| | ᠭᠠᠯᠳᠠᠨ ᠪᠣᠱᠣᠭᠲᠤ ᠬᠠᠯᠬᠠ ᠶᠢ ᠡᠵᠡᠯᠡᠵᠦ ᠠᠪᠤᠭᠰᠠᠨ ᠤ ᠳᠠᠷᠠᠭᠠ ᠰᠡᠯᠡᠩᠭᠡ ᠮᠥᠷᠡᠨ ᠤ ᠡᠬᠢᠨ ᠳᠤ ᠨᠤᠲᠤᠭᠯᠠᠵᠤ | ᠪᠠᠶᠢᠭᠠᠳ 1690 ᠣᠨ ᠤ 5 ᠳ᠋ᠤᠭᠠᠷ ᠰᠠᠷᠠ ᠳᠤ ᠵᠡᠭᠦᠨ ᠵᠦᠭ ᠲᠤ ᠬᠥᠳᠡᠯᠦᠨ᠂ ᠬᠠᠯᠬᠠ ᠭᠤᠣᠯ ᠬᠦᠷᠴᠦ | ᠬᠥᠪᠡᠭᠡᠯᠡᠨ ᠤᠷᠤᠭᠰᠢᠯᠠᠭᠰᠠᠭᠠᠷ ᠮᠠᠨᠵᠤ ᠴᠢᠨ ᠭᠦᠷᠦᠨ ᠤ ᠬᠢᠯᠢ ᠳᠤ ᠴᠥᠮᠥᠷᠡᠨ᠂ ᠥᠪᠥᠷ ᠮᠣᠩᠭᠤᠯ ᠤᠨ | ᠦᠵᠦᠮᠦᠴᠢᠨ ᠠᠶᠢᠮᠠᠭ ᠢ ᠳᠣᠪᠲᠣᠯᠤᠨ ᠤᠤᠯᠭᠠᠯᠠᠭᠰᠠᠨ ᠪᠠᠶᠢᠨᠠ᠃ ᠡᠨᠡ ᠦᠶᠡ ᠳᠤ ᠮᠠᠨᠵᠤ ᠶᠢᠨ ᠬᠢᠵᠠᠭᠠᠷ ᠤᠨ | ᠴᠡᠷᠢᠭ ᠤᠨ ᠵᠠᠩᠵᠤᠨ ᠠᠷᠨᠠᠢ ᠬᠢᠯᠢ ᠶᠢᠨ ᠣᠶᠢᠷᠠ ᠪᠠᠶᠢᠭᠰᠠᠨ ᠢᠶᠠᠨ ᠠᠰᠢᠭᠯᠠᠨ ᠭᠠᠯᠳᠠᠨ ᠢ ᠪᠤᠲᠠ ᠴᠣᠬᠢᠨ | ᠬᠠᠭᠠᠨ ᠳᠤ ᠪᠠᠨ ᠶᠡᠭᠡ ᠭᠠᠪᠢᠶᠠ ᠪᠠᠶᠢᠭᠤᠯᠬᠤ ᠶᠢ ᠰᠡᠳᠬᠢᠨ᠂ ᠡᠩᠬᠡ ᠡᠮᠤᠭᠤᠯᠠᠩ ᠬᠠᠭᠠᠨ ᠤ ︽ᠶᠠᠭᠠᠷᠠᠨ | ᠪᠠᠶᠢᠯᠳᠤᠵᠤ ᠪᠣᠯᠬᠤ ᠦᠭᠡᠢ᠃ ᠨᠡᠮᠡᠯᠲᠡ ᠴᠡᠷᠢᠭ ᠢᠷᠡᠬᠦ ᠶᠢ ᠬᠦᠯᠢᠶᠡ︾ ᠭᠡᠰᠡᠨ ᠵᠠᠷᠯᠢᠭ ᠢ ᠵᠥᠷᠴᠢᠨ᠂ ᠥᠪᠡᠷ ᠤᠨ | ᠳᠤᠷᠠ ᠪᠠᠷ ᠬᠤᠶᠠᠷ ᠲᠦᠮᠡᠨ ᠴᠡᠷᠢᠭ ᠢ ᠠᠪᠴᠤ᠂ ᠤᠯᠬᠤᠢ ᠭᠤᠣᠯ ᠤᠨ ᠣᠷᠴᠢᠮ ᠭᠠᠵᠠᠷ ᠭᠠᠯᠳᠠᠨ ᠤ | ᠲᠦᠷᠦᠭᠦᠯᠡᠵᠦ ᠢᠯᠡᠭᠡᠭᠰᠡᠨ ᠬᠤᠰᠢᠭᠤᠴᠢ ᠴᠡᠷᠢᠭ ᠤᠨ ᠠᠩᠭᠢ ᠲᠠᠢ ᠤᠴᠠᠷᠠᠨ ᠪᠠᠶᠢᠯᠳᠤᠵᠤ ᠪᠠᠶᠢᠲᠠᠯᠠ ᠭᠠᠯᠳᠠᠨ | ᠶᠡᠭᠡ ᠴᠡᠷᠢᠭ ᠢᠶᠠᠨ ᠠᠪᠴᠤ ᠢᠷᠡᠨ ᠠᠷᠠᠨᠠᠢ ᠶᠢ ᠬᠠᠪᠴᠢᠨ ᠴᠣᠬᠢᠵᠠᠢ᠃ | ᠡᠨᠡ ᠪᠠᠶᠢᠯᠳᠤᠭᠠᠨ ᠳᠤ ᠭᠠᠯᠳᠠᠨ ᠢ ᠭᠠᠯᠲᠤ ᠵᠡᠪᠰᠡᠭ ᠬᠡᠷᠡᠭᠯᠡᠭᠰᠡᠨ ᠬᠡᠮᠡᠨ ᠡᠩᠬᠡ ᠠᠮᠤᠭᠤᠯᠠᠩ ᠬᠠᠭᠠᠨ ᠤ | ᠪᠣᠳᠣᠷᠠᠯ ᠤᠨ ᠪᠢᠴᠢᠭ ᠲᠤ ᠦᠭᠦᠯᠡᠳᠡᠭ ᠪᠠᠶᠢᠨᠠ᠃ ᠠᠷᠨᠠᠢ ᠵᠠᠩᠵᠤᠨ ᠡᠶᠢᠨᠬᠦᠦ ᠣᠶᠢᠷᠠᠳ ᠤᠳ ᠲᠤ ᠰᠢᠷᠦᠭᠦᠨ | ᠴᠣᠬᠢᠭᠳᠠᠨ ᠪᠤᠷᠤᠭᠤᠯᠠᠭᠰᠠᠨ ᠪᠥᠭᠡᠳ ᠡᠩᠬᠡ ᠠᠮᠤᠭᠤᠯᠠᠩ ᠬᠠᠭᠠᠨ ᠲᠡᠭᠦᠨ ᠢ ︽ᠵᠠᠷᠯᠢᠭ ᠢ ᠵᠥᠷᠴᠢᠨ ᠣᠮᠲᠣᠭᠠᠢ | ᠪᠠᠶᠢᠯᠳᠤᠭᠰᠠᠨ︾ ᠬᠡᠮᠡᠨ ᠲᠤᠰᠢᠶᠠᠯ ᠠᠴᠠ ᠪᠠᠭᠤᠷᠠᠭᠤᠯᠤᠨ ᠰᠢᠳᠬᠡᠭᠰᠡᠨ ᠪᠠᠶᠢᠨᠠ᠃ ᠡᠭᠦᠨ ᠠᠴᠠ ᠦᠵᠡᠬᠦ ᠳᠤ᠂ | ᠭᠠᠯᠳᠠᠨ ᠪᠣᠱᠣᠭᠲᠤ ᠲᠠᠢ ᠬᠢᠬᠦ ᠲᠡᠮᠡᠴᠡᠯ ᠢ ᠡᠩᠬᠡ ᠠᠮᠤᠭᠤᠯᠠᠩ ᠬᠠᠭᠠᠨ ᠶᠡᠬᠡᠳᠡ ᠴᠢᠬᠤᠯᠠᠴᠢᠯᠠᠵᠤ ᠨᠢᠭᠲᠠ ᠨᠢᠮᠪᠠᠢ | ᠬᠠᠨᠳᠤᠵᠤ ᠪᠠᠶᠢᠪᠠ᠃ ᠲᠡᠷᠡᠪᠡᠷ ᠭᠠᠯᠳᠠᠨ ᠪᠣᠰᠣᠭᠲᠣ ᠳᠤ ᠡᠯᠴᠢ ᠵᠠᠷᠤᠵᠤ ᠲᠠᠯᠠ ᠵᠠᠰᠠᠬᠤ ᠶᠢᠨ ᠵᠡᠷᠭᠡᠴᠡᠭᠡ᠂ ᠴᠠᠭ | ᠬᠤᠵᠢᠨ ᠴᠡᠷᠢᠭ ᠤᠨ ᠬᠦᠴᠦ ᠪᠠᠨ ᠲᠠᠲᠠᠨ ᠬᠤᠷᠠᠮᠲᠤᠯᠠᠭᠤᠯᠵᠠᠢ᠃ ᠡᠨᠡ ᠦᠶᠡ ᠶᠢ ᠬᠦᠷᠲᠡᠯᠡ ᠭᠠᠯᠳᠠᠨ ᠪᠣᠱᠣᠭᠲᠤ | ᠳᠡᠶᠢᠯᠦᠭᠳᠡᠵᠦ ᠢᠯᠠᠭᠳᠠᠵᠤ ᠶᠠᠪᠤᠭᠰᠠᠨ ᠦᠭᠡᠢ ᠲᠤᠯᠠ ᠣᠶᠢᠷᠠᠳ ᠨᠤᠲᠤᠭ ᠲᠤ ᠠᠷᠤ ᠬᠤᠳᠠᠷᠭᠠ ᠪᠠᠷ ᠨᠢ | ᠰᠡᠸᠡᠩᠷᠠᠪᠳᠠᠨ ᠬᠠᠭᠠᠨ ᠰᠢᠷᠡᠭᠡ ᠶᠢ ᠨᠢ ᠭᠤᠳᠦ᠋ᠢᠯᠭᠠᠵᠤ᠂ ᠥᠪᠡᠷ ᠲᠤ ᠨᠢ ᠴᠣᠬᠢᠭᠳᠠᠭᠰᠠᠨ ᠬᠠᠯᠬᠠ ᠨᠤᠭᠤᠳ | ᠮᠠᠨᠵᠤ ᠳᠤ ᠬᠦᠴᠦ ᠬᠠᠪᠰᠤᠷᠤᠨ ᠳᠠᠶᠢᠰᠤᠩᠨᠠᠨ ᠪᠠᠶᠢᠭᠰᠠᠨ ᠢ ᠦᠯᠦ ᠲᠣᠭᠤᠨ ᠮᠠᠨᠵᠤ ᠶᠢᠨ ᠶᠡᠭᠡ ᠴᠡᠷᠢᠭ ᠢ | ᠨᠢᠭᠡᠮᠦᠰᠦᠨ ᠴᠣᠬᠢᠬᠤ ᠪᠠᠷ ᠤᠯᠠᠶᠢᠷᠠᠨ ᠵᠢᠳᠬᠦᠪᠡ᠃ ᠴᠤᠬᠤᠮ ᠳᠠᠭᠠᠨ ᠡᠨᠡ ᠨᠢ ᠴᠢᠩᠭᠢᠰ ᠬᠠᠭᠠᠨ ᠤ ᠦᠢᠯᠡᠰ ᠢ | ᠳᠠᠪᠲᠠᠬᠤ ᠪᠠᠷ ᠮᠡᠷᠡᠶᠢᠭᠰᠡᠨ ᠭᠡᠯᠲᠡᠢ᠃ ᠮᠠᠨᠵᠤ ᠴᠢᠩ ᠭᠦᠷᠦᠨ ᠮᠠᠨᠳᠤᠨ ᠪᠠᠳᠠᠷᠠᠬᠤ ᠪᠦᠬᠦ ᠦᠶᠡ ᠶᠢᠨ | ᠲᠡᠦᠬᠡᠨ ᠳᠤ ᠪᠠᠨ ᠡᠶᠢᠮᠦ ᠠᠶᠤᠮᠰᠢᠭᠲᠠᠢ ᠡᠩ ᠲᠡᠩᠴᠡᠭᠦᠦ ᠬᠦᠴᠦ ᠦᠵᠡᠭᠰᠡᠨ ᠳᠠᠶᠢᠰᠤᠨ ᠲᠠᠢ ᠤᠴᠠᠷᠠᠭᠰᠠᠨ ᠦᠭᠡᠢ | ᠲᠤᠯᠠ ᠨᠡᠶᠢᠰᠯᠡᠯ ᠳᠤ ᠨᠢ ᠣᠶᠢᠷᠠᠳ ᠤᠨ ᠶᠡᠭᠡ ᠴᠡᠷᠢᠭ ᠣᠶᠢᠷᠠᠳᠤᠨ ᠢᠷᠡᠬᠦ ᠳᠤ ᠮᠠᠰᠢ ᠶᠡᠭᠡ ᠪᠣᠯᠭᠤᠮᠵᠢᠯᠠᠨ᠂ | ᠦᠢᠮᠡᠨ ᠰᠠᠨᠳᠤᠷᠴᠤ ᠪᠠᠶᠢᠭᠰᠠᠨ ᠭᠡᠳᠡᠭ᠃ | ᠲᠡᠷᠡ ᠦᠶᠡ ᠳᠤ ᠴᠢᠩ ᠤᠯᠤᠰ ᠤᠨ ᠬᠢᠵᠠᠭᠠᠷ ᠢ ᠰᠡᠷᠭᠡᠶᠢᠯᠡᠨ ᠰᠠᠭᠤᠯᠭᠠᠭᠰᠠᠨ ᠴᠡᠷᠢᠭ 3 ᠲᠦᠮᠡ ᠪᠠᠶᠢᠭᠰᠠᠨ | ᠪᠥᠭᠡᠳ ᠲᠡᠭᠦᠨ ᠳᠡᠭᠡᠷᠡ ᠭᠠᠯᠳᠠᠨ ᠪᠣᠱᠣᠭᠲᠤ ᠶᠢᠨ ᠴᠡᠷᠢᠭ ᠢ ᠲᠣᠰᠤᠨ ᠪᠠᠶᠢᠯᠳᠤᠬᠤ ᠪᠠᠷ 10 ᠲᠦᠮᠡᠨ ᠴᠡᠷᠢᠭ ᠢ | ᠳᠠᠶᠢᠴᠢᠯᠠᠨ ᠲᠠᠲᠠᠭᠰᠠᠨ ᠪᠠᠶᠢᠴᠠᠢ᠃ ᠲᠡᠷᠡᠪᠡᠷ ᠥᠪᠡᠷ ᠤᠨ ᠠᠬᠠ ᠹᠦ᠋ ᠴᠤᠸᠠ ᠶᠢᠨ ᠳᠤ ︽ᠬᠤᠯᠠ ᠳᠠᠬᠢᠨ ᠢ | ᠳᠠᠭᠠᠭᠤᠯᠤᠭᠴᠢ ᠶᠡᠭᠡ ᠵᠠᠩᠵᠤᠨ︾ ᠴᠣᠯᠠ ᠥᠭᠴᠦ᠂ 5 ᠲᠦᠮᠡᠨ ᠴᠡᠷᠢᠭ ᠪᠦᠬᠦᠢ ᠵᠡᠭᠦᠨ ᠵᠢᠭᠦᠷ ᠢ | ᠵᠠᠬᠢᠷᠤᠭᠤᠯᠤᠭᠰᠠᠨ ᠪᠣᠯ᠂ ᠭᠤᠷᠪᠠᠳᠤᠭᠠᠷ ᠠᠬᠠ ᠴᠢᠨ ᠸᠠᠩ ᠴᠢᠨ ᠨᠢᠩ ᠳᠤ ︽ᠤᠮᠠᠷᠠ ᠳᠠᠬᠢᠨ ᠢ | ᠠᠮᠤᠷᠵᠢᠭᠤᠯᠤᠭᠴᠢ ᠶᠡᠭᠡ ᠵᠠᠩᠵᠤᠨ︾ ᠴᠣᠯᠠ ᠣᠯᠭᠤᠨ 5 ᠲᠦᠮᠡᠨ ᠴᠡᠷᠢᠭ ᠥᠭᠴᠦ ᠪᠠᠷᠠᠭᠤᠨ ᠵᠢᠭᠦᠷ ᠪᠣᠯᠭᠠᠨ | ᠭᠠᠯᠳᠠᠨ ᠢ ᠳᠣᠰᠣᠭᠤᠯᠬᠤ ᠪᠠᠷ ᠶᠠᠪᠤᠭᠤᠯᠵᠠᠢ᠃ ᠡᠩᠬᠡ ᠠᠮᠤᠭᠤᠯᠠᠩ ᠬᠠᠭᠠᠨ ᠤ ᠭᠠᠵᠠᠷ᠂ ᠭᠠᠵᠠᠷ ᠠᠴᠠ ᠲᠠᠲᠠᠨ | ᠴᠤᠭᠯᠠᠭᠤᠯᠤᠭᠰᠠᠨ 10 ᠲᠦᠮᠡᠨ ᠰᠢᠯᠭᠠᠷᠠᠭᠰᠠᠨ ᠴᠡᠷᠢᠭ ᠤᠨ ᠳᠣᠲᠣᠷᠠ ᠭᠠᠯᠲᠤ ᠵᠡᠪᠰᠡᠭ ᠲᠠᠢ ᠴᠡᠷᠢᠭ ᠮᠢᠩᠭᠠ | ᠣᠷᠴᠢᠮ ᠪᠠᠶᠢᠴᠠᠢ᠃ ᠡᠩᠬᠡ ᠠᠮᠤᠭᠤᠯᠠᠩ ᠡᠶᠢᠨ ᠴᠡᠷᠢᠭ ᠲᠣᠮᠢᠯᠠᠨ ᠶᠠᠪᠤᠭᠤᠯᠬᠤᠴᠠ ᠪᠠᠨ ᠭᠠᠯᠳᠠᠨ ᠪᠣᠱᠣᠭᠲᠤ ᠶᠢᠨ | ᠶᠡᠭᠡ ᠴᠡᠷᠢᠭ ᠲᠠᠢ ᠪᠠᠶᠢᠯᠳᠤᠨᠠ ᠭᠡᠵᠦ ᠠᠯᠳᠠᠷᠰᠢᠭᠤᠯᠤᠭᠰᠠᠨ ᠦᠭᠡᠢ᠂ ᠬᠠᠷᠢᠨ ᠬᠠᠭᠠᠨ ᠤ ᠠᠬᠠ᠂ ᠠᠭᠢ ᠨᠠᠷ | ᠤᠯᠠᠭᠠᠨᠪᠤᠳᠠᠩ ᠭᠡᠳᠡᠭ ᠭᠠᠵᠠᠷ ᠢᠷᠡᠵᠦ᠂ ᠥᠪᠥᠷ ᠮᠣᠩᠭᠤᠯ ᠤᠨ ᠣᠯᠠᠨ ᠨᠣᠶᠠᠳ ᠤᠨ ᠬᠠᠮᠲᠤ ᠭᠠᠯᠳᠠᠨ ᠲᠠᠢ | ᠴᠢᠭᠤᠯᠭᠠᠨ ᠬᠢᠵᠦ᠂ ᠲᠦᠰᠢᠶᠡᠲᠦ ᠬᠠᠨ ᠪᠣᠯᠤᠨ ᠵᠠᠪᠵᠠᠩᠳᠠᠮᠪᠠ ᠬᠤᠲᠤᠭᠲᠤ ᠨᠠᠷ ᠤᠨ ᠪᠤᠷᠤᠭᠤ ᠶᠢ ᠬᠦᠯᠢᠶᠡᠯᠭᠡᠵᠦ᠂ | ᠶᠠᠯᠠ ᠬᠡᠯᠲᠦᠷᠢᠭᠦᠯᠬᠦ ᠶᠠᠪᠤᠳᠠᠯ ᠶᠢ ᠬᠡᠯᠡᠯᠴᠡᠬᠦ ᠭᠡᠵᠦ ᠪᠠᠶᠢᠨᠠ ᠭᠡᠬᠦ ᠵᠡᠷᠭᠡ ᠪᠠᠷ ᠬᠠᠯᠬᠠᠯᠠᠨ᠂ ᠭᠠᠯᠳᠠᠨ ᠳᠤ ᠪᠢᠴᠢᠭ | ᠶᠠᠪᠤᠭᠤᠯᠤᠭᠰᠠᠨ ᠪᠠᠶᠢᠨᠠ᠃ ᠭᠠᠯᠳᠠᠨ ᠡᠭᠦᠨ ᠢ ᠭᠡᠨᠡᠳᠡᠭᠦᠯᠬᠦ ᠠᠷᠭᠠ ᠪᠣᠯᠬᠤ ᠶᠢ ᠮᠡᠳᠡᠵᠦ᠂ ᠮᠥᠨ ᠤᠭ ᠠᠷᠭᠠ ᠶᠢ | ᠬᠠᠷᠢᠭᠤ ᠬᠡᠷᠡᠭᠯᠡᠨ ᠴᠢᠭᠤᠯᠭᠠᠨ ᠳᠤ ᠣᠴᠢᠨᠠ ᠬᠡᠮᠡᠨ ᠠᠯᠳᠠᠷᠰᠢᠭᠤᠯᠤᠨ ᠬᠡᠯᠡᠯᠴᠡᠵᠦ᠂ ᠴᠡᠷᠢᠭ ᠢᠶᠠᠨ ᠠᠪᠤᠨ | ᠤᠷᠤᠭᠰᠢᠯᠠᠪᠠ᠃ | ᠣᠶᠢᠷᠠᠳ ᠤᠨ ᠴᠡᠷᠢᠭ 1690 ᠣᠨ ᠤ 7 ᠳ᠋ᠤᠭᠠᠷ ᠰᠠᠷᠠ ᠶᠢᠨ ᠰᠡᠭᠦᠯ ᠢᠶᠠᠷ ᠤᠯᠬᠤᠢ ᠶᠢᠨ ᠭᠤᠣᠯ ᠠᠴᠠ | ᠬᠥᠳᠡᠯᠵᠦ᠂ 8 ᠳ᠋ᠤᠭᠠᠷ ᠰᠠᠷᠠ ᠶᠢᠨ ᠣᠷᠴᠢᠮ ᠪᠡᠭᠡᠵᠢᠩ ᠠᠴᠠ 400 ᠣᠷᠴᠢᠮ ᠺᠢᠯᠣᠮᠧᠲᠷ ᠵᠠᠶᠢᠲᠠᠢ | ᠤᠯᠠᠭᠠᠨᠪᠤᠲᠤᠩ ᠳᠤ ᠢᠷᠡᠵᠡᠢ᠃ ᠤᠯᠠᠭᠠᠨᠪᠤᠲᠤᠩ ᠳᠤ ᠭᠠᠯᠳᠠᠨ ᠪᠣᠱᠣᠭᠲᠤ ᠶᠢᠨ ᠴᠡᠷᠢᠭ ᠢ ᠣᠴᠢᠬᠤ ᠳᠤ | ᠮᠠᠨᠵᠤ ᠶᠢᠨ ᠵᠡᠭᠦᠨ ᠵᠠᠮ ᠤᠨ ᠴᠡᠷᠢᠭ ᠲᠦᠷᠦᠭᠦᠯᠡᠵᠦ ᠢᠷᠡᠭᠡᠳ ᠨᠢᠭᠡᠨᠲᠡ ᠠᠰᠢᠭᠲᠠᠢ ᠪᠠᠶᠢᠷᠢᠯᠠᠯ ᠢ ᠡᠵᠡᠯᠡᠭᠰᠡᠨ | ᠪᠠᠶᠢᠪᠠ᠃ ᠠᠭᠤᠯᠠ ᠶᠢᠨ ᠪᠡᠯ ᠳᠤ ᠪᠠᠶᠢᠷᠢᠯᠠᠭᠤᠯᠤᠭᠰᠠᠨ ᠮᠠᠨᠵᠤ ᠶᠢᠨ ᠴᠡᠷᠢᠭ ᠶᠡᠭᠡ ᠪᠤᠤ ᠣᠯᠠᠨ ᠲᠠᠢ᠂ ᠲᠡᠷᠡ ᠨᠢ | ᠨᠠᠷᠠᠨ ᠳᠤ ᠭᠢᠯᠠᠯᠵᠠᠵᠤ ᠢᠷᠠᠶᠢᠲᠠᠯᠠ ᠵᠢᠭᠰᠠᠭᠠᠭᠰᠠᠨ ᠪᠠᠶᠢᠬᠤ ᠨᠢ ᠣᠶᠢᠷᠠᠳ ᠤᠨ ᠡᠰᠡᠷᠡᠭ ᠡᠩᠬᠡ ᠠᠮᠤᠭᠤᠯᠠᠩ | ᠬᠠᠭᠠᠨ ᠯᠤᠲᠤ ᠲᠣᠮᠣ ᠬᠦᠴᠦ ᠶᠢ ᠬᠤᠷᠠᠮᠳᠠᠭᠤᠯᠤᠭᠰᠠᠨ ᠢ ᠢᠯᠡᠳᠬᠡᠨᠡ᠃ ᠮᠥᠨ ᠬᠠᠯᠬᠠ᠂ ᠥᠪᠥᠷᠯᠡᠭᠴᠢ | ᠬᠤᠱᠤᠳ ᠤᠨ ᠴᠡᠷᠢᠭ ᠤᠳ ᠠᠴᠠ ᠪᠦᠷᠢᠳᠦᠭᠦᠯᠦᠭᠰᠡᠨ ᠮᠣᠷᠢᠲᠤ ᠴᠡᠷᠢᠭ ᠢ ᠭᠠᠩᠭᠠ ᠵᠢᠯᠠᠭᠠᠨ ᠳᠤ | ᠪᠥᠭᠡᠭᠡᠨᠡᠭᠦᠯᠦᠭᠰᠡᠨ ᠪᠠᠶᠢᠯᠠ᠃ ᠭᠠᠯᠳᠠᠨ ᠤᠨ ᠴᠡᠷᠢᠭ ᠤᠳ ᠶᠡᠭᠡ ᠲᠥᠯᠥᠪ ᠬᠥᠪᠥᠩ ᠲᠠᠢ ᠳᠡᠪᠡᠯᠦᠨ ᠤ ᠭᠠᠳᠠᠭᠤᠷ | ᠨᠢᠮᠭᠡᠨ ᠲᠡᠮᠦᠷ ᠴᠠᠭᠠᠷᠢᠭ ᠬᠡᠯᠬᠢᠵᠦ ᠬᠠᠳᠤᠭᠰᠠᠨ ᠬᠤᠶᠠᠭ ᠲᠠᠢ ᠪᠥᠭᠡᠳ ᠵᠠᠷᠢᠮ ᠨᠢ ᠲᠡᠷᠡ ᠬᠤᠶᠠᠭᠠᠨ ᠤ ᠪᠠᠨ | ᠭᠠᠳᠠᠭᠤᠷ ᠭᠢᠨᠵᠢᠨ ᠬᠦᠷᠮᠡ ᠳᠠᠪᠬᠤᠷᠯᠠᠨ ᠡᠮᠦᠰᠦᠭᠰᠡᠨ ᠪᠠᠶᠢᠯᠠ᠃ ᠲᠡᠭᠦᠨᠴᠢᠯᠡᠨ᠂ ᠬᠦᠮᠦᠨ ᠤ ᠬᠥᠵᠦᠭᠦᠦ ᠶᠢ ᠴᠤ | ᠲᠠᠰᠤ ᠬᠠᠷᠪᠤᠬᠤ ᠬᠤᠷᠴᠠ ᠢᠷ ᠲᠠᠢ ᠰᠠᠷᠠᠨ ᠵᠡᠪᠡ᠂ ᠬᠢᠲᠤᠭᠠᠨ ᠵᠡᠪᠡ᠂ ᠰᠢᠪᠦᠭᠡᠨ ᠵᠡᠪᠡ ᠪᠦᠬᠦᠢ ᠨᠤᠮᠤ ᠰᠤᠮᠤ ᠲᠠᠢ | ᠪᠠᠶᠢᠯᠠ᠃ ᠬᠤᠶᠠᠷ ᠶᠡᠭᠡ ᠪᠤᠤ ᠲᠠᠢ ᠪᠠᠶᠢᠭᠰᠠᠨ ᠢᠶᠠᠨ ᠮᠠᠨᠵᠤ ᠶᠢᠨ ᠴᠡᠷᠢᠭ ᠡᠬᠢᠯᠡᠭᠡᠳ ᠳᠣᠪᠲᠣᠯᠤᠨ ᠢᠷᠡᠬᠦ ᠪᠠᠶᠢᠬᠤ | ᠭᠡᠵᠦ ᠦᠵᠡᠭᠰᠡᠨ ᠣᠨᠢ ᠭᠠᠵᠠᠷ ᠲᠤ ᠵᠣᠭᠤᠪᠠ᠃ | ᠮᠠᠨᠵᠤ ᠶᠢᠨ ᠴᠡᠷᠢᠭ ᠨᠡᠮᠡᠭᠳᠡᠨ ᠢᠷᠡᠭᠰᠡᠭᠡᠷ ᠨᠢᠭᠡᠨᠲᠡ ᠳᠠᠪᠠᠭᠤ ᠬᠦᠴᠦᠲᠡᠢ ᠪᠣᠯᠤᠭᠰᠠᠨ ᠲᠤᠯᠠ ᠰᠠᠨᠠᠭᠠᠴᠢᠯᠭᠠ ᠶᠢ | ᠠᠪᠴᠤ᠂ ᠦᠬᠡᠷ ᠪᠤᠤ ᠪᠠᠷ ᠢᠶᠠᠨ ᠫᠤᠤᠳᠠᠵᠤ ᠰᠦᠷ ᠢ ᠪᠠᠳᠠᠷᠠᠭᠤᠯᠤᠭᠰᠠᠭᠠᠷ ᠠᠭᠤᠯᠠᠨ ᠳᠡᠭᠡᠷᠡ ᠳᠠᠪᠰᠢᠨ ᠭᠠᠷᠴᠤ | ᠢᠷᠡᠬᠦ ᠳᠤ᠂ ᠣᠶᠢᠷᠠᠳ ᠤᠳ ᠳᠣᠣᠷᠠ ᠰᠢᠭᠤᠢ ᠳᠣᠲᠣᠷᠠ ᠡᠷᠭᠢ ᠪᠦᠬᠦᠢ ᠭᠤᠣᠯ ᠤᠨ ᠲᠡᠷᠲᠡᠭᠡ | ᠲᠡᠮᠡᠭᠡᠨ ᠨᠦᠭᠦᠳ ᠢᠶᠠᠨ ᠬᠡᠪᠲᠡᠭᠦᠯᠦᠨ ᠬᠠᠯᠬᠠ ᠪᠣᠰᠬᠠᠵᠤ᠂ ᠮᠠᠨᠵᠤ ᠶᠢᠨ ᠴᠡᠷᠢᠭ ᠢ ᠲᠣᠰᠤᠨ ᠪᠠᠶᠢᠯᠳᠤᠵᠠᠢ᠃ | ᠢᠩᠭᠢᠬᠦ ᠳᠤ ᠪᠠᠨ ᠤᠨᠠᠵᠤ ᠠᠴᠢᠵᠤ ᠶᠠᠪᠤᠭᠠ 500 ᠣᠷᠴᠢᠮ ᠲᠡᠮᠡᠭᠡ ᠶᠢ ᠬᠥᠨᠳᠡᠯᠡᠨ ᠬᠡᠪᠲᠡᠭᠦᠯᠦᠨ᠂ ᠪᠣᠰᠴᠤ | ᠲᠦᠢᠯᠠᠬᠤ ᠦᠭᠡᠢ ᠪᠠᠷ ᠬᠥᠯ ᠢ ᠲᠤᠱᠠᠨ ᠪᠣᠭᠤᠵᠤ᠂ ᠳᠡᠭᠡᠷᠡ ᠠᠴᠠ ᠨᠢ ᠪᠠᠩᠵᠠ ᠮᠣᠳᠣ ᠲᠠᠯᠪᠢᠵᠤ᠂ ᠨᠦᠢᠲᠠᠨ | ᠢᠰᠡᠭᠡᠢ ᠣᠯᠠᠨ ᠳᠠᠪᠬᠤᠷᠯᠠᠨ ᠪᠦᠲᠦᠭᠡᠭᠰᠡᠨ ᠨᠢ ᠰᠤᠮᠤᠨ ᠤ ᠵᠡᠪᠡ ᠨᠡᠪᠲᠡᠷᠡᠬᠦ ᠪᠠᠷ ᠦᠭᠡᠢ ᠵᠤᠵᠠᠭᠠᠨ ᠬᠠᠭᠠᠯᠲᠠ | ᠪᠣᠯᠤᠭᠰᠠᠨ ᠪᠠᠶᠢᠯᠠ᠃ 2 ᠰᠠᠭᠠᠬᠠᠯᠲᠠ ᠶᠢᠨ ᠬᠢᠷᠢ ᠭᠠᠵᠠᠷ ᠲᠤ ᠡᠶᠢᠮᠦ ᠬᠠᠭᠠᠯᠲᠠ ᠬᠡᠶᠢᠵᠢᠭᠡ᠃ ᠲᠡᠶᠢᠨᠬᠦ 1690 | ᠣᠨ ᠤ 8 ᠳ᠋ᠤᠭᠠᠷ ᠰᠠᠷᠠ ᠶᠢᠨ ᠡᠬᠢ ᠪᠠᠷ ᠬᠤᠶᠠᠷ ᠡᠲᠡᠭᠡᠳ ᠤᠨ ᠴᠡᠷᠢᠭ ᠲᠤᠯᠭᠠᠷᠠᠨ ᠪᠠᠶᠢᠯᠳᠤᠵᠠᠢ᠃ ᠮᠠᠨᠵᠤ ᠶᠢᠨ | ᠲᠠᠯᠠ ᠠᠴᠠ ᠣᠯᠠᠨ ᠶᠡᠭᠡ ᠪᠤᠤ ᠵᠡᠷᠭᠡ ᠭᠠᠯᠯᠠᠨ ᠰᠦᠷ ᠢ ᠪᠠᠳᠠᠷᠠᠭᠤᠯᠬᠤ ᠨᠢ ᠤᠷᠢᠳᠤ ᠡᠮᠦᠨᠡ ᠰᠣᠨᠣᠰᠴᠤ ᠪᠠᠶᠢᠭᠠ | ᠦᠭᠡᠢ ᠴᠢᠮᠡᠭᠡ ᠲᠠᠢ ᠪᠣᠯᠪᠠ᠃ ᠬᠠᠭᠠᠯᠲᠠ ᠡᠪᠳᠡᠷᠡᠨ᠂ ᠲᠡᠮᠡᠭᠡᠨ ᠤ ᠵᠠᠷᠢᠮ ᠨᠢ ᠦᠬᠦᠵᠦ᠂ ᠵᠠᠷᠢᠮ ᠬᠡᠰᠡᠭ ᠨᠢ | ᠪᠣᠰᠴᠤ ᠲᠦᠢᠯᠠᠨ ᠵᠢᠭᠤᠲᠠᠭᠠᠯᠠ᠃ ᠣᠶᠢᠷᠠᠳ ᠤᠨ ᠴᠡᠷᠢᠭ ᠡᠨᠡ ᠦᠶᠡ ᠳᠤ ᠬᠠᠷᠢᠭᠤ ᠳᠠᠭᠠᠷᠢᠯᠲᠠ ᠬᠢᠵᠦ | ᠴᠠᠪᠴᠢᠯᠳᠤᠵᠤ ᠭᠠᠷᠪᠠ᠃ ᠶᠡᠭᠡ ᠫᠤᠤ ᠶᠢᠨ ᠨᠦᠷᠭᠢᠭᠡᠨ᠂ ᠴᠡᠷᠢᠭ ᠤᠳ ᠤᠨ ᠬᠠᠰᠬᠢᠷᠤᠯᠲᠠ᠂ ᠲᠡᠮᠡᠭᠡ ᠣᠷᠢᠯᠠᠬᠤ᠂ | ᠮᠣᠷᠢᠳ ᠢᠨᠴᠠᠭᠠᠬᠤ ᠳᠠᠭᠤᠨ ᠨᠡᠶᠢᠯᠡᠵᠦ ᠲᠩᠷᠢ ᠳᠤ ᠲᠤᠯᠤᠭᠰᠠᠨ ᠪᠥᠭᠡᠮ ᠬᠠᠷᠠ ᠤᠲᠤᠭᠠᠨ ᠳᠤᠮᠳᠠ ᠴᠢᠬᠢ | ᠳᠦᠯᠡᠶᠢᠷᠡᠮᠡ ᠴᠢᠮᠡᠭᠡ ᠦᠷᠬᠦᠯᠵᠢᠯᠡᠪᠡ᠃ ᠣᠶᠢᠷᠠᠳ ᠤᠨ ᠴᠡᠷᠢᠭ ᠤᠳ ᠳᠠᠪᠠᠭᠤ ᠬᠦᠴᠦᠲᠡᠢ ᠳᠠᠶᠢᠰᠤᠨ ᠲᠠᠢ | ᠲᠤᠯᠤᠯᠳᠤᠵᠤ᠂ ᠮᠠᠨᠵᠤ ᠴᠡᠷᠢᠭ ᠤᠨ ᠪᠥᠭᠡᠮ ᠪᠥᠭᠡᠮ ᠳᠠᠭᠠᠷᠢᠯᠲᠠ ᠶᠢ ᠨᠢᠴᠤᠭᠠᠭᠰᠠᠭᠠᠷ ᠪᠠᠶᠢᠯᠠ᠃ ᠡᠨᠡᠬᠦ ᠰᠢᠷᠦᠭᠦᠨ | ᠲᠤᠯᠤᠯᠳᠤᠭᠠᠨ ᠨᠠᠷᠠ ᠪᠠᠭᠤᠵᠤ ᠠᠭᠤᠯᠠ ᠶᠢᠨ ᠰᠡᠭᠦᠳᠡᠷ ᠭᠠᠷᠲᠠᠯᠠ ᠦᠷᠭᠦᠯᠵᠢᠯᠡᠭᠰᠡᠭᠡᠷ ᠪᠠᠶᠢᠯᠠ᠃ ᠪᠥᠭᠡᠮ ᠬᠦᠴᠦ | ᠬᠠᠪᠢᠷᠤᠯᠳᠤᠨ᠂ ᠲᠤᠯᠤᠭᠠᠨ ᠪᠣᠯᠵᠤ ᠪᠠᠶᠢᠭᠠ ᠭᠠᠵᠠᠷ ᠬᠦᠮᠦᠨ ᠤ᠂ ᠥᠪᠡᠷ ᠤᠨ ᠴᠡᠷᠢᠭ ᠶᠠᠭᠠᠬᠢᠵᠤ ᠶᠠᠪᠤᠭᠠ ᠶᠢ | ᠮᠡᠳᠡᠬᠦ ᠲᠦᠢᠮᠣ ᠠᠯᠳᠠᠭᠳᠠᠪᠠ᠃ ᠭᠠᠯᠳᠠᠨ ᠪᠣᠱᠣᠭᠲᠤ ᠬᠤᠲᠦ᠋ᠢᠨ ᠴᠥᠮᠥᠷᠥᠵᠦ ᠪᠤᠢ ᠬᠦᠷᠢᠶᠡ ᠤᠷᠤᠭᠤ ᠨᠥᠭᠡᠴᠡ | ᠬᠦᠴᠦᠨ ᠠᠴᠠ ᠪᠠᠨ ᠶᠠᠪᠤᠭᠤᠯᠤᠨ ᠰᠡᠯᠪᠢᠭ ᠥᠭᠴᠦ᠂ ᠮᠠᠨᠵᠤ ᠶᠢᠨ ᠴᠡᠷᠢᠭ ᠤᠨ ᠳᠠᠭᠠᠷᠢᠯᠲᠠ ᠶᠢ ᠲᠣᠷᠭᠤᠭᠠᠨ | ᠪᠠᠷᠢᠭᠰᠠᠭᠠᠷ ᠪᠠᠶᠢᠯᠠ᠃ | ᠣᠷᠦ᠋ᠢᠬᠠᠨ ᠣᠶᠢᠷᠠᠳ ᠤᠨ ᠴᠡᠷᠢᠭ ᠤᠨ ᠪᠠᠶᠢᠭᠠ ᠠᠭᠤᠯᠠ ᠶᠢᠨ ᠠᠷᠤ ᠠᠴᠠ ᠭᠡᠨᠡᠳᠲᠡ ᠮᠣᠷᠢᠲᠤ ᠳᠠᠶᠢᠰᠤᠨ ᠪᠥᠭᠡᠮ | ᠬᠦᠴᠦ ᠪᠠᠷ ᠳᠠᠭᠠᠷᠢᠯᠲᠠ ᠬᠢᠵᠦ ᠤᠯᠠᠭᠠᠨ ᠮᠠᠨᠠᠨ ᠲᠠᠲᠠᠭᠤᠯᠤᠭᠰᠠᠨ ᠬᠡᠳᠦᠨ ᠮᠢᠩᠭᠠᠨ ᠴᠡᠷᠢᠭ ᠬᠤᠶᠢᠯᠠᠷᠠᠭᠤᠯᠤᠨ | ᠣᠷᠣᠵᠤ ᠢᠷᠡᠬᠦ ᠳᠤ᠂ ᠭᠠᠯᠳᠠᠨ ᠪᠣᠱᠣᠭᠲᠤ ᠭᠠᠩᠭᠠ ᠳᠤ ᠨᠢᠭᠤᠭᠰᠠᠨ ᠨᠥᠭᠡᠴᠡ ᠮᠣᠷᠢᠲᠤ ᠴᠡᠷᠢᠭ ᠢᠶᠠᠨ ᠰᠥᠷᠥᠨ | ᠳᠣᠪᠲᠣᠯᠭᠠᠯᠠ᠃ ᠠᠭᠤᠯᠠ ᠶᠢᠨ ᠪᠡᠯ ᠳᠤ ᠬᠤᠶᠠᠷ ᠲᠠᠯᠠ ᠶᠢᠨ ᠴᠡᠷᠢᠭ ᠨᠢᠭᠤᠷ ᠲᠤᠯᠵᠤ᠂ ᠢᠯᠳᠦ ᠪᠠᠮᠪᠠᠢ ᠨᠠᠴᠢᠭᠢᠨᠠᠨ | ᠂ ᠮᠣᠷᠢᠳ ᠢᠨᠴᠠᠭᠠᠵᠤ᠂ ᠮᠠᠨᠵᠤ᠂ ᠮᠣᠩᠭᠤᠯ᠂ ᠬᠢᠲᠠᠳ ᠬᠦᠮᠦᠰ ᠤᠨ ᠳᠠᠭᠤᠨ ᠬᠠᠳᠤᠵᠤ ᠪᠠᠶᠢᠪᠠ᠃ ᠡᠶᠢᠨᠬᠦᠦ | ᠮᠣᠷᠢ ᠲᠠᠢ ᠪᠣᠯᠤᠨ ᠶᠠᠪᠠᠭᠠᠨ ᠴᠡᠷᠢᠭ ᠤᠨ ᠲᠤᠯᠤᠭᠠᠨ ᠠᠭᠤᠯᠠ ᠶᠢᠨ ᠬᠢᠷᠠ ᠪᠡᠯ᠂ ᠭᠤᠣᠯ ᠤᠨ ᠬᠥᠪᠦᠭᠡ᠂ ᠡᠷᠭᠢ | ᠭᠠᠩᠭᠠᠨ ᠳᠤ ᠦᠷᠭᠦᠯᠵᠢᠯᠡᠭᠰᠡᠭᠡᠷ ᠪᠠᠶᠢᠪᠠ᠃ ᠭᠠᠯᠳᠠᠨ ᠪᠣᠱᠣᠭᠲᠤ ᠶᠢᠨ ᠴᠡᠷᠢᠭ ᠨᠡᠩ ᠣᠪᠰᠤᠭᠠ ᠵᠣᠷᠢᠭ ᠭᠠᠷᠭᠠᠨ | ᠲᠤᠯᠤᠯᠳᠤᠭᠰᠠᠨ ᠤᠴᠢᠷ ᠮᠠᠨᠵᠤ ᠶᠢᠨ ᠮᠣᠷᠢᠨ ᠴᠡᠷᠢᠭ ᠢ ᠥᠪᠡᠷ ᠤᠨ ᠬᠦᠷᠢᠶᠡᠨ ᠳᠤ ᠣᠷᠣᠭᠤᠯᠤᠭᠰᠠᠨ ᠦᠭᠡᠢ | ᠭᠡᠳᠡᠷᠭᠦ ᠨᠢ ᠨᠢᠴᠤᠭᠠᠨ ᠵᠠᠶᠢᠯᠠᠭᠤᠯᠵᠠᠢ᠃ ᠬᠤᠶᠠᠷ ᠲᠠᠯᠠ ᠶᠢᠨ ᠴᠡᠷᠢᠭ ᠤᠨᠠᠭᠰᠠᠨ ᠳᠡᠭᠡᠷᠡ ᠪᠠᠨ ᠳᠠᠪᠠᠨ | ᠬᠠᠳᠬᠤᠯᠴᠠᠵᠤ᠂ ᠭᠠᠵᠠᠷ ᠲᠤ ᠤᠷᠤᠰᠤᠭᠰᠠᠨ ᠴᠢᠰᠤ ᠪᠠᠨ ᠭᠠᠲᠤᠯᠤᠨ ᠨᠢᠳᠦᠯᠴᠡᠭᠰᠡᠭᠡᠷ ᠦᠳᠡᠰᠢ ᠪᠣᠯᠭᠠᠪᠠ᠃ | ᠣᠶᠢᠷᠠᠳ ᠤᠨ ᠴᠡᠷᠢᠭ ᠢ ᠪᠠᠷᠠᠭᠤᠨ ᠵᠢᠭᠦᠷ ᠢᠶᠠᠷ ᠨᠢ ᠣᠷᠢᠶᠠᠨ ᠴᠤᠬᠢᠬᠤ ᠭᠡᠰᠡᠨ ᠮᠠᠨᠵᠤ ᠶᠢᠨ ᠴᠡᠷᠢᠭ ᠤᠨ ᠬᠡᠳᠦᠨ | ᠮᠢᠩᠭᠠᠨ ᠮᠣᠷᠢᠲᠠᠨ ᠪᠣᠯᠤᠨ ᠶᠠᠪᠠᠭᠠᠨ ᠴᠡᠷᠢᠭ ᠡᠨᠡ ᠦᠶᠡ ᠳᠤ ᠭᠤᠣᠯ ᠤᠨ ᠬᠥᠪᠡᠭᠡᠨ ᠤ ᠵᠤᠵᠠᠭᠠᠨ ᠨᠠᠮᠤᠭ ᠲᠤ | ᠣᠷᠣᠵᠤ ᠰᠢᠭᠢᠳᠦᠭᠡᠳ᠂ ᠤᠷᠤᠭᠰᠢ ᠪᠠᠨ ᠠᠬᠢᠬᠤ ᠠᠷᠭᠠ ᠦᠭᠡᠢ ᠪᠣᠯᠵᠤ᠂ ᠵᠠᠷᠢᠮ ᠨᠢ ᠵᠣᠭᠤᠭᠳᠠᠨ᠂ ᠦᠯᠡᠮᠵᠢ | ᠬᠡᠰᠡᠭ ᠨᠢ ᠤᠬᠤᠷᠢᠵᠠᠢ᠃ ᠡᠨᠡ ᠶᠠᠪᠤᠳᠠᠯ ᠣᠶᠢᠷᠠᠳ ᠤᠨ ᠴᠡᠷᠢᠭ ᠤᠨ ᠠᠮᠢᠳᠤ ᠬᠦᠴᠦᠨ ᠳᠤ ᠶᠡᠭᠡ ᠵᠢᠭᠢᠷᠢᠭ ᠪᠣᠯᠪᠠ | ᠃ ᠡᠶᠢᠨᠬᠦᠦ ᠲᠤᠯᠭᠠᠷᠠᠨ ᠪᠠᠶᠢᠯᠳᠤᠭᠰᠠᠭᠠᠷ ᠦᠳᠡᠰᠢ ᠶᠢᠨ ᠪᠦᠷᠦᠢ ᠪᠣᠯᠤᠮᠠᠭᠴᠠ ᠮᠠᠨᠵᠤ ᠶᠢᠨ ᠲᠡᠮᠦᠷ ᠪᠦᠷᠢᠶᠡ | ᠴᠢᠷᠠᠯᠠᠨ ᠳᠤᠤᠭᠠᠷᠴᠤ᠂ ᠪᠦᠬᠦ ᠱᠤᠭᠤᠮ ᠢᠶᠠᠷ ᠭᠡᠳᠡᠷᠭᠦ ᠪᠤᠴᠠᠯᠠ᠃ ᠲᠡᠳᠡ ᠣᠶᠢᠷᠠᠳ ᠤᠨ ᠴᠡᠷᠢᠭ ᠤᠨ ᠬᠦᠷᠢᠶᠡ ᠶᠢ | ᠰᠡᠲᠡᠯᠦᠨ ᠳᠠᠭᠠᠷᠢᠭᠰᠠᠨ ᠪᠣᠯᠪᠠᠴᠤ ᠡᠨᠡ ᠡᠳᠦᠷ ᠤᠨ ᠬᠤᠪᠢ ᠳᠤ ᠤᠷᠤᠭᠰᠢ ᠠᠬᠢᠨ ᠠᠮᠵᠢᠯᠲᠠ ᠣᠯᠬᠤ ᠦᠭᠡᠢ ᠨᠢ | ᠢᠯᠡ ᠪᠣᠯᠤᠭᠰᠠᠨ ᠪᠠᠶᠢᠪᠠ᠃ | ᠮᠠᠷᠭᠠᠰᠢ ᠨᠢ ᠲᠤᠯᠤᠯᠳᠤᠭᠠᠨ ᠢ ᠦᠷᠭᠦᠯᠵᠢᠯᠡᠭᠦᠯᠬᠦ ᠪᠠᠷ ᠬᠥᠳᠡᠯᠬᠦ ᠳᠤ ᠣᠶᠢᠷᠠᠳ ᠤᠳ ᠭᠠᠵᠠᠷ ᠤᠨ ᠪᠡᠷᠬᠡ ᠶᠢ | ᠠᠪᠴᠤ᠂ ᠬᠦᠴᠦᠲᠡᠢ ᠡᠰᠡᠷᠭᠦᠴᠡᠭᠰᠡᠨ ᠲᠤᠯᠠ ᠮᠠᠨᠵᠤ ᠶᠢᠨ ᠴᠡᠷᠢᠭ ᠬᠡᠳᠦᠨ ᠳᠠᠪᠬᠤᠷ ᠪᠥᠰᠡᠯᠡᠨ ᠬᠠᠭᠠᠴᠠᠢ᠃ | ᠭᠠᠯᠳᠠᠨ ᠪᠣᠱᠣᠭᠲᠤ ᠡᠨᠡ ᠦᠶᠡ ᠳᠤ ᠴᠠᠭ ᠤᠨ ᠪᠠᠶᠢᠳᠠᠯ ᠢ ᠲᠣᠭᠠᠴᠠᠭᠠᠯᠠᠭᠠᠳ ᠬᠦᠴᠦᠲᠡᠢ ᠳᠠᠶᠢᠰᠤᠨ ᠲᠠᠢ | ᠲᠤᠯᠭᠠᠷᠠᠭᠰᠠᠨ ᠢᠶᠠᠨ ᠮᠡᠳᠡᠵᠦ᠂ ᠡᠨᠡ ᠲᠤᠯᠤᠯᠳᠤᠭᠠᠨ ᠬᠡᠲᠦ ᠨᠢ ᠣᠶᠢᠷᠠᠳ ᠤᠨ ᠲᠠᠯᠠ ᠳᠤ ᠠᠰᠢᠭ ᠦᠭᠡᠢ ᠭᠡᠵᠦ | ᠦᠵᠡᠨ᠂ ᠪᠦᠰᠡᠯᠡᠯᠲᠡ ᠠᠴᠠ ᠮᠤᠯᠲᠤᠷᠠᠨ ᠭᠠᠷᠬᠤ ᠵᠣᠷᠢᠯᠭᠠ ᠪᠠᠷ ︽ᠲᠥᠷᠥ ᠱᠠᠰᠢᠨ ᠤ ᠲᠤᠯᠠᠳᠠ ᠬᠡᠯᠡᠯᠴᠡᠭᠡᠷ ᠬᠢᠶᠡ | ︾ ᠬᠡᠮᠡᠨ ᠡᠬᠢᠯᠡᠭᠡᠳ ᠢᠯᠠᠭᠤᠭᠰᠠᠨ ᠬᠤᠲᠤᠭᠲᠤ ᠳᠠᠷᠠᠭᠠ ᠨᠢ ᠵᠢᠷᠠᠨ ᠬᠤᠲᠤᠭᠲᠤ ᠪᠠᠷ ᠲᠣᠯᠣᠭᠠᠶᠢᠯᠠᠭᠤᠯᠤᠭᠰᠠᠨ | 70 ᠢᠯᠡᠭᠦᠦ ᠬᠦᠮᠦᠨ ᠲᠠᠢ ᠡᠯᠴᠢ ᠶᠢ ᠮᠠᠨᠵᠤ ᠶᠢᠨ ᠴᠡᠷᠢᠭ ᠤᠨ ᠬᠦᠷᠢᠶᠡᠨ ᠳᠤ ᠲᠤᠰ ᠲᠤᠰ ᠢᠯᠡᠭᠡᠵᠦ | ᠨᠠᠶᠢᠷᠠᠮᠳᠠᠬᠤ ᠶᠢ ᠭᠤᠶᠤᠪᠠ᠃ ᠮᠠᠨᠵᠤ ᠨᠠᠷ ᠡᠨᠡ ᠦᠶᠡ ᠳᠤ ᠲᠤᠯᠤᠯᠳᠤᠭᠠᠨ ᠤ ᠬᠦᠴᠦ ᠨᠢ ᠰᠠᠷᠨᠢᠭᠰᠠᠨ᠂ | ᠨᠥᠭᠦᠭᠡᠲᠡᠶᠢᠭᠦᠷ ᠮᠦᠭᠳᠡᠨ᠂ ᠬᠠᠷᠠ ᠮᠥᠷᠡᠨ᠂ ᠬᠤᠷᠴᠢᠨ ᠤ ᠲᠤᠰᠠᠯᠠᠬᠤ ᠴᠡᠷᠢᠭ ᠬᠠᠷᠠᠬᠠᠨ ᠬᠦᠷᠦᠯᠴᠡᠨ ᠢᠷᠡᠭᠡ | ᠦᠭᠡᠢ ᠲᠤᠯᠠ ᠪᠠᠶᠢᠯᠳᠤᠭᠠᠨ ᠤ ᠠᠵᠢᠯᠯᠠᠭᠠ ᠶᠢ ᠵᠣᠭᠰᠣᠭᠠᠵᠤ᠂ ᠴᠠᠭ ᠬᠤᠵᠢᠬᠤ ᠵᠣᠷᠢᠯᠭᠠ ᠪᠠᠷ ᠭᠠᠯᠳᠠᠨ | ᠪᠣᠱᠣᠭᠲᠤ ᠶᠢᠨ ᠡᠯᠴᠢ ᠶᠢ ᠲᠤᠰᠬᠠᠢ ᠴᠠᠴᠠᠷ ᠪᠠᠷᠢᠵᠤ ᠬᠦᠨᠳᠦᠳᠬᠡᠨ ᠬᠦᠯᠢᠶᠡᠨ ᠠᠪᠴᠠᠢ᠃ ᠮᠠᠨᠵᠤ ᠶᠢᠨ ᠴᠡᠷᠢᠭ ᠤᠨ | ᠤᠳᠤᠷᠢᠳᠤᠯᠭᠠ ᠭᠠᠯᠳᠠᠨ ᠢ ᠥᠪᠡᠷ ᠤᠨ ᠡᠯᠴᠢ ᠶᠢᠨ ᠨᠢᠭᠤᠷᠠᠨ ᠳᠡᠭᠡᠷᠡ ᠪᠦᠬᠦ ᠭᠡᠮ ᠪᠤᠷᠤᠭᠤ ᠶᠢ ᠪᠠᠨ ᠬᠦᠯᠢᠶᠡᠭᠡᠳ᠂ | ᠲᠡᠭᠦᠨ ᠤ ᠪᠠᠨ ᠪᠠᠲᠤᠯᠠᠭᠠ ᠪᠣᠯᠭᠠᠵᠤ᠂ ᠪᠣᠳᠣᠷᠠᠯ ᠪᠢᠴᠢᠭ ᠭᠠᠷᠭᠠᠵᠤ ᠥᠭᠬᠦ᠂ ᠮᠠᠨᠵᠤ ᠶᠢᠨ ᠬᠠᠷᠢᠶᠠᠨ ᠳᠤ | ᠣᠷᠣᠵᠤ ᠳᠠᠭᠠᠬᠤ ᠪᠠᠨ ᠲᠠᠩᠭᠠᠷᠢᠭᠯᠠᠬᠤ᠂ ᠤᠭ ᠪᠠᠶᠢᠭᠠ ᠭᠠᠵᠠᠷ ᠠᠴᠠ ᠪᠠᠨ ᠬᠥᠳᠡᠯᠬᠦ ᠦᠭᠡᠢ ᠬᠠᠷᠢᠭᠤ ᠵᠠᠷᠯᠢᠭ | ᠬᠦᠯᠢᠶᠡᠬᠦ ᠭᠡᠰᠡᠨ ᠭᠤᠷᠪᠠᠨ ᠵᠦᠢᠯ ᠤᠨ ᠱᠠᠭᠠᠷᠳᠠᠯᠭᠠ ᠶᠢ ᠬᠦᠯᠢᠶᠡᠨ ᠠᠪᠴᠤ᠂ ᠪᠤᠷᠬᠠᠨ ᠢᠶᠠᠨ ᠪᠠᠷᠢᠨ | ᠲᠠᠩᠭᠠᠷᠢᠭᠯᠠᠪᠠᠰᠤ ᠪᠠᠶᠢᠯᠳᠤᠭᠠᠨ ᠤ ᠠᠵᠢᠯᠯᠠᠭᠠ ᠶᠢ ᠲᠦᠷᠢ ᠵᠣᠭᠰᠣᠭᠠᠬᠤ ᠶᠢ ᠵᠥᠪᠰᠢᠶᠡᠷᠡᠨᠡ ᠭᠡᠵᠡᠢ᠃ | ᠭᠠᠯᠳᠠᠨ ᠥᠪᠡᠷ ᠤᠨ ᠬᠦᠷᠢᠶᠡᠨ ᠳᠤ ᠮᠠᠨᠵᠤ ᠶᠢᠨ ᠡᠯᠴᠢ ᠠᠷᠨᠠᠢ ᠨᠠᠷ ᠢ ᠬᠦᠯᠢᠶᠡᠨ ᠠᠪᠴᠤ᠂ ᠪᠤᠷᠬᠠᠨ ᠢᠶᠠᠨ ᠲᠡᠷᠢᠭᠦᠨ | ᠳᠡᠭᠡᠷᠡ ᠪᠠᠨ ᠲᠠᠯᠪᠢᠭᠠᠳ᠂ ᠲᠡᠷᠡ ᠬᠦ ᠡᠯᠴᠢ ᠶᠢᠨ ᠡᠮᠦᠨᠡ ᠮᠠᠨᠵᠤ ᠶᠢᠨ ᠲᠠᠯᠠ ᠶᠢᠨ ᠲᠠᠯᠪᠢᠭᠰᠠᠨ ᠱᠠᠭᠠᠷᠳᠠᠯᠭᠠ ᠶᠢ | ᠬᠦᠯᠢᠶᠡᠨ ᠠᠪᠤᠭᠰᠠᠨ ᠢᠶᠠᠨ ᠮᠡᠳᠡᠭᠳᠡᠵᠡᠢ᠃ ᠭᠡᠬᠦ ᠳᠤ ᠪᠠᠨ ᠬᠤᠭᠤᠰᠣᠨ ᠭᠤᠤ ᠪᠠᠷᠢᠵᠤ ᠲᠠᠩᠭᠠᠷᠢᠭ ᠲᠠᠯᠪᠢᠭᠰᠠᠨ | ᠭᠡᠳᠡᠭ᠃ ᠮᠠᠨᠵᠤ ᠶᠢᠨ ᠡᠯᠴᠢ ᠶᠢ ᠪᠤᠴᠠᠭᠠᠬᠤ ᠳᠤ ᠭᠠᠯᠳᠠᠨ ᠪᠣᠱᠣᠭᠲᠤ ︽ᠲᠠ ᠪᠦᠭᠦᠳᠡ ᠶᠢᠨ ᠱᠠᠭᠠᠷᠳᠠᠯᠭᠠ ᠶᠢ | ᠪᠢᠳᠡ ᠶᠣᠰᠣᠭᠠᠷ ᠭᠦᠢᠴᠡᠳᠭᠡᠭᠰᠡᠨ ᠪᠠ ᠬᠠᠷᠢᠨ ᠣᠳᠣ ᠶᠢᠨ ᠣᠷᠣᠰᠢᠨ ᠪᠤᠢ ᠭᠠᠵᠠᠷ ᠬᠦᠮᠦᠨ ᠮᠠᠯ ᠣᠷᠣᠰᠢᠬᠤ ᠳᠤ | ᠨᠡᠩ ᠲᠣᠬᠢᠷᠠᠮᠵᠢ ᠦᠭᠡᠢ ᠲᠤᠯᠠ ᠬᠠᠭᠠᠯᠭᠠᠨ ᠤ ᠭᠠᠳᠠᠨᠠ ᠡᠪᠡᠰᠦ ᠤᠰᠤ ᠲᠠᠢ ᠪᠡᠯᠴᠢᠭᠡᠷ ᠲᠤ ᠬᠦᠷᠦᠯᠴᠡᠨ ᠣᠴᠢᠵᠤ | ᠂ ᠵᠠᠷᠯᠢᠭ ᠬᠦᠯᠢᠶᠡᠬᠦ ᠶᠢs ᠬᠦᠴᠦ ᠪᠤᠢ》 ᠭᠡᠳᠡᠭ ᠢᠶᠠᠨ ᠬᠠᠭᠠᠨ ᠳᠤ ᠳᠠᠮᠵᠢᠭᠤᠯᠬᠤ ᠶᠢ ᠬᠦᠰᠡᠵᠡᠢ᠃ ᠳᠠᠶᠢᠰᠤᠨ ᠤ | ᠴᠡᠷᠢᠭ ᠪᠠᠶᠢᠯᠳᠤᠭᠠᠨ ᠳᠤ ᠪᠡᠯᠡᠨ ᠪᠤᠰᠤ ᠪᠠᠶᠢᠭᠰᠠᠨ ᠤ ᠳᠡᠭᠡᠷᠡ ᠨᠠᠶᠢᠷᠠᠮᠳᠠᠯ ᠪᠠᠶᠢᠭᠤᠯᠤᠯᠠ ᠬᠡᠮᠡᠨ ᠰᠡᠷᠡᠮᠵᠢ | ᠪᠠᠭᠤᠷᠠᠭᠰᠠᠨ ᠢ ᠳᠠᠯᠢᠮᠳᠠᠭᠤᠯᠤᠨ ᠭᠠᠯᠳᠠᠨ ᠪᠣᠱᠣᠭᠲᠤ ᠮᠠᠨᠵᠤ ᠶᠢᠨ ᠡᠯᠴᠢ ᠶᠢ ᠪᠤᠴᠠᠭᠰᠠᠨ ᠰᠥᠨᠢ ᠵᠠᠢ ᠰᠦᠪᠡ ᠶᠢ | ᠣᠯᠵᠤ ᠪᠦᠰᠡᠯᠡᠯᠲᠡ ᠠᠴᠠ ᠭᠠᠷᠤᠭᠠᠳ ᠰᠢᠷᠠ ᠮᠥᠷᠡᠨ ᠢ ᠭᠠᠲᠤᠯᠤᠨ ᠲᠦᠷᠭᠡᠪᠴᠢᠯᠡᠨ ᠶᠠᠪᠤᠭᠰᠠᠭᠠᠷ ᠵᠠᠮ ᠳᠤ ᠪᠠᠨ | ᠬᠡᠰᠢᠭᠲᠡᠨ ᠠᠶᠢᠮᠠᠭ ᠠᠴᠠ ᠬᠦᠨᠡᠰᠦᠨ ᠤ ᠬᠤᠨᠢ ᠦᠬᠡᠷ᠂ ᠤᠨᠤᠯᠭᠠ ᠶᠢᠨ ᠠᠭᠲᠠ ᠶᠢ ᠣᠯᠵᠤ᠂ ᠡᠳᠦᠷ ᠰᠦᠨᠢ | ᠦᠭᠡᠢ ᠳᠣᠪᠲᠣᠯᠭᠠᠨ ᠶᠠᠪᠤᠭᠰᠠᠭᠠᠷ ᠭᠥᠪ ᠭᠠᠲᠤᠯᠠᠵᠤ᠂ ᠭᠠᠩᠭᠠ ᠨᠠᠭᠤᠷ ᠤᠨ ᠬᠥᠪᠡᠭᠡᠨ ᠳᠤ ᠬᠦᠷᠦᠭᠰᠡᠨ ᠪᠠᠶᠢᠨᠠ᠃ | ᠮᠠᠨᠵᠤ ᠨᠠᠷ ᠭᠠᠯᠳᠠᠨ ᠪᠣᠱᠣᠭᠲᠤ ᠶᠢᠨ ᠪᠤᠷᠤᠭᠤᠯᠠᠭᠰᠠᠨ ᠢ 3 ᠡᠳᠦᠷ ᠤᠨ ᠬᠤᠶᠢᠨᠠ ᠮᠡᠳᠡᠵᠦ ᠨᠡᠬᠡᠭᠦᠯᠦᠭᠰᠡᠨ | ᠪᠣᠯᠪᠠᠴᠤ ᠨᠢᠭᠡᠨᠲᠡ ᠬᠤᠵᠢᠮᠳᠠᠭᠰᠠᠨ ᠪᠠᠶᠢᠯᠠ᠃ ᠡᠩᠬᠡ ᠠᠮᠤᠭᠤᠯᠠᠩ ᠬᠠᠭᠠᠨ ᠡᠨᠡ ᠲᠤᠬᠠᠢ ᠰᠣᠨᠣᠰᠤᠮᠠᠭᠴᠠ ᠭᠤᠣᠯ | ᠳᠠᠶᠢᠰᠤᠨ ᠢᠶᠠᠨ ᠨᠢᠭᠡᠮᠦᠰᠦᠨ ᠳᠠᠷᠤᠵᠤ ᠴᠢᠳᠠᠭᠠ ᠦᠭᠡᠢ ᠳᠤ ᠪᠠᠨ ᠪᠤᠬᠢᠨᠢᠲᠤᠨ ᠴᠢᠬᠤᠯᠳᠠᠵᠤ᠂ ᠬᠠᠷᠢᠶᠠᠲᠤ | ᠴᠡᠷᠢᠭ ᠤᠨ ᠳᠠᠭᠠᠭᠠᠮᠠᠯ ᠢ ᠲᠤᠰᠢᠶᠠᠯ ᠠᠴᠠ ᠣᠭᠴᠣᠷᠠᠭᠤᠯᠬᠤ᠂ ᠫᠦᠩᠯᠦ ᠶᠢ ᠨᠢ ᠬᠠᠰᠤᠬᠤ ᠵᠡᠷᠭᠡ ᠪᠠᠷ ᠬᠠᠲᠠᠭᠤ | ᠰᠢᠳᠬᠡᠭᠰᠡᠨ ᠪᠠᠶᠢᠨᠠ᠃ ᠪᠠᠰᠠ ᠭᠠᠯᠳᠠᠨc ᠪᠣᠱᠣᠭᠲᠤ ᠳᠤ ᠵᠠᠬᠢᠶᠠ ᠪᠠᠷᠢᠭᠤᠯᠤᠨ ᠡᠯᠴᠢ ᠳᠣᠪᠲᠣᠯᠭᠠᠵᠤ ︽ᠴᠢᠮᠠ | ᠯᠤᠭᠠ ᠪᠠᠶᠢᠯᠳᠤᠬᠤ ᠭᠡᠰᠡᠨ ᠤᠴᠢᠷ ᠦᠭᠡᠢ᠂ ᠭᠠᠭᠴᠠᠬᠦ ᠴᠢᠨᠤ ᠬᠦᠮᠦᠨ ᠤᠷᠢᠳ ᠭᠠᠷ ᠬᠥᠳᠡᠯᠦᠭᠰᠡᠨ ᠤᠴᠢᠷ | ᠮᠠᠨ ᠤ ᠴᠡᠷᠢᠭ ᠠᠷᠭᠠ ᠦᠭᠡᠢ ᠪᠠᠶᠢᠯᠳᠤᠵᠠᠢ︾ ᠭᠡᠬᠦ ᠮᠡᠲᠦ ᠪᠠᠷ ᠲᠡᠭᠦᠨ ᠳᠤ ᠵᠥᠪ ᠢ ᠥᠭᠴᠦ᠂ ᠬᠤᠯᠠᠳᠠᠭᠤᠯᠬᠤ | ᠦᠭᠡᠢ ᠬᠦᠯᠢᠶᠡᠯᠭᠡᠬᠦ ᠶᠢ ᠣᠷᠣᠯᠳᠤᠭᠰᠠᠨ ᠪᠣᠯᠪᠠᠴᠤ ᠣᠶᠢᠷᠠᠳ ᠤᠳ ᠵᠣᠭᠰᠣᠯᠲᠠ ᠦᠭᠡᠢ ᠶᠠᠪᠤᠭᠰᠠᠭᠠᠷ 10 ᠳ᠋ᠤᠭᠠᠷ | ᠰᠠᠷᠠ ᠳᠤ ᠣᠨᠣᠨ ᠭᠤᠣᠯ ᠤᠨ ᠰᠠᠪᠠ ᠳᠤ ᠪᠤᠴᠠᠵᠤ ᠢᠷᠡᠭᠰᠡᠨ ᠪᠠᠶᠢᠨᠠ᠃ ᠭᠠᠯᠳᠠᠨ ᠪᠣᠱᠣᠭᠲᠤ 1690 ᠣᠨ ᠤ | 10 ᠳ᠋ᠤᠭᠠᠷ ᠰᠠᠷᠠ ᠶᠢᠨ ᠰᠡᠭᠦᠯᠡᠷ ᠣᠨᠣᠨ ᠤᠨ ᠣᠷᠴᠢᠮ ᠢ ᠣᠷᠬᠢᠵᠤ᠂ ᠵᠠᠪᠬᠠᠨ᠂ ᠬᠦᠮᠦᠨ ᠦᠭᠡᠢ ᠭᠤᠣᠯ ᠢᠶᠠᠷ | ᠳᠠᠭᠠᠷᠢᠨ ᠬᠤᠪᠣᠲᠣ ᠲᠤ ᠬᠦᠷᠴᠦa ᠰᠠᠭᠤᠷᠢᠰᠵᠠᠢ᠃ ᠭᠠᠯᠳᠠᠨ ᠪᠣᠱᠣᠭᠲᠤ ᠶᠢᠨ ᠴᠡᠷᠢᠭ ᠣᠨᠣᠨ ᠠᠴᠠ ᠬᠤᠪᠣᠲᠣ | ᠬᠦᠷᠲᠡᠯᠡ ᠤᠷᠲᠤ ᠵᠠᠮ ᠢ ᠲᠤᠭᠤᠯᠤᠭᠰᠠᠨ ᠤ ᠳᠡᠭᠡᠷᠡ ᠬᠠᠯᠬᠠ ᠶᠢᠨ ᠣᠯᠠᠨ ᠨᠡᠶᠢᠲᠡ ᠲᠡᠭᠦᠨ ᠤ ᠵᠠᠮ ᠤᠨ ᠵᠠᠭᠤᠷᠠ | ᠳᠠᠶᠢᠰᠤᠩᠨᠠᠭᠰᠠᠨ ᠤᠴᠢᠷ ᠶᠡᠭᠡ ᠬᠤᠬᠢᠷᠠᠯ ᠠᠮᠰᠠᠵᠠᠢ᠃ | | | ᠪᠡᠯᠡᠳᠬᠡᠭᠰᠡᠨ ᠨᠢ᠄ ᠡᠷᠳᠡᠨᠢᠬᠦᠦ | ᠨᠠᠶᠢᠷᠠᠭᠤᠯᠤᠭᠰᠠᠨ ᠨᠢ᠄ ᠨᠠᠮᠤᠷ | ᠬᠢᠨᠠᠭᠰᠠᠨ ᠨᠢ᠄ ᠤᠷᠢᠬᠠᠨ | | |