ ᠲᠠᠭᠠᠭᠰᠠᠳ ᠲᠠᠪᠠᠨ · ᠪᠠᠭᠠᠳᠣᠷ ᠢ ᠲᠣᠮᠢᠯᠠᠵᠣ ᠡᠮᠢᠷ | ᠬᠤᠰᠢᠨ ᠤ ᠲᠡᠷᠭᠡᠳᠡ ᠢᠯᠡᠭᠡᠨ ᠬᠡᠯᠡᠬᠦᠯᠦᠭᠰᠡᠨ ᠨᠢ᠄ ︽ᠡᠷᠬᠢᠮ ᠣᠯᠠᠨ ᠡᠮᠢᠷ ᠨᠡᠷ ᠮᠢᠨᠢ᠂ ᠪᠢᠳᠡᠨ ᠤ ᠣᠷᠣᠭᠰᠢᠯᠠᠬᠤ | ᠴᠠᠭ ᠢᠷᠡᠪᠡ᠂ ᠪᠢᠳᠡ ᠪᠦᠬᠦᠳᠡᠭᠡᠷ ᠬᠦᠴᠦᠨ ᠬᠠᠮᠳᠣᠷᠠᠨ ᠲᠠᠭᠠᠷᠢᠨ ᠣᠷᠣᠪᠠᠯ ᠲᠠᠶᠢᠰᠣᠨ ᠤ ᠢᠯᠠᠭᠳᠠᠯ ᠨᠢᠳᠣᠨ | ᠡᠮᠦᠨᠡ ᠪᠣᠯᠪᠠ᠃ ᠲᠠᠶᠢᠰᠣᠨ ᠳᠤ ᠮᠠᠨ ᠤ ᠶᠡᠬᠡᠪᠡᠷ ᠲᠠᠭᠠᠷᠢᠬᠤ ᠶᠢ ᠡᠰᠡᠷᠭᠦᠴᠡᠬᠦ ᠬᠦᠴᠦᠨ ᠴᠢᠳᠠᠯ ᠨᠢᠭᠡᠨᠳᠡ ᠠᠯᠠᠭᠠ | ᠪᠣᠯᠵᠠᠢ᠃ ᠪᠢᠳᠡ ᠴᠢᠷᠮᠠᠶᠢᠨ ᠬᠠᠳᠠᠭᠤᠵᠢᠵᠣ ᠲᠣᠪᠳᠣᠯᠣᠪᠠᠰᠣ ᠲᠡᠳᠡ ᠲᠠᠷᠣᠭᠳᠠᠨ ᠰᠠᠷᠨᠢᠬᠤ ᠨᠢ ᠯᠠᠪ ᠪᠣᠯᠠᠢ︾ | ᠭᠡᠵᠡᠢ᠃ | ᠭᠡᠳᠡᠯᠡ ᠡᠮᠢᠷ ᠲᠡᠮᠦᠷ ᠤᠨ ᠬᠦᠴᠦᠨ ᠰᠦᠷ ᠡᠳᠦᠷ ᠢᠷᠡᠬᠦᠶᠡ ᠬᠦᠭᠵᠢᠨ ᠮᠠᠨᠳᠣᠵᠣ᠂ ᠦᠪᠡᠷ ᠤᠨ ᠤ ᠬᠢᠨᠢ ᠪᠠᠶᠢᠳᠠᠯ | ᠡᠳᠦᠷ ᠢᠷᠡᠬᠦᠶᠡ ᠲᠣᠷᠣᠶᠢᠳᠠᠨ ᠪᠠᠶᠢᠭᠠ ᠶᠢ ᠬᠠᠷᠠᠭᠰᠠᠨ ᠡᠮᠢᠷ ᠬᠤᠰᠢᠨ ᠶᠠᠭ ᠯᠠ ᠺᠣᠷᠠᠨ ᠰᠣᠳᠣᠷ ᠲᠤ ᠬᠡᠯᠡᠭᠰᠡᠨ | ᠰᠢᠭ᠄ ︽ᠠᠯᠯᠠᠾ ᠳᠤ ᠶᠠᠮᠠᠷᠪᠠ ᠬᠦᠮᠦᠨ ᠢ ᠬᠤᠪᠢᠷᠠᠭᠤᠯᠣᠶᠠ ᠭᠡᠰᠡᠨ ᠪᠣᠳᠣᠯ ᠦᠭᠡᠢ᠂ ᠵᠦᠪᠬᠡᠨ ᠲᠡᠳᠡᠭᠡᠷ ᠬᠦᠮᠦᠰ | ᠦᠪᠡᠷ ᠢ ᠪᠠᠨ ᠬᠤᠪᠢᠷᠠᠭᠤᠯᠬᠤ ᠯᠠ ᠲᠡᠳᠦᠢ︾ ᠭᠡᠰᠡᠨ ᠲᠠᠢ ᠠᠳᠠᠯᠢ ᠪᠠᠷ ᠲᠡᠭᠦᠨ ᠤ ᠬᠡᠢ ᠮᠣᠷᠢ ᠨᠢᠭᠡᠨᠳᠡ | ᠪᠠᠷᠠᠭᠤᠨᠠ ᠨᠠᠷᠠᠨ ᠮᠡᠳᠦ ᠪᠣᠯᠪᠠᠢ᠃ ᠡᠨᠡᠬᠦ ᠬᠤᠭᠤᠴᠠᠭᠠᠨ ᠳᠤ ᠡᠮᠢᠷ ᠬᠤᠰᠢᠨ ᠤ ᠵᠠᠩ ᠴᠢᠨᠠᠷ ᠴᠦ ᠶᠡᠬᠡᠯᠡ | ᠬᠤᠪᠢᠷᠠᠵᠣ᠂ ᠦᠩᠭᠡᠷᠡᠭᠰᠡᠨ ᠤ ᠮᠡᠳᠦ ᠲᠣᠭᠳᠠᠬᠤᠨ ᠯᠠᠪᠳᠠᠭᠤᠨ ᠪᠢᠰᠢ ᠪᠣᠯᠵᠣ᠂ ᠵᠠᠷᠢᠮ ᠦᠮᠡᠬᠡᠢ ᠲᠠᠳᠬᠠᠯ ᠳᠤ | ᠠᠪᠳᠠᠵᠣ᠂ ᠡᠯᠡ ᠵᠦᠢᠯ ᠤᠨ ᠮᠠᠭᠤ ᠬᠡᠷᠡᠭ ᠢ ᠦᠢᠯᠡᠳᠬᠦ ᠪᠣᠯᠪᠠ᠃ ᠡᠶᠢᠮᠦ ᠠᠴᠠ ᠲᠠᠪᠠᠨ · ᠪᠠᠭᠠᠳᠣᠷ ᠢᠷᠡᠵᠦ | ᠲᠡᠭᠦᠨ ᠳᠤ ᠡᠮᠢᠷ ᠲᠡᠮᠦᠷ ᠤᠨ ᠦᠭᠡ ᠶᠢ ᠲᠠᠮᠵᠢᠭᠤᠯᠣᠭᠰᠠᠨᠠ ᠲᠡᠷᠡ ᠲᠡᠭᠦᠨ ᠢ ᠶᠡᠬᠡᠪᠡᠷ ᠬᠢᠯᠢᠩᠯᠡᠨ ᠬᠠᠷᠢᠶᠠᠵᠣ | ᠲᠠᠭᠤᠰᠣᠭᠠᠳ ᠵᠣᠭᠰᠣᠭᠰᠠᠨ ᠦᠭᠡᠢ᠂ ᠡᠴᠦᠰ ᠲᠡᠭᠡᠨ ᠲᠡᠭᠦᠨ ᠢ ᠨᠢᠭᠡᠯᠡ ᠨᠢᠳᠣᠷᠭᠠᠳᠠᠨ ᠬᠦᠰᠡᠷ ᠣᠨᠠᠭᠠᠪᠠ᠃ | ᠡᠮᠢᠷ ᠲᠡᠮᠦᠷ ᠡᠴᠦᠰ ᠲᠡᠭᠡᠨ ᠡᠮᠢᠷ ᠬᠤᠰᠢᠨ ᠤ ᠭᠠᠷ ᠲᠣᠣᠷᠠᠬᠢ ᠬᠦᠮᠦᠨ ᠮᠧᠯᠢᠺ ᠪᠠ ᠬᠠᠨᠳᠠᠮᠢ ᠶᠢ ᠲᠡᠳᠡᠨᠡᠷ ᠤᠨ | ᠦᠷᠦᠰᠢᠶᠡᠯᠳᠦ ᠡᠵᠡᠨ ᠳᠤᠨᠢ ᠢᠯᠡᠭᠡᠨ ᠡᠮᠢᠷ ᠬᠤᠰᠢᠨ ᠢ ᠵᠠᠯᠠᠭᠤᠯᠣᠭᠰᠠᠨ ᠪᠣᠯᠠᠪᠴᠣ᠂ ᠡᠮᠢᠷ ᠬᠤᠰᠢᠨ ᠡᠨᠡ ᠬᠤᠶᠠᠷ | ᠡᠯᠴᠢ ᠶᠢ ᠶᠡᠬᠡᠯᠡ ᠬᠠᠷᠢᠶᠠᠨ ᠲᠣᠷᠣᠮᠵᠢᠯᠠᠵᠣ ᠬᠡᠯᠡᠭᠰᠡᠨ ᠨᠢ᠄ ︽ᠲᠠᠨᠣᠰ ᠰᠢᠭ ᠨᠠᠳᠠ ᠶᠢ ᠰᠢᠬᠠᠮᠳᠠᠭᠤᠯᠣᠭᠴᠢᠳ | ᠬᠢᠷᠢ ᠪᠠᠨ ᠲᠠᠳᠠ᠂ ᠪᠢ ᠶᠠᠮᠠᠷ ᠲᠠᠶᠢᠨ ᠤ ᠲᠠᠯᠠᠪᠣᠷ ᠠᠴᠠ ᠲᠣᠳᠠᠭᠠᠭᠰᠠᠨ ᠶᠣᠮ ᠦᠦ︖ ᠲᠠᠨᠣᠰ ᠢᠯᠠᠪᠠᠴᠣ᠂ | ᠲᠠᠶᠢᠰᠣᠨ ᠲᠡᠶᠢᠯᠦᠪᠡᠴᠦ ᠲᠠᠨ ᠤ ᠬᠡᠨ ᠨᠢ ᠴᠦ ᠮᠢᠨᠦ ᠦᠰᠢᠶᠡ ᠠᠪᠣᠯᠳᠠ ᠠᠴᠠ ᠮᠣᠯᠳᠣᠷᠢᠨᠠ ᠭᠡᠵᠦ ᠰᠠᠨᠠᠬᠤ ᠬᠡᠷᠡᠭ | ᠦᠭᠡᠢ︾ ᠬᠡᠮᠡᠪᠡ᠃ | ᠮᠧᠯᠢᠺ ᠪᠣᠯᠣᠨ ᠬᠠᠨᠳᠠᠮᠢ ᠡᠭᠦᠨ ᠢ ᠰᠣᠨᠣᠰᠣᠭᠠᠳ ᠶᠡᠬᠡᠯᠡ ᠠᠭᠤᠷᠰᠠᠨ ᠲᠡᠷᠡ ᠲᠣᠣᠷᠠ ᠪᠠᠨ ᠡᠮᠢᠷ ᠬᠤᠰᠢᠨ ᠠᠴᠠ | ᠰᠠᠯᠵᠣ ᠡᠮᠢᠷ ᠲᠡᠮᠦᠷ ᠤᠨ ᠠᠳᠡ ᠢᠷᠡᠪᠡ᠃ ᠲᠡᠳᠡ ᠡᠮᠢᠷ ᠲᠡᠮᠦᠷ ᠲᠠᠢ ᠠᠭᠤᠯᠵᠠᠭᠠᠳ ᠬᠡᠯᠡᠭᠰᠡᠨ ᠨᠢ᠄ ︽ᠲᠠ | ᠲᠡᠭᠦᠨ ᠢ ᠡᠨᠡᠬᠦ ᠲᠠᠶᠢᠨ ᠳᠤ ᠣᠷᠣᠯᠴᠠᠭᠤᠯᠣᠶᠠ ᠭᠡᠵᠦ ᠪᠠᠷᠢᠮᠳᠠᠯᠠᠭᠰᠠᠨ ᠤ ᠬᠡᠷᠡᠭ ᠦᠭᠡᠢ︾ ᠭᠡᠪᠡ᠃ ᠡᠮᠢᠷ ᠲᠡᠮᠦᠷ | ᠡᠳᠡ ᠬᠤᠶᠠᠭᠤᠯᠠ ᠶᠢ ᠢᠳᠡᠭᠡᠵᠦ᠂ ᠡᠨᠡᠬᠦ ᠲᠠᠶᠢᠨ ᠢ ᠦᠷᠬᠦᠯᠵᠢᠯᠡᠶᠡ ᠭᠡᠳᠡᠭ ᠰᠠᠨᠠᠯ ᠢᠶᠠᠨ ᠬᠤᠷᠢᠶᠠᠵᠠᠢ᠃ ᠭᠡᠪᠡᠴᠦ | ᠬᠤᠶᠠᠷ ᠲᠠᠯᠠ ᠶᠢᠨ ᠴᠡᠷᠢᠭ ᠨᠢᠭᠡᠨᠳᠡ ᠬᠠᠷᠢᠯᠴᠠᠨ ᠪᠠᠶᠢᠯᠳᠣᠵᠣ ᠰᠢᠳᠦᠯᠴᠡᠨ ᠬᠤᠨᠣᠭᠠᠳ ᠪᠠᠶᠢᠭᠰᠠᠨ ᠪᠣᠯᠬᠤᠷ᠂ | ᠰᠠᠯᠬᠤᠶᠠ ᠬᠢᠯᠪᠠᠷ ᠪᠣᠰᠣ ᠪᠣᠯᠵᠠᠢ᠃ ᠡᠳᠦᠬᠡ ᠬᠤᠶᠠᠷ ᠲᠠᠯᠠ ᠶᠢᠨ ᠬᠦᠴᠦᠨ ᠤ ᠲᠡᠩᠴᠡᠭᠦᠷᠢ ᠨᠢᠭᠡᠮᠦᠰᠦᠨ | ᠠᠯᠳᠠᠭᠳᠠᠪᠠ᠃ ᠰᠢᠯᠦᠭ ᠲᠤ ᠦᠬᠦᠯᠡᠭᠰᠡᠨ ᠨᠢ᠄ | ᠬᠤᠶᠠᠷ ᠲᠠᠯᠠ ᠶᠢᠨ ᠲᠤᠭ ᠬᠢᠬᠢᠷᠢ ᠨᠢᠭᠤᠭᠳᠠᠷᠣᠨ᠂ | ᠬᠤᠶᠠᠭᠳᠣ ᠡᠷᠡᠰ ᠵᠡᠪᠰᠡᠭ ᠲᠡᠷᠡᠯᠡᠨ ᠨᠣᠶᠢᠷᠰᠣᠵᠣᠬᠤᠢ᠃ | ᠠᠯᠳᠠᠨ ᠨᠠᠷᠠᠨ ᠲᠠᠶᠢᠨ ᠤ ᠲᠠᠯᠠᠪᠠᠢ ᠶᠢ ᠭᠡᠷᠡᠯᠳᠦᠭᠦᠯᠬᠦᠶᠡ᠂ | ᠠᠮᠳᠠᠳᠣ ᠨᠣᠶᠢᠷ ᠠᠴᠠ ᠬᠠᠷᠬᠠᠨ ᠰᠡᠷᠢᠭᠡᠳᠦᠢ ᠪᠠᠶᠢᠯᠤᠭᠠ᠃ | ᠲᠣᠰ ᠡᠳᠦᠷ ᠤᠨ ᠣᠷᠣᠢ ᠡᠮᠢᠷ ᠬᠤᠰᠢᠨ ᠠᠴᠠ ᠡᠮᠢᠷ ᠲᠡᠮᠦᠷ ᠢ ᠬᠡᠳᠦᠨᠳᠡ ᠵᠠᠯᠠᠭᠤᠯᠣᠭᠰᠠᠨ ᠳᠤ ᠡᠨᠡᠬᠦ ᠸᠠᠩ ᠴᠦ | ᠲᠡᠭᠦᠨ ᠤ ᠵᠠᠯᠠᠯᠭᠠ ᠶᠢ ᠦᠯᠦ ᠬᠦᠯᠢᠶᠡᠨ ᠠᠪᠣᠪᠠ᠃ | ᠬᠤᠶᠠᠳᠣᠭᠠᠷ ᠡᠳᠦᠷ ᠬᠢᠨᠢ ᠦᠷᠯᠦᠭᠡ ᠬᠤᠶᠠᠷ ᠲᠠᠯᠠ ᠶᠢᠨ ᠴᠡᠷᠢᠭ ᠲᠠᠬᠢᠨ ᠪᠠᠶᠢᠯᠳᠣᠨ ᠡᠬᠢᠯᠡᠪᠡ᠃ ᠭᠡᠪᠡᠴᠦ ᠴᠠᠭᠠᠳᠠᠢ | ᠶᠢᠨ ᠴᠡᠷᠢᠭ ᠢᠯᠠᠭᠳᠠᠨ ᠪᠣᠷᠣᠭᠤᠯᠠᠵᠣ᠂ ᠮᠠᠨ ᠴᠡᠷᠢᠭ ᠲᠠᠷᠣᠨ ᠠᠯᠠᠵᠣ ᠬᠦᠭᠡᠭᠡᠨ ᠨᠡᠬᠡᠮᠵᠢᠯᠡᠪᠡ᠃ ᠭᠡᠳᠡᠯᠡ ᠶᠠᠭ ᠡᠨᠡ | ᠦᠶᠡ ᠪᠠᠷ ᠡᠮᠢᠷ ᠵᠠᠮᠰ — ᠠᠳ᠋ᠳᠢᠨ ᠤ ᠨᠢᠭᠡᠨ ᠰᠠᠯᠠᠭᠠ ᠴᠡᠷᠢᠭ ᠶᠡᠭᠡ ᠴᠡᠷᠢᠭ ᠠᠴᠠ ᠪᠠᠨ ᠰᠠᠯᠵᠣ ᠭᠠᠷᠴᠣ ᠢᠷᠡᠭᠰᠡᠨ | ᠳᠤ ᠮᠠᠨᠠᠶᠢᠬᠢᠳ ᠨᠡᠬᠡᠮᠵᠢᠯᠡᠬᠦ ᠪᠠᠨ ᠵᠣᠭᠰᠣᠵᠣ ᠵᠠᠮᠰ — ᠠᠳ᠋ᠳᠢᠨ ᠢ ᠲᠣᠪᠳᠣᠯᠬᠤ ᠪᠠᠷ ᠪᠠᠶᠢᠳᠠᠯᠠ᠂ ᠢᠯᠠᠭᠳᠠᠭᠰᠠᠨ | ᠲᠠᠶᠢᠰᠣᠨ ᠭᠡᠳᠡᠷᠭᠦ ᠲᠣᠪᠳᠣᠯᠵᠣ ᠰᠢᠷᠦᠬᠦᠨ ᠲᠠᠭᠠᠷᠢᠭᠰᠠᠨᠠ᠂ ᠮᠠᠨ ᠤ ᠴᠡᠷᠢᠭ ᠢᠯᠠᠭᠳᠠᠨ ᠰᠡᠩᠳᠡ ᠮᠡᠩᠳᠡ | ᠲᠣᠳᠠᠭᠠᠨ ᠪᠣᠷᠣᠭᠤᠯᠠᠭᠴᠢᠳ ᠭᠤᠣᠯ ᠳᠤ ᠣᠨᠠᠵᠣ ᠦᠭᠦᠭᠰᠡᠨ ᠬᠦᠮᠦᠨ ᠤ ᠲᠤᠭᠠ ᠲᠣᠭᠠᠯᠠᠰᠢ ᠦᠭᠡᠢ ᠣᠯᠠᠨ ᠪᠣᠯᠪᠠ | ᠃ ᠲᠠᠶᠢᠰᠣᠨ ᠵᠠᠪᠰᠢᠶᠠᠨ ᠢ ᠠᠯᠳᠠᠯ ᠦᠭᠡᠢ ᠲᠠᠭᠠᠷᠢᠨ ᠠᠯᠠᠵᠣ᠂ ᠮᠠᠨ ᠤ ᠴᠡᠷᠢᠭ ᠲᠦᠮᠡᠨ ᠢᠯᠡᠬᠦᠥ ᠬᠦᠮᠦᠨ | ᠬᠤᠬᠢᠷᠠᠪᠠ᠃ | ᠡᠨᠡ ᠣᠳᠠᠭᠠᠨ ᠤ ᠲᠠᠶᠢᠨ ᠾᠢᠵᠢᠷ ᠲᠣᠭᠠᠯᠠᠯ ᠤᠨ 766 ᠣᠨ ︵ᠨᠡᠶᠢᠳᠡ ᠶᠢᠨ ᠣᠨ ᠲᠣᠭᠠᠯᠠᠯ ᠤᠨ1365 ᠣᠨ︶ | ᠤ ᠷᠠᠮᠠᠳᠠᠨ ᠰᠠᠷᠠ ᠶᠢᠨ ᠰᠢᠨᠡ ᠶᠢᠨ ᠨᠢᠭᠡᠨ ᠪᠠᠶᠢᠵᠠᠢ᠃ ᠲᠠᠷᠣᠢ ᠲᠠᠲ᠋ᠠᠷ ᠲᠣᠭᠠᠯᠠᠯ ᠤᠨ ᠮᠣᠭᠠᠢ ᠵᠢᠯ ᠤᠨ ᠬᠡᠷᠡᠭ | ᠶᠣᠮ᠃ ᠲᠡᠭᠷᠢ ᠶᠢᠨ ᠵᠦᠢᠴᠢᠳ ᠦᠬᠦᠯᠡᠷᠦᠨ᠄ ︽ᠡᠨᠡᠬᠦ ᠬᠡᠷᠡᠭ ᠶᠠᠭ ᠰᠠᠶᠢᠬᠠᠨ ᠨᠠᠾ ᠰᠠᠭᠤᠳᠠᠯ ᠳᠤ ᠭᠤᠷᠪᠠᠨ | ᠭᠠᠷᠠᠭ ᠤᠨ ᠠᠭᠤᠯᠵᠠᠯᠳᠠ ᠳᠤ ᠪᠣᠯᠵᠠᠢ︾ ᠭᠡᠪᠡ᠃ ᠡᠨᠡ ᠦᠭᠡ ᠶᠢ ᠪᠢ ᠡᠨᠡᠬᠦ ᠲᠡᠣᠬᠡᠨ ᠨᠣᠮ ᠳᠤ ᠶᠠᠷᠢᠵᠣ ᠪᠠᠶᠢᠭᠠ | ᠨᠢ ᠵᠦᠪᠬᠡᠨ ᠨᠢᠭᠡ ᠦᠯᠢᠭᠡᠷ ᠲᠡᠳᠦᠢ ᠬᠡᠯᠡᠭᠰᠡᠨ ᠬᠡᠷᠡᠭ ᠶᠣᠮ᠃ ᠪᠢ ᠡᠨᠡ ᠬᠡᠷᠡᠭ ᠢ ᠣᠳᠣᠨ ᠭᠠᠷᠠᠭ ᠤᠨ | ᠠᠭᠤᠯᠵᠠᠯᠳᠠ ᠠᠴᠠ ᠪᠣᠯᠣᠯᠠ ᠭᠡᠵᠦ ᠢᠳᠡᠭᠡᠬᠦ ᠦᠭᠡᠢ᠂ ᠰᠢᠯᠳᠠᠭᠠᠨ ᠭᠡᠪᠡᠯ ︽ᠵᠦᠪᠬᠡᠨ ᠠᠯᠯᠠᠾ ᠪᠣᠯ ᠰᠠᠶ᠋ᠢ ᠪᠦᠬᠦᠨ | ᠢ ᠴᠢᠳᠠᠭᠴᠢ ᠶᠣᠮ︾᠃ | ᠡᠨᠡ ᠣᠳᠠᠭᠠᠨ ᠤ ᠢᠯᠠᠭᠳᠠᠯ ᠤᠨ ᠰᠡᠭᠦᠯᠡᠷ᠂ ᠡᠨᠡ ᠬᠤᠶᠠᠷ ᠸᠠᠩ ᠭᠦᠩ ᠺᠧᠱ ᠲᠤ ᠣᠬᠤᠷᠢᠨ ᠬᠦᠷᠴᠡᠢ᠃ | ᠲᠡᠨᠳᠡᠬᠢ ᠪᠦᠬᠦ ᠸᠠᠩ ᠭᠦᠩ ᠢᠵᠠᠭᠤᠷᠳᠠᠨ᠂ ᠠᠶᠢᠮᠠᠭ ᠪᠦᠯᠦᠭ ᠤᠨ ᠲᠦᠷᠦᠭᠦᠴᠦᠳ ᠪᠦᠷ ᠵᠧᠬᠤᠨ ᠭᠤᠣᠯ ᠢ | ᠭᠠᠳᠣᠯᠣᠨ ᠶᠠᠪᠣᠪᠠ᠃ ᠡᠮᠢᠷ ᠬᠤᠰᠢᠨ ᠠᠴᠠ ᠡᠮᠢᠷ ᠲᠡᠮᠦᠷ ᠲᠤ ᠬᠡᠯᠡᠭᠰᠡᠨ ᠨᠢ᠄ ︽ᠴᠢ ᠬᠠᠮᠤᠭ ᠰᠠᠶᠢᠨ ᠨᠢ ᠭᠡᠷ | ᠬᠤᠳᠠᠯᠠᠭᠠᠷ ᠢᠶᠠᠨ ᠠᠪᠴᠣ ᠴᠡᠷᠢᠭ ᠮᠣᠷᠢᠳ ᠢᠶᠠᠨ ᠲᠠᠭᠠᠭᠤᠯᠣᠨ ᠵᠧᠬᠤᠨ ᠭᠤᠣᠯ ᠢ ᠭᠠᠳᠣᠯᠠᠳᠣᠭᠠᠢ︾ ᠭᠡᠵᠡᠢ᠃ | ᠡᠮᠢᠷ ᠲᠡᠮᠦᠷ ᠲᠡᠭᠦᠨ ᠳᠤ᠄ ︽ᠬᠡᠨ ᠭᠤᠣᠯ ᠭᠠᠳᠣᠯᠣᠨ ᠶᠠᠪᠣᠬᠤ ᠲᠣᠷᠠᠳᠠᠢ ᠪᠣᠯ ᠶᠠᠪᠣᠵᠣ ᠪᠣᠯᠣᠨᠠ᠃ ᠭᠡᠪᠡᠴᠦ ᠪᠢ | ᠶᠠᠪᠣᠬᠤ ᠦᠭᠡᠢ᠂ ᠪᠢ ᠭᠠᠳᠠᠭᠠᠳᠣ ᠣᠯᠣᠰ ᠣᠷᠣᠨ ᠢᠶᠠᠷ ᠶᠠᠪᠣᠵᠣ ᠪᠣᠰᠣᠳ ᠤᠨ ᠲᠣᠷᠣᠮᠵᠢᠯᠡᠯ ᠢ ᠠᠮᠰᠠᠬᠤ ᠲᠣᠷᠠ | ᠦᠭᠡᠢ᠃ ᠪᠢ ᠣᠯᠣᠰ ᠭᠡᠷ ᠢᠶᠠᠨ ᠬᠠᠶᠢᠷᠠᠯᠠᠬᠤ ᠰᠡᠳᠭᠢᠯ ᠢᠶᠠᠷ ᠴᠡᠷᠢᠭ ᠡᠭᠦᠰᠭᠡᠨ ᠭᠠᠳᠠᠭᠠᠳᠣ ᠶᠢᠨ ᠲᠦᠷᠢᠮᠡᠬᠡᠶᠢᠯᠡᠯ ᠢ | ᠡᠰᠡᠷᠭᠦᠴᠡᠵᠦ ᠪᠠᠶᠢᠨᠠ᠃ ᠡᠶᠢᠮᠦ ᠠᠴᠠ ᠪᠢ ᠴᠡᠷᠢᠭ ᠮᠣᠷᠢ ᠪᠠᠨ ᠲᠡᠭᠰᠢᠯᠡᠨ ᠲᠠᠶᠢᠰᠣᠨ ᠲᠠᠢ ᠡᠴᠦᠰ ᠲᠤᠨᠢ | ᠲᠣᠯᠳᠠᠯᠠ ᠲᠡᠮᠡᠴᠡᠨᠡ︾ ᠭᠡᠵᠡᠢ᠃ | ᠡᠮᠢᠷ ᠬᠤᠰᠢᠨ ᠲᠡᠭᠦᠨ ᠠᠴᠠ ᠰᠠᠯᠵᠣ᠂ ᠦᠪᠡᠷ ᠢᠶᠠᠨ ᠰᠠᠷᠢ · ᠰᠠᠷᠠᠢ ᠳᠠᠭᠠᠨ ᠬᠠᠷᠢᠵᠠᠢ᠃ ᠲᠠᠷᠠᠭᠠ ᠨᠢ ᠲᠡᠷᠡ | ᠦᠪᠡᠷ ᠤᠨ ᠠᠷᠠᠳ ᠢᠷᠭᠡᠳ ᠢᠶᠠᠨ ᠪᠦᠷ ᠭᠤᠣᠯ ᠤᠨ ᠴᠠᠭᠠᠨᠠ ᠨᠡᠭᠦᠯᠭᠡᠨ ᠠᠪᠠᠴᠢᠵᠣ᠂ ᠨᠢᠭᠡ ᠰᠢᠪᠠᠷᠲᠣ | ︵Shibartu︶ ᠭᠡᠳᠡᠭ ᠭᠠᠵᠠᠷ ᠲᠣᠬᠢᠷᠠᠭᠤᠯᠣᠨ ᠰᠠᠭᠤᠯᠭᠠᠪᠠ᠃ ᠠᠳᠡ ᠠᠴᠠ ᠲᠡᠷᠡ ᠲᠣᠷᠰᠢᠭᠤᠯ ᠲᠣᠮᠢᠯᠠᠨ | ᠴᠢᠮᠡᠭᠡ ᠮᠡᠳᠡᠭᠡ ᠠᠪᠴᠣ᠂ ᠬᠡᠷᠪᠡ ᠴᠠᠭᠠᠳᠠᠢ ᠶᠢᠨ ᠴᠡᠷᠢᠭ ᠢᠷᠡᠪᠡᠯ ᠾᠢᠨᠳᠦᠰᠲ᠋ᠠᠨ⑤ ᠵᠦᠭ ᠲᠣᠳᠠᠭᠠᠬᠤ ᠪᠠᠷ | ᠪᠡᠯᠡᠳᠭᠡᠨ ᠲᠠᠯᠪᠢᠵᠠᠢ᠃ | ᠡᠮᠢᠷ ᠬᠤᠰᠢᠨ ᠰᠠᠯᠵᠣ ᠶᠠᠪᠣᠭᠰᠠᠨ ᠤ ᠰᠡᠬᠦᠯᠡᠷ᠂ ᠡᠮᠢᠷ ᠲᠡᠮᠦᠷ ᠲᠡᠷᠡ ᠲᠣᠣᠷᠠ ᠪᠠᠨ ᠪᠦᠬᠦ ᠠᠩᠬᠠᠷᠣᠯ ᠢᠶᠠᠨ | ᠲᠦᠪᠯᠡᠷᠡᠭᠦᠯᠦᠨ ᠲᠠᠶᠢᠰᠣᠨ ᠢ ᠡᠰᠡᠷᠭᠦᠴᠡᠬᠦ ᠪᠡᠯᠡᠳᠭᠡᠯ ᠢᠶᠠᠨ ᠬᠢᠵᠡᠢ᠃ ᠲᠡᠷᠡ ᠦᠪᠡᠷ ᠤᠨ ᠴᠡᠷᠢᠭ ᠢᠶᠠᠨ | ᠴᠣᠳᠯᠠᠭᠤᠯᠣᠨ ᠨᠡᠶᠢᠳᠡ ᠠᠷᠪᠠᠨ ᠬᠤᠶᠠᠷ ᠬᠤᠰᠢᠭᠤ ᠵᠣᠬᠢᠶᠠᠨ ᠪᠠᠶᠢᠭᠤᠯᠵᠣ᠂ ᠲᠡᠮᠦᠷ · ᠬᠤᠵᠠ · ᠣᠬᠯᠠᠨ᠂ | ᠴᠠᠷᠦᠴᠢ ᠪᠠ ᠠᠪᠠᠰ ᠪᠠᠭᠠᠳᠣᠷ ᠲᠤ ᠨᠠᠢᠮᠠᠨ ᠬᠤᠰᠢᠭᠤ ᠴᠡᠷᠢᠭ ᠦᠭᠴᠦ ᠰᠠᠮᠠᠷᠺᠠᠨᠳ᠋ ᠣᠷᠴᠢᠮ ᠭᠠᠵᠠᠷ ᠢᠶᠠᠷ ᠲᠠᠩᠨᠠᠷᠠ | ᠢᠯᠡᠭᠡᠪᠡ᠃ ᠭᠡᠪᠡᠴᠦ ᠴᠠᠷᠦᠴᠢ ᠵᠠᠮ ᠭᠤᠳᠣᠰ ᠲᠤ ᠠᠷᠢᠬᠢᠨ ᠳᠤ ᠰᠢᠨᠣᠵᠣ᠂ ᠶᠡᠬᠡᠯᠡ ᠨᠦᠯᠦᠭᠡ ᠭᠠᠷᠭᠠᠭᠰᠠᠨ ᠶᠣᠮ᠃ | ᠡᠨᠡ ᠦᠨᠡᠬᠡᠷ ᠡᠷᠳᠡᠨ ᠤ ᠠᠷᠠᠪ ᠦᠭᠡᠨ ᠳᠤ ᠬᠡᠯᠡᠭᠰᠡᠨ ᠮᠡᠳᠦ ᠪᠠᠷ᠄ ᠠᠮᠳᠠᠳᠣ ᠠᠷᠢᠬᠢ ᠴᠡᠴᠡᠭ ᠮᠡᠳᠦ | ᠠᠩᠬᠢᠯᠣᠪᠠᠴᠣ᠂ ᠠᠮᠳᠠᠷᠬᠠᠨ ᠰᠢᠨᠣᠪᠠᠰᠣ ᠦᠮᠡᠬᠡᠢ ᠬᠡᠬᠦᠷ ᠪᠣᠯᠬᠤ ᠶᠣᠮ ᠭᠡᠳᠡᠭᠴᠢᠯᠡᠨ᠂ ᠲᠡᠷᠡ ᠠᠷᠢᠬᠢᠨ ᠳᠤ | ᠰᠣᠭᠳᠣᠭᠰᠠᠭᠠᠷ ᠡᠯᠳᠡᠪ ᠦᠭᠡ ᠶᠢ ᠲᠣᠷᠠ ᠪᠠᠷ ᠲᠣᠩᠭᠤᠰᠣᠨ᠂ ᠣᠯᠠᠨ ᠤ ᠰᠡᠳᠬᠢᠯ ᠢ ᠰᠠᠮᠠᠷᠠᠭᠤᠯᠳᠠᠭ᠃ ᠲᠡᠷᠡ | ᠰᠣᠭᠳᠣᠭᠠᠳ ᠳ᠋ᠠᠬᠤᠳ᠋ · ᠬᠤᠵᠠ ᠪᠣᠯᠣᠨ ᠰᠢᠨᠳᠦ᠋ · ᠱᠠᠾ ᠲᠤ ᠬᠡᠯᠡᠭᠰᠡᠨ ᠨᠢ᠄ ︽ᠨᠢᠭᠡ ᠬᠦᠮᠦᠨ ︵ᠡᠮᠢᠷ ᠲᠡᠮᠦᠷ ᠢ | ᠵᠢᠭᠠᠵᠣ ᠪᠠᠶᠢᠨᠠ︶ ᠬᠦᠮᠦᠨ ᠲᠣᠮᠢᠯᠠᠨ ᠲᠠ ᠨᠡᠷ ᠢ ᠪᠠᠷᠢᠪᠴᠢᠯᠠᠨ ᠠᠪᠠᠴᠢᠵᠣ ᠡᠮᠢᠷ ᠬᠤᠰᠢᠨ ᠳᠤ ᠲᠣᠰᠢᠶᠠᠨ | ᠦᠭᠴᠦ᠂ ᠠᠯᠠᠨ ᠰᠢᠢᠳᠭᠡᠬᠦ ᠭᠡᠵᠦ ᠪᠠᠶᠢᠨᠠ︾ ᠭᠡᠵᠡᠢ᠃ ᠡᠨᠡ ᠬᠤᠶᠠᠭᠤᠯᠠ ᠰᠣᠨᠣᠰᠣᠭᠠᠳ ᠶᠡᠬᠡᠯᠡ ᠠᠶᠣᠵᠣ | ᠲᠡᠭᠡᠭᠰᠡᠳ ᠨᠢ ᠬᠦᠷᠳᠡᠯᠡ ᠡᠮᠢᠶᠡᠯᠳᠦᠨ ᠬᠡᠯᠮᠡᠵᠦ᠂ ᠣᠯᠠᠨ ᠢᠶᠠᠷ ᠢᠶᠠᠨ ᠲᠡᠷᠡ ᠲᠣᠣᠷᠠ ᠪᠠᠨ ᠲᠠᠶᠢᠰᠣᠨ ᠳᠤ ᠪᠠᠭᠤᠵᠣ | ᠦᠭᠬᠦ ᠪᠠᠷ ᠶᠠᠪᠣᠵᠠᠭᠠᠪᠠ᠃ ᠲᠡᠭᠡᠭᠡᠳ ᠲᠡᠳᠡ ᠺᠦᠺᠦᠩ ᠳᠤ ᠬᠦᠷᠴᠦ ᠦᠯᠦᠭ · ᠲᠣᠬᠠᠲᠡᠮᠦᠷ · ᠱᠠᠷᠠᠸᠠᠯ ᠤᠨ | ᠬᠦᠪᠡᠭᠦᠨ ᠬᠡᠪᠡᠭ · ᠲᠡᠮᠦᠷ ᠪᠠ ᠬᠠᠵᠢ · ᠪᠠᠬᠢ ᠶᠢᠨ ᠬᠦᠪᠡᠭᠦᠨ ᠠᠩᠭᠢᠷᠴᠠᠭ ᠤᠨ ᠲᠠᠶᠢᠴᠢᠯᠠᠭᠰᠠᠨ ᠴᠠᠭᠠᠳᠠᠢ ᠶᠢᠨ | ᠲᠣᠷᠰᠢᠭᠤᠯ ᠴᠡᠷᠢᠭ ᠲᠠᠢ ᠵᠣᠯᠭᠠᠨ᠂ ᠲᠡᠳᠡ ᠨᠡᠷ ᠲᠤ ᠵᠠᠮᠴᠢᠯᠠᠨ ᠲᠡᠮᠦᠷ · ᠬᠤᠵᠠ · ᠣᠾᠯᠠᠨ᠂ ᠴᠠᠷᠦᠴᠢ ᠪᠣᠯᠣᠨ | ᠠᠪᠠᠰ ᠤᠨ ᠴᠡᠷᠢᠭ ᠪᠠᠭᠤᠭᠰᠠᠨ ᠭᠠᠵᠠᠷ ᠬᠦᠷᠴᠦ ᠢᠷᠡᠭᠡᠳ ᠭᠡᠨᠡᠳᠳᠡ ᠲᠣᠪᠳᠣᠯᠣᠭᠰᠠᠨᠠ᠂ ᠡᠨᠡ ᠭᠤᠷᠪᠠᠭᠤᠯᠠ | ᠭᠤᠳ ᠲᠣᠳᠠᠭᠠᠨ ᠪᠣᠷᠣᠭᠤᠯᠠᠪᠠ᠃ ᠡᠮᠢᠷ ᠲᠡᠮᠦᠷ ᠡᠳᠡᠭᠡᠷ ᠢ ᠰᠣᠨᠣᠰᠣᠭᠠᠳ ᠲᠡᠷᠡ ᠦᠪᠡᠷ ᠢ ᠪᠠᠨ ᠡᠷᠬᠡᠪᠰᠢ | ᠢᠯᠡᠬᠦᠥ ᠵᠢᠬᠠᠭᠠᠨ ᠴᠠᠭ ᠲᠡᠰᠪᠦᠷᠢᠯᠡᠬᠦ ᠬᠡᠷᠡᠭᠳᠡᠢ᠂ ᠶᠠᠮᠠᠷᠪᠠ ᠣᠴᠢᠷ ᠲᠤ ᠶᠠᠭᠠᠷᠠᠵᠣ ᠪᠣᠯᠬᠤ ᠦᠭᠡᠢ ᠭᠡᠳᠡᠭ ᠢ | ᠮᠡᠳᠡᠵᠦ ᠠᠪᠴᠠᠢ᠃ | ᠲᠡᠷᠡ ᠴᠦ ᠠᠮᠣ ᠮᠦᠷᠡᠨ ᠢ ᠭᠠᠳᠣᠯᠣᠨ ᠭᠠᠷᠴᠣ᠂ ᠪᠠᠯᠢᠾ ᠲᠤ ᠬᠦᠷᠢᠶᠡ ᠪᠠᠭᠤᠵᠠᠢ᠃ ᠲᠡᠨᠳᠡ ᠲᠡᠷᠡ ᠡᠯᠡ ᠭᠠᠵᠠᠷ | ᠢᠶᠠᠷ ᠲᠠᠷᠬᠠᠨ ᠪᠣᠳᠠᠷᠠᠭᠠᠳ ᠪᠠᠶᠢᠭᠰᠠᠨ ᠬᠠᠭᠤᠴᠢᠨ ᠳᠠᠭᠠᠭᠰᠠᠳ ᠢᠶᠠᠨ ᠬᠤᠷᠢᠶᠠᠨ ᠴᠣᠭᠯᠠᠭᠤᠯᠵᠣ᠂ ᠲᠦᠮᠡᠨ ᠬᠡᠪᠡᠭ | ᠬᠠᠨ ᠪᠠ ᠲᠦᠮᠡᠨ ᠰᠦᠯᠳᠦᠰ ᠬᠤᠶᠠᠭᠤᠯᠠ ᠶᠢ ᠪᠦᠷ ᠡᠷᠢᠨ ᠠᠪᠴᠢᠷᠠᠪᠠ᠃ ᠪᠠᠰᠠ ᠵᠠᠷᠢᠮ ᠬᠦᠮᠦᠨ ᠳᠤ ᠴᠡᠷᠢᠭ | ᠦᠭᠴᠦ ᠠᠮᠣ ᠮᠦᠷᠡᠨ ᠤ ᠬᠦᠪᠡᠭᠡ ᠶᠢ ᠰᠠᠬᠢᠭᠤᠯᠣᠨ ᠴᠢᠳᠠᠬᠤ ᠶᠢᠨ ᠲᠣᠲᠣᠷᠠ ᠲᠠᠶᠢᠰᠣᠨ ᠤ ᠮᠡᠳᠡᠭᠡ ᠴᠢᠮᠡᠭᠡ ᠶᠢ | ᠲᠠᠩᠨᠠᠭᠤᠯᠵᠠᠢ᠃ | ᠲᠡᠷᠡ ᠲᠡᠮᠦᠷ · ᠬᠤᠵᠠ · ᠣᠾᠯᠠᠨ ᠢ ᠰᠢᠢᠳᠭᠡᠴᠢᠭᠡᠳ᠂ ᠡᠨᠡ ᠦᠶᠡ ᠠᠴᠠ ᠡᠬᠢᠯᠡᠨ ᠡᠮᠢᠷ ᠲᠡᠮᠦᠷ ᠤᠨ ᠬᠤᠪᠢ | ᠵᠠᠶᠠᠭᠠ ᠰᠡᠷᠭᠦᠵᠦ ᠡᠬᠢᠯᠡᠪᠡ᠃ | ᠲᠣᠰ ᠪᠦᠯᠦᠭ ᠤᠨ ᠲᠠᠶᠢᠯᠪᠣᠷᠢ | ᠨᠠᠮᠤᠭ ᠭᠠᠵᠠᠷ ᠤᠨ ᠲᠠᠶᠢᠨ① | ① ᠡᠨᠡ ᠪᠣᠯ ᠨᠡᠷᠡ ᠠᠯᠳᠠᠷᠰᠢᠭᠰᠠᠨ ᠯᠠᠢ ᠶᠢᠨ ᠲᠠᠶᠢᠨ ᠪᠣᠯᠣᠨᠠ᠃ ᠯᠠᠢ ᠭᠡᠳᠡᠭ ᠨᠢ ᠲᠠᠷᠣᠢ ᠨᠠᠮᠤᠭ ᠭᠠᠵᠠᠷ ᠭᠡᠳᠡᠭ | ᠦᠭᠡ ᠭᠡᠨᠡ᠃ ᠡᠨᠡᠬᠦ ᠲᠠᠶᠢᠨ ᠪᠠᠷᠤᠭ ᠵᠧᠬᠤᠨ ᠭᠤᠣᠯ ᠤᠨ ᠪᠠᠷᠠᠭᠤᠨ ᠡᠷᠬᠢᠨ ᠤ ᠴᠢᠨᠠᠽ ᠪᠠ ᠬᠠᠭᠤᠴᠢᠨ ᠲᠠᠱᠺᠠᠨᠳ᠋ | ᠶᠢᠨ ᠬᠤᠭᠤᠷᠣᠨᠳᠣ ᠳᠤ ᠡᠭᠦᠰᠦᠭᠰᠡᠨ ᠠᠵᠠᠢ᠃ ᠡᠶᠢᠮᠦ ᠠᠴᠠ ᠡᠨᠡᠬᠦ ᠲᠠᠶᠢᠨ ᠢ ᠪᠦᠷ ᠨᠠᠮᠤᠭ ᠭᠠᠵᠠᠷ ᠤᠨ ᠲᠠᠶᠢᠨ | ᠭᠡᠵᠦ ᠨᠡᠷᠡᠯᠡᠬᠦ ᠪᠣᠯᠪᠠ᠃ | ② ᠵᠠᠳᠠ ᠶᠢᠨ ᠣᠪᠢᠳᠠᠰ ᠪᠠ ᠵᠠᠳᠠ ᠴᠢᠯᠠᠭᠤᠨ ᠤ ᠲᠣᠬᠠᠢ ᠪᠠᠪᠣᠷ ᠣᠯᠠᠨᠳᠠ ᠲᠣᠷᠠᠳᠣᠭᠰᠠᠨ ᠶᠣᠮ᠃ ᠠᠷᠠᠪᠴᠣᠳ | ᠲᠡᠭᠦᠨ ᠢ ᠪᠣᠷᠣᠭᠠᠨ ᠣᠷᠢᠬᠤ ᠴᠢᠯᠠᠭᠤ ᠭᠡᠳᠡᠭ ᠭᠡᠵᠦ ᠬᠡᠯᠡᠭᠡᠳ᠂ ᠡᠭᠦᠨ ᠠᠴᠠ ᠲᠣᠷᠣᠭᠰᠢ ᠠᠩᠭ᠍ᠯᠢᠴᠢᠯᠠᠭᠴᠢ ᠠᠴᠠ | ᠵᠠᠳᠠ ᠶᠢᠨ ᠲᠣᠬᠠᠢ ᠣᠯᠠᠨ ᠨᠣᠮ ᠵᠣᠬᠢᠶᠠᠯ ᠠᠴᠠ ᠡᠰᠢ ᠲᠠᠳᠠᠨ ᠲᠠᠶᠢᠯᠪᠣᠷᠢᠯᠠᠵᠠᠢ᠃ ᠴᠢᠨᠠᠭᠰᠢᠯᠠᠪᠠᠯ ᠪᠠᠯᠠᠷ ᠴᠠᠭ | ᠦᠶᠡ ᠶᠢᠨ ᠣᠯᠠᠮᠵᠢᠯᠠᠯ ᠶᠠᠷᠢᠶᠠ ᠳᠤ ᠪᠠᠶᠢᠳᠠᠭ ᠨᠣᠶᠠ ᠶᠢᠨ ᠦᠶᠡ ᠳᠤ ᠵᠠᠳᠠ ᠪᠠᠶᠢᠭᠰᠠᠨ ᠪᠠ ᠡᠨᠡᠬᠦ ᠪᠣᠷᠣᠭᠠᠨ | ᠣᠷᠢᠵᠣ ᠴᠢᠳᠠᠬᠤ ᠴᠢᠯᠠᠭᠤ ︵ᠵᠠᠳᠠ︶ ᠪᠠᠨ ᠠᠯᠳᠠᠭᠰᠠᠨ ᠲᠣᠬᠠᠢ ᠬᠦᠷᠳᠡᠯᠡ ᠲᠠᠶᠢᠯᠪᠣᠷᠢᠯᠠᠨ ᠶᠠᠷᠢᠵᠠᠢ᠃ ᠲᠡᠭᠡᠭᠡᠳ | ᠴᠢᠨᠠᠭᠰᠢ ᠪᠠᠰᠠ1230 ᠣᠨ ᠳᠤ ᠲᠣᠯᠣᠢ ᠲᠣᠮᠳᠠᠳᠣ ᠣᠯᠣᠰ ᠢ ᠲᠠᠶᠢᠯᠠᠵᠣ ᠪᠠᠶᠢᠭᠠ ᠳᠠᠭᠠᠨ ᠴᠡᠷᠢᠭ ᠬᠤᠷᠢᠭᠳᠠᠨ | ᠵᠠᠳᠠ ᠶᠢᠨ ᠣᠪᠢᠳᠠᠰ ᠢᠶᠠᠷ ᠶᠡᠭᠡ ᠴᠠᠰᠣ ᠣᠷᠢᠵᠣ᠂ ᠲᠠᠶᠢᠰᠣᠨ ᠢᠶᠠᠨ ᠢᠯᠠᠭᠰᠠᠨ ᠭᠡᠬᠦ ᠵᠡᠷᠭᠡ ᠪᠠᠷ ᠶᠠᠷᠢᠵᠠᠢ᠃ ᠠᠳᠡ | ᠬᠡᠯᠡᠵᠦ ᠪᠠᠶᠢᠭᠠ ᠲᠣᠯᠣᠢ ᠶᠢᠨ ᠣᠴᠢᠷ ᠪᠣᠯ ᠲᠣᠯᠣᠢ ᠭᠤᠷᠪᠠᠨ ᠲᠦᠮᠡᠨ ᠴᠡᠷᠢᠭ ᠢᠶᠠᠷ ᠠᠯᠳᠠᠨ ᠣᠯᠣᠰ ᠤᠨ ᠭᠤᠣᠯ | ᠬᠦᠴᠦᠨ ᠪᠣᠯᠣᠭᠰᠠᠨ ᠢᠯᠠ ᠪᠣᠬᠠ ᠪᠠ ᠸᠠᠨᠶᠠᠨ ᠬᠠᠳᠠ ᠶᠢᠨ ᠲᠠᠶᠢᠴᠢᠯᠠᠭᠰᠠᠨ ᠠᠷᠪᠠᠨ ᠲᠠᠪᠣᠨ ᠲᠦᠮᠡᠨ ᠶᠡᠭᠡ ᠴᠡᠷᠢᠭ | ᠢ ᠲᠠᠩ ᠵᠸᠥ ᠪᠠ ᠳ᠋ᠧᠩ ᠵᠸᠥ ᠶᠢᠨ ᠣᠶᠢᠷᠠᠯᠴᠠᠭᠠ ᠪᠠᠶᠢᠭᠠ ᠰᠠᠨ ᠹᠧᠩ ᠱᠠᠨ ᠠᠭᠤᠯᠠᠨ ᠳᠤ ᠪᠣᠳᠠ ᠨᠢᠷᠭᠡᠭᠰᠡᠨ | ᠠᠤᠭᠠ ᠶᠡᠭᠡ ᠢᠯᠠᠯᠳᠠ ᠶᠢ ᠵᠢᠭᠠᠵᠣ ᠪᠠᠶᠢᠭᠠ ᠶᠣᠮ᠃ ᠶᠠᠭᠠᠬᠢᠵᠣ ᠶᠠᠷᠢᠭᠰᠠᠨ ᠴᠦ ᠵᠠᠳᠠ ᠶᠢᠨ ᠣᠪᠢᠳᠠᠰ ᠭᠡᠪᠡᠯ | ᠪᠦᠬᠡ ᠮᠦᠷᠭᠦᠯᠳᠡᠨ ᠤ ᠲᠣᠮᠳᠠ ᠣᠯᠠᠮᠵᠢᠯᠠᠭᠳᠠᠵᠣ ᠪᠠᠶᠢᠭᠰᠠᠨ ᠨᠢᠭᠡ ᠵᠦᠢᠯ ᠤᠨ ᠱᠠᠰᠢᠨ ᠤ ᠢᠯᠪᠢ ᠶᠢᠨ ᠣᠪᠢᠳᠠᠰ | ᠪᠣᠯᠣᠨᠠ᠃ ᠣᠯᠠᠮᠵᠢᠯᠠᠯ ᠶᠠᠷᠢᠶᠠ ᠪᠠᠷ ᠪᠦᠬᠡ ᠨᠡᠷ ᠵᠠᠳᠠ ᠶᠢᠨ ᠣᠪᠢᠳᠠᠰ ᠡᠭᠦᠰᠭᠡᠬᠦ ᠲᠡᠭᠡᠨ᠂ ᠠᠳᠣᠭᠤᠰᠣ ᠠᠮᠢᠳᠠᠨ | ᠤ ᠪᠡᠶᠡ ᠲᠣᠲᠣᠷᠠ ᠠᠴᠠ ᠭᠠᠷᠣᠭᠰᠠᠨ ᠴᠢᠯᠠᠭᠤᠵᠢᠮᠠᠯ ︵ᠴᠢᠯᠠᠭᠤᠨ︶ ᠳᠤ ᠪᠣᠷᠣᠭᠠᠨ ᠰᠠᠯᠬᠢ ᠴᠠᠰᠣ ᠰᠢᠭᠤᠷᠭᠠ ᠶᠢ | ᠣᠷᠢᠵᠣ ᠢᠷᠡᠬᠦᠯᠬᠦ ᠪᠣᠶᠣ ᠬᠤᠷᠢᠶᠠᠨ ᠠᠪᠬᠤ ᠨᠢᠭᠡᠨ ᠵᠦᠢᠯ ᠤᠨ ᠢᠯᠪᠢ ᠶᠢᠨ ᠦᠢᠯᠡᠳᠦᠯ ᠦᠵᠡᠬᠦᠯᠬᠦ ᠱᠠᠰᠢᠨ ᠤ | ᠠᠵᠢᠯᠯᠠᠭᠠ ᠪᠣᠯᠬᠤ ᠶᠣᠮ᠃ ᠡᠶᠢᠮᠦ ᠠᠴᠠ ᠵᠠᠳᠠ ᠭᠡᠪᠡᠯ ᠠᠳᠣᠭᠤᠰᠣ ᠠᠮᠢᠳᠠᠨ ᠤ ᠪᠡᠶᠡ ᠲᠣᠲᠣᠷᠠ ᠠᠴᠠ ᠭᠠᠷᠣᠭᠰᠠᠨ | ᠨᠢᠭᠡ ᠵᠦᠢᠯ ᠤᠨ ᠴᠢᠯᠠᠭᠤᠵᠢᠮᠠᠯ ᠢᠶᠠᠷ ᠪᠦᠷᠢᠯᠳᠦᠭᠰᠡᠨ ᠪᠦᠬᠡ ᠮᠦᠷᠬᠦᠯ ᠤᠨ ᠱᠠᠰᠢᠨ ᠤ ᠦᠢᠯᠡ ᠶᠢᠨ ᠬᠡᠷᠡᠭᠯᠡᠬᠦᠨ | ᠪᠣᠯᠬᠤ ᠠᠵᠠᠢ᠃ ③ ᠲᠣᠮᠳᠠᠳᠣ ᠵᠠᠭᠤᠨ ᠢᠶᠠᠷ ᠲᠣᠮᠳᠠᠳᠣ ᠠᠽᠢ ᠶᠢᠨ ᠣᠯᠣᠰ ᠣᠷᠣᠨ ᠢᠶᠠᠷ ᠬᠡᠳᠦᠶᠢᠪᠡᠷ ᠾᠢᠵᠢᠷ | ᠲᠣᠭᠠᠯᠠᠯ ᠢ ᠬᠡᠷᠡᠭᠯᠡᠵᠦ ᠪᠠᠶᠢᠪᠠᠴᠣ᠂ ᠡᠷᠳᠡᠨ ᠤ ᠠᠷᠪᠠᠨ ᠬᠤᠶᠠᠷ ᠰᠠᠭᠤᠳᠠᠯ ᠢᠶᠠᠷ ᠠᠷᠪᠠᠨ ᠬᠤᠶᠠᠷ ᠰᠠᠷᠠ ᠶᠢ | ᠣᠷᠣᠯᠠᠨ ᠬᠡᠯᠡᠬᠦ ᠵᠣᠷᠰᠢᠯ ᠢᠶᠠᠨ ᠪᠠᠰᠠ ᠦᠷᠬᠦᠯᠵᠢᠯᠡᠨ ᠬᠡᠷᠡᠭᠯᠡᠵᠦ ᠪᠠᠶᠢᠪᠠ᠃ ᠡᠶᠢᠮᠦ ᠠᠴᠠ ᠾᠢᠵᠢᠷ ᠲᠣᠭᠠᠯᠠᠯ ᠤᠨ | ᠬᠡᠳᠦᠢ ᠣᠨ ᠤ ᠶᠠᠮᠠᠷ ᠰᠠᠷᠠ ᠭᠡᠵᠦ ᠬᠡᠯᠡᠬᠦ ᠪᠣᠯᠪᠠᠴᠣ ᠪᠠᠰᠠ ᠦᠷᠬᠦᠯᠵᠢ ᠨᠠᠷᠠᠨ ᠶᠠᠮᠠᠷ ᠰᠠᠭᠤᠳᠠᠯ ᠳᠤ ᠪᠠᠶᠢᠪᠠ ᠭᠡᠳᠡᠭ | ᠢᠶᠠᠷ ᠰᠠᠷᠠ ᠡᠳᠦᠷ ᠢ ᠢᠯᠡᠳᠭᠡᠬᠦ ᠵᠣᠷᠰᠢᠯ ᠢᠶᠠᠨ ᠲᠠᠶᠠᠭᠳᠠᠭᠠ ᠦᠭᠡᠢ ᠪᠠᠶᠢᠵᠠᠢ᠃ ᠡᠨᠡᠬᠦ ᠵᠣᠷᠰᠢᠯ ᠢ ᠲᠦᠭᠦᠮᠴᠢᠯᠡᠨ | ᠦᠬᠦᠯᠡᠪᠡᠯ ᠲᠣᠣᠷᠠᠬᠢ ᠮᠡᠳᠦ᠄ ᠨᠠᠷᠠᠨ ᠭᠠᠷᠠᠭ ᠤᠨ ᠣᠷᠴᠢᠯ ᠤᠨ ᠵᠠᠮ ᠢ ᠰᠢᠷᠠ ᠵᠠᠮ ᠭᠡᠵᠦ ᠬᠡᠯᠡᠳᠡᠭ᠂ ᠲᠡᠭᠦᠨ ᠤ | ᠨᠢᠭᠡ ᠪᠦᠳᠦᠨ ᠣᠷᠴᠢᠯ ᠤᠨ ᠵᠠᠮ ᠤᠨ ᠭᠤᠷᠪᠠᠨ ᠵᠠᠭᠤ ᠵᠢᠷᠠᠨ ᠭᠷᠠᠳᠦ᠋ᠰ ᠢ ᠠᠷᠪᠠᠨ ᠬᠤᠶᠠᠷ ᠰᠠᠷᠠ ᠪᠠᠷ ᠬᠤᠪᠢᠶᠠᠪᠠᠯ | ᠲᠣᠮᠳᠠᠴᠢ ᠪᠠᠷ ᠪᠦᠷ ᠭᠤᠴᠢᠨ ᠭᠷᠠᠳᠦ᠋ᠰ ᠨᠣᠭᠳᠠᠬᠤ ᠶᠣᠮ᠂ ᠡᠨᠡᠬᠦ ᠭᠤᠴᠢᠨ ᠭᠷᠠᠳᠦ᠋ᠰ ᠣᠷᠴᠢᠯ ᠤᠨ ᠵᠠᠮ ᠳᠤ | ᠪᠠᠶᠢᠭᠠ ᠣᠳᠣᠨ ᠭᠠᠷᠠᠭ ᠤᠨ ᠨᠡᠷᠡ ᠪᠠᠷ ᠡᠨᠡᠬᠦ ᠰᠠᠷᠠ ᠶᠢᠨ ᠨᠡᠷᠡ ᠪᠣᠯᠭᠠᠨ ᠲᠡᠭᠦᠨ ᠢᠶᠠᠨ ᠨᠡᠷᠡᠶᠢᠳᠦᠵᠦ᠂ ᠠᠷᠪᠠᠨ | ᠬᠤᠶᠠᠷ ᠰᠠᠭᠤᠳᠠᠯ ᠭᠡᠳᠡᠭ᠃ ᠰᠠᠭᠤᠳᠠᠯ ᠢᠶᠠᠨ ᠪᠠᠰᠠ ᠲᠡᠭᠷᠢ ᠶᠢᠨ ᠣᠷᠳᠣᠨ ᠭᠡᠳᠡᠭ᠃ ᠡᠨᠡ ᠠᠷᠪᠠᠨ ᠬᠤᠶᠠᠷ | ᠰᠠᠭᠤᠳᠠᠯ ᠨᠢ ᠲᠠᠷᠣᠢ ᠠᠷᠪᠠᠨ ᠬᠤᠶᠠᠷ ᠰᠠᠷᠠ ᠶᠢ ᠲᠦᠯᠦᠭᠡᠯᠡᠵᠦ ᠪᠠᠶᠢᠨᠠ᠃ ᠰᠠᠭᠤᠳᠠᠯ ᠪᠦᠷᠢ ᠶᠢᠨ ᠡᠬᠢᠯᠡᠯᠳᠡ | ᠲᠡᠭᠦᠰᠦᠯᠳᠡ ᠶᠢᠨ ᠡᠳᠦᠷ ᠬᠡᠳᠦᠶᠢᠪᠡᠷ ᠨᠡᠶᠢᠳᠡ ᠶᠢᠨ ᠣᠨ ᠲᠣᠭᠠᠯᠠᠯ ᠤᠨ ᠠᠷᠪᠠᠨ ᠬᠤᠶᠠᠷ ᠰᠠᠷᠠ ᠲᠠᠢ ᠲᠡᠩᠴᠡᠭᠦ | ᠪᠢᠰᠢ ᠪᠦᠭᠡᠳ ᠡᠳᠦᠷ ᠬᠤᠨᠤᠭ ᠤᠨ ᠲᠤᠭᠠ ᠨᠢ ᠴᠦ ᠵᠢᠩᠬᠢᠨᠢ ᠣᠨᠣᠪᠴᠢᠳᠠᠢ ᠪᠢᠰᠢ ᠵᠡᠷᠭᠡ ᠲᠣᠳᠠᠭᠳᠠᠯ ᠲᠠᠢ | ᠪᠣᠯᠪᠠᠴᠣ᠂ ᠡᠳᠦᠷ ᠲᠣᠲᠣᠮ ᠤᠨ ᠠᠮᠢᠳᠣᠷᠠᠯ ᠳᠤ ᠰᠠᠷᠠ ᠡᠳᠦᠷ ᠢ ᠨᠡᠯᠢᠶᠡᠳ ᠣᠨᠣᠪᠴᠢᠳᠠᠢ ᠲᠣᠭᠳᠠᠭᠠᠵᠣ ᠪᠣᠯᠣᠨᠠ᠃ | ᠡᠶᠢᠮᠦ ᠠᠴᠠ ᠠᠷᠠᠳ ᠤᠨ ᠲᠣᠮᠳᠠ ᠡᠨᠡᠬᠦ ᠵᠣᠷᠰᠢᠯ ᠣᠳᠣ ᠪᠣᠯᠳᠠᠯᠠ ᠶᠠᠷᠢᠭᠳᠠᠵᠣ ᠪᠠᠶᠢᠳᠠᠭ ᠠᠵᠠᠢ᠃ | ᠲᠡᠭᠡᠪᠡᠯ ᠠᠳᠡ ᠬᠡᠯᠡᠵᠦ ᠪᠠᠶᠢᠭᠠ ︽ᠨᠠᠷᠠᠨ ᠭᠠᠷᠠᠭ ᠬᠡᠳᠦᠶᠢᠪᠡᠷ ᠬᠤᠷᠴᠢᠳᠣ ᠰᠠᠭᠤᠳᠠᠯ ᠳᠤ ᠪᠠᠶᠢᠪᠠᠴᠣ︾ ᠭᠡᠳᠡᠭ | ᠦᠭᠡ ᠶᠠᠭᠤ ᠶᠢ ᠬᠠᠷᠠᠭᠤᠯᠵᠣ ᠪᠠᠶᠢᠭᠠ ᠪᠣᠢ ᠭᠡᠪᠡᠯ᠂ ᠡᠨᠡ ᠦᠶᠡ ᠶᠠᠭ ᠰᠠᠶᠢᠬᠠᠨ ᠨᠡᠶᠢᠳᠡ ᠶᠢᠨ ᠣᠨ ᠲᠣᠭᠠᠯᠠᠯ ᠤᠨ | 11 ᠰᠠᠷᠠ ᠶᠢᠨ 23 ᠤ ᠡᠳᠦᠷ ᠠᠴᠠ12 ᠰᠠᠷᠠ ᠶᠢᠨ 21 ᠤ ᠡᠳᠦᠷ ᠤᠨ ᠬᠤᠭᠤᠷᠣᠨᠳᠣ ᠪᠠᠶᠢᠵᠣ᠂ ᠲᠠᠷᠣᠢ ᠡᠪᠦᠯ | ᠤᠨ ᠣᠯᠠᠷᠢᠯ ᠪᠣᠯᠵᠠᠢ ᠭᠡᠰᠡᠨ ᠦᠭᠡ ᠶᠣᠮ᠃ ᠡᠶᠢᠮᠦ ᠠᠴᠠ ᠡᠪᠦᠯ ᠤᠨ ᠣᠯᠠᠷᠢᠯ ᠲᠡᠭᠷᠢ ᠲᠣᠩᠭᠤᠳᠣᠨ ᠶᠡᠭᠡ | ᠪᠣᠷᠣᠭᠠᠨ ᠣᠷᠣᠪᠠ ᠭᠡᠳᠡᠭ ᠨᠢ ᠨᠢᠭᠡ ᠵᠦᠢᠯ ᠤᠨ ᠲᠣᠮᠤᠭ ᠪᠣᠯᠣᠨᠠ᠃ | ᠠᠷᠪᠠᠨ ᠬᠤᠶᠠᠷ ᠰᠠᠭᠤᠳᠠᠯ ᠤᠨ ᠮᠣᠩᠭᠤᠯ ᠨᠡᠷᠡ ᠠᠩᠭ᠍ᠯᠢ ᠨᠡᠷᠡ ᠬᠢᠳᠠᠳ ᠨᠡᠷᠡ ᠪᠣᠯᠣᠨ ᠲᠡᠭᠦᠨ ᠤ ᠡᠬᠢᠯᠡᠯᠳᠡ | ᠲᠡᠭᠦᠰᠦᠯᠳᠡ ᠶᠢᠨ ᠡᠳᠦᠷ ᠢ ᠨᠡᠶᠢᠳᠡ ᠶᠢᠨ ᠣᠨ ᠲᠣᠭᠠᠯᠠᠯ ᠤᠨ ᠰᠠᠷᠠ ᠡᠳᠦᠷ ᠢᠶᠠᠷ ᠪᠠᠷᠢᠮᠵᠢᠶᠠᠯᠠᠨ ᠲᠠᠭᠠᠯᠳᠣᠭᠤᠯᠪᠠ᠃ | | ᠠᠷᠪᠠᠨ ᠬᠤᠶᠠᠷ ᠰᠠᠭᠤᠳᠠᠯ ᠤᠨ ᠨᠡᠷᠡ᠄ ᠡᠭᠦᠨ ᠳᠤ ᠪᠦᠷ ᠣᠯᠠᠨ ᠬᠡᠷᠡᠭᠯᠡᠳᠡᠭ ᠨᠡᠷᠡ ᠶᠢ ᠵᠢᠬᠰᠠᠭᠠᠵᠣ᠂ ᠮᠣᠩᠭᠤᠯ | ᠨᠡᠷᠡ ᠨᠢ ᠮᠣᠩᠭᠤᠯᠴᠢᠯᠠᠭᠴᠢ ᠠᠴᠠ ᠦᠭᠭᠦᠭᠰᠡᠨ ᠨᠡᠷᠡ ᠪᠣᠯᠬᠤ ᠪᠠᠨ ᠲᠣᠲᠣᠷᠬᠠᠶᠢᠯᠠᠶᠠ᠂ ᠵᠦᠪᠬᠡᠨ ᠯᠠᠪᠯᠠᠯᠳᠠ | ᠪᠣᠯᠭᠠᠮᠣ᠃ | 1 ᠢᠮᠠᠭᠠᠳᠣ ︵ᠢᠮᠠᠭᠠ ᠲᠤ︶ ᠰᠠᠭᠤᠳᠠᠯ Aries白羊座3.21-4.20 | 2 ᠦᠬᠡᠷᠳᠦ ︵ᠦᠬᠡᠷ ᠲᠤ︶ ᠰᠠᠭᠤᠳᠠᠯ Taurus 金牛座4.21-5.21 | 3 ᠵᠢᠭᠠᠰᠣᠳᠣ ᠰᠠᠭᠤᠳᠠᠯ Gemini 双子座5.22-6.21 | 4 ᠨᠠᠶᠢᠮᠠᠯᠵᠢᠳᠦ ︵ᠨᠠᠶᠢᠮᠠᠯᠵᠢ ᠲᠤ︶ ᠰᠠᠭᠤᠳᠠᠯ Cancer 巨蟹座6.22-7.22 | 5 ᠠᠷᠰᠯᠠᠨᠳᠦ ︵ᠠᠷᠰᠯᠠᠨ ᠲᠤ︶ ᠰᠠᠭᠤᠳᠠᠯ Leo狮子座7.23-8.23 | 6 ᠲᠠᠬᠢᠨᠢᠳᠦ ︵ᠲᠠᠬᠢᠨᠢ ᠲᠤ︶ ᠰᠠᠭᠤᠳᠠᠯ Virgo处女座8.24-9.23 | 7 ᠲᠡᠩᠨᠡᠭᠦᠷᠲᠦ ︵ᠲᠡᠩᠨᠡᠭᠦᠷᠢ ᠲᠤ︶ ᠰᠠᠭᠤᠳᠠᠯ Libra天秤座9.24-10.23 | 8 ᠬᠢᠯᠢᠨᠴᠡᠳᠦ ︵ᠭᠢᠯᠢᠨᠴᠡ ᠲᠤ︶ ᠰᠠᠭᠤᠳᠠᠯ Scorpio天蝎座10.24-11.22 | 9 ᠬᠤᠷᠴᠢᠳᠦ ︵ᠬᠤᠷᠴᠢ ᠲᠤ︶ ᠰᠠᠭᠤᠳᠠᠯ Sagittarius射手座11.23-12.21 | 10 ᠨᠠᠾᠲᠣ ︵ᠨᠠᠾ ᠲᠤ︶ ᠰᠠᠭᠤᠳᠠᠯ Capricorn魔羯座12.22-1.20 | 11 ᠬᠤᠮᠬᠠᠳᠣ ︵ᠬᠤᠮᠬᠠ ᠲᠤ︶ ᠰᠠᠭᠤᠳᠠᠯAquarius水瓶座1.21-2.19 | 12 ᠵᠢᠭᠠᠰᠣᠳᠣ ︵ᠵᠢᠭᠠᠰᠣ ᠲᠤ︶ ᠰᠠᠭᠤᠳᠠᠯPisces 双鱼座2.20-320 | ④ ᠪᠠᠯᠠᠷ ᠴᠠᠭ ᠤᠨ ᠶᠡᠭᠡ ᠦᠶᠡᠷ ᠪᠣᠯ ᠺᠣᠷᠠᠨ ᠰᠣᠳᠣᠷ ᠲᠤ ᠦᠬᠦᠯᠡᠭᠳᠡᠨ ᠪᠦᠬᠦᠢ ᠶᠡᠭᠡ ᠦᠶᠡᠷ ᠪᠣᠯᠣᠨᠠ᠃ | ᠲᠡᠯᠡᠬᠡᠢ ᠲᠠᠬᠢᠨ ᠪᠦᠷ ᠦᠶᠡᠷ ᠤᠨ ᠭᠠᠮᠰᠢᠭ ᠲᠤ ᠲᠠᠭᠠᠷᠢᠭᠳᠠᠨ᠂ ᠨᠣᠶᠠ ᠲᠦᠷᠪᠡᠯᠵᠢᠨ ᠣᠩᠭᠤᠴᠡ ᠦᠢᠯᠡᠳᠦᠵᠦ | ᠡᠬᠡ ᠲᠡᠯᠡᠬᠡᠢ ᠶᠢᠨ ᠠᠮᠢᠳᠠᠨ ᠭᠤᠣᠯᠳᠠᠨ ᠢ ᠠᠪᠣᠷᠠᠭᠰᠠᠨ ᠦᠯᠢᠭᠡᠷ ᠪᠣᠯᠬᠤ ᠶᠣᠮ᠃ ᠡᠨᠡᠬᠦ ᠦᠯᠢᠭᠡᠷ ᠲᠤ ᠲᠠᠷᠣᠢ | ᠨᠣᠶᠠ ᠲᠡᠯᠡᠬᠡᠢ ᠲᠠᠬᠢᠨ ᠤ ᠠᠮᠢᠳᠠᠨ ᠭᠤᠣᠯᠳᠠᠨ ᠢ ᠲᠦᠷᠪᠡᠯᠵᠢᠨ ᠣᠩᠭᠤᠴᠠ ᠳᠠᠭᠠᠨ ᠲᠡᠭᠡᠭᠡᠵᠦ᠂ ᠠᠯᠯᠠᠾ ᠲᠡᠭᠷᠢ | ᠳᠤ ᠲᠠᠭᠠᠳᠬᠠᠨ᠂ ︵ᠵᠠᠳᠠ ᠶᠢᠨ︶ ᠣᠪᠢᠳᠠᠰ ᠢᠶᠠᠷ ᠶᠡᠭᠡ ᠪᠣᠷᠣᠭᠠᠨ ᠢ ᠵᠣᠭᠰᠣᠭᠠᠨ ᠬᠠᠮᠤᠭ ᠠᠮᠢᠳᠠᠨ ᠢ | ᠠᠪᠣᠷᠠᠭᠰᠠᠨ ᠭᠡᠳᠡᠭ ᠶᠣᠮ᠃ ᠡᠶᠢᠮᠦ ᠠᠴᠠ ᠠᠳᠡ ᠲᠡᠶᠢᠮᠦᠷᠬᠦ ᠶᠡᠭᠡ ᠦᠶᠡᠷ ᠲᠠᠬᠢᠨ ᠢᠷᠡᠭᠰᠡᠨ ᠮᠡᠳᠦ ᠪᠣᠷᠣᠭᠠᠨ | ᠬᠤᠷᠠ ᠪᠠᠭᠤᠪᠠ ᠭᠡᠵᠦ ᠲᠠᠪᠠᠷᠠᠭᠤᠯᠣᠨ ᠲᠦᠷᠰᠦᠯᠡᠭᠰᠡᠨ ᠠᠵᠠᠢ᠃ ⑤ ᠠᠳᠡ ᠬᠡᠯᠡᠵᠦ ᠪᠠᠶᠢᠭᠠ ᠰᠢᠪᠠᠷᠲᠣ ᠭᠡᠳᠡᠭ | ᠭᠠᠵᠠᠷ ᠪᠣᠯ ᠬᠡᠯᠡᠯᠬᠡᠨ ᠦᠭᠡᠢ ᠪᠠᠪᠣᠷ ᠤᠨ ᠦᠷᠬᠦᠯᠵᠢ ᠦᠬᠦᠯᠡᠳᠡᠭ ᠲᠡᠷᠡᠬᠦ ᠠᠭᠤᠯᠠᠨ ᠠᠮᠠ ᠪᠣᠯᠣᠨᠠ᠃ ᠬᠡᠳᠦᠶᠢᠪᠡᠷ | ᠡᠨᠡᠳᠬᠡᠭ ᠵᠦᠭ ᠵᠢᠭᠤᠳᠠᠬᠤ ᠳᠤ ᠵᠢᠭᠠᠬᠠᠨ ᠬᠤᠯᠠ ᠰᠢᠭ᠋ ᠪᠣᠯᠪᠠᠴᠣ᠂ ᠪᠣᠰᠣᠳ ᠠᠭᠤᠯᠠᠨ ᠠᠮᠠ ᠶᠢ ᠪᠣᠳᠣᠪᠠᠯ | ᠨᠡᠯᠢᠶᠡᠳ ᠠᠮᠠᠷᠬᠠᠨ ᠦᠩᠭᠡᠷᠡᠵᠦ ᠪᠣᠯᠬᠤ ᠭᠠᠵᠠᠷ ᠪᠣᠯᠣᠨᠠ᠃ ᠠᠳᠡ ᠠᠩᠭ᠍ᠯᠢᠴᠢᠯᠠᠭᠴᠢ ᠠᠴᠠ ᠪᠠᠪᠣᠷ ᠤᠨ | ᠲᠣᠷᠠᠰᠣᠮᠵᠢ ᠠᠴᠠ ᠡᠰᠢ ᠲᠠᠲᠠᠨ ᠡᠨᠡᠬᠦ ᠨᠡᠷᠡ ᠦᠭᠡShibartu ᠶᠢᠨ ᠬᠤᠶᠢᠨᠠᠬᠢ tu ᠶᠢ ᠬᠠᠰᠣᠵᠣ ᠪᠣᠯᠬᠤ | ᠦᠭᠡᠢ ᠭᠡᠵᠦ ᠴᠢᠬᠤᠯᠠᠴᠢᠯᠠᠨ ᠶᠠᠷᠢᠵᠠᠢ᠃ | | | ᠪᠡᠯᠡᠳᠬᠡᠭᠰᠡᠨ ᠨᠢ᠄ ᠡᠷᠳᠡᠨᠢᠬᠦᠦ | ᠨᠠᠶᠢᠷᠠᠭᠤᠯᠤᠭᠰᠠᠨ ᠨᠢ᠄ ᠨᠠᠮᠤᠷ | ᠬᠢᠨᠠᠭᠰᠠᠨ ᠨᠢ᠄ ᠤᠷᠢᠬᠠᠨ |