| ᠭᠤᠴᠢᠨ ᠲᠠᠪᠣᠳᠣᠭᠠᠷ ᠪᠦᠯᠦᠭ ① | ᠸᠠᠶᠢᠰ ᠬᠠᠭᠠᠨ ᠨᠠᠰᠣ ᠪᠠᠷᠠᠭᠰᠠᠨ ᠤ ᠰᠡᠬᠦᠯᠡᠷ᠂ ᠮᠣᠩᠭᠤᠯ ᠠᠶᠢᠮᠠᠭ ᠮᠠᠰᠢ ᠭᠦᠨ ᠰᠠᠮᠠᠷᠠᠭᠤᠯ ᠤᠨ ᠬᠦᠪ ᠲᠤ | ᠣᠨᠠᠵᠠᠢ᠃ ᠭᠡᠪᠡᠴᠦ ᠲᠡᠳᠡ ᠱᠠᠲ᠋ᠣᠺ ᠨᠢᠭᠡᠨᠳᠡ ᠦᠬᠦᠪᠡ ᠭᠡᠳᠡᠭ ᠢ ᠰᠣᠨᠣᠰᠣᠭᠠᠳ ᠪᠠᠰᠠ ᠵᠢᠭᠠᠬᠠᠨ ᠰᠠᠨᠠᠭᠠ | ᠠᠮᠣᠷᠴᠠᠢ᠃ ᠸᠠᠶᠢᠰ ᠬᠠᠭᠠᠨ ᠬᠤᠶᠠᠷ ᠬᠦᠪᠡᠭᠦᠨ ᠦᠯᠡᠳᠡᠭᠡᠵᠡᠢ᠂ ᠨᠢᠭᠡ ᠨᠢ ᠶᠦᠨᠦᠰ ᠬᠠᠭᠠᠨ᠂ ᠨᠦᠬᠦᠭᠡ ᠨᠢ ᠡᠰᠡᠨ | ᠪᠣᠬᠠ ᠬᠠᠭᠠᠨ ᠪᠣᠯᠣᠨᠠ᠃ ᠶᠦᠨᠦᠰ ᠬᠠᠭᠠᠨ ᠪᠣᠯ ᠠᠬᠠ ᠨᠢ ᠶᠣᠮ᠃ ᠲᠡᠭᠦᠨ ᠤ ᠡᠴᠢᠭᠡ ᠨᠠᠰᠣ ᠪᠠᠷᠠᠬᠤ ᠦᠶᠡ ᠳᠤ | ᠲᠡᠷᠡ ᠰᠠᠶ᠋ᠢ ᠠᠷᠪᠠᠨ ᠭᠤᠷᠪᠠᠭ᠋ᠠᠨ ᠨᠠᠰᠣᠳᠠᠢ ᠪᠠᠶᠢᠵᠠᠢ᠃ ᠣᠯᠠᠨ ᠸᠠᠩ ᠭᠦᠩ ᠨᠡᠷ ᠬᠡᠨ ᠢᠶᠠᠷ ᠬᠠᠭᠠᠨ ᠰᠠᠭᠤᠷᠢ | ᠵᠠᠯᠭᠠᠮᠵᠢᠯᠠᠭᠤᠯᠬᠤ ᠠᠰᠠᠭᠤᠳᠠᠯ ᠲᠡᠭᠡᠷᠡ ᠰᠠᠨᠠᠯ ᠵᠦᠷᠢᠯᠳᠦᠪᠠ᠃ ᠲᠡᠭᠦᠨ ᠤ ᠲᠣᠲᠣᠷᠠ ᠬᠤᠶᠠᠷ ᠬᠦᠮᠦᠨ ᠪᠣᠢ᠂ ᠨᠢᠭᠡ | ᠨᠢ ᠢᠷᠵᠠᠨ · ᠪᠠᠭᠠᠷᠢᠨ᠂ ᠨᠦᠬᠦᠭᠡ ᠨᠢ ᠮᠢᠷᠠᠾ · ᠲᠦᠷᠺᠮᠧᠨ ᠭᠡᠳᠡᠭ᠂ ᠠᠩᠬᠠ ᠡᠳᠡ ᠬᠤᠶᠠᠭᠤᠯᠠ ᠪᠦᠷ ᠡᠮᠢᠷ | ᠬᠤᠳᠠᠶᠢᠳᠠ ᠶᠢᠨ ᠲᠣᠣᠷᠠ ᠳᠦᠰᠢᠮᠡᠯ ᠪᠠᠶᠢᠪᠠ᠃ ᠬᠤᠵᠢᠮ ᠨᠢ ᠡᠮᠢᠷ ᠬᠤᠳᠠᠶᠢᠳᠠ ᠶᠢᠨ ᠬᠦᠪᠡᠭᠦᠨ ᠡᠮᠢᠷ · ᠮᠠᠬᠠᠮᠠᠳ᠋ | · ᠱᠠᠾ ᠲᠤ ᠦᠢᠯᠡᠴᠢᠯᠡᠵᠦ ᠪᠠᠶᠢᠪᠠ᠃ ᠭᠡᠪᠡᠴᠦ ᠸᠠᠶᠢᠰ ᠬᠠᠭᠠᠨ ᠨᠠᠰᠣ ᠪᠠᠷᠠᠮᠠᠭᠴᠠ ᠡᠳᠡ ᠬᠤᠶᠠᠭᠤᠯᠠ ᠬᠦᠴᠦ ᠪᠠᠷ | ᠡᠮᠢᠷ · ᠮᠠᠬᠠᠮᠠᠳ᠋ · ᠱᠠᠾ ᠠᠴᠠ ᠰᠠᠯᠵᠣ᠂ ᠶᠦᠨᠦᠰ ᠬᠠᠭᠠᠨ ᠳᠤ ᠳᠦᠰᠢᠵᠦ᠂ ᠡᠨᠡ ᠬᠠᠭᠠᠨ ᠤ ᠲᠦᠯᠦᠭᠡ ᠴᠡᠷᠢᠭ | ᠡᠭᠦᠰᠭᠡᠨ ᠬᠠᠭᠠᠨ ᠰᠠᠭᠤᠷᠢᠨ ᠢ ᠪᠣᠯᠢᠶᠠᠨ ᠠᠪᠬᠤ ᠭᠡᠪᠡ᠃ ᠪᠣᠰᠣᠳ ᠬᠦᠮᠦᠰ ᠪᠣᠯ ᠡᠰᠡᠨ ᠪᠣᠬᠠ ᠬᠠᠭᠠᠨ ᠢ | ᠲᠡᠮᠵᠢᠵᠡᠢ᠃ ᠣᠯᠠᠩᠬᠢ ᠬᠦᠮᠦᠰ ᠪᠦᠷ ᠡᠰᠡᠨ ᠪᠣᠬᠠ ᠬᠠᠭᠠᠨ ᠢ ᠲᠡᠮᠵᠢᠭᠰᠡᠨ ᠪᠣᠯᠬᠤᠷ᠂ ᠶᠦᠨᠦᠰ ᠬᠠᠭᠠᠨ ᠢ | ᠲᠡᠮᠵᠢᠭᠴᠢᠳ ᠮᠣᠩᠭᠤᠯᠰᠲ᠋ᠠᠨ ᠠᠴᠠ ᠰᠠᠯᠬᠤ ᠦᠭᠡᠢ ᠪᠣᠯ ᠪᠣᠯᠬᠤ ᠦᠭᠡᠢ ᠪᠣᠯᠵᠠᠢ᠃ ᠡᠨᠡ ᠦᠶᠡ ᠳᠤ ᠢᠷᠵᠠᠨ · | ᠪᠠᠭᠠᠷᠢᠨ ᠪᠠ ᠮᠢᠷᠠᠾ · ᠲᠦᠷᠺᠮᠧᠨ ᠭᠤᠷᠪᠠᠨ ᠲᠦᠮᠡᠨ ᠡᠷᠦᠬᠡ② ᠠᠷᠠᠳ ᠢᠷᠭᠡᠳ ᠢᠶᠠᠨ ᠲᠠᠭᠠᠭᠤᠯᠣᠨ ᠶᠦᠨᠦᠰ | ᠬᠠᠭᠠᠨ ᠢ ᠠᠪᠴᠣ ᠰᠠᠮᠠᠷᠺᠠᠨᠳ᠋ ᠵᠦᠭ ᠲᠣᠳᠠᠭᠠᠨ ᠶᠠᠪᠣᠵᠠᠢ᠃ ᠡᠰᠡᠨ ᠪᠣᠬᠠ ᠬᠠᠭᠠᠨ ᠪᠠ ᠪᠣᠰᠣᠳ ᠮᠣᠩᠭᠤᠯᠴᠣᠳ | ᠪᠦᠷ ᠮᠣᠩᠭᠤᠯᠰᠲ᠋ᠠᠨ ᠳᠠᠭᠠᠨ ᠦᠯᠡᠳᠡᠵᠡᠢ᠃ | ᠲᠣᠰ ᠪᠦᠯᠦᠭ ᠤᠨ ᠲᠠᠶᠢᠯᠪᠣᠷᠢ | ① ᠢᠷᠵᠠᠨ ᠠᠶᠢᠮᠠᠭ ᠲᠤ ᠵᠣᠪᠠᠯᠠᠩ ᠲᠣᠬᠢᠶᠠᠭᠰᠠᠨ ᠬᠡᠷᠡᠭ ᠢ ᠨᠠᠷᠢᠪᠴᠢᠯᠠᠨ ᠦᠵᠡᠪᠡᠰᠦ᠂ ᠮᠣᠩᠭᠤᠯ ᠬᠦᠮᠦᠨ ᠤ | ᠲᠣᠮᠳᠠ ᠣᠷᠳᠣ ᠬᠤᠭᠤᠴᠠᠭᠠ ᠪᠠᠷ ᠮᠠᠷᠳᠠᠭᠳᠠᠰᠢ ᠦᠭᠡᠢ ᠶᠡᠭᠡ ᠬᠡᠷᠡᠭ ᠪᠠᠶᠢᠵᠠᠢ᠃ ᠠᠳᠡ Virani ᠭᠡᠳᠡᠭ ᠦᠭᠡ | ᠶᠢ ᠬᠡᠷᠡᠭᠯᠡᠵᠡᠢ᠃ ᠲᠡᠭᠦᠨ ᠤ ᠠᠭᠤᠯᠭᠠ ᠨᠢ ᠵᠣᠪᠠᠯᠠᠩ ᠲᠣᠬᠢᠶ᠋ᠶᠠᠬᠤ᠂ ᠲᠠᠯᠬᠢᠭᠳᠠᠬᠤ᠂ ᠭᠠᠶᠢᠳᠠᠬᠤ᠂ ᠴᠦᠯᠡᠭᠳᠡᠬᠦ ᠪᠠ | ᠪᠣᠳᠠᠷᠠᠬᠤ ᠵᠡᠷᠭᠡ ᠠᠭᠤᠯᠭᠠ ᠪᠠᠶᠢᠳᠠᠭ᠃ ᠦᠨᠡᠨᠳᠡᠭᠡᠨ ᠰᠦᠢᠷᠡᠯ ᠳᠤ ᠣᠴᠠᠷᠠᠨ ᠴᠦᠯᠡᠭᠳᠡᠭᠰᠡᠨ ᠨᠢ ᠢᠷᠵᠠᠨ · | ᠪᠠᠭᠠᠷᠢᠨ ᠤ ᠠᠶᠢᠮᠠᠭ ᠪᠣᠯᠣᠨᠠ᠃ ᠬᠡᠳᠦᠶᠢᠪᠡᠷ ᠡᠨᠡ ᠣᠳᠠᠭᠠᠨ ᠤ ᠵᠣᠪᠠᠯᠠᠩ ᠮᠣᠩᠭᠤᠯ ᠬᠦᠮᠦᠨ ᠤ ᠪᠡᠶᠡ ᠲᠡᠭᠡᠷᠡ | ᠡᠭᠦᠰᠴᠡᠢ ᠭᠡᠳᠡᠭ ᠪᠣᠯᠪᠠᠴᠣ ᠣᠨᠴᠠᠭᠠᠶᠢᠯᠠᠨ ᠲᠡᠭᠦᠨ ᠤ ᠲᠦᠷᠦᠭᠦᠴᠦᠳ ᠤᠨ ᠪᠡᠶᠡ ᠲᠡᠭᠡᠷᠡ ᠡᠭᠦᠰᠦᠭᠰᠡᠨ ᠬᠡᠷᠡᠭ | ᠶᠣᠮ᠃ ᠡᠨᠡ ᠣᠳᠠᠭᠠ ᠠᠯᠠᠭᠳᠠᠭᠰᠠᠨ ᠮᠣᠩᠭᠤᠯ ᠲᠦᠷᠦᠭᠦᠴᠦᠳ ᠲᠣᠩ ᠣᠯᠠᠨ ᠪᠠᠶᠢᠪᠠ᠃ ᠪᠠᠪᠣᠷ ᠲᠡᠭᠦᠨ ᠤ | ᠵᠣᠬᠢᠶᠠᠯ ︽ᠪᠠᠪᠣᠷ ᠤᠨ ᠲᠣᠷᠠᠰᠣᠮᠵᠢ︾ ᠳᠠᠭᠠᠨ ᠴᠦ ᠡᠭᠦᠨ ᠤ ᠲᠣᠬᠠᠢ ᠲᠣᠷᠠᠳᠴᠣ ᠦᠩᠭᠡᠷᠡᠪᠡ᠃ ᠲᠡᠭᠦᠨ ᠤ | ᠬᠡᠯᠡᠬᠦ ᠪᠠᠷ ᠢᠷᠵᠠᠨ ᠪᠠ ᠮᠢᠷᠠᠾ ᠲᠡᠭᠦᠨ ᠤ ᠲᠡᠷᠡᠬᠦ ᠵᠠᠯᠠᠭᠤ ᠪᠠᠭᠠ ᠨᠠᠰᠣᠨ ᠤ ᠬᠠᠭᠠᠨ ᠶᠦᠨᠦᠰ ᠢᠶᠠᠨ ᠲᠠᠭᠠᠭᠤᠯᠣᠨ | ᠰᠠᠮᠠᠷᠺᠠᠨᠳ᠋ ᠲᠤ ᠢᠷᠡᠬᠦ ᠦᠶᠡ ᠳᠤ ᠭᠤᠷᠪᠠ ᠲᠦᠷᠪᠡᠨ ᠮᠢᠩᠭᠠᠨ ᠡᠷᠦᠬᠡ ᠢᠷᠭᠡᠳ ᠲᠡᠳᠡᠨᠡᠷ ᠢ ᠲᠠᠭᠠᠯᠳᠣᠵᠣ ᠢᠷᠡᠪᠡ | ᠭᠡᠵᠡᠢ᠃ ᠦᠯᠦᠭᠪᠡᠢ ᠲᠡᠳᠡᠨᠡᠷ ᠲᠤ ᠮᠠᠰᠢ ᠮᠠᠭᠤ ᠪᠠᠷ ᠬᠠᠨᠳᠣᠵᠣ᠂ ᠲᠡᠳᠡᠨᠡᠷ ᠤᠨ ᠨᠢᠭᠡ ᠪᠦᠯᠦᠭ ᠬᠦᠮᠦᠰ ᠢ ᠱᠣᠷᠣᠩ | ᠳᠤ ᠬᠤᠷᠢᠵᠣ᠂ ᠪᠣᠰᠣᠳ ᠬᠦᠮᠦᠨ ᠢ ᠨᠢ ᠴᠦᠯᠡᠵᠦ ᠶᠠᠪᠣᠭᠤᠯᠪᠠ ᠭᠡᠵᠡᠢ᠃ ᠡᠶᠢᠮᠦ ᠠᠴᠠ ᠢᠷᠵᠠᠨ ᠤ ᠴᠦᠯᠡᠭᠳᠡᠭᠰᠡᠨ | ᠨᠢ ᠮᠣᠩᠭᠤᠯ ᠬᠦᠮᠦᠨ ᠤ ᠲᠣᠮᠳᠠ ᠨᠢᠭᠡᠨ ᠴᠠᠭ ᠦᠶᠡ ᠶᠢ ᠵᠠᠭᠠᠭᠯᠠᠬᠤ ᠶᠡᠭᠡ ᠬᠡᠷᠡᠭ ᠪᠣᠯᠪᠠ ᠭᠡᠵᠡᠢ᠃ | ② ᠲᠣᠰ ᠨᠣᠮ ᠳᠤ ᠭᠤᠷᠪᠠᠨ ᠲᠦᠮᠡᠨ ᠡᠷᠦᠬᠡ ᠢᠷᠭᠡᠳ ᠭᠡᠬᠦ ᠳᠤ ᠪᠠᠪᠣᠷ ᠪᠣᠯ ᠭᠤᠷᠪᠠ ᠲᠦᠷᠪᠡᠨ ᠮᠢᠩᠭᠠᠨ | ᠡᠷᠦᠬᠡ ᠢᠷᠭᠡᠳ ᠭᠡᠵᠡᠢ᠃ | ᠪᠡᠯᠡᠳᠬᠡᠭᠰᠡᠨ ᠨᠢ᠄ ᠡᠷᠳᠡᠨᠢᠬᠦᠦ | ᠨᠠᠶᠢᠷᠠᠭᠤᠯᠤᠭᠰᠠᠨ ᠨᠢ᠄ ᠨᠠᠮᠤᠷ | ᠬᠢᠨᠠᠭᠰᠠᠨ ᠨᠢ᠄ ᠤᠷᠢᠬᠠᠨ |