| ᠠᠷᠪᠠᠨ ᠨᠠᠢᠮᠠᠳᠣᠭᠠᠷ ᠪᠦᠯᠦᠭ | | ᠾᠢᠵᠢᠷ ᠲᠣᠭᠠᠯᠠᠯ ᠤᠨ 776 ᠣᠨ ︵1375 ᠣᠨ︶ ᠤ ᠱᠠᠪᠠᠨ ᠰᠠᠷᠠ ᠶᠢᠨ ᠰᠢᠨᠠ ᠶᠢᠨ ᠨᠢᠭᠡᠨ᠂ ᠭᠠᠷᠠᠭ | ᠤᠨ ᠲᠦᠷᠪᠡᠨ ᠳᠤ ᠡᠮᠢᠷ ᠲᠡᠮᠦᠷ ᠨᠢᠭᠡᠨ ᠰᠠᠯᠠᠭᠠ ᠴᠡᠷᠢᠭ ᠮᠣᠷᠢ ᠵᠣᠬᠢᠶᠠᠨ ᠪᠠᠶᠢᠭᠤᠯᠵᠣ᠂ ᠴᠠᠭᠠᠳᠠᠢ ᠶᠢᠨ ᠣᠯᠣᠰ | ᠲᠠᠷᠣᠢ ᠮᠣᠩᠭᠤᠯᠰᠲ᠋ᠠᠨ ᠢ ᠲᠣᠪᠳᠣᠯᠬᠤ ᠪᠠᠷ ᠮᠣᠷᠳᠠᠨ ᠭᠠᠷᠪᠠ᠃ ᠵᠠᠮ ᠳᠠᠭᠠᠨ ᠲᠡᠳᠡ ᠷᠠᠪᠠᠲ · ᠺᠠᠳᠠᠨ ᠭᠡᠳᠡᠭ | ᠭᠠᠵᠠᠷ ᠲᠤ ᠬᠦᠷᠢᠶᠡ ᠪᠠᠭᠤᠵᠠᠢ᠃ ᠲᠣᠬᠠᠢ ᠶᠢᠨ ᠦᠶᠡ ᠳᠤ ᠲᠡᠭᠷᠢ ᠭᠡᠨᠡᠳᠳᠡ ᠪᠠᠷ ᠬᠦᠢᠳᠡᠷᠡᠵᠦ ᠡᠭᠦᠯᠡᠳᠦᠨ | ᠵᠣᠳᠯᠠᠵᠣ ᠪᠣᠷᠣᠭᠠᠨ ᠴᠠᠰᠣ ᠰᠢᠭᠤᠷᠠᠭᠰᠠᠨ ᠢ ᠬᠡᠯᠡᠬᠦ ᠶᠢᠨ ᠠᠷᠭᠠ ᠦᠭᠡᠢ ᠪᠣᠯᠪᠠ᠃ ᠰᠢᠯᠦᠭ ᠲᠤ ᠦᠬᠦᠯᠡᠭᠰᠡᠨ ᠢᠶᠠᠷ | ᠄ ᠬᠡᠨ ᠬᠦᠮᠦᠨ ᠡᠶᠢᠮᠦ ᠶᠡᠭᠡ ᠵᠣᠳ ᠰᠢᠭᠤᠷᠭᠠᠨ ᠢ ᠦᠵᠡᠪᠡᠢ︖ | ᠬᠦᠮᠦᠨ ᠤ ᠶᠢᠷᠲᠢᠨᠴᠦ ᠶᠢ ᠬᠤᠷᠣᠮᠬᠠᠨ ᠵᠠᠭᠤᠷᠠ ᠲᠠᠷᠣᠵᠣ ᠬᠠᠶᠠᠯᠠ ᠭᠡᠵᠡᠢ᠃ | ᠴᠠᠰᠣ ᠵᠣᠳ ᠲᠤ ᠬᠦᠮᠦᠰ ᠭᠠᠷᠴᠣ ᠶᠠᠪᠣᠪᠠᠯ ᠡᠷᠬᠢᠵᠦ ᠢᠷᠡᠵᠦ ᠴᠢᠳᠠᠬᠤ ᠦᠭᠡᠢ ᠪᠣᠯᠵᠣ᠂ ᠬᠦᠯᠦᠭ ᠮᠣᠷᠢᠳ ᠢ | ᠬᠠᠷᠠᠵᠣ ᠠᠩᠬᠠᠷᠬᠤ ᠬᠦᠮᠦᠨ ᠦᠭᠡᠢ ᠪᠣᠯᠣᠭᠠᠳ ᠬᠦᠮᠦᠨ ᠮᠣᠷᠢᠨ ᠤ ᠰᠦᠢᠳᠦᠭᠰᠡᠨ ᠨᠢ ᠲᠣᠭᠠᠯᠠᠰᠢ ᠦᠭᠡᠢ ᠣᠯᠠᠨ | ᠪᠣᠯᠪᠠ᠃ ᠡᠮᠢᠷ ᠲᠡᠮᠦᠷ ᠡᠨᠡᠬᠦ ᠬᠠᠷᠠᠰᠠᠯᠳᠣ ᠪᠠᠶᠢᠳᠠᠯ ᠳᠤ ᠦᠷᠦᠪᠴᠢ ᠰᠡᠳᠬᠢᠯ ᠡᠭᠦᠰᠦᠨ ᠵᠠᠷᠯᠢᠭ ᠲᠠᠷᠬᠠᠭᠠᠨ | ᠰᠠᠮᠠᠷᠺᠠᠨᠳ᠋ ᠵᠦᠭ ᠢᠶᠠᠨ ᠴᠡᠷᠢᠭ ᠡᠷᠭᠢᠪᠡ᠃ ᠰᠠᠮᠠᠷᠺᠠᠨᠳ᠋ ᠬᠦᠷᠴᠦ ᠬᠤᠶᠠᠷ ᠰᠠᠷᠠ ᠠᠮᠠᠷᠠᠨ ᠴᠡᠭᠴᠡᠯᠡᠭᠡᠳ ᠬᠦᠢᠳᠡᠨ ᠤ | ᠭᠤᠣᠯ ᠦᠩᠭᠡᠷᠡᠬᠦ ᠶᠢ ᠬᠦᠯᠡᠶᠡᠯᠡ᠃ ᠲᠠᠣᠯᠠᠢ ᠵᠢᠯ ᠤᠨ ᠡᠬᠢᠨ ᠤ ᠱᠠᠸᠠᠯ ᠰᠠᠷᠠ ᠶᠢᠨ ᠰᠢᠨᠡ ᠶᠢᠨ ᠨᠢᠭᠡᠨ᠂ ᠭᠠᠷᠠᠭ | ᠤᠨ ᠨᠢᠭᠡᠨ ᠳᠤ ᠲᠠᠷᠡ ᠲᠠᠬᠢᠨ ᠮᠣᠩᠭᠤᠯᠰᠲ᠋ᠠᠨ ᠵᠦᠭ ᠴᠡᠷᠢᠭᠯᠡᠵᠡᠢ᠃ | ᠲᠡᠷᠡ ᠡᠮᠢᠷ ᠵᠠᠳᠠ · ᠵᠢᠬᠠᠨᠬᠢᠷ ᠢ ᠲᠣᠷᠰᠢᠭᠤᠯ ᠳᠤ ᠭᠠᠷᠭᠠᠨ᠂ ᠱᠠᠾ · ᠮᠠᠬᠠᠮᠠᠳ᠋ · ᠪᠠᠶᠠᠨ · ᠰᠦᠯᠳᠦᠰ ᠪᠣᠯᠣᠨ | ᠠᠳᠢᠯᠱᠠᠾ ᠲᠠᠢ ᠬᠠᠮᠳᠣ ᠶᠠᠪᠣᠭᠤᠯᠪᠠ᠃ ᠠᠳᠢᠯᠱᠠᠭᠾ ᠪᠣᠯ ᠪᠠᠾᠷᠠᠮ · ᠵᠠᠯᠠᠶᠢᠷ ᠤᠨ ᠬᠦᠪᠡᠭᠦᠨ ᠶᠣᠮ᠃ ᠪᠠᠾᠷᠠᠮ · | ᠵᠠᠯᠠᠶᠢᠷ ᠨᠠᠰᠣ ᠪᠠᠷᠠᠭᠠᠳ ᠡᠮᠢᠷ ᠲᠡᠮᠦᠷ ᠲᠡᠭᠦᠨ ᠤ ᠬᠦᠪᠡᠭᠦᠨ ᠢᠶᠠᠷ ᠵᠠᠯᠠᠶᠢᠷ ᠠᠶᠢᠮᠠᠭ ᠤᠨ ᠠᠬᠠᠯᠠᠭᠴᠢ ᠪᠣᠯᠭᠠᠪᠠ᠃ | ᠲᠡᠳᠡᠨᠡᠷ ᠰᠠᠶᠢᠷᠠᠮ ᠢ ᠦᠩᠭᠡᠷᠡᠭᠡᠳ ᠨᠢᠭᠡ ᠵᠠᠷᠣᠨ ᠭᠡᠳᠡᠭ ᠭᠠᠵᠠᠷ ᠬᠦᠷᠴᠦ᠂ ᠲᠡᠨᠳᠡ ᠠᠴᠠ ᠨᠢᠭᠡ ᠴᠠᠭᠠᠳᠠᠢ ᠶᠢᠨ | ᠴᠡᠷᠢᠭ ᠢ ᠣᠯᠵᠠᠯᠠᠨ ᠪᠠᠷᠢᠪᠴᠢᠯᠠᠪᠠ᠃ ᠲᠡᠭᠡᠭᠡᠳ ᠲᠡᠭᠦᠨ ᠢ , ᠮᠢᠷ ᠲᠡᠮᠦᠷ ᠤᠨ ᠡᠮᠦᠨᠡ ᠬᠦᠷᠭᠡᠵᠦ ᠢᠷᠡᠭᠡᠳ᠂ | ᠰᠢᠭᠦᠨ ᠠᠰᠠᠭᠤᠵᠣ᠂ ᠲᠣᠬᠤᠷᠠᠭᠤᠳ ᠠᠶᠢᠮᠠᠭ ᠤᠨ ᠬᠠᠮᠠᠷ ᠠᠳ᠋ᠳᠢᠨ ᠤ ᠬᠠᠮᠢᠭᠠ ᠪᠠᠶᠢᠭᠠ ᠰᠣᠷᠠᠭ ᠢ ᠣᠯᠪᠠ᠃ ᠡᠨᠡ | ᠦᠶᠡ ᠪᠠᠷ ᠬᠠᠮᠠᠷ ᠠᠳ᠋ᠳᠢᠨ ᠶᠠᠭ ᠰᠠᠶᠢᠬᠠᠨ ᠨᠢᠭᠡ ᠰᠠᠯᠠᠭᠠ ᠴᠡᠷᠢᠭ ᠴᠣᠭᠯᠠᠭᠤᠯᠣᠨ᠂ ᠬᠦᠬᠡ ᠲᠡᠪᠡᠭᠡ ① ᠭᠡᠳᠡᠭ | ᠭᠠᠵᠠᠷ ᠬᠠᠵᠢ · ᠪᠠᠬᠢ ᠶᠢ ᠬᠦᠯᠢᠶᠡᠵᠦ ᠪᠠᠶᠢᠭᠠ ᠠᠵᠠᠢ᠃ ᠲᠡᠷᠡ ᠲᠡᠮᠦᠷ ᠤᠨ ᠢᠷᠡᠭᠰᠡᠨ ᠴᠢᠮᠡᠭᠡ ᠶᠢ ᠬᠠᠷᠬᠠᠨ ᠣᠯᠵᠣ | ᠰᠣᠨᠣᠰᠣᠭᠠᠳᠣᠢ ᠪᠠᠶᠢᠪᠠ᠃ ᠲᠡᠭᠡᠭᠡᠳ ᠡᠮᠢᠷ ᠲᠡᠮᠦᠷ ᠬᠤᠰᠢᠭᠤᠴᠢ ᠴᠡᠷᠢᠭ ᠢᠶᠠᠨ ᠲᠦᠷᠭᠡᠨ ᠮᠣᠷᠳᠠᠭᠤᠯᠵᠣ᠂ | ᠦᠪᠡᠷᠳᠡᠭᠨ ᠬᠤᠶᠢᠨᠠ ᠠᠴᠠ ᠨᠢ ᠱᠠᠯᠠᠪᠳᠠᠨ ᠮᠣᠷᠳᠠᠪᠠ᠃ ᠬᠠᠮᠠᠷ ᠠᠳ᠋ᠳᠢᠨ ᠲᠡᠭᠦᠨ ᠤ ᠴᠢᠮᠡᠭᠡ ᠶᠢ ᠣᠯᠣᠮᠠᠭᠴᠠ ᠪᠠᠨ | ᠬᠦᠮᠦᠨ ᠮᠣᠷᠢ ᠪᠠᠨ ᠲᠠᠭᠠᠭᠤᠯᠣᠨ ᠨᠢᠭᠡ ᠰᠠᠬᠢᠬᠤ ᠬᠢᠯᠪᠡᠷ ᠲᠣᠪᠳᠣᠯᠬᠤ ᠳᠤ ᠪᠡᠷᠬᠡ ᠭᠠᠵᠠᠷ ᠣᠯᠵᠣ ᠣᠬᠤᠷᠢᠨ | ᠰᠠᠬᠢᠵᠠᠢ᠃ ᠡᠨᠡ ᠭᠠᠵᠠᠷ ᠢ ᠨᠢ ᠪᠢᠷᠬᠠ ᠬᠦᠷᠢᠶᠡᠨ ② ᠭᠡᠳᠡᠭ ᠶᠣᠮ᠃ ᠡᠨᠡ ᠭᠠᠵᠠᠷ ᠲᠤ ᠭᠤᠷᠪᠠᠨ ᠶᠡᠭᠡ ᠮᠠᠰᠢ | ᠭᠦᠨ ᠠᠭᠤᠯᠠᠨ ᠬᠦᠨᠳᠡᠢ ᠪᠠᠶᠢᠵᠣ᠂ ᠬᠦᠨᠳᠡᠢ ᠪᠦᠷᠢ ᠳᠤᠨᠢ ᠪᠦᠷ ᠨᠢᠭᠡᠨ ᠵᠣᠷᠪᠣᠰ ᠭᠤᠣᠯ ᠲᠠᠢ ᠠᠵᠠᠢ᠃ ᠬᠠᠮᠠᠷ | ᠠᠳ᠋ᠳᠢᠨ ᠲᠡᠭᠦᠨ ᠤ ᠬᠤᠶᠠᠷ ᠵᠣᠷᠪᠣᠰ ᠭᠤᠣᠯ ᠢ ᠭᠠᠳᠣᠯᠣᠨ ᠭᠠᠷᠴᠣ ᠭᠤᠷᠪᠠᠳᠠᠬᠢ ᠠᠭᠤᠯᠠᠨ ᠬᠦᠨᠳᠡᠢ ᠳᠤ ᠴᠡᠷᠢᠭ | ᠪᠠᠭᠤᠨ ᠰᠢᠪᠡᠭᠡ ᠪᠣᠰᠬᠠᠨ ᠬᠦᠷᠢᠶᠡᠯᠡᠨ ᠰᠠᠬᠢᠵᠠᠢ᠃ ᠬᠦᠨᠳᠡᠢ ᠳᠤ ᠣᠷᠣᠬᠤ ᠵᠠᠮ ᠪᠦᠬᠦᠨ ᠢ ᠪᠦᠷ ᠪᠦᠭᠯᠡᠨ | ᠬᠠᠯᠬᠠᠪᠴᠢ ᠪᠡᠯᠡᠳᠭᠡᠨ ᠰᠠᠬᠢᠵᠣ ᠰᠠᠭᠤᠪᠠ᠃ | ᠸᠠᠩ ᠬᠦᠪᠡᠭᠦᠨ ᠵᠢᠬᠠᠨᠬᠢᠷ ︵ᠲᠡᠮᠦᠷ ᠤᠨ ᠠᠬᠠᠮᠠᠳ ᠬᠦᠪᠡᠭᠦᠨ︶ ᠲᠡᠬᠦᠨ ᠤ ᠲᠠᠶᠢᠨ ᠳᠤ ᠰᠢᠯᠭᠠᠷᠠᠭᠰᠠᠨ | ᠭᠠᠷᠮᠠᠭᠠᠢ ᠲᠠᠶᠢᠴᠢᠳ ᠢᠶᠠᠨ ᠲᠠᠭᠠᠭᠤᠯᠣᠨ ᠭᠡᠩᠭᠡᠷᠬᠡ ᠪᠦᠷᠢᠶᠡ ᠶᠢᠨ ᠲᠠᠭᠤᠨ ᠤ ᠲᠣᠮᠳᠠᠭᠤᠷ ᠲᠠᠶᠢᠰᠣᠨ ᠤ ᠵᠦᠭ | ᠠᠯᠠᠨ ᠣᠷᠣᠯᠠ᠃ ᠬᠤᠮᠣᠷᠬᠠᠨ ᠵᠠᠭᠤᠷᠠ ᠮᠠᠨ ᠤ ᠴᠡᠷᠢᠭ ᠤᠨ ᠲᠦᠮᠡᠨ ᠵᠡᠪᠡ ᠵᠡᠷᠭᠡᠪᠡᠷ ᠨᠢᠰᠦᠯᠴᠡᠨ ᠲᠠᠶᠢᠰᠣᠨ ᠤ | ᠴᠡᠷᠢᠭ ᠢ ᠶᠡᠬᠡᠪᠡᠷ ᠠᠯᠠᠨ ᠣᠰᠠᠳᠬᠠᠯᠠ᠃ ᠲᠣᠯᠣᠯᠳᠣᠨ ᠠᠯᠠᠯᠴᠠᠭᠰᠠᠭᠠᠷ ᠬᠤᠶᠠᠷ ᠲᠠᠯᠠ ᠶᠢᠨ ᠴᠡᠷᠢᠭ ᠣᠶᠢᠷᠠᠳᠬᠤ | ᠶᠢᠨ ᠦᠶᠡ ᠪᠣᠯᠬᠤ ᠳᠤ ᠨᠢᠭᠡᠨᠳᠡ ᠲᠡᠭᠷᠢ ᠬᠠᠷᠠᠩᠭᠤᠢ ᠪᠣᠯᠵᠠᠢ᠃ ᠰᠦᠨᠢ ᠶᠢᠨ ᠭᠦᠨ ᠪᠣᠯᠣᠭᠠᠳ ᠲᠠᠶᠢᠰᠣᠨ ᠨᠤᠭᠤᠳ | ᠦᠪᠡᠷ ᠤᠨ ᠵᠢᠬᠰᠠᠭᠠᠯ ᠤᠨ ᠭᠠᠵᠠᠷ ᠠᠴᠠ ᠪᠠᠨ ᠰᠡᠮᠬᠡᠨ ᠣᠷᠭᠤᠨ ᠭᠠᠷᠴᠣ ᠲᠣᠳᠠᠭᠠᠨ ᠶᠠᠪᠣᠵᠠᠭᠠᠪᠠ᠃ ᠡᠶᠢᠮᠦ ᠠᠴᠠ | ᠲᠠᠷᠠᠭᠠ ᠡᠷᠳᠡ ᠨᠢ ᠲᠡᠭᠷᠢ ᠭᠡᠭᠡᠷᠡᠬᠦ ᠦᠶᠡ ᠳᠤ ᠮᠠᠨ ᠤ ᠴᠡᠷᠢᠭ ᠰᠠᠶ᠋ᠢ ᠴᠠᠭᠠᠳᠠᠢ ᠶᠢᠨ ᠴᠡᠷᠢᠭ — ᠮᠣᠩᠭᠤᠯᠰᠲ᠋ᠠᠨ ᠤ | ᠴᠡᠷᠢᠭ ᠤᠨ ᠬᠦᠷᠢᠶᠡ ᠳᠤ ᠨᠢᠭᠡᠴᠦ ᠬᠦᠮᠦᠨ ᠦᠭᠡᠢ ᠪᠣᠯᠣᠭᠰᠠᠨ ᠢ ᠦᠵᠡᠭᠡᠳ᠂ ᠮᠠᠨᠠᠶᠢᠬᠢᠳ ᠲᠡᠶᠢᠯᠦᠭᠰᠡᠨ ᠡᠷᠴᠢᠨ | ᠲᠡᠭᠡᠷᠡ ᠪᠠᠨ ᠲᠠᠶᠢᠰᠣᠨ ᠢ ᠰᠡᠬᠦᠯᠳᠡᠨ ᠨᠡᠬᠡᠵᠦ᠂ ᠭᠠᠵᠢᠭᠤ ᠱᠠᠰᠢᠨᠳᠠᠨ ᠢ ᠮᠠᠰᠢ ᠣᠯᠠᠨ ᠠᠯᠠᠵᠣ ᠣᠰᠠᠳᠬᠠᠯᠠ᠃ | ᠨᠠᠷᠠᠨ ᠮᠠᠨᠳᠣᠬᠤ ᠦᠶᠡ ᠪᠠᠷ ᠡᠮᠢᠷ ᠲᠡᠮᠦᠷ ᠭᠤᠣᠯ ᠴᠡᠷᠢᠭ ᠢᠶᠠᠨ ᠲᠠᠭᠠᠭᠤᠯᠣᠨ ᠢᠷᠡᠵᠦ ᠡᠨᠡᠬᠦ ᠪᠠᠶᠢᠳᠠᠯ ᠢ ᠦᠵᠡᠭᠡᠳ | ᠪᠠᠷᠢᠨ ᠲᠣᠣᠷᠠ ᠪᠠᠨ ᠡᠮᠢᠷ ᠰᠠᠶ᠋ᠢᠳ᠋ · ᠳᠠᠬᠤᠳ᠋ ᠪᠣᠯᠣᠨ ᠬᠤᠰᠢᠨ ᠪᠠ ᠦᠴᠢᠬᠠᠷᠠ · ᠪᠠᠭᠠᠳᠣᠷ ᠢ ᠲᠣᠮᠢᠯᠠᠨ | ᠲᠠᠶᠢᠰᠣᠨ ᠢ ᠨᠡᠬᠡᠮᠵᠢᠯᠡᠭᠦᠯᠪᠡ᠃ ᠲᠡᠳᠡ ᠵᠠᠷᠯᠢᠭ ᠶᠣᠰᠣᠭᠠᠷ ᠭᠤᠣᠯ ᠦᠭᠰᠦᠨ ᠨᠡᠬᠡᠮᠵᠢᠯᠡᠨ ᠪᠠᠶᠢᠯᠳᠣᠵᠣ ᠪᠠᠶᠢᠭᠠᠳ᠂ | ᠬᠤᠰᠢᠨ ᠭᠤᠣᠯ ᠳᠤ ᠣᠨᠠᠵᠣ ᠴᠠᠴᠠᠨ ᠦᠬᠦᠵᠡᠢ᠃ ᠲᠡᠳᠡ ᠲᠠᠶᠢᠰᠣᠨ ᠤ ᠣᠯᠣᠰ ᠳᠣᠳᠣᠷᠠ ᠣᠷᠣᠭᠰᠠᠨ ᠤ ᠲᠠᠷᠠᠭᠠ | ᠨᠡᠩ ᠶᠡᠬᠡᠪᠡᠷ ᠪᠣᠯᠢᠶᠠᠨ ᠲᠠᠯᠠᠵᠣ᠂ ᠮᠠᠰᠢ ᠣᠯᠠᠨ ᠠᠳᠣᠭᠤ ᠣᠯᠵᠠᠯᠠᠵᠣ ᠢᠷᠡᠪᠡ᠃ ᠭᠡᠪᠡᠴᠦ ᠪᠠᠭᠤᠵᠣ ᠦᠭᠭᠦᠭᠰᠡᠨ | ᠬᠠᠵᠠᠷᠠ ᠬᠦᠮᠦᠨ ᠢ ᠠᠯᠠᠵᠣ ᠬᠦᠨᠦᠭᠡᠭᠰᠡᠨ ᠦᠭᠡᠢ᠃ ᠵᠦᠪᠬᠡᠨ ᠲᠡᠳᠡᠨᠡᠷ ᠤᠨ ᠵᠡᠪᠰᠡᠭ ᠢ ᠬᠤᠷᠢᠶᠠᠨ ᠠᠪᠣᠭᠠᠳ | ᠰᠠᠮᠠᠷᠺᠠᠨᠳ᠋ ᠵᠦᠭ ᠲᠤ ᠬᠦᠷᠭᠡᠪᠡ᠃ ᠡᠮᠢᠷ ᠲᠡᠮᠦᠷ ᠰᠢᠭᠤᠳ ᠨᠡᠬᠡᠮᠵᠢᠯᠡᠭᠰᠡᠭᠡᠷ ᠪᠠᠶᠢᠲ᠋ᠠᠺ ᠲᠤ ᠬᠦᠷᠴᠦ᠂ ᠲᠠᠶᠢᠰᠣᠨ ᠢ | ᠠᠮᠠᠳᠠᠨ ᠲᠣᠰᠪᠠ ᠡᠭᠦᠨ ᠤ ᠬᠠᠮᠳᠣ ᠵᠠᠳᠠ · ᠵᠢᠬᠠᠨᠬᠢᠷ ᠢ ᠵᠠᠷᠯᠢᠭᠳᠠᠨ ᠨᠢᠭᠡ ᠬᠤᠰᠢᠭᠤ ᠴᠡᠷᠢᠭ ᠲᠠᠭᠠᠭᠤᠯᠣᠨ ᠬᠠᠮᠠᠷ | ᠠᠳ᠋ᠳᠢᠨ ᠢ ᠰᠣᠷᠠᠭᠯᠠᠨ ᠨᠡᠬᠡᠮᠵᠢᠯᠡᠬᠦᠯᠵᠦ᠂ ᠴᠢᠳᠠᠪᠠᠯ ᠲᠡᠭᠦᠨ ᠢ ᠠᠮᠢᠳᠣ ᠪᠠᠷ ᠪᠠᠷᠢᠪᠴᠢᠯᠠᠵᠣ᠂ ᠶᠠᠳᠠᠪᠠᠯ ᠲᠡᠭᠦᠨ ᠤ | ᠲᠠᠭᠠᠭᠰᠠᠳ ᠢ ᠪᠣᠳᠠ ᠨᠢᠷᠭᠡᠳᠦᠭᠡᠢ ᠭᠡᠵᠡᠢ᠃ ᠡᠨᠡᠬᠦ ᠲᠦᠷᠦᠯ ᠤᠨ ᠸᠠᠩ ᠵᠠᠷᠯᠢᠭ ᠶᠣᠰᠣᠭᠠᠷ ᠨᠢᠭᠡᠨ ᠰᠠᠯᠠᠭᠠ ᠴᠡᠷᠢᠭ | ᠢᠶᠠᠨ ᠲᠠᠭᠠᠭᠤᠯᠣᠨ ᠮᠣᠷᠳᠠᠨ ᠭᠠᠷᠴᠣ᠂ ᠦᠴ ᠪᠠ ᠹᠢᠷᠮᠠᠨ ᠵᠡᠷᠭᠡ ᠶᠢᠨ ᠨᠣᠳᠤᠭ ᠢ ᠲᠠᠯᠠᠭᠳᠣᠨ᠂ ᠭᠦᠨ ᠠᠭᠤᠯᠠᠨ | ᠳᠤ ᠬᠠᠮᠠᠷ ᠠᠳ᠋ᠳᠢᠨ ᠲᠠᠢ ᠵᠣᠯᠭᠠᠨ ᠪᠠᠶᠢᠯᠳᠣᠵᠣ ᠲᠡᠭᠦᠨ ᠢ ᠴᠢᠨᠠᠭᠰᠢ ᠬᠦᠭᠡᠭᠡᠭᠰᠡᠭᠡᠷ ᠲᠡᠭᠦᠨ ᠤ ᠣᠯᠣᠰ ᠤᠨ ᠬᠢᠯᠢ | ᠶᠢᠨ ᠴᠢᠨᠠᠳᠣ ᠭᠠᠷᠳᠠᠯᠠ ᠨᠡᠬᠡᠮᠵᠢᠯᠡᠵᠡᠢ᠃ ᠲᠡᠳᠡᠨᠡᠷ ᠤᠨ ᠣᠯᠵᠠᠯᠠᠭᠰᠠᠳ ᠲᠣᠩ ᠣᠯᠠᠨ ᠪᠠᠶᠢᠯᠠ᠃ ᠣᠯᠵᠠᠯᠠᠭᠰᠠᠳ | ᠲᠤ ᠬᠠᠮᠠᠷ ᠠᠳ᠋ᠳᠢᠨ ᠤ ᠬᠠᠳᠣᠨ ᠲᠦᠮᠡᠨ · ᠠᠬᠠ ᠪᠠ ᠲᠡᠭᠦᠨ ᠤ ᠬᠡᠣᠬᠡᠨ ᠳ᠋ᠢᠯᠱᠠ · ᠠᠬᠠ ᠪᠦᠷ ᠪᠠᠶᠢᠵᠠᠢ᠃ ᠡᠨᠡᠬᠦ | ᠲᠦᠷᠦᠯ ᠤᠨ ᠸᠠᠩ ᠡᠮᠢᠷ ᠲᠡᠮᠦᠷ ᠲᠤ ᠢᠯᠠᠯᠳᠠ ᠶᠢᠨ ᠴᠢᠮᠡᠭᠡ ᠪᠠᠨ ᠭᠦᠷᠭᠡᠪᠡ᠃ ᠡᠨᠡᠬᠦ ᠲᠠᠪᠢᠨ ᠭᠤᠷᠪᠠᠨ ᠡᠳᠦᠷ | ᠲᠣᠲᠣᠷᠠ ᠡᠮᠢᠷ ᠲᠡᠮᠦᠷ ᠪᠠᠶᠢᠲ᠋ᠠᠺ ᠠᠴᠠ ᠰᠢᠯᠵᠢᠭᠰᠡᠨ ᠦᠭᠡᠢ᠃ ᠭᠡᠪᠡᠴᠦ ᠲᠡᠷᠡ ᠡᠨᠡᠬᠦ ᠬᠦᠮᠦᠰ ᠤᠨ ᠰᠡᠳᠬᠢᠯ ᠢ | ᠬᠦᠳᠡᠯᠭᠡᠮᠡ ᠢᠯᠠᠯᠳᠠ ᠶᠢᠨ ᠴᠢᠮᠡᠭᠡ ᠶᠢ ᠰᠣᠨᠣᠰᠣᠭᠠᠳ᠂ ᠪᠠᠷᠢᠨ ᠲᠣᠣᠷᠠ ᠪᠠᠨ ᠮᠣᠷᠳᠠᠨ ᠭᠠᠷᠴᠣ ᠬᠠᠷᠠ · ᠬᠠᠰᠠᠮᠠᠺ | ᠠᠭᠤᠯᠠᠨ ᠳᠤ ᠬᠦᠷᠴᠦ᠂ ᠴᠭᠤᠯᠠᠨ ᠣᠷᠭᠢᠯ ᠳᠤ ᠠᠪᠠᠷᠢᠨ ᠭᠠᠷᠴᠣ ᠬᠦᠪᠡᠭᠦᠨ ᠵᠢᠬᠠᠨᠬᠢᠷ ᠤᠨ ᠢᠶᠠᠨ ᠢᠯᠠᠯᠳᠠ ᠲᠠᠢ | ᠪᠠᠷ ᠪᠣᠴᠠᠵᠣ ᠢᠷᠡᠬᠦ ᠶᠢ ᠣᠭᠳᠣᠨ ᠬᠦᠯᠢᠶᠡᠪᠡ᠃ ᠵᠢᠬᠠᠨᠬᠢᠷ ᠪᠣᠴᠠᠵᠣ ᠢᠷᠡᠭᠡᠳ ᠮᠠᠰᠢᠳᠠ ᠬᠦᠨᠳᠦᠳᠭᠡᠯ ᠲᠠᠢ ᠪᠠᠷ | ᠡᠴᠢᠭᠡ ᠶᠢᠨ ᠢᠶᠠᠨ ᠦᠯᠮᠡᠢ ᠶᠢ ᠦᠨᠦᠰᠴᠦ᠂ ᠲᠠᠶᠢᠨ ᠤ ᠣᠯᠵᠠ᠂ ᠠᠭᠳᠠ ᠬᠦᠯᠦᠭ᠂ ᠬᠤᠨᠢ ᠦᠬᠡᠷ ᠪᠠᠨ ᠡᠷᠭᠦᠨ | ᠪᠠᠷᠢᠵᠠᠢ᠃ ᠡᠭᠦᠨ ᠤ ᠲᠠᠷᠠᠭᠠ ᠪᠠᠷ ᠳ᠋ᠢᠯᠱᠠ · ᠠᠬᠠ ᠶᠢ ᠡᠨᠡᠬᠦ ᠶᠡᠭᠡ ᠬᠠᠭᠠᠨ ᠳᠤ ᠬᠦᠷᠭᠡᠨ ᠠᠭᠤᠯᠵᠠᠭᠤᠯᠪᠠ᠃ | ᠡᠮᠢᠷ ᠲᠡᠮᠦᠷ ᠠᠳᠡᠬᠢ ᠴᠡᠷᠢᠭ ᠤᠨ ᠬᠦᠷᠢᠶᠡ ᠠᠴᠠ ᠪᠠᠨ ᠰᠢᠯᠵᠢᠵᠦ᠂ ᠠᠳ᠋ᠪᠠᠱ ᠲᠤ ᠬᠦᠷᠪᠡ᠃ ᠲᠠᠬᠢᠨ ᠲᠡᠨᠳᠡ | ᠠᠴᠠ ᠭᠠᠷᠣᠭᠠᠳ ᠠᠷᠫᠠ · ᠶᠠᠴᠢ ᠳᠤ ᠬᠦᠷᠴᠡᠢ᠃ ᠲᠡᠭᠡᠭᠡᠳ ᠲᠡᠨᠳᠡ ᠶᠡᠭᠡ ᠬᠤᠷᠢᠮ ᠲᠠᠯᠪᠢᠨ᠂ ᠬᠡᠳᠦᠨ ᠡᠳᠦᠷ | ᠢᠶᠠᠷ ᠨᠠᠶᠢᠷᠠᠯᠠᠪᠠ᠃ ᠡᠮᠢᠷ ᠲᠡᠮᠦᠷ ᠤᠨ ᠬᠠᠭᠤᠴᠢᠨ ᠨᠠᠶᠢᠵᠠ ᠮᠣᠪᠠᠷᠠᠭ ᠱᠠᠾ · ᠮᠧᠯᠢᠺ ︵ᠲᠡᠷᠡ ᠪᠣᠯ ᠶᠢᠰᠦᠨ | ᠮᠢᠩᠭᠠᠳᠠᠨ ᠤ ᠶᠡᠭᠡ ᠨᠣᠶᠠᠨ ᠪᠢᠯᠡ︶ ᠴᠦ ᠲᠡᠭᠦᠨ ᠢ ᠶᠡᠭᠡ ᠬᠤᠷᠢᠮ ᠪᠡᠯᠡᠳᠭᠡᠨ ᠵᠣᠴᠢᠯᠠᠪᠠ᠃ ᠡᠮᠢᠷ ᠲᠡᠮᠦᠷ ᠲᠡᠭᠦᠨ | ᠳᠤ ᠡᠨᠡᠷᠢᠯ ᠬᠡᠰᠢᠭ ᠢᠶᠠᠨ ᠶᠡᠬᠡᠳᠡ ᠬᠦᠷᠳᠡᠭᠡᠨ᠂ ᠲᠡᠭᠦᠨ ᠤ ᠬᠦᠪᠡᠭᠦᠨ ᠬᠤᠳᠠᠶᠢᠳᠠ ᠪᠠᠷ ᠡᠨᠡ ᠣᠳᠠᠭᠠᠨ ᠤ ᠲᠠᠶᠢᠨ | ᠳᠤ ᠨᠦᠭᠴᠢᠭᠰᠡᠨ ᠰᠠᠯᠠᠷ · ᠣᠾᠯᠠᠨ ᠪᠣᠯᠣᠨ ᠬᠤᠰᠢᠨ ᠤ ᠦᠩᠭᠡ ᠭᠡᠷᠡᠯ ᠢ ᠵᠠᠯᠭᠠᠮᠵᠢᠯᠠᠭᠤᠯᠪᠠ᠃ | ᠲᠣᠰ ᠪᠦᠯᠦᠭ ᠤᠨ ᠲᠠᠶᠢᠯᠪᠣᠷᠢ | ① ᠡᠨᠡ ᠨᠡᠷᠡ ᠬᠡᠯᠡᠯᠬᠡᠨ ᠦᠭᠡᠢ ᠬᠦᠬᠡ ᠲᠡᠪᠡᠭᠡ ᠭᠡᠳᠡᠭ ᠮᠣᠩᠭᠤᠯ ᠦᠭᠡ ᠪᠣᠯᠣᠨᠠ᠃ ᠲᠡᠭᠦᠨ ᠤ ᠯᠠᠲ᠋ᠢᠨ | ᠠᠪᠢᠶᠠᠴᠢᠯᠠᠯᠭᠠ ᠨᠢ Kuk tipa ᠭᠡᠵᠦ᠂ ᠬᠢᠳᠠᠳ ᠢᠶᠠᠷ ᠪᠠᠰᠠ ᠬᠦᠭᠡ ᠲᠣᠪᠣᠷᠬᠠᠭ ᠭᠡᠵᠦ ᠲᠡᠮᠳᠡᠭᠯᠡᠵᠡᠢ᠃ | ᠲᠡᠭᠡᠭᠡᠳ ᠠᠩᠭ᠍ᠯᠢᠴᠢᠯᠠᠭᠴᠢ ᠠᠴᠠ ᠡᠨᠡᠬᠦ ᠭᠠᠵᠠᠷ ᠤᠨ ᠨᠡᠷᠡ ᠶᠢ ᠣᠯᠠᠨ ᠭᠠᠵᠠᠷ ᠤᠨ ᠵᠢᠷᠤᠭ ᠠᠴᠠ ᠪᠦᠷ ᠬᠠᠶᠢᠵᠣ | ᠣᠯᠣᠭᠰᠠᠨ ᠦᠭᠡᠢ ᠭᠡᠵᠦ ᠲᠡᠮᠳᠡᠭᠯᠡᠪᠡ᠃ ᠦᠨᠡᠨᠳᠡᠭᠡᠨ ᠲᠣᠬᠠᠢ ᠶᠢᠨ ᠦᠶᠡ ᠶᠢᠨ ᠮᠣᠩᠭᠤᠯ ᠨᠡᠷᠡ ᠨᠢ ᠭᠡᠭᠡᠭᠳᠡᠵᠦ᠂ | ᠪᠣᠰᠣᠳ ᠣᠭᠰᠠᠭᠠᠳᠠᠨ ᠤ ᠬᠡᠯᠡ ᠪᠠᠷ ᠰᠣᠯᠢᠭᠳᠠᠭᠰᠠᠨ ᠲᠠᠢ ᠬᠤᠯᠪᠣᠭᠠ ᠲᠠᠢ ᠶᠣᠮ᠃ ᠲᠣᠮᠳᠠᠳᠣ ᠠᠽᠢ ᠳᠤ | ᠡᠶᠢᠮᠦᠷᠬᠦ ᠪᠠᠶᠢᠳᠠᠯ ᠮᠣᠩ ᠦᠭᠡᠢ ᠲᠣᠬᠢᠶᠠᠯᠳᠣᠨᠠ᠃ ᠨᠢᠭᠡ ᠭᠠᠵᠠᠷ ᠤᠨ ᠨᠡᠷᠡ ᠶᠢ ᠵᠠᠷᠢᠮ ᠬᠦᠮᠦᠨ ᠲᠡᠭᠦᠨ ᠤ ᠭᠷᠢᠭ | ᠨᠡᠷᠡ ᠶᠢ ᠭᠡᠷᠡᠭᠯᠡᠵᠦ ᠪᠠᠶᠢᠳᠠᠯᠠ᠂ ᠵᠠᠷᠢᠮ ᠨᠢ ᠠᠷᠠᠪ ᠨᠡᠷᠡ ᠬᠡᠷᠡᠭᠯᠡᠵᠦ᠂ ᠪᠠᠰᠠ ᠵᠠᠷᠢᠮ ᠨᠢ ᠡᠨᠡᠳᠬᠡᠭ ᠨᠡᠷᠡ᠂ ᠲᠦᠷᠺ | ᠨᠡᠷᠡ᠂ ᠮᠣᠩᠭᠤᠯ ᠨᠡᠷᠡ ᠵᠡᠷᠭᠡ ᠶᠢ ᠬᠡᠷᠡᠭᠯᠡᠵᠦ᠂ ᠬᠠᠶᠠ ᠵᠠᠷᠢᠮ ᠨᠢ ᠪᠠᠰᠠ ᠬᠠᠷᠠ ᠬᠢᠳᠠᠨ ᠨᠡᠷᠡ ᠬᠡᠷᠡᠭᠯᠡᠬᠦ ᠦᠵᠡᠭᠳᠡᠯ | ᠪᠠᠶᠢᠳᠠᠭ ᠪᠣᠯᠬᠤᠷ ᠮᠠᠰᠢ ᠪᠣᠳᠣᠯᠢᠶᠠᠨ ᠲᠠᠢ ᠪᠣᠯᠳᠠᠭ ᠶᠣᠮ᠃ ᠡᠳᠡᠭᠡᠷ ᠨᠡᠷᠡ ᠪᠦᠬᠦᠨ ᠭᠠᠵᠠᠷ ᠤᠨ ᠵᠢᠷᠤᠭ ᠠᠴᠠ | ᠣᠯᠳᠠᠳᠠᠭ ᠦᠭᠡᠢ ᠨᠢ ᠵᠦᠢ ᠶᠣᠰᠣᠨ ᠤ ᠦᠵᠡᠭᠳᠡᠯ ᠪᠣᠯᠵᠠᠢ — ᠮᠣᠩᠭᠤᠯᠴᠢᠯᠠᠭᠴᠢ ᠠᠴᠠ᠃ ② ᠡᠨᠡᠬᠦ ᠨᠡᠷᠡ | ᠦᠭᠡ ᠪᠣᠯ ᠦᠨᠡᠨᠳᠡᠭᠡᠨ ᠪᠡᠷᠬᠡ ᠬᠦᠷᠢᠶᠡᠨ ᠭᠡᠳᠡᠭ ᠭᠠᠵᠠᠷ ᠤᠨ ᠨᠡᠷᠡ ᠪᠣᠯᠣᠨᠠ᠃ ᠲᠡᠭᠦᠨ ᠤ ᠯᠠᠲ᠋ᠢᠨ ᠭᠠᠯᠢᠭᠴᠢᠯᠠᠭᠠ | ᠳᠤ Birkah-i-Ghurian ᠭᠡᠵᠡᠢ᠃ ᠪᠡᠷᠬᠡ ᠬᠦᠷᠢᠶᠡᠨ ᠪᠣᠯ ᠭᠤᠷᠪᠠᠨ ᠵᠣᠷᠪᠣᠰ ᠬᠦᠨᠳᠡᠢ ᠪᠠᠷ ᠪᠦᠷᠢᠯᠳᠦᠨ | ᠬᠦᠨᠳᠡᠢ ᠪᠦᠷᠢ ᠳᠤᠨᠢ ᠪᠦᠷ ᠨᠢᠭᠡ ᠶᠡᠭᠡ ᠭᠤᠣᠯ ᠲᠠᠢ ᠠᠵᠠᠢ᠃ ᠡᠶᠢᠮᠦ ᠠᠴᠠ ᠡᠨᠡᠬᠦ ᠭᠠᠵᠠᠷ ᠤᠨ ᠪᠠᠶᠢᠴᠠ ᠮᠠᠰᠢ | ᠪᠡᠷᠬᠡ ᠪᠠᠯᠠᠷ ᠲᠠᠢ ᠭᠠᠵᠠᠷ ᠪᠣᠯᠬᠤᠷ ᠴᠡᠷᠢᠭ ᠮᠣᠷᠢ ᠣᠷᠣᠬᠤ ᠳᠤ ᠪᠡᠷᠬᠡᠳᠡᠢ ᠠᠵᠠᠢ᠃ | | | ᠪᠡᠯᠡᠳᠬᠡᠭᠰᠡᠨ ᠨᠢ᠄ ᠡᠷᠳᠡᠨᠢᠬᠦᠦ | ᠨᠠᠶᠢᠷᠠᠭᠤᠯᠤᠭᠰᠠᠨ ᠨᠢ᠄ ᠨᠠᠮᠤᠷ | ᠬᠢᠨᠠᠭᠰᠠᠨ ᠨᠢ᠄ ᠤᠷᠢᠬᠠᠨ | |