| | ᠡᠵᠡᠨᠡ ᠶᠢᠨ ᠬᠠᠭᠤᠴᠢᠨ ᠲᠤᠷᠭᠤᠳᠴᠤᠳ ᠢ ᠦᠬᠦᠯᠡᠬᠦ ᠳᠤ᠂ ᠲᠠᠳᠠᠨᠠᠷ ᠤᠨ ᠠᠬᠠᠯᠠᠭᠴᠢ ᠪᠤᠯᠬᠤ ᠠᠷᠠᠪᠵᠤᠤᠷ ᠢ | ᠡᠷᠭᠡᠪᠰᠢ ᠡ᠊ᠩ ᠲᠡᠷᠢᠬᠦᠨ ᠳᠤ ᠲᠤᠷᠠᠳᠬᠤ ᠶᠤᠰᠤᠲᠠᠢ ᠪᠢᠯᠡ᠃ ᠲᠡᠷᠡ ᠪᠤᠯ ᠢᠵᠢᠯ ᠤᠨ ᠲᠤᠷᠭᠤᠳᠴᠤᠳ ᠤᠨ | ᠱᠦᠬᠦᠷ ᠲᠡᠶᠢᠴᠢᠨ ᠤ ᠦᠶᠡ ᠳᠤ ᠪᠠᠶᠢᠭᠤᠯᠤᠭᠰᠠᠨ ᠲᠤᠷᠭᠤᠳ ᠬᠠᠭᠠᠨᠲᠤ ᠤᠯᠤᠰ ᠢ ᠬᠦᠭᠵᠢᠯ ᠪᠠᠳᠠᠷᠠᠯ ᠤᠨ ᠳᠡᠭᠡᠲᠤ | ᠤᠷᠬᠢᠯ ᠳᠤ ᠬᠦᠷᠭᠡᠭᠰᠡᠨ ᠨᠢᠭᠡᠨ ᠦᠶᠡ ᠶᠢᠨ ᠡᠷᠳᠡᠮ ᠴᠢᠳᠠᠯ ᠬᠤᠤᠰᠯᠠᠭᠰᠠᠨ ᠨᠡᠷᠡᠲᠤ ᠬᠠᠭᠠᠨ ᠪᠤᠯᠬᠤ ᠠᠶᠤᠰᠢ | ᠨᠤᠶᠠᠨ ᠤ ᠦᠶᠡᠯᠢᠳ ᠠᠬᠠ ᠨᠠᠽᠡᠷᠮᠡᠮᠤᠨ ᠤ ᠭᠤᠷᠪᠠᠳᠤᠭᠠᠷ ᠬᠦᠤ ᠪᠤᠯᠡᠢ᠃ ᠴᠢᠩ ᠤᠯᠤᠰ ᠤᠨ ᠡ᠊ᠩᠭᠡ | ᠠᠮᠤᠭᠤᠯᠠᠩ ᠤᠨ 37 ᠤᠨ ︵1698 ᠤᠠ︶ ᠳᠤ᠂ ᠢᠵᠢᠯ ᠤᠨ ᠲᠤᠷᠭᠤᠳ ᠤᠨ ᠶᠡᠭᠡ ᠬᠠᠭᠠᠨ ᠠᠶᠤᠰᠢ ᠠᠴᠠ | ᠦᠪᠡᠷ ᠤᠨ ᠠᠴᠢ ᠬᠦᠤ ᠪᠤᠯᠬᠤ ᠠᠷᠠᠪᠵᠤᠤᠷ ᠢ ᠲᠠᠯᠠᠢ ᠯᠠᠮᠠ ᠳᠤ ᠪᠠᠷᠠᠭᠠᠳᠠᠨ᠂ ᠮᠦᠷᠬᠦᠯ ᠡᠷᠬᠦᠴᠡ ᠬᠢᠵᠦ ᠯᠠᠮᠠ | ᠱᠠᠰᠢᠨ ᠵᠠᠯᠠᠵᠤ ᠢᠷᠡᠬᠦᠯᠬᠦ ᠶᠢ ᠲᠤᠰᠢᠶᠠᠨ ᠲᠤᠮᠢᠯᠠᠭᠰᠠᠨ ᠳᠤ᠂ ᠲᠡᠷᠡ ᠦᠪᠡᠷ ᠤᠨ ᠡᠬᠡ ᠪᠤᠯᠤᠨ ᠦᠬᠢᠨ ᠲᠡᠭᠦᠤ ᠲᠠᠢ | ᠪᠠᠨ ᠴᠤᠭ 500 ᠴᠡᠷᠢᠭ ᠠᠯᠪᠠᠲᠤ ᠲᠠᠭᠠᠭᠤᠯᠤᠨ ᠮᠠᠨᠤ ᠲᠤᠬᠤᠢ ᠠᠴᠠ ᠮᠤᠷᠲᠠᠵᠤ᠂ ᠠᠯᠤᠰ ᠤᠨ ᠠᠶᠠᠨ ᠬᠦᠭᠡᠭᠡᠨ᠂ | ᠪᠤᠷᠬᠠᠨ ᠱᠠᠰᠢᠨ ᠤ ᠰᠢᠳᠢᠲᠤ ᠤᠷᠤᠨ ᠪᠤᠯᠬᠤ ᠲᠦᠪᠡᠳ ᠲᠤ ᠬᠦᠷᠴᠦ᠂ 5 ᠵᠢᠯ ᠬᠢᠷᠢᠲᠠᠢ ᠪᠤᠶᠠᠨ ᠨᠤᠮ | ᠦᠢᠯᠡᠳᠦᠬᠡᠳ ᠪᠤᠴᠠᠬᠤ ᠵᠠᠮ ᠢᠶᠠᠨ ᠡᠯᠬᠦᠬᠦ ᠭᠡᠰᠡᠨ ᠳᠤ ᠵᠠᠬᠦᠠᠭᠠᠷ ᠲᠤᠷᠭᠤᠳ ᠬᠤᠶᠠᠷ ᠬᠠᠭᠠᠨᠲᠤ ᠤᠯᠤᠰ ᠢ ᠭᠠᠯ | ᠤᠰᠤ ᠮᠡᠲᠤ ᠡᠪᠯᠡᠷᠡᠰᠢ ᠦᠭᠡᠢ ᠮᠠᠭᠤᠳᠠᠯᠴᠠᠬᠤ ᠬᠡᠮᠵᠢᠶᠡᠨ ᠳᠤ ᠬᠦᠷᠭᠡᠭᠰᠡᠨ ︽ᠰᠠᠨᠵᠠᠪ ᠤᠨ ᠬᠡᠷᠡᠭ ᠤᠴᠢᠷ︾ | ᠡᠬᠦᠰᠴᠦ᠂ ᠲᠡᠳᠡᠨ ᠤ ᠬᠠᠷᠢᠬᠤ ᠵᠠᠮ ᠬᠠᠭᠠᠭᠳᠠᠭᠰᠠᠨ ᠲᠡᠳᠦᠢ ᠦᠭᠡᠢ ᠲᠤᠰ ᠬᠤᠶᠠᠷ ᠠᠶᠢᠮᠠᠭ ᠤᠨ ᠬᠤᠵᠢᠮ | ᠬᠤᠶᠢᠰᠢᠳᠠ ᠬᠤᠭᠤᠷᠤᠨᠳᠤ ᠪᠠᠨ ᠲᠠᠶᠢᠰᠤᠩᠨᠠᠬᠤ ᠬᠤᠤᠷ ᠤᠨ ᠦᠨᠳᠦᠰᠦ ᠶᠢ ᠴᠦ ᠲᠠᠷᠢᠭᠰᠠᠨ ᠪᠠᠶᠢᠨᠠ᠃ ᠡᠨᠡᠬᠦ | ᠬᠡᠷᠡᠭ ᠤᠨ ᠡᠬᠦᠰᠭᠡᠯ ᠲᠡᠬᠦᠰᠭᠡᠯ ᠢ ᠦᠬᠦᠯᠡᠪᠡᠯ᠂ ᠦᠲᠡᠯᠦᠭᠡ ᠨᠠᠰᠤᠨ ᠤ ᠡᠪᠤᠭᠡᠨ ᠬᠠᠭᠠᠨ ᠠᠶᠤᠰᠢ ᠦᠪᠡᠷ ᠤᠨ | ᠰᠠᠭᠤᠷᠢᠨ ᠢᠶᠠᠨ ᠬᠤᠶᠠᠳᠤᠭᠠᠷ ᠬᠦᠤ ᠬᠦᠨᠵᠠᠪ ᠲᠤ ᠵᠠᠯᠭᠠᠮᠵᠢᠯᠠᠭᠤᠯᠬᠤ ᠬᠡᠰᠡᠨ ᠳᠤ ᠶᠡᠭᠡ ᠬᠦᠤ ᠴᠠᠭᠳᠠᠷᠵᠠᠪ ᠪᠤᠯᠤᠨ | ᠭᠤᠷᠪᠠᠳᠤᠭᠠᠷ ᠬᠦᠤ ᠰᠠᠨᠵᠠᠪ ᠨᠢ ᠬᠤᠯᠪᠤᠭᠠᠯᠠᠨ ᠪᠤᠰᠴᠤ ᠡᠰᠡᠷᠬᠦᠴᠡᠭᠡᠳ᠂ ᠲᠤᠲᠤᠷᠠ ᠵᠠᠭᠤᠷᠠ ᠪᠠᠨ ᠬᠤᠷᠴᠠ | ᠰᠢᠷᠦᠬᠦᠨ ᠵᠦᠷᠢᠴᠡᠯᠳᠤᠭᠡᠨ ᠪᠤᠯᠵᠤ᠂ ᠬᠦᠨᠵᠠᠪ ᠲᠡᠶᠢᠯᠤᠭ᠍ᠳᠡᠵᠦ ᠬᠠᠷᠢᠶᠠᠲᠤ ᠲᠠᠢ ᠪᠠᠨ ᠰᠢᠷᠠ ᠲᠤᠤ ᠭᠡᠳᠡᠭ ᠭᠠᠵᠠᠷ | ᠲᠤ ᠵᠢᠭᠤᠳᠠᠨ ᠬᠦᠷᠴᠦ ᠰᠠᠭᠤᠭᠰᠠᠨ ᠳᠤ᠂ ᠴᠠᠭᠳᠠᠷᠵᠠᠪ᠂ ᠰᠠᠨᠵᠠᠪ ᠠᠬᠠ ᠲᠡᠬᠦᠤ ᠬᠤᠶᠠᠭᠤᠯᠠ ᠴᠦ ᠦᠪᠡᠷᠰᠡᠳ | ᠤᠨ ᠬᠠᠷᠢᠶᠠᠲᠤ ᠠᠯᠪᠠᠲᠤ ᠪᠠᠨ ᠠᠪᠴᠤ᠂ ᠮᠠᠨᠤ ᠲᠤᠬᠤᠢ ᠠᠴᠠ ᠨᠡᠯᠢᠶᠡᠳ ᠵᠡᠬᠦᠨᠲᠠᠢ ᠵᠠᠢ ᠬᠡᠭᠴᠢ ᠭᠠᠵᠠᠷ ᠲᠤ | ᠰᠢᠯᠵᠢᠨ ᠢᠷᠡᠵᠦ ᠰᠠᠭᠤᠵᠡᠢ᠃ ᠲᠡᠮᠡᠢ ᠤᠳᠠᠯ ᠦᠭᠡᠢ ᠡᠨᠡ ᠠᠬᠠ ᠲᠡᠬᠦᠤ ᠬᠤᠶᠠᠷ ᠴᠦ ᠲᠤᠮᠳᠠ ᠪᠠᠨ ᠡᠪᠳᠡᠷᠡᠯᠴᠡᠵᠦ | ᠲᠠᠭᠠᠷᠠᠯᠴᠠᠬᠤ ᠦᠭᠡᠢ ᠪᠤᠯᠤᠭᠰᠠᠨ ᠠᠴᠠ ᠵᠠᠬᠦᠠᠭᠠᠷ ᠤᠨ ᠬᠠᠭᠠᠨ ᠴᠡᠸᠡᠩᠷᠠᠪᠲᠡᠨ ᠡᠨᠡᠬᠦ ᠲᠤᠬᠢᠶᠠᠯ ᠢᠶᠠᠷ ᠦᠪᠡᠷ ᠤᠨ | ᠬᠦᠷᠭᠡᠨ ᠪᠤᠯᠬᠤ ᠰᠠᠨᠵᠠᠪ ᠤᠨ ᠲᠡᠷᠭᠡᠳᠡ ᠡᠯᠴᠢ ᠢᠯᠡᠭᠡᠨ ︽ᠮᠠᠨ ᠤ ᠠᠳᠡ ᠢᠷᠡᠵᠦ ᠨᠤᠲᠤᠭᠯᠠᠬᠤ ᠪᠤᠯᠪᠠ ᠤᠤ︖︾ | ᠭᠡᠵᠦ ᠪᠡᠶᠡ ᠳᠡᠭᠡᠨ ᠲᠠᠲᠠᠭᠰᠠᠨ ᠳᠤ᠂ 1702 ᠤᠨ ᠳᠤ ᠲᠡᠷᠡ ᠦᠪᠡᠷ ᠤᠨ 15000 ᠡᠷᠦᠭᠡ ᠠᠯᠪᠠᠲᠤ ᠪᠠᠨ | ᠠᠪᠴᠤ᠂ ᠵᠠᠢ ᠠᠴᠠ ᠮᠤᠷᠳᠠᠨ ᠬᠠᠰᠠᠭ ᠤᠯᠤᠰ ᠢᠶᠠᠷ ᠦᠩᠭᠡᠷᠡᠵᠦ᠂ ᠵᠠᠬᠦᠠᠭᠠᠷ ᠬᠠᠭᠠᠨᠲᠤ ᠤᠯᠤᠰ ᠤᠨ ᠵᠠᠶᠢᠰᠡᠭ | ᠨᠠᠭᠤᠷ ᠤᠨ ᠠᠷᠤ ᠪᠠᠷ ᠦᠷᠲᠡᠭᠡᠯᠡᠨ ᠪᠠᠭᠤᠳᠠᠯᠯᠠᠵᠤ ᠪᠠᠶᠢᠳᠠᠯᠠ 1704 ᠤᠨ ᠤ ᠪᠢᠯᠢᠭ ᠤᠨ ᠤᠯᠠᠷᠢᠯ ᠤᠨ ᠴᠠᠭᠠᠨ | ᠰᠠᠷᠠ ᠶᠢᠨ 11 ᠤ ᠡᠳᠦᠷ᠂ ᠴᠡᠸᠡᠩᠷᠠᠪᠲᠡᠨ ᠤᠬᠠᠭᠠᠨ ᠪᠠᠰᠢᠷ ᠵᠠᠷᠤᠵᠤ᠂ ᠲᠡᠬᠦᠨ ᠢ ᠪᠠᠷᠢᠪᠴᠢᠯᠠᠭᠠᠳ ᠬᠠᠷᠢᠶᠠᠲᠤ | ᠠᠯᠪᠠᠲᠤ ᠶᠢ ᠨᠢ ᠵᠠᠬᠦᠠᠭᠠᠷ ᠤᠨ ᠡᠯᠡ ᠠᠶᠢᠮᠠᠭ ᠲᠤ ᠬᠤᠪᠢᠶᠠᠨ ᠦᠭᠴᠦ᠂ ᠰᠠᠨᠵᠠᠪ ᠢ ᠭᠠᠭᠴᠠ ᠪᠡᠶᠡ ᠪᠠᠷ ᠨᠢ | ᠨᠤᠲᠤᠭ ᠲᠤᠨᠢ ᠪᠤᠴᠠᠭᠠᠨ ᠲᠠᠯᠪᠢᠵᠦ ᠶᠠᠪᠤᠭᠤᠯᠤᠭᠰᠠᠨ ᠪᠠᠶᠢᠵᠡᠢ᠃ ᠳᠡᠭᠡᠷᠡᠬᠢ ᠬᠡᠷᠡᠭ ᠠᠴᠠ ᠪᠤᠯᠵᠤ ᠠᠷᠠᠪᠵᠤᠤᠷ | ᠨᠤᠶᠠᠨ ᠠᠷᠭᠠ ᠪᠤᠰᠤ ᠪᠤᠭᠤᠮᠲᠠ ᠶᠢᠨ ᠭᠠᠳᠠᠨᠠ ᠬᠤᠴᠤᠷᠴᠤ᠂ ᠪᠡᠭᠡᠵᠢᠩ ᠳᠤ ᠡᠯᠴᠢ ᠵᠠᠷᠤᠨ ᠤᠴᠢᠷ ᠶᠠᠪᠤᠳᠠᠯ ᠢᠶᠠᠨ | ᠠᠶᠢᠯᠠᠳᠬᠠᠵᠤ ᠲᠤᠰᠠᠯᠠᠮᠵᠢ ᠭᠤᠶᠤᠭᠰᠠᠨ ᠳᠤ᠂ ᠲᠠᠶᠢᠴᠢᠩ ᠬᠦᠷᠦᠨ ᠲᠡᠷᠡ ᠦᠶᠡ ᠳᠤ ᠶᠠᠭ ᠰᠠᠶᠢᠬᠠᠨ ᠡᠳᠦᠷ ᠠᠴᠠ | ᠡᠳᠦᠷ ᠬᠦᠴᠦᠷᠭᠡᠭᠵᠢᠨ ᠪᠤᠰᠴᠤ ᠪᠠᠶᠢᠭᠰᠠᠨ ᠵᠠᠬᠦᠠᠭᠠᠷ ᠬᠠᠭᠠᠨᠲᠤ ᠤᠯᠤᠰ ᠢ ᠡᠷᠬᠡᠰᠢᠶᠡᠯ ᠳᠡᠭᠡᠨ ᠤᠷᠤᠭᠤᠯᠵᠤ ᠠᠪᠬᠤ | ᠠᠷᠭᠠ ᠤᠬᠠᠭᠠᠨ ᠰᠦᠪᠡᠭᠴᠢᠯᠡᠨ᠂ ᠬᠤᠯᠪᠤᠭᠠᠯᠠᠬᠤ ᠡᠲᠡᠭᠡᠳ ᠡᠷᠢᠵᠦ ᠪᠠᠶᠢᠭᠰᠠᠨ ᠲᠤᠯᠠ᠂ ᠠᠷᠠᠪᠵᠤᠤᠷ ᠤᠨ | ᠠᠯᠪᠠᠲᠤ ᠲᠠᠢ ᠪᠠᠨ ᠢᠷᠡᠭᠰᠡᠨ ᠨᠢ ᠴᠢᠪ ᠬᠡᠮᠡᠨ ᠲᠤᠷᠭᠤᠳ ᠬᠠᠭᠠᠨᠲᠤ ᠤᠯᠤᠰ ᠲᠠᠢ ᠬᠠᠷᠢᠴᠠᠵᠤ᠂ ᠠᠯᠭᠤᠷ ᠢᠶᠠᠷ | ᠲᠡᠳᠡᠨ ᠠᠪᠴᠤ ᠠᠰᠢᠭᠯᠠᠬᠤ ᠳᠤ ᠠᠵᠠᠲᠡᠢ ᠲᠤᠬᠢᠶᠠᠯ ᠤᠯᠭᠤᠭᠰᠠᠨ ᠠᠴᠠ ᠲᠡᠬᠦᠨ ᠤ ᠡᠷᠬᠦᠳᠡᠯ ᠢ ᠲᠦᠢᠯ ᠢᠶᠠᠷ | ᠬᠦᠨᠳᠤᠳᠭᠡᠨ ᠦᠵᠡᠵᠦ᠂ ᠲᠡᠷᠡ ᠲᠠᠷᠤᠢ ᠳᠤᠨᠢ ᠠᠷᠠᠪᠵᠤᠤᠷ ᠲᠤ ᠬᠤᠱᠦᠢ ᠪᠠᠶᠢᠰᠠ ᠱᠠᠩᠨᠠᠭᠰᠠᠨ ᠲᠡᠳᠦᠢ ᠦᠭᠡᠢ | ᠪᠠᠰᠠ ᠪᠤᠭᠤᠮᠲᠠ ᠶᠢᠨ ᠭᠠᠳᠠᠨᠠᠬᠢ ᠳ᠋ᠠᠩ ᠤᠨ ᠭᠤᠤᠯ᠂ ᠰᠡᠷᠳᠡᠩ ᠵᠡᠷᠭᠡ ᠭᠠᠵᠠᠷ ᠲᠤ ᠨᠤᠲᠤᠭ ᠵᠢᠭᠠᠵᠤ ᠦᠭᠬᠦᠨ | ᠲᠤᠬᠤᠨᠢᠭᠤᠯᠤᠨ ᠰᠠᠭᠤᠯᠭᠠᠵᠤ ᠦᠪᠡᠷ ᠤᠨ ᠭᠠᠳᠠᠭᠠᠲᠤ ᠬᠠᠷᠢᠯᠴᠠᠭᠠᠨ ᠤ ᠪᠠᠨ ᠪᠠᠭᠠᠵᠢ ᠪᠤᠯᠭᠠᠭᠰᠠᠨ ᠪᠠᠶᠢᠨᠠ᠃ | ᠡᠩᠬᠡ ᠠᠮᠤᠭᠤᠯᠠᠩ ᠤᠨ ᠲᠠᠪᠢᠨ ᠲᠦᠷᠪᠡᠳᠤᠭᠡᠷ ᠤᠨ ︵1715 ᠤᠠ︶ ᠳᠤ᠂ ᠵᠠᠬᠦᠠᠭᠠᠷ ᠤᠨ ᠴᠡᠸᠡᠩᠷᠠᠪᠲᠡᠨ | ᠬᠠᠮᠢ ᠶᠢ ᠲᠤᠪᠲᠤᠯᠤᠨ ᠴᠤᠬᠢᠭᠰᠠᠨ ᠳᠤ᠂ ᠴᠢᠩ ᠤᠨ ᠲᠦᠷᠦ ᠠᠴᠠ ᠠᠷᠠᠪᠵᠤᠤᠷ ᠬᠤᠱᠦᠢ ᠪᠠᠶᠢᠰᠠ ᠳᠤ ︽ᠴᠡᠷᠢᠭ | ᠪᠡᠯᠡᠳᠬᠡᠵᠦ ᠲᠠᠶᠢᠴᠢᠯᠠᠨ ᠲᠠᠭᠠᠭᠤᠯᠬᠤ ᠶᠢ ᠬᠦᠯᠢᠶᠡᠳᠤᠭᠡᠢ︾ ᠭᠡᠵᠦ ᠵᠠᠷᠯᠢᠭ ᠪᠠᠭᠤᠯᠭᠠᠭᠰᠠᠨ ᠪᠤᠯᠪᠠᠴᠤ᠂ ᠵᠠᠬᠦᠠᠭᠠᠷ | ᠤᠨ ᠬᠢᠨ ᠤᠳᠠᠯ ᠦᠭᠡᠢ ᠴᠡᠷᠢᠭ ᠮᠤᠷᠢ ᠪᠠᠨ ᠲᠠᠲᠠᠵᠤ ᠪᠤᠴᠠᠭᠰᠠᠨ ᠠᠴᠠ ᠡᠩᠬᠡ ᠠᠮᠤᠭᠤᠯᠠᠩ ᠬᠠᠭᠠᠨ ᠴᠦ ᠴᠡᠷᠢᠭᠯᠡᠬᠦ | ᠪᠠᠨ ᠵᠤᠭᠰᠤᠵᠡᠢ᠃ ᠡᠨᠡᠬᠦ ᠬᠡᠷᠡᠭ ᠤᠨ ᠡᠬᠢ ᠡᠬᠦᠰᠦᠯ ᠢ ᠡ᠊ᠨᠳᠡ ᠲᠡᠯᠭᠡᠪᠡᠯ᠂ ᠲᠠᠶᠢᠴᠢᠩ ᠬᠦᠷᠦᠨ 1712 ᠤᠨ ᠳᠤ | ᠲᠦᠯᠢᠱᠧᠨ ᠢ ᠡᠯᠴᠢ ᠪᠤᠯᠭᠠᠨ ᠢᠵᠢᠯ ᠤᠨ ᠮᠠᠨᠤ ᠲᠤᠬᠤᠢ ᠳᠤ ᠢᠯᠡᠬᠡᠵᠦ᠂ ᠠᠷᠠᠪᠵᠤᠤᠷ ᠨᠠᠷ ᠤᠨ ᠪᠤᠴᠠᠬᠤ ᠵᠠᠮ | ᠬᠠᠭᠠᠭᠳᠠᠭᠰᠠᠨ ᠶᠠᠪᠤᠳᠠᠯ ᠢᠶᠠᠷ ᠰᠢᠯᠲᠠᠭ ᠪᠠᠷᠢᠨ᠂ ᠠᠶᠤᠰᠢ ᠬᠠᠭᠠᠨ ᠢ ᠦᠳᠦᠭᠡᠵᠦ᠂ ᠴᠡᠸᠡᠩᠷᠠᠪᠲᠡᠨ ᠲᠠᠢ | ᠲᠠᠶᠢᠯᠠᠯᠳᠤᠭᠤᠯᠬᠤ ᠮᠠᠭᠤ ᠤᠬᠠᠭᠠᠨ ᠵᠠᠷᠤᠭᠰᠠᠨ ᠳᠤ᠂ ᠠᠶᠤᠰᠢ ᠠᠴᠠ ᠦᠪᠡᠷ ᠤᠨ ᠤᠶᠢᠷᠠ ᠤᠷᠤᠭ ᠲᠠᠢ ᠪᠠᠨ | ᠲᠠᠶᠢᠰᠤᠩᠨᠠᠵᠤ ᠲᠤᠲᠤᠭᠠᠲᠤ ᠵᠠᠭᠤᠷᠠ ᠪᠠᠨ ᠲᠡᠮᠡᠴᠡᠯᠳᠤᠬᠦ ᠶᠢ ᠦᠯᠦ ᠬᠦᠰᠡᠨᠡᠮ ᠭᠡᠵᠦ ᠵᠦᠪᠰᠢᠶᠡᠷᠡᠭᠰᠡᠨ ᠦᠭᠡᠢ ᠠᠴᠠ | ᠲᠡᠳᠡᠨ ᠤ ᠢᠷᠡᠭᠰᠡᠨ ᠵᠤᠷᠢᠯᠭᠠ ᠨᠢ ᠪᠡᠶᠡᠯᠡᠭᠳᠡᠵᠦ ᠡᠰᠡ ᠴᠢᠳᠠᠵᠡᠢ᠃ ᠰᠡᠬᠦᠯᠡᠷ ᠨᠢ ᠲᠤᠰ ᠬᠡᠷᠡᠭ ᠢ ᠵᠠᠬᠦᠠᠭᠠᠷ ᠤᠨ | ᠴᠡᠸᠡᠩᠷᠠᠪᠲᠡᠨ ᠤᠯᠵᠤ ᠮᠡᠳᠡᠭᠡᠳ᠂ ᠦᠰ ᠵᠠᠩᠬᠢᠳᠴᠤ ᠡᠩᠬᠡ ᠠᠮᠤᠭᠤᠯᠠᠩ ᠬᠠᠭᠠᠨ ᠳᠤ ᠡᠮᠡᠰ ᠦᠬᠢᠳ ᠰᠢᠭ ᠨᠤᠮᠤᠢ | ᠲᠤᠷᠤᠢ ᠪᠢᠰᠢ ᠭᠡᠳᠡᠭ ᠢᠶᠠᠨ ᠴᠢᠮᠠᠳᠤ ᠨᠢᠭᠡ ᠦᠵᠡᠬᠦᠯᠦᠶᠡ ᠬᠡᠮᠡᠨ 1715 ᠤᠨ ᠳᠤ ᠴᠡᠷᠢᠭ ᠮᠤᠷᠢ ᠬᠦᠳᠡᠯᠭᠡᠨ᠂ | ᠭᠠᠯᠳᠠᠨ ᠪᠤᠱᠤᠭᠲᠤ ᠬᠠᠭᠠᠨ ᠤ ᠦᠶᠡ ᠳᠤ ᠴᠢᠩ ᠤᠨ ᠴᠡᠷᠢᠭ ᠲᠤ ᠠᠯᠳᠠᠭᠳᠠᠭᠰᠠᠨ ᠬᠠᠮᠢ ᠤᠷᠤᠨ ᠢ ᠵᠤᠷᠢᠭᠤᠳᠠ | ᠲᠤᠪᠳᠤᠯᠤᠨ ᠲᠠᠭᠠᠷᠢᠵᠤ᠂ ᠬᠡᠰᠡᠭ ᠴᠤᠬᠢᠭᠠᠳ ᠪᠤᠴᠠᠭᠰᠠᠨ ᠶᠠᠪᠤᠳᠠᠯ ᠪᠤᠯᠡᠢ᠃ | ᠡᠩᠬᠡ ᠠᠮᠤᠭᠤᠯᠠᠩ ᠤᠨ ᠲᠠᠪᠢᠨ ᠳᠠᠪᠤᠳᠤᠭᠠᠷ ᠤᠨ ︵1716 ᠤᠠ︶ ᠳᠤ ᠠᠷᠠᠪᠵᠤᠤᠷ ᠬᠤᠱᠦᠢ ᠪᠠᠶᠢᠰᠠ | ᠲᠡᠭᠡᠭᠰᠢ ᠮᠡᠳᠡᠬᠦᠯᠦᠯᠲᠠ ᠪᠢᠴᠢᠵᠦ᠂ ︽ᠶᠡᠭᠡ ᠴᠡᠷᠢᠭ ᠢ ᠲᠠᠭᠠᠨ ᠨᠢᠭᠡᠨ ᠮᠦᠷᠦᠨ ᠤ ᠬᠦᠴᠦᠨ ᠡᠷᠬᠦᠰᠦᠭᠡᠢ︾ ᠬᠡᠵᠦ | ᠡᠷᠬᠦᠳᠡᠯ ᠭᠠᠷᠭᠠᠭᠰᠠᠨ ᠳᠤ᠂ ︽500 ᠴᠡᠷᠢᠭ ᠲᠠᠶᠢᠴᠢᠯᠠᠨ ᠭᠠᠰ ᠭᠡᠬᠦ ᠭᠠᠵᠠᠷ ᠲᠤ ᠬᠦᠷᠴᠦ᠂ ᠵᠠᠬᠦᠠᠭᠠᠷ ᠤᠨ | ᠲᠤᠪᠲᠤᠯᠤᠯᠲᠠ ᠶᠢ ᠰᠡᠷᠭᠡᠶᠢᠯᠡ︾ ᠬᠡᠮᠡᠬᠦ ᠵᠠᠷᠯᠢᠭ ᠤᠴᠢᠭᠰᠠᠨ ᠪᠤᠯᠪᠠᠴᠤ ᠲᠡᠮᠡᠢ ᠤᠳᠠᠯ ᠦᠭᠡᠢ ᠡᠪᠡᠳᠴᠢᠨ | ᠡᠮᠬᠡᠭ ᠢᠶᠠᠷ ᠤᠷᠴᠢᠯᠠᠩ ᠤᠨ ᠮᠦᠩᠭᠡ ᠪᠤᠰᠤ ᠶᠢ ᠦᠵᠡᠵᠡᠢ᠃ ᠠᠷᠠᠪᠵᠤᠤᠷ ᠤᠨ ᠵᠡᠷᠭᠡ ᠬᠡᠮ ᠢ ᠠᠬᠠᠮᠠᠳ ᠬᠦᠪᠡᠬᠦᠨ | ᠳ᠋ᠠᠨᠵᠦ᠋ᠩ ᠨᠢ ᠵᠠᠯᠭᠠᠮᠵᠢᠯᠠᠨ ᠬᠤᠱᠤᠢ ᠪᠠᠶᠢᠰᠠ ᠪᠤᠯᠵᠤ᠂ ᠨᠠᠶᠢᠷᠠᠯᠲᠤ ᠲᠦᠪ ᠤᠨ ᠲᠤᠯᠤᠳᠤᠭᠠᠷ ᠤᠨ ︵1729 | ᠤᠠ︶ ᠳᠤ ᠲᠡᠷᠡ ᠪᠡᠭᠡᠵᠢᠩ ᠳᠤ ᠬᠦᠷᠴᠦ ᠱᠢᠽᠦ᠋ᠩ ᠬᠠᠭᠠᠨ ᠳᠤ ᠪᠠᠷᠠᠭᠠᠯᠠᠭᠰᠠᠨ ᠳᠤ ᠲᠡᠬᠦᠨ ᠢ ᠲᠦᠷᠦ ᠶᠢᠨ | ᠪᠠᠶᠢᠯᠡ ᠪᠠᠷ ᠡᠷᠬᠦᠮᠵᠢᠯᠡᠨ ᠲᠡᠪᠰᠢᠬᠦᠯᠵᠦ᠂ ᠡᠨᠡᠬᠦ ᠵᠡᠷᠭᠡ ᠭᠡᠷᠬᠡᠮ ᠢ ᠨᠢ ᠡᠵᠡᠨᠡ ᠬᠠᠭᠤᠴᠢᠨ ᠲᠤᠷᠭᠤᠳ ᠬᠤᠰᠢᠭᠤᠨ | ᠤ ᠳ᠋ᠠᠰᠢ ᠨᠤᠶᠠᠨ ᠬᠦᠷᠲᠡᠯᠡᠬᠢ 8 ᠸᠠᠩ ᠨᠤᠶᠠᠨ ᠦᠶᠡ ᠤᠯᠠᠷᠢᠨ ᠵᠠᠯᠭᠠᠮᠵᠢᠯᠠᠵᠤ ᠦᠯᠡᠮᠵᠢ ᠪᠤᠶᠠᠨ ᠢ ᠨᠢ ᠬᠦᠷᠲᠡᠵᠡᠢ᠃ | | ᠨᠠᠶᠢᠷᠠᠯᠲᠤ ᠲᠦᠪ ᠤᠨ ᠶᠢᠰᠤᠳᠤᠭᠡᠷ ᠤᠨ ︵1731 ᠤᠠ︶ ᠳᠤ ᠵᠠᠬᠦᠠᠭᠠᠷ ᠤᠨ ᠰᠢᠨᠠ ᠡᠵᠡᠨ ᠭᠠᠯᠲᠠᠢ ᠴᠡᠷᠢᠭ | ᠲᠠᠩᠨᠠᠭᠤᠯ ᠲᠤᠷᠰᠢᠭᠤᠯᠴᠢᠨ ᠢᠯᠡᠬᠡᠵᠦ ᠬᠠᠯᠬᠠ ᠬᠢᠭᠡᠳ ᠲᠤᠲᠤᠷᠠ ᠭᠠᠵᠠᠷ ᠲᠠᠭᠠᠯᠳᠤᠷᠠ ᠢᠷᠡᠭᠰᠡᠨ ᠤᠶᠢᠷᠠᠳ ᠤᠨ | ᠢᠷᠭᠡᠳ ᠢ ᠬᠤᠷᠢᠶᠠᠨ ᠲᠠᠲᠠᠵᠤ ᠠᠪᠬᠤ ᠬᠤᠤᠪᠢᠯᠳᠤᠯᠭᠠ ᠦᠳᠦᠭᠡᠯᠭᠡ ᠶᠢᠨ ᠠᠵᠢᠯᠯᠠᠭᠠ ᠦᠷᠨᠢᠬᠦᠯᠦᠭᠰᠡᠨ ᠠᠴᠠ | ᠳ᠋ᠠᠨᠵᠦ᠋ᠩ ᠤᠨ ᠬᠠᠷᠢᠶᠠᠲᠤ ᠠᠯᠪᠠᠲᠤ ᠠᠴᠠ ᠮᠡᠷᠭᠡᠨ ᠴᠤᠷᠵᠢ ᠭᠡᠭᠴᠢ ᠬᠦᠮᠦᠨ ᠵᠠᠬᠦᠠᠭᠠᠷ ᠲᠤ ᠤᠷᠪᠠᠭᠰᠠᠨ ᠬᠡᠷᠡᠭ | ᠭᠠᠷᠴᠤ ᠲᠡᠬᠦᠨ ᠢ ᠪᠠᠯᠠᠭ ᠠᠯᠳᠠᠭᠤᠯᠤᠭᠰᠠᠨ ᠠᠴᠠ ᠲᠡᠷᠡ ᠵᠠᠬᠦᠠᠭᠠᠷ ᠲᠤ ᠲᠤᠪᠲᠤᠯᠤᠭᠳᠠᠬᠤ ᠠᠴᠠ ᠪᠠᠨ ᠠᠶᠤᠨ | ᠡᠮᠢᠶᠡᠵᠦ ᠴᠢᠩ ᠤᠨ ᠲᠦᠷᠦ ᠳᠤ ᠪᠢᠴᠢᠭ ᠡᠷᠬᠦᠨ ᠲᠤᠳᠤᠭᠰᠢ ᠨᠡᠬᠦᠬᠦ ᠡᠷᠬᠦᠳᠡᠯ ᠭᠠᠷᠭᠠᠭᠰᠠᠨ ᠳᠤ᠂ ᠱᠠᠨ ᠭᠠᠨ ᠤ | ᠪᠦᠬᠦᠳᠡ ᠶᠢ ᠵᠠᠬᠢᠷᠤᠭᠴᠢ ᠰᠠᠶᠢᠳ ᠴᠠᠯᠠᠩᠬᠠ ᠳ᠋ᠠᠨᠵᠦ᠋ᠩ ᠨᠠᠷ ᠢ ᠠᠯᠠᠭ ᠠᠭᠤᠯᠠ ᠠᠯᠲᠠᠨ ᠲᠡᠪᠰᠢ ᠳᠤ ᠭᠠᠵᠠᠷ ᠵᠢᠭᠠᠨ | ᠦᠭᠴᠦ ᠨᠤᠲᠤᠭᠯᠠᠭᠤᠯᠵᠡᠢ᠃ ᠲᠡᠮᠡᠢ ᠤᠳᠠᠭᠰᠠᠨ ᠦᠭᠡᠢ ᠵᠠᠬᠦᠠᠭᠠᠷ ᠤᠨ ᠬᠢᠨ ᠴᠢᠩ ᠤᠨ ᠴᠡᠷᠢᠭ ᠲᠤ ᠲᠡᠶᠢᠯᠤᠭ᠍ᠳᠡᠵᠦ | ᠤᠬᠤᠷᠢᠭᠰᠠᠨ ᠪᠤᠯᠪᠠᠴᠤ᠂ ᠳ᠋ᠠᠨᠵᠦ᠋ᠩ ᠮᠦᠨ ᠬᠦ ᠬᠢᠴᠢᠶᠡᠨ ᠪᠤᠯᠭᠤᠮᠵᠢᠯᠠᠵᠤ᠂ ᠡᠳᠦᠭᠡ ᠶᠢᠨ ᠠᠯᠠᠱᠠ ᠪᠠᠷᠠᠭᠤᠨ | ᠬᠤᠰᠢᠭᠤᠨ ᠤ ᠡᠷᠪᠡᠬᠡᠢ ᠳᠤ ᠨᠡᠬᠦᠨ ᠤᠴᠢᠵᠤ᠂ ᠬᠡᠰᠡᠭ ᠬᠤᠭᠤᠴᠠᠭᠠ ᠰᠠᠭᠤᠵᠤ ᠪᠠᠶᠢᠭᠠᠳ ᠨᠠᠶᠢᠷᠠᠯᠲᠤ ᠲᠦᠪ ᠤᠨ | ᠠᠷᠪᠠᠨ ᠨᠢᠭᠡᠳᠤᠭᠡᠷ ᠤᠨ ︵1733 ᠤᠠ︶ ᠳᠤ ︽ᠮᠠᠨ ᠤ ᠤᠳᠤ ᠶᠢᠨ ᠰᠠᠭᠤᠵᠤ ᠪᠠᠶᠢᠬᠤ ᠡᠷᠪᠡᠬᠡᠢ ᠬᠡᠮᠡᠭᠴᠢ | ᠭᠠᠵᠠᠷ ᠤᠰᠤ ᠬᠤᠪᠤᠷ᠂ ᠬᠠᠪᠤᠷ ᠴᠠᠰᠤ ᠬᠠᠶᠢᠯᠤᠭᠰᠠᠨ ᠤ ᠳᠠᠷᠠᠭᠠ ᠰᠠᠭᠤᠬᠤ ᠳᠤ ᠪᠡᠷᠭᠡ ᠁︾ ᠬᠡᠬᠦ ᠮᠡᠲᠤ | ᠪᠠᠷ ᠳᠡᠭᠡᠭᠰᠢ ᠮᠡᠳᠡᠬᠦᠯᠵᠦ᠂ ᠭᠠᠨ ᠵᠧᠦ ᠶᠢᠨ ᠬᠠᠷᠢᠶᠠᠨ ᠳᠠᠬᠢ ᠪᠡᠶᠡᠨ ᠬᠠᠷᠠ ᠠᠭᠤᠯᠠ ᠬᠢᠭᠡᠳ ᠬᠠᠷᠰᠢ ᠪᠤᠷᠠᠭᠲᠤ ᠳᠤ | ᠲᠦᠷ ᠨᠤᠲᠤᠭᠯᠠᠬᠤ ᠪᠠᠷ ᠭᠤᠶᠤᠴᠢᠯᠠᠭᠰᠠᠠ ᠳᠤ ᠵᠦᠪᠰᠢᠶᠡᠷᠡᠯ ᠤᠯᠵᠤ᠂ ᠲᠡᠷᠡ ᠬᠠᠷᠢᠶᠠᠲᠤ ᠠᠯᠪᠠᠲᠤ ᠲᠠᠢ ᠪᠠᠨ | ᠡᠪᠤᠯ ᠳᠡᠭᠡᠨ ᠠᠯᠠᠭ ᠠᠭᠤᠯᠠ ᠠᠯᠲᠠᠨ ᠲᠡᠪᠰᠢ᠂ ᠡᠷᠪᠡᠬᠡᠢ ᠵᠡᠷᠭᠡ ᠭᠠᠵᠠᠷ ᠢᠶᠠᠷ ᠰᠠᠭᠤᠷᠢᠰᠢᠨ ᠮᠠᠯᠵᠢᠵᠤ᠂ ᠵᠤᠨ | ᠳᠠᠭᠠᠨ ᠰᠢᠶᠠ ᠺᠧᠦ ᠬᠠᠭᠠᠯᠭᠠ ᠶᠢᠨ ᠲᠤᠲᠤᠨᠠ ᠤᠷᠤᠵᠤ᠂ ᠪᠠᠶᠠᠨ ᠬᠠᠷᠠ ᠠᠭᠤᠯᠠ᠂ ᠬᠠᠷᠰᠢ ᠪᠤᠷᠠᠭᠲᠤ ᠪᠠᠷ | ᠤᠲᠤᠷᠯᠠᠨ ᠮᠠᠯᠵᠢᠵᠤ ᠪᠠᠶᠢᠵᠡᠢ᠃ ᠨᠠᠶᠢᠷᠠᠯᠲᠤ ᠲᠦᠪ ᠤᠨ ᠠᠷᠪᠠᠨ ᠭᠤᠷᠪᠠᠳᠤᠭᠠᠷ ᠤᠨ ︵1735 ᠤᠠ︶ ᠳᠤ | ᠠᠯᠠᠱᠠ ᠸᠠᠩ ᠠᠪᠤᠤ ᠶᠢᠨ ᠬᠡᠰᠡᠭ ᠬᠠᠷᠢᠶᠠᠲᠤ ᠢᠷᠭᠡᠳ ᠴᠦ ᠠᠯᠠᠭ ᠠᠭᠤᠯᠠ ᠠᠯᠲᠠᠨ ᠲᠡᠪᠰᠢ ᠪᠠ ᠡᠷᠪᠡᠬᠡᠢ ᠪᠠᠷ | ᠨᠡᠬᠦᠳᠡᠯᠯᠡᠨ ᠢᠷᠡᠵᠦ ᠮᠠᠯᠵᠢᠬᠤ ᠪᠤᠯᠤᠭᠰᠠᠨ ᠠᠴᠠ ᠪᠡᠯᠴᠢᠭᠡᠷ ᠤᠨ ᠵᠢᠭᠤᠷᠠᠯᠳᠤᠭᠠᠨ ᠡᠬᠦᠰᠴᠦ᠂ ᠬᠡᠷᠡᠭ ᠵᠠᠷᠭᠤ | ᠲᠠᠰᠤᠷᠠᠬᠤ ᠦᠭᠡᠢ ᠪᠤᠯᠬᠤᠷ ᠳ᠋ᠠᠨᠵᠦ᠋ᠩ ᠪᠠᠶᠢᠯᠡ ᠲᠦᠪᠡᠭᠰᠢᠶᠡᠵᠦ᠂ ᠬᠠᠷᠢᠶᠠᠲᠤ ᠠᠯᠪᠠᠲᠤ ᠲᠠᠢ ᠪᠠᠨ ᠬᠠᠷᠠ ᠭᠤᠤᠯ | ᠤᠨ ᠤᠷᠤᠰᠬᠠᠯ ᠢ ᠤᠷᠤᠭᠤᠳᠠᠨ ᠲᠠᠭᠠᠵᠤ ᠤᠪᠤᠨ ᠴᠤᠪᠤᠨ ᠨᠡᠬᠦᠳᠡᠯᠯᠡᠨ ᠶᠠᠪᠤᠭᠰᠠᠭᠠᠷ ᠡᠵᠡᠨᠡ ᠳᠤ ᠲᠠᠬᠢᠨᠲᠠ ᠡᠷᠬᠢᠨ | ᠢᠷᠡᠵᠦ ᠡ᠊ᠨᠳᠡᠬᠢ ᠶᠢᠨ ᠭᠠᠵᠠᠷ ᠨᠤᠲᠤᠭ ᠢᠶᠠᠷ ᠡᠴᠤᠰ ᠤᠨ ᠦᠷᠲᠡᠭᠡ ᠪᠠᠨ ᠪᠤᠯᠭᠠᠭᠰᠠᠨ ᠠᠵᠤᠭᠤ᠃ | ᠲᠡᠭᠷᠢ ᠲᠡᠳᠬᠦᠭᠴᠢ ᠶᠢᠨ ᠲᠠᠪᠤᠳᠤᠭᠠᠷ ᠤᠨ ︵1740 ᠤᠠ︶ ᠳᠤ ᠳ᠋ᠠᠨᠵᠦ᠋ᠩ ᠲᠠᠭᠠᠯᠠᠯ ᠲᠡᠬᠦᠰᠴᠦ᠂ ᠲᠡᠭᠦᠨ ᠤ | ᠶᠡᠭᠡ ᠬᠦᠤ ᠯᠤᠪᠰᠠᠩᠳᠠᠷᠵᠠ ᠨᠢ ᠵᠡᠷᠭᠡ ᠬᠡᠷᠬᠡᠮ ᠢ ᠨᠢ ᠵᠠᠯᠭᠠᠮᠵᠢᠯᠠᠨ ᠲᠦᠷᠦ ᠶᠢᠨ ᠪᠠᠶᠢᠯᠡ ᠰᠠᠭᠤᠭᠰᠠᠨ ᠪᠤᠯᠪᠠᠴᠤ | ᠨᠠᠰᠤ ᠪᠠᠭᠠ ᠪᠡᠶᠡ ᠪᠠᠯᠴᠢᠷ ᠠᠴᠠ ᠪᠤᠯᠵᠤ᠂ ᠴᠢᠩ ᠤᠯᠤᠰ ᠤᠨ ᠭᠠᠳᠠᠭᠠᠲᠤ ᠮᠤᠩᠭᠤᠯ ᠤᠨ ᠲᠦᠷᠦ ᠶᠢ ᠵᠠᠰᠠᠬᠤ | ᠶᠠᠪᠤᠳᠠᠯ ᠤᠨ ᠶᠠᠮᠤᠨ ᠠᠴᠠ ᠲᠤᠰᠬᠠᠢ ᠲᠦᠰᠢᠮᠡᠯ ᠲᠤᠮᠢᠯᠠᠨ ᠠᠶᠢᠮᠠᠭ ᠤᠭᠰᠠᠭᠠᠨ ᠤ ᠬᠢᠨᠢ ᠲᠤᠲᠤᠭᠠᠲᠤ ᠬᠡᠷᠡᠭ | ᠤᠴᠢᠷ ᠢ ᠤᠷᠤᠯᠠᠨ ᠬᠦᠢᠴᠡᠳᠬᠡᠵᠦ ᠪᠠᠶᠢᠵᠡᠢ᠃ ᠲᠡᠭᠷᠢ ᠲᠡᠳᠬᠦᠭᠴᠢ ᠶᠢᠨ 