ᠲᠡᠷᠢᠭᠦᠨ ᠬᠠᠭᠤᠳᠠᠰᠤ
ᠲᠣᠶᠢᠮᠣ ᠪᠠᠶᠢᠳᠠᠯ
ᠰᠣᠨᠢᠨ ᠮᠡᠳᠡᠭᠡ
ᠢᠯᠡ ᠵᠠᠰᠠᠭ
ᠦᠢᠯᠡᠴᠢᠯᠡᠭᠡ
ᠰᠣᠶᠣᠯ ᠡᠷᠳᠡᠨᠢ
ᠰᠢᠨ᠎ᠡ ᠬᠦᠳᠡᠭᠡ
ᠤᠷᠳᠤᠰ ᠤᠨ ᠲᠡᠤᠬᠡ
ᠨᠡᠶᠢᠲᠡᠯᠡᠭᠰᠡᠨ ᠴᠠᠭ᠄
2020/3/24
  ᠨᠢᠬᠡ᠂ ᠠᠯᠤᠰ ᠡᠷᠳᠡᠨ ᠤ ᠦᠶ᠎ᠡ   ᠲᠡᠯᠡᠭᠡᠢ ᠶᠢᠨ ᠪᠦᠮᠪᠦᠷᠴᠡᠭ ᠤᠨ ᠰᠤᠳᠤᠯᠤᠯ᠂ ᠭᠠᠵᠠᠷ ᠰᠢᠨᠵᠢᠯᠡᠭᠡ ᠶᠢᠨ ᠰᠤᠳᠤᠯᠤᠯ᠂ ᠡᠷᠳᠡᠨ ᠤ ᠠᠮᠢᠳᠤ ᠪᠤᠳᠠᠰ ᠤᠨ ᠰᠤᠳᠤᠯᠤᠯ᠂ ᠡᠷᠳᠡᠨ ᠤ ᠭᠠᠵᠠᠷ ᠵᠦᠢ ᠶᠢᠨ ᠰᠤᠳᠤᠯᠤᠯ᠂ ᠡᠷᠳᠡᠨ ᠤ ᠠᠭᠤᠷ ᠠᠮᠢᠰᠬᠤᠯ ᠤᠨ ᠰᠤᠳᠤᠯᠤᠯ᠂ ᠡᠷᠳᠡᠨ ᠤ ᠬᠦᠮᠦᠨ ᠲᠦᠷᠦᠯᠭᠢᠳᠡᠨ ᠤ ᠰᠤᠳᠤᠯᠤᠯ ᠤᠨ ᠰᠢᠨᠵᠢᠯᠡᠬᠦ ᠤᠬᠠᠭᠠᠨ ᠤ ᠦᠷ᠎ᠠ ᠪᠦᠳᠦᠭᠡᠯ ᠤᠳ᠂ ᠭᠤᠴᠢᠨ ᠵᠢᠷᠭᠤᠭᠠᠨ ᠳ᠋ᠦᠩᠰᠢᠭᠤᠷ ᠵᠢᠯ ᠤᠨ ᠡᠮᠦᠨ᠎ᠡ᠂ ᠤᠷᠳᠤᠰ ᠨᠤᠳᠤᠭ ᠪᠤᠯ ᠲᠡᠯᠡᠭᠡᠢ ᠶᠢᠨ ᠪᠦᠮᠪᠦᠷᠴᠡᠭ ᠲᠡᠭᠡᠷᠡᠬᠢ ᠬᠠᠮᠤᠭ ᠡᠷᠳᠡᠨ ᠤ ᠡᠬᠢ ᠭᠠᠵᠠᠷ ᠤᠨ ᠨᠢᠭᠡ ᠪᠤᠯᠵᠤ᠂ ᠭᠠᠳᠠᠭᠠᠳᠤ ᠲᠤᠳᠤᠭᠠᠳᠤ ᠳᠤ ᠠᠯᠳᠠᠷᠰᠢᠭᠰᠠᠨ ︽ᠤᠷᠳᠤᠰ ᠤᠨ ᠡᠷᠲᠡᠨ ᠤ ᠡᠭᠡ ᠭᠠᠵᠠᠷ︾ ᠭᠡᠰᠡᠨ ᠬᠡᠯᠡᠯᠭᠡ ᠠᠳᠠ ᠠᠴᠠ ᠡᠬᠦᠰᠦᠭᠰᠡᠨ ᠢ ᠲᠤᠳᠤᠷᠬᠠᠶᠢᠯᠠᠪᠠ᠃   ᠤᠳᠤ ᠠᠴᠠ ᠡᠮᠦᠨᠡᠬᠢ ᠭᠤᠴᠢᠨ ᠵᠢᠷᠭᠤᠭᠠᠨ ᠳ᠋ᠦᠩᠰᠢᠭᠤᠷ ᠵᠢᠯ ᠠᠴᠠ ᠠᠷᠪᠠ ᠶᠢᠰᠦᠨ ᠳ᠋ᠦᠩᠰᠢᠭᠤᠷ ᠵᠢᠯ ᠤᠨ ᠬᠤᠭᠤᠷᠤᠨᠳᠤ ᠵᠠᠯᠭᠠᠯᠳᠤᠪᠡᠷ ᠡᠬᠦᠰᠦᠭᠰᠡᠨ ᠹᠦ᠋ ᠫᠢᠩ᠂ ᠡᠤ ᠲᠠᠢ᠂ ᠯᠢᠤᠢ ᠯᠢᠶᠠᠩ ᠵᠡᠷᠭᠡ ᠭᠤᠷᠪᠠᠨ ᠠᠪᠤᠷᠭᠤ ᠬᠦᠴᠦᠳᠤ ᠭᠠᠵᠠᠷ ᠤᠨ ᠬᠦᠳᠡᠯᠭᠡᠭᠡᠨ ᠤᠷᠳᠤᠰ ᠨᠤᠳᠤᠭ ᠤᠨ ᠭᠠᠳᠠᠷᠭᠤ ᠶᠢᠨ ᠲᠤᠭᠳᠠᠪᠦᠷᠢᠳᠠᠢ ᠪᠤᠯᠬᠤ ᠳᠤ ᠰᠠᠭᠤᠷᠢ ᠲᠠᠯᠪᠢᠵᠠᠢ᠃ ᠤᠳᠤ ᠠᠴᠠ ᠵᠢᠷᠭᠤᠭᠠᠨ ᠳ᠋ᠦᠩᠰᠢᠭᠤᠷ ᠵᠢᠯ ᠤᠨ ᠡᠮᠦᠨᠡᠬᠢ ᠵᠧᠨ᠋ᠳᠠᠨ ᠤ ᠭᠠᠯᠪᠠ ᠶᠢᠨ ᠦᠶ᠎ᠠ ᠳᠤ ᠬᠦᠷᠴᠤ ᠢᠷᠡᠭᠡᠳ᠂ ᠬᠦᠴᠦᠳᠤ ᠭᠠᠵᠠᠷ ᠤᠨ ᠬᠦᠳᠡᠯᠭᠡᠭᠡᠨ ᠤ ᠨᠦᠯᠦᠭᠡ ᠪᠠᠷ ᠤᠷᠳᠤᠰ ᠤᠨ ᠡᠷᠳᠡᠨ ᠤ ᠡᠭᠡ ᠭᠠᠵᠠᠷ ᠠᠯᠬᠤᠮ ᠠᠯᠬᠤᠮ ᠢᠶᠠᠷ ᠬᠤᠳᠤᠶᠢᠪᠠ᠃ ᠡᠷᠳᠡᠨ ᠤ ᠠᠮᠢᠳᠤ ᠡᠷᠡᠨ ᠤ ᠡᠬᠢᠨ ᠤ ᠦᠶ᠎ᠠ ᠳᠤ᠂ ᠲᠠᠯᠠᠢ ᠲᠠᠩᠬᠢᠰ ᠤᠨ ᠲᠠᠯᠠᠪᠠᠢ ᠶᠢᠨ ᠲᠠᠰᠤᠷᠠᠯᠳᠠ ᠦᠭᠡᠢ ᠶᠡᠭᠡᠳᠬᠦ ᠶᠢ ᠲᠠᠭᠠᠯᠳᠤᠨ᠂ ᠲᠤᠮᠳᠠᠳᠤ ᠤᠯᠤᠰ ᠤᠨ ᠡᠮᠦᠨᠡᠳᠤ ᠲᠠᠩᠬᠢᠰ ᠤᠨ ᠲᠠᠯᠠᠢ ᠶᠢᠨ ᠤᠰᠤ ᠨᠢᠭᠡᠨᠳᠠ ᠬᠤᠳᠤᠶᠢᠭᠰᠠᠨ ᠤᠷᠳᠤᠰ ᠤᠨ ᠡᠷᠳᠡᠨ ᠤ ᠡᠭᠡ ᠭᠠᠵᠠᠷ ᠲᠤ ᠤᠷᠤᠰᠤᠨ ᠤᠷᠤᠭᠠᠳ᠂ ᠤᠭ ᠤᠨ ︽ᠤᠷᠳᠤᠰ ᠤᠨ ᠡᠭᠡ  ᠭᠠᠵᠠᠷ︾ ᠬᠠᠷᠢᠨ ︽ᠤᠷᠳᠤᠰ ᠤᠨ ᠡᠷᠳᠡᠨ ᠤ ᠲᠠᠩᠬᠢᠰ︾ ᠪᠤᠯᠤᠨ ᠬᠤᠪᠢᠷᠠᠵᠠᠢ᠃    ᠤᠷᠳᠤᠸᠠᠺ ᠤᠨ ᠭᠠᠯᠪᠠ ᠶᠢᠨ ᠰᠡᠬᠦᠯᠴᠢ ᠶᠢᠨ ᠦᠶ᠎ᠠ᠂ ᠤᠳᠤ ᠠᠴᠠ ᠲᠦᠷᠪᠡᠨ ᠳ᠋ᠦᠩᠰᠢᠭᠤᠷ ᠳᠥᠷᠪᠡᠨ ᠮᠢᠩᠭᠠᠨ ᠲᠦᠮᠡᠨ ᠵᠢᠯ ᠤᠨ ᠡᠮᠦᠨ᠎ᠡ᠂ ᠺᠠᠯᠧᠳᠤᠨ ᠤ ᠠᠭᠤᠯᠠ ᠡᠬᠦᠰᠭᠡᠬᠦ ᠬᠦᠳᠡᠯᠭᠡᠭᠡᠨ ᠤ ᠨᠦᠯᠦᠭᠡ ᠠᠴᠠ ᠪᠤᠯᠵᠤ᠂ ︽ᠤᠷᠳᠤᠰ ᠤᠨ ᠡᠷᠳᠡᠨ ᠤ ᠲᠠᠩᠬᠢᠰ︾ ᠲᠤ ᠪᠠᠷᠤᠭ ᠨᠢᠭᠡ ᠳ᠋ᠦᠩᠰᠢᠭᠤᠷ ᠵᠢᠯ ᠤᠨ ᠲᠠᠩᠬᠢᠰ ᠦᠭᠡᠢ ᠴᠠᠭ ᠦᠶ᠎ᠠ ᠭᠠᠷᠴᠠᠢ᠃ ᠤᠳᠤ ᠠᠴᠠ ᠭᠤᠷᠪᠠᠨ ᠳ᠋ᠦᠩᠰᠢᠭᠤᠷ ᠭᠤᠷᠪᠠᠨ ᠮᠢᠩᠭᠠᠨ ᠲᠦᠮᠡᠨ ᠵᠢᠯ ᠤᠨ ᠡᠮᠦᠨᠡᠬᠢ᠂ ᠰᠡᠬᠦᠯᠴᠢ ᠶᠢᠨ ᠡᠷᠳᠡᠨ ᠤ ᠠᠮᠢᠳᠤ ᠡᠷᠡᠨ ᠤ ᠴᠢᠯᠠᠭᠤᠨ ᠨᠡᠬᠦᠷᠡᠰᠤᠨ ᠤ ᠭᠠᠯᠪᠠ ᠶᠢᠨ ᠲᠤᠮᠳᠠ ᠦᠶ᠎ᠠ ᠳᠤ ᠬᠦᠷᠴᠤ ᠢᠷᠡᠭᠡᠳ ︽ᠤᠷᠳᠤᠰ ᠤᠨ ᠡᠷᠳᠡᠨ ᠤ ᠲᠠᠩᠬᠢᠰ︾ ᠲᠠᠬᠢᠨ ᠨᠢᠭᠡ ᠤᠳᠠᠭ᠎ᠠ ᠬᠤᠳᠤᠶᠢᠵᠤ᠂ ᠤᠮᠠᠷᠠᠳᠤ ᠤᠷᠤᠨ ᠤ ᠲᠠᠯᠠᠢ ᠶᠢᠨ ᠤᠰᠤ ᠤᠷᠳᠤᠰ ᠲᠤ ᠤᠷᠤᠰᠤᠨ ᠤᠷᠤᠵᠠᠢ᠃ ᠢᠩᠬᠢᠵᠤ ᠵᠠᠷᠢᠮ ᠳᠠᠭᠠᠨ ᠲᠠᠯᠠᠢ ᠲᠠᠩᠬᠢᠰ ᠪᠤᠯᠵᠤ᠂ ᠵᠠᠷᠢᠮ ᠳᠠᠭᠠᠨ ᠡᠭᠡ ᠭᠠᠵᠠᠷ ᠪᠤᠯᠤᠨ ᠬᠤᠪᠢᠷᠠᠬᠤ ᠪᠠᠶᠢᠳᠠᠯ ᠤᠷᠳᠤᠰ ᠨᠤᠳᠤᠭ ᠲᠤ ᠤᠯᠠᠨ ᠲᠡᠭᠢᠪᠠ᠃   ᠲᠠᠯᠠᠢ ᠲᠠᠩᠬᠢᠰ᠂ ᠡᠭᠡ ᠭᠠᠵᠠᠷ ᠬᠠᠷᠢᠯᠴᠠᠨ ᠰᠤᠯᠢᠯᠴᠠᠵᠤ ᠪᠠᠶᠢᠭᠰᠠᠨ ᠲᠡᠤᠭᠡᠨ ᠴᠠᠭ ᠦᠶ᠎ᠠ ᠳᠤ ᠤᠷᠳᠤᠰ ᠨᠤᠳᠤᠭ ᠲᠤ ᠠᠮᠢ ᠪᠤᠢ ᠪᠤᠯᠪᠠ᠃ ᠬᠠᠮᠤᠭ ᠤᠨ ᠲᠡᠷᠢᠬᠦᠨ ᠳᠤ ᠭᠤᠷᠮᠤᠰᠤᠨ ᠬᠤᠷᠤᠬᠠᠢ ︵ᠲᠷᠢᠯᠤᠹᠢᠲ︶᠂ ᠵᠬᠦᠨᠭᠠᠷ ᠤᠨ ᠪᠠᠮᠪᠠᠶᠢᠳᠤ ᠬᠤᠷᠤᠬᠠᠢ᠂ ᠶᠡᠭᠡ ᠵᠤᠤ ᠶᠢᠨ ᠤᠳᠤᠮᠳᠤ ᠬᠤᠷᠤᠬᠠᠢ᠂ ᠡᠪᠡᠷᠳᠤ ᠬᠢᠰᠤᠭ᠎ᠠ᠂ ᠲᠠᠯᠠᠢ ᠶᠢᠨ ᠰᠠᠷᠠᠨ᠎ᠠ ᠵᠡᠷᠭᠡ ᠲᠠᠯᠠᠢ ᠳᠤ ᠠᠮᠢᠳᠤᠷᠠᠳᠠᠭ ᠠᠮᠢᠳᠠᠨ ᠢᠯᠡᠷᠠᠵᠠᠢ᠃ ᠲᠠᠷᠠᠭ᠎ᠠ ᠪᠠᠷ ᠰᠢᠪᠠᠭ ᠤᠨ ᠢᠩ ᠬᠤᠷᠤᠬᠠᠢ᠂ ᠵᠠᠳᠠᠭᠠᠢ ᠶᠢᠨ ᠢᠩ ᠬᠤᠷᠤᠬᠠᠢ ᠮᠡᠳᠤ ᠶᠢᠨ ᠨᠢᠯᠴᠠᠭᠠᠢ ᠪᠠᠶᠡᠳᠠᠨ ᠢᠯᠡᠷᠡᠵᠤ᠂ ᠪᠠᠰᠠ ᠬᠠᠨᠠᠯᠵᠠᠨ ᠤᠷᠳᠤ ᠪᠡᠶᠡᠳᠤ ᠬᠢᠰᠤᠭ᠎ᠠ ᠵᠡᠷᠭᠡ ᠲᠡᠮᠳᠡᠷᠢᠬᠦᠯ ᠬᠦᠯᠳᠡᠨ ᠤ ᠲᠦᠷᠦᠯ ᠤᠨ ᠠᠮᠢᠳᠠᠨ᠂ ᠲᠤᠩ ᠬᠤᠷᠤᠬᠠᠢ ᠵᠡᠷᠭᠡ ᠭᠡᠪᠡᠯᠢ ᠬᠦᠯᠳᠡᠨ ᠤ ᠲᠦᠷᠦᠯ ᠪᠠ ᠲᠠᠯᠠᠢ ᠶᠢᠨ ᠰᠠᠷᠠᠨ᠎ᠠ ᠵᠡᠷᠭᠡ ᠦᠷᠭᠡᠰᠤᠳᠤ ᠠᠮᠢᠳᠠᠨ ᠢᠯᠡᠷᠠᠵᠠᠢ᠃ ᠰᠡᠬᠦᠯᠴᠢ ᠶᠢᠨ ᠡᠷᠳᠡᠨ ᠤ ᠠᠮᠢᠳᠤ ᠡᠷᠡᠨ ᠳᠤ ᠲᠠᠯᠠᠢ ᠲᠠᠩᠬᠢᠰ ᠪᠠᠭᠠᠰᠴᠤ᠂ ᠡᠭᠡ ᠭᠠᠵᠠᠷ ᠶᠡᠭᠡᠳᠬᠦ ᠶᠢ ᠲᠠᠭᠠᠯᠳᠤᠨ᠂ ᠲᠠᠯᠠᠢ ᠶᠢᠨ ᠬᠦᠪᠡᠭᠡ᠂ ᠨᠠᠮᠤᠭ ᠵᠠᠳᠠᠭᠠᠢ᠂ ᠨᠠᠭᠤᠷ ᠴᠦᠬᠦᠷᠦᠮ᠂ ᠴᠢᠬᠢᠭᠯᠢᠭ ᠨᠤᠶᠢᠳᠠᠨ ᠤᠷᠤᠨ ᠢᠶᠠᠷ ᠰᠢᠪᠠᠯᠢ ᠦᠶᠡᠳᠤ ᠤᠶᠢᠮ᠎ᠠ᠂ ᠰᠢᠯᠤᠭᠤᠨ ᠤᠶᠢᠮ᠎ᠠ ᠵᠡᠷᠭᠡ ᠡᠭᠡ ᠭᠠᠵᠠᠷ ᠤᠨ ᠤᠷᠭᠤᠮᠠᠯ ᠢᠯᠡᠷᠡᠵᠠᠢ᠃ ᠦᠶᠡᠳᠤ ᠤᠶᠢᠮ᠎ᠠ ᠶᠢᠨ ᠲᠦᠷᠦᠯ ᠳᠤ ᠬᠠᠶᠢᠷᠰᠤᠳᠤ ᠮᠤᠳᠤ᠂ ᠯᠦᠮᠤ ᠮᠤᠳᠤ ᠶᠢᠨ ᠳ᠋ᠢᠶᠠᠮᠧᠲᠷ ᠨᠢ ᠪᠠᠷᠤᠭ ᠨᠢᠭᠡ ᠮᠧᠲᠷ ᠲᠤ ᠬᠦᠷᠴᠤ᠂ ᠦᠨᠳᠦᠷ ᠢᠶᠠᠷ ᠭᠤᠴᠢ ᠲᠦᠴᠢᠨ ᠮᠧᠲᠷ ᠪᠠᠶᠢᠵᠠᠢ᠃ ᠡᠨᠡ ᠦᠶ᠎ᠠ ᠳᠠᠬᠢ ᠤᠷᠳᠤᠰ ᠤᠨ ᠭᠠᠵᠠᠷ ᠪᠦᠬᠦᠨ ᠢ ᠡᠷᠳᠡᠨ ᠤ ᠬᠠᠯᠠᠭᠤᠨ ᠪᠦᠰᠡᠨ ᠤ ᠲᠡᠭᠷᠢ ᠲᠤᠯᠤᠮ᠎ᠠ ᠤᠢ ᠮᠤᠳᠤᠳ ᠲᠦᠬᠦᠷᠴᠠᠢ᠃ ᠤᠳᠤ ᠶᠢᠨ ᠤᠷᠳᠤᠰ ᠤᠨ ᠭᠠᠵᠠᠷ ᠲᠤᠤᠷ᠎ᠠ ᠬᠠᠳᠠᠭᠠᠯᠠᠭᠳᠠᠵᠤ ᠪᠠᠶᠢᠭ᠎ᠠ ᠶᠡᠭᠡ ᠬᠡᠮᠵᠢᠶᠡᠨ ᠤ ᠨᠡᠬᠦᠷᠡᠰᠤ ᠪᠤᠯ ᠬᠠᠯᠭᠤᠨ ᠪᠦᠰᠡᠨ ᠤ ᠪᠠᠯᠠᠷ ᠤᠢ ᠪᠤᠯᠠᠭᠳᠠᠵᠤ ᠲᠠᠷᠤᠭᠳᠠᠭᠰᠠᠨ ᠠᠴᠠ ᠬᠤᠪᠢᠷᠠᠵᠤ ᠢᠷᠡᠭᠰᠡᠨ ᠶᠤᠮ᠃    ᠤᠳᠤ ᠠᠴᠠ ᠡᠮᠦᠨᠡᠭᠢ ᠬᠤᠶᠠᠷ ᠳ᠋ᠦᠩᠰᠢᠭᠤᠷ ᠬᠤᠶᠠᠷ ᠮᠢᠩᠭᠠᠨ ᠲᠦᠮᠡᠨ ᠵᠢᠯ ᠠᠴᠠ ᠲᠤᠯᠤᠭᠠᠨ ᠮᠢᠩᠭᠠᠨ ᠲᠦᠮᠡᠨ ᠵᠢᠯ ᠤᠨ ᠬᠤᠭᠤᠷᠤᠨᠳᠤ᠂ ᠤᠷᠳᠤᠰ ︽ᠲᠠᠯᠠᠢ ᠲᠠᠩᠬᠢᠰ ᠤᠨ ᠦᠶ᠎ᠠ︾ ᠠᠴᠠ ᠪᠠᠨ ᠤᠷᠳᠤᠰ ᠤᠨ ᠬᠤᠳᠤᠭᠤᠷ ᠪᠤᠯᠵᠤ ᠬᠤᠪᠢᠷᠠᠭᠰᠠᠨ ᠪᠠᠶᠢᠨ᠎ᠠ᠃ ᠡᠨᠡ ᠦᠶ᠎ᠠ ᠶᠢᠨ ᠠᠮᠢᠳᠤ ᠪᠤᠳᠠᠰ ᠤᠨ ᠶᠢᠷᠳᠢᠨᠴᠤ ᠳᠤ ᠨᠡᠩ ᠲᠡᠭᠡᠳᠤ ᠵᠡᠷᠭᠡ ᠶᠢᠨ ᠬᠦᠭᠵᠢᠯᠳᠠ ᠲᠠᠢ ᠪᠤᠯᠵᠠᠢ᠃ ᠠᠮᠢᠳᠠᠨ ᠤ ᠲᠤᠳᠤᠷ᠎ᠠ ᠲᠤᠷᠤᠨᠠᠳᠤ ᠶᠡᠭᠡ ᠵᠤᠤ ᠶᠢᠨ ᠨᠤᠮᠤᠨ ᠰᠡᠯᠢᠬᠦᠷᠳᠤ ᠵᠢᠭᠠᠰᠤ᠂ ᠬᠤᠶᠠᠷ ᠰᠤᠶᠤᠭᠠᠳᠤ ᠬᠦᠷᠦᠭᠡᠰᠤ᠂ ᠺᠸᠠᠱᠢ ᠬᠦᠷᠦᠭᠡᠰᠤ᠂ ᠲᠤᠳᠢ ᠶᠢᠨ ᠬᠤᠰᠢᠭᠤᠳᠤ ᠮᠠᠳᠠᠷ᠂ ᠬᠦᠷᠪᠡᠯ ᠤᠨ ᠬᠦᠯᠳᠤ ᠮᠠᠳᠠᠷ᠂ ᠲᠤᠮᠳᠠᠳᠤ  ᠤᠯᠤᠰ ᠤᠨ ᠶᠠᠰᠤᠳᠤ ᠮᠡᠯᠡᠭᠡᠢ᠂ ᠤᠯᠠᠨ ᠰᠤᠶᠤᠭᠠᠳᠤ ᠮᠠᠳᠠᠷ ᠵᠡᠷᠭᠡ ᠪᠤᠢ ᠃ ᠤᠷᠭᠤᠮᠠᠯ ᠤᠨ ᠲᠤᠳᠤᠷ᠎ᠠ ᠲᠡᠮᠦᠷᠰᠡᠭ ᠮᠤᠳᠤ᠂ ᠮᠦᠩᠬᠦᠨ ᠬᠦᠢᠯᠡᠰᠤ᠂ ᠨᠡᠷᠠᠰᠤ ᠮᠠᠶᠢᠯᠠᠰᠤ ᠵᠡᠷᠭᠡ ᠪᠤᠢ᠃ ᠡᠨᠡ ᠦᠶ᠎ᠠ ᠶᠢᠨ ᠲᠡᠮᠦᠷᠰᠡᠭ ᠮᠤᠳᠤ᠂ ᠮᠦᠩᠬᠦᠨ ᠬᠦᠢᠯᠡᠰᠤ᠂ ᠨᠠᠷᠰᠤ ᠮᠠᠶᠢᠯᠠᠰᠤ ᠵᠡᠷᠭᠡ ᠮᠤᠳᠤᠳ ᠢᠶᠠᠷ ᠪᠦᠷᠢᠯᠳᠦᠭᠰᠡᠨ ᠢᠬᠴᠢ ᠰᠠᠬᠤᠯᠢᠭ ᠤᠢ ᠰᠢᠭᠤᠢ ᠪᠤᠯ ᠤᠳᠤ ᠶᠢᠨ ᠤᠷᠳᠤᠰ ᠤᠨ ᠨᠡᠬᠦᠷᠡᠰᠤᠨ ᠤ ᠪᠤᠳᠠᠰ ᠤᠨ ᠢᠷᠡᠯᠳᠠ ᠪᠤᠯᠤᠨ᠎ᠠ᠃   ᠡᠷᠳᠠ ᠭᠤᠷᠪᠠᠳᠤᠭᠠᠷ ᠭᠠᠯᠪᠠ ᠶᠢᠨ ᠠᠭᠠᠵᠢᠮ ᠰᠢᠨ᠎ᠡ ᠦᠶ᠎ᠠ ᠶᠢᠨ ᠰᠡᠬᠦᠯᠴᠢ ᠪᠠᠷ᠂ ᠭᠠᠵᠠᠷ ᠤᠨ ᠪᠦᠮᠪᠦᠷᠴᠡᠭ ᠲᠡᠭᠡᠷ᠎ᠠ ︽ᠡᠾᠢᠮᠠᠯᠠᠢ ᠶᠢᠨ ᠠᠭᠤᠯᠠ ᠡᠬᠦᠰᠭᠡᠬᠦ ᠬᠦᠳᠡᠯᠭᠡᠭᠡᠨ︾ ᠪᠤᠢ ᠪᠤᠯᠵᠤ᠂ ᠤᠷᠳᠤᠰ ᠤᠨ ᠬᠤᠳᠤᠭᠤᠷ ᠡᠨᠡᠬᠦ ᠭᠠᠵᠠᠷ ᠤᠨ ᠴᠠᠷᠴᠠᠳᠠᠰᠤᠨ ᠤ ᠬᠤᠪᠢᠷᠠᠯᠳᠠ ᠶᠢᠨ ᠨᠦᠯᠦᠭᠡ  ᠪᠠᠷ᠂ ᠰᠡᠬᠦᠯᠴᠢ ᠭᠤᠷᠪᠠᠳᠤᠭᠠᠷ ᠭᠠᠯᠪᠠ ᠶᠢᠨ ᠲᠤᠮᠳᠠ ᠰᠢᠨ᠎ᠡ ᠦᠶ᠎ᠠ᠂ ᠲᠡᠭᠡᠳᠤ ᠰᠢᠨ᠎ᠡ ᠦᠶ᠎ᠠ ᠳᠤ ᠪᠠᠰᠠ ᠨᠢᠭᠡ ᠤᠳᠠᠭ᠎ᠠ ᠬᠦᠳᠦᠶᠢᠨ ᠪᠤᠰᠴᠤ᠂ ᠲᠦᠷᠪᠡᠳᠦᠭᠡᠷ ᠭᠠᠯᠪᠠ ᠶᠢᠨ ᠦᠶ᠎ᠠ ᠪᠤᠯᠳᠠᠯ᠎ᠠ ᠲᠡᠭᠡᠭᠰᠢᠯᠡᠬᠦ ᠱᠠᠳᠤᠨ ᠳᠤ ᠪᠠᠶᠢᠵᠠᠢ᠃ ᠬᠠᠯᠠᠬᠤ ᠰᠢᠨ᠎ᠡ ᠦᠶ᠎ᠠ ᠶᠢᠨ ᠰᠡᠬᠦᠯᠴᠢ ᠪᠠᠷ᠂ ᠰᠠᠯᠬᠢᠳᠠᠯ ᠤᠰᠤᠳᠤᠯ ᠠᠴᠠ ᠰᠢᠷ᠎ᠠ ᠰᠢᠷᠤᠢ ᠤᠪᠤᠭᠠᠷᠠᠯᠳᠤᠵᠤ᠂ ᠰᠠᠯᠬᠢᠳᠠᠯ ᠠᠴᠠ ᠡᠯᠡᠰᠤᠨ ᠲᠠᠪᠬᠤᠷᠭ᠎ᠠ ᠪᠤᠢ ᠪᠤᠯᠤᠭᠠᠳ᠂ ᠠᠭᠠᠵᠢᠮ ᠢᠶᠠᠷ ᠦᠨᠦ ᠶᠢᠨ ᠤᠷᠳᠤᠰ ᠤᠨ ᠦᠨᠳᠦᠷᠯᠢᠭ ᠤᠨ ᠤᠨᠴᠠᠯᠢᠭ ᠪᠦᠬᠦᠢ ᠭᠠᠵᠠᠷ ᠤᠨ ᠭᠠᠳᠠᠷᠭᠤ ᠪᠦᠷᠢᠯᠳᠦᠵᠠᠢ᠃ ᠡᠨᠡᠬᠦ ᠲᠡᠤᠭᠡᠨ ᠴᠠᠭ ᠦᠶ᠎ᠠ ᠳᠤ᠂ ᠤᠷᠳᠤᠰ ᠤᠨ ᠠᠮᠢᠳᠤ ᠪᠤᠳᠠᠰ ᠤᠨ ᠶᠢᠷᠳᠢᠨᠴᠤ ᠳᠤ ᠴᠢᠬᠤᠯᠠ ᠶᠡᠭᠡ ᠬᠤᠪᠢᠷᠠᠯᠳᠠ ᠭᠠᠷᠴᠤ᠂ ᠤᠷᠭᠤᠮᠠᠯ ᠤᠳ ︽ᠨᠢᠴᠦᠬᠦᠨ ᠦᠷᠠᠳᠤ ᠤᠷᠭᠤᠮᠠᠯ ᠤᠨ ᠴᠠᠭ ᠦᠶ᠎ᠠ︾ ᠠᠴᠠ ᠪᠠᠨ ︽ᠪᠦᠷᠬᠦᠬᠦᠯ ᠦᠷᠡᠳᠤ ᠤᠷᠭᠤᠮᠠᠯ ᠤᠨ ᠴᠠᠭ ᠦᠶ᠎ᠠ︾ ᠳᠤ ᠰᠢᠯᠵᠢᠨ ᠤᠷᠤᠵᠤ᠂ ᠠᠮᠢᠳᠠᠨ ᠴᠤ ᠬᠦᠬᠦᠳᠤ ᠠᠮᠢᠳᠠᠨ ᠶᠡᠭᠡᠪᠡᠷ ᠬᠦᠭᠵᠢᠭᠰᠡᠨ ᠰᠢᠨ᠎ᠡ ᠴᠠᠭ ᠦᠶ᠎ᠠ ᠳᠤ ᠤᠷᠤᠭᠠᠳ ᠬᠠᠴᠢᠨ ᠵᠢᠭᠳᠡᠢ ᠠᠪᠤᠷᠭᠤ ᠭᠡᠷᠢᠰ᠂ ᠬᠤᠶᠠᠷ ᠨᠤᠳᠤᠭᠳᠤ ᠭᠡᠷᠢᠰ᠂ ᠪᠤᠷᠤᠳᠤᠬᠤᠢ ᠶᠢᠨ ᠲᠠᠩᠬᠠᠭᠠᠷ ᠡᠪᠡᠷᠳᠤ ᠪᠤᠭᠤ᠂ ᠡᠷᠳᠡᠨ ᠤ ᠵᠠᠭᠠᠨ᠂ ᠯᠠᠷᠪᠠᠭᠠᠷ ᠤᠷᠤᠭᠤᠯᠳᠤ ᠭᠡᠷᠢᠰ᠂ ᠠᠨᠠᠰᠢ᠂ ᠲᠠᠯᠳᠤ ᠴᠢᠨ᠋ᠸ᠎ᠠ᠂ ᠭᠤᠷᠪᠠᠨ ᠰᠠᠯᠠᠭ᠎ᠠ ᠲᠤᠭᠤᠷᠠᠶᠢᠳᠤ ᠮᠤᠷᠢ ᠵᠡᠷᠭᠡ ᠪᠤᠢ ᠪᠤᠯᠵᠠᠢ᠃ ᠠᠳᠠ ᠤᠨᠴᠤᠭᠤᠶᠢᠯᠠᠨ ᠲᠤᠷᠠᠳᠤᠭᠤᠰᠢᠳᠠᠢ ᠶᠠᠪᠤᠳᠠᠯ ᠭᠡᠪᠡᠯ ᠭᠤᠷᠪᠠᠨ ᠰᠠᠯᠠᠭ᠎ᠠ ᠲᠤᠭᠤᠷᠠᠶᠢᠳᠤ ᠮᠤᠷᠢ ᠪᠤᠯ ᠤᠳᠤ ᠶᠢᠨ ᠤᠷᠳᠤᠰ ᠤᠨ ᠮᠤᠩᠭᠤᠯ ᠮᠤᠷᠢᠨ ᠤ ᠬᠠᠮᠤᠭ ᠡᠷᠳᠡᠨ ᠤ ᠡᠪᠦᠭᠡ ᠲᠡᠭᠡᠳᠤᠰ ᠪᠤᠯᠤᠨ᠎ᠠ᠃    ᠬᠤᠶᠠᠷ᠂ ᠪᠤᠷᠤᠲᠤᠬᠠᠢ ᠬᠦᠮᠦᠨ ᠤ ᠦᠶ᠎ᠡ   ᠤᠷᠳᠤᠰ ᠤᠨ ᠦᠨᠳᠦᠷᠯᠢᠭ ᠤᠨ ᠪᠠᠷᠠᠭᠤᠨ ᠡᠮᠦᠨ᠎ᠡ ᠪᠡᠶ᠎ᠠ ᠳᠤ ᠲᠡᠯᠡᠭᠡᠢ ᠳᠤ ᠠᠯᠳᠠᠷᠳᠠᠢ ᠰᠢᠷᠬᠤᠰᠤᠨ ᠭᠤᠤᠯ ︵ᠡᠤ ᠳ᠋ᠢᠩ ᠡᠾᠧ ᠭᠤᠤᠯ︶ ᠬᠡᠵᠤ ᠪᠤᠢ᠃ ᠲᠡᠷᠠ ᠪᠤᠯ ᠱᠠᠨᠰᠢ ᠮᠤᠵᠢ ᠶᠢᠨ ᠪᠠᠷᠠᠭᠤᠨ ᠬᠤᠶᠢᠳᠤ ᠭᠡᠰᠡᠭ ᠤᠨ ᠪᠠᠢ ᠢᠤᠢ ᠱᠠᠨ ᠠᠭᠤᠯᠠᠨ ᠤ ᠠᠷᠤ ᠬᠤᠷᠮᠤᠢ ᠠᠴᠠ ᠡᠬᠢ ᠠᠪᠴᠤ᠂ ᠵᠡᠬᠦᠨ ᠬᠤᠶᠢᠰᠢ ᠪᠠᠨ ᠶᠡᠭᠡ ᠵᠤᠤ ᠠᠶᠢᠮᠠᠭ ᠤᠨ ᠤᠳᠤᠭ ᠬᠤᠰᠢᠭᠤᠨ ᠤ ᠵᠡᠬᠦᠨ ᠡᠮᠦᠨᠡᠬᠦᠷ ᠦᠩᠭᠡᠷᠡᠨ᠂ ᠦᠤᠰᠢᠨ ᠬᠤᠰᠢᠭᠤᠨ ᠤ ᠡᠮᠦᠨᠡᠬᠦᠷ ᠬᠦᠨᠳᠡᠯᠢᠳᠤᠨ ᠤᠷᠤᠰᠳᠠᠭ᠃ ᠨᠡᠶᠢᠳᠠ ᠶᠢᠨ ᠤᠨ ᠲᠤᠭᠠᠯᠠᠯ ᠤᠨ1922 ᠤᠨ ᠠᠴᠠ ᠨᠠᠰᠢ᠂ ᠰᠢᠷᠬᠤᠰᠤᠨ ᠭᠤᠤᠯ ᠤᠨ ᠰᠠᠪᠠ ᠪᠤᠯᠬᠤ ᠦᠤᠰᠢᠨ ᠬᠤᠰᠢᠭᠤᠨ ᠤ ᠳ᠋ᠠ ᠭᠸᠤ ᠸᠠᠨ ᠤᠷᠴᠢᠮ ᠢᠶᠠᠷ ᠡᠷᠳᠡᠨ ᠤ ᠬᠦᠮᠦᠨ ᠤ ᠮᠠᠩᠨᠠᠢ ᠶᠢᠨ ᠶᠠᠰᠤ᠂ ᠵᠤᠯᠠᠢ ᠶᠢᠨ ᠶᠠᠰᠤ᠂ ᠲᠠᠭᠵᠢᠨ ᠤ ᠶᠠᠰᠤ᠂ ᠨᠢᠷᠤᠭᠤ ᠶᠢᠨ ᠶᠠᠰᠤ ᠵᠡᠷᠭᠡ ᠶᠢᠨ ᠴᠢᠯᠠᠭᠤᠵᠢᠮᠠᠯ ᠢ ᠨᠡᠶᠢᠳᠠ ᠬᠤᠷᠢᠨ ᠭᠤᠷᠪᠠ ᠤᠯᠵᠠᠢ᠃ ᠡᠷᠳᠡᠨ ᠤ ᠬᠦᠮᠦᠨ ᠲᠦᠷᠦᠯᠬᠢᠳᠠᠨ ᠢ ᠰᠤᠳᠤᠯᠤᠭᠴᠢᠳ ᠬᠦᠨᠵᠡᠭᠡᠢ ᠠᠵᠢᠭᠯᠠᠵᠤ᠂ ᠤᠷᠳᠤ ᠬᠤᠭᠤᠴᠠᠭ᠎ᠠ ᠪᠠᠷ ᠰᠤᠳᠤᠯᠤᠭᠠᠳ ᠡᠳᠡᠭᠡᠷ ᠪᠤᠯ ᠭᠤᠷᠪᠠᠨ ᠲᠦᠮᠡ ᠲᠠᠪᠤᠨ ᠮᠢᠩᠭᠠᠨ ᠵᠢᠯ ᠤᠨ ᠡᠮᠦᠨ᠎ᠡ ᠤᠷᠳᠤᠰ ᠲᠤ ᠠᠮᠢᠳᠤᠷᠠᠵᠤ ᠪᠠᠶᠢᠭᠰᠠᠨ ᠬᠦᠮᠦᠨ ᠲᠦᠷᠦᠯᠬᠢᠳᠠᠨ ᠤ ᠴᠢᠯᠠᠭᠤᠵᠢᠮᠠᠯ ᠪᠤᠯᠤᠨ᠎ᠠ ᠭᠡᠰᠡᠨ ᠰᠢᠨᠵᠢᠯᠡᠬᠦ ᠤᠬᠠᠭᠠᠨᠴᠢ ᠳ᠋ᠦᠩᠨᠡᠯᠳᠠ ᠦᠭᠴᠠᠢ᠃ ᠡᠳᠡᠭᠡᠷ ᠡᠷᠳᠡᠨ ᠤ ᠬᠦᠮᠦᠰ ᠬᠠᠳᠤᠨ ᠭᠤᠤᠯ ᠤᠨ ᠪᠤᠷᠤᠳᠤᠬᠤᠢ ᠳᠠᠬᠢ ᠤᠷᠳᠤᠰ ᠨᠤᠳᠤᠭ  ᠲᠤ ᠠᠮᠢᠳᠤᠷᠠᠵᠤ ᠪᠠᠶᠢᠭᠰᠠᠨ ᠪᠤᠯᠬᠤᠷ ᠲᠡᠳᠡᠨ ᠢ ᠪᠤᠷᠣᠳᠤᠬᠤᠢ ᠶᠢᠨ ᠬᠦᠮᠦᠨ ᠬᠡᠵᠤ ᠨᠡᠷᠡᠯᠡᠵᠠᠢ᠃    ᠪᠤᠷᠤᠳᠤᠬᠤᠢ ᠶᠢᠨ ᠬᠦᠮᠦᠨ ᠤ ᠦᠶ᠎ᠠ ᠳᠤ᠂ ᠤᠷᠳᠤᠰ ᠤᠨ ᠪᠠᠶᠢᠭᠠᠯᠢ ᠶᠢᠨ ᠭᠠᠵᠠᠷ ᠵᠦᠢ ᠤᠳᠤ ᠶᠢᠨ ᠬᠢ ᠠᠴᠠ ᠤᠨᠴᠠ ᠶᠡᠭᠡ ᠵᠦᠷᠢᠶ᠎ᠠ ᠲᠠᠢ ᠪᠠᠶᠢᠵᠠᠢ᠃ ᠮᠠᠨ ᠤ ᠤᠯᠤᠰ ᠤᠨ ᠡᠷᠳᠡᠨ ᠤ ᠬᠦᠮᠦᠨ ᠲᠦᠷᠦᠯᠬᠢᠳᠠᠨ ᠤ ᠤᠬᠠᠭᠠᠨ ᠤ ᠠᠯᠳᠠᠷᠳᠤ ᠰᠤᠳᠤᠯᠤᠭᠴᠢ ᠫᠸᠢ ᠸᠧᠨ ᠵᠦᠩ ᠫᠷᠤᠹᠧᠰᠰᠤᠷ ︽ᠲᠤᠮᠳᠠᠳᠤ ᠤᠯᠤᠰ ᠤᠨ ᠪᠠᠯᠠᠷ ᠡᠷᠳᠡᠨ ᠤ ᠬᠦᠮᠦᠨ ᠲᠦᠷᠦᠯᠬᠢᠳᠡᠨ ᠤ ᠠᠮᠢᠳᠤᠷᠠᠯ ᠤᠨ ᠤᠷᠴᠢᠨ ᠲᠤᠭᠤᠷᠢᠨ︾ ᠭᠡᠰᠡᠨ ᠦᠬᠦᠯᠡᠯ ᠳᠡᠭᠡᠨ᠄ ︽ᠢᠯᠠᠩᠭᠤᠶ᠎ᠠ᠂ ᠮᠤᠨᠠ ᠠᠭᠤᠯᠠ ᠦᠷᠭᠡᠨ ᠠᠭᠤᠳᠠᠮ ᠲᠠᠯ᠎ᠠ ᠶᠢᠨ ᠲᠤᠮᠳᠠ ᠤᠷᠤᠰᠢᠵᠤ᠂ ᠠᠭᠤᠯᠠᠨ ᠲᠡᠭᠡᠷᠡᠬᠢ ᠬᠤᠷᠠᠮᠳᠤᠭᠰᠠᠨ ᠴᠠᠰᠤ ᠮᠦᠰᠤ ᠬᠠᠶᠢᠯᠵᠤ ᠢᠷᠡᠭᠡᠳ ᠭᠤᠤᠯ ᠮᠦᠷᠡᠨ᠂ ᠨᠠᠭᠤᠷ ᠴᠦᠬᠦᠷᠦᠮ ᠪᠤᠯᠵᠠᠢ᠃ ᠢᠩᠬᠢᠭᠡᠳ ᠮᠠᠰᠢ ᠤᠯᠠᠨ ᠠᠮᠢᠳᠠᠨ ᠪᠠ ᠬᠦᠮᠦᠨ ᠲᠦᠷᠦᠯᠬᠢᠳᠡᠨ ᠤ ᠴᠤᠭᠯᠠᠷᠠᠨ ᠲᠤᠭᠳᠠᠨᠢᠬᠤ ᠤᠷᠤᠨ ᠪᠤᠯᠤᠭᠰᠠᠨ ᠪᠤᠯᠤᠯᠳᠠᠢ᠃ ᠪᠤᠷᠤᠳᠤᠬᠤᠢ ᠶᠢᠨ ᠬᠦᠮᠦᠨ ᠤᠳᠤ ᠶᠢᠨ ᠰᠢᠷᠬᠤᠰᠤᠨ ᠭᠤᠤᠯ ᠤᠨ ᠬᠤᠶᠠᠷ ᠬᠦᠪᠡᠭᠡ ᠪᠠᠷ ᠠᠮᠢᠳᠤᠷᠠᠵᠤ᠂ ᠲᠡᠬᠦᠪᠡᠷ ᠠᠭᠤᠳᠠᠮ ᠲᠡᠨᠢᠭᠡᠷ ᠡᠪᠡᠰᠤᠳᠤ ᠲᠠᠯ᠎ᠠ ᠲᠠᠢ᠂ ᠨᠠᠭᠤᠷ ᠴᠦᠬᠦᠷᠦᠮ ᠤᠨ ᠲᠡᠷᠭᠡᠳᠠ ᠡᠪᠡᠰᠤ ᠮᠤᠳᠤ ᠡᠯᠪᠡᠭ ᠤᠷᠭᠤᠳᠠᠭ ᠪᠦᠭᠡᠳ ᠲᠦᠪᠰᠢᠨ ᠲᠠᠯ᠎ᠠ ᠶᠢᠨ ᠪᠡᠯᠴᠢᠭᠡᠷ ᠲᠤ ᠪᠠᠰᠠ ᠪᠤᠷᠤᠳᠤᠬᠤᠢ ᠶᠢᠨ ᠬᠠᠪᠳᠠᠭᠠᠢ ᠡᠪᠡᠷᠳᠤ ᠪᠤᠭᠤ᠂ ᠲᠤᠷᠤᠭ ᠪᠤᠭᠤ᠂ ᠵᠡᠷᠯᠢᠭ ᠭᠠᠭ᠋ᠠᠢ᠂ ᠲᠦᠷᠭᠡᠨ ᠬᠦᠶᠦᠳᠡᠭ ᠪᠦᠬᠦᠭ᠂ ᠬᠤᠯᠠᠨ᠂ ᠲᠠᠬᠢ ᠵᠡᠷᠭᠡ ᠠᠮᠢᠳᠠᠨ ᠪᠠᠶᠢᠪᠠ᠃ ᠦᠭᠡᠷ᠎ᠠ ᠪᠠᠰᠠ ᠭᠠᠩ ᠬᠠᠭᠤᠷᠠᠢ ᠳᠤ ᠲᠡᠰᠪᠦᠷᠢᠳᠠᠢ ᠲᠡᠮᠡᠭᠡ ᠪᠠ ᠮᠡᠷᠡᠭᠴᠢ ᠠᠮᠢᠳᠠᠨ ᠤ ᠲᠦᠷᠦᠯ᠂ ᠤᠰᠤᠨ ᠦᠭᠡᠷ ᠵᠢᠴᠢ ᠪᠠᠯᠠᠷ ᠡᠷᠳᠡᠨ ᠤ ᠦᠭᠡᠷ ᠤᠳ ᠭᠤᠤᠯ ᠤᠨ ᠬᠦᠪᠡᠭᠡᠨ ᠳᠠᠬᠢ ᠦᠩ ᠰᠢᠮᠡᠯᠢᠭ ᠡᠪᠡᠰᠤ ᠶᠢ ᠢᠳᠡᠬᠦ ᠪᠠᠷ ᠢᠷᠡᠳᠡᠭ ᠪᠠᠶᠢᠪᠠ᠃ ᠠᠳᠠ ᠰᠢᠢᠳᠪᠦᠷᠢᠯᠡᠭᠴᠢ ᠠᠴᠢ ᠬᠤᠯᠪᠤᠭᠳᠠᠯ ᠪᠦᠬᠦᠢ  ᠵᠦᠢᠯ ᠪᠤᠯ ᠨᠠᠮᠠ ᠵᠠᠭᠠᠨ᠂ ᠦᠰᠦᠳᠠᠢ ᠭᠡᠷᠢᠰ ᠪᠠ ᠲᠤᠷᠤᠭ ᠪᠤᠭᠤ ᠴᠦᠮ ᠲᠠᠯ᠎ᠠ ᠨᠤᠳᠤᠭ ᠲᠤ ᠠᠮᠢᠳᠤᠷᠠᠵᠤ ᠪᠠᠶᠢᠭᠰᠠᠨ ᠶᠠᠪᠤᠳᠠᠯ ᠪᠤᠯᠤᠨ᠎ᠠ︾ ᠭᠡᠵᠠᠢ᠃ ᠪᠤᠷᠤᠳᠤᠬᠤᠢ ᠶᠢᠨ ᠬᠦᠮᠦᠨ ᠤ ᠠᠮᠢᠳᠤᠷᠠᠵᠤ ᠪᠠᠶᠢᠭᠰᠠᠨ ᠤᠷᠴᠢᠨ ᠲᠤᠭᠤᠷᠢᠨ ᠤ ᠲᠤᠬᠠᠢ᠂ ᠦᠪᠡᠷ ᠤᠨ ᠪᠡᠶ᠎ᠠ ᠪᠠᠷ ᠢᠶᠠᠨ ᠤᠷᠳᠤᠰ ᠤᠨ ᠪᠤᠷᠤᠳᠤᠬᠤᠢ ᠶᠢᠨ ᠬᠦᠮᠦᠨ ᠤ ᠤᠭ ᠨᠤᠳᠤᠭ ᠲᠤ ᠢᠷᠡᠵᠤ ᠪᠠᠶᠢᠴᠠᠭᠠᠯᠳᠠ ᠬᠢᠭᠰᠡᠨ ᠬᠠᠭᠤᠴᠢᠳ ᠢ ᠰᠤᠳᠤᠯᠤᠭᠴᠢ ᠵᠢᠶᠠ ᠯᠠᠨ ᠫᠦᠸᠧ ᠫᠷᠤᠹᠧᠰᠰᠤᠷ ᠬᠡᠯᠡᠬᠦ ᠳᠡᠭᠡᠨ᠄ ︽ᠲᠤᠬᠠᠢ ᠶᠢᠨ ᠦᠶ᠎ᠠ ᠶᠢᠨ  ᠰᠢᠷᠬᠤᠰᠤᠨ ᠭᠠᠵᠠᠷ ᠤᠷᠤᠨ ᠢᠶᠠᠷ ᠨᠡᠯᠢᠶᠡᠳ ᠶᠡᠭᠡ ᠨᠠᠭᠤᠷ ᠴᠦᠬᠦᠷᠦᠮ ᠪᠠ ᠭᠤᠤᠯ ᠮᠦᠷᠡᠨ ᠪᠠᠶᠢᠵᠠᠢ᠂ ᠨᠠᠭᠤᠷ ᠤᠨ ᠬᠦᠪᠡᠭᠡᠨ ᠳᠤ ᠰᠡᠶᠢᠷᠡᠭ ᠤᠢ ᠮᠤᠳᠤ ᠪᠠ ᠦᠷᠭᠡᠨ ᠠᠭᠤᠳᠠᠮ ᠲᠠᠯ᠎ᠠ ᠭᠠᠵᠠᠷ ᠲᠠᠢ ᠪᠦᠭᠡᠳ ᠠᠭᠤᠷ ᠠᠮᠢᠰᠬᠤᠯ ᠤᠳᠤ ᠠᠴᠠ ᠨᠡᠯᠢᠶᠡᠳ ᠲᠤᠯᠠᠭᠠᠨ ᠴᠢᠬᠢᠭᠯᠢᠭ ᠪᠠᠶᠢᠵᠠᠢ︾ ᠭᠡᠪᠡ᠃    ᠪᠤᠷᠤᠳᠤᠬᠤᠢ ᠶᠢᠨ ᠬᠦᠮᠦᠨ ᠤ ᠪᠡᠶ᠎ᠠ ᠶᠢᠨ ᠤᠨᠴᠠᠯᠢᠭ᠂ ᠦᠨᠤ ᠶᠢᠨ ᠬᠦᠮᠦᠨ ᠲᠠᠢ ᠨᠡᠯᠢᠶᠡᠳ ᠤᠶᠢᠷᠠᠯᠴᠭ᠎ᠠ ᠶᠤᠮ ᠃ ᠬᠦᠮᠦᠨ ᠲᠦᠷᠦᠯᠭᠢᠳᠡᠨ ᠤ ᠬᠤᠪᠢᠰᠤᠯ ᠤᠨ ᠱᠠᠳᠤᠨ ᠤ ᠰᠡᠬᠦᠯᠴᠢ ᠦᠶ᠎ᠠ ᠶᠢᠨ ᠤᠬᠠᠭᠠᠨᠳᠠᠢ ᠬᠦᠮᠦᠨ ᠳᠡᠭᠡᠨ ᠤᠷᠤᠨ᠎ᠠ᠃ ᠪᠤᠷᠤᠳᠤᠬᠤᠢ ᠶᠢᠨ ᠬᠦᠮᠦᠨ ᠤ ᠠᠮᠢᠳᠤᠷᠠᠵᠤ ᠪᠠᠶᠢᠭᠰᠠᠨ ᠰᠢᠷᠬᠤᠰᠤᠨ ᠭᠤᠤᠯ ᠤᠨ ᠤᠷᠴᠢᠮ ᠢᠶᠠᠷ ᠢᠡᠯᠷᠡᠭᠰᠡᠨ ᠬᠠᠭᠤᠴᠢᠨ ᠴᠢᠯᠠᠭᠤᠨ ᠵᠡᠪᠰᠡᠭ ᠤᠨ ᠰᠤᠶᠤᠯ ᠤᠨ ᠦᠯᠡᠳᠡᠭᠳᠡᠯ ᠤᠨ ᠲᠤᠳᠤᠷ᠎ᠠ ᠴᠢᠯᠠᠭᠤᠨ ᠡᠳ᠋ᠯᠡᠯ᠂ ᠬᠦᠮᠦᠰ ᠤᠨ ᠴᠤᠬᠢᠵᠤ ᠪᠠᠯᠪᠠᠯᠠᠭᠰᠠᠨ ᠠᠮᠢᠳᠠᠨ ᠤ ᠶᠠᠰᠤ ᠪᠠ ᠨᠡᠬᠦᠷᠡᠰᠤᠨ ᠬᠡᠮᠭᠡᠳᠡᠭ ᠪᠤᠢ᠃ ᠴᠢᠯᠠᠭᠤᠨ ᠡᠳ᠋ᠯᠡᠯ ᠢ ᠦᠭᠡᠬᠦᠨ ᠴᠢᠯᠠᠭᠤ ᠪᠠ ᠴᠠᠬᠢᠭᠤᠷ ᠴᠢᠯᠠᠭᠤ ᠪᠠᠷ ᠬᠢᠵᠠᠢ᠃ ᠴᠢᠯᠠᠭᠤᠨ ᠡᠳ᠋ᠯᠡᠯ ᠤᠨ ᠲᠦᠷᠦᠯ ᠵᠦᠢᠯ ᠳᠤ ᠬᠠᠷᠤᠵᠤ ᠬᠤᠰᠤᠬᠤ ᠪᠠᠭᠠᠵᠢ᠂ ᠦᠵᠦᠬᠦᠷ ᠲᠠᠢ ᠪᠠᠭᠠᠵᠢ᠂ ᠰᠡᠶᠢᠯᠬᠦ ᠪᠠᠭᠠᠵᠢ ᠪᠤᠢ᠃ ᠬᠠᠷᠣᠵᠣ ᠬᠤᠰᠤᠬᠤ ᠪᠠᠭᠠᠵᠢ ᠶᠢᠨ ᠢᠷ  ᠲᠤ ᠠᠰᠬᠠᠨ᠂ ᠬᠦᠳᠦᠬᠦᠷ᠂ ᠬᠦᠩᠬᠦᠷ᠂ ᠲᠠᠪᠬᠤᠷ ᠬᠡᠳᠦᠨ ᠭᠡᠯᠪᠡᠷᠢ ᠪᠤᠢ᠃  ᠰᠢᠨ᠎ᠡ ᠴᠢᠯᠠᠭᠤᠨ ᠵᠡᠪᠰᠡᠭ ᠤᠨ ᠦᠶ᠎ᠠ ᠳᠤ᠂ ᠤᠷᠳᠤᠰ ᠨᠤᠳᠤᠭ ᠤᠨ ᠬᠦᠮᠦᠨ ᠲᠦᠷᠦᠯᠬᠢᠳᠡᠨ ᠤ ᠠᠵᠢᠯᠯᠠᠭᠠᠨ ᠤ ᠭᠡᠪᠴᠢᠶ᠎ᠠ ᠤᠯᠠᠮ ᠢᠶᠠᠷ ᠦᠷᠭᠡᠵᠢᠵᠠᠢ᠃ ᠰᠢᠨ᠎ᠡ ᠴᠢᠯᠠᠭᠤᠨ ᠵᠡᠪᠰᠡᠭ ᠤᠨ ᠦᠶ᠎ᠠ ᠶᠢᠨ ᠰᠤᠶᠤᠯ ᠤᠨ ᠦᠯᠡᠳᠡᠭᠳᠡᠯ ᠭᠤᠴᠢᠨ ᠬᠤᠶᠠᠷ ᠭᠠᠵᠠᠷ ᠲᠤ ᠢᠯᠡᠷᠡᠵᠤ᠂ ᠪᠠᠷᠤᠭ ᠪᠦᠬᠦᠶᠢᠯᠡ ᠤᠷᠳᠤᠰ ᠤᠨ ᠡᠯ᠎ᠠ ᠭᠠᠵᠠᠷ ᠲᠤ ᠲᠦᠭᠡᠵᠠᠢ᠃ ᠡᠳᠡᠭᠡᠷ ᠦᠯᠡᠳᠡᠭᠳᠡᠯ ᠤᠳ ᠲᠤ᠂ ᠭᠡᠷ ᠪᠠᠶᠢᠰᠢᠩ᠂ ᠦᠨᠡᠰᠤᠨ ᠨᠦᠭᠡ᠂ ᠸᠠᠭᠠᠷ ᠤᠨ ᠶᠤᠤ᠂ ᠪᠤᠳᠤᠩ   ᠳᠤ ᠠᠪᠰᠠᠯᠠᠭᠰᠠᠨ ᠤᠩᠭᠤᠨ ᠵᠢᠴᠢ ᠪᠢᠯᠡᠬᠦᠳᠡᠵᠤ ᠢᠷᠯᠡᠭᠰᠡᠨ ᠴᠢᠯᠠᠭᠤᠨ ᠡᠳ᠋ᠯᠡᠯ᠂ ᠶᠠᠰᠤᠨ ᠡᠳ᠋ᠯᠡᠯ᠂ ᠸᠠᠭᠠᠷ ᠤᠨ ᠡᠳ᠋ᠯᠡᠯ ᠵᠡᠷᠭᠡ ᠪᠠᠶᠢᠨ᠎ᠠ᠃ ᠡᠳᠡᠭᠡᠷ ᠰᠤᠶᠤᠯ ᠤᠨ ᠦᠯᠡᠳᠡᠭᠳᠡᠯ ᠤᠳ ᠪᠦᠷ ᠪᠤᠷᠤᠳᠤᠬᠤᠢ ᠶᠢᠨ ᠬᠦᠮᠦᠨ ᠨᠢᠭᠡᠨᠳᠠ ᠸᠠᠭᠠᠷ ᠰᠠᠪᠠ ᠬᠢᠵᠤ᠂ ᠭᠡᠷ ᠪᠠᠶᠢᠰᠢᠩ  ᠪᠠᠷᠢᠨ᠂ ᠰᠠᠭᠤᠷᠢᠰᠢᠨ ᠠᠮᠢᠳᠤᠷᠠᠵᠤ᠂ ᠲᠠᠷᠢᠶ᠎ᠠ ᠲᠠᠷᠢᠨ᠂ ᠮᠠᠯ ᠮᠠᠯᠵᠢᠵᠤ᠂ ᠠᠩ ᠬᠦᠷᠦᠭᠡ ᠬᠢᠵᠤ ᠴᠢᠳᠠᠬᠤ ᠪᠤᠯᠤᠭᠰᠠᠨ ᠢ ᠭᠡᠷᠡᠴᠢᠯᠡᠵᠤ ᠪᠠᠶᠢᠨ᠎ᠠ᠃  ᠲᠤᠮᠳᠠᠳᠤ ᠤᠯᠤᠰ ᠤᠨ ᠲᠡᠤᠭᠡᠨ ᠲᠡᠭᠡᠷ᠎ᠠ ᠴᠢᠯᠠᠭᠤᠨ ᠵᠡᠪᠰᠡᠭ ᠤᠨ ᠦᠶ᠎ᠠ ᠪᠤᠯ ᠪᠠᠯᠠᠷ ᠡᠷᠳᠡᠨ ᠤ ᠨᠡᠶᠢᠭᠡᠮ ᠤᠨ ᠦᠶ᠎ᠠ ᠮᠦᠨ᠃ ᠬᠠᠭᠤᠴᠢᠨ ᠴᠢᠯᠠᠭᠤᠨ ᠵᠡᠪᠰᠡᠭ ᠤᠨ ᠦᠶ᠎ᠠ ᠶᠢᠨ ᠪᠠᠯᠠᠷ ᠡᠷᠳᠡᠨ ᠤ ᠬᠦᠮᠦᠰ ᠬᠠᠮᠳᠤᠪᠡᠷ ᠢᠳᠡᠰᠢ ᠡᠷᠢᠬᠦ ᠪᠠ ᠬᠠᠷᠢ ᠶᠢᠨ ᠲᠦᠷᠢᠮᠡᠭᠡᠶᠢᠯᠡᠯ ᠢ ᠰᠡᠷᠭᠡᠶᠢᠯᠡᠨ᠂ ᠰᠦᠷᠦᠭᠯᠡᠨ ᠰᠠᠭᠤᠷᠢᠰᠢᠬᠤ ᠠᠮᠢᠳᠤᠷᠠᠯ ᠢ ᠦᠩᠭᠡᠷᠡᠭᠡᠵᠤ ᠪᠠᠶᠢᠭᠰᠠᠨ ᠪᠤᠯ ᠰᠢᠨ᠎ᠡ ᠴᠢᠯᠠᠭᠤᠨ ᠵᠡᠪᠰᠡᠭ ᠤᠨ ᠦᠶ᠎ᠠ ᠳᠤ ᠬᠦᠴᠤ ᠢᠷᠡᠭᠡᠳ ᠨᠢᠭᠡᠨᠳᠠ ᠤᠪᠤᠭ ᠲᠦᠷᠦᠯ ᠤᠨ ᠬᠦᠢ ᠨᠢᠭᠡᠳᠦᠯ ᠤᠨ ᠴᠢᠰᠤᠨ ᠪᠠᠷᠢᠯᠳᠤᠯᠭ᠎ᠠ ᠪᠠᠷ ᠪᠦᠷᠢᠯᠳᠦᠭᠰᠡᠨ ᠨᠡᠶᠢᠭᠡᠮ ᠤᠨ ᠵᠤᠬᠢᠶᠠᠨ ᠪᠠᠶᠢᠭᠤᠯᠤᠯᠳᠠ ᠲᠠᠢ ᠪᠤᠯᠵᠠᠢ᠃    ᠭᠤᠷᠪᠠ᠂ ᠤᠷᠢᠳᠤ ᠴᠢᠨ ᠤᠯᠤᠰ ᠤᠨ ᠦᠶ᠎ᠡ    ᠤᠷᠳᠤᠰ ᠠᠴᠠ ᠮᠠᠯᠳᠠᠵᠤ ᠭᠠᠷᠭᠠᠭᠰᠠᠨ ᠬᠦᠷᠡᠯ ᠪᠠᠭᠠᠵᠢ ᠶᠢᠨ ᠰᠤᠶᠤᠯ ᠤᠨ ᠦᠯᠡᠳᠡᠭᠳᠡᠯ ᠢ ᠪᠠᠶᠢᠴᠠᠭᠠᠨ ᠨᠤᠳᠠᠯᠠᠭᠰᠠᠨ ᠦᠷ᠎ᠠ ᠳ᠋ᠦᠩ ᠪᠢᠳᠡᠨ ᠤ ᠲᠤᠮᠳᠠᠳᠤ ᠤᠷᠤᠨ ᠬᠦᠷᠡᠯ ᠪᠠᠭᠠᠵᠢ ᠶᠢᠨ ᠦᠶ᠎ᠠ ᠪᠤᠯᠬᠤ ᠳᠤ ᠤᠷᠳᠤᠰ ᠢᠶᠠᠷ ᠴᠤᠭᠯᠠᠷᠠᠨ ᠰᠠᠭᠤᠵᠤ ᠪᠠᠶᠢᠭᠰᠠᠨ ᠬᠦᠮᠦᠰ ᠴᠤ ᠬᠦᠷᠡᠯ ᠪᠠᠭᠠᠵᠢ ᠶᠢ ᠡᠬᠢᠯᠡᠨ ᠭᠡᠷᠡᠭᠯᠡᠵᠠᠢ ᠭᠡᠳᠡᠭ ᠢ ᠬᠡᠯᠡᠵᠤ ᠦᠭᠴᠠᠢ᠃ ᠨᠡᠶᠢᠭᠡᠮ ᠤᠨ ᠠᠵᠤ ᠠᠬᠤᠢ ᠶᠢᠨ ᠬᠦᠭᠵᠢᠯᠳᠠ ᠠᠴᠠ ᠪᠤᠯᠵᠤ᠂ ᠤᠷᠳᠤᠰ ᠲᠤ ᠰᠠᠭᠤᠭᠰᠠᠳ ᠠᠳᠡᠬᠢ ᠶᠢᠨ ᠦᠷᠭᠡᠨ ᠠᠭᠤᠳᠠᠮ ᠦᠩ ᠰᠢᠮᠡᠯᠢᠭ ᠪᠠᠶᠢᠭᠠᠯᠢ ᠶᠢᠨ ᠪᠡᠯᠴᠢᠭᠡᠷ ᠢ ᠠᠰᠢᠭᠯᠠᠵᠤ᠂ ᠮᠠᠯ ᠮᠠᠯᠵᠢᠭᠰᠠᠨ ᠢᠶᠠᠷ ᠮᠠᠯᠵᠢᠯ ᠤᠨ ᠦᠢᠯᠡᠳᠪᠦᠷᠢᠯᠡᠯ ᠠᠵᠤ ᠠᠬᠤᠢ ᠶᠢᠨ ᠭᠤᠤᠯ ᠰᠠᠯᠠᠭ᠎ᠠ ᠮᠦᠴᠢᠷ ᠪᠤᠯᠵᠠᠢ᠃    ᠨᠡᠶᠢᠳᠠ ᠶᠢᠨ ᠤᠨ ᠲᠤᠭᠠᠯᠠᠯ ᠤᠨ ᠡᠮᠦᠨᠡᠬᠢ ᠬᠤᠶᠠᠷ ᠮᠢᠩᠭᠠᠨ ᠵᠢᠯ ᠤᠨ ᠤᠷᠢᠳᠠᠢ᠂ ᠮᠠᠨ ᠤ ᠤᠯᠤᠰ ᠤᠨ ᠪᠠᠯᠠᠷ ᠡᠷᠳᠡᠨ ᠤ ᠨᠡᠶᠢᠭᠡᠮ ᠠᠭᠠᠵᠢᠮ ᠢᠶᠠᠷ ᠵᠠᠳᠠᠷᠠᠭᠰᠠᠨ ᠤ ᠲᠠᠷᠠᠭ᠎ᠠ᠂ ᠪᠤᠭᠤᠯᠳᠤ ᠨᠡᠶᠢᠭᠡᠮ ᠠᠯᠬᠤᠮ ᠠᠯᠬᠤᠮ ᠢᠶᠠᠷ ᠪᠤᠢ ᠪᠤᠯᠵᠤ᠂ ᠬᠠᠳᠤᠨ ᠭᠤᠤᠯ ᠤᠨ ᠲᠤᠮᠳᠠ ᠰᠠᠪᠠ ᠭᠠᠵᠠᠷ ᠲᠤ ᠰᠢᠶᠠ ᠤᠯᠤᠰ ᠪᠠᠶᠢᠭᠤᠯᠤᠭᠳᠠᠪᠠ᠃ ᠱᠠᠩ ᠤᠯᠤᠰ ᠲᠦᠷᠪᠡᠨ ᠵᠠᠭᠤ ᠭᠠᠷᠤᠢ ᠵᠢᠯ ᠦᠷᠬᠦᠯᠵᠢᠯᠡᠭᠰᠡᠨ ᠰᠢᠶᠠ ᠤᠯᠤᠰ ᠤᠨ ᠰᠠᠭᠤᠷᠢᠨ ᠲᠡᠭᠡᠷ᠎ᠠ ᠪᠠᠰᠠ ᠦᠪᠡᠷ ᠤᠨ ᠬᠠᠭᠠᠨᠳᠤ ᠲᠦᠷᠦ ᠶᠢᠨ ᠵᠠᠰᠠᠭ ᠢᠶᠠᠨ ᠪᠠᠶᠢᠭᠤᠯᠪᠠ᠃ ᠡᠨᠡ ᠦᠶ᠎ᠠ ᠪᠤᠯ ᠶᠠᠭ ᠤᠷᠳᠤᠰ ᠲᠤ ᠨᠤᠳᠤᠭᠯᠠᠭᠰᠠᠨ ᠠᠷᠠᠳ ᠤᠳ ᠮᠠᠯ ᠮᠠᠯᠵᠢᠬᠤ ᠪᠠᠷ ᠠᠮᠢᠳᠤᠷᠠᠯ ᠢᠶᠠᠨ ᠠᠷᠭᠠᠴᠠᠵᠤ ᠪᠠᠶᠢᠭᠰᠠᠨ ᠦᠶ᠎ᠠ ᠪᠤᠯᠤᠨ᠎ᠠ᠃ ᠲᠤᠬᠠᠢ ᠶᠢᠨ ᠦᠶ᠎ᠠ ᠳᠤ᠂ ᠤᠷᠳᠤᠰ ᠪᠠ ᠲᠡᠬᠦᠨ ᠤ ᠤᠷᠴᠢᠨ ᠲᠤᠭᠤᠷᠢᠨ ᠢᠶᠠᠷ ᠲᠤᠹᠠᠩ ᠠᠶᠢᠮᠠᠭ᠂ ᠡᠾᠸᠤ ᠹᠠᠩ ᠠᠶᠢᠮᠠᠭ᠂ ᠬᠦᠢ ᠹᠠᠩ ᠠᠶᠢᠮᠠᠭ᠂ ᠴᠢᠶᠠᠩ ᠹᠠᠩ ᠠᠶᠢᠮᠠᠭ᠂ ᠯᠦᠩ ᠹᠠᠩ ᠠᠶᠢᠮᠠᠭ᠂ ᠰᠢᠶᠦ᠋ᠨ ᠢᠤᠢ ᠠᠶᠢᠮᠠᠭ ᠵᠡᠷᠭᠡ ᠨᠡᠬᠦᠳᠡᠯᠡᠯᠨ ᠮᠠᠯᠵᠢᠳᠠᠭ ᠠᠶᠢᠮᠠᠭ ᠤᠳ ᠪᠠᠶᠢᠪᠠ᠃ ᠲᠡᠳᠡᠨ ᠱᠠᠩ ᠤᠯᠤᠰ ᠲᠠᠢ ᠲᠡᠮᠡᠴᠡᠯᠳᠦᠵᠤ᠂ ᠬᠠᠷᠢᠯᠴᠠᠨ ᠲᠠᠶᠢᠰᠤᠩᠨᠠᠭᠠᠳ᠂ ᠲᠡᠳᠡᠨ ᠤ ᠬᠠᠮᠤᠭ ᠤᠨ ᠶᠡᠭᠡ ᠰᠦᠷᠳᠡᠬᠦᠯᠬᠦ ᠬᠦᠴᠦᠨ ᠪᠤᠯᠵᠤ ᠪᠠᠶᠢᠪᠠ᠃    ᠪᠠᠷᠠᠭᠤᠨ ᠵᠸᠤ ᠤᠯᠤᠰ ᠤᠨ ᠦᠶ᠎ᠠ ᠳᠤ᠂ ᠤᠷᠳᠤᠰ ᠲᠤ ᠠᠮᠢᠳᠤᠷᠠᠵᠤ ᠪᠠᠶᠢᠭᠰᠠᠨ ᠨᠡᠬᠦᠳᠡᠯᠯᠡᠨ ᠮᠠᠯᠵᠢᠳᠠᠭ ᠠᠶᠢᠮᠠᠭ ᠤᠳ ᠪᠠ ᠠᠶᠢᠮᠠᠭ ᠤᠨ ᠬᠤᠯᠪᠤᠭ᠎ᠠ ᠶᠢ ᠷᠦᠩ ᠳ᠋ᠢ ᠦᠨᠳᠦᠰᠦᠳᠡᠨ ︵ᠰᠢᠶᠠᠨ ᠶᠦᠨ ᠪᠤᠶᠤ ᠴᠤᠸᠠᠨ ᠷᠦᠩ︶ ᠭᠡᠳᠡᠭ᠃ ᠲᠡᠳᠡᠨ ᠤ ᠪᠤᠳᠠᠳᠤ ᠬᠦᠴᠦᠨ ᠨᠡᠯᠢᠶᠡᠳ ᠴᠢᠬᠢᠷᠠᠭ ᠪᠦᠭᠡᠳ ᠲᠠᠰᠤᠷᠠᠯᠳᠠ ᠦᠭᠡᠢ ᠡᠮᠦᠨᠡᠰᠢ ᠲᠦᠷᠢᠭᠡᠳ ᠪᠠᠶᠢᠬᠤᠯᠠᠷ᠂ ᠪᠠᠷᠠᠭᠤᠨ ᠵᠸᠤ ᠤᠯᠤᠰ ᠤᠨ ᠬᠢᠯᠢ ᠶᠢᠨ ᠠᠶᠤᠯ ᠪᠤᠯᠵᠤ ᠪᠠᠶᠢᠪᠠ᠃   ᠴᠦᠨ ᠴᠢᠤ ᠶᠢᠨ ᠦᠶ᠎ᠠ ᠳᠤ᠂ ᠤᠷᠳᠤᠰ ᠤᠨ ᠵᠡᠬᠦᠨ ᠡᠮᠦᠨ᠎ᠡ ᠪᠡᠶ᠎ᠠ ᠪᠠᠷ ᠠᠮᠢᠳᠤᠷᠠᠵᠤ ᠪᠠᠶᠢᠭᠰᠠᠨ ᠠᠶᠢᠮᠠᠭ ᠤᠳ ᠢ ᠳ᠋ᠢ ᠠᠶᠢᠮᠠᠭ ᠬᠡᠳ᠂ ᠪᠠᠢ ᠳ᠋ᠢ᠂ ‍ᠤᠤᠢ ᠳ᠋ᠢ᠂ ᠵᠦᠩ ᠳ᠋ᠢ ᠬᠡᠵᠤ ᠬᠤᠪᠢᠶᠠᠵᠤ ᠪᠠᠶᠢᠪᠠ᠃ ᠤᠷᠳᠤᠰ ᠤᠨ ᠪᠠᠷᠠᠭᠤᠨ ᠡᠮᠦᠨ᠎ᠡ ᠵᠠᠬ᠎ᠠ ᠪᠠᠷ ᠠᠮᠢᠳᠤᠷᠠᠵᠤ ᠪᠠᠶᠢᠭᠰᠠᠨ ᠠᠶᠢᠮᠠᠭ ᠤᠳ ᠢ ᠢ ᠴᠢᠤᠢ᠂ ᠴᠢᠤᠢ ᠡᠾᠧᠩ ᠭᠡᠳᠡᠭ᠃ ᠴᠦᠨ ᠴᠢᠤ ᠶᠢᠨ ᠲᠤᠮᠳᠠ ᠦᠶ᠎ᠠ ᠠᠴᠠ ᠬᠤᠶᠢᠰᠢ᠂ ᠲᠤᠮᠳᠠᠳᠤ ᠤᠷᠤᠨ ᠤ ᠡᠯ᠎ᠠ ᠤᠯᠤᠰ ᠤᠳ ᠡᠳᠦᠷ ᠢᠷᠡᠬᠦᠶ᠎ᠠ ᠬᠦᠴᠦᠷᠭᠡᠭᠵᠢᠭᠡᠳ᠂ ᠤᠷᠳᠤᠰ ᠱᠠᠨᠰᠢ ᠶᠢᠨ ᠵᠠᠭᠠᠭ ᠲᠡᠭᠡᠷᠡᠬᠢ ᠪᠠᠷᠠᠭᠤᠨ ᠷᠦᠩ ᠳ᠋ᠢ ᠶᠢᠨ ᠡᠯ᠎ᠠ ᠠᠶᠢᠮᠠᠭ ᠤᠳ ᠴᠢᠨ ᠤᠯᠤᠰ ᠲᠤ ᠵᠠᠯᠬᠢᠭᠳᠠᠵᠤ᠂ ‍ᠤᠤᠢ ᠳ᠋ᠢ᠂ ᠪᠠᠢ ᠳ᠋ᠢ᠂ ᠶᠢᠨ ᠤᠯᠤᠰ ᠢ ᠲᠠᠭᠠᠪᠠ᠃ ᠢᠩᠬᠢᠭᠡᠳ  ᠶᠢᠨ ᠤᠯᠤᠰ ᠤᠨ ᠬᠦᠴᠦᠨ ᠤᠷᠳᠤᠰ ᠤᠨ ᠵᠡᠭᠦᠨ ᠪᠡᠶ᠎ᠠ ᠪᠠᠷ ᠲᠦᠷᠢᠨ ᠤᠷᠤᠵᠤ ᠢᠷᠡᠵᠠᠢ᠃ ᠴᠦᠨ ᠴᠢᠤ ᠶᠢᠨ ᠰᠡᠬᠦᠯᠴᠢ ᠪᠠᠷ ᠤᠷᠳᠤᠰ ᠢᠶᠠᠷ ᠪᠠᠶᠢᠭᠰᠠᠨ ᠦᠭᠡᠷ᠎ᠠ ᠠᠶᠢᠮᠠᠭ ᠪᠦᠯᠦᠭ ᠤᠳ ᠴᠤ ᠲᠤᠮᠳᠠᠳᠤ ᠤᠷᠤᠨ ᠲᠠᠢ ᠤᠶᠢᠷᠠᠬᠠᠨ ᠪᠠᠶᠢᠭᠰᠠᠨ ᠠᠶᠢᠮᠠᠭ ᠪᠦᠯᠦᠭ ᠤᠳ ᠲᠠᠢ ᠠᠳᠠᠯᠢ ᠪᠠᠷ ᠬᠤᠸᠠ ᠰᠢᠶᠠ ᠦᠨᠳᠦᠰᠦᠳᠡᠨ ᠲᠠᠢ ᠨᠡᠶᠢᠯᠡᠵᠠᠢ᠃    ᠪᠠᠶᠢᠯᠳᠤᠭᠠᠨᠳᠤ ᠤᠯᠤᠰ ᠤᠨ ᠦᠶ᠎ᠠ ᠳᠤ᠂ ᠲᠤᠮᠳᠠᠳᠤ ᠤᠷᠤᠨ ᠤ ᠪᠠᠶᠢᠯᠠᠳᠤ ᠤᠯᠤᠰ ᠤᠳ ᠬᠠᠷᠢᠯᠴᠠᠨ  ᠲᠠᠶᠢᠯᠠᠯᠳᠤᠵᠤ ᠪᠠᠶᠢᠪᠠ᠃ ᠡᠨᠡ ᠶᠠᠪᠤᠴᠠ ᠳᠤ᠂ ᠡᠵᠡᠨ ᠬᠠᠭᠠᠨ ᠤ ᠡᠷᠭᠡᠳᠤ ᠶᠤᠰᠤ ᠠᠩᠬ᠎ᠠ ᠠᠯᠬᠤᠮ ᠪᠦᠷᠢᠯᠳᠤᠵᠤ᠂ ᠢᠯᠡ ᠲᠤᠳᠤ ᠠᠩᠬᠢ ᠶᠢᠨ ᠵᠠᠳᠠᠷᠠᠯ ᠡᠬᠦᠰᠴᠠᠢ᠃ ᠡᠨᠡ ᠦᠶ᠎ᠠ ᠳᠤ ᠤᠮᠠᠷᠠᠳᠤ ᠤᠷᠤᠨ ᠤ ᠬᠤ᠋ ᠬᠢᠭᠡᠳ ᠡᠾᠦ᠋ᠩᠨᠤ ᠨᠢᠭᠡᠨᠳᠠ ᠲᠡᠮᠦᠷ ᠵᠡᠪᠰᠡᠭ ᠤᠨ ᠦᠶ᠎ᠠ ᠳᠤ ᠤᠷᠤᠵᠤ᠂ ᠤᠷᠳᠤᠰ ᠲᠤ ᠦᠷᠬᠦᠯᠵᠢ ᠬᠠᠷᠠᠭᠳᠠᠬᠤ ᠪᠤᠯᠪᠠ᠃ ᠡᠨᠡ ᠪᠠᠶᠢᠳᠠᠯ ᠤᠨ ᠲᠤᠤᠷ᠎ᠠ ᠤᠷᠳᠤᠰ ᠠᠴᠠ ᠲᠡᠮᠡᠢ ᠬᠤᠯᠠ ᠦᠭᠡᠢ ᠪᠠᠶᠢᠭᠰᠠᠨ ᠵᠤᠤ ᠤᠯᠤᠰ᠂ ᠸᠧᠢ ᠤᠯᠤᠰ᠂ ᠴᠢᠨ ᠤᠯᠤᠰ ᠬᠦᠴᠦᠨ ᠢᠶᠠᠨ ᠴᠢᠩᠭᠠᠳᠬᠠᠨ ᠡᠾᠦ᠋ᠩᠨᠤ ᠶᠢ ᠰᠡᠷᠭᠡᠶᠢᠯᠡᠬᠦ ᠦᠭᠡᠢ ᠪᠠᠶᠢᠬᠤ ᠠᠷᠭ᠎ᠠ ᠦᠭᠡᠢ ᠪᠤᠯᠪᠠ᠃    ᠨᠡᠶᠢᠳᠠ ᠶᠢᠨ ᠤᠨ ᠲᠤᠭᠠᠯᠠᠯ ᠤᠨ ᠡᠮᠦᠨᠡᠬᠢ ᠲᠠᠪᠤᠳᠤᠭᠠᠷ ᠵᠠᠭᠤᠨ ᠤ ᠰᠡᠬᠦᠯᠴᠢ ᠪᠠᠷ ᠬᠠᠨ᠂ ᠵᠤᠤ᠂ ᠸᠧᠢ ᠭᠤᠷᠪᠠᠨ ᠤᠯᠤᠰ ᠶᠢᠨ ᠤᠯᠤᠰ ᠢ ᠬᠤᠪᠢᠶᠠᠭᠠᠳ᠂ ᠤᠷᠳᠤᠰ ᠤᠨ ᠵᠡᠬᠦᠨ ᠭᠡᠰᠡᠭ᠂ ᠸᠧᠢ ᠤᠯᠤᠰ ᠤᠨ ᠤᠷᠤᠨ ᠨᠤᠳᠤᠭ ᠤᠨ ᠵᠠᠰᠠᠭ ᠵᠠᠬᠢᠷᠭᠠᠨ ᠳᠤ ᠬᠠᠷᠢᠶᠠᠯᠠᠭᠳᠠᠭᠠᠳ ᠱᠠᠩ ᠵᠢᠶᠦ᠋ᠨ ᠬᠡᠮᠡᠭᠳᠡᠪᠡ᠃ ᠨᠡᠶᠢᠳᠠ ᠶᠢᠨ ᠤᠨ ᠲᠤᠭᠠᠯᠠᠯ ᠤᠨ ᠡᠮᠦᠨ᠎ᠡ 328 ᠤᠨ ᠳᠤ ᠸᠧᠢ ᠤᠯᠤᠰ᠂ ᠴᠢᠨ ᠤᠯᠤᠰ ᠲᠠᠢ ᠪᠠᠶᠢᠯᠳᠤᠵᠤ ᠲᠡᠶᠢᠯᠦᠭᠳᠡᠭᠡᠳ᠂ ᠱᠠᠩ ᠵᠢᠶᠦ᠋ᠨ ᠢ ᠴᠢᠨ ᠤᠯᠤᠰ ᠲᠤ ᠭᠡᠰᠡᠭᠯᠡᠨ ᠦᠭᠴᠠᠢ᠃ ᠡᠨᠡ ᠦᠶ᠎ᠠ ᠶᠢᠨ ᠱᠠᠩ ᠵᠢᠶᠦ᠋ᠨ ᠳᠤ᠂ ᠤᠷᠳᠤᠰ ᠤᠨ ᠵᠡᠬᠦᠨ ᠭᠡᠰᠡᠭ ᠲᠠᠬᠢ ᠵᠡᠬᠦᠨᠭᠠᠷ ᠠᠴᠠ ᠠᠪᠤᠭᠠᠳ ᠬᠠᠳᠤᠨ ᠭᠤᠤᠯ ᠤᠨ ᠡᠮᠦᠨ᠎ᠡ ᠡᠷᠬᠢ ᠬᠦᠷᠳᠡᠯᠡᠬᠢ ᠭᠠᠵᠠᠷ ᠤᠳ ᠪᠠᠭᠳᠠᠵᠤ ᠪᠠᠶᠢᠪᠠ᠃ ᠨᠡᠶᠢᠳᠠ ᠶᠢᠨ ᠤᠨ ᠲᠤᠭᠠᠯᠠᠯ ᠤᠨ ᠡᠮᠦᠨ᠎ᠡ ᠭᠤᠷᠪᠠᠳᠤᠭᠠᠷ ᠵᠠᠭᠤᠨ ᠤ ᠡᠬᠢᠨ ᠳᠤ᠂ ᠴᠢᠨ ᠤᠯᠤᠰ ᠢ ᠴᠢᠤᠢ ᠶᠢᠨ ᠸᠠᠩ ᠢ ᠠᠯᠠᠭᠰᠠᠨ ᠤ ᠰᠡᠬᠦᠯᠡᠷ᠂ ᠤᠷᠳᠤᠰ ᠤᠨ ᠪᠠᠷᠠᠭᠤᠨ ᠡᠮᠦᠨ᠎ᠡ ᠪᠡᠶ᠎ᠠ ᠳᠤ ᠹᠸᠢ ᠳ᠋ᠢ ᠵᠢᠶᠦ᠋ᠨ ᠭᠡᠵᠤ ᠪᠠᠶᠢᠭᠤᠯᠵᠠᠢ᠃ ᠴᠢᠨ ᠵᠤᠤ ᠸᠠᠩ᠂ ᠯᠦᠩ ᠰᠢ᠂ ᠪᠸᠢ ᠳ᠋ᠢ᠂ ᠱᠠᠩ ᠵᠢᠶᠦ᠋ᠨ ᠤ ᠬᠤᠶᠢᠳᠤ ᠪᠡᠶ᠎ᠠ ᠪᠠᠷ ᠤᠷᠳᠤ ᠴᠠᠭᠠᠨ ᠭᠡᠷᠡᠮ ᠪᠠᠷᠢᠪᠠ᠃ ᠡᠨᠡᠬᠦ ᠪᠠᠷᠢᠯᠭ᠎ᠠ ᠪᠠᠷᠤᠭ ᠨᠡᠶᠢᠳᠠ ᠶᠢᠨ ᠤᠨ ᠲᠤᠭᠠᠯᠠᠯ ᠤᠨ ᠡᠮᠦᠨᠡᠬᠢ287 ᠤᠨ ᠳᠤ ᠲᠠᠭᠤᠰᠴᠠᠢ᠃ ᠡᠨᠡᠬᠦ ᠤᠷᠳᠤ ᠴᠠᠭᠠᠨ ᠭᠡᠷᠡᠮ ᠡᠮᠦᠨ᠎ᠡ ᠠᠴᠠ ᠬᠤᠶᠢᠰᠢ ᠴᠢᠭᠯᠡᠨ᠂ ᠺᠦ᠋ ᠶᠧ ᠡᠾᠧ ᠭᠤᠤᠯ ᠤᠨ ᠰᠠᠪᠠ ᠠᠴᠠ ᠡᠬᠢᠯᠡᠨ ᠤᠷᠳᠤᠰ ᠨᠤᠳᠤᠭ ᠲᠤ ᠤᠷᠤᠵᠤ᠂ ᠰᠢᠭᠤᠳ ᠬᠠᠳᠤᠨ ᠭᠤᠤᠯ ᠤᠨ ᠬᠦᠪᠡᠭᠡᠨ ᠳᠠᠬᠢ ᠢᠤᠢ ᠰᠢ ᠰᠠᠢ ︵ᠤᠳᠤ ᠶᠢᠨ ᠵᠡᠬᠦᠨᠭᠠᠷ ᠲᠠᠬᠢ ᠠᠷᠪᠠᠨ ᠬᠤᠶᠠᠷ ᠬᠤᠯᠪᠤᠯᠵᠢᠨ ᠬᠤᠳᠠ︶ ᠳᠤ ᠬᠦᠷᠴᠠᠢ᠃ ᠤᠷᠳᠤ ᠴᠠᠭᠠᠨ ᠭᠡᠷᠡᠮ ᠤᠨ ᠵᠡᠬᠦᠨ ᠪᠡᠶ᠎ᠠ ᠶᠢᠨ ᠤᠷᠳᠤᠰ ᠨᠤᠳᠤᠭ ︵ᠤᠳᠤ ᠶᠢᠨ ᠵᠡᠬᠦᠨᠭᠠᠷ ᠤᠨ ᠤᠷᠴᠢᠮ ᠭᠠᠵᠠᠷ︶ ᠴᠢᠨ ᠤᠯᠤᠰ ᠤᠨ ᠱᠠᠩ ᠵᠢᠶᠦ᠋ᠨ ᠤ ᠬᠠᠷᠢᠶᠠᠨ ᠳᠤ ᠪᠠᠶᠢᠪᠠ᠃ ᠤᠷᠳᠤ ᠴᠠᠭᠠᠨ ᠭᠡᠷᠡᠮ ᠠᠴᠠ ᠪᠠᠷᠠᠭᠤᠨᠰᠢᠬᠢ ᠦᠷᠭᠡᠨ ᠠᠭᠤᠳᠠᠮ ᠤᠷᠳᠤᠰ ᠨᠤᠳᠤᠭ ᠢᠶᠠᠷ ᠯᠸᠤ ᠹᠠᠨ ᠵᠡᠷᠭᠡ ᠨᠡᠬᠦᠳᠡᠯᠯᠡᠨ ᠮᠠᠯᠵᠢᠳᠠᠭ ᠠᠶᠢᠮᠠᠭ ᠪᠦᠯᠦᠭ ᠤᠳ ᠨᠤᠳᠤᠭᠯᠠᠵᠤ ᠪᠠᠶᠢᠪᠠ᠃ ᠵᠤᠤ ᠤᠯᠤᠰ ᠬᠦᠴᠦᠷᠭᠡᠭᠵᠢᠨ ᠮᠠᠨᠳᠤᠭᠰᠠᠨ ᠤ ᠰᠡᠬᠦᠯᠡᠷ᠂ ᠵᠤᠤ ᠤᠯᠤᠰ ᠤᠨ ᠡᠤ ᠯᠢᠩ ᠸᠠᠩ᠂ ᠬᠤᠸᠠ ᠰᠢᠶᠠ ᠦᠨᠳᠦᠰᠦᠳᠡᠨ ᠤ ᠦᠩᠭᠡᠷᠡᠭᠰᠡᠨ ᠤ ᠨᠦᠰᠡᠷ ᠪᠦᠳᠦᠬᠦᠯᠢᠭ ᠪᠠᠶᠢᠯᠳᠤᠭᠠᠨ ᠤ ᠲᠡᠷᠭᠡ ᠪᠠ ᠪᠠᠶᠢᠯᠳᠤᠭᠴᠢᠳ ᠤᠨ ᠬᠤᠪᠴᠠᠰᠤ ᠪᠠᠶᠢᠯᠳᠤᠭᠠᠨ ᠳᠤ ᠲᠤᠬᠢᠷᠠᠬᠤ ᠦᠭᠡᠢ ᠪᠤᠯᠤᠭᠰᠠᠨ ᠢ ᠦᠵᠡᠭᠡᠳ᠂ ᠴᠡᠷᠢᠭ ᠤᠨ ᠭᠡᠷᠡᠭᠰᠠᠯ ᠢ ᠦᠭᠡᠷᠡᠴᠢᠯᠡᠵᠤ᠂ ᠴᠢᠷᠢᠭ ᠠᠩᠬᠢ ᠪᠦᠷ ᠬᠤ᠋ ᠶᠢᠨ ᠬᠤᠪᠴᠠᠰᠤ ᠶᠢ ᠡᠮᠦᠰᠴᠤ᠂ ᠮᠤᠷᠢ ᠤᠨᠤᠨ᠂ ᠨᠤᠮᠤ ᠬᠠᠷᠪᠤᠬᠤ ᠶᠢ ᠰᠤᠷᠴᠤ᠂ ᠮᠤᠷᠢᠳᠤ ᠴᠡᠷᠢᠭ ᠢᠶᠠᠷ ᠨᠦᠰᠡᠷ ᠪᠦᠳᠦᠬᠦᠯᠢᠭ ᠲᠠᠶᠢᠨ ᠤ ᠲᠡᠷᠭᠡ ᠶᠢ ᠤᠷᠤᠯᠠᠭᠤᠯᠬᠤ ᠪᠠᠷ ᠲᠤᠭᠳᠠᠵᠠᠢ᠃ ᠨᠡᠶᠢᠳᠠ ᠶᠢᠨ ᠤᠨ ᠲᠤᠭᠠᠯᠠᠯ ᠠᠴᠠ ᠡᠮᠦᠨ᠎ᠡ 306 ᠤᠨ ᠪᠠ 300 ᠤᠨ ᠳᠤ ᠵᠤᠤ ᠤᠯᠤᠰ ᠤᠨ ᠡᠤ ᠯᠢᠩ ᠸᠠᠩ ᠬᠤᠶᠠᠷ ᠤᠳᠠᠭ᠎ᠠ ᠯᠢᠨ ᠬᠤ᠋ ᠠᠶᠢᠮᠠᠭ ᠪᠠ ᠯᠸᠤ ᠹᠠᠨ ᠠᠶᠢᠮᠠᠭ ᠢ ᠪᠠᠶᠢᠯᠳᠤᠨ ᠲᠠᠶᠢᠯᠠᠵᠠᠢ᠃ ᠡᠬᠦᠨ ᠤ ᠲᠠᠷᠠᠭ᠎ᠠ ᠯᠢᠨ ᠬᠤ᠋ ᠠᠶᠢᠮᠠᠭ᠂ ᠯᠸᠤ ᠹᠠᠨ ᠠᠶᠢᠮᠠᠭ ᠢᠤᠢ ᠵᠦᠩ ᠭᠠᠵᠠᠷ ᠲᠤ ︵ᠤᠳᠤ ᠶᠢᠨ ᠵᠡᠬᠦᠨᠭᠠᠷ ᠬᠤᠰᠢᠭᠤ ᠤᠷᠴᠢᠮ︶ ᠰᠢᠯᠵᠢᠨ ᠤᠷᠤᠭᠠᠳ ᠤᠷᠳᠤᠰ ᠲᠤ ᠰᠠᠭᠤᠷᠢᠰᠢᠵᠠᠢ᠃ ᠵᠤᠤ ᠤᠯᠤᠰ ᠤᠨ ᠡᠤ ᠯᠢᠩ ᠸᠠᠩ ᠪᠤᠷᠤᠳᠤᠬᠤᠢ ᠶᠢᠨ ᠬᠤᠶᠢᠳᠤ ᠭᠡᠰᠡᠭ ᠲᠤ ᠨᠤᠶᠠᠷᠬᠠᠯ ᠢᠶᠠᠨ ᠪᠠᠳᠤᠳᠬᠠᠭᠰᠠᠨ ᠤ ᠰᠡᠬᠦᠯᠡᠷ᠂ ᠤᠷᠳᠤᠰ ᠤᠨ ᠵᠡᠬᠦᠨ ᠬᠤᠶᠢᠳᠤ ᠭᠡᠰᠡᠭ ᠢ ᠪᠠᠭᠳᠠᠭᠠᠭᠰᠠᠨ ᠮᠤᠨᠠ ᠠᠭᠤᠯᠠᠨ ᠤ ᠡᠮᠦᠨᠡᠬᠦᠷ ᠶᠦᠨ ᠵᠦᠩ ᠵᠢᠶᠦ᠋ᠨ ᠪᠠ ᠤᠷᠳᠤᠰ ᠤᠨ ᠬᠤᠶᠢᠳᠤ ᠭᠡᠰᠡᠭ ᠲᠤ ᠵᠢᠤ ᠶᠤᠸᠠᠨ ᠵᠢᠶᠦ᠋ᠨ ᠬᠡᠵᠤ ᠪᠠᠶᠢᠭᠤᠯᠵᠠᠢ᠃    ᠪᠠᠶᠢᠯᠳᠤᠭᠠᠨᠳᠤ ᠤᠯᠤᠰ ᠤᠨ ᠦᠶ᠎ᠠ ᠳᠠᠬᠢ ᠡᠾᠦ᠋ᠩᠨᠤ ᠪᠤᠯ ᠱᠠᠩ ᠤᠯᠤᠰ ᠤᠨ ᠦᠶ᠎ᠠ ᠶᠢᠨ ᠬᠦᠢ ᠹᠠᠩ ᠠᠶᠢᠮᠠᠭ᠂ ᠴᠦᠨ ᠴᠢᠤ ᠶᠢᠨ ᠰᠡᠬᠦᠯᠡᠷᠬᠢ ᠳ᠋ᠢ ᠠᠶᠢᠮᠠᠭ ᠪᠤᠯᠤᠨ᠎ᠠ᠃ ᠲᠡᠳᠠ ᠲᠤᠬᠠᠢ ᠶᠢᠨ ᠦᠶ᠎ᠠ ᠳᠤ ᠭᠤᠤᠯᠳᠠᠭᠤ ᠤᠷᠳᠤᠰ ᠪᠤᠯᠤᠨ ᠮᠤᠨᠠ ᠠᠭᠤᠯᠠᠨ ᠤ ᠤᠷᠴᠢᠨ ᠢᠶᠠᠷ ᠪᠠᠶᠢᠵᠠᠢ᠃ ᠡᠾᠦ᠋ᠩᠨᠤ ᠪᠤᠯ ᠮᠠᠯᠵᠢᠯ ᠪᠠ ᠠᠩ ᠬᠦᠷᠦᠭᠡ ᠪᠠᠷ ᠭᠤᠤᠯ ᠠᠵᠤ ᠠᠬᠤᠢ ᠪᠠᠨ ᠪᠤᠯᠭᠠᠭᠰᠠᠨ ᠨᠡᠬᠦᠳᠡᠯᠡᠯᠨ ᠮᠠᠯᠵᠢᠳᠠᠭ ᠦᠨᠳᠦᠰᠦᠳᠡᠨ ᠮᠦᠨ᠃ ᠲᠡᠳᠡ ᠤᠷᠳᠤᠰ ᠤᠨ ᠲᠠᠩᠰᠤᠭ ᠡᠯᠪᠡᠭ ᠪᠡᠯᠴᠢᠭᠡᠷ ᠤᠰᠤ ᠶᠢᠨ ᠲᠠᠪᠠᠭᠤᠯᠢᠭ ᠲᠠᠯ᠎ᠠ ᠶᠢ ᠠᠰᠢᠭᠯᠠᠵᠤ᠂ ᠮᠠᠯ ᠠᠵᠤ ᠠᠬᠤᠢ ᠪᠠᠨ ᠬᠦᠭᠵᠢᠬᠦᠯᠪᠠ᠃ ᠡᠨᠡ ᠦᠶ᠎ᠠ᠂ ᠡᠾᠦ᠋ᠩᠨᠤ ᠤᠨ ᠲᠤᠳᠤᠷ᠎ᠠ ᠠᠩᠬᠢ ᠶᠢᠨ ᠵᠠᠳᠠᠷᠠᠯ ᠭᠠᠷᠴᠤ᠂ ᠬᠤᠪᠢ ᠶᠢᠨ ᠦᠮᠴᠢᠯᠠᠯ ᠪᠠ ᠵᠡᠷᠭᠡ ᠲᠡᠰ ᠤᠨ ᠲᠦᠷᠢᠮ ᠡᠬᠦᠰᠦᠭᠡᠳ᠂ ᠤᠭ ᠤᠨ ᠠᠶᠢᠮᠠᠭ ᠪᠦᠯᠦᠭ ᠤᠨ ᠢᠵᠠᠭᠤᠷᠳᠠᠨ ᠨᠤᠭᠤᠳ ᠪᠤᠭᠤᠯ ᠤᠨ ᠡᠵᠡᠨ ᠪᠤᠯᠵᠤ᠂ ᠪᠤᠭᠤᠯᠳᠤ ᠨᠡᠶᠢᠭᠡᠮ ᠪᠦᠷᠢᠯᠳᠤᠨ ᠲᠤᠭᠳᠠᠵᠠᠢ᠃ ᠡᠨᠡ ᠦᠶ᠎ᠠ ᠲᠤᠮᠳᠠᠳᠤ ᠤᠷᠤᠨ ᠤ ᠪᠠᠶᠢᠯᠠᠳᠤ ᠤᠯᠤᠰ ᠤᠳ ᠬᠦᠴᠦᠷᠭᠡᠭᠵᠢᠭᠰᠡᠨ ᠠᠴᠠ ᠪᠤᠯᠵᠤ᠂ ᠵᠤᠤ ᠤᠯᠤᠰ ᠮᠤᠨᠠ ᠠᠭᠤᠯᠠ ᠠᠴᠠ ᠡᠮᠦᠨᠡᠰᠢᠬᠢ ᠭᠠᠵᠠᠷ ᠢ ᠡᠵᠡᠯᠡᠪᠡ᠃ ᠴᠢᠨ ᠤᠯᠤᠰ ᠤᠨ ᠬᠦᠴᠦᠨ ᠤᠷᠳᠤᠰ ᠤᠨ ᠵᠡᠬᠦᠨ ᠭᠡᠰᠡᠭ ᠲᠤ ᠲᠦᠷᠢᠨ ᠤᠷᠤᠵᠤ ᠢᠷᠡᠵᠠᠢ᠃ ᠢᠩᠬᠢᠭᠡᠳ ᠡᠾᠦ᠋ᠩᠨᠤ ᠶᠢᠨ ᠭᠠᠵᠠᠷ ᠠᠭᠠᠵᠢᠮ ᠢᠶᠠᠷ ᠪᠠᠷᠠᠭᠤᠨ ᠬᠤᠶᠢᠰᠢ ᠰᠢᠯᠵᠢᠭᠰᠡᠨ ᠪᠤᠯᠪᠠᠴᠤ ᠤᠷᠳᠤᠰ ᠨᠤᠳᠤᠭ ᠪᠠᠰᠠᠯᠠ ᠡᠾᠦ᠋ᠩᠨᠤ ᠶᠢᠨ ᠭᠤᠤᠯ ᠠᠵᠢᠯᠯᠠᠭᠠᠨ ᠤ ᠭᠠᠵᠠᠷ ᠪᠤᠯᠵᠤ ᠪᠠᠶᠢᠪᠠ᠃ ᠬᠠᠩᠬᠢᠨ ᠬᠤᠰᠢᠭᠤᠨ ᠤ ᠲᠤᠬᠤᠮ ᠤᠨ ᠪᠠᠯᠠᠷ᠂ ᠠᠷᠤ ᠴᠠᠶᠢᠳᠠᠮ᠂ ᠵᠡᠬᠦᠨᠭᠠᠷ ᠤᠨ ᠢᠤᠢ ᠯᠦᠩ ᠲᠠᠢ᠂ ᠰᠢ ᠭᠸᠤ ᠫᠠᠨ ᠵᠡᠷᠭᠡ ᠭᠠᠵᠠᠷ ᠠᠴᠠ ᠭᠠᠷᠤᠭᠰᠠᠨ ᠡᠾᠦ᠋ᠩᠨᠤ ᠶᠢᠨ ᠬᠡᠬᠦᠷ ᠤᠩᠭᠤᠨ ᠲᠡᠭᠡᠷᠡᠬᠢ ᠳ᠋ᠦᠩᠨᠡᠯᠳᠠ ᠶᠢ ᠭᠡᠷᠡᠴᠢᠯᠡᠵᠤ ᠪᠠᠶᠢᠨ᠎ᠠ᠃    ᠲᠦᠷᠪᠡ᠂ ᠴᠢᠨ ᠤᠯᠤᠰ᠂ ᠬᠠᠨ ᠤᠯᠤᠰ ᠤᠨ ᠦᠶ᠎ᠡ    ᠨᠡᠶᠢᠳᠠ ᠶᠢᠨ ᠤᠨ ᠲᠤᠭᠠᠯᠠᠯ ᠠᠴᠠ ᠡᠮᠦᠨ᠎ᠡ 221 ᠤᠨ ᠳᠤ᠂ ᠴᠢᠨ ᠱᠢ ᠬᠤᠸᠠᠩ ᠲᠤᠮᠳᠠᠳᠤ ᠤᠯᠤᠰ ᠢ ᠨᠢᠭᠡᠳᠭᠡᠭᠡᠳ᠂ ᠲᠦᠪ ᠲᠤ ᠲᠦᠪᠯᠡᠷᠡᠬᠦᠯᠦᠨ ᠵᠠᠬᠢᠷᠬᠤ ᠡᠵᠡᠷᠭᠡᠭ ᠶᠤᠰᠤ ᠶᠢᠨ ᠲᠦᠷᠢᠮ ᠢ ᠲᠤᠭᠳᠠᠭᠠᠪᠠ᠃ ᠴᠢᠨ ᠱᠢ ᠬᠤᠸᠠᠩ ᠤᠨ ᠭᠤᠴᠢᠨ ᠬᠤᠶᠠᠳᠤᠭᠠᠷ ᠤᠨ ︵ᠨᠡᠶᠢᠳᠠ ᠶᠢᠨ ᠤᠨ ᠲᠤᠭᠠᠯᠠᠯ ᠠᠴᠠ ᠡᠮᠦᠨ᠎ᠡ 215 ᠤᠨ︶᠂ ᠴᠢᠨ ᠱᠢ ᠬᠤᠸᠠᠩ ᠶᠡᠭᠡ ᠵᠠᠩᠵᠤᠨ ᠮᠧᠩ ᠲᠢᠶᠠᠨ ᠢᠶᠠᠨ ᠲᠤᠮᠢᠯᠠᠨ᠂ ᠭᠤᠴᠢᠨ ᠲᠦᠮᠡᠨ ᠶᠡᠭᠡ ᠴᠡᠷᠢᠭ ᠢᠶᠠᠷ ᠬᠤ᠋ ᠶᠢ ᠲᠤᠪᠳᠤᠯᠵᠤ᠂ ᠭᠤᠤᠯ ᠤᠨ ᠡᠮᠦᠨᠡᠬᠢ ᠭᠠᠵᠠᠷ ᠢ ᠡᠵᠡᠯᠡᠭᠡᠳ᠂ ᠡᠾᠦ᠋ᠩᠨᠤ ᠶᠢ ᠮᠤᠨᠠ ᠠᠭᠤᠯᠠᠨ ᠤ ᠠᠷᠤ ᠳᠤ ᠰᠢᠬᠠᠨ ᠭᠠᠷᠭᠠᠵᠠᠢ᠃ ᠢᠩᠬᠢᠭᠡᠳ ᠴᠢᠨ‌ᠤᠯᠤᠰ ᠤᠨ ᠬᠠᠭᠠᠨᠳᠤ ᠲᠦᠷᠦ ᠤᠷᠳᠤᠰ ᠨᠤᠳᠤᠭ ᠢ ᠡᠵᠡᠯᠡᠪᠡ᠃    ᠴᠢᠨ ᠤᠯᠤᠰ ᠪᠦᠬᠦ ᠤᠯᠤᠰ ᠢ ᠨᠢᠭᠡᠳᠭᠡᠭᠰᠡᠨ ᠤ ᠰᠡᠬᠦᠯᠡᠷ᠂ ᠭᠤᠴᠢᠨ ᠵᠢᠷᠭᠤᠭᠠᠨ ᠵᠢᠶᠦ᠋ᠨ ᠬᠤᠪᠢᠶᠠᠵᠤ᠂ ᠤᠷᠳᠤᠰ ᠨᠤᠳᠤᠭ ᠢ ᠪᠸᠢ ᠳ᠋ᠢ ᠵᠢᠶᠦ᠋ᠨ ︵ᠤᠳᠤ ᠶᠢᠨ ᠤᠷᠳᠤᠰ ᠤᠨ ᠪᠠᠷᠠᠭᠤᠨ ᠡᠮᠦᠨ᠎ᠡ ᠪᠡᠶ᠎ᠠ ᠪᠠ ᠨᠢᠩᠰᠢᠶᠠ ᠶᠢᠨ ᠵᠡᠬᠦᠨᠳᠡᠬᠢ ᠭᠠᠵᠠᠷ ᠤᠳ ᠪᠠᠭᠳᠠᠨ᠎ᠠ︶᠂ ᠶᠦᠨ ᠵᠦᠩ ᠵᠢᠶᠦ᠋ᠨ ︵ᠤᠳᠤ ᠶᠢᠨ ᠤᠷᠳᠤᠰ ᠤᠨ ᠵᠡᠬᠦᠨ ᠬᠤᠶᠢᠳᠤ ᠪᠡᠶ᠎ᠠ ᠶᠢᠨ ᠭᠠᠵᠠᠷ ᠤᠳ ᠪᠠᠭᠳᠠᠨ᠎ᠠ︶᠂ ᠵᠢᠤ ᠶᠤᠸᠠᠨ ᠵᠢᠶᠦ᠋ᠨ ︵ᠤᠳᠤ ᠶᠢᠨ ᠤᠷᠳᠤᠰ ᠤᠨ ᠬᠤᠶᠢᠳᠤ ᠪᠡᠶ᠎ᠠ ᠪᠠᠭᠳᠠᠨ᠎ᠠ︶᠂ ᠱᠠᠩ ᠵᠢᠶᠦ᠋ᠨ ︵ᠤᠳᠤ ᠶᠢᠨ ᠤᠷᠳᠤᠰ ᠤᠨ ᠵᠡᠬᠦᠨ ᠡᠮᠦᠨ᠎ᠡ ᠪᠡᠶ᠎ᠠ ᠶᠢᠨ ᠭᠠᠵᠠᠷ ᠤᠳ ᠪᠠᠭᠳᠠᠨ᠎ᠠ︶ ᠵᠡᠷᠭᠡ ᠳᠤ ᠭᠡᠰᠡᠭᠯᠡᠨ ᠬᠤᠪᠢᠶᠠᠭᠰᠠᠨ ᠪᠠᠶᠢᠨ᠎ᠠ᠃ ᠴᠢᠨ ᠱᠢ ᠬᠤᠸᠠᠩ ᠡᠾᠦ᠋ᠩᠨᠤ ᠶᠢᠨ ᠲᠤᠪᠳᠤᠯᠤᠯ ᠢ ᠰᠡᠷᠭᠡᠶᠢᠯᠡᠬᠦ ᠶᠢᠨ ᠲᠦᠯᠦᠭᠡ᠂ ᠤᠮᠠᠷᠠᠳᠤ ᠬᠢᠯᠢ ᠬᠢᠵᠠᠭᠠᠷ ᠤᠨ ᠪᠦᠳᠦᠭᠡᠨ ᠪᠠᠶᠢᠭᠤᠯᠤᠯᠳᠠ ᠪᠠᠨ ᠴᠢᠩᠭᠠᠳᠬᠠᠵᠤ᠂ ᠦᠩᠭᠡᠷᠡᠭᠰᠡᠨ ᠤ ᠶᠠᠨ ᠤᠯᠤᠰ᠂ ᠵᠤᠤ ᠤᠯᠤᠰ᠂ ᠴᠢᠨ ᠤᠯᠤᠰ ᠤᠨ ᠪᠠᠷᠢᠭᠰᠠᠨ ᠤᠷᠳᠤ ᠴᠠᠭᠠᠨ ᠭᠡᠷᠡᠮ ᠤᠳ ᠢ ᠬᠤᠯᠪᠤᠵᠤ᠂ ᠡᠾᠦ᠋ᠩᠨᠤ ᠶᠢᠨ ᠡᠮᠦᠨᠡᠰᠢ ᠲᠤᠪᠳᠤᠯᠤᠯ ᠢ ᠴᠠᠭ ᠲᠤᠬᠠᠢ ᠳᠤᠨᠢ ᠬᠤᠷᠢᠭᠯᠠᠬᠤ ᠶᠢᠨ ᠲᠦᠯᠦᠭᠡ ᠨᠡᠶᠢᠳᠠ ᠶᠢᠨ ᠤᠨ ᠲᠤᠭᠠᠯᠠᠯ ᠠᠴᠠ ᠡᠮᠦᠨ᠎ᠡ 212 —210 ᠤᠨ ᠤ ᠬᠤᠭᠤᠷᠤᠨᠳᠤ ᠪᠠᠰᠠ ᠰᠢᠶᠠᠨ ᠶᠠᠩ ᠤᠨ ᠤᠶᠢᠷᠠᠯᠴᠠᠬᠢ ᠶᠦᠨ ᠶᠠᠩ ᠰᠢᠶᠠᠨ ︵ᠤᠳᠤ ᠶᠢᠨ ᠪᠤᠭᠤᠳᠤ ᠶᠢᠨ ᠪᠠᠷᠠᠭᠤᠨᠳᠠᠢ︶ ᠬᠦᠷᠬᠦ ᠵᠠᠮ ᠵᠠᠰᠠᠵᠠᠢ᠃ ᠡᠨᠡ ᠶᠡᠭᠡ ᠵᠠᠮ ᠱᠠᠨᠰᠢ ᠠᠴᠠ ᠤᠷᠳᠤᠰ ᠢᠶᠠᠷ ᠦᠩᠭᠡᠷᠡᠬᠦ ᠳᠡᠭᠡᠨ ᠤᠳᠤ ᠶᠢᠨ ᠦᠤᠰᠢᠨ ᠤ ᠬᠤᠶᠢᠭᠤᠷ᠂ ᠳ᠋ᠦᠩᠱᠧᠩ ᠬᠤᠳᠠ ᠶᠢᠨ ᠪᠠᠷᠠᠭᠤᠨ ᠡᠮᠦᠨᠡᠬᠦᠷ ᠲᠠᠭᠠᠷᠢᠳᠠᠭ᠃ ᠡᠨᠡ ᠶᠡᠭᠡ ᠵᠠᠮ ᠢ ︽ᠴᠢᠨ ᡁᠢ ᠳ᠋ᠤᠤ ᠵᠠᠮ︾ ︵ᠱᠠᠨᠰᠢ ᠠᠴᠠ ᠮᠤᠨᠠ ᠠᠭᠤᠯᠠᠨ ᠳᠤ ᠰᠢᠭᠤᠳ ᠨᠡᠪᠳᠡᠷᠡᠬᠦ ᠵᠠᠮ︶ ᠭᠡᠳᠡᠭ᠃ ᠳ᠋ᠦᠩᠱᠧᠩ ᠬᠤᠳᠠ ᠶᠢᠨ ᠪᠠᠷᠠᠭᠤᠨ ᠡᠮᠦᠨ᠎ᠡ ᠲᠦᠴᠢᠨ ᠲᠠᠪᠤᠨ ᠺᠢᠯᠤᠮᠧᠲᠷ ᠤᠨ ᠦᠵᠦᠬᠦᠷ ᠲᠠᠬᠢ ᠮᠠᠶᠢᠯ ᠭᠠᠴᠠᠭᠠᠨ ᠤ ᠡᠯ ᠴᠢᠩ ᠪᠠᠨ ᠤᠷᠴᠢᠨ ᠢᠶᠠᠷ ᠵᠠᠭᠤᠨ ᠮᠧᠲᠷ ᠬᠢᠷᠢᠳᠠᠢ ︽ᠴᠢᠨ ᡁᠢ ᠳ᠋ᠤᠤ ᠵᠠᠮ︾ ᠤᠨ ᠤᠷᠤ ᠮᠦᠷ ᠤᠳᠤ ᠴᠤ ᠭᠡᠳ ᠪᠤᠢ᠃    ᠴᠢᠨ ᠱᠢ ᠬᠤᠸᠠᠩ ᠤᠷᠳᠤᠰ ᠨᠤᠳᠤᠭ ᠢ ᠤᠯᠠᠮ ᠬᠦᠴᠦᠳᠠᠢ ᠵᠠᠬᠢᠷᠬᠤ ᠶᠢᠨ ᠲᠦᠯᠦᠭᠡ᠂ ᠲᠤᠳᠤᠷ ᠭᠠᠵᠠᠷ ᠠᠴᠠ ᠶᠠᠯᠠᠳᠠᠨ ᠪᠠ ᠰᠠᠭᠤᠭᠠᠯᠢ ᠠᠷᠠᠳ ᠢ ᠨᠡᠬᠦᠯᠭᠡᠨ ᠠᠪᠴᠢᠷᠠᠵᠤ᠂ ᠠᠳᠠᠷ ᠬᠠᠭᠠᠯᠪᠦᠷᠢᠯᠠᠭᠤᠯᠵᠠᠢ᠃ ᠨᠡᠶᠢᠳᠠ ᠶᠢᠨ ᠤᠨ ᠲᠤᠭᠠᠯᠠᠯ ᠠᠴᠠ ᠡᠮᠦᠨ᠎ᠡ 211 ᠤᠨ ᠳᠤ ᠴᠢᠨ ᠱᠢ ᠬᠤᠸᠠᠩ ᠭᠤᠷᠪᠠᠨ ᠲᠦᠮᠡᠨ ᠡᠷᠦᠭᠡ ᠶᠢ ᠪᠸᠢ ᠡᠾᠧ ᠵᠦᠩ ︵ᠤᠳᠤ ᠶᠢᠨ ᠪᠤᠷᠤᠳᠤᠬᠤᠢ ᠪᠤᠯᠤᠨ ᠵᠡᠬᠦᠨᠭᠠᠷ ᠤᠷᠴᠢᠨ︶ ᠳᠤ ᠠᠯᠪᠠᠳᠠᠨ ᠨᠡᠬᠦᠯᠭᠡᠪᠡ᠃ ᠠᠳᠠ ᠠᠴᠠ ᠡᠬᠢᠯᠡᠵᠤ᠂ ᠤᠷᠳᠤᠰ ᠠᠳᠠᠷ ᠬᠠᠭᠠᠯᠪᠦᠷᠢᠯᠠᠵᠤ ᠲᠠᠷᠢᠶᠠᠯᠠᠩ ᠠᠵᠤ ᠠᠬᠤᠢ ᠡᠷᠬᠢᠯᠡᠬᠦ ᠪᠤᠯᠵᠠᠢ᠃    ᠴᠢᠨ ᠱᠢ ᠬᠤᠸᠠᠩ ᠢᠩᠬᠢᠵᠤ ᠬᠢᠭᠰᠡᠨ ᠠᠴᠠ ᠤᠷᠳᠤᠰ ᠨᠤᠳᠤᠭ ᠤᠨ ᠠᠵᠤ ᠠᠬᠤᠢ ᠶᠢᠨ ᠪᠦᠳᠦᠴᠡ ᠪᠠ  ᠦᠢᠯᠡᠳᠪᠦᠷᠢᠯᠡᠯ ᠤᠨ ᠠᠷᠭ᠎ᠠ ᠮᠠᠶ᠋ᠢᠭ ᠮᠠᠰᠢ ᠶᠡᠭᠡ ᠬᠤᠪᠢᠷᠠᠵᠤ᠂ ᠲᠦᠢᠯ ᠢᠶᠠᠷ ᠬᠦᠭᠵᠢᠨ ᠪᠠᠳᠠᠷᠠᠭᠰᠠᠨ ᠤᠷᠤᠨ ᠪᠤᠯᠵᠠᠢ᠃ ᠡᠶᠢᠮᠤ ᠠᠴᠠ ᠲᠤᠬᠠᠢ ᠶᠢᠨ ᠦᠶ᠎ᠠ ᠳᠤ ᠡᠨᠡ ᠭᠠᠵᠠᠷ ᠢ ᠬᠦᠮᠦᠰ ︽ᠴᠢᠨ ᠤᠯᠤᠰ ᠤᠨ ᠰᠢᠨ᠎ᠡ ᠲᠤᠮᠳᠠᠳᠤ ᠤᠷᠤᠨ︾ ᠬᠡᠵᠤ ᠨᠡᠷᠡᠯᠡᠬᠦ ᠪᠤᠯᠵᠠᠢ᠃    ᠨᠡᠶᠢᠳᠠ ᠶᠢᠨ ᠤᠨ ᠲᠤᠭᠠᠯᠠᠯ ᠠᠴᠠ ᠡᠮᠦᠨ᠎ᠡ 209 ᠤᠨ ᠳᠤ᠂ ᠴᠢᠨ ᠤᠯᠤᠰ ᠤᠨ ᠬᠠᠭᠠᠨᠳᠤ ᠲᠦᠷᠦ  ᠲᠠᠷᠢᠶᠠᠴᠢᠨ ᠤ ᠪᠤᠰᠤᠯᠭ᠎ᠠ ᠳᠤ ᠲᠦᠯᠬᠢᠭᠳᠡᠨ ᠤᠨᠠᠪᠠ᠃ ᠤᠯᠤᠰ ᠲᠦᠷᠦ ᠶᠢᠨ ᠰᠠᠮᠠᠭᠤᠷᠠᠯ ᠲᠤᠮᠳᠠ ᠱᠠᠩ ᠵᠢᠶᠦ᠋ᠨ ᠢ ᠰᠠᠬᠢᠵᠤ ᠪᠠᠶᠢᠭᠰᠠᠨ ᠮᠧᠩ ᠲᠢᠶᠠᠨ ᠬᠤᠶᠠᠳᠤᠭᠠᠷ ᠬᠠᠭᠠᠨ ᠬᠤ᠋ ᠬᠠᠢ ᠪᠤᠯᠤᠨ ᠵᠤᠤ ᠭᠤᠤ ᠳᠤ ᠠᠯᠠᠭᠳᠠᠵᠤ᠂ ᠤᠷᠳᠤ ᠴᠠᠭᠠᠨ ᠭᠡᠷᠡᠮ ᠢ ᠰᠠᠬᠢᠵᠤ ᠪᠠᠶᠢᠭᠰᠠᠨ ᠭᠡᠳᠦᠨ ᠠᠷᠪᠠᠨ ᠲᠦᠮᠡᠨ ᠬᠢᠷᠢᠳᠠᠢ ᠴᠡᠷᠢᠭ ᠢ ᠪᠦᠷ ᠲᠠᠳᠠᠵᠤ᠂ ᠪᠤᠰᠤᠯᠭ᠎ᠠ ᠶᠢᠨ ᠴᠡᠷᠢᠭ ᠢ ᠲᠠᠷᠤᠩᠭᠤᠶᠢᠯᠠᠬᠤ ᠪᠠᠷ ᠠᠪᠠᠴᠢᠪᠠ᠃ ᠤᠤᠯ ᠤᠨ ᠠᠯᠪᠠᠳᠠᠭᠳᠠᠨ ᠨᠡᠬᠦᠵᠤ ᠢᠷᠡᠭᠰᠡᠨ ᠶᠠᠯᠠᠳᠠᠳ ᠪᠠ ᠰᠠᠭᠤᠭᠠᠯᠢ ᠠᠷᠠᠳ ᠴᠤ ᠨᠤᠳᠤᠭ ᠲᠠᠭᠠᠨ ᠲᠤᠳᠠᠭᠠᠨ ᠬᠠᠷᠢᠭᠰᠠᠨ ᠢᠶᠠᠷ᠂ ᠨᠢᠭᠡᠨ ᠦᠶ᠎ᠠ ᠬᠦᠭᠵᠢᠨ ᠪᠠᠳᠠᠷᠠᠵᠤ ᠪᠠᠶᠢᠭᠰᠠᠨ ᠤᠷᠳᠤᠰ ᠲᠠᠬᠢᠨ ᠡᠯᠤᠢ ᠬᠤᠯᠤᠢ ᠪᠤᠯᠵᠠᠢ᠃ ᠴᠢᠨ ᠤᠯᠤᠰ ᠤᠨ ᠬᠦᠴᠦᠨ ᠪᠠᠭᠤᠷᠠᠭᠰᠠᠨ ᠢᠶᠠᠷ᠂ ᠮᠧᠩ ᠲᠢᠶᠠᠨ ᠳᠤ ᠬᠦᠭᠡᠭᠡᠭᠳᠡᠭᠰᠡᠨ  ᠡᠾᠦ᠋ᠩᠨᠤ ᠶᠢᠨ ᠪᠠᠢ ᠶᠠᠩ᠂ ᠯᠸᠤ ᠹᠠᠨ ᠵᠡᠷᠭᠡ ᠠᠶᠢᠮᠠᠭ ᠤᠳ ᠮᠤᠨᠠ ᠠᠭᠤᠯᠠ ᠶᠢᠨ ᠠᠷᠤ ᠠᠴᠠ ᠡᠮᠦᠨᠡᠰᠢ ᠲᠦᠷᠢᠵᠤ᠂ ᠲᠠᠬᠢᠨ ᠬᠠᠳᠤᠨ ᠭᠤᠤᠯ ᠢ ᠬᠡᠳᠦᠯᠦᠭᠡᠳ ᠤᠷᠳᠤᠰ ᠨᠤᠳᠤᠭ ᠲᠠᠭᠠᠨ ᠪᠤᠴᠠᠵᠤ ᠢᠷᠠᠵᠠᠢ᠃    ᠪᠠᠷᠠᠭᠤᠨ ᠬᠠᠨ ᠤᠯᠤᠰ ᠤᠨ ᠠᠩᠬᠠᠳᠤᠭᠠᠷ ᠤᠨ ︵ᠨᠡᠶᠢᠳᠠ ᠶᠢᠨ ᠤᠨ ᠲᠤᠭᠠᠯᠠᠯ ᠠᠴᠠ ᠡᠮᠦᠨ᠎ᠡ206 ᠤᠨ︶  ᠳᠤ᠂ ᠰᠢᠶᠠᠩ ᠢᠤᠢ᠂ ᠴᠢᠨ ᠱᠢ ᠬᠤᠸᠠᠩ ᠤᠨ ᠪᠠᠶᠢᠭᠤᠯᠤᠭᠰᠠᠨ ᠱᠠᠩ ᠵᠢᠶᠦ᠋ᠨ ᠰᠢᠶᠠᠨ ᠢ ᠦᠭᠡᠶᠢᠰᠭᠡᠵᠤ᠂ ᠳ᠋ᠦᠩ ᠢ ᠶᠢ ᠱᠠᠩ ᠵᠢᠶᠦ᠋ᠨ ᠤ ᠸᠠᠩ ᠪᠤᠯᠭᠠᠵᠤ᠂ ᠴᠢᠨ ᠤᠯᠤᠰ ᠤᠨ ᠤᠷᠳᠤ ᠴᠠᠭᠠᠨ ᠭᠡᠷᠡᠮ ᠠᠴᠠ ᠵᠡᠬᠦᠨᠰᠢᠬᠢ ᠤᠷᠳᠤᠰ ᠤᠨ ᠵᠡᠬᠦᠨ ᠪᠡᠶ᠎ᠠ ᠶᠢ ᠵᠠᠬᠢᠷᠴᠠᠢ᠃ ᠪᠠᠷᠠᠭᠤᠨ ᠬᠠᠨ ᠤᠤᠯᠰ ᠤᠨ ᠬᠤᠶᠠᠳᠤᠭᠠᠷ ᠤᠨ ᠳᠤ᠂ ᠬᠠᠨ ᠤᠯᠤᠰ ᠰᠠᠨ ᠴᠢᠩ ᠸᠠᠩ ᠢ ᠮᠦᠬᠦᠭᠡᠵᠤ᠂ ᠲᠠᠬᠢᠭᠠᠳ ᠲᠠᠪᠤᠨ ᠵᠢᠶᠦ᠋ᠨ ᠢ ᠪᠠᠶᠢᠭᠤᠯᠵᠠᠢ᠃ ᠳ᠋ᠦᠩ ᠢ ᠳᠤ ᠡᠵᠡᠯᠡᠭᠳᠡᠵᠤ ᠪᠠᠶᠢᠭᠰᠠᠨ ᠴᠢᠨ ᠤᠯᠤᠰ ᠤᠨ ᠤᠷᠳᠤ ᠴᠠᠭᠠᠨ ᠭᠡᠷᠡᠮ ᠠᠴᠠ ᠵᠡᠬᠦᠨᠰᠢᠬᠢ ᠤᠷᠳᠤᠰ ᠤᠨ ᠵᠡᠬᠦᠨ ᠪᠡᠶ᠎ᠠ ᠪᠠᠷᠠᠭᠤᠨ ᠬᠠᠨ ᠤᠯᠤᠰ ᠤᠨ ᠬᠠᠷᠢᠶᠠᠨ ᠳᠤ ᠤᠷᠤᠪᠠ᠃    ᠯᠢᠤ ᠪᠠᠩ᠂ ᠰᠢᠶᠠᠩ ᠢᠤᠢ ᠶᠢ ᠮᠦᠬᠦᠭᠡᠭᠰᠡᠨ ᠤ ᠲᠠᠷᠠᠭᠠᠬᠠᠨ᠂ ᠲᠤᠮᠳᠠᠳᠤ ᠤᠷᠤᠨ ᠭᠡᠳᠦᠶᠢᠪᠡᠷ ᠯᠢᠤ ᠪᠠᠩ ᠤᠨ ᠬᠦᠴᠦᠨ ᠳᠤ ᠵᠠᠬᠢᠷᠤᠭᠳᠠᠵᠤ ᠪᠠᠶᠢᠭᠰᠠᠨ ᠪᠤᠯᠪᠠᠴᠤ ᠲᠦᠢᠯ ᠤᠨ ᠲᠤᠷᠤᠢ ᠪᠠᠭᠤᠷᠠᠢ ᠪᠠᠶᠢᠪᠠ᠃ ᠡᠨᠡ ᠦᠶ᠎ᠠ ᠳᠤ ᠡᠾᠦ᠋ᠩᠨᠤ ᠶᠢᠨ ᠲᠸᠤ ᠮᠠᠨ ᠴᠠᠨ ᠢᠤᠢ ᠶᠢᠨ ᠬᠦᠤ ᠮᠠᠤ ᠳ᠋ᠦᠨ ᠴᠠᠨ ᠢᠤᠢ ᠠᠷᠤ ᠭᠤᠪᠢ ᠳᠤ ᠵᠢᠩᠬᠢᠨᠢ ᠪᠠᠷ ᠤᠯᠤᠰ ᠪᠠᠶᠢᠭᠤᠯᠵᠤ᠂ ᠠᠵᠤ ᠠᠬᠤᠢ ᠪᠠᠨ ᠬᠦᠭᠵᠢᠬᠦᠯᠵᠤ᠂ ᠬᠦᠴᠦᠨ ᠢᠶᠠᠨ ᠬᠤᠷᠠᠮᠳᠤᠭᠤᠯᠤᠨ᠂ ᠵᠠᠯᠭᠠᠪᠡᠷ ᠵᠡᠬᠦᠨ ᠬᠤ᠋᠂ ᠶᠤᠸᠠᠢ ᠱᠢ᠂ ᠯᠸᠤ ᠹᠠᠨ᠂ ᠪᠠᠶᠢᠶᠠᠩ ᠵᠡᠷᠭᠡ ᠶᠢ ᠢᠯᠠᠭᠠᠳ᠂ ᠤᠷᠳᠤᠰ ᠨᠤᠳᠤᠭ ᠢ ᠲᠠᠬᠢᠨ ᠡᠵᠡᠯᠡᠪᠡ᠃ ᠢᠩᠬᠢᠭᠡᠳ ᠬᠦᠴᠦᠨ ᠴᠢᠳᠠᠯ ᠪᠦᠷᠢᠳᠦᠭᠡᠳᠦᠢ ᠪᠠᠷᠠᠭᠤᠨ ᠬᠠᠨ ᠤᠯᠤᠰ ᠤᠨ ᠬᠠᠭᠠᠨᠳᠤ ᠲᠦᠷᠦ ᠶᠢ ᠲᠦᠢᠯ ᠤᠨ ᠶᠡᠭᠡ ᠰᠦᠷᠳᠡᠬᠦᠯᠪᠡ᠃ᠪᠠᠷᠠᠭᠤᠨ ᠬᠠᠨ ᠤᠯᠤᠰ ᠤᠨ ᠬᠠᠭᠠᠨᠳᠤ ᠲᠦᠷᠦ ᠦᠪᠡᠷ ᠤᠨ ᠬᠦᠴᠦᠨ ᠢᠶᠠᠨ ᠬᠠᠮᠠᠭᠠᠯᠠᠬᠤ ᠶᠢᠨ ᠲᠦᠯᠦᠭᠡ ᠡᠾᠦ᠋ᠩᠨᠤ  ᠲᠠᠢ ᠰᠢᠭᠤᠳ ᠮᠦᠷᠬᠦᠯᠳᠦᠬᠦ ᠠᠴᠠ ᠵᠠᠶᠢᠯᠠᠰᠬᠢᠵᠤ᠂ ᠡᠪ ᠨᠠᠶᠢᠷᠠᠮᠳᠠᠭᠤ ᠪᠤᠳᠤᠯᠭ᠎ᠠ ᠶᠢ ᠠᠪᠤᠭᠠᠳ ᠭᠡᠳᠦᠨ ᠠᠷᠪᠠᠨ ᠵᠢᠯ ᠤᠨ ᠲᠤᠳᠤᠷ᠎ᠠ ᠬᠠᠨ ᠤᠯᠤᠰ ᠪᠠ ᠡᠾᠦ᠋ᠩᠨᠤ ᠬᠤᠭᠤᠷᠤᠨᠳᠤ ᠪᠠᠨ ᠡᠩᠭᠡ ᠲᠠᠶᠢᠪᠤᠩ ᠪᠠᠶᠢᠯᠴᠠᠭᠰᠠᠭᠠᠷ ᠢᠷᠡᠵᠠᠢ᠃ ᠡᠨᠡ ᠦᠶ᠎ᠠ ᠶᠢᠨ ᠤᠷᠳᠤᠰ ᠨᠤᠳᠤᠭ ᠡᠾᠦ᠋ᠩᠨᠣ ᠶᠢᠨ ᠪᠠᠷᠠᠭᠤᠨ ᠰᠢᠶᠠᠨ ᠸᠠᠩ ᠳᠤ ᠬᠠᠷᠢᠶᠠᠯᠠᠭᠳᠠᠵᠤ ᠪᠠᠶᠢᠪᠠ᠃    ᠬᠠᠨ ᠰᠢᠶᠤᠤ ᠸᠧᠨ ᠤ ᠲᠡᠷᠢᠭᠦᠨ ᠭᠤᠷᠪᠠᠨ ᠤᠨ ︵ᠨᠡᠶᠢᠳᠠ ᠶᠢᠨ ᠤᠨ ᠲᠤᠭᠠᠯᠠᠯ  ᠠᠴᠠ ᠡᠮᠦᠨ᠎ᠡ 177︶ ᠤᠨ ᠳᠤ᠂ ᠡᠾᠦ᠋ᠩᠨᠤ ᠶᠢᠨ ᠪᠠᠷᠠᠭᠤᠨ ᠰᠢᠶᠠᠨ ᠸᠠᠩ ᠦᠪᠡᠷ ᠤᠨ ᠴᠠᠴᠠᠷ ᠤᠷᠳᠤᠨ ᠢᠶᠠᠨ ᠠᠷᠤ ᠭᠤᠪᠢ ᠠᠴᠠ ᠤᠷᠳᠤᠰ ᠲᠤ ᠨᠡᠬᠦᠯᠭᠡᠨ ᠠᠪᠴᠢᠷᠠᠭᠠᠳ᠂ ᠪᠠᠷᠠᠭᠤᠨ ᠬᠠᠨ ᠤᠯᠤᠰ ᠤᠨ ᠤᠮᠠᠷᠠᠳᠤ ᠬᠢᠯᠢ ᠬᠢᠵᠠᠭᠠᠷ ᠲᠤ ᠮᠠᠰᠢ ᠶᠡᠭᠡ ᠰᠦᠷᠳᠡᠬᠦᠯᠦᠯ ᠪᠤᠯᠤᠭᠠᠳ᠂ ᠬᠠᠨ ᠤᠯᠤᠰ ᠪᠠ ᠡᠾᠦ᠋ᠩᠨᠤ ᠶᠢᠨ ᠬᠠᠷᠢᠴᠠᠭ᠎ᠠ ᠲᠠᠬᠢᠨ ᠬᠤᠷᠴᠠᠳᠪᠠ᠃ ᠰᠢᠶᠤᠤ ᠸᠧᠨ ᠤ ᠠᠩᠬ᠎ᠠ ᠠᠷᠪᠠᠨ ᠲᠦᠷᠪᠡᠨ ᠵᠢᠯ ᠳᠤ ︵ᠨᠡᠶᠢᠳᠠ ᠶᠢᠨ ᠤᠨ ᠲᠤᠭᠠᠯᠠᠯ ᠠᠴᠠ ᠡᠮᠦᠨ᠎ᠡ166 ᠤᠨ︶ ᠡᠾᠦ᠋ᠩᠨᠤ ᠶᠢᠨ ᠴᠠᠨ ᠢᠤᠢ ᠤᠷᠳᠤᠰ ᠢᠶᠠᠷ ᠰᠠᠭᠤᠷᠢᠨ ᠭᠠᠵᠠᠷ ᠪᠤᠯᠭᠠᠵᠤ᠂ ᠠᠷᠪᠠᠨ ᠲᠦᠷᠪᠡᠨ ᠲᠦᠮᠡᠨ ᠮᠤᠷᠢᠳᠤ ᠴᠡᠷᠢᠭ ᠲᠠᠶᠢᠴᠢᠯᠠᠨ᠂ ᠡᠮᠦᠨᠡᠰᠢ ᠲᠦᠷᠢᠨ ᠤᠷᠤᠵᠤ᠂ ᠴᠠᠩ ᠠᠨ ᠬᠤᠳᠠ ᠶᠢ ᠰᠢᠬᠠᠮᠳᠠᠭᠤᠯᠪᠠ᠃ ᠰᠢᠶᠤᠤ ᠸᠧᠨ ᠤ ᠰᠡᠬᠦᠯ ᠤᠨ ᠵᠢᠷᠭᠤᠭᠠᠨ ᠵᠢᠯ ︵ ᠨᠡᠶᠢᠳᠠ ᠶᠢᠨ ᠤᠨ ᠲᠤᠭᠠᠯᠠᠯ ᠠᠴᠠ ᠡᠮᠦᠨ᠎ᠡ158 ᠤᠨ︶ ᠳᠤ᠂ ᠡᠾᠦ᠋ᠩᠨᠤ ᠪᠠᠰᠠ ᠭᠤᠷᠪᠠᠨ ᠲᠦᠮᠡᠨ ᠮᠤᠷᠢᠳᠤ ᠴᠡᠷᠢᠭ ᠲᠤᠮᠢᠯᠠᠵᠤ᠂ ᠱᠠᠩ ᠵᠢᠶᠦ᠋ᠨ ᠢ ᠴᠤᠬᠢᠵᠤ ᠦᠢᠮᠡᠬᠦᠯᠦᠭᠡᠳ᠂ ᠪᠠᠷᠠᠭᠤᠨ ᠬᠠᠨ ᠤᠯᠤᠰ ᠤᠨ ᠬᠠᠭᠠᠨᠳᠤ ᠲᠦᠷᠤ ᠶᠢ ᠰᠢᠨ᠎ᠡ ᠠᠷᠭ᠎ᠠ ᠬᠡᠮᠵᠢᠶ᠎ᠠ ᠠᠪᠬᠤ ᠦᠭᠡᠢ ᠪᠠᠶᠢᠬᠤ ᠶᠢᠨ ᠠᠷᠭ᠎ᠠ ᠦᠭᠡᠢ ᠪᠤᠯᠭᠠᠪᠠ᠃    ᠪᠠᠷᠠᠭᠤᠨ ᠬᠠᠨ ᠤᠯᠤᠰ᠂ ᠡᠾᠦ᠋ᠩᠨᠤ ᠲᠠᠢ ᠡᠪ ᠨᠠᠶᠢᠷᠠᠮᠳᠠᠭᠤ ᠬᠠᠷᠢᠴᠠᠭ᠎ᠠ ᠪᠠᠨ ᠰᠡᠷᠬᠦᠭᠡᠨ  ᠰᠠᠶᠢᠵᠢᠷᠠᠭᠤᠯᠤᠭᠰᠠᠨ ᠠᠴᠠ ᠭᠠᠳᠠᠨ᠎ᠠ᠂ ᠡᠾᠦ᠋ᠩᠨᠤ ᠲᠠᠢ ᠵᠠᠬ᠎ᠠ ᠨᠡᠶᠢᠯᠡᠵᠤ ᠪᠠᠶᠢᠭ᠎ᠠ ᠬᠢᠯᠢ ᠬᠢᠵᠠᠭᠠᠷ ᠢᠶᠠᠷ ᠬᠤᠳᠠ ᠴᠠᠶᠢᠵᠠ ᠪᠠᠶᠢᠭᠤᠯᠵᠤ᠂ ᠤᠷᠳᠤᠰ ᠤᠨ ᠵᠡᠬᠦᠨ ᠭᠡᠰᠡᠭ ᠤᠨ ᠤᠷᠳᠤ ᠴᠠᠭᠠᠨ ᠬᠡᠷᠡᠮ ᠤᠨ ᠲᠤᠳᠤᠷᠠᠬᠢ ᠭᠠᠵᠠᠷ ᠤᠳ ᠲᠤ ᠲᠤᠳᠤᠷ ᠭᠠᠵᠠᠷ ᠠᠴᠠ ᠶᠡᠭᠡ ᠬᠡᠮᠵᠢᠶᠡᠨ ᠤ ᠬᠢᠳᠠᠳ ᠬᠦᠮᠦᠨ ᠢ ᠨᠡᠬᠦᠯᠭᠡᠨ ᠠᠪᠴᠢᠷᠠᠵᠤ ᠬᠦᠴᠤ ᠪᠠᠨ ᠨᠡᠮᠡᠭᠰᠡᠨ ᠪᠠᠶᠢᠨ᠎ᠠ᠃ ᠬᠡᠳᠤᠨ ᠠᠷᠪᠠᠨ ᠵᠢᠯ ᠪᠡᠯᠡᠳᠭᠡᠭᠰᠡᠨ ᠢᠶᠠᠷ ᠬᠠᠨ ᠤᠯᠤᠰ ᠪᠠ ᠡᠾᠦ᠋ᠩᠨᠤ ᠶᠢᠨ ᠬᠦᠴᠦᠨ ᠤ ᠬᠠᠷᠢᠴᠠᠯ ᠢᠯᠡᠷᠭᠡᠢ ᠬᠤᠪᠢᠷᠠᠯᠳᠠ  ᠭᠠᠷᠴᠠᠢ᠃ ᠤᠨᠴᠤᠭᠤᠶᠢᠯᠠᠨ ᠬᠠᠨ ᠡᠤ ᠳ᠋ᠢ ᠬᠠᠭᠠᠨ ᠤ ᠦᠶ᠎ᠠ ᠳᠤ ᠬᠦᠷᠴᠤ ᠢᠷᠡᠭᠡᠳ᠂ ᠬᠠᠨ ᠤᠯᠤᠰ ᠤᠨ ᠡᠳ᠋ ᠤᠨ ᠬᠦᠴᠤ᠂ ᠪᠤᠳᠠᠰ ᠤᠨ ᠬᠦᠴᠤ᠂ ᠴᠡᠷᠢᠭ ᠤᠨ ᠬᠦᠴᠤ ᠭᠠᠶᠢᠭᠤᠢ ᠰᠡᠷᠬᠦᠵᠤ᠂ ᠪᠦᠬᠦᠶᠢᠯᠡ ᠬᠠᠨ ᠤᠯᠤᠰ ᠢᠶᠠᠨ ᠵᠠᠬᠢᠷᠴᠤ ᠴᠢᠳᠠᠬᠤ ᠬᠦᠴᠦᠨ ᠲᠠᠢ ᠪᠤᠯᠤᠭᠰᠠᠨ ᠢᠶᠠᠷ ᠪᠠᠷᠠᠬᠤ ᠦᠭᠡᠢ᠂ ᠪᠠᠰᠠ ᠤᠯᠤᠰ ᠤᠨ ᠢᠶᠠᠨ ᠠᠮᠤᠷ ᠲᠦᠪᠰᠢᠨ ᠢ ᠬᠠᠮᠠᠭᠠᠯᠠᠵᠤ ᠴᠢᠳᠠᠬᠤ ᠵᠡᠪᠰᠡᠭᠳᠤ ᠬᠦᠴᠦᠨ ᠲᠠᠢ ᠪᠤᠯᠵᠠᠢ᠃ ᠶᠤᠸᠠᠨ ᠭᠤᠸᠠᠩ ᠤᠨ ᠬᠤᠶᠠᠳᠤᠭᠠᠷ ᠤᠨ ︵ᠨᠡᠶᠢᠳᠠ ᠶᠢᠨ ᠤᠨ ᠲᠤᠭᠠᠯᠠᠯ ᠠᠴᠠ ᠡᠮᠦᠨ᠎ᠡ 133 ᠤᠨ︶ ᠠᠴᠠ ᠶᠤᠸᠠᠨ ᠫᠢᠩ ᠤᠨ ᠭᠤᠷᠪᠠᠳᠤᠭᠠᠷ ᠤᠨ ︵ᠨᠡᠶᠢᠳᠠ ᠶᠢᠨ ᠤᠨ ᠲᠤᠭᠠᠯᠠᠯ ᠠᠴᠠ ᠡᠮᠦᠨ᠎ᠡ 71 ᠤᠨ︶ ᠬᠦᠷᠳᠡᠯ᠎ᠠ᠂ ᠬᠠᠨ ᠡᠤ ᠳ᠋ᠢ ᠬᠠᠭᠠᠨ ︵ᠯᠢᠤ ᠴᠧ︶᠂ ᠬᠠᠨ ᠵᠤᠤ ᠳ᠋ᠢ ᠬᠠᠭᠠᠨ ︵ᠯᠢᠤ ᠪᠸᠢ ᠯᠢᠩ︶᠂ ᠬᠠᠨ ᠰᠢᠤᠸᠠᠨ ᠳ᠋ᠢ ᠬᠠᠭᠠᠨ ︵ᠯᠢᠤ ᠰᠢᠶᠦ᠋ᠨ︶ ᠵᠡᠷᠭᠡ ᠭᠤᠷᠪᠠᠨ ᠦᠶ᠎ᠠ ᠶᠢᠨ ᠬᠢᠨ ᠵᠠᠯᠭᠠᠪᠡᠷ ᠡᠾᠦ᠋ᠩᠨᠤ ᠵᠦᠭ ᠬᠦᠴᠤ ᠲᠠᠯᠡᠶᠢᠴᠡᠳᠠᠢ ᠲᠤᠪᠳᠤᠯᠤᠯᠳᠠ ᠶᠠᠪᠤᠭᠤᠯᠵᠤ᠂ ᠬᠡᠳᠦᠨ ᠠᠷᠪᠠᠨ ᠵᠢᠯ ᠤᠨ ᠲᠠᠶᠢᠨ ᠭᠡᠪᠡ᠃ ᠬᠠᠨ ᠤᠯᠤᠰ ᠤᠨ ᠸᠧᠢ ᠴᠢᠩ ᠵᠠᠩᠵᠤᠨ ᠭᠡᠳᠤᠨ ᠮᠢᠩᠭᠠᠨ ᠭᠠᠵᠠᠷ ᠡᠷᠬᠢᠨ ᠲᠤᠭᠤᠷᠢᠨ ᠪᠠᠶᠢᠯᠳᠤᠵᠤ᠂ ᠤᠷᠳᠤᠰ ᠲᠠᠬᠢ ᠡᠾᠦ᠋ᠩᠨᠤ ᠶᠢᠨ ᠬᠦᠴᠦ ᠶᠢ ᠨᠢᠭᠡᠯᠡ ᠳᠣᠣᠷ᠎ᠠ ᠠᠷᠢᠯᠭᠠᠵᠠᠢ᠃ ᠡᠨᠡ ᠬᠤᠭᠤᠷᠣᠨᠳᠤᠬᠢ ᠣᠷᠳᠣᠰ ᠢ ᠪᠤᠴᠠᠭᠠᠨ ᠠᠪᠬᠤ ᠳᠠᠶᠢᠨ ᠪᠣᠯ ᠬᠠᠨ ᠤᠯᠤᠰ ᠪᠠ ᠡᠾᠦ᠋ᠩᠨᠤ ᠶᠢᠨ ᠲᠠᠶᠢᠯᠠᠯᠳᠤᠭᠠᠨ ᠤ ᠴᠢᠬᠤᠯᠠ ᠪᠦᠷᠢᠯᠳᠦᠬᠦᠨ ᠭᠡᠰᠡᠭ ᠪᠤᠯᠬᠤ ᠶᠤᠮ᠃ ᠡᠾᠦ᠋ᠩᠨᠤ ᠶᠢᠨ ᠪᠠᠷᠠᠭᠤᠨ ᠰᠢᠶᠠ ᠸᠠᠩ ᠤᠷᠳᠤᠰ ᠲᠤ ᠬᠢᠰᠬᠢᠬᠦ ᠭᠠᠵᠠᠷ ᠦᠭᠡᠢ ᠪᠤᠯᠤᠭᠠᠳ᠂ ᠠᠷᠭ᠎ᠠ ᠪᠤᠰᠤ ᠠᠯᠤᠰ ᠠᠷᠣ ᠭᠤᠪᠢ ᠳᠤ ᠤᠴᠢᠪᠠ᠃ ᠡᠬᠦᠨ ᠠᠴᠠ ᠬᠤᠶᠢᠰᠢ ᠡᠾᠦ᠋ᠩᠨᠤ ᠤᠯᠠᠨ ᠤᠳᠠᠭ᠎ᠠ ᠭᠡᠳᠡᠷᠬᠦ ᠲᠤᠪᠳᠤᠯᠤᠨ᠂ ᠤᠷᠳᠤᠰ ᠢ ᠡᠭᠡᠬᠦᠯᠦᠨ ᠠᠪᠬᠤ ᠪᠠᠷ ᠤᠷᠤᠯᠳᠤᠭᠰᠠᠨ ᠪᠤᠯᠪᠠᠴᠤ ᠲᠡᠶᠢᠯᠦᠭᠰᠡᠨ ᠦᠭᠡᠢ ᠪᠢᠯᠡ᠃ ᠬᠠᠨ ᠡᠤ ᠳ᠋ᠢ ᠬᠠᠭᠠᠨ ᠤᠷᠳᠤᠰ ᠤᠨ ᠪᠠᠷᠠᠭᠤᠨ ᠡᠮᠦᠨ᠎ᠡ ᠵᠠᠬ᠎ᠠ ᠳᠤ ᠱᠦᠸᠧ ᠹᠠᠩ ᠵᠢᠶᠦ᠋ᠨ ᠬᠡᠵᠤ ᠪᠠᠶᠢᠭᠤᠯᠤᠭᠠᠳ᠂ ᠤᠷᠳᠤᠰ ᠨᠤᠳᠤᠭ ᠲᠤ ᠡᠤ ᠶᠤᠸᠠᠨ ᠵᠢᠶᠦ᠋ᠨ ᠭᠡᠵᠤ ᠪᠠᠶᠢᠭᠤᠯᠪᠠ᠃    ᠡᠬᠦᠨ ᠠᠴᠠ ᠠᠪᠤᠭᠠᠳ ᠤᠷᠳᠤᠰ ᠨᠤᠳᠤᠭ ᠪᠦᠬᠦᠨ ᠢᠶᠠᠷ ᠢᠶᠠᠨ ᠪᠠᠷᠠᠭᠤᠨ ᠬᠠᠨ ᠤᠯᠤᠰ ᠲᠤ ᠵᠠᠬᠢᠷᠤᠭᠳᠠᠵᠤ᠂ ᠱᠦᠸᠧ ᠹᠠᠩ ᠵᠢᠶᠦ᠋ᠨ ᠪᠠᠷᠠᠭᠤᠨ ᠬᠠᠨ ᠤᠯᠤᠰ ᠤᠨ ᠤᠮᠠᠷᠠᠳᠤ ᠬᠢᠯᠢ ᠶᠢᠨ ᠴᠢᠬᠤᠯᠠ ᠪᠠᠯᠭᠠᠰᠤ ᠪᠤᠯᠵᠠᠢ᠃ ᠬᠠᠨ ᠡᠤ ᠳ᠋ᠢ ᠬᠠᠭᠠᠨ ᠴᠢᠨ ᠤᠯᠤᠰ ᠤᠨ ᠢᠤᠢ ᠱᠢ ᠲᠦᠰᠢᠮᠡᠯ ᠢᠶᠠᠷ ᠵᠢᠶᠦ᠋ᠨ ᠢ ᠬᠢᠨᠠᠭᠤᠯᠬᠤ ᠬᠠᠭᠤᠴᠢᠨ ᠲᠦᠷᠢᠮ ᠢ ᠲᠠᠭᠤᠷᠢᠶᠠᠵᠤ᠂ ᠪᠦᠬᠦ ᠤᠯᠤᠰ ᠤᠨ ᠠᠷᠪᠠᠨ ᠭᠤᠷᠪᠠᠨ ᠵᠸᠤ ᠳᠤ ᠼᠢ ᠱᠢ ᠲᠦᠰᠢᠮᠡᠯ ᠭᠠᠷᠭᠠᠵᠤ᠂ ᠵᠢᠶᠦ᠋ᠨ ᠢ ᠪᠠᠶᠢᠴᠠᠭᠠᠨ ᠦᠵᠡᠵᠤ᠂ ᠬᠢᠨᠠᠨ ᠱᠠᠭᠠᠷᠳᠠᠬᠤ ᠠᠵᠢᠯ ᠢ ᠬᠠᠮᠢᠶᠠᠷᠤᠭᠤᠯᠪᠠ᠃ ᠱᠦᠸᠧ ᠹᠠᠩ ᠵᠢᠶᠦ᠋ᠨ ᠳᠤ ᠲᠤᠰᠬᠠᠢ ᠼᠢ ᠱᠢ ᠲᠦᠰᠢᠮᠡᠯ ᠲᠤᠮᠢᠯᠠᠵᠤ᠂ ᠤᠷᠳᠤᠰ ᠲᠠᠬᠢ ᠨᠤᠶᠠᠷᠬᠠᠯ ᠢᠶᠠᠨ ᠴᠢᠩᠭᠠᠳᠬᠠᠵᠠᠢ᠃ᠬᠠᠨ ᠡᠤ ᠳ᠋ᠢ ᠬᠠᠭᠠᠨ ᠪᠠᠰᠠ ᠶᠦᠨ ᠵᠦᠩ ᠵᠢᠶᠦ᠋ᠨ᠂ ᠰᠢ ᠡᠾᠧ ᠵᠢᠶᠦ᠋ᠨ᠂ ᠱᠠᠩ ᠵᠢᠶᠦ᠋ᠨ ᠵᠡᠷᠭᠡ ᠪᠠᠷ ᠤᠷᠳᠤᠰ ᠤᠨ ᠭᠠᠵᠠᠷ ᠤᠳ ᠢ ᠭᠡᠰᠡᠭᠯᠡᠨ ᠬᠠᠮᠢᠶᠠᠷᠤᠭᠤᠯᠪᠠ᠃ ᠬᠠᠨ ᠡᠤ ᠳ᠋ᠢ ᠬᠠᠭᠠᠨ ᠤᠷᠳᠤᠰ ᠨᠤᠳᠤᠭ ᠲᠠᠬᠢ ᠬᠦᠴᠦᠨ ᠢᠶᠠᠨ ᠴᠢᠩᠭᠠᠳᠬᠠᠨ᠂ ᠡᠾᠦ᠋ᠩᠨᠤ ᠲᠠᠢ ᠬᠡᠳᠦᠨ ᠠᠷᠪᠠᠨ ᠵᠢᠯ ᠬᠢᠭᠰᠡᠨ ᠲᠠᠶᠢᠨ ᠤ ᠦᠷ᠎ᠠ ᠪᠦᠳᠦᠬᠡᠯ ᠢᠶᠠᠨ ᠪᠠᠲᠤᠳᠬᠠᠬᠤ ᠶᠢᠨ ᠲᠦᠯᠦᠭᠡ᠂ ᠲᠤᠳᠤᠷ ᠭᠠᠵᠠᠷ ᠠᠴᠠ ᠶᠡᠭᠡ ᠬᠡᠮᠵᠢᠶᠡᠨ ᠤ  ᠬᠢᠳᠠᠳ ᠬᠦᠮᠦᠨ ᠢ ᠬᠤᠭᠤᠴᠠᠭ᠎ᠠ ᠪᠦᠯᠦᠭ ᠬᠤᠪᠢᠶᠠᠵᠤ ᠨᠡᠬᠦᠯᠭᠡᠨ ᠠᠪᠴᠢᠷᠠᠭᠠᠳ᠂ ᠲᠠᠷᠢᠶ᠎ᠠ ᠲᠠᠷᠢᠭᠤᠯᠤᠨ ᠬᠢᠯᠢ ᠬᠢᠵᠠᠭᠠᠷ ᠢ ᠬᠠᠮᠠᠭᠠᠯᠠᠭᠤᠯᠵᠤ᠂ ᠠᠯᠪᠠᠨ ᠤ ᠪᠠ ᠬᠤᠪᠢᠨ ᠤ ᠮᠠᠯ ᠠᠵᠤ ᠠᠬᠤᠢ ᠶᠢ ᠬᠦᠭᠵᠢᠬᠦᠯᠵᠠᠢ᠃    ᠬᠠᠨ ᠡᠤ ᠳ᠋ᠢ ᠬᠠᠭᠠᠨ ᠤᠷᠳᠤᠰ ᠢ ᠡᠵᠡᠯᠡᠭᠰᠡᠨ ᠤ ᠰᠡᠬᠦᠯᠡᠷ᠂ ᠬᠠᠨ ᠤᠯᠤᠰ ᠲᠤ ᠪᠠᠭᠤᠵᠤ ᠦᠭᠬᠦᠭᠰᠡᠨ ᠡᠾᠦ᠋ᠩᠨᠤᠴᠤᠳ ᠢ ᠲᠥᠪᠬᠢᠨᠡᠭᠦᠯᠬᠦ ᠶᠢᠨ ᠲᠦᠯᠦᠭᠡ᠂ ᠨᠡᠶᠢᠳᠠ ᠶᠢᠨ ᠤᠨ ᠲᠤᠭᠠᠯᠠᠯ ᠠᠴᠠ ᠡᠮᠦᠨ᠎ᠡ 121 ᠤᠨ ᠳᠤ᠂ ᠬᠢᠯᠢ ᠬᠢᠵᠠᠭᠠᠷ ᠤᠨ ᠲᠠᠪᠤᠨ ᠵᠢᠶᠦ᠋ᠨ ᠳᠤ ︽ᠬᠠᠷᠢᠶᠠᠳᠤ ᠤᠯᠤᠰ︾ ᠪᠠᠶᠢᠭᠤᠯᠵᠠᠢ᠃ ᠤᠷᠳᠤᠰ ᠤᠨ ᠬᠠᠷᠢᠶᠠᠨ ᠳᠤ ᠱᠠᠩ ᠵᠢᠶᠦ᠋ᠨ᠂ ᠡᠤ ᠶᠤᠸᠠᠨ ᠵᠢᠶᠦ᠋ᠨ᠂ ᠰᠢ ᠡᠾᠧ ᠵᠢᠶᠦ᠋ᠨ ᠵᠡᠷᠭᠡ ᠪᠤᠢ᠃ ᠬᠠᠷᠢᠶᠠᠳᠤ ᠤᠯᠤᠰ ᠪᠤᠯ ᠬᠠᠨ ᠤᠯᠤᠰ ᠤᠨ ᠦᠶ᠎ᠠ ᠶᠢᠨ ᠲᠡᠶᠢᠮᠤ ᠣᠨᠴᠠᠭᠠᠢ ᠲᠡᠤᠭᠡᠨ ᠨᠦᠬᠦᠴᠡᠯ ᠲᠤᠤᠷ᠎ᠠ ᠲᠤᠰᠬᠠᠶᠢᠯᠠᠨ ᠪᠠᠭᠤᠵᠤ ᠦᠭᠬᠦᠭᠰᠡᠨ ᠡᠾᠦ᠋ᠩᠨᠤᠴᠤᠳ  ᠢ ᠬᠠᠮᠢᠶᠠᠷᠬᠤ ᠨᠢᠭᠡ ᠱᠠᠳᠤᠨ ᠤ ᠵᠠᠰᠠᠭ ᠵᠠᠬᠢᠷᠭᠠᠨ ᠤ ᠪᠠᠶᠢᠭᠤᠯᠤᠮᠵᠢ ᠮᠦᠨ᠃ ᠬᠠᠷᠢᠶᠠᠳᠤ ᠤᠯᠤᠰ ᠲᠤᠳᠤᠷᠠᠬᠢ ᠡᠾᠦ᠋ᠩᠨᠤᠴᠤᠳ ᠦᠩᠭᠡᠷᠡᠭᠰᠡᠨ ᠤ ᠠᠶᠢᠮᠠᠭ ᠪᠦᠯᠦᠭ ᠤᠨ ᠵᠤᠬᠢᠶᠠᠨ ᠪᠠᠶᠢᠭᠤᠯᠤᠯᠳᠠ᠂ ᠦᠢᠯᠡᠳᠪᠦᠷᠢᠯᠡᠯ ᠤᠨ ᠭᠡᠯᠪᠡᠷᠢ᠂  ᠠᠮᠢᠳᠤᠷᠠᠯ ᠤᠨ ᠬᠡᠯᠪᠡᠷᠢ ᠪᠠᠨ ᠬᠠᠳᠠᠭᠠᠯᠠᠵᠤ᠂ ᠦᠩᠭᠡᠷᠡᠭᠰᠡᠨ ᠤ ᠵᠠᠩ ᠲᠠᠳᠬᠠᠯ ᠢᠶᠠᠨ ᠦᠭᠡᠷᠡᠴᠢᠯᠡᠬᠦ ᠦᠭᠡᠢ ᠪᠤᠯᠳᠠᠭ᠃ ᠬᠡᠳᠡᠯ᠎ᠠ ᠬᠠᠷᠢᠶᠠᠳᠤ ᠤᠯᠤᠰ ᠤᠨ ᠴᠡᠷᠢᠭ ᠵᠠᠰᠠᠭ ᠤᠨ ᠡᠷᠭᠡ ᠶᠢ ᠠᠳᠬᠤᠳᠠᠭ ᠳ᠋ᠦ᠋ ᠸᠧᠢ ᠲᠦᠰᠢᠮᠡᠯ ᠪᠤᠯ ᠶᠡᠷᠦᠩᠭᠡᠢ ᠳᠡᠭᠡᠨ ᠬᠢᠳᠠᠳ ᠬᠦᠮᠦᠨ ᠪᠤᠯᠳᠠᠭ ᠪᠦᠭᠡᠳ ᠣᠨᠴᠠᠭᠠᠢ ᠪᠠᠶᠢᠳᠠᠯ ᠤᠨ ᠲᠤᠤᠷ᠎ᠠ ᠪᠠᠰᠠ ᠪᠠᠰᠠ ᠡᠾᠦ᠋ᠩᠨᠤ ᠶᠢᠨ ᠲᠡᠭᠡᠳᠤ ᠲᠠᠪᠬᠤᠷᠭᠠᠳᠠᠨ ᠳ᠋ᠦ᠋ ᠸᠧᠢ ᠲᠦᠰᠢᠮᠡᠯ ᠪᠤᠯᠤᠭᠰᠠᠨ ᠪᠠᠶᠢᠳᠠᠯ ᠴᠤ ᠪᠤᠢ᠃    ᠬᠠᠨ ᠡᠤ ᠳ᠋ᠢ ᠡᠾᠦ᠋ᠩᠨᠤ ᠶᠢ ᠪᠠᠶᠢᠯᠳᠤᠨ ᠢᠯᠠᠭᠠᠳ᠂ ᠡᠾᠦ᠋ᠩᠨᠤ ᠶᠢᠨ ᠪᠤᠭᠤᠯ ᠤᠨ ᠡᠵᠡᠨ ᠳᠤ ᠬᠦᠨᠳᠤ ᠴᠤᠬᠢᠯᠳᠠ ᠦᠭᠴᠠᠢ᠃ ᠡᠬᠦᠨ ᠠᠴᠠ ᠪᠤᠯᠵᠤ᠂ ᠨᠤᠶᠠᠷᠬᠠᠭᠴᠢ ᠠᠩᠬᠢ ᠶᠢᠨ ᠲᠤᠳᠤᠷ᠎ᠠ ᠵᠠᠳᠠᠷᠠᠯ ᠭᠠᠷᠤᠭᠠᠳ᠂ ᠭᠠᠨ ᠯᠤ᠋ ᠶᠢᠨ ᠭᠤᠷᠪᠠᠳᠤᠭᠠᠷ ᠤᠨ ︵ᠨᠡᠶᠢᠳᠠ ᠶᠢᠨ ᠤᠨ ᠲᠤᠭᠠᠯᠠᠯ ᠠᠴᠠ ᠡᠮᠦᠨ᠎ᠡ51 ᠤᠨ︶ ᠳᠤ᠂ ᠡᠾᠦ᠋ᠩᠨᠤ ᠬᠤ᠋ ᠬᠠᠨ ᠶᠧ ᠴᠠᠨ ᠢᠤᠢ᠂ ᠬᠠᠨ ᠤᠯᠤᠰ ᠲᠤ ᠬᠠᠷᠢᠶᠠᠯᠠᠭᠳᠠᠬᠤ ᠪᠠᠷ ᠪᠤᠯᠵᠠᠢ᠃ ᠯᠢᠤ ᠰᠢᠶᠦ᠋ᠨ᠂ ᠬᠤ᠋ ᠬᠠᠨ ᠶᠧ ᠴᠠᠨ ᠢᠤᠢ ᠶᠢ ᠪᠠᠶᠠᠷᠯᠠᠨ ᠤᠭᠳᠤᠬᠤ ᠰᠡᠳᠬᠢᠯᠭᠡ ᠪᠠᠨ ᠢᠯᠡᠳᠭᠡᠬᠦ ᠶᠢᠨ ᠲᠦᠯᠦᠭᠡ᠂ ᠡᠯᠴᠢ ᠲᠤᠮᠢᠯᠠᠨ ᠡᠤ ᠶᠤᠸᠠᠨ ᠵᠢᠶᠦ᠋ᠨ ᠳᠤ ᠬᠦᠷᠴᠤ ᠲᠤᠰᠴᠠᠢ᠃ ᠪᠠᠰᠠ ᠲᠡᠬᠦᠨ ᠤ ᠦᠩᠭᠡᠷᠡᠵᠤ ᠭᠠᠷᠬᠤ ᠱᠦᠸᠧ ᠹᠠᠩ ᠵᠢᠶᠦ᠋ᠨ᠂ ᠰᠢ ᠡᠾᠧ ᠵᠢᠶᠦ᠋ᠨ᠂ ᠱᠠᠩ ᠵᠢᠶᠦ᠋ᠨ ᠵᠡᠷᠭᠡ ᠭᠠᠵᠠᠷ ᠲᠤ ᠴᠡᠷᠢᠭ ᠵᠢᠬᠰᠠᠭᠠᠨ ᠬᠠᠮᠠᠭᠠᠯᠠᠭᠤᠯᠪᠠ᠃ ᠬᠠᠨ ᠶᠤᠸᠠᠨ ᠳ᠋ᠢ ᠬᠠᠭᠠᠨ ᠯᠢᠤ ᠱᠢ ᠪᠠᠰᠠ ᠤᠷᠳᠤᠨ ᠤ ᠦᠬᠢᠨ ᠸᠠᠩ ᠵᠤᠤ ᠵᠢᠶᠦ᠋ᠨ ᠢ ᠬᠤ᠋ ᠶᠧ ᠴᠠᠨ ᠢᠤᠢ ᠳᠤ ᠦᠭᠴᠤ ᠡᠭᠡᠨᠡᠷ ᠪᠤᠯᠭᠠᠪᠠ᠃    ᠪᠠᠷᠠᠭᠤᠨ ᠬᠠᠨ ᠤᠯᠤᠰ ᠤᠨ ᠰᠡᠬᠦᠯᠴᠢ ᠪᠠᠷ ᠨᠡᠶᠢᠭᠡᠮ ᠤᠨ ᠵᠦᠷᠢᠴᠡᠯ ᠡᠳᠦᠷ ᠢᠷᠡᠬᠦᠶ᠎ᠠ ᠬᠤᠷᠴᠠᠳᠴᠠᠢ᠃ ᠬᠠᠳᠤᠨ ᠤ ᠲᠦᠷᠦᠯ ᠸᠠᠩ ᠮᠠᠩ ᠡᠨᠡ ᠵᠠᠪᠰᠢᠶᠠᠨ ᠢ ᠲᠠᠯᠢᠮᠳᠠᠭᠤᠯᠤᠨ᠂ ᠭᠠᠭᠴᠠᠭᠠᠷ ᠢᠶᠠᠨ ᠲᠦᠷᠤ ᠮᠡᠳᠡᠵᠤ᠂ ᠵᠠᠰᠠᠭ ᠤᠨ ᠡᠷᠭᠡ ᠶᠢ ᠬᠤᠯᠠᠭᠠᠶᠢᠯᠠᠨ ᠠᠪᠤᠭᠠᠳ᠂ ᠱᠢ ᠵᠢᠶᠠᠨ ᠬᠦᠸᠧ ᠶᠢᠨ ᠠᠩᠬᠠᠳᠤᠭᠠᠷ ᠤᠨ ︵ᠨᠡᠶᠢᠳᠠ ᠶᠢᠨ ᠤᠨ ᠲᠤᠭᠠᠯᠠᠯ ᠤᠨ9 ᠤᠨ︶ ᠳᠤ ᠵᠢᠩᠬᠢᠨᠢ ᠪᠠᠷ ᠰᠢᠨ᠎ᠡ ᠲᠦᠷᠤ ᠪᠠᠶᠢᠭᠤᠯᠪᠠ᠃ ᠰᠢᠨ᠎ᠡ ᠲᠦᠷᠤ ᠶᠢᠨ ᠲᠤᠳᠤᠭᠠᠳᠤ ᠳᠤ ᠵᠦᠷᠢᠴᠡᠯ ᠢᠶᠠᠷ ᠲᠦᠬᠦᠷᠴᠤ᠂ ᠨᠡᠶᠢᠭᠡᠮ ᠲᠠᠶᠠᠭᠠᠷ ᠰᠠᠮᠠᠭᠤᠷᠠᠭᠰᠠᠨ ᠳᠤ᠂ ᠡᠨᠡᠬᠦ ᠵᠦᠷᠢᠴᠡᠯ ᠢ ᠪᠤᠰᠤᠳ ᠲᠤ ᠰᠢᠯᠵᠢᠬᠦᠯᠬᠦ ᠵᠢᠨ‌‍ᠲ᠋ᠦ᠋ᠯᠦᠭᠡ ᠸᠠᠩ ᠮᠠᠩ ᠬᠢᠯᠢ ᠬᠢᠵᠠᠭᠠᠷ ᠤᠷᠤᠨ ᠤ ᠴᠦᠭᠡᠨ ᠲᠤᠭᠠᠳᠤ ᠦᠨᠳᠦᠰᠦᠳᠡᠨ ᠳᠤ ᠲᠠᠶᠢᠨ ᠲᠡᠭᠳᠡᠭᠡᠵᠤ᠂ ᠦᠨᠳᠦᠰᠦᠳᠡᠨ ᠢ ᠭᠠᠳᠠᠭᠤᠷᠴᠢᠯᠠᠬᠤ ᠪᠠ ᠲᠠᠷᠤᠯᠠᠬᠤ ᠲᠦᠷᠦ ᠶᠢᠨ ᠪᠤᠳᠤᠯᠭ᠎ᠠ ᠶᠢ ᠭᠡᠷᠡᠭᠵᠢᠬᠦᠯᠪᠡ᠃ ᠡᠨᠡ ᠬᠤᠭᠤᠴᠠᠭᠠᠨ ᠳᠤ ᠬᠡᠳᠦᠨ ᠠᠷᠪᠠᠨ ᠲᠦᠮᠡᠨ ᠴᠡᠷᠢᠭ ᠲᠤᠮᠢᠯᠠᠨ ᠬᠢᠯᠢ ᠶᠢᠨ ᠵᠢᠶᠦ᠋ᠨ ᠳᠤ ᠰᠠᠭᠤᠯᠭᠠᠵᠤ᠂ ᠡᠾᠦ᠋ᠩᠨᠤ ᠶᠢ ᠲᠦᠷᠦᠮᠡᠭᠡᠶᠢᠯᠡᠬᠦ ᠪᠠᠷ ᠪᠡᠯᠡᠳᠭᠡᠪᠡ᠃ ᠱᠢ ᠵᠢᠶᠠᠨ ᠬᠦᠸᠧ ᠶᠢᠨ ᠬᠤᠶᠠᠳᠤᠭᠠᠷ ᠤᠨ ︵ᠨᠡᠶᠢᠳᠠ ᠶᠢᠨ ᠤᠨ ᠲᠤᠭᠠᠯᠠᠯ ᠤᠨ 10 ᠤᠨ︶ ᠠᠴᠠ ᠡᠬᠢᠯᠡᠵᠤ᠂ ᠤᠷᠳᠤᠰ ᠤᠨ ᠵᠢᠶᠦ᠋ᠨ ᠰᠢᠶᠠᠨ ᠨᠦᠭᠦᠳ ᠸᠠᠩ ᠮᠠᠩ ᠤᠨ ᠤᠷᠳᠤ ᠬᠤᠭᠤᠴᠠᠭ᠎ᠠ ᠪᠠᠷ ᠴᠡᠷᠢᠭ ᠰᠠᠭᠤᠯᠭᠠᠬᠤ ᠭᠠᠵᠠᠷ ᠪᠤᠯᠵᠠᠢ᠃ ᠡᠨᠡ ᠬᠤᠭᠤᠴᠠᠭᠠᠨ ᠳᠤ ᠤᠷᠳᠤᠰ ᠤᠨ ᠰᠠᠭᠤᠭᠠᠯᠢ ᠠᠷᠠᠳ ᠸᠠᠩ ᠮᠠᠩ ᠤᠨ ᠴᠡᠷᠢᠭ ᠲᠤ ᠲᠠᠯᠬᠢᠭᠳᠠᠵᠤ ᠠᠮᠢᠳᠤᠷᠠᠬᠤ ᠶᠢᠨ ᠠᠷᠭ᠎ᠠ ᠦᠭᠡᠢ ᠪᠤᠯᠤᠭᠠᠳ᠂ ᠵᠠᠷᠢᠮ ᠨᠢ ᠦᠯᠪᠡᠷᠤᠨ ᠦᠬᠦᠵᠤ᠂ ᠵᠠᠷᠢᠮ ᠨᠢ ᠪᠤᠭᠤᠮᠳᠠ ᠶᠢᠨ ᠲᠤᠳᠤᠷ᠎ᠠ ᠲᠤᠳᠠᠭᠠᠨ ᠶᠠᠪᠤᠵᠤ᠂ ᠵᠠᠷᠢᠮ ᠨᠢ ᠪᠤᠰᠤᠯᠴᠠᠭᠠᠳ ᠸᠠᠩ ᠮᠠᠩ ᠢ ᠡᠰᠡᠷᠬᠦᠴᠡᠪᠡ᠃ ᠢᠩᠬᠢᠭᠡᠳ ᠠᠳᠠ ᠨᠡᠬᠦᠨ ᠢᠷᠡᠭᠰᠡᠨ ᠤᠯᠠᠩᠬᠢ ᠬᠢᠳᠠᠳ ᠠᠷᠠᠳ ᠲᠤᠳᠠᠭᠠᠨ ᠶᠠᠪᠤᠵᠠᠢ᠃ ᠸᠠᠩ ᠮᠠᠩ ᠪᠠᠰᠠ ᠵᠢᠶᠦ᠋ᠨ᠂ ᠰᠢᠶᠠᠨ ᠤ ᠨᠡᠷ᠎ᠠ ᠶᠢ ᠬᠠᠯᠠᠵᠤ᠂ ᠤᠷᠳᠤᠰ ᠲᠤ ᠬᠠᠮᠢᠶᠠᠷᠣᠭᠳᠠᠬᠤ ᠱᠦᠸᠧ ᠹᠠᠩ ᠵᠢᠶᠦ᠋ᠨ ᠢ ᠭᠸᠤ ᠰᠸᠤ ᠵᠢᠶᠦ᠋ᠨ᠂ ᠡᠤ ᠶᠤᠸᠠᠨ ᠵᠢᠶᠦ᠋ᠨ ᠢ ᠡᠾᠦ᠋ᠸᠧ ᠰᠢᠶᠠᠩ ᠵᠢᠶᠦ᠋ᠨ᠂ ᠶᠦᠨ ᠵᠦᠩ ᠵᠢᠶᠦ᠋ᠨ ᠢ ᠱᠸᠤ ᠰᠢᠶᠠᠩ ᠵᠢᠶᠦ᠋ᠨ᠂ ᠰᠢ ᠡᠾᠧ ᠵᠢᠶᠦ᠋ᠨ ᠢ ᠵᠢᠤ ᠰᠢᠨ ᠵᠢᠶᠦ᠋ᠨ ᠭᠡᠵᠤ ᠲᠤᠰ ᠲᠤᠰ ᠦᠭᠡᠷᠡᠴᠢᠯᠡᠵᠠᠢ᠃ ᠰᠢᠨ᠎ᠡ ᠲᠦᠷᠤ ᠮᠦᠬᠦᠭᠰᠡᠨ ᠤ ᠰᠡᠬᠦᠯᠡᠷ᠂ ᠤᠭ ᠤᠨ ᠨᠡᠷ᠎ᠠ ᠶᠢ ᠰᠡᠷᠭᠦᠭᠡᠵᠠᠢ᠃ ᠨᠡᠶᠢᠳᠠ ᠶᠢᠨ ᠤᠨ ᠲᠤᠭᠠᠯᠠᠯ ᠤᠨ 23 ᠤᠨ ᠳᠤ᠂ ᠤᠯᠠᠭᠠᠨ ᠬᠦᠮᠦᠰᠭᠡᠳᠡᠨ ᠤ ᠪᠤᠰᠤᠯᠭ᠎ᠠ᠂ ᠯᠤ᠋ ᠯᠢᠨ ᠤ  ᠪᠤᠰᠤᠯᠭ᠎ᠠ ᠶᠢᠨ ᠴᠡᠷᠢᠭ ᠸᠠᠩ ᠮᠠᠩ ᠤᠨ ᠰᠢᠨ᠎ᠡ ᠲᠦᠷᠤ ᠶᠢ ᠲᠦᠯᠬᠢᠨ ᠤᠨᠠᠭᠠᠵᠤ᠂ ᠯᠢᠤ ᠰᠢᠤᠸᠠᠨ ᠢᠶᠠᠷ ᠬᠠᠭᠠᠨ ᠪᠤᠯᠭᠠᠵᠤ᠂ ᠤᠨ ᠤ ᠴᠤᠯᠠ ᠪᠠᠨ ᠭᠧᠩ ᠱᠢ ᠬᠡᠵᠠᠢ᠃ ᠭᠧᠩ ᠱᠢ ᠬᠠᠭᠠᠨ ᠱᠦᠸᠧ ᠹᠠᠩ ᠵᠢᠶᠦ᠋ᠨ ᠳᠤ ᠡᠯᠴᠢ ᠲᠤᠮᠢᠯᠠᠨ ᠤᠴᠢᠭᠤᠯᠵᠤ᠂ ᠠᠮᠤᠷᠵᠢᠭᠤᠯᠬᠤ ᠠᠵᠢᠯ ᠬᠢᠪᠡ᠃ ᠢᠩᠬᠢᠭᠡᠳ ᠤᠷᠳᠤᠰ ᠭᠧᠩ ᠱᠢ ᠶᠢᠨ ᠲᠦᠷᠤ ᠶᠢᠨ ᠬᠦᠴᠤᠨ ᠤ ᠬᠦᠷᠢᠶ᠎ᠠ ᠬᠡᠪᠴᠢᠶ᠎ᠠ ᠳᠤ ᠤᠷᠤᠭᠰᠠᠨ ᠪᠠᠶᠢᠨ᠎ᠠ᠃ ᠭᠡᠳᠡᠯ᠎ᠠ ᠭᠧᠩ ᠱᠢ ᠶᠢᠨ ᠲᠦᠷᠤ ᠵᠦᠪᠭᠡᠨ ᠭᠤᠷᠪᠠᠨ ᠵᠢᠯ ᠲᠤᠭᠳᠠᠨᠢᠭᠠᠳ᠂ ᠦᠪᠡᠷ ᠤᠨ ᠨᠤᠶᠠᠷᠬᠠᠬᠤ ᠪᠠᠶᠢᠷᠢ ᠰᠠᠭᠤᠷᠢ ᠪᠠᠨ ᠪᠠᠬᠢᠵᠢᠬᠦᠯᠵᠤ ᠠᠮᠵᠢᠭᠰᠠᠨ ᠦᠭᠡᠢ ᠪᠠᠷ ᠭᠡᠰᠡᠭᠯᠡᠨ ᠡᠵᠡᠯᠡᠬᠦ ᠰᠠᠮᠠᠭᠤᠨ ᠲᠠᠶᠢᠨ ᠳᠤ ᠮᠦᠬᠦᠪᠡ᠃    ᠵᠡᠬᠦᠨ ᠬᠠᠨ ᠤᠯᠤᠰ ᠤᠨ ᠵᠢᠶᠠᠨ ᠡᠤ ᠶᠢᠨ ᠲᠠᠪᠤᠳᠤᠭᠠᠷ ᠤᠨ ︵ᠨᠡᠶᠢᠳᠠ ᠶᠢᠨ ᠤᠨ ᠲᠤᠭᠠᠯᠠᠯ ᠤᠨ29 ᠤᠨ︶  ᠳᠤ ᠭᠡᠰᠡᠭᠯᠡᠨ ᠡᠵᠡᠯᠡᠭᠴᠢ ᠯᠤ᠋ ᠹᠠᠩ᠂ ᠡᠾᠦ᠋ᠩᠨᠤ ᠶᠢᠨ ᠲᠡᠮᠵᠢᠯᠭᠡ ᠪᠠᠷ᠂ ᠦᠪᠡᠷ ᠢ ᠪᠠᠨ ᠬᠠᠭᠠᠨ ᠡᠷᠬᠦᠮᠵᠢᠯᠡᠵᠤ᠂ ᠡᠤ ᠶᠤᠸᠠᠨ ᠵᠢᠶᠦ᠋ᠨ ᠳᠤ ᠨᠡᠶᠢᠰᠯᠡᠭᠡᠳ᠂ ᠡᠤ ᠶᠤᠸᠠᠨ ᠵᠢᠶᠦ᠋ᠨ᠂ ᠱᠦᠸᠧ ᠹᠠᠩ ᠵᠢᠶᠦ᠋ᠨ᠂ ᠶᠦᠨ ᠵᠦᠩ ᠵᠢᠶᠦ᠋ᠨ ᠵᠡᠷᠭᠡ ᠶᠢ ᠡᠵᠡᠯᠡᠵᠤ᠂ ᠬᠠᠷᠢᠶᠠᠳᠤ ᠵᠢᠶᠦ᠋ᠨ ᠳᠡᠭᠡᠨ ᠴᠦᠮ ᠰᠠᠬᠢᠭᠤᠯ ᠨᠤᠶᠠᠨ ᠲᠤᠮᠢᠯᠠᠵᠠᠢ᠃ ᠯᠤ᠋ ᠹᠠᠩ ᠤᠨ ᠬᠦᠴᠦᠨ ᠤ ᠬᠦᠷᠢᠶ᠎ᠠ ᠭᠡᠪᠴᠢᠶ᠎ᠠ ᠳᠤ ᠤᠷᠳᠤᠰ ᠤᠨ ᠬᠤᠶᠢᠳᠤ ᠭᠡᠰᠡᠭ᠂ ᠵᠡᠬᠦᠨ ᠭᠡᠰᠡᠭ ᠤᠨ ᠶᠡᠭᠡᠩᠬᠢ ᠶᠢ ᠪᠠᠭᠳᠠᠭᠠᠵᠤ ᠪᠠᠶᠢᠪᠠ᠃ ᠵᠢᠶᠠᠨ ᠡᠤ ᠶᠢᠨ ᠲᠤᠯᠤᠳᠤᠭᠠᠷ ᠤᠨ ︵ᠨᠡᠶᠢᠳᠠ ᠶᠢᠨ ᠤᠨ ᠲᠤᠭᠠᠯᠠᠯ ᠤᠨ31 ᠤᠨ︶ ᠳᠤ᠂ ᠯᠤ᠋ ᠹᠠᠩ ᠤᠨ ᠲᠤᠮᠢᠯᠠᠭᠰᠠᠨ ᠱᠦᠸᠧ ᠹᠠᠩ ᠵᠢᠶᠦ᠋ᠨ᠂ ᠶᠦᠨ ᠵᠦᠩ ᠵᠢᠶᠦ᠋ᠨ ᠤ ᠲᠠᠶᠢᠱᠸᠤ ᠲᠦᠰᠢᠮᠡᠯ ᠤᠳ ᠵᠡᠬᠦᠨ ᠬᠠᠨ ᠤᠯᠤᠰ ᠲᠤ ᠪᠠᠭᠤᠨ ᠦᠭᠴᠠᠢ᠃ ᠵᠢᠶᠠᠨ ᠡᠤ ᠶᠢᠨ ᠠᠷᠪᠠᠨ ᠭᠤᠷᠪᠠᠳᠤᠭᠠᠷ ᠤᠨ ︵ᠨᠡᠶᠢᠳᠠ ᠶᠢᠨ ᠤᠨ ᠲᠤᠭᠠᠯᠠᠯ ᠤᠨ37 ᠤᠨ︶ ᠳᠤ᠂ ᠯᠤ᠋ ᠹᠠᠩ ᠡᠾᠦ᠋ᠩᠨᠤ ᠶᠢᠨ ᠲᠡᠨᠳᠠ ᠲᠤᠳᠠᠭᠠᠨ ᠤᠴᠢᠵᠠᠢ᠃ ᠢᠩᠬᠢᠭᠡᠳ ᠤᠷᠳᠤᠰ ᠨᠤᠳᠤᠭ ᠡᠷᠬᠢᠭᠡᠳ ᠵᠡᠬᠦᠨ ᠬᠠᠨ ᠤᠯᠤᠰ ᠤᠨ ᠨᠤᠶᠠᠷᠬᠠᠯ ᠤᠨ ᠤᠷᠤᠨ ᠪᠤᠯᠤᠭᠰᠠᠨ ᠪᠠᠶᠢᠨ᠎ᠠ᠃    ᠸᠠᠩ ᠮᠠᠩ ᠡᠷᠭᠡ ᠬᠤᠯᠠᠭᠠᠶᠢᠯᠠᠭᠰᠠᠨ ᠠᠴᠠ ᠨᠠᠰᠢ ᠲᠦᠷᠤ ᠬᠦᠷᠦᠨ ᠰᠠᠮᠠᠭᠤᠷᠠᠵᠤ᠂ ᠠᠷᠠᠳ ᠲᠦᠮᠡᠨ ᠰᠦᠷᠡᠭᠡᠢ ᠬᠡᠴᠡᠬᠦᠤ ᠬᠦᠴᠢᠷ ᠵᠤᠪᠠᠭᠤᠷᠢ ᠠᠮᠰᠠᠪᠠ᠃ ᠬᠠᠨ ᠡᠤ ᠳ᠋ᠢ ᠬᠠᠭᠠᠨ ᠤ ᠦᠶ᠎ᠠ ᠳᠤ᠂ ᠤᠷᠳᠤᠰ ᠲᠤ ᠨᠡᠬᠦᠨ ᠢᠷᠡᠭᠰᠡᠨ ᠬᠢᠳᠠᠳ ᠬᠦᠮᠦᠨ ᠲᠦᠢᠯ ᠢᠶᠠᠷ ᠴᠦᠭᠡᠷᠡᠵᠤ᠂ ᠤᠯᠣᠰ ᠤᠨ ᠡᠳ᠋ ᠤᠨ ᠵᠠᠰᠠᠭ ᠤᠨ ᠵᠠᠷᠤᠯᠭ᠎ᠠ ᠲᠤᠩ ᠬᠦᠴᠢᠷ ᠪᠤᠯᠤᠭᠰᠠᠨ ᠠᠴᠠ ᠵᠡᠬᠦᠨ ᠬᠠᠨ ᠤᠯᠤᠰ ᠤᠨ ᠡᠬᠢᠨ ᠤ ᠵᠢᠯ ᠤᠳ ᠲᠤ ᠵᠠᠷᠢᠮ ᠭᠠᠵᠠᠷ ᠤᠷᠤᠨ ᠤ ᠵᠠᠰᠭ ᠵᠠᠬᠢᠷᠭᠠᠨ ᠤ ᠪᠠᠶᠢᠭᠤᠯᠤᠮᠵᠢ ᠶᠢ ᠬᠠᠰᠤᠵᠤ ᠨᠡᠶᠢᠯᠡᠬᠦᠯᠵᠠᠢ᠃ ᠵᠢᠶᠠᠨ ᠡᠤ ᠶᠢᠨ ᠠᠷᠪᠠᠨ ᠨᠢᠭᠡᠳᠦᠭᠡᠷ ᠤᠨ ︵ᠨᠡᠶᠢᠳᠠ ᠶᠢᠨ ᠤᠨ ᠲᠤᠭᠠᠯᠠᠯ ᠤᠨ35 ᠤᠨ︶ ᠳᠤ᠂ ᠱᠦᠸᠧ ᠹᠠᠩ ᠵᠢᠶᠦ᠋ᠨ ᠢ ᠬᠠᠰᠤᠭᠠᠳ᠂ ᠪᠧᠩ ᠵᠸᠤ ︵ᠤᠳᠤ ᠶᠢᠨ ᠱᠠᠨ ᠰᠢ ᠮᠤᠵᠢ ᠶᠢᠨ ᠲᠠᠶᠢᠶᠤᠸᠠᠨ︶ ᠲᠠᠢ ᠨᠡᠶᠢᠯᠡᠬᠦᠯᠵᠤ᠂ ᠵᠢᠶᠠᠨ ᠡᠤ ᠶᠢᠨ ᠬᠤᠷᠢᠳᠤᠭᠠᠷ ᠤᠨ ︵ᠨᠡᠶᠢᠳᠠ ᠶᠢᠨ ᠤᠨ ᠲᠤᠭᠠᠯᠠᠯ ᠤᠨ 44 ᠤᠨ︶ ᠳᠤ᠂ ᠪᠠᠰᠠ ᠡᠤ ᠶᠤᠸᠠᠨ ᠵᠢᠶᠦ᠋ᠨ ᠢ ᠬᠠᠰᠤᠵᠠᠢ᠃ ᠡᠬᠦᠨ ᠠᠴᠠ ᠬᠤᠵᠢᠮ ᠤᠷᠳᠤᠰ ᠨᠤᠳᠤᠭ ᠪᠢᠩ ᠵᠸᠤ ᠳᠤ ᠬᠠᠷᠢᠶᠠᠯᠠᠭᠳᠠᠬᠤ ᠪᠤᠯᠵᠠᠢ᠃ᠵᠡᠬᠦᠨ ᠬᠠᠨ ᠤᠯᠤᠰ ᠤᠨ ᠭᠤᠸᠠᠩ ᠡᠤ ᠳ᠋ᠢ ᠬᠠᠭᠠᠨ ᠯᠢᠤ ᠰᠢᠤ ᠲᠦᠷᠤ ᠪᠠᠷᠢᠵᠤ ᠪᠠᠶᠢᠭᠰᠠᠨ ᠭᠤᠴᠢᠨ ᠵᠢᠯ ᠤᠨ ᠬᠤᠭᠤᠷᠤᠨᠳᠤ᠂ ᠨᠢᠭᠡᠨᠳᠠ ᠠᠷᠤ ᠭᠤᠪᠢ ᠳᠤ ᠨᠡᠬᠦᠨ ᠤᠴᠢᠭᠰᠠᠨ ᠡᠾᠦ᠋ᠩᠨᠤ ᠭᠠᠩ ᠬᠠᠭᠰᠠᠷᠭᠠᠨ ᠪᠤᠯᠤᠨ ᠨᠢᠬᠦᠯᠳᠤ ᠴᠠᠷᠴᠠᠬᠠᠢ ᠶᠢᠨ ᠭᠠᠮᠰᠢᠭ ᠲᠤ ᠤᠴᠠᠷᠠᠵᠠᠢ᠃ ᠡᠤ ᠬᠤᠸᠠ ᠠᠶᠢᠮᠠᠭ ᠡᠨᠡ ᠵᠠᠪᠰᠢᠶᠠᠨ ᠢ ᠲᠠᠯᠢᠮᠳᠠᠭᠤᠯᠵᠤ ᠡᠾᠦ᠋ᠩᠨᠤ ᠶᠢ ᠲᠤᠪᠳᠤᠯᠤᠭᠠᠳ᠂ ᠲᠡᠬᠦᠨ ᠳᠤ ᠲᠦᠢᠯ ᠤᠨ ᠶᠡᠭᠡ ᠬᠤᠬᠢᠷᠠᠯ ᠰᠦᠢᠳᠦᠯ ᠤᠴᠠᠷᠠᠭᠤᠯᠵᠠᠢ᠃ ᠡᠨᠡ ᠦᠶ᠎ᠠ ᠡᠾᠦ᠋ᠩᠨᠤ ᠶᠢᠨ ᠢᠵᠠᠭᠤᠷᠳᠠᠨ ᠤ ᠲᠤᠳᠤᠭᠠᠳᠤ ᠳᠤ ᠴᠠᠨ ᠢᠤᠢ ᠶᠢᠨ ᠡᠷᠭᠡ ᠶᠢ ᠵᠠᠯᠭᠠᠮᠵᠢᠯᠠᠬᠤ ᠲᠡᠭᠡᠷ᠎ᠠ ᠵᠦᠷᠢᠯᠳᠦᠭᠡᠨ ᠡᠬᠦᠰᠦᠭᠰᠡᠨ ᠠᠴᠠ ᠪᠤᠯᠵᠤ᠂ ᠮᠦᠸᠧ ᠵᠢᠶᠠᠨ ᠿᠧ ᠵᠤ᠋ ᠸᠠᠩ ᠪᠢ᠂ ᠵᠢᠶᠠᠨ ᠡᠤ ᠶᠢᠨ ᠬᠤᠷᠢᠨ  ᠭᠤᠷᠪᠠᠳᠤᠭᠠᠷ ᠤᠨ ︵ᠨᠡᠶᠢᠳᠠ ᠶᠢᠨ ᠤᠨ ᠲᠤᠭᠠᠯᠠᠯ ᠤᠨ 47 ᠤᠨ︶ ᠳᠤ ᠵᠡᠬᠦᠨ ᠬᠠᠨ ᠤᠯᠤᠰ ᠢ ᠲᠠᠭᠠᠬᠤ ᠪᠠᠷ ᠭᠤᠶᠤᠵᠠᠢ᠃ ᠲᠠᠷᠠᠭ᠎ᠠ ᠵᠢᠯ ᠨᠢ᠂ ᠲᠡᠷᠠ ᠡᠾᠦ᠋ᠩᠨᠤ ᠶᠢᠨ ᠡᠮᠦᠨ᠎ᠡ ᠪᠡᠶ᠎ᠠ ᠶᠢᠨ ᠨᠠᠢᠮᠠᠨ ᠠᠶᠢᠮᠠᠭ ᠲᠤ ᠡᠮᠦᠨᠡᠳᠤ ᠴᠠᠨ ᠢᠤᠢ ᠪᠠᠷ ᠡᠷᠬᠦᠮᠵᠢᠯᠡᠭᠳᠡᠪᠡ᠃ ᠢᠩᠬᠢᠭᠡᠳ ᠡᠾᠦ᠋ᠩᠨᠤ ᠡᠮᠦᠨᠡᠳᠤ ᠬᠤᠶᠢᠳᠤ ᠬᠤᠶᠠᠷ ᠪᠤᠯᠤᠨ ᠬᠤᠪᠢᠶᠠᠭᠳᠠᠵᠠᠢ᠃ ᠵᠢᠶᠠᠨ ᠡᠤ ᠶᠢᠨ ᠬᠤᠷᠢᠨ ᠵᠢᠷᠭᠤᠳᠤᠭᠠᠷ ᠤᠨ ︵ᠨᠡᠶᠢᠳᠠ ᠶᠢᠨ ᠤᠨ ᠲᠤᠭᠠᠯᠠᠯ ᠤᠨ 50 ᠤᠨ︶ ᠳᠤ᠂ ᠡᠮᠦᠨᠡᠳᠤ ᠡᠾᠦ᠋ᠩᠨᠤ ᠶᠦᠨ ᠵᠦᠩ ᠵᠢᠶᠦ᠋ᠨ ᠳᠤ ᠨᠡᠬᠦᠨ ᠢᠷᠡᠵᠤ᠂ ᠤᠳᠠᠭᠰᠠᠨ ᠦᠭᠡᠢ ᠪᠠᠰᠠ ᠭᠤᠣᠯ ᠤᠨ ᠪᠠᠷᠠᠭᠤᠨᠳᠡᠬᠢ ᠮᠸᠢ ᠵᠢᠢ ︵ᠤᠳᠤ ᠶᠢᠨ ᠵᠡᠬᠦᠨᠭᠠᠷ ᠤᠨ ᠨᠠᠷᠢᠨ ᠤᠷᠴᠢᠮ︶ ᠳᠤ ᠰᠢᠯᠵᠢᠨ ᠢᠷᠡᠭᠡᠳ᠂ ᠲᠡᠬᠦᠨ ᠤ ᠡᠯ᠎ᠠ ᠠᠶᠢᠮᠠᠭ ᠤᠳ ᠢᠶᠠᠨ ᠬᠤᠶᠢᠳᠤ ᠭᠡᠰᠡᠭ ᠤᠨ ᠵᠢᠶᠦ᠋ᠨ ᠨᠦᠭᠦᠳ ᠢᠶᠠᠷ ᠬᠤᠪᠢᠶᠠᠨ ᠰᠠᠭᠤᠯᠭᠠᠵᠠᠢ᠃ ᠵᠡᠬᠦᠨ ᠬᠠᠨ ᠤᠯᠤᠰ ᠤᠨ ᠤᠮᠠᠷᠠᠳᠤ ᠬᠢᠯᠢ ᠬᠢᠵᠠᠭᠠᠷ ᠢ ᠡᠮᠦᠨᠡᠳᠤ ᠡᠾᠦ᠋ᠩᠨᠤ ᠪᠠᠬᠢᠯᠡᠨ ᠰᠠᠬᠢᠵᠠᠢ᠃ ᠢᠩᠬᠢᠭᠡᠳ ᠤᠷᠳᠤᠰ ᠨᠤᠳᠤᠭ ᠡᠮᠦᠨᠡᠳᠤ ᠡᠾᠦ᠋ᠩᠨᠤ ᠶᠢᠨ ᠤᠯᠤᠰ ᠲᠦᠷᠦ᠂ ᠠᠵᠤ ᠠᠬᠤᠢ ᠶᠢᠨ ᠲᠦᠪ ᠪᠤᠯᠪᠠ᠃    ᠬᠠᠨ ᠤᠯᠤᠰ ᠪᠠ ᠡᠾᠦ᠋ᠩᠨᠤ ᠲᠠᠬᠢᠨ ᠨᠠᠶᠢᠷᠰᠠᠭ ᠢᠶᠠᠷ ᠤᠷᠤᠰᠢᠨ ᠲᠤᠭᠳᠠᠨᠢᠭᠰᠠᠨ ᠶᠠᠪᠤᠳᠠᠯ ᠪᠤᠯ ᠬᠠᠨ ᠤᠯᠤᠰ ᠪᠠ ᠡᠾᠦ᠋ᠩᠨᠤ ᠶᠢᠨ ᠬᠠᠷᠢᠴᠠᠭᠠᠨ ᠳᠠᠬᠢ ᠪᠠᠰᠠ ᠨᠢᠭᠡ ᠤᠳᠠᠭᠠᠨ ᠤ ᠡᠷᠭᠢᠯᠲᠡ ᠮᠦᠨ᠃ ᠢᠩᠬᠢᠭᠰᠡᠨ ᠢᠶᠠᠷ ᠬᠠᠨ ᠤᠯᠤᠰ ᠪᠠ ᠡᠾᠦ᠋ᠩᠨᠤ ᠬᠤᠶᠠᠷ ᠦᠨᠳᠦᠰᠦᠳᠡᠨ ᠤ ᠠᠷᠠᠳ ᠲᠦᠮᠡᠨ ᠤ ᠨᠦᠭᠦᠷᠰᠡᠭ ᠶᠠᠪᠤᠯᠴᠠᠭ᠎ᠠ ᠰᠡᠷᠬᠦᠵᠤ ᠬᠦᠭᠵᠢᠵᠠᠢ᠃ ᠬᠠᠨ ᠤᠯᠤᠰ ᠤᠨ ᠤᠮᠠᠷᠠᠳᠤ ᠬᠢᠯᠢ ᠬᠢᠵᠠᠭᠠᠷ ᠤᠨ ᠪᠠᠶᠢᠳᠠᠯ ᠲᠠᠬᠢᠵᠤ ᠡᠩᠬᠡᠵᠢᠨ ᠲᠤᠭᠳᠠᠨᠢᠭᠰᠠᠨ ᠠᠴᠠ ᠦᠩᠭᠡᠷᠡᠭᠰᠡᠨ ᠤ ᠡᠨᠡ ᠭᠠᠵᠠᠷ ᠰᠠᠭᠤᠵᠤ ᠪᠠᠶᠢᠭᠰᠠᠨ ᠠᠷᠠᠳ ᠲᠠᠬᠢᠨ ᠠᠳᠠ ᠪᠠᠨ ᠪᠤᠴᠠᠨ ᠢᠷᠡᠵᠠᠢ᠃ ᠡᠨᠡ ᠦᠶ᠎ᠠ ᠳᠤ ᠪᠠᠷᠠᠭᠤᠨ ᠬᠠᠨ ᠤᠯᠤᠰ ᠤᠨ ᠪᠠᠶᠢᠳᠠᠯ ᠶᠡᠭᠡ ᠲᠦᠯᠦᠪ ᠰᠡᠷᠬᠦᠵᠠᠢ᠃ ᠢᠩᠬᠢᠭᠡᠳ ᠵᠡᠬᠦᠨ ᠬᠠᠨ ᠤᠯᠤᠰ ᠲᠠᠬᠢᠨ ᠪᠠᠷᠠᠭᠤᠨ ᠬᠠᠨ ᠤᠯᠤᠰ ᠤᠨ ᠦᠶ᠎ᠠ ᠶᠢᠨ ᠵᠢᠶᠦ᠋ᠨ ᠰᠢᠶᠠᠨ ᠢ ᠰᠡᠷᠬᠦᠭᠡᠪᠡ᠃ ᠡᠨᠡ ᠦᠶ᠎ᠠ ᠶᠢᠨ ᠤᠷᠳᠤᠰ ᠨᠤᠳᠤᠭ ᠪᠠᠰᠠ ᠱᠦᠸᠧ ᠹᠠᠩ ᠵᠢᠶᠦ᠋ᠨ᠂ ᠡᠤ ᠶᠤᠸᠠᠨ ᠵᠢᠶᠦ᠋ᠨ᠂ ᠶᠦᠨ ᠵᠦᠩ ᠵᠢᠶᠦ᠋ᠨ᠂ ᠰᠢ ᠡᠾᠧ ᠵᠢᠶᠦ᠋ᠨ᠂ ᠱᠠᠩ ᠵᠢᠶᠦ᠋ᠨ ᠳᠤ ᠬᠤᠪᠢᠶᠠᠭᠳᠠᠨ  ᠵᠠᠬᠢᠷᠤᠭᠳᠠᠪᠠ᠃ ᠵᠡᠬᠦᠨ ᠬᠠᠨ ᠤᠯᠤᠰ ᠡᠳᠡᠭᠡᠷ ᠢ ᠤᠯᠠᠮ ᠪᠠᠬᠢᠵᠢᠬᠦᠯᠬᠦ ᠶᠢᠨ ᠲᠦᠯᠦᠭᠡ᠂ ᠲᠤᠳᠤᠷ ᠭᠠᠵᠠᠷ ᠠᠴᠠ ᠶᠡᠭᠡ ᠬᠡᠮᠵᠢᠶᠡᠨ ᠤ ᠬᠢᠳᠠᠳ ᠲᠠᠷᠢᠶᠠᠴᠢᠨ ᠢ ᠨᠡᠬᠦᠯᠭᠡᠨ ᠠᠪᠴᠢᠷᠠᠵᠤ᠂ ᠤᠷᠳᠤᠰ ᠨᠤᠳᠤᠭ ᠢ ᠲᠡᠬᠦᠯᠳᠡᠷᠵᠢᠬᠦᠯᠦᠨ᠂ ᠨᠡᠶᠢᠭᠡᠮ ᠤᠨ ᠪᠠᠶᠢᠳᠠᠯ ᠢ ᠰᠢᠨ᠎ᠡ ᠰᠠᠶᠢᠵᠢᠷᠠᠯᠳᠠ ᠲᠠᠢ ᠪᠤᠯᠭᠠᠵᠠᠢ᠃ ᠨᠡᠶᠢᠳᠠ ᠶᠢᠨ ᠤᠨ ᠲᠤᠭᠠᠯᠠᠯ ᠤᠨ90 ᠤᠨ ᠤ ᠦᠶᠡᠰ ᠢᠶᠠᠷ᠂ ᠡᠮᠦᠨᠡᠳᠤ ᠡᠾᠦ᠋ᠩᠨᠤ ᠶᠢᠨ ᠬᠦᠮᠦᠨ ᠠᠮᠠ ᠵᠡᠬᠦᠨ ᠬᠠᠨ ᠤᠯᠤᠰ ᠢ ᠲᠠᠭᠠᠬᠤ ᠦᠶ᠎ᠠ ᠶᠢᠨ ᠲᠦᠷᠪᠡ ᠲᠠᠪᠤᠨ ᠲᠦᠮᠡ ᠠᠴᠠ ᠪᠠᠨ23 ᠲᠦᠮᠡ ᠪᠤᠯᠤᠨ ᠨᠡᠮᠡᠭᠳᠡᠵᠠᠢ᠃ ᠡᠾᠦ᠋ᠩᠨᠤ ᠶᠢᠨ ᠠᠷᠠᠳ ᠲᠦᠮᠡᠨ ᠠᠵᠢᠯᠴᠢ ᠰᠢᠷᠭᠠᠭᠤ ᠬᠦᠳᠡᠯᠮᠦᠷᠢᠯᠡᠭᠰᠡᠨ ᠢᠶᠠᠷ  ᠤᠷᠳᠤᠰ ᠤᠨ ᠨᠡᠬᠦᠳᠡᠯᠯᠡᠨ ᠮᠠᠯᠵᠢᠬᠤ ᠠᠵᠣ ᠠᠬᠤᠢ ᠬᠦᠭᠵᠢᠪᠠ᠃ ᠵᠠᠭᠤ ᠭᠠᠷᠤᠢ ᠵᠢᠯ ᠤᠨ ᠬᠤᠭᠤᠷᠤᠨᠳᠤ᠂ ᠡᠾᠦ᠋ᠩᠨᠤ  ᠦᠨᠳᠦᠰᠦᠳᠡᠨ ᠪᠠ ᠬᠢᠳᠠᠳ ᠦᠨᠳᠦᠰᠦᠳᠡᠨ ᠬᠤᠯᠢᠯᠳᠤᠨ ᠰᠠᠭᠤᠷᠰᠢᠵᠤ᠂ ᠡᠾᠦ᠋ᠩᠨᠤ ᠦᠨᠳᠦᠰᠦᠳᠡᠨ᠂ ᠬᠢᠳᠠᠳ ᠦᠨᠳᠦᠰᠦᠳᠡᠨ ᠤ ᠠᠵᠤ ᠠᠬᠤᠢ᠂ ᠰᠤᠶᠤᠯ ᠤᠨ ᠨᠦᠯᠦᠭᠡ ᠶᠢ ᠬᠦᠷᠳᠡᠭᠡᠳ᠂ ᠨᠢᠭᠡ ᠪᠦᠯᠦᠭ ᠡᠾᠦ᠋ᠩᠨᠤ ᠶᠢᠨ ᠠᠷᠠᠳ ᠲᠦᠮᠡᠨ ᠲᠠᠷᠢᠶ᠎ᠠ ᠲᠠᠷᠢᠵᠤ ᠰᠤᠷᠤᠭᠠᠳ᠂ ᠤᠤᠯ ᠤᠨ ᠲᠠᠩ ᠭᠠᠭᠴᠠ ᠨᠡᠬᠦᠳᠡᠯᠯᠡᠨ ᠮᠠᠯᠵᠢᠳᠠᠭ ᠦᠢᠯᠢᠳᠪᠦᠷᠢᠯᠡᠯ ᠠᠴᠠ ᠪᠠᠨ ᠬᠠᠭᠠᠰ ᠮᠠᠯᠵᠢᠯ ᠬᠠᠭᠠᠰ ᠲᠠᠷᠢᠶᠠᠯᠠᠩ ᠤᠨ ᠦᠢᠯᠳᠪᠦᠷᠢᠯᠡᠯ ᠤᠨ ᠭᠡᠯᠪᠡᠷᠢ ᠵᠦᠭ ᠰᠢᠯᠵᠢᠵᠠᠢ᠃    ᠵᠡᠬᠦᠨ ᠬᠠᠨ ᠤᠯᠤᠰ ᠤᠨ ᠤᠷᠳᠣᠰ ᠤᠨ ᠭᠤᠤᠯ ᠰᠠᠭᠤᠭᠠᠯᠢ ᠠᠷᠠᠳ ᠪᠤᠯ ᠡᠮᠦᠨᠡᠳᠤ ᠡᠾᠦ᠋ᠩᠨᠤ ᠪᠤᠯᠤᠨ᠎ᠠ᠃ ᠡᠮᠦᠨᠡᠳᠤ ᠡᠾᠦ᠋ᠩᠨᠤ ᠭᠡᠳᠦᠶᠢᠪᠡᠷ ᠶᠡᠭᠡ ᠲᠦᠯᠦᠪ ᠲᠡᠭᠡᠨ ᠵᠡᠬᠦᠨ ᠬᠠᠨ ᠤᠯᠤᠰ ᠤᠨ ᠡᠯ᠎ᠠ ᠵᠢᠶᠦ᠋ᠨ ᠳᠤ ᠬᠠᠷᠢᠶᠠᠯᠠᠭᠳᠠᠬᠤ ᠪᠤᠯᠪᠠᠴᠤ᠂ ᠡᠾᠦ᠋ᠩᠨᠤ ᠶᠢᠨ ᠪᠤᠳᠠᠳᠤ ᠪᠠᠶᠢᠳᠠᠯ ᠠᠴᠠ ᠦᠵᠡᠪᠡᠯ᠂ ᠪᠠᠰᠠ ᠦᠩᠭᠡᠷᠡᠭᠰᠡᠨ ᠤ ᠠᠶᠢᠮᠠᠭ ᠪᠦᠯᠦᠭ ᠤᠨ ᠶᠤᠰᠤ ᠲᠦᠷᠢᠮ ᠢᠶᠠᠨ ᠪᠠᠷᠢᠮᠳᠠᠯᠠᠵᠤ ᠪᠠᠶᠢᠪᠠ᠃ ᠡᠶᠢᠮᠤ ᠠᠴᠠ ᠲᠤᠬᠠᠢ ᠶᠢᠨ ᠦᠶ᠎ᠠ ᠳᠤ ᠤᠷᠳᠤᠰ ᠢ ᠭᠡᠰᠡᠭᠯᠡᠨ ᠬᠠᠮᠢᠶᠠᠷᠴᠤ ᠪᠠᠶᠢᠭᠰᠠᠨ ᠡᠯ᠎ᠠ ᠵᠢᠶᠦ᠋ᠨ ᠨᠦᠭᠦᠳ᠂ ᠵᠢᠶᠦ᠋ᠨ ᠰᠢᠶᠠᠨ ᠤ ᠪᠠᠶᠢᠭᠤᠯᠤᠮᠵᠢ ᠠᠴᠠ ᠭᠠᠳᠠᠨ᠎ᠠ ᠡᠮᠦᠨᠡᠳᠤ ᠡᠾᠦ᠋ᠩᠨᠤ ᠶᠢᠨ ᠴᠠᠨ ᠢᠤᠢ ᠶᠢᠨ ᠨᠤᠶᠠᠷᠬᠠᠯ ᠲᠤᠤᠷᠠᠬᠢ ᠠᠶᠢᠮᠠᠭ ᠪᠦᠯᠦᠭ ᠤᠳ ᠤᠨ ᠣᠨᠴᠠᠭᠠᠢ ᠵᠠᠰᠠᠭ ᠵᠠᠬᠢᠷᠭᠠᠨ ᠤ ᠪᠠᠶᠢᠭᠤᠯᠤᠮᠵᠢ ᠪᠠᠰᠠ ᠪᠤᠳᠠᠳᠠᠢ ᠤᠷᠤᠰᠢᠵᠤ ᠪᠠᠶᠢᠪᠠ᠃ ᠡᠮᠦᠨᠡᠳᠤ ᠡᠾᠦ᠋ᠩᠨᠤ᠂ ᠵᠡᠬᠦᠨᠭᠠᠷ ᠲᠤ ᠰᠠᠭᠤᠵᠤ ᠪᠠᠶᠢᠭᠰᠠᠨ ᠨᠢᠭᠡ ᠵᠠᠭᠤ ᠭᠤᠴᠢ ᠲᠦᠴᠢᠨ ᠵᠢᠯ ᠤᠨ ᠬᠤᠭᠤᠷᠤᠨᠳᠤ ᠴᠠᠨ ᠢᠤᠢ ᠨᠢᠭᠡᠨᠳᠠ ᠠᠷᠪᠠ ᠶᠢᠰᠤᠨ ᠦᠶ᠎ᠠ ᠪᠤᠯᠪᠠ᠃ ᠵᠡᠬᠦᠨ ᠬᠠᠨ ᠤᠯᠤᠰ ᠤᠨ ᠰᠡᠬᠦᠯᠴᠢ ᠪᠠᠷ ᠡᠮᠦᠨᠡᠳᠤ ᠡᠾᠦ᠋ᠩᠨᠤ ᠨᠢᠭᠡᠨᠳᠠ23 ᠲᠦᠮᠡᠨ ᠬᠦᠮᠦᠨ ᠲᠠᠢ᠂ ᠲᠠᠪᠤᠨ ᠲᠦᠮᠡᠨ ᠮᠤᠷᠢᠳᠤ ᠴᠡᠷᠢᠭ ᠲᠠᠢ ᠪᠤᠯᠵᠠᠢ᠃ ᠡᠨᠡ ᠦᠶ᠎ᠠ ᠶᠢᠨ ᠡᠮᠦᠨᠡᠳᠤ ᠡᠾᠦ᠋ᠩᠨᠤ ᠶᠢᠨ ᠮᠤᠷᠢᠳᠤ ᠴᠡᠷᠢᠭ ᠬᠤᠶᠢᠳᠤ ᠡᠾᠦ᠋ᠩᠨᠤ᠂ ᠰᠢᠶᠠᠨᠪᠸᠢ᠂ ᠴᠢᠶᠠᠩ ᠢ ᠴᠤᠬᠢᠬᠤ ᠵᠡᠬᠦᠨ ᠬᠠᠨ ᠤᠯᠤᠰ ᠤᠨ ᠭᠤᠤᠯ ᠬᠦᠴᠦᠨ ᠪᠤᠯᠤᠭᠰᠠᠨ ᠶᠤᠮ᠃    ᠵᠡᠬᠦᠨ ᠬᠠᠨ ᠤᠯᠤᠰ ᠤᠨ ᠦᠶ᠎ᠠ ᠳᠤ᠂ ᠡᠮᠦᠨᠡᠰᠢ ᠨᠡᠬᠦᠳᠡᠯᠯᠡᠭᠰᠡᠨ ᠤᠮᠠᠷᠠᠳᠤ ᠤᠷᠤᠨ ᠤ ᠴᠦᠭᠡᠨ ᠲᠤᠭᠠᠳᠤ ᠦᠨᠳᠤᠰᠦᠳᠡᠨ ᠳᠤ ᠡᠮᠦᠨᠡᠳᠤ ᠡᠾᠦ᠋ᠩᠨᠤ ᠠᠴᠠ ᠭᠠᠳᠠᠨ᠎ᠠ ᠪᠠᠰᠠ ᠡᠤ ᠬᠤᠸᠠᠨ᠂ ᠰᠢᠶᠠᠨᠪᠸᠢ᠂ ᠴᠢᠶᠠᠩ ᠵᠡᠷᠭᠡ ᠦᠨᠳᠦᠰᠦᠳᠡᠨ ᠪᠤᠢ᠃ ᠲᠡᠳᠠ ᠤᠷᠳᠤᠰ ᠨᠤᠳᠤᠭ ᠲᠤ ᠢᠷᠡᠭᠰᠡᠨ ᠤ ᠲᠠᠷᠠᠭ᠎ᠠ᠂ ᠵᠡᠬᠦᠨ ᠬᠠᠨ ᠤᠯᠤᠰ᠂ ᠪᠠᠷᠠᠭᠤᠨ ᠬᠠᠨ ᠤᠯᠤᠰ ᠤᠨ ︽ᠬᠠᠷᠢᠶᠠᠳᠤ ᠤᠯᠤᠰ ᠤᠨ ᠲᠦᠰᠢᠮᠡᠯ︾ ᠤᠨ ᠲᠦᠷᠢᠮ ᠢ ᠰᠡᠷᠬᠦᠭᠡᠨ ᠬᠡᠷᠡᠭᠯᠡᠵᠤ᠂ ᠲᠤᠰᠬᠠᠶᠢᠯᠠᠨ ᠡᠳᠡᠭᠡᠷ ᠡᠮᠦᠨᠡᠰᠢ ᠨᠡᠬᠦᠨ ᠢᠷᠡᠭᠰᠡᠨ ᠴᠦᠭᠡᠨ ᠲᠤᠭᠠᠳᠤ ᠦᠨᠳᠦᠰᠦᠳᠡᠨ ᠢ ᠬᠠᠮᠢᠶᠠᠷᠪᠠ᠃ ᠬᠡᠪᠡᠴᠤ ᠵᠡᠬᠦᠨ ᠬᠠᠨ ᠤᠯᠤᠰ ᠤᠨ ᠰᠡᠬᠦᠯᠴᠢ ᠪᠤᠯᠤᠭᠠᠳ᠂ ᠨᠤᠶᠠᠷᠬᠠᠭᠴᠢ ᠠᠩᠬᠢ ᠤᠯᠤᠰ ᠲᠦᠷᠦ ᠶᠢᠨ ᠲᠠᠯ᠎ᠠ ᠪᠠᠷ ᠢᠯᠵᠠᠷᠡᠨ ᠲᠤᠷᠤᠶᠢᠳᠠᠭᠠᠳ᠂ ᠦᠨᠳᠦᠰᠦᠳᠡᠨ ᠤ ᠵᠦᠷᠢᠴᠡᠯ ᠡᠳᠦᠷ ᠠᠴᠠ ᠡᠳᠤᠷ ᠬᠤᠷᠴᠠᠳᠴᠤ᠂ ᠤᠷᠳᠤᠰ ᠨᠤᠳᠤᠭ ᠤᠨ ᠤᠯᠤᠰ ᠲᠦᠷᠤ ᠶᠢᠨ ᠪᠠᠶᠢᠳᠠᠯ ᠠᠭᠠᠵᠢᠮ ᠢᠶᠠᠷ ᠰᠠᠮᠠᠭᠤᠷᠠᠵᠤ ᠡᠬᠢᠯᠡᠪᠡ᠃ ᠡᠨᠡ ᠦᠶ᠎ᠠ᠂ ᠵᠠᠷᠢᠮ ᠴᠦᠭᠡᠨ ᠲᠤᠭᠠᠳᠤ ᠦᠨᠳᠦᠰᠦᠳᠡᠨ ᠤ ᠢᠵᠠᠭᠤᠷᠳᠠᠨ ᠵᠠᠪᠰᠢᠶᠠᠨ ᠢ ᠲᠠᠯᠢᠮᠳᠠᠭᠤᠯᠵᠤ᠂ ᠵᠡᠬᠦᠨ ᠬᠠᠨ ᠤᠯᠤᠰ ᠤᠨ ᠬᠠᠭᠠᠨᠳᠤ ᠲᠦᠷᠤ ᠠᠴᠠ ᠤᠷᠪᠠᠪᠠ᠃ ᠱᠦᠨ ᠳ᠋ᠢ ᠬᠠᠭᠠᠨ ᠤ ᠶᠦᠩ ᠡᠾᠧ ᠶᠢᠨ ᠲᠠᠪᠤᠳᠤᠭᠠᠷ ᠤᠨ ︵ᠨᠡᠶᠢᠳᠠ ᠶᠢᠨ ᠤᠨ ᠲᠤᠭᠠᠯᠠᠯ ᠤᠨ140 ᠤᠨ︶ ᠳᠤ᠂ ᠡᠮᠦᠨᠡᠳᠤ ᠡᠾᠦ᠋ᠩᠨᠤ ᠶᠢᠨ ᠵᠡᠬᠦᠨ ᠭᠡᠰᠡᠭ ᠤᠨ ᠵᠢᠤᠢ ᠯᠦᠩ ᠸᠠᠩ ᠡᠤ ᠰᠧ ᠵᠡᠬᠦᠨ ᠬᠠᠨ ᠤᠯᠤᠰ ᠠᠴᠠ ᠤᠷᠪᠠᠭᠰᠠᠨ ᠳᠤ ᠬᠡᠳᠤᠨ ᠲᠦᠮᠡ ᠰᠢᠬᠠᠮ ᠡᠤ ᠬᠤᠸᠠᠨ᠂ ᠴᠢᠶᠠᠩ᠂ ᠷᠦᠩ᠂ ᠡᠤ ᠰᠧ ᠶᠢ ᠲᠠᠭᠠᠵᠤ ᠵᠡᠬᠦᠨ ᠬᠠᠨ ᠤᠯᠤᠰ ᠢ ᠡᠰᠡᠷᠬᠦᠴᠡᠪᠡ᠃ ᠵᠡᠬᠦᠨ ᠬᠠᠨ ᠤᠯᠤᠰ ᠢ ᠡᠰᠡᠷᠬᠦᠴᠡᠭᠰᠡᠨ ᠡᠤ ᠰᠧ ᠶᠢᠨ ᠰᠦᠷ ᠬᠦᠴᠦᠨ ᠤᠯᠠᠮ ᠠᠴᠠ ᠶᠡᠭᠡᠳᠴᠤ᠂ ᠵᠡᠬᠦᠨ ᠬᠠᠨ ᠤᠯᠤᠰ ᠤᠨ ᠤᠷᠳᠤᠰ ᠲᠠᠬᠢ ᠨᠤᠶᠠᠷᠬᠠᠬᠤ ᠰᠠᠭᠤᠷᠢ ᠶᠢ ᠭᠤᠶᠢᠪᠢᠭᠤᠯᠪᠠ᠃    ᠯᠢᠩ ᠳ᠋ᠢ ᠬᠠᠭᠠᠨ ᠯᠢᠤ ᠬᠤᠩ ᠰᠠᠭᠤᠷᠢᠨ ᠳᠤ ᠭᠠᠷᠤᠭᠰᠠᠨ ᠡᠬᠢᠨ ᠤ ᠦᠶ᠎ᠠ ︵ᠨᠡᠶᠢᠳᠠ ᠶᠢᠨ ᠤᠨ  ᠲᠤᠭᠠᠯᠠᠯ ᠤᠨ168 ᠤᠨ︶ ᠳᠤ᠂ ᠵᠡᠬᠦᠨ ᠬᠠᠨ ᠤᠯᠤᠰ ᠤᠨ ᠬᠠᠭᠠᠨᠳᠤ ᠲᠦᠷᠦ᠂ ᠲᠠᠷᠢᠶᠠᠴᠢᠨ ᠤ ᠪᠤᠰᠤᠯᠭ᠎ᠠ ᠶᠢᠨ ᠴᠤᠬᠢᠯᠳᠠ ᠲᠤᠤᠷ᠎ᠠ᠂ ᠪᠦᠬᠦ ᠤᠯᠤᠰ ᠲᠠᠬᠢ ᠨᠤᠶᠠᠷᠬᠠᠯ ᠢᠶᠠᠨ ᠭᠡᠷᠡᠭ ᠲᠡᠭᠡᠷ᠎ᠠ ᠪᠨ ᠬᠠᠮᠠᠭᠠᠯᠠᠵᠤ ᠲᠡᠶᠢᠯᠬᠦ ᠦᠭᠡᠢ ᠪᠤᠯᠵᠠᠢ᠃ ᠡᠮᠦᠨᠡᠳᠤ ᠡᠾᠦ᠋ᠩᠨᠤ ᠶᠢᠨ ᠪᠠᠷᠠᠭᠤᠨ ᠭᠡᠰᠡᠭ ᠤᠨ ᠠᠷᠪᠠᠨ ᠲᠦᠮᠡ ᠢᠯᠡᠬᠦᠤ ᠬᠦᠮᠦᠨ ᠪᠤᠰᠤᠯᠴᠠᠨ᠂ ᠴᠢᠶᠠᠩ ᠴᠢᠤᠢ ᠴᠠᠨ ᠢᠤᠢ ᠶᠢ ᠠᠯᠠᠵᠤ᠂ ᠹᠦ᠋ ᠬᠦ᠋ ᠳ᠋ᠦ᠋ ᠡᠾᠸᠤ ᠶᠢ ᠴᠠᠨ ᠢᠤᠢ ᠪᠤᠯᠭᠠᠪᠠ᠃ ᠴᠢᠶᠠᠩ ᠢᠤᠢ ᠴᠠᠨ ᠢᠤᠢ ᠶᠢᠨ ᠬᠦᠤ ᠢᠤᠢ ᠹᠦ᠋ ᠯᠦᠸᠧ ᠳ᠋ᠢ ᠵᠡᠬᠦᠨ ᠬᠠᠨ ᠤᠯᠤᠰ ᠠᠴᠠ ᠲᠤᠰᠠᠯᠠᠮᠵᠢ ᠭᠤᠶᠤᠵᠤ᠂ ᠭᠤᠤᠯ ᠤᠨ ᠵᠡᠬᠦᠨᠳᠠᠢ ᠫᠢᠩ ᠶᠠᠩ ᠳᠤ ᠨᠡᠶᠢᠰᠯᠡᠵᠤ᠂ ᠪᠡᠶ᠎ᠠ ᠪᠠᠨ ᠴᠠᠨ ᠢᠤᠢ ᠭᠡᠮᠡᠪᠡ᠃ ᠢᠩᠬᠢᠭᠡᠳ ᠨᠡᠶᠢᠳᠠ ᠶᠢᠨ ᠤᠨ ᠲᠤᠭᠠᠯᠠᠯ ᠤᠨ188 ᠤᠨ ᠠᠴᠠ ᠬᠤᠶᠢᠰᠢ᠂ ᠤᠷᠳᠤᠰ ᠨᠤᠳᠤᠭ ᠲᠠᠬᠢ ᠡᠮᠦᠨᠡᠳᠤ ᠡᠾᠦ᠋ᠩᠨᠣ ᠭᠡᠷᠡᠭ ᠲᠡᠭᠡᠷ᠎ᠠ ᠪᠠᠨ ᠵᠡᠬᠦᠨ ᠬᠠᠨ ᠤᠯᠤᠰ ᠤᠨ ᠬᠠᠷᠢᠶᠠᠨ ᠠᠴᠠ ᠭᠠᠷᠴᠤ᠂ ᠲᠤᠰᠭᠠᠷᠯᠠᠭᠰᠠᠨ ᠪᠠᠶᠢᠳᠠᠯ ᠲᠠᠢ ᠪᠤᠯᠪᠠ᠃    ᠵᠢᠶᠠᠨ ᠠᠨ ᠤ ᠬᠤᠷᠢᠳᠤᠭᠠᠷ ᠤᠨ ︵ᠨᠡᠶᠢᠳᠠ ᠶᠢᠨ ᠤᠨ ᠲᠤᠭᠠᠯᠠᠯ ᠤᠨ215 ᠤᠨ︶ ᠳᠤ᠂ ᠼᠣᠣ ᠼᠣᠣ ᠬᠡᠳᠦᠶᠢᠪᠡᠷ ᠤᠮᠠᠷᠠᠳᠤ ᠤᠷᠤᠨ ᠤ ᠬᠡᠰᠡᠭᠯᠡᠨ ᠡᠵᠡᠯᠡᠭᠰᠡᠨ ᠪᠠᠶᠢᠳᠠᠯ ᠢ ᠡᠴᠦᠰᠯᠡᠬᠦᠯᠦᠭᠰᠡᠨ ᠪᠤᠯᠪᠠᠴᠤ᠂ ᠵᠡᠬᠦᠨ ᠬᠠᠨ ᠤᠯᠤᠰ ᠤᠨ ᠤᠷᠳᠤᠰ ᠲᠠᠬᠢ ᠨᠤᠶᠠᠷᠬᠠᠯ ᠢ ᠦᠷᠬᠦᠯᠵᠢᠯᠡᠬᠦᠯᠵᠤ ᠴᠢᠳᠠᠭᠰᠠᠨ ᠦᠭᠡᠢ᠃ ᠢᠩᠬᠢᠭᠡᠳ ᠵᠠᠷᠯᠢᠭ ᠪᠠᠭᠤᠯᠭᠠᠨ᠂ ᠡᠤ ᠶᠤᠸᠠᠨ ᠵᠢᠶᠦ᠋ᠨ᠂ ᠱᠦᠸᠧ ᠹᠠᠩ ᠵᠢᠶᠦ᠋ᠨ ᠢ ᠬᠠᠰᠤᠵᠤ ᠦᠭᠡᠶᠢᠰᠭᠡᠪᠡ᠃ ᠡᠤ ᠶᠤᠸᠠᠨ᠂ ᠱᠦᠸᠧ ᠹᠠᠩ ᠵᠡᠷᠭᠡ ᠵᠢᠶᠦ᠋ᠨ ᠢᠶᠠᠷ ᠪᠠᠶᠢᠭᠰᠨ ᠬᠢᠳᠠᠳ ᠬᠦᠮᠦᠨ ᠢ ᠱᠠᠨ ᠰᠢ ᠶᠢᠨ ᠬᠤᠶᠢᠳᠤ ᠭᠡᠰᠡᠭ ᠲᠤ ᠨᠡᠬᠦᠯᠭᠡᠵᠤ᠂ ᠰᠢᠨ ᠰᠢᠩ ᠵᠢᠶᠦ᠋ᠨ ᠭᠡᠵᠤ ᠪᠠᠶᠢᠭᠤᠯᠤᠭᠠᠳ᠂ ᠡᠳᠡᠭᠡᠷ ᠨᠡᠬᠦᠳᠡᠯᠯᠡᠭᠰᠡᠨ ᠡᠷᠦᠭᠡ ᠶᠢ ᠬᠠᠮᠶᠠᠷᠤᠭᠤᠯᠪᠠ᠃ ᠬᠠᠨ ᠤᠯᠤᠰ ᠲᠤ ᠬᠠᠮᠢᠶᠠᠷᠤᠭᠳᠠᠵᠤ ᠪᠠᠶᠢᠭᠰᠠᠨ ᠬᠢᠳᠠᠳ ᠦᠨᠳᠦᠰᠦᠳᠡᠨ ᠤᠷᠳᠤᠰ ᠠᠴᠠ ᠭᠠᠷᠤᠮᠠᠭᠴᠠ᠂ ᠤᠷᠳᠤᠰ ᠨᠤᠳᠤᠭ ᠲᠦᠪ ᠤᠨ ᠬᠠᠭᠠᠨᠳᠤ ᠲᠦᠷᠤ ᠶᠢᠨ  ᠨᠤᠶᠠᠷᠬᠠᠯ ᠠᠴᠠ ᠰᠠᠯᠵᠤ᠂ ᠡᠾᠦ᠋ᠩᠨᠤ᠂ ᠰᠢᠶᠠᠨᠪᠸᠢ᠂ ᠡᠤ ᠬᠤᠸᠠᠨ᠂ ᠴᠢᠶᠠᠩ ᠵᠡᠷᠭᠡ ᠴᠦᠭᠡᠨ ᠲᠤᠭᠠᠳᠤ ᠦᠨᠳᠦᠰᠦᠳᠡᠨ ᠤ ᠨᠡᠬᠦᠳᠡᠯᠯᠡᠨ ᠮᠠᠯᠵᠢᠬᠤ ᠤᠷᠤᠨ ᠪᠤᠯᠪᠠ᠃    ᠲᠠᠪᠤ᠂ ᠬᠤᠶᠠᠷ ᠶᠢᠨ᠂ ᠠᠷᠪᠠᠨ ᠵᠢᠷᠭᠤᠭᠠᠨ ᠤᠯᠤᠰ ᠵᠢᠴᠢ ᠡᠮᠦᠨᠡᠳᠤ ᠤᠮᠠᠷᠠᠳᠤ ᠲᠦᠷᠤ ᠶᠢᠨ ᠦᠶ᠎ᠠ   ᠪᠠᠷᠠᠭᠤᠨ ᠶᠢᠨ ᠤᠯᠤᠰ ᠤᠨ ᠡᠤ ᠳ᠋ᠢ ᠬᠠᠭᠠᠨ ᠰᠧ ᠮᠠ ᠶᠠᠨ᠂ ᠲᠠᠢ ᠺᠠᠩ ᠤᠨ ᠠᠩᠬᠠᠳᠤᠭᠠᠷ ᠤᠨ ︵ ᠨᠡᠶᠢᠳᠠ ᠶᠢᠨ ᠤᠨ ᠲᠤᠭᠠᠯᠠᠯ ᠤᠨ280 ᠤᠨ︶ ᠳᠤ᠂ ᠸᠧᠢ᠂ ᠱᠤ᠋᠂ ᠡᠤ ᠭᠤᠷᠪᠠᠨ ᠤᠯᠤᠰ ᠤᠨ ᠬᠦᠯᠢᠯ ᠤᠨ ᠬᠦᠯ ᠮᠡᠳᠤ ᠲᠤᠭᠳᠠᠨᠢᠭᠰᠠᠨ ᠪᠠᠶᠢᠳᠠᠯ ᠢ ᠡᠴᠦᠰᠯᠡᠬᠦᠯᠵᠤ᠂ ᠶᠦᠩ ᠫᠢᠩ ᠤᠨ ᠠᠩᠬᠠᠳᠤᠭᠠᠷ ᠤᠨ ︵ᠨᠡᠶᠢᠳᠠ ᠶᠢᠨ ᠤᠨ ᠲᠤᠭᠠᠯᠠᠯ ᠤᠨ291 ᠤᠨ︶ ᠳᠤ᠂ ᠠᠷᠪᠠᠨ ᠵᠢᠷᠭᠤᠭᠠᠨ ᠵᠢᠯ ᠦᠷᠬᠦᠯᠵᠢᠯᠡᠭᠰᠡᠨ ︽ᠨᠠᠢᠮᠠᠨ ᠸᠠᠩ ᠤᠨ ᠰᠠᠮᠠᠭᠤᠷᠠᠯ︾ ᠡᠬᠦᠰᠪᠡ᠃ ᠡᠨᠡ ᠦᠶ᠎ᠠ ᠳᠤ ᠪᠠᠷᠠᠭᠤᠨ ᠶᠢᠨ ᠤᠯᠤᠰ᠂ ᠤᠷᠳᠤᠰ ᠪᠤᠯᠤᠨ ᠤᠮᠠᠷᠠᠳᠤ ᠬᠢᠯᠢ ᠬᠢᠵᠠᠭᠠᠷ ᠢᠶᠠᠨ ᠪᠠᠭᠢᠵᠢᠬᠦᠯᠦᠨ ᠴᠢᠩᠭᠠᠳᠬᠠᠬᠤ ᠠᠰᠠᠭᠤᠳᠠᠯ ᠢ ᠬᠠᠮᠢᠶᠠᠷᠬᠤ ᠴᠢᠳᠠᠯ ᠦᠭᠡᠢ ᠪᠤᠯᠵᠠᠢ᠃ ᠡᠨᠡ ᠦᠶ᠎ᠠ ᠶᠢᠨ ᠤᠷᠳᠤᠰ᠂ ᠡᠾᠦ᠋ᠩᠨᠤ ᠵᠡᠷᠭᠡ ᠴᠦᠭᠡᠨ ᠲᠤᠭᠠᠳᠤ ᠦᠨᠳᠦᠰᠦᠳᠡᠨ ᠳᠤ ᠡᠵᠡᠮᠰᠢᠭᠳᠡᠵᠤ᠂ ᠶᠤᠸᠠᠨ ᠺᠠᠩ ᠤᠨ ᠲᠠᠪᠤᠳᠤᠭᠠᠷ ᠤᠨ ︵ᠨᠡᠶᠢᠳᠠ ᠶᠢᠨ ᠤᠨ  ᠲᠤᠭᠠᠯᠠᠯ ᠤᠨ295 ᠤᠨ︶ ᠳᠤ᠂ ᠲᠦᠸᠧ ᠪᠠ ᠠᠶᠢᠮᠠᠭ ᠤᠨ ᠯᠤ᠋ ᠭᠤᠸᠠᠨ ᠶᠡᠭᠡ ᠨᠤᠶᠠᠨ ᠤ ᠰᠠᠭᠤᠷᠢᠨ ᠢ  ᠵᠠᠯᠭᠠᠮᠵᠢᠯᠠᠭᠠᠳ᠂ ᠲᠡᠬᠦᠨ ᠤ ᠠᠴᠢ ᠢ ᠯᠤ᠋ ᠪᠠᠷ ᠴᠡᠷᠢᠭ ᠲᠠᠭᠠᠭᠤᠯᠤᠨ᠂ ᠬᠠᠳᠤᠨ ᠭᠤᠤᠯ ᠢ ᠬᠡᠳᠤᠯᠵᠤ᠂ ᠡᠾᠦ᠋ᠩᠨᠤ᠂ ᠡᠤ ᠬᠤᠸᠠᠨ ᠢ ᠴᠤᠬᠢᠨ ᠢᠯᠠᠭᠠᠳ᠂ ᠤᠷᠳᠤᠰ ᠨᠤᠳᠤᠭ ᠢ ᠡᠵᠡᠯᠡᠵᠤ᠂ ᠪᠤᠰᠤᠳ ᠴᠦᠭᠡᠨ ᠲᠤᠭᠠᠳᠤ ᠦᠨᠳᠦᠰᠦᠳᠡᠨ ᠢ ᠶᠦᠨ ᠵᠦᠩ᠂ ᠡᠤ ᠶᠤᠸᠠᠨ᠂ ᠱᠦᠸᠧ ᠹᠠᠩ ᠵᠡᠷᠭᠡ ᠤᠯᠠᠨ ᠵᠢᠶᠦ᠋ᠨ ᠳᠤ ᠨᠡᠬᠦᠯᠭᠡᠵᠠᠢ ︵ᠡᠬᠦᠨ ᠳᠤ ᠤᠷᠳᠤᠰ ᠤᠨ ᠵᠡᠬᠦᠨ ᠬᠤᠶᠢᠳᠤ ᠭᠡᠰᠡᠭ ᠤᠨ ᠵᠠᠷᠢᠮ ᠭᠠᠵᠠᠷ ᠪᠠᠭᠳᠠᠨ᠎ᠠ︶᠃    ᠪᠠᠷᠠᠭᠤᠨ ᠶᠢᠨ ᠤᠯᠤᠰ ᠤᠨ ᠠᠩᠬᠢ ᠶᠢᠨ ᠵᠦᠷᠢᠴᠡᠯ ᠪᠤᠯᠤᠨ ᠦᠨᠳᠦᠰᠦᠳᠡᠨ ᠤ ᠵᠦᠷᠢᠴᠡᠯ ᠡᠳᠦᠷ ᠠᠴᠠ ᠡᠳᠦᠷ ᠬᠤᠷᠴᠠᠳᠴᠤ᠂ ᠵᠠᠷᠢᠮ ᠴᠦᠭᠡᠨ ᠲᠤᠭᠠᠳᠤ ᠦᠨᠳᠦᠰᠦᠳᠡᠨ ᠤ ᠢᠵᠠᠭᠤᠷᠳᠠᠨ ᠪᠤᠰᠤᠯᠴᠠᠨ᠂ ᠪᠠᠷᠠᠭᠤᠨ ᠶᠢᠨ ᠤᠯᠤᠰ ᠢ ᠡᠰᠡᠷᠬᠦᠴᠡᠵᠤ᠂ ᠹᠸᠤᠳᠠᠯ ᠤᠨ ᠭᠡᠰᠡᠭᠯᠡᠨ ᠡᠵᠡᠯᠡᠬᠦ ᠪᠠᠶᠢᠳᠠᠯ ᠢ ᠪᠤᠢ ᠪᠤᠯᠭᠠᠪᠠ᠃ ᠶᠢᠨ ᠬᠤᠸᠠᠢ ᠳ᠋ᠢ ᠬᠠᠭᠠᠨ ᠤ ᠶᠦᠩ ᠵᠢᠶᠠ ᠶᠢᠨ ᠲᠦᠷᠪᠡᠳᠦᠭᠡᠷ ᠤᠨ ︵ᠨᠡᠶᠢᠳᠠ ᠶᠢᠨ ᠤᠨ ᠲᠤᠭᠠᠯᠠᠯ ᠤᠨ310 ᠤᠨ︶ ᠳᠤ᠂ ᠡᠾᠦ᠋ᠩᠨᠤ ᠶᠢᠨ ᠬᠤᠶᠢᠳᠤ ᠭᠡᠰᠡᠭ ᠤᠨ ᠲᠢᠶᠧ ᠹᠸᠢ ᠠᠶᠢᠮᠠᠭ ᠤᠨ ᠯᠢᠤ ᠬᠤ᠋᠂ ᠯᠤ᠋ ᠺᠦᠨ ᠪᠠ ᠲᠦᠸᠧ ᠪᠠ ᠶᠢᠨ ᠢ ᠯᠤ᠋ ᠶᠢᠨ ᠬᠤᠯᠪᠤᠭᠠᠳᠤ ᠴᠡᠷᠢᠭ ᠲᠤ ᠴᠤᠬᠢᠭᠳᠠᠨ ᠢᠯᠠᠭᠳᠠᠵᠤ᠂ ᠲᠢᠶᠧ ᠹᠸᠢ ᠠᠶᠢᠮᠠᠭ ᠤᠨ ᠯᠢᠤ ᠬᠤ᠋᠂ ᠱᠠᠨ ᠰᠢ ᠶᠢᠨ ᠬᠤᠶᠢᠳᠤ ᠪᠡᠶ᠎ᠠ ᠠᠴᠠ ᠰᠢᠯᠵᠢᠨ᠂ ᠤᠷᠳᠤᠰ ᠲᠤ ᠢᠷᠡᠵᠤ ᠪᠠᠬᠢᠯᠡᠨ ᠰᠠᠬᠢᠵᠤ᠂ ᠤᠷᠳᠤᠰ ᠨᠤᠳᠤᠭ ᠢ ᠡᠵᠡᠯᠡᠪᠡ᠃ ᠯᠢᠤ ᠬᠤ᠋ ᠡᠮᠦᠨᠡᠳᠤ ᠵᠤᠤ ᠤᠯᠤᠰ ᠤᠨ ᠯᠢᠤ ᠽᠦᠩ ᠢ ᠲᠠᠭᠠᠵᠤ᠂ ᠯᠢᠤ ᠽᠦᠩ᠂ ᠯᠢᠤ ᠬᠤ᠋ ᠶᠢ ᠤᠮᠠᠷᠠᠳᠤ ᠶᠢ ᠲᠦᠪᠰᠢᠳᠭᠡᠬᠦ ᠵᠠᠩᠵᠤᠨ ᠬᠡᠮᠡᠨ ᠡᠷᠬᠦᠮᠵᠢᠯᠡᠵᠤ᠂ ᠵᠦᠩ ᠯᠠᠩ ᠵᠢᠶᠠᠩ ᠵᠠᠩᠵᠤᠨ ᠪᠤᠯᠭᠠᠭᠠᠳ᠂ ᠤᠷᠳᠤᠰ ᠨᠤᠳᠤᠭ ᠲᠠᠬᠢᠨ ᠡᠮᠦᠨᠡᠳᠤ ᠵᠤᠤ ᠤᠯᠤᠰ ᠤᠨ ᠭᠠᠵᠠᠷ ᠪᠤᠯᠪᠠ᠃    ᠵᠢᠶᠠᠨ ᠰᠢᠩ ᠤᠨ ᠲᠦᠷᠪᠡᠳᠦᠭᠡᠷ ᠤᠨ ︵ᠨᠡᠶᠢᠳᠠ ᠶᠢᠨ ᠤᠨ ᠲᠤᠭᠠᠯᠠᠯ ᠤᠨ316 ᠤᠨ︶ ᠳᠤ᠂ ᠪᠠᠷᠠᠭᠤᠨ  ᠶᠢᠨ ᠤᠯᠤᠰ ᠡᠾᠦ᠋ᠩᠨᠤ ᠳᠤ ᠮᠦᠬᠦᠭᠡᠭᠳᠡᠪᠡ᠃ ᠨᠡᠶᠢᠳᠠ ᠶᠢᠨ ᠤᠨ ᠲᠤᠭᠠᠯᠠᠯ ᠤᠨ319 ᠤᠨ ᠳᠤ ᠬᠦᠷᠠᠬᠠᠨ ᠬᠦᠮᠦᠨ ᠱᠢ ᠯᠧ ᠪᠠᠰᠠ ᠤᠮᠠᠷᠠᠳᠤ ᠤᠷᠤᠨ ᠳᠠᠬᠢ ᠪᠠᠷᠠᠭᠤᠨ ᠶᠢᠨ ᠤᠯᠤᠰ ᠤᠨ ᠬᠦᠴᠦᠨ ᠢ ᠰᠦᠨᠦᠭᠡᠵᠤ᠂ ᠦᠪᠡᠷ ᠤᠨ ᠬᠦᠤ ᠱᠢ ᠬᠤ᠋ ᠪᠠᠨ ᠲᠤᠮᠢᠯᠠᠨ᠂ ᠴᠡᠷᠢᠭ ᠲᠠᠶᠢᠴᠢᠯᠠᠭᠤᠯᠤᠨ᠂ ᠱᠦᠸᠧ ᠹᠠᠩ ᠵᠢᠶᠦ᠋ᠨ ᠤ ᠬᠢᠯᠢ ᠲᠤᠳᠤᠷᠠᠬᠢ ᠰᠢᠶᠠᠨᠪᠸᠢ ᠶᠢᠨ ᠯᠧ ᠯᠢᠤ ᠶᠠᠨ ᠢ ᠴᠤᠬᠢᠨ ᠢᠯᠠᠵᠠᠢ᠃ ᠬᠤᠶᠢᠳᠤ ᠵᠤᠤ ᠤᠯᠤᠰ ᠤᠷᠳᠤᠰ ᠲᠤ ᠱᠦᠸᠧ ᠵᠸᠤ ᠭᠡᠭᠴᠢ ᠶᠢ ᠪᠠᠶᠢᠭᠤᠯᠵᠤ᠂ ᠠᠳᠠ ᠪᠠᠰᠠ ᠮᠠᠯᠵᠢᠯ ᠤᠨ ᠲᠤᠬᠠᠢ ᠨᠤᠶᠠᠨ ᠲᠠᠯᠪᠢᠵᠠᠢ᠃ ᠡᠨᠡ ᠦᠶ᠎ᠠ ᠡᠮᠦᠨᠡᠳᠤ ᠵᠤᠤ ᠪᠠ ᠬᠤᠶᠢᠳᠤ ᠵᠤᠤ ᠪᠠᠰᠠᠯᠠ ᠤᠷᠳᠤᠰ ᠲᠤ ᠲᠠᠶᠢᠯᠠᠯᠳᠤᠨ ᠠᠯᠠᠯᠳᠤᠵᠤ᠂ ᠬᠠᠷᠢᠯᠴᠠᠨ ᠲᠠᠭᠠᠷᠢᠵᠤ ᠪᠠᠶᠢᠪᠠ᠃ᠵᠡᠬᠦᠨ ᠶᠢᠨ ᠤᠯᠤᠰ ᠤᠨ ᠮᠤ᠋ ᠳ᠋ᠢ ᠬᠠᠭᠠᠨ ᠤ ᠱᠧᠩ ᠫᠢᠩ ᠤᠨ ᠭᠤᠷᠪᠠᠳᠤᠭᠠᠷ ᠤᠨ ︵ᠨᠡᠶᠢᠳᠠ ᠶᠢᠨ ᠤᠨ ᠲᠤᠭᠠᠯᠠᠯ ᠤᠨ359 ᠤᠨ︶ ᠳᠤ᠂ ᠸᠧᠢ ᠴᠧᠨ᠂ ᠲᠢᠶᠧ ᠹᠸᠢ ᠠᠶᠢᠮᠠᠭ ᠤᠨ ᠶᠡᠭᠡ ᠨᠤᠶᠠᠨ ᠤ ᠰᠠᠭᠤᠷᠢᠨ ᠢ ᠵᠠᠯᠭᠠᠮᠵᠢᠯᠠᠬᠤ ᠦᠶ᠎ᠠ ᠳᠤ᠂ ᠡᠮᠦᠨᠡᠳᠤ ᠴᠢᠨ ᠤᠯᠤᠰ ᠢ ᠲᠠᠭᠠᠪᠠ᠃ ᠸᠧᠢ ᠴᠧᠨ ᠡᠮᠦᠨᠡᠳᠤ ᠴᠢᠨ ᠤᠯᠤᠰ ᠲᠤ ᠽᠦᠸᠧ ᠰᠢᠶᠠᠨ ᠸᠠᠩ᠂ ᠶᠠᠩ ᠹᠦ᠋ ᠬᠦᠩ ᠬᠡᠮᠡᠨ ᠡᠷᠬᠦᠮᠵᠢᠯᠡᠭᠳᠡᠪᠡ᠃ ᠢᠩᠬᠢᠭᠡᠳ ᠤᠷᠳᠤᠰ ᠨᠤᠳᠤᠭ ᠪᠠᠰᠠ ᠲᠠᠬᠢᠨ ᠡᠮᠦᠨᠡᠳᠤ ᠴᠢᠨ ᠤᠯᠤᠰ ᠤᠨ  ᠭᠠᠵᠠᠷ ᠲᠤ ᠤᠷᠤᠪᠠ᠃ ᠵᠡᠬᠦᠨ ᠶᠢᠨ ᠤᠯᠤᠰ ᠤᠨ ᠰᠢᠶᠤᠤ ᠡᠤ ᠳ᠋ᠢ ᠬᠠᠭᠠᠨ ᠤ ᠲᠠᠢ ᠶᠤᠸᠠᠨ ᠤ ᠠᠷᠪᠠ ᠶᠢᠰᠦᠳᠦᠭᠡᠷ ᠤᠨ ︵ᠨᠡᠶᠢᠳᠠ ᠶᠢᠨ ᠤᠨ ᠲᠤᠭᠠᠯᠠᠯ ᠤᠨ394 ᠤᠨ︶ ᠳᠤ᠂ ᠡᠮᠦᠨᠡᠳᠤ ᠴᠢᠨ ᠤᠯᠤᠰ ᠮᠦᠬᠦᠭᠡᠳ᠂ ᠦᠩᠭᠡᠷᠡᠭᠰᠡᠨ ᠤ ᠡᠮᠦᠨᠡᠳᠤ ᠴᠢᠨ ᠤᠯᠤᠰ ᠲᠤ ᠵᠠᠬᠢᠷᠤᠭᠳᠠᠵᠤ ᠪᠠᠶᠢᠭᠰᠠᠨ ᠡᠯ᠎ᠠ ᠴᠦᠭᠡᠨ ᠲᠤᠭᠠᠳᠤ ᠦᠨᠳᠦᠰᠦᠳᠡᠨ ᠤ ᠤᠯᠠᠨ ᠠᠶᠢᠮᠠᠭ ᠪᠦᠯᠦᠭ ᠤᠳ ᠵᠠᠪᠰᠢᠶᠠᠨ ᠢ ᠲᠠᠯᠢᠮᠳᠠᠭᠤᠯᠵᠤ᠂ ᠡᠮᠦᠨᠡᠳᠤ ᠴᠢᠨ ᠤᠯᠤᠰ ᠤᠨ ᠨᠤᠶᠠᠷᠬᠠᠯ ᠠᠴᠠ ᠰᠠᠯᠪᠠ᠃ ᠢᠩᠬᠢᠭᠡᠳ ᠡᠯ᠎ᠠ ᠠᠶᠢᠮᠠᠭ ᠪᠦᠯᠦᠭ ᠤᠳ ᠠᠰ ᠠᠰ ᠲᠭᠠᠨ ᠲᠦᠷᠤ ᠪᠠᠶᠢᠭᠤᠯᠵᠤ᠂ ᠬᠠᠷᠢᠯᠴᠠᠨ ᠲᠤᠪᠳᠤᠯᠵᠤ ᠲᠠᠶᠢᠯᠠᠪᠠ᠃ ᠡᠶᠢᠮᠤ ᠰᠠᠮᠠᠭᠤᠨ ᠪᠠᠶᠢᠳᠠᠯ ᠬᠡᠳᠦᠨ ᠠᠷᠪᠠᠨ ᠵᠢᠯ ᠦᠷᠭᠦᠯᠵᠢᠯᠡᠪᠡ᠃ ᠡᠨᠡ ᠶᠠᠪᠤᠴᠠ ᠳᠤ ᠡᠾᠦ᠋ᠩᠨᠤ ᠶᠢᠨ ᠲᠢᠶᠧ ᠹᠸᠢ ᠠᠶᠢᠮᠠᠭ ᠤᠨ ᠸᠧᠢ ᠴᠧᠨ᠂ ᠤᠷᠳᠤᠰ ᠤᠨ ᠪᠠᠷᠠᠭᠤᠨ ᠡᠮᠦᠨᠡᠳᠤ ᠭᠡᠰᠡᠭ ᠤᠨ ᠱᠦᠸᠧ ᠹᠠᠩ ᠤᠷᠤᠨ ᠢ ᠡᠵᠡᠯᠡᠵᠤ᠂ ᠭᠤᠷᠪᠠᠨ ᠲᠦᠮᠡ ᠨᠠᠢᠮᠠᠨ ᠮᠢᠩᠭ᠎ᠠ ᠢᠯᠡᠬᠦᠤ ᠴᠡᠷᠢᠭ ᠲᠠᠢ ᠪᠤᠯᠪᠠ᠃ ᠬᠤᠵᠢᠮ ᠨᠢ ᠪᠠᠷᠠᠭᠤᠨ ᠶᠠᠨ ᠤᠯᠤᠰ ᠤᠨ ᠮᠤ᠋ ᠷᠦᠩ ᠶᠦᠩ ᠲᠡᠬᠦᠨ ᠢ ᠭᠤᠤᠯ ᠤᠨ ᠪᠠᠷᠠᠭᠤᠨᠳᠡᠬᠢ ᠤᠯᠠᠨ ᠴᠡᠷᠢᠭ ᠢ ᠬᠠᠮᠢᠶᠠᠷᠬᠤ ᠳ᠋ᠦᠳᠦ᠋ ᠶᠡᠭᠡ ᠵᠠᠩᠵᠤᠨ ᠡᠷᠬᠦᠮᠵᠢᠯᠡᠵᠤ᠂ ᠱᠦᠸᠧ ᠵᠸᠤ ᠶᠢᠨ ᠢᠷᠭᠡᠨ ᠢ ᠵᠠᠰᠠᠭᠴᠢ ᠨᠤᠶᠠᠨ ᠪᠤᠯᠭᠠᠪᠠ᠃ ᠰᠡᠬᠦᠯᠡᠷ ᠬᠤᠶᠢᠳᠤ ᠴᠢᠨ ᠤᠯᠤᠰ ᠤᠨ ᠶᠤᠤ ᠵᠧᠩ ᠪᠠᠰᠠ ᠲᠡᠬᠦᠨ ᠢ ᠬᠤᠶᠢᠳᠤ ᠱᠦᠸᠧ ᠳᠠᠬᠢ ᠤᠯᠠᠨ ᠴᠡᠷᠢᠭ ᠤᠨ ᠳ᠋ᠦᠳᠦ᠋ ᠶᠡᠭᠡ ᠵᠠᠩᠵᠤᠨ᠂ ᠶᠡᠭᠡ ᠴᠠᠨ ᠢᠤᠢ᠂ ᠭᠤᠤᠯ ᠤᠨ ᠪᠠᠷᠠᠭᠤᠨᠳᠡᠬᠢ ᠸᠠᠩ ᠂ ᠢᠤ ᠵᠸᠤ ᠶᠢᠨ ᠢᠷᠭᠡᠨ ᠢ ᠵᠠᠰᠠᠭᠴᠢ ᠨᠤᠶᠠᠨ ᠪᠤᠯᠭᠠᠵᠠᠢ᠃ ᠢᠩᠬᠢᠭᠡᠳ ᠡᠨᠡ ᠦᠶ᠎ᠠ ᠶᠢᠨ ᠤᠷᠳᠤᠰ ᠪᠠᠷᠠᠭᠤᠨ ᠶᠠᠨ ᠤᠯᠤᠰ ᠤᠨ ᠱᠦᠸᠧ ᠵᠸᠤ᠂ ᠬᠤᠶᠢᠳᠤ ᠴᠢᠨ ᠤᠯᠤᠰ ᠤᠨ ᠢᠤ ᠵᠸᠤ ᠪᠤᠯᠵᠠᠢ᠃    ᠵᠡᠬᠦᠨ ᠶᠢᠨ ᠤᠯᠤᠰ ᠤᠨ ᠰᠢᠶᠤᠤ ᠡᠤ ᠳ᠋ᠢ ᠬᠠᠭᠠᠨ ᠤ ᠲᠠᠢ ᠶᠤᠸᠠᠨ ᠤ ᠠᠷᠪᠠᠨ ᠵᠢᠷᠭᠤᠳᠤᠭᠠᠷ ᠤᠨ ︵ᠨᠡᠶᠢᠳᠠ ᠶᠢᠨ ᠤᠨ ᠲᠤᠭᠠᠯᠠᠯ ᠤᠨ391 ᠤᠨ︶ ᠳᠤ ᠸᠧᠢ ᠤᠯᠤᠰ ᠤᠨ ᠸᠠᠩ᠂ ᠲᠦᠸᠧ ᠪᠠ ᠬᠦᠢ ᠴᠡᠷᠢᠭ ᠲᠠᠶᠢᠴᠢᠯᠠᠵᠤ ᠤᠷᠳᠤᠰ ᠢ ᠴᠤᠬᠢᠭᠠᠳ᠂ ᠲᠢᠶ᠋ᠸᠧ ᠹᠸᠢ ᠠᠶᠢᠮᠠᠭ ᠤᠨ ᠸᠧᠢ ᠴᠧᠨ ᠤ ᠴᠠᠴᠠᠷ ᠮᠠᠶᠢᠬᠠᠨ ᠪᠠᠶᠢᠭᠰᠠᠨ ᠶᠦᠸᠧ ᠪᠠ ᠴᠧᠩ ᠬᠤᠳᠠ ᠶᠢ ᠰᠦᠢᠷᠡᠬᠦᠯᠦᠭᠡᠳ᠂ ᠸᠧᠢ ᠴᠧᠨ ᠲᠤᠳᠠᠭᠠᠵᠤ ᠪᠠᠶᠢᠭᠠᠳ ᠭᠠᠷ ᠲᠤᠤᠷᠠᠬᠢ ᠬᠦᠮᠦᠨ ᠳᠡᠭᠡᠨ ᠠᠯᠠᠭᠳᠠᠵᠠᠢ᠂ ᠡᠨᠡ ᠦᠶ᠎ᠠ ᠸᠧᠢ ᠴᠧᠨ ᠳᠤ ᠬᠠᠮᠢᠶᠠᠷᠤᠭᠳᠠᠵᠤ ᠪᠠᠶᠢᠭᠰᠠᠨ ᠡᠯ᠎ᠠ ᠠᠶᠢᠮᠠᠭ ᠪᠦᠯᠦᠭ ᠤᠳ ᠲᠦᠸᠧ ᠪᠠ ᠬᠦᠢ ᠶᠢ ᠲᠠᠭᠠᠪᠠ᠃ ᠡᠬᠦᠨ ᠠᠴᠠ ᠬᠤᠶᠢᠰᠢ᠂ ᠤᠷᠳᠤᠰ ᠨᠤᠳᠤᠭ ᠪᠠᠰᠠ ᠸᠧᠢ ᠤᠯᠤᠰ ᠤᠨ ᠨᠤᠶᠠᠷᠬᠠᠯ ᠤᠨ ᠤᠷᠤᠨ ᠪᠤᠯᠪᠠ᠃ ᠸᠧᠢ ᠴᠧᠨ᠂ ᠲᠦᠸᠧ ᠪᠠ ᠬᠦᠢ ᠳᠤ ᠢᠯᠠᠭᠳᠠᠭᠠᠳ ᠠᠯᠠᠭᠳᠠᠬᠤ ᠦᠶ᠎ᠠ᠂ ᠲᠡᠬᠦᠨ ᠤ ᠪᠠᠭ᠎ᠠ ᠬᠦᠤ ᠪᠦᠸᠧ ᠪᠦᠸᠧ᠂ ᠰᠢᠤᠸᠠᠢ ᠭᠠᠨ ᠠᠶᠢᠮᠠᠭ ᠲᠤ ᠲᠤᠳᠠᠭᠠᠨ ᠬᠦᠷᠴᠤ᠂ ᠬᠤᠵᠢᠮ ᠬᠤᠶᠢᠳᠤ ᠴᠢᠨ ᠤᠯᠤᠰ ᠢ ᠲᠠᠭᠠᠪᠠ᠃ ᠪᠦᠸᠧ ᠪᠦᠸᠧ ᠬᠤᠶᠢᠳᠤ ᠴᠢᠨ  ᠤᠯᠤᠰ ᠤᠨ ᠴᠡᠷᠢᠭ ᠤᠨ ᠲᠤᠰᠠᠯᠠᠮᠵᠢ ᠪᠠᠷ ᠤᠷᠳᠤᠰ ᠨᠤᠳᠤᠭ ᠢᠶᠠᠨ ᠡᠷᠬᠢᠬᠦᠯᠦᠨ ᠠᠪᠤᠪᠠ᠃ ᠬᠤᠶᠢᠳᠤ ᠴᠢᠨ ᠤᠯᠤᠰ ᠪᠦᠸᠧ ᠪᠦᠸᠧ ᠶᠢ ᠤᠮᠠᠷᠳᠤ ᠶᠢ ᠠᠮᠦᠷᠵᠢᠭᠤᠯᠬᠤ ᠶᠡᠭᠡ ᠵᠠᠩᠵᠤᠨ᠂ ᠡᠤ ᠶᠤᠸᠠᠨ ᠬᠦᠩ ᠡᠷᠬᠦᠮᠵᠢᠯᠡᠭᠡᠳ᠂ ᠪᠠᠰᠠ ᠰᠢᠶᠠᠨᠪᠸᠢ ᠪᠠ ᠪᠤᠰᠤᠳ ᠴᠦᠭᠡᠨ ᠲᠤᠭᠠᠳᠤ ᠦᠨᠳᠦᠰᠦᠳᠡᠨ ᠤ ᠠᠶᠢᠮᠠᠭ ᠪᠦᠯᠦᠭ ᠤᠳ ᠢ ᠪᠦᠸᠧ ᠪᠦᠸᠧ ᠳᠤ ᠬᠠᠮᠢᠶᠠᠷᠤᠭᠤᠯᠵᠤ᠂ ᠲᠡᠬᠦᠨ ᠢ ᠲᠤᠮᠢᠯᠠᠵᠤ ᠂ ᠱᠦᠸᠧ ᠹᠠᠩ ᠵᠢᠶᠦ᠋ᠨ ᠤᠷᠴᠢᠮ ᠢ ᠰᠠᠬᠢᠭᠤᠯᠪᠠ᠃ ᠢᠩᠬᠢᠭᠡᠳ ᠤᠷᠳᠤᠰ ᠤᠨ ᠶᠭᠡᠩᠬᠢ ᠭᠠᠵᠠᠷ ᠲᠠᠬᠢᠨ ᠬᠤᠶᠢᠳᠤ ᠴᠢᠨ ᠤᠯᠤᠰ ᠲᠤ ᠬᠠᠮᠢᠶᠠᠷᠤᠭᠳᠠᠪᠠ᠃    ᠵᠡᠬᠦᠨ ᠶᠢᠨ ᠤᠯᠤᠰ ᠤᠨ ᠠᠨ ᠳ᠋ᠢ ᠬᠠᠭᠠᠨ ᠤ ᠢ ᠰᠢ ᠶᠢᠨ ᠭᠤᠷᠪᠠᠳᠤᠭᠠᠷ ᠤᠨ ︵ᠨᠡᠶᠢᠳᠠ ᠶᠢᠨ ᠤᠨ ᠲᠤᠭᠠᠯᠠᠯ ᠤᠨ407 ᠤᠨ︶ ᠳᠤ᠂ ᠪᠦᠸᠧ ᠪᠦᠸᠧ ᠬᠤᠶᠢᠳᠤ ᠴᠢᠨ ᠤᠯᠤᠰ ᠠᠴᠠ ᠤᠷᠪᠠᠵᠠᠢ᠃ ᠲᠡᠷᠠ  ᠡᠾᠦ᠋ᠩᠨᠤ ᠪᠤᠯ ᠰᠢᠶᠠ ᠤᠯᠤᠰ ᠤᠨ ᠬᠤᠶᠢᠴᠢ ᠦᠶ᠎ᠠ ᠬᠡᠵᠤ ᠦᠵᠡᠭᠡᠳ᠂ ᠶᠡᠭᠡ ᠰᠢᠶᠠ ᠤᠯᠤᠰ ᠢ ᠪᠠᠶᠢᠭᠤᠯᠵᠤ᠂ ᠦᠪᠡᠷ ᠢᠶᠠᠨ ᠶᠡᠭᠡ ᠰᠢᠶᠠ ᠤᠯᠤᠰ ᠤᠨ ᠲᠡᠭᠷᠢᠯᠢᠭ ᠸᠠᠩ ᠪᠤᠯᠵᠤ᠂ ᠲᠤᠮᠳᠠᠳᠤ ᠤᠷᠤᠨ ᠤ ᠬᠠᠭᠠᠨᠳᠤ ᠲᠦᠷᠤ ᠶᠢᠨ ᠤᠯᠤᠰ ᠲᠦᠷᠤ ᠶᠢᠨ ᠰᠢᠰᠲ᠋ᠧᠮ ᠢ ᠲᠠᠭᠤᠷᠢᠶᠠᠵᠤ᠂ ᠡᠯ᠎ᠠ ᠵᠦᠢᠯ ᠤᠨ ᠪᠠᠶᠢᠭᠤᠯᠤᠮᠵᠢ ᠪᠠᠶᠢᠭᠤᠯᠵᠤ᠂ ᠤᠪᠤᠭ  ᠢᠶᠠᠨ ᠰᠤᠯᠢᠵᠤ᠂ ᠡᠾᠧ ᠯᠢᠶᠠᠨ ᠭᠡᠪᠡ᠃ ᠢᠩᠬᠢᠭᠡᠳ ᠲᠡᠤᠭᠡᠨ ᠲᠡᠭᠡᠷ᠎ᠠ ᠶᠡᠭᠡ ᠰᠢᠶᠠ ᠤᠯᠤᠰ ᠢ ᠡᠾᠧ ᠯᠢᠶᠠᠨ ᠰᠢᠶᠠ ᠬᠡᠵᠤ ᠨᠡᠷᠡᠶᠢᠳᠬᠦ ᠪᠤᠯᠪᠠ᠃ ᠡᠾᠧ ᠯᠢᠶᠠᠨ ᠪᠦᠸᠧ ᠪᠦᠸᠧ ᠶᠢᠨ ᠶᠡᠭᠡ ᠰᠢᠶᠠ ᠤᠯᠤᠰ ᠨᠡᠶᠢᠰᠯᠡᠯ ᠢᠶᠠᠨ ︵ᠤᠳᠤ ᠶᠢᠨ ᠦᠤᠰᠢᠨ ᠬᠤᠰᠢᠭᠤᠨ ᠤ ᠪᠠᠳᠤ ᠶᠢᠨ ᠲᠤᠬᠤᠢ ᠤᠷᠴᠢᠮ ᠤᠨ ᠰᠢᠷᠬᠤᠰᠤᠨ ᠭᠤᠤᠯ ᠤᠨ ᠲᠡᠷᠳᠡᠭᠡ ᠬᠦᠪᠡᠭᠡᠨ ᠳᠤ︶ ᠤᠷᠳᠤᠰ ᠤᠨ ᠪᠠᠷᠠᠭᠤᠨ ᠡᠮᠦᠨ᠎ᠡ  ᠪᠠᠶᠢᠭᠤᠯᠵᠤ᠂ ᠲᠦᠮᠡᠨ ᠢ ᠵᠠᠬᠢᠷᠬᠤ ᠬᠤᠳᠠ ︵ᠲᠦᠩ ᠸᠠᠨ ᠴᠧᠩ︶ ᠬᠡᠮᠡᠪᠡ᠃ ᠡᠾᠧ ᠯᠢᠶᠠᠨ ᠪᠦᠸᠧ ᠪᠦᠸᠧ ᠤᠮᠠᠷᠠᠳᠤ ᠶᠠᠨ ︵ᠤᠳᠤ ᠶᠢᠨ ᠯᠢᠶᠤᠤᠨᠢᠩ ᠤᠨ ᠴᠤᠤᠶᠠᠩ︶᠂ ᠤᠮᠠᠷᠠᠳᠤ ᠯᠢᠶᠠᠩ ︵ᠤᠳᠤ ᠶᠢᠨ ᠭᠠᠨᠰᠤ ᠶᠢᠨ ᠡᠤ ᠸᠧᠢ︶ ᠲᠠᠢ ᠬᠤᠯᠪᠤᠭᠠᠯᠠᠵᠤ᠂ ᠬᠤᠶᠢᠳᠤ ᠴᠢᠨ ᠤᠯᠤᠰ ᠤᠨ ᠶᠤᠤ ᠰᠢᠩ ᠲᠠᠢ ᠬᠡᠳᠦᠨ ᠵᠢᠯ ᠲᠠᠶᠢᠯᠠᠯᠳᠤᠪᠠ᠃ ᠵᠡᠬᠦᠨ ᠶᠢᠨ ᠤᠯᠤᠰ ᠤᠨ ᠢ ᠰᠢ ᠶᠢᠨ ᠠᠷᠪᠠᠨ ᠨᠢᠭᠡᠳᠦᠭᠡᠷ ᠤᠨ ︵ᠨᠡᠶᠢᠳᠠ ᠶᠢᠨ ᠤᠨ ᠲᠤᠭᠠᠯᠠᠯ ᠤᠨ415 ᠤᠨ︶ ᠳᠤ ᠡᠾᠧ ᠯᠢᠶᠠᠨ ᠪᠦᠸᠧ ᠪᠦᠸᠧ ᠵᠠᠯᠭᠠᠪᠡᠷ ᠬᠤᠶᠢᠳᠤ ᠴᠢᠨ ᠤᠯᠤᠰ ᠤᠨ ᠬᠡᠳᠦᠨ ᠶᠡᠭᠡ ᠬᠤᠳᠠ ᠶᠢ ᠠᠪᠴᠤ᠂ ᠬᠤᠶᠢᠳᠤ ᠴᠢᠨ ᠤᠯᠤᠰ ᠤᠨ ᠤᠯᠤᠰ ᠲᠦᠷᠤ ᠶᠢᠨ ᠲᠦᠪ ᠴᠠᠩ ᠠᠨ ᠳᠤ ᠤᠶᠢᠷᠠᠳᠤᠪᠠ᠃ ᠢ ᠰᠢ ᠶᠢᠨ ᠠᠷᠪᠠᠨ ᠭᠤᠷᠪᠠᠳᠤᠭᠠᠷ ᠤᠨ ︵ᠨᠡᠶᠢᠳᠠ ᠶᠢᠨ ᠤᠨ ᠲᠤᠭᠠᠯᠠᠯ ᠤᠨ417 ᠤᠨ︶ ᠳᠤ᠂ ᠶᠢᠨ ᠤᠯᠤᠰ ᠤᠨ ᠲᠠᠶᠢᠸᠧᠢ ᠲᠦᠰᠢᠮᠡᠯ ᠯᠢᠤ ᠢᠤᠢ ᠬᠤᠶᠢᠳᠤ ᠴᠢᠨ ᠤᠯᠤᠰ ᠢ ᠮᠦᠬᠦᠭᠡᠵᠤ ᠡᠾᠧ ᠯᠢᠶᠠᠨ ᠪᠦᠸᠧ ᠪᠦᠸᠧ ᠵᠠᠪᠰᠢᠶᠠᠨ ᠢ ᠲᠠᠯᠢᠮᠳᠠᠭᠤᠯᠵᠤ᠂ ᠴᠠᠩ ᠠᠨ ᠬᠤᠳᠠ ᠶᠢ ᠡᠵᠡᠯᠡᠪᠡ᠃ ᠡᠾᠦ᠋ᠩᠨᠤ ᠶᠢᠨ ᠲᠢᠶᠧ ᠹᠸᠢ ᠠᠶᠢᠮᠠᠭ ᠤᠷᠳᠤᠰ  ᠲᠤ ᠤᠷᠤᠵᠤ ᠢᠷᠡᠬᠦ ᠦᠶ᠎ᠠ᠂ ᠮᠢᠩᠭ᠎ᠠ ᠢᠯᠡᠬᠦᠤ ᠡᠷᠦᠭᠡ   ᠲᠠᠢ ᠪᠠᠶᠢᠵᠠᠢ᠃ ᠤᠷᠳᠤᠰ ᠲᠤ ᠢᠷᠡᠭᠰᠡᠨ ᠤ ᠲᠠᠷᠠᠭ᠎ᠠ ᠠᠵᠤ ᠠᠬᠤᠢ᠂ ᠤᠯᠤᠰ ᠲᠦᠷᠦ᠂ ᠴᠡᠷᠢᠭ ᠤᠨ ᠶᠠᠪᠤᠳᠠᠯ ᠤᠨ ᠲᠠᠯ᠎ᠠ ᠪᠠᠷ ᠪᠦᠷ ᠰᠦᠷᠡᠭᠡᠢ ᠲᠦᠷᠭᠡᠨ ᠬᠦᠭᠵᠢᠵᠠᠢ᠃ ᠢᠩᠬᠢᠭᠡᠳ ᠲᠡᠷᠠ ᠵᠢᠯ ᠲᠠᠷᠠᠭᠠᠯᠠᠨ ᠪᠠᠶᠢᠯᠳᠤᠵᠤ᠂ ᠰᠢᠯᠢᠳᠡᠭ ᠬᠦᠴᠦᠷᠭᠡᠭ ᠴᠡᠷᠢᠭ ᠮᠤᠷᠢᠳ ᠲᠠᠢ ᠪᠤᠯᠵᠤ᠂ ᠨᠢᠭᠡᠨ ᠦᠶ᠎ᠠ ᠡᠷᠡᠯᠭᠡᠭᠯᠡᠵᠤ ᠪᠠᠶᠢᠪᠠ᠃ ᠰᠦᠩ ᠤᠯᠤᠰ ᠤᠨ ᠶᠤᠸᠠᠨ ᠵᠢᠶᠠ ᠶᠢᠨ ᠨᠠᠢᠮᠠᠳᠤᠭᠠᠷ ᠤᠨ ︵ᠨᠡᠶᠢᠳᠠ ᠶᠢᠨ ᠤᠨ ᠲᠤᠭᠠᠯᠠᠯ ᠤᠨ431 ᠤᠨ︶ ᠪᠤᠯᠳᠠᠯ᠎ᠠ ᠤᠷᠳᠤᠰ ᠤᠷᠤᠨ ᠪᠠᠰᠠ ᠯᠠ ᠡᠾᠧ ᠯᠢᠶᠠᠨ ᠪᠦᠸᠧ ᠪᠦᠸᠧ ᠳᠤ ᠡᠵᠡᠯᠡᠭᠳᠡᠵᠤ ᠪᠠᠶᠢᠪᠠ᠃    ᠸᠧᠢ ᠤᠯᠤᠰ ᠤᠨ ᠲᠠᠢ ᠡᠤ ᠳ᠋ᠢ ᠬᠠᠭᠠᠨ ᠲᠦᠸᠧ ᠪᠠ ᠲᠤᠤ ᠴᠡᠷᠢᠭ ᠲᠠᠶᠢᠴᠢᠯᠠᠵᠤ᠂ ᠲᠦᠮᠡᠨ ᠢ ᠵᠠᠬᠢᠷᠬᠤ ᠬᠤᠳᠠ ︵ᠲᠦᠩ ᠸᠠᠨ ᠴᠧᠩ︶ ᠶᠢ ᠡᠪᠳᠡᠭᠰᠡᠨ ᠤ ᠲᠠᠷᠠᠭ᠎ᠠ᠂ ᠤᠮᠠᠷᠠᠳᠤ ᠸᠧᠢ ᠤᠯᠤᠰ ᠤᠨ ᠨᠢᠭᠡᠳᠤᠯ ᠨᠢᠭᠡᠨᠳᠠ ᠤᠯᠤᠰ ᠲᠦᠷᠦ ᠶᠢᠨ ᠬᠦᠭᠵᠢᠯ ᠤᠨ ᠶᠡᠷᠦᠩᠭᠡᠢ ᠬᠠᠨᠳᠤᠰᠢ ᠪᠤᠯᠪᠠ᠃ ᠲᠦᠸᠧ ᠪᠠ ᠬᠦᠢ ᠵᠠᠰᠠᠭ ᠪᠠᠷᠢᠭᠰᠠᠨ ᠤ ᠲᠠᠷᠠᠭ᠎ᠠ᠂ ᠤᠭ ᠤᠨ ᠪᠠᠶᠢᠭᠰᠠᠨ ᠠᠶᠢᠮᠠᠭ ᠪᠦᠯᠦᠭ ᠢ ᠰᠠᠯᠭᠠᠨ ᠰᠠᠭᠤᠷᠢᠰᠢᠭᠤᠯᠬᠤ ᠠᠷᠭ᠎ᠠ ᠶᠢ ᠠᠪᠴᠤ᠂ ᠰᠡᠷᠬᠦᠭᠡᠨ ᠪᠠᠶᠢᠭᠤᠯᠤᠭᠰᠠᠨ ᠡᠯ᠎ᠠ ᠵᠢᠶᠦ᠋ᠨ ᠰᠢᠶᠠᠨ ᠳᠡᠭᠡᠨ ᠰᠠᠭᠤᠷᠢᠰᠢᠭᠰᠠᠨ ᠠᠷᠠᠳ ᠢ ᠬᠤᠪᠢᠶᠠᠨ ᠤᠷᠤᠭᠤᠯᠵᠠᠢ᠃ ᠤᠮᠠᠷᠳᠤ ᠸᠧᠢ ᠤᠯᠤᠰ ᠶᠡᠭᠡ ᠰᠢᠶᠠ ᠤᠯᠤᠰ ᠢ ᠮᠦᠬᠦᠭᠡᠭᠰᠡᠨ ᠤ ᠰᠡᠬᠦᠯᠡᠷ᠂ ᠤᠮᠠᠷᠠᠳᠤ ᠸᠧᠢ ᠤᠯᠤᠰ ᠤᠨ ᠬᠦᠴᠦᠨ ᠪᠦᠬᠦᠶᠢᠯᠠ ᠤᠷᠳᠤᠰ ᠨᠤᠳᠤᠭ ᠢ  ᠡᠵᠡᠮᠰᠢᠪᠠ᠃ ᠵᠠᠯᠭᠠᠭᠠᠳ ᠠᠳᠡ ᠵᠸᠤ᠂ ᠪᠠᠯᠭᠠᠰᠤ᠂ ᠵᠢᠶᠦ᠋ᠨ ᠰᠢᠶᠠᠨ ᠢ ᠪᠠᠶᠢᠭᠤᠯᠪᠠ᠃ ᠤᠷᠢᠳ ᠬᠤᠵᠢᠳ ᠠᠳᠡ ᠪᠠᠶᠢᠭᠤᠯᠤᠭᠰᠠᠨ ᠵᠠᠰᠠᠭ ᠵᠠᠬᠢᠷᠠᠭᠠᠨ ᠤ ᠪᠠᠶᠢᠭᠤᠯᠤᠮᠵᠢ ᠳᠤ ᠰᠢᠶᠠ ᠵᠸᠤ ᠬᠡᠵᠤ ᠪᠤᠢ᠃ ᠤᠷᠳᠤᠰ ᠤᠨ ᠪᠠᠷᠠᠭᠤᠨ ᠭᠡᠰᠡᠭ ᠤᠨ ᠶᠡᠭᠡᠩᠬᠢ ᠭᠠᠵᠠᠷ ᠢ ᠰᠢᠶᠠ ᠵᠸᠤ ᠳᠤ ᠬᠠᠮᠢᠶᠠᠷᠤᠭᠤᠯᠪᠠ᠃ ᠰᠢᠶᠠ ᠵᠸᠤ ᠶᠢᠨ ᠲᠤᠤᠷ᠎ᠠ ᠲᠦᠷᠪᠡᠨ ᠵᠢᠶᠦ᠋ᠨ ᠲᠠᠢ᠂ ᠨᠡᠶᠢᠳᠠ ᠶᠢᠰᠦᠨ ᠰᠢᠶᠠᠨ ᠢ ᠬᠠᠮᠢᠶᠠᠷᠴᠠᠢ᠃ ᠬᠤᠸᠠ ᠵᠧᠩ ᠵᠢᠶᠦ᠋ᠨ ᠤ ᠲᠤᠤᠷ᠎ᠠ ᠭᠧ ᠷᠦᠩ ᠰᠢᠶᠠᠨ᠂ ᠶᠠᠨ ᠯᠢᠤᠢ ᠰᠢᠶᠠᠨ ᠭᠡᠰᠡᠨ ᠬᠤᠶᠠᠷ ᠰᠢᠶᠠᠨ ᠲᠠᠢ᠂ ᠴᠠᠨ ᠰᠢ ᠵᠢᠶᠦ᠋ᠨ ᠤ ᠲᠤᠤᠷ᠎ᠠ ᠱᠠᠨ ᠯᠤ᠋ ᠰᠢᠶᠠᠨ᠂ ᠰᠢᠨ ᠶᠤᠸᠠᠨ ᠰᠢᠶᠠᠨ ᠭᠡᠰᠡᠨ ᠬᠤᠶᠠᠷ ᠰᠢᠶᠠᠨ ᠲᠠᠢ᠂ ᠶᠢᠨ ᠮᠢᠩ ᠵᠢᠶᠦ᠋ᠨ ᠤ ᠲᠤᠤᠷ᠎ᠠ ᠶᠦᠩ ᠹᠧᠩ ᠰᠢᠶᠠᠨ᠂ ᠴᠢ ᠨᠢᠩ ᠰᠢᠶᠠᠨ᠂ ᠭᠤᠸᠠᠩ ᠯᠤ᠋ ᠰᠢᠶᠠᠨ ᠭᠡᠰᠡᠨ  ᠭᠤᠷᠪᠠᠨ ᠰᠢᠶᠠᠨ ᠲᠠᠢ᠂ ᠳ᠋ᠠᠢ ᠮᠢᠩ ᠵᠢᠶᠦ᠋ᠨ ᠤ ᠲᠤᠤᠷ᠎ᠠ ᠬᠤ᠋ ᠴᠢᠤ ᠰᠢᠶᠠᠨ᠂ ᠴᠢᠤᠢ ᠰᠸᠤ ᠰᠢᠶᠠᠨ ᠭᠡᠰᠡᠨ ᠬᠤᠶᠠᠷ ᠰᠢᠶᠠᠨ ᠲᠠᠢ᠃ ᠤᠷᠳᠤᠰ ᠤᠨ ᠵᠡᠬᠦᠨ ᠬᠤᠶᠢᠳᠤ ᠭᠡᠰᠡᠭ ᠤᠨ ᠬᠠᠳᠤᠨ ᠭᠤᠤᠯ ᠤᠨ ᠬᠦᠪᠡᠭᠡ ᠪᠠᠷ ᠬᠢ ᠭᠠᠵᠠᠷ ᠢ ᠱᠦᠸᠧ ᠵᠸᠤ ᠳᠤ ᠬᠠᠮᠢᠶᠠᠷᠤᠭᠤᠯᠪᠠ᠃ ᠱᠦᠸᠧ ᠵᠸᠤ ᠪᠤᠯ ᠬᠠᠨ ᠤᠯᠤᠰ ᠤᠨ ᠦᠶ᠎ᠠ ᠶᠢᠨ ᠡᠤ ᠶᠤᠸᠠᠨ ᠵᠢᠶᠦ᠋ᠨ ᠮᠦᠨ᠂ ᠡᠬᠢᠨ ᠳᠡᠭᠡᠨ ᠪᠠᠯᠭᠠᠰᠤ ᠪᠤᠯᠭᠠᠵᠤ᠂ ᠰᠡᠬᠦᠯ ᠳᠤᠨᠢ ᠬᠤᠸᠠᠢ ᠱᠦᠸᠧ ᠵᠸᠤ ᠪᠤᠯᠭᠠᠪᠠ᠃ ᠤᠷᠳᠤᠰ ᠤᠨ ᠪᠠᠷᠠᠭᠤᠨ ᠡᠮᠦᠨᠡᠳᠤ ᠦᠨᠴᠦᠭ ᠢ ᠰᠢ ᠠᠨ ᠵᠸᠤ ᠳᠤ ᠬᠠᠮᠢᠶᠠᠷᠤᠭᠤᠯᠪᠠ᠃ ᠤᠷᠳᠤᠰ ᠤᠨ ᠪᠠᠷᠠᠭᠤᠨ ᠬᠤᠶᠢᠳᠤ ᠭᠡᠰᠡᠭ ᠤᠨ ᠬᠠᠳᠤᠨ ᠭᠤᠤᠯ ᠤᠨ ᠡᠮᠦᠨ᠎ᠡ ᠬᠦᠪᠡᠭᠡᠨ ᠠᠴᠠ ᠪᠠᠷᠠᠭᠤᠨᠰᠢᠬᠢ ᠭᠠᠵᠠᠷ ᠢ ᠸᠦᠸᠧ ᠶᠧ ᠪᠠᠯᠭᠠᠰᠤᠨ ᠳᠤ ᠬᠠᠮᠢᠶᠠᠷᠤᠭᠤᠯᠪᠠ᠃ ᠲᠡᠭᠡᠷ᠎ᠠ ᠲᠤᠷᠠᠳᠤᠭᠰᠠᠨ ᠵᠸᠤ᠂ ᠵᠢᠶᠦ᠋ᠨ᠂ ᠰᠢᠶᠠᠨ ᠪᠠᠯᠭᠠᠰᠤ ᠠᠴᠠ ᠭᠠᠳᠠᠨ᠎ᠠ᠂ ᠤᠮᠠᠷᠠᠳᠤ ᠸᠧᠢ ᠤᠯᠤᠰ ᠪᠠᠰᠠ ᠤᠷᠳᠤᠰ ᠨᠤᠳᠤᠭ ᠤᠨ ᠶᠡᠭᠡ ᠬᠡᠮᠵᠢᠶᠡᠨ ᠤ ᠭᠠᠵᠠᠷ ᠢ ᠪᠢᠲᠡᠭᠦᠮᠵᠢᠯᠡᠭᠡᠳ᠂ ᠲᠤᠬᠠᠢ ᠶᠢᠨ ᠦᠶ᠎ᠠ ᠶᠢᠨ ᠬᠠᠮᠤᠭ ᠤᠨ ᠲᠡᠭᠡᠳᠤ ᠨᠤᠶᠠᠷᠬᠠᠭᠴᠢᠳ ᠤᠨ ᠠᠩ ᠬᠦᠷᠦᠭᠡ ᠬᠢᠵᠤ᠂ ᠨᠠᠭᠠᠳᠬᠤ ᠭᠠᠵᠠᠷ ᠪᠤᠯᠭᠠᠵᠤ ᠪᠠᠶᠢᠪᠠ᠃ ᠡᠳᠡᠭᠡᠷ ᠭᠠᠵᠠᠷ ᠢ ᠶᠡᠷᠤ ᠶᠢᠨ ᠵᠠᠰᠠᠭ ᠵᠠᠬᠢᠷᠠᠭᠠᠨ ᠤ ᠪᠠᠶᠢᠭᠤᠯᠤᠮᠵᠢ ᠶᠢᠨ ᠭᠠᠳᠠᠨᠠᠬᠢ ᠤᠨᠴᠤᠭᠤᠢ ᠤᠷᠤᠨ ᠪᠤᠯᠭᠠᠵᠠᠢ᠃    ᠰᠦᠩ ᠤᠯᠤᠰ ᠤᠨ ᠶᠤᠸᠠᠨ ᠵᠢᠶᠠ ᠶᠢᠨ ᠵᠢᠷᠭᠤᠳᠤᠭᠠᠷ ᠤᠨ ︵ᠨᠡᠶᠢᠳᠠ ᠶᠢᠨ ᠤᠨ ᠲᠤᠭᠠᠯᠠᠯ ᠤᠨ429 ᠤᠨ︶  ᠳᠤ᠂ ᠤᠮᠠᠷᠠᠳᠤ ᠸᠧᠢ ᠤᠯᠤᠰ ᠤᠨ ᠲᠠᠢ ᠡᠤ ᠳ᠋ᠢ ᠬᠠᠭᠠᠨ ᠲᠦᠸᠧ ᠪᠠ ᠲᠤᠤ ᠴᠡᠷᠢᠭ ᠲᠠᠶᠢᠴᠢᠯᠠᠵᠤ᠂ ᠷᠸᠤ ᠷᠠᠨ ᠢ ᠲᠤᠪᠳᠤᠯᠵᠤ᠂ ᠵᠠᠯᠭᠠᠭᠠᠳ ᠪᠠᠰᠠ ᠭᠤᠤ ᠴᠧ ᠶᠢ ᠲᠤᠪᠳᠤᠯᠪᠠ᠃ ᠲᠡᠷᠠ ᠡᠨᠡ ᠬᠤᠶᠠᠷ ᠤᠳᠠᠭᠠᠨ ᠤ ᠲᠠᠶᠢᠨ ᠢ ᠡᠬᠦᠰᠭᠡᠭᠡᠳ ᠴᠦᠮ ᠢᠯᠠᠯᠳᠠ ᠤᠯᠵᠤ᠂ ᠪᠠᠭᠤᠵᠤ ᠦᠭᠬᠦᠭᠰᠡᠨ ᠭᠤᠷᠪᠠᠨ ᠲᠦᠮᠡᠨ ᠷᠸᠤ ᠷᠠᠨ ᠬᠦᠮᠦᠨ ᠪᠤᠯᠤᠨ ᠭᠤᠤ ᠴᠧ ᠬᠦᠮᠦᠨ ᠢ ᠤᠷᠳᠤᠰ ᠨᠤᠳᠤᠭ ᠲᠤ ᠲᠤᠬᠢᠷᠠᠭᠤᠯᠵᠤ᠂ ᠠᠳᠠᠷ ᠬᠠᠭᠠᠯᠪᠤᠷᠢᠯᠠᠭᠤᠯᠤᠨ ᠮᠠᠯ ᠮᠠᠯᠯᠠᠭᠤᠯᠵᠤ ᠭᠠᠶᠢᠯᠢ ᠲᠤᠰᠢᠶᠠᠯᠭᠠᠪᠠ᠃ ᠡᠨᠡ ᠦᠶ᠎ᠠ ᠶᠢᠨ ᠤᠷᠳᠤᠰ ᠤᠨ ᠭᠡᠰᠡᠭ ᠭᠠᠵᠠᠷ᠂ ᠷᠸᠤ ᠷᠠᠨ᠂ ᠭᠤᠤ ᠴᠧ ᠶᠢᠨ ᠰᠠᠭᠤᠷᠢᠰᠢᠭᠰᠠᠨ ᠤᠷᠤᠨ ᠪᠤᠯᠪᠠ᠃    ᠤᠮᠠᠷᠠᠳᠤ ᠸᠧᠢ ᠤᠯᠤᠰ ᠤᠨ ᠰᠢᠶᠤᠤ ᠸᠧᠨ ᠳ᠋ᠢ ᠬᠠᠭᠠᠨ ︵ᠨᠡᠶᠢᠳᠠ ᠶᠢᠨ ᠤᠨ ᠲᠤᠭᠠᠯᠠᠯ ᠤᠨ471  ᠤᠨ ᠠᠴᠠ500 ᠤᠨ ᠬᠦᠷᠳᠡᠯ᠎ᠠ︶ ᠤ ᠰᠡᠬᠦᠯᠡᠷ ᠤᠯᠤᠰ ᠲᠦᠷᠤ ᠶᠢᠨ ᠪᠠᠶᠢᠳᠠᠯ ᠲᠤᠩᠰᠤᠯᠭᠠᠨ ᠲᠠᠢ ᠪᠤᠯᠵᠤ᠂ ᠤᠮᠠᠷᠠᠳᠤ ᠤᠷᠤᠨ ᠤ ᠸᠦᠸᠧ ᠶᠧ᠂ ᠬᠤᠸᠠᠢ ᠱᠦᠸᠧ ᠵᠡᠷᠭᠡ ᠪᠠᠯᠭᠠᠰᠤᠨ ᠤ ᠠᠷᠠᠳ ᠲᠦᠮᠡᠨ ᠪᠤᠰᠤᠯᠴᠠᠵᠤ᠂ ᠤᠮᠠᠷᠠᠳᠤ ᠸᠧᠢ ᠤᠯᠤᠰ ᠤᠨ ᠨᠤᠶᠠᠷᠬᠠᠯ ᠢ ᠡᠰᠡᠷᠬᠦᠴᠡᠪᠡ᠃ ᠣᠨᠴᠠᠭᠠᠶᠢᠯᠠᠨ ᠨᠡᠶᠢᠳᠠ ᠶᠢᠨ ᠤᠨ ᠲᠤᠭᠠᠯᠠᠯ ᠤᠨ525 ᠤᠨ ᠳᠤ᠂ ᠠᠷᠠᠳ ᠲᠦᠮᠡᠨ ᠤ ᠪᠤᠰᠤᠯᠭ᠎ᠠ ᠶᠢᠨ ᠬᠦᠷᠢᠶ᠎ᠠ ᠬᠡᠪᠴᠢᠶ᠎ᠠ ᠤᠯᠠᠮ ᠦᠷᠭᠡᠳᠪᠡ᠃ ᠡᠨᠡ ᠦᠶ᠎ᠠ᠂ ᠤᠮᠠᠷᠳᠤ ᠸᠧᠢ ᠤᠯᠤᠰ ᠤᠨ ᠨᠤᠶᠠᠷᠬᠠᠭᠴᠢᠳ ᠤᠮᠠᠷᠠᠳᠤ ᠬᠢᠯᠢ ᠲᠠᠭᠠᠤ ᠤᠷᠤᠨ ᠤ ᠵᠢᠶᠦ᠋ᠨ ᠰᠢᠶᠠᠨ ᠢ ᠵᠠᠬᠢᠷᠬᠤ ᠴᠢᠳᠠᠪᠦᠷᠢ ᠪᠠᠨ ᠪᠦᠷᠢᠮᠦᠰᠤᠨ ᠠᠯᠳᠠᠪᠠ᠃ ᠶᠦᠩ ᠰᠢ ᠶᠢᠨ ᠤᠨ ᠤᠳ ᠲᠤ᠂ ᠤᠮᠠᠷᠠᠳᠤ ᠸᠧᠢ ᠤᠯᠤᠰ ᠤᠨ ᠳ᠋ᠢ ᠸᠠᠩ ᠬᠠᠭᠠᠨ ᠠᠷᠭ᠎ᠠ ᠪᠤᠰᠤ ᠬᠤᠸᠠᠢ ᠱᠦᠸᠧ ᠵᠸᠤ ᠶᠢ ᠬᠠᠰᠤᠵᠤ᠂ ᠪᠢᠩ ᠵᠸᠤ ᠲᠠᠢ ᠨᠡᠶᠢᠯᠡᠬᠦᠯᠦᠭᠡᠳ ᠤᠶᠢᠷᠠᠬᠠᠨ ᠪᠤᠯᠭᠠᠵᠤ ᠨᠤᠶᠠᠷᠬᠠᠪᠠ᠃ ᠰᠢᠶᠠ ᠵᠸᠤ ᠶᠢᠨ ᠤᠮᠠᠷᠠᠳᠤ  ᠭᠡᠰᠡᠭ ᠤᠨ ᠵᠠᠷᠢᠮ ᠵᠢᠶᠦ᠋ᠨ ᠰᠢᠶᠠᠨ ᠢ ᠴᠤ ᠤᠷᠳᠤᠰ ᠤᠨ ᠡᠮᠦᠨ᠎ᠡ ᠵᠠᠬ᠎ᠠ ᠪᠠᠷ ᠨᠡᠬᠦᠯᠭᠡᠨ ᠠᠪᠴᠢᠷᠠᠪᠠ᠃ ᠬᠡᠳᠦᠶᠢᠪᠡᠷ ᠡᠶᠢᠮᠤ ᠪᠠᠶᠢᠭᠰᠠᠨ ᠪᠤᠯᠪᠠᠴᠤ᠂ ᠤᠷᠳᠤᠰ ᠨᠤᠳᠤᠭ ᠤᠨ ᠱᠦᠸᠧ ᠵᠸᠤ᠂ ᠰᠢᠶᠠ ᠵᠸᠤ ᠶᠢᠨ ᠤᠭ ᠤᠨ ᠭᠠᠵᠡᠷ ᠭᠡᠪ ᠢᠶᠠᠷ ᠢᠶᠠᠨ ᠤᠮᠠᠷᠠᠳᠤ ᠸᠧᠢ ᠤᠯᠤᠰ ᠤᠨ ᠨᠤᠶᠠᠷᠬᠠᠭᠴᠢᠳ ᠲᠤ ᠬᠠᠷᠢᠶᠠᠯᠠᠭᠳᠠᠵᠤ ᠪᠠᠶᠢᠪᠠ᠃    ᠠᠷᠠᠳ ᠲᠦᠮᠡᠨ ᠤ ᠪᠤᠰᠤᠯᠭ᠎ᠠ ᠶᠢᠨ ᠰᠦᠷ ᠬᠦᠴᠤ ᠲᠠᠢ ᠴᠤᠬᠢᠯᠳᠠ ᠶᠢᠨ ᠲᠤᠤᠷ᠎ᠠ᠂ ᠤᠮᠠᠷᠠᠳᠤ ᠸᠧᠢ ᠤᠯᠤᠰ ᠤᠨ ᠲᠦᠷᠤ ᠰᠠᠷᠨᠢᠨ ᠵᠠᠳᠠᠷᠠᠪᠠ᠃ ᠰᠢᠶᠤᠤ ᠡᠤ ᠳ᠋ᠢ ᠬᠠᠭᠠᠨ ᠤ ᠶᠦᠩ ᠰᠢ ᠶᠢᠨ ᠬᠤᠶᠠᠳᠤᠭᠠᠷ ᠤᠨ ︵ᠨᠡᠶᠢᠳᠠ ᠶᠢᠨ ᠤᠨ ᠲᠤᠭᠠᠯᠠᠯ ᠤᠨ534 ᠤᠨ︶ ᠳᠤ᠂ ᠤᠮᠠᠷᠠᠳᠤ ᠸᠧᠢ ᠤᠯᠤᠰ᠂ ᠵᠡᠬᠦᠨ ᠸᠧᠢ ᠪᠤᠯᠤᠨ ᠪᠠᠷᠠᠭᠤᠨ ᠸᠧᠢ ᠬᠡᠵᠤ ᠬᠠᠭᠠᠴᠠᠭᠠᠳ᠂ ᠵᠡᠬᠦᠨ ᠸᠧᠢ ᠤᠯᠤᠰ ᠤᠨ ᠶᠡᠭᠡ ᠡᠷᠭᠡ ᠭᠤᠤ ᠬᠤᠸᠠᠨ ᠤ ᠭᠠᠷ ᠲᠤ ᠤᠷᠤᠵᠤ᠂ ᠪᠠᠷᠠᠭᠤᠨ ᠸᠧᠢ ᠤᠯᠤᠰ ᠤᠨ ᠡᠷᠭᠡ ᠢᠤᠢ ᠸᠧᠨ ᠲᠠᠢ ᠶᠢᠨ ᠭᠠᠷ ᠲᠤ ᠤᠷᠤᠪᠠ᠃ ᠰᠡᠬᠦᠯᠡᠷ ᠭᠤᠤ ᠬᠤᠸᠠᠨ ᠴᠡᠷᠢᠭ ᠤᠨ ᠬᠦᠴᠦᠨ ᠳᠤ ᠲᠦᠰᠢᠭᠡᠯᠡᠵᠤ᠂ ᠪᠠᠷᠠᠭᠤᠨ ᠸᠧᠢ ᠤᠯᠤᠰ ᠤᠨ ᠰᠢᠶᠠ ᠵᠸᠤ ᠶᠢ ᠪᠤᠯᠢᠶᠠᠨ ᠠᠪᠴᠠᠢ᠃ ᠡᠬᠦᠨ ᠠᠴᠠ ᠬᠤᠶᠢᠰᠢ᠂ ᠤᠮᠠᠷᠠᠳᠤ ᠵᠸᠤ ᠤᠯᠤᠰ ᠪᠠᠰᠠ ᠤᠷᠳᠤᠰ ᠲᠤ ᠰᠢᠶᠠ ᠵᠸᠤ ᠬᠡᠵᠤ ᠪᠠᠶᠢᠭᠤᠯᠤᠭᠠᠳ᠂ ᠤᠷᠳᠣᠰ ᠤᠨ ᠵᠡᠬᠦᠨ ᠬᠤᠶᠢᠳᠤ ᠭᠡᠰᠡᠭ ᠤᠮᠠᠷᠠᠳᠤ ᠴᠢ ᠤᠯᠤᠰ ᠲᠤ ᠨᠤᠶᠠᠷᠬᠠᠭᠳᠠᠪᠠ᠃    ᠵᠢᠷᠭᠤᠭ᠎ᠠ᠂ ᠰᠦᠢ ᠤᠯᠤᠰ᠂ ᠲᠠᠩ ᠤᠯᠤᠰ᠂ ᠲᠠᠪᠤᠨ ᠲᠦᠷᠤ ᠵᠢᠴᠢ ᠲᠠᠩᠭᠤᠳ ᠤᠯᠤᠰ᠂ ᠤᠮᠠᠷᠠᠳᠤ ᠰᠦᠩ ᠤᠯᠤᠰ ᠤᠨ ᠦᠶ᠎ᠠ                   ᠨᠡᠶᠢᠳᠠ ᠶᠢᠨ ᠤᠨ ᠲᠤᠭᠠᠯᠠᠯ ᠤᠨ581 ᠤᠨ ᠳᠤ᠂ ᠶᠠᠩ ᠵᠢᠶᠠᠨ ᠤᠮᠠᠷᠠᠲᠤ ᠵᠸᠤ ᠤᠯᠤᠰ ᠢ ᠮᠦᠬᠦᠭᠡᠵᠤ᠂ ᠰᠦᠢ ᠤᠯᠤᠰ ᠢ ᠪᠠᠶᠢᠭᠤᠯᠪᠠ᠃ ᠺᠠᠢ ᠬᠤᠸᠠᠩ ᠤᠨ ᠶᠢᠰᠦᠳᠦᠭᠡᠷ ᠤᠨ ︵ᠨᠡᠶᠢᠳᠠ ᠶᠢᠨ ᠤᠨ ᠲᠤᠭᠠᠯᠠᠯ ᠤᠨ589 ᠤᠨ︶ ᠳᠤ᠂ ᠴᠧᠨ ᠤᠯᠤᠰ ᠢ ᠮᠦᠬᠦᠭᠡᠭᠰᠡᠨ ᠤ ᠰᠡᠬᠦᠯᠡᠷ᠂ ᠬᠢᠯᠢ ᠬᠢᠵᠠᠭᠠᠷ ᠤᠷᠤᠨ ᠤ ᠴᠦᠭᠡᠨ ᠲᠤᠭᠠᠳᠤ ᠦᠨᠳᠦᠰᠦᠳᠡᠨ ᠨᠦᠭᠦᠳ ᠪᠠᠶᠢᠳᠠᠯ ᠤᠨ ᠬᠠᠨᠳᠤᠰᠢ ᠶᠢ ᠦᠵᠡᠭᠡᠳ᠂ ᠴᠦᠮ ᠰᠦᠢ ᠸᠧᠨ ᠳ᠋ᠢ ᠬᠠᠭᠠᠨ ᠢ ᠲᠠᠭᠠᠭᠰᠠᠨ ᠢᠶᠠᠷ ᠪᠦᠬᠦ ᠤᠯᠤᠰ ᠨᠢᠭᠡᠳᠪᠡ᠃ ᠰᠦᠢ ᠤᠯᠤᠰ ᠤᠨ ᠡᠬᠢᠨ ᠳᠤ᠂ ᠤᠮᠠᠷᠠᠳᠤ ᠤᠷᠤᠨ ᠤ ᠲᠶᠦ᠋ᠷᠺ ᠬᠠᠭᠠᠨᠳᠤ ᠤᠯᠤᠰ ᠤᠨ ᠡᠮᠦᠨᠡᠰᠢ ᠲᠤᠪᠳᠤᠯᠬᠤ ᠶᠢ ᠰᠡᠷᠭᠡᠶᠢᠯᠡᠬᠦ ᠶᠢᠨ ᠲᠦᠯᠦᠭᠡ᠂ ᠤᠷᠳᠤᠰ ᠲᠤ ᠴᠡᠷᠢᠭ ᠤᠨ ᠰᠠᠭᠤᠷᠢᠨ ᠪᠠᠶᠢᠭᠤᠯᠵᠤ᠂ ᠪᠠᠷᠠᠭᠤᠨᠳᠡᠬᠢ ᠨᠢᠩᠰᠢᠶᠠ ᠶᠢᠨ ᠯᠢᠩ  ᠡᠤ ᠠᠴᠠ ᠵᠡᠬᠦᠨᠰᠢ ᠬᠠᠳᠤᠨ ᠭᠤᠤᠯ ᠬᠦᠷᠬᠦ ᠤᠷᠳᠤ ᠴᠠᠭᠠᠨ ᠭᠡᠷᠡᠮ ᠢ ᠪᠠᠷᠢᠪᠠ᠃ ᠤᠷᠳᠤᠰ ᠤᠨ ᠵᠡᠬᠦᠨ ᠬᠤᠶᠢᠳᠤ ᠭᠡᠰᠡᠭ ᠲᠤ ᠢᠤᠢ ᠯᠢᠨ ᠵᠢᠶᠦ᠋ᠨ᠂ ᠤᠮᠠᠷᠠᠳᠤ ᠭᠡᠰᠡᠭ  ᠲᠤ ᠡᠤ ᠶᠤᠸᠠᠨ ᠵᠢᠶᠦ᠋ᠨ᠂ ᠪᠠᠷᠠᠭᠤᠨ ᠡᠮᠦᠨ᠎ᠡ ᠭᠡᠰᠡᠭ ᠲᠤ ᠱᠦᠸᠧ ᠹᠠᠩ ᠵᠢᠶᠦ᠋ᠨ ᠬᠡᠵᠤ ᠪᠠᠶᠢᠭᠤᠯᠪᠠ᠃ ᠲᠤᠬᠠᠢ ᠶᠢᠨ ᠦᠶ᠎ᠡ ᠶᠢᠨ ᠡᠶᠢᠮᠤ ᠵᠠᠰᠠᠭ ᠵᠠᠬᠢᠷᠭᠠᠨ ᠤ ᠪᠠᠶᠢᠭᠤᠯᠤᠮᠵᠢ ᠪᠠᠶᠢᠭᠤᠯᠬᠤ ᠠᠷᠭ᠎ᠠ ᠪᠤᠯ ᠤᠮᠠᠷᠠᠳᠤ ᠵᠸᠤ ᠤᠯᠤᠰ ᠤᠨ ᠦᠶ᠎ᠠ ᠠᠴᠠ ᠤᠯᠠᠮᠵᠢᠯᠠᠭᠳᠠᠵᠤ ᠢᠷᠡᠭᠰᠡᠨ ᠶᠤᠮ᠃ ᠲᠡᠷᠠ ᠦᠶ᠎ᠠ ᠳᠤ ᠵᠢᠶᠦ᠋ᠨ ᠰᠢᠶᠠᠨ ᠠᠴᠠ ᠭᠠᠳᠠᠨ᠎ᠠ ᠪᠠᠰᠠ ᠵᠸᠤ ᠶᠢᠨ ᠱᠠᠳᠤᠨ ᠤ ᠵᠠᠰᠠᠭ ᠵᠠᠬᠢᠷᠭᠠᠨ ᠤ ᠪᠠᠶᠢᠭᠤᠯᠤᠮᠵᠢ ᠪᠠᠶᠢᠪᠠ᠃ ᠺᠠᠢ ᠬᠤᠸᠠᠩ ᠤᠨ ᠭᠤᠷᠪᠠᠳᠤᠭᠠᠷ ᠤᠨ ︵ᠨᠡᠶᠢᠳᠠ ᠶᠢᠨ ᠤᠨ ᠲᠤᠭᠠᠯᠠᠯ ᠤᠨ583 ᠤᠨ︶ ᠳᠤ᠂ ᠲᠦᠪ ᠲᠤ ᠲᠦᠪᠯᠡᠷᠡᠬᠦᠯᠦᠨ ᠵᠠᠬᠢᠷᠬᠤ ᠲᠦᠷᠢᠮ ᠢ ᠴᠢᠩᠭᠠᠳᠬᠠᠬᠤ ᠶᠢᠨ ᠲᠦᠯᠦᠭᠡ ᠰᠦᠢ ᠸᠧᠨ ᠳ᠋ᠢ ᠬᠠᠭᠠᠨ᠂ ᠶᠠᠩ ᠱᠠᠩ ᠰᠢ ᠶᠢᠨ ᠰᠠᠨᠠᠭᠤᠯᠭ᠎ᠠ ᠶᠢ ᠬᠦᠯᠢᠶᠡᠵᠤ᠂ ᠤᠤᠯ ᠤᠨ ᠵᠸᠤ᠂ ᠵᠢᠶᠦ᠋ᠨ᠂ ᠰᠢᠶᠠᠨ ᠤ ᠭᠤᠷᠪᠠᠨ ᠱᠠᠳᠤᠨ ᠤ ᠵᠠᠰᠠᠭ ᠵᠠᠬᠢᠷᠭᠠᠨ ᠤ ᠪᠠᠶᠢᠭᠤᠯᠤᠮᠵᠢ ᠶᠢᠨ ᠲᠦᠷᠢᠮ ᠢ ᠦᠭᠡᠷᠡᠴᠢᠯᠡᠵᠤ᠂ ᠵᠸᠤ᠂ ᠰᠢᠶᠠᠨ ᠬᠡᠬᠦ ᠬᠤᠶᠠᠷ ᠱᠠᠳᠤᠨ ᠤ ᠵᠠᠰᠠᠭ ᠵᠠᠬᠢᠷᠭᠠᠨ ᠤ ᠪᠠᠶᠢᠭᠤᠯᠤᠮᠵᠢ ᠪᠤᠯᠭᠠᠪᠠ᠃ ᠵᠸᠤ ᠳᠤ ᠼᠢ ᠱᠢ ᠲᠦᠰᠢᠮᠡᠯ ᠲᠤᠮᠢᠯᠠᠵᠠᠢ᠃ ᠼᠢ ᠱᠢ ᠲᠦᠰᠢᠮᠡᠯ ᠪᠤᠯ ᠵᠸᠤ ᠶᠢᠨ ᠱᠠᠳᠤᠨ ᠤ ᠤᠯᠤᠰ ᠲᠦᠷᠤ᠂ ᠠᠵᠤ ᠠᠬᠤᠢ ᠶᠢ ᠬᠠᠮᠢᠶᠠᠷᠬᠤ ᠬᠠᠮᠤᠭ ᠤᠨ ᠶᠡᠭᠡ ᠵᠠᠬᠢᠷᠤᠭᠴᠢ ᠨᠤᠶᠠᠨ ᠪᠤᠯᠬᠤ ᠪᠦᠭᠡᠳ ᠴᠡᠷᠢᠭ ᠤᠨ ᠶᠠᠪᠤᠳᠠᠯ ᠢ ᠪᠠᠰᠠ ᠬᠠᠪᠰᠤᠷᠭᠠᠨ ᠬᠠᠷᠢᠭᠤᠴᠠᠳᠠᠭ᠃ ᠵᠠᠷᠢᠮ ᠵᠸᠤ ᠶᠢᠨ ᠬᠠᠮᠤᠭ ᠤᠨ ᠶᠡᠭᠡ ᠵᠠᠬᠢᠷᠤᠭᠴᠢ ᠨᠤᠶᠠᠨ ᠢ ᠼᠢ ᠱᠢ ᠲᠦᠰᠢᠮᠡᠯ ᠬᠡᠬᠦ ᠦᠭᠡᠢ ᠬᠠᠷᠢᠨ ᠶᠡᠷᠦᠩᠭᠡᠢ ᠬᠠᠮᠶᠠᠷᠤᠭᠴᠢ ︵ᠽᠦᠩ ᠭᠤᠸᠠᠨ︶ ᠨᠤᠶᠠᠨ ᠭᠡᠳᠡᠭ᠃ ᠵᠠᠷᠢᠮ ᠶᠡᠷᠦᠩᠭᠡᠢ ᠬᠠᠮᠶᠠᠷᠤᠭᠴᠢ ᠨᠤᠶᠠᠨ᠂ ᠭᠡᠳᠦᠨ ᠵᠸᠤ ᠶᠢ ᠬᠠᠮᠢᠶᠠᠷᠳᠠᠭ᠃ ᠶᠡᠷᠦᠩᠭᠡᠢ ᠬᠠᠮᠢᠶᠠᠷᠤᠭᠴᠢ ᠶᠡᠷᠤ ᠳᠡᠭᠡᠨ ᠴᠡᠷᠢᠭ ᠤᠨ ᠶᠠᠪᠤᠳᠠᠯ ᠢ ᠭᠤᠤᠯᠴᠢᠯᠠᠨ ᠬᠠᠮᠢᠶᠠᠷᠳᠠᠭ ᠪᠤᠯᠪᠠᠴᠤ᠂ ᠪᠠᠰᠠ ᠬᠠᠷᠢᠶᠠᠳᠤ ᠤᠷᠤᠨ ᠤ ᠪᠠᠨ ᠤᠯᠤᠰ ᠲᠦᠷᠦ᠂ ᠡᠳ᠋ ᠤᠨ ᠵᠠᠰᠠᠭ ᠢ ᠬᠠᠪᠰᠤᠷᠭᠠᠨ ᠬᠠᠷᠢᠭᠤᠴᠠᠳᠠᠭ᠃  ᠡᠨᠡ ᠦᠶ᠎ᠠ᠂ ᠤᠷᠳᠤᠰ ᠲᠤ ᠲᠦᠷᠪᠡᠨ ᠶᠡᠷᠦᠩᠭᠡᠢ ᠬᠠᠮᠢᠶᠠᠷᠤᠭᠴᠢ ᠶᠢᠨ ᠤᠷᠳᠤᠨ ᠪᠠᠶᠢᠪᠠ᠂ ᠳ᠋ᠠ ᠶᠧ ᠶᠢᠨ ᠠᠩᠬᠠᠳᠤᠭᠠᠷ ᠤᠨ ︵ᠨᠡᠶᠢᠳᠠ ᠶᠢᠨ ᠤᠨ ᠲᠤᠭᠠᠯᠠᠯ ᠤᠨ605 ᠤᠨ︶ ᠬᠦᠷᠳᠡᠯ᠎ᠠ᠂ ᠰᠦᠢ ᠶᠠᠩ ᠳ᠋ᠢ ᠬᠠᠭᠠᠨ ᠡᠯ᠎ᠠ ᠭᠠᠵᠠᠷ ᠤᠨ ᠶᠡᠷᠦᠩᠭᠡᠢ ᠬᠠᠮᠢᠶᠠᠷᠤᠭᠴᠢ ᠶᠢᠨ ᠤᠷᠳᠤᠨ ᠢ ᠬᠠᠰᠤᠵᠤ᠂ ᠴᠡᠷᠢᠭ ᠠᠩᠬᠢ ᠶᠢ ᠵᠢᠯᠤᠭᠤᠳᠬᠤ ᠡᠷᠭᠡ ᠶᠢ ᠲᠦᠪ ᠤᠨ ᠬᠠᠭᠠᠨᠳᠤ ᠲᠦᠷᠤ ᠳᠤ ᠲᠦᠪᠯᠡᠷᠡᠬᠦᠯᠵᠤ᠂ ᠵᠸᠤ ᠶᠢ ᠵᠢᠶᠦ᠋ᠨ ᠪᠤᠯᠭᠠᠵᠠᠢ᠃ ᠡᠶᠢᠮᠦᠷᠬᠦ ᠵᠢᠶᠦ᠋ᠨ ᠨᠦᠭᠦᠳ ᠦᠨᠡᠨ ᠳᠡᠭᠡᠨ ᠺᠠᠢ ᠬᠤᠸᠠᠩ ᠤᠨ ᠵᠢᠯ ᠤᠳ ᠤᠨ ᠠᠳᠠᠯᠢ ᠶᠤᠮ᠃ ᠲᠡᠷᠠ ᠪᠠᠰᠠ ᠶᠡᠷᠦᠩᠭᠡᠢ ᠬᠠᠮᠢᠶᠠᠷᠤᠭᠴᠢ ᠪᠤᠯᠤᠨ ᠼᠢ ᠱᠢ ᠲᠦᠰᠢᠮᠡᠯ ᠢ ᠲᠠᠶᠢᠱᠸᠤ ᠲᠦᠰᠢᠮᠡᠯ ᠪᠤᠯᠭᠠᠨ ᠦᠭᠡᠷᠡᠴᠢᠯᠡᠪᠡ᠃ ᠲᠤᠬᠠᠢ ᠶᠢᠨ ᠦᠶ᠎ᠠ ᠶᠢᠨ ᠵᠢᠶᠦ᠋ᠨ ᠤ ᠲᠠᠪᠤ ᠨᠢ ᠤᠷᠳᠤᠰ ᠲᠠᠢ ᠬᠠᠷᠢᠴᠠᠭ᠎ᠠ ᠲᠠᠢ ᠪᠦᠭᠡᠳ ᠵᠢᠶᠦ᠋ᠨ ᠤ ᠬᠠᠮᠢᠶᠠᠷᠴᠤ ᠪᠠᠶᠢᠭᠰᠠᠨ ᠠᠷᠪᠠᠨ ᠭᠤᠷᠪᠠᠨ ᠰᠢᠶᠠᠨ ᠪᠠᠯᠭᠠᠰᠤᠨ ᠳᠤ ᠤᠷᠳᠤᠰ ᠤᠨ ᠡᠨᠡ ᠲᠡᠷᠠ ᠭᠠᠵᠠᠷ ᠤᠳ ᠪᠠᠶᠢᠪᠠ᠃       ᠤᠷᠳᠤᠰ ᠲᠤ ᠪᠠᠶᠢᠭᠤᠯᠤᠭᠰᠠᠨ ᠰᠦᠢ ᠤᠯᠤᠰ ᠤᠨ ᠵᠢᠶᠦ᠋ᠨ ᠰᠢᠶᠠᠨ ᠤ ᠪᠠᠶᠢᠳᠠᠯ ᠪᠤᠯ᠄ ᠱᠦᠸᠧ ᠹᠠᠩ  ᠵᠢᠶᠦ᠋ᠨ ᠳᠤ ᠦᠤᠰᠢᠨ ᠬᠤᠰᠢᠭᠤ ᠪᠤᠯᠤᠨ ᠲᠡᠬᠦᠨ ᠠᠴᠠ ᠡᠮᠦᠨᠡᠰᠢ ᠤᠷᠳᠤ ᠴᠠᠭᠠᠨ ᠭᠡᠷᠡᠮ ᠬᠦᠷᠳᠡᠯᠡᠬᠢ ᠦᠷᠭᠡᠨ ᠠᠭᠤᠳᠠᠮ ᠭᠠᠵᠠᠷ ᠪᠠᠭᠳᠠᠨ᠎ᠠ᠃ ᠲᠤᠰ ᠵᠢᠶᠦ᠋ᠨ ᠲᠦᠷᠪᠡᠨ ᠰᠢᠶᠠᠨ ᠢ ᠬᠠᠮᠢᠶᠠᠷᠳᠠᠭ᠃ ᠶᠠᠨ ᠯᠤ᠋ ᠰᠢᠶᠠᠨ ᠪᠤᠯ ᠲᠦᠮᠡᠨ ᠢ ᠵᠠᠬᠢᠷᠬᠤ ︵ᠲᠦᠩ ᠸᠠᠨ ᠴᠧᠩ︶ ᠬᠤᠳᠠ ᠪᠠᠷ ᠭᠤᠤᠯ ᠪᠤᠯᠭᠠᠵᠤ᠂ ᠦᠤᠰᠢᠨ ᠬᠤᠰᠢᠭᠤᠨ ᠤ ᠡᠮᠦᠨ᠎ᠡ ᠭᠡᠰᠡᠭ ᠢ ᠬᠠᠮᠢᠶᠠᠷᠤᠨ᠎ᠠ᠃ ᠲᠦᠮᠡᠨ ᠢ ᠵᠠᠬᠢᠷᠬᠤ ᠬᠤᠳᠠ ᠪᠤᠯ ᠡᠨᠡ ᠰᠢᠶᠠᠨ ᠤ ᠤᠯᠤᠰ ᠲᠦᠷᠤ᠂ ᠠᠵᠤ ᠠᠬᠤᠢ᠂ ᠰᠤᠶᠤᠯ ᠤᠨ ᠲᠦᠪ ᠪᠠᠶᠢᠪᠠ᠃ ᠨᠢᠩ ᠱᠦᠸᠧ ᠰᠢᠶᠠᠨ ᠤ ᠬᠤᠳᠠ ᠶᠢ ᠤᠳᠤ ᠶᠢᠨ ᠱᠠᠨᠰᠢ ᠮᠤᠵᠢ ᠶᠢᠨ ᠡᠾᠧᠩ ᠱᠠᠨ ᠰᠢᠶᠠᠨ ᠤ ᠪᠠᠷᠠᠭᠤᠨ ᠡᠮᠦᠨᠡᠬᠢ ᠯᠤ᠋ ᠡᠾᠧ ᠭᠤᠤᠯ ᠤᠨ ᠬᠦᠪᠡᠭᠡᠨ ᠳᠤ ᠪᠠᠶᠢᠭᠤᠯᠵᠠᠢ᠃ ᠤᠷᠳᠤᠰ ᠤᠨ ᠬᠠᠮᠤᠭ ᠤᠨ ᠡᠮᠦᠨ᠎ᠡ ᠵᠠᠬ᠎ᠠ ᠡᠨᠡ ᠰᠢᠶᠠᠨ ᠳᠤ ᠬᠠᠮᠢᠶᠠᠷᠤᠭᠳᠠᠳᠠᠭ᠃ ᠳ᠋ᠧ ᠵᠢᠩ ᠰᠢᠶᠠᠨ ᠤ ᠬᠤᠳᠠ ᠪᠤᠯ ᠤᠳᠤ ᠶᠢᠨ ᠦᠤᠰᠢᠨ ᠬᠤᠰᠢᠭᠤᠨ ᠤ  ᠦᠤᠰᠢᠨᠵᠤᠤ ᠶᠢᠨ ᠵᠡᠬᠦᠨ ᠡᠮᠦᠨ᠎ᠡ᠂ ᠲᠦᠮᠡᠨ ᠢ ᠵᠠᠬᠢᠷᠬᠤ ᠬᠤᠳᠠ ︵ᠲᠦᠩ ᠸᠠᠨ ᠴᠧᠩ︶ ᠶᠢᠨ ᠵᠡᠬᠦᠨ ᠬᠤᠶᠢᠨ᠎ᠠ ᠪᠠᠶᠢᠪᠠ᠃ ᠲᠤᠰ ᠬᠤᠳᠠ ᠶᠢ ᠬᠠᠨ ᠡᠤ ᠳ᠋ᠢ ᠬᠠᠭᠠᠨ ᠤ ᠶᠡᠭᠡ ᠲᠦᠰᠢᠮᠡᠯ ᠰᠤ᠋ ᠵᠢᠶᠠᠨ ᠡᠷᠬᠢᠯᠡᠨ ᠪᠠᠶᠢᠭᠤᠯᠵᠤ᠂ ᠲᠤᠬᠠᠢ ᠶᠢᠨ ᠦᠶ᠎ᠠ ᠳᠤ ᠱᠦᠸᠧ ᠹᠠᠩ ᠬᠤᠳᠠ ᠬᠡᠵᠤ ᠨᠡᠷᠡᠶᠢᠳᠴᠠᠢ᠂ ᠪᠠᠰᠠ ᠱᠢ ᠪᠧᠨ ᠴᠧᠩ ᠬᠤᠳᠠ ᠭᠡᠳᠡᠭ᠃ ᠤᠳᠤ ᠶᠢᠨ ᠦᠤᠰᠢᠨ ᠤ ᠵᠡᠬᠦᠨ ᠭᠡᠰᠡᠭ ᠢ ᠬᠠᠮᠢᠶᠠᠷᠴᠤ ᠪᠠᠶᠢᠪᠠ᠃          ᠡᠤ ᠶᠤᠸᠠᠨ ᠵᠢᠶᠦ᠋ᠨ ᠪᠤᠯ ᠤᠷᠳᠤᠰ ᠤᠨ ᠬᠤᠶᠢᠳᠤ ᠬᠡᠰᠡᠭ ᠲᠤ ᠪᠠᠶᠢᠵᠠᠢ᠂ ᠤᠳᠤ ᠶᠢᠨ ᠬᠠᠩᠬᠢᠨ ᠬᠤᠶᠢᠳᠤ ᠬᠤᠰᠢᠭᠤ᠂ ᠯᠢᠨ ᠡᠾᠧ ᠰᠢᠶᠠᠨ᠂ ᠡᠤ ᠶᠤᠸᠠᠨ ᠰᠢᠶᠠᠨ᠂ ᠤᠷᠠᠳ ᠤᠨ ᠡᠮᠦᠨᠡᠳᠤ ᠬᠤᠰᠢᠭᠤ᠂ ᠬᠠᠩᠬᠢᠨ ᠬᠤᠰᠢᠭᠤ᠂ ᠲᠠᠯᠠᠳ ᠬᠤᠰᠢᠭᠤ ᠵᠡᠷᠭᠡ ᠪᠠᠭᠳᠠᠵᠤ ᠪᠤᠢ᠃ ᠺᠠᠢ ᠬᠤᠸᠠᠩ ᠤᠨ ᠲᠠᠪᠤᠳᠤᠭᠠᠷ ᠤᠨ ︵ᠨᠡᠶᠢᠳᠠ ᠶᠢᠨ ᠤᠨ ᠲᠤᠭᠠᠯᠠᠯ ᠤᠨ585 ᠤᠨ︶ ᠳᠤ᠂ ᠠᠳᠠ ᠹᠧᠩᠵᠸᠤ ᠬᠡᠵᠤ ᠪᠠᠶᠢᠭᠤᠯᠵᠤ ᠦᠩᠭᠡᠷᠡᠪᠡ᠃ ᠡᠶᠢᠮᠤ ᠠᠴᠠ ᠰᠦᠢ ᠤᠯᠤᠰ ᠭᠡᠰᠡᠭ ᠬᠤᠭᠤᠴᠠᠭᠠᠨ ᠳᠤ ᠠᠳᠡᠬᠢ ᠶᠢ ᠮᠦᠨ ᠹᠧᠩᠵᠸᠤ ᠬᠡᠵᠤ ᠪᠠᠶᠢᠪᠠ᠃ ᠲᠤᠰ ᠵᠢᠶᠦ᠋ᠨ ᠭᠤᠷᠪᠠᠨ ᠰᠢᠶᠠᠨ ᠢ ᠬᠠᠮᠢᠶᠠᠷᠳᠠᠭ᠃ ᠵᠢᠤ ᠶᠤᠸᠠᠨ ᠰᠢᠶᠠᠨ ᠪᠤᠯ ᠡᠤ ᠶᠤᠸᠠᠨ ᠵᠢᠶᠦ᠋ᠨ ᠤ ᠪᠠᠶᠢᠬᠤ ᠭᠠᠵᠠᠷ ᠪᠤᠯᠤᠨ᠎ᠠ᠃ ᠡᠨᠡ ᠰᠢᠶᠠᠨ ᠤᠷᠳᠤᠰ ᠤᠨ ᠵᠡᠬᠦᠨ ᠬᠤᠶᠢᠳᠤ ᠭᠡᠰᠡᠭ ᠤᠨ ᠭᠠᠵᠠᠷ ᠢ ᠬᠠᠮᠢᠶᠠᠷᠴᠤ ᠪᠠᠶᠢᠪᠠ᠃ ᠶᠦᠩ ᠹᠧᠩ ᠰᠢᠶᠠᠨ ᠤ ᠬᠠᠮᠢᠶᠠᠷᠬᠤ ᠬᠦᠷᠢᠶ᠎ᠠ ᠭᠡᠪᠴᠢᠶ᠎ᠠ ᠳᠤ ᠤᠳᠤ ᠶᠢᠨ ᠦᠵᠦᠬᠦᠷ ᠭᠤᠤᠯ ᠪᠠ ᠬᠠᠳᠤᠨ ᠭᠤᠤᠯ ᠤᠨ ᠬᠤᠭᠤᠷᠤᠨᠳᠤᠬᠢ ᠪᠠᠷᠠᠭᠤᠨ ᠬᠠᠭᠠᠰ ᠭᠡᠰᠡᠭ ᠤᠨ ᠭᠠᠵᠠᠷ ᠪᠤᠯᠤᠨ ᠤᠳᠤ ᠶᠢᠨ ᠬᠠᠩᠬᠢᠨ ᠬᠤᠰᠢᠭᠤᠨ ᠤ ᠪᠠᠷᠠᠭᠤᠨ ᠬᠤᠶᠢᠳᠤ ᠭᠡᠰᠡᠭ ᠪᠠᠭᠳᠠᠨ᠎ᠠ᠃ ᠠᠨ ᠬᠤᠸᠠ ᠰᠢᠶᠠᠨ ᠤ ᠬᠠᠮᠢᠶᠠᠷᠬᠤ ᠬᠦᠷᠢᠶ᠎ᠠ ᠭᠡᠪᠴᠢᠶ᠎ᠠ ᠳᠤ ᠵᠢᠤ ᠶᠤᠸᠠᠨ ᠰᠢᠶᠠᠨ ᠠᠴᠠ ᠵᠡᠬᠦᠨ ᠡᠮᠦᠨᠡᠰᠢᠬᠢ ᠬᠠᠳᠤᠨ ᠭᠤᠤᠯ ᠤᠨ ᠬᠦᠪᠡᠭᠡ ᠲᠠᠭᠠᠤ ᠭᠠᠵᠠᠷ ᠤᠳ ᠪᠠᠭᠳᠠᠨ᠎ᠠ᠃          ᠢᠤᠢ ᠯᠢᠨ ᠵᠢᠶᠦ᠋ᠨ ᠪᠤᠯ ᠤᠷᠳᠤᠰ ᠤᠨ ᠵᠡᠬᠦᠨ ᠬᠤᠶᠢᠳᠤ ᠭᠡᠰᠡᠭ  ᠵᠢᠴᠢ ᠲᠦᠮᠡᠳ ᠤᠨ ᠲᠠᠯ᠎ᠠ ᠤᠨ ᠪᠠᠷᠠᠭᠤᠨ ᠡᠮᠦᠨᠡᠬᠢ ᠦᠷᠭᠡᠨ ᠠᠭᠤᠳᠠᠮ ᠭᠠᠵᠠᠷ ᠢᠶᠠᠷ ᠪᠠᠶᠢᠷᠢᠯᠠᠵᠤ ᠪᠠᠶᠢᠪᠠ᠃ ᠲᠤᠰ ᠵᠢᠶᠦ᠋ᠨ ᠭᠤᠷᠪᠠᠨ ᠰᠢᠶᠠᠨ ᠢ ᠬᠠᠮᠢᠶᠠᠷᠳᠠᠭ᠃ ᠢᠤᠢ ᠯᠢᠨ ᠰᠢᠶᠠᠨ᠂ ᠤᠳᠤ ᠶᠢᠨ ᠲᠠᠯᠠᠳ ᠬᠤᠰᠢᠭᠤ᠂ ᠵᠡᠬᠦᠨᠭᠠᠷ ᠬᠤᠰᠢᠭᠤ᠂ ᠳ᠋ᠦᠩᠱᠧᠩ ᠬᠤᠳᠠ᠂ ᠡᠵᠡᠨ ᠬᠤᠷᠤᠭ᠎ᠠ ᠬᠤᠰᠢᠭᠤ ᠶᠢᠨ ᠭᠡᠰᠡᠭ ᠭᠠᠵᠠᠷ ᠢ ᠬᠠᠮᠢᠶᠠᠷᠴᠤ ᠪᠠᠶᠢᠪᠠ᠃ ᠲᠤᠬᠠᠢ ᠶᠢᠨ ᠦᠶ᠎ᠠ ᠶᠢᠨ ᠢᠤᠢ ᠯᠢᠨ ᠰᠢᠶᠠᠨ ᠤ ᠰᠢᠶᠠᠨ ᠤ ᠬᠤᠳᠠ ᠪᠤᠯ ᠤᠳᠤ ᠶᠢᠨ ᠵᠡᠬᠦᠨᠭᠠᠷ ᠤᠨ ᠠᠷᠪᠠᠨ ᠬᠤᠶᠠᠷ ᠬᠤᠯᠪᠤᠯᠵᠢᠨ ᠬᠤᠳᠠ ᠪᠤᠯᠤᠨ᠎ᠠ᠃ ᠹᠦ᠋ ᠴᠠᠩ ᠰᠢᠶᠠᠨ᠂ ᠤᠳᠤ ᠶᠢᠨ ᠵᠡᠬᠦᠨᠭᠠᠷ ᠬᠤᠰᠢᠭᠤᠨ ᠤ ᠱᠠᠭᠳᠠᠷ ᠠᠴᠠ ᠵᠡᠬᠦᠨ ᠡᠮᠦᠨᠡᠰᠢᠬᠢ ᠱᠠᠨᠰᠢ ᠮᠤᠵᠢ ᠲᠠᠢ ᠵᠠᠬ᠎ᠠ ᠨᠡᠶᠢᠯᠡᠵᠤ ᠪᠠᠶᠢᠭᠰᠠᠨ ᠭᠠᠵᠠᠷ ᠢ ᠬᠠᠮᠢᠶᠠᠷᠴᠤ ᠪᠠᠶᠢᠭᠰᠠᠨ ᠪᠦᠭᠡᠳ ᠤᠳᠤ ᠶᠢᠨ ᠡᠵᠡᠨ ᠬᠤᠷᠤᠭ᠎ᠠ ᠬᠤᠰᠢᠭᠤ᠂ ᠳ᠋ᠦᠩᠱᠧᠩ ᠬᠤᠳᠠ ᠶᠢᠨ ᠦᠴᠦᠭᠡᠨ ᠭᠡᠰᠡᠭ ᠭᠠᠵᠠᠷ ᠢ ᠪᠠᠭᠳᠠᠭᠠᠵᠤ ᠪᠠᠶᠢᠪᠠ᠃ ᠡᠬᠦᠨ ᠠᠴᠠ ᠭᠠᠳᠠᠨ᠎ᠠ᠂ ᠲᠤᠬᠠᠢ ᠶᠢᠨ ᠦᠶ᠎ᠠ ᠶᠢᠨ ᠢᠤᠢ ᠯᠢᠨ ᠰᠢᠶᠠᠨ ᠤ ᠵᠡᠬᠦᠨ ᠡᠮᠦᠨ᠎ᠡ᠂ ᠲᠦᠴᠢᠨ ᠭᠠᠵᠠᠷ ᠤᠨ ᠦᠵᠦᠬᠦᠷ ᠲᠤ ᠢᠤᠢ ᠯᠢᠨ ᠭᠤᠸᠠᠨ ᠪᠤᠭᠤᠮᠳᠠ ᠬᠡᠵᠤ ᠪᠠᠶᠢᠭᠤᠯᠪᠠ᠃          ᠯᠢᠩ ᠡᠤ ᠵᠢᠶᠦ᠋ᠨ ᠪᠤᠯ ᠤᠷᠳᠤᠰ ᠤᠨ ᠪᠠᠷᠠᠭᠤᠨ ᠭᠡᠰᠡᠭ ᠤᠨ ᠡᠮᠦᠨ᠎ᠡ ᠠᠴᠠ ᠬᠤᠶᠢᠰᠢ ᠴᠢᠭᠯᠡᠭᠰᠡᠨ ᠬᠠᠳᠤᠨ ᠭᠤᠤᠯ ᠤᠨ ᠵᠡᠬᠦᠨ ᠬᠦᠪᠡᠭᠡᠨ ᠳᠠᠬᠢ ᠨᠠᠷᠢᠬᠠᠨ ᠤᠷᠳᠤ ᠭᠠᠵᠠᠷ ᠪᠤᠯᠤᠨ ᠨᠢᠩᠰᠢᠶᠠ ᠶᠢᠨ ᠬᠤᠳᠤᠩ ᠦᠨᠳᠦᠰᠦᠳᠡᠨ ᠤ ᠦᠪᠡᠷᠡᠳᠡᠭᠡᠨ ᠵᠠᠰᠠᠬᠤ ᠤᠷᠤᠨ ᠤ ᠬᠠᠳᠤᠨ ᠭᠤᠤᠯ ᠲᠠᠢ ᠨᠡᠶᠢᠯᠡᠭᠰᠡᠨ ᠭᠠᠵᠠᠷ ᠤᠳ ᠢᠶᠠᠷ ᠪᠠᠶᠢᠷᠢᠯᠠᠵᠤ ᠪᠠᠶᠢᠪᠠ᠃ ᠡᠨᠡ ᠵᠢᠶᠦ᠋ᠨ ᠤ ᠲᠤᠳᠤᠷᠠᠬᠢ ᠬᠤᠶᠠᠷ ᠰᠢᠶᠠᠨ ᠤᠷᠳᠤᠰ ᠲᠠᠢ ᠬᠠᠷᠢᠴᠠᠭ᠎ᠠ ᠲᠠᠢ ᠶᠤᠮ᠃ ᠯᠢᠩ ᠡᠤ ᠰᠢᠶᠠᠨ ᠪᠤᠯ ᠬᠠᠳᠤᠨ ᠭᠤᠤᠯ ᠤᠨ ᠵᠡᠬᠦᠨ ᠬᠦᠪᠡᠭᠡᠨ ᠳᠠᠬᠢ ᠤᠳᠤ ᠶᠢᠨ ᠲᠤᠤ ᠯᠧ ᠰᠢᠶᠠᠨ ᠤ ᠡᠮᠦᠨᠡᠬᠦᠷ ᠪᠠᠶᠢᠷᠢᠯᠠᠵᠤ᠂ ᠤᠷᠳᠤᠰ ᠤᠨ ᠤᠳᠤᠭ ᠬᠤᠰᠢᠭᠤ ᠪᠠ ᠦᠤᠰᠢᠨ ᠬᠤᠰᠢᠭᠤᠨ ᠤ ᠭᠡᠰᠡᠭ ᠭᠠᠵᠠᠷ ᠢ ᠬᠠᠮᠢᠶᠠᠷᠴᠤ ᠪᠠᠶᠢᠪᠠ᠃        ᠶᠠᠨ ᠴᠤᠸᠠᠨ ᠵᠢᠶᠦ᠋ᠨ᠂ ᠤᠷᠳᠤᠰ ᠨᠤᠳᠤᠭ ᠤᠨ ᠬᠠᠭᠤᠴᠢᠨ ᠴᠠᠭᠠᠨ ᠭᠡᠷᠡᠮ ᠠᠴᠠ ᠬᠤᠶᠢᠰᠢᠬᠢ ᠤᠳᠤ ᠶᠢᠨ ᠤᠳᠤᠭ ᠤᠨ ᠡᠮᠦᠨᠡᠳᠤ ᠬᠤᠰᠢᠭᠤᠨ ᠤ ᠵᠡᠬᠦᠨ ᠪᠡᠶ᠎ᠠ ᠵᠢᠴᠢ ᠡᠨᠡ ᠭᠠᠵᠠᠷ ᠲᠠᠢ ᠵᠠᠬ᠎ᠠ ᠨᠡᠶᠢᠯᠡᠵᠤ ᠪᠠᠶᠢᠭᠰᠠᠨ ᠱᠠᠨᠰᠢ᠂ ᠨᠢᠩᠰᠢᠶᠠ ᠶᠢᠨ ᠵᠠᠷᠢᠮ ᠭᠠᠵᠠᠷ ᠤᠳ ᠢ ᠬᠠᠮᠢᠶᠠᠷᠴᠤ ᠪᠠᠶᠢᠪᠠ᠃ ᠲᠤᠰ ᠵᠢᠶᠦ᠋ᠨ ᠤ ᠬᠠᠮᠢᠶᠠᠷᠴᠤ ᠪᠠᠶᠢᠭᠰᠠᠨ ᠡᠤ ᠶᠤᠸᠠᠨ ᠰᠢᠶᠠᠨ ᠢ ᠪᠠᠷᠠᠭᠤᠨ ᠸᠧᠢ ᠤᠯᠤᠰ ᠤᠨ ᠦᠶ᠎ᠠ ᠳᠤ ᠴᠤ ᠡᠤ ᠶᠤᠸᠠᠨ ᠰᠢᠶᠠᠨ ᠬᠡᠵᠤ ᠪᠠᠶᠢᠭᠰᠠᠨ ᠪᠦᠭᠡᠳ ᠶᠠᠨ ᠴᠤᠸᠠᠨ ᠵᠢᠶᠦ᠋ᠨ ᠤ ᠲᠦᠪ ᠢ ᠡᠨᠡ ᠰᠢᠶᠠᠨ ᠤ ᠭᠠᠵᠠᠷ ᠲᠤ ᠪᠠᠶᠢᠭᠤᠯᠵᠤ ᠪᠠᠶᠢᠪᠠ᠃ ᠡᠨᠡ ᠰᠢᠶᠠᠨ ᠪᠤᠯ ᠶᠠᠨ ᠴᠤᠸᠠᠨ ᠵᠢᠶᠦ᠋ᠨ ᠤ ᠤᠯᠤᠰ ᠲᠦᠷᠦ᠂ ᠠᠵᠤ ᠠᠬᠤᠢ᠂ ᠰᠤᠶᠤᠯ ᠤᠨ ᠲᠦᠪ ᠪᠠᠶᠢᠭᠰᠠᠨ ᠪᠦᠭᠡᠳ ᠤᠷᠳᠤᠰ ᠤᠨ ᠪᠠᠷᠠᠭᠤᠨ ᠡᠮᠦᠨ᠎ᠡ ᠭᠡᠰᠡᠭ ᠤᠨ ᠵᠠᠷᠢᠮ ᠭᠠᠵᠠᠷ ᠤᠳ ᠢ ᠬᠠᠮᠢᠶᠠᠷᠴᠤ ᠪᠠᠶᠢᠪᠠ᠃ ᠪᠠᠢ ‍ᠤᠤᠢ ᠰᠢᠶᠠᠨ᠂ ᠤᠷᠳᠤᠰ ᠤᠨ ᠪᠠᠢ ᠶᠠᠨ ‍ᠤᠤᠢ ᠨᠠᠭᠤᠷ ᠤᠨ ᠵᠡᠬᠦᠨ ᠬᠤᠶᠢᠳᠤ ᠬᠡᠰᠡᠭ ᠢ ᠬᠠᠮᠢᠶᠠᠷᠴᠤ ᠪᠠᠶᠢᠪᠠ᠃          ᠺᠠᠢ ᠬᠤᠸᠠᠩ ᠤᠨ ᠠᠷᠪᠠ ᠶᠢᠰᠦᠳᠦᠭᠡᠷ ᠤᠨ ︵ᠨᠡᠶᠢᠳᠠ ᠶᠢᠨ ᠤᠨ ᠲᠤᠭᠠᠯᠠᠯ ᠤᠨ 599 ᠤᠨ︶ ᠳᠤ᠂ ᠴᠢ ᠮᠢᠨ ᠬᠠᠭᠠᠨ ᠢᠶᠠᠷ ᠲᠤᠯᠤᠭᠠᠶᠢᠯᠠᠭᠤᠯᠤᠭᠰᠠᠨ ᠲᠶᠦ᠋ᠷᠺᠴᠤᠳ ᠤᠷᠳᠤᠰ ᠲᠤ ᠤᠷᠤᠵᠤ ᠢᠷᠡᠪᠡ᠃ ᠲᠶᠦ᠋ᠷᠺ ᠤᠨ ᠲᠦ᠋ ᠯᠢ ᠬᠠᠭᠠᠨ ᠷᠠᠨ ᠭᠠᠨ ᠰᠦᠢ ᠤᠯᠤᠰ ᠤᠨ ᠬᠠᠭᠠᠨ ᠲᠠᠢ ᠲᠦᠢᠯ ᠤᠨ ᠨᠠᠶᠢᠷᠰᠠᠭ ᠪᠠᠶᠢᠭᠰᠠᠨ ᠪᠦᠭᠡᠳ ᠰᠦᠢ ᠤᠯᠤᠰ  ᠲᠠᠢ ᠤᠷᠤᠭ ᠲᠦᠷᠦᠯ ᠬᠤᠯᠪᠤᠬᠤ ᠪᠠᠷ ᠱᠠᠭᠠᠷᠳᠠᠭᠰᠠᠨ ᠪᠠᠶᠢᠨ᠎ᠠ᠃ ᠰᠡᠬᠦᠯᠡᠷ ᠲᠶᠦ᠋ᠷᠺ ᠤᠨ ᠲᠤᠳᠤᠭᠠᠳᠤ ᠳᠤ ᠬᠠᠭᠠᠷᠠᠯ ᠭᠠᠷᠴᠤ᠂ ᠬᠠᠭᠠᠳ ᠬᠤᠭᠤᠷᠤᠨᠳᠤ ᠪᠠᠨ ᠵᠢᠯ ᠲᠠᠷᠠᠭᠠᠯᠠᠨ ᠬᠤᠳᠬᠤᠨ ᠪᠠᠶᠢᠯᠳᠤᠪᠠ᠃ ᠰᠠᠮᠠᠭᠤᠨ ᠲᠠᠶᠢᠨ ᠤ ᠲᠤᠮᠳᠠ ᠲᠦ᠋ ᠯᠢ ᠬᠠᠭᠠᠨ ᠷᠠᠨ ᠭᠠᠨ ᠦᠪᠡᠷ ᠤᠨ ᠴᠡᠷᠢᠭ ᠮᠤᠷᠢ ᠪᠠᠨ ᠪᠠᠷᠤᠭ ᠪᠦᠬᠦᠨ ᠢ ᠠᠯᠳᠠᠵᠠᠢ᠃ ᠡᠨᠡ ᠦᠶ᠎ᠠ᠂ ᠰᠦᠢ ᠤᠯᠤᠰ ᠲᠡᠬᠢᠨ ᠲᠡᠬᠦᠨ ᠢ ᠲᠤᠰᠠᠯᠠᠵᠤ᠂ ᠲᠡᠬᠦᠨ ᠢ ᠢᠯᠢ ᠵᠧᠨ᠋ᠳ᠋ᠸᠤ ᠴᠢ ᠮᠢᠨ ᠬᠠᠭᠠᠨ ᠡᠷᠬᠦᠮᠵᠢᠯᠡᠵᠤ᠂ ᠲᠡᠬᠦᠨ ᠤ ᠬᠤᠷᠢᠶᠠᠨ  ᠲᠠᠭᠠᠭᠤᠯᠤᠭᠰᠠᠨ ᠭᠡᠰᠡᠭ ᠠᠶᠢᠮᠠᠭ ᠤᠨ ᠬᠦᠮᠦᠰ ᠢ ᠪᠠᠢ ᠳ᠋ᠤᠤ ᠴᠤᠸᠠᠨ ᠳᠤ ᠲᠤᠬᠢᠷᠠᠭᠤᠯᠵᠤ᠂ ᠦᠯᠡᠳᠡᠭᠰᠡᠨ ᠠᠶᠢᠮᠠᠭ ᠤᠳ ᠢ ᠰᠡᠬᠦᠯᠡᠷ ᠱᠧᠩ ᠵᠸᠤ᠂ ᠰᠢᠶᠠ ᠵᠸᠤ ᠶᠢᠨ ᠬᠤᠭᠤᠷᠤᠨᠳᠤᠬᠢ ᠦᠷᠭᠡᠨ ᠠᠭᠤᠳᠠᠮ ᠪᠡᠯᠴᠢᠭᠡᠷ ᠲᠤ ᠨᠡᠬᠦᠯᠭᠡᠪᠡ᠃ ᠢᠩᠬᠢᠭᠰᠡᠨ ᠢᠶᠠᠷ ᠤᠷᠳᠤᠰ ᠤᠨ ᠶᠡᠭᠡᠩᠬᠢ ᠭᠡᠰᠡᠭ ᠭᠠᠵᠠᠷ ᠲᠠᠬᠢᠨ ᠲᠶᠦ᠋ᠷᠺ ᠬᠦᠮᠦᠰ ᠤᠨ ᠮᠠᠯ ᠤᠨ ᠪᠡᠯᠴᠢᠭᠡᠷ ᠪᠤᠯᠵᠠᠢ᠃ ᠡᠨᠡ ᠦᠶ᠎ᠠ ᠶᠢ ᠤᠷᠳᠤᠰ ᠤᠨ ᠮᠠᠯ ᠠᠵᠤ ᠠᠬᠤᠢ ᠵᠤᠬᠢᠬᠤ ᠭᠡᠮᠵᠢᠶ᠎ᠠ  ᠪᠠᠷ ᠬᠦᠭᠵᠢᠪᠡ᠃          ᠰᠦᠢ ᠤᠯᠤᠰ ᠤᠨ ᠰᠡᠬᠦᠯ ᠤᠨ ᠵᠢᠯ ᠤᠳ ᠲᠤ ᠯᠢ ᠶᠤᠸᠠᠨ᠂ ᠯᠢ ᠱᠢ ᠮᠢᠨ ᠡᠴᠢᠭᠡ ᠬᠦᠪᠡᠬᠦᠨ ᠬᠤᠶᠠᠭᠤᠯᠠ ᠲᠠᠷᠢᠶᠠᠴᠢᠨ ᠤ ᠪᠤᠰᠤᠯᠭ᠎ᠠ ᠶᠢᠨ ᠢᠯᠠᠯᠳᠠ ᠶᠢᠨ ᠦᠷ᠎ᠠ ᠪᠦᠳᠦᠭᠡᠯ ᠢ ᠪᠤᠯᠢᠶᠠᠨ ᠠᠪᠤᠭᠠᠳ᠂ ᠨᠡᠶᠢᠳᠠ ᠶᠢᠨ ᠤᠨ ᠲᠤᠭᠠᠯᠠᠯ ᠤᠨ 618 ᠤᠨ ᠳᠤ ᠲᠠᠩ ᠤᠯᠤᠰ ᠢ ᠪᠠᠶᠢᠭᠤᠯᠪᠠ᠃ ᠲᠠᠩ ᠭᠤᠤᠽᠤ ᠬᠠᠭᠠᠨ ᠯᠢ ᠶᠤᠸᠠᠨ ᠰᠠᠭᠤᠷᠢᠨ ᠳᠤ ᠰᠠᠭᠤᠭᠰᠠᠨ ᠤ ᠲᠠᠷᠠᠭ᠎ᠠ᠂ ᠰᠦᠢ ᠤᠯᠤᠰ ᠤᠨ ᠦᠶ᠎ᠠ ᠳᠠᠬᠢ ᠵᠢᠶᠦ᠋ᠨ ᠢ ᠦᠭᠡᠷᠡᠴᠢᠯᠡᠵᠤ ᠵᠸᠤ ᠪᠤᠯᠭᠠᠭᠠᠳ᠂ ᠤᠭ ᠤᠨ ᠲᠠᠶᠢᠱᠸᠤ ᠲᠦᠰᠢᠮᠡᠯ ᠢ ᠵᠸᠤ ᠶᠢᠨ ᠼᠢ ᠱᠢ ᠲᠦᠰᠢᠮᠡᠯ ᠪᠤᠯᠭᠠᠨ ᠦᠭᠡᠷᠡᠴᠢᠯᠡᠵᠤ᠂ ᠵᠸᠤ ᠶᠢᠨ ᠲᠤᠤᠷ᠎ᠠ ᠰᠢᠶᠠᠨ ᠪᠠᠶᠢᠭᠤᠯᠪᠠ᠃ ᠼᠢ ᠱᠢ ᠲᠦᠰᠢᠮᠡᠯ ᠪᠤᠯ ᠵᠸᠤ ᠶᠢᠨ ᠬᠠᠮᠤᠭ ᠤᠨ ᠶᠡᠭᠡ ᠵᠠᠰᠠᠭ ᠵᠠᠬᠢᠷᠠᠭᠠᠨ ᠤ ᠨᠤᠶᠠᠨ ᠮᠦᠨ᠂ ᠰᠢᠶᠠᠨ ᠤ ᠨᠤᠶᠠᠨ ᠪᠤᠯ  ᠰᠢᠶᠠᠨ ᠤ ᠪᠠᠨ ᠬᠠᠮᠤᠭ ᠤᠨ ᠶᠡᠭᠡ ᠵᠠᠰᠠᠭ ᠵᠠᠬᠢᠷᠭᠠᠨ ᠤ ᠨᠤᠶᠠᠨ ᠮᠦᠨ᠃          ᠵᠧᠨ ᠭᠤᠸᠠᠨ ᠤ ᠡᠬᠢᠨ ᠤ ᠵᠢᠯ ᠤᠳ ᠲᠤ ︵ᠵᠧᠨ ᠭᠤᠸᠠᠨ ᠤ ᠠᠩᠬᠠᠳᠤᠭᠠᠷ ᠤᠨ ᠪᠤᠯ 627 ᠤᠨ ᠪᠤᠯᠤᠨ᠎ᠠ︶᠂ ᠲᠠᠩ ᠲᠠᠶᠢᠽᠦ᠋ᠩ ᠬᠠᠭᠠᠨ ᠲᠦᠪ ᠠᠴᠠ ᠭᠠᠵᠠᠷ ᠤᠷᠤᠨ ᠳᠠᠬᠢ ᠡᠵᠡᠮᠰᠢᠯ ᠢᠶᠠᠨ ᠴᠢᠩᠭᠠᠳᠬᠠᠬᠤ ᠶᠢᠨ ᠲᠦᠯᠦᠭᠡ ᠵᠸᠤ᠂ ᠰᠢᠶᠠᠨ ᠤ ᠳ᠋ᠦᠳᠦ᠋ ᠹᠦ᠋ ᠠᠴᠠ ᠭᠠᠳᠠᠨ᠎ᠠ᠂ ᠪᠠᠰᠠ ᠪᠦᠬᠦ ᠤᠯᠤᠰ ᠢ ᠠᠷᠪᠠᠨ ᠵᠢᠷᠭᠤᠭᠠᠨ ᠳ᠋ᠤᠤ ᠪᠤᠯᠭᠠᠨ ᠬᠤᠪᠢᠶᠠᠪᠠ᠃ ᠲᠡᠬᠦᠨ ᠤ ᠲᠤᠳᠤᠷᠠᠬᠢ ᠭᠤᠸᠠᠨ ᠨᠸᠢ ᠳ᠋ᠤᠤ ᠪᠤᠯ ᠵᠡᠬᠦᠨᠰᠢ ᠬᠠᠳᠤᠨ ᠭᠤᠤᠯ ᠠᠴᠠ ᠡᠬᠢᠯᠡᠵᠤ᠂ ᠪᠠᠷᠠᠭᠤᠨᠰᠢ ᠯᠦᠩ ᠪᠠᠨ ︵ᠠᠯᠠᠱᠠ ᠠᠭᠤᠯᠠᠨ ᠤ ᠪᠠᠷᠠᠭᠤᠨ ᠬᠤᠷᠮᠤᠢ ᠵᠢᠴᠢ ᠭᠠᠨᠰᠤ ᠮᠤᠵᠢ ᠶᠢᠨ ᠽᠤ᠋ ᠯᠢ ᠡᠾᠧ︶ ᠬᠦᠷᠴᠤ᠂ ᠡᠮᠦᠨᠡᠰᠢ ᠵᠦᠩ ᠨᠠᠨ ᠠᠴᠠ ᠡᠬᠢᠯᠡᠵᠤ ︵ᠱᠠᠨᠰᠢ ᠮᠤᠵᠢ ᠶᠢᠨ ᠵᠦᠩ ᠨᠠᠨ ᠱᠠᠨ ᠠᠭᠤᠯᠠ︶᠂ ᠬᠤᠶᠢᠰᠢ ᠶᠡᠭᠡ ᠭᠤᠪᠢ ᠳᠤ ᠬᠦᠷᠳᠡᠭ᠃  ᠲᠤᠬᠠᠢ ᠶᠢᠨ ᠦᠶ᠎ᠠ ᠶᠢᠨ ᠤᠷᠳᠤᠰ ᠨᠤᠳᠤᠭ ᠭᠤᠸᠠᠨ ᠨᠸᠢ ᠳ᠋ᠤᠤ ᠶᠢᠨ ᠬᠤᠶᠢᠳᠤ ᠲᠠᠯ᠎ᠠ ᠳᠤ ᠪᠠᠶᠢᠪᠠ᠃ ᠬᠠᠮᠤᠭ ᠤᠨ ᠡᠬᠢᠨ ᠳᠡᠭᠡᠨ ᠳ᠋ᠤᠤ ᠪᠤᠯ ᠤᠷᠤᠨ ᠨᠤᠳᠤᠭ ᠤᠨ ᠵᠠᠰᠠᠭ ᠵᠠᠬᠢᠷᠭᠠᠨ ᠤ ᠪᠠᠶᠢᠭᠤᠯᠤᠮᠵᠢ ᠲᠠᠢ ᠲᠡᠮᠡᠢ ᠬᠠᠷᠢᠴᠠᠭ᠎ᠠ ᠦᠭᠡᠢ ᠪᠠᠶᠢᠪᠠ᠂ ᠦᠨᠡᠨ ᠳᠡᠭᠡᠨ ᠨᠢᠭᠡᠨ ᠵᠦᠢᠯ ᠤᠨ ᠪᠠᠶᠢᠴᠠᠭᠠᠬᠤ ᠲᠤᠭᠤᠷᠢᠭ ᠪᠤᠯᠤᠨ᠎ᠠ᠃ ᠲᠡᠬᠦᠨ ᠤ ᠭᠤᠤᠯ ᠡᠬᠦᠷᠭᠡ ᠪᠤᠯ ᠤᠷᠤᠨ ᠨᠤᠳᠤᠭ ᠤᠨ ᠨᠤᠶᠠᠳ ᠤᠨ ᠬᠠᠤᠯᠢ ᠪᠤᠰᠤ ᠠᠵᠢᠯᠯᠠᠭ᠎ᠠ ᠶᠢ ᠪᠠᠶᠢᠴᠠᠭᠠᠳᠠᠭ᠂ ᠬᠠᠨ ᠤᠯᠤᠰ ᠤᠨ ᠦᠶ᠎ᠠ ᠶᠢᠨ ᠼᠢ ᠱᠢ ᠲᠦᠰᠢᠮᠡᠯ ᠲᠠᠢ ᠠᠳᠠᠯᠢᠪᠳᠤᠷ ᠶᠤᠮ᠃ ᠰᠢᠤᠸᠠᠨ ᠽᠦᠩ ᠬᠠᠭᠠᠨ ᠤ ᠺᠠᠢ ᠶᠤᠸᠠᠨ ᠤ ᠤᠨ ᠪᠤᠯᠬᠤ ᠳᠤ ︵ᠨᠡᠶᠢᠳᠠ ᠶᠢᠨ ᠤᠨ ᠲᠤᠭᠠᠯᠠᠯ ᠤᠨ713 ᠤᠨ ᠤ ᠦᠶ᠎ᠠ︶᠂ ᠳ᠋ᠤᠤ ᠭᠡᠭᠴᠢ ᠵᠸᠤ ᠶᠢᠨ ᠲᠡᠭᠡᠷᠡᠬᠢ ᠨᠢᠭᠡ ᠱᠠᠳᠤᠨ ᠤ ᠵᠠᠰᠠᠭ  ᠵᠠᠬᠢᠷᠭᠠᠨ ᠤ ᠪᠠᠶᠢᠭᠤᠯᠤᠮᠵᠢ ᠪᠤᠯᠤᠭᠰᠠᠨ ᠪᠠᠶᠢᠨ᠎ᠠ᠃          ᠲᠠᠩ ᠤᠯᠤᠰ ᠤᠨ ᠡᠬᠢᠨ ᠤ ᠵᠢᠯ ᠳᠤ ᠵᠢᠶᠦ᠋ᠨ ᠢ ᠵᠸᠤ ᠪᠤᠯᠭᠠᠵᠤ ᠦᠭᠡᠷᠡᠴᠢᠯᠡᠭᠰᠡᠨ ᠤ ᠲᠠᠷᠠᠭ᠎ᠠ᠂ ᠲᠠᠩ ᠰᠢᠤᠸᠠᠨ ᠽᠦᠩ ᠬᠠᠭᠠᠨ ᠤ ᠲᠢᠶᠠᠨ ᠪᠤᠤ ᠶᠢᠨ ᠠᠩᠬᠠᠳᠤᠭᠠᠷ ᠤᠨ ︵ᠨᠡᠶᠢᠳᠠ ᠶᠢᠨ ᠤᠨ ᠲᠤᠭᠠᠯᠠᠯ ᠤᠨ742 ᠤᠨ ︶ ᠪᠤᠯᠬᠤ ᠳᠤ᠂ ᠲᠠᠬᠢᠨ ᠵᠸᠤ ᠶᠢ ᠵᠢᠶᠦ᠋ᠨ ᠪᠤᠯᠭᠠᠨ ᠦᠭᠡᠷᠡᠴᠢᠯᠡᠪᠡ᠃ ᠭᠡᠳᠡᠯ᠎ᠠ ᠬᠤᠷᠢᠨ ᠲᠤᠯᠤᠭᠠᠨ ᠵᠢᠯ ᠤᠨ ᠲᠠᠷᠠᠭ᠎ᠠ᠂ ᠲᠠᠷᠤᠢ ᠴᠢᠶᠠᠨ ᠶᠤᠸᠠᠨ ᠤ ᠠᠩᠬᠠᠳᠤᠭᠠᠷ ᠤᠨ ᠳᠤ᠂ ᠲᠠᠩ ᠰᠤ᠋ ᠽᠦᠩ ᠬᠠᠭᠠᠨ᠂ ᠲᠠᠬᠢᠨ ᠵᠢᠶᠦ᠋ᠨ ᠢ ᠵᠸᠤ ᠪᠤᠯᠭᠠᠨ ᠦᠭᠡᠷᠡᠴᠢᠯᠡᠪᠡ᠃ ᠢᠩᠬᠢᠵᠤ ᠲᠠᠬᠢᠨ ᠲᠠᠪᠳᠠᠨ ᠦᠭᠡᠷᠡᠴᠢᠯᠡᠭᠡᠳ᠂ ᠨᠡᠷᠡᠶᠢᠳᠦᠯ ᠪᠤᠯᠤᠨ ᠭᠡᠯᠪᠡᠷᠢ ᠶᠢ ᠬᠤᠪᠢᠷᠠᠭᠤᠯᠤᠭᠰᠠᠨ ᠠᠴᠠ ᠪᠢᠰᠢ᠂ ᠵᠠᠰᠠᠭ ᠵᠠᠬᠢᠷᠭᠠᠨ ᠤ ᠪᠠᠶᠢᠭᠤᠯᠤᠮᠵᠢ ᠶᠢᠨ ᠮᠦᠨ ᠴᠢᠨᠠᠷ ᠤᠨ ᠲᠠᠯ᠎ᠠ ᠪᠠᠷ ᠲᠡᠳᠦᠢ ᠶᠡᠭᠡ ᠵᠦᠷᠢᠶ᠎ᠠ ᠦᠭᠡᠢ ᠶᠤᠮ᠃          ᠲᠠᠩ ᠤᠯᠤᠰ ᠤᠨ ᠦᠶ᠎ᠠ ᠳᠤ᠂ ᠤᠷᠳᠤᠰ ᠲᠠᠢ ᠬᠠᠮᠢᠶ᠎ᠠ ᠲᠠᠢ ᠵᠸᠤ ᠵᠢᠷᠭᠤᠭ᠎ᠠ᠂ ᠰᠢᠶᠠᠨ ᠠᠷᠪᠠᠨ ᠲᠠᠪᠤ ᠪᠠᠶᠢᠪᠠ ᠃ ᠡᠬᠦᠨ ᠤ ᠲᠤᠳᠤᠷ᠎ᠠ᠂ ᠵᠠᠷᠢᠮ ᠵᠸᠤ ᠰᠢᠶᠠᠨ ᠪᠦᠬᠦᠨ ᠢᠶᠠᠷ ᠢᠶᠠᠨ ᠤᠷᠳᠤᠰ ᠲᠤ ᠪᠠᠶᠢᠭᠰᠠᠨ ᠪᠦᠭᠡᠳ ᠵᠠᠷᠢᠮ ᠵᠸᠤ ᠰᠢᠶᠠᠨ ᠤᠷᠳᠤᠰ ᠪᠠ ᠲᠡᠬᠦᠨ ᠤ ᠬᠦᠷᠰᠢ ᠵᠡᠷᠭᠡᠯᠡᠳᠡᠭᠡ ᠭᠠᠵᠠᠷ ᠤᠳ ᠢ ᠡᠵᠡᠯᠡᠵᠤ ᠪᠠᠶᠢᠪᠠ᠃          ᠲᠠᠩ ᠤᠯᠤᠰ ᠤᠨ ᠰᠢᠶᠠ ᠵᠸᠤ᠂ ᠰᠦᠢ ᠤᠯᠤᠰ ᠤᠨ ᠦᠶ᠎ᠠ ᠶᠢᠨ ᠰᠢᠶᠠ ᠵᠸᠤ ᠶᠢᠨ ᠡᠵᠡᠯᠡᠵᠤ ᠪᠠᠶᠢᠭᠰᠠᠨ ᠭᠠᠵᠠᠷ ᠲᠠᠢ ᠠᠳᠠᠯᠢ᠂ ᠤᠳᠤ ᠶᠢᠨ ᠦᠤᠰᠢᠨ ᠬᠤᠰᠢᠭᠤ ᠪᠠ ᠲᠡᠬᠦᠨ ᠠᠴᠠ ᠡᠮᠦᠨᠡᠰᠢ ᠤᠷᠳᠤ ᠴᠠᠭᠠᠨ ᠭᠡᠷᠡᠮ ᠬᠦᠷᠬᠦ ᠦᠷᠭᠡᠨ ᠠᠭᠤᠳᠠᠮ ᠭᠠᠵᠠᠷ ᠪᠠᠭᠳᠠᠵᠤ ᠪᠠᠶᠢᠪᠠ᠃ ᠶᠠᠨ ᠯᠤ᠋ ᠰᠢᠶᠠᠨ᠂ ᠦᠤᠰᠢᠨ ᠬᠤᠰᠢᠭᠤᠨ ᠤ ᠡᠮᠦᠨᠡᠬᠢ ᠦᠷᠭᠡᠨ ᠠᠭᠤᠳᠠᠮ ᠭᠠᠵᠠᠷ ᠢ ᠬᠠᠮᠢᠶᠠᠷᠴᠤ᠂ ᠵᠧᠨ ᠭᠤᠸᠠᠨ ᠤ ᠵᠢᠯ ᠤᠳ ᠲᠤ ᠱᠦᠸᠧ ᠹᠠᠩ ᠰᠢᠶᠠᠨ ᠬᠡᠵᠤ ᠨᠡᠷᠡᠶᠢᠳᠴᠤ ᠦᠩᠭᠡᠷᠡᠪᠡ᠃ ᠳ᠋ᠧ ᠵᠢᠩ ᠰᠢᠶᠠᠨ ᠪᠤᠯ ᠤᠳᠤ ᠶᠢᠨ ᠦᠤᠰᠢᠨ ᠬᠤᠰᠢᠭᠤᠨ ᠤ ᠦᠤᠰᠢᠨᠵᠤᠤ ᠶᠢᠨ ᠵᠡᠬᠦᠨ ᠡᠮᠦᠨᠡᠬᠦᠷᠬᠢ ᠭᠠᠵᠠᠷ ᠢ ᠬᠠᠮᠢᠶᠠᠷᠴᠤ ᠪᠠᠶᠢᠪᠠ᠃ ᠨᠢᠩ ᠱᠦᠸᠧ ᠰᠢᠶᠠᠨ ᠤ ᠬᠤᠳᠠ ᠱᠠᠨᠰᠢ ᠮᠤᠵᠢ ᠶᠢᠨ ᠡᠾᠧᠩ ᠱᠠᠨ ᠰᠢᠶᠠᠨ ᠤ ᠯᠤ᠋ ᠡᠾᠧ ᠭᠤᠤᠯ ᠤᠨ ᠬᠦᠪᠡᠭᠡᠨ ᠳᠤ ᠪᠠᠶᠢᠪᠠ᠃ ᠭᠡᠳᠡᠯ᠎ᠠ ᠲᠡᠬᠦᠨ ᠤ ᠬᠠᠮᠢᠶᠠᠷᠴᠤ ᠪᠠᠶᠢᠭᠰᠠᠨ ᠭᠠᠵᠠᠷ ᠲᠤ ᠤᠷᠳᠤᠰ ᠤᠨ ᠡᠮᠦᠨ᠎ᠡ ᠦᠵᠦᠬᠦᠷ ᠤᠨ  ᠵᠡᠬᠦᠨ ᠭᠡᠰᠡᠭ ᠤᠨ ᠭᠠᠵᠠᠷ ᠤᠳ ᠪᠠᠭᠳᠠᠵᠤ ᠪᠠᠶᠢᠪᠠ᠃ ᠰᠦᠢ ᠤᠯᠤᠰ ᠤᠨ ᠰᠡᠬᠦᠯᠴᠢ᠂ ᠲᠠᠩ ᠤᠯᠤᠰ ᠤᠨ ᠡᠬᠢ ᠪᠠᠷ᠂ ᠯᠢᠶᠠᠩ ᠱᠢ ᠳ᠋ᠦ᠋ ᠭᠡᠰᠡᠭᠯᠡᠨ ᠲᠤᠰᠭᠠᠷᠯᠠᠬᠤ ᠦᠶ᠎ᠠ᠂ ᠡᠨᠡ ᠭᠡᠰᠡᠭ ᠭᠠᠵᠠᠷ ᠤᠨ ᠵᠠᠷᠢᠮ ᠢ ᠡᠵᠡᠯᠡᠵᠤ ᠪᠠᠶᠢᠪᠠ᠃ ᠴᠠᠩ ᠽᠧ ᠰᠢᠶᠠᠨ ᠤᠷᠳᠤᠰ ᠤᠨ ᠬᠠᠮᠤᠭ ᠤᠨ ᠡᠮᠦᠨ᠎ᠡ ᠦᠵᠦᠬᠦᠷ ᠢ ᠬᠠᠮᠢᠶᠠᠷᠴᠤ ᠪᠠᠶᠢᠪᠠ᠃          ᠶᠠᠨ ᠵᠸᠤ ᠪᠤᠯ ᠰᠦᠢ ᠤᠯᠤᠰ ᠤᠨ ᠦᠶ᠎ᠠ ᠶᠢᠨ ᠶᠧ ᠴᠤᠸᠠᠨ ᠵᠢᠶᠦ᠋ᠨ ᠤ ᠭᠠᠵᠠᠷ ᠪᠤᠯᠤᠨ᠎ᠠ᠃ ᠲᠤᠰ ᠵᠸᠤ ᠶᠢᠨ ᠬᠠᠮᠢᠶᠠᠷᠴᠤ ᠪᠠᠶᠢᠭᠰᠠᠨ ᠭᠠᠵᠠᠷ ᠤᠨ ᠭᠤᠤᠯ ᠲᠦᠪ ᠪᠤᠯ ᠤᠳᠤ ᠶᠢᠨ ᠱᠠᠨᠰᠢ ᠮᠤᠵᠢ ᠶᠢᠨ ᠳ᠋ᠢᠩ ᠪᠢᠶᠠᠨ ︵ᠶᠡᠭᠡ ᠮᠠᠭᠠᠰᠢᠩ︶ ᠰᠢᠶᠠᠨ ᠤᠷᠴᠢᠮ ᠤᠨ ᠭᠠᠵᠠᠷ ᠪᠤᠯᠤᠨ᠎ᠠ᠃ ᠭᠡᠳᠡᠯ᠎ᠠ ᠤᠳᠤ ᠤᠳᠤᠭ ᠤᠨ ᠡᠮᠦᠨᠡᠳᠤ ᠬᠤᠰᠢᠭᠤᠨ ᠤ ᠵᠡᠬᠦᠨ ᠡᠮᠦᠨ᠎ᠡ ᠭᠡᠰᠡᠭ ᠪᠠᠭᠳᠠᠵᠤ ᠪᠠᠶᠢᠪᠠ᠃ ᠲᠢᠶᠠᠨ ᠪᠤᠤ ᠶᠢᠨ ᠠᠩᠬᠠᠳᠤᠭᠠᠷ ᠤᠨ ︵ᠨᠡᠶᠢᠳᠠ ᠶᠢᠨ ᠤᠨ ᠲᠤᠭᠠᠯᠠᠯ ᠤᠨ742 ᠤᠨ︶  ᠳᠤ᠂ ᠶᠠᠨ ᠵᠸᠤ ᠶᠢ ᠡᠤ ᠶᠤᠸᠠᠨ ᠵᠢᠶᠦ᠋ᠨ ᠭᠡᠵᠤ ᠦᠭᠡᠷᠡᠴᠢᠯᠡᠪᠡ᠃ ᠴᠢᠶᠠᠨ ᠶᠤᠸᠠᠨ ᠤ ᠠᠩᠬᠠᠳᠤᠭᠠᠷ ᠤᠨ ︵ᠨᠡᠶᠢᠳᠠ ᠶᠢᠨ ᠤᠨ ᠲᠤᠭᠠᠯᠠᠯ ᠤᠨ758 ᠤᠨ︶ ᠳᠤ᠂ ᠲᠠᠬᠢᠨ ᠶᠠᠨ ᠵᠸᠤ ᠭᠡᠵᠤ ᠦᠭᠡᠷᠡᠴᠢᠯᠡᠪᠡ᠃ ᠶᠧ ᠵᠸᠤ ᠶᠢᠨ ᠬᠠᠷᠢᠶᠠᠳᠤ ᠡᠤ ᠶᠤᠸᠠᠨ ᠰᠢᠶᠠᠨ ᠳᠤ ᠤᠳᠤ ᠶᠢᠨ ᠤᠳᠤᠭ ᠤᠨ ᠡᠮᠦᠨᠡᠳᠤ ᠬᠤᠰᠢᠭᠤᠨ ᠤ ᠵᠡᠬᠦᠨ ᠡᠮᠦᠨ᠎ᠡ ᠪᠡᠶ᠎ᠠ ᠬᠠᠮᠢᠶᠠᠷᠤᠭᠳᠠᠵᠤ ᠪᠠᠶᠢᠪᠠ᠃ ᠶᠠᠨ ᠵᠸᠤ ᠶᠢᠨ ᠵᠠᠰᠠᠭ ᠵᠠᠬᠢᠷᠠᠭᠠᠨ ᠤ ᠪᠠᠶᠢᠭᠤᠯᠤᠯᠭ᠎ᠠ ᠡᠤ ᠶᠤᠸᠠᠨ ᠰᠢᠶᠠᠨ ᠳᠤ ᠪᠠᠶᠢᠭᠰᠠᠨ ᠪᠤᠯᠬᠤᠷ ᠶᠠᠨ ᠵᠸᠤ ᠶᠢ ᠪᠠᠰᠠ ᠡᠤ ᠶᠤᠸᠠᠨ ᠵᠢᠶᠦ᠋ᠨ ᠭᠡᠵᠤ ᠪᠠᠶᠢᠵᠠᠢ᠃          ᠹᠧᠩᠵᠸᠤ ᠪᠤᠯ ᠰᠦᠢ ᠤᠯᠤᠰ ᠤᠨ ᠦᠶ᠎ᠠ ᠶᠢᠨ ᠡᠤ ᠶᠤᠸᠠᠨ ᠵᠢᠶᠦ᠋ᠨ ᠤ ᠭᠠᠵᠠᠷ ᠪᠤᠯᠤᠨ᠎ᠠ᠃ ᠰᠦᠢ ᠤᠯᠤᠰ ᠤᠨ ᠰᠡᠬᠦᠯᠴᠢ ᠶᠢᠨ ᠵᠢᠯ ᠤᠳ ᠲᠤ ᠬᠦᠢ ᠱᠦᠨ ᠵᠢᠶᠦ᠋ᠨ ᠬᠡᠵᠤ ᠦᠭᠡᠷᠡᠴᠢᠯᠡᠵᠤ ᠦᠩᠭᠡᠷᠡᠪᠡ᠃ ᠲᠠᠩ ᠤᠯᠤᠰ ᠤᠨ ᠡᠬᠢᠨ ᠤ ᠵᠢᠯ ᠤᠳ ᠲᠤ ᠲᠠᠬᠢᠨ ᠹᠧᠩᠵᠸᠤ ᠬᠡᠵᠤ ᠦᠭᠡᠷᠡᠴᠢᠯᠡᠵᠠᠢ᠃ ᠵᠧᠨ ᠭᠤᠸᠠᠨ ᠤ ᠬᠤᠷᠢᠨ ᠭᠤᠷᠪᠠᠳᠤᠭᠠᠷ ᠤᠨ ︵ᠨᠡᠶᠢᠳᠠ ᠶᠢᠨ ᠤᠨ ᠲᠤᠭᠠᠯᠠᠯ ᠤᠨ649 ᠤᠨ︶ ᠳᠤ᠂ ᠲᠠᠬᠢᠨ ᠹᠧᠩᠵᠸᠤ ᠬᠡᠵᠤ ᠪᠠᠶᠢᠭᠤᠯᠤᠭᠠᠳ ᠲᠤᠳᠤᠷ ᠭᠠᠵᠠᠷ ᠠᠴᠠ ᠲᠦᠮᠡ ᠰᠢᠬᠠᠮ ᠬᠦᠮᠦᠨ ᠢ ᠨᠡᠬᠦᠯᠭᠡᠨ ᠠᠪᠴᠢᠷᠠᠵᠤ ᠲᠡᠬᠦᠯᠳᠡᠷᠵᠢᠬᠦᠯᠪᠡ᠃ ᠰᠧ ᠱᠧᠩ ᠤᠨ ᠠᠩᠬᠠᠳᠤᠭᠠᠷ ᠤᠨ ︵ᠨᠡᠶᠢᠳᠠ ᠶᠢᠨ ᠤᠨ ᠲᠤᠭᠠᠯᠠᠯ ᠤᠨ684 ᠤᠨ︶ ᠳᠤ᠂ ᠵᠡᠬᠦᠨ ᠲᠶᠦ᠋ᠷᠺ ᠤᠨ ᠬᠠᠭᠠᠨᠳᠤ ᠤᠯᠤᠰ ᠮᠦᠬᠦᠬᠦ ᠦᠶ᠎ᠠ ᠳᠤ᠂ ᠶᠡᠭᠡ ᠬᠡᠮᠵᠢᠶᠠᠨ ᠤ ᠲᠶᠦ᠋ᠷᠺᠴᠤᠳ ᠲᠠᠩ ᠤᠯᠤᠰ ᠲᠤ ᠪᠠᠭᠤᠵᠤ ᠦᠭᠪᠡ᠃ ᠲᠠᠩ ᠤᠯᠤᠰ ᠲᠡᠳᠡᠨ ᠢ ᠲᠦᠪᠬᠢᠨᠡᠬᠦᠯᠬᠦ ᠶᠢᠨ ᠲᠦᠯᠦᠭᠡ ᠳ᠋ᠦᠳᠦ᠋ ᠹᠦ᠋ ᠪᠠᠶᠢᠭᠤᠯᠵᠤ᠂ ᠲᠶᠦ᠋ᠷᠺᠴᠤᠳ ᠢ ᠬᠠᠮᠢᠶᠠᠷᠤᠭᠤᠯᠪᠠ᠃ ᠹᠧᠩᠵᠸᠤ ᠶᠢᠨ ᠬᠠᠷᠢᠶᠠᠳᠤ ᠵᠢᠤ ᠶᠤᠸᠠᠨ ᠰᠢᠶᠠᠨ ᠪᠤᠯ ᠬᠠᠳᠤᠨ ᠭᠤᠤᠯ ᠪᠠ ᠦᠵᠦᠭᠦᠷ ᠭᠤᠤᠯ ᠤᠨ ᠬᠤᠭᠤᠷᠤᠨᠳᠤᠬᠢ ᠵᠡᠬᠦᠨ ᠭᠡᠰᠡᠭ᠂ ᠲᠤᠬᠠᠶᠢᠯᠠᠪᠠᠯ ᠤᠳᠤ ᠶᠢᠨ ᠡᠤ ᠶᠤᠸᠠᠨ ᠰᠢᠶᠠᠨ᠂ ᠤᠷᠠᠳ ᠤᠨ ᠡᠮᠦᠨᠡᠳᠤ ᠬᠤᠰᠢᠭᠤ ᠵᠢᠴᠢ ᠬᠠᠳᠤᠨ ᠭᠤᠤᠯ ᠤᠨ ᠡᠮᠦᠨᠡᠬᠢ ᠲᠠᠯᠠᠳ᠂ ᠬᠠᠩᠬᠢᠨ ᠤ ᠭᠡᠰᠡᠭ ᠭᠠᠵᠠᠷ ᠢ ᠬᠠᠮᠢᠶᠠᠷᠴᠤ ᠪᠠᠶᠢᠪᠠ᠃ ᠶᠦᠩ ᠹᠧᠩ ᠰᠢᠶᠠᠨ ᠪᠤᠯ ᠬᠠᠳᠤᠨ ᠭᠤᠤᠯ ᠪᠠ ᠦᠵᠦᠬᠦᠷ ᠭᠤᠤᠯ ᠤᠨ ᠬᠤᠭᠤᠷᠤᠨᠳᠤᠬᠢ ᠪᠠᠷᠠᠭᠤᠨ ᠭᠡᠰᠡᠭ᠂ ᠲᠤᠬᠠᠶᠢᠯᠠᠪᠠᠯ ᠤᠳᠤ ᠶᠢᠨ ᠯᠢᠨ ᠡᠾᠧ ᠰᠢᠶᠠᠨ᠂ ᠬᠠᠩᠬᠢᠨ ᠬᠤᠶᠢᠳᠤ ᠬᠤᠰᠢᠭᠤ ᠵᠢᠴᠢ ᠬᠠᠩᠬᠢᠨ ᠬᠤᠰᠢᠭᠤᠨ ᠤ ᠪᠠᠷᠠᠭᠤᠨ ᠬᠤᠶᠢᠳᠤ ᠭᠡᠰᠡᠭ ᠢ ᠬᠠᠮᠢᠶᠠᠷᠴᠤ ᠪᠠᠶᠢᠪᠠ᠃          ᠱᠧᠩ ᠵᠸᠤ ᠪᠤᠯ ᠰᠦᠢ ᠤᠯᠤᠰ ᠤᠨ ᠰᠡᠬᠦᠯᠴᠢ ᠶᠢᠨ ᠢᠤᠢ ᠯᠢᠨ ᠵᠢᠶᠦ᠋ᠨ ᠤ ᠭᠠᠵᠠᠷ ᠪᠤᠯᠤᠨ᠎ᠠ᠃ ᠤᠷᠳᠤᠰ ᠨᠤᠳᠤᠭ ᠤᠭ ᠲᠠᠭᠠᠨ ᠱᠧᠩ ᠵᠸᠤ ᠶᠢᠨ ᠬᠠᠭᠤᠴᠢᠨ ᠭᠠᠵᠠᠷ ᠲᠤ ᠬᠠᠷᠢᠶᠠᠯᠠᠭᠳᠠᠵᠤ ᠪᠠᠶᠢᠪᠠ᠃ ᠱᠧᠩ ᠵᠸᠤ ᠶᠢᠨ ᠬᠠᠷᠢᠶᠠᠳᠤ ᠢᠤᠢ ᠯᠢᠨ ᠰᠢᠶᠠᠨ ᠪᠤᠯ ᠤᠳᠤ ᠶᠢᠨ ᠤᠷᠳᠤᠰ ᠤᠨ ᠲᠠᠯᠠᠳ ᠬᠤᠰᠢᠭᠤ᠂ ᠵᠡᠬᠦᠨᠭᠠᠷ ᠬᠤᠰᠢᠭᠤ᠂ ᠳ᠋ᠦᠩᠱᠧᠩ ᠬᠤᠳᠠ᠂ ᠡᠵᠡᠨ ᠬᠤᠷᠤᠭ᠎ᠠ ᠬᠤᠰᠢᠭᠤᠨ ᠤ ᠭᠡᠰᠡᠭ ᠭᠠᠵᠠᠷ ᠢ ᠬᠠᠮᠢᠶᠠᠷᠴᠤ ᠪᠠᠶᠢᠪᠠ᠃ ᠡᠾᠧ ᠪᠢᠨ ᠰᠢᠶᠠᠨ ᠤ ᠬᠤᠳᠠ ᠪᠤᠯ ᠤᠳᠤ ᠶᠢᠨ ᠵᠡᠬᠦᠨᠭᠠᠷ ᠬᠤᠰᠢᠭᠤᠨ ᠤ ᠵᠡᠬᠦᠨ ᠬᠦᠨᠳᠠᠢ ᠶᠢᠨ ᠢᠤᠢ ᠯᠢᠨ ᠸᠠᠨ ᠤᠷᠴᠢᠮ ᠪᠠᠶᠢᠵᠠᠢ᠃ ᠤᠳᠤ ᠶᠢᠨ ᠵᠡᠬᠦᠨᠭᠠᠷ ᠪᠠ ᠳ᠋ᠦᠩᠱᠧᠩ ᠤᠨ ᠭᠡᠰᠡᠭ ᠭᠠᠵᠠᠷ ᠢ ᠬᠠᠮᠢᠶᠠᠷᠴᠤ ᠪᠠᠶᠢᠪᠠ᠃          ᠯᠢᠩ ᠵᠸᠤ ᠪᠤᠯ ᠰᠦᠢ ᠤᠯᠤᠰ ᠤᠨ ᠦᠶ᠎ᠠ ᠶᠢᠨ ᠯᠢᠩ ᠡᠤ ᠵᠢᠶᠦ᠋ᠨ ᠤ ᠬᠠᠷᠢᠶᠠᠨ ᠳᠤ ᠪᠠᠶᠢᠭᠰᠠᠨ ᠬᠠᠳᠤᠨ ᠭᠤᠤᠯ ᠤᠨ ᠵᠡᠬᠦᠨ ᠬᠦᠪᠡᠭᠡᠨ ᠳᠠᠬᠢ ᠬᠤᠶᠢᠰᠢ ᠤᠷᠤᠭᠰᠢ ᠦᠷᠬᠦᠯᠵᠢᠯᠡᠭᠰᠡᠨ ᠨᠠᠷᠢᠬᠠᠨ ᠤᠷᠳᠤ ᠭᠠᠵᠠᠷ ᠪᠤᠯᠤᠨ᠎ᠠ᠃ ᠤᠳᠤ ᠶᠢᠨ ᠤᠳᠤᠭ ᠬᠤᠰᠢᠭᠤ᠂ ᠤᠳᠤᠭ ᠤᠨ ᠡᠮᠦᠨᠡᠳᠣ ᠬᠤᠰᠢᠭᠤᠨ ᠤ ᠵᠠᠷᠢᠮ ᠭᠠᠵᠠᠷ᠂ ᠦᠬᠠᠢ ᠬᠤᠳᠠ ᠤᠷᠴᠢᠮ ᠤᠨ ᠭᠠᠵᠠᠷ ᠤᠳ ᠪᠠᠭᠳᠠᠨ᠎ᠠ᠃ ᠲᠢᠶᠠᠨ ᠪᠤᠤ ᠶᠢᠨ ᠠᠩᠬᠠᠳᠤᠭᠠᠷ ᠤᠨ ︵ᠨᠡᠶᠢᠳᠠ ᠶᠢᠨ ᠤᠨ ᠲᠤᠭᠠᠯᠠᠯ ᠤᠨ742 ᠤᠨ︶ ᠳᠤ᠂ ᠯᠢᠩ ᠵᠸᠤ ᠶᠢ ᠯᠢᠨ ᠡᠤ ᠵᠢᠶᠦ᠋ᠨ ᠬᠡᠵᠤ ᠦᠭᠡᠷᠡᠴᠢᠯᠡᠵᠤ᠂ ᠰᠡᠬᠦᠯᠡᠷ ᠲᠠᠬᠢᠨ ᠯᠢᠩ ᠵᠸᠤ ᠭᠡᠪᠡ᠃          ᠶᠢᠤ ᠵᠸᠤ ᠪᠤᠯ ᠰᠢᠶᠠ ᠵᠸᠤ ᠪᠠ ᠯᠢᠩ ᠵᠸᠤ ᠶᠢᠨ ᠬᠤᠭᠤᠷᠤᠨᠳᠤ ᠪᠠᠶᠢᠷᠢᠯᠠᠵᠤ ᠪᠤᠢ᠃ ᠦᠭᠡᠷ᠎ᠡ ᠪᠠᠷ ᠬᠡᠯᠡᠪᠡᠯ᠂ ᠲᠶᠦ᠋ᠷᠺᠴᠤᠳ ᠤᠨ ᠰᠠᠮᠠᠭᠤᠷᠠᠯ ᠢ ᠲᠦᠪᠰᠢᠳᠭᠡᠭᠰᠡᠨ ᠤ ᠰᠡᠬᠦᠯᠡᠷ᠂ ᠪᠠᠭᠤᠵᠤ ᠦᠭᠬᠦᠭᠰᠡᠨ ︽ᠵᠢᠷᠭᠤᠭᠠᠨ ᠬᠤ᠋ ᠶᠢᠨ ᠵᠸᠤ ︵ᠯᠢᠤ ᠬᠤ᠋ ᠵᠸᠤ︶︾ ︵ᠯᠤ᠋ ᠵᠸᠤ᠂ ᠯᠢ ᠵᠸᠤ᠂ ᠬᠠᠨ ᠵᠸᠤ᠂ ᠽᠠᠢ ᠵᠸᠤ᠂ ᠴᠢ ᠵᠸᠤ︶ ᠶᠢᠨ ᠭᠠᠵᠠᠷ ᠮᠦᠨ᠃ ᠰᠢᠶᠠ ᠵᠸᠤ ᠶᠢᠨ ᠪᠠᠷᠠᠭᠤᠨ ᠬᠤᠶᠢᠳᠠᠢ᠂ ᠯᠢᠩ ᠵᠸᠤ ᠶᠢᠨ ᠵᠡᠬᠦᠨ ᠤᠷᠢᠳᠠᠢ᠂ ᠤᠳᠤ ᠶᠢᠨ ᠤᠳᠤᠭ ᠬᠤᠰᠢᠭᠤᠨ ᠤ ᠵᠡᠬᠦᠨᠳᠡᠬᠦᠷ ᠪᠠᠶᠢᠷᠢᠰᠢᠵᠤ ᠪᠠᠶᠢᠪᠠ᠃ ᠬᠤᠴᠤᠳ ᠲᠠᠩ ᠤᠯᠤᠰ ᠠᠴᠠ ᠤᠷᠪᠠᠵᠤ᠂ ᠲᠠᠩ ᠤᠯᠤᠰ ᠲᠡᠳᠠᠨ ᠤ ᠤᠷᠪᠠᠯᠭ᠎ᠠ ᠶᠢ ᠲᠠᠷᠤᠭᠰᠠᠨ ᠤ ᠲᠠᠷᠠᠭ᠎ᠠ᠂ ᠬᠤᠴᠤᠳ ᠢ ᠵᠢᠶᠠᠩ ᠬᠤᠸᠠᠢ ᠤᠷᠤᠨ ᠳᠤ ᠨᠡᠬᠦᠯᠭᠡᠵᠠᠢ᠃ ᠭᠡᠪᠡᠴᠤ ᠲᠤᠮᠳᠠᠳᠤ ᠤᠷᠤᠨ ᠤ ᠠᠮᠢᠳᠤᠷᠠᠯ ᠳᠤ ᠲᠠᠰᠬᠤ ᠦᠭᠡᠢ ᠲᠤᠯᠠ᠂ ᠪᠦᠯᠦᠭ ᠪᠦᠯᠦᠭ ᠢᠶᠠᠷ ᠤᠭ ᠨᠤᠳᠤᠭ ᠤᠷᠳᠤᠰ  ᠲᠠᠭᠠᠨ ᠪᠤᠴᠠᠬᠤ ᠪᠠᠷ ᠱᠠᠭᠠᠷᠳᠠᠵᠠᠢ᠃ ᠡᠨᠡ ᠪᠠᠶᠢᠳᠠᠯ ᠲᠤᠤᠷ᠎ᠠ᠂ ᠲᠠᠩ ᠰᠢᠤᠸᠠᠨ ᠽᠦᠩ ᠬᠠᠭᠠᠨ ᠰᠢᠶᠠ ᠵᠸᠤ᠂ ᠯᠢᠨ ᠵᠸᠤ ᠶᠢᠨ ᠬᠤᠭᠤᠷᠤᠨᠳᠤ  ᠶᠢᠤ ᠵᠸᠤ ᠬᠡᠵᠤ ᠪᠠᠶᠢᠭᠤᠯᠬᠤ ᠪᠠᠷ ᠵᠠᠷᠯᠢᠭ ᠪᠠᠭᠤᠯᠭᠠᠵᠤ᠂ ᠡᠮᠦᠨ᠎ᠡ ᠠᠴᠠ ᠪᠤᠴᠠᠵᠤ ᠢᠷᠡᠭᠰᠡᠨ ᠬᠤᠴᠤᠳ ᠢ ᠰᠠᠭᠤᠯᠭᠠᠵᠠᠢ᠃ ᠶᠢᠤ ᠵᠸᠤ ᠶᠢᠨ ᠬᠠᠷᠢᠶᠠᠳᠤ ᠶᠠᠨ ᠡᠸ᠋ᠨ ᠰᠢᠶᠠᠨ ᠤᠳᠤ ᠶᠢᠨ ᠤᠳᠤᠭ ᠤᠨ ᠡᠮᠦᠨᠡᠳᠤ ᠬᠤᠰᠢᠭᠤᠨ ᠤ ᠭᠡᠰᠡᠭ ᠭᠠᠵᠠᠷ ᠢ ᠬᠠᠮᠢᠶᠠᠷᠴᠤ᠂ ᠬᠦᠢ ᠷᠧᠨ ᠰᠢᠶᠠᠨ ᠤᠳᠤ ᠶᠢᠨ ᠤᠳᠤᠭ ᠤᠨ ᠬᠡᠰᠡᠭ ᠭᠠᠵᠠᠷ ᠢ ᠬᠠᠮᠢᠶᠠᠷᠴᠤ ᠪᠠᠶᠢᠪᠠ᠃         ᠲᠠᠩ ᠤᠯᠤᠰ ᠤᠨ ᠦᠶ᠎ᠠ ᠶᠢᠨ ᠳ᠋ᠦᠳᠦ᠋ ᠶᠢᠨ ᠤᠷᠳᠤᠨ ᠪᠠ ᠵᠢᠶᠧ ᠳ᠋ᠦ᠋ ᠱᠢ ᠲᠦᠰᠢᠮᠡᠯ ᠪᠤᠯ ᠡᠬᠢᠯᠡᠬᠦ  ᠦᠶ᠎ᠠ ᠳᠡᠭᠡᠨ ᠴᠡᠷᠢᠭ ᠤᠨ ᠶᠠᠪᠤᠳᠠᠯ ᠢ ᠭᠤᠤᠯ ᠬᠠᠮᠢᠶᠠᠷᠳᠠᠭ ᠪᠠᠶᠢᠭᠤᠯᠤᠮᠵᠢ ᠪᠠᠶᠢᠪᠠ᠃ ᠭᠡᠪᠡᠴᠤ ᠣᠨᠴᠠᠭᠠᠢ ᠪᠠᠶᠢᠳᠠᠯ ᠲᠤᠤᠷ᠎ᠠ ᠪᠠᠰᠠ ᠵᠠᠰᠠᠭ ᠵᠠᠬᠢᠷᠭ᠎ᠠ ᠶᠢ ᠬᠠᠪᠰᠤᠷᠭᠠᠨ ᠬᠠᠷᠢᠭᠤᠴᠠᠳᠠᠭ᠃ ᠡᠬᠦᠨ ᠤ ᠲᠠᠭᠠᠤ᠂ ᠵᠸᠤ ᠶᠢᠨ ᠼᠢ ᠱᠢ ᠲᠦᠰᠢᠮᠡᠯ ᠪᠠᠰᠠ ᠳ᠋ᠦᠳᠦ᠋ ᠹᠦ᠋ ᠶᠢᠨ ᠳᠤ ᠨᠢᠭᠡᠳᠦᠯᠳᠠᠢ ᠬᠠᠮᠢᠶᠠᠷᠤᠭᠳᠠᠳᠠᠭ᠃ ᠤᠷᠳᠤᠰ ᠲᠤ ᠤᠷᠢᠳ ᠬᠤᠵᠢᠳ ᠲᠦᠷᠪᠡᠨ ᠳ᠋ᠦᠳᠦ᠋ ᠹᠦ᠋ ᠪᠠᠶᠢᠪᠠ᠃ ᠲᠤᠬᠠᠶᠢᠯᠠᠪᠠᠯ ᠰᠢᠶᠠ ᠵᠸᠤ ᠶᠢᠨ ᠳ᠋ᠦᠳᠦ᠋ ᠹᠦ᠋᠂ ᠯᠢᠩ ᠵᠸᠤ ᠶᠢᠨ ᠶᠡᠭᠡ ᠳ᠋ᠦᠳᠦ᠋ ᠹᠦ᠋ ︵ᠠᠷᠪᠠᠨ ᠵᠸᠤ ᠶᠢ ᠬᠠᠮᠢᠶᠠᠷᠳᠠᠭ︶᠂ ᠶᠠᠨ ᠵᠸᠤ ᠶᠢᠨ ᠳ᠋ᠦᠳᠦ᠋ ᠹᠦ᠋᠂ ᠹᠧᠩᠵᠸᠤ ᠶᠢᠨ ᠳ᠋ᠦᠳᠦ᠋ ᠹᠦ᠋ ︵ᠹᠧᠩᠵᠸᠤ ᠶᠢᠨ ᠳ᠋ᠦᠳᠦ᠋ ᠹᠦ᠋ ᠶᠢᠨ ᠬᠠᠷᠢᠶᠠᠨ ᠳᠤ ᠵᠡᠬᠦᠨ ᠱᠸᠤ ᠰᠢᠶᠠᠩ ᠴᠧᠩ᠂ ᠪᠠᠷᠠᠭᠤᠨ ᠱᠸᠤ ᠰᠢᠶᠠᠩ ᠴᠧᠩ᠂ ᠲᠤᠮᠳᠠ ᠱᠸᠤ ᠰᠢᠶᠠᠩ ᠴᠧᠩ ᠵᠡᠷᠭᠡ ᠪᠤᠢ᠂ ᠭᠤᠷᠪᠠᠨ ᠱᠸᠤ ᠰᠢᠶᠠᠩ ᠴᠧᠩ ᠪᠤᠯ ᠲᠶᠦ᠋ᠷᠺ ᠤᠨ ᠡᠮᠦᠨᠡᠰᠢ ᠤᠷᠤᠬᠤ ᠶᠢ ᠰᠡᠷᠭᠡᠶᠢᠯᠡᠬᠦ ᠶᠢᠨ ᠲᠦᠯᠦᠭᠡ ᠱᠦᠸᠧ ᠹᠠᠩ ᠤᠨ ᠴᠡᠷᠢᠭ ᠤᠨ ᠶᠡᠷᠦᠩᠭᠡᠢ ᠬᠠᠮᠢᠶᠠᠷᠤᠭᠴᠢ ᠵᠠᠩ ᠷᠧᠨ ᠶᠤᠸᠠᠨ ᠪᠠᠶᠢᠭᠤᠯᠤᠭᠰᠠᠨ ᠶᠤᠮ︶᠃ ᠵᠢᠶᠧ ᠳ᠋ᠦ᠋ ᠱᠢ ᠲᠦᠰᠢᠮᠡᠯ ᠪᠤᠯ ᠴᠡᠷᠢᠭ ᠤᠨ ᠶᠠᠪᠤᠳᠠᠯ ᠢ ᠬᠠᠮᠢᠶᠠᠷᠳᠠᠭ ᠳ᠋ᠦᠳᠦ᠋ ᠹᠦ᠋ ᠠᠴᠠ ᠬᠤᠪᠢᠷᠠᠵᠤ ᠢᠷᠡᠭᠰᠡᠨ ᠶᠤᠮ᠃ ᠲᠡᠷᠠ ᠲᠤᠰᠬᠠᠶᠢᠯᠠᠨ ᠴᠡᠷᠢᠭ ᠤᠨ ᠶᠠᠪᠤᠳᠠᠯ ᠢ ᠬᠠᠮᠢᠶᠠᠷᠴᠤ ᠪᠠᠶᠢᠭᠰᠠᠨ ᠠᠴᠠ  ᠪᠠᠨ ᠦᠷᠭᠡᠵᠢᠭᠡᠳ ᠭᠠᠵᠠᠷ ᠲᠠᠷᠢᠶ᠎ᠠ᠂ ᠡᠳ᠋ ᠤᠨ ᠶᠠᠪᠤᠳᠠᠯ᠂ ᠢᠯᠪᠢᠨ ᠲᠠᠭᠠᠭᠤᠯᠬᠤ᠂ ᠴᠠᠭᠳᠠᠨ ᠪᠠᠶᠢᠴᠠᠭᠠᠬᠤ ᠠᠵᠢᠯ ᠢ ᠬᠠᠮᠢᠶ᠋ᠷᠠᠬᠤ ᠪᠤᠯᠵᠤ᠂ ᠭᠠᠵᠠᠷ ᠤᠷᠤᠨ ᠤ ᠴᠡᠷᠢᠭ ᠤᠨ ᠶᠠᠪᠤᠳᠠᠯ᠂ ᠤᠯᠤᠰ ᠲᠦᠷᠤ᠂ ᠡᠳ᠋ ᠤᠨ ᠵᠠᠰᠠᠭ ᠢ ᠬᠠᠮᠢᠶᠠᠷᠬᠤ ᠬᠠᠮᠤᠭ ᠤᠨ ᠲᠤᠮᠤ ᠨᠤᠶᠠᠨ ᠪᠤᠯᠤᠭᠰᠠᠨ ᠪᠠᠶᠢᠨ᠎ᠠ᠃ ᠤᠷᠳᠤᠰ ᠲᠠᠢ ᠬᠠᠮᠢᠶ᠎ᠠ ᠲᠠᠢ ᠵᠢᠶᠧ ᠳ᠋ᠦ᠋ ᠱᠢ ᠲᠦᠰᠢᠮᠡᠯ ᠳᠤ᠂ ᠱᠦᠸᠧ ᠹᠠᠩ ᠤᠨ ᠵᠢᠶᠧ ᠳ᠋ᠦ᠋ ᠱᠢ ᠲᠦᠰᠢᠮᠡᠯ ︵ᠯᠢᠨ ᠡᠤ ᠪᠤᠶᠤ ᠯᠢᠨ ᠵᠸᠤ ᠶᠢᠨ ᠵᠢᠶᠧ ᠳ᠋ᠦ᠋ ᠱᠢ ᠲᠦᠰᠢᠮᠡᠯ ᠬᠡᠵᠤ ᠪᠠᠰᠠ ᠬᠡᠯᠡᠳᠡᠭ︶᠂ ᠰᠢᠶᠠ ᠵᠸᠤ ᠶᠢᠨ ᠵᠢᠶᠧ ᠳ᠋ᠦ᠋ ᠱᠢ ᠲᠦᠰᠢᠮᠡᠯ ︵ᠬᠠᠷᠢᠶᠠᠨ ᠳᠤᠨᠢ ᠰᠢᠶᠠ ᠵᠸᠤ᠂ ᠰᠦᠢ ᠵᠸᠤ᠂ ᠶᠠᠨ ᠵᠸᠤ᠂ ᠶᠢᠤ ᠵᠸᠤ ᠪᠠᠭᠳᠠᠨ᠎ᠠ︶᠂ ᠵᠧᠨ ᠡᠤ ᠵᠢᠶᠦ᠋ᠨ ᠤ ᠵᠢᠶᠧ ᠳ᠋ᠦ᠋ ᠱᠢ ᠲᠦᠰᠢᠮᠡᠯ ︵ᠵᠧᠨ ᠡᠤ ᠯᠢᠨ ᠱᠧᠩ ᠵᠢᠶᠧ ᠳ᠋ᠦ᠋ ᠱᠢ ᠲᠦᠰᠢᠮᠡᠯ ᠬᠡᠵᠤ ᠪᠠᠰᠠ ᠬᠡᠯᠡᠳᠡᠭ︶ ᠵᠡᠷᠭᠡ ᠪᠠᠶᠢᠪᠠ᠃         ᠲᠠᠩ ᠤᠯᠤᠰ ᠤᠨ ᠦᠶ᠎ᠠ ᠳᠤ᠂ ᠪᠠᠰᠠ ᠠᠷᠭᠠᠳᠠᠨ ᠲᠠᠳᠠᠬᠤ ᠵᠸᠤ᠂ ᠹᠦ᠋ ᠪᠠᠶᠢᠭᠤᠯᠵᠠᠢ᠃ ᠠᠷᠭᠠᠳᠠᠨ ᠲᠠᠳᠠᠬᠤ ᠵᠸᠤ ᠹᠦ᠋ ᠶᠢᠨ ᠬᠠᠮᠢᠶᠠᠷᠤᠭᠳᠠᠬᠤ ᠡᠳᠡᠭᠡᠳ ᠶᠡᠷᠤ ᠶᠢᠨ ᠵᠡᠸᠤ ᠹᠦ᠋ ᠲᠠᠢ ᠢᠯᠠᠭᠠᠭ᠎ᠠ ᠲᠠᠢ ᠪᠠᠶᠢᠳᠠᠭ᠃ ᠶᠡᠷᠤ ᠶᠢᠨ ᠵᠸᠤ ᠹᠦ᠋ ᠪᠤᠯ ᠲᠤᠮᠳᠠᠳᠤ ᠤᠷᠤᠨ ᠤ ᠵᠸᠤ ᠹᠦ᠋ ᠶᠢ ᠬᠠᠮᠢᠶᠠᠷᠳᠠᠭ᠂ ᠠᠷᠭᠠᠳᠠᠨ ᠲᠠᠳᠠᠬᠤ ᠵᠸᠤ ᠹᠦ᠋ ᠪᠤᠯ ᠬᠢᠯᠢ ᠬᠢᠵᠠᠭᠠᠷ ᠤᠷᠤᠨ ᠤ ᠵᠸᠤ ᠹᠦ᠋ ᠶᠢ ᠬᠠᠮᠢᠶᠠᠷᠳᠠᠭ᠂ ᠬᠠᠭᠠᠨ ᠤ ᠤᠷᠳᠤᠨ ᠲᠠᠭᠠᠭᠰᠠᠨ ᠴᠦᠭᠡᠨ ᠲᠤᠭᠠᠳᠤ ᠦᠨᠳᠦᠰᠦᠳᠡᠨ ᠤ ᠮᠠᠯᠵᠢᠯ ᠤᠨ ᠭᠠᠵᠠᠷ ᠪᠤᠯᠤᠨ ᠲᠡᠳᠡᠨ ᠤ ᠠᠶᠢᠮᠠᠭ ᠪᠦᠯᠦᠭ ᠤᠨ ᠵᠤᠬᠢᠶᠠᠨ ᠪᠠᠶᠢᠭᠤᠯᠤᠯᠳᠠ ᠶᠢᠨ ᠪᠠᠶᠢᠳᠠᠯ ᠢ ᠦᠨᠳᠦᠰᠦᠯᠡᠨ ᠵᠸᠤ ᠹᠦ᠋ ᠪᠠᠶᠢᠭᠤᠯᠬᠤ ᠪᠠᠷ ᠲᠤᠭᠳᠠᠭᠠᠳᠠᠭ᠃ ᠡᠳᠡᠭᠡᠷ ᠵᠸᠤ ᠹᠦ᠋ ᠶᠢᠨ ᠼᠢ ᠱᠢ ᠲᠦᠰᠢᠮᠡᠯ ᠪᠠ ᠳ᠋ᠦᠳᠦ᠋ ᠲᠦᠰᠢᠮᠡᠯ ᠢ ᠬᠠᠭᠠᠨ ᠠᠴᠠ ᠲᠤᠰ ᠦᠨᠳᠦᠰᠦᠳᠡᠨ ᠪᠤᠶᠤ ᠲᠤᠰ ᠠᠶᠢᠮᠠᠭ ᠤᠨ ᠬᠢᠨᠢ ᠨᠤᠶᠠᠨ ᠢ ᠰᠤᠩᠭᠤᠵᠤ ᠰᠠᠭᠤᠯᠭᠠᠳᠠᠭ᠂ ᠬᠠᠭᠠᠨ ᠤ ᠤᠷᠳᠤᠨ ᠠᠴᠠ ᠶᠡᠷᠤ ᠶᠢᠨ ᠦᠶ᠎ᠠ ᠳᠤ ᠰᠢᠭᠤᠳ ᠬᠦᠮᠦᠨ ᠲᠤᠮᠢᠯᠠᠨ᠂ ᠼᠢ ᠱᠢ ᠲᠦᠰᠢᠮᠡᠯ ᠪᠠ ᠳ᠋ᠦᠳᠦ᠋ ᠲᠦᠰᠢᠮᠡᠯ ᠪᠤᠯᠭᠠᠳᠠᠭ ᠦᠭᠡᠢ᠃ ᠠᠷᠭᠠᠳᠠᠨ ᠲᠠᠳᠠᠬᠤ ᠵᠸᠤ ᠹᠦ᠋ ᠶᠢ ᠴᠦᠭᠡᠨ ᠲᠤᠭᠠᠳᠤ ᠦᠨᠳᠦᠰᠦᠳᠡᠨ ᠤ ᠤᠨᠴᠠᠯᠢᠭ ᠪᠠ ᠭᠠᠵᠠᠷ ᠤᠷᠤᠨ ᠤ ᠤᠨᠴᠠᠯᠢᠭ ᠢ ᠪᠦᠷᠢᠨ ᠬᠦᠢᠴᠡᠳ ᠪᠤᠳᠤᠯᠬᠢᠯᠠᠵᠤ᠂ ᠬᠢᠵᠠᠭᠠᠷ ᠤᠷᠤᠨ ᠤ ᠴᠦᠭᠡᠨ ᠲᠤᠭᠠᠳᠤ ᠦᠨᠳᠦᠰᠦᠳᠡᠨ ᠤ ᠪᠤᠳᠠᠳᠤ ᠪᠠᠶᠢᠳᠠᠯ ᠢ ᠦᠨᠳᠦᠰᠦᠯᠡᠵᠤ ᠲᠤᠭᠳᠠᠭᠠᠭᠰᠠᠨ ᠪᠤᠯᠬᠤᠷ᠂ ᠬᠢᠯᠢ ᠬᠢᠵᠠᠭᠠᠷ ᠤᠨ ᠴᠦᠭᠡᠨ ᠲᠤᠭᠠᠳᠤ ᠦᠨᠳᠦᠰᠦᠳᠡᠨ ᠢ ᠬᠠᠮᠢᠶᠠᠷᠬᠤ ᠨᠡᠯᠢᠶᠡᠳ ᠪᠦᠳᠦᠮᠵᠢ ᠲᠠᠢ ᠠᠷᠭ᠎ᠠ ᠬᠡᠮᠵᠢᠶ᠎ᠠ ᠪᠤᠯᠤᠨ᠎ᠠ᠃          ᠤᠷᠳᠤᠰ ᠲᠠᠢ ᠬᠠᠮᠢᠶᠠᠳᠠᠢ ᠠᠷᠭᠠᠳᠠᠨ ᠲᠠᠳᠠᠬᠤ ᠵᠸᠤ ᠹᠦ᠋ ᠳᠤ ᠳ᠋ᠢᠩ ᠷᠠᠩ ᠤᠨ ᠳ᠋ᠦᠳᠦ᠋ ᠹᠦ᠋ ᠪᠤᠢ᠃ ᠡᠬᠦᠨ ᠢ ᠵᠧᠨ ᠭᠤᠸᠠᠨ ᠤ ᠲᠦᠷᠪᠡᠳᠦᠭᠡᠷ ᠤᠨ ︵ᠨᠡᠶᠢᠳᠠ ᠶᠢᠨ ᠤᠨ ᠲᠣᠭᠠᠯᠠᠯ ᠤᠨ630 ᠤᠨ︶ ᠳᠤ ᠪᠠᠶᠢᠭᠤᠯᠵᠠᠢ᠃ ᠲᠤᠬᠠᠢ ᠶᠢᠨ ᠦᠶ᠎ᠠ ᠳᠤ ᠵᠡᠬᠦᠨ ᠲᠶᠦ᠋ᠷᠺ ᠶᠢᠨ ᠬᠠᠭᠠᠨᠳᠤ ᠤᠯᠤᠰ ᠵᠠᠳᠠᠷᠠᠭᠠᠳ᠂ ᠲᠡᠬᠦᠨ ᠤ ᠠᠷᠪᠠᠨ ᠲᠦᠮᠡᠨ ᠠᠶᠢᠮᠠᠭ ᠤᠨ ᠠᠷᠠᠳ ᠲᠠᠩ ᠤᠯᠤᠰ ᠢ ᠲᠠᠭᠠᠪᠠ᠃ ᠲᠠᠩ ᠲᠠᠶᠢᠽᠦ᠋ᠩ ᠬᠠᠭᠠᠨ ︽ᠠᠶᠢᠮᠠᠭ ᠪᠦᠯᠦᠭ ᠢ ᠪᠦᠷᠢᠨ ᠪᠠᠶᠢᠯᠭᠠᠵᠤ︾ ︽ᠵᠠᠩ ᠰᠤᠷᠳᠠᠬᠤᠨ ᠢ ᠦᠯᠦ ᠬᠤᠪᠢᠷᠠᠭᠤᠯᠬᠤ︾ ᠵᠠᠷᠴᠢᠮ ᠢ ᠪᠠᠷᠢᠮᠳᠠᠯᠠᠵᠤ᠂ ᠲᠡᠳᠠᠨ ᠢ ᠤᠷᠳᠤᠰ ᠤᠨ ᠡᠮᠦᠨ᠎ᠡ ᠭᠡᠰᠡᠭ ᠲᠤ ᠲᠤᠬᠢᠷᠠᠭᠤᠯᠵᠠᠢ᠃ ᠳ᠋ᠢᠩ ᠷᠠᠩ ᠳ᠋ᠦᠳᠦ᠋ ᠹᠦ᠋ ᠶᠢᠨ ᠭᠡᠷᠡᠭ ᠡᠷᠬᠢᠯᠡᠬᠦ ᠪᠠᠶᠢᠭᠤᠯᠤᠮᠵᠢ ᠶᠢ ᠰᠢᠶᠠ ᠵᠸᠤ ᠶᠢᠨ ᠬᠠᠷᠢᠶᠠᠳᠤ ᠨᠢᠩ ᠱᠦᠸᠧ ᠰᠢᠶᠠᠨ ᠳᠤ ᠪᠠᠶᠢᠭᠤᠯᠵᠤ᠂ ᠠ ᠳ᠋ᠧ ᠵᠸᠤ᠂ ᡁᠢ ᠱᠢ ᠵᠸᠤ᠂ ᠪᠠ ᠶᠠᠨ ᠵᠸᠤ᠂ ᠰᠤ᠋ ᠨᠦᠩ ᠵᠸᠤ ᠭᠡᠰᠡᠨ ᠲᠦᠷᠪᠡᠨ ᠪᠠᠭ᠎ᠠ ᠵᠸᠤ ᠶᠢ ᠬᠠᠮᠢᠶᠠᠷᠤᠭᠤᠯᠪᠠ᠂ ᠶᠦᠨ ᠵᠸᠤ ᠶᠢᠨ ᠳ᠋ᠦᠳᠦ᠋ ᠹᠦ᠋ ᠶᠢᠨ ᠭᠡᠷᠡᠭ ᠡᠷᠬᠢᠯᠡᠬᠦ ᠪᠠᠶᠢᠭᠤᠯᠤᠮᠵᠢ ᠶᠢ ᠰᠢᠶᠠ ᠵᠸᠤ ᠶᠢᠨ ᠱᠦᠸᠧ ᠹᠠᠩ ᠳᠤ ᠪᠠᠶᠢᠭᠤᠯᠤᠭᠠᠳ᠂ ᠱᠧ ᠯᠢ ᠵᠸᠤ᠂ ᠠ ᠱᠧ ᠨᠠ ᠵᠸᠤ᠂ ᠴᠦᠸᠧ ᠵᠸᠤ᠂ ᠰᠧ ᠪᠢ ᠳ᠋ᠧᠩ ᠵᠸᠤ ᠵᠡᠷᠭᠡ ᠲᠠᠪᠤᠨ ᠪᠠᠭ᠎ᠠ ᠵᠸᠤ ᠶᠢ ᠬᠠᠮᠢᠶᠠᠷᠤᠭᠤᠯᠪᠠ᠃ ᠶᠦᠨ ᠵᠦᠩ ᠤᠨ ᠳ᠋ᠦᠳᠦ᠋ ᠹᠦ᠋ ᠪᠤᠯ ᠴᠠᠨ ᠢᠤᠢ ᠶᠢᠨ ᠳ᠋ᠦᠬᠤ ᠹᠦ᠋ ᠳᠤ ᠬᠠᠷᠢᠶᠠᠯᠠᠭᠳᠠᠵᠤ᠂ ᠽᠠᠩ ᠴᠢᠶᠠᠨ ᠳ᠋ᠦᠳᠦ᠋ ᠹᠦ᠋᠂ ᠢᠤᠢ ᠱᠧ ᠵᠸᠤ᠂ ᠢ ᠱᠢ ᠵᠸᠤ᠂ ᠪᠢ ᠱᠢ ᠵᠸᠤ᠂ ‍ᠤᠤᠢ ᠯᠢᠶᠤᠸ᠋ ᠵᠸᠤ ᠵᠡᠷᠭᠡ ᠲᠠᠪᠤᠨ ᠠᠷᠭᠠᠳᠠᠨ ᠲᠠᠳᠠᠬᠤ ᠵᠸᠤ ᠶᠢ ᠬᠠᠮᠢᠶᠠᠷᠳᠠᠭ᠃ ᠬᠤ᠋ ᠶᠠᠨ ᠳ᠋ᠦᠳᠦ᠋ ᠹᠦ᠋ ᠪᠤᠯ ᠡᠾᠧ ᠯᠤ᠋ ᠵᠸᠤ᠂ ᠭᠧ ᠯᠦᠸᠧ ᠵᠸᠤ᠂ ᠰᠢᠶᠧ ᠳ᠋ᠢᠶᠧ ᠵᠸᠤ ᠵᠡᠷᠭᠡ ᠭᠤᠷᠪᠠᠨ ᠠᠷᠭᠠᠳᠠᠨ ᠲᠠᠳᠠᠬᠤ ᠵᠸᠤ ᠶᠢ ᠬᠠᠮᠢᠶᠠᠷᠳᠠᠭ᠃ ᠳ᠋ᠠ ᠬᠤᠨ ᠳ᠋ᠦᠳᠦ᠋ ᠹᠦ᠋ ᠶᠢᠨ ᠭᠡᠷᠡᠭ ᠡᠷᠬᠢᠯᠡᠬᠦ ᠭᠠᠵᠠᠷ ᠢ ᠰᠢᠶᠠ ᠵᠸᠤ ᠶᠢᠨ ᠬᠠᠷᠢᠶᠠᠳᠤ ᠨᠢᠩ ᠱᠦᠸᠧ ᠰᠢᠶᠠᠨ ᠳᠤ ᠪᠠᠶᠢᠭᠤᠯᠵᠤ᠂ ᠬᠦ᠋ ᠶᠠᠨ ᠵᠸᠤ᠂ ᠪᠦ᠋ ᠴᠢ ᠹᠠᠩ ᠵᠸᠤ᠂ ᠰᠢ ᠲᠠᠨ ᠵᠸᠤ᠂ ᠬᠤ᠋ ᠵᠸᠤ᠂ ᠳ᠋ᠢ ᠰᠤ᠋ ᠵᠸᠤ ᠵᠡᠷᠭᠡ ᠶᠢ ᠬᠠᠮᠢᠶᠠᠷᠳᠠᠭ᠃ ᠠᠨ ᠬᠤᠸᠠ ᠵᠸᠤ ᠶᠢᠨ ᠳ᠋ᠦᠳᠦ᠋ ᠹᠦ᠋᠂ ᠨᠢᠩ ᠱᠦᠸᠧ ᠵᠸᠤ ᠶᠢᠨ ᠳ᠋ᠦᠳᠦ᠋ ᠹᠦ᠋᠂ ᠫᠦ᠋ ᠬᠦ᠋ ᠵᠸᠤ ᠶᠢᠨ ᠳ᠋ᠦᠳᠦ᠋ ᠹᠦ᠋ ᠶᠢᠨ ᠭᠡᠷᠡᠭ ᠡᠷᠬᠢᠯᠡᠬᠦ ᠭᠠᠵᠠᠷ ᠴᠦᠮ ᠰᠢᠶᠠ ᠵᠸᠤ ᠶᠢᠨ ᠱᠦᠸᠧ ᠹᠠᠩ ᠰᠢᠶᠠᠨ ᠳᠤ ᠪᠠᠶᠢᠭᠰᠠᠨ ᠪᠦᠭᠡᠳ ᠪᠠᠰᠠ ᠯᠧ ᠷᠦᠩ ᠵᠸᠤ᠂ ᠵᠢᠩ ᠪᠢᠶᠠᠨ ᠵᠸᠤ ᠶᠢᠨ ᠳ᠋ᠦᠳᠦ᠋ ᠹᠦ᠋ ᠵᠡᠷᠭᠡ ᠪᠠᠶᠢᠪᠠ᠃          ᠵᠧᠨ ᠭᠤᠸᠠᠨ ᠤ ᠠᠩᠬᠠᠳᠤᠭᠠᠷ ᠤᠨ ︵ᠨᠡᠶᠢᠳᠠ ᠶᠢᠨ ᠤᠨ ᠲᠤᠭᠠᠯᠠᠯ ᠤᠨ627 ᠤᠨ︶ ᠳᠤ᠂ ᠬᠦᠬᠡᠨᠠᠭᠤᠷ ᠤᠨ ᠵᠡᠬᠦᠨ ᠡᠮᠦᠨ᠎ᠡ᠂ ᠰᠧᠴᠤᠸᠠᠨ ᠤ ᠪᠠᠷᠠᠭᠤᠨ ᠬᠤᠶᠢᠨ᠎ᠠ ᠠᠮᠢᠳᠤᠷᠠᠵᠤ ᠪᠠᠶᠢᠭᠰᠠᠨ ᠳ᠋ᠠᠩ ᠰᠢᠶᠠᠩ ᠦᠨᠳᠦᠰᠦᠳᠡᠨ ︵ᠬᠠᠨ ᠤᠯᠤᠰ ᠤᠨ ᠦᠶ᠎ᠠ ᠶᠢᠨ ᠪᠠᠷᠠᠭᠤᠨ ᠴᠢᠶᠠᠩ︶ ᠲᠠᠩ ᠤᠯᠤᠰ ᠢ ᠲᠠᠭᠠᠵᠠᠢ᠃ ᠲᠤᠬᠠᠢ ᠶᠢᠨ ᠦᠶ᠎ᠠ ᠳᠤ᠂ ᠲᠦᠪᠡᠳ ᠦᠨᠳᠦᠰᠦᠳᠡᠨ ᠳ᠋ᠠᠩ ᠰᠢᠶᠠᠩ ᠦᠨᠳᠦᠰᠦᠳᠡᠨ ᠢ ᠰᠦᠷᠳᠡᠬᠦᠯᠵᠤ ᠪᠠᠶᠢᠪᠠ᠃ ᠳ᠋ᠠᠩ ᠰᠢᠶᠠᠩ ᠦᠨᠳᠦᠰᠦᠳᠡᠨ ᠲᠡᠳᠡᠨ ᠤ ᠵᠡᠬᠦᠨᠰᠢ ᠨᠡᠬᠦᠬᠦ ᠶᠢ ᠲᠠᠩ ᠤᠯᠤᠰ ᠢᠶᠠᠷ ᠵᠦᠪᠰᠢᠶᠡᠷᠡᠬᠦᠯᠬᠦ ᠪᠠᠷ ᠭᠤᠶᠤᠴᠢᠯᠠᠪᠠ᠃ ᠰᠡᠬᠦᠯᠡᠷ ᠲᠠᠩ ᠤᠯᠤᠰ ᠲᠡᠳᠡᠨ ᠢ ᠤᠷᠳᠤᠰ ᠲᠤ ᠨᠡᠬᠦᠨ ᠢᠷᠡᠬᠦ ᠶᠢ ᠵᠦᠪᠰᠢᠶᠡᠷᠡᠭᠰᠡᠨ ᠪᠠᠶᠢᠨ᠎ᠠ᠃ ᠲᠤᠬᠠᠢ ᠶᠢᠨ ᠦᠶ᠎ᠠ ᠶᠢᠨ ᠲᠡᠳᠠᠨ ᠤ ᠭᠤᠤᠯ ᠴᠤᠭᠯᠠᠷᠠᠨ  ᠰᠠᠭᠤᠵᠤ ᠪᠠᠶᠢᠭᠰᠠᠨ ᠭᠠᠵᠠᠷ ᠪᠤᠯ ᠰᠢᠶᠠ ᠵᠸᠤ ᠪᠤᠯᠤᠨ᠎ᠠ᠃ ᠬᠤᠵᠢᠮ ᠪᠤᠯᠤᠭᠠᠳ ᠳ᠋ᠠᠩ ᠰᠢᠶᠠᠩ ᠦᠨᠳᠦᠰᠦᠳᠡᠨ ᠰᠢᠶᠠ ᠵᠸᠤ ᠠᠴᠠ ᠠᠭᠠᠵᠢᠮ ᠢᠶᠠᠷ ᠵᠡᠬᠦᠨᠰᠢ ᠬᠦᠭᠵᠢᠵᠤ᠂ ᠶᠢᠤ ᠵᠸᠤ ᠪᠠ ᠱᠧᠩ ᠵᠸᠤ ᠶᠢᠨ ᠡᠮᠦᠨ᠎ᠡ ᠭᠡᠰᠡᠭ ᠢ ᠡᠵᠡᠯᠡᠪᠡ᠃ ᠳ᠋ᠠᠩ ᠰᠢᠶᠠᠩ ᠦᠨᠳᠦᠰᠦᠳᠡᠨ ᠤ ᠲᠦᠷᠦᠬᠦᠤ ᠲᠦᠸᠧ ᠪᠠ ᠰᠧ ᠬᠦᠩ᠂ ᠬᠤᠶᠢᠭᠤᠷ ︵ᠤᠶᠢᠭᠤᠷ︶ ᠪᠠ ᠲᠦᠪᠡᠳ ᠢ ᠡᠰᠡᠷᠬᠦᠴᠡᠬᠦ ᠪᠠᠶᠢᠯᠳᠤᠭᠠᠨ ᠳᠤ ᠤᠯᠠᠨᠳᠠ ᠭᠠᠪᠢᠶ᠎ᠠ ᠪᠠᠶᠢᠭᠤᠯᠤᠭᠰᠠᠨ ᠲᠤᠯᠠ ᠰᠢᠶᠠᠨ ᠲᠦᠩ ᠤᠨ ᠰᠡᠬᠦᠯ ᠤᠨ ᠤᠨ ︵ᠨᠡᠶᠢᠳᠠ ᠶᠢᠨ ᠤᠨ ᠲᠤᠭᠠᠯᠠᠯ ᠤᠨ873 ᠤᠨ︶ ᠳᠤ᠂ ᠲᠦᠸᠧ ᠪᠠ ᠰᠧ ᠬᠦᠩ᠂ ᠶᠢᠤ ᠵᠸᠤ ᠶᠢᠨ ᠼᠢ ᠱᠢ ᠲᠦᠰᠢᠮᠡᠯ ᠪᠤᠯᠤᠨ ᠲᠡᠪᠰᠢᠪᠡ᠂ ᠬᠤᠵᠢᠮ ᠲᠡᠬᠢᠨ ᠲᠠᠶᠢᠼᠢ ᠲᠠᠶᠢᠪᠦ᠋ ᠰᠢᠶᠠ ᠬᠦᠸᠧ ᠬᠦᠩ ᠡᠷᠬᠦᠮᠵᠢᠯᠡᠭᠳᠡᠪᠡ᠂ ᠳ᠋ᠠ ᠱᠦᠨ ᠤ ᠠᠩᠬᠠᠳᠤᠭᠠᠷ ᠤᠨ ︵ᠨᠡᠶᠢᠳᠠ ᠶᠢᠨ ᠤᠨ ᠲᠤᠭᠠᠯᠠᠯ ᠤᠨ890 ᠤᠨ︶ ᠳᠤ᠂ ᠲᠦᠸᠧ ᠪᠠ ᠰᠧ ᠬᠦᠩ ᠤᠨ ᠲᠡᠬᠦᠤ ᠯᠢ ᠰᠧ ᠵᠢᠶᠠᠨ᠂ ᠳ᠋ᠢᠩ ᠨᠠᠨ ᠵᠢᠶᠦ᠋ᠨ ᠤ ᠵᠢᠶᠧ ᠳ᠋ᠦ᠋ ᠱᠢ ᠲᠦᠰᠢᠮᠡᠯ᠂ ᠲᠤᠬᠠᠶᠢᠯᠠᠪᠠᠯ ᠰᠢᠶᠠ ᠰᠦᠢ ᠶᠢᠨ ᠵᠢᠶᠧ ᠳ᠋ᠦ᠋ ᠱᠢ  ᠲᠦᠰᠢᠮᠡᠯ ᠪᠤᠯᠵᠠᠢ᠃ ᠳ᠋ᠠᠩ ᠰᠢᠶᠠᠩ ᠦᠨᠳᠦᠰᠦᠳᠡᠨ ᠤ ᠲᠦᠸᠧ ᠪᠠ ᠠᠶᠢᠮᠠᠭ ᠤᠨ ᠡᠳᠡᠭᠡᠷ ᠲᠦᠷᠦᠭᠦᠴᠤᠳ ᠪᠤᠯ ᠬᠤᠵᠢᠮ ᠤᠨ ᠲᠠᠩᠭᠤᠳ ︵ᠪᠠᠷᠠᠭᠤᠨ ᠰᠢᠶᠠ︶ ᠤᠯᠤᠰ ᠤᠨ ᠰᠠᠭᠤᠷᠢ ᠶᠢ ᠲᠠᠯᠪᠢᠭᠴᠢᠳ ᠪᠤᠯᠤᠨ᠎ᠠ᠃          ᠲᠠᠩ ᠠᠢ ᠳ᠋ᠢ ᠬᠠᠭᠠᠨ ᠯᠢ ᠴᠤ ᠶᠢᠨ ᠲᠢᠶᠠᠨ ᠢᠤ ᠶᠢᠨ ᠲᠦᠷᠪᠡᠳᠦᠭᠡᠷ ᠤᠨ ︵ᠨᠡᠶᠢᠳᠠ ᠶᠢᠨ ᠤᠨ  ᠲᠤᠭᠠᠯᠠᠯ ᠤᠨ907 ᠤᠨ︶ ᠳᠤ᠂ ᠲᠤᠮᠳᠠᠳᠤ ᠤᠯᠤᠰ ᠢ ᠬᠤᠶᠠᠷ ᠵᠠᠭᠤᠨ ᠨᠠᠶᠠ ᠶᠢᠰᠦᠨ ᠵᠢᠯ ᠨᠤᠶᠠᠷᠬᠠᠭᠰᠠᠨ ᠲᠠᠩ ᠤᠯᠤᠰ ᠮᠦᠬᠦᠵᠤ᠂ ᠲᠤᠮᠳᠠᠳᠤ ᠤᠯᠤᠰ ᠤᠨ ᠤᠮᠠᠷᠠᠳᠤ ᠤᠷᠤᠨ ᠤ ᠦᠷᠭᠡᠨ ᠠᠭᠤᠳᠠᠮ ᠨᠤᠳᠤᠭ ᠲᠡᠪᠢᠰᠭᠡᠷ ᠬᠤᠶᠢᠳᠤ ᠯᠢᠶᠠᠩ ᠤᠯᠤᠰ ᠤᠨ ᠵᠤ᠋ ᠸᠧᠨ ᠤ ᠭᠠᠷ ᠲᠤ ᠡᠵᠡᠮᠰᠢᠭᠳᠡᠵᠤ᠂ ᠲᠤᠮᠳᠠᠳᠤ ᠤᠯᠤᠰ ᠨᠢᠭᠡᠳᠦᠯᠳᠠᠢ ᠪᠠᠶᠢᠭᠰᠠᠨ ᠠᠴᠠ ᠪᠠᠨ ᠲᠠᠬᠢᠨ ᠤᠷᠳᠤ ᠬᠤᠭᠤᠴᠠᠭ᠎ᠠ ᠪᠠᠷ ᠬᠠᠭᠠᠴᠠᠭᠰᠠᠨ ᠦᠶ᠎ᠠ ᠳᠤ ᠤᠷᠤᠪᠠ᠃ ᠡᠨᠡ ᠦᠶ᠎ᠠ᠂ ᠤᠷᠳᠤᠰ ᠤᠨ ᠰᠢᠶᠠ ᠵᠸᠤ ᠤᠷᠤᠨ᠂ ᠲᠦᠸᠧ ᠪᠠ ᠰᠧ ᠬᠦᠩ ᠤᠨ ᠳ᠋ᠠᠩ ᠰᠢᠶᠠᠩ ᠤᠨ ᠴᠢᠶᠠᠩᠴᠤᠳ ᠲᠤ ᠡᠵᠡᠯᠡᠭᠳᠡᠵᠤ᠂ ᠳ᠋ᠠᠩ ᠰᠢᠶᠠᠩ ᠤᠨ ᠴᠢᠶᠠᠩᠴᠤᠳ ᠬᠠᠭᠤᠴᠢᠨ ᠲᠦᠮᠡᠨ ᠢ ᠵᠠᠬᠢᠷᠬᠤ ᠬᠤᠳᠠ ︵ᠲᠦᠩ ᠸᠠᠨ ᠴᠧᠩ︶ ᠪᠠᠷ ᠰᠠᠭᠤᠷᠢ ᠪᠤᠯᠭᠠᠵᠤ᠂ ᠲᠦᠷᠪᠡᠨ ᠵᠦᠭ ᠲᠤ ᠬᠦᠴᠤᠨ ᠢᠶᠠᠨ ᠦᠷᠭᠡᠳᠭᠡᠨ᠂ ᠰᠢᠶᠠ ᠵᠸᠤ ᠶᠢᠨ ᠵᠢᠶᠧ ᠳ᠋ᠦ᠋ ᠱᠢ ᠲᠦᠰᠢᠮᠡᠯ ᠤᠨ ᠡᠵᠡᠯᠡᠵᠤ ᠪᠠᠶᠢᠭᠰᠠᠨ ᠭᠠᠵᠠᠷ ᠢ ᠰᠢᠶᠠ ᠵᠸᠤ᠂ ᠰᠦᠢ ᠵᠸᠤ᠂ ᠶᠢᠨ ᠵᠸᠤ ᠶᠢᠨ ᠦᠷᠭᠡᠨ ᠠᠭᠤᠳᠠᠮ ᠭᠠᠵᠠᠷ ᠬᠦᠷᠳᠡᠯ᠎ᠠ ᠦᠷᠭᠡᠳᠭᠡᠵᠠᠢ᠃ ᠰᠢᠶᠠ ᠵᠸᠤ ᠪᠤᠯᠤᠨ ᠶᠢᠤ ᠵᠸᠤ ᠪᠤᠯ ᠤᠷᠳᠤᠰ ᠤᠨ ᠡᠮᠦᠨ᠎ᠡ ᠬᠠᠭᠠᠰ ᠭᠡᠰᠡᠭ ᠢᠶᠠᠷ ᠪᠠᠶᠢᠷᠢᠯᠠᠵᠤ ᠪᠠᠶᠢᠳᠠᠭ᠃ ᠤᠳᠤ ᠶᠢᠨ ᠦᠤᠰᠢᠨ ᠬᠤᠰᠢᠭᠤ᠂ ᠤᠳᠤᠭ ᠬᠤᠰᠢᠭᠤ᠂ ᠤᠳᠤᠭ ᠤᠨ ᠡᠮᠦᠨᠡᠳᠤ ᠬᠤᠰᠢᠭᠤ ᠶᠢᠨ ᠵᠠᠷᠢᠮ ᠭᠡᠰᠡᠭ ᠪᠤᠶᠤ ᠶᠡᠭᠡᠩᠬᠢ ᠭᠡᠰᠡᠭ ᠪᠠᠭᠳᠠᠨ᠎ᠠ᠃ ᠬᠤᠶᠢᠳᠤ ᠲᠠᠩ᠂ ᠬᠤᠶᠢᠳᠤ ᠶᠢᠨ ᠤ ᠦᠶ᠎ᠠ ᠳᠤ᠂ ᠳ᠋ᠠᠩ ᠰᠢᠶᠠᠩ ᠤᠨ ᠴᠢᠶᠠᠩᠴᠤᠳ ᠡᠳᠡᠭᠡᠷ ᠭᠡᠰᠡᠭᠯᠡᠨ ᠡᠵᠡᠷᠭᠡᠭᠰᠡᠨ ᠬᠠᠭᠠᠨᠳᠤ ᠲᠦᠷᠤ ᠲᠠᠢ ᠬᠤᠷᠴᠠ ᠰᠢᠷᠦᠬᠦᠨ ᠲᠡᠮᠡᠴᠡᠯ ᠶᠠᠪᠤᠭᠤᠯᠵᠤ᠂ ᠯᠢ ᠰᠧ ᠬᠦᠩ ᠢ ᠡᠬᠢᠯᠡᠨ᠂ ᠯᠢ ᠰᠧ ᠵᠢᠶᠠᠨ᠂ ᠯᠢ ᠢ ᠴᠤᠤ᠂ ᠯᠢ ᠢ ᠰᠢᠩ ᠵᠡᠷᠭᠡ ᠲᠠᠪᠤᠨ ᠦᠶ᠎ᠠ ᠶᠢ ᠦᠩᠭᠡᠷᠡᠬᠦᠯᠵᠤ᠂ ᠨᠠᠶᠠᠨ ᠬᠡᠳᠦᠨ ᠵᠢᠯ ᠪᠤᠯᠪᠠ᠃ ᠡᠨᠡ ᠬᠤᠭᠤᠴᠠᠭᠠᠨ ᠳᠤ᠂ ᠲᠤᠮᠳᠠᠳᠤ ᠤᠷᠤᠨ ᠳᠤ ᠲᠠᠶᠢᠨ ᠲᠠᠵᠢᠨ ᠲᠠᠰᠤᠷᠠᠬᠤ ᠦᠭᠡᠢ ᠪᠠᠶᠢᠭᠰᠠᠨ ᠪᠤᠯᠪᠠᠴᠤ᠂ ᠰᠢᠶᠠ ᠵᠸᠤ ᠪᠠᠷ ᠲᠦᠪ ᠪᠤᠯᠭᠠᠭᠰᠠᠨ ᠳ᠋ᠢᠩ ᠨᠠᠨ ᠵᠢᠶᠦ᠋ᠨ ᠤ ᠵᠢᠶᠧ ᠳ᠋ᠦ᠋ ᠱᠢ ᠲᠦᠰᠢᠮᠡᠯ ᠤᠨ ᠬᠠᠷᠢᠶᠠᠳᠤ ᠵᠸᠤ ᠨᠦᠭᠦᠳ ᠦᠨᠳᠦᠰᠦᠨ ᠳᠡᠭᠡᠨ ᠠᠮᠤᠷᠵᠢᠨ ᠲᠡᠩᠭᠡᠷᠡᠬᠦ ᠣᠨᠴᠠᠭᠠᠢ ᠲᠡᠤᠭᠡᠨ ᠱᠠᠳᠤᠨ ᠳᠤ ᠪᠠᠶᠢᠪᠠ᠃ ᠡᠶᠢᠮᠤ ᠠᠴᠠ ᠡᠨᠡ ᠨᠢᠭᠡ ᠪᠦᠯᠦᠭ ᠬᠦᠴᠦᠨ ᠠᠭᠠᠵᠢᠮ ᠢᠶᠠᠷ ᠬᠦᠴᠦᠷᠭᠡᠭᠵᠢᠵᠤ ᠢᠷᠡᠪᠡ᠃           ᠲᠠᠪᠤᠨ ᠲᠦᠷᠤ ᠠᠷᠪᠠᠨ ᠤᠯᠤᠰ ᠤᠨ ᠦᠶ᠎ᠠ ᠶᠢᠨ ᠯᠢᠩ ᠡᠤ ᠶᠢᠨ ᠵᠢᠶᠧ ᠳ᠋ᠦ᠋ ᠱᠢ ᠲᠦᠰᠢᠮᠡᠯ ︵ᠱᠦᠸᠧ ᠹᠠᠩ ᠤᠨ ᠵᠢᠶᠧ ᠳ᠋ᠦ᠋ ᠱᠢ ᠲᠦᠰᠢᠮᠡᠯ ᠪᠤᠶᠤ ᠯᠢᠩ ᠶᠠᠨ ᠤ ᠵᠢᠶᠧ ᠳ᠋ᠦ᠋ ᠱᠢ ᠲᠦᠰᠢᠮᠡᠯ ᠭᠡᠵᠦ ᠪᠠᠰᠠ ᠨᠡᠷᠡᠯᠡᠳᠡᠭ︶ ᠤᠨ ᠭᠡᠷᠡᠭ ᠡᠷᠬᠢᠨᠯᠬᠦ ᠪᠠᠶᠢᠭᠤᠯᠤᠯᠭ᠎ᠠ ᠪᠠᠨ ᠯᠢᠩ ᠵᠸᠤ ᠳᠤ ᠪᠠᠶᠢᠭᠤᠯᠵᠤ᠂ ᠮᠦᠨ ᠯᠠ ᠬᠠᠳᠤᠨ ᠭᠤᠤᠯ ᠤᠨ ᠵᠡᠬᠦᠨ ᠬᠦᠪᠡᠭᠡᠨ ᠳᠠᠬᠢ ᠨᠠᠷᠢᠬᠠᠨ ᠤᠷᠳᠤ ᠭᠠᠵᠠᠷ ᠢ ᠬᠠᠮᠢᠶᠠᠷᠴᠤ᠂ ᠤᠳᠤ ᠶᠢᠨ ᠤᠳᠤᠭ ᠬᠤᠰᠢᠭᠤ᠂ ᠤᠳᠤᠭ ᠤᠨ ᠡᠮᠦᠨᠡᠳᠤ ᠬᠤᠰᠢᠭᠤ ᠶᠢᠨ ᠪᠠᠷᠠᠭᠤᠨ ᠭᠡᠰᠡᠭ ᠪᠠ ᠦᠬᠠᠢ ᠬᠤᠳᠠ ᠶᠢᠨ ᠨᠢᠭᠡ ᠭᠡᠰᠡᠭ ᠪᠠᠭᠳᠠᠵᠤ ᠪᠠᠶᠢᠪᠠ᠃ ᠡᠨᠡ ᠦᠶ᠎ᠠ ᠳᠤ ᠲᠤᠮᠳᠠᠳᠤ ᠤᠷᠣᠨ ᠤ ᠬᠠᠭᠠᠨᠳᠤ ᠲᠦᠷᠤ ᠨᠦᠭᠦᠳ ᠤᠯᠠᠨᠳᠠ ᠤᠯᠠᠷᠢᠨ ᠬᠤᠪᠢᠷᠠᠵᠤ ᠪᠠᠶᠢᠭᠰᠠᠨ ᠪᠤᠯᠪᠠᠴᠤ ᠠᠳᠠ ᠲᠡᠮᠡᠢ ᠶᠡᠭᠡ ᠨᠦᠯᠦᠭᠡ ᠪᠤᠯᠤᠭᠰᠠᠨ ᠦᠭᠡᠢ᠃ ᠤᠴᠢᠷ ᠨᠢ ᠡᠨᠡ ᠵᠢᠶᠧ ᠳ᠋ᠦ᠋ ᠱᠢ ᠲᠦᠰᠢᠮᠡᠯ ᠡᠯᠪᠡᠭ ᠵᠤᠵᠠᠭᠠᠨ ᠴᠡᠷᠢᠭ ᠤᠨ ᠬᠦᠴᠦᠨ ᠲᠠᠢ ᠪᠠᠷ  ᠪᠠᠷᠠᠬᠤ ᠦᠭᠡᠢ᠂ ᠲᠦᠢᠯ ᠤᠨ ᠴᠢᠬᠤᠯᠠ ᠪᠠᠶᠢᠯᠳᠤᠬᠤ ᠪᠤᠳᠤᠯᠭ᠎ᠠ ᠶᠢᠨ ᠪᠠᠶᠢᠷᠢ ᠰᠠᠭᠤᠷᠢ ᠲᠠᠢ ᠪᠠᠶᠢᠭᠰᠠᠨ ᠲᠤᠯᠠ ᠲᠤᠮᠳᠠᠳᠤ ᠤᠷᠤᠨ ᠤ ᠭᠡᠰᠡᠭᠯᠡᠨ ᠡᠵᠡᠷᠭᠡᠭᠰᠡᠨ ᠬᠠᠭᠠᠨᠳᠤ ᠲᠦᠷᠦ ᠨᠦᠭᠦᠳ ᠲᠡᠬᠦᠨ ᠤ ᠬᠦᠴᠦᠨ ᠢ ᠲᠡᠳᠠᠨ ᠠᠪᠬᠤ ᠪᠤᠶᠤ ᠠᠰᠢᠭᠯᠠᠬᠤ ᠪᠠᠷ ᠴᠢᠷᠮᠠᠶᠢᠯᠴᠠᠵᠤ᠂ ᠴᠢᠨᠠᠭᠰᠢᠯᠡᠪᠡᠯ ᠴᠢᠬᠤᠯᠠ ᠵᠡᠷᠭᠡ ᠬᠡᠷᠬᠡᠮ ᠪᠠ ᠦᠯᠡᠮᠵᠢ ᠴᠠᠯᠢᠩ ᠹᠦᠩᠯᠤ ᠦᠭᠬᠦ ᠭᠡᠵᠤ ᠪᠠᠶᠢᠪᠠ᠃          ᠲᠠᠪᠤᠨ ᠲᠦᠷᠤ ᠠᠷᠪᠠᠨ ᠤᠯᠤᠰ ᠤᠨ ᠦᠶ᠎ᠠ ᠶᠢᠨ ᠵᠧᠨ ᠡᠤ ᠶᠢᠨ ᠵᠢᠶᠧ ᠳ᠋ᠦ᠋ ᠱᠢ ᠲᠦᠰᠢᠮᠡᠯ ᠤᠷᠳᠤᠰ ᠤᠨ ᠱᠧᠩ ᠵᠸᠤ ᠶᠢ ᠬᠠᠮᠢᠶᠠᠷᠴᠤ ᠪᠠᠶᠢᠪᠠ᠃ ᠲᠠᠩ ᠤᠯᠤᠰ ᠤᠨ ᠰᠡᠬᠦᠯᠴᠢ ᠪᠠᠷ ᠭᠤᠤᠯ ᠤᠨ ᠵᠡᠬᠦᠨᠳᠡᠬᠢ ᠴᠡᠷᠢᠭ ᠤᠨ ᠡᠷᠬᠡᠳᠡᠨ ᠯᠢ ᠺᠧ ᠶᠦᠩ᠂ ᠯᠢ ᠼᠦᠨ ᠰᠢᠶᠦ᠋ᠨ ᠡᠴᠢᠭᠡ ᠬᠦᠤ ᠬᠤᠶᠠᠭᠤᠯᠠ ᠳᠤ ᠡᠵᠡᠯᠡᠭᠳᠡᠵᠤ᠂ ᠵᠧᠨ ᠮᠢᠩ ᠤᠨ ᠬᠤᠶᠠᠳᠤᠭᠠᠷ ᠤᠨ ︵ᠨᠡᠶᠢᠳᠠ ᠶᠢᠨ ᠤᠨ ᠲᠤᠭᠠᠯᠠᠯ ᠤᠨ 916 ᠤᠨ︶ ᠳᠤ᠂ ᠯᠢᠶᠤᠤ ᠤᠯᠤᠰ ᠤᠨ ᠬᠠᠭᠠᠨ ᠶᠧ ᠯᠢᠤᠢ ᠠ ᠪᠤᠤ ᠵᠢᠢ ᠪᠠᠷᠭᠤᠨᠰᠢ ᠲᠠᠶᠢᠯᠠᠵᠤ᠂ ᠵᠧᠨ ᠡᠤ ᠶᠢ ᠲᠠᠭᠠᠷᠢᠨ ᠡᠵᠡᠯᠡᠪᠡ᠃ ᠶᠧ ᠯᠢᠤᠢ ᠠ ᠪᠤᠤ ᠵᠢᠢ᠂ ᠱᠧᠩ ᠵᠸᠤ ᠶᠢᠨ ᠠᠷᠠᠳ ᠲᠦᠮᠡᠨ ᠢ ᠬᠠᠳᠤᠨ ᠭᠤᠤᠯ ᠤᠨ ᠵᠡᠬᠦᠨᠳᠠᠢ ᠨᠡᠬᠦᠯᠭᠡᠪᠡ᠃ ᠡᠨᠡ ᠦᠶ᠎ᠠ ᠳᠤ ᠤᠷᠳᠤᠰ ᠤᠨ ᠵᠡᠬᠦᠨᠭᠠᠷ ᠤᠷᠴᠢᠮ ᠤᠨ ᠭᠠᠵᠠᠷ ᠯᠢᠶᠤᠤ ᠤᠯᠤᠰ ᠲᠤ ᠬᠠᠮᠢᠶᠠᠷᠤᠭᠳᠠᠪᠠ᠃ ᠯᠢᠶᠤᠤ ᠤᠯᠤᠰ ᠬᠠᠳᠤᠨ ᠭᠤᠣᠯ ᠤᠨ ᠵᠡᠬᠦᠨ ᠬᠦᠪᠡᠭᠡᠨ ᠳᠠᠬᠢ ᠲᠤᠭᠳᠠᠬᠤ ᠰᠢᠶᠠᠨ ᠳᠤ ᠵᠡᠬᠦᠨ ᠱᠧᠩ ᠵᠸᠤ ᠬᠡᠵᠤ ᠪᠠᠶᠢᠭᠤᠯᠤᠭᠠᠳ᠂ ᠬᠠᠳᠤᠨ ᠭᠤᠤᠯ ᠠᠴᠠ ᠪᠠᠷᠠᠭᠤᠨᠰᠢᠬᠢ ᠤᠳᠤ ᠶᠢᠨ ᠵᠡᠬᠦᠨᠭᠠᠷ ᠬᠤᠰᠢᠭᠤ᠂ ᠲᠠᠯᠠᠳ ᠬᠤᠰᠢᠭᠤ᠂ ᠡᠵᠡᠨ ᠬᠤᠷᠤᠭ᠎ᠠ ᠬᠤᠰᠢᠭᠤᠨ ᠤ ᠬᠡᠰᠡᠭ ᠭᠠᠵᠠᠷ ᠢ ᠬᠠᠮᠢᠶᠠᠷᠤᠭᠤᠯᠪᠠ᠃ ᠡᠬᠦᠨ ᠳᠤ ᠢᠤᠢ ᠯᠢᠨ ᠰᠢᠶᠠᠨ ᠪᠤᠯᠤᠨ ᠡᠾᠧ ᠪᠢᠨ ᠰᠢᠶᠠᠨ ᠬᠤᠶᠠᠷ ᠭᠤᠤᠯᠯᠠᠨ᠎ᠠ᠃         ᠯᠢᠶᠤᠤ ᠤᠯᠤᠰ ᠲᠠᠪᠤᠨ ᠨᠡᠶᠢᠰᠯᠡᠯ ᠢᠶᠠᠷ ᠢᠶᠠᠨ ᠲᠠᠪᠤᠨ ᠳ᠋ᠤᠤ ᠬᠤᠪᠢᠶᠠᠪᠠ᠃ ᠳ᠋ᠤᠤ ᠪᠤᠯ ᠬᠠᠮᠤᠭ ᠤᠨ ᠲᠡᠭᠡᠳᠤ ᠵᠠᠰᠠᠭ ᠵᠠᠬᠢᠷᠭᠠᠨ ᠤ ᠪᠠᠶᠢᠭᠤᠯᠤᠯᠭ᠎ᠠ ᠪᠤᠯᠤᠨ᠎ᠠ᠃ ᠳ᠋ᠤᠤ ᠶᠢᠨ ᠲᠤᠳᠤᠷ᠎ᠠ ᠵᠸᠤ ᠵᠢᠶᠦ᠋ᠨ ᠪᠠᠶᠢᠭᠤᠯᠵᠤ᠂ ᠲᠡᠬᠦᠨ ᠤ ᠲᠤᠤᠷ᠎ᠠ ᠰᠢᠶᠠᠨ ᠪᠠᠶᠢᠭᠤᠯᠪᠠ᠃ ᠳ᠋ᠤᠤ ᠶᠢᠨ ᠶᠡᠷᠦᠩᠭᠡᠢ ᠬᠠᠮᠢᠶᠠᠷᠤᠭᠴᠢ ᠪᠤᠯ ᠲᠤᠰ ᠭᠠᠵᠠᠷ ᠤᠷᠤᠨ ᠤ ᠪᠠᠨ ᠴᠡᠷᠢᠭ ᠵᠰᠠᠭ ᠤᠨ ᠬᠠᠮᠤᠭ ᠤᠨ ᠶᠡᠭᠡ ᠨᠤᠶᠠᠨ ᠪᠤᠯᠤᠨ᠎ᠠ᠃ ᠭᠡᠷᠡᠭ ᠰᠢᠳᠭᠡᠬᠦ ᠲᠦᠰᠢᠮᠡᠯ ᠤᠨ ᠵᠤᠷᠭᠠᠨ ᠤ ᠭᠡᠷᠡᠭ ᠰᠢᠳᠭᠡᠬᠦ ᠲᠦᠰᠢᠮᠡᠯ ᠪᠤᠯ  ᠳ᠋ᠤᠤ ᠶᠢᠨ ᠲᠤᠳᠤᠷᠠᠬᠢ ᠬᠠᠤᠯᠢ ᠴᠠᠭᠠᠵᠠ ᠶᠢᠨ ᠪᠠᠶᠢᠴᠠᠭᠠᠬᠤ ᠡᠷᠭᠡ ᠶᠢ ᠠᠳᠬᠤᠵᠤ᠂ ᠪᠦᠷᠢᠳᠭᠡᠭᠴᠢ ᠲᠦᠰᠢᠮᠡᠯ ︵ᠲᠠᠷᠤᠢ ᠲᠠᠪᠤᠰᠤ ᠲᠡᠮᠦᠷ ᠤᠨ ᠲᠦᠰᠢᠮᠡᠯ︶᠂ ᠳ᠋ᠤᠤ ᠶᠢᠨ ᠡᠳ᠋ ᠤᠨ ᠵᠠᠰᠠᠭ ᠤᠨ ᠡᠷᠭᠡ ᠶᠢ ᠠᠳᠬᠤᠳᠠᠭ᠃ ᠵᠸᠤ ᠶᠢᠨ ᠬᠠᠮᠤᠭ ᠤᠨ ᠶᠡᠭᠡ ᠨᠤᠶᠠᠨ ᠢ ᠼᠢ ᠱᠢ ᠲᠦᠰᠢᠮᠡᠯ ᠬᠡᠵᠤ᠂ ᠵᠢᠶᠦ᠋ᠨ ᠤ ᠬᠠᠮᠤᠭ ᠤᠨ ᠶᠡᠭᠡ ᠨᠤᠶᠠᠨ ᠢ ᠵᠢᠶᠧ ᠳ᠋ᠦ᠋ ᠱᠢ ᠲᠦᠰᠢᠮᠡᠯ ᠭᠡᠵᠤ᠂ ᠰᠢᠶᠠᠨ ᠤ ᠬᠠᠮᠤᠭ ᠤᠨ ᠶᠡᠭᠡ ᠨᠤᠶᠠᠨ  ᠢ ᠰᠢᠶᠠᠨ ᠤ ᠨᠤᠶᠠᠨ ᠭᠡᠨ᠎ᠡ᠃ ᠯᠢᠶᠤᠤ ᠤᠯᠤᠰ ᠤᠨ ᠦᠶ᠎ᠠ᠂ ᠤᠷᠳᠤᠰ ᠨᠤᠳᠤᠭ ᠰᠢ ᠵᠢᠩ ᠳ᠋ᠤᠤ ︵ᠪᠠᠷᠠᠭᠤᠨ ᠨᠡᠶᠢᠰᠯᠡᠯ ᠤᠨ ᠳ᠋ᠤᠤ︶ ᠳᠤ ᠬᠠᠮᠢᠶᠠᠷᠤᠭᠳᠠᠵᠤ᠂ ᠰᠢ ᠵᠢᠩ ᠳ᠋ᠤᠤ ᠶᠢᠨ ᠭᠡᠷᠡᠭ ᠡᠷᠬᠢᠯᠡᠬᠦ ᠪᠠᠶᠢᠭᠤᠯᠤᠯᠭ᠎ᠠ ᠶᠢ ᠳ᠋ᠠ ᠲᠦᠩ ᠹᠦ᠋ ︵ᠤᠳᠤ ᠶᠢᠨ ᠱᠠᠨ ᠰᠢ ᠮᠤᠵᠢ ᠶᠢᠨ ᠳ᠋ᠠ ᠲᠦᠩ ᠬᠤᠳᠠ︶ ᠳᠤ ᠪᠠᠶᠢᠭᠤᠯᠪᠠ᠃ ᠰᠢ ᠵᠢᠩ ᠳ᠋ᠤᠤ ᠶᠢᠨ ᠬᠠᠷᠢᠶᠠᠳᠤ ᠲᠢᠶᠠᠨ ᠳ᠋ᠧ ᠵᠢᠶᠦ᠋ᠨ ᠳᠤ ᠤᠳᠤ ᠶᠢᠨ ᠤᠷᠳᠤᠰ ᠤᠨ ᠬᠠᠷᠢᠶ᠎ᠠ᠂ ᠤᠳᠤ ᠶᠢᠨ ᠤᠷᠠᠳ ᠤᠨ ᠡᠮᠦᠨᠡᠳᠤ ᠬᠤᠰᠢᠭᠤ ᠶᠢᠨ   ᠨᠢᠭᠡ ᠭᠡᠰᠡᠭ᠂ ᠤᠯᠢᠶᠠᠰᠤᠳᠠᠢ ᠨᠠᠭᠤᠷ ᠪᠠ ᠬᠠᠳᠤᠨ ᠭᠤᠤᠯ ᠤᠨ ᠬᠤᠭᠤᠷᠤᠨᠳᠤᠬᠢ ᠭᠠᠵᠠᠷ ᠤᠳ ᠪᠠᠭᠳᠠᠵᠤ ᠪᠠᠶᠢᠪᠠ᠃    ᠲᠤᠯᠤᠭ᠎ᠠ᠂ ᠶᠤᠸᠠᠨ ᠤᠯᠤᠰ᠂ ᠮᠢᠩ ᠤᠯᠤᠰ᠂ ᠴᠢᠩ ᠤᠯᠤᠰ ᠤᠨ ᠦᠶ᠎ᠠ   ᠲᠠᠩᠭᠤᠳ ︵ᠪᠠᠷᠠᠭᠤᠨ ᠰᠢᠶᠠ︶ ᠤᠯᠤᠰ ᠤᠨ ᠰᠡᠬᠦᠯᠴᠢ ᠪᠠᠷ ︵ᠬᠠᠮᠤᠭ ᠡᠴᠦᠰ ᠤᠨ ᠨᠢᠭᠡ ᠬᠠᠭᠠᠨ ᠨᠢ ᠯᠢ ᠰᠢᠶᠠᠨ ᠭᠡᠳᠡᠭ᠂ ᠨᠡᠶᠢᠳᠠ ᠶᠢᠨ ᠤᠨ ᠲᠤᠭᠠᠯᠠᠯ ᠤᠨ 1226 ᠤᠨ ᠠᠴᠠ 1227 ᠤᠨ ᠤ ᠬᠤᠭᠤᠷᠤᠨᠳᠤ ᠬᠠᠭᠠᠨ ᠰᠠᠭᠤᠷᠢᠨ ᠳᠤ ᠪᠠᠶᠢᠪᠠ︶ ᠤᠯᠤᠰ ᠤᠨ ᠲᠤᠳᠤᠭᠠᠳᠤ ᠶᠢᠨ ᠠᠩᠬᠢ ᠶᠢᠨ ᠲᠡᠮᠡᠴᠡᠯ ᠡᠳᠦᠷ ᠢᠷᠡᠬᠦᠶ᠎ᠠ ᠬᠤᠷᠴᠠᠳᠴᠤ᠂ ᠤᠯᠤᠰ ᠤᠨ ᠬᠦᠴᠦᠨ ᠠᠭᠠᠵᠢᠮ ᠢᠶᠠᠷ ᠲᠤᠷᠤᠶᠢᠳᠠᠪᠠ᠃ ᠡᠨᠡ ᠦᠶ᠎ᠠ᠂ ᠲᠤᠮᠳᠠᠳᠤ ᠤᠯᠤᠰ ᠤᠨ ᠤᠮᠠᠷᠠᠳᠤ ᠤᠷᠤᠨ ᠢᠶᠠᠷ ᠨᠤᠳᠤᠭᠯᠠᠨ ᠮᠠᠯᠵᠢᠵᠤ ᠪᠠᠶᠢᠭᠰᠠᠨ ᠮᠤᠩᠭᠤᠯ ᠦᠨᠳᠦᠰᠦᠳᠡᠨ ᠰᠦᠷᠡᠭᠡᠢ ᠬᠦᠴᠦᠷᠭᠡᠭᠵᠢᠪᠡ᠃ ᠨᠡᠶᠢᠳᠠ ᠶᠢᠨ ᠤᠨ ᠲᠤᠭᠠᠯᠠᠯ ᠤᠨ 1205 ᠤᠨ ᠠᠴᠠ 1227 ᠤᠨ ᠪᠤᠯᠳᠠᠯᠠᠬᠢ ᠬᠤᠷᠢᠨ ᠬᠤᠶᠠᠷ ᠵᠢᠯ ᠤᠨ ᠬᠤᠭᠤᠷᠤᠨᠳᠤ ᠴᠢᠩᠬᠢᠰ ᠬᠠᠭᠠᠨ ᠬᠦᠴᠦᠷᠭᠡᠭ ᠶᠡᠭᠡ ᠪᠠᠶᠢᠯᠳᠤᠬᠤ ᠬᠦᠴᠦᠨ ᠲᠠᠢ ᠮᠤᠩᠭᠤᠯ ᠤᠨ ᠮᠤᠷᠢᠳᠤ ᠴᠡᠷᠢᠭ ᠢ ᠲᠠᠶᠢᠴᠢᠯᠠᠵᠤ᠂ ᠲᠠᠪᠤ ᠤᠳᠠᠭ᠎ᠠ ᠲᠠᠩᠭᠤᠳ ︵ᠪᠠᠷᠠᠭᠤᠨ ᠰᠢᠶᠠ︶ ᠤᠯᠤᠰ ᠢ ᠲᠤᠪᠳᠤᠯᠪᠠ᠃ ᠡᠮᠦᠨᠡᠳᠤ ᠰᠦᠩ ᠤᠯᠤᠰ ᠤᠨ ᠪᠤᠤ ᠴᠢᠩ ᠤᠨ ᠭᠤᠷᠪᠠᠳᠤᠭᠠᠷ ᠤᠨ ︵ᠨᠡᠶᠢᠳᠠ ᠶᠢᠨ ᠤᠨ ᠲᠤᠭᠠᠯᠠᠯ ᠤᠨ 1227 ᠤᠨ︶ ᠳᠤ᠂ ᠲᠠᠩᠭᠤᠳ ᠤᠯᠤᠰ ᠤᠨ ᠯᠢ ᠰᠢᠶᠠᠨ ᠪᠠᠭᠤᠵᠤ ᠦᠭᠬᠦᠭᠡᠳ᠂ ᠨᠢᠭᠡ ᠵᠠᠭᠤ ᠨᠠᠶᠠ ᠶᠢᠰᠦᠨ ᠵᠢᠯ ᠪᠤᠯᠤᠭᠰᠠᠨ ᠲᠠᠩᠭᠤᠳ ᠤᠯᠤᠰ ᠮᠦᠬᠦᠪᠡ᠃ ᠡᠮᠦᠨᠡᠳᠤ ᠰᠦᠩ ᠤᠯᠤᠰ ᠤᠨ ᠰᠢᠶᠠᠨ ᠴᠦᠨ ᠤ ᠲᠤᠯᠤᠳᠤᠭᠠᠷ ᠤᠨ ︵ᠨᠡᠶᠢᠳᠠ ᠶᠢᠨ ᠤᠨ ᠲᠤᠭᠠᠯᠠᠯ ᠤᠨ 1271 ᠤᠨ︶ ᠳᠤ᠂ ᠬᠤᠪᠢᠯᠠᠢ ᠶᠤᠸᠠᠨ ᠤᠯᠤᠰ ᠢ ᠪᠠᠶᠢᠭᠤᠯᠪᠠ᠃ ᠶᠤᠸᠠᠨ ᠤᠯᠤᠰ ᠪᠦᠬᠦ ᠤᠯᠤᠰ  ᠲᠤ ᠨᠢᠭᠡ ᠵᠦᠩ ᠱᠤ᠋ ᠮᠤᠵᠢ ᠪᠠ ᠠᠷᠪᠠᠨ ᠨᠢᠭᠡᠨ ᠮᠤᠵᠢ ᠪᠠᠶᠢᠭᠤᠯᠪᠠ᠃ ᠮᠤᠵᠢ ᠶᠢᠨ ᠬᠠᠮᠤᠭ ᠤᠨ ᠲᠡᠭᠡᠳᠤ ᠨᠤᠶᠠᠨ ᠢ ᠴᠧᠩᠰᠢᠶᠠᠩ ᠭᠡᠳᠡᠭ᠂ ᠴᠧᠩᠰᠢᠶᠠᠩ ᠦᠭᠡᠢ ᠪᠤᠯ ᠽᠦᠸᠧᠴᠧᠩ᠂ ᠶᠢᠤᠴᠧᠩ ᠪᠤᠶᠤ ᠭᠤᠤᠯ ᠭᠡᠷᠡᠭ ᠮᠡᠳᠡᠭᠴᠢ ᠲᠦᠯᠦᠭᠡᠯᠡᠳᠡᠭ᠃ ᠴᠧᠩᠰᠢᠶᠠᠩ ᠪᠤᠯ ᠨᠢᠭᠡ ᠮᠤᠵᠢ ᠶᠢᠨ ᠴᠡᠷᠢᠭ ᠤᠨ ᠶᠠᠪᠤᠳᠠᠯ᠂ ᠤᠯᠤᠰ ᠲᠦᠷᠤ᠂ ᠡᠳ᠋ ᠤᠨ ᠵᠠᠰᠠᠭ ᠤᠨ ᠡᠷᠭᠡ ᠶᠢ ᠮᠡᠳᠡᠵᠤ᠂ ᠮᠤᠵᠢ ᠶᠢᠨ ᠲᠤᠤᠷ᠎ᠠ ᠯᠤ᠋᠂ ᠹᠦ᠋᠂ ᠵᠸᠤ᠂ ᠰᠢᠶᠠᠨ ᠲᠠᠢ᠃ ᠵᠠᠷᠢᠮ ᠭᠠᠵᠠᠷ ᠲᠤ ᠮᠤᠵᠢ ᠶᠢᠨ ᠲᠤᠤᠷ᠎ᠠ ᠲᠡᠯᠭᠡᠷᠡᠩᠬᠦᠢ ᠲᠤᠬᠤᠨᠢᠭᠤᠯᠬᠤ ᠵᠤᠷᠭᠠᠨ ᠪᠠᠶᠢᠭᠤᠯᠵᠤ ᠪᠠᠶᠢᠪᠠ᠃ ᠮᠤᠩᠭᠤᠯ ᠤᠨ ᠬᠠᠭᠠᠨᠳᠤ ᠤᠯᠤᠰ ᠠᠯᠳᠠᠨ ᠤᠯᠤᠰ ᠤᠨ ᠭᠠᠷ ᠠᠴᠠ ᠤᠷᠳᠤᠰ ᠤᠨ ᠵᠡᠬᠦᠨ ᠬᠤᠶᠢᠳᠤ ᠭᠡᠰᠡᠭ ᠤᠨ ᠭᠠᠵᠠᠷ ᠢ ᠵᠠᠯᠭᠠᠨ ᠠᠪᠴᠤ ᠬᠠᠮᠢᠶᠠᠷᠪᠠ᠃ ᠠᠳᠠ ᠤᠤᠯ ᠳᠠᠭᠠᠨ ᠵᠦᠩ ᠱᠤ᠋ ᠮᠤᠵᠢ ᠶᠢᠨ ᠭᠤᠤᠯ ᠤᠨ ᠵᠡᠬᠦᠨᠳᠡᠬᠢ ᠱᠠᠨ ᠰᠢ ᠳ᠋ᠤᠤ ᠶᠢᠨ ᠲᠡᠯᠭᠡᠷᠡᠩᠬᠦᠢ ᠲᠤᠬᠤᠨᠢᠭᠤᠯᠬᠤ ᠵᠤᠷᠭᠠᠨ ᠤ ᠳ᠋ᠠ ᠲᠦᠩ ᠯᠤ᠋ ᠶᠢᠨ ᠬᠦᠷᠢᠶ᠎ᠠ ᠭᠡᠪᠴᠢᠶ᠎ᠠ ᠳᠤ ᠪᠠᠶᠢᠪᠠ᠃ ᠳ᠋ᠠ ᠲᠦᠩ ᠯᠤ᠋  ᠶᠢᠨ ᠶᠦᠨ ᠨᠸᠢ ᠵᠸᠤ ᠪᠠ ᠵᠡᠬᠦᠨ ᠱᠧᠩ ᠵᠸᠤ ᠡᠨᠡ ᠤᠷᠴᠢᠮ ᠤᠨ ᠭᠠᠵᠠᠷ ᠢ ᠬᠠᠮᠢᠶᠠᠷᠳᠠᠭ ᠪᠠᠶᠢᠪᠠ᠃ ᠶᠦᠨ ᠨᠸᠢ ᠵᠸᠤ ᠤᠤᠯ ᠳᠠᠭᠠᠨ ᠤᠷᠳᠤᠰ ᠲᠤ ᠪᠠᠶᠢᠭᠰᠠᠨ ᠤᠳᠤ ᠶᠢᠨ ᠲᠦᠮᠡᠳ ᠪᠠᠷᠠᠭᠤᠨ ᠬᠤᠰᠢᠭᠤ᠂ ᠪᠤᠭᠤᠳᠤ᠂ ᠤᠷᠠᠳ᠂ ᠡᠤ ᠶᠤᠸᠠᠨ᠂ ᠯᠢ ᠡᠾᠧ ᠵᠡᠷᠭᠡ ᠭᠠᠵᠠᠷ ᠢ ᠬᠠᠮᠢᠶᠠᠷᠴᠤ ᠪᠠᠶᠢᠪᠠ᠃ ᠲᠤᠰ ᠵᠸᠤ ᠶᠢᠨ ᠭᠡᠷᠡᠭ ᠡᠷᠬᠢᠯᠡᠬᠦ ᠪᠠᠶᠢᠭᠤᠯᠤᠯᠭ᠎ᠠ ᠶᠢ ᠷᠸᠤ ᠹᠦ᠋ ᠳᠤ ᠪᠠᠶᠢᠭᠤᠯᠵᠠᠢ᠃ ᠵᠡᠬᠦᠨ ᠱᠧᠩ ᠵᠸᠤ ᠤᠳᠤ ᠶᠢᠨ ᠵᠡᠬᠦᠨᠭᠠᠷ ᠬᠤᠰᠢᠭᠤ ᠪᠠ ᠲᠡᠬᠦᠨ ᠠᠴᠠ ᠪᠠᠷᠭᠤᠨᠰᠢᠬᠢ ᠦᠷᠭᠡᠨ ᠠᠭᠤᠳᠠᠮ ᠭᠠᠵᠠᠷ ᠢ ᠬᠠᠮᠢᠶᠠᠷᠴᠤ᠂ ᠭᠡᠷᠡᠭ ᠡᠷᠬᠢᠯᠡᠬᠦ ᠪᠠᠶᠢᠭᠤᠯᠤᠯᠭ᠎ᠠ ᠪᠠᠨ ᠤᠳᠤ ᠶᠢᠨ ᠲᠤᠬᠳᠠᠬᠤ ᠰᠢᠶᠠᠨ ᠤ ᠬᠢᠯᠢ ᠲᠤᠳᠤᠷᠠᠬᠢ ᠳ᠋ᠠ ᠬᠤᠸᠠᠩ  ᠴᠧᠩ ᠳᠤ ᠪᠠᠶᠢᠭᠤᠯᠵᠠᠢ᠃ ᠡᠨᠡ ᠬᠤᠶᠠᠷ ᠵᠸᠤ ᠶᠢ ᠰᠢᠭᠤᠳ ᠶᠤᠸᠠᠨ ᠤᠯᠤᠰ ᠤᠨ ᠬᠠᠭᠠᠨ ᠠᠴᠠ ᠬᠠᠮᠢᠶᠠᠷᠳᠠᠭ᠃    ᠵᠦᠩ ᠲᠦᠩ ᠤᠨ ᠠᠩᠬᠠᠳᠤᠭᠠᠷ ᠤᠨ ︵ᠨᠡᠶᠢᠳᠠ ᠶᠢᠨ ᠤᠨ ᠲᠤᠭᠠᠯᠠᠯ ᠤᠨ1260 ᠤᠨ︶ ᠳᠤ᠂ ᠶᠤᠸᠠᠨ ᠱᠢᠽᠤ ᠬᠠᠭᠠᠨ ᠬᠤᠪᠢᠯᠠᠢ ᠱᠠᠨᠰᠢ ᠮᠤᠵᠢ ᠪᠠ ᠰᠧᠴᠤᠸᠠᠨ ᠮᠤᠵᠢ ᠶᠢ ᠨᠡᠶᠢᠯᠡᠬᠦᠯᠵᠤ ᠨᠢᠭᠡ ᠮᠤᠵᠢ ᠪᠤᠯᠭᠠᠵᠤ᠂ ᠴᠢᠨ ᠱᠤ᠋ ᠡᠤ ᠯᠤ᠋ ᠶᠢᠨ ᠰᠧᠴᠤᠸᠠᠨ ᠮᠤᠵᠢ ᠭᠡᠪᠡ᠃ ᠵᠦᠩ ᠲᠦᠩ ᠤᠨ ᠭᠤᠷᠪᠠᠳᠤᠭᠠᠷ ᠤᠨ ᠳᠤ᠂ ᠱᠠᠨᠰᠢ — ᠰᠧᠴᠤᠸᠠᠨ ᠮᠤᠵᠢ ᠪᠤᠯᠭᠠᠨ ᠦᠭᠡᠷᠡᠴᠢᠯᠡᠪᠡ᠃ ᡁᠢ ᠶᠤᠸᠠᠨ ᠤ ᠬᠤᠷᠢᠨ ᠭᠤᠷᠪᠠᠳᠤᠭᠠᠷ ᠤᠨ ︵ᠨᠡᠶᠢᠳᠠ ᠶᠢᠨ ᠤᠨ ᠲᠤᠭᠠᠯᠠᠯ ᠤᠨ1286 ᠤᠨ︶ ᠳᠤ᠂ ᠰᠧᠴᠤᠸᠠᠨ᠂ ᠱᠠᠨᠰᠢ ᠬᠤᠶᠠᠷ ᠮᠤᠵᠢ ᠰᠠᠯᠵᠠᠢ᠃ ᠱᠠᠨᠰᠢ ᠮᠤᠵᠢ ᠳᠤ ᠤᠷᠳᠤᠰ ᠤᠨ ᠡᠮᠦᠨ᠎ᠡ ᠪᠡᠶ᠎ᠠ᠂ ᠲᠠᠷᠤᠢ ᠤᠷᠳᠤ ᠴᠠᠭᠠᠨ ᠭᠡᠷᠡᠮ ᠠᠴᠠ ᠬᠤᠶᠢᠰᠢᠬᠢ ᠤᠳᠤ ᠶᠢᠨ ᠦᠤᠰᠢᠨ ᠬᠤᠰᠢᠭᠤ᠂ ᠤᠳᠤᠭ ᠤᠨ ᠡᠮᠦᠨᠡᠳᠤ ᠬᠤᠰᠢᠭᠤ ᠶᠢᠨ ᠨᠢᠭᠡ ᠭᠡᠰᠡᠭ ᠪᠠᠭᠳᠠᠬᠤ ᠪᠤᠯᠪᠠ᠃ ᠤᠷᠳᠤᠰ ᠤᠨ ᠡᠨᠡ ᠭᠡᠰᠡᠭ ᠭᠠᠵᠠᠷ ᠶᠠᠨ ᠰᠦᠢ ᠯᠤ᠋ ᠶᠢᠨ ᠰᠦᠢ ᠳ᠋ᠧ ᠵᠸᠤ ᠳᠤ ᠪᠤᠳᠠᠳᠠᠢ ᠬᠠᠮᠢᠶᠠᠷᠤᠭᠳᠠᠵᠢ᠃    ᠭᠠᠨᠰᠤ ᠮᠤᠵᠢ ᠶᠢ ᠠᠩᠬᠠᠨ ᠳᠠᠭᠠᠨ ᠵᠦᠩ ᠰᠢᠩ ᠮᠤᠵᠢ ᠭᠡᠵᠤ ᠪᠠᠶᠢᠪᠠ᠃ ᡁᠢ ᠶᠤᠸᠠᠨ ᠤ ᠬᠤᠷᠢᠨ ᠭᠤᠷᠪᠠᠳᠤᠭᠠᠷ ᠤᠨ ᠳᠤ ᠵᠢᠩᠬᠢᠨᠢ ᠪᠠᠷ ᠭᠠᠨᠰᠤ ᠮᠤᠵᠢ ᠬᠡᠬᠦ ᠪᠤᠯᠪᠠ᠃ ᠡᠨᠡ ᠮᠤᠵᠢ ᠶᠢᠨ ᠬᠦᠷᠢᠶ᠎ᠠ ᠭᠡᠪᠴᠢᠶ᠎ᠠ ᠳᠤ᠂ ᠬᠠᠳᠤᠨ ᠭᠤᠤᠯ ᠤᠨ ᠵᠡᠬᠦᠨ ᠬᠦᠪᠡᠭᠡᠨ ᠳᠠᠬᠢ ᠢᠷᠭᠠᠢ ︵ᠶᠢᠨᠴᠤᠸᠠᠨ︶ ᠠᠴᠠ ᠳ᠋ᠧᠩᠺᠸᠤ ᠬᠦᠷᠬᠦ ᠨᠠᠷᠢᠬᠠᠨ ᠤᠷᠳᠤ ᠭᠠᠵᠠᠷ ᠪᠠᠭᠳᠠᠵᠤ ᠪᠠᠶᠢᠪᠠ᠃ ᠲᠠᠷᠤᠢ ᠤᠳᠤ ᠶᠢᠨ ᠤᠳᠤᠭ ᠬᠤᠰᠢᠭᠤ᠂ ᠤᠳᠤᠭ ᠤᠨ ᠡᠮᠦᠨᠡᠳᠤ ᠬᠤᠰᠢᠭᠤ ᠶᠢᠨ ᠨᠢᠭᠡ ᠭᠡᠰᠡᠭ ᠪᠠ ᠦᠬᠠᠢ ᠬᠤᠳᠠ ᠪᠤᠯᠤᠨ᠎ᠠ᠃ ᠡᠨᠡ ᠭᠡᠰᠡᠭ ᠭᠠᠵᠠᠷ ᠭᠠᠨᠰᠤ ᠮᠤᠵᠢ ᠶᠢᠨ ᠨᠢᠩᠰᠢᠶᠠ ᠹᠦ᠋ ᠯᠤ᠋ ᠳᠤ ᠬᠠᠮᠢᠶᠠᠷᠤᠭᠳᠠᠵᠤ ᠪᠠᠶᠢᠪᠠ᠃ ᠨᠢᠩᠰᠢᠶᠠ ᠹᠦ᠋ ᠯᠤ᠋ ᠶᠢᠨ ᠭᠡᠷᠡᠭ ᠡᠷᠬᠢᠯᠡᠬᠦ ᠪᠠᠶᠢᠭᠤᠯᠤᠯᠭ᠎ᠠ ᠤᠳᠤ ᠶᠢᠨ ᠢᠷᠭᠠᠢ ᠬᠤᠳᠠᠨ ᠳᠤ ᠪᠠᠶᠢᠪᠠ᠃    ᠵᠦᠩ ᠱᠤ᠋ ᠮᠤᠵᠢ᠂ ᠱᠠᠨᠰᠢ ᠮᠤᠵᠢ ᠭᠠᠨᠰᠤ ᠮᠤᠵᠢ ᠵᠦᠪᠭᠡᠨ ᠤᠷᠳᠤᠰ ᠤᠨ ᠡᠮᠦᠨ᠎ᠡ᠂ ᠬᠤᠶᠢᠨ᠎ᠠ᠂ ᠪᠠᠷᠭᠠᠤᠨ ᠭᠤᠷᠪᠠᠨ ᠵᠠᠬ᠎ᠠ ᠶᠢᠨ ᠭᠠᠵᠠᠷ ᠤᠳ ᠢ ᠯᠠ ᠬᠠᠮᠢᠶᠠᠷᠴᠤ ᠪᠠᠶᠢᠪᠠ᠃ ᠤᠷᠳᠤᠰ ᠤᠨ ᠲᠤᠮᠳᠠᠳᠤ ᠭᠡᠰᠡᠭ ᠪᠠ ᠵᠡᠬᠦᠨ ᠭᠡᠰᠡᠭ ᠤᠨ ᠦᠷᠭᠡᠨ ᠠᠭᠤᠳᠠᠮ ᠭᠠᠵᠠᠷ ᠢ ᠲᠤᠬᠠᠢ ᠶᠢᠨ ᠦᠶ᠎ᠠ ᠳᠤ ᠴᠠᠭᠠᠨ ᠨᠤᠷ᠎ᠠ ᠬᠡᠵᠤ ᠨᠡᠷᠡᠶᠢᠳᠦᠭᠡᠳ ᠶᠤᠸᠠᠨ ᠤᠯᠤᠰ ᠤᠨ ᠬᠠᠭᠠᠨ ᠤ ᠭᠡᠷ ᠲᠦᠷᠦᠯ ᠤᠨ ᠡᠷᠬᠦᠮᠵᠢᠯᠡᠭᠰᠡᠨ ᠭᠠᠵᠠᠷ ᠪᠤᠯᠭᠠᠪᠠ᠃ ᠡᠶᠢᠮᠤ ᠠᠴᠠ ᠠᠳᠡᠬᠢ ᠶᠢᠨ ᠵᠠᠰᠠᠭ ᠵᠠᠬᠢᠷᠭᠠᠨ ᠤ ᠬᠤᠪᠢᠶᠠᠷᠢᠯᠠᠯ ᠪᠤᠰᠤᠳ ᠭᠠᠵᠠᠷ ᠲᠠᠢ ᠠᠳᠠᠯᠢ ᠦᠭᠡᠢ ᠶᠤᠮ᠃ ᠵᠠᠰᠠᠭ ᠵᠠᠬᠢᠷᠭᠠᠨ ᠤ ᠪᠠᠶᠢᠭᠤᠯᠤᠮᠵᠢ ᠪᠠᠶᠢᠬᠤ ᠪᠠᠷ ᠪᠠᠷᠠᠬᠤ ᠦᠭᠡᠢ ᠪᠠᠰᠠ ᠪᠤᠰᠤᠳ ᠲᠠᠯ᠎ᠠ ᠶᠢᠨ ᠤᠳᠤᠷᠢᠳᠬᠤ ᠪᠠᠶᠢᠭᠤᠯᠤᠮᠵᠢ ᠪᠠᠶᠢᠪᠠ᠃ ᠡᠳᠡᠭᠡᠷ ᠪᠤᠳᠤᠯᠢᠶᠠᠨᠳᠠᠢ ᠤᠳᠤᠷᠢᠳᠬᠤ ᠪᠠᠶᠢᠭᠤᠯᠤᠯᠭ᠎ᠠ ᠨᠤᠭᠤᠳ ᠵᠠᠷᠢᠮ ᠳᠠᠭᠠᠨ ᠰᠠᠯᠵᠤ᠂ ᠵᠠᠷᠢᠮ ᠳᠠᠭᠠᠨ ᠨᠡᠶᠢᠯᠡᠵᠤ᠂ ᠵᠠᠷᠢᠮ ᠳᠠᠭᠠᠨ ᠵᠡᠷᠭᠡᠴᠡᠨ ᠤᠷᠤᠰᠢᠵᠤ᠂ ᠵᠠᠷᠢᠮ ᠳᠠᠭᠠᠨ ᠬᠠᠷᠢᠯᠴᠠᠨ ᠤᠷᠤᠯᠠᠵᠤ ᠪᠠᠶᠢᠪᠠ᠃    ᠴᠠᠭᠠᠨ ᠨᠤᠷ᠎ᠠ ᠪᠤᠯ ᠤᠤᠯ ᠳᠠᠭᠠᠨ ᠶᠤᠸᠠᠨ ᠱᠢᠽᠤ ᠬᠠᠭᠠᠨ ᠤ ᠭᠤᠷᠪᠠᠳᠤᠭᠠᠷ ᠬᠦᠤ ᠪᠠᠷᠠᠭᠠᠤᠨ ᠢ ᠲᠦᠪᠰᠢᠳᠭᠡᠬᠦ ᠸᠠᠩ ︵ᠠᠨ ᠰᠢ ᠸᠠᠩ︶ ᠮᠠᠩᠭᠠᠯᠠ ᠶᠢᠨ ᠡᠷᠬᠦᠮᠵᠢᠯᠡᠯ ᠤᠨ ᠭᠠᠵᠠᠷ ᠤᠨ ᠨᠢᠭᠡ ᠭᠡᠰᠡᠭ ᠶᠤᠮ᠃ ᠵᠠᠷᠢᠮ ᠳᠠᠭᠠᠨ ᠪᠠᠷᠠᠭᠤᠨ ᠢ ᠲᠦᠪᠰᠢᠳᠭᠡᠬᠦ ᠸᠠᠩ ᠤᠨ ᠵᠤᠰᠠᠯᠠᠩ ᠪᠤᠯᠳᠠᠭ᠃ ᡁᠢ ᠶᠤᠸᠠᠨ ᠤ ᠠᠷᠪᠠᠨ ᠲᠤᠯᠤᠳᠤᠭᠠᠷ ᠤᠨ ︵ᠨᠡᠶᠢᠳᠠ ᠶᠢᠨ ᠤᠨ ᠲᠤᠭᠠᠯᠠᠯ ᠤᠨ1280 ᠤᠨ︶ ᠳᠤ᠂ ᠮᠠᠩᠭᠠᠯᠠ ᠦᠬᠦᠭᠡᠳ᠂ ᠲᠡᠬᠦᠨ ᠤ ᠬᠦᠤ ᠠᠨᠠᠨᠳᠠ᠂ ᠮᠠᠩᠭᠠᠯᠠ ᠶᠢᠨ ᠸᠠᠩ ᠤᠨ ᠰᠠᠭᠤᠷᠢᠨ ᠢ ᠵᠠᠯᠭᠠᠮᠵᠢᠯᠠᠪᠠ᠃ ᠢᠩᠬᠢᠭᠡᠳ ᠠᠨᠠᠨᠳᠠ ᠴᠠᠭᠠᠨ ᠨᠤᠷ᠎ᠠ ᠶᠢᠨ ᠡᠵᠡᠨ ᠪᠤᠯᠪᠠ᠃    ᠶᠤᠸᠠᠨ ᠤᠯᠤᠰ ᠤᠨ ᠦᠶ᠎ᠠ ᠳᠤ᠂ ᠬᠠᠭᠠᠨ ᠤ ᠭᠡᠷ ᠲᠦᠷᠦᠯ ᠳᠤ ᠬᠠᠭᠠᠨ ᠰᠠᠭᠤᠷᠢᠨ ᠢ ᠪᠤᠯᠢᠶᠠᠯᠳᠤᠬᠤ ᠲᠡᠮᠴᠡᠯ ᠵᠠᠯᠭ᠎ᠠ ᠭᠠᠷᠴᠤ ᠪᠠᠶᠢᠪᠠ᠃ ᠤᠷᠳᠤᠨ ᠤ ᠲᠤᠳᠤᠭᠠᠳᠤ ᠶᠢᠨ ᠡᠷᠬᠡ ᠶᠢᠨ ᠬᠠᠷᠢᠶ᠎ᠠ ᠵᠠᠯᠭ᠎ᠠ ᠬᠤᠪᠢᠷᠠᠯᠳᠠ ᠭᠠᠷᠳᠠᠭ ᠪᠤᠯᠬᠤᠷ᠂ ᠴᠠᠭᠠᠨ ᠨᠤᠷ᠎ᠠ ᠶᠢ ᠡᠵᠡᠮᠰᠢᠬᠦ ᠡᠷᠭᠡ ᠴᠤ ᠵᠠᠯᠭ᠎ᠠ ᠬᠤᠪᠢᠷᠠᠵᠤ᠂ ᠳ᠋ᠠ ᠳ᠋ᠧ ᠶᠢᠨ ᠠᠷᠪᠠᠨ ᠨᠢᠭᠡᠳᠦᠭᠡᠷ ᠤᠨ ︵ᠨᠡᠶᠢᠳᠠ ᠶᠢᠨ ᠤᠨ ᠲᠤᠭᠠᠯᠠᠯ ᠤᠨ1307 ᠤᠨ︶ ᠳᠤ᠂ ᠶᠤᠸᠠᠨ ᠴᠧᠩᠽᠦ᠋ᠩ ᠬᠠᠭᠠᠨ ᠪᠤᠷᠵᠢᠬᠢᠨ ᠤᠪᠤᠭᠳᠤ ᠲᠡᠮᠦᠷ ᠨᠠᠰᠤ ᠨᠦᠭᠴᠢᠵᠤ ᠶᠤᠸᠠᠨ ᠤᠽᠦ᠋ᠩ ᠬᠠᠭᠠᠨ ᠪᠤᠷᠵᠢᠬᠢᠨ ᠤᠪᠤᠭᠳᠤ ᠬᠠᠶᠢᠰᠠᠩ ᠰᠠᠭᠤᠷᠢᠨ ᠢ ᠵᠠᠭᠠᠮᠵᠢᠯᠠᠵᠤ᠂ ᠪᠠᠷᠠᠭᠤᠨ ᠢ ᠲᠦᠪᠰᠢᠳᠭᠡᠬᠦ ᠸᠠᠩ ᠠᠨᠠᠨᠳᠠ ᠠᠯᠠᠭᠳᠠᠪᠠ᠃ ᠤᠭ ᠲᠠᠭᠠᠨ ᠪᠠᠷᠠᠭᠤᠨ ᠢ ᠲᠦᠪᠰᠢᠳᠭᠡᠬᠦ ᠸᠠᠩ ᠳᠤ ᠬᠠᠷᠢᠶᠠᠯᠠᠭᠳᠠᠵᠤ ᠪᠠᠶᠢᠭᠰᠠᠨ ᠴᠠᠭᠠᠨ ᠨᠤᠷ᠎ᠠ ᠶᠢ ᠲᠠᠶᠢᠽᠢ ᠠᠶᠤᠷᠪᠠᠳᠠᠷᠠᠪᠠᠯᠠ ᠶᠢᠨ ᠵᠡᠬᠦᠨ ᠤᠷᠳᠤᠨ ᠤ ᠭᠡᠷᠡᠭ ᠢ ᠲᠠᠭᠠᠭᠠᠭᠰᠠᠨ ᠶᠠᠮᠤᠨ ᠳᠤ ᠱᠠᠩᠨᠠᠵᠤ ᠦᠭᠬᠦᠭᠡᠳ ᠵᠡᠬᠦᠨ ᠤᠷᠳᠤᠨ ᠤ ᠲᠠᠭᠠᠭᠠᠭᠰᠠᠨ ᠶᠠᠮᠤᠨ ᠤ ᠪᠠᠶᠢᠭᠤᠯᠤᠭᠰᠠᠨ ᠳ᠋ᠦ᠋ ᠽᠦᠩᠭᠤᠸᠠᠨ ᠹᠦ᠋ ᠠᠴᠠ ᠴᠠᠭᠠᠨ ᠨᠤᠷ᠎ᠠ ᠶᠢ ᠬᠠᠮᠢᠶᠠᠷᠴᠤ ᠪᠠᠶᠢᠪᠠ᠃ ᠳ᠋ᠦ᠋ ᠽᠦᠩᠭᠤᠸᠠᠨ ᠹᠦ᠋ ᠪᠤᠯ ᠪᠠᠷᠤᠭ ᠯᠤ᠋ ᠲᠠᠢ ᠲᠡᠩᠴᠡᠬᠦ ᠵᠠᠰᠠᠭ ᠵᠠᠬᠢᠷᠭᠠᠨ ᠤ ᠪᠠᠶᠢᠭᠤᠯᠤᠮᠵᠢ ᠪᠤᠯᠤᠨ᠎ᠠ᠃    ᡁᠢ ᠳ᠋ᠠ ᠶᠢᠨ ᠲᠦᠷᠪᠡᠳᠦᠭᠡᠷ ᠤᠨ ︵ᠨᠡᠶᠢᠳᠠ ᠶᠢᠨ ᠤᠨ ᠲᠤᠭᠠᠯᠠᠯ ᠤᠨ 1311 ᠤᠨ︶ ᠳᠤ᠂  ᠠᠶᠤᠷᠪᠠᠳᠠᠷᠠᠪᠠᠯᠠ ᠬᠠᠭᠠᠨ ᠰᠠᠭᠤᠷᠢᠨ ᠢ ᠵᠠᠯᠭᠠᠮᠵᠢᠯᠠᠵᠤ ︵ᠬᠠᠭᠠᠨ ᠤ ᠴᠤᠯᠠ ᠪᠠᠨ ᠷᠸᠠᠽᠦ᠋ᠩ ᠭᠡᠪᠡ︶᠂ ᠴᠠᠭᠠᠨ ᠨᠤᠷ᠎ᠠ ᠶᠢ ᠬᠤᠸᠠᠩᠬᠡᠤ ᠠᠨᠠᠨᠰᠢᠷᠢ ᠳᠤ ᠰᠢᠯᠵᠢᠬᠦᠯᠦᠨ ᠦᠭᠴᠤ᠂ ᠭᠤᠤᠯᠳᠠᠭᠤ ᠤᠷᠳᠤᠨ ᠤ ᠡᠳ᠋ ᠪᠤᠳᠠᠰ ᠢ ᠬᠠᠮᠢᠶᠠᠷᠳᠠᠭ ᠵᠦᠩ ᠵᠧᠩ ᠶᠤᠸᠠᠨ ᠬᠦᠷᠢᠶᠡᠯᠡᠩ ᠬᠠᠮᠢᠶᠠᠷᠬᠤ ᠪᠤᠯᠪᠠ᠃ ᠢᠩᠬᠢᠭᠡᠳ ᠴᠠᠭᠠᠨ ᠨᠤᠷ᠎ᠠ ᠬᠤᠸ᠋ᠩᠭᠡᠤ ᠠᠨᠠᠨᠰᠢᠷᠢ ᠶᠢᠨ ᠡᠷᠬᠦᠮᠵᠢᠯᠡᠯ ᠤᠨ ᠭᠠᠵᠠᠷ ᠪᠤᠯᠵᠠᠢ᠃ ᠠᠨᠠᠨᠰᠢᠷᠢ ᠦᠬᠦᠭᠰᠡᠨ ᠤ ᠰᠡᠬᠦᠯᠡᠷ᠂ ᠴᠠᠭᠠᠨ ᠨᠤᠷ᠎ᠠ ᠶᠢ ᠲᠠᠬᠢᠨ ᠠᠶᠤᠷᠪᠠᠳᠠᠷᠠᠪᠠᠯᠠ ᠶᠢᠨ ᠡᠬᠡ ᠳ᠋ᠠᠶ᠋ᠢ ᠬᠤᠸᠠᠩ ᠲᠠᠶᠢᠭᠡᠤ ᠳᠤ ᠰᠢᠯᠵᠢᠬᠦᠯᠦᠨ ᠦᠭᠴᠤ᠂ ᠲᠠᠶᠢᠭᠡᠤ ᠶᠢᠨ ᠰᠠᠭᠤᠭᠰᠠᠨ ᠬᠤᠢ ᠵᠧᠩ ᠶᠤᠸᠠᠨ ᠬᠦᠷᠢᠶᠡᠯᠡᠩ ᠠᠴᠠ ᠬᠠᠮᠢᠶᠠᠷᠬᠤ ᠪᠤᠯᠪᠠ᠃ ᡁᠢ ᡁᠢ ᠶᠢᠨ ᠭᠤᠷᠪᠠᠳᠤᠭᠠᠷ ᠤᠨ ︵ᠨᠡᠶᠢᠳᠠ ᠶᠢᠨ ᠤᠨ ᠲᠤᠭᠠᠯᠠᠯ ᠤᠨ 1323 ᠤᠨ︶ ᠳᠤ᠂ ᠳ᠋ᠠᠶ᠋ᠢ ᠬᠤᠸᠠᠩ ᠲᠠᠶᠢᠭᠡᠤ ᠦᠬᠦᠵᠤ᠂ ᠤᠷᠳᠤᠨ ᠤ ᠲᠤᠳᠤᠷ᠎ᠠ ᠪᠠᠨ ᠬᠤᠷᠴᠠ ᠰᠢᠷᠦᠬᠦᠨ ᠲᠡᠮᠡᠴᠡᠯ ᠢ ᠦᠩᠭᠡᠷᠡᠬᠦᠯᠦᠭᠡᠳ ᠲᠠᠢ ᠳ᠋ᠢᠩ ᠳ᠋ᠢ ᠬᠠᠭᠠᠨ ᠦᠪᠡᠷ ᠤᠨ ᠠᠴᠢ ᠬᠦᠤ ᠰᠢᠶᠠᠩ ᠨᠢᠩ ᠸᠠᠩ ᠪᠠᠷᠠᠰᠢᠷᠢ ᠶᠢ ᠴᠠᠭᠠᠨ ᠨᠤᠷ᠎ᠠ ᠳᠤ ᠤᠴᠢᠭᠤᠯᠵᠤ ᠰᠠᠭᠤᠯᠭᠠᠪᠠ᠃ ᠰᠡᠬᠦᠯᠡᠷ ᠲᠡᠯᠭᠡᠷᠡᠩᠬᠦᠢ ᠲᠤᠬᠤᠨᠢᠭᠤᠯᠬᠤ ᠵᠤᠷᠭᠠᠨ ᠢ ᠬᠠᠰᠤᠵᠤ᠂ ᠸᠠᠩ ᠹᠦ᠋ ᠹᠦ᠋ ᠠᠴᠠ ᠬᠠᠮᠢᠶᠠᠷᠪᠠ᠃ ᠢᠩᠬᠢᠭᠡᠳ ᠴᠠᠭᠠᠨ ᠨᠤᠷ᠎ᠠ ᠰᠢᠶᠠᠩ ᠨᠢᠩ ᠸᠠᠩ ᠤᠨ ᠡᠷᠬᠦᠮᠵᠢᠯᠡᠯ ᠤᠨ ᠭᠠᠵᠠᠷ ᠪᠤᠯᠵᠤ᠂ ᠠᠳᠡᠬᠢ ᠶᠢᠨ ᠵᠠᠰᠠᠭ ᠵᠠᠬᠢᠷᠭᠠᠨ ᠤ ᠬᠠᠮᠢᠶᠠᠷᠬᠤ ᠡᠷᠭᠡ ᠴᠤ ᠲᠡᠬᠦᠨ ᠤ ᠪᠤᠯᠪᠠ᠃     ᠲᠠᠢ ᠳ᠋ᠢᠩ ᠤᠨ ᠲᠦᠷᠪᠡᠳᠦᠭᠡᠷ ᠤᠨ ︵ᠨᠡᠶᠢᠳᠠ ᠶᠢᠨ ᠤᠨ ᠲᠤᠭᠠᠯᠠᠯ ᠤᠨ 1327 ᠤᠨ︶ ᠳᠤ᠂ ᠶᠢᠰᠦᠨᠳᠡᠮᠦᠷ ᠨᠠᠰᠤ ᠨᠦᠭᠴᠢᠭᠡᠳ᠂ ᠪᠤᠷᠵᠢᠬᠢᠨ ᠤᠪᠤᠭᠳᠤ ᠲᠦᠭᠳᠡᠮᠦᠷ ᠬᠠᠭᠠᠨ ᠰᠠᠭᠤᠷᠢᠨ ᠢ ᠵᠠᠯᠭᠠᠮᠵᠢᠯᠠᠵᠤ᠂ ᠰᠢᠶᠠᠩ ᠨᠢᠩ ᠸᠠᠩ ᠬᠠᠭᠠᠨ ᠰᠠᠭᠤᠷᠢᠨ ᠢ ᠪᠤᠯᠢᠶᠠᠯᠳᠤᠬᠤ ᠲᠡᠮᠡᠴᠡᠯ ᠲᠤᠮᠳᠠ ᠪᠠᠷᠢᠪᠴᠢᠯᠠᠭᠳᠠᠵᠤ᠂ ᠸᠧᠨᠽᠦ᠋ᠩ ᠬᠠᠭᠠᠨ ᠲᠦᠭᠳᠡᠮᠦᠷ᠂ ᠴᠠᠭᠠᠨ ᠨᠤᠷ᠎ᠠ ᠳᠠᠬᠢ ᠰᠢᠶᠠᠩ ᠨᠢᠩ ᠸᠠᠩ ᠤᠨ ᠡᠷᠬᠦᠮᠵᠢᠯᠡᠯ ᠭᠠᠵᠠᠷ ᠪᠠ ᠸᠠᠩ ᠹᠦ᠋ ᠹᠦ᠋ ᠶᠢ ᠬᠠᠰᠤᠵᠤ᠂ ᠲᠠᠬᠢᠨ ᠲᠡᠯᠭᠡᠷᠡᠩᠬᠦᠢ ᠲᠤᠬᠤᠨᠢᠭᠤᠯᠬᠤ ᠵᠤᠷᠭᠠᠨ ᠬᠡᠵᠤ ᠪᠠᠶᠢᠭᠤᠯᠪᠠ᠃ ᠢᠩᠬᠢᠭᠡᠳ ᠬᠠᠭᠠᠨ ᠤ ᠤᠷᠳᠤᠨ ᠠᠴᠠ ᠡᠨᠡ ᠭᠡᠰᠡᠭ ᠭᠠᠵᠠᠷ ᠤᠨ  ᠬᠠᠮᠢᠶᠠᠷᠤᠯᠳᠠ ᠪᠠᠨ ᠴᠢᠩᠭᠠᠳᠬᠠᠪᠠ᠃ ᠭᠡᠳᠡᠯ᠎ᠠ ᠡᠨᠡ ᠦᠶ᠎ᠠ ᠶᠢᠨ ᠴᠠᠭᠠᠨ ᠨᠤᠷ᠎ᠠ ᠮᠦᠨ ᠯᠠ ᠬᠠᠭᠠᠨ ᠤ ᠭᠡᠷ ᠲᠦᠷᠦᠯ ᠤᠨ ᠡᠷᠬᠦᠮᠵᠢᠯᠡᠯ ᠤᠨ ᠭᠠᠵᠠᠷ ᠭᠡᠪ ᠢᠶᠠᠷ ᠪᠠᠶᠢᠪᠠ᠃ ᡁᠢ ᠶᠤᠸᠠᠨ ᠤ ᠵᠢᠷᠭᠤᠳᠤᠭᠠᠷ ᠤᠨ ︵ᠨᠡᠶᠢᠳᠠ ᠶᠢᠨ ᠤᠨ ᠲᠤᠭᠠᠯᠠᠯ ᠤᠨ 1340 ᠤᠨ︶ ᠳᠤ᠂ ᠶᠤᠸᠠᠨ ᠱᠦᠨ ᠳ᠋ᠢ ᠬᠠᠭᠠᠨ ᠪᠦᠷᠳᠡᠰᠢᠷᠢ ᠬᠤᠸᠠᠩ ᠲᠠᠶᠢᠭᠡᠤ ᠶᠢᠨ ᠡᠷᠭᠡ ᠶᠢ ᠬᠠᠰᠤᠵᠤ᠂ ᠢᠤᠢ ᠸᠠᠩ ᠠᠯᠳᠠᠨᠨᠠᠰᠢᠯᠢ ᠶᠢ ᠲᠤᠮᠢᠯᠠᠵᠤ᠂ ᠱᠠᠨᠰᠢ ᠳᠤ ᠰᠠᠬᠢᠨ ᠰᠠᠭᠤᠯᠭᠠᠪᠠ᠃ ᠰᠡᠬᠦᠯᠡᠷ ᠢᠤᠢ ᠸᠠᠩ ᠴᠠᠭᠠᠨ ᠨᠤᠷ᠎ᠠ ᠳᠤ ᠰᠢᠯᠵᠢᠭᠡᠳ᠂ ᠴᠠᠭᠠᠨ ᠨᠤᠷ᠎ᠠ ᠠᠯᠳᠠᠨᠨᠠᠰᠢᠯᠢ ᠶᠢᠨ ᠬᠦᠴᠦᠨ ᠤ ᠬᠦᠷᠢᠶ᠎ᠠ ᠭᠡᠪᠴᠢᠶ᠎ᠠ ᠳᠤ ᠤᠷᠤᠪᠠ᠃ ᡁᠢ ᠵᠧᠩ ᠤᠨ ᠬᠤᠷᠢᠨ ᠲᠤᠯᠤᠭᠠᠨ ᠤᠨ ︵ᠨᠡᠶᠢᠳᠠ ᠶᠢᠨ ᠤᠨ ᠲᠤᠭᠠᠯᠠᠯ ᠤᠨ1367 ᠤᠨ︶ ᠳᠤ᠂ ᠴᠠᠭᠠᠨ ᠨᠤᠷ᠎ᠠ ᠳᠤ ᠰᠢᠩ ᠱᠤ᠋ ᠶᠢ ᠶᠤᠸᠠᠨ ᠬᠦᠷᠢᠶᠡᠯᠡᠩ ᠪᠠᠶᠢᠭᠤᠯᠵᠤ᠂ ᠱᠠᠨᠰᠢ ᠮᠤᠵᠢ ᠶᠢᠨ ᠵᠡᠬᠦᠨ ᠴᠧᠩᠰᠢᠶᠠᠩ ᠲᠤᠯᠤ ᠶᠢ ᠰᠢᠩ ᠱᠤ᠋ ᠮᠢ ᠶᠤᠸᠠᠨ ᠬᠦᠷᠢᠶᠡᠯᠡᠩ ᠤᠨ ᠭᠡᠷᠡᠭ ᠶᠠᠪᠤᠳᠠᠯ ᠢ ᠬᠠᠪᠰᠤᠷᠭᠠᠨ ᠬᠠᠷᠢᠭᠤᠴᠠᠭᠤᠯᠪᠠ ᠃ ᠡᠨᠡ ᠪᠤᠯ ᠲᠦᠷ ᠴᠠᠭ ᠤᠨ ᠴᠡᠷᠢᠭ ᠤᠨ ᠶᠠᠪᠤᠳᠠᠯ ᠤᠨ ᠪᠠᠶᠢᠭᠤᠯᠤᠮᠵᠢ ᠪᠤᠯᠤᠨ᠎ᠠ᠃    ᠴᠠᠭᠠᠨ ᠨᠤᠷ᠎ᠠ ᠳᠤ ᠨᠢᠭᠡ ᠶᠡᠭᠡ ᠬᠤᠳᠠ ᠪᠠᠯᠭᠠᠰᠤ ᠶᠢᠨ ᠪᠠᠷᠢᠯᠭ᠎ᠠ ᠪᠤᠢ᠃ ᠡᠨᠡ ᠨᠢ ᠤᠳᠤ ᠶᠢᠨ ᠦᠤᠰᠢᠨ ᠬᠤᠰᠢᠭᠤᠨ ᠤ ᠭᠠᠵᠠᠷ ᠲᠤ ᠪᠠᠶᠢᠨ᠎ᠠ᠃ ᠱᠠᠨᠰᠢ ᠮᠤᠵᠢ ᠶᠢᠨ ᠡᠾᠧᠩ ᠱᠠᠨ ᠰᠢᠶᠠᠨ ᠠᠴᠠ ᠶᠡᠷᠡᠨ ᠭᠠᠵᠠᠷ ᠵᠠᠶᠢᠳᠠᠢ᠂ ᠠᠳᠠ ᠤᠷᠳᠤᠨ ᠪᠠ ᠨᠡᠯᠢᠶᠡᠳ ᠲᠡᠭᠡᠳᠤ ᠵᠡᠷᠭᠡ ᠶᠢᠨ ᠵᠠᠰᠠᠭ ᠵᠠᠬᠢᠷᠭᠠᠨ ᠤ ᠪᠠᠶᠢᠭᠤᠯᠤᠮᠵᠢ ᠪᠠᠶᠢᠪᠠ᠃ ᠲᠤᠬᠠᠢ ᠶᠢᠨ ᠦᠶ᠎ᠠ ᠳᠤ᠂ ᠠᠳᠠ ᠠᠴᠠ ᠱᠠᠨᠰᠢ ᠮᠤᠵᠢ ᠶᠢᠨ ᠰᠢ ᠠᠨ ᠬᠤᠳᠠ ᠬᠦᠷᠳᠡᠯ᠎ᠠ ᠰᠢᠭᠤᠳ ᠨᠡᠪᠳᠡᠷᠡᠭᠰᠡᠨ ᠤᠯᠠᠭ᠎ᠠ ᠶᠢᠨ ᠵᠠᠮ ᠲᠠᠢ ᠪᠠᠶᠢᠪᠠ᠃ ᠴᠠᠭᠠᠨ ᠨᠤᠷ᠎ᠠ ᠪᠤᠯ ᠤᠷᠳᠤᠰ ᠤᠨ ᠡᠯ᠎ᠠ ᠤᠯᠠᠭ᠎ᠠ ᠦᠷᠳᠡᠭᠡ ᠶᠢᠨ ᠶᠡᠷᠦᠩᠭᠡᠢ ᠦᠷᠳᠡᠭᠡ ᠪᠤᠯᠵᠤ᠂ ᠨᠡᠯᠢᠶᠡᠳ ᠬᠦᠭᠵᠢᠭᠰᠡᠨ ᠮᠠᠯ ᠠᠵᠤ ᠠᠬᠤᠢ᠂ ᠲᠠᠷᠢᠶᠠᠯᠠᠩ ᠪᠠ ᠭᠠᠷ ᠦᠢᠯᠡᠳᠪᠦᠷᠢ ᠲᠠᠢ ᠪᠠᠶᠢᠪᠠ᠃    ᡁᠢ ᠵᠧᠩ ᠤᠨ ᠬᠤᠷᠢᠨ ᠨᠠᠢᠮᠠᠨ ᠤᠨ ︵ᠨᠡᠶᠢᠳᠠ ᠶᠢᠨ ᠤᠨ ᠲᠤᠭᠠᠯᠠᠯ ᠤᠨ 1368 ᠤᠨ︶ ᠳᠤ᠂  ᠲᠠᠷᠢᠶᠠᠴᠢᠨ ᠤ ᠪᠤᠰᠤᠯᠭ᠎ᠠ ᠶᠢᠨ ᠴᠡᠷᠢᠭ ᠢᠶᠠᠷ ᠭᠤᠤᠯ ᠪᠤᠯᠭᠠᠭᠰᠠᠨ ᠦᠨᠳᠦᠰᠦᠳᠡᠨ ᠨᠦᠭᠦᠳ ᠤᠨ ᠠᠷᠠᠳ ᠲᠦᠮᠡᠨ ᠤ ᠪᠤᠰᠤᠯᠭ᠎ᠠ᠂ ᠶᠤᠸᠠᠨ ᠤᠯᠤᠰ ᠤᠨ ᠨᠤᠶᠠᠷᠬᠠᠯ ᠢ ᠲᠦᠯᠬᠢᠨ ᠤᠨᠠᠭᠠᠵᠤ᠂ ᠪᠤᠰᠤᠯᠭ᠎ᠠ ᠶᠢᠨ ᠴᠡᠷᠢᠭ ᠤᠨ ᠤᠳᠤᠷᠢᠳᠤᠭᠴᠢ ᠵᠤ᠋ ᠶᠤᠸᠠᠨ ᠵᠠᠩ ᠮᠢᠩ ᠤᠯᠤᠰ ᠢ ᠪᠠᠶᠢᠭᠤᠯᠪᠠ᠃ ᠡᠨᠡ ᠦᠶ᠎ᠠ᠂ ᠶᠤᠸᠠᠨ ᠤᠯᠤᠰ ᠤᠨ ᠮᠤᠩᠭᠤᠯ ᠤᠨ ᠡᠯ᠎ᠠ ᠠᠶᠢᠮᠠᠭ ᠪᠦᠯᠦᠭ ᠤᠳ ᠴᠦᠮ ᠶᠡᠭᠡ ᠭᠤᠪᠢ ᠶᠢᠨ ᠠᠷᠤ ᠦᠪᠦᠷ ᠲᠤ ᠰᠢᠯᠵᠢᠨ ᠤᠷᠤᠵᠤ᠂ ᠬᠠᠷᠢᠯᠴᠠᠨ ᠪᠤᠯᠢᠶᠠᠨ ᠲᠡᠮᠡᠴᠡᠯᠳᠦᠭᠰᠡᠨ ᠹᠸᠤᠳᠠᠯ ᠤᠨ ᠬᠡᠰᠡᠭᠯᠡᠨ ᠡᠵᠡᠯᠡᠬᠦ ᠪᠠᠶᠢᠳᠠᠯ ᠢ ᠪᠤᠢ ᠪᠤᠯᠭᠠᠪᠠ᠃ ᠨᠡᠶᠢᠳᠠ ᠶᠢᠨ ᠤᠨ ᠲᠤᠭᠠᠯᠠᠯ ᠤᠨ 1368 ᠤᠨ ᠠᠴᠠ 1388 ᠤᠨ ᠬᠦᠷᠳᠡᠯᠡᠬᠢ ᠬᠤᠷᠢᠨ ᠵᠢᠯ ᠤᠨ ᠲᠤᠳᠤᠷ᠎ᠠ᠂ ᠶᠤᠸᠠᠨ ᠤᠯᠤᠰ ᠤᠨ ᠬᠦᠴᠦᠨ ᠪᠠ ᠮᠢᠩ ᠤᠯᠤᠰ ᠬᠤᠭᠤᠷᠤᠨᠳᠤ ᠪᠠᠨ ᠤᠯᠠᠨ ᠤᠳᠠᠭ᠎ᠠ ᠲᠠᠶᠢᠨ ᠭᠡᠪᠡ᠃ ᠶᠤᠸᠠᠨ ᠤᠯᠤᠰ ᠤᠨ ᠬᠦᠴᠦᠨ ᠮᠢᠩ ᠤᠯᠤᠰ ᠤᠨ ᠴᠡᠷᠢᠭ ᠢ ᠴᠤᠬᠢᠵᠤ ᠲᠡᠶᠢᠯᠬᠦ ᠦᠭᠡᠢ ᠪᠤᠯᠬᠤᠷ᠂ ᠮᠢᠩ ᠤᠯᠤᠰ ᠠᠴᠠ ᠶᠤᠸᠠᠨ ᠤᠯᠤᠰ ᠲᠠᠢ ᠲᠠᠶᠢᠨ ᠬᠢᠭᠰᠡᠨ ᠭᠠᠵᠠᠷ ᠤᠳ ᠢᠶᠠᠷ ᠮᠤᠩᠭᠤᠯ ᠢ ᠰᠡᠷᠭᠡᠶᠢᠯᠡᠬᠦ ᠭᠠᠵᠠᠷ ᠬᠤᠷᠢ ᠢᠯᠡᠬᠦᠤ ᠪᠠᠶᠢᠭᠤᠯᠪᠠ᠃ ᠡᠨᠡ ᠦᠶ᠎ᠠ ᠶᠢᠨ ᠤᠷᠳᠤᠰ ᠳ᠋ᠦᠩᠱᠧᠩ ‍ᠤᠨ‌‍ᠰᠡᠷᠬᠡᠶᠢᠯᠡᠬᠦ ᠭᠠᠵᠠᠷ ᠲᠤ ᠬᠠᠮᠢᠶᠠᠷᠤᠭᠳᠠᠵᠤ ᠪᠠᠶᠢᠪᠠ᠃ ᠨᠡᠶᠢᠳᠠ ᠶᠢᠨ ᠤᠨ ᠲᠤᠭᠠᠯᠠᠯ ᠤᠨ ᠠᠷᠪᠠᠨ ᠲᠦᠷᠪᠡᠳᠦᠭᠡᠷ ᠵᠠᠭᠤᠨ ᠤ ᠰᠡᠬᠦᠯᠴᠢ ᠪᠠᠷ ᠤᠤᠯ ᠳᠠᠭᠠᠨ ᠤᠷᠳᠤᠰ ᠲᠤ ᠰᠠᠭᠤᠵᠤ ᠪᠠᠶᠢᠭᠰᠠᠨ ᠮᠤᠩᠭᠤᠯᠴᠤᠳ ᠵᠠᠯᠭᠠᠪᠡᠷ ᠬᠠᠳᠤᠨ ᠭᠤᠤᠯ ᠤᠨ ᠬᠤᠶᠢᠳᠤ ᠲᠠᠯ᠎ᠠ ᠪᠠ ᠤᠷᠳᠤᠰ ᠤᠨ ᠪᠠᠷᠠᠭᠤᠨ ᠬᠤᠶᠢᠳᠤ ᠭᠡᠰᠡᠭ ᠲᠤ ᠰᠢᠯᠵᠢᠨ ᠶᠠᠪᠤᠵᠠᠢ᠃ ᠲᠢᠶᠠᠨ ᠱᠦᠨ ᠤ ᠵᠢᠯ ᠤᠳ ︵ᠨᠡᠶᠢᠳᠠ ᠶᠢᠨ ᠤᠨ ᠲᠤᠭᠠᠯᠠᠯ ᠤᠨ 1462 ᠤᠨ︶  ᠲᠤ᠂ ᠪᠠᠰᠠ ᠨᠢᠭᠡ ᠪᠦᠯᠦᠭ ᠮᠤᠩᠭᠤᠯᠴᠤᠳ ᠤᠷᠳᠤᠰ ᠨᠤᠳᠤᠭ ᠲᠤ ᠤᠷᠤᠵᠤ ᠢᠷᠡᠵᠠᠢ᠃    ᠵᠢᠩ ᠲᠠᠢ ᠶᠢᠨ ᠲᠤᠮᠳᠠ ︵ᠨᠡᠶᠢᠳᠠ ᠶᠢᠨ ᠤᠨ ᠲᠤᠭᠠᠯᠠᠯ ᠤᠨ1453 ᠤᠨ ᠤ ᠨᠠᠭᠠᠭᠤᠠᠷ ᠴᠠᠭᠠᠭᠤᠷ︶ ᠦᠶ᠎ᠠ  ᠪᠠᠷ᠂ ᠲᠠᠲ᠋ᠠᠷ ᠠᠶᠢᠮᠠᠭ ᠤᠨ ᠲᠦᠷᠦᠬᠦᠤ ᠪᠦᠸᠧᠯᠠᠢ᠂ ᠤᠤᠯᠠ ᠶᠢ ᠴᠤᠬᠢᠨ᠂ ᠲᠤᠭᠳᠠᠬᠤ ᠪᠤᠬ᠎ᠠ ᠶᠢᠨ ᠬᠦᠤ ᠮᠠᠬᠠᠬᠦᠷᠬᠢᠰ ᠢ ᠬᠠᠭᠠᠨ ︵ᠦᠭᠡᠭᠳᠤ ᠬᠠᠭᠠᠨ︶ ᠪᠤᠯᠭᠠᠪᠠ᠂ ᠪᠦᠸᠧᠯᠠᠢ ᠤᠤᠯᠠ ᠶᠢ ᠠᠯᠠᠭᠰᠠᠨ ᠤ ᠰᠡᠬᠦᠯᠡᠷ᠂ ᠲᠡᠬᠦᠨ ᠤ ᠰᠦᠷ ᠬᠦᠴᠦᠨ ᠪᠤᠰᠤᠳ ᠠᠶᠢᠮᠠᠭ ᠢ ᠲᠠᠷᠤᠪᠠ᠃ ᠭᠡᠪᠡᠴᠤ ᠮᠤᠯᠤᠬᠠᠢ ᠪᠠ ᠲᠤᠬᠠᠯᠠᠩ ᠬᠤᠶᠠᠷ ᠬᠠᠮᠳᠤᠷᠠᠵᠤ ᠪᠦᠸᠧᠯᠠᠢ ᠶᠢ ᠴᠤᠬᠢᠵᠠᠢ᠃ ᠮᠤᠯᠤᠬᠠᠢ ᠪᠤᠯ ᠤᠩᠨᠢᠭᠤᠳ ᠠᠶᠢᠮᠠᠭ ᠤᠨ ᠸᠠᠩ ︵ᠤᠩ︶᠂ ᠲᠤᠬᠠᠯᠠᠩ ᠪᠤᠯ ᠲᠤᠯᠤᠭᠠᠨ ᠲᠦᠮᠡᠳ ᠤᠨ ᠡᠵᠡᠨ ᠶᠤᠮ᠂ ᠡᠳᠠ ᠬᠤᠶᠠᠷ ᠴᠦᠮ ᠴᠢᠩᠬᠢᠰ ᠤᠨ ᠲᠡᠬᠦᠤ ᠤᠳᠴᠢᠬᠢᠨ ᠤ ᠬᠤᠶᠢᠴᠢ ᠦᠶ᠎ᠠ ᠪᠤᠯᠤᠨ᠎ᠠ᠃ ᠲᠢᠶᠠᠨ ᠱᠦᠨ ᠤ ᠠᠩᠬᠠᠳᠤᠭᠠᠷ ᠤᠨ ︵ᠨᠡᠶᠢᠳᠠ ᠶᠢᠨ ᠤᠨ ᠲᠤᠭᠠᠯᠠᠯ ᠤᠨ 1457 ᠤᠨ︶ ᠳᠤ ᠂ ᠲᠤᠬᠠᠯᠠᠩ ᠦᠭᠡᠭᠳᠤ ᠬᠠᠭᠠᠨ ᠮᠠᠬᠠᠬᠦᠷᠬᠢᠰ ᠢ ᠠᠯᠠᠵᠤ᠂ ᠲᠢᠶᠠᠨ ᠱᠦᠨ ᠤ ᠬᠤᠶᠠᠳᠤᠭᠠᠷ ᠤᠨ ᠳᠤ᠂ ᠮᠤᠯᠤᠬᠠᠢ ᠲᠤᠭᠳᠠᠬᠤ ᠪᠦᠭᠡ ᠶᠢᠨ ᠨᠦᠬᠦᠭᠡ ᠨᠢᠭᠡ ᠬᠦᠤ ᠮᠤᠯᠤᠨ ᠢ ᠬᠠᠭᠠᠨ ᠪᠤᠯᠭᠠᠪᠠ᠃ ᠢᠩᠬᠢᠭᠡᠳ ᠮᠤᠯᠤᠬᠠᠢ ᠪᠤᠯᠤᠨ ᠲᠤᠬᠠᠯᠠᠩ ᠤᠨ ᠬᠦᠴᠦᠨ ᠬᠦᠭᠵᠢᠨ ᠮᠠᠨᠳᠤᠪᠠ᠃ ᠲᠢᠶᠠᠨ ᠱᠦᠨ ᠤ ᠵᠢᠷᠭᠤᠳᠤᠭᠠᠷ ᠤᠨ ︵ᠨᠡᠶᠢᠳᠠ ᠶᠢᠨ ᠤᠨ ᠲᠤᠭᠠᠯᠠᠯ ᠤᠨ 1462 ᠤᠨ︶ ᠳᠤ᠂ ᠮᠤᠯᠤᠬᠠᠢ ᠶᠢᠨ ᠬᠦᠴᠦᠨ ᠤᠷᠳᠤᠰ ᠲᠤ ᠤᠷᠤᠵᠤ ᠢᠷᠡᠪᠡ᠃ ᠢᠩᠬᠢᠭᠡᠳ ᠵᠠᠷᠢᠮ ᠬᠦᠮᠦᠨ᠂ ᠮᠤᠯᠤᠨ ᠬᠠᠭᠠᠨ ᠪᠠ ᠮᠤᠯᠤᠬᠠᠢ ᠶᠢᠨ  ᠬᠠᠷᠢᠴᠠᠭ᠎ᠠ ᠶᠢ ᠬᠠᠳᠬᠤᠨ ᠵᠠᠪᠰᠠᠷᠳᠠᠭᠤᠯᠤᠭᠰᠠᠨ ᠳᠤ ᠮᠤᠯᠤᠬᠠᠢ᠂ ᠮᠤᠯᠤᠨ ᠬᠠᠭᠠᠨ ᠢ ᠪᠤᠷᠤᠭᠤ ᠪᠠᠷ ᠠᠯᠠᠵᠠᠢ᠃    ᠮᠤᠯᠤᠨ ᠬᠠᠭᠠᠨ ᠮᠤᠯᠤᠬᠠᠢ ᠲᠠᠢ ᠬᠤᠳᠬᠨ ᠪᠠᠶᠢᠯᠳᠤᠵᠤ ᠪᠠᠶᠢᠭᠰᠠᠨ ᠦᠶ᠎ᠠ ᠳᠤ᠂ ᠤᠶᠢᠷᠠᠳ ᠠᠶᠢᠮᠠᠭ ᠤᠨ ᠪᠡᠭᠡᠷᠰᠡᠨ᠂ ᠮᠤᠯᠤᠬᠠᠢ ᠲᠤᠬᠠᠯᠠᠩ ᠲᠠᠢ ᠡᠰᠡᠷᠬᠦᠴᠡᠯᠳᠦᠪᠡ᠃ ᠴᠧᠩ ᠬᠤᠸᠠ ᠶᠢᠨ ᠠᠩᠬᠠᠳᠤᠭᠠᠷ ᠤᠨ ᠤ ᠤᠷᠢᠳ ᠬᠤᠵᠢᠳ ︵ᠨᠡᠶᠢᠳᠠ ᠶᠢᠨ ᠤᠨ ᠲᠤᠭᠠᠯᠠᠯ ᠤ 1466 ᠤᠨ︶᠂ ᠮᠠᠨᠳᠤᠭᠤᠯ ᠬᠠᠭᠠᠨ ᠦᠭᠡᠭᠳᠤ ᠬᠠᠭᠠᠨ ᠤ ᠦᠰᠢᠶ᠎ᠠ ᠶᠢ ᠠᠪᠬᠤ ᠶᠢᠨ ᠲᠦᠯᠦᠭᠡ ᠪᠡᠭᠡᠷᠰᠡᠨ ᠢ ᠲᠠᠶᠢᠱᠢ ᠪᠤᠯᠭᠠᠨ ᠲᠤᠬᠠᠯᠠᠩ ᠢ ᠴᠤᠬᠢᠵᠤ᠂ ᠲᠤᠯᠤᠭᠠᠨ ᠲᠦᠮᠡᠳ ᠢ ᠬᠤᠷᠢᠶᠠᠨ ᠠᠪᠤᠪᠠ᠃ ᠡᠬᠦᠨ ᠠᠴᠠ ᠬᠤᠶᠢᠰᠢ᠂ ᠪᠡᠭᠡᠷᠰᠡᠨ ᠲᠠᠷᠤᠢ ᠶᠦᠩᠰᠢᠶᠠᠪᠤ ᠶᠢᠨ ᠡᠵᠡᠨ ᠪᠤᠯᠵᠤ᠂ ᠲᠡᠬᠦᠨ ᠤ ᠬᠦᠴᠦᠨ ᠬᠦᠭᠵᠢᠭᠡᠳ ᠤᠷᠳᠤᠰ ᠤᠷᠤᠨ ᠢᠶᠠᠷ ᠤᠷᠤᠵᠤ ᠢᠷᠡᠪᠡ᠃    ᠴᠧᠩ ᠬᠤᠸᠠ ᠶᠢᠨ ᠲᠦᠷᠪᠡᠳᠦᠭᠡᠷ ᠤᠨ ︵ᠨᠡᠶᠢᠳᠠ ᠶᠢᠨ ᠤᠨ ᠲᠤᠭᠠᠯᠠᠯ ᠤᠨ1468 ᠤᠨ︶ ᠳᠤ᠂ ᠪᠤᠯᠬᠤ ᠵᠢᠨᠦᠩ ᠪᠠᠶᠠᠨᠮᠦ᠋ᠩᠭᠡ᠂ ᠠᠷᠤᠴᠢ ᠪᠠᠷ ᠰᠤᠤᠱᠢ ᠪᠤᠯᠭᠠᠵᠤ᠂ ᠴᠡᠷᠢᠭ ᠭᠠᠷᠭᠠᠵᠤ ᠮᠤᠯᠤᠨ ᠬᠠᠭᠠᠨ ᠤ ᠦᠰᠢᠶ᠎ᠠ ᠶᠢ ᠠᠪᠬᠤ ᠪᠠᠷ ᠮᠤᠯᠤᠬᠠᠢ ᠸᠠᠩ ᠢ ᠲᠠᠶᠢᠯᠠᠪᠠ᠃ ᠢᠩᠬᠢᠭᠡᠳ ᠪᠤᠯᠬᠤ ᠵᠢᠨᠤᠩ ᠵᠢᠴᠢ ᠠᠷᠤᠴᠢ ᠶᠢᠨ ᠬᠦᠴᠦᠨ ᠪᠠᠰᠠ ᠤᠷᠳᠤᠰ ᠲᠤ ᠤᠷᠤᠵᠤ ᠢᠷᠡᠪᠡ᠃ ᠪᠡᠭᠡᠷᠰᠡᠨ ᠪᠠ ᠪᠤᠯᠬᠤ ᠵᠢᠨᠤᠩ᠂ ᠠᠷᠤᠴᠢ ᠶᠢᠨ ᠬᠦᠴᠦᠨ ᠤᠷᠳᠤᠰ ᠲᠤ ᠤᠷᠤᠵᠤ ᠢᠷᠡᠭᠰᠡᠨ ᠤ ᠪᠠᠨ ᠲᠠᠷᠠᠭ᠎ᠠ᠂ ᠬᠡᠳᠦᠬᠦᠯᠡ ᠬᠤᠭᠤᠷᠤᠨᠳᠤ ᠪᠠᠨ ᠲᠡᠮᠡᠴᠡᠯᠳᠦᠵᠤ᠂ ᠪᠡᠭᠡᠷᠰᠡᠨ ᠠᠷᠤᠴᠢ ᠶᠢ ᠠᠯᠠᠵᠤ᠂ ᠬᠤᠵᠢᠮ ᠨᠢ ᠪᠤᠯᠬᠤ ᠵᠢᠨᠤᠩ ᠢ ᠠᠯᠠᠪᠠ᠃ ᠮᠤᠯᠤᠬᠠᠢ ᠶᠢᠨ ᠬᠦᠤ ᠢᠰᠡᠮᠡᠨ᠂ ᠪᠡᠭᠡᠷᠰᠡᠨ ᠢ ᠠᠯᠠᠪᠠ᠃    ᠮᠤᠩᠭᠤᠯ ᠤᠨ ᠤᠯᠠᠨ ᠠᠶᠢᠮᠠᠭ ᠤᠳ ᠠᠯᠠᠯᠳᠤᠨ ᠪᠠᠶᠢᠯᠳᠤᠵᠤ ᠪᠠᠶᠢᠭᠰᠠᠨ ᠦᠶ᠎ᠠ ᠳᠤ᠂ ᠶᠠᠨ ᠰᠦᠢ ᠶᠢᠨ ᠴᠠᠭᠳᠠᠭᠴᠢ ᠢᠤᠢ ᠽᠢ ᠵᠢᠶᠦ᠋ᠨ᠂ ᠴᠧᠩ ᠬᠤᠸᠠ ᠶᠢᠨ ᠲᠤᠯᠤᠳᠤᠭᠠᠷ ᠤᠨ ︵ᠨᠡᠶᠢᠳᠠ ᠶᠢᠨ ᠤᠨ ᠲᠤᠭᠠᠯᠠᠯ ᠤᠨ1471 ᠤᠨ︶ ᠳᠤ ᠡᠬᠢᠯᠡᠵᠤ᠂ ᠶᠠᠨ ᠰᠦᠢ ᠶᠢᠨ ᠤᠷᠳᠤ ᠴᠠᠭᠠᠨ ᠭᠡᠷᠡᠮ ︵ᠮᠢᠩ ᠤᠯᠤᠰ ᠤᠨ ᠤᠷᠳᠤ ᠴᠠᠭᠠᠨ ᠭᠡᠷᠡᠮ︶ ᠢ ᠪᠠᠷᠢᠵᠤ᠂ ᠢᠤᠢ ᠯᠢᠨ ᠳᠤ ᠰᠢᠯᠵᠢᠨ ᠰᠠᠭᠤᠪᠠ᠃ ᠴᠧᠩ ᠬᠤᠸᠠ ᠶᠢᠨ ᠶᠢᠰᠦᠳᠦᠭᠡᠷ ᠤᠨ ︵ᠨᠡᠶᠢᠳᠠ ᠶᠢᠨ ᠤᠨ ᠲᠤᠭᠠᠯᠠᠯ ᠤᠨ1473 ᠤᠨ︶ ᠳᠤ᠂ ᠮᠢᠩ ᠤᠯᠤᠰ ᠤᠨ ᠴᠡᠷᠢᠭ ᠬᠤᠩ ᠶᠠᠨ ‍ᠤᠤᠢ ︵ᠤᠯᠠᠭᠠᠨ ᠲᠠᠪᠤᠰᠤᠨ ᠨᠠᠭᠤᠷ︶ ᠳᠤ ᠮᠤᠩᠭᠤᠯ ᠴᠡᠷᠢᠭ ᠢ ᠲᠠᠶᠢᠯᠠᠪᠠ᠃ ᠡᠨᠡ ᠦᠶ᠎ᠠ ᠳᠤ ᠪᠤᠯᠬᠤ ᠵᠢᠨᠤᠩ ᠤᠨ ᠬᠦᠤ ᠪᠠᠳᠤᠮᠦ᠋ᠩᠭᠡ ᠰᠠᠭᠤᠷᠢᠨ ᠢ ᠵᠠᠯᠭᠠᠮᠵᠢᠯᠠᠵᠤ᠂ ᠲᠠᠶᠠᠨ ᠬᠠᠭᠠᠨ ᠭᠡᠵᠤ ᠨᠡᠷᠡᠶᠢᠳᠪᠡ᠃ ᠤᠷᠳᠤᠰ ᠮᠤᠩᠭᠤᠯ ᠤᠨ ᠡᠯ᠎ᠠ ᠠᠶᠢᠮᠠᠭ ᠤᠳ ᠰᠢᠨ᠎ᠡ ᠬᠠᠭᠠᠨ ᠢᠶᠠᠨ ᠲᠠᠭᠠᠬᠤ ᠪᠠᠷ ᠨᠡᠬᠦᠭᠡᠳ᠂ ᠤᠷᠳᠤᠰ ᠲᠠᠬᠢᠨ ᠬᠤᠭᠤᠰᠤᠷᠠᠵᠤ ᠡᠬᠢᠯᠡᠪᠡ᠃ ᠮᠢᠩ ᠤᠯᠤᠰ ᠶᠠᠭ ᠰᠠᠶᠢᠬᠠᠨ ᠤᠷᠳᠤᠰ ᠢ ᠪᠤᠴᠠᠭᠠᠨ ᠠᠪᠬᠤ ᠪᠠᠷ ᠪᠡᠯᠡᠳᠭᠡᠵᠤ ᠪᠠᠶᠢᠭᠰᠠᠨ ᠦᠶ᠎ᠠ ᠳᠤ᠂ ᠮᠤᠩᠭᠤᠯ ᠴᠡᠷᠢᠭ ᠲᠠᠬᠢᠨ ᠬᠤᠩ ᡁᠢ ᠶᠢᠨ ᠠᠷᠪᠠᠨ ᠬᠤᠶᠠᠳᠤᠭᠠᠷ ᠤᠨ ︵ᠨᠡᠶᠢᠳᠠ ᠶᠢᠨ ᠤᠨ ᠲᠤᠭᠠᠯᠠᠯ ᠤᠨ 1499 ᠤᠨ︶ ᠳᠤ᠂ ᠤᠷᠳᠤᠰ ᠲᠤ ᠤᠷᠤᠵᠤ ᠢᠷᠡᠪᠡ᠃ ᠡᠨᠡ ᠤᠳᠠᠭ᠎ᠠ ᠶᠢᠨ ᠤᠷᠳᠤᠰ ᠲᠤ ᠣᠷᠣᠵᠤ ᠢᠷᠡᠭᠰᠡᠨ ᠮᠤᠩᠭᠤᠯᠴᠤᠳ ᠪᠤᠯ ᠮᠤᠩᠭᠤᠯᠵᠢᠨ ᠤ ᠬᠤᠤᠰᠠᠢ ᠠᠶᠢᠮᠠᠭ ᠪᠤᠯᠤᠨ᠎ᠠ᠃ ᠪᠠᠳᠤᠮᠦ᠋ᠩᠭᠡ ︵ᠲᠠᠷᠤᠢ ᠪᠠᠭ᠎ᠠ ᠬᠠᠭᠠᠨ︶ ᠡᠷᠭᠡᠳᠤ ᠲᠦᠰᠢᠮᠡᠳ ᠤᠨ ᠭᠡᠷᠴᠡᠭᠡᠶᠢᠯᠡᠯ ᠢ ᠡᠴᠦᠰᠯᠡᠬᠦᠯᠬᠦ ᠶᠢᠨ ᠲᠦᠯᠦᠭᠡ᠂ ᠠᠷᠤ ᠭᠤᠪᠢ ᠶᠢᠨ ᠢᠰᠡᠮᠡᠨ ᠢ ᠠᠯᠠᠵᠤ᠂ ᠲᠦᠮᠡᠳ ᠤᠨ ᠬᠤᠤᠰᠠᠢ ᠶᠢ ᠤᠰᠠᠳᠬᠠᠵᠤ᠂ ᠶᠦᠩᠰᠢᠶᠠᠪᠤ ᠲᠦᠮᠡᠨ ᠤ ᠢᠪᠡᠷᠠᠢ ᠲᠠᠶᠢᠱᠢ ᠪᠠ ᠤᠷᠳᠤᠰ ᠤᠨ ᠮᠠᠨᠳᠤᠯᠠᠢ ᠠᠬᠠᠯᠠᠬᠤ ᠶᠢ ᠪᠠᠶᠢᠯᠳᠤᠨ ᠢᠠᠯᠪᠠ᠃ ᠪᠠᠰᠠ ᠤᠶᠢᠷᠠᠳ ᠢ ᠪᠠᠷᠠᠭᠤᠨᠰᠢ ᠠᠯᠪᠠᠳᠠᠨ ᠨᠡᠬᠦᠯᠭᠡᠵᠤ᠂ ᠲᠦᠮᠡᠨ ᠤ ᠵᠤᠬᠢᠶᠠᠨ ᠪᠠᠶᠢᠭᠤᠯᠤᠯᠳᠠ ᠶᠢ ᠰᠡᠷᠬᠦᠭᠡᠵᠤ᠂ ᠭᠤᠪᠢ ᠶᠢᠨ ᠠᠷᠤ ᠦᠪᠦᠷ ᠤᠨ ᠮᠤᠩᠭᠤᠯᠴᠤᠳ ᠢ ᠵᠢᠷᠭᠤᠭᠠᠨ ᠲᠦᠮᠡᠨ ᠪᠤᠯᠭᠠᠵᠤ᠂ ᠵᠡᠬᠦᠨ ᠭᠠᠷ ᠪᠠ ᠪᠠᠷᠠᠭᠤᠨ ᠭᠠᠷ ᠪᠤᠯᠭᠠᠨ ᠬᠤᠪᠢᠶᠠᠪᠠ᠃ ᠵᠡᠬᠦᠨ ᠭᠤᠷᠪᠠᠨ ᠲᠦᠮᠡᠨ ᠢ ᠲᠠᠶᠠᠨ ᠬᠠᠭᠠᠨ ᠦᠪᠡᠷ ᠢᠶᠠᠨ ᠤᠳᠤᠷᠢᠳᠴᠤ᠂ ᠴᠠᠬᠠᠷ ᠲᠦᠮᠡᠨ ᠢᠶᠠᠷ ᠰᠢᠳᠡᠷ ᠴᠡᠷᠢᠭ ᠢᠶᠠᠨ ᠪᠤᠯᠭᠠᠵᠤ᠂ ᠬᠠᠯᠬ᠎ᠠ᠂ ᠤᠷᠢᠶᠠᠩᠬᠠᠨ ᠬᠤᠶᠠᠷ ᠲᠦᠮᠡᠨ ᠢ ᠨᠡᠮᠡᠪᠡ᠃ ᠪᠠᠷᠠᠭᠤᠨ ᠭᠠᠷ ᠲᠤ ᠲᠠᠶᠠᠨ ᠬᠠᠭᠠᠨ ᠤ ᠭᠤᠷᠪᠠᠳᠤᠭᠠᠷ ᠬᠦᠤ ᠪᠠᠷᠰᠪᠤᠯᠤᠳ ᠵᠢᠨᠤᠩ ᠪᠤᠯᠵᠤ  ᠂ ᠤᠷᠳᠤᠰ ᠲᠦᠮᠡᠨ ᠢ ᠵᠢᠨᠦᠩ ᠤᠨ ᠰᠢᠳᠠᠷ ᠴᠡᠷᠢᠭ ᠪᠤᠯᠭᠠᠵᠤ᠂ ᠲᠡᠭᠡᠷ᠎ᠠ ᠨᠢ ᠲᠦᠮᠡᠳ ᠪᠠ ᠶᠦᠩᠰᠢᠶᠠᠪᠤ ᠬᠤᠶᠠᠷ ᠲᠦᠮᠡᠨ ᠢ ᠨᠡᠮᠡᠪᠡ᠃ ᠪᠠᠳᠤᠮᠦ᠋ᠩᠭᠡ ᠢᠩᠬᠢᠵᠤ ᠬᠢᠭᠰᠡᠨ ᠢᠶᠠᠷ ᠰᠠᠶ᠋ᠢ ᠮᠤᠩᠭᠤᠯ ᠠᠶᠢᠮᠠᠭ ᠤᠳ ᠤᠨ ᠵᠦᠭ ᠵᠦᠭ ᠲᠡᠭᠡᠨ ᠵᠠᠳᠠᠷᠠᠵᠤ ᠪᠤᠳᠠᠷᠠᠭᠠᠳ᠂ ᠬᠠᠷᠢᠯᠴᠠᠨ ᠲᠠᠶᠢᠯᠠᠯᠳᠤᠵᠤ ᠪᠠᠶᠢᠭᠰᠠᠨ ᠰᠠᠮᠠᠭᠤᠨ ᠪᠠᠶᠢᠳᠠᠯ ᠢ ᠡᠴᠦᠰᠯᠡᠬᠦᠯᠪᠡ᠃ ᠡᠨᠡᠬᠦ ᠤᠷᠳᠤ ᠬᠤᠭᠤᠴᠠᠭᠠᠨ ᠤ ᠪᠤᠳᠤᠯᠢᠶᠠᠨᠳᠠᠢ ᠲᠡᠮᠡᠴᠡᠯ ᠤᠨ ᠲᠤᠮᠳᠠ᠂ ᠲᠠᠶᠠᠨ ᠬᠠᠭᠠᠨ ᠤᠯᠠᠨ ᠤᠳᠠᠭ᠎ᠠ ᠤᠷᠳᠤᠰ ᠲᠤ ᠢᠷᠡᠵᠤ ᠦᠩᠭᠡᠷᠡᠪᠡ᠃    ᠪᠠᠷᠰᠪᠤᠯᠤᠳ ᠦᠬᠦᠭᠰᠡᠨ ᠤ ᠲᠠᠷᠠᠭ᠎ᠠ ᠲᠡᠬᠦᠨ ᠤ ᠶᠡᠭᠡ ᠬᠦᠤ ᠬᠦᠨ ᠪᠢᠯᠢᠭ ᠮᠡᠷᠭᠡᠨ ᠵᠢᠨᠤᠩ ᠤᠨ ᠤᠷᠤᠨ᠎ᠠ ᠰᠠᠭᠤᠵᠤ᠂ ᠰᠡᠬᠦᠯᠡᠷ ᠪᠡᠶ᠎ᠠ ᠪᠠᠨ ᠰᠡᠴᠡᠨ ᠬᠠᠭᠠᠨ ᠭᠡᠪᠡ᠃ ᠡᠨᠡ ᠦᠶ᠎ᠠ ᠶᠢᠨ ᠠᠯᠳᠠᠨ ᠬᠠᠭᠠᠨ᠂ ᠲᠠᠷᠠᠶᠢᠰᠤᠨ ᠬᠦᠳᠡᠩ ᠬᠠᠭᠠᠨ᠂ ᠰᠡᠴᠡᠨ ᠬᠠᠭᠠᠨ ᠨᠠᠷ ᠨᠢᠭᠡ ᠨᠢᠭᠡ ᠪᠨ ᠲᠤᠭᠤᠬᠤ ᠦᠭᠡᠢ ᠪᠤᠯᠤᠭᠠᠳ ᠮᠤᠩᠭᠤᠯ ᠤᠨ ᠡᠯ᠎ᠠ ᠠᠶᠢᠮᠠᠭ ᠲᠤ ᠪᠠᠰᠠ ᠬᠦᠯᠢᠰ ᠤᠨ ᠭᠤᠷᠪᠠᠨ ᠬᠦᠯ ᠮᠡᠳᠤ ᠲᠤᠭᠳᠠᠨᠢᠭᠰᠠᠨ ᠪᠠᠶᠢᠳᠠᠯ ᠪᠤᠢ ᠪᠤᠯᠪᠠ᠃ ᠠᠯᠳᠠᠨ ᠬᠠᠭᠠᠨ  ︵ᠲᠠᠷᠤᠢ ᠲᠦᠰᠢᠶᠡᠳᠤ ᠰᠡᠴᠡᠨ ᠬᠠᠭᠠᠨ︶ ᠭᠤᠪᠢ ᠶᠢᠨ ᠡᠮᠦᠨ᠎ᠡ ᠡᠷᠡᠯᠭᠡᠭᠯᠡᠵᠤ᠂ ᠶᠦᠩᠰᠢᠶᠠᠪᠤ ᠶᠢᠨ ᠭᠤᠷᠪᠠᠨ ᠲᠦᠮᠡᠨ ᠪᠠ ᠲᠦᠮᠡᠳ ᠤᠨ ᠭᠤᠷᠪᠠᠨ ᠲᠦᠮᠡᠨ ᠢ ᠨᠡᠶᠢᠯᠡᠬᠦᠯᠪᠠ᠃ ᠰᠡᠴᠠᠨ ᠬᠠᠭᠠᠨ ᠦᠬᠦᠭᠰᠡᠨ ᠤ ᠲᠠᠷᠠᠭ᠎ᠠ᠂ ᠲᠡᠬᠦᠨ ᠤ ᠬᠦᠪᠡᠬᠦᠳ ᠴᠦᠮ ᠲᠦᠰᠢᠶᠡᠳᠤ ᠰᠡᠴᠡᠨ ᠬᠠᠭᠠᠨ ᠤ ᠠᠴᠢ ᠪᠤᠯᠬᠤ ᠤᠴᠢᠷ ᠠᠴᠠ ᠤᠷᠳᠤᠰ ᠤᠨ ᠭᠤᠷᠪᠠᠨ ᠲᠦᠮᠡᠨ ᠲᠡᠬᠦᠨ ᠤ ᠪᠠᠷᠠᠭᠤᠨ ᠭᠠᠷ  ᠪᠤᠯᠪᠠ᠃    ᠮᠢᠩ ᠤᠯᠤᠰ ᠤᠨ ᠯᠦᠩ ᠴᠢᠩ ᠤᠨ ᠲᠠᠪᠤᠳᠤᠭᠠᠷ ᠤᠨ ︵ᠨᠡᠶᠢᠳᠠ ᠶᠢᠨ ᠤᠨ ᠲᠤᠭᠠᠯᠠᠯ ᠤᠨ 1571 ᠤᠨ︶  ᠳᠤ᠂ ᠠᠯᠳᠠᠨ ᠬᠠᠭᠠᠨ ᠮᠢᠩ ᠤᠯᠤᠰ ᠤᠨ ᠬᠠᠭᠠᠨ ᠳᠤ ᠱᠦᠨ ᠢ ︵ᠵᠢᠷᠦᠮ ᠢ ᠲᠠᠭᠠᠭᠴᠢ︶ ᠸᠠᠩ ᠡᠷᠬᠦᠮᠵᠢᠯᠡᠭᠳᠡᠵᠤ ᠂ ᠴᠠᠭᠠᠨ ᠭᠡᠷᠡᠮ ᠤᠨ ᠭᠠᠳᠠᠨᠠᠬᠢ ᠢᠤᠢ ᠯᠢᠨ ᠤ ᠬᠤᠩ ᠱᠠᠨ ᠤ ᠱᠢ ᠪᠦ᠋ ᠬᠡᠬᠦ ᠭᠠᠵᠠᠷ ᠲᠤ ᠤᠷᠳᠤᠰ ᠮᠤᠩᠭᠤᠯ ᠬᠦᠮᠦᠨ ᠲᠠᠢ ᠠᠷᠠᠯᠵᠢᠶ᠎ᠠ ᠬᠢᠬᠦ ᠵᠠᠬ᠎ᠠ ᠲᠡᠯᠭᠡᠬᠦᠷ ᠪᠠᠶᠢᠭᠤᠯᠪᠠ᠃ ᠸᠠᠨ ᠯᠢ ᠶᠢᠨ ᠭᠤᠴᠢᠨ ᠬᠤᠶᠠᠳᠤᠭᠠᠷ ᠤᠨ ︵ᠨᠡᠶᠢᠳᠠ ᠶᠢᠨ ᠤᠨ ᠲᠤᠭᠠᠯᠠᠯ ᠤᠨ 1604 ᠤᠨ︶ ᠳᠤ᠂ ᠯᠢᠭᠳᠡᠨ ᠬᠠᠭᠠᠨ ᠰᠠᠭᠤᠷᠢᠨ ᠢ ᠵᠠᠯᠭᠠᠮᠵᠢᠯᠠᠪᠠ᠃ ᠯᠢᠭᠳᠡᠨ ᠬᠠᠭᠠᠨ ᠮᠤᠩᠭᠤᠯ ᠤᠨ ᠡᠯ᠎ᠠ ᠠᠶᠢᠮᠠᠭ ᠢ ᠨᠢᠭᠡᠳᠭᠡᠬᠦ ᠳᠤ ᠯᠤᠳᠤ ᠶᠡᠭᠡ ᠴᠢᠷᠮᠠᠶᠢᠯᠭ᠎ᠠ ᠭᠠᠷᠭᠠᠪᠠ᠃ ᠼᠦᠩ ᠵᠧᠨ ᠤ ᠲᠠᠪᠤᠳᠤᠭᠠᠷ ᠤᠨ ︵ ᠨᠡᠶᠢᠳᠠ ᠶᠢᠨ ᠤᠨ ᠲᠤᠭᠠᠯᠠᠯ ᠤᠨ 1632 ᠤᠨ︶ ᠳᠤ᠂ ᠯᠢᠭᠳᠡᠨ ᠬᠠᠭᠠᠨ ᠵᠦᠷᠴᠢᠨ ᠠᠶᠢᠮᠠᠭ ᠤᠨ ᠬᠤᠸᠠᠩ ᠲᠠᠢ ᠵᠢᠢ ᠳᠤ ᠪᠠᠶᠢᠯᠳᠤᠨ ᠢᠯᠠᠭᠳᠠᠵᠤ᠂ ᠬᠦᠭᠡᠨᠠᠭᠤᠷ ᠤᠷᠤᠭᠤ ᠤᠬᠤᠷᠢᠪᠠ᠃ ᠤᠷᠳᠤᠰ ᠠᠶᠢᠮᠠᠭ ᠤᠨ ᠵᠢᠨᠦᠩ ᠷᠢᠨᠴᠢᠨ ︵ᠢᠷᠢᠨᠴᠢᠨ︶ ᠯᠢᠭᠳᠡᠨ ᠬᠠᠭᠠᠨ ᠢ ᠲᠠᠭᠠᠵᠤ ᠪᠠᠷᠠᠭᠤᠨᠰᠢ ᠤᠬᠤᠷᠢᠭᠰᠠᠨ ᠦᠭᠡᠢ᠂ ᠤᠷᠢᠳ ᠬᠤᠵᠢᠳ ᠬᠤᠶᠢᠳᠤ ᠶᠢᠨ ᠤᠯᠤᠰ ᠢ ᠲᠠᠭᠠᠵᠤ᠂ ᠲᠦᠰᠢᠮᠡᠯ ᠪᠤᠯᠵᠤ ᠪᠠᠶᠢᠪᠠ᠃    ᠮᠢᠩ ᠤᠯᠤᠰ ᠤᠨ ᠦᠶ᠎ᠠ ᠳᠤ ᠮᠢᠩ ᠤᠯᠤᠰ ᠤᠨ ᠬᠦᠴᠦᠨ ᠭᠡᠳᠦᠶᠢᠪᠡᠷ ᠤᠷᠳᠤᠰ ᠲᠤ ᠲᠡᠶᠢᠮᠤ ᠶᠡᠭᠡ ᠨᠦᠯᠦᠭᠡ ᠦᠵᠡᠬᠦᠯᠦᠭᠰᠡᠨ ᠦᠭᠡᠢ ᠪᠤᠯᠪᠠᠴᠤ᠂ ᠠᠯᠢ ᠤᠯᠠᠨ ᠵᠠᠰᠠᠭ ᠵᠠᠬᠢᠷᠭᠠᠨ ᠤ ᠪᠠᠶᠢᠭᠤᠯᠤᠮᠵᠢ ᠨᠤᠭᠤᠳ ᠢ ᠪᠠᠶᠢᠭᠤᠯᠪᠠ᠃ ᠵᠢᠱᠢᠶᠡᠯᠡᠪᠡᠯ ᠬᠤᠩ ᠡᠤ ᠶᠢᠨ ᠬᠤᠷᠢᠨ ᠲᠠᠪᠤᠳᠤᠭᠠᠷ ᠤᠨ ︵ᠨᠡᠶᠢᠳᠠ ᠶᠢᠨ ᠤᠨ ᠲᠤᠭᠠᠯᠠᠯ ᠤᠨ 1392 ᠤᠨ︶ ᠳᠤ᠂ ᠳ᠋ᠦᠩᠱᠧᠩ ᠤᠨ ᠵᠡᠬᠦᠨ᠂ ᠡᠮᠦᠨ᠎ᠡ᠂ ᠪᠠᠷᠠᠭᠤᠨ᠂ ᠬᠤᠶᠢᠨ᠎ᠠ᠂ ᠲᠤᠮᠳᠠᠳᠤ ᠴᠡᠷᠢᠭ ᠰᠠᠭᠤᠬᠤ ᠭᠠᠵᠠᠷ ᠲᠠᠪᠤ ᠪᠠᠶᠢᠭᠤᠯᠵᠤ᠂  ᠡᠨᠡ ᠨᠢ ᠴᠦᠮ ᠰᠢᠩ ᠳ᠋ᠦ᠋ ᠵᠤᠷᠭᠠᠨ ᠳᠤ ᠬᠠᠮᠢᠶᠠᠷᠤᠭᠳᠠᠵᠤ᠂ ᠰᠡᠬᠦᠯᠡᠷ ᠲᠤᠮᠳᠠᠳᠤ᠂ ᠡᠮᠦᠨ᠎ᠡ᠂ ᠬᠤᠶᠢᠨ᠎ᠠ ᠭᠤᠷᠪᠡᠨ ᠴᠡᠷᠢᠭ ᠰᠠᠭᠤᠬᠤ ᠭᠠᠵᠠᠷ ᠢ ᠬᠠᠰᠤᠵᠤ᠂ ᠵᠦᠪᠭᠡᠨ ᠳ᠋ᠦᠩᠱᠧᠩ ᠤᠨ ᠵᠡᠬᠦᠨ᠂ ᠪᠠᠷᠠᠭᠤᠨ ᠬᠤᠶᠠᠷ ᠴᠡᠷᠢᠭ ᠰᠠᠭᠤᠬᠤ ᠭᠠᠵᠠᠷ ᠢ ᠦᠯᠡᠳᠡᠭᠡᠪᠡ᠃ ᠡᠨᠡ ᠬᠤᠶᠠᠷ ᠴᠡᠷᠢᠭ ᠰᠠᠭᠤᠬᠤ ᠭᠠᠵᠠᠷ ᠢ ᠴᠡᠷᠢᠭ ᠤᠨ ᠳ᠋ᠦ᠋ ᠬᠤ᠋ ᠹᠦ᠋ ᠠᠴᠠ ᠰᠢᠭᠤᠳ ᠬᠠᠮᠢᠶᠠᠷᠴᠤ ᠪᠠᠶᠢᠪᠠ᠃ ᠮᠤᠩᠭᠤᠯ ᠤᠨ ᠡᠯ᠎ᠠ ᠠᠶᠢᠮᠠᠭ ᠤᠨ ᠤᠷᠳᠤᠰ ᠲᠠᠬᠢ ᠲᠠᠶᠢᠨ ᠪᠠᠶᠢᠯᠳᠤᠭᠠᠨ ᠤᠯᠠᠰᠢᠷᠠᠭᠰᠠᠨ ᠢᠶᠠᠷ ᠮᠢᠩ ᠤᠯᠤᠰ ᠤᠨ ᠬᠠᠭᠠᠨ ᠠᠷᠭ᠎ᠠ ᠪᠤᠰᠤ ᠳ᠋ᠦᠩᠱᠧᠩ ᠤᠨ ᠬᠤᠶᠠᠷ ᠴᠡᠷᠢᠭ ᠰᠠᠭᠤᠬᠤ ᠭᠠᠵᠠᠷ ᠢᠶᠠᠨ ᠬᠠᠶᠠᠭᠠᠳ᠂ ᠶᠠᠨ ᠰᠦᠢ ᠶᠢᠨ ᠰᠡᠷᠭᠡᠶᠢᠯᠡᠨ ᠪᠠᠶᠢᠴᠠᠭᠠᠭᠴᠢ ᠪᠠᠷ ᠤᠷᠳᠤᠰ ᠨᠤᠳᠤᠭ ᠢ ᠵᠠᠬᠢᠷᠤᠭᠤᠯᠵᠠᠢ᠃    ᠮᠢᠩ ᠤᠯᠤᠰ ᠤᠨ ᠼᠦᠩ ᠵᠧᠨ ᠤ ᠶᠢᠰᠦᠳᠦᠭᠡᠷ ᠤᠨ ︵ᠨᠡᠶᠢᠳᠠ ᠴᠤᠨ ᠲᠤᠭᠠᠯᠠᠯ ᠤᠨ 1636 ᠤᠨ︶ ᠳᠤ᠂ ᠦᠪᠦᠷ ᠭᠤᠪᠢ ᠶᠢᠨ ᠮᠤᠩᠭᠤᠯ ᠤᠨ ᠠᠷᠪᠠᠨ ᠵᠢᠷᠭᠤᠭᠠᠨ ᠠᠶᠢᠮᠠᠭ᠂ ᠤᠷᠳᠤᠰ ᠢ ᠪᠠᠭᠳᠠᠭᠠᠭᠰᠠᠨ ᠲᠦᠴᠢ ᠶᠢᠰᠦᠨ ᠹᠸᠤᠳᠠᠯ ᠤᠨ ᠡᠵᠡᠳ ᠬᠤᠶᠢᠳᠤ ᠶᠢᠨ ᠤᠯᠤᠰ ᠤᠨ ᠬᠠᠭᠠᠨ ᠬᠤᠸᠠᠩ ᠲᠠᠢ ᠵᠢᠢ ᠶᠢ ᠬᠠᠭᠠᠨ ᠪᠤᠯᠭᠠᠬᠤ ᠪᠠᠷ ᠵᠦᠪᠰᠢᠶᠡᠷᠡᠪᠡ᠃ ᠬᠤᠶᠢᠳᠤ ᠶᠢᠨ ᠤᠯᠤᠰ ᠤᠯᠤᠰ ᠤᠨ ᠴᠤᠯᠠ ᠪᠠᠨ ᠴᠢᠩ ᠬᠡᠵᠤ ᠬᠠᠯᠠᠪᠠ᠃ ᠴᠢᠩ ᠤᠯᠤᠰ ᠤᠷᠳᠤᠰ ᠠᠶᠢᠮᠠᠭ ᠢ ᠵᠢᠷᠭᠤᠭᠠᠨ ᠬᠤᠰᠢᠭᠤ ᠪᠤᠯᠭᠠᠨ ᠬᠤᠪᠢᠶᠠᠵᠤ᠂ ᠵᠢᠷᠭᠤᠭᠠᠨ ᠵᠠᠰᠠᠭ ᠲᠤᠮᠢᠯᠠᠭᠠᠳ᠂ ᠨᠢᠭᠡ ᠴᠢᠭᠤᠯᠭᠠᠨ ᠪᠤᠯᠭᠠᠨ ᠨᠡᠶᠢᠯᠡᠬᠦᠯᠪᠡ᠃ ᠢᠩᠬᠢᠭᠡᠳ ᠵᠢᠷᠢᠮ᠂ ᠵᠤᠰᠤᠳᠤ᠂ ᠵᠤᠤ ᠤᠳᠠ᠂ ᠰᠢᠯᠢ ᠶᠢᠨ ᠭᠤᠤᠯ᠂ ᠤᠯᠠᠭᠠᠨᠴᠠᠪ ᠲᠠᠢ ᠬᠠᠮᠳᠤ ᠲᠤᠳᠤᠭᠠᠳᠤ ᠵᠠᠰᠠᠭ ᠪᠤᠯᠪᠠ᠃ ᠲᠤᠬᠠᠢ ᠶᠢᠨ ᠦᠶ᠎ᠠ ᠶᠢᠨ ᠵᠢᠷᠭᠤᠭᠠᠨ ᠬᠤᠰᠢᠭᠤ ᠶᠢᠨ ᠨᠡᠷ᠎ᠠ ᠶᠢ ᠤᠷᠳᠤᠰ ᠤᠨ ᠵᠡᠬᠦᠨ ᠭᠠᠷ ᠤᠨ ᠲᠤᠮᠳᠠᠳᠤ ᠬᠤᠰᠢᠭᠤ ︵ᠵᠢᠶᠦ᠋ᠨ ᠸᠠᠩ ᠤᠨ ᠬᠤᠰᠢᠭᠤ︶᠂ ᠤᠷᠳᠤᠰ ᠤᠨ ᠵᠡᠬᠦᠨ ᠭᠠᠷ ᠤᠨ ᠡᠮᠦᠨᠡᠳᠤ ᠬᠤᠰᠢᠭᠤ ︵ᠵᠡᠬᠦᠨᠭᠠᠷ ᠬᠤᠰᠢᠭᠤ︶᠂ ᠤᠷᠳᠤᠰ ᠤᠨ ᠵᠡᠬᠦᠨ ᠭᠠᠷ ᠤᠨ ᠬᠤᠶᠢᠳᠤ ᠬᠤᠰᠢᠭᠤ ︵ᠲᠠᠯᠠᠳ ᠬᠤᠰᠢᠭᠤ︶᠂ ᠤᠷᠳᠤᠰ ᠤᠨ ᠪᠠᠷᠠᠭᠤᠨ ᠭᠠᠷ ᠤᠨ ᠲᠤᠮᠳᠠᠳᠤ ᠬᠤᠰᠢᠭᠤ ︵ᠤᠳᠤᠭ ᠬᠤᠰᠢᠭᠤ ︶᠂ ᠤᠷᠳᠤᠰ ᠤᠨ ᠪᠠᠷᠠᠭᠤᠨ ᠭᠠᠷ ᠤᠨ ᠡᠮᠦᠨᠡᠳᠤ ᠬᠤᠰᠢᠭᠤ ︵ᠦᠤᠰᠢᠨ ᠬᠤᠰᠢᠭᠤ︶᠂ ᠤᠷᠳᠤᠰ ᠤᠨ ᠪᠠᠷᠠᠭᠤᠨ ᠭᠠᠷ ᠤᠨ ᠬᠤᠶᠢᠳᠤ ᠬᠤᠰᠢᠭᠤ ︵ᠬᠠᠩᠬᠢᠨ ᠬᠤᠰᠢᠭᠤ︶ ᠭᠡᠪᠡ᠃    ᠡᠶᠡᠪᠡᠷ ᠵᠠᠰᠠᠭᠴᠢ ᠶᠢᠨ ᠵᠢᠷᠭᠤᠳᠤᠭᠠᠷ ᠤᠨ ︵ᠨᠡᠶᠢᠳᠠ ᠶᠢᠨ ᠤᠨ ᠲᠤᠭᠠᠯᠠᠯ ᠤᠨ 1649 ᠤᠨ︶ ᠳᠤ᠂ ᠴᠢᠩ ᠤᠯᠤᠰ ᠠᠴᠠ ᠤᠷᠳᠤᠰ ᠤᠨ ᠵᠢᠨᠦᠩ ᠷᠢᠨᠴᠢᠨ ︵ᠢᠷᠢᠨᠴᠢᠨ︶ ᠢ ᠲᠦᠷᠤ ᠶᠢᠨ ᠵᠢᠶᠦ᠋ᠨ ᠸᠠᠩ ᠡᠷᠬᠦᠮᠵᠢᠯᠡᠵᠤ᠂ ᠦᠶ᠎ᠠ ᠵᠠᠯᠭᠠᠮᠵᠢᠯᠠᠬᠤ ᠪᠤᠯᠭᠠᠭᠠᠳ᠂ ᠵᠡᠬᠦᠨ ᠭᠠᠷ ᠤᠨ ᠲᠤᠮᠳᠠᠳᠤ ᠬᠤᠰᠢᠭᠤᠨ ᠤ ᠵᠠᠰᠠᠭ ᠤᠨ ᠲᠤᠰᠢᠶᠠᠯ ᠢ ᠬᠠᠷᠢᠭᠤᠴᠠᠭᠤᠯᠵᠤ ᠂ ᠲᠤᠤᠷ᠎ᠠ ᠨᠢ ᠠᠷᠪᠠᠨ ᠲᠤᠯᠤᠭᠠᠨ ᠰᠤᠮᠤ ᠬᠠᠷᠢᠶᠠᠯᠠᠭᠤᠯᠪᠠ᠃ ᠲᠤᠰ ᠬᠤᠰᠢᠭᠤ ᠶᠢᠨ ᠪᠡᠯᠴᠢᠭᠡᠷ ᠪᠤᠯ ᠵᠡᠬᠦᠨᠳᠠᠢ ᠪᠠᠨ ᠬᠦᠨ ᠡᠷᠡᠵᠢ ᠶᠢᠨ ᠰᠦᠮ᠎ᠡ ᠠᠴᠠ ᠵᠢᠷᠠᠨ ᠲᠠᠪᠤᠨ ᠭᠠᠵᠠᠷ ᠤᠨ ᠦᠵᠦᠬᠦᠷ ᠲᠠᠬᠢ ᠵᠡᠬᠦᠨ ᠭᠠᠷ ᠤᠨ ᠡᠮᠦᠨᠡᠳᠤ ᠬᠤᠰᠢᠭᠤ ᠲᠠᠢ  ᠬᠢᠯᠢ ᠨᠡᠶᠢᠯᠡᠵᠤ᠂ ᠡᠮᠦᠨ᠎ᠡ ᠪᠠᠨ ᠰᠠᠶᠢᠨᠳᠤᠷ ᠠᠴᠠ ᠬᠤᠶᠠᠷ ᠵᠠᠭᠤᠨ ᠭᠠᠵᠠᠷ ᠲᠤ ᠬᠢᠯᠢ ᠨᠡᠶᠢᠯᠡᠵᠤ᠂ ᠪᠠᠷᠠᠭᠤᠨᠳᠠᠢ ᠪᠠᠨ ᠴᠠᠭᠠᠨ ᠡᠷᠡᠵᠢ ᠠᠴᠠ ᠲᠠᠪᠢᠨ ᠭᠠᠵᠠᠷ ᠤᠨ ᠦᠵᠦᠬᠦᠷ ᠲᠠᠬᠢ ᠪᠠᠷᠠᠭᠤᠨ ᠭᠠᠷ ᠤᠨ ᠡᠮᠦᠨᠡᠳᠤ ᠬᠤᠰᠢᠭᠤ ᠲᠠᠢ ᠬᠢᠯᠢ ᠨᠡᠶᠢᠯᠡᠵᠤ᠂ ᠬᠤᠶᠢᠨ᠎ᠠ ᠪᠠᠨ ᠬᠠᠷ᠎ᠠ ᠪᠤᠯᠠᠭ ᠠᠴᠠ ᠨᠢᠭᠡ ᠵᠠᠭᠤᠨ ᠬᠤᠷᠢᠨ ᠭᠠᠵᠠᠷ ᠤᠨ ᠦᠵᠦᠬᠦᠷ ᠲᠠᠬᠢ ᠪᠠᠷᠠᠭᠤᠨ ᠭᠠᠷ ᠤᠨ ᠬᠤᠶᠢᠳᠤ ᠬᠤᠰᠢᠭᠤ ᠲᠠᠢ ᠬᠢᠯᠢ ᠨᠡᠶᠢᠯᠡᠵᠤ ᠪᠠᠶᠢᠪᠠ᠃    ᠡᠶᠡᠪᠡᠷ ᠵᠠᠰᠠᠭᠴᠢ ᠶᠢᠨ ᠲᠤᠯᠤᠳᠤᠭᠠᠷ ᠤᠨ ︵ᠨᠡᠶᠢᠳᠠ ᠶᠢᠨ ᠤᠨ ᠲᠤᠭᠠᠯᠠᠯ ᠤᠨ1650 ᠤᠨ︶ ᠳᠤ᠂ ᠴᠢᠩ ᠤᠯᠤᠰ ᠵᠢᠨᠤᠩ ᠷᠢᠨᠴᠢᠨ ︵ᠢᠷᠢᠨᠴᠢᠨ︶ ᠤ ᠤᠳᠤᠮ ᠤᠨ ᠬᠦᠤ ᠰᠠᠨᠳᠠᠨ ᠢ ᠲᠦᠷᠤ ᠶᠢᠨ ᠪᠠᠶᠢᠯᠠ ᠡᠷᠬᠦᠮᠵᠢᠯᠡᠵᠤ᠂ ᠦᠶ᠎ᠠ ᠵᠠᠯᠭᠠᠮᠵᠢᠯᠠᠬᠤ ᠪᠤᠯᠭᠠᠭᠠᠳ᠂ ᠪᠠᠷᠠᠭᠤᠨ ᠭᠠᠷ ᠤᠨ ᠲᠤᠮᠳᠠᠳᠤ ᠬᠤᠰᠢᠭᠤᠨ ᠤ ᠵᠠᠰᠠᠭ ᠤᠨ ᠲᠤᠰᠢᠶᠠᠯ ᠢ ᠬᠠᠷᠢᠭᠤᠴᠠᠭᠤᠯᠵᠤ᠂ ᠲᠤᠤᠷ᠎ᠠ ᠨᠢ ᠨᠠᠶᠠᠨ ᠳᠥᠷᠪᠡᠨ ᠰᠤᠮᠤ ᠬᠠᠷᠢᠶᠠᠯᠠᠭᠤᠯᠪᠠ᠃ ᠲᠤᠰ ᠬᠤᠰᠢᠭᠤᠨ ᠤ ᠪᠡᠯᠴᠢᠭᠡᠷ ᠪᠤᠯ ᠵᠡᠬᠦᠨᠳᠠᠢ ᠪᠠᠨ ᠴᠠᠭᠠᠨ ᠵᠠᠳᠠᠭᠠᠢ ᠨᠠᠭᠤᠷ ᠠᠴᠠ ᠲᠠᠯᠠᠨ ᠲᠠᠪᠤᠨ ᠭᠠᠵᠠᠷ ᠤᠨ ᠦᠵᠦᠬᠦᠷ ᠲᠠᠬᠢ ᠪᠠᠷᠠᠭᠤᠨ ᠭᠠᠷ ᠤᠨ ᠬᠤᠶᠢᠳᠤ ᠬᠤᠰᠢᠭᠤ ᠲᠠᠢ ᠬᠢᠯᠢ ᠨᠡᠶᠢᠯᠡᠵᠤ᠂ ᠡᠮᠦᠨ᠎ᠡ ᠪᠠᠨ ᠬᠠᠳᠠᠳᠤ ᠠᠭᠤᠯᠠᠨ ᠠᠴᠠ ᠭᠤᠷᠪᠠᠨ ᠵᠠᠭᠤᠨ ᠲᠠᠯᠠᠨ ᠭᠠᠵᠠᠷ ᠤᠨ ᠦᠵᠦᠬᠦᠷ ᠲᠠᠬᠢ ᠪᠠᠷᠠᠭᠤᠨ ᠭᠠᠷ ᠤᠨ ᠡᠮᠦᠨᠡᠳᠤ ᠬᠤᠰᠢᠭᠤ ᠲᠠᠢ ᠵᠠᠬ᠎ᠠ ᠨᠡᠶᠢᠯᠡᠵᠤ᠂ ᠪᠠᠷᠠᠭᠤᠨᠳᠠᠢ ᠪᠠᠨ ᠴᠠᠭᠠᠨ ᠲᠤᠬᠤᠢ ᠠᠴᠠ ᠬᠤᠶᠠᠷ ᠵᠠᠭᠤᠨ ᠲᠠᠪᠢᠨ ᠭᠠᠵᠠᠷ ᠤᠨ ᠦᠵᠦᠬᠦᠷ ᠲᠠᠬᠢ ᠰᠠᠶᠢᠨ ᠨᠤᠶᠠᠨ ᠤ ᠵᠡᠬᠦᠨ ᠭᠠᠷ ᠤᠨ ᠪᠠᠷᠠᠭᠤᠨ ᠬᠤᠰᠢᠭᠤ ᠲᠠᠢ ᠵᠠᠬ᠎ᠠ ᠨᠡᠶᠢᠯᠡᠵᠤ᠂ ᠬᠤᠶᠢᠰᠢ ᠪᠠᠨ ᠮᠠ ᠶᠢᠨ ᠱᠠᠨ ᠠᠭᠤᠯᠠᠨ ᠠᠴᠠ ᠨᠢᠭᠡ ᠵᠠᠭᠤ ᠠᠷᠪᠠᠨ ᠭᠠᠵᠠᠷ ᠤᠨ ᠦᠵᠦᠬᠦᠷ ᠲᠠᠬᠢ ᠪᠠᠷᠠᠭᠤᠨ ᠭᠠᠷ ᠤᠨ ᠬᠤᠶᠢᠳᠤ ᠬᠤᠰᠢᠭᠤ ᠲᠠᠢ ᠵᠠᠬ᠎ᠠ ᠨᠡᠶᠢᠯᠡᠵᠤ ᠪᠠᠶᠢᠪᠠ᠃   ᠡᠶᠠᠪᠡᠷ ᠵᠠᠰᠠᠭᠴᠢ ᠶᠢᠨ ᠲᠤᠯᠤᠳᠤᠭᠠᠷ ᠤᠨ ᠳᠤ᠂ ᠴᠢᠩ ᠤᠯᠤᠰ ᠵᠢᠨᠦᠩ ᠷᠢᠨᠴᠢᠨ ︵ᠢᠷᠢᠨᠴᠢᠨ︶ ᠤ ᠦᠶᠡᠯᠢᠳ ᠲᠡᠬᠦᠤ ᠱᠠᠭᠵᠠ ᠶᠢ ᠬᠤᠰᠢᠭᠤ ᠪᠠᠶᠢᠰᠠ ᠡᠷᠬᠦᠮᠵᠢᠯᠡᠵᠤ᠂ ᠦᠶ᠎ᠠ ᠵᠠᠯᠭᠠᠮᠵᠢᠯᠠᠬᠤ ᠪᠤᠯᠭᠠᠭᠠᠳ᠂ ᠵᠡᠬᠦᠨ ᠭᠠᠷ ᠤᠨ ᠬᠤᠶᠢᠳᠤ ᠬᠤᠰᠢᠭᠤ ᠶᠢᠨ ᠵᠠᠰᠠᠭ ᠤᠨ ᠲᠤᠰᠢᠶᠠᠯ ᠢ ᠬᠠᠷᠢᠭᠤᠴᠠᠭᠤᠯᠵᠤ᠂ ᠲᠤᠤᠷ᠎ᠠ ᠨᠢ ᠲᠦᠴᠢᠨ ᠰᠤᠮᠤ ᠬᠠᠷᠢᠶᠠᠯᠠᠭᠤᠯᠪᠠ᠃ ᠵᠡᠬᠦᠨ ᠭᠠᠷ ᠤᠨ ᠬᠤᠶᠢᠳᠤ ᠬᠤᠰᠢᠭᠤᠨ ᠤ ᠪᠡᠯᠴᠢᠭᠡᠷ ᠪᠤᠯ ᠵᠡᠬᠦᠨᠳᠠᠢ ᠪᠠᠨ ᠬᠠᠳᠤᠨ ᠭᠤᠤᠯ ᠤᠨ ᠮᠤᠤ ᠲᠠᠢ ᠶᠢᠨ ᠤᠯᠤᠮ ᠠᠴᠠ ᠨᠢᠭᠡ ᠵᠠᠭᠤᠨ ᠲᠠᠪᠢᠨ ᠭᠠᠵᠠᠷ ᠤᠨ ᠦᠵᠦᠬᠦᠷ ᠲᠠᠬᠢ ᠬᠦᠢ ᠬᠤᠸᠠ ᠬᠤᠳᠠ ᠶᠢᠨ ᠲᠦᠮᠡᠳ ᠲᠠᠢ ᠵᠠᠬ᠎ᠠ ᠨᠡᠶᠢᠯᠡᠵᠤ᠂ ᠡᠮᠦᠨ᠎ᠡ ᠪᠠᠨ ᠬᠤᠸᠠ ᠲᠤᠯᠤᠭᠠᠢ ᠠᠴᠠ ᠨᠢᠭᠡ ᠵᠠᠭᠤ ᠠᠷᠪᠠᠨ ᠭᠠᠵᠠᠷ ᠤᠨ ᠦᠵᠦᠬᠦᠷ ᠲᠠᠬᠢ ᠵᠡᠬᠦᠨ ᠭᠠᠷ ᠤᠨ ᠡᠮᠦᠨᠡᠳᠤ ᠬᠤᠰᠢᠭᠤ ᠲᠠᠢ ᠵᠠᠬ᠎ᠠ ᠨᠡᠶᠢᠯᠡᠵᠤ᠂ ᠪᠠᠷᠠᠭᠤᠨᠳᠠᠢ ᠪᠠᠨ ᠴᠠᠭᠠᠨ ᠡᠷᠡᠵᠢ ᠠᠴᠠ ᠨᠢᠭᠡ ᠵᠠᠭᠤ ᠭᠤᠴᠢᠨ ᠭᠠᠵᠠᠷ ᠤᠨ ᠦᠵᠦᠬᠦᠷ ᠲᠠᠬᠢ ᠵᠡᠬᠦᠨ ᠭᠠᠷ ᠤᠨ ᠲᠤᠮᠳᠠᠳᠤ ᠬᠤᠰᠢᠭᠤ ᠲᠠᠢ ᠵᠠᠬ᠎ᠠ ᠨᠡᠶᠢᠯᠡᠵᠤ᠂ ᠬᠤᠶᠢᠨ᠎ᠠ ᠪᠠᠨ ᠬᠠᠷ᠎ᠠ ᠤᠰᠤᠨ ᠨᠠᠭᠤᠷ ᠠᠴᠠ ᠬᠤᠷᠢᠨ ᠭᠠᠵᠠᠷ ᠤᠨ ᠦᠵᠦᠬᠦᠷ ᠲᠠᠬᠢ ᠤᠷᠠᠳ ᠲᠠᠢ ᠵᠠᠬ᠎ᠠ ᠨᠡᠶᠢᠯᠡᠵᠤ ᠪᠠᠶᠢᠪᠠ᠃    ᠡᠶᠡᠪᠡᠷ ᠵᠠᠰᠠᠭᠴᠢ ᠶᠢᠨ ᠵᠢᠷᠭᠤᠳᠤᠭᠠᠷ ᠤᠨ ᠳᠤ ᠴᠢᠩ ᠤᠯᠤᠰ ᠵᠢᠨᠤᠩ ᠷᠢᠨᠴᠢᠨ ︵ᠢᠷᠢᠨᠴᠢᠨ︶ ᠤ ᠦᠶᠡᠯᠢᠳ ᠬᠦᠤ ᠷᠢᠨᠴᠢᠨ ᠢ ᠬᠤᠰᠢᠭᠤ ᠪᠠᠶᠢᠰᠠ ᠡᠷᠬᠦᠮᠵᠢᠯᠡᠵᠤ᠂ ᠦᠶ᠎ᠠ ᠵᠠᠯᠭᠠᠮᠵᠢᠯᠠᠬᠤ ᠪᠤᠯᠭᠠᠭᠠᠳ᠂ ᠪᠠᠷᠠᠭᠤᠨ ᠭᠠᠷ ᠤᠨ ᠡᠮᠦᠨᠡᠳᠤ ᠬᠤᠰᠢᠭᠤᠨ ᠤ ᠵᠠᠰᠠᠭ ᠤᠨ ᠲᠤᠰᠢᠶᠠᠯ ᠢ ᠬᠠᠷᠭᠤᠴᠠᠭᠤᠯᠵᠤ ᠲᠤᠤᠷ᠎ᠠ ᠨᠢ ᠲᠦᠴᠢᠨ ᠬᠤᠶᠠᠷ ᠰᠤᠮᠤ ᠬᠠᠷᠢᠶᠠᠯᠠᠭᠤᠯᠪᠠ᠃ ᠪᠠᠷᠠᠭᠤᠨ ᠭᠠᠷ ᠤᠨ ᠡᠮᠦᠨᠡᠳᠤ ᠬᠤᠰᠢᠭᠤᠨ ᠤ ᠪᠡᠯᠴᠢᠭᠡᠷ ᠪᠤᠯ ᠵᠡᠬᠦᠨᠳᠠᠢ ᠪᠠᠨ ᠴᠠᠭᠠᠨ ᠡᠷᠡᠵᠢ ᠠᠴᠠ ᠲᠠᠪᠢᠨ ᠭᠠᠵᠠᠷ ᠤᠨ ᠦᠵᠦᠬᠦᠷ ᠲᠠᠬᠢ ᠵᠡᠬᠦᠨ ᠭᠠᠷ ᠤᠨ ᠲᠤᠮᠳᠠᠳᠤ ᠬᠤᠰᠢᠭᠤ ᠲᠠᠢ ᠵᠠᠬ᠎ᠠ ᠨᠡᠶᠢᠯᠡᠵᠤ᠂ ᠡᠮᠦᠨ᠎ᠡ ᠪᠠᠨ ᠲᠡᠮᠭᠡᠳᠤ ᠶᠢᠨ ᠴᠡᠷᠢᠭ ᠰᠠᠭᠤᠬᠤ ᠭᠠᠵᠠᠷ ᠠᠴᠠ ᠬᠤᠶᠠᠷ ᠵᠠᠭᠤᠨ ᠭᠤᠴᠢᠨ ᠭᠠᠵᠠᠷ ᠤᠨ ᠦᠵᠦᠬᠦᠷ ᠲᠠᠬᠢ ᠪᠠᠷᠠᠭᠤᠨ ᠭᠠᠷ ᠤᠨ ᠲᠤᠮᠳᠠᠳᠤ ᠬᠤᠰᠢᠭᠤ ᠲᠠᠢ ᠵᠠᠬ᠎ᠠ ᠨᠡᠶᠢᠯᠡᠵᠤ᠂ ᠬᠤᠶᠢᠨ᠎ᠠ ᠪᠠᠨ ᠬᠠᠷᠬᠤᠰᠤᠨ ᠠᠴᠠ ᠨᠢᠭᠡ ᠵᠠᠭᠤ ᠲᠦᠴᠢᠨ ᠭᠠᠵᠠᠷ ᠤᠨ ᠦᠵᠦᠬᠦᠷ ᠲᠡᠭᠡᠢ ᠪᠠᠷᠠᠭᠤᠨ ᠭᠠᠷ ᠤᠨ ᠬᠤᠶᠢᠳᠤ ᠬᠤᠰᠢᠭᠤ ᠲᠠᠢ ᠵᠠᠬ᠎ᠠ ᠨᠡᠶᠢᠯᠡᠵᠤ ᠪᠠᠶᠢᠪᠠ᠃    ᠡᠶᠡᠪᠡᠷ ᠵᠠᠰᠠᠭᠴᠢ ᠶᠢᠨ ᠵᠢᠷᠭᠤᠳᠤᠭᠠᠷ ᠤᠨ ᠳᠤ᠂ ᠴᠢᠩ ᠤᠯᠤᠰ ᠵᠢᠨᠤᠩ ᠷᠢᠨᠴᠢᠨ ︵ᠢᠷᠢᠨᠴᠢᠨ︶ ᠤ ᠦᠶᠡᠯᠢᠳ ᠬᠦᠤ ᠵᠠᠮᠰᠤ ᠶᠢ ᠤᠯᠤᠰ ᠤᠨ ᠲᠦᠰᠢᠶ᠎ᠠ ᠬᠦᠩ ᠡᠷᠬᠦᠮᠵᠢᠯᠡᠵᠤ᠂ ᠦᠶ᠎ᠠ ᠵᠠᠯᠠᠭᠠᠮᠵᠢᠯᠠᠬᠤ ᠪᠤᠯᠭᠠᠭᠠᠳ᠂ ᠪᠠᠷᠠᠭᠤᠨ ᠭᠠᠷ ᠤᠨ ᠬᠤᠶᠢᠳᠤ ᠬᠤᠰᠢᠭᠤᠨ ᠤ ᠵᠠᠰᠠᠭ ᠤᠨ ᠲᠤᠰᠢᠶᠠᠯ ᠢ ᠬᠠᠷᠢᠭᠤᠴᠠᠭᠤᠯᠵᠤ᠂ ᠲᠤᠤᠷ᠎ᠠ ᠨᠢ ᠭᠤᠴᠢᠨ ᠵᠢᠷᠭᠤᠭᠠᠨ ᠰᠤᠮᠤ ᠬᠠᠷᠢᠶᠠᠯᠠᠭᠤᠯᠪᠠ᠃ ᠪᠠᠷᠠᠭᠤᠨ ᠭᠠᠷ ᠤᠨ ᠬᠤᠶᠢᠳᠤ ᠬᠤᠰᠢᠭᠤᠨ ᠤ ᠪᠡᠯᠴᠢᠭᠡᠷ ᠪᠤᠯ ᠵᠡᠬᠦᠨᠳᠠᠢ ᠪᠠᠨ ᠲᠤᠮᠤ ᠭᠤᠤᠯ ᠠᠴᠠ ᠲᠦᠴᠢᠨ ᠭᠠᠵᠠᠷ ᠤᠨ ᠦᠵᠦᠬᠦᠷ ᠲᠠᠬᠢ ᠵᠡᠬᠦᠨ ᠭᠠᠷ ᠤᠨ ᠬᠤᠶᠢᠳᠤ ᠬᠤᠰᠢᠭᠤ ᠲᠠᠢ ᠵᠠᠬ᠎ᠠ ᠨᠡᠶᠢᠯᠡᠵᠤ᠂ ᠪᠠᠷᠠᠭᠤᠨᠳᠠᠢ ᠪᠠᠨ ᠭᠠᠵᠠᠷ ᠠᠭᠤᠯᠠᠨ ᠠᠴᠠ ᠨᠢᠭᠡ ᠵᠠᠭᠤ ᠲᠦᠴᠢᠨ ᠭᠠᠵᠠᠷ ᠤᠨ ᠦᠵᠦᠬᠦᠷ ᠲᠠᠬᠢ ᠪᠠᠷᠠᠭᠤᠨ ᠭᠠᠷ ᠤᠨ ᠲᠤᠮᠳᠠᠳᠤ ᠬᠤᠰᠢᠭᠤ ᠲᠠᠢ ᠵᠠᠬ᠎ᠠ ᠨᠡᠶᠢᠯᠡᠵᠤ᠂ ᠬᠤᠶᠢᠨ᠎ᠠ ᠪᠠᠨ ᠰᠠᠶᠢᠨ ᠲᠤᠯᠤᠭᠠᠢ ᠮᠤᠳᠤ ᠠᠴᠠ ᠬᠤᠷᠢᠨ ᠭᠠᠵᠠᠷ ᠤᠨ ᠦᠵᠦᠬᠦᠷ ᠲᠠᠬᠢ ᠤᠷᠠᠳ ᠲᠠᠢ ᠵᠠᠬ᠎ᠠ ᠨᠡᠶᠢᠯᠡᠵᠤ ᠪᠠᠶᠢᠪᠠ᠃    ᠡᠶᠡᠪᠡᠷ ᠵᠠᠰᠠᠭᠴᠢ ᠶᠢᠨ ᠵᠢᠷᠭᠤᠳᠤᠭᠠᠷ ᠤᠨ ᠳᠤ᠂ ᠴᠢᠩ ᠤᠯᠤᠰ ᠵᠢᠨᠤᠩ ᠷᠢᠨᠴᠢᠨ ︵ᠢᠷᠢᠨᠴᠢᠨ︶ ᠤ ᠦᠶᠡᠯᠢᠳ ᠬᠦᠤ ᠰᠡᠷᠡᠩ ᠢ ᠬᠤᠰᠢᠭᠤ ᠪᠠᠶᠢᠰᠠ ᠡᠷᠬᠦᠮᠵᠢᠯᠡᠵᠤ᠂ ᠦᠶ᠎ᠠ ᠵᠠᠯᠭᠠᠮᠵᠢᠯᠠᠬᠤ ᠪᠤᠯᠭᠠᠭᠠᠳ᠂ ᠵᠡᠬᠦᠨ ᠭᠠᠷ ᠤᠨ ᠡᠮᠦᠨᠡᠳᠤ ᠬᠤᠰᠢᠭᠤᠨ ᠤ ᠵᠠᠰᠠᠭ ᠤᠨ ᠲᠤᠰᠢᠶᠠᠯ ᠬᠠᠷᠢᠭᠤᠴᠠᠭᠤᠯᠵᠤ ᠲᠦᠴᠢᠨ ᠬᠤᠶᠠᠷ ᠰᠤᠮᠤ ᠬᠠᠷᠢᠶᠠᠯᠠᠭᠤᠯᠪᠠ᠃ ᠲᠤᠰ ᠬᠤᠰᠢᠭᠤᠨ ᠤ ᠪᠡᠯᠴᠢᠭᠡᠷ ᠪᠤᠯ ᠵᠡᠬᠦᠨᠳᠠᠢ ᠪᠠᠨ ᠬᠦᠢᠳᠡᠨ ᠬᠤᠰᠢᠭᠤ ᠠᠴᠠ ᠬᠤᠶᠢᠰᠢ ᠨᠢᠭᠡ ᠵᠠᠭᠤ ᠲᠦᠴᠢᠨ ᠲᠠᠪᠤᠨ ᠭᠠᠵᠠᠷ ᠤᠨ ᠦᠵᠦᠬᠦᠷ ᠲᠠᠬᠢ ᠲᠦᠮᠡᠳ ᠲᠠᠢ ᠵᠠᠬ᠎ᠠ ᠨᠡᠶᠢᠯᠡᠵᠤ᠂ ᠡᠮᠦᠨ᠎ᠡ ᠪᠠᠨ ᠴᠢᠩ ᠱᠦᠢ ᠶᠢᠩ ᠠᠴᠠ ᠨᠢᠭᠡ ᠵᠠᠭᠤ ᠠᠷᠪᠠᠨ ᠭᠠᠵᠠᠷ ᠤᠨ ᠦᠵᠦᠬᠦᠷ ᠲᠠᠬᠢ ᠪᠢᠶᠠᠨ ᠴᠧᠩ ᠬᠤᠳᠠ ᠲᠠᠢ ᠵᠠᠬ᠎ᠠ ᠨᠡᠶᠢᠯᠡᠵᠤ᠂ ᠪᠠᠷᠠᠭᠤᠨᠳᠠᠢ ᠪᠠᠨ ᠡᠷᠡᠵᠢ ᠶᠢᠨ ᠰᠦᠮ᠎ᠡ ᠠᠴᠠ ᠨᠢᠭᠡ ᠵᠠᠭᠤᠨ ᠭᠠᠵᠠᠷ ᠤᠨ ᠦᠵᠦᠬᠦᠷ ᠲᠠᠬᠢ ᠵᠡᠬᠦᠨ ᠭᠠᠷ ᠤᠨ ᠲᠤᠮᠳᠠᠳᠤ ᠬᠤᠰᠢᠭᠤ ᠲᠠᠢ ᠵᠠᠬ᠎ᠠ ᠨᠡᠶᠢᠯᠡᠵᠤ᠂ ᠬᠤᠶᠢᠨ᠎ᠠ ᠪᠠᠨ ᠬᠤᠸᠠ ᠲᠤᠯᠤᠭᠠᠢ ᠠᠴᠠ ᠨᠢᠭᠡ ᠵᠠᠭᠤᠨ ᠭᠠᠵᠠᠷ ᠤᠨ ᠦᠵᠦᠬᠦᠷ ᠲᠠᠬᠢ ᠵᠡᠬᠦᠨ ᠭᠠᠷ ᠤᠨ ᠬᠤᠶᠢᠳᠤ ᠬᠤᠰᠢᠭᠤ ᠲᠠᠢ ᠵᠠᠬ᠎ᠠ ᠨᠡᠶᠢᠯᠡᠵᠤ ᠪᠠᠶᠢᠪᠠ᠃    ᠲᠤᠭᠠᠷ ᠵᠠᠶᠢᠰᠠᠩ ᠶᠡᠭᠡ ᠵᠠᠮᠰᠤ ᠶᠢ ᠲᠠᠭᠠᠵᠤ᠂ ᠤᠷᠪᠠᠯᠭᠠᠨ ᠭᠠᠷᠭᠠᠭᠰᠠᠨ ᠦᠭᠡᠢ ᠪᠤᠯᠬᠤᠷ᠂ ᠴᠢᠩ ᠤᠯᠤᠰ ᠲᠤ ᠭᠠᠪᠢᠶ᠎ᠠ ᠪᠠᠶᠢᠭᠤᠯᠤᠭᠠᠳ᠂ ᠲᠡᠳ᠋ ᠵᠡᠷᠭᠡ ᠶᠢᠨ ᠲᠠᠶᠢᠵᠢ ᠪᠤᠯᠪᠠ᠃ ᠲᠡᠷᠠ ᠪᠠᠰᠠ ᠶᠡᠭᠡ ᠴᠡᠷᠢᠭ ᠢ ᠲᠠᠭᠠᠵᠤ᠂ ᠲᠡᠷᠭᠡ ︵ᠬᠤᠸᠠ ᠮᠠ ‍ᠤᠤᠢ︶ ᠶᠢᠨ ᠤᠷᠪᠠᠯᠭᠠᠨ ᠢ ᠲᠠᠷᠤᠩᠭᠤᠶᠢᠯᠠᠨ ᠲᠦᠪᠰᠢᠳᠭᠡᠭᠡᠳ᠂ ᠲᠡᠷᠢᠬᠦᠨ ᠵᠡᠷᠭᠡ ᠶᠢᠨ ᠲᠠᠶᠢᠵᠢ ᠪᠤᠯᠤᠨ ᠲᠡᠪᠰᠢᠪᠡ᠃ ᠢᠩᠬᠢᠭᠰᠡᠨ ᠠᠴᠠ ᠲᠡᠭᠷᠢ ᠲᠡᠳᠬᠦᠭᠴᠢ ᠶᠢᠨ ᠠᠩᠬᠠᠳᠤᠭᠠᠷ ᠤᠨ ︵ᠨᠡᠶᠢᠳᠠ ᠶᠢᠨ ᠤᠨ ᠲᠤᠭᠠᠯᠠᠯ ᠤᠨ1736 ᠤᠨ︶ ᠳᠤ᠂ ᠨᠢᠭᠡ ᠬᠤᠰᠢᠭᠤ ᠨᠡᠮᠡᠵᠤ᠂ ᠲᠡᠬᠦᠨ ᠢᠶᠠᠷ ᠬᠤᠰᠢᠭᠤᠨ ᠤ ᠵᠠᠰᠠᠭ ᠤᠨ ᠲᠤᠰᠢᠶᠠᠯ ᠢ ᠬᠠᠷᠢᠭᠤᠴᠠᠭᠤᠯᠵᠤ᠂ ᠲᠡᠭᠷᠢ ᠲᠡᠳᠭᠦᠭᠴᠢ ᠶᠢᠨ ᠲᠦᠴᠢ ᠶᠢᠰᠦᠨ ᠤᠨ ︵ᠨᠡᠶᠢᠳᠠ ᠶᠢᠨ ᠤᠨ ᠲᠤᠭᠠᠯᠠᠯ ᠤᠨ1784 ᠤᠨ︶ ᠳᠤ᠂ ᠦᠶ᠎ᠠ ᠵᠠᠯᠭᠠᠮᠵᠢᠯᠠᠬᠤ ᠪᠤᠯᠭᠠᠭᠠᠳ ᠲᠤᠤᠷ᠎ᠠ ᠨᠢ ᠠᠷᠪᠠᠨ ᠭᠤᠷᠪᠠᠨ ᠰᠤᠮᠤ ᠬᠠᠷᠢᠶᠠᠯᠠᠭᠤᠯᠵᠤ᠂ ᠪᠠᠷᠠᠭᠤᠨ ᠭᠠᠷ ᠤᠨ ᠡᠮᠦᠨᠡᠳᠤ ᠠᠳᠠᠭ ᠬᠤᠰᠢᠭᠤ ᠭᠡᠪᠡ᠃ ᠡᠨᠡ ᠬᠤᠰᠢᠭᠤᠨ ᠤ ᠪᠡᠯᠴᠢᠭᠡᠷ ᠪᠤᠯ ᠵᠡᠬᠦᠨᠳᠠᠢ ᠪᠠᠨ ᠨᠠᠷᠢᠨ ᠰᠢᠯᠢ ᠬᠦᠷᠴᠤ᠂ ᠪᠠᠷᠠᠭᠤᠨᠳᠠᠢ ᠪᠠᠨ ᠪᠠᠷᠠᠭᠤᠨ ᠭᠠᠷ ᠤᠨ ᠡᠮᠦᠨᠡᠳᠤ ᠬᠤᠰᠢᠭᠤ ᠲᠠᠢ ᠵᠠᠬ᠎ᠠ ᠨᠡᠶᠢᠯᠡᠵᠤ᠂ ᠡᠮᠦᠨ᠎ᠡ ᠪᠠᠨ ᠱᠠᠨᠰᠢ ᠮᠤᠵᠢ ᠶᠢᠨ ᠰᠠᠶᠢᠨᠳᠤᠷ ᠲᠠᠢ ᠵᠠᠬ᠎ᠠ ᠨᠡᠶᠢᠯᠡᠵᠤ᠂ ᠬᠤᠶᠢᠨ᠎ᠠ ᠪᠠᠨ ᠵᠡᠬᠦᠨ ᠭᠠᠷ ᠤᠨ ᠲᠤᠮᠳᠠᠳᠤ ᠬᠤᠰᠢᠭᠤ ᠲᠠᠢ ᠵᠠᠬ᠎ᠠ ᠨᠡᠶᠢᠯᠡᠵᠤ ᠪᠠᠶᠢᠪᠠ᠃    ᠴᠢᠩ ᠤᠯᠤᠰ ᠤᠨ ᠦᠶ᠎ᠠ ᠶᠢᠨ ᠤᠷᠳᠤᠰ ᠲᠤ ᠲᠡᠭᠡᠷ᠎ᠠ ᠲᠤᠷᠠᠳᠤᠭᠰᠠᠨ ᠲᠤᠯᠤᠭᠠᠨ ᠬᠤᠰᠢᠭᠤᠨ ᠠᠴᠠ ᠭᠠᠳᠠᠨ᠎ᠠ᠂ ᠪᠠᠰᠠ ᠴᠢᠩᠬᠢᠰ ᠤᠨ ᠤᠩᠭᠤᠨ ᠢ ᠰᠠᠬᠢᠵᠤ᠂ ᠮᠦᠷᠬᠦᠯ ᠲᠠᠬᠢᠯᠭ᠎ᠠ ᠶᠢ ᠡᠷᠬᠢᠯᠡᠨ ᠭᠢᠳᠡᠭ ᠲᠠᠷᠬᠠᠳ ᠠᠶᠢᠮᠠᠭ ᠪᠤᠢ᠃ ᠲᠡᠷᠠ ᠪᠤᠯ ᠰᠢᠭᠤᠳ ᠤᠷᠳᠤᠰ ᠤᠨ ᠵᠢᠨᠤᠩ ᠳᠤ ᠬᠠᠷᠢᠶᠠᠯᠠᠭᠳᠠᠨ ᠬᠠᠮᠢᠶᠠᠷᠤᠭᠳᠠᠵᠤ ᠪᠠᠶᠢᠪᠠ᠃    ᠴᠢᠩ ᠤᠯᠤᠰ ᠤᠨ ᠦᠶ᠎ᠠ ᠳᠤ ᠤᠷᠳᠤᠰ ᠤᠨ ᠬᠢᠯᠢ ᠳᠤ ᠪᠠᠰᠠ ᠲᠤᠯᠤᠭᠠᠨ ᠤᠯᠠᠭ᠎ᠠ ᠦᠷᠳᠡᠭᠡ ᠲᠠᠢ ᠪᠠᠶᠢᠪᠠ᠃ ᠡᠬᠦᠨ ᠳᠤ ᠲᠤᠭᠤᠷᠭ᠎ᠠ᠂ ᠵᠡᠬᠦᠨ ᠰᠤᠬᠠᠢ᠂ ᠵᠢᠭᠠᠰᠤᠳᠠᠢ᠂ ᠪᠠᠶᠠᠨᠪᠤᠯᠠᠭ᠂ ᠠᠷᠤ ᠤᠷᠳᠤ᠂ ᠪᠠᠷᠠᠭᠤᠨ ᠰᠤᠬᠠᠢ᠂ ᠴᠠᠭᠠᠨ ᠲᠤᠯᠤᠭᠠᠢ ᠵᠡᠷᠭᠡ ᠪᠤᠯᠤᠨ᠎ᠠ᠃ ᠤᠯᠠᠭ᠎ᠠ ᠦᠷᠳᠡᠭᠡ ᠨᠦᠭᠦᠳ ᠭᠠᠵᠠᠷ ᠤᠨ ᠪᠠᠶᠢᠴᠠ ᠶᠢᠨ ᠲᠠᠯ᠎ᠠ ᠪᠠᠷ ᠤᠷᠳᠤᠰ ᠤᠨ ᠡᠯ᠎ᠠ ᠮᠤᠩᠭᠤᠯ ᠬᠤᠰᠢᠭᠤᠨ ᠳᠤ ᠪᠠᠶᠢᠪᠠᠴᠤ᠂ ᠮᠤᠩᠭᠤᠯ ᠬᠤᠰᠢᠭᠤᠳ ᠲᠤ ᠬᠠᠷᠢᠶᠠᠯᠠᠭᠳᠠᠬᠤ ᠦᠭᠡᠢ᠂ ᠮᠤᠩᠭᠤᠯ ᠬᠤᠰᠢᠭᠤᠳ ᠤᠨ ᠤᠨᠴᠤᠭᠤᠢ ᠤᠷᠤᠨ ᠪᠤᠯᠤᠨ᠎ᠠ᠃ ᠲᠡᠬᠦᠨ ᠢ ᠱᠠ ᠬᠤ᠋ ᠺᠸᠤ ᠶᠢᠨ ᠤᠠᠯᠭ᠎ᠠ ᠶᠢᠨ ᠦᠷᠳᠡᠭᠡ ᠠᠴᠠ ᠬᠠᠷᠢᠭᠤᠴᠠᠨ ᠬᠠᠮᠢᠶᠠᠷᠴᠤ ᠪᠠᠶᠢᠪᠠ᠃    ᠤᠷᠳᠤᠰ ᠲᠤ ᠵᠠᠰᠠᠭ ᠵᠠᠬᠢᠷᠭᠠᠨ ᠤ ᠡᠷᠭᠡ ᠪᠠᠨ ᠶᠠᠪᠤᠭᠤᠯᠤᠭᠰᠠᠳ ᠲᠤ ᠪᠠᠰᠠ ᠰᠦᠢ ᠶᠤᠸᠠᠨ ᠤ ᠵᠠᠩᠵᠤᠨ᠂ ᠱᠠᠨᠰᠢ ᠮᠤᠵᠢ ᠶᠢᠨ ᠰᠠᠶᠢᠨᠳᠤᠷ ᠰᠢᠶᠠᠨ ᠤ ᠭᠡᠷᠡᠭ ᠮᠡᠳᠡᠭᠴᠢ᠂ ᠱᠠᠨᠰᠢ ᠮᠤᠵᠢ ᠶᠢᠨ ᠰᠠᠶᠢᠨᠳᠤᠷ ᠰᠢᠶᠠᠨ ᠤ ᠬᠤᠰᠢᠭᠤ ᠪᠠᠶᠢᠴᠠᠭᠠᠭᠴᠢ᠂ ᠭᠠᠨᠰᠤ ᠮᠤᠵᠢ ᠶᠢᠨ ᠨᠢᠩᠰᠢᠶᠠ ᠹᠦ᠋ ᠶᠢᠨ ᠭᠡᠷᠡᠭ ᠮᠡᠳᠡᠭᠴᠢ᠂ ᠭᠠᠨᠰᠤ ᠮᠤᠵᠢ ᠶᠢᠨ ᠨᠢᠩᠰᠢᠶᠠ ᠹᠦ᠋ ᠶᠢᠨ ᠬᠤᠰᠢᠭᠤ ᠪᠠᠶᠢᠴᠠᠭᠠᠭᠴᠢ ᠵᠡᠷᠭᠡ ᠪᠠᠶᠢᠪᠠ᠃ ᠰᠦᠢ ᠶᠤᠸᠠᠨ ᠤ ᠵᠠᠩᠵᠤᠨ ᠤ ᠲᠤᠤᠷ᠎ᠠ ᠰᠦᠢ ᠶᠤᠸᠠᠨ ᠬᠤᠳᠠᠨ ᠤ ᠬᠤᠶᠠᠷ ᠲᠡᠳ᠋ ᠳ᠋ᠦᠲ᠋ᠦ᠋ᠩ ᠪᠤᠢ᠂ ᠨᠢᠭᠡ ᠨᠢ ᠪᠠᠷᠠᠭᠤᠨ ᠴᠡᠷᠢᠭ ᠰᠠᠭᠤᠬᠤ ᠭᠠᠵᠠᠷ ᠤᠨ ᠲᠡᠳ᠋ ᠳ᠋ᠦᠲ᠋ᠦ᠋ᠩ ᠪᠤᠯᠤᠨ᠎ᠠ᠂ ᠨᠢᠭᠡ ᠨᠢ ᠬᠦᠢ ᠬᠤᠸᠠ ᠬᠤᠳᠠ ᠶᠢᠨ ᠲᠡᠳ᠋ ᠳ᠋ᠦᠲ᠋ᠦ᠋ᠩ ᠪᠤᠯᠤᠨ᠎ᠠ᠃ ᠪᠠᠰᠠ ᠨᠢᠭᠡ ᠰᠦᠢ ᠶᠤᠸᠠᠨ ᠤ ᠤᠯᠠᠭ᠎ᠠ ᠦᠷᠳᠡᠭᠡ ᠪᠤᠢ᠃ ᠲᠡᠳᠡᠨ ᠤ ᠡᠷᠭᠡ ᠶᠢᠨ ᠬᠦᠷᠢᠶ᠎ᠠ ᠭᠡᠪᠴᠢᠶ᠎ᠠ ᠪᠤᠯ ᠤᠷᠳᠤᠰ ᠢ ᠪᠠᠭᠳᠠᠭᠠᠭᠰᠠᠨ ᠬᠦᠢ ᠰᠦᠢ ᠳ᠋ᠤᠤ ᠶᠢᠨ ᠤᠯᠤᠰ ᠲᠦᠷᠦ᠂ ᠵᠠᠰᠠᠭ ᠵᠠᠬᠢᠷᠭ᠎ᠠ᠂ ᠴᠡᠷᠢᠭ ᠤᠨ ᠶᠠᠪᠤᠳᠠᠯ ᠤᠨ ᠤᠴᠢᠷ ᠤᠳ ᠢ ᠬᠠᠮᠢᠶᠠᠷᠤᠨ᠎ᠠ᠃ ᠱᠠᠨᠰᠢ ᠮᠤᠵᠢ ᠶᠢᠨ ᠰᠠᠶᠢᠨᠳᠤᠷ ᠰᠢᠶᠠᠨ ᠤᠨ ᠤ ᠭᠡᠷᠡᠭ ᠮᠡᠳᠡᠭᠴᠢ ᠪᠤᠯ ᠤᠷᠳᠤᠰ ᠤᠨ ᠵᠡᠬᠦᠨ ᠭᠠᠷ ᠤᠨ ᠲᠤᠮᠳᠠᠳᠤ ᠬᠤᠰᠢᠭᠤ᠂ ᠪᠠᠷᠠᠭᠤᠨ ᠭᠠᠷ ᠤᠨ ᠡᠮᠦᠨᠡᠳᠤ ᠠᠳᠠᠭ ᠬᠤᠰᠢᠭᠤ᠂ ᠪᠠᠷᠠᠭᠤᠨ ᠭᠠᠷ ᠤᠨ ᠡᠮᠦᠨᠡᠳᠤ ᠬᠤᠰᠢᠭᠤ᠂ ᠪᠠᠷᠠᠭᠤᠨ ᠭᠠᠷ ᠤᠨ ᠬᠤᠶᠢᠳᠤ ᠬᠤᠰᠢᠭᠤ᠂ ᠵᠡᠬᠦᠨ ᠭᠠᠷ ᠤᠨ ᠡᠮᠦᠨᠡᠳᠤ ᠬᠤᠰᠢᠭᠤ᠂ ᠵᠡᠬᠦᠨ ᠭᠠᠷ ᠤᠨ ᠬᠤᠶᠢᠳᠤ ᠬᠤᠰᠢᠭᠤ ᠶᠢᠨ ᠬᠢᠯᠢ ᠲᠤᠳᠤᠷᠠᠬᠢ ᠮᠤᠩᠭᠤᠯ ᠬᠢᠳᠠᠳ ᠤᠨ ᠬᠤᠭᠤᠷᠤᠨᠳᠤᠬᠢ ᠡᠯ᠎ᠠ ᠵᠦᠢᠯ ᠤᠨ ᠤᠴᠢᠷ ᠤᠳ ᠢ ᠰᠢᠢᠳᠪᠦᠷᠢᠯᠡᠨ᠎ᠡ᠃ ᠭᠠᠨᠰᠤ ᠮᠤᠵᠢ ᠶᠢᠨ ᠨᠢᠩᠰᠢᠶᠠ ᠹᠦ᠋ ᠶᠢᠨ ᠭᠡᠷᠡᠭ ᠮᠡᠳᠡᠭᠴᠢ ᠪᠤᠯ ᠤᠷᠳᠤᠰ ᠤᠨ ᠪᠠᠷᠠᠭᠤᠨ ᠭᠠᠷ ᠤᠨ ᠲᠤᠮᠳᠠᠳᠤ ᠬᠤᠰᠢᠭᠤᠨ ᠤ ᠬᠢᠯᠢ ᠲᠤᠳᠤᠷ᠎ᠠ ᠡᠬᠦᠰᠦᠭᠰᠡᠨ ᠮᠤᠩᠭᠤᠯ ᠬᠢᠳᠠᠳ ᠤᠨ ᠬᠤᠭᠤᠷᠤᠨᠳᠤᠬᠢ ᠤᠴᠢᠷ ᠤᠳ ᠢ ᠬᠠᠮᠢᠶᠠᠷᠴᠤ ᠪᠠᠶᠢᠪᠠ᠃    ᠭᠡᠪᠳᠤ ᠶᠤᠰᠤᠨ ᠤ ᠭᠤᠷᠪᠠᠳᠤᠭᠠᠷ ᠤᠨ ︵ᠨᠡᠶᠢᠳᠠ ᠶᠢᠨ ᠤᠨ ᠲᠤᠭᠠᠯᠠᠯ ᠤᠨ1911 ᠤᠨ︶ ᠬᠦᠷᠳᠡᠯ᠎ᠠ᠂ ᠴᠢᠩ ᠤᠯᠤᠰ ᠤᠨ ᠬᠠᠭᠠᠨ ᠲᠡᠭᠡᠷ᠎ᠠ ᠲᠤᠷᠠᠳᠤᠭᠰᠠᠨ ᠵᠠᠰᠠᠭ ᠵᠠᠬᠢᠷᠭᠠᠨ ᠤ ᠪᠠᠶᠢᠭᠤᠯᠤᠮᠵᠢ ᠪᠠᠷ ᠲᠠᠮᠵᠢᠭᠤᠯᠤᠨ ᠤᠷᠳᠤᠰ ᠢ ᠨᠤᠶᠠᠷᠬᠠᠵᠤ ᠪᠠᠶᠢᠪᠠ᠃ ᠪᠡᠯᠡᠳᠬᠡᠭᠰᠡᠨ ᠨᠢ᠄ ᠡᠷᠳᠡᠨᠢᠬᠦᠦᠨᠠᠶᠢᠷᠠᠭᠤᠯᠤᠭᠰᠠᠨ ᠨᠢ᠄ ᠨᠠᠮᠤᠷᠬᠢᠨᠠᠭᠰᠠᠨ ᠨᠢ᠄ ᠤᠷᠢᠬᠠᠨ
 
ᠢᠷᠡᠯᠲᠡ᠄ ᠲᠣᠲᠣᠷᠬᠠᠢ ᠦᠭᠡᠢ
 
 
ᠬᠠᠮᠢᠶ᠎ᠡ ᠪᠦᠬᠦᠢ ᠰᠣᠨᠢᠨ
  
ᠠᠯᠠᠱᠠ ᠦᠷᠡᠰ ᠨᠠᠶᠢᠷ ᠤᠨ ᠡᠭᠦᠰᠦᠯᠲᠡ ᠲᠡᠤᠬᠡ
ᠠᠯᠠᠱᠠ ᠣᠷᠴᠢᠭᠤᠯᠭ᠎ᠠ ᠶᠢᠨ ᠰᠤᠷᠭᠠᠭᠤᠯᠢ ᠶᠢᠨ ᠠᠩᠭᠢ ᠪᠠᠶᠢᠭᠤᠯᠪᠠ
ᠠᠯᠠᠱᠠ ᠦᠬᠢᠳ ᠤᠨ ᠰᠤᠷᠭᠠᠭᠤᠯᠢ  ᠶᠢ ᠪᠠᠶᠢᠭᠤᠯᠪᠠ
ᠠᠯᠠᠱᠠ ᠪᠠᠭᠰᠢ ᠶᠢᠨ ᠰᠤᠷᠭᠠᠭᠤᠯᠢ ᠪᠠᠶᠢᠭᠤᠯᠪᠠ
ᠪᠠᠭ᠎ᠠ ᠬᠡᠤᠬᠡᠳ ᠢ ᠯᠠᠮᠠ ᠪᠣᠯᠭᠠᠬᠤ ᠶᠢ ᠬᠤᠷᠢᠭᠯᠠᠭᠰᠠᠨ ᠨᠢ
2014-2015 ©  ᠦᠪᠦᠷ ᠮᠣᠩᠭᠤᠯ ᠤᠨ ᠮᠦᠩᠭᠡᠭᠠᠯ ᠰᠣᠹᠲ ᠤᠨ ᠬᠤᠪᠢᠴᠠᠭᠠᠨ ᠤ ᠬᠢᠵᠠᠭᠠᠷᠲᠦ ᠺᠣᠮᠫᠠᠨᠢ ᠪᠦᠬᠦ ᠵᠦᠢᠯ ᠬᠠᠤᠯᠢ ᠪᠠᠷ ᠬᠠᠮᠠᠭᠠᠯᠠᠭᠳᠠᠭᠰᠠᠨ᠂ ᠵᠦᠪᠰᠢᠶᠡᠷᠡᠯ ᠦᠭᠡᠢ ᠪᠠᠷ ᠬᠠᠭᠤᠯᠪᠤᠷᠢᠯᠠᠬᠤ ᠶᠢ ᠡᠷᠡᠰ ᠬᠤᠷᠢᠭᠯᠠᠨ᠎ᠠ 蒙ICP备05070829号