| ᠭᠤᠴᠢᠨ ᠲᠦᠷᠪᠡᠳᠦᠭᠡᠷ ᠪᠦᠯᠦᠭ | ᠡᠮᠢᠷ ᠬᠤᠳᠠᠶᠢᠳᠠ ᠮᠧᠺᠺᠠ ᠳᠤ ᠮᠦᠷᠬᠦᠯ ᠬᠢᠬᠦ ᠪᠠᠷ ᠶᠠᠪᠣᠭᠰᠠᠨ ᠲᠣᠯᠠ ᠳᠣᠰᠢᠶᠠᠯ ᠪᠠ ᠬᠡᠷᠬᠢᠮ ᠵᠡᠷᠭᠡ ᠶᠢ ᠨᠢ | ᠲᠡᠭᠦᠨ ᠤ ᠠᠬᠠᠮᠠᠳ ᠬᠦᠪᠡᠭᠦᠨ ᠡᠮᠢᠷ · ᠮᠠᠬᠠᠮᠠᠳ᠋ · ᠱᠠᠾ ᠵᠠᠯᠭᠠᠮᠵᠢᠯᠠᠭᠠᠳ ᠣᠳᠠᠭᠠᠳᠣᠢ ᠪᠠᠷ ᠸᠠᠶᠢᠰ ᠬᠠᠭᠠᠨ ᠨᠠᠰᠣ | ᠪᠠᠷᠠᠴᠢᠬᠠᠪᠠ᠃ ᠲᠡᠭᠦᠨ ᠤ ᠨᠠᠰᠣ ᠪᠠᠷᠠᠭᠰᠠᠨ ᠦᠩᠭᠡᠷᠡᠯᠳᠡ ᠨᠢ ᠲᠣᠣᠷᠠᠬᠢ ᠮᠡᠳᠦ᠄ ᠡᠮᠢᠷ ᠲᠡᠮᠦᠷ ᠤᠨ ᠬᠠᠭᠠᠨ | ᠰᠠᠭᠤᠷᠢᠨ ᠳᠤ ᠭᠠᠷᠭᠠᠭᠰᠠᠨ ᠣᠯᠠᠨ ᠮᠠᠨᠣᠣᠯ ᠬᠠᠭᠠᠳ① ᠤᠨ ᠲᠣᠲᠣᠷᠠ ᠨᠢᠭᠡ ᠱᠠᠲ᠋ᠣᠺ ᠭᠡᠳᠡᠭ ᠨᠡᠷᠡ ᠲᠠᠢ ᠬᠠᠭᠠᠨ | ᠪᠠᠶᠢᠪᠠ᠃ ᠲᠡᠭᠦᠨ ᠢ ᠨᠢᠭᠡ ᠮᠠᠰᠢ ᠦᠨᠳᠦᠷ ᠰᠦᠷᠯᠢᠭ ᠬᠤᠳᠠ ᠴᠠᠶᠢᠵᠠ ᠳᠤ ᠲᠣᠬᠢᠷᠠᠭᠤᠯᠣᠨ ᠰᠠᠭᠤᠯᠭᠠᠵᠠᠢ᠃ ᠡᠨᠡ | ᠬᠤᠳᠠ ᠴᠠᠶᠢᠵᠠ ᠨᠢ ᠰᠠᠮᠠᠷᠺᠠᠨᠳ᠋ ᠲᠤ ᠪᠠᠶᠢᠭᠠ ᠶᠣᠮ᠃ ᠲᠡᠭᠦᠨ ᠢ ᠶᠡᠷᠦ ᠨᠢ ᠬᠠᠭᠠᠨ ᠬᠤᠳᠠ ︵Hiyat-i-khan | ︶ ②ᠭᠡᠳᠡᠭ ᠶᠣᠮ᠃ ᠲᠡᠭᠦᠨ ᠤ ᠲᠠᠯᠠᠪᠠᠢ ᠨᠢ ᠮᠠᠰᠢ ᠶᠡᠭᠡ᠂ ᠲᠣᠲᠣᠷᠠᠬᠢ ᠡᠯᠡ ᠬᠡᠰᠡᠭ ᠲᠤ ᠨᠢ ᠪᠦᠷ ᠦᠪᠡᠷ | ᠦᠪᠡᠷ ᠤᠨ ᠬᠢᠨᠢ ᠨᠡᠷᠡᠶᠢᠳᠦᠯ ᠲᠠᠢ ᠪᠠᠶᠢᠪᠠ᠃ ᠲᠡᠭᠦᠨ ᠤ ᠨᠢᠭᠡ ᠬᠡᠰᠡᠭ ᠢ ᠬᠠᠭᠠᠨ ᠤ ᠬᠦᠷᠢᠶᠡᠯᠡᠩ ᠭᠡᠵᠦ ᠰᠠᠮᠠᠷᠺᠠᠨᠳ᠋ | ᠲᠤ ᠬᠠᠮᠤᠭ ᠰᠠᠶᠢᠬᠠᠨ ᠦᠵᠡᠮᠵᠢ ᠲᠠᠢ ᠭᠠᠵᠠᠷ ᠪᠣᠯᠬᠤ ᠶᠣᠮ᠃ ᠡᠮᠢᠷ ᠲᠡᠮᠦᠷ ᠤᠨ ᠴᠠᠭ ᠦᠶᠡ ᠳᠤ ᠬᠠᠭᠠᠨ | ᠰᠠᠭᠤᠷᠢᠨ ᠳᠤ ᠪᠠᠶᠢᠭᠰᠠᠨ ᠶᠢᠰᠦᠷᠬᠠᠳ᠋ᠮᠢᠱ ᠬᠠᠭᠠᠨ③ ᠲᠠᠷᠣᠢ ᠠᠳᠡ ᠰᠠᠭᠤᠵᠣ ᠪᠠᠶᠢᠵᠠᠢ᠃ ᠭᠡᠪᠡᠴᠦ ᠶᠢᠰᠦᠷᠬᠠᠳ᠋ᠮᠢᠱ | ᠬᠠᠭᠠᠨ ᠠᠳᠡ ᠠᠴᠠ ᠰᠠᠯᠵᠣ ᠢᠷᠠᠺ ᠲᠤ ᠲᠣᠳᠠᠭᠠᠨ ᠶᠠᠪᠣᠵᠠᠢ᠃ ᠢᠩᠬᠢᠭᠡᠳ ᠰᠣᠯᠲ᠋ᠠᠨ · ᠮᠠᠬᠠᠮᠠᠳ᠋ ᠬᠠᠭᠠᠨ ᠡᠨᠡ | ᠬᠤᠳᠠᠨ ᠳᠤ ᠬᠠᠭᠠᠨ ᠰᠠᠭᠤᠵᠣ ᠲᠡᠭᠦᠨ ᠢ ᠣᠷᠣᠯᠠᠭᠰᠠᠨ ᠶᠣᠮ᠃ ᠡᠮᠢᠷ ᠲᠡᠮᠦᠷ ᠤᠨ ᠠᠯᠢᠪᠠ ᠵᠠᠷᠯᠢᠭ ᠵᠠᠷᠯᠠᠯ ᠳᠤ | ᠪᠦᠷ ᠡᠳᠡᠭᠡᠷ ᠬᠠᠭᠠᠳ ᠭᠠᠷ ᠤᠨ ᠦᠰᠦᠭ ᠵᠢᠷᠣᠵᠣ᠂ ᠬᠠᠭᠠᠨ ᠲᠠᠮᠠᠭᠠ ᠪᠠᠨ ᠲᠠᠷᠣᠭᠳᠠᠭ ᠵᠣᠷᠰᠢᠯ ᠲᠠᠢ ᠪᠠᠶᠢᠪᠠ᠃ | ᠡᠶᠢᠮᠦ ᠠᠴᠠ ᠡᠮᠢᠷ ᠦᠯᠦᠭᠪᠡᠢ ᠶᠢᠨ ᠵᠠᠷᠯᠢᠭ ᠳᠤ ᠴᠦ ᠱᠠᠲ᠋ᠣᠺ ᠬᠠᠭᠠᠨ ᠭᠠᠷ ᠤᠨ ᠦᠰᠦᠭ ᠵᠢᠷᠣᠨ ᠬᠠᠭᠠᠨ ᠲᠠᠮᠠᠭᠠ | ᠪᠠᠨ ᠲᠠᠷᠣᠳᠠᠭ ᠵᠠᠩᠰᠢᠯ ᠲᠠᠢ ᠪᠠᠶᠢᠵᠠᠢ᠃ ᠬᠤᠵᠢᠮ ᠮᠢᠷᠽᠠ · ᠦᠯᠦᠭᠪᠡᠢ ᠱᠠᠲ᠋ᠣᠺ ᠬᠠᠭᠠᠨ ᠢ ᠣᠷᠳᠣᠨ ᠠᠴᠠ ᠨᠢ | ᠬᠦᠭᠡᠭᠡᠨ ᠭᠠᠷᠭᠠᠵᠣ ᠦᠭᠡᠷᠡ ᠨᠢᠭᠡᠨ ᠬᠠᠭᠠᠨ ᠢᠶᠠᠷ ᠲᠡᠭᠦᠨ ᠢ ᠣᠷᠣᠯᠠᠭᠤᠯᠪᠠ᠃ ᠲᠡᠭᠡᠭᠡᠳ ᠲᠡᠭᠦᠨ ᠢ | ᠮᠣᠩᠭᠤᠯᠰᠲ᠋ᠠᠨ ᠳᠤ ᠬᠦᠷᠭᠡᠵᠦ ᠶᠠᠪᠣᠭᠤᠯᠪᠠ④᠃ | ᠸᠠᠶᠢᠰ ᠬᠠᠭᠠᠨ ᠢᠰᠠᠶᠢᠺ ᠨᠠᠭᠤᠷ ᠤᠨ ᠪᠠᠭᠠ ᠪᠣᠯᠣᠩ ᠭᠡᠳᠡᠭ ᠭᠠᠵᠠᠷ ᠲᠤ ᠰᠠᠭᠤᠵᠣ ᠪᠠᠶᠢᠵᠠᠢ᠃ ᠪᠢ ᠶᠡᠭᠡ | ᠮᠠᠣᠯᠠ · ᠬᠤᠵᠠ · ᠠᠬᠠᠮᠠᠳ᠋ ᠤᠨ ᠬᠡᠯᠡᠬᠦ ᠶᠢ ᠰᠣᠨᠣᠰᠣᠭᠰᠠᠨ ᠢᠶᠠᠷ᠄ ︽ᠮᠢᠨᠦ ᠦᠶᠡᠯᠢᠳ ᠠᠬᠠ ᠬᠤᠵᠠ · ᠠᠪᠣᠳ᠋ · | ᠬᠠᠷᠢᠮ ᠪᠣᠯ ᠸᠠᠶᠢᠰ ᠬᠠᠭᠠᠨ ᠲᠠᠢ ᠮᠠᠰᠢ ᠲᠣᠲᠣᠨᠣ ᠨᠠᠶᠢᠷ ᠲᠠᠢ ᠪᠠᠶᠢᠵᠠᠢ᠃ ᠲᠡᠷᠡ ᠨᠠᠳᠠ ᠦᠷᠬᠦᠯᠵᠢ ᠡᠨᠡ ᠣᠴᠢᠷ ᠢ | ᠶᠠᠷᠢᠳᠠᠭ ᠪᠠᠶᠢᠭᠰᠠᠨ ᠶᠣᠮ᠃ ᠨᠢᠭᠡ ᠣᠳᠠᠭᠠ ᠭᠠᠷᠠᠭ ᠤᠨ ᠲᠠᠪᠣᠨ ᠤ ᠮᠦᠷᠬᠦᠯ ᠤᠨ ᠴᠣᠭᠯᠠᠭᠠᠨ ᠤ ᠡᠮᠦᠨᠡ ᠸᠠᠶᠢᠰ | ᠬᠠᠭᠠᠨ ᠰᠠᠬᠠᠯ ᠬᠤᠣᠵᠠ ᠪᠠᠨ ᠬᠤᠰᠣᠴᠢᠬᠠᠭᠠᠳ᠂ ᠪᠡᠶᠡ ᠪᠠᠨ ᠠᠷᠢᠭᠤᠯᠠᠵᠣ ᠪᠠᠷᠠᠭᠠᠳ ᠮᠢᠨᠦ ᠠᠳᠡ ᠢᠷᠡᠵᠦ᠂ | ᠨᠠᠳᠠ ᠠᠴᠠ᠄ ︽ᠮᠢᠨᠦ ᠲᠣᠯᠣᠭᠠᠢ ᠪᠠᠨ ᠵᠠᠰᠠᠭᠰᠠᠨ ᠶᠠᠮᠠᠷ ᠪᠠᠶᠢᠨᠠ᠃ ᠲᠡᠭᠦᠨ ᠤ ᠦᠷᠳᠡᠭ ᠨᠢ ᠶᠠᠭᠤ ᠪᠣᠯᠳᠠᠭ ᠪᠣᠯ︖ | ︾ ᠭᠡᠵᠦ ᠠᠰᠠᠭᠤᠪᠠ᠃ ᠡᠭᠦᠨ ᠳᠤ ᠪᠢ ᠲᠡᠭᠦᠨ ᠳᠤ ᠬᠠᠷᠢᠭᠤ ᠬᠡᠯᠡᠭᠰᠡᠨ ᠨᠢ᠄ ︽ᠣᠳᠣ ᠨᠢᠭᠡ ᠰᠣᠪᠣᠳ ᠡᠷᠳᠡᠨᠢ | ᠰᠢᠬᠢᠳᠭᠡᠭᠰᠡᠨ ᠬᠠᠭᠠᠨ ᠲᠢᠲᠢᠮ ᠲᠣᠳᠠᠵᠣ ᠪᠠᠶᠢᠨᠠ︾ ᠭᠡᠬᠦ ᠳᠤ ᠬᠠᠭᠠᠨ ᠬᠡᠯᠡᠭᠰᠡᠨ ᠨᠢ᠄ ︽ᠲᠡᠶᠢᠮᠦ ᠪᠢᠰᠢ᠂ | ᠲᠡᠶᠢᠮᠦ ᠪᠢᠰᠢ᠂ ᠲᠡᠭᠦᠨ ᠤ ᠦᠷᠳᠡᠭ ᠨᠢ ᠦᠷᠡᠭᠳᠡᠯ ᠶᠣᠮ︾ ᠭᠡᠨᠡ᠃ ᠲᠡᠷᠡ ᠦᠭᠡ ᠪᠠᠨ ᠬᠠᠯᠳᠣ ᠬᠡᠯᠡᠵᠦ | ᠪᠠᠷᠠᠳᠠᠯᠠ᠂ ᠨᠢᠭᠡᠨ ᠡᠯᠴᠢ ᠭᠦᠶᠦᠨ ᠣᠷᠣᠵᠣ ᠢᠷᠡᠭᠡᠳ ᠮᠡᠳᠡᠭᠦᠯᠦᠭᠰᠡᠨ ᠨᠢ᠄ ︽ᠱᠠᠲ᠋ᠣᠺ ᠬᠠᠭᠠᠨ ᠨᠢᠭᠡᠨᠳᠡ | ᠲᠣᠪᠳᠣᠯᠣᠷᠠ ᠢᠷᠡᠪᠡ︾ ᠭᠡᠪᠡ ᠲᠡᠭᠡᠭᠡᠳ ᠸᠠᠶᠢᠰ ᠬᠠᠭᠠᠨ ᠲᠡᠷᠡ ᠲᠣᠣᠷᠠ ᠪᠠᠨ ᠬᠡᠩᠬᠡᠷᠭᠡ ᠲᠡᠯᠡᠳᠡᠭᠦᠯᠦᠨ ᠵᠡᠷ | ᠲᠠᠷᠬᠠᠭᠠᠵᠣ᠂ ᠦᠪᠡᠷ ᠢᠶᠠᠨ ᠬᠤᠶᠠᠭᠯᠠᠨ ᠡᠬᠢᠯᠡᠪᠡ᠃ ᠣᠶᠢᠷᠠ ᠣᠷᠴᠢᠮ ᠤᠨ ᠬᠦᠮᠦᠰ ᠪᠦᠷ ᠬᠠᠭᠠᠨ ᠤ ᠲᠡᠷᠭᠡᠳᠡ | ᠬᠦᠷᠦᠯᠴᠡᠨ ᠢᠷᠡᠵᠡᠭᠡᠨ ᠲᠠᠶᠢᠰᠣᠨ ᠢ ᠣᠭᠳᠣᠬᠤ ᠪᠠᠷ ᠮᠣᠷᠳᠠᠨ ᠭᠠᠷᠴᠠᠭᠠᠪᠠ᠃ ᠬᠤᠶᠠᠷ ᠲᠠᠯᠠ ᠶᠢᠨ ᠴᠡᠷᠢᠭ ᠭᠤᠣᠯ | ᠠᠯᠣᠰᠯᠠᠨ ᠵᠢᠬᠰᠠᠭᠠᠵᠠᠢ᠃ ᠪᠠᠶᠢᠯᠳᠣᠬᠤ ᠦᠶᠡ ᠳᠤ ᠸᠠᠶᠢᠰ ᠬᠠᠭᠠᠨ ᠦᠪᠡᠷ ᠤᠨ ᠪᠡᠶᠡ ᠪᠠᠷ ᠲᠡᠷᠢᠭᠦᠯᠡᠨ ᠲᠠᠶᠢᠰᠣᠨ | ᠤ ᠵᠦᠭ ᠮᠣᠷᠢ ᠲᠣᠪᠳᠣᠯᠭᠠᠨ ᠲᠠᠭᠠᠷᠢᠨ ᠣᠷᠣᠪᠠ᠃ ᠲᠡᠷᠡ ᠮᠣᠷᠢ ᠬᠠᠷᠠᠶᠢᠯᠭᠠᠨ ᠭᠤᠣᠯ ᠢ ᠭᠠᠳᠣᠯᠬᠤ ᠰᠠᠨᠠᠭᠠ ᠲᠠᠢ | ᠲᠣᠪᠳᠣᠯᠣᠨ ᠣᠷᠣᠭᠰᠠᠨ ᠪᠣᠯᠪᠠᠴᠣ᠂ ᠲᠡᠭᠦᠨ ᠤ ᠣᠨᠣᠭᠰᠠᠨ ᠮᠣᠷᠢ ᠨᠢ ᠭᠤᠣᠯ ᠤᠨ ᠡᠷᠬᠢ ᠳᠠᠬᠢ ᠪᠠᠯᠴᠢᠭ ᠨᠠᠮᠤᠭ | ᠲᠤ ᠣᠷᠣᠵᠣ᠂ ᠵᠦᠪᠬᠡᠨ ᠲᠣᠯᠣᠭᠠᠢ ᠨᠢ ᠯᠠ ᠭᠠᠷᠴᠣ ᠪᠠᠶᠢᠯᠠ᠃ ᠲᠣᠬᠠᠢ ᠶᠢᠨ ᠦᠶᠡ ᠳᠤ ᠡᠮᠢᠷ · ᠮᠠᠬᠠᠮᠠᠳ᠋ · ᠱᠠᠾ | ᠲᠤ ᠨᠢᠭᠡ ᠵᠠᠾᠢᠷ ᠭᠡᠳᠡᠭ ᠨᠡᠷᠡ ᠲᠠᠢ ᠲᠠᠭᠠᠯᠳᠠ ᠪᠠᠶᠢᠵᠣ᠂ ᠮᠠᠰᠢ ᠰᠢᠯᠢᠳᠡᠭ ᠰᠠᠶᠢᠨ ᠬᠠᠷᠪᠣᠭᠠᠴᠢ ᠶᠣᠮ᠃ ᠲᠡᠭᠦᠨ ᠤ | ᠵᠡᠪᠡ ᠶᠢᠨ ᠡᠷᠳᠡᠮ ᠪᠦᠬᠦ ᠴᠡᠷᠢᠭ ᠲᠤ ᠣᠷᠣᠶᠢᠯᠠᠳᠠᠭ ᠪᠣᠯᠬᠤᠷ᠂ ᠸᠠᠶᠢᠰ ᠬᠠᠭᠠᠨ ᠲᠡᠭᠦᠨ ᠢ ᠡᠮᠢᠷ · ᠮᠠᠬᠠᠮᠠᠳ᠋ · ᠱᠠᠾ | ᠤᠨ ᠭᠠᠷ ᠲᠣᠣᠷᠠ ᠠᠴᠠ ᠲᠠᠭᠤᠳᠠᠨ ᠠᠪᠴᠢᠷᠠᠭᠠᠳ ᠦᠪᠡᠷ ᠤᠨ ᠰᠢᠳᠠᠷ ᠲᠠᠭᠠᠯᠳᠠ ᠪᠣᠯᠭᠠᠪᠠ᠃ ᠸᠠᠶᠢᠰ ᠬᠠᠭᠠᠨ ᠤ | ᠮᠣᠷᠢ ᠨᠠᠮᠤᠭ ᠲᠤ ᠰᠢᠬᠢᠳᠣᠨ ᠣᠷᠣᠭᠠᠳ ᠪᠠᠶᠢᠳᠠᠯᠠ ᠡᠨᠡᠬᠦ ᠵᠠᠾᠢᠷ ᠬᠤᠶᠢᠨᠠ ᠠᠴᠠ ᠢᠷᠡᠵᠦ᠂ ᠬᠠᠭᠠᠨ ᠢᠶᠠᠨ | ᠲᠠᠶᠢᠰᠣᠨ ᠭᠡᠵᠦ ᠪᠣᠳᠣᠭᠠᠳ ᠨᠢᠭᠡᠯᠡ ᠬᠠᠷᠪᠣᠭᠰᠠᠨ ᠳᠤ ᠬᠠᠭᠠᠨ ᠤ ᠨᠢᠷᠣᠭᠤ ᠣᠨᠣᠭᠳᠠᠨ ᠮᠣᠷᠢᠨ ᠠᠴᠠ ᠦᠩᠬᠦᠷᠢᠨ | ᠲᠡᠭᠡᠭᠰᠢ ᠬᠠᠷᠠᠨ ᠬᠦᠰᠡᠷ ᠣᠨᠠᠪᠠ᠃ ᠡᠨᠡ ᠦᠶᠡ ᠲᠡᠷᠡ ᠰᠠᠶ᠋ᠢ ᠬᠠᠭᠠᠨ ᠢᠶᠠᠨ ᠲᠠᠨᠢᠵᠣ᠂ ᠲᠦᠷᠭᠡᠨ ᠭᠦᠶᠦᠵᠦ | ᠣᠴᠢᠭᠠᠳ ᠲᠡᠭᠦᠨ ᠤ ᠲᠡᠭᠡᠷᠡ ᠬᠦᠷᠴᠡᠢ᠃ ᠱᠠᠲ᠋ᠣᠺ ᠬᠠᠭᠠᠨ ᠡᠨᠡᠬᠦ ᠴᠢᠮᠡᠭᠡ ᠶᠢ ᠰᠣᠨᠣᠰᠣᠭᠠᠳ ᠮᠦᠨ ᠲᠦᠷᠭᠡᠯᠡᠨ | ᠢᠷᠡᠵᠦ᠂ ᠸᠠᠶᠢᠰ ᠬᠠᠭᠠᠨ ᠤ ᠲᠣᠯᠣᠭᠠᠢ ᠶᠢ ᠡᠪᠴᠢᠭᠦᠨ ᠲᠡᠭᠡᠨ ᠲᠡᠪᠡᠷᠢᠨ ᠠᠪᠬᠤ ᠦᠶᠡ ᠳᠤ ᠸᠠᠶᠢᠰ ᠬᠠᠭᠠᠨ | ᠨᠢᠭᠡᠨᠳᠡ ᠠᠮᠢᠰᠬᠤᠯ ᠬᠤᠷᠢᠶᠠᠪᠠ᠃ ᠢᠩᠬᠢᠭᠡᠳ ᠮᠣᠩᠭᠤᠯ ᠶᠡᠬᠡᠪᠡᠷ ᠰᠠᠮᠠᠭᠤᠷᠠᠪᠠ᠃ ᠭᠡᠪᠡᠴᠦ ᠲᠡᠳᠡ ᠰᠠᠲ᠋ᠣᠺ · | ᠬᠠᠭᠠᠨ ᠢ ᠲᠠᠭ ᠲᠠᠭᠠᠬᠤ ᠲᠣᠷᠠ ᠦᠭᠡᠢ ᠪᠣᠯᠬᠤᠷ ᠲᠡᠷᠡ ᠴᠦ ᠮᠣᠩᠭᠤᠯᠰᠲ᠋ᠠᠨ ᠳᠤ ᠬᠦᠯ ᠲᠣᠭᠳᠠᠵᠣ ᠴᠢᠳᠠᠬᠤ | ᠦᠭᠡᠢ ᠪᠣᠯᠵᠣ᠂ ᠺᠠᠱᠬᠠᠷ ᠵᠦᠭ ᠲᠤ ᠣᠬᠤᠷᠢᠨ ᠶᠠᠪᠣᠵᠠᠢ᠃ ᠲᠡᠷᠡ ᠲᠡᠨᠳᠡ ᠬᠦᠷᠦᠭᠡᠳ ᠡᠮᠢᠷ ᠬᠤᠳᠠᠶᠢᠳᠠ ᠶᠢᠨ | ᠣᠮᠪᠣᠯ ᠬᠦᠪᠡᠭᠦᠨ ᠬᠠᠷᠠᠬᠤᠯ · ᠠᠬᠠᠮᠠᠳ᠋ · ᠮᠢᠷᠽᠠ ᠳᠤ ᠨᠣᠮᠣᠳᠬᠠᠭᠳᠠᠪᠠ᠃ ᠲᠡᠮᠡᠢ ᠣᠳᠠᠯ ᠦᠭᠡᠢ ᠮᠢᠷᠽᠠ · | ᠦᠯᠦᠭᠪᠡᠢ ᠴᠡᠷᠢᠭ ᠲᠣᠮᠢᠯᠠᠨ ᠺᠠᠱᠬᠠᠷ ᠢ ᠲᠠᠶᠢᠯᠠᠨ᠂ ᠬᠠᠷᠠᠬᠤᠯ · ᠠᠬᠠᠮᠠᠳ᠋ · ᠮᠢᠷᠽᠠ ᠶᠢ ᠪᠠᠷᠢᠪᠴᠢᠯᠠᠨ ᠠᠪᠴᠣ᠂ | ᠰᠠᠮᠠᠷᠺᠠᠨᠳ᠋ ᠲᠤ ᠠᠪᠠᠴᠢᠨ ᠴᠠᠪᠴᠢᠨ ᠠᠯᠠᠭᠰᠠᠨ ᠪᠢᠯᠡ᠃ | ᠲᠣᠰ ᠪᠦᠯᠦᠭ ᠤᠨ ᠲᠠᠶᠢᠯᠪᠣᠷᠢ | ① ᠡᠮᠢᠷ ᠲᠡᠮᠦᠷ ᠬᠡᠳᠦᠶᠢᠪᠡᠷ ᠲᠣᠮᠳᠠᠳᠣ ᠠᠽᠢ ᠳᠤ ᠬᠢᠵᠠᠭᠠᠯᠠᠰᠢ ᠦᠭᠡᠢ ᠶᠡᠭᠡ ᠡᠷᠬᠡ ᠮᠡᠳᠡᠯ ᠲᠠᠢ ᠪᠠᠶᠢᠭᠰᠠᠨ | ᠪᠣᠯᠪᠠᠴᠣ᠂ ᠲᠡᠨᠳᠡᠬᠢ ᠢᠵᠠᠭᠤᠷᠳᠠᠳ ᠪᠠ ᠠᠷᠠᠳ ᠢᠷᠭᠡᠳ ᠨᠢ ᠵᠦᠪᠬᠡᠨ ᠴᠢᠩᠬᠢᠰ ᠬᠠᠭᠠᠨ ᠤ ᠣᠳᠣᠮ ᠤᠨ ᠬᠦᠮᠦᠰ | ᠰᠠᠶ᠋ᠢ ᠬᠠᠭᠠᠨ ᠰᠠᠭᠤᠬᠤ ᠶᠢ ᠵᠦᠪᠰᠢᠶᠡᠷᠡᠨ ᠮᠡᠳᠡᠷᠡᠵᠦ᠂ ᠪᠣᠰᠣᠳ ᠬᠦᠮᠦᠨ ᠢ ᠲᠠᠭ ᠵᠦᠪᠰᠢᠶᠡᠷᠡᠬᠦ ᠦᠭᠡᠢ ᠬᠠᠳᠠᠭᠤ | ᠵᠣᠷᠰᠢᠯ ᠲᠠᠢ ᠪᠠᠶᠢᠵᠠᠢ᠃ ᠡᠶᠢᠮᠦ ᠠᠴᠠ ᠲᠡᠮᠦᠷ ᠬᠡᠳᠦᠶᠢᠪᠡᠷ ᠦᠪᠡᠷ ᠢ ᠪᠠᠨ ᠬᠠᠭᠠᠨ ᠬᠡᠮᠡᠨ ᠲᠣᠩᠬᠠᠭᠯᠠᠵᠣ | ᠦᠵᠡᠭᠰᠡᠨ ᠪᠣᠯᠪᠠᠴᠣ ᠲᠣᠣᠷᠠᠬᠢ ᠣᠯᠠᠨ ᠮᠣᠩᠭᠤᠯ ᠢᠵᠠᠭᠤᠷᠳᠠᠨ ᠪᠠ ᠮᠣᠩᠭᠤᠯ ᠠᠶᠢᠮᠠᠭ ᠤᠨ ᠲᠦᠷᠦᠭᠦᠴᠦᠳ ᠤᠨ | ᠲᠠᠰᠣᠷᠠᠰᠢ ᠦᠭᠡᠢ ᠣᠯᠠᠨ ᠣᠷᠪᠠᠯᠭᠠᠨ ᠰᠠᠮᠠᠭᠤᠷᠠᠯ ᠢ ᠠᠷᠭᠠᠴᠠᠬᠤ ᠶᠢᠨ ᠲᠦᠯᠦᠭᠡ ᠬᠠᠰᠢᠯᠠ ᠴᠢᠩᠬᠢᠰ ᠬᠠᠭᠠᠨ ᠤ | ᠣᠳᠣᠮ ᠠᠴᠠ ᠨᠢᠭᠡᠨ ᠮᠠᠨᠣᠣᠯ ᠬᠠᠭᠠᠨ ᠭᠠᠷᠭᠠᠬᠤ ᠨᠢ ᠬᠠᠮᠤᠭ ᠮᠡᠷᠭᠡᠨ ᠠᠷᠭᠠ ᠪᠣᠯᠣᠨᠠ ᠭᠡᠳᠡᠭ ᠢ ᠰᠡᠷᠡᠵᠦ ᠮᠡᠳᠡᠵᠡᠢ | ᠃ ᠲᠡᠭᠡᠭᠡᠳ ᠲᠡᠷᠡ ᠲᠡᠭᠦᠨ ᠤ ᠦᠭᠡ ᠶᠢ ᠰᠣᠨᠣᠰᠣᠳᠠᠭ ᠨᠢᠭᠡ ᠬᠦᠮᠦᠨ ᠢ ᠣᠯᠵᠣ ᠬᠠᠭᠠᠨ ᠪᠣᠯᠭᠠᠪᠠ᠃ ᠡᠨᠡᠬᠦ | ᠪᠠᠶᠢᠳᠠᠯ ᠲᠡᠮᠦᠷ ᠤᠨ ᠦᠶᠡ ᠠᠴᠠ ᠡᠬᠢᠯᠡᠨ ᠲᠡᠭᠦᠨ ᠤ ᠦᠷᠡ ᠬᠡᠣᠬᠡᠳ ᠲᠤ ᠬᠦᠷᠳᠡᠯᠡ ᠪᠦᠷ ᠡᠶᠢᠮᠦ ᠪᠠᠶᠢᠵᠠᠢ᠂ | ᠨᠠᠭᠠᠳᠣ ᠵᠠᠬᠠ ᠨᠢ ᠦᠯᠦᠭᠪᠡᠢ ᠶᠢᠨ ᠦᠶᠡ ᠳᠤ ᠬᠦᠷᠳᠡᠯᠡ ᠡᠶᠢᠮᠦ ᠪᠠᠶᠢᠭᠰᠠᠨ ᠢ ᠲᠡᠭᠡᠷᠡᠬᠢ ᠪᠠᠶᠢᠳᠠᠯ ᠠᠴᠠ ᠣᠯᠵᠣ | ᠦᠵᠡᠨᠡ᠃ | ② ᠦᠨᠡᠨᠳᠡᠭᠡᠨ ᠬᠠᠭᠠᠨ ᠣᠷᠳᠣᠨ ᠭᠡᠳᠡᠭ ᠣᠳᠬᠠ ᠲᠠᠢ ᠦᠭᠡ ᠶᠣᠮ᠃ | ③ ᠡᠨᠡᠬᠦ ᠬᠠᠭᠠᠨ ᠤ ᠨᠡᠷᠡ ᠶᠢ ᠶᠡᠷᠦᠳᠡᠭᠡᠨ ᠪᠦᠷ ᠰᠣᠶᠣᠷᠬᠠᠳ᠋ᠮᠢᠱ ᠭᠡᠳᠡᠭ ᠶᠣᠮ᠃ ᠲᠡᠭᠦᠨ ᠤ ᠨᠡᠷᠡ ᠳᠡᠳᠦᠢ | ᠨᠣᠶᠠᠷᠬᠠᠯ ᠤᠨ ᠬᠤᠭᠤᠴᠠᠭᠠ ᠨᠢ 1369 ᠣᠨ — 1388 ᠣᠨ ᠪᠣᠯᠵᠠᠢ᠃ ᠮᠠᠬᠠᠮᠠᠳ᠋ ᠤᠨ ᠨᠡᠷᠡ ᠳᠡᠳᠦᠢ | ᠨᠣᠶᠠᠷᠬᠠᠯ ᠨᠢ 1388 ᠣᠨ —1398 ᠣᠨ ᠪᠣᠯᠵᠠᠢ᠃ ︵S ·L · ᠫᠦᠯ ᠤᠨ ᠵᠣᠬᠢᠶᠠᠭᠰᠠᠨ ︽ᠮᠦᠬᠠᠮᠦᠳ᠋ | ᠲᠦᠷᠦ ᠨᠦᠭᠦᠳ ᠤᠨ ᠲᠡᠣᠬᠡ︾ ᠤᠨ 268 ᠳ᠋ᠣᠭᠠᠷ ᠨᠢᠭᠤᠷ ᠲᠤ ᠦᠵᠡ︶ ᠡᠳᠡ ᠬᠤᠶᠠᠭᠤᠯᠠ ᠪᠣᠯ ᠪᠦᠷ ᠲᠡᠮᠦᠷ | ᠤᠨ ᠨᠣᠶᠠᠷᠬᠠᠯ ᠤᠨ ᠴᠠᠭ ᠦᠶᠡ ᠳᠤ ᠭᠠᠷᠭᠠᠭᠰᠠᠨ ᠮᠠᠨᠣᠣᠯ ᠬᠠᠭᠠᠳ ᠶᠣᠮ᠃ ᠮᠢᠷᠽᠠ · ᠬᠠᠶᠢᠳᠠᠷ ᠤᠨ ᠡᠨᠡᠬᠦ | ᠲᠦᠭᠦᠮ ᠠᠪᠰᠠᠷᠬᠠᠨ ᠬᠡᠯᠡᠯᠭᠡ ᠠᠴᠠ ᠲᠣᠬᠠᠢ ᠶᠢᠨ ᠦᠶᠡ ᠶᠢᠨ ᠲᠡᠮᠦᠷ ᠮᠡᠳᠦ ᠶᠢᠨ ᠶᠡᠭᠡ ᠡᠮᠢᠷ ᠨᠡᠷ ᠲᠡᠳᠡᠭᠡᠷ | ᠮᠠᠨᠣᠣᠯ ᠬᠠᠭᠠᠳ ᠲᠠᠭᠠᠨ ᠶᠠᠭᠠᠬᠢᠵᠣ ᠬᠠᠨᠳᠣᠵᠣ ᠪᠠᠶᠢᠭᠰᠠᠨ ᠢ ᠣᠯᠵᠣ ᠦᠵᠡᠨᠡ᠃ | ④ ᠬᠢᠳᠠᠳ ᠬᠠᠷᠭᠤᠯᠣᠭᠴᠢ ᠶᠢᠨ ᠲᠠᠶᠢᠯᠪᠣᠷᠢ᠄ ᠪᠠᠷᠲ᠋ᠣᠯᠢᠲ ᠶᠢᠨ ᠨᠣᠮ ︽ᠦᠯᠦᠭᠪᠡᠢ ᠵᠢᠴᠢ ᠲᠡᠭᠦᠨ ᠤ ᠴᠠᠭ | ᠦᠶᠡ︾ ᠭᠡᠳᠡᠭ ᠨᠣᠮ ᠳᠤ ᠬᠡᠯᠡᠭᠰᠡᠨ ᠢᠶᠠᠷ ᠲᠣᠰ ᠬᠡᠷᠡᠭ ᠨᠡᠶᠢᠳᠡ ᠶᠢᠨ ᠣᠨ ᠲᠣᠭᠠᠯᠠᠯ ᠤᠨ1428 ᠣᠨ ᠳᠤ | ᠡᠭᠦᠰᠴᠡᠢ ᠭᠡᠪᠡ᠃ | | | ᠪᠡᠯᠡᠳᠬᠡᠭᠰᠡᠨ ᠨᠢ᠄ ᠡᠷᠳᠡᠨᠢᠬᠦᠦ | ᠨᠠᠶᠢᠷᠠᠭᠤᠯᠤᠭᠰᠠᠨ ᠨᠢ᠄ ᠨᠠᠮᠤᠷ | ᠬᠢᠨᠠᠭᠰᠠᠨ ᠨᠢ᠄ ᠤᠷᠢᠬᠠᠨ | |