| ᠭᠤᠴᠢᠳᠣᠭᠠᠷ ᠪᠦᠯᠦᠭ | ᠪᠢᠳᠡ ᠨᠢᠬᠡᠨᠳᠡ ᠬᠡᠯᠡᠵᠦ ᠦᠩᠭᠡᠷᠡᠭᠰᠡᠨ ᠢᠶᠠᠷ ᠡᠮᠢᠷ ᠬᠤᠳᠠᠶᠢᠳᠠ ᠮᠣᠩᠭᠤᠯᠰᠲ᠋ᠠᠨ ᠳᠤ ᠰᠠᠭᠤᠵᠣ ᠮᠣᠩᠭᠤᠯ ᠤᠨ | ᠣᠯᠠᠨ ᠬᠠᠭᠠᠳ ᠲᠤ ᠦᠢᠯᠡᠴᠢᠯᠡᠪᠡ᠃ ᠭᠡᠪᠡᠴᠦ ᠲᠡᠭᠦᠨ ᠤ ᠣᠭ ᠨᠣᠳᠤᠭ ᠨᠢ ᠴᠢᠩᠬᠢᠰ ᠬᠠᠭᠠᠨ ᠠᠴᠠ ᠲᠡᠭᠦᠨ ᠤ | ᠲᠡᠭᠡᠳᠦᠰ ᠲᠤ ᠰᠣᠶᠣᠷᠬᠠᠨ ᠦᠭᠭᠦᠭᠰᠡᠨ ᠢᠳᠡᠯᠭᠡᠨ ᠤ ᠣᠷᠣᠨ ᠪᠣᠯᠬᠤ ᠺᠠᠱᠭᠠᠷ ᠶᠣᠮ᠃ ᠡᠭᠦᠨ ᠢ ᠪᠢ ᠬᠤᠶᠠᠳᠣᠭᠠᠷ | ᠪᠣᠳᠢ ᠳᠤ ᠺᠠᠱᠭᠠᠷ ᠣᠷᠣᠨ ᠢ ᠦᠬᠦᠯᠡᠬᠦ ᠦᠶᠡ ᠳᠤ ᠨᠢᠭᠡᠨᠳᠡ ᠬᠡᠯᠡᠵᠦ ᠦᠩᠭᠡᠷᠡᠭᠰᠡᠨ ᠶᠣᠮ᠃ ᠲᠡᠭᠦᠨ ᠤ | ᠬᠦᠪᠡᠭᠦᠨ ᠡᠮᠢᠷ · ᠰᠠᠶ᠋ᠢᠳ᠋ · ᠠᠬᠠᠮᠠᠳ᠋ ᠪᠣᠯ ᠬᠡᠯᠡᠭᠡᠢ ᠬᠦᠮᠦᠨ ᠶᠣᠮ᠃ ᠵᠦᠪᠬᠡᠨ ᠲᠡᠭᠦᠨ ᠲᠠᠢ ᠣᠳᠠᠭᠠᠨ ᠬᠠᠮᠳᠣ | ᠪᠠᠶᠢᠵᠣ᠂ ᠲᠡᠭᠦᠨ ᠤ ᠦᠭᠡ ᠬᠡᠯᠡᠬᠦ ᠶᠢ ᠰᠣᠨᠣᠰᠴᠣ ᠲᠠᠳᠣᠭᠰᠠᠨ ᠬᠦᠮᠦᠨ ᠪᠣᠯ ᠰᠠᠶ᠋ᠢ ᠲᠡᠭᠦᠨ ᠤ ᠶᠠᠭᠤ ᠬᠡᠯᠡᠵᠦ | ᠪᠠᠶᠢᠭᠠ ᠶᠢ ᠣᠶᠢᠯᠭᠠᠬᠤ ᠶᠣᠮ᠃ ᠲᠠᠬᠢᠭᠠᠳ ᠲᠡᠭᠦᠨ ᠤ ᠴᠢᠬᠢ ᠴᠦ ᠬᠠᠳᠠᠭᠤ ᠪᠣᠯᠬᠤᠷ ᠲᠡᠭᠦᠨ ᠲᠠᠢ ᠬᠡᠯᠡᠯᠴᠡᠬᠦ | ᠦᠶᠡ ᠳᠤ ᠵᠠᠪᠠᠯ ᠶᠡᠭᠡ ᠲᠠᠭᠤ ᠪᠠᠷ ᠬᠠᠰᠬᠢᠷᠣᠨ ᠦᠬᠦᠯᠡᠪᠡᠯ ᠲᠡᠷᠡ ᠰᠠᠶ᠋ᠢ ᠣᠯᠵᠣ ᠰᠣᠨᠣᠰᠳᠠᠭ ᠠᠵᠠᠢ᠃ ᠲᠡᠭᠦᠨ ᠢ | ᠡᠴᠢᠬᠡ ᠨᠢ ᠺᠠᠱᠭᠠᠷ ᠤᠨ ᠵᠠᠬᠢᠷᠣᠭᠴᠢ ᠪᠠᠷ ᠲᠣᠮᠢᠯᠠᠨ ᠣᠴᠢᠭᠤᠯᠪᠠ᠃ ᠲᠡᠷᠡ ᠡᠨᠡᠬᠦ ᠲᠣᠰᠢᠶᠠᠯ ᠳᠠᠭᠠᠨ ᠮᠠᠰᠢ | ᠣᠳᠠᠭᠠᠨ ᠣᠨ ᠠᠵᠢᠯᠯᠠᠵᠠᠢ᠃ ᠬᠤᠵᠢᠮ ᠺᠠᠱᠭᠠᠷ ᠲᠤ ᠨᠢᠭᠡᠨ ᠢᠵᠠᠭᠤᠷᠳᠠᠨ ᠪᠠᠶᠢᠵᠣ ᠨᠡᠷᠡ ᠨᠢ ᠬᠤᠵᠠ · ᠱᠧᠷᠢᠹ | ᠭᠡᠵᠦ᠂ ᠬᠤᠵᠢᠮ ᠲᠡᠭᠦᠨ ᠤ ᠰᠦᠷ ᠬᠦᠴᠦᠨ ᠪᠣᠵᠠᠭᠠᠶᠢᠷᠠᠭᠠᠳ ᠪᠦᠬᠦ ᠬᠢᠵᠠᠭᠠᠷ ᠲᠣᠲᠣᠷᠠᠬᠢ ᠠᠷᠠᠳ ᠢᠷᠭᠡᠳ ᠪᠦᠷ | ᠲᠡᠭᠦᠨ ᠤ ᠣᠣᠬᠠᠢ ᠪᠠᠷ ᠶᠠᠪᠣᠬᠤ ᠪᠣᠯᠪᠠ᠃ ᠬᠤᠵᠠ · ᠱᠧᠷᠢᠹ ᠪᠣᠯ ᠨᠢᠭᠡ ᠬᠦᠮᠦᠨ ᠴᠢᠨᠠᠷ ᠢᠶᠠᠷ ᠡᠷᠭᠢᠮ ᠲᠡᠭᠡᠳᠦ | ᠬᠦᠮᠦᠨ ᠶᠣᠮ᠃ ᠭᠡᠪᠡᠴᠦ ᠲᠡᠷᠡ ᠰᠠᠶ᠋ᠢᠳ᠋ · ᠠᠬᠠᠮᠠᠳ᠋ · ᠮᠢᠷᠽᠠ ᠶᠢ ᠲᠣᠭᠤᠬᠤ ᠦᠭᠡᠢ ᠪᠣᠯᠬᠤᠷ᠂ ᠺᠠᠱᠭᠠᠷ ᠤᠨ | ᠲᠦᠷᠦ ᠶᠢᠨ ᠡᠷᠬᠡ ᠶᠢ ᠮᠢᠷᠽᠠ · ᠦᠯᠦᠭᠪᠡᠢ ᠳᠤ ᠲᠣᠰᠢᠶᠠᠨ ᠦᠭᠭᠦᠪᠡ᠃ ᠢᠩᠬᠢᠭᠡᠳ ᠡᠮᠢᠷ · ᠰᠠᠶ᠋ᠢᠳ᠋ · ᠠᠬᠠᠮᠠᠳ᠋ | ᠺᠠᠱᠭᠠᠷ ᠠᠴᠠ ᠡᠴᠢᠭᠡ ᠶᠢᠨ ᠢᠶᠠᠨ ᠲᠡᠷᠭᠡᠳᠡ ᠲᠣᠳᠠᠭᠠᠨ ᠣᠴᠢᠵᠠᠢ᠃ ᠭᠡᠪᠡᠴᠦ ᠲᠡᠷᠡ ᠲᠡᠮᠡᠢ ᠣᠳᠠᠯ ᠦᠭᠡᠢ ᠨᠠᠰᠣ | ᠪᠠᠷᠠᠪᠠ᠃ | ᠰᠠᠶ᠋ᠢᠳ᠋ · ᠠᠬᠠᠮᠠᠳ᠋ · ᠮᠢᠷᠽᠠ ᠶᠢᠨ ᠬᠦᠪᠡᠭᠦᠨ ᠨᠢ ᠡᠮᠢᠷ · ᠠᠯᠢ ᠭᠡᠵᠦ᠂ ᠶᠡᠷᠦ ᠨᠢ ᠡᠪᠦᠭᠡ ᠡᠮᠢᠷ ᠬᠤᠳᠠᠶᠢᠳᠠ | ᠶᠢᠨ ᠲᠡᠷᠭᠡᠳᠡ ᠰᠠᠭᠤᠳᠠᠭ ᠪᠠᠶᠢᠵᠠᠢ᠃ ᠡᠮᠢᠷ ᠬᠤᠳᠠᠶᠢᠳᠠ ᠡᠨᠡᠬᠦ ᠣᠮᠪᠣᠯ ᠬᠦᠪᠡᠭᠦᠨ ᠢᠶᠠᠨ ᠮᠠᠰᠢ ᠬᠠᠶᠢᠷᠠᠯᠠᠳᠠᠭ᠃ | ᠲᠡᠭᠦᠨ ᠤ ᠪᠡᠶᠡ ᠪᠢᠯᠳᠡᠷ᠂ ᠰᠦᠰᠦ ᠵᠣᠷᠢᠭ᠂ ᠴᠢᠳᠠᠪᠣᠷᠢ ᠪᠣᠯᠣᠨ ᠣᠬᠠᠭᠠᠨ ᠪᠣᠳᠣᠯ ᠨᠢ ᠪᠦᠷ ᠲᠡᠭᠦᠨ ᠤ ᠦᠶᠡ ᠶᠢᠨ | ᠬᠦᠮᠦᠰ ᠠᠴᠠ ᠪᠠᠨ ᠢᠯᠡᠳᠳᠡ ᠲᠠᠪᠠᠳᠠᠭ ᠪᠠᠶᠢᠯᠠ᠃ ᠡᠶᠢᠮᠦ ᠠᠴᠠ ᠲᠡᠷᠡ ᠲᠡᠭᠦᠨ ᠢ ᠬᠡᠵᠢᠶᠡᠳᠡ ᠰᠠᠶ᠋ᠢᠳ᠋ · ᠠᠯᠢ · | ᠠᠯᠢᠹ① ᠭᠡᠵᠦ ᠲᠠᠭᠤᠳᠠᠭ ᠪᠠᠶᠢᠵᠠᠢ᠃ | ᠡᠮᠢᠷ · ᠰᠠᠶ᠋ᠢᠳ᠋ · ᠠᠯᠢ ᠬᠦᠪᠡᠭᠦᠨ ᠮᠠᠬᠠᠮᠠᠳ᠋ · ᠬᠠᠶᠢᠳᠠᠷ · ᠮᠢᠷᠽᠠ ᠳᠠᠭᠠᠨ ᠡᠰᠡᠨ ᠪᠣᠬᠠ ᠬᠠᠭᠠᠨ ᠤ ᠬᠡᠣᠬᠡᠨ ︵ | ᠲᠣᠣᠷᠠ ᠡᠭᠦᠨ ᠢ ᠪᠠᠰᠠ ᠲᠠᠬᠢᠨ ᠲᠣᠷᠠᠳᠣᠨᠠ︶ ᠢ ᠪᠣᠭᠳᠣᠯᠣᠨ ᠠᠪᠬᠤ ᠦᠶᠡ ᠳᠤ ᠪᠠᠶᠠᠷᠯᠠᠭᠰᠠᠨ ᠢᠶᠠᠨ ᠢᠯᠡᠳᠭᠡᠬᠦ | ᠶᠢᠨ ᠲᠣᠯᠠᠳᠠ᠂ ᠬᠡᠷᠡᠮ ᠲᠡᠭᠡᠷᠡ ᠪᠠᠨ ᠨᠢᠭᠡᠨ ᠬᠠᠳᠠᠭᠠᠰᠣ ᠬᠠᠳᠠᠵᠠᠢ᠃ ᠲᠡᠷᠡᠬᠦ ᠬᠠᠳᠠᠭᠠᠰᠣ ᠶᠢ ᠨᠢ ᠪᠢ ᠨᠢᠳᠦ ᠪᠠᠷ | ᠢᠶᠠᠨ ᠬᠠᠷᠠᠭᠰᠠᠨ ᠶᠣᠮ᠃ ᠨᠢᠭᠡ ᠡᠷᠡ ᠠᠰ ᠪᠣᠰᠤᠭᠠ ᠪᠠᠷ ᠵᠣᠭᠰᠣᠭᠠᠳ᠂ ᠲᠡᠭᠦᠨ ᠤ ᠮᠦᠷᠦᠨ ᠲᠡᠭᠡᠷᠡ ᠲᠠᠬᠢᠨ | ᠨᠢᠭᠡ ᠠᠰ ᠪᠣᠰᠤᠭᠠ ᠪᠠᠷ ᠵᠣᠭᠰᠣᠭᠰᠠᠨ ᠬᠦᠮᠦᠨ ᠭᠠᠷ ᠢᠶᠠᠨ ᠡᠷᠭᠦᠬᠦ ᠳᠤ ᠬᠠᠳᠠᠭᠠᠰᠣ ᠬᠦᠷᠳᠡᠯᠡ ᠪᠠᠰᠠ ᠨᠢᠭᠡ ᠭᠠᠽ | ᠲᠣᠳᠠᠬᠤ② ᠶᠣᠮ᠃ | ᠶᠠᠭ ᠡᠶᠢᠮᠦ ᠠᠴᠠ③ ᠡᠮᠢᠷ ᠬᠤᠳᠠᠶᠢᠳᠠ᠂ ᠡᠮᠢᠷ · ᠰᠠᠶ᠋ᠢᠳ᠋ · ᠠᠯᠢ ᠶᠢ ᠢᠯᠡᠭᠦᠥ ᠬᠠᠶᠢᠷᠠᠯᠠᠳᠠᠭ ᠪᠠᠶᠢᠵᠠᠢ᠃ | ᠡᠨᠡ ᠦᠶᠡ ᠪᠠᠷ ᠲᠡᠮᠦᠷ ᠤᠨ ᠬᠤᠶᠢᠴᠰ ᠪᠣᠯᠬᠤ ᠮᠢᠷᠽᠠ · ᠱᠠᠬᠠᠷᠤᠭ ᠤᠨ ᠭᠡᠷ ᠲᠦᠷᠦᠯ ᠤᠨ ᠲᠣᠲᠣᠷᠠ ᠨᠢᠭᠡ | ᠠᠬᠠᠮᠠᠳ᠋ · ᠮᠢᠷᠽᠠ ᠭᠡᠳᠡᠭ ᠬᠦᠮᠦᠨ ᠪᠠᠶᠢᠵᠣ᠂ ᠦᠪᠡᠷ ᠤᠨ ᠲᠣᠲᠣᠷᠠ ᠵᠠᠭᠤᠷᠠ ᠪᠠᠨ ᠲᠠᠭᠠᠷᠠᠯᠴᠠᠬᠤ ᠦᠭᠡᠢ ᠪᠣᠯᠬᠤᠷ | ᠮᠣᠩᠭᠤᠯᠰᠲ᠋ᠠᠨ ᠳᠤ ᠳᠣᠳᠠᠭᠠᠨ ᠢᠷᠡᠭᠰᠡᠨ ᠶᠣᠮ᠃ ᠲᠡᠭᠦᠨ ᠤ ᠨᠢᠭᠡ ᠬᠡᠣᠬᠡᠨ ᠲᠡᠭᠦᠥ ᠨᠢ ᠲᠡᠭᠦᠨ ᠢ ᠲᠠᠭᠠᠯᠴᠠᠨ | ᠢᠷᠡᠵᠡᠢ᠃ ᠡᠮᠢᠷ · ᠰᠠᠶ᠋ᠢᠳ᠋ · ᠠᠯᠢ ᠲᠡᠭᠦᠨ ᠤ ᠬᠡᠣᠬᠡᠨ ᠲᠡᠭᠦᠥ ᠶᠢ ᠲᠣᠩ ᠬᠠᠶᠢᠷᠠᠯᠠᠨ ᠲᠣᠭᠤᠵᠠᠢ᠃ ᠡᠶᠢᠮᠦ ᠠᠴᠠ | ᠡᠮᠢᠷ ᠬᠤᠳᠠᠶᠢᠳᠠ ᠪᠣᠯᠣᠨ ᠪᠣᠰᠣᠳ ᠬᠦᠮᠦᠰ ᠡᠨᠡᠬᠦ ᠬᠡᠣᠬᠡᠨ ᠢ ᠡᠮᠢᠷ · ᠰᠠᠶ᠋ᠢᠳ᠋ · ᠠᠯᠢ ᠳᠤ ᠡᠬᠡᠨᠡᠷ ᠪᠣᠯᠭᠠᠨ | ᠪᠣᠭᠳᠣᠯᠣᠨ ᠠᠪᠬᠤ ᠭᠡᠰᠡᠨ ᠳᠤ ᠲᠡᠷᠡᠬᠦ ᠬᠡᠣᠬᠡᠨ ᠲᠣᠷᠠ ᠦᠭᠡᠢ ᠪᠣᠯᠬᠤᠷ᠄ ︽ᠪᠢ ᠮᠣᠩᠭᠤᠯᠰᠲ᠋ᠠᠨ ᠤ ᠠᠮᠢᠳᠣᠷᠠᠯ | ᠳᠤ ᠴᠢᠨᠢ ᠲᠠᠳᠬᠤ ᠦᠭᠡᠢ᠂ ᠬᠡᠷᠪᠡ ᠲᠡᠷᠡ ᠨᠠᠳᠠ ᠲᠠᠢ ᠬᠠᠮᠳᠣ ᠮᠢᠨᠦ ᠨᠣᠳᠤᠭ ᠲᠤ ᠣᠴᠢᠪᠠᠯ ᠪᠢ ᠰᠠᠶ᠋ᠢ | ᠵᠦᠪᠰᠢᠶᠡᠷᠡᠨᠡ︾ ᠭᠡᠪᠡ᠃ ᠲᠡᠭᠡᠭᠡᠳ ᠡᠮᠢᠷ · ᠰᠠᠶ᠋ᠢᠳ᠋ · ᠠᠯᠢ ᠲᠡᠷᠡ ᠲᠣᠣᠷᠠ ᠪᠠᠨ ᠲᠡᠭᠦᠨ ᠳᠤ ᠪᠠᠷᠠ ᠪᠣᠯᠵᠣ | ᠲᠡᠭᠦᠨ ᠤ ᠨᠣᠳᠤᠭ ᠲᠤ ᠣᠴᠢᠪᠠ᠃ ᠲᠡᠳᠡ ᠵᠦᠳᠡᠵᠦ ᠠᠨᠳᠢᠵᠠᠨ ᠳᠤ ᠬᠦᠷᠳᠡᠯᠡ᠂ ᠮᠢᠷᠽᠠ · ᠦᠯᠦᠭᠪᠡᠢ ᠬᠦᠮᠦᠨ | ᠲᠣᠮᠢᠯᠠᠨ ᠠᠬᠠᠮᠠᠳ᠋ · ᠮᠢᠷᠽᠠ ᠶᠢ ᠠᠯᠠᠵᠣ᠂ ᠦᠪᠡᠷ ᠢᠶᠠᠨ ᠡᠨᠡᠬᠦ ᠬᠡᠣᠬᠡᠨ ᠲᠡᠭᠦᠥ ᠪᠠᠨ ᠪᠣᠭᠳᠣᠯᠣᠨ ᠠᠪᠴᠠᠢ᠃ | ᠡᠭᠦᠨ ᠤ ᠬᠠᠮᠳᠣ ᠡᠮᠢᠷ · ᠰᠠᠶ᠋ᠢᠳ᠋ · ᠠᠯᠢ ᠶᠢ ᠰᠠᠮᠠᠷᠺᠠᠨᠳ᠋ ᠶᠢᠨ ᠱᠣᠷᠣᠩ ᠳᠤ ᠨᠢᠭᠡ ᠵᠢᠯ ᠬᠤᠷᠢᠵᠠᠢ᠃ ᠲᠡᠷᠡ ᠠᠳᠡ | ᠬᠤᠷᠢᠭᠳᠠᠨ ᠴᠢᠴᠠᠭᠠ ᠠᠯᠳᠠᠬᠤ ᠡᠪᠡᠳᠴᠢᠨ ᠣᠯᠵᠣ᠂ ᠬᠤᠷᠢᠭᠳᠠᠵᠣ ᠪᠠᠶᠢᠭᠠ ᠪᠣᠯᠬᠤᠷ ᠡᠪᠡᠳᠴᠢᠨ ᠨᠢ | ᠬᠦᠨᠳᠦᠷᠡᠭᠰᠡᠨ ᠦᠶᠡ ᠳᠤ ᠦᠯᠦᠭᠪᠡᠢ ᠰᠠᠶ᠋ᠢ ᠡᠮᠴᠢ ᠵᠠᠯᠠᠨ ᠲᠡᠭᠦᠨ ᠢ ᠡᠮᠴᠢᠯᠡᠭᠦᠯᠵᠡᠢ᠃ ᠭᠡᠪᠡᠴᠦ ᠡᠮ ᠲᠠᠩ | ᠨᠢᠭᠡᠨᠳᠡ ᠶᠠᠪᠣᠭᠤᠷᠢ ᠦᠭᠡᠢ ᠪᠣᠯᠪᠠ᠃ ᠨᠢᠭᠡᠨ ᠡᠳᠦᠷ ᠨᠢᠭᠡ ᠬᠦᠮᠦᠨ ᠴᠡᠭᠡ ᠠᠪᠴᠢᠷᠠᠭᠰᠠᠨ ᠢ ᠦᠵᠡᠵᠦ᠂ ᠡᠮᠢᠷ · | ᠰᠠᠶ᠋ᠢᠳ᠋ · ᠠᠯᠢ ᠡᠮᠴᠢ ᠠᠴᠠ ᠭᠤᠶᠣᠵᠣ ᠦᠭᠦᠯᠡᠷᠦᠨ᠄ ︽ᠡᠮ ᠲᠠᠩ ᠨᠢᠭᠡᠨᠳᠡ ᠶᠠᠪᠣᠭᠤᠷᠢ ᠦᠭᠡᠢ ᠪᠣᠯᠣᠭᠰᠠᠨ ᠶᠣᠮ | ᠴᠢᠨᠢ᠂ ᠪᠢ ᠵᠢᠭᠠᠬᠠᠨ ᠴᠡᠭᠡ ᠣᠣᠭᠤᠮᠠᠷ ᠰᠠᠨᠠᠵᠣ ᠪᠠᠶᠢᠨᠠ᠂ ᠲᠣᠷᠰᠢᠵᠣ ᠦᠵᠡᠮᠦ︖ ᠪᠢ ᠴᠡᠭᠡ ᠳᠤ ᠲᠣᠩ | ᠲᠣᠷᠠᠳᠠᠢ ᠶᠣᠮᠰᠠᠨ︾ ᠭᠡᠰᠡᠨ ᠳᠤ ᠲᠡᠳᠡᠭᠡᠷ ᠬᠦᠮᠦᠰ ᠲᠡᠭᠦᠨ ᠤ ᠭᠤᠶᠣᠴᠢᠯᠠᠯ ᠢ ᠵᠦᠪᠰᠢᠶᠡᠷᠡᠨ᠂ ᠭᠤᠷᠢ | ᠲᠠᠰᠣᠷᠠᠭᠰᠠᠨ ᠬᠦᠮᠦᠨ ᠳᠤ ᠡᠴᠦᠰ ᠤᠨ ᠨᠢᠭᠡ ᠲᠣᠷᠰᠢᠯᠳᠠ ᠬᠢᠵᠦ ᠦᠵᠡᠬᠦ ᠰᠠᠨᠠᠭᠠ ᠲᠠᠢ ᠪᠠᠷ ᠡᠮᠴᠢ ᠬᠡᠯᠡᠭᠰᠡᠨ ᠨᠢ᠄ | ︽ᠴᠡᠭᠡ ᠪᠠᠷᠤᠭ ᠲᠡᠭᠦᠨ ᠤ ᠪᠡᠶᠡ ᠳᠤ ᠵᠢᠭᠠᠬᠠᠨ ᠲᠠᠮᠢᠷ ᠰᠡᠯᠪᠢᠬᠦ ᠮᠠᠭᠠᠳ ᠦᠭᠡᠢ︾ ᠭᠡᠵᠦ ᠬᠡᠯᠡᠭᠡᠳ ᠣᠷᠢᠳᠠᠪᠡᠷ | ᠲᠡᠭᠦᠨ ᠳᠤ ᠵᠢᠭᠠᠬᠠᠨ ᠬᠡᠮᠵᠢᠶᠡ ᠪᠠᠷ ᠴᠡᠭᠡ ᠣᠣᠭᠤᠯᠭᠠᠵᠠᠢ᠃ ᠡᠭᠦᠨ ᠠᠴᠠ ᠡᠬᠢᠯᠡᠭᠡᠳ ᠲᠡᠭᠦᠨ ᠤ ᠡᠪᠡᠳᠴᠢᠨ ᠤ | ᠪᠠᠶᠢᠳᠠᠯ ᠡᠳᠦᠷ ᠢᠷᠡᠬᠦᠶᠡ ᠰᠠᠶᠢᠵᠢᠷᠠᠵᠣ ᠪᠠᠶᠢᠭᠠ ᠲᠦᠯᠦᠪᠳᠡᠢ ᠪᠣᠯᠪᠠ᠃ ᠲᠡᠭᠡᠭᠡᠳ ᠲᠠᠷᠠᠭᠠ ᠡᠳᠦᠷ ᠠᠴᠠ ᠨᠢ | ᠲᠡᠷᠡ ᠬᠡᠳᠦᠢ ᠣᠣᠭᠤᠶᠠ ᠭᠡᠪᠡᠯ ᠳᠡᠳᠦᠢ ᠬᠡᠮᠵᠢᠶᠡᠨ ᠤ ᠴᠡᠭᠡ ᠣᠣᠭᠤᠯᠭᠠᠭᠰᠠᠭᠠᠷ ᠪᠠᠶᠢᠵᠣ᠂ ᠲᠡᠭᠦᠨ ᠤ ᠡᠪᠡᠳᠴᠢᠨ | ᠪᠦᠷᠢᠮᠦᠰᠦᠨ ᠢᠯᠠᠷᠢᠰᠢᠵᠠᠢ᠃ ᠡᠨᠡ ᠦᠶᠡ ᠪᠠᠷ ᠮᠢᠷᠽᠠ · ᠦᠯᠦᠭᠪᠡᠢ ᠲᠡᠭᠦᠨ ᠤ ᠡᠷᠬᠢᠮ ᠬᠦᠨᠳᠦᠳᠦ ᠡᠴᠢᠭᠡ | ᠮᠢᠷᠽᠠ · ᠱᠠᠬᠠᠷᠤᠭ ᠢ ᠡᠷᠭᠢᠵᠦ ᠦᠵᠡᠬᠦ ᠪᠠᠷ ᠪᠣᠯᠪᠠ᠃ ᠡᠨᠡ ᠦᠶᠡ ᠪᠠᠷ ᠡᠮᠢᠷ · ᠰᠠᠶ᠋ᠢᠳ᠋ · ᠠᠯᠢ ᠴᠦ ᠪᠦᠷᠢᠮᠦᠰᠦᠨ | ᠡᠷᠡᠭᠦᠯᠰᠢᠵᠦ᠂ ᠲᠡᠭᠦᠨ ᠳᠤ ᠮᠣᠷᠢ ᠬᠤᠶᠠᠭ ᠲᠣᠭᠤᠯᠭᠠ ᠵᠡᠷ ᠵᠡᠪᠰᠡᠭ ᠦᠭᠴᠦ ᠲᠡᠭᠦᠨ ᠢ ᠲᠠᠭᠠᠭᠤᠯᠣᠨ ᠬᠤᠷᠣᠽᠠᠨ | ᠲᠤ ᠠᠪᠠᠴᠢᠬᠤ ᠪᠠᠷ ᠪᠣᠯᠪᠠ᠃ ᠲᠡᠭᠦᠨ ᠤ ᠰᠠᠨᠠᠭᠠ ᠪᠣᠯ ᠲᠡᠨᠳᠡᠬᠢ ᠣᠯᠠᠨ ᠬᠦᠮᠦᠨ ᠳᠤ ︵ᠪᠡᠶᠡ ᠪᠢᠯᠳᠠᠷ ᠰᠦᠷᠯᠢᠭ | ᠲᠣᠮᠣ︶ ᠡᠮᠢᠷ · ᠰᠠᠶ᠋ᠢᠳ᠋ · ᠠᠯᠢ ᠶᠢ ᠦᠵᠡᠭᠦᠯᠦᠨ᠂ ᠡᠨᠡ ᠪᠣᠯ ᠮᠢᠨᠦ ᠮᠣᠩᠭᠤᠯᠰᠲ᠋ᠠᠨ ᠠᠴᠠ ᠣᠯᠵᠠᠯᠠᠨ | ᠠᠪᠴᠢᠷᠠᠭᠰᠠᠨ ᠣᠯᠵᠠᠯᠠᠭᠰᠠᠳ ᠭᠡᠵᠦ ᠪᠡᠶᠡ ᠪᠠᠨ ᠮᠠᠵᠣᠣᠯᠠᠬᠤ ᠶᠢᠨ ᠲᠦᠯᠦᠭᠡ ᠪᠠᠶᠢᠵᠠᠢ᠃ ᠨᠢᠭᠡᠨ ᠰᠦᠨᠢ ᠮᠢᠷᠽᠠ · | ᠦᠯᠦᠭᠪᠡᠢ ᠦᠪᠡᠷ ᠤᠨ ᠮᠠᠶᠢᠬᠠᠨ ᠲᠣᠲᠣᠷᠠ ᠠᠴᠠ ᠭᠠᠳᠠᠨᠠᠬᠢ ᠭᠠᠯ ᠪᠠᠮᠪᠠᠷ ᠡᠷᠭᠦᠨ ᠦᠩᠭᠡᠷᠡᠬᠦ ᠬᠦᠮᠦᠰ ᠤᠨ | ᠲᠣᠮᠳᠠ ᠡᠮᠢᠷ · ᠰᠠᠶ᠋ᠢᠳ᠋ · ᠠᠯᠢ ᠪᠠᠶᠢᠭᠠ ᠶᠢ ᠦᠵᠡᠵᠦ᠂ ᠲᠡᠭᠦᠨ ᠤ ᠭᠠᠷ ᠲᠤ ᠪᠠᠷᠢᠭᠰᠠᠨ ᠨᠣᠮᠣ ᠨᠢ ᠪᠣᠰᠣᠳ | ᠬᠦᠮᠦᠨ ᠤ ᠬᠢ ᠠᠴᠠ ᠬᠠᠪᠢ ᠦᠭᠡᠢ ᠶᠡᠭᠡ ᠪᠠᠶᠢᠵᠣ᠂ ᠭᠦᠢᠴᠡᠳ ᠠᠷᠪᠠᠨ ᠲᠦᠷᠪᠡᠨ ᠰᠦᠬᠦᠮ ᠣᠷᠳᠣ ᠪᠠᠶᠢᠯᠠ᠃ | ᠲᠡᠭᠦᠨ ᠢ ᠦᠵᠡᠭᠡᠳ ᠮᠢᠷᠽᠠ · ᠦᠯᠦᠭᠪᠡᠢ ᠲᠣᠲᠣᠷᠠ ᠪᠠᠨ᠄ ︽ᠬᠡᠷᠪᠡ ᠡᠨᠡ ᠬᠦᠮᠦᠨ ᠡᠨᠡ ᠨᠣᠮᠣ ᠪᠠᠷ ᠨᠠᠳᠠ ᠶᠢ | ᠬᠠᠷᠪᠣᠶᠠ ᠭᠡᠵᠦ ᠰᠠᠨᠠᠪᠠᠯ᠂ ᠬᠡᠨ ᠬᠦᠮᠦᠨ ᠲᠡᠭᠦᠨ ᠢ ᠬᠤᠷᠢᠭᠯᠠᠵᠣ ᠲᠡᠶᠢᠯᠦᠬᠦ ᠪᠣᠢ︖︾ ᠭᠡᠵᠦ ᠪᠣᠳᠣᠭᠠᠳ᠂ | ᠪᠣᠳᠣᠬᠤ ᠲᠣᠲᠣᠮ ᠠᠶᠣᠳᠠᠰ ᠲᠦᠷᠦᠵᠦ᠂ ᠲᠡᠷᠡ ᠲᠣᠣᠷᠠ ᠪᠠᠨ ᠬᠦᠮᠦᠨ ᠲᠣᠮᠢᠯᠠᠨ ᠡᠮᠢᠷ · ᠰᠠᠶ᠋ᠢᠳ᠋ · ᠠᠯᠢ ᠶᠢ | ᠲᠠᠭᠤᠳᠠᠨ ᠠᠪᠴᠢᠷᠠᠵᠣ᠂ ᠲᠡᠭᠦᠨ ᠳᠤ ᠬᠡᠯᠡᠭᠰᠡᠨ ᠨᠢ᠄ ︽ᠬᠤᠷᠣᠽᠠᠨ ᠬᠦᠷᠬᠦ ᠵᠠᠮ ᠭᠤᠳᠣᠰ ᠵᠦᠳᠡᠭᠦᠷᠢ ᠲᠠᠢ | ᠪᠣᠯᠬᠤᠷ ᠲᠠᠨ ᠳᠤ ᠲᠠᠭᠠᠯᠠᠮᠵᠢ ᠦᠭᠡᠢ ᠮᠠᠭᠠᠳ᠂ ᠲᠠ ᠣᠷᠢᠳᠠᠪᠠᠷ ᠰᠠᠮᠠᠷᠺᠠᠨᠳ᠋ ᠲᠤ ᠬᠦᠷᠴᠦ᠂ ᠮᠢᠨᠦ ᠪᠣᠴᠠᠵᠣ ᠢᠷᠡᠬᠦ | ᠶᠢ ᠬᠦᠯᠢᠶᠡᠵᠦ ᠪᠠᠢ᠂ ᠲᠡᠭᠡᠭᠡᠳ ᠪᠢ ᠪᠣᠴᠠᠵᠣ ᠢᠷᠡᠪᠡᠯ ᠴᠢᠮᠠ ᠶᠢ ᠮᠣᠩᠭᠤᠯᠰᠲ᠋ᠠᠨ ᠳᠤ ᠬᠠᠷᠢᠭᠤᠯᠣᠶᠠ᠃ ᠲᠠ | ᠬᠠᠷᠢᠪᠠᠯ ᠰᠢᠷ · ᠮᠠᠬᠠᠮᠠᠳ᠋ ᠬᠠᠭᠠᠨ ᠪᠣᠯᠣᠨ ᠮᠢᠨᠦ ᠬᠤᠭᠤᠷᠣᠨᠳᠣ ᠡᠶᠡᠳᠦᠬᠦᠯᠬᠦ ᠬᠦᠮᠦᠨ ᠪᠣᠯᠣᠭᠠᠷᠠᠢ᠃ ᠲᠡᠭᠡᠪᠡᠯ | ᠠᠯᠢᠪᠠ ᠪᠦᠬᠦᠨ ᠢ ᠪᠦᠷ ᠡᠩᠬᠡ ᠲᠠᠶᠢᠪᠣᠩ ᠢᠶᠠᠷ ᠰᠢᠢᠳᠪᠦᠷᠢᠯᠡᠵᠦ ᠴᠢᠳᠠᠬᠤ ᠪᠣᠯᠣᠨᠠ︾ ᠭᠡᠪᠡ᠃ | ᠲᠡᠭᠡᠭᠡᠳ ᠦᠯᠦᠭᠪᠡᠢ ᠲᠡᠭᠦᠨ ᠢ ᠰᠠᠮᠠᠷᠺᠠᠨᠳ᠋ ᠲᠤ ᠶᠠᠪᠣᠭᠤᠯᠭᠰᠠᠨ ᠮᠦᠷᠳᠡᠬᠡᠨ᠂ ᠨᠢᠭᠡ ᠬᠦᠮᠦᠨ ᠲᠣᠮᠢᠯᠠᠨ ᠬᠠᠮᠠᠭᠠᠯᠠᠨ | ᠬᠦᠷᠭᠡᠪᠡ᠃ ᠲᠡᠷᠡ ᠪᠠᠰᠠ ᠰᠠᠮᠠᠷᠺᠠᠨᠳ᠋ ᠶᠢᠨ ᠵᠠᠬᠢᠷᠣᠭᠴᠢ ᠳᠤ ᠨᠢᠭᠡᠨ ᠬᠤᠪᠢ ᠵᠠᠬᠢᠳᠠᠯ ᠪᠢᠴᠢᠨ᠂ ᠡᠮᠢᠷ · ᠰᠠᠶ᠋ᠢᠳ᠋ · | ᠠᠯᠢ ᠶᠢ ᠶᠣᠰᠣᠯᠠᠯ ᠲᠡᠭᠦᠯᠳᠡᠷ ᠵᠣᠴᠢᠯᠠᠵᠣ ᠪᠠᠶᠢᠭᠠᠷᠠᠢ ᠭᠡᠵᠦ ᠵᠠᠷᠯᠢᠭᠳᠠᠪᠠ᠃ ᠭᠡᠪᠡᠴᠦ ᠲᠡᠷᠡ ᠲᠠᠯᠳᠠᠭᠤᠷ ᠨᠢᠭᠡ | ᠨᠢᠭᠤᠴᠠ ᠡᠯᠴᠢ ᠲᠣᠮᠢᠯᠠᠨ ᠰᠠᠮᠠᠷᠺᠠᠨᠳ᠋ ᠶᠢᠨ ᠵᠠᠬᠢᠷᠣᠭᠴᠢ ᠶᠢ ᠡᠮᠢᠷ · ᠰᠠᠶ᠋ᠢᠳ᠋ ᠶᠢ ᠪᠠᠷᠢᠪᠴᠢᠯᠠᠨ ᠬᠤᠷᠢᠳᠣᠭᠠᠢ ᠭᠡᠵᠦ | ᠵᠠᠷᠯᠢᠭᠳᠠᠪᠠ᠃ | ᠡᠮᠢᠷ · ᠰᠠᠶ᠋ᠢᠳ᠋ · ᠠᠯᠢ ᠲᠡᠷᠡᠭᠦ ᠬᠠᠮᠠᠭᠠᠯᠠᠨ ᠬᠦᠷᠭᠡᠭᠴᠢ ᠲᠠᠢ ᠬᠠᠮᠳᠣ ᠰᠠᠮᠠᠷᠺᠠᠨᠳ᠋ ᠲᠤ ᠢᠷᠡᠬᠦ ᠦᠶᠡ ᠳᠤ ᠲᠡᠷᠡ | ᠡᠨᠡᠬᠦ ᠬᠦᠮᠦᠨ ᠤ ᠵᠦᠢᠯ ᠵᠦᠢᠯ ᠤᠨ ᠬᠡᠪ ᠤᠨ ᠪᠣᠰᠣ ᠦᠢᠯᠡ ᠬᠦᠳᠡᠯᠦᠯ ᠠᠴᠠ ᠰᠡᠷᠡᠵᠦ ᠮᠡᠳᠡᠭᠰᠡ ᠨᠢ ᠡᠨᠡ | ᠣᠳᠠᠭᠠᠨ ᠤ ᠠᠶᠠᠯᠠᠯ ᠳᠤ ᠵᠣᠯ ᠪᠣᠰᠣ ᠬᠡᠷᠡᠭ ᠯᠠᠪ ᠭᠠᠷᠬᠤ ᠪᠣᠯᠣᠯᠳᠠᠢ ᠬᠡᠮᠡᠨ ᠰᠡᠵᠢᠭᠯᠡᠪᠡ᠃ ᠲᠡᠳᠡ ᠬᠤᠶᠠᠭᠤᠯᠠ | ᠬᠤᠳᠠ ᠣᠷᠣᠭᠰᠠᠨ ᠤ ᠲᠠᠷᠠᠭᠠ ᠬᠠᠮᠠᠭᠠᠯᠠᠨ ᠬᠦᠷᠭᠡᠭᠴᠢ ᠲᠡᠭᠦᠨ ᠢ ᠨᠢᠭᠡᠨ ᠵᠣᠴᠢᠳ ᠤᠨ ᠪᠠᠭᠤᠳᠠᠯ ᠤᠨ ᠦᠷᠦᠭᠡ | ᠳᠤ ᠣᠷᠣᠭᠤᠯᠣᠨ᠂ ᠦᠪᠡᠷ ᠢᠶᠠᠨ ᠬᠤᠳᠠ ᠶᠢᠨ ᠵᠠᠬᠢᠷᠣᠭᠴᠢ ᠲᠠᠢ ᠠᠭᠤᠯᠵᠠᠬᠤ ᠪᠠᠷ ᠣᠴᠢᠵᠠᠢ᠃ ᠡᠨᠡᠬᠦ ᠬᠠᠮᠳᠣ | ᠢᠷᠡᠭᠰᠡᠨ ᠬᠠᠮᠠᠭᠠᠯᠠᠨ ᠬᠦᠷᠭᠡᠭᠴᠢ ᠶᠢ ᠭᠠᠷᠣᠭᠠᠳ ᠶᠠᠪᠣᠮᠠᠭᠴᠠ᠂ ᠡᠮᠢᠷ · ᠰᠠᠶ᠋ᠢᠳ᠋ · ᠠᠯᠢ ᠴᠦ ᠡᠨᠡᠬᠦ ᠦᠷᠦᠭᠡ ᠠᠴᠠ | ᠭᠠᠷᠴᠣ᠂ ᠶᠠᠪᠠᠭᠠᠨ ᠢᠶᠠᠷ ᠠᠯᠬᠤᠭᠠᠳ ᠲᠠᠱᠺᠠᠨᠳ᠋ ᠢ ᠴᠢᠭᠯᠡᠨ ᠬᠦᠳᠡᠯᠪᠡ᠃ ᠲᠡᠷᠡᠬᠦ ᠬᠠᠮᠠᠭᠠᠯᠠᠨ ᠬᠦᠷᠭᠡᠭᠴᠢ ᠬᠤᠳᠠ | ᠶᠢᠨ ᠵᠠᠬᠢᠷᠣᠭᠴᠢ ᠲᠠᠢ ᠠᠭᠤᠯᠵᠠᠨ ᠣᠴᠢᠷ ᠶᠠᠪᠣᠳᠠᠯ ᠢᠶᠠᠨ ᠲᠠᠭᠤᠰᠬᠠᠭᠠᠳ ᠢᠷᠡᠬᠦ ᠦᠶᠡ ᠳᠤ ᠵᠣᠴᠢᠳ ᠤᠨ | ᠪᠠᠭᠤᠳᠠᠯ ᠳᠤ ᠡᠮᠢᠷ · ᠰᠠᠶ᠋ᠢᠳ᠋ · ᠠᠯᠢ ᠶᠢᠨ ᠣᠨᠣᠭᠰᠠᠨ ᠮᠣᠷᠢ ᠪᠠ ᠲᠠᠭᠠᠯᠳᠠ ᠵᠠᠷᠣᠳᠠᠰᠣ ᠨᠢ ᠪᠦᠷ ᠲᠡᠨᠳᠡ ᠪᠠᠨ | ᠪᠠᠶᠢᠵᠣ᠂ ᠵᠦᠪᠬᠡᠨ ᠡᠮᠢᠷ ᠤᠨ ᠪᠠᠷᠠ ᠠᠯᠠᠭᠠ ᠪᠠᠶᠢᠯᠠ᠃ ᠲᠡᠳᠡᠨᠡᠷ ᠠᠴᠠ ᠡᠮᠢᠷ ᠢ ᠠᠰᠠᠭᠤᠬᠤ ᠳᠤ ᠰᠠᠶ᠋ᠢᠬᠠᠨ | ᠭᠠᠷᠣᠭᠠᠳ ᠶᠠᠪᠣᠭᠰᠠᠨ ᠰᠢᠳᠡ ᠭᠡᠪᠡ᠃ ᠲᠡᠭᠡᠭᠡᠳ ᠲᠡᠳᠡ ᠰᠠᠨᠳᠣᠷᠣᠨ ᠡᠷᠢᠯ ᠪᠣᠯᠵᠠᠭᠠᠪᠠ᠃ ᠭᠡᠪᠡᠴᠦ ᠲᠡᠭᠦᠨ ᠤ | ᠪᠠᠷᠠ ᠶᠢ ᠴᠦ ᠣᠯᠣᠭᠰᠠᠨ ᠦᠭᠡᠢ᠃ | ᠡᠨᠡ ᠦᠶᠡ ᠡᠮᠢᠷ · ᠰᠠᠶ᠋ᠢᠳ᠋ · ᠠᠯᠢ ᠬᠡᠵᠢᠶᠡᠨᠡᠢ ᠵᠠᠮ ᠲᠠᠭᠠᠨ ᠣᠷᠣᠵᠣ ᠶᠠᠪᠣᠭᠠᠨ ᠢᠶᠠᠷ ᠵᠠᠮᠨᠠᠵᠣ ᠪᠠᠶᠢᠭᠠᠳ | ᠬᠡᠳᠦᠨ ᠬᠠᠯᠠᠨᠳᠠᠷ ᠲᠠᠢ ᠠᠭᠤᠯᠵᠠᠪᠠ᠃ ᠡᠮᠢᠷ ᠴᠦ ᠬᠤᠪᠴᠠᠰᠣ ᠪᠠᠨ ᠰᠣᠯᠢᠵᠣ ᠬᠠᠯᠠᠨᠳᠠᠷ ᠮᠡᠳᠦ ᠪᠣᠯᠣᠭᠠᠳ ᠲᠡᠳᠡ | ᠬᠠᠮᠳᠣ ᠵᠠᠮᠨᠠᠨ᠂ ᠠᠮᠣᠷ ᠲᠦᠪᠰᠢᠨ ᠲᠠᠱᠺᠠᠨᠳ᠋ ᠬᠦᠷᠪᠡ᠃ ᠡᠳᠡᠭᠡᠷ ᠬᠦᠮᠦᠰ ᠡᠮᠢᠷ ᠲᠤ ᠠᠱᠲ᠋ᠠᠷ · ᠠᠪᠳᠠᠯ ᠭᠡᠳᠡᠭ | ᠨᠡᠷᠡ ᠦᠭᠴᠦ᠂ ᠦᠪᠡᠷ ᠦᠪᠡᠷ ᠤᠨ ᠲᠠᠭᠠᠷ ᠠᠴᠠ ᠪᠠᠨ ᠬᠦᠨᠡᠰᠦ ᠪᠠᠨ ᠭᠠᠷᠭᠠᠵᠣ ᠲᠡᠭᠦᠨ ᠳᠤ ᠢᠳᠡᠬᠦᠯᠪᠡ᠃ | ᠢᠩᠬᠢᠵᠦ ᠬᠠᠯᠠᠨᠳᠠᠷ ᠢᠶᠠᠷ ᠣᠪᠯᠠᠨ ᠴᠢᠨᠠᠭᠰᠢ ᠵᠠᠮᠨᠠᠭᠰᠠᠭᠠᠷ ᠳ᠋ᠠᠯᠠᠰ ᠲᠤ ᠬᠦᠷᠴᠡᠢ᠃ ᠡᠨᠡ ᠭᠠᠵᠠᠷ ᠤᠨ ᠨᠦᠬᠦᠭᠡ | ᠨᠡᠷᠡ ᠨᠢ ᠶᠠᠩᠶ᠋ᠢ ︵Yangi︶④ ᠭᠡᠳᠡᠭ ᠶᠣᠮ᠃ ᠡᠮᠢᠷ ︵ᠨᠢᠭᠡ ᠵᠠᠮ ᠲᠣᠷᠰᠢ ᠬᠡᠨ ᠳᠤ ᠴᠦ ᠲᠠᠨᠢᠭᠳᠠᠭᠰᠠᠨ | ᠦᠭᠡᠢ ᠪᠣᠯᠪᠠᠴᠣ᠂︶ ᠶᠠᠩᠶ᠋ᠢ ᠳᠤ ᠢᠷᠡᠭᠡᠳ ᠬᠠᠷᠢᠨ ᠨᠢᠭᠡ ᠠᠭᠤᠢ ᠳᠤ ᠪᠢᠱᠢᠯᠭᠠᠭᠴᠢ ᠶᠢᠨ ᠪᠦᠯᠦᠭ ᠤᠨ ᠮᠠᠮᠯᠠᠺᠠᠲ | · ᠠᠲ᠋ᠠ⑤ ᠶᠢᠨ ᠱᠠᠾ ᠲᠤ ᠲᠠᠨᠢᠭᠳᠠᠪᠠ᠃ ᠡᠨᠡᠬᠦ ᠱᠠᠾ ᠦᠪᠡᠷ ᠤᠨ ᠬᠦᠪᠡᠭᠦᠨ ᠱᠠᠳᠢᠺᠠ ᠪᠠᠨ ᠲᠣᠮᠢᠯᠠᠨ᠂ ᠡᠮᠢᠷ | ᠲᠤ ᠬᠠᠨᠢ ᠪᠣᠯᠭᠠᠨ᠂ ᠮᠣᠩᠭᠤᠯᠰᠲ᠋ᠠᠨ ᠳᠤ ᠲᠠᠭᠠᠭᠤᠯᠣᠨ ᠢᠷᠡᠵᠦ᠂ ᠡᠮᠢᠷ ᠬᠤᠳᠠᠶᠢᠳᠠ ᠶᠢᠨ ᠲᠡᠨᠳᠡ ᠬᠦᠷᠭᠡᠵᠦ | ᠢᠷᠡᠪᠡ᠃ ᠱᠠᠾ · ᠱᠠᠳᠢᠺᠠ ᠡᠭᠦᠨ ᠠᠴᠠ ᠡᠬᠢᠯᠡᠨ ᠡᠨᠡᠬᠦ ᠡᠮᠢᠷ ᠤᠨ ᠰᠢᠳᠠᠷ ᠬᠠᠨᠢᠳᠠᠨ ᠰᠠᠶᠢᠨ ᠨᠠᠶᠢᠵᠠ ᠪᠣᠯᠵᠣ᠂ | ᠦᠨᠡᠨᠴᠢ ᠵᠢᠷᠣᠮᠳᠠᠨ ᠴᠣᠯᠠ ᠣᠯᠣᠭᠰᠠᠨ ᠶᠣᠮ᠃ ᠲᠡᠭᠦᠨ ᠤ ᠦᠷᠡᠰ ᠡᠳᠦᠬᠡ ᠪᠣᠯᠳᠠᠯᠠ ᠪᠠᠶᠢᠭᠰᠠᠭᠠᠷ᠂ ᠭᠡᠶᠡ ᠲᠡᠮᠡᠢ | ᠶᠡᠭᠡ ᠨᠡᠷᠡ ᠠᠯᠳᠠᠷ ᠮᠠᠨᠳᠣᠭᠰᠠᠨ ᠦᠭᠡᠢ ᠯᠠ ᠲᠡᠳᠦᠢ ᠶᠣᠮ᠃ | ᠡᠮᠢᠷ · ᠰᠠᠶ᠋ᠢᠳ᠋ · ᠠᠯᠢ ᠲᠡᠭᠦᠨ ᠤ ᠠᠯᠳᠠᠷ ᠮᠠᠨᠳᠣᠭᠰᠠᠨ ᠡᠷᠬᠢᠮ ᠢᠵᠠᠭᠤᠷᠳᠠᠨ ᠪᠣᠯᠬᠤ ᠡᠪᠦᠭᠡ ᠬᠤᠳᠠᠶᠢᠳᠠ | ᠶᠢᠨ ᠲᠣᠣᠷᠠ ᠢᠷᠡᠬᠦ ᠦᠶᠡ ᠳᠤ᠂ ᠸᠠᠶᠢᠰ ᠬᠠᠭᠠᠨ ᠨᠢᠭᠡᠨᠳᠡ ᠲᠡᠭᠦᠨ ᠤ ᠠᠪᠠᠭᠠ ᠡᠴᠢᠭᠡ ᠰᠢᠷ · ᠮᠠᠬᠠᠮᠠᠳ᠋ ᠬᠠᠭᠠᠨ | ᠠᠴᠠ ᠰᠠᠯᠵᠣ᠂ ᠪᠣᠯᠢᠶᠠᠨ ᠲᠡᠭᠡᠷᠡᠮᠳᠡᠬᠦ ᠪᠠᠷ ᠠᠵᠢᠯ ᠪᠣᠯᠭᠠᠬᠤ ᠪᠠᠷ ᠶᠠᠪᠣᠵᠠᠢ᠃ ᠡᠮᠢᠷ · ᠬᠤᠳᠠᠶᠢᠳᠠ᠂ ᠡᠮᠢᠷ · | ᠰᠠᠶ᠋ᠢᠳ᠋ · ᠠᠯᠢ ᠳᠤ ᠬᠡᠯᠡᠭᠰᠡᠨ ᠨᠢ᠄ ︽ᠪᠢ ᠦᠵᠡᠪᠡᠯ ᠴᠢ ᠬᠠᠰᠢᠯᠠ ᠸᠠᠶᠢᠰ ᠬᠠᠭᠠᠨ ᠤ ᠲᠣᠣᠷᠠ ᠣᠴᠢᠭᠰᠠᠨ | ᠲᠡᠭᠡᠷᠡ ᠪᠠᠶᠢᠬᠠ᠃ ᠡᠰᠡᠪᠦᠭᠡᠰᠦ ᠴᠢ ᠠᠳᠡ ᠪᠠᠶᠢᠪᠠᠯ ᠬᠤᠣᠷ ᠠᠮᠰᠠᠵᠣ ᠮᠡᠳᠡᠨᠡ︾ ᠭᠡᠪᠡ᠃ ᠲᠡᠭᠡᠭᠡᠳ ᠲᠡᠭᠦᠨ ᠳᠤ | ᠵᠢᠷᠠᠨ ᠨᠡᠷᠡ ᠵᠠᠯᠠᠭᠤ ᠲᠠᠭᠠᠭᠰᠠᠳ ᠰᠣᠩᠭᠤᠵᠣ ᠦᠭᠭᠦᠭᠡᠳ᠂ ᠸᠠᠶᠢᠰ ᠬᠠᠭᠠᠨ ᠤ ᠲᠣᠣᠷᠠ ᠶᠠᠪᠣᠭᠤᠯᠵᠠᠢ᠃ ᠡᠮᠢᠷ · | ᠰᠠᠶ᠋ᠢᠳ᠋ · ᠠᠯᠢ ᠦᠨᠡᠨᠴᠢ ᠰᠡᠳᠬᠢᠯ ᠢᠶᠠᠷ ᠸᠠᠶᠢᠰ ᠬᠠᠭᠠᠨ ᠳᠤ ᠬᠦᠴᠦᠨ ᠵᠢᠳᠭᠦᠪᠡ᠃ ᠸᠠᠶᠢᠰ ᠬᠠᠭᠠᠨ ᠦᠪᠡᠷ ᠤᠨ | ᠬᠡᠣᠬᠡᠨ ᠲᠡᠭᠦᠥ ᠦᠵᠦᠩ · ᠰᠣᠯᠲ᠋ᠠᠨ · ᠬᠠᠨᠢᠮ ᠢᠶᠠᠨ ᠲᠡᠭᠦᠨ ᠳᠤ ᠪᠣᠭᠳᠣᠯᠣᠨ ᠦᠭᠴᠡᠢ᠃ | ᠡᠮᠢᠷ · ᠰᠠᠶ᠋ᠢᠳ᠋ · ᠠᠯᠢ ᠸᠠᠶᠢᠰ ᠬᠠᠭᠠᠨ ᠤ ᠲᠦᠯᠦᠭᠡ ᠲᠤᠭᠠ ᠲᠣᠮᠰᠢ ᠦᠭᠡᠢ ᠣᠯᠠᠨ ᠭᠠᠪᠢᠶᠠ ᠪᠠᠶᠢᠭᠤᠯᠵᠠᠢ᠃ | ᠲᠣᠰ ᠨᠣᠮ ᠤᠨ ᠠᠭᠤᠯᠭᠠ ᠶᠢᠨ ᠬᠢᠵᠠᠭᠠᠷᠯᠠᠯ ᠠᠴᠠ ᠪᠣᠯᠵᠣ ᠵᠦᠪᠬᠡᠨ ᠸᠠᠶᠢᠰ ᠬᠠᠭᠠᠨ ᠢ ᠦᠬᠦᠯᠡᠬᠦ ᠦᠶᠡ ᠳᠤ | ᠲᠡᠭᠦᠨ ᠠᠴᠠ ᠬᠡᠳᠦᠨ ᠵᠦᠢᠯ ᠢ ᠶᠠᠷᠢᠭᠠᠳ ᠯᠠ ᠠᠪᠣᠶᠠ᠃ | ᠲᠣᠰ ᠪᠦᠯᠦᠭ ᠤᠨ ᠲᠠᠶᠢᠯᠪᠣᠷᠢ | ① ᠲᠡᠭᠦᠨ ᠢ ᠰᠠᠶ᠋ᠢᠳ᠋ · ᠠᠯᠢ · ᠠᠯᠢᠹ ᠭᠡᠵᠦ ᠲᠠᠭᠤᠳᠠᠳᠠᠭ ᠰᠢᠯᠳᠠᠭᠠᠨ ᠨᠢ ᠲᠡᠭᠦᠨ ᠤ ᠨᠢᠷᠣᠭᠤ ᠬᠡᠵᠢᠶᠡᠳᠡ ᠠᠪ | ᠠᠰᠬᠠᠨ ᠲᠡᠨᠡᠶᠢᠵᠦ ᠪᠠᠶᠢᠳᠠᠭ ᠯᠠ ᠪᠣᠯᠬᠤᠷ ᠲᠡᠭᠡᠵᠦ ᠨᠡᠷᠡᠯᠡᠵᠡᠢ᠃ ᠠᠯᠢᠹ ᠭᠡᠳᠡᠭ ᠨᠢ ᠠᠷᠠᠪ ᠴᠠᠭᠠᠨ ᠲᠣᠯᠣᠭᠠᠢ ᠶᠢᠨ | ᠠ ᠪᠣᠯᠣᠨᠠ᠃ ᠶᠡᠷᠦ ᠨᠢ ᠠᠷᠠᠪ ᠴᠠᠭᠠᠨ ᠲᠣᠯᠣᠭᠠᠢ ᠲᠣᠲᠣᠷᠠ ᠪᠣᠰᠤᠭᠠ ᠪᠠᠷ ᠬᠠᠮᠤᠭ ᠠᠰᠠᠬᠠᠨ ᠪᠢᠴᠢᠳᠡᠭ ᠨᠢ ᠠ | ᠭᠠᠭᠴᠠᠬᠠᠨ ᠪᠣᠯᠬᠤ ᠲᠣᠯᠠ ᠲᠡᠭᠡᠵᠦ ᠲᠠᠭᠤᠳᠠᠭᠰᠠᠨ ᠠᠵᠠᠢ᠃ | ② ᠭᠡᠷ ᠦᠷᠦᠬᠡ ᠶᠢᠨ ᠬᠡᠷᠡᠮ ᠬᠠᠨᠠ ᠲᠠᠭᠠᠨ ᠬᠠᠳᠠᠭᠠᠰᠣ ᠬᠠᠳᠠᠬᠤ ᠨᠢ ᠶᠠᠮᠠᠷ ᠨᠢᠭᠡᠨ ᠲᠠᠳᠬᠠᠯ ᠪᠣᠯᠣᠯᠳᠠᠢ᠃ | ᠬᠤᠶᠢᠨᠠᠬᠢ ᠦᠬᠦᠯᠡᠪᠦᠷᠢ ᠠᠴᠠ ᠦᠵᠡᠪᠡᠯ ᠪᠠᠷᠤᠭ ᠲᠡᠭᠦᠨ ᠤ ᠪᠡᠶᠡ ᠶᠢᠨ ᠦᠨᠳᠦᠷ ᠤᠨ ᠲᠣᠬᠠᠢ ᠲᠠᠢ ᠬᠡᠯᠡᠯᠭᠡ ᠴᠦ | ᠮᠠᠭᠠᠳ᠃ ᠭᠡᠪᠡᠴᠦ ᠠᠯᠢ ᠨᠢ ᠵᠦᠪ ᠭᠡᠳᠡᠭ ᠢ ᠡᠰᠡ ᠮᠡᠳᠡᠪᠡ — ᠮᠣᠩᠭᠤᠯᠴᠢᠯᠠᠭᠴᠢ ᠠᠴᠠ᠃ | ③ ᠣᠣᠯ ᠨᠣᠮ ᠤᠨ ᠠᠭᠤᠯᠭᠠ ᠠᠴᠠ ᠦᠵᠡᠪᠡᠯ ᠶᠠᠭ ᠡᠶᠢᠮᠦᠷᠭᠦ ᠪᠡᠶᠡ ᠭᠠᠯᠪᠢᠷ ᠵᠡᠷᠭᠡ ᠠᠴᠠ ᠪᠣᠯᠵᠣ ᠲᠡᠭᠦᠨ ᠢ | ᠢᠯᠡᠭᠦᠥ ᠬᠠᠶᠢᠷᠠᠯᠠᠳᠠᠭ ᠭᠡᠰᠡᠨ ᠣᠳᠬᠠ ᠲᠠᠢ ᠦᠭᠡ ᠠᠵᠠᠢ᠃ | ④ ᠡᠨᠡ ᠨᠡᠷᠡ ᠶᠢ ᠫᠧᠷᠰ ᠬᠡᠯᠡᠨ ᠳᠤ ᠶᠠᠩᠶ᠋ᠢ᠂ ᠶᠠᠩᠭᠢ᠂ ᠶᠠᠩᠺᠢ ᠭᠡᠵᠦ ᠣᠩᠰᠢᠬᠤ ᠪᠠᠷ ᠪᠠᠷᠠᠬᠤ ᠦᠭᠡᠢ ᠪᠠᠰᠠ | ᠨᠢᠺᠢ ᠮᠠᠰᠺᠢ ᠭᠡᠵᠦ ᠣᠩᠰᠢᠬᠤ ᠶᠣᠮ᠃ ᠭᠡᠳᠦᠶᠢᠪᠡᠷ ᠠᠯᠢ ᠪᠠᠷ ᠨᠢ ᠣᠩᠰᠢᠭᠰᠠᠨ ᠴᠦ ᠪᠦᠷ ᠠ ᠡᠭᠡᠰᠢᠭ | ᠲᠠᠭᠠᠯᠳᠣᠬᠤ ᠦᠭᠡᠢ ᠶᠣᠮ᠃ ᠭᠡᠪᠡᠴᠦ ᠬᠠᠰᠢᠯᠠ ᠶᠠᠩᠶ᠋ᠢ ᠪᠠᠶᠢᠪᠠᠯ ᠵᠦᠪ ᠪᠠᠶᠢᠨᠠ᠃ ᠵᠣᠬᠢᠶᠠᠭᠴᠢ ᠶᠢᠨ ᠬᠡᠯᠡᠬᠦ ᠪᠠᠷ | ᠶᠠᠩᠶ᠋ᠢ ᠪᠣᠯ ᠳᠠᠯᠠᠰ ᠤᠨ ᠨᠦᠬᠦᠭᠡ ᠨᠡᠷᠡ ᠪᠣᠯᠣᠨᠠ ᠭᠡᠵᠡᠢ᠃ ᠡᠷᠳᠡᠨ ᠤ ᠦᠶᠡ ᠳᠤ ᠲᠠᠯᠠᠰ ᠭᠡᠬᠦ ᠪᠣᠶᠣ ᠳ᠋ᠠᠯᠠᠰ | ᠭᠡᠳᠡᠭ ᠬᠤᠳᠠᠨ ᠤ ᠭᠠᠵᠠᠷ ᠵᠦᠢ ᠶᠢᠨ ᠪᠠᠶᠢᠷᠢᠰᠢᠯ ᠨᠢ ᠰᠢᠷᠢᠳᠠᠷᠢᠶᠠ ᠮᠦᠷᠡᠨ ᠤ ᠠᠷᠣ ᠲᠠᠯᠠ ᠳᠤ ᠪᠠᠶᠢᠵᠠᠢ᠃ | ᠭᠡᠪᠡᠴᠦ ᠪᠣᠳᠠᠳᠠᠢ ᠭᠠᠵᠠᠷ ᠢ ᠨᠢ ᠣᠳᠣ ᠪᠣᠯᠳᠠᠯᠠ ᠲᠣᠭᠳᠠᠭᠠᠵᠣ ᠴᠢᠳᠠᠭᠠᠳᠣᠢ ᠪᠠᠶᠢᠨᠠ᠃ ᠭᠡᠶᠡ ᠣᠯᠠᠩᠬᠢ ᠬᠦᠮᠦᠨ | ᠤ ᠦᠵᠡᠬᠦ ᠪᠠᠷ ᠲᠠᠯᠠᠰ ᠭᠡᠪᠡᠯ ᠲᠦᠷᠺᠰᠲ᠋ᠠᠨ ᠬᠤᠳᠠ ᠪᠣᠶᠣ ᠣᠲᠷᠠᠷ ᠬᠤᠳᠠ ᠶᠢᠨ ᠨᠦᠬᠦᠭᠡ ᠨᠡᠷᠡ ᠪᠣᠯᠬᠤ ᠶᠣᠮ | ᠭᠡᠳᠡᠭ᠃ | ⑤ ᠮᠠᠮᠯᠠᠺᠠᠲ · ᠠᠲ᠋ᠠ ᠶᠢ ᠷᠣᠰ ᠠᠴᠠ ᠪᠠᠰᠠ ᠮᠠᠮᠯᠢᠺᠠᠲ · ᠠᠲ᠋ᠠᠨ ᠭᠡᠳᠡᠭ ᠭᠡᠵᠦ ᠲᠠᠶᠢᠯᠪᠣᠷᠢᠯᠠᠵᠠᠢ᠃ | | | ᠪᠡᠯᠡᠳᠬᠡᠭᠰᠡᠨ ᠨᠢ᠄ ᠡᠷᠳᠡᠨᠢᠬᠦᠦ | ᠨᠠᠶᠢᠷᠠᠭᠤᠯᠤᠭᠰᠠᠨ ᠨᠢ᠄ ᠨᠠᠮᠤᠷ | ᠬᠢᠨᠠᠭᠰᠠᠨ ᠨᠢ᠄ ᠤᠷᠢᠬᠠᠨ |