| ᠬᠤᠷᠢᠨ ᠬᠤᠶᠠᠳᠤᠭᠠᠷ ᠪᠦᠯᠦᠭ | ᠡᠮᠢᠷ ᠲᠡᠮᠦᠷ ᠠᠲ᠋ᠠ ᠺᠦᠮ ᠠᠴᠠ ᠰᠠᠯᠵᠣ ᠵᠧᠬᠤᠨ ᠭᠤᠣᠯ ᠢ ᠭᠠᠳᠣᠯᠣᠨ ᠦᠪᠡᠷ ᠤᠨ ᠨᠡᠶᠢᠰᠯᠡᠯ ᠰᠠᠮᠠᠷᠺᠠᠨᠳ᠋ | ᠵᠦᠭ ᠲᠤ ᠪᠣᠴᠠᠵᠠᠢ᠃ ᠲᠡᠷᠡ ᠲᠡᠨᠳᠡ ᠣᠯᠵᠣ ᠦᠵᠡᠭᠰᠡᠨ ᠨᠢ᠄ | ᠲᠦᠰᠢᠮᠡᠳ ᠢᠷᠭᠡᠳ ᠪᠡᠯᠪᠡᠰᠦᠷᠡᠯ ᠳᠤ ᠵᠢᠪᠪᠦᠨ᠂ | ᠲᠦᠮᠡᠨ ᠣᠪᠣᠭᠳᠠᠨ ᠭᠠᠰᠠᠯᠠᠩ ᠳᠤ ᠬᠦᠪᠪᠦᠵᠡᠢ᠃ | ᠦᠰᠦ ᠭᠡᠵᠢᠭᠡ ᠨᠢ ᠦᠷᠪᠦᠶᠢᠨ ᠰᠡᠭᠰᠡᠶᠢᠵᠡᠭᠡᠨ᠂ | ᠡᠩᠬᠡᠷ ᠡᠪᠴᠢᠭᠦᠥ ᠪᠠᠨ ᠲᠡᠯᠡᠳᠦᠨ ᠭᠠᠰᠠᠯᠠᠯᠴᠠᠮᠣᠢ᠃ | ᠬᠠᠭᠠᠨ ᠡᠵᠡᠨ ᠢᠶᠠᠨ ᠶᠠᠭᠠᠷᠠᠨ ᠣᠭᠳᠣᠬᠤᠶᠠ᠂ | ᠬᠠᠷᠠ ᠲᠡᠷᠢᠬᠦᠨᠡ ᠪᠡᠯᠪᠡᠰᠦᠷᠡᠯ ᠤᠨ ᠠᠯᠴᠢᠭᠤᠷ ᠲᠠᠢ᠃ | ᠣᠯᠣᠰ ᠲᠠᠶᠠᠭᠠᠷ ᠪᠡᠯᠪᠡᠰᠦᠷᠡᠨ ᠣᠬᠢᠯᠠᠵᠣ᠂ | ᠣᠶᠠᠷᠠᠯ ᠤᠨ ᠲᠠᠭᠤᠨ ᠲᠠᠰᠣᠷᠠᠰᠢ ᠦᠭᠡᠢ᠃ | ᠭᠠᠰᠢᠭᠤᠳᠠᠯ ᠲᠠᠢ ᠪᠣᠯᠠᠢ ᠵᠢᠬᠠᠨᠬᠢᠷ · ᠮᠢᠷᠽᠠ | ᠭᠤᠣᠯᠴᠢ ᠲᠦᠪ ᠦᠷᠦᠰᠢᠶᠡᠯᠳᠦ ᠬᠦᠮᠦᠨ ᠪᠦᠯᠦᠭᠡ᠃ | ᠲᠣᠷᠭᠤᠨ ᠵᠠᠶᠠᠭᠠᠨᠠ ᠬᠡᠨ ᠬᠦᠮᠦᠨ ᠴᠦ ᠠᠷᠭᠠ ᠦᠭᠡᠢ᠂ | ᠲᠣᠭᠰᠢᠨ ᠰᠠᠯᠬᠢᠨᠠ ᠲᠠᠭᠠᠷᠢᠭᠳᠠᠭᠰᠠᠨ ᠴᠡᠴᠡᠭ ᠮᠡᠳᠦ ᠶᠢ ᠬᠡᠷᠬᠢᠨᠡᠮ᠃ | ᠡᠮᠢᠷ ᠲᠡᠮᠦᠷ ᠡᠨᠡᠬᠦ ᠣᠶᠠᠷᠠᠯ ᠭᠠᠰᠢᠭᠤᠳᠠᠯ ᠲᠦᠭᠦᠷᠡᠭᠰᠡᠨ ᠪᠡᠯᠪᠡᠰᠦᠷᠡᠯ ᠤᠨ ᠲᠠᠭᠤᠨ ᠢ ᠰᠣᠨᠣᠰᠣᠭᠠᠳ᠂ ᠦᠪᠡᠷ ᠤᠨ | ᠠᠩᠬᠠᠨ ᠤ ᠵᠦᠩ ᠰᠣᠪᠢᠩ ᠢ ᠰᠡᠵᠢᠭᠯᠡᠬᠦ ᠦᠭᠡᠢ ᠪᠣᠯᠪᠠ᠃ ᠡᠳᠦᠬᠡ ᠲᠡᠷᠡ ᠦᠪᠡᠷ ᠤᠨ ᠬᠦᠪᠡᠭᠦᠨ ᠤ ᠪᠠᠨ ᠨᠢᠭᠡᠨᠳᠡ | ᠬᠠᠯᠢᠨ ᠣᠳᠣᠭᠰᠠᠨ ᠢ ᠦᠵᠡᠭᠡᠳ᠂ ᠪᠦᠬᠦ ᠲᠡᠯᠡᠬᠡᠢ ᠲᠡᠬᠦᠨ ᠤ ᠰᠡᠳᠬᠢᠯ ᠲᠣᠲᠣᠷᠠ ᠪᠣᠳᠣᠩᠭᠤᠶᠢᠷᠠᠨ ᠵᠠᠪᠬᠠᠵᠠᠢ᠃ | ᠲᠡᠷᠡ ᠨᠢᠯᠪᠦᠰᠦ ᠲᠠᠰᠣᠷᠠᠯ ᠦᠭᠡᠢ ᠡᠮᠭᠡᠨᠢᠵᠦ᠂ ᠵᠢᠷᠦᠬᠡ ᠰᠡᠳᠬᠢᠯ ᠢᠶᠠᠷ ᠣᠨᠠᠬᠤ ᠳᠤ ᠬᠦᠷᠴᠡᠢ᠃ ᠡᠨᠡᠬᠦ ᠰᠦᠷ ᠭᠡᠷᠡᠯ | ᠪᠠᠳᠠᠷᠠᠭᠰᠠᠨ ᠡᠵᠡᠨ ᠬᠠᠭᠠᠨ ᠢ ᠪᠣᠴᠠᠵᠣ ᠢᠷᠡᠬᠦ ᠦᠶᠡ ᠳᠤ᠂ ᠣᠯᠣᠰ ᠲᠠᠶᠠᠭᠠᠷ ᠬᠦᠭᠵᠢᠯᠳᠦᠨ ᠪᠠᠶᠠᠷᠯᠠᠯᠳᠣᠬᠤ | ᠪᠠᠶᠢᠭᠰᠠᠨ ᠶᠣᠮ᠃ ᠭᠡᠳᠡᠯᠡ ᠡᠳᠦᠬᠡ ᠬᠠᠷᠢᠨ ᠲᠡᠯᠡᠬᠡᠢ ᠲᠦᠭᠦᠷᠡᠩ ᠡᠮᠭᠡᠨᠢᠯ ᠤᠨ ᠲᠠᠭᠤᠨ ᠴᠣᠣᠷᠢᠶᠠᠳᠣᠵᠣ᠂ ᠭᠠᠵᠠᠷ | ᠰᠠᠢ ᠦᠭᠡᠢ ᠪᠡᠯᠪᠡᠰᠦᠷᠡᠯ ᠤᠨ ᠬᠤᠪᠴᠠᠰᠣ ᠲᠦᠭᠦᠷᠡᠯᠡ᠃ ᠶᠡᠭᠡ ᠴᠡᠷᠢᠭ ᠴᠦ ᠬᠠᠷᠠ ᠣᠨᠵᠢᠯᠭᠠ ᠡᠯᠭᠦᠨ | ᠪᠡᠯᠪᠡᠰᠦᠷᠡᠵᠦ᠂ ᠪᠦᠬᠦ ᠵᠠᠩᠵᠣᠨ ᠪᠠᠭᠠᠳᠣᠷᠴᠣᠳ ᠬᠤᠭ ᠲᠣᠭᠤᠰᠣ ᠨᠢᠭᠤᠷ ᠲᠦᠭᠦᠷᠡᠩ ᠪᠢᠯᠳᠠᠵᠣ᠂ ᠬᠤᠶᠠᠷ ᠨᠢᠳᠦᠨ | ᠠᠴᠠ ᠭᠠᠰᠢᠭᠤᠳᠠᠯ ᠤᠨ ᠴᠢᠰᠣᠨ ᠠᠰᠬᠠᠷᠠᠪᠠᠢ᠃ | ᠡᠨᠡᠬᠦ ᠦᠷᠯᠦᠭ ᠶᠡᠭᠡ ᠬᠠᠭᠠᠨ ᠬᠡᠳᠦᠶᠢᠪᠡᠷ ᠬᠠᠶᠢᠷᠠᠳᠣ ᠬᠦᠪᠡᠭᠦᠨ ᠢᠶᠠᠨ ᠠᠯᠳᠠᠨ ᠬᠠᠷᠠᠮᠰᠠᠯ ᠤᠨ ᠭᠦᠨ ᠳᠤ | ᠭᠠᠰᠢᠭᠤᠳᠠᠵᠣ ᠪᠠᠶᠢᠭᠠ ᠪᠣᠯᠪᠠᠴᠣ᠂ ᠲᠡᠭᠦᠨ ᠤ ᠮᠡᠷᠭᠡᠨ ᠭᠡᠭᠡᠨ ᠴᠡᠭᠡᠵᠢᠨ ᠳᠤ ᠬᠦᠮᠦᠨ ᠤ ᠨᠢᠭᠡ ᠨᠠᠰᠣ ᠪᠣᠯ ᠵᠦᠪᠬᠡᠨ | ᠨᠢᠭᠡ ᠦᠩᠭᠡᠷᠡᠭᠴᠢ ᠵᠣᠴᠢᠨ ᠭᠡᠳᠡᠭ ᠢ ᠣᠬᠠᠮᠵᠢᠯᠠᠵᠣ᠂ ᠲᠦᠮᠡᠨ ᠪᠣᠳᠠᠰ ᠲᠤ ᠪᠦᠷ ᠲᠡᠭᠦᠰᠭᠡᠯ ᠠᠮᠣᠢ ᠭᠡᠳᠡᠭ ᠢ | ᠨᠡᠪᠳᠡᠷᠡᠳᠡᠯᠡ ᠣᠬᠠᠵᠣ ᠪᠠᠶᠢᠭᠠ ᠶᠣᠮ᠃ ᠲᠡᠶᠢᠮᠦ ︽ᠪᠢᠳᠡ ᠪᠦᠬᠦᠨ ᠬᠦᠮᠦᠨ ᠲᠦᠷᠦᠯᠬᠢᠳᠡᠨ ᠦᠨᠡᠬᠡᠷ ᠪᠦᠷ | ᠠᠯᠯᠠᠾ ᠲᠡᠭᠷᠢ ᠶᠢᠨ ᠲᠡᠨᠳᠡ ᠬᠦᠷᠬᠦ ᠶᠣᠰᠣᠳᠠᠢ︾᠃ ᠡᠳᠡᠭᠡᠷ ᠢ ᠪᠣᠳᠣᠵᠣ ᠲᠡᠷᠡ ᠵᠣᠪᠠᠨᠢᠬᠤ ᠰᠡᠳᠬᠢᠯ ᠵᠢᠭᠠᠬᠠᠨ | ᠲᠠᠶᠢᠪᠣᠰᠢᠷᠠᠵᠣ᠂ ᠮᠠᠰᠢ ᠣᠯᠠᠨ ᠦᠭᠯᠢᠭᠡ ᠪᠣᠶᠠᠨ ᠤ ᠬᠡᠷᠡᠭ ᠡᠷᠭᠢᠯᠡᠵᠡᠢ᠃ ᠲᠡᠷᠡ ᠵᠠᠷᠯᠢᠭ ᠲᠠᠷᠬᠠᠭᠠᠨ ᠦᠭᠡᠭᠦᠥ | ᠶᠠᠳᠠᠭᠤ ᠬᠦᠮᠦᠰ ᠲᠤ ᠦᠯ ᠬᠤᠭᠤᠯᠠ ᠵᠠᠯᠭᠠᠬᠤ ᠢᠳᠡᠭᠡᠨ ᠣᠮᠳᠠᠭᠠᠨ ᠲᠦᠭᠡᠭᠡᠨ ᠦᠭᠴᠦ᠂ ᠦᠪᠡᠷ ᠤᠨ ᠬᠦᠪᠡᠭᠦᠨ | ᠤ ᠪᠠᠨ ᠱᠠᠷᠢᠯ ᠢ ᠦᠪᠡᠷ ᠤᠨ ᠨᠣᠳᠤᠭ ᠺᠧᠱ ᠲᠤ ᠠᠪᠠᠴᠢᠨ ᠣᠩᠭᠤᠯᠠᠵᠣ᠂ ᠣᠩᠭᠤᠨ ᠤ ᠲᠡᠭᠡᠷᠡ ᠨᠢ ᠮᠠᠰᠢ | ᠡᠷᠬᠢᠮᠰᠦᠭ ᠭᠤᠶᠣ ᠪᠠᠷᠢᠯᠭᠠ① ᠪᠠᠶᠢᠭᠤᠯᠵᠠᠢ᠃ ᠡᠨᠡᠬᠦ ᠵᠠᠯᠭᠠᠮᠵᠢᠯᠠᠭᠴᠢ ᠡᠵᠡᠨ ᠨᠠᠰᠣ ᠪᠠᠷᠠᠬᠤ ᠦᠶᠡ ᠳᠤ ᠰᠠᠶ᠋ᠢ | ᠬᠤᠷᠢᠬᠠᠨ ᠨᠠᠰᠣᠳᠠᠢ ᠪᠠᠶᠢᠯᠤᠭᠠ᠃ ᠲᠡᠭᠦᠨ ᠠᠴᠠ ᠦᠷᠡ ᠬᠦᠪᠡᠭᠦᠨ ᠬᠤᠶᠠᠷ ᠬᠦᠮᠦᠨ ᠦᠯᠡᠳᠡᠵᠡᠢ᠃ ᠨᠢᠭᠡ ᠨᠢ | ᠮᠢᠷᠽᠠ · ᠮᠠᠬᠠᠮᠠᠳ᠋ · ᠰᠣᠯᠲᠠᠨ ᠭᠡᠳᠡᠭ᠂ ᠬᠠᠨᠵᠠᠳᠠ ᠠᠴᠠ ᠲᠦᠷᠦᠵᠡᠢ᠃ ᠨᠦᠬᠦᠭᠡ ᠨᠢ ᠡᠴᠢᠬᠡ ᠪᠠᠨ ᠨᠠᠰᠣ | ᠪᠠᠷᠠᠭᠰᠠᠨ ᠤ ᠲᠠᠷᠠᠭᠠ ᠲᠦᠴᠢᠨ ᠡᠳᠦᠷ ᠲᠤ ᠲᠦᠷᠦᠭᠰᠡᠨ ᠶᠣᠮ ᠨᠡᠷᠡ ᠨᠢ ᠮᠢᠷᠽᠠ · ᠫᠢᠷ · ᠮᠠᠬᠠᠮᠠᠳ᠋ ᠭᠡᠵᠦ᠂ | ᠢᠯᠢᠶᠠᠰ ᠶᠠᠰᠣᠷᠢ ᠶᠢᠨ ᠬᠡᠣᠬᠡᠨ ᠪᠠᠾᠳᠢ · ᠮᠦᠯᠺ · ᠠᠬᠠ ᠠᠴᠠ ᠲᠦᠷᠦᠵᠡᠢ᠃ ᠵᠢᠬᠠᠨᠬᠢᠷ ᠤᠨ ᠨᠠᠰᠣ ᠪᠠᠷᠠᠭᠰᠠᠨ | ᠴᠠᠭ ᠨᠢ ᠾᠢᠵᠢᠷ ᠲᠣᠭᠠᠯᠠᠯ ᠤᠨ777 ᠣᠨ ︵ᠨᠡᠶᠢᠳᠡ ᠶᠢᠨ ᠣᠨ ᠲᠣᠭᠠᠯᠠᠯ ᠤᠨ 1375 —1376 ᠣᠨ︶ | ᠶᠣᠮ᠂ ᠲᠠᠷᠣᠢ ᠲᠠᠲ᠋ᠠᠷ ᠲᠣᠭᠠᠯᠠᠯ ᠤᠨ ᠯᠣᠣ ᠵᠢᠯ② ᠤᠨ ᠬᠡᠷᠡᠭ ᠪᠣᠯᠣᠨᠠ᠃ | ᠲᠦᠷᠦᠯ ᠤᠨ ᠸᠠᠩ ᠰᠠᠶᠢᠹᠳᠢᠨ③ ᠡᠨᠡᠬᠦ ᠡᠮᠭᠡᠨᠢᠯᠳᠣ ᠴᠢᠮᠡᠭᠡ ᠶᠢ ᠰᠣᠨᠣᠰᠣᠨ᠂ ᠬᠦᠮᠦᠨ ᠤ ᠶᠢᠷᠲᠢᠨᠴᠦ ᠳᠤ ᠲᠣᠷᠠ | ᠠᠯᠳᠠᠷᠠᠨ ᠡᠮᠢᠷ ᠲᠡᠮᠦᠷ ᠠᠴᠠ ᠬᠠᠨᠵ ᠳᠤ ᠮᠦᠷᠭᠦᠯ ᠬᠢᠬᠦ ᠪᠠᠷ ᠣᠴᠢᠨᠠ ᠭᠡᠵᠦ ᠭᠤᠶᠣᠴᠢᠯᠠᠪᠠ᠃ | ᠲᠣᠰ ᠪᠦᠯᠦᠭ ᠤᠨ ᠲᠠᠶᠢᠯᠪᠣᠷᠢ | ① ᠣᠩᠭᠤᠨ ᠤ ᠲᠡᠭᠡᠷᠡ ᠮᠠᠰᠢ ᠭᠤᠶᠣ ᠪᠠᠷᠢᠯᠭᠠ ᠪᠠᠶᠢᠭᠤᠯᠪᠠ ᠭᠡᠳᠡᠭ ᠨᠢ ᠪᠠᠷᠤᠭ ᠣᠩᠭᠤᠨ ᠳᠤ ᠪᠠᠷᠠᠭᠠᠯᠠᠬᠤ᠂ | ᠮᠦᠷᠬᠦᠬᠦ ᠳᠤ ᠪᠡᠯᠡᠳᠭᠡᠭᠰᠡᠨ ᠲᠠᠩᠬᠢᠮ ᠪᠣᠯᠣᠯᠳᠠᠢ ᠭᠡᠵᠦ ᠠᠩᠭ᠍ᠯᠢᠴᠢᠯᠠᠭᠴᠢ ᠠᠴᠠ ᠲᠠᠶᠢᠯᠪᠣᠷᠢᠯᠠᠵᠠᠢ᠃ | ② ︽ᠲᠡᠮᠦᠷ ᠤᠨ ᠲᠠᠶᠢᠨ ᠤ ᠭᠠᠪᠢᠶᠠ ᠶᠢᠨ ᠲᠡᠮᠳᠡᠭᠯᠡᠯ︾ ᠨᠣᠮ ᠳᠤ ᠶᠡᠷᠦ ᠨᠢ ᠪᠦᠷ ᠾᠢᠵᠢᠷ ᠲᠣᠭᠠᠯᠠᠯ ᠪᠣᠯᠣᠨ | ᠲᠠᠲ᠋ᠠᠷ ᠲᠣᠭᠠᠯᠠᠯ ᠤᠨ ᠵᠡᠷᠭᠡᠴᠡᠭᠡᠭᠦᠯᠦᠨ ᠬᠡᠷᠡᠭᠯᠡᠳᠡᠭ ᠵᠠᠩᠰᠢᠯ ᠲᠠᠢ ᠪᠠᠶᠢᠭᠰᠠᠨ ᠠᠴᠠ ᠦᠵᠡᠬᠦ ᠳᠤ ᠮᠣᠩᠭᠤᠯ ᠰᠣᠶᠣᠯ | ᠤᠨ ᠣᠯᠠ ᠮᠦᠷ ᠲᠡᠷᠡ ᠦᠶᠡ ᠳᠤ ᠬᠠᠷᠬᠠᠨ ᠣᠰᠠᠳᠴᠣ ᠮᠦᠬᠦᠭᠡᠳᠦᠢ ᠪᠠᠶᠢᠭᠰᠠᠨ ᠠᠵᠠᠢ᠃ ᠭᠡᠪᠡᠴᠦ ᠯᠣᠣ ᠵᠢᠯ | ᠭᠡᠪᠡᠯ ᠪᠦᠷ Lui ᠵᠢᠯ ᠭᠡᠵᠦ ᠪᠢᠴᠢᠳᠡᠭ ᠪᠠᠶᠢᠵᠠᠢ᠃ ᠡᠨᠡ ᠨᠢ ᠪᠠᠷᠤᠭ ᠲᠦᠷᠺ ᠫᠧᠷᠰ ᠬᠡᠯᠡᠨ ᠳᠤ ᠮᠠᠲᠠᠷ ᠭᠡᠳᠡᠭ | ᠣᠳᠬᠠ ᠲᠠᠢ ᠦᠭᠡ ᠪᠠᠶᠢᠭᠰᠠᠨ ᠪᠣᠯᠣᠯᠳᠠᠢ᠂ ᠶᠠᠭ ᠡᠶᠢᠮᠦ ᠠᠴᠠ ᠡᠭᠦᠨ ᠢ ᠬᠢᠳᠠᠳᠴᠢᠯᠠᠭᠴᠢ ᠠᠴᠠ ᠪᠦᠷ ᠰᠢᠭᠤᠳ | ᠮᠠᠲᠠᠷ ᠵᠢᠯ ︵鳄鱼年︶ ᠭᠡᠵᠦ ᠣᠷᠴᠢᠭᠤᠯᠣᠭᠰᠠᠨ ᠪᠠᠶᠢᠨᠠ᠃ ᠭᠡᠪᠡᠴᠦ ᠠᠳᠡ ᠬᠡᠯᠡᠬᠦ ᠠᠴᠠ ᠷᠠᠰᠢᠳ᠋ ᠪᠣᠯ | ᠬᠠᠷᠢᠨ ᠵᠢᠯ ᠭᠡᠳᠡᠭ ᠦᠭᠡ ᠶᠢ ᠬᠦᠷᠳᠡᠯᠡ ᠪᠦᠷ ᠰᠢᠭᠤᠳ ᠵᠢᠯ ᠭᠡᠬᠦ ᠪᠣᠶᠣ ᠲᠦᠷᠺ ᠠᠪᠢᠶᠠᠯᠯᠠᠭᠠ ᠳᠤ | ᠣᠶᠢᠷᠠᠳᠣᠭᠤᠯᠣᠨ ᠢᠯ ᠭᠡᠵᠦ ᠠᠪᠢᠶᠠᠴᠢᠯᠠᠨ ᠪᠢᠴᠢᠵᠦ ᠬᠡᠷᠡᠭᠯᠡᠳᠡᠭ ᠵᠣᠷᠰᠢᠯ ᠲᠠᠢ ᠪᠠᠶᠢᠭᠰᠠᠨ ᠶᠣᠮ᠃ | ③ ᠰᠠᠶᠢᠹᠳᠢᠨ ᠪᠣᠯ ᠲᠡᠮᠦᠷ ᠤᠨ ᠲᠡᠭᠦᠥ ᠨᠢ ᠪᠣᠯᠣᠨᠠ᠃ ᠡᠶᠢᠮᠦ ᠠᠴᠠ ᠠᠳᠡ ᠲᠡᠭᠦᠨ ᠢ ᠲᠦᠷᠦᠯ ᠤᠨ ᠸᠠᠩ ᠭᠡᠵᠡᠢ | ᠃ | | | ᠪᠡᠯᠡᠳᠬᠡᠭᠰᠡᠨ ᠨᠢ᠄ ᠡᠷᠳᠡᠨᠢᠬᠦᠦ | ᠨᠠᠶᠢᠷᠠᠭᠤᠯᠤᠭᠰᠠᠨ ᠨᠢ᠄ ᠨᠠᠮᠤᠷ | ᠬᠢᠨᠠᠭᠰᠠᠨ ᠨᠢ᠄ ᠤᠷᠢᠬᠠᠨ |