| | ᠲᠤᠷᠭᠤᠳ ᠨᠢ1630 ᠤᠨ ᠳᠤ ᠲᠠᠷᠪᠠᠭᠠᠳᠠᠢ ᠪᠠ ᠡᠷᠴᠢᠰ ᠭᠤᠤᠯ ᠤᠨ ᠳᠤᠮᠳᠠᠳᠤ ᠤᠷᠤᠰᠬᠠᠯ ᠤᠨ ᠪᠠᠷᠠᠭᠤᠨᠳᠠᠬᠢ | ᠪᠡᠯᠴᠢᠭᠡᠷ ᠨᠤᠳᠤᠭ ᠠᠴᠠ ᠪᠠᠨ ᠰᠠᠯᠵᠤ ᠪᠠᠷᠠᠭᠤᠨᠰᠢ ᠪᠠᠨ ᠨᠡᠭᠦᠳᠡᠯᠯᠡᠵᠦ᠂ ᠬᠠᠰᠠᠭ ᠤᠨ ᠲᠠᠯᠠ ᠶᠢ ᠦᠩᠭᠡᠷᠡᠵᠦ ᠢᠵᠢᠯ | ᠮᠦᠷᠡᠨ ᠤ ᠲᠤᠤᠷᠠᠳᠤ ᠤᠷᠤᠰᠬᠠᠯ ᠬᠠᠪᠢ ᠶᠢᠨ ᠲᠠᠯᠠ ᠳᠤ ᠬᠦᠷᠴᠦ ᠤᠴᠢᠨ ᠨᠤᠳᠤᠭᠯᠠᠭᠰᠠᠨ ᠪᠠᠶᠢᠳᠠᠭ᠃ | ᠲᠤᠷᠭᠤᠳ ᠨᠢ ᠢᠵᠢᠯ ᠮᠦᠷᠡᠨ ᠳᠤ ᠬᠦᠷᠦᠭᠰᠡᠨ ᠤ ᠲᠠᠷᠠᠭᠠ᠂ ᠦᠷᠦᠨᠡᠰᠢ ᠪᠠᠨ ᠳ᠋ᠤᠨ ᠮᠦᠷᠡᠨ᠂ ᠲᠤᠷᠤᠨᠠᠰᠢ ᠪᠠᠨ | ᠦᠷᠡᠯ ᠭᠤᠤᠯ᠂ ᠪᠠᠷᠠᠭᠤᠨ ᠬᠤᠶᠢᠰᠢ ᠪᠠᠨ ᠰᠠᠷᠠᠳᠤᠹ᠂ ᠡᠮᠦᠨᠡᠰᠢ ᠪᠠᠨ ᠳᠤᠳᠤᠭᠠᠳᠤ ᠲᠠᠩᠬᠢᠰ ᠬᠦᠷᠬᠦ ᠠᠭᠤᠳᠠᠮ ᠵᠠᠢ | ᠳᠤ ᠮᠠᠯᠵᠢᠨ ᠠᠮᠢᠳᠤᠷᠠᠵᠤ᠂ ᠡᠮᠦᠨᠡ᠂ ᠬᠤᠶᠢᠨᠠ ᠲᠠᠯᠠ ᠳᠤᠨᠢ ᠲᠤᠰᠪᠦᠷᠢ ᠬᠠᠰᠠᠭ ᠪᠠ ᠤᠷᠤᠰ ᠪᠠᠶᠢᠵᠠᠢ᠃ ᠲᠡᠳᠡ | ᠨᠠᠷ ᠨᠢ ᠲᠡᠨᠳᠡ ᠪᠠᠶᠢᠬᠤ ᠳᠠᠭᠠᠨ ᠬᠠᠭᠤᠴᠢᠨ ᠵᠠᠩ ᠠᠭᠠᠯᠢ᠂ ᠠᠮᠦᠳᠤᠷᠠᠯ ᠤᠨ ᠬᠡᠪᠰᠢᠯ ᠢᠶᠠᠨ ᠪᠠᠷᠢᠮᠳᠠᠯᠠᠨ᠂ ᠬᠤ | ᠦᠷᠯᠦᠭ ᠠᠴᠠ ᠤᠪᠰᠢ ᠬᠦᠷᠳᠡᠯᠡ ᠨᠡᠶᠢᠳᠡ ᠨᠠᠢᠮᠠᠨ ᠠᠬᠠᠯᠠᠭᠴᠢ ᠶᠢᠨ ᠤᠳᠤᠷᠢᠳᠤᠯᠭᠠ ᠲᠠᠢ ᠪᠠᠶᠢᠭᠰᠠᠨ ᠪᠦᠭᠡᠳ | ᠠᠶᠤᠰᠢ ︵1672 —1724︶ ᠶᠢᠨ ᠦᠶᠡ ᠠᠴᠠ ᠬᠠᠨ ᠴᠤᠯᠠ ᠲᠠᠢ ᠪᠤᠯᠤᠭᠰᠠᠨ ᠪᠠᠶᠢᠳᠠᠭ᠃ ᠲᠡᠳᠡ ᠪᠠᠰᠠ | ᠬᠠᠭᠤᠴᠢᠨ ᠨᠤᠳᠤᠭ ᠲᠤᠨᠢ ᠪᠠᠶᠢᠭᠰᠠᠨ ᠤᠶᠢᠷᠠᠳ ᠤᠨ ᠪᠤᠰᠤᠳ ᠠᠶᠢᠮᠠᠭ ᠲᠠᠢ ᠦᠷᠭᠦᠯᠵᠢ ᠶᠢᠨ ᠬᠠᠷᠢᠴᠠᠭᠠ ᠲᠠᠢ | ᠪᠦᠭᠡᠳ ᠲᠦᠪᠡᠳ ᠪᠤᠷᠬᠠᠨ ᠱᠠᠰᠢᠨ ᠢ ᠰᠢᠳᠦᠳᠡᠭ ᠲᠤᠯᠠ ᠲᠠᠯᠠᠢ ᠯᠠᠮᠠ ᠶᠢ ᠴᠦ ᠮᠠᠰᠢ ᠬᠦᠨᠳᠦᠳᠬᠡᠳᠡᠭ ᠪᠠᠶᠢᠵᠠᠢ᠃ | 1741 ᠤᠨ ᠳᠤ ᠲᠤᠨᠳᠤᠪᠷᠠᠰᠢ ᠬᠠᠨ ᠨᠠᠰᠤ ᠨᠦᠭᠴᠢᠵᠦ᠂ 17 ᠨᠠᠰᠤ ᠲᠠᠢ ᠬᠦᠪᠡᠭᠦᠨ ᠤᠪᠰᠢ ᠨᠢ ᠬᠠᠨ ᠪᠤᠯᠬᠤ | ᠦᠶᠡᠰ᠂ ᠢᠵᠢᠯ ᠮᠦᠷᠡᠨ ᠬᠠᠪᠢ ᠳᠤ ᠦᠺᠷᠠᠶᠢᠨ᠂ ᠤᠷᠤᠰ᠂ ᠭᠧᠷᠮᠠᠨ ᠬᠦᠮᠦᠨ ᠨᠠᠭᠦᠨ ᠢᠷᠡᠭᠰᠡᠨ ᠠᠴᠠ ᠲᠤᠷᠭᠤᠳ | ᠤᠨ ᠨᠤᠳᠤᠭ ᠨᠢ ᠢᠪᠴᠤᠤᠷᠠᠨ ᠰᠢᠬᠠᠭᠳᠠᠭᠰᠠᠨ ᠪᠠᠶᠢᠳᠠᠯ ᠭᠠᠷᠴᠠᠢ᠃ ᠲᠡᠷᠡ ᠪᠠᠶᠢᠳᠠᠯ ᠢ ᠡᠰᠡ ᠮᠡᠳᠡᠭᠴᠢ ᠤᠷᠤᠰ | ᠬᠠᠭᠠᠨ ᠶᠧᠺᠧᠲ᠋ᠧᠷᠢᠨᠠ ᠬᠤᠶᠠᠳᠤᠭᠠᠷ ᠨᠢ ᠲᠤᠷᠭᠤᠳ ᠤᠨ ᠡᠰᠡᠷᠭᠦᠴᠡᠯ ᠢ ᠬᠠᠶᠢᠬᠤᠷᠤᠯ ᠦᠭᠡᠢ ᠮᠦᠨ ᠲᠠᠷᠤᠯᠠᠯ ᠢᠶᠠᠨ | ᠦᠷᠬᠦᠯᠵᠢᠯᠡᠭᠦᠯᠵᠦ᠂ ᠨᠡᠩ ᠤᠯᠠᠨ ᠴᠡᠷᠢᠭ ᠲᠤᠮᠢᠯᠠᠨ ᠲᠡᠳᠡᠨ ᠢ ᠤᠰᠮᠠᠨ ᠲᠦᠷᠺ ᠯᠦᠭᠡ ᠶᠢᠨ ᠲᠠᠶᠢᠨ ᠳᠤ | ᠮᠤᠷᠳᠠᠭᠤᠯᠬᠤ ᠬᠡᠮᠡᠨ ᠰᠢᠬᠠᠮᠳᠠᠭᠤᠯᠤᠭᠰᠠᠨ ᠪᠠᠶᠢᠨᠠ᠃ | 1770 ᠤᠨ ᠤ ᠨᠠᠮᠤᠷ᠂ ᠤᠪᠰᠢ ᠨᠢ ᠴᠡᠷᠢᠭ ᠢᠶᠠᠨ ᠲᠠᠭᠠᠭᠤᠯᠤᠨ ᠤᠷᠤᠰ ᠲᠦᠷᠺ ᠤᠨ ᠲᠠᠶᠢᠨ ᠠᠴᠠ ᠪᠤᠴᠠᠭᠰᠠᠨ | ᠬᠤᠶᠢᠨᠠ᠂ ᠲᠡᠭᠦᠨ ᠤ ᠦᠶᠡᠯᠢᠳ ᠬᠦᠪᠡᠭᠦᠨ ᠴᠡᠪᠡᠭᠳᠤᠷᠵᠢ ᠲᠠᠢ ᠵᠦᠪᠳᠡᠨ ᠤᠷᠤᠰ ᠤᠨ ᠪᠤᠭᠤᠯᠴᠢᠯᠠᠯ ᠠᠴᠠ | ᠮᠤᠯᠳᠤᠷᠠᠵᠤ᠂ ᠢᠯᠢ ᠳᠠᠬᠢ ᠬᠠᠭᠤᠴᠢᠨ ᠨᠤᠳᠤᠭ ᠲᠠᠭᠠᠨ ᠪᠤᠴᠠᠬᠤ ᠪᠠᠷ ᠪᠤᠯᠵᠠᠢ᠃ ᠡᠨᠡ ᠦᠶᠡ ᠳᠤ ᠴᠢᠩ ᠤᠯᠤᠰ | ᠨᠢ ᠵᠠᠭᠦᠨᠭᠠᠷ ᠢ ᠲᠦᠪᠰᠢᠳᠭᠡᠨ᠂ ᠲᠤᠷᠭᠤᠳ ᠲᠠᠶᠢᠵᠢ ᠰᠡᠷᠡᠩ ᠨᠢ ᠠᠶᠢᠮᠠᠭ ᠤᠯᠠᠨ ᠢᠶᠠᠨ ᠲᠠᠭᠠᠭᠤᠯᠤᠨ ᠢᠵᠢᠯ ᠳᠤ | ᠲᠤᠳᠠᠭᠠᠨ ᠢᠷᠡᠭᠰᠡᠨ ᠪᠠᠶᠢᠨᠠ᠃ ᠲᠠᠳᠡᠨ ᠠᠴᠠ ᠵᠡᠭᠦᠨᠭᠠᠷ ᠤᠯᠤᠰ ᠤᠨ ᠬᠢᠳᠤᠭᠳᠠᠭᠰᠠᠨ ᠠᠴᠠ ᠪᠤᠯᠵᠤ ᠢᠯᠢ ᠨᠢ | ᠡᠵᠡᠭᠦᠢ ᠤᠷᠤᠨᠪᠤᠯᠤᠭᠰᠠᠨ ᠢ ᠰᠤᠨᠤᠰᠤᠭᠠᠳ ᠤᠪᠰᠢ ᠨᠠᠷ ᠨᠢ ᠨᠡᠩ ᠴᠦ ᠲᠤᠷᠤᠨᠠᠰᠢ ᠪᠤᠴᠠᠬᠤ ᠪᠠᠷ ᠰᠢᠭᠤᠳᠤᠭᠰᠠᠨ | ᠪᠢᠯᠡ᠃ ᠤᠪᠰᠢ᠂ ᠴᠡᠪᠡᠭᠳᠤᠷᠵᠢ᠂ ᠪᠠᠮᠪᠠᠷ᠂ ᠰᠡᠷᠡᠩ᠂ ᠲᠠᠰᠢᠳᠤᠨᠳᠤᠭ ᠪᠠ ᠯᠠᠮᠠ ᠯᠤᠪᠰᠠᠩᠳᠠᠨᠽᠠᠨ ᠨᠠᠷ ᠨᠢ | ᠨᠢᠭᠤᠴᠠ ᠵᠦᠪᠯᠡᠯᠭᠡᠨ ᠬᠢᠵᠦ ᠶᠡᠭᠡ ᠨᠡᠭᠦᠳᠡᠯ ᠢ ᠲᠤᠬᠢᠷᠠᠭᠤᠯᠤᠭᠰᠠᠨ ᠪᠠᠶᠢᠳᠠᠭ᠃ | 1771 ᠤᠨ ᠤ1 ᠳ᠋ᠤᠭᠡᠷ ᠰᠠᠷᠠ ᠶᠢᠨ5 ᠤ ᠡᠳᠦᠷ᠂ ᠤᠪᠰᠢ ᠶᠢᠨ ᠤᠳᠤᠷᠢᠳᠤᠯᠭᠠ ᠲᠤᠤᠷᠠ ᠢᠵᠢᠯ ᠮᠦᠷᠡᠨ ᠤ | ᠵᠡᠭᠦᠨ ᠬᠦᠪᠡᠭᠡᠨ ᠳᠤ ᠪᠠᠶᠢᠭᠰᠠᠨ ᠲᠤᠷᠭᠤᠳ ᠢᠶᠠᠷ ᠭᠤᠤᠯᠯᠠᠭᠰᠠᠨ ᠤᠶᠢᠷᠠᠳ ᠮᠤᠩᠭᠤᠯ ᠤᠨ33000 ᠢᠯᠡᠭᠦᠤ | ᠡᠷᠦᠬᠡ᠂ 169000 ᠢᠯᠡᠭᠦᠤ ᠬᠦᠮᠦᠨ ᠨᠢ ᠲᠤᠷᠤᠨᠠᠰᠢ ᠪᠤᠴᠠᠬᠤ ᠵᠠᠮ ᠳᠤ ᠮᠤᠷᠳᠠᠨ ᠭᠠᠷᠴᠠᠢ᠃ ᠶᠡᠭᠡ ᠪᠠᠭᠠ᠂ | ᠡᠷᠡ ᠡᠮᠡ᠂ ᠠᠷᠪᠠᠨ ᠬᠡᠳᠦᠨ ᠲᠦᠮᠡᠨ ᠬᠦᠮᠦᠨ ᠮᠠᠯ ᠤᠨᠤᠭᠠ᠂ ᠬᠦᠰᠭᠡ ᠲᠡᠷᠭᠡ ᠲᠠᠢ ᠬᠦᠳᠡᠯᠵᠦ᠂ ᠲᠡᠯᠡᠬᠡᠢ ᠶᠢᠨ | ᠲᠡᠤᠬᠡᠨ ᠲᠡᠭᠡᠷᠡᠬᠢ ᠬᠠᠮᠤᠭ ᠡᠴᠦᠰ ᠤᠨ ᠶᠡᠭᠡ ᠨᠡᠭᠦᠳᠡᠯ ᠢᠶᠠᠨ ᠡᠬᠢᠯᠡᠭᠦᠯᠦᠭᠰᠡᠨ ᠶᠤᠮ᠃ ᠮᠦᠷᠡᠨ ᠤ ᠪᠠᠷᠠᠭᠤᠨ ᠳᠤ | ᠪᠠᠶᠢᠭᠰᠠᠨ 1 ᠲᠦᠮᠡ3᠂ 4 ᠮᠢᠩᠭᠠᠨ ᠤᠶᠢᠷᠠᠳ ᠬᠦᠮᠦᠨ ᠨᠢ ᠲᠡᠳᠡᠨ ᠲᠠᠢ ᠬᠠᠮᠳᠤ ᠲᠤᠷᠤᠨᠠᠰᠢ ᠪᠤᠴᠠᠭᠰᠠᠨ ᠦᠭᠡᠢ | ᠲᠡᠨᠳᠡ ᠪᠠᠨ ᠬᠤᠴᠤᠷᠠᠭᠰᠠᠨ ᠶᠤᠮ᠂ ᠲᠡᠳᠡ ᠨᠠᠷ ᠪᠤᠯ ᠤᠳᠤ ᠶᠢᠨ ᠤᠷᠤᠰ ᠤᠨ ᠬᠤᠯᠪᠤᠭᠠᠨ ᠤ ᠪᠦᠭᠦᠳᠡ | ᠨᠠᠶᠢᠷᠠᠮᠳᠠᠬᠤ ᠬᠠᠯᠢᠮᠠᠭ ᠤᠯᠤᠰ ᠲᠠᠬᠢ ᠮᠤᠩᠭᠤᠯᠴᠤᠳ ᠤᠨ ᠲᠡᠭᠡᠳᠦᠰ ᠮᠦᠨ ︵ᠤᠶᠢᠷᠠᠳ ᠢ ᠤᠷᠤᠰ ᠤᠳ ᠬᠠᠯᠢᠮᠠᠭ | ᠭᠡᠳᠡᠭ᠃ | ᠬᠠᠯᠢᠮᠠᠭ ᠭᠡᠰᠡᠨ ᠦᠭᠡ ᠨᠢ ︽ᠦᠯᠡᠳᠡᠭᠰᠡᠨ︾᠂ ︽ᠬᠤᠴᠤᠷᠤᠭᠰᠠᠨ︾ ᠭᠡᠰᠡᠨ ᠤᠳᠬᠠ ᠲᠠᠢ ᠲᠦᠷᠬᠦᠳ ᠭᠠᠷᠤᠯ | ᠲᠠᠢ ᠦᠭᠡ ᠭᠡᠨᠡ︶᠃ | ᠤᠷᠤᠰ ᠨᠢ ᠲᠤᠷᠭᠤᠳᠴᠤᠳ ᠤᠨ ᠲᠤᠷᠤᠨᠠᠰᠢ ᠮᠤᠷᠳᠠᠭᠰᠠᠨ ᠢ ᠰᠤᠨᠤᠰᠤᠮᠠᠭᠴᠠ ᠢᠵᠢᠯ ᠤᠨ ᠪᠠᠷᠠᠭᠤᠨ ᠡᠷᠭᠢ ᠳᠤ | ᠪᠠᠶᠢᠭᠰᠠᠨ ᠮᠤᠩᠭᠤᠯᠴᠤᠳ ᠲᠤ ᠴᠢᠩᠭᠠ ᠬᠠᠮᠢᠶᠠᠷᠤᠯᠳᠠ ᠶᠠᠪᠤᠭᠤᠯᠤᠭᠰᠠᠨ ᠪᠦᠭᠡᠳ ᠬᠠᠰᠠᠭ ᠴᠡᠷᠢᠭ ᠲᠤᠮᠢᠯᠠᠨ | ᠲᠤᠷᠤᠨᠠᠰᠢ ᠪᠤᠴᠠᠭᠰᠠᠨ ᠲᠤᠷᠭᠤᠳ ᠤᠨ ᠬᠤᠶᠢᠨᠠ ᠠᠴᠠ ᠨᠢ ᠨᠡᠬᠡᠭᠦᠯᠦᠨ᠂ ᠡᠯᠴᠢ ᠲᠤᠮᠢᠯᠠᠵᠤ ᠬᠠᠰᠠᠭ ᠪᠠ ᠪᠠᠱᠭᠢᠷ | ᠵᠡᠷᠭᠡ ᠤᠭᠰᠠᠭᠠ ᠶᠠᠰᠤᠳᠠᠨ ᠳᠤ ᠴᠢᠮᠡᠭᠡ ᠦᠭᠴᠦ᠂ ᠲᠤᠷᠭᠤᠳ ᠤᠨ ᠤᠴᠢᠬᠤ ᠵᠠᠮ ᠢ ᠬᠠᠰᠢᠭᠳᠤᠨ ᠭᠡᠵᠦ | ᠱᠠᠭᠠᠷᠳᠠᠭᠰᠠᠨ ᠪᠠᠶᠢᠨᠠ᠃ ᠲᠤᠷᠭᠤᠳ ᠨᠢ ᠨᠢᠭᠡᠨᠳᠡ ᠬᠦᠯᠳᠡᠭᠰᠡᠨ ᠦᠷᠡᠯ ᠭᠤᠤᠯ ᠲᠡᠭᠡᠭᠦᠷ ᠦᠩᠭᠡᠷᠡᠵᠦ᠂ ᠢᠰᠢᠮᠦ | ᠭᠤᠤᠯ ᠬᠠᠪᠢ ᠳᠠᠬᠢ ᠤᠴᠢᠨ ᠨᠡᠷᠡᠳᠦ ᠬᠠᠪᠴᠢᠯ ᠬᠦᠷᠦᠭᠡᠳ ᠬᠠᠰᠠᠭ ᠤᠳ ᠤᠨ ᠲᠠᠭᠠᠷᠢᠯᠳᠠ ᠳᠤ ᠤᠴᠠᠷᠠᠵᠠᠢ᠃ | ᠤᠪᠰᠢ ᠨᠢ ᠲᠡᠮᠡᠭᠡᠳᠦ ᠴᠡᠷᠢᠭ ᠢᠶᠠᠷ ᠲᠡᠷᠡ ᠲᠠᠶᠢᠰᠤᠨ ᠢ ᠢᠯᠠᠵᠤ᠂ ᠤᠯᠠᠨ ᠢᠶᠠᠨ ᠲᠠᠭᠠᠭᠤᠯᠤᠨ ᠬᠠᠰᠠᠭ ᠤᠨ ᠲᠠᠯᠠ | ᠳᠤ ᠨᠡᠪᠳᠡᠷᠡᠨ ᠤᠷᠤᠵᠠᠢ᠃ ᠬᠠᠪᠤᠷ ᠤᠨ ᠡᠬᠢᠨ ᠤ ᠴᠠᠭ ᠲᠠᠭᠠᠷᠠᠭᠰᠠᠨ ᠲᠤᠯᠠ ᠮᠠᠯ ᠤᠨᠤᠭᠠ ᠨᠢ ᠤᠯᠠᠨ | ᠬᠤᠷᠤᠭᠳᠠᠭᠰᠠᠨ ᠪᠦᠭᠡᠳ ᠡᠪᠡᠳᠴᠢᠨ ᠬᠢᠵᠢᠭ ᠲᠤ ᠲᠠᠭᠠᠷᠢᠭᠳᠠᠵᠤ᠂ ᠬᠦᠮᠦᠨ ᠪᠦᠯᠢ ᠨᠢ ᠴᠦ ᠶᠡᠬᠡᠬᠡᠨᠬᠠᠰᠤᠭᠳᠠᠵᠤ | ᠪᠠᠶᠢᠯᠠ᠃ ᠲᠤᠷᠭᠤᠳ ᠨᠢ ᠲᠤᠯᠤᠭᠠᠢ ᠭᠤᠤᠯ ᠬᠦᠷᠬᠦ ᠳᠤ ᠬᠠᠰᠠᠭ ᠪᠠ ᠪᠠᠱᠭᠢᠷ ᠬᠦᠮᠦᠨ ᠮᠦᠨ ᠬᠤᠶᠢᠨᠠ ᠠᠴᠠ ᠨᠢ | ᠨᠡᠬᠡᠮᠵᠢᠯᠡᠨ ᠢᠷᠡᠭᠰᠡᠨ ᠲᠤᠯᠠ ᠪᠠᠰᠠ ᠲᠡᠳᠡᠨ ᠲᠠᠢ ᠪᠠᠶᠢᠯᠳᠤᠨ ᠶᠠᠪᠤᠵᠤ ᠪᠠᠶᠢᠪᠠ᠃ ᠤᠪᠰᠢ ᠨᠢ ᠬᠠᠰᠠᠭ ᠤᠨ | ᠲᠠᠭᠠᠷᠢᠯᠳᠠ ᠠᠴᠠ ᠵᠠᠶᠢᠯᠠᠰᠬᠢᠬᠦ ᠶᠢᠨ ᠲᠤᠯᠠᠳᠠ ᠪᠠᠯᠬᠠᠱ ᠨᠠᠭᠤᠷ ᠤᠨ ᠡᠮᠦᠨᠡᠭᠦᠷ ᠲᠤᠭᠤᠷᠢᠵᠤ᠂ ᠴᠦᠢ ᠭᠤᠤᠯ᠂ | ᠲᠠᠯᠠᠰ ᠭᠤᠤᠯ ᠢ ᠲᠠᠭᠠᠨ ᠦᠨᠤᠳᠦᠷ ᠤᠨ ᠰᠢᠨᠵᠢᠶᠠᠩ ᠤᠨ ᠲᠠᠴᠧᠩ ᠪᠠ ᠶᠢᠤᠢ ᠮᠧᠨ ᠤ ᠬᠤᠭᠤᠷᠤᠨᠳᠡᠬᠢ ᠰᠢᠷᠠᠪᠠᠯ | ᠳᠤ ᠬᠦᠷᠴᠦ᠂ 1771 ᠤᠨ ᠤ 6 ᠰᠠᠷᠠ ᠳᠤ ᠢᠯᠢ ᠭᠤᠤᠯ ᠤᠨ ᠬᠦᠪᠡᠭᠡᠨ ᠳᠤ ᠬᠦᠷᠴᠦ ᠢᠷᠡᠪᠡ᠃ ᠤᠪᠰᠢ ᠨᠢ | ᠲᠡᠭᠦᠨ ᠠᠴᠠ ᠡᠮᠦᠨᠡ ᠨᠢᠭᠡᠨᠳᠡ ᠴᠢᠩ ᠤᠯᠤᠰ ᠲᠤ ᠪᠢᠴᠢᠭ ᠶᠠᠪᠤᠭᠤᠯᠤᠭᠰᠠᠨ ᠲᠤᠯᠠ ᠴᠢᠩ ᠲᠦᠷᠦ ᠨᠢ ᠬᠤᠷᠴᠢᠨ | ᠡᠹᠦ᠋ ᠰᠠᠪᠳᠠᠨᠪᠠᠯᠵᠤᠤᠷ ᠢ ᠲᠤᠮᠢᠯᠠᠵᠤ ᠤᠪᠰᠢ ᠨᠠᠷ ᠢ ᠤᠭᠳᠤᠭᠤᠯᠤᠭᠰᠠᠨ ᠪᠠᠶᠢᠨᠠ᠃ ᠦᠯᠦᠰᠬᠦᠯᠡᠩ ᠨᠢᠴᠦᠭᠦᠨ | ᠪᠤᠯᠤᠭᠰᠠᠨ ᠲᠤᠷᠭᠤᠳ ᠨᠢ ᠴᠦ ᠢᠯᠢ ᠶᠢ ᠲᠠᠭᠠᠷᠢᠨ ᠡᠵᠡᠯᠡᠬᠦ ᠭᠡᠰᠡᠨ ᠤᠤᠯ ᠲᠦᠯᠦᠪᠯᠡᠭᠡ ᠪᠠᠨ ᠤᠷᠬᠢᠵᠤ ᠴᠢᠩ ᠳᠤ | ᠲᠠᠭᠠᠬᠤ ᠪᠠᠷ ᠪᠤᠯᠤᠭᠰᠠᠨ ᠪᠢᠯᠠ᠃ | ᠲᠤᠷᠭᠤᠳᠴᠤᠳ ᠨᠢ ᠢᠯᠢ ᠳᠤ ᠬᠦᠷᠴᠦ ᠢᠷᠡᠬᠦ ᠳᠤ ᠲᠦᠮᠡ ᠢᠯᠡᠭᠦᠤ ᠡᠷᠦᠬᠡ᠂ 4 ᠲᠦᠮᠡ ᠢᠯᠡᠭᠦᠤ ᠬᠦᠮᠦᠨ | ᠪᠦᠯᠢ ᠯᠠ ᠦᠯᠡᠳᠡᠭᠰᠡᠨ ᠭᠡᠳᠡᠭ᠃ | ᠲᠡᠷᠡ ᠤᠳᠠᠭᠠᠨ ᠤ ᠲᠡᠯᠡᠬᠡᠢ ᠶᠢᠨ ᠲᠡᠤᠬᠡᠨ ᠲᠡᠭᠡᠷᠡᠬᠢ ᠬᠠᠮᠤᠭ ᠡᠴᠦᠰ ᠤᠨ ᠶᠡᠭᠡ ᠨᠡᠭᠦᠳᠡᠯ ᠨᠢ ᠲᠤᠷᠭᠤᠳᠴᠤᠳ | ᠤᠨ ᠤᠯᠠᠩᠬᠢ ᠬᠦᠮᠦᠨ ᠮᠠᠯ ᠢ ᠰᠤᠶᠢᠳᠦᠭᠦᠯᠦᠭᠰᠡᠨ ᠪᠢᠯᠠ᠃ | ︽ᠮᠠᠨᠵᠤ ᠶᠢᠨ ᠨᠤᠶᠠᠯᠠᠯ ᠲᠤᠤᠷᠠᠬᠢ ᠮᠤᠩᠭᠤᠯᠴᠤᠳ︾ ᠭᠡᠬᠦ ᠨᠤᠮ ᠠᠴᠠ ᠬᠡᠰᠡᠭᠯᠡᠨ ᠪᠠᠭᠤᠯᠭᠠᠪᠠ | | | ᠪᠡᠯᠡᠳᠬᠡᠭᠰᠡᠨ ᠨᠢ᠄ ᠡᠷᠳᠡᠨᠢᠬᠦᠦ | ᠨᠠᠶᠢᠷᠠᠭᠤᠯᠤᠭᠰᠠᠨ ᠨᠢ᠄ ᠨᠠᠮᠤᠷ | ᠬᠢᠨᠠᠭᠰᠠᠨ ᠨᠢ᠄ ᠤᠷᠢᠬᠠᠨ | | |