17 ᠳ᠋ᠤᠭᠠᠷ ᠤᠨ ᠳᠤ ᠡᠨᠡᠬᠦ | ᠲᠦᠰᠢᠮᠡᠯ ᠢᠶᠠᠨ ᠭᠡᠳᠡᠷᠬᠦ ᠲᠠᠲᠠᠵᠤ᠂ ᠲᠠᠷᠠᠭᠠ ᠵᠢᠯ ︵1753 ᠤᠠ︶ ᠨᠢ ᠯᠤᠪᠰᠠᠩᠳᠠᠷᠵᠠ ᠳᠤ ᠬᠤᠰᠢᠭᠤᠨ ᠤ | ᠵᠠᠰᠠᠭ ᠤᠨ ᠡᠷᠭᠡ ᠤᠯᠭᠤᠨ᠂ ᠮᠠᠨᠵᠤ ᠮᠤᠩᠭᠤᠯ ᠦᠰᠦᠭ ᠬᠠᠪᠰᠤᠷᠭᠠᠭᠰᠠᠨ ︽ᠬᠠᠭᠤᠴᠢᠨ ᠲᠤᠷᠭᠤᠳ ᠬᠤᠰᠢᠭᠤ ᠶᠢ | ᠵᠠᠬᠢᠷᠬᠤ ᠵᠠᠰᠠᠭ ᠤᠨ ᠲᠠᠮᠠᠭᠠ︾ ᠬᠡᠮᠡᠬᠦ ᠮᠦᠩᠬᠦᠨ ᠲᠠᠮᠠᠭᠠ ᠪᠠᠭᠤᠯᠭᠠᠨ ᠦᠭᠬᠦᠭᠡᠳ᠂ ᠡᠵᠡᠨᠡ ᠶᠢ ᠵᠢᠩᠬᠢᠨᠢ | ᠬᠤᠰᠢᠭᠤᠨ ᠤ ᠪᠠᠶᠢᠭᠤᠯᠤᠮᠵᠢ ᠪᠤᠯᠭᠠᠵᠤ᠂ ︽ᠡᠵᠡᠨᠡ ᠬᠠᠭᠤᠴᠢᠨ ᠲᠤᠷᠭᠤᠳ ᠤᠨᠴᠠᠭᠠᠢ ᠬᠤᠰᠢᠭᠤ︾ ᠬᠡᠮᠡᠨ | ᠨᠡᠷᠡᠶᠢᠳᠤᠨ᠂ ᠠᠷᠤ ᠲᠠᠪᠢᠨ ᠲᠤᠯᠤᠭᠠ᠂ ᠦᠪᠦᠷ ᠲᠦᠴᠢᠨ ᠶᠢᠰᠦᠨ ᠬᠤᠰᠢᠭᠤᠨ ᠳᠤ ᠪᠠᠭᠲᠠᠬᠤ ᠦᠭᠡᠢ ᠳᠡᠭᠡᠷᠡ | ᠪᠠᠨ ᠰᠢᠨᠵᠢᠶᠠᠩ ᠤᠨ ᠦᠨᠡᠨ ᠰᠦᠰᠦᠭᠲᠤ ᠶᠢᠨ ᠴᠢᠭᠤᠯᠭᠠᠨ ᠳᠤ ᠴᠦ ᠬᠠᠷᠢᠶᠠᠯᠠᠭᠳᠠᠬᠤ ᠦᠭᠡᠢ᠂ ᠲᠠᠶᠢᠴᠢᠩ ᠬᠦᠷᠦᠨ | ᠤ ᠭᠠᠳᠠᠭᠠᠳᠤ ᠮᠤᠩᠭᠤᠯ ᠤᠨ ᠲᠦᠷᠦ ᠶᠢ ᠵᠠᠰᠠᠬᠤ ᠶᠠᠪᠤᠳᠠᠯ ᠤᠨ ᠶᠠᠮᠤᠨ ᠳᠤ ᠯᠠ ᠬᠠᠮᠢᠶᠠᠷᠤᠭᠳᠠᠬᠤ ︽ᠲᠦᠪ ᠤᠨ | ᠰᠢᠭᠤᠳ ᠬᠠᠷᠢᠶᠠᠲᠤ ᠪᠠᠶᠢᠭᠤᠯᠤᠯᠭᠠ︾ ᠪᠤᠯᠵᠡᠢ᠃ ᠢᠩᠬᠢᠭᠰᠡᠨ ᠢᠶᠠᠷ᠂ ᠡᠬᠡ ᠨᠤᠲᠤᠭ ᠲᠠᠭᠠᠨ ᠡᠷᠬᠢᠵᠦ ᠬᠠᠷᠢᠵᠤ | ᠴᠢᠳᠠᠯ ᠦᠭᠡᠢ ᠪᠤᠰᠤᠳ ᠤᠨ ᠦᠷᠦᠰᠢᠶᠡᠯ ᠬᠠᠶᠢᠷᠠ ᠪᠠᠷ ᠪᠠᠭᠤᠳᠠᠯ ᠦᠷᠲᠡᠭᠡ ᠰᠤᠯᠢᠨ᠂ ᠲᠠᠪᠢᠭᠠᠳ ᠵᠢᠯ | ᠴᠠᠭᠠᠴᠢᠯᠠᠭᠰᠠᠨ ᠲᠤᠷᠭᠤᠳ ᠤᠨ ᠡᠨᠡᠬᠦ ᠦᠨᠦᠴᠢᠨ ᠰᠠᠯᠠᠭᠠ ᠬᠦᠮᠦᠰ ᠡᠴᠤᠰ ᠲᠡᠭᠡᠨ ᠦᠪᠡᠷ ᠤᠨ ᠭᠡᠵᠦ ᠤᠷᠤᠩᠨᠠᠬᠤ | ᠬᠤᠰᠢᠭᠤ ᠨᠤᠲᠤᠭ ᠲᠠᠢ ᠤᠷᠤᠰᠢᠨ ᠲᠤᠭᠲᠠᠨᠢᠵᠤ ᠰᠠᠭᠤᠷᠢᠰᠢᠬᠤ ᠪᠤᠯᠤᠭᠠᠳ ᠡᠨᠡ ᠵᠢᠯ ︵2013 ᠤᠠ︶ ᠲᠠᠢ | ᠶᠠᠭ ᠪᠦᠬᠦᠯᠢ 260 ᠵᠢᠯ ᠤᠨ ᠨᠢᠭᠤᠷ ᠦᠵᠡᠭᠡ ᠰᠠᠨᠵᠡᠢ᠃ | ᠡᠬᠦᠨ ᠠᠴᠠ ᠭᠠᠳᠠᠨᠠ᠂ ᠡᠵᠡᠨᠡ ᠬᠤᠰᠢᠭᠤᠨ ᠤ ᠤᠷᠤᠨ ᠨᠤᠲᠤᠭ ᠤᠨ ᠰᠤᠶᠤᠯ ᠲᠡᠤᠬᠡ ᠶᠢᠨ ᠰᠤᠳᠤᠯᠤᠭᠴᠢ | ᠠᠯᠲᠠᠨᠴᠡᠴᠡᠭ ᠨᠦᠬᠦᠷ ᠤᠨ ᠡᠳᠡᠭᠡᠷ ᠵᠢᠯ ᠤᠨ ᠮᠦᠷᠳᠡᠨ ᠰᠤᠳᠤᠯᠵᠤ ᠲᠤᠲᠤᠯᠤᠭᠰᠠᠨ ᠢᠶᠠᠷ᠂ ᠢᠵᠢᠯ ᠤᠨ | ᠲᠤᠷᠭᠤᠳᠴᠤᠳ ᠡᠷᠡᠯᠬᠡᠭ ᠪᠠᠭᠠᠲᠤᠷᠯᠢᠭ ᠤᠪᠠᠰᠢ ᠬᠠᠭᠠᠨ ᠤ ᠲᠠᠶᠢᠴᠢᠯᠠᠯᠲᠠ ᠪᠠᠷ ︽ᠦᠷᠡᠭᠳᠡᠯ ᠰᠦᠢᠳᠦᠯ ᠠᠴᠠ | ᠠᠶᠤᠬᠤ ᠦᠭᠡᠢ ᠲᠦᠮᠡᠨ ᠪᠡᠷᠬᠡᠰᠢᠶᠡᠯ ᠢ ᠢᠯᠠᠨ ᠲᠠᠪᠠᠵᠤ︾ ᠲᠡᠭᠷᠢ ᠲᠡᠳᠬᠦᠭᠴᠢ ᠶᠢᠨ 36 ᠤᠨ ︵1771 ᠤᠠ︶ | ᠳᠤ ᠡᠪᠦᠭᠡ ᠳᠡᠭᠡᠳᠤᠰ ᠤᠨ ᠨᠤᠲᠤᠭ — ᠰᠢᠨᠵᠢᠶᠠᠩ ᠳᠠᠭᠠᠨ ᠬᠠᠷᠢᠵᠤ ᠢᠷᠡᠭᠰᠡᠨ ᠤ ᠳᠠᠷᠠᠭᠠ᠂ ᠲᠡᠳᠡᠨᠡᠷ ᠤᠨ | ᠲᠤᠮᠳᠠ ᠠᠴᠠ ᠪᠠᠰᠠ ᠬᠡᠰᠡᠭ ᠲᠤᠭᠠᠨ ᠤ ᠬᠦᠮᠦᠰ 1821 — 1947 ᠤᠨ ᠪᠤᠯᠲᠠᠯᠠᠬᠢ 126 ᠵᠢᠯ ᠤᠨ | ᠬᠤᠭᠤᠷᠤᠨᠳᠤ ᠲᠠᠶᠢᠨ ᠲᠠᠵᠢᠨ ᠤ ᠬᠦᠯ ᠦᠢᠮᠡᠭᠡᠨ ᠠᠴᠠ ᠵᠠᠶᠢᠳᠠᠬᠤ ᠪᠠ ᠠᠬᠠ ᠲᠡᠬᠦᠤ ᠲᠦᠷᠦᠯ ᠰᠠᠳᠤᠨ ᠢᠶᠠᠨ | ᠪᠠᠷᠠᠳᠠᠨ ᠲᠦᠰᠢᠭᠯᠡᠬᠦ ᠵᠡᠷᠭᠡ ᠰᠢᠯᠲᠠᠭᠠᠨ ᠢᠶᠠᠷ ᠡᠵᠡᠨᠡ ᠳᠤ ᠤᠷᠢᠳ ᠬᠤᠵᠢᠳ ᠴᠠᠭᠠᠴᠢᠯᠠᠨ ᠢᠷᠡᠵᠦ ᠨᠤᠲᠤᠭᠰᠢᠭᠠᠳ | ᠲᠤᠰ ᠭᠠᠵᠠᠷ ᠤᠷᠤᠨ ᠤ ︽ᠰᠢᠨᠡ ᠲᠤᠷᠭᠤᠳ︾ ᠤᠨ ᠡᠬᠦᠰᠦᠯ ᠪᠦᠷᠢᠯᠳᠦᠯ ᠢ ᠪᠤᠢ ᠪᠤᠯᠭᠠᠵᠤ ᠦᠭᠴᠡᠢ᠃ ᠡ᠊ᠨᠳᠡ | ᠲᠦᠬᠦᠮ ᠵᠢᠭᠰᠠᠭᠠᠨ ᠲᠤᠷᠠᠳᠪᠠᠯ᠂ ᠡᠮᠤᠨᠡᠲᠤ ᠵᠠᠮ ᠤᠨ ᠲᠤᠷᠭᠤᠳ ᠤᠨ ᠬᠠᠷᠠᠰᠢᠷᠠ ᠠᠴᠠ 4 ᠡᠷᠦᠭᠡ ᠶᠢᠨ 10 | ᠬᠦᠮᠦᠨ᠂ ᠤᠮᠠᠷᠠᠲᠤ ᠵᠠᠮ ᠤᠨ ᠲᠤᠷᠭᠤᠳ ᠤᠨ ᠬᠤᠪᠤᠭᠰᠠᠶᠢᠷ ᠠᠴᠠ 19 ᠡᠷᠦᠭᠡ ᠶᠢᠨ 73 ᠬᠦᠮᠦᠨ᠂ ᠲᠤᠷᠤᠨᠠᠲᠤ | ᠵᠠᠮ ᠤᠨ ᠲᠤᠷᠭᠤᠳ ᠤᠨ ᠡᠷᠢᠶᠡᠨ ᠬᠠᠪᠢᠷᠭᠠ ᠠᠴᠠ 6 ᠡᠷᠦᠭᠡ ᠶᠢᠨ 16 ᠬᠦᠮᠦᠨ ᠠᠴᠠ ᠭᠠᠳᠠᠨᠠ ᠪᠠᠰᠠ ᠰᠡᠷᠡᠩ᠂ | ᠰᠢᠷᠠ ᠬᠡᠤᠬᠡᠨ ᠬᠤᠶᠠᠷ ᠤᠨ ᠢᠵᠢᠯ ᠠᠴᠠ ᠳᠠᠭᠠᠭᠤᠯᠵᠤ ᠢᠷᠡᠭᠰᠡᠨ ᠰᠢᠨᠵᠢᠶᠠᠩ ᠤᠨ ᠰᠢᠨᠡ ᠲᠤᠷᠭᠤᠳ ᠤᠨ 4 | ᠡᠷᠦᠭᠡ ᠠᠶᠢᠯ ᠤᠨ 12 ᠬᠦᠮᠦᠨ ᠪᠠᠶᠢᠵᠤ᠂ ᠨᠡᠶᠢᠲᠠ 33 ᠡᠷᠦᠭᠡ ᠠᠶᠢᠯ ᠤᠨ 111 ᠬᠦᠮᠦᠨ ᠠᠮᠠ ᠡᠵᠡᠨᠡ | ᠲᠤᠷᠭᠤᠳᠴᠤᠳ ᠤᠨ ᠶᠡᠭᠡ ᠬᠡᠷ ᠪᠦᠯᠢ ᠶᠢᠨ ᠰᠢᠨᠡ ᠪᠦᠷᠢᠯᠳᠤᠬᠦᠨ ᠪᠤᠯᠵᠤ᠂ ᠡᠯᠳᠡᠪ ᠵᠦᠢᠯ ᠤᠨ ᠰᠢᠯᠲᠠᠭᠠᠨ ᠠᠴᠠ | ᠶᠡᠬᠡᠳᠡ ᠪᠠᠭᠤᠷᠠᠯᠲᠠ ᠲᠠᠢ ᠪᠤᠯᠵᠤ ᠪᠠᠶᠢᠭᠰᠠᠨ ᠡ᠊ᠨᠳᠡᠬᠢ ᠶᠢᠨ ᠲᠤᠷᠭᠤᠳ ᠶᠠᠰᠤᠲᠠᠨ ᠤ ᠬᠦᠮᠦᠨ ᠠᠮᠠ ᠶᠢᠨ ᠨᠡᠮᠡᠭᠳᠡᠯ | ᠳᠤ ᠢᠯᠡᠳᠳᠡ ᠬᠤᠪᠢ ᠨᠡᠮᠡᠷᠢ ᠦᠵᠡᠬᠦᠯᠦᠭᠰᠡᠨ ᠢ ᠡᠳᠦᠭᠡ ᠴᠦ ᠦᠨᠡᠯᠡᠨ ᠲᠤᠷᠠᠳᠴᠤ ᠤᠨᠴᠠᠯᠠᠨ ᠲᠡᠮᠳᠡᠭᠯᠡᠬᠦᠰᠢᠲᠠᠢ | ᠪᠠᠶᠢᠨᠠ᠃ | | | ᠪᠡᠯᠡᠳᠬᠡᠭᠰᠡᠨ ᠨᠢ᠄ ᠡᠷᠳᠡᠨᠢᠬᠦᠦ | ᠨᠠᠶᠢᠷᠠᠭᠤᠯᠤᠭᠰᠠᠨ ᠨᠢ᠄ ᠨᠠᠮᠤᠷ | ᠬᠢᠨᠠᠭᠰᠠᠨ ᠨᠢ᠄ ᠤᠷᠢᠬᠠᠨ |