| ︽ᠪᠠᠯᠴᠢᠷᠣᠳ︾ ᠭᠡᠬᠦ ᠣᠪᠣᠭ ᠠᠶᠢᠮᠠᠭ ᠤᠨ ᠨᠡᠷᠡᠶᠢᠳᠦᠯ ᠪᠣᠯᠣᠭᠰᠠᠨ ᠡᠨᠡ ᠦᠬᠡ ᠴᠣᠬᠤᠮ ᠶᠠᠮᠠᠷ ᠣᠳᠬᠠ | ᠲᠠᠢ ᠪᠣᠯᠬᠤ ᠳᠣᠬᠠᠢ ᠠᠷᠠᠳ ᠤᠨ ᠳᠣᠮᠳᠠᠬᠢ ᠬᠡᠯᠡᠯᠬᠡ ᠪᠠ ᠪᠢᠴᠢᠭ ᠨᠣᠮ ᠳᠤ ᠳᠡᠮᠳᠡᠭᠯᠡᠭᠰᠡᠨ ᠨᠢ ᠠᠳᠠᠯᠢ ᠪᠣᠰᠣ | ᠬᠡᠳᠦᠨ ᠵᠦᠢᠯ ᠤᠨ ᠬᠡᠯᠡᠯᠬᠡ ᠪᠠᠶᠢᠳᠠᠭ ᠠᠴᠠ ᠴᠣᠬᠤᠮ ᠠᠯᠢ ᠨᠢ ᠦᠨᠡᠮᠰᠢᠬᠦᠰᠢᠳᠡᠢ ᠪᠣᠯᠬᠤ ᠳᠣᠬᠠᠢ ᠴᠢᠨᠠᠭᠰᠢᠳᠠ | ᠳᠣᠩᠭᠠᠨ ᠨᠢᠭᠳᠠᠯᠠᠬᠤ ᠴᠢᠬᠤᠯᠠᠳᠠᠢ᠃ | ︽ᠪᠠᠯᠴᠢᠷ ᠣᠳᠠ︾ ᠬᠡᠮᠡᠨ ᠳᠠᠶᠢᠯᠪᠣᠷᠢᠯᠠᠵᠣ ᠪᠠᠶᠢᠭᠠ ᠨᠢ — ᠬᠡᠰᠡᠭ ᠠᠷᠠᠳ ᠤᠨ ᠳᠣᠮᠳᠠᠬᠢ ᠶᠠᠷᠢᠶᠠ ᠪᠠ ︽ | ᠮᠣᠩᠭᠤᠯ ᠣᠪᠣᠭ ᠠᠶᠢᠮᠠᠭ ᠤᠨ ᠳᠡᠮᠳᠡᠭᠯᠡᠯ︾ ᠭᠡᠬᠦ ᠨᠣᠮ ᠳᠤ ᠴᠦᠮ ᠪᠠᠯᠴᠢᠷ ᠣᠳᠠ ᠬᠡᠮᠡᠬᠦ ᠦᠬᠡᠨ ᠠᠴᠠ ᠠᠪᠢᠶᠠ | ᠣᠨᠳᠣᠣᠰᠢᠨ ᠣᠯᠠᠷᠢᠵᠦ ᠢᠷᠡᠵᠦ ᠭᠡᠵᠦ ᠦᠵᠡᠭᠰᠡᠨ ᠪᠠᠶᠢᠳᠠᠭ᠃ ᠠᠩᠬᠠ ᠣᠷᠢᠳᠠ ᠳᠤ ᠪᠠᠯᠴᠢᠷᠣᠳ ᠰᠦᠮᠡ ᠶᠢ | ᠡᠬᠢᠯᠡᠨ ᠪᠠᠶᠢᠭᠤᠯᠬᠤ ᠳᠤ ᠰᠢᠷᠠ ᠮᠦᠷᠡᠨ ᠤ ᠰᠠᠪᠠ ᠭᠠᠵᠠᠷ ᠪᠣᠯᠬᠤ ᠣᠳᠠ ᠣᠯᠢᠶᠠᠰᠣ ᠰᠠᠶᠢᠳᠠᠢ ᠭᠠᠵᠠᠷ | ᠪᠠᠶᠢᠭᠤᠯᠣᠭᠰᠠᠨ ᠭᠡᠳᠡᠭ᠂ ᠬᠤᠵᠢᠮ ᠨᠢ ᠡᠨᠡᠬᠦ ᠭᠠᠵᠠᠷ ᠦᠶᠡᠷ ᠤᠨ ᠣᠰᠣᠨ ᠳᠤ ᠠᠪᠳᠠᠭᠰᠠᠨ ᠳᠣᠯᠨ ᠰᠦᠮᠡ ᠪᠠᠨ | ᠨᠡᠬᠦᠯᠭᠡᠵᠦ ᠣᠳᠣ ᠶᠢᠨ ᠵᠡᠭᠡᠷᠡᠳᠡᠢ ᠬᠤᠸᠠ ᠶᠢᠨ ᠡᠩᠬᠡᠷ ᠭᠠᠵᠠᠷ ᠰᠣᠩᠭᠤᠨ ᠨᠢ ᠪᠠᠶᠢᠭᠤᠯᠣᠭᠰᠠᠨ ᠨᠢ ᠦᠯᠵᠡᠶᠢᠮᠦᠷᠡᠨ | ᠤ ᠰᠠᠪᠠ ᠭᠠᠵᠠᠷ ᠳᠠᠭᠠᠷᠠᠵᠦ ᠮᠦᠨ ᠬᠦ᠋ ᠨᠢᠷᠡᠢ ᠣᠳᠠ ᠵᠢᠯ ᠤᠨ ᠵᠢᠯ ᠬᠦᠬᠡᠷᠡᠨ ᠣᠷᠭᠤᠳᠠᠭ ᠳᠣᠯᠨ ᠰᠦᠮᠡ ᠶᠢᠨ | ᠭᠤᠣᠯ ᠦᠭᠯᠢᠭᠡ ᠶᠢᠨ ᠡᠵᠨᠨ ᠪᠣᠯᠣᠭᠰᠠᠨ ᠪᠠᠭᠠᠷᠢᠨ ᠨᠣᠳᠤᠭ ᠲᠠᠢ ᠢᠷᠭᠡᠳ ᠦᠪᠡᠷ ᠤᠨ ᠠᠶᠢᠮᠠᠭ ᠳᠦᠷᠦᠯ ᠢᠶᠠᠨ | ᠪᠠᠯᠴᠢᠷ ᠣᠳᠠ ᠲᠠᠢ ᠬᠤᠪᠢ ᠳᠠᠪᠢᠯᠭᠠ ᠲᠠᠢ ᠬᠡᠮᠡᠨ ︽ᠪᠠᠯᠴᠢᠷ ᠣᠳᠠ︾ ᠭᠡᠵᠦ ᠨᠡᠷᠡᠯᠡᠯᠡ ᠭᠡᠳᠡᠭ᠃ | ︽ᠪᠠᠯᠴᠢᠷᠣᠣ︾ ᠭᠡᠮᠡᠨ ᠳᠠᠶᠢᠯᠪᠣᠷᠢᠯᠠᠵᠣ ᠪᠠᠶᠢᠭᠠ ᠨᠢ — ᠡᠷᠳᠡᠮᠳᠡᠳ ︽ᠰᠣᠳᠣᠷ ᠤᠨ ᠴᠢᠭᠤᠯᠭᠠᠨ︾ ᠵᠡᠷᠭᠡ | ᠰᠣᠷᠪᠣᠯᠵᠢ ᠪᠢᠴᠢᠭ ᠠᠴᠠ ᠡᠰᠢᠯᠡᠵᠦ ᠬᠤᠩᠬᠢᠷᠠᠳ ᠤᠨ ᠡᠬᠦᠰᠦᠯ ᠭᠠᠷᠣᠯ ᠤᠨ ᠳᠣᠮᠤᠭ ᠠᠴᠠ ᠵᠦᠢᠴᠢᠯᠡᠨ ᠡᠨᠡᠬᠦ | ᠳ᠋ᠦᠩ ᠳᠤ ᠬᠦᠷᠴᠦ ᠪᠠᠶᠢᠭᠠ ᠶᠣᠮ᠃ ᠪᠠᠯᠴᠢᠷᠣᠳ ᠠᠶᠢᠮᠠᠭ ᠤᠨ ᠣᠯᠠᠮᠵᠢᠯᠠᠯ ᠶᠠᠷᠢᠶᠠᠨ ᠳᠤ ᠳᠡᠳᠡ ᠪᠠᠷᠠᠭᠤᠨ | ᠪᠠᠭᠠᠷᠢᠨ ᠳᠤ ᠨᠣᠳᠣᠭᠰᠢᠭᠰᠠᠨ ᠵᠡᠬᠦᠨ ᠨᠠᠢᠮᠠᠨ ᠰᠣᠮᠣ ᠶᠢᠨ ᠬᠤᠩᠬᠢᠷᠠᠳ ᠠᠴᠠ ᠰᠠᠯᠵᠣ ᠭᠠᠷᠴᠣ ᠢᠷᠡᠭᠰᠡᠨ ᠭᠡᠨᠡ᠃ | ᠷᠠᠰᠢᠳ᠋ ᠠᠳᠠᠳᠢᠨ ᠤ ︽ᠰᠣᠳᠣᠷ ᠤᠨ ᠴᠢᠭᠤᠯᠭᠠᠨ︾ ᠳᠤ ᠬᠤᠩᠬᠢᠷᠠᠳ ᠤᠨ ᠢᠷᠡᠯ ᠡᠭᠦᠰᠦᠯ ᠤᠨ ᠳᠣᠬᠠᠢ | ᠡᠶᠢᠮᠦ ᠨᠢᠭᠡ ᠳᠣᠮᠤᠭ ᠢ ᠳᠡᠮᠳᠡᠭᠯᠡᠵᠦ ᠪᠣᠢ᠄ ᠬᠢᠶᠠᠨ ᠪᠠ ᠨᠡᠬᠦᠰ ᠢᠶᠠᠷ ᠳᠣᠯᠣᠭᠠᠶᠢᠯᠠᠭᠤᠯᠣᠭᠰᠠᠨ ᠮᠣᠩᠭᠤᠯ ᠠᠶᠢᠮᠠᠭ | ᠨᠢ ᠡᠷᠬᠢᠨᠡ ᠬᠤᠨ ᠠᠴᠠ ᠬᠦᠳᠡᠷ ᠬᠠᠶᠢᠯᠠᠭᠤᠯᠣᠨ ᠠᠭᠤᠯᠨ ᠶᠢ ᠶᠡᠬᠦᠷᠡᠬᠦᠯᠵᠦ ᠭᠠᠷᠬᠤ ᠳᠤ ᠬᠤᠩᠬᠢᠷᠠᠳ ᠠᠶᠢᠮᠠᠭ ᠨᠢ | ᠪᠣᠰᠣᠳ ᠯᠤᠭᠠ ᠵᠦᠪᠳᠡᠭᠰᠡᠨ ᠦᠭᠡᠢ ᠪᠠᠷ ᠡᠷᠭᠦᠨᠡ ᠬᠤᠨ ᠠᠴᠠ ᠶᠠᠭᠠᠷᠠᠪᠴᠢᠯᠠᠨ ᠭᠠᠷᠬᠤ ᠳᠠᠭᠠᠨ ᠰᠠᠨᠠᠮᠰᠠᠷ ᠦᠭᠡᠢ | ᠪᠣᠰᠣᠳ ᠤᠨ ᠳᠣᠯᠭᠠ ᠶᠢ ᠢᠰᠬᠦᠯᠦᠨ ᠣᠩᠬᠤᠯᠢᠭᠤᠯᠣᠭᠰᠠᠨ ᠠᠴᠠ ᠬᠤᠩᠬᠢᠷᠠᠳ ᠬᠦᠮᠦᠨ ᠤ ᠬᠦᠯ ᠳᠡᠭᠡᠷᠡ ᠨᠢ | ᠪᠠᠯᠴᠢᠷᠣ ᠭᠠᠷᠳᠠᠭ ᠪᠣᠯᠣᠭᠰᠠᠨ ᠭᠡᠨᠡ᠃ ᠪᠠᠷᠠᠭᠤᠨ ᠪᠠᠭᠠᠷᠢᠨ ᠤ ︽ᠨᠠᠢᠮᠠᠨ ᠰᠣᠮᠣ︾ ᠨᠢ ᠬᠦᠬᠡᠬᠠᠳᠠ ᠪᠣᠭᠳᠠ ᠶᠢᠨ | ᠣᠪᠣᠭᠠᠨ ᠠᠴᠠ ᠢᠷᠡᠬᠦ ᠳᠤ ᠪᠠᠨ ᠠᠷᠪᠠᠨ ᠰᠣᠮᠣ ᠣᠯᠣᠰ ᠢᠷᠡᠯᠡ ᠭᠡᠳᠡᠭ᠂ ᠲᠠᠰᠠ ᠳᠣᠰᠠᠯᠠᠭᠴᠢ ᠶᠢᠨ ᠦᠶᠡ ᠪᠣᠯᠵᠣ | ᠢᠷᠡᠭᠡᠳ ᠪᠠᠭᠠᠷᠢᠨ ᠸᠠᠩ ᠲᠠᠢ ᠭᠠᠶᠢᠯᠢ ᠭᠤᠪᠴᠢᠭᠤᠷ ᠤᠨ ᠣᠴᠠᠷ ᠵᠦᠷᠢᠴᠡᠯᠳᠦᠭᠰᠡᠨ ᠳᠣᠯᠨ ᠬᠤᠶᠠᠷ ᠰᠣᠮᠣ ᠣᠯᠣᠰ | ᠨᠢ ᠣᠩᠨᠢᠭᠤᠳ ᠪᠠ ᠠᠷᠣ ᠬᠤᠷᠴᠢᠨ ᠳᠤ ᠰᠢᠷᠭᠤᠨ ᠰᠠᠭᠤᠯᠠ ᠭᠡᠳᠡᠭ᠂ ᠳᠡᠭᠡᠬᠦ ᠳᠤ ᠪᠠᠨ ᠣᠣᠯ ᠤᠨ ᠬᠤᠩᠬᠢᠷᠠᠳ | ᠬᠡᠮᠡᠬᠦ ᠨᠡᠷᠡᠶᠢᠳᠦᠯ ᠢᠶᠠᠨ ᠣᠷᠬᠢᠵᠦ ᠳᠣᠮᠤᠭ ᠪᠠ ᠱᠣᠣᠯᠠᠯ ᠣᠶᠠᠯᠳᠣᠭᠰᠠᠨ ︽ᠪᠠᠯᠴᠢᠷᠣᠣ︾ ᠨᠡᠷᠡ ᠶᠢ ᠠᠶᠢᠮᠠᠭ | ᠣᠭᠰᠠᠭᠠᠨ ᠤ ᠨᠡᠷᠡ ᠪᠣᠯᠭᠠᠨ ᠠᠪᠴᠣ ᠬᠤᠩᠬᠢᠷᠠᠳ ᠠᠴᠠ ᠰᠠᠯᠪᠣᠷᠢᠯᠠᠭᠰᠠᠨ ︽ᠪᠠᠯᠴᠢᠷᠣᠳ ᠣᠪᠣᠭ︾ ᠪᠣᠯᠣᠯᠠ | ᠭᠡᠳᠡᠭ᠃ | ︽ᠪᠠᠯᠵᠣᠳ︾ ︵ᠪᠠᠰᠠ ᠪᠠᠯᠵᠢᠭᠤᠳ ᠭᠡᠵᠦ ᠪᠢᠴᠢᠳᠡᠭ︶ ᠠᠴᠠ ᠢᠷᠡᠯ ᠲᠠᠢ ᠬᠡᠮᠡᠨ ᠳᠠᠶᠢᠯᠪᠣᠷᠢᠯᠠᠵᠣ ᠪᠠᠶᠢᠭᠠ | ᠨᠢ — ᠨᠠᠷᠢᠨᠴᠠᠪ ᠤᠨ ᠳᠠᠸᠠ ᠭᠤᠸᠠᠢ ᠶᠢᠨ ᠬᠠᠭᠤᠴᠢᠯᠠᠬᠤ ᠪᠠᠷ ᠳᠡᠭᠡᠷᠡ ᠦᠶᠡ ᠶᠢᠨ ᠬᠢᠨᠢ ᠨᠡᠷᠡᠳᠦ ᠡᠮᠴᠢ ᠠᠭᠰᠠᠨ | ᠪᠠᠯᠴᠢᠷᠣᠳ ᠠᠶᠢᠮᠠᠭ ᠤᠨ ᠨᠣᠷᠪᠤ ᠬᠡᠮᠡᠬᠦ ᠨᠠᠰᠣᠳᠠᠨ ︽ᠪᠢᠳᠡ ᠴᠢᠨᠢ ᠪᠠᠯᠵᠣᠳ ᠠᠶᠢᠮᠠᠭ ᠶᠣᠮ ᠰᠢᠦ︾ ᠭᠡᠵᠦ | ᠬᠠᠭᠤᠴᠢᠯᠠᠵᠣᠪᠠᠶᠢᠯᠠ ᠭᠡᠳᠡᠭ᠃ ᠬᠡᠷᠪᠡ ᠡᠨᠡᠬᠦ ᠬᠠᠭᠤᠴᠢᠯᠠᠯ ᠢ ᠦᠨᠡᠮᠰᠢᠳᠡᠭ ᠪᠣᠯ ︽ᠪᠠᠯᠵᠣᠳ ᠠᠶᠢᠮᠠᠭ︾ ᠭᠡᠳᠡᠭ | ᠪᠣᠯ ᠣᠵᠣᠭᠤᠷ ᠮᠣᠩᠭᠤᠯ ᠤᠨ ᠪᠠᠯᠵᠣᠨᠠ ᠶᠢᠨ ᠢᠷᠡᠭᠡᠳ ᠠᠴᠠ ᠣᠯᠠᠷᠢᠵᠦ ᠢᠷᠡᠭᠰᠡᠨ ᠨᠢ ᠮᠠᠳᠠᠭ ᠦᠬᠡᠢ᠂ ︽ | ᠰᠣᠳᠣᠷ ᠤᠨ ᠴᠢᠭᠤᠯᠭᠠᠨ︾ ᠳᠤ ᠳᠡᠮᠳᠡᠭᠯᠡᠵᠦ ᠪᠠᠶᠢᠬᠤ ᠪᠠᠷ ᠴᠢᠩᠬᠢᠰ ᠬᠠᠭᠠᠨ ᠬᠡᠷᠡᠶᠢᠳ ᠠᠶᠢᠮᠠᠭ ᠲᠠᠢ ᠬᠢᠭᠰᠡᠨ | ᠬᠠᠯᠨ ᠬᠠᠯᠵᠢᠳ ᠡᠯᠡᠰᠦᠨ ᠤ ᠳᠠᠶᠢᠨ ᠳᠤ ᠬᠡᠷᠡᠶᠢᠳ ᠤᠨ ᠬᠦᠴᠦᠨ ᠶᠡᠭᠡ ᠳᠣᠯᠨ ᠴᠢᠩᠬᠢᠰ ᠬᠠᠭᠠᠨ ᠢᠯᠡᠵᠦ ᠴᠢᠳᠠᠯ | ᠦᠬᠡᠢ ᠣᠬᠤᠷᠢᠭᠰᠠᠨ ᠭᠡᠨᠡ᠂ ᠡᠨᠡ ᠦᠶᠡ ᠳᠤ ᠶᠡᠬᠡᠩᠬᠢ ᠬᠡᠰᠡᠭ ᠢᠷᠭᠡᠳ ᠴᠢᠩᠬᠢᠰ ᠬᠠᠭᠠᠨ ᠠᠴᠠ ᠬᠠᠭᠠᠴᠠᠨ | ᠶᠠᠪᠣᠭᠰᠠᠨ ᠳᠤ ᠳᠡᠳᠡ ᠪᠠᠯᠵᠣᠨᠠ ᠣᠷᠣᠭᠤ ᠴᠡᠷᠢᠭ ᠣᠬᠤᠷᠢᠪᠠ᠃ ᠡᠨᠡ ᠭᠠᠵᠠᠷ ᠲᠤ ᠣᠰᠣ ᠪᠠᠭᠠ ᠲᠠᠢ ᠬᠡᠳᠦᠬᠡᠨ | ᠨᠠᠭᠤᠷ ᠪᠠᠶᠢᠵᠠᠢ᠂ ᠴᠡᠷᠢᠭ ᠮᠣᠷᠢᠳ ᠨᠢ ᠣᠣᠭᠤᠵᠣ ᠬᠦᠷᠬᠦ ᠦᠬᠡᠢ ᠳᠣᠯᠨ ᠵᠠᠷᠢᠮ ᠬᠦᠮᠦᠰ ᠰᠢᠪᠠᠷ ᠨᠠᠮᠤᠭ ᠲᠠᠢ | ᠬᠤᠩᠬᠤᠷ ᠠᠴᠠ ᠣᠰᠣ ᠰᠢᠬᠠᠵᠣ ᠣᠣᠭᠤᠵᠣ ᠪᠠᠶᠢᠭᠰᠠᠨ ᠭᠡᠨᠡ᠃ ᠴᠢᠩᠬᠢᠰ ᠬᠠᠭᠠᠨ ᠢ ᠳᠠᠭᠠᠵᠣ ᠡᠨᠡ ᠭᠠᠵᠠᠷ | ᠢᠷᠡᠭᠰᠡᠨ ᠬᠦᠮᠦᠰ ᠨᠢ ᠣᠯᠠᠨ ᠦᠬᠡᠢ ᠪᠠᠶᠢᠪᠠ᠂ ᠬᠡᠴᠡᠬᠦᠦ ᠦᠶᠡ ᠳᠤ ᠬᠠᠶᠠᠵᠣ ᠣᠷᠬᠢᠯ ᠦᠬᠡᠢ ᠳᠠᠭᠠᠵᠣ ᠢᠷᠡᠭᠰᠡᠨ | ᠦᠨᠡᠨᠴᠢ ᠢᠷᠭᠡᠳ ᠭᠡᠮᠡᠨ ᠴᠢᠩᠬᠢᠰ ᠬᠠᠭᠠᠨ ᠳᠡᠷᠡᠬᠦ ᠪᠦᠯᠦᠭ ᠬᠦᠮᠦᠰ ᠢ ︽ᠪᠠᠯᠵᠣᠨᠠ ᠢᠷᠭᠡᠨ︾ ᠭᠡᠮᠡᠨ | ᠨᠡᠷᠡᠶᠢᠳᠴᠠᠢ᠂ ᠰᠢᠨᠡ ᠪᠠᠷ ᠣᠷᠴᠢᠭᠤᠯᠣᠭᠰᠠᠨ ︽ᠰᠣᠳᠣᠷ ᠤᠨ ᠴᠢᠭᠤᠯᠭᠠᠨ︾ ᠤ 276 ᠳ᠋ᠣᠭᠠᠷ ᠨᠢᠭᠤᠷ ᠲᠤ ︽ | ᠳᠡᠳᠡᠨ ᠢ ᠪᠠᠯᠵᠣᠨᠳᠣ ᠶᠢᠨ ᠬᠢᠨ ᠭᠡᠳᠡᠭ︾ ᠭᠡᠵᠦ ᠳᠡᠮᠳᠡᠭᠯᠡᠵᠡᠢ᠃ ᠡᠷᠬᠡ ᠪᠠᠶᠢᠷᠢ ᠨᠢ ᠣᠯᠠᠨ ᠠᠴᠠ ᠣᠷᠣᠶᠢᠯᠠᠵᠣ | ᠪᠠᠶᠢᠪᠠ᠃ᠡᠨᠡᠬᠦ ᠢᠷᠡᠭᠡᠳ ᠢ ᠬᠤᠵᠢᠮ ᠤᠨ ᠬᠦᠮᠦᠰ ᠪᠠᠯᠵᠣᠨ ᠣᠪᠣᠭᠳᠠᠨ ᠭᠡᠵᠡᠢ᠂ ᠡᠳᠡᠨᠦᠰ ᠬᠤᠵᠢᠮ ᠨᠢ ᠠᠶᠢᠮᠠᠭ | ᠣᠯᠠᠭᠤᠯᠨ ᠪᠣᠯᠵᠣ ᠰᠠᠯᠬᠤ ᠳᠤ ᠪᠠᠨ ᠨᠢᠬᠡ ᠪᠦᠯᠦᠭ ᠨᠢ ᠪᠠᠯᠵᠣᠳ ᠣᠪᠣᠭ ᠠᠪᠣᠭᠰᠠᠨ ᠭᠡᠵᠦ ︽ᠮᠣᠩᠭᠤᠯ ᠣᠪᠣᠭ | ᠤᠨ ᠴᠢᠭᠤᠯᠭᠠᠨ︾᠂ ︽ᠮᠢᠩᠭᠠᠨ ᠣᠪᠣᠭ ᠤᠨ ᠳᠠᠶᠢᠯᠪᠣᠷᠢ︾ ᠳᠤ ᠴᠦᠮ ᠡᠬᠦᠨ ᠢ ᠳᠠᠪᠳᠠᠨ ᠳᠡᠮᠳᠡᠭᠯᠡᠵᠡᠢ᠃ | | | ᠪᠡᠯᠡᠳᠬᠡᠭᠰᠡᠨ ᠨᠢ᠄ ᠡᠷᠳᠡᠨᠢᠬᠦᠦ | ᠨᠠᠶᠢᠷᠠᠭᠤᠯᠤᠭᠰᠠᠨ ᠨᠢ᠄ ᠨᠠᠮᠤᠷ | ᠬᠢᠨᠠᠭᠰᠠᠨ ᠨᠢ᠄ ᠤᠷᠢᠬᠠᠨ | | |