| ᠭᠤᠴᠢᠨ ᠨᠢᠭᠡᠳᠦᠭᠡᠷ ᠪᠦᠯᠦᠭ | ᠲᠡᠭᠡᠷᠡ ᠬᠡᠯᠡᠭᠰᠡᠨ ᠮᠡᠳᠦ ᠪᠠᠷ ᠸᠠᠶᠢᠰ ᠬᠠᠭᠠᠨ ᠦᠪᠡᠷ ᠤᠨ ᠶᠡᠭᠡ ᠠᠪᠠᠭᠠ ᠰᠢᠷ · ᠮᠠᠬᠠᠮᠠᠳ᠋ ᠬᠠᠭᠠᠨ ᠠᠴᠠ | ᠰᠠᠯᠵᠣ ᠶᠠᠪᠣᠭᠰᠠᠨ ᠤ ᠰᠡᠬᠦᠯᠡᠷ ᠮᠠᠰᠢ ᠣᠯᠠᠨ ᠬᠦᠮᠦᠨ ᠲᠡᠭᠦᠨ ᠢ ᠲᠠᠭᠠᠬᠤ ᠪᠠᠷ ᠢᠷᠡᠪᠡ᠃ ᠲᠡᠳᠡ ᠰᠢᠷ · ᠮᠠᠬᠠᠮᠠᠳ᠋ | ᠬᠠᠭᠠᠨ ᠤ ᠬᠢᠯᠢ ᠲᠣᠲᠣᠷᠠ᠂ ᠡᠰᠡᠬᠦᠯᠡ ᠬᠢᠵᠠᠭᠠᠷ ᠬᠦᠪᠡᠭᠡ ᠪᠠᠷ᠂ ᠣᠨᠴᠠᠭᠠᠶᠢᠯᠠᠨ ᠯᠣᠪ · ᠺᠠᠲᠠᠺ ᠪᠠ ᠰᠠᠷᠢ | ᠣᠶᠢᠭᠤᠷ ᠤᠨ ᠣᠷᠴᠢᠨ ᠲᠣᠭᠤᠷᠢᠨ ᠢᠶᠠᠷ ᠪᠣᠯᠢᠶᠠᠨ ᠲᠡᠭᠡᠷᠡᠮᠳᠡᠵᠦ ᠶᠠᠪᠣᠵᠣ ᠪᠠᠶᠢᠪᠠ᠃ | ᠣᠯᠠᠮᠵᠢᠯᠠᠯ ᠶᠠᠷᠢᠶᠠ ᠳᠤ ᠦᠵᠦᠩ · ᠰᠣᠯᠲ᠋ᠠᠨ · ᠬᠠᠨᠢᠮ ᠢ ᠡᠮᠢᠷ · ᠰᠠᠶ᠋ᠢᠳ᠋ · ᠠᠯᠢ ᠳᠤ ᠪᠣᠭᠳᠣᠯᠣᠨ ᠦᠭᠬᠦ | ᠭᠡᠵᠦ ᠪᠠᠶᠢᠭᠠ ᠦᠶᠡ ᠳᠤ᠂ ᠡᠮᠢᠷ · ᠰᠠᠶ᠋ᠢᠳ᠋ · ᠠᠯᠢ ᠡᠨᠡᠬᠦ ᠬᠤᠷᠢᠮ ᠤᠨ ᠬᠤᠭᠤᠯᠠ ᠣᠮᠳᠠ ᠶᠢ ᠪᠡᠯᠡᠳᠭᠡᠬᠦ ᠶᠢᠨ | ᠲᠦᠯᠦᠭᠡ ᠠᠪᠠ ᠳᠤ ᠭᠠᠷᠴᠠᠢ᠃ ᠲᠡᠭᠡᠭᠡᠳ ᠦᠨᠡᠬᠡᠷ ᠨᠢᠭᠡ ᠪᠦᠳᠦᠭᠦᠨ ᠲᠣᠮᠣ ᠪᠣᠭᠤ ᠠᠪᠠᠯᠠᠨ ᠢᠷᠡᠪᠡ᠃ ᠲᠡᠭᠡᠭᠡᠳ | ᠡᠨᠡᠬᠦ ᠬᠤᠷᠢᠮ ᠲᠡᠭᠡᠷᠡ ᠪᠠᠨ ᠢᠳᠡᠭᠰᠡᠨ ᠭᠡᠨᠡ᠃ ᠡᠭᠦᠨ ᠠᠴᠠ ᠦᠵᠡᠪᠡᠯ ᠲᠡᠭᠦᠨ ᠤ ᠬᠤᠷᠢᠮ ᠤᠨ ᠦᠪᠡᠳᠡᠭᠰᠢ ᠶᠡᠭᠡ | ᠶᠢ ᠣᠶᠢᠯᠭᠠᠵᠣ ᠪᠣᠯᠣᠨᠠ᠃ | ᠸᠠᠶᠢᠰ ᠬᠠᠭᠠᠨ ᠡᠨᠡᠬᠦ ᠣᠯᠣᠰ ᠲᠣᠲᠣᠷᠠ ᠦᠪᠡᠷ ᠤᠨ ᠴᠢᠳᠠᠪᠣᠷᠢ ᠶᠢ ᠭᠠᠷᠭᠠᠵᠣ ᠲᠡᠶᠢᠯᠦᠬᠦ ᠦᠭᠡᠢ ᠶᠢ | ᠦᠵᠡᠭᠡᠳ᠂ ᠠᠳᠡ ᠠᠴᠠ ᠰᠠᠯᠵᠣ ᠲᠦᠷᠺᠰᠲ᠋ᠠᠨ ᠳᠤ ᠣᠴᠢᠪᠠ᠃ ᠲᠣᠬᠠᠢ ᠶᠢᠨ ᠦᠶᠡ ᠳᠤ ᠲᠦᠷᠺᠰᠲ᠋ᠠᠨ ᠤ | ᠵᠠᠬᠢᠷᠣᠭᠴᠢ ᠨᠢ ᠡᠮᠢᠷ ᠲᠡᠮᠦᠷ ᠤᠨ ᠢᠳᠡᠭᠡᠯᠳᠦ ᠶᠡᠭᠡ ᠵᠠᠩᠵᠣᠨ ᠬᠢᠪᠴᠠᠭ ᠬᠦᠮᠦᠨ ᠰᠠᠷ · ᠪᠣᠬᠠ ᠶᠢᠨ ᠬᠦᠪᠡᠭᠦᠨ | ᠱᠠᠾ · ᠨᠣᠷᠣᠯᠳᠢᠨ ᠪᠠᠶᠢᠪᠠ᠃ ᠸᠠᠶᠢᠰ ᠬᠠᠭᠠᠨ ᠦᠩᠭᠡᠷᠡᠭᠰᠡᠨ ᠳᠤ ᠲᠡᠭᠦᠨ ᠲᠠᠢ ᠶᠠᠪᠣᠯᠴᠠᠭᠠ ᠲᠠᠢ ᠪᠠᠶᠢᠭᠰᠠᠨ ᠶᠣᠮ | ᠃ ᠲᠡᠭᠡᠭᠡᠳ ᠲᠡᠷᠡ ᠪᠠᠰᠠ ᠰᠢᠷ · ᠮᠠᠬᠠᠮᠠᠳ᠋ ᠬᠠᠭᠠᠨ ᠲᠠᠢ ᠵᠦᠷᠢᠴᠡᠯ ᠲᠠᠢ ᠪᠠᠶᠢᠭᠰᠠᠨ ᠲᠣᠯᠠ ᠲᠡᠷᠡ ᠦᠪᠡᠷ ᠤᠨ | ᠬᠡᠣᠬᠡᠨ ᠳ᠋ᠠᠣᠯᠠ · ᠰᠣᠯᠲ᠋ᠠᠨ · ᠰᠠᠬᠠᠨᠵᠢ② ᠶᠢ ᠸᠠᠶᠢᠰ ᠬᠠᠭᠠᠨ ᠳᠤ ᠪᠣᠭᠳᠣᠯᠣᠨ ᠦᠭᠴᠡᠢ᠃ ᠸᠠᠶᠢᠰ ᠬᠠᠭᠠᠨ ᠠᠴᠠ | ᠰᠢᠷ · ᠮᠠᠬᠠᠮᠠᠳ᠋ ᠬᠠᠭᠠᠨ ᠢ ᠲᠣᠪᠳᠣᠯᠬᠤ ᠦᠶᠡ ᠳᠤ ᠱᠠᠾ · ᠨᠣᠷᠣᠯᠳᠢᠨ ᠴᠦ ᠪᠦᠬᠦ ᠬᠦᠴᠦ ᠪᠠᠷ ᠲᠡᠮᠵᠢᠵᠦ ᠪᠠᠶᠢᠪᠠ | ᠃ ᠭᠡᠶᠡ ᠸᠠᠶᠢᠰ ᠬᠠᠭᠠᠨ ᠲᠡᠭᠦᠨ ᠤ ᠠᠪᠠᠭᠠ ᠬᠠᠭᠠᠨ ᠢᠶᠠᠨ ᠲᠣᠪᠳᠣᠯᠬᠤ ᠪᠣᠯᠭᠠᠨ ᠰᠢᠷ · ᠮᠠᠬᠠᠮᠠᠳ᠋ ᠬᠠᠭᠠᠨ ᠣᠳᠠᠭᠠ | ᠪᠣᠯᠭᠠᠨ ᠢᠯᠠᠵᠣ ᠯᠠ ᠪᠠᠶᠢᠪᠠ᠃ ᠨᠢᠭᠡ ᠣᠳᠠᠭᠠ ᠬᠤᠶᠠᠷ ᠲᠠᠯᠠ ᠪᠠᠷ ᠢᠶᠠᠨ ᠮᠣᠩᠭᠤᠯᠰᠲ᠋ᠠᠨ ᠤ ᠬᠠᠷᠠᠨ · ᠺᠠᠩᠯᠢᠭ | ᠭᠡᠳᠡᠭ ᠭᠠᠵᠠᠷ ᠲᠤ ᠪᠠᠶᠢᠯᠳᠣᠭᠠᠳ᠂ ᠸᠠᠶᠢᠰ ᠬᠠᠭᠠᠨ ᠬᠤᠯᠠ ᠵᠠᠮ ᠠᠴᠠ ᠲᠣᠪᠳᠣᠯᠭᠠᠨ ᠢᠷᠡᠵᠦ᠂ ᠦᠪᠡᠷ ᠤᠨ | ᠲᠦᠷᠪᠡᠨ ᠮᠢᠩᠭᠠᠨ ᠮᠣᠷᠢᠳᠣ ᠴᠡᠷᠢᠭ ᠢᠶᠠᠷ ᠰᠦᠨᠢ ᠶᠢᠨ ᠭᠦᠨ ᠳᠤ ᠰᠢᠷ · ᠮᠠᠬᠠᠮᠠᠳ᠋ ᠬᠠᠭᠠᠨ ᠤ ᠴᠡᠷᠢᠭ ᠤᠨ ᠬᠦᠷᠢᠶᠡ | ᠶᠢ ᠭᠡᠨᠡᠳᠳᠡ ᠲᠠᠭᠠᠷᠢᠨ ᠲᠣᠪᠳᠣᠯᠪᠠ᠃ ᠲᠠᠶᠢᠨ ᠤ ᠪᠠᠶᠢᠳᠠᠯ ᠪᠢᠰᠢᠳᠡᠵᠦ ᠪᠠᠶᠢᠭᠠ ᠦᠶᠡ ᠳᠤ ᠰᠢᠷ · ᠮᠠᠬᠠᠮᠠᠳ᠋ | ᠬᠠᠭᠠᠨ ᠨᠢᠭᠡᠨ ᠭᠤᠣ ᠲᠣᠲᠣᠷᠠ ᠦᠰᠦᠷᠦᠨ ᠣᠷᠣᠵᠣ ᠨᠢᠭᠤᠭᠳᠠᠵᠠᠢ᠃ ᠸᠠᠶᠢᠰ ᠬᠠᠭᠠᠨ ᠲᠡᠭᠦᠨ ᠤ ᠴᠡᠷᠢᠭ ᠤᠨ | ᠬᠦᠷᠢᠶᠡ ᠶᠢ ᠪᠦᠰᠡᠯᠡᠨ᠂ ᠲᠡᠭᠷᠢ ᠭᠡᠭᠡᠷᠡᠳᠡᠯᠡ ᠰᠢᠷ · ᠮᠠᠬᠠᠮᠠᠳ᠋ ᠬᠠᠭᠠᠨ ᠢ ᠨᠠᠷᠢᠪᠴᠢᠯᠠᠨ ᠨᠡᠩᠵᠢᠭᠰᠡᠨ ᠪᠣᠯᠪᠠᠴᠣ | ᠲᠡᠭᠦᠨ ᠤ ᠮᠦᠷ ᠰᠡᠭᠦᠳᠡᠷ ᠢ ᠴᠦ ᠣᠯᠵᠣ ᠴᠢᠳᠠᠭᠰᠠᠨ ᠦᠭᠡᠢ᠃ ᠬᠠᠷᠢᠨ ᠲᠠᠭᠠᠷᠢᠯᠳᠣᠭᠰᠠᠨ ᠪᠣᠯᠭᠠᠨ ᠢ ᠠᠯᠠᠨ | ᠬᠢᠳᠣᠭᠰᠠᠭᠠᠷ ᠪᠠᠶᠢᠵᠣ᠂ ᠲᠡᠭᠷᠢ ᠭᠡᠭᠡᠷᠡᠭᠡᠳ ᠲᠡᠳᠡ ᠲᠣᠳᠠᠭᠠᠯᠳᠣᠨ ᠶᠠᠪᠣᠪᠠ᠃ ᠰᠢᠷ · ᠮᠠᠬᠠᠮᠠᠳ᠋ ᠬᠠᠭᠠᠨ | ᠨᠢᠭᠤᠭᠳᠠᠵᠣ ᠪᠠᠶᠢᠭᠰᠠᠨ ᠭᠤᠣ ᠰᠣᠪᠠᠭ ᠠᠴᠠ ᠮᠦᠯᠬᠦᠨ ᠭᠠᠷᠴᠣ ᠢᠷᠡᠬᠦ ᠦᠶᠡ ᠳᠤ᠂ ᠲᠡᠭᠦᠨ ᠤ ᠲᠣᠣᠷᠠᠬᠢ ᠴᠡᠷᠢᠭ | ᠴᠦ ᠠᠭᠠᠵᠢᠮ ᠢᠶᠠᠷ ᠬᠤᠷᠠᠨ ᠢᠷᠡᠵᠡᠭᠡᠵᠦ ᠪᠠᠶᠢᠪᠠ᠃ ᠲᠡᠭᠡᠭᠡᠳ ᠲᠡᠷᠡ ᠲᠣᠣᠷᠠᠬᠢ ᠴᠡᠷᠢᠭ ᠬᠤᠶᠠᠭ ᠢᠶᠠᠨ | ᠴᠣᠭᠯᠠᠭᠤᠯᠣᠨ᠂ ᠸᠠᠶᠢᠰ ᠬᠠᠭᠠᠨ ᠤ ᠬᠤᠶᠢᠨᠠ ᠠᠴᠠ ᠨᠡᠬᠡᠮᠵᠢᠯᠡᠨ ᠬᠦᠭᠡᠭᠡᠪᠡ᠃ ᠸᠠᠶᠢᠰ ᠬᠠᠭᠠᠨ ᠲᠠᠬᠢᠨ ᠲᠠᠪᠳᠠᠨ | ᠠᠶᠣᠯ ᠲᠦᠭᠰᠢᠭᠦᠷᠢ ᠳᠤ ᠲᠣᠯᠭᠠᠷᠠᠭᠰᠠᠭᠠᠷ ᠪᠠᠶᠢᠵᠣ᠂ ᠡᠴᠦᠰ ᠲᠡᠭᠡᠨ ᠵᠦᠳᠡᠵᠦ ᠭᠠᠭᠴᠠ ᠪᠡᠶᠡ ᠪᠠᠷ ᠲᠣᠳᠠᠭᠠᠨ | ᠭᠠᠷᠴᠠᠢ᠃ ᠬᠤᠵᠢᠮ ᠲᠡᠳᠡ ᠬᠤᠶᠠᠭᠤᠯᠠ ᠶᠢᠨ ᠲᠠᠶᠢᠨ ᠲᠣᠯᠣᠯᠳᠣᠭᠠᠨ ᠲᠠᠬᠢᠨ ᠲᠠᠪᠳᠠᠨ ᠦᠷᠬᠦᠯᠵᠢᠯᠡᠭᠰᠡᠭᠡᠷ ᠪᠠᠶᠢᠵᠣ | ᠣᠨ ᠣᠳᠠᠵᠣ᠂ ᠬᠡᠵᠢᠶᠡ ᠬᠤᠶᠢᠨᠠ ᠰᠢᠷ · ᠮᠠᠬᠠᠮᠠᠳ᠋ ᠬᠠᠭᠠᠨ ᠨᠠᠰᠣ ᠪᠠᠷᠠᠭᠠᠳ ᠰᠠᠶ᠋ᠢ ᠵᠣᠭᠰᠣᠭᠰᠠᠨ ᠶᠣᠮ᠃ | ᠲᠡᠭᠡᠭᠡᠳ ᠸᠠᠶᠢᠰ ᠬᠠᠭᠠᠨ ᠰᠠᠶ᠋ᠢ ᠬᠠᠭᠠᠨ ᠰᠠᠭᠤᠷᠢᠨ ᠢ ᠵᠠᠯᠭᠠᠮᠵᠢᠯᠠᠭᠰᠠᠨ③ ᠠᠵᠠᠢ᠃ | ᠲᠣᠰ ᠪᠦᠯᠦᠭ ᠤᠨ ᠲᠠᠶᠢᠯᠪᠣᠷᠢ | ① ᠲᠡᠭᠡᠷᠡ ᠲᠣᠷᠠᠳᠣᠭᠰᠠᠨ ᠪᠠᠷᠲ᠋ᠣᠯᠢᠲ ᠤᠨ ᠨᠣᠮ ᠤᠨ ᠨᠠᠶᠠᠨ ᠲᠠᠪᠣᠳᠣᠭᠠᠷ ᠨᠢᠭᠤᠷ ᠲᠤ ᠬᠡᠯᠡᠭᠰᠡᠨ ᠢᠶᠠᠷ ᠰᠢᠷ · | ᠮᠠᠬᠠᠮᠠᠳ᠋ ᠬᠠᠭᠠᠨ ᠪᠣᠯ ᠱᠠᠾ · ᠵᠢᠬᠠᠨ ᠤ ᠬᠦᠪᠡᠭᠦᠨ᠂ ᠱᠠᠾ · ᠵᠢᠬᠠᠨ ᠪᠣᠯ ᠾᠢᠳᠢᠷ ᠬᠤᠵᠠ ᠶᠢᠨ ᠲᠦᠷᠪᠡᠨ | ᠬᠦᠪᠡᠭᠦᠳ ᠤᠨ ᠨᠢᠭᠡ ᠨᠢ ᠮᠦᠨ᠃ ᠾᠢᠳᠢᠷ ᠬᠤᠵᠠ ᠶᠢᠨ ᠲᠦᠷᠪᠡᠨ ᠬᠦᠪᠡᠭᠦᠳ ᠨᠢ ᠱᠠᠮᠢᠴᠠᠭᠠᠨ᠂ ᠮᠠᠬᠠᠮᠠᠳ᠋᠂ | ᠰᠢᠷ · ᠠᠯᠢ ᠪᠣᠯᠣᠨ ᠱᠠᠾ · ᠵᠢᠬᠠᠨ ᠪᠣᠯᠣᠨᠠ ᠭᠡᠪᠡ᠃ ᠭᠡᠳᠡᠯᠡ ︽ᠷᠠᠰᠢᠳ᠋ ᠶᠢᠨ ᠲᠡᠣᠬᠡ︾ ᠳᠤ ᠰᠢᠷ · ᠮᠠᠬᠠᠮᠠᠳ᠋ ᠢ | ᠮᠠᠬᠠᠮᠠᠳ᠋ ᠶᠢᠨ ᠬᠦᠪᠡᠭᠦᠨ ᠭᠡᠪᠡ᠃ ᠪᠠᠰᠠ ᠨᠢᠭᠡ ᠨᠢ ︽ᠸᠠᠶᠢᠰ ᠬᠠᠭᠠᠨ ᠪᠣᠯᠣᠨ ᠰᠢᠷ · ᠮᠠᠬᠠᠮᠠᠳ᠋ ᠤᠨ ᠬᠤᠭᠤᠷᠣᠨᠳᠣ | ᠬᠢ ᠲᠠᠶᠢᠨ ᠪᠣᠯ 1420 ᠣᠨ ᠳᠤ ᠡᠭᠦᠰᠴᠡᠢ᠃ ᠲᠣᠬᠠᠢ ᠶᠢᠨ ᠦᠶᠡ ᠳᠤ ᠬᠤᠳᠠᠶᠢᠳᠠ ᠠᠯᠢ ᠲᠠᠯᠠ ᠶᠢ ᠨᠢ | ᠲᠡᠮᠵᠢᠵᠦ ᠪᠠᠶᠢᠭᠰᠠᠨ ᠢ ᠮᠡᠳᠡᠬᠦ ᠦᠭᠡᠢ︾᠂ ᠡᠬᠦᠨ ᠠᠴᠠ ᠦᠵᠡᠪᠡᠯ ᠮᠢᠷᠽᠠ · ᠬᠠᠶᠢᠳᠠᠷ ᠯᠠᠪ ᠡᠨᠡᠬᠦ ᠠᠰᠠᠭᠤᠳᠠᠯ ᠢ | ᠨᠢᠭᠤᠨ ᠲᠠᠯᠳᠠᠯᠠᠵᠣ ᠪᠠᠶᠢᠨᠠ ᠭᠡᠵᠦ ᠬᠡᠯᠡᠵᠡᠢ᠃ | ② ᠷᠣᠰ ᠤᠨ ᠲᠠᠶᠢᠯᠪᠣᠷᠢᠯᠠᠬᠤ ᠪᠠᠷ ᠲᠦᠷᠺ ᠬᠡᠯᠡᠨ ᠳᠤ ᠡᠨᠡᠬᠦ ᠬᠡᠣᠬᠡᠨ ᠤ ᠨᠡᠷᠡ ᠶᠢ ᠳ᠋ᠠᠣᠯᠠ · ᠰᠣᠯᠲ᠋ᠠᠨ · | ᠪᠧᠺᠢᠮ ᠭᠡᠳᠡᠭ ᠭᠡᠵᠡᠢ᠃ | ③ ᠬᠢᠳᠠᠳᠴᠢᠯᠠᠭᠴᠢ ᠶᠢᠨ ᠲᠠᠶᠢᠯᠪᠣᠷᠢ᠂ ︽ᠮᠢᠩ ᠲᠠᠶᠢᠽᠦᠩ ᠶᠦᠩ ᠯᠧ ᠶᠢᠨ ᠮᠠᠭᠠᠳ ᠲᠡᠮᠳᠡᠭᠯᠡᠯ︾ ᠤᠨ ᠵᠠᠭᠤ | ᠶᠢᠰᠦᠳᠦᠭᠡᠷ ᠪᠣᠳᠢ ᠶᠢᠨ ᠶᠦᠩ ᠯᠧ ᠠᠷᠪᠠᠨ ᠵᠢᠷᠭᠤᠭᠠᠨ ᠣᠨ ︵1418 ᠣᠨ︶ ᠤ ᠵᠣᠷᠪᠣᠰ ᠲᠤ ᠦᠬᠦᠯᠡᠭᠰᠡᠨ ᠢ | ᠦᠨᠳᠦᠰᠦᠯᠡᠪᠡᠯ᠂ ︽ᠬᠤᠶᠠᠳᠣᠭᠠᠷ ᠰᠠᠷᠠ ᠶᠢᠨ ᠴᠠᠭᠠᠨ ᠨᠣᠬᠠᠢ ᠡᠳᠦᠷ᠂ ᠪᠧᠱᠪᠠᠯᠢᠭ ᠤᠨ ᠲᠦᠷᠦᠭᠦᠥ ᠰᠦ ᠭᠧ᠂ | ᠺᠧ ᠯᠠ ᠮᠠᠨ ᠯᠠ ᠵᠡᠷᠭᠡ ᠬᠦᠮᠦᠰ ᠲᠦᠷᠦ ᠳᠤ ᠪᠠᠷᠠᠯᠠᠵᠣ᠂ ᠨᠣᠳᠤᠭ ᠤᠨ ᠭᠠᠷᠣᠯᠳᠠ ᠪᠠᠷ ᠠᠯᠪᠠ ᠪᠠᠷᠢᠪᠠ᠃ ᠲᠡᠳᠡ | ᠬᠡᠯᠡᠭᠰᠡᠨ ᠨᠢ᠂ ᠲᠡᠳᠡᠨᠡᠷ ᠤᠨ ᠸᠠᠩ ᠨᠠᠾᠱ ᠵᠢᠬᠠᠨ ᠢ ᠲᠦᠷᠦᠯ ᠤᠨ ᠲᠡᠭᠦᠥ ︵ᠬᠠᠶᠠᠯᠢᠳ ᠲᠡᠭᠦᠥ︶ ᠨᠢ ᠠᠯᠠᠵᠣ | ᠦᠪᠡᠷ ᠢᠶᠠᠨ ᠬᠠᠭᠠᠨ ᠪᠣᠯᠪᠠ︾ ᠭᠡᠵᠡᠢ᠃ ᠪᠠᠷᠲ᠋ᠣᠯᠢᠲ ᠶᠢᠨ ︽ᠲᠣᠯᠣᠭᠠᠨ ᠭᠤᠣᠯ ᠤᠨ ᠲᠡᠣᠬᠡᠨ ᠬᠤᠷᠢᠶᠠᠩᠭᠤᠢ︾ | ᠴᠦ ᠡᠨᠡᠬᠦ ᠬᠡᠯᠡᠯᠭᠡ ᠶᠢ ᠦᠨᠳᠦᠰᠦᠯᠡᠵᠡᠢ᠃ ᠲᠡᠭᠦᠨ ᠤ ᠬᠡᠯᠡᠭᠰᠡᠨ ᠨᠢ᠄ ︽ᠨᠠᠾᠱ ᠵᠢᠬᠠᠨ1418 