| ᠭᠤᠴᠢᠨ ᠬᠤᠶᠠᠳᠣᠭᠠᠷ ᠪᠦᠯᠦᠭ | ᠸᠠᠶᠢᠰ ᠬᠠᠭᠠᠨ ᠰᠠᠭᠤᠷᠢᠨ ᠵᠠᠯᠭᠠᠮᠵᠢᠯᠠᠮᠠᠭᠴᠠ ᠪᠠᠨ ᠱᠠᠰᠢᠨ ᠰᠢᠳᠦᠯᠭᠡ ᠳᠤ ᠮᠠᠰᠢ ᠬᠠᠯᠠᠭᠤᠷᠠᠯ ᠲᠠᠢ ᠪᠣᠯᠬᠤᠷ | ᠮᠣᠩᠭᠤᠯᠴᠣᠳ ᠤᠨ ᠮᠦᠰᠯᠢᠮᠴᠣᠳ ᠢ ᠲᠣᠪᠳᠣᠯᠬᠤ ᠲᠠᠶᠢᠨ ᠢ ᠡᠷᠡᠰ ᠬᠤᠷᠢᠭᠯᠠᠨ ᠵᠣᠭᠰᠣᠭᠠᠪᠠ᠃ ᠲᠡᠭᠡᠭᠡᠳ ᠲᠠᠶᠢᠨ | ᠢᠶᠠᠨ ᠭᠠᠵᠢᠭᠤ ᠰᠣᠷᠳᠠᠬᠤᠨᠳᠠᠨ ᠪᠣᠯᠬᠤ ᠬᠠᠯᠢᠮᠠᠭ ᠲᠤ ᠬᠠᠨᠳᠣᠭᠤᠯᠪᠠ᠃ ᠬᠡᠳᠦᠶᠢᠪᠡᠷ ᠲᠡᠷᠡ ᠲᠠᠬᠢᠨ ᠲᠠᠪᠳᠠᠨ | ᠢᠯᠠᠭᠳᠠᠵᠣ ᠪᠠᠶᠢᠭᠰᠠᠨ ᠪᠣᠯᠪᠠᠴᠣ ᠮᠦᠨ ᠲᠡᠳᠡᠨᠡᠷ ᠲᠠᠢ ᠲᠠᠶᠢᠳᠣᠬᠤ ᠪᠠᠨ ᠪᠠᠷᠢᠮᠳᠠᠯᠠᠵᠣ᠂ ᠶᠠᠭᠠᠬᠢᠭᠰᠠᠨ ᠴᠦ | ᠠᠷᠢᠭᠤᠨ ᠲᠠᠶᠢᠨ ᠢᠶᠠᠨ ᠵᠣᠭᠰᠣᠬᠤ ᠦᠭᠡᠢ ᠭᠡᠵᠦ ᠪᠠᠶᠢᠯᠳᠣᠵᠣ᠂ ᠲᠡᠷᠡ ᠬᠤᠶᠠᠷ ᠣᠳᠠᠭᠠ ᠬᠠᠯᠢᠮᠠᠭᠴᠣᠳ ᠲᠤ | ᠣᠯᠵᠠᠯᠠᠭᠳᠠᠵᠣ ᠪᠠᠶᠢᠪᠠ᠃ ᠨᠢᠭᠡᠳᠦᠭᠡᠷ ᠣᠳᠠᠭᠠ ᠨᠢ ᠮᠢᠩᠯᠠᠺ ᠤᠨ ᠲᠠᠶᠢᠨ ᠳᠤ ᠲᠠᠶᠢᠰᠣᠨ ᠳᠠᠭᠠᠨ ᠣᠯᠵᠠᠯᠠᠭᠳᠠᠪᠠ᠃ | ᠲᠡᠷᠡ ᠣᠯᠵᠠᠯᠠᠭᠳᠠᠭᠰᠠᠨ ᠤ ᠲᠠᠷᠠᠭᠠ᠂ ᠲᠡᠭᠦᠨ ᠢ ᠡᠰᠡᠨ ᠲᠠᠶᠢᠱᠢ ᠶᠢᠨ ᠡᠮᠦᠨᠡ ᠲᠠᠷᠣᠵᠣ ᠠᠪᠴᠢᠷᠠᠪᠠ᠃ ᠡᠰᠡᠨ | ᠲᠠᠶᠢᠱᠢ ᠲᠣᠲᠣᠷᠠ ᠪᠠᠨ ᠪᠣᠳᠣᠷᠣᠨ᠄ ︽ᠬᠡᠷᠪᠡ ᠲᠡᠷᠡ ᠦᠨᠡᠬᠡᠷ ᠴᠢᠩᠬᠢᠰ ᠬᠠᠭᠠᠨ ᠤ ᠬᠤᠶᠢᠴᠢᠰ ᠪᠣᠯ ᠲᠡᠷᠡ ᠯᠠᠪ | ᠨᠠᠳᠠ ᠳᠤ ᠵᠣᠯᠭᠠᠯᠳᠠ ᠶᠢᠨ ᠶᠣᠰᠣ ᠬᠢᠬᠦ ᠦᠭᠡᠢ᠂ ᠬᠠᠷᠢᠨ ᠨᠠᠳᠠ ᠶᠢ ᠲᠣᠣᠷᠠᠳᠣ ᠪᠠᠷ ᠦᠵᠡᠬᠦ ᠶᠣᠮ︾ ᠭᠡᠵᠡᠢ᠃ | ᠸᠠᠶᠢᠰ ᠬᠠᠭᠠᠨ ᠢ ᠲᠠᠭᠠᠭᠤᠯᠣᠨ ᠠᠪᠴᠢᠷᠠᠬᠤ ᠦᠶᠡ ᠳᠤ ᠲᠡᠷᠡ ᠮᠣᠷᠢᠨ ᠠᠴᠠ ᠪᠠᠭᠤᠨ ︵ᠢᠷᠡᠬᠦ ᠳᠤ ᠮᠣᠷᠢ ᠣᠨᠣᠵᠣ | ᠢᠷᠡᠭᠰᠡᠨ ᠠᠵᠠᠢ︶ ᠡᠰᠡᠨ ᠲᠠᠶᠢᠱᠢ ᠮᠠᠰᠢ ᠬᠦᠨᠳᠦᠳᠭᠡᠯ ᠲᠠᠢ ᠪᠠᠷ ᠲᠡᠭᠦᠨ ᠢ ᠣᠭᠳᠣᠵᠣ ᠢᠷᠡᠪᠡ①᠃ ᠭᠡᠪᠡᠴᠦ᠂ | ᠡᠨᠡᠬᠦ ᠬᠠᠭᠠᠨ ᠬᠠᠷᠢᠨ ᠨᠢᠭᠤᠷ ᠵᠡᠨ ᠪᠣᠷᠣᠭᠤᠯᠠᠨ᠂ ᠭᠠᠷ ᠢᠶᠠᠨ ᠴᠦ ᠡᠷᠭᠦᠭᠰᠡᠨ ᠦᠭᠡᠢ᠃ ᠲᠡᠭᠡᠭᠡᠳ ᠡᠰᠡᠨ ᠲᠠᠶᠢᠱᠢ | ᠲᠡᠭᠦᠨ ᠢ ᠴᠢᠩᠬᠢᠰ ᠬᠠᠭᠠᠨ ᠤ ᠬᠤᠶᠢᠴᠢᠰ ᠭᠡᠵᠦ ᠢᠳᠡᠭᠡᠵᠦ᠂ ᠲᠣᠩ ᠶᠣᠰᠣᠷᠬᠠᠭ ᠬᠠᠷᠠᠭᠠᠯᠵᠠᠯᠠᠯ ᠦᠵᠡᠬᠦᠯᠵᠦ | ᠲᠠᠯᠪᠢᠨ ᠶᠠᠪᠣᠭᠤᠯᠵᠠᠢ᠃ ᠬᠤᠵᠢᠮ ᠬᠦᠮᠦᠰ ᠲᠡᠭᠦᠨ ᠠᠴᠠ ᠶᠠᠭᠤᠨ ᠳᠤ ᠡᠰᠡᠨ ᠲᠠᠶᠢᠱᠢ ᠳᠤ ᠳᠦᠰᠢᠮᠡᠯ ᠬᠦᠮᠦᠨ ᠤ | ᠶᠣᠰᠣ ᠬᠢᠭᠰᠡᠨ ᠦᠭᠡᠢ ᠪᠣᠢ ᠭᠡᠵᠦ ᠠᠰᠠᠭᠤᠬᠤ ᠳᠤ ᠲᠡᠭᠦᠨ ᠤ ᠬᠠᠷᠢᠭᠤᠯᠣᠭᠰᠠᠨ ᠨᠢ᠄ ︽ᠬᠡᠷᠪᠡ ᠡᠰᠡᠨ ᠲᠠᠶᠢᠱᠢ | ᠰᠦᠷ ᠭᠡᠷᠡᠯ ᠲᠠᠢ ᠪᠠᠷ ᠨᠠᠳᠠ ᠲᠠᠢ ᠵᠣᠯᠭᠠᠭᠰᠠᠨ ᠪᠣᠯ ᠪᠢ ᠬᠠᠷᠢᠨ ᠠᠮᠢ ᠪᠠᠨ ᠬᠠᠭᠠᠴᠠᠶᠢᠯᠠᠬᠤ ᠪᠠᠷ ᠲᠡᠭᠦᠨ ᠢ | ᠬᠦᠨᠳᠦᠯᠡᠵᠦ ᠮᠡᠳᠡᠨᠡ᠃ ᠭᠡᠳᠡᠯᠡ ᠲᠡᠷᠡ ᠨᠡᠷᠡ ᠠᠯᠳᠠᠷ ᠢᠶᠠᠨ ᠪᠣᠳᠣᠬᠤ ᠦᠭᠡᠢ ᠡᠭᠡᠯ ᠲᠣᠣᠷᠠᠳᠣ ᠲᠦᠷᠢᠯᠡᠵᠦ ᠨᠠᠳᠠ | ᠶᠢ ᠣᠭᠳᠣᠨ ᠢᠷᠡᠭᠰᠡᠨ ᠲᠣᠯᠠᠳᠠ ᠪᠢ ᠬᠠᠷᠢᠨ ᠨᠠᠳᠠ ᠶᠢ ᠠᠯᠠᠬᠤ ᠨᠢ ᠯᠠᠪ ᠪᠣᠯᠪᠠ ᠬᠡᠮᠡᠨ ᠰᠠᠨᠠᠵᠣ᠂ ᠨᠢᠭᠡ ᠮᠦᠰᠯᠢᠮ | ᠬᠦᠮᠦᠨ ᠶᠠᠭᠠᠬᠢᠭᠰᠠᠨ ᠴᠦ ᠭᠠᠵᠢᠭᠤ ᠱᠠᠰᠢᠨᠳᠠᠨ ᠳᠤ ᠲᠣᠯᠣᠭᠠᠢ ᠪᠦᠬᠦᠶᠢᠬᠦ ᠶᠣᠰᠣᠨ ᠦᠭᠡᠢ ᠬᠡᠮᠡᠨ ᠪᠣᠳᠣᠵᠣ ᠲᠡᠭᠦᠨ | ᠢ ᠣᠶᠢᠰᠢᠶᠠᠭᠰᠠᠨ ᠴᠦ ᠦᠭᠡᠢ︾ ᠬᠡᠪᠡ᠃ ᠡᠨᠡ ᠬᠠᠭᠠᠨ ᠱᠠᠰᠢᠨ ᠲᠠᠭᠠᠨ ᠦᠨᠡᠨᠴᠢ ᠪᠠᠶᠢᠭᠰᠠᠨ ᠤ ᠲᠣᠯᠠᠳᠠ ᠦᠬᠦᠯ | ᠠᠴᠠ ᠬᠡᠯᠳᠦᠷᠢᠭᠰᠡᠨ ᠠᠵᠠᠢ᠃ | ᠨᠦᠬᠦᠭᠡ ᠨᠢᠭᠡᠨ ᠣᠳᠠᠭᠠ ᠨᠢ ᠸᠠᠶᠢᠰ ᠬᠠᠭᠠᠨ ᠮᠣᠩᠭᠤᠯᠰᠲ᠋ᠠᠨ ᠤ ᠬᠢᠯᠢ ᠲᠡᠭᠡᠷᠡ ᠪᠠᠶᠢᠭᠠ ᠺᠠᠪᠠᠺᠠ ᠭᠡᠳᠡᠭ ᠭᠠᠵᠠᠷ | ᠲᠤ ᠮᠦᠨ ᠡᠨᠡ ᠡᠰᠡᠨ ᠲᠠᠶᠢᠱᠢ ᠲᠠᠢ ᠲᠠᠶᠢᠨ ᠬᠢᠭᠡᠳ ᠢᠯᠠᠭᠳᠠᠨ᠂ ᠲᠡᠭᠦᠨ ᠤ ᠣᠨᠣᠭᠰᠠᠨ ᠮᠣᠷᠢ ᠨᠢ ᠰᠣᠮᠣᠨ ᠳᠤ | ᠣᠨᠣᠭᠳᠠᠨ ᠣᠨᠠᠵᠣ ᠶᠠᠪᠠᠭᠠᠨ ᠢᠶᠠᠷ ᠲᠣᠳᠠᠭᠠᠪᠠ᠃ ᠶᠠᠭ ᠣᠯᠵᠠᠯᠠᠭᠳᠠᠮᠠᠷ ᠪᠣᠯᠵᠣ ᠪᠠᠶᠢᠬᠤ ᠳᠤ ᠡᠮᠢᠷ · ᠰᠠᠶ᠋ᠢᠳ᠋ · | ᠠᠯᠢ ᠮᠣᠷᠢᠨ ᠠᠴᠠ ᠪᠠᠨ ᠦᠰᠦᠷᠦᠨ ᠪᠠᠭᠤᠵᠣ ᠢᠷᠡᠭᠡᠳ᠂ ᠦᠪᠡᠷ ᠤᠨ ᠮᠣᠷᠢ ᠪᠠᠨ ᠲᠡᠭᠦᠨ ᠳᠤ ᠣᠨᠣᠭᠤᠯᠵᠣ | ᠲᠣᠳᠠᠭᠠᠯᠭᠠᠨ᠂ ᠦᠪᠡᠷ ᠢᠶᠠᠨ ᠭᠠᠵᠠᠷ ᠨᠠᠭᠠᠯᠳᠣᠨ ᠬᠡᠪᠳᠡᠪᠡ᠃ ᠭᠠᠵᠢᠭᠤ ᠰᠢᠳᠦᠭᠡᠨᠳᠡᠳ ᠲᠡᠭᠦᠨ ᠢ ᠦᠬᠦᠴᠢᠭᠡᠯᠡ | ᠭᠡᠵᠦ ᠪᠣᠳᠣᠭᠠᠳ ᠲᠡᠭᠦᠨ ᠤ ᠲᠣᠯᠣᠭᠠᠢ ᠣᠷᠣᠭᠤ ᠨᠢᠭᠡ ᠰᠣᠮᠣ ᠬᠠᠷᠪᠣᠪᠠ᠃ ᠲᠡᠳᠡᠭᠡᠷ ᠬᠦᠮᠦᠰ ᠣᠶᠢᠷᠬᠠᠨ | ᠢᠷᠡᠭᠰᠡᠨ ᠤ ᠲᠠᠷᠠᠭᠠ ᠡᠮᠢᠷ ᠭᠡᠨᠡᠳᠳᠡ ᠭᠦᠶᠦᠨ ᠪᠣᠰᠴᠣ ᠨᠢᠭᠡᠨ ᠬᠦᠮᠦᠨ ᠢ ᠪᠠᠷᠢᠵᠣ ᠠᠪᠣᠪᠠ ︵ᠶᠠᠭ ᠲᠠᠭᠠᠷᠠᠭᠰᠠᠨ | ᠨᠢ ᠡᠨᠡ ᠬᠦᠮᠦᠨ ᠪᠠᠰᠠ ᠵᠢᠭᠠᠬᠠᠨ ᠪᠠᠶᠢᠷᠢ ᠰᠠᠭᠤᠷᠢ ᠲᠠᠢ ᠬᠦᠮᠦᠨ ᠪᠠᠶᠢᠵᠠᠢ︶᠃ ᠲᠡᠭᠡᠭᠡᠳ ᠲᠡᠷᠡ ᠡᠨᠡ ᠬᠦᠮᠦᠨ ᠢ | ᠲᠡᠪᠡᠯ ᠬᠤᠪᠴᠠᠰᠣ ᠲᠠᠢ ᠲᠡᠭᠡᠭᠰᠢ ᠡᠷᠭᠦᠨ ᠪᠠᠮᠪᠠᠢ ᠪᠣᠯᠭᠠᠵᠣ᠂ ᠲᠦᠷᠪᠡᠨ ᠵᠦᠭ ᠠᠴᠠ ᠬᠠᠷᠪᠣᠵᠣ ᠢᠷᠡᠬᠦ ᠵᠡᠪᠡ ᠶᠢ | ᠬᠠᠯᠬᠠᠯᠠᠪᠠ᠃ ᠨᠢᠭᠡ ᠲᠠᠯᠠ ᠪᠠᠷ ᠵᠡᠪᠡ ᠰᠣᠮᠣᠨ ᠠᠴᠠ ᠵᠠᠶᠢᠯᠠᠵᠣ ᠨᠦᠬᠦᠭᠡ ᠲᠠᠯᠠ ᠪᠠᠷ ᠬᠤᠶᠢᠰᠢ ᠣᠬᠤᠷᠢᠨ ᠬᠠᠭᠠᠨ | ᠤ ᠬᠠᠵᠠᠭᠤ ᠳᠤ ᠵᠢᠯᠣᠭᠤ ᠠᠴᠠ ᠨᠢ ᠰᠠᠯᠬᠤ ᠦᠭᠡᠢ ᠲᠠᠭᠠᠯᠳᠣᠨ᠂ ᠨᠢᠭᠡ ᠲᠠᠯᠠ ᠪᠠᠷ ᠪᠠᠶᠢᠯᠳᠣᠨ ᠨᠦᠬᠦᠭᠡ ᠲᠠᠯᠠ | ᠪᠠᠷ ᠲᠣᠳᠠᠭᠠᠵᠠᠢ᠃ ᠢᠩᠬᠢᠵᠦ ᠨᠢᠭᠡ ᠦᠷᠳᠡᠭᠡ ᠶᠠᠪᠣᠭᠠᠳ ᠢᠯᠠ ᠭᠤᠣᠯ② ᠤᠨ ᠡᠷᠭᠢᠨ ᠳᠤ ᠢᠷᠡᠭᠡᠳ ᠡᠨᠡᠬᠦ | ᠬᠦᠮᠦᠨ ᠢ ᠣᠰᠣ ᠣᠷᠣᠭᠤ ᠬᠠᠶᠠᠵᠣ ᠣᠷᠣᠭᠤᠯᠣᠨ᠂ ᠬᠠᠭᠠᠨ ᠤ ᠮᠣᠷᠢᠨ ᠴᠣᠯᠪᠣᠭᠤᠷ ᠠᠴᠠ ᠬᠦᠳᠦᠯᠡᠵᠦ ᠭᠤᠣᠯ | ᠭᠠᠳᠣᠯᠪᠠ᠃ ᠡᠨᠡ ᠣᠳᠠᠭᠠ ᠨᠡᠯᠢᠶᠡᠳ ᠬᠦᠮᠦᠨ ᠭᠤᠣᠯ ᠳᠤ ᠴᠠᠴᠠᠵᠣ ᠦᠬᠦᠵᠡᠢ᠃ ᠲᠡᠳᠡ ᠣᠷᠣᠭᠰᠢ ᠶᠠᠪᠣᠵᠣ | ᠪᠠᠶᠢᠳᠠᠯᠠ ᠭᠤᠣᠯ ᠤᠨ ᠣᠰᠣ ᠬᠦᠨ ᠪᠣᠯᠵᠣ ᠮᠣᠷᠢ ᠡᠬᠢᠯᠡᠨ ᠣᠰᠣ ᠰᠡᠯᠢᠭᠦᠷᠳᠡᠪᠡ᠃ ᠡᠮᠢᠷ · ᠰᠠᠶ᠋ᠢᠳ᠋ · ᠠᠯᠢ ᠮᠣᠷᠢᠨ | ᠲᠣᠯᠣᠭᠠᠢ ᠶᠢ ᠡᠷᠭᠦᠵᠦ ᠴᠢᠨᠠᠭᠰᠢ ᠣᠮᠪᠠᠵᠣ᠂ ᠬᠤᠶᠠᠭ ᠲᠣᠭᠤᠯᠭᠠ ᠪᠦᠷᠢᠨ ᠬᠠᠭᠠᠨ ᠪᠠ ᠲᠡᠭᠦᠨ ᠤ ᠣᠨᠣᠭᠰᠠᠨ | ᠮᠣᠷᠢ ᠲᠠᠢ ᠭᠤᠣᠯ ᠢ ᠭᠠᠳᠣᠯᠵᠣ ᠭᠠᠷᠪᠠ᠃ ᠡᠨᠡ ᠡᠳᠦᠷ ᠮᠠᠰᠢ ᠣᠯᠠᠨ ᠬᠦᠮᠦᠨ ᠭᠤᠣᠯ ᠳᠤ ᠴᠠᠴᠠᠵᠣ ᠦᠬᠦᠪᠠ᠃ | ᠬᠦᠮᠦᠰ ᠤᠨ ᠬᠡᠯᠡᠯᠴᠡᠬᠦ ᠪᠠᠷ ᠸᠠᠶᠢᠰ ᠬᠠᠭᠠᠨ ᠲᠡᠷᠡᠬᠦ ᠲᠠᠶᠢᠨ ᠳᠤ ᠦᠪᠡᠷ ᠤᠨ ᠬᠤᠶᠠᠷ ᠠᠴᠢ ᠬᠦᠪᠡᠭᠦᠳ ᠢᠶᠠᠨ | ᠲᠠᠭᠠᠭᠤᠯᠣᠨ ᠲᠠᠶᠢᠨ ᠳᠤ ᠣᠷᠣᠪᠠ᠃ ᠲᠡᠭᠦᠨ ᠤ ᠨᠢᠭᠡ ᠨᠢ ᠬᠠᠰᠠᠨ · ᠰᠣᠯᠲ᠋ᠠᠨ ᠭᠡᠳᠡᠭ ᠨᠡᠷᠡ ᠲᠠᠢ ᠪᠠᠶᠢᠵᠣ᠂ | ᠣᠯᠠᠭᠠᠨ ᠦᠩᠭᠡ ᠲᠠᠢ ᠬᠤᠶᠠᠭ ᠲᠣᠭᠤᠯᠬᠠ ᠡᠮᠦᠰᠴᠦ ᠪᠠᠶᠢᠪᠠ᠃ ᠨᠦᠬᠦᠭᠡ ᠨᠢ ᠷᠣᠾᠮᠠᠨ · ᠰᠣᠯᠲ᠋ᠠᠨ ᠭᠡᠳᠡᠭ ᠨᠡᠷᠡ | ᠲᠠᠢ᠂ ᠬᠦᠭᠡ ᠦᠩᠭᠡ ᠶᠢᠨ ᠬᠤᠶᠠᠭ ᠲᠣᠭᠤᠯᠭᠠ ᠡᠮᠦᠰᠦᠭᠰᠡᠨ ᠠᠵᠠᠢ᠃ ᠲᠡᠳᠡ ᠬᠤᠶᠠᠭᠤᠯᠠ ᠪᠦᠷ ᠡᠨᠡ ᠭᠤᠣᠯ | ᠳᠤ ᠦᠰᠦᠷᠦᠨ ᠣᠷᠣᠭᠠᠳ ᠴᠠᠴᠠᠵᠣ ᠦᠬᠦᠭᠰᠡᠨ ᠠᠵᠠᠢ᠃ ᠡᠮᠢᠷ · ᠰᠠᠶ᠋ᠢᠳ᠋ · ᠠᠯᠢ ᠨᠢᠭᠡ ᠭᠠᠷ ᠢᠶᠠᠷ ᠢᠶᠠᠨ ᠬᠠᠭᠠᠨ | ᠤ ᠮᠣᠷᠢᠨ ᠵᠢᠯᠣᠭᠤ ᠠᠴᠠ ᠠᠳᠬᠤᠨ ᠵᠢᠯᠣᠭᠤᠳᠴᠣ᠂ ᠨᠦᠬᠦᠭᠡ ᠭᠠᠷ ᠢᠶᠠᠷ ᠢᠶᠠᠨ ᠡᠳᠡ ᠬᠤᠶᠠᠭᠤᠯᠠ ᠶᠢ ᠴᠢᠷᠮᠠᠶᠢᠨ | ᠠᠪᠣᠷᠠᠶᠠ ᠭᠡᠰᠡᠨ ᠪᠣᠯᠪᠠᠴᠣ᠂ ᠬᠡᠳᠦᠷᠬᠡᠢ ᠬᠤᠯᠠ ᠪᠣᠯᠬᠤᠷ ᠠᠪᠣᠷᠠᠵᠣ ᠴᠢᠳᠠᠭᠰᠠᠨ ᠦᠭᠡᠢ ᠶᠣᠮ᠃ ᠸᠠᠶᠢᠰ ᠬᠠᠭᠠᠨ ᠤ | ᠬᠡᠯᠡᠬᠦ ᠪᠠᠷ ᠲᠡᠷᠡ ᠵᠦᠪᠬᠡᠨ ᠣᠯᠠᠭᠠᠨ ᠬᠦᠬᠡ ᠦᠩᠭᠡ ᠶᠢᠨ ᠬᠤᠶᠠᠭ ᠲᠣᠭᠤᠯᠭᠠ ᠪᠠᠷ ᠨᠢ ᠲᠡᠳᠡ ᠬᠤᠶᠠᠭᠤᠯᠠ ᠶᠢ | ᠲᠠᠨᠢᠵᠣ ᠪᠠᠶᠢᠪᠠ ᠭᠡᠳᠡᠭ᠃ ᠬᠤᠵᠢᠮ ᠸᠠᠶᠢᠰ ᠬᠠᠭᠠᠨ ᠲᠣᠣᠷᠠᠬᠢ ᠲᠠᠪᠣᠨ ᠶᠠᠪᠣᠳᠠᠯ ᠢᠶᠠᠷ ᠡᠮᠢᠷ · ᠰᠠᠶ᠋ᠢᠳ᠋ · ᠠᠯᠢ ᠳᠤ | ᠲᠠᠪᠣᠨ ᠵᠦᠢᠯ ᠤᠨ ᠱᠠᠩᠨᠠᠯ③ ᠬᠦᠷᠳᠡᠭᠡᠭᠰᠡᠨ ᠶᠣᠮ᠃ ᠨᠢᠭᠡᠳᠦᠭᠡᠷ ᠨᠢ ᠣᠨᠣᠭᠰᠠᠨ ᠮᠣᠷᠢ ᠪᠠᠨ ᠬᠠᠭᠠᠨ ᠳᠤ | ᠶᠡᠭᠦᠯᠦᠨ ᠦᠭᠴᠦ ᠦᠪᠡᠷ ᠢᠶᠠᠨ ᠶᠠᠪᠠᠭᠠᠨ ᠢᠶᠠᠷ ᠬᠠᠭᠠᠨ ᠢ ᠬᠠᠮᠠᠭᠠᠯᠠᠭᠰᠠᠨ᠂ ᠬᠤᠶᠠᠳᠣᠭᠠᠷ ᠵᠦᠢᠯ ᠨᠢ᠂ ᠲᠡᠷᠡ ᠨᠢᠭᠡ | ᠬᠠᠯᠢᠮᠠᠭ ᠬᠦᠮᠦᠨ ᠢ ᠪᠠᠷᠢᠪᠴᠢᠯᠠᠭᠰᠠᠨ᠂ ᠭᠤᠷᠪᠠᠳᠣᠭᠠᠷ ᠨᠢ᠂ ᠲᠡᠷᠡ ᠡᠨᠡᠬᠦ ᠪᠠᠷᠢᠪᠴᠢᠯᠠᠭᠰᠠᠨ ᠬᠦᠮᠦᠨ ᠢᠶᠠᠷ ᠪᠠᠮᠪᠠᠢ | ᠬᠢᠵᠦ ᠨᠢᠭᠡᠨ ᠦᠷᠳᠡᠭᠡ ᠶᠠᠪᠣᠭᠰᠠᠨ᠂ ᠲᠦᠷᠪᠡᠳᠦᠭᠡᠷ ᠨᠢ᠂ ᠲᠡᠷᠡ ᠪᠦᠬᠦ ᠪᠡᠶᠡ ᠬᠤᠶᠠᠭ ᠲᠣᠭᠤᠯᠭᠠ ᠲᠠᠢ ᠬᠠᠭᠠᠨ ᠢ | ᠣᠨᠣᠭᠰᠠᠨ ᠮᠣᠷᠢ ᠶᠢᠨ ᠬᠠᠮᠳᠣ ᠬᠠᠮᠠᠭᠠᠯᠠᠨ ᠢᠯᠠ ᠭᠤᠣᠯ ᠢ ᠭᠠᠳᠣᠯᠣᠭᠤᠯᠣᠭᠰᠠᠨ᠂ ᠲᠠᠪᠣᠳᠣᠭᠠᠷ ᠨᠢ᠂ ᠲᠡᠷᠡ ᠨᠢᠭᠡ | ᠭᠠᠷ ᠢᠶᠠᠷ ᠬᠠᠭᠠᠨ ᠤ ᠮᠣᠷᠢᠨ ᠵᠢᠯᠣᠭᠤ ᠶᠢ ᠠᠳᠬᠤᠵᠣ ᠪᠠᠶᠢᠭᠠᠳ ᠪᠠᠰᠠ ᠨᠦᠬᠦᠭᠡ ᠭᠠᠷ ᠢᠶᠠᠷ ᠢᠶᠠᠨ ᠴᠠᠴᠠᠵᠣ | ᠪᠠᠶᠢᠭᠠ ᠪᠣᠰᠣᠳ ᠬᠦᠮᠦᠨ ᠢ ᠠᠪᠣᠷᠠᠬᠤ ᠪᠠᠷ ᠴᠢᠷᠮᠠᠶᠢᠭᠰᠠᠨ ᠵᠡᠷᠭᠡ ᠪᠣᠯᠣᠨᠠ᠃ ᠵᠠᠯᠭᠠᠭᠠᠳ ᠡᠨᠡᠬᠦ ᠬᠠᠭᠠᠨ ᠬᠡᠯᠡᠭᠰᠡᠨ | ᠨᠢ᠂ ᠡᠨᠡ ᠡᠮᠢᠷ ᠤᠨ ᠡᠶᠢᠮᠦᠷᠬᠦ ᠬᠦᠴᠦᠨ ᠴᠢᠳᠠᠯ ᠲᠠᠢ ᠪᠠᠷ ᠦᠵᠡᠪᠡᠯ ᠬᠡᠷᠪᠡ ᠲᠡᠭᠦᠨ ᠤ ᠭᠠᠷ ᠲᠡᠳᠡ ᠬᠤᠶᠠᠭᠤᠯᠠ | ᠶᠢ ᠣᠯᠵᠣ ᠪᠠᠷᠢᠭᠰᠠᠨ ᠪᠣᠯ ᠠᠪᠣᠷᠠᠵᠣ ᠭᠠᠷᠭᠠᠬᠤ ᠶᠢ ᠪᠠᠷᠳᠠᠮ ᠴᠢᠳᠠᠨᠠ︾ ᠭᠡᠪᠡ᠃ ᠡᠳᠡᠭᠡᠷ ᠲᠠᠪᠣᠨ ᠵᠦᠢᠯ ᠤᠨ | ᠬᠡᠷᠡᠭ ᠢᠶᠠᠷ ᠡᠨᠡᠬᠦ ᠡᠮᠢᠷ ᠲᠤ ᠲᠠᠪᠣᠨ ᠠᠶᠢᠮᠠᠭ ᠢ ᠬᠠᠷᠠᠮᠵᠢ ᠪᠣᠯᠭᠠᠨ ᠱᠠᠩᠨᠠᠨ ᠦᠭᠴᠡᠢ᠃ ᠨᠢᠭᠡᠳᠦᠭᠡᠷ ᠠᠶᠢᠮᠠᠭ ᠨᠢ | ᠲᠠᠺ ︵ᠲᠣᠷᠭᠤᠳ᠂Turkat︶ ᠬᠤᠶᠠᠳᠣᠭᠠᠷ ᠠᠶᠢᠮᠠᠭ ᠨᠢ ᠴᠧ ᠯᠧ ︵Hibat Shira Sur᠂ ᠡᠨᠡ | ᠠᠶᠢᠮᠠᠭ ᠤᠨ ᠨᠡᠷᠡ ᠶᠢ ᠪᠠᠰᠠ ᠰᠢᠷᠠᠨᠣᠳ ᠭᠡᠳᠡᠭ ᠠᠵᠠᠢ︶᠂ ᠭᠤᠷᠪᠠᠳᠣᠭᠠᠷ ᠠᠶᠢᠮᠠᠭ ᠨᠢ ᠢᠥᠢ ᠲᠢᠶᠠᠨ ᠤ ᠨᠢᠭᠡ | ᠠᠶᠢᠮᠠᠭ᠂ ᠲᠦᠷᠪᠡᠳᠦᠭᠡᠷ ᠠᠶᠢᠮᠠᠭ ᠨᠢ ᠬᠠᠭᠠᠨ ᠬᠦᠪᠡᠭᠦᠨ ᠤ ᠪᠠᠬᠢ ︵ᠦᠽᠪᠧᠭ᠂ Uzbeg︶᠂ ᠲᠠᠪᠣᠳᠣᠭᠠᠷ | ᠠᠶᠢᠮᠠᠭ ᠨᠢ ᠲᠠᠷᠤᠭᠠ ︵Darugha︶ ᠭᠡᠵᠦ ᠮᠦᠨ ᠢᠥᠢ ᠲᠢᠶᠠᠨ ᠤ ᠨᠢᠭᠡ ᠠᠶᠢᠮᠠᠭ ᠪᠣᠯᠣᠨᠠ᠃ | ᠰᠣᠯᠲ᠋ᠠᠨ · ᠸᠠᠶᠢᠰ ᠬᠠᠭᠠᠨ ᠲᠦᠷᠹᠠᠨ ᠣᠷᠴᠢᠮ ᠪᠠᠰᠠ ᠨᠢᠭᠡ ᠣᠳᠠᠭᠠ ᠡᠰᠡᠨ ᠲᠠᠶᠢᠱᠢ ᠲᠠᠢ ᠲᠠᠶᠢᠳᠣᠪᠠ᠃ | ᠮᠦᠨ ᠠᠳᠠᠯᠢ ᠪᠠᠷ ᠲᠡᠭᠦᠨ ᠳᠤ ᠢᠯᠠᠭᠳᠠᠨ ᠣᠯᠵᠠᠯᠠᠭᠳᠠᠪᠠ᠃ ᠸᠠᠶᠢᠰ ᠬᠠᠭᠠᠨ ᠢ ᠲᠠᠭᠠᠭᠤᠯᠣᠨ ᠠᠪᠴᠢᠷᠠᠵᠣ ᠡᠰᠡᠨ | ᠲᠠᠶᠢᠱᠢ ᠳᠤ ᠠᠭᠤᠯᠵᠠᠭᠤᠯᠬᠤ ᠳᠤ᠂ ᠡᠰᠡᠨ ᠲᠠᠶᠢᠱᠢ ᠠᠴᠠ ᠸᠠᠶᠢᠰ ᠬᠠᠭᠠᠨ ᠳᠤ ᠬᠡᠯᠡᠭᠰᠡᠨ ᠨᠢ᠄ ︽ᠡᠨᠡ ᠣᠳᠠᠭᠠ | ᠴᠢ ᠬᠡᠣᠬᠡᠨ ᠲᠡᠭᠦᠥ ᠮᠠᠬᠠᠲ᠋ᠦᠮ · ᠬᠠᠨᠢᠮ ᠢᠶᠠᠨ ᠨᠠᠳᠠ ᠳᠤ ᠠᠮᠢᠨ ᠵᠣᠯᠢᠶᠠ ᠶᠢᠨ ᠪᠡᠯᠡᠭ ᠪᠣᠯᠭᠠᠨ ᠬᠦᠷᠭᠡᠵᠦ | ᠦᠭᠭᠦᠪᠡᠯ ᠴᠢᠮᠠ ᠶᠢ ᠰᠠᠶ᠋ᠢ ᠲᠠᠯᠪᠢᠵᠣ ᠶᠠᠪᠣᠭᠤᠯᠠᠨᠠ ᠭᠡᠪᠡ᠃ ᠲᠣᠬᠠᠢ ᠶᠢᠨ ᠦᠶᠡ ᠳᠤ ᠶᠠᠮᠠᠷ ᠴᠦ ᠦᠭᠡᠷᠡ ᠠᠷᠭᠠ | ᠪᠠᠶᠢᠬᠤ ᠦᠭᠡᠢ ᠪᠣᠯᠬᠤᠷ ᠮᠠᠬᠠᠲ᠋ᠦᠮ · ᠬᠠᠨᠢᠮ ᠢ ᠲᠡᠭᠦᠨ ᠳᠤ ᠬᠦᠷᠭᠡᠵᠦ ᠦᠭᠬᠦᠭᠡᠳ ᠸᠠᠶᠢᠰ ᠬᠠᠭᠠᠨ ᠰᠠᠶ᠋ᠢ | ᠲᠠᠯᠪᠢᠭᠳᠠᠵᠠᠢ᠃ ᠶᠡᠷᠦ ᠶᠢᠨ ᠲᠡᠮᠳᠡᠭᠯᠡᠯ ᠠᠴᠠ ᠦᠵᠡᠪᠡᠯ ᠡᠨᠡᠬᠦ ᠬᠠᠭᠠᠨ ᠬᠠᠯᠢᠮᠠᠭ ᠬᠦᠮᠦᠨ ᠲᠠᠢ ᠨᠡᠶᠢᠳᠡ ᠵᠢᠷᠠᠨ | ᠨᠢᠭᠡᠨ ᠣᠳᠠᠭᠠ ᠲᠠᠶᠢᠯᠠᠯᠳᠣᠭᠰᠠᠨ ᠭᠡᠳᠡᠭ ᠶᠣᠮ᠃ ᠭᠡᠪᠡᠴᠦ ᠵᠦᠪᠬᠡᠨ ᠨᠢᠭᠡᠯᠡ ᠣᠳᠠᠭᠠ ᠢᠯᠠᠯᠳᠠ ᠣᠯᠵᠣ᠂ | ᠪᠣᠰᠣᠳ ᠨᠢ ᠪᠦᠷ ᠢᠯᠠᠭᠳᠠᠭᠰᠠᠨ ᠠᠵᠠᠢ ︵ᠦᠨᠡᠨ ᠮᠦᠨ ᠴᠣᠬᠤᠮ ᠶᠠᠮᠠᠷ ᠢ ᠵᠦᠪᠬᠡᠨ ᠠᠯᠯᠠᠾ ᠮᠡᠳᠡᠭᠰᠡᠨ ᠬᠡᠷᠡᠭ | ᠪᠣᠯᠵᠠᠢ︶᠃ ᠪᠢ ᠨᠢᠭᠡ ᠪᠣᠰᠣ ᠣᠳᠠᠭᠠ ᠶᠡᠭᠡ ᠮᠠᠣᠯᠠ ᠬᠤᠵᠠ · ᠠᠬᠠᠮᠠᠳ᠋ ᠤᠨ ᠬᠡᠯᠡᠬᠦ ᠶᠢ ᠰᠣᠨᠣᠰᠣᠭᠰᠠᠨ ᠢᠶᠠᠷ᠂ | ᠸᠠᠶᠢᠰ ᠬᠠᠭᠠᠨ ᠪᠣᠯ ᠮᠠᠰᠢ ᠬᠦᠳᠡᠷ ᠴᠢᠬᠢᠷᠠᠭ ᠬᠦᠮᠦᠨ ᠭᠡᠳᠡᠭ ᠶᠣᠮ᠃ ᠲᠡᠷᠡ ᠵᠢᠯ ᠪᠣᠯᠭᠠᠨ ᠲᠦᠷᠹᠠᠨ᠂ ᠲᠠᠷᠢᠮ᠂ | ᠯᠣᠪ᠂ ᠺᠠᠲ᠋ᠠᠺ ᠵᠡᠷᠭᠡ ᠭᠠᠵᠠᠷ ᠤᠨ ᠣᠶᠢᠷᠠᠯᠴᠠᠭᠠ ᠬᠦᠷᠴᠦ ᠬᠠᠪᠳᠠᠭᠠᠢ ︵ᠵᠡᠷᠯᠢᠭ ᠲᠡᠮᠡᠭᠡ︶ ᠠᠪᠠᠯᠠᠳᠠᠭ ᠭᠡᠨᠡ᠃ | ᠡᠳᠡᠭᠡᠷ ᠭᠠᠵᠠᠷ ᠢ ᠪᠢ ᠬᠤᠶᠠᠳᠣᠭᠠᠷ ᠪᠣᠳᠢ ᠳᠠᠭᠠᠨ ᠨᠢᠭᠡᠨᠳᠡ ᠬᠡᠯᠡᠵᠦ ᠦᠩᠭᠡᠷᠡᠪᠡ᠃ ᠲᠡᠷᠡ ᠵᠡᠷᠯᠢᠭ ᠲᠡᠮᠡᠭᠡ | ᠠᠪᠠᠯᠠᠵᠣ ᠣᠯᠣᠭᠰᠠᠭᠠᠷ᠂ ᠶᠡᠷᠦ ᠨᠢ ᠪᠦᠷ ᠦᠪᠡᠷᠳᠡᠭᠡᠨ ᠦᠪᠴᠢᠳᠡᠭ ᠭᠡᠨᠡ᠃ ᠲᠡᠭᠡᠭᠡᠳ ᠲᠡᠮᠡᠭᠡᠨ ᠨᠣᠣᠰᠣ ᠶᠢ ᠡᠬᠡ | ᠰᠣᠯᠲ᠋ᠠᠨ · ᠬᠠᠳᠣᠨ ᠳᠠᠭᠠᠨ ᠬᠦᠷᠭᠡᠵᠦ ᠦᠭᠳᠡᠭ᠂ ᠡᠨᠡᠬᠦ ᠬᠠᠳᠣᠨ ᠡᠨᠡ ᠲᠡᠮᠡᠭᠡᠨ ᠨᠣᠣᠰᠣ ᠪᠠᠷ ᠣᠳᠠᠰᠣ ᠡᠭᠡᠷᠢᠵᠦ | ᠲᠣᠲᠣᠷ ᠬᠤᠪᠴᠠᠰᠣ ᠦᠮᠦᠳᠦ ᠨᠡᠬᠡᠵᠦ ᠲᠡᠭᠦᠨ ᠳᠤ ᠡᠮᠦᠰᠭᠡᠳᠡᠭ ᠠᠵᠠᠢ᠃ ᠲᠡᠷᠡ ᠶᠠᠷᠦ ᠨᠢ ᠡᠬᠡ ᠬᠠᠳᠣᠨ ᠤ ᠪᠠᠨ | ᠨᠡᠬᠡᠭᠰᠡᠨ ᠡᠨᠡᠬᠦ ᠲᠡᠮᠡᠭᠡᠨ ᠨᠣᠣᠰᠣᠨ ᠬᠤᠪᠴᠠᠰᠣ ᠶᠢ ᠲᠣᠲᠣᠷ ᠪᠠᠨ ᠡᠮᠦᠰᠴᠦ᠂ ᠲᠡᠭᠦᠨ ᠤ ᠭᠠᠳᠠᠭᠤᠷ ᠰᠠᠶ᠋ᠢ | ᠬᠤᠷᠭᠤᠢ ᠲᠣᠷᠭᠠ ᠪᠠᠷ ᠬᠤᠪᠴᠠᠰᠣᠯᠠᠳᠠᠭ ᠶᠣᠮ ᠭᠡᠨᠡ᠃ ᠲᠦᠷᠹᠠᠨ ᠪᠣᠯ ᠮᠠᠰᠢ ᠭᠠᠩ ᠬᠠᠭᠤᠷᠠᠢ ᠪᠠᠶᠢᠵᠣ᠂ ᠣᠰᠣ | ᠶᠡᠭᠡ ᠲᠣᠳᠠᠳᠠᠭ ᠶᠣᠮ᠃ ᠭᠡᠳᠡᠯᠡ ᠸᠠᠶᠢᠰ ᠬᠠᠭᠠᠨ ᠪᠣᠯ ᠦᠪᠡᠷ ᠤᠨ ᠪᠡᠶᠡ ᠪᠠᠷ ᠲᠠᠷᠢᠶᠠ ᠪᠠᠨ ᠣᠰᠣᠯᠠᠳᠠᠭ᠃ | ᠲᠡᠭᠡᠭᠡᠳ ᠲᠡᠷᠡ ᠬᠡᠵᠢᠶᠡᠳᠡ ᠭᠤᠣᠯ ᠤᠨ ᠣᠰᠣ ᠶᠢ ᠬᠡᠷᠡᠭᠯᠡᠬᠦ ᠦᠭᠡᠢ᠂ ᠬᠠᠷᠢᠨ ᠭᠦᠨ ᠬᠤᠣᠳᠤᠭ ᠮᠠᠯᠳᠠᠭᠠᠳ | ᠲᠠᠷᠢᠶᠠ ᠣᠰᠣᠯᠠᠳᠠᠭ᠃ ᠡᠨᠡᠬᠦ ᠶᠡᠭᠡ ᠮᠠᠣᠯᠠ ᠦᠷᠬᠦᠯᠵᠢ ᠲᠡᠭᠦᠨ ᠤ ᠠᠪᠠᠭᠠ ᠡᠴᠢᠭᠡ ᠨᠡᠷ ᠤᠨ ᠦᠯᠢᠭᠡᠷ ᠪᠣᠯᠭᠠᠨ | ᠲᠡᠭᠦᠨ ᠳᠤ ᠬᠡᠯᠡᠵᠦ ᠦᠭᠴᠦ ᠪᠠᠶᠢᠭᠰᠠᠨ ᠸᠠᠶᠢᠰ ᠬᠠᠭᠠᠨ ᠤ ᠲᠣᠬᠠᠢ ᠣᠴᠢᠷ ᠶᠠᠪᠣᠳᠠᠯ ᠢ ᠨᠠᠳᠠ ᠳᠤ ᠬᠡᠯᠡᠵᠦ | ᠦᠭᠳᠡᠭ ᠪᠠᠶᠢᠭᠰᠠᠨ ᠶᠣᠮ᠂ ᠲᠡᠭᠦᠨ ᠤ ᠬᠡᠯᠡᠬᠦ ᠪᠠᠷ ᠲᠡᠳᠡ ᠦᠷᠬᠦᠯᠵᠢ ᠸᠠᠶᠢᠰ ᠬᠠᠭᠠᠨ ᠤ ᠬᠠᠯᠠᠭᠤᠨ ᠵᠣᠨ ᠤ ᠡᠳᠦᠷ | ᠦᠪᠡᠷ ᠤᠨ ᠪᠡᠶᠡ ᠪᠠᠷ ᠲᠠᠷᠢᠶᠠ ᠣᠰᠣᠯᠠᠬᠤ ᠶᠢ ᠣᠯᠵᠣ ᠦᠵᠡᠭᠰᠡᠨ ᠭᠡᠳᠡᠭ᠃ ᠪᠦᠭᠴᠢᠮᠡ ᠡᠳᠦᠷ ᠪᠣᠭᠤᠯᠴᠣᠳ ᠨᠢ | ᠬᠤᠳᠳᠤᠭ ᠠᠴᠠ ᠣᠰᠣ ᠳᠠᠳᠠᠵᠣ ᠭᠠᠷᠭᠠᠪᠠᠯ ᠬᠠᠭᠠᠨ ᠦᠪᠡᠷ ᠤᠨ ᠭᠠᠷ ᠢᠶᠠᠷ ᠣᠰᠣ ᠶᠢ ᠲᠠᠷᠢᠶᠠ ᠣᠷᠣᠭᠤ ᠪᠠᠨ | ᠴᠢᠳᠬᠤᠨ ᠣᠰᠣᠯᠠᠳᠠᠭ ᠪᠠᠶᠢᠵᠠᠢ᠃ ᠲᠡᠭᠦᠨ ᠤ ᠲᠠᠷᠢᠳᠠᠭ ᠲᠠᠷᠢᠶᠠ ᠨᠢ ᠲᠣᠩ ᠵᠢᠵᠢᠭᠬᠡᠨ ᠨᠢᠭᠡ ᠬᠡᠰᠡᠭ ᠪᠠᠶᠢᠵᠣ᠂ | ᠬᠤᠷᠢᠶᠠᠯᠳᠠ ᠨᠢ ᠨᠢᠭᠡ ᠲᠡᠮᠡᠭᠡᠨ ᠠᠴᠢᠶᠠ ᠲᠦᠭᠦᠷᠬᠦ ᠦᠭᠡᠢ ᠪᠣᠯᠪᠠᠴᠣ᠂ ᠲᠡᠭᠦᠨ ᠳᠤ ᠪᠣᠯ ᠨᠢᠭᠡ ᠵᠢᠯ ᠤᠨ ᠬᠦᠨᠡᠰᠦ | ᠪᠣᠯᠳᠠᠭ ᠭᠡᠨᠡ ᠪᠢᠯᠡ᠃ ᠲᠡᠷᠡ ᠪᠣᠯ ᠶᠡᠭᠡ ᠮᠠᠣᠯᠠ ᠮᠠᠬᠠᠮᠠᠳ᠋ · ᠺᠠᠱᠠᠨᠢ ᠶᠢᠨ ᠱᠠᠪᠢ ᠶᠣᠮ᠃ ᠡᠨᠡ ᠮᠠᠣᠯᠠ ᠪᠣᠯ | ᠬᠠᠰᠷᠠᠲ · ᠬᠤᠵᠠ · ᠬᠠᠰᠠᠨ ︵ᠠᠯᠯᠠᠾ ᠲᠡᠭᠦᠨ ᠤ ᠠᠯᠳᠠᠷ ᠢ ᠮᠢᠩᠭᠠᠨ ᠣᠨ ᠲᠠᠭᠤᠷᠢᠰᠬᠤ ᠪᠣᠯᠭᠠᠳᠣᠭᠠᠢ︶ ᠤ | ᠱᠠᠪᠢ ᠮᠦᠨ᠃ ᠬᠤᠵᠠ · ᠬᠠᠰᠠᠨ ᠪᠣᠯ ᠬᠠᠰᠷᠠᠲ · ᠬᠤᠲᠪᠢ · ᠮᠠᠰᠨᠠᠳᠢ · ᠠᠷᠱᠠᠳᠢ · ᠬᠤᠵᠠ · ᠪᠠᠭ᠋ᠠᠢ ᠦᠳ᠋ᠳᠢᠨ · | ᠨᠠᠾᠱᠪᠠᠨᠳ᠋ ︵ᠠᠯᠯᠠᠾ ᠲᠡᠭᠦᠨ ᠤ ᠰᠦᠨᠡᠰᠦ ᠳᠤ ᠪᠣᠶᠠᠨ ᠵᠢᠷᠭᠠᠯ ᠰᠣᠶᠣᠷᠬᠠᠬᠤ ᠪᠣᠯᠳᠣᠭᠠᠢ︶ ᠶᠢᠨ ᠱᠠᠪᠢ ᠶᠣᠮ᠃ | ᠸᠠᠶᠢᠰ ᠬᠠᠭᠠᠨ ᠬᠡᠳᠦᠶᠢᠪᠡᠷ ᠨᠢᠭᠡᠨ ᠡᠵᠡᠨ ᠬᠠᠭᠠᠨ ᠪᠣᠯᠪᠠᠴᠣ᠂ ᠦᠪᠡᠷ ᠤᠨ ᠱᠠᠰᠢᠨ ᠤ ᠣᠬᠠᠭᠠᠨ ᠤ ᠰᠣᠷᠣᠯᠭᠠ | ᠪᠠᠨ ᠬᠡᠵᠢᠶᠡᠳᠡ ᠰᠣᠯᠠ ᠲᠠᠯᠪᠢᠬᠤ ᠦᠭᠡᠢ᠃ ᠡᠮᠢᠷ · ᠬᠤᠳᠠᠶᠢᠳᠠ ᠲᠠᠷᠣᠢ ᠡᠨᠡᠬᠦ ᠲᠡᠭᠷᠢ ᠶᠢᠨ ᠪᠣᠱᠤᠭ ᠢᠶᠠᠷ ᠣᠯᠠᠷᠢᠯ | ᠨᠢ ᠮᠠᠨᠳᠣᠭᠰᠠᠨ ᠬᠠᠭᠠᠨ ᠢ ᠰᠠᠭᠤᠷᠢᠨ ᠳᠤ ᠪᠠᠶᠢᠭᠠ ᠦᠶᠡ ᠳᠤ ᠮᠧᠺᠺᠠ ᠬᠦᠷᠴᠦ ᠮᠦᠷᠭᠦᠯ ᠭᠢᠭᠰᠡᠨ ᠶᠣᠮ᠃ | ᠮᠣᠩᠭᠤᠯ ᠬᠦᠮᠦᠨ ᠤ ᠲᠡᠮᠳᠡᠭᠯᠡᠯ ᠢ ᠦᠨᠳᠦᠰᠦᠯᠡᠪᠡᠯ ᠡᠮᠢᠷ ᠬᠤᠳᠠᠶᠢᠳᠠ ᠨᠢᠭᠡ ᠨᠠᠰᠣᠨ ᠲᠠᠭᠠᠨ ᠦᠪᠡᠷ ᠤᠨ ᠭᠠᠷ | ᠢᠶᠠᠷ ᠨᠡᠶᠢᠳᠡ ᠵᠢᠷᠭᠤᠭᠠᠨ ᠬᠠᠭᠠᠨ ᠢ ᠬᠦᠷᠢᠶᠡᠯᠡᠨ ᠬᠠᠭᠠᠨ ᠰᠠᠭᠤᠷᠢᠨ ᠳᠤ ᠰᠠᠭᠤᠯᠭᠠᠭᠰᠠᠨ ᠭᠡᠳᠡᠭ ᠶᠣᠮ᠃ ᠲᠡᠳᠡᠨᠡᠷ | ᠤᠨ ᠲᠡᠰ ᠲᠠᠷᠠᠭᠠ ᠶᠢ ᠲᠣᠭᠠᠴᠢᠪᠠᠯ᠄ ᠾᠢᠳᠢᠷ ᠬᠤᠵᠠ ᠬᠠᠭᠠᠨ ︵ᠪᠢᠳᠡ ᠲᠡᠭᠦᠨ ᠢ ᠨᠢᠭᠡᠨᠳᠡ ᠶᠠᠷᠢᠵᠣ ᠦᠩᠭᠡᠷᠡᠪᠡ︶ | ᠱᠠᠮᠢᠴᠠᠭᠠᠨ ᠬᠠᠭᠠᠨ᠂ ᠨᠠᠾᠱ ᠵᠢᠬᠠᠨ ᠬᠠᠭᠠᠨ᠂ ᠮᠠᠬᠠᠮᠠᠳ᠋ ᠬᠠᠭᠠᠨ᠂ ᠰᠢᠷ · ᠮᠠᠬᠠᠮᠠᠳ᠋ ᠬᠠᠭᠠᠨ ᠪᠣᠯᠣᠨ ᠬᠠᠮᠤᠭ | ᠡᠴᠦᠰ ᠤᠨ ᠸᠠᠶᠢᠰ ᠬᠠᠭᠠᠨ ᠪᠣᠯᠣᠨᠠ᠃ | ᠲᠣᠰ ᠪᠦᠯᠦᠭ ᠤᠨ ᠲᠠᠶᠢᠯᠪᠣᠷᠢ | ① ᠠᠳᠡ ᠣᠣᠯ ᠦᠭᠡ ᠨᠢ Sar Zadah ᠭᠡᠳᠡᠭ ᠦᠭᠡ ᠶᠢ ᠬᠡᠷᠡᠭᠯᠡᠵᠡᠢ᠃ ᠰᠢᠭᠤᠳ ᠣᠳᠬᠠ ᠨᠢ | ᠪᠦᠬᠦᠶᠢᠨ ᠣᠭᠳᠣᠪᠠ ᠭᠡᠰᠡᠨ ᠦᠭᠡ ᠪᠣᠯᠣᠨᠠ᠃ ᠡᠶᠢᠮᠦ ᠠᠴᠠ ᠷᠣᠰ ᠪᠣᠯ ᠡᠰᠡᠨ ᠲᠠᠶᠢᠱᠢ ᠶᠢ ᠲᠡᠭᠦᠨ ᠢ ᠣᠭᠳᠣᠬᠤ | ᠲᠠᠭᠠᠨ ᠮᠠᠰᠢ ᠲᠣᠣᠷᠠᠳᠣ ᠠᠪᠣᠷᠢᠯᠠᠨ ᠬᠦᠨᠳᠦᠳᠭᠡᠨ ᠣᠭᠳᠣᠪᠠ ᠭᠡᠵᠦ ᠲᠠᠶᠢᠯᠪᠣᠷᠢᠯᠠᠨ ᠣᠷᠴᠢᠭᠤᠯᠵᠠᠢ᠃ ᠦᠨᠡᠨᠳᠡᠭᠡᠨ | ᠠᠳᠡ ᠮᠢᠷᠽᠠ · ᠬᠠᠶᠢᠳᠠᠷ ᠤᠨ ᠱᠠᠰᠢᠨ ᠤ ᠬᠠᠵᠠᠭᠠᠢ ᠦᠵᠡᠯᠳᠡ ᠠᠴᠠ ᠪᠣᠯᠣᠭᠰᠠᠨ ᠬᠡᠯᠡᠯᠭᠡ ᠨᠢ ᠢᠯᠡᠷᠬᠡᠢ ᠪᠠᠶᠢᠨᠠ᠃ | | ② ᠣᠣᠯ ᠦᠭᠡ ᠨᠢ ᠠᠳᠡ ᠨᠢᠭᠡ farsakh ᠭᠡᠵᠡᠢ᠃ ᠨᠢᠭᠡ ᠹᠠᠷᠰᠠᠾ ᠪᠣᠯ ᠦᠨᠡᠨᠳᠡᠭᠡᠨ ᠲᠦᠷᠪᠡᠨ ᠮᠢᠯ ᠲᠠᠢ | ᠲᠡᠩᠴᠡᠭᠦᠥ ᠪᠣᠯᠣᠨᠠ᠃ ᠨᠦᠬᠦᠭᠡ ᠢᠯᠠ ᠭᠤᠣᠯ ᠢ Ailah ᠭᠡᠵᠦ ᠭᠠᠯᠢᠭᠴᠢᠯᠠᠪᠠ᠃ ᠭᠡᠪᠡᠴᠦ ᠡᠨᠡ ᠪᠣᠯ ᠣᠯᠠᠨ ᠤ | ᠮᠡᠳᠡᠬᠦ ᠢᠯᠢ ᠭᠤᠣᠯ ᠶᠣᠮ᠃ ᠢᠯᠢ ᠭᠡᠳᠡᠭ ᠨᠢ ᠬᠢᠳᠠᠳ ᠭᠠᠯᠢᠭᠴᠢᠯᠠᠭᠠ ᠪᠣᠯᠣᠨᠠ᠃ ᠲᠦᠷᠺᠴᠦᠳ ᠢᠯᠠ ᠭᠤᠣᠯ | ᠭᠡᠵᠦ᠂ ᠮᠣᠩᠭᠤᠯᠴᠣᠳ ᠢᠯ ᠭᠤᠣᠯ ᠭᠡᠳᠡᠭ ᠪᠠᠶᠢᠭᠰᠠᠨ ᠠᠵᠠᠢ᠃ ᠡᠨᠡᠬᠦ ᠭᠤᠣᠯ ᠭᠤᠯᠵᠠ ᠶᠢ ᠦᠩᠭᠡᠷᠡᠨ ᠪᠠᠯᠬᠠᠱ | ᠨᠠᠭᠤᠷ ᠲᠤ ᠴᠢᠳᠬᠤᠨᠠ᠃ ᠮᠢᠷᠽᠠ · ᠬᠠᠶᠢᠳᠠᠷ ᠡᠨᠡ ᠣᠳᠠᠭᠠᠨ ᠤ ᠲᠠᠶᠢᠨ ᠢ ᠴᠣᠬᠤᠮ ᠶᠠᠮᠠᠷ ᠭᠠᠵᠠᠷ ᠭᠡᠵᠦ | ᠪᠣᠳᠠᠳᠠᠢ ᠬᠡᠯᠡᠭᠰᠡᠨ ᠦᠭᠡᠢ ᠵᠦᠪᠬᠡᠨ ᠮᠣᠩᠭᠤᠯᠰᠲ᠋ᠠᠨ ᠤ ᠬᠢᠯᠢ ᠲᠡᠭᠡᠷᠡ ᠪᠠᠶᠢᠭᠠ ᠺᠠᠪᠠᠺᠠ ᠭᠡᠳᠡᠭ ᠭᠠᠵᠠᠷ ᠲᠤ ᠪᠣᠯᠵᠠᠢ | ᠭᠡᠪᠡ᠃ ᠲᠣᠬᠠᠢ ᠶᠢᠨ ᠦᠶᠡ ᠳᠤ ᠮᠣᠩᠭᠤᠯᠰᠲ᠋ᠠᠨ ᠤ ᠵᠡᠭᠦᠨ ᠲᠠᠯᠠ ᠪᠠ ᠠᠷᠣ ᠲᠠᠯᠠ ᠪᠠᠷ ᠪᠦᠷ ᠬᠠᠯᠢᠮᠠᠭᠴᠣᠳ | ᠪᠠᠶᠢᠵᠠᠢ᠃ᠪᠷᠧᠲᠱᠨ᠋ᠸᠢᠳᠧᠷ ᠠᠴᠠ ᠺᠠᠲᠮᠠᠶᠢᠷ ᠤᠨ ᠨᠣᠮ ︽ᠨᠢᠳᠦ ᠪᠠᠷ ᠢᠶᠠᠨ ᠬᠠᠷᠠᠭᠰᠠᠨ ᠣᠯᠠᠨ ᠣᠯᠣᠰ ᠤᠨ | ᠵᠢᠭᠤᠴᠢᠯᠠᠯ︾ ᠠᠴᠠ ᠡᠰᠢᠯᠡᠵᠦ ᠬᠡᠯᠡᠭᠰᠡᠨ ᠨᠢ ᠠᠷᠪᠠᠨ ᠲᠦᠷᠪᠡᠳᠦᠭᠡᠷ ᠵᠠᠭᠤᠨ ᠳᠤ ᠢᠯᠢ ᠭᠤᠣᠯ ᠪᠣᠯ ᠮᠠᠸᠧᠢᠷᠠᠨᠨᠠᠷ | ᠤᠨ ᠵᠡᠭᠦᠨ ᠬᠢᠯᠢ ᠪᠠᠶᠢᠪᠠ᠃ ᠭᠡᠪᠡᠴᠦ ᠣᠳᠠᠯ ᠦᠭᠡᠢ ᠲᠡᠳᠡ ᠡᠨᠡᠬᠦ ᠬᠢᠯᠢ ᠠᠴᠠ ᠪᠠᠨ ᠬᠤᠶᠢᠰᠢ ᠣᠬᠤᠷᠢᠨ ᠶᠠᠪᠣᠪᠠ᠃ | ᠸᠠᠶᠢᠰ ᠬᠠᠭᠠᠨ ᠤ ᠴᠠᠭ ᠦᠶ᠋ᠶᠡ ᠪᠣᠯᠬᠤ ᠳᠤ ᠴᠣᠬᠤᠮ ᠶᠠᠮᠠᠷ ᠪᠠᠶᠢᠭᠰᠠᠨ ᠢ ᠬᠡᠯᠡᠵᠦ ᠮᠡᠳᠡᠬᠦ ᠦᠭᠡᠢ ᠪᠣᠯᠪᠠ ᠭᠡᠪᠡ᠃ | | | | ᠪᠡᠯᠡᠳᠬᠡᠭᠰᠡᠨ ᠨᠢ᠄ ᠡᠷᠳᠡᠨᠢᠬᠦᠦ | ᠨᠠᠶᠢᠷᠠᠭᠤᠯᠤᠭᠰᠠᠨ ᠨᠢ᠄ ᠨᠠᠮᠤᠷ | ᠬᠢᠨᠠᠭᠰᠠᠨ ᠨᠢ᠄ ᠤᠷᠢᠬᠠᠨ |