| ᠬᠤᠷᠢᠳᠣᠭᠠᠷ ᠪᠦᠯᠦᠭ | ᠾᠢᠵᠢᠷ ᠲᠣᠭᠠᠯᠠᠯ ᠤᠨ777 ︵ᠨᠡᠶᠢᠳᠡ ᠶᠢᠨ ᠣᠨ ᠲᠣᠭᠠᠯᠠᠯ ᠤᠨ1375︶ ᠣᠨ᠂ ᠲᠠᠷᠣᠢ ᠲᠠᠲ᠋ᠠᠷ ᠤᠨ | ᠯᠣᠣ ᠵᠢᠯ ᠤᠨ ᠬᠠᠪᠣᠷ ᠤᠨ ᠡᠬᠢᠨ ᠢᠶᠠᠷ ᠡᠮᠢᠷ ᠲᠡᠮᠦᠷ᠂ ᠡᠭᠦᠨ ᠠᠴᠠ ᠡᠮᠦᠨᠡᠬᠢ ᠰᠠᠶᠢᠨ ᠵᠠᠶᠠᠭᠠ ᠪᠣᠶᠠᠨ ᠤ ᠪᠠᠨ | ᠵᠣᠷᠢᠭᠵᠢᠭᠤᠯᠣᠯ ᠲᠣᠣᠷᠠ ᠬᠤᠷᠣᠽᠧᠮ ᠢ ᠲᠠᠶᠢᠯᠠᠬᠤ ᠪᠠᠷ ᠪᠣᠯᠵᠠᠢ᠃ ᠲᠡᠷᠡ ᠪᠣᠯ ᠨᠠᠶᠢᠷ ᠬᠤᠷᠢᠮ ᠳᠤ ᠲᠣᠷᠠ ᠦᠭᠡᠢ | ᠴᠡᠷᠢᠭ ᠲᠠᠶᠢᠨ ᠳᠤ ᠪᠠᠭ᠋ᠠᠳᠠᠢ ᠬᠦᠮᠦᠨ ᠶᠣᠮ᠃ | ᠡᠶᠢᠮᠦ ᠠᠴᠠ ᠲᠡᠷᠡ ᠡᠮᠢᠷ ᠠᠾ · ᠪᠣᠬᠠ ᠶᠢ ᠰᠠᠮᠠᠷᠺᠠᠨᠳ᠋ ᠶᠢᠨ ᠵᠠᠬᠢᠷᠣᠭᠴᠢ ᠪᠠᠷ ᠲᠣᠮᠢᠯᠠᠨ᠂ ᠡᠮᠢᠷ ᠰᠠᠷ · | ᠪᠣᠬᠠ᠂ ᠠᠳᠢᠯᠱᠠᠾ · ᠵᠠᠯᠠᠶᠢᠷ᠂ ᠬᠢᠳᠠᠨ · ᠪᠠᠭᠠᠳᠣᠷ᠂ ᠢᠯᠴᠢ · ᠪᠣᠬᠠ ᠪᠣᠯᠣᠨ ᠪᠣᠰᠣᠳ ᠣᠯᠠᠨ ᠮᠢᠩᠭᠠᠳᠠᠨ ᠳᠤ | ᠭᠤᠷᠪᠠᠨ ᠲᠦᠮᠡᠨ ᠴᠡᠷᠢᠭ ᠦᠭᠴᠦ᠂ ᠴᠠᠭᠠᠳᠠᠢ ︵ᠮᠣᠩᠭᠤᠯᠰᠲ᠋ᠠᠨ︶ ᠵᠦᠭ ᠲᠠᠶᠢᠯᠠᠭᠤᠯᠬᠤ ᠪᠠᠷ ᠶᠠᠪᠣᠭᠤᠯᠪᠠ᠃ | ᠲᠡᠭᠡᠭᠡᠳ ᠲᠡᠳᠡᠨᠡᠷ ᠲᠤ ᠣᠨᠴᠠᠭᠠᠢ ᠵᠠᠷᠯᠢᠭ ᠦᠭᠭᠦᠭᠰᠡᠨ ᠨᠢ᠄ ᠴᠢᠳᠠᠬᠤ ᠶᠢᠨ ᠲᠣᠲᠣᠷᠠ ᠬᠠᠮᠠᠷ ᠠᠳ᠋ᠳᠢᠨ ᠢ ᠡᠷᠢᠨ | ᠰᠣᠷᠠᠵᠣ᠂ ᠬᠡᠷᠪᠡ ᠭᠠᠷ ᠲᠠᠭᠠᠨ ᠣᠷᠣᠭᠤᠯᠵᠣ ᠴᠢᠳᠠᠪᠠᠯ ᠲᠡᠷᠡ ᠲᠣᠣᠷᠠ ᠶᠢ ᠴᠠᠪᠴᠢᠨ ᠠᠯᠠᠳᠣᠭᠠᠢ ᠭᠡᠵᠡᠢ᠃ | ᠲᠡᠭᠡᠭᠡᠳ ᠰᠠᠶ᠋ᠢ ᠦᠪᠡᠷ ᠢᠶᠠᠨ ᠢᠯᠠᠭᠳᠠᠰᠢ ᠦᠭᠡᠢ ᠶᠡᠭᠡ ᠴᠡᠷᠢᠭ ᠢᠶᠠᠨ ᠲᠠᠶᠢᠴᠢᠯᠠᠨ ᠬᠤᠷᠣᠽᠧᠮ ᠵᠦᠭ ᠮᠣᠷᠳᠠᠨ | ᠭᠠᠷᠴᠠᠢ᠃ ᠲᠡᠳᠡ ᠵᠧᠬᠤᠨ ᠭᠤᠣᠯ ᠤᠨ ᠡᠷᠭᠢᠨ ᠳᠤ ᠪᠠᠶᠢᠭᠠ ᠰᠢᠪᠠᠶᠠᠾ ᠭᠡᠳᠡᠭ ᠭᠠᠵᠠᠷ ᠬᠦᠷᠦᠭᠡᠳ᠂ ᠲᠣᠷᠬᠠᠨ · | ᠠᠷᠣᠯᠠᠳ ᠤᠨ ᠭᠤᠣᠯ ᠤᠨ ᠴᠠᠭᠠᠨᠠ ᠢᠷᠡᠭᠡᠳ ᠪᠠᠶᠢᠭᠠ ᠶᠢ ᠣᠯᠵᠣ ᠮᠡᠳᠡᠵᠡᠢ᠃ ᠭᠡᠪᠡᠴᠦ ᠲᠣᠷᠬᠠᠨ · ᠠᠷᠣᠯᠠᠳ | ᠦᠪᠡᠷ ᠤᠨ ᠡᠴᠦᠰ ᠤᠨ ᠴᠠᠭ ᠪᠣᠯᠣᠭᠰᠠᠨ ᠢᠶᠠᠨ ᠮᠡᠳᠡᠵᠦ᠂ ᠲᠠᠬᠢᠨ ᠣᠷᠣᠭᠰᠢᠯᠠᠵᠣ ᠪᠣᠯᠬᠤ ᠦᠭᠡᠢ ᠬᠡᠮᠡᠨ ᠴᠡᠷᠢᠭ | ᠮᠣᠷᠢ ᠪᠠᠨ ᠲᠠᠭᠠᠭᠤᠯᠵᠣ᠂ ᠬᠦᠰᠷᠦᠨ ᠵᠦᠭ ᠣᠬᠤᠷᠢᠪᠠ᠃ ᠡᠮᠢᠷ ᠲᠡᠮᠦᠷ᠂ ᠪᠣᠯᠣᠳ ᠢ ᠲᠣᠮᠢᠯᠠᠨ ᠴᠦᠬᠡᠨ ᠴᠡᠷᠢᠭ | ᠦᠭᠴᠦ ᠲᠡᠭᠦᠨ ᠢ ᠨᠡᠬᠡᠭᠦᠯᠪᠡ᠃ ᠲᠡᠳᠡ ᠡᠳᠦᠷ ᠰᠦᠨᠢ ᠢᠯᠭᠠᠯ ᠦᠭᠡᠢ ᠨᠡᠬᠡᠮᠵᠢᠯᠡᠨ ᠶᠠᠪᠣᠭᠰᠠᠭᠠᠷ ᠠᠨᠳᠠᠬᠤᠢ ᠶᠢᠨ | ᠹᠠᠷᠢᠶᠠᠪ ᠲᠤ ᠭᠦᠢᠴᠡᠨ ᠬᠦᠷᠪᠡ᠃ ᠲᠣᠰ ᠬᠤᠳᠠ ᠭᠤᠣᠯ ᠤᠨ ᠡᠷᠭᠢᠨ ᠳᠤ ᠪᠠᠶᠢᠭᠠ ᠶᠣᠮ᠃ ᠲᠣᠷᠬᠠᠨ ᠪᠣᠯᠣᠨ | ᠲᠡᠭᠦᠨ ᠤ ᠲᠡᠭᠦᠥ ᠲᠣᠷᠮᠢᠱ ᠬᠤᠳᠠ ᠪᠠᠷ ᠲᠦᠰᠢᠯᠭᠡ ᠪᠣᠯᠭᠠᠨ ᠭᠤᠣᠯ ᠤᠨ ᠬᠦᠪᠡᠭᠡ ᠶᠢ ᠰᠠᠬᠢᠵᠣ ᠪᠢᠳᠡᠨ ᠲᠠᠢ | ᠲᠣᠯᠣᠯᠳᠣᠪᠠ᠃ ᠲᠠᠶᠢᠰᠣᠨ ᠡᠬᠢᠯᠡᠩᠭᠦᠳᠡ ᠮᠠᠰᠢ ᠪᠠᠭᠠᠳᠣᠷᠯᠢᠭ ᠢᠶᠠᠷ ᠡᠰᠡᠷᠭᠦᠴᠡᠨ ᠪᠠᠶᠢᠯᠳᠣᠵᠣ ᠪᠠᠶᠢᠪᠠ᠃ ᠭᠡᠪᠡᠴᠦ | ᠡᠴᠦᠰ ᠲᠡᠭᠡᠨ ᠲᠣᠯᠣᠯᠳᠣᠵᠣ ᠬᠦᠴᠦᠷᠬᠦ ᠦᠭᠡᠢ ᠪᠣᠯᠵᠣ ᠲᠣᠳᠠᠭᠠᠵᠠᠭᠠᠨ ᠡᠬᠢᠯᠡᠪᠡ᠃ ᠮᠠᠨ ᠤ ᠴᠡᠷᠢᠭ ᠲᠠᠷᠣᠨ | ᠣᠷᠣᠵᠣ ᠪᠣᠯᠣᠳ ᠦᠪᠡᠷ ᠢᠶᠠᠨ ᠲᠦᠷᠦᠭᠦᠯᠦᠨ ᠪᠠᠶᠢᠯᠳᠣᠵᠣ ᠴᠠᠪᠴᠢᠨ ᠣᠷᠣᠪᠠ᠃ ᠡᠨᠡ ᠦᠶᠡ ᠪᠠᠷ ᠲᠣᠷᠬᠠᠨ ᠤ | ᠣᠨᠣᠭᠰᠠᠨ ᠮᠣᠷᠢ ᠨᠢ ᠡᠴᠡᠵᠦ᠂ ᠲᠡᠷᠡ ᠵᠦᠪᠬᠡᠨ ᠶᠠᠪᠠᠭᠠᠨ ᠢᠶᠠᠷ ᠪᠣᠷᠣᠭᠤᠯᠠᠨ ᠭᠦᠶᠦᠵᠡᠢ᠃ ᠲᠡᠷᠡ ᠪᠣᠷᠣᠭᠤᠯᠠᠬᠤ | ᠶᠢᠨ ᠲᠣᠮᠳᠠ ᠪᠠᠨ ᠡᠷᠭᠢᠵᠦ ᠨᠢᠭᠡ ᠰᠣᠮᠣ ᠬᠠᠷᠪᠣᠭᠰᠠᠨ ᠳᠤ ᠪᠣᠯᠣᠳ ᠤᠨ ᠮᠣᠷᠢ ᠣᠨᠣᠭᠳᠠᠨ᠂ ᠪᠣᠯᠣᠳ ᠮᠣᠷᠢᠨ | ᠠᠴᠠ ᠣᠨᠠᠪᠠ᠃ ᠪᠣᠯᠣᠳ ᠭᠦᠶᠦᠨ ᠪᠣᠰᠳᠠᠯᠠ ᠲᠡᠷᠡ ᠲᠠᠬᠢᠨ ᠨᠢᠭᠡ ᠰᠣᠮᠣ ᠬᠠᠷᠪᠣᠭᠰᠠᠨ ᠳᠤ ᠵᠡᠪᠡ ᠨᠢ ᠪᠣᠯᠣᠳ ᠤᠨ | ᠲᠣᠭᠤᠯᠭᠠ ᠶᠢᠨ ᠣᠷᠣᠢ ᠣᠨᠣᠭᠳᠠᠵᠣ ᠨᠡᠪᠳᠡ ᠬᠠᠷᠪᠣᠪᠠ᠃ ᠡᠨᠡ ᠦᠶᠡ ᠳᠤ ᠪᠣᠯᠣᠳ① ᠶᠡᠬᠡᠳᠡ ᠬᠢᠯᠢᠩᠯᠡᠨ | ᠦᠨᠳᠦᠷ ᠲᠠᠭᠤ ᠪᠠᠷ ᠬᠠᠰᠬᠢᠷᠣᠨ ᠣᠷᠣᠵᠣ᠂ ᠲᠡᠳᠡ ᠬᠤᠶᠠᠭᠤᠯᠠ ᠲᠡᠪᠡᠷᠢᠯᠳᠣᠨ ᠠᠪᠣᠯᠴᠠᠪᠠ᠃ ᠮᠠᠰᠢ ᠣᠳᠠᠯᠠ | ᠠᠪᠣᠯᠴᠠᠭᠰᠠᠨ ᠤ ᠰᠡᠬᠦᠯᠡᠷ ᠡᠴᠦᠰ ᠲᠡᠭᠡᠨ ᠪᠣᠯᠣᠳ ᠲᠠᠪᠠᠵᠣ ᠲᠡᠷᠡ᠄ ︽ᠡᠮᠢᠷ ᠲᠡᠮᠦᠷ ᠲᠦᠮᠡᠨ ᠨᠠᠰᠣᠯᠠᠳᠣᠭᠠᠦ︾ | ᠬᠡᠮᠡᠨ ᠬᠠᠰᠬᠢᠷᠴᠣ᠂ ᠨᠢᠭᠡᠯᠡ ᠲᠡᠭᠡᠷᠡ ᠲᠣᠷᠬᠠᠨ ᠢ ᠵᠢᠳᠠᠯᠠᠨ ᠠᠯᠠᠪᠠ᠃ ᠲᠡᠭᠡᠭᠡᠳ ᠲᠡᠭᠦᠨ ᠤ ᠲᠡᠷᠢᠬᠦᠨ ᠢ | ᠣᠭᠳᠣᠯᠣᠨ ᠠᠪᠴᠣ᠂ ᠢᠯᠠᠯᠳᠠ ᠲᠠᠢ ᠪᠠᠷ ᠴᠡᠷᠢᠭ ᠪᠣᠴᠠᠪᠠ᠃ | ᠠᠮᠠᠨ · ᠰᠠᠷᠪᠠᠳᠠᠯ ᠡᠨᠡ ᠦᠶᠡ ᠪᠠᠷ ᠲᠣᠷᠬᠠᠨ ᠤ ᠲᠡᠭᠦᠥ ᠲᠣᠷᠮᠢᠱ ᠢ ᠭᠦᠢᠴᠡᠨ ᠬᠦᠷᠴᠦ ᠴᠣᠬᠢᠨ ᠣᠨᠠᠭᠠᠭᠠᠳ | ᠲᠡᠷᠢᠬᠦᠨ ᠢ ᠨᠢ ᠣᠭᠳᠣᠯᠣᠨ ᠠᠪᠴᠠᠢ᠃ ᠲᠡᠭᠦᠨ ᠤ ᠬᠡᠬᠦᠷ ᠪᠡᠶᠡ ᠨᠢ ᠴᠢᠨᠸᠠ ᠰᠢᠷᠠᠨᠣᠳ ᠤᠨ ᠢᠳᠡᠰᠢ ᠪᠣᠯᠪᠠ᠃ | ᠡᠨᠡ ᠬᠤᠶᠠᠷ ᠬᠦᠮᠦᠨ ᠤ ᠲᠡᠷᠢᠬᠦᠨ ᠢ ᠡᠮᠢᠷ ᠲᠡᠮᠦᠷ ᠤᠨ ᠡᠮᠦᠨᠡ ᠡᠷᠭᠦᠨ ᠪᠠᠷᠢᠪᠠ᠃ | ᠲᠡᠮᠦᠷ ᠤᠨ ᠴᠠᠭᠠᠳᠠᠢ ︵ᠮᠣᠩᠭᠤᠯᠰᠲ᠋ᠠᠨ︶ ᠳᠤ ᠳᠣᠮᠢᠯᠠᠨ ᠶᠠᠪᠣᠭᠤᠯᠣᠭᠰᠠᠨ ᠡᠮᠢᠷ ᠰᠠᠷ · ᠪᠣᠬᠠ ᠪᠣᠯᠣᠨ ᠡᠮᠢᠷ | ᠠᠳᠢᠯᠱᠠᠾ ᠲᠡᠨᠳᠡ ᠬᠦᠷᠬᠦ ᠳᠤ ᠨᠢᠭᠡᠨᠳᠡ ᠲᠠᠶᠢᠰᠣᠨ ᠪᠣᠷᠣᠭᠤᠯᠠᠨ ᠶᠠᠪᠣᠵᠣ᠂ ᠨᠢᠭᠡᠴᠦ ᠬᠦᠮᠦᠨ ᠦᠭᠡᠢ ᠬᠤᠭᠤᠰᠣᠨ | ᠭᠠᠵᠠᠷ ᠪᠣᠯᠣᠭᠠᠳ ᠪᠠᠶᠢᠵᠠᠢ᠃ ᠲᠡᠭᠡᠭᠡᠳ ᠲᠡᠳᠡ ᠲᠡᠨᠳᠡ ᠨᠢᠭᠡᠨ ᠣᠪ ᠮᠡᠬᠡᠳᠦ ᠲᠦᠯᠦᠪᠯᠡᠭᠡ ᠵᠣᠬᠢᠶᠠᠨ ᠭᠠᠷᠭᠠᠵᠠᠢ᠃ | ᠲᠡᠳᠡ ᠬᠢᠳᠠᠨ · ᠪᠠᠭᠠᠳᠣᠷ ᠪᠣᠯᠣᠨ ᠢᠯᠴᠢ · ᠪᠣᠬᠠ ᠶᠢ ᠪᠠᠷᠢᠪᠴᠢᠯᠠᠨ ᠠᠪᠴᠣ᠂ ᠡᠨᠡ ᠦᠶᠡ ᠪᠠᠷ ᠡᠮᠢᠷ ᠲᠡᠮᠦᠷ ᠤᠨ | ᠲᠣᠮᠢᠯᠠᠭᠰᠠᠨ ᠠᠨᠳᠢᠵᠠᠨ ᠤ ᠵᠠᠬᠢᠷᠣᠭᠴᠢ ᠨᠣᠶᠠᠨ ᠬᠠᠮᠠᠳᠢ ᠴᠦ ᠲᠡᠳᠡ ᠨᠡᠷ ᠲᠠᠢ ᠵᠦᠪᠯᠡᠯ ᠨᠡᠶᠢᠯᠡᠨ ᠬᠤᠯᠪᠣᠭᠠ | ᠲᠣᠭᠳᠠᠵᠠᠢ②᠃ ᠢᠩᠬᠢᠭᠡᠳ ᠲᠡᠳᠡ ᠦᠪᠡᠷ ᠤᠨ ᠴᠡᠷᠢᠭ ᠮᠣᠷᠢ᠂ ᠲᠠᠷᠣᠢ ᠪᠠᠾᠷᠠᠮ ᠵᠠᠯᠠᠶᠢᠷ ᠤᠨ ᠴᠡᠷᠢᠭ ᠪᠠ | ᠬᠢᠪᠴᠠᠭ ᠴᠡᠷᠢᠭ ᠢᠶᠠᠨ ᠲᠠᠭᠠᠭᠤᠯᠣᠨ ᠰᠠᠮᠠᠷᠺᠠᠨᠳ᠋ ᠢ ᠪᠦᠰᠡᠯᠡᠨ ᠪᠠᠶᠢᠯᠳᠣᠪᠠ᠃ ᠭᠡᠪᠡᠴᠦ ᠲᠣᠰ ᠬᠤᠳᠠ ᠶᠢᠨ ᠠᠷᠠᠳ | ᠢᠷᠭᠡᠳ ᠨᠣᠮᠣ ᠰᠣᠮᠣ ᠪᠣᠯᠣᠨ ᠣᠷᠳᠣ ᠵᠢᠳᠠ ᠪᠠᠷ ᠦᠪᠡᠷ ᠢ ᠪᠠᠨ ᠬᠠᠮᠠᠭᠠᠯᠠᠨ ᠡᠷᠡᠰ ᠰᠢᠭᠤᠷᠬᠠᠢ ᠡᠰᠡᠷᠭᠦᠴᠡᠨ | ᠪᠠᠶᠢᠯᠳᠣᠵᠣ ᠬᠤᠳᠠ ᠶᠢ ᠪᠦᠰᠡᠯᠡᠬᠦᠯᠬᠦ ᠦᠭᠡᠢ ᠪᠠᠶᠢᠯᠠ᠃ ᠬᠤᠳᠠ ᠶᠢᠨ ᠵᠠᠬᠢᠷᠣᠭᠴᠢ ᠠᠾ · ᠪᠣᠬᠠ ᠴᠦ ᠲᠡᠷᠦᠢ | ᠲᠦᠷᠭᠡᠨ ᠮᠡᠳᠡᠭᠦᠯᠦᠯᠳᠡ ᠶᠢᠨ ᠪᠢᠴᠢᠭ ᠪᠢᠴᠢᠵᠦ᠂ ᠭᠠᠯ ᠮᠡᠳᠦ ᠲᠦᠷᠭᠡᠨ ᠢᠶᠠᠷ ᠡᠮᠢᠷ ᠲᠡᠮᠦᠷ ᠲᠤ ᠬᠦᠷᠭᠡᠪᠡ᠃ ᠡᠮᠢᠷ | ᠲᠡᠮᠦᠷ ᠡᠨᠡ ᠦᠶᠡ ᠳᠤ ᠶᠠᠭ ᠰᠠᠶᠢᠬᠠᠨ ᠠᠲᠢ ᠶᠢ ᠦᠩᠭᠡᠷᠡᠨ ᠬᠠᠰ ᠲᠤ ᠬᠦᠷᠦᠭᠡᠳ ᠪᠠᠶᠢᠵᠠᠢ᠃ ᠲᠡᠷᠡ ᠴᠢᠮᠡᠭᠡ | ᠣᠯᠣᠮᠠᠭᠴᠠ ᠪᠠᠨ ᠬᠦᠪᠡᠭᠦᠨ ᠵᠢᠬᠠᠨᠬᠢᠷ ᠲᠤ ᠬᠤᠰᠢᠭᠤᠴᠢ ᠴᠡᠷᠢᠭ ᠢᠶᠠᠨ ᠵᠠᠬᠢᠷᠠᠭᠤᠯᠣᠨ ᠭᠡᠳᠡᠷᠭᠦ ᠪᠣᠴᠠᠭᠠᠨ᠂ ᠦᠪᠡᠷ | ᠢᠶᠠᠨ ᠶᠡᠭᠡ ᠴᠡᠷᠢᠭ ᠢᠶᠠᠨ ᠲᠠᠶᠢᠴᠢᠯᠠᠨ ᠰᠠᠮᠠᠷᠺᠠᠨᠳ᠋ ᠢ ᠴᠢᠭᠯᠡᠪᠡ᠃ ᠲᠡᠷᠡ ᠪᠦᠬᠠᠷᠠ ᠬᠦᠷᠦᠮᠡᠭᠴᠡ ᠪᠠᠨ ᠵᠢᠬᠰᠠᠭᠠᠯ | ᠢᠶᠠᠨ ᠵᠠᠰᠠᠵᠣ ᠴᠡᠷᠢᠭ ᠣᠷᠣᠭᠰᠢᠯᠠᠪᠠ᠃ ᠲᠡᠷᠡ ᠦᠪᠡᠷ ᠤᠨ ᠪᠡᠶᠡ ᠨᠢ ᠮᠧᠯᠢᠺ ᠴᠠᠶᠢᠵᠠ ᠳᠤ ᠴᠡᠷᠢᠭ ᠪᠠᠭᠤᠪᠠ᠃ | ᠸᠠᠩ ᠬᠦᠪᠡᠭᠦᠨ ᠵᠢᠬᠠᠨᠬᠢᠷ᠂ ᠬᠠᠷᠮᠢᠨᠠ ᠭᠡᠳᠡᠭ ᠭᠠᠵᠠᠷ ᠲᠤ ᠲᠠᠶᠢᠰᠣᠨ ᠲᠠᠢ ᠭᠡᠨᠡᠳᠳᠡ ᠬᠠᠷᠭᠤᠨ᠂ ᠨᠢᠭᠡᠨ | ᠣᠳᠠᠭᠠᠨ ᠤ ᠶᠡᠭᠡ ᠲᠣᠯᠣᠯᠳᠣᠭᠠᠨ ᠪᠣᠯᠪᠠ᠃ ᠲᠠᠶᠢᠨ ᠤ ᠬᠡᠩᠭᠡᠷᠭᠡ ᠲᠦᠩᠭᠢᠨᠡᠨ᠂ ᠴᠢᠰᠣᠨ ᠮᠦᠷᠡᠨ ᠬᠠᠯᠬᠢᠯᠠᠵᠣ᠂ | ᠸᠠᠩ ᠬᠦᠪᠡᠭᠦᠨ ᠵᠢᠬᠠᠨᠬᠢᠷ ᠠᠯᠯᠠᠾ ᠲᠡᠭᠷᠢ ᠶᠢᠨ ᠠᠪᠣᠷᠠᠯ ᠢᠶᠠᠷ ᠲᠠᠶᠢᠰᠣᠨ ᠢᠶᠠᠨ ᠲᠠᠷᠣᠪᠠ᠃ ᠲᠠᠶᠢᠰᠣᠨ ᠬᠢᠪᠴᠠᠭ | ᠤᠨ ᠲᠠᠯᠠ ᠨᠣᠳᠤᠭ ᠲᠤ ᠲᠣᠳᠠᠭᠠᠨ ᠣᠷᠣᠵᠣ᠂ ᠲᠡᠨᠳᠡᠬᠢ ᠣᠯᠣᠰ ᠬᠠᠭᠠᠨ ᠤ ᠬᠠᠮᠠᠭᠠᠯᠠᠯ ᠳᠤ ᠣᠷᠣᠪᠠ᠃ ᠲᠡᠮᠦᠷ | ᠪᠠᠬᠢ ︵ᠡᠮᠢᠷ ᠲᠡᠮᠦᠷ︶ ᠢᠯᠠᠯᠳᠠ ᠣᠯᠵᠣ ᠠᠮᠣᠷ ᠲᠦᠪᠰᠢᠨ ᠢᠶᠠᠷ ᠨᠡᠶᠢᠰᠯᠡᠯ ᠬᠤᠳᠠ ᠲᠠᠭᠠᠨᠨ ᠪᠣᠴᠠᠪᠠ᠃ ᠲᠠᠷᠠᠭᠠ | ᠨᠢ ᠲᠡᠷᠡ ᠵᠠᠯᠠᠶᠢᠷ ᠠᠶᠢᠮᠠᠭ ᠢ ᠦᠪᠡᠷ ᠤᠨ ᠣᠯᠠᠨ ᠡᠮᠢᠷ ᠨᠡᠷ ᠲᠠᠭᠠᠨ ᠬᠤᠪᠢᠶᠠᠨ ᠦᠭᠭᠦᠪᠡ᠃ ᠲᠡᠭᠡᠭᠡᠳ ᠦᠪᠡᠷ | ᠤᠨ ᠬᠦᠪᠡᠭᠦᠨ ᠣᠮᠠᠷ · ᠱᠠᠾ · ᠮᠢᠷᠽᠠ③ ᠶᠢ ᠠᠨᠳᠢᠵᠠᠨ ᠤ ᠵᠠᠬᠢᠷᠣᠭᠴᠢ ᠪᠠᠷ ᠲᠣᠮᠢᠯᠠᠭᠰᠠᠨ ᠶᠣᠮ᠃ | ᠠᠳᠢᠯᠱᠠᠾ ᠪᠣᠯᠣᠨ ᠰᠠᠷ · ᠪᠣᠬᠠ ᠬᠤᠶᠠᠭᠤᠯᠠ ᠣᠯᠣᠰ ᠬᠠᠭᠠᠨ ᠤ ᠴᠡᠴᠡᠷ ᠤᠨ ᠲᠣᠣᠷᠠ ᠬᠦᠴᠦᠨ ᠵᠢᠳᠭᠦᠵᠡᠢ | ᠃ ᠭᠡᠪᠡᠴᠦ ᠲᠡᠳᠡ ᠬᠤᠵᠢᠮ ᠨᠢ ᠲᠠᠬᠢᠨ ᠣᠷᠪᠠᠭ᠋ᠣ ᠰᠠᠨᠠᠭᠠ ᠲᠦᠷᠦᠪᠡ᠃ ᠲᠡᠳᠡ ᠡᠨᠡ ᠣᠳᠠᠭᠠ ᠣᠯᠣᠰ ᠬᠠᠭᠠᠨ ᠤ | ᠲᠡᠷᠢᠭᠦᠨ ᠳᠦᠰᠢᠮᠡᠯ ᠦᠴᠢᠪᠢ ᠲᠠᠢ ᠦᠰᠢᠶᠡᠯᠡᠯᠳᠦᠨ᠂ ᠣᠯᠣᠰ ᠬᠠᠭᠠᠨ ᠢ ᠵᠣᠰᠠᠯᠠᠩ ᠲᠠᠭᠠᠨ ᠶᠠᠪᠣᠭᠰᠠᠨ ᠢ ᠵᠠᠪᠰᠢᠨ | ᠦᠴᠢᠪᠢ ᠲᠠᠢ ᠲᠠᠶᠢᠯᠠᠯᠳᠣᠨ ᠲᠠᠷᠣᠵᠣ ᠲᠡᠭᠦᠨ ᠢ ᠠᠯᠠᠪᠠ᠃ ᠲᠡᠭᠡᠭᠡᠳ ᠲᠡᠳᠡ ᠬᠤᠶᠠᠭᠤᠯᠠ ᠠᠳᠡ ᠠᠴᠠ ᠲᠣᠳᠠᠭᠠᠨ | ᠭᠠᠷᠴᠣ᠂ ᠮᠣᠩᠭᠤᠯᠰᠲ᠋ᠠᠨ ᠤ ᠨᠦᠬᠦᠭᠡ ᠲᠠᠯᠠ ᠳᠤ ᠪᠠᠶᠢᠭᠠ ᠬᠠᠮᠠᠷ ᠠᠳ᠋ᠳᠢᠨ ᠢ ᠲᠦᠰᠢᠬᠦ ᠪᠠᠷ ᠣᠴᠢᠵᠠᠢ᠃ ᠲᠡᠳᠡ | ᠲᠡᠨᠳᠡ ᠪᠠᠨ ᠪᠠᠰᠠ ᠠᠮᠠᠷ ᠪᠠᠶᠢᠭᠰᠠᠨ ᠦᠭᠡᠢ ᠵᠦᠭᠡᠷ ᠯᠠ ᠣᠷᠪᠠᠯᠭᠠᠨ ᠰᠠᠮᠠᠭᠤᠷᠠᠯ ᠡᠳᠦᠵᠦ ᠪᠠᠶᠢᠪᠠ ᠃ | ᠲᠣᠰ ᠪᠦᠯᠦᠭ ᠤᠨ ᠲᠠᠶᠢᠯᠪᠣᠷᠢ | ① ᠪᠣᠯᠣᠳ ᠭᠡᠳᠡᠭ ᠦᠭᠡ ᠪᠣᠯ ᠮᠣᠩᠭᠤᠯ ᠲᠦᠷᠺ ᠬᠡᠯᠡᠨ ᠳᠤ ᠨᠢᠬᠡᠨ ᠠᠳᠠᠯᠢ ᠣᠳᠬᠠ ᠲᠠᠢ ᠨᠡᠶᠢᠳᠡ ᠶᠢᠨ ᠦᠭᠡ | ᠪᠣᠯᠣᠨᠠ᠃ ᠠᠳᠡ ᠣᠣᠯ ᠣᠳᠬᠠ ᠨᠢ ᠪᠣᠯᠣᠳ ᠲᠡᠮᠦᠷ ᠬᠦᠮᠦᠨ ᠭᠡᠳᠡᠭ ᠵᠦᠢᠷᠯᠡᠯ ᠢᠶᠠᠷ ᠪᠣᠯᠣᠳᠢᠲ᠋ᠠᠷ ᠭᠡᠵᠦ | ᠪᠢᠴᠢᠵᠡᠢ᠃ | ② ᠡᠨᠡ ᠣᠳᠠᠭᠠᠨ ᠤ ᠣᠷᠪᠠᠯᠭᠠᠨ ᠪᠣᠯ ᠮᠣᠩᠭᠤᠯᠴᠣᠳ ᠣᠨᠴᠠᠭᠠᠶᠢᠯᠠᠨ ᠵᠠᠯᠠᠶᠢᠷ ᠠᠶᠢᠮᠠᠭ ᠲᠦᠷᠦᠭᠦᠳᠡᠢ ᠲᠡᠮᠦᠷ ᠤᠨ | ᠲᠣᠣᠷᠠᠬᠢ ᠮᠣᠩᠭᠤᠯᠴᠣᠳ ᠠᠴᠠ ᠲᠡᠮᠦᠷ ᠤᠨ ᠨᠣᠶᠠᠷᠬᠠᠯ ᠢ ᠡᠰᠡᠷᠭᠦᠴᠡᠭᠰᠡᠨ ᠨᠢᠭᠡ ᠣᠳᠠᠭᠠᠨ ᠤ ᠪᠣᠰᠣᠯᠭᠠ ᠪᠣᠯᠣᠨᠠ | ᠃ ᠡᠶᠢᠮᠦ ᠠᠴᠠ ᠲᠡᠳᠡ ᠮᠣᠩᠭᠤᠯᠰᠲ᠋ᠠᠨ ᠳᠤ ᠣᠷᠣᠵᠣ ᠲᠣᠬᠠᠢ ᠶᠢᠨ ᠦᠶᠡ ᠶᠢᠨ ᠴᠠᠭᠠᠳᠠᠢ ᠬᠠᠭᠠᠨ ᠣᠯᠣᠰ ᠪᠣᠬᠠ | ᠶᠢᠨ ᠬᠠᠮᠠᠭᠠᠯᠠᠯ ᠳᠤ ᠰᠢᠷᠭᠤᠪᠠ᠃ | ③ ᠣᠮᠠᠷ · ᠱᠠᠾ · ᠮᠢᠷᠽᠠ ᠪᠣᠯ ᠲᠡᠮᠦᠷ ᠤᠨ ᠬᠦᠪᠡᠭᠦᠨ ᠶᠣᠮ᠃ ᠲᠡᠣᠬᠡᠨ ᠳᠤ ᠲᠡᠭᠦᠨ ᠢ ᠪᠠᠰᠠ ᠣᠮᠠᠷ · ᠱᠠᠾ · | ᠮᠢᠷᠽᠠ ᠨᠢᠭᠡᠳᠦᠭᠡᠷ ᠭᠡᠳᠡᠭ᠃ ᠣᠴᠢᠷ ᠨᠢ ᠬᠤᠵᠢᠮ ᠤᠨ ᠲᠡᠮᠦᠷ ᠬᠠᠭᠠᠨᠳᠣ ᠣᠯᠣᠰ ᠤᠨ ᠬᠠᠭᠠᠨ ᠪᠣᠰᠠᠶ᠋ᠢᠨ ᠤ | ᠬᠦᠪᠡᠭᠦᠨ ᠮᠦᠨ ᠣᠮᠠᠷ · ᠱᠠᠾ · ᠮᠢᠷᠽᠠ ᠭᠡᠳᠡᠭ ᠨᠡᠷᠡ ᠲᠠᠢ ᠪᠠᠶᠢᠵᠠᠢ᠃ ᠡᠨᠡ ᠣᠮᠠᠷ · ᠱᠠᠾ · ᠮᠢᠷᠽᠠ ᠶᠢ | ᠬᠦᠮᠦᠰ ᠪᠦᠷ ᠣᠮᠠᠷ · ᠱᠠᠾ · ᠮᠢᠷᠽᠠ ᠬᠤᠶᠠᠳᠣᠭᠠᠷ ᠭᠡᠳᠡᠭ ᠶᠣᠮ᠃ ᠡᠨᠡ ᠣᠮᠠᠷ · ᠱᠠᠾ · ᠮᠢᠷᠽᠠ ᠬᠤᠶᠠᠳᠣᠭᠠᠷ | ᠪᠣᠯ ᠲᠠᠷᠣᠢ ᠡᠨᠡᠳᠬᠡᠭ ᠤᠨ ᠮᠣᠭᠤᠯ ᠬᠠᠭᠠᠨᠳᠣ ᠣᠯᠣᠰ ᠢ ᠴᠣᠭᠴᠠᠯᠠᠭᠴᠢ ᠶᠡᠭᠡ ᠬᠠᠭᠠᠨ ᠪᠠᠪᠣᠷ ᠤᠨ ᠡᠴᠢᠭᠡ ᠨᠢ | ᠪᠣᠯᠣᠨᠠ᠃ | | | ᠪᠡᠯᠡᠳᠬᠡᠭᠰᠡᠨ ᠨᠢ᠄ ᠡᠷᠳᠡᠨᠢᠬᠦᠦ | ᠨᠠᠶᠢᠷᠠᠭᠤᠯᠤᠭᠰᠠᠨ ᠨᠢ᠄ ᠨᠠᠮᠤᠷ | ᠬᠢᠨᠠᠭᠰᠠᠨ ᠨᠢ᠄ ᠤᠷᠢᠬᠠᠨ |