ᠣᠨ ᠤ ᠡᠬᠢᠨ | ᠢᠶᠠᠷ ᠰᠢᠷ · ᠠᠯᠢ ᠶᠢᠨ ᠬᠦᠪᠡᠭᠦᠨ ᠸᠠᠶᠢᠰ ᠬᠠᠭᠠᠨ ᠳᠤ ᠠᠯᠠᠭᠳᠠᠵᠠᠢ︾ ᠭᠡᠪᠡ᠃ ᠡᠬᠦᠨ ᠢᠶᠠᠷ ᠦᠵᠡᠪᠡᠯ1418 | ᠣᠨ ᠠᠴᠠ ᠡᠮᠦᠨᠡ ᠮᠣᠩᠭᠤᠯᠰᠲ᠋ᠠᠨ ᠤ ᠬᠠᠭᠠᠨ ᠰᠠᠭᠤᠷᠢᠨ ᠳᠤ ᠪᠠᠶᠢᠭᠰᠠᠨ ᠬᠦᠮᠦᠨ ᠪᠣᠯ ᠨᠠᠾᠱ · ᠵᠢᠬᠠᠨ ᠪᠣᠯᠣᠨᠠ᠃ | ᠡᠨᠡ ᠨᠢ ︽ᠷᠠᠰᠢᠳ᠋ ᠤᠨ ᠲᠡᠣᠬᠡ︾ ᠲᠠᠢ ᠬᠠᠷᠢᠯᠴᠠᠨ ᠠᠳᠠᠯᠢ ᠦᠭᠡᠢ ᠲᠠᠯᠠ ᠪᠣᠯᠣᠨᠠ᠃ ᠭᠡᠪᠡᠴᠦ ᠪᠠᠷᠲ᠋ᠣᠯᠢᠲ ᠤᠨ | ᠨᠦᠬᠦᠭᠡ ᠨᠢᠭᠡ ᠨᠣᠮ ︽ᠦᠯᠦᠭᠪᠡᠢ ᠵᠢᠴᠢ ᠲᠡᠭᠦᠨ ᠤ ᠴᠠᠭ ᠦᠶᠡ︾ ᠳᠤ ᠬᠡᠯᠡᠭᠰᠡᠨ ᠢᠶᠠᠷ ᠰᠢᠷ · ᠮᠠᠬᠠᠮᠠᠳ᠋ ᠬᠠᠭᠠᠨ | ᠡᠪᠡᠳᠴᠢᠯᠡᠨ ᠨᠠᠰᠣ ᠪᠠᠷᠠᠭᠠᠳ᠂ ᠮᠣᠩᠭᠤᠯᠰᠲ᠋ᠠᠨ ᠤ ᠲᠦᠷᠦ ᠶᠢᠨ ᠡᠷᠬᠡ ᠲᠡᠭᠦᠨ ᠤ ᠨᠦᠬᠦᠭᠡ ᠨᠢᠭᠡ ᠠᠩᠬᠠᠨ ᠤ | ᠦᠷᠢᠰᠦᠯᠳᠦᠭᠴᠢ ᠸᠠᠶᠢᠰ ᠬᠠᠭᠠᠨ ᠤ ᠭᠠᠷ ᠲᠤ ᠣᠷᠣᠪᠠ︾ ᠭᠡᠵᠡᠢ᠃ | | | ᠪᠡᠯᠡᠳᠬᠡᠭᠰᠡᠨ ᠨᠢ᠄ ᠡᠷᠳᠡᠨᠢᠬᠦᠦ | ᠨᠠᠶᠢᠷᠠᠭᠤᠯᠤᠭᠰᠠᠨ ᠨᠢ᠄ ᠨᠠᠮᠤᠷ | ᠬᠢᠨᠠᠭᠰᠠᠨ ᠨᠢ᠄ ᠤᠷᠢᠬᠠᠨ |