| | ᠮᠠᠨ ᠤ ᠲᠡᠭᠡᠳᠣ ᠮᠤᠩᠭᠤᠯᠴᠤᠳ ᠡᠷᠲᠡ ᠦᠶᠡ ᠠᠴᠠ ᠪᠠᠨ ᠨᠡᠭᠦᠳᠡᠯ ᠮᠠᠯᠵᠢᠯ ᠠᠮᠢᠳᠣᠷᠠᠯ ᠡᠳᠡᠯᠡᠵᠤ ᠢᠷᠡᠭᠰᠡᠨ︔ | ᠲᠡᠭᠡᠭᠦ ᠳᠡᠭᠡᠨ ᠪᠠᠶᠢᠭᠠᠯᠢ ᠶᠢᠨ ᠪᠠᠶᠢᠳᠠᠯ᠂ ᠭᠠᠵᠠᠷ ᠤᠷᠤᠨ ᠤ ᠪᠠᠶᠢᠴᠠ᠂ ᠴᠠᠭ ᠠᠭᠤᠷ᠂ ᠡᠪᠡᠰᠤ ᠤᠰᠤᠨ ᠤ | ᠤᠷᠭᠤᠴᠠ ᠤᠨᠳᠤᠷᠤᠯ ᠤᠨ ᠰᠢᠨᠵᠢ ᠶᠢ ᠨᠠᠷᠢᠯᠢᠭ ᠰᠣᠳᠣᠯᠵᠤ᠂ ᠡᠭᠡ ᠪᠠᠶᠢᠭᠠᠯᠢ ᠶᠢᠨ ᠠᠮᠢ ᠠᠬᠤᠢ ᠶᠢᠨ ᠲᠡᠩᠴᠡᠭᠦᠷᠢ | ᠶᠢ ᠵᠤᠭᠢᠴᠠᠭᠤᠯᠤᠨ᠂ ᠭᠦᠮᠦᠨ ᠪᠠ ᠪᠠᠶᠢᠭᠠᠯᠢ ᠶᠡᠷᠳᠢᠨᠴᠤ ᠶᠢᠨ ᠤᠶᠠᠯᠳᠤᠯ ᠢ ᠲᠤᠭᠢᠲᠠᠢ ᠠᠰᠢᠭᠯᠠᠭᠰᠠᠨ ᠰᠢᠨᠵᠢᠯᠡᠭᠦ | ᠤᠬᠠᠭᠠᠨᠴᠢ ᠦᠨᠳᠤᠰᠤᠲᠡᠨ ᠮᠦᠨ᠃ ᠡᠷᠲᠡ ᠲᠡᠭᠡᠳᠣ ᠦᠶᠡ ᠠᠴᠠ ᠮᠠᠨ ᠤ ᠲᠡᠭᠡᠳᠤ ᠮᠤᠩᠭᠤᠯ ᠨᠤᠲᠤᠭ — — | ᠠᠭᠤᠯᠠ ᠭᠢᠷᠠ ᠪᠠᠷ ᠨᠢ ᠭᠦᠷᠦᠭᠡᠰᠦᠨ ᠰᠦᠷᠦᠭ ᠭᠦᠪᠴᠢᠯᠡᠭᠰᠡᠨ᠂ ᠠᠷᠤ ᠬᠠᠩᠭᠠᠢ ᠪᠠᠷ ᠨᠢ ᠡᠪᠡᠰᠤ ᠤᠷᠭᠤᠮᠠᠯ᠂ | ᠤᠢ ᠰᠢᠭᠤᠢ ᠳᠤ ᠨᠢ ᠮᠤᠩᠭᠤᠯ ᠭᠡᠷ ᠤᠳ ᠲᠠᠯᠳᠠᠷᠠᠭᠰᠠᠨ᠂ ᠮᠤᠷᠢᠨ ᠤ ᠦᠦᠷᠰᠡᠯᠲᠡ ᠪᠠᠷ ᠢᠶᠠᠨ ᠤᠶᠠᠭᠠᠨ ᠲᠡᠭᠡᠷᠡ | ᠨᠢ ᠭᠦᠷᠳᠡᠭ ᠰᠠᠬᠤᠯᠢᠭ ᠤᠷᠤᠨ ᠲᠤᠯᠠ ᠭᠡᠭᠡᠷᠡ ᠰᠢᠪᠠᠭᠤᠳ ᠭᠦᠷᠲᠡᠯᠡ ᠲᠠᠭᠤ ᠲᠠᠭᠤ ᠪᠠᠨ ᠨᠡᠶᠢᠯᠡᠭᠦᠯᠦᠨ ᠡᠩᠭᠡ | ᠲᠠᠶᠢᠪᠤᠩ ᠢᠶᠠᠷ ᠲᠤᠩᠭᠤᠳᠤᠭᠰᠠᠨ᠂ ᠭᠤᠤᠯ ᠭᠤᠷᠤᠬᠠ ᠨᠢ ᠭᠦᠷᠲᠡᠯᠡ ᠴᠡᠪᠡᠷ ᠲᠤᠩᠭᠠᠯᠠᠭ ᠢᠶᠠᠷ ᠨᠠᠮ ᠵᠢᠮ ᠢ ᠡᠪᠲᠡᠨ | ᠬᠤᠷᠴᠢᠭᠢᠨᠠᠭᠰᠠᠨ ᠨᠡᠮᠡᠭᠦᠨ ᠨᠤᠲᠤᠭ᠃ ᠡᠶᠢᠮᠤ ᠶᠢᠨ ᠲᠤᠯᠠ ᠠᠳᠡᠭᠢ ᠶᠢᠨ ᠮᠠᠯ ᠰᠦᠷᠦᠭ ᠲᠠᠷᠭᠤ ᠭᠦᠴᠤ ᠲᠠᠢ᠂ | ᠠᠳᠠᠯ ᠦᠢᠯᠡᠰ ᠦᠭᠡᠲᠡ ᠡᠰᠡᠷᠡᠭ᠂ ᠠᠶᠢᠯ ᠭᠡᠷ ᠢᠶᠠᠷ ᠢᠶᠠᠨ ᠪᠠᠶᠠᠨ ᠴᠢᠨᠠᠭᠡᠯᠢᠭ ᠠᠮᠢᠳᠣᠷᠠᠯ ᠡᠳᠡᠯᠡᠳᠡᠭ᠃ ᠨᠡᠨ | ᠪᠦᠭᠦᠨ ᠨᠢ ᠪᠦᠷ ᠮᠠᠨ ᠤ ᠮᠠᠯᠴᠢᠨ ᠠᠷᠠᠳ ᠮᠢᠨᠢ ᠰᠢᠷᠭᠠᠭᠤ ᠭᠦᠳᠡᠯᠮᠦᠷᠢ᠂ ᠰᠢᠨᠵᠢᠯᠡᠭᠦ ᠤᠬᠠᠭᠠᠨᠴᠢ ᠨᠡᠭᠦᠳᠡᠯ | ᠠᠮᠢᠳᠣᠷᠠᠯ ᠠᠴᠠ ᠰᠠᠯᠬᠤ ᠦᠭᠡᠢ᠃ ᠡᠷᠲᠡᠨ ᠳᠡᠭᠡᠨ᠂ ᠨᠠᠰᠤᠲᠠᠶᠢᠴᠤᠳ ᠭᠠᠵᠠᠷ ᠤᠨ ᠪᠠᠶᠢᠴᠠ᠂ ᠮᠠᠯ ᠤᠨ ᠪᠠᠶᠢᠳᠠᠯ | ᠢᠶᠠᠷ ᠪᠡᠯᠴᠢᠭᠡᠷ ᠢᠶᠠᠨ ᠵᠤᠰᠠᠯᠠᠩ᠂ ᠨᠠᠮᠤᠷᠵᠠᠩ᠂ ᠡᠪᠦᠯᠵᠡᠩ᠂ ᠬᠠᠪᠤᠷᠵᠠᠩ ᠭᠡᠵᠤ ᠬᠤᠪᠢᠶᠠᠷᠯᠠᠨ ᠨᠡᠭᠦᠳᠡᠯᠡᠨ | ᠮᠠᠯᠵᠢᠳᠠᠭ ᠪᠠᠶᠢᠵᠡᠢ᠃ ᠦᠨᠦ ᠴᠦ ᠮᠦᠨ ᠡᠨᠡ ᠠᠮᠢᠳᠤᠷᠠᠯ ᠢᠶᠠᠨ ᠤᠯᠠᠮᠵᠢᠯᠠᠭᠰᠠᠭᠠᠷ ᠪᠤᠢ᠃ ᠮᠠᠨ ᠤ ᠭᠦᠭᠡᠨᠠᠭᠤᠷ ᠤᠨ | ᠦᠨᠳᠦᠷᠯᠢᠭ ᠪᠤᠯ ᠮᠦᠩᠭᠡ ᠴᠠᠰᠤᠳᠤ ᠠᠭᠤᠯᠠ ᠬᠠᠶᠢᠷᠬᠠᠨ ᠢᠶᠠᠷ ᠭᠦᠷᠢᠶᠡᠯᠡᠭᠳᠡᠭᠰᠡᠨ ᠲᠤᠯᠠ ᠪᠠᠶᠢᠷᠢᠰᠢᠯ ᠨᠢ ᠲᠡᠯᠡᠭᠡᠢ | ᠪᠦᠮᠪᠦᠷᠴᠡᠭ ᠤᠨ ᠵᠡᠭᠦᠨ ᠤᠷᠲᠤᠷᠢᠭ ᠤᠨ 90。006、│99。042、᠂ ᠤᠮᠠᠷᠠᠲᠤ ᠤᠷᠲᠤᠷᠢᠭ ᠤᠨ | 35。001、 │ 39。 020、 ᠶᠢᠨ ᠬᠤᠭᠤᠷᠤᠨᠳᠤ ᠤᠷᠤᠰᠢᠵᠤ᠂ ᠭᠦᠭᠡ ᠨᠠᠭᠤᠷ ᠤᠨ ᠪᠠᠷᠠᠭᠤᠨ ᠪᠡᠶᠡ | ᠳᠤ ᠪᠠᠶᠢᠷᠢᠯᠠᠵᠤ ᠪᠤᠢ᠃ ᠴᠠᠶᠢᠲᠠᠮ ᠤᠨ ᠬᠤᠲᠤᠭᠤᠷ ᠨᠢ ᠲᠠᠯᠠᠢ ᠶᠢᠨ ᠲᠦᠪᠰᠢᠨ ᠤ ᠲᠤᠮᠳᠠᠴᠢ ᠡᠷᠭᠦᠭᠳᠡᠴᠡ ᠪᠠᠷᠤᠭ | 3000 m ᠪᠠᠶᠢᠵᠤ᠂ ᠭᠦᠭᠡᠨᠠᠭᠤᠷ ᠤᠨ ᠦᠨᠳᠦᠷᠯᠢᠭ ᠲᠤ ᠬᠠᠷᠢᠶᠠᠯᠠᠭᠳᠠᠬᠤ ᠬᠠᠶᠢᠰᠢ ᠶᠢᠨ ᠶᠠᠷᠣᠩᠬᠡᠢ ᠲᠠᠯᠡᠪᠡᠢ ᠨᠢ | 30.09 ᠲᠦᠮᠡᠨ ᠲᠡᠭᠰᠢ ᠳᠦᠷᠪᠡᠯᠵᠢᠨ ᠺᠢᠯᠤᠮᠧᠲᠷ ᠪᠠᠶᠢᠵᠤ᠂ ᠲᠦᠷᠪᠡᠨ ᠲᠠᠯᠠ ᠪᠠᠷ ᠢᠶᠠᠨ ᠪᠠᠷᠠᠭᠤᠨ ᠲᠦᠪᠡᠳ᠂ | ᠭᠠᠨᠰᠣ ᠮᠣᠵᠢ᠂ ᠰᠢᠨᠵᠢᠶᠠᠩ ᠪᠣᠯᠣᠨ ᠲᠣᠰ ᠮᠣᠵᠢ ᠶᠢᠨ ᠬᠠᠶᠢᠪᠸᠢ᠂ ᠬᠠᠶᠢᠨᠠᠨ ᠤ ᠲᠦᠪᠡᠳ ᠦᠨᠳᠦᠰᠦᠲᠡᠨ ᠤ | ᠦᠪᠡᠷᠳᠡᠭᠡᠨ ᠵᠠᠰᠠᠬᠤ ᠵᠧᠣ ᠲᠠᠢ ᠬᠢᠯᠢ ᠨᠡᠶᠢᠯᠠᠨᠠ᠃ ᠡᠷᠳᠡᠨ ᠳᠡᠭᠡᠨ ᠪᠠᠷᠠᠭᠤᠨ ᠣᠷᠣᠨ ᠤ ︽ᠲᠣᠷᠭᠠᠨ ᠵᠠᠮ︾ ᠤᠨ | ᠠᠭᠤᠯᠵᠠᠭᠤᠷ ᠪᠠᠶᠢᠵᠣ᠂ ᠦᠨᠦᠳᠣᠷ ᠬᠦᠬᠡᠨᠠᠭᠤᠷ᠂ ᠭᠠᠨᠰᠣ᠂ ᠰᠢᠨᠵᠢᠶᠠᠩ᠂ ᠲᠦᠪᠡᠳ ᠲᠦᠷᠪᠡᠨ ᠣᠷᠣᠨ ᠤ | ᠠᠭᠤᠯᠵᠠᠭᠤᠷ ᠤᠨ ᠭᠤᠣᠯ ᠱᠣᠭᠤᠮ ᠪᠣᠯᠣᠭᠰᠠᠨ ᠪᠠᠶᠢᠳᠠᠭ᠃ ᠭᠦᠭᠡᠨᠠᠭᠤᠷ ᠤᠨ ᠦᠨᠳᠦᠷᠯᠢᠭ ᠤᠨ ᠵᠢᠯ ᠤᠨ ᠲᠦᠷᠪᠡᠨ | ᠤᠯᠠᠷᠢᠯ ᠪᠠᠷᠤᠭ ᠢᠯᠡᠷᠭᠡᠢ ᠢᠯᠭᠠᠪᠤᠷᠢ ᠦᠭᠡᠢ ᠲᠡᠭᠰᠢᠷᠭᠡᠭ ᠠᠭᠤᠷ ᠠᠮᠢᠰᠬᠤᠯ ᠲᠠᠢ᠂ ᠨᠠᠷᠠᠨ ᠤ ᠲᠤᠰᠬᠠᠯᠲᠠ ᠶᠢᠨ | ᠴᠠᠭ ᠤᠷᠲᠤ᠂ ᠨᠠᠷᠠᠨ ᠤ ᠰᠠᠴᠤᠷᠠᠯ ᠴᠢᠩᠭᠠ᠂ ᠡᠳᠣᠷ ᠰᠦᠨᠢ ᠬᠠᠯᠠᠭᠤᠨ ᠭᠦᠢᠲᠡᠨ ᠤ ᠵᠦᠷᠢᠶᠡ ᠶᠡᠭᠡ᠂ ᠶᠡᠭᠡ | ᠲᠦᠯᠦᠪ ᠡᠪᠦᠯ ᠳᠡᠭᠡᠨ ᠭᠦᠢᠲᠡᠨ᠂ ᠵᠤᠨ ᠳᠠᠭᠠᠨ ᠰᠡᠷᠢᠭᠦᠭᠡᠨ ᠰᠢᠭ᠂ ᠬᠠᠪᠤᠷ ᠲᠠᠭᠠᠨ ᠰᠠᠯᠭᠢ ᠶᠡᠭᠡᠲᠡᠢ᠂ ᠨᠠᠮᠤᠷ | ᠲᠠᠭᠠᠨ ᠭᠢᠷᠠᠭᠤ ᠶᠠᠭᠡᠲᠡᠢ ᠰᠡᠷᠢᠭᠦᠨ᠃ ᠬᠠᠶᠢᠰᠢ ᠤᠷᠤᠨ ᠪᠣᠯ ᠨᠠᠶᠢᠳᠡᠯᠢᠭ ᠡᠭᠡ ᠭᠠᠵᠠᠷ ᠤᠨ ᠴᠢᠨᠠᠷᠳᠤ ᠠᠭᠤᠷ | ᠠᠮᠢᠰᠬᠤᠯ ᠲᠠᠢ ᠪᠤᠯᠬᠤᠷ᠂ ᠭᠠᠩ ᠬᠠᠭᠤᠷᠠᠢ᠂ ᠪᠣᠷᠤᠭᠠ ᠴᠦᠭᠡᠬᠡᠨ᠂ ᠰᠠᠯᠬᠢ ᠠᠷᠪᠢᠨ᠂ ᠭᠦᠴᠢᠯᠳᠦ᠋ᠷᠣᠭ᠍ᠴᠢ | ᠲᠣᠳᠠᠬᠤ᠂ ᠬᠠᠬᠢᠷ ᠬᠦᠢᠲᠡᠨ ᠲᠤᠯᠠ᠂ ᠤᠷᠤᠨ ᠤ ᠬᠤᠭᠤᠷᠤᠨᠳᠤᠭᠢ ᠵᠦᠷᠢᠶᠡ ᠶᠡᠭᠡ᠂ ᠬᠤᠪᠢᠷᠠᠯᠲᠠ ᠢᠯᠡᠷᠬᠡᠢ | ᠪᠠᠶᠢᠳᠠᠭ᠃ ᠡᠶᠢᠮᠤ ᠠᠭᠤᠷ ᠠᠮᠢᠰᠬᠤᠯ ᠳᠤ ᠲᠠᠭᠠᠷᠠᠭᠤᠯᠤᠨ ᠮᠠᠯ ᠠᠬᠤᠢ ᠪᠠᠨ ᠲᠡᠭᠡᠳᠤᠯᠡᠨ ᠭᠦᠭᠵᠢᠭᠦᠯᠵᠤ ᠢᠷᠡᠪᠡ᠃ | ᠮᠠᠯ ᠠᠵᠤ ᠠᠬᠤᠢ ᠪᠠᠨ ᠭᠦᠭᠵᠢᠭᠦᠯᠭᠦ ᠳᠤ ᠪᠠᠰᠠ ᠰᠢᠨᠵᠢᠯᠡᠭᠦ ᠤᠬᠠᠭᠠᠨᠴᠢ ᠠᠷᠭᠠ ᠠᠪᠴᠠᠯ ᠪᠠᠶᠢᠬᠤ ᠭᠡᠷᠡᠭᠲᠠᠢ᠃ | ᠲᠡᠭᠡᠭᠡᠳ ᠪᠡᠯᠴᠢᠭᠡᠷ ᠢᠶᠠᠨ ᠬᠤᠪᠢᠶᠠᠵᠤ ᠮᠠᠯᠯᠠᠬᠤ᠂ ᠪᠠᠭᠤᠷᠢ ᠬᠤᠪᠢᠶᠠᠵᠤ ᠪᠠᠭᠤᠳᠠᠯᠯᠠᠬᠤ ᠪᠤᠯᠤᠭᠰᠠᠨ ᠶᠤᠮ᠃ | ︵1︶ ᠮᠠᠯ ᠠᠳᠣᠭᠤᠰᠣᠨ ᠤ ᠪᠠᠨ ᠢᠳᠡᠰᠢᠨ ᠳᠤ ᠲᠠᠭᠠᠷᠠᠭᠤᠯᠵᠤ ᠪᠠᠭᠤᠷᠢ ᠬᠤᠪᠢᠶᠠᠬᠤ ᠴᠠᠶᠢᠳᠠᠮ ᠤᠨ | ᠮᠤᠩᠭᠤᠯᠴᠤᠳ ᠭᠤᠤᠯᠳᠠᠭᠤ ᠲᠠᠪᠤᠨ ᠬᠤᠱᠢᠭᠤ ᠮᠠᠯ ᠮᠠᠯᠯᠠᠵᠤ ᠪᠠᠶᠢᠳᠠᠭ᠂ ᠪᠣᠳᠠ ᠮᠠᠯ ᠤᠨ ᠦᠭᠡᠷ ᠢ ᠰᠠᠷᠯᠤᠭ | ᠦᠭᠡᠷ ᠪᠠ ᠪᠠᠯᠢᠮᠠ ᠦᠭᠡᠷ ᠭᠡᠵᠤ ᠬᠤᠶᠠᠷ ᠬᠤᠪᠢᠶᠠᠳᠠᠭ᠃ ᠤᠴᠢᠷ ᠨᠢ ᠰᠠᠷᠯᠤᠭ ᠦᠭᠡᠷ ᠪᠠ ᠪᠠᠯᠢᠮᠠ ᠦᠭᠡᠷ ᠢ | ᠨᠠᠶᠢᠯᠠᠭᠦᠯᠵᠤ ᠮᠠᠯᠯᠠᠬᠤ ᠠᠷᠭᠠ ᠦᠭᠡᠢ᠂ ᠰᠠᠷᠯᠤᠭ ᠦᠭᠡᠷ ᠨᠢ ᠠᠭᠤᠯᠠ ᠬᠠᠶᠢᠷᠬᠠᠨ ᠲᠠᠢ ᠦᠨᠳᠦᠷᠯᠢᠭ ᠭᠠᠵᠠᠷ᠂ | ᠡᠯᠳᠡᠪ ᠦᠩᠭᠡ ᠶᠢᠨ ᠴᠡᠴᠡᠭ ᠨᠠᠪᠴᠢ ᠪᠤᠶᠤ ᠰᠢᠷᠢᠭ ᠡᠪᠡᠰᠤ ᠪᠠᠷ ᠶᠡᠭᠡ ᠲᠦᠯᠦᠪ ᠢᠳᠡᠰᠢ ᠪᠠᠨ ᠪᠤᠯᠭᠠᠳᠠᠭ᠂ ᠲᠡᠷᠡ | ᠪᠠᠰᠠ ᠭᠦᠢᠲᠡᠨ ᠪᠤᠶᠤ ᠰᠡᠷᠢᠭᠦᠨ ᠠᠭᠤᠷ ᠠᠮᠢᠰᠬᠤᠯ ᠲᠠᠢ ᠭᠠᠵᠠᠷ ᠰᠠᠭᠤᠬᠤ ᠲᠣᠷᠠ ᠲᠠᠢ᠂ ᠪᠠᠯᠢᠮᠠ ᠦᠭᠡᠷ ᠨᠢ | ᠴᠠᠶᠢᠳᠠᠮ ᠭᠦᠳᠡᠭᠡ ᠭᠠᠵᠠᠷ ᠠᠮᠢᠳᠣᠷᠬᠤ ᠲᠤᠷᠠ ᠲᠠᠢ ᠪᠦᠭᠡᠳ ᠱᠠᠭᠰᠢᠭ ᠮᠡᠳᠣ ᠭᠦᠳᠡᠭᠡ ᠭᠠᠵᠠᠷ ᠤᠷᠭᠤᠳᠠᠭ ᠡᠪᠡᠰᠤ | ᠢᠳᠡᠳᠡᠭ ᠪᠦᠭᠡᠳ ᠦᠨᠳᠦᠷᠯᠢᠭ ᠭᠠᠵᠠᠷ ᠠᠮᠢᠳᠤᠷᠠᠬᠤ ᠴᠢᠳᠠᠪᠤᠷᠢ ᠪᠠᠷ ᠲᠤᠲᠠᠮᠠᠭ ᠪᠠᠶᠢᠳᠠᠭ᠃ ᠪᠤᠭ ᠮᠠᠯ ᠨᠢ ᠶᠠᠮᠠᠷ | ᠴᠤ ᠡᠪᠡᠰᠤ ᠪᠦᠷ ᠢᠳᠠᠵᠤ᠂ ᠵᠤᠨ ᠳᠠᠭᠠᠨ ᠠᠭᠤᠯᠠᠷᠬᠠᠭ ᠤᠷᠤᠨ ᠳᠤ ᠭᠠᠷᠴᠤ ᠡᠪᠦᠯ ᠳᠡᠭᠡᠨ ᠭᠦᠳᠡᠭᠡ ᠭᠠᠵᠠᠷ | ᠢᠷᠡᠵᠤ ᠠᠮᠢᠳᠣᠷᠠᠳᠠᠭ᠂ ᠡᠳᠡᠭᠡᠷ ᠪᠠᠶᠢᠳᠠᠯ ᠢ ᠦᠨᠳᠣᠰᠣᠯᠡᠨ ᠵᠤᠨ ᠪᠤᠯᠬᠤ ᠳᠤ ᠠᠭᠤᠯᠠᠷᠬᠠᠭ ᠤᠷᠤᠨ ᠳᠤ | ᠦᠨᠳᠦᠷᠯᠢᠭ ᠭᠠᠵᠠᠷ ᠢᠶᠠᠷ ᠮᠠᠯᠵᠢᠬᠤ ᠳᠤ᠂ ᠬᠤᠳᠤᠭᠤᠷ ᠴᠠᠶᠢᠳᠠᠮ ᠭᠠᠵᠠᠷ ᠲᠤ ᠪᠤᠲᠠ ᠰᠤᠬᠠᠢ ᠪᠤᠷᠭᠠᠰᠤ ᠤᠯᠢᠶᠠᠰᠤ | ᠴᠦᠭᠡᠭᠡᠨ ᠭᠠᠵᠠᠷ᠂ ᠭᠦᠳᠡᠭᠡ ᠭᠠᠵᠠᠷ ᠢᠶᠠᠷ ᠵᠤᠰᠠᠯᠠᠩ ᠢᠶᠠᠨ ᠪᠤᠯᠭᠠᠭᠰᠠᠨ ᠪᠠᠶᠢᠳᠠᠭ᠃ ᠠᠭᠤᠯᠠᠷᠬᠠᠭ ᠤᠷᠤᠨ ᠤ ᠬᠢᠨ | ᠠᠭᠤᠯᠠᠷᠬᠠᠭ ᠤᠷᠤᠨ ᠤ ᠬᠤᠷᠮᠦᠢ ᠪᠠᠷ ᠪᠠᠭᠤᠳᠠᠯᠯᠠᠵᠤ ᠭᠢᠷᠠᠭᠤ ᠴᠠᠰᠤᠨ ᠳᠤ ᠡᠪᠡᠰᠤ ᠲᠤᠳᠠᠭᠳᠠᠬᠤ ᠦᠭᠡᠢ ᠲᠡᠭᠡᠭᠰᠢ | ᠪᠠᠨ ᠰᠢᠷᠢᠭ ᠡᠪᠡᠰᠤ᠂ ᠰᠢᠷᠢᠭ ᠡᠪᠡᠰᠤ ᠲᠠᠢ ᠲᠤᠷᠤᠭᠰᠢ ᠪᠠᠨ ᠪᠤᠲᠠᠷᠭᠠᠨᠠ᠂ ᠲᠡᠷᠡᠰᠤ ᠲᠠᠢ ᠭᠠᠵᠠᠷ ᠨᠠᠮᠤᠷ ᠲᠤ | ᠨᠠᠮᠤᠷᠵᠠᠳᠠᠭ᠃ ᠭᠡᠷᠪᠡ ᠡᠪᠤᠯ ᠡᠶᠢᠮᠤ ᠭᠠᠵᠠᠷ ᠮᠠᠯᠵᠢᠪᠠᠯ ᠴᠠᠰᠣ ᠲᠠᠷᠤᠬᠤ ᠳᠤ ᠭᠠᠮᠰᠢᠭ ᠪᠤᠯᠬᠤ ᠠᠶᠤᠯ ᠠᠴᠠ | ᠰᠡᠷᠭᠡᠶᠢᠯᠡᠵᠤ ᠡᠪᠤᠯ ᠳᠡᠭᠡᠨ᠂ ᠠᠭᠤᠯᠠᠷᠬᠠᠭ ᠤᠷᠤᠨ ᠤ ᠬᠢᠨ ᠠᠭᠤᠯᠠ ᠳᠠᠬᠢ ᠤᠷᠭᠤᠮᠠᠯ ᠢ ᠠᠰᠢᠭᠯᠠᠨ ᠲᠡᠷᠡᠰᠤ᠂ | ᠬᠠᠮᠠᠭᠤᠯ᠂ ᠪᠤᠳᠠᠷᠭᠠᠨᠠ ᠶᠠᠭᠡᠲᠡᠢ ᠤᠷᠤᠨ ᠢᠶᠠᠷ ᠪᠠᠭᠤᠳᠠᠯᠯᠠᠵᠤ ᠮᠠᠯ ᠮᠠᠯᠵᠢᠳᠠᠭ ᠭᠦᠢᠲᠡᠨ ᠰᠢᠭᠤᠷᠭᠠ ᠶᠢ ᠲᠠᠭᠠᠭᠠᠵᠤ | ᠴᠢᠳᠠᠬᠤ ᠠᠭᠤᠯᠠ ᠲᠠᠪᠠ ᠶᠢᠨ ᠠᠮᠠᠨ ᠳᠤ ᠡᠪᠦᠯᠵᠡᠳᠡᠭ᠃ ᠴᠠᠶᠢᠳᠠᠮ ᠤᠨ ᠬᠢᠨ ᠨᠢ ᠪᠦᠢᠲᠡ ᠪᠦᠭᠯᠡᠭᠦᠦ ᠪᠤᠲᠠ | ᠪᠤᠷᠤᠯᠵᠢ᠂ ᠤᠯᠢᠶᠠᠰᠤ ᠵᠠᠭ ᠢᠭᠴᠤ ᠤᠷᠭᠤᠭᠰᠠᠨ ᠪᠠᠭᠤᠷᠢ ᠪᠠᠷ ᠢᠶᠠᠨ ᠡᠪᠤᠯᠵᠡᠩ ᠪᠤᠯᠭᠠᠳᠠᠭ᠃ | ︵2︶ ᠭᠠᠵᠠᠷ ᠤᠨ ᠪᠠᠶᠢᠴᠠ ᠳᠤ ᠨᠢ ᠲᠠᠭᠠᠷᠠᠭᠤᠯᠵᠤ ᠪᠠᠭᠤᠷᠢ ᠬᠤᠪᠢᠶᠠᠬᠤ ᠴᠠᠶᠢᠳᠠᠮ ᠤᠨ ᠮᠤᠩᠭᠤᠯᠴᠤᠳ ᠭᠠᠵᠠᠷ | ᠤᠨ ᠪᠠᠶᠢᠴᠠ ᠢ ᠰᠢᠨᠵᠢᠭᠦ ᠲᠠᠯᠠ ᠪᠠᠷ ᠶᠡᠭᠡ ᠰᠠᠶᠢᠨ᠃ ᠮᠠᠨ ᠤ ᠲᠡᠭᠡᠳᠤᠰ ᠶᠡᠷᠤ ᠨᠢ ᠮᠠᠯ ᠮᠠᠯᠯᠠᠬᠤ ᠳᠤ ᠨᠡᠭᠦᠳᠡᠯᠯᠡᠵᠤ | ᠪᠠᠭᠤᠳᠠᠯᠯᠠᠬᠤ ᠪᠠᠭᠤᠷᠢ ᠰᠤᠩᠭᠤᠬᠤ ᠪᠤᠶᠤ ᠪᠤᠷᠤᠭᠠ ᠪᠤᠷᠤᠭᠠᠯᠠᠬᠤ᠂ ᠰᠠᠯᠭᠢ ᠰᠠᠯᠭᠢᠯᠠᠬᠤ ᠠᠴᠠ ᠰᠡᠷᠭᠡᠶᠢᠯᠡᠨ ᠭᠠᠵᠠᠷ | ᠤᠨ ᠪᠠᠶᠢᠴᠠ ᠦᠵᠡᠵᠤ ᠤᠯᠠᠷᠢᠯ ᠤᠨ ᠪᠠᠭᠤᠴᠠ ᠪᠠᠨ ᠰᠤᠩᠭᠤᠳᠠᠭ᠂ ᠭᠡᠭᠦᠷ ᠤᠷᠤᠰᠢᠭᠤᠯᠭᠠ ᠭᠡᠭᠦ ᠳᠤ ᠴᠦ ᠪᠦᠷ | ᠭᠠᠵᠠᠷ ᠤᠨ ᠪᠠᠶᠢᠴᠠ ᠢ ᠰᠢᠨᠵᠢᠵᠤ ᠲᠤᠭᠳᠠᠭᠠᠳᠠᠭ᠃ ᠡᠶᠢᠮᠤ ᠤᠴᠢᠷ ᠠᠴᠠ ᠮᠠᠯ ᠰᠦᠷᠦᠭ ᠤᠨ ᠲᠦᠯ ᠲᠦᠯᠯᠡᠭᠦ | ᠪᠠᠭᠤᠷᠢ ᠪᠠᠨ ᠡᠪᠤᠯᠵᠡᠩ ᠭᠡᠳᠡᠭ᠃ ᠠᠳᠡᠭᠢ ᠭᠠᠵᠠᠷ ᠤᠨ ᠪᠠᠶᠢᠴᠠ᠂ ᠭᠦᠷᠦᠰᠦ ᠰᠢᠷᠤᠢ ᠶᠢ ᠰᠠᠶᠢᠨ ᠠᠵᠢᠭᠰᠠᠨ | ᠰᠠᠭᠤᠷᠢᠨ ᠲᠡᠭᠡᠷᠡ᠂ ᠬᠠᠭᠢᠷ ᠭᠦᠢᠲᠡᠨ ᠳᠤ ᠮᠠᠯ ᠤᠨᠤᠭᠠ᠂ ᠲᠦᠯ ᠮᠠᠯ ᠳᠤ ᠡᠭᠡᠪᠤᠷ ᠲᠠᠢ᠂ ᠴᠠᠰᠣ ᠮᠦᠰᠦᠳᠣ | ᠤᠯᠠᠷᠢᠯ ᠢᠶᠠᠨ ᠠᠮᠤᠷ ᠲᠠᠶᠢᠪᠤᠩ ᠦᠩᠭᠡᠷᠡᠭᠡᠵᠤ ᠴᠢᠳᠠᠬᠤ ᠡᠪᠡᠰᠤ ᠤᠷᠭᠤᠮᠠᠯ ᠢᠭᠴᠤ ᠰᠠᠬᠤᠯᠢᠭ ᠤᠷᠭᠤᠭᠰᠠᠨ᠂ | ᠭᠠᠵᠠᠷ ᠤᠨ ᠡᠷᠭᠦᠭᠳᠡᠴᠡ ᠲᠤᠤᠷᠠ ᠰᠢᠭ᠋ ᠪᠠᠶᠢᠳᠠᠭ᠃ ᠭᠡᠭᠦ ᠳᠡᠭᠡᠨ ᠠᠭᠤᠯᠠᠷᠬᠠᠭ ᠤᠷᠤᠨ ᠤ ᠬᠢᠨ ᠪᠠ ᠴᠠᠶᠢᠳᠠᠮ | ᠭᠦᠳᠡᠭᠡ ᠭᠠᠵᠠᠷ ᠤᠨ ᠬᠢᠨ ᠪᠠᠰᠠ ᠢᠯᠭᠠᠭᠠ ᠲᠠᠢ ᠶᠤᠮ᠃ ᠴᠠᠶᠢᠳᠠᠮ ᠭᠦᠳᠡᠭᠡ ᠭᠠᠵᠠᠷ ᠤᠨ ᠬᠢᠨ ᠳᠤ ᠪᠤᠯ ᠪᠤᠳᠠ | ᠰᠣᠬᠠᠢ ᠤᠯᠢᠶᠠᠰᠣ ᠵᠠᠭ ᠡᠯᠪᠡᠭ᠂ ᠭᠦᠢᠲᠡᠨ ᠰᠢᠭᠤᠷᠭᠠ ᠳᠤ ᠮᠠᠯ ᠤᠨᠤᠭᠠ᠂ ᠭᠦᠭᠰᠢᠨ ᠡᠴᠡᠩᠭᠡᠢ ᠲᠤᠷᠠᠩᠬᠠᠢ ᠮᠠᠯ᠂ | ᠲᠦᠯ ᠮᠠᠯ ᠶᠢᠰᠤᠨ ᠶᠢᠰᠤᠨ ᠤ ᠭᠦᠢᠲᠡᠨ ᠠᠶᠤᠯ ᠢᠶᠠᠷ ᠮᠡᠨᠳᠣ ᠭᠠᠷᠴᠤ ᠴᠢᠳᠠᠬᠤ ᠲᠤᠯᠠᠭᠠᠨ ᠰᠢᠭ ᠭᠠᠵᠠᠷ ᠢᠶᠠᠷ | ᠡᠪᠤᠯᠵᠡᠩ ᠭᠡᠳᠡᠭ᠃ ᠠᠭᠤᠯᠠᠷᠬᠠᠭ ᠤᠷᠤᠨ ᠤ ᠬᠢᠨ ᠠᠭᠤᠯᠠ ᠶᠢᠨ ᠡᠭᠡᠪᠦᠷ ᠡᠩᠭᠡᠷ ᠪᠠ ᠠᠭᠤᠯᠠ ᠶᠢᠨ ᠬᠤᠷᠮᠤᠢ᠂ | ᠲᠡᠭᠡᠭᠰᠢ ᠪᠠᠨ ᠰᠢᠷᠢᠭ ᠡᠪᠡᠰᠤ ᠲᠠᠢ᠂ ᠪᠡᠯ ᠤᠷᠤᠭᠤ ᠪᠠᠨ ᠳᠡᠷᠡᠰᠤ ᠬᠠᠮᠠᠭᠤᠤᠯ ᠲᠠᠢ ᠭᠠᠵᠠᠷ ᠲᠤ ᠡᠪᠦᠯᠵᠡᠭᠰᠡᠨ | ᠪᠠᠶᠢᠳᠠᠭ᠃ ᠭᠠᠵᠠᠷ ᠤᠨ ᠪᠠᠶᠢᠴᠠ ᠪᠠᠷ ᠦᠵᠡᠪᠡᠯ ᠬᠠᠪᠤᠷᠵᠠᠩ ᠤᠨ ᠪᠠᠭᠤᠷᠢ ᠨᠢ᠂ ᠠᠭᠤᠯᠠᠷᠬᠠᠭ ᠤᠷᠤᠨ ᠤ ᠬᠢᠨ | ᠮᠦᠨ ᠬᠠᠪᠤᠷ ᠤᠨ ᠬᠠᠷᠠ ᠰᠠᠯᠭᠢ ᠠᠴᠠ ᠬᠠᠯᠬᠠᠯᠠᠵᠤ ᠴᠢᠳᠠᠬᠤᠶᠢᠴᠠ᠂ ᠬᠠᠪᠤᠷ ᠤᠨ ᠤᠯᠠᠭᠠᠨ ᠵᠤᠳ ᠠᠴᠠ | ᠰᠡᠷᠭᠡᠶᠢᠯᠡᠵᠤ ᠴᠢᠳᠠᠬᠤᠶᠢᠴᠠ ᠡᠭᠡᠪᠤᠷ ᠡᠪᠤᠯᠵᠡᠪᠡᠯ ᠴᠠᠶᠢᠳᠠᠮ ᠭᠦᠳᠡᠭᠡ ᠭᠠᠵᠠᠷ ᠤᠨ ᠬᠢᠨ ᠡᠪᠡᠰᠤ ᠪᠤᠲᠠ ᠰᠠᠬᠤᠯᠢᠭ | ᠬᠤᠶᠢᠲᠤ ᠵᠦᠭ ᠤᠨ ᠰᠠᠯᠭᠢ ᠰᠢᠭᠤᠷᠭᠠ ᠠᠴᠠ ᠮᠠᠯ ᠪᠠ ᠭᠡᠷ ᠢᠶᠠᠨ ᠬᠠᠮᠠᠭᠠᠯᠠᠵᠤ ᠴᠢᠳᠠᠬᠤ ᠭᠠᠵᠠᠷ ᠢᠶᠠᠷ ᠬᠠᠪᠤᠷᠵᠠᠩ | ᠢᠶᠠᠨ ᠭᠢᠳᠡᠭ᠃ ᠵᠤᠰᠠᠯᠠᠩ ᠤᠨ ᠪᠠᠭᠤᠷᠢ ᠨᠢ ᠠᠭᠤᠯᠠᠷᠬᠠᠭ ᠤᠷᠤᠨ ᠤ ᠬᠢᠨ ᠦᠨᠳᠦᠷᠯᠢᠭ ᠭᠠᠵᠠᠷ᠂ ᠭᠦ᠋ ᠭᠦᠪᠴᠢ | ᠶᠢᠨ ᠡᠭᠢᠨ ᠴᠡᠴᠡᠭ ᠨᠠᠪᠴᠢ ᠦᠩᠭᠡ ᠪᠤᠯᠢᠶᠠᠯᠳᠣᠨ ᠲᠡᠯᠭᠡᠷᠡᠭᠰᠡᠨ ᠰᠢᠷᠢᠭ ᠲᠠᠢ ᠤᠰᠤ ᠡᠪᠠᠰᠤ ᠲᠡᠭᠰᠢ ᠭᠠᠵᠠᠷ ᠲᠤ | ᠪᠠᠭᠤᠳᠠᠯᠯᠠᠵᠤ ᠵᠤᠰᠠᠳᠠᠭ ᠪᠠᠶᠢᠬᠤ ᠳᠤ ᠴᠠᠶᠢᠳᠠᠮ ᠭᠦᠳᠡᠭᠡ ᠭᠠᠵᠠᠷ ᠤᠨ ᠬᠢᠨ ᠮᠦᠨ ᠡᠪᠡᠰᠤ ᠤᠰᠤᠲᠠᠢ ᠰᠢᠷᠢᠭ ᠲᠠᠢ | ᠭᠦᠳᠡᠭᠡ ᠭᠠᠵᠠᠷ ᠪᠠᠭᠤᠳᠠᠯᠯᠠᠵᠤ ᠵᠤᠰᠠᠳᠠᠭ᠃ ᠨᠠᠮᠤᠷ ᠪᠤᠯᠤᠭᠰᠠᠭᠠᠷ ᠲᠤᠷᠤᠭᠰᠢ ᠨᠡᠭᠦᠳᠡᠯᠯᠵᠤ᠂ ᠠᠭᠤᠯᠠᠷᠬᠠᠭ ᠤᠷᠤᠨ | ᠤ ᠬᠢᠨ ᠨᠢ ᠵᠤᠰᠠᠯᠠᠩ ᠤᠨ ᠪᠠᠭᠤᠷᠢ ᠠᠴᠠ ᠪᠠᠨ ᠪᠠᠭᠠ ᠭᠠᠵᠠᠷ ᠤᠨ ᠪᠠᠶᠢᠴᠠ ᠲᠤᠤᠷᠠ᠂ ᠴᠠᠰᠤ ᠪᠠᠭᠤᠭᠰᠠᠨ ᠦᠶᠡ | ᠪᠠ ᠬᠤᠷᠠ ᠲᠠᠢ ᠴᠠᠭ ᠢ ᠪᠦᠷ ᠠᠮᠤᠷ ᠦᠩᠭᠡᠷᠡᠭᠡᠵᠤ ᠴᠢᠳᠠᠬᠤ ᠠᠭᠤᠯᠠ ᠲᠠᠪᠠ ᠳᠤ ᠨᠠᠮᠤᠷᠵᠠᠳᠠᠭ ᠪᠤᠯ ᠴᠠᠶᠢᠳᠠᠮ | ᠭᠦᠳᠡᠭᠡ ᠭᠠᠵᠠᠷ ᠤᠨ ᠬᠢᠨ ᠲᠡᠭᠡᠭᠰᠢ ᠨᠡᠭᠦᠳᠡᠯᠯᠡᠨ ᠠᠭᠤᠯᠠ ᠶᠢᠨ ᠪᠡᠯᠡ ᠬᠤᠷᠮᠤᠢ ᠪᠠᠷ ᠮᠠᠯ ᠤᠰᠤᠯᠠᠬᠤ ᠠᠵᠢᠯ ᠳᠤ | ᠶᠠᠭᠠᠷᠠᠵᠤ᠂ ᠪᠠᠰᠠ ᠵᠠᠷᠢᠮ ᠨᠢ ᠲᠠᠷᠢᠶᠠᠯᠠᠩ ᠤᠨ ᠠᠭᠢᠰ ᠲᠤ ᠦᠢᠷᠡ ᠰᠢᠭ ᠭᠠᠵᠠᠷ ᠤᠨ ᠪᠠᠶᠢᠴᠠ ᠰᠡᠶᠢᠷᠢᠭ ᠰᠡᠷᠢᠭᠦᠨ | ᠰᠢᠭ ᠪᠤᠳᠠ ᠪᠤᠷᠭᠠᠰᠤ ᠪᠠᠭᠠ ᠲᠠᠢ ᠭᠠᠵᠠᠷ ᠢᠶᠠᠷ ᠵᠤᠰᠠᠯᠠᠩ ᠢᠶᠠᠨ ᠪᠤᠯᠭᠠᠭᠰᠠᠨ ᠪᠠᠶᠢᠳᠠᠭ᠃ | | | ᠪᠡᠯᠡᠳᠬᠡᠭᠰᠡᠨ ᠨᠢ᠄ ᠡᠷᠳᠡᠨᠢᠬᠦᠦ | ᠨᠠᠶᠢᠷᠠᠭᠤᠯᠤᠭᠰᠠᠨ ᠨᠢ᠄ ᠨᠠᠮᠤᠷ | ᠬᠢᠨᠠᠭᠰᠠᠨ ᠨᠢ᠄ ᠤᠷᠢᠬᠠᠨ |