| ᠠᠯᠢᠪᠠ ᠤᠭᠰᠠᠭᠠᠲᠠᠨ ᠲᠡᠤᠬᠡ ᠶᠢᠨ ᠪᠣᠯᠣᠨ ᠨᠡᠶᠢᠭᠡᠮ ᠤᠨ ᠬᠦᠭᠵᠢᠯ ᠤᠨ ᠣᠯᠠᠨ ᠵᠠᠭᠤᠨ ᠵᠢᠯ ᠤᠨ ᠶᠠᠪᠤᠴᠠ ᠳᠤ | ᠪᠦᠷᠢᠯᠳᠦᠨ ᠪᠤᠢ ᠪᠣᠯᠳᠠᠭ ᠪᠠᠶᠢᠵᠠᠢ᠃ ᠤᠭᠰᠠᠭᠠᠲᠠᠨ ᠤ ᠨᠡᠶᠢᠲᠡᠯᠢᠭ ᠨᠢ ᠭᠠᠷᠤᠯ᠂ ᠬᠡᠯᠡ᠂ ᠰᠣᠶᠣᠯ᠂ ᠵᠠᠩ ᠵᠠᠩᠰᠢᠯ | ᠂ ᠠᠵᠤ ᠠᠬᠤᠢ᠂ ᠨᠤᠲᠤᠭ ᠳᠡᠪᠢᠰᠬᠡᠷ ᠭᠡᠬᠦ ᠮᠡᠲᠦ ᠨᠡᠶᠢᠲᠡᠯᠢᠭ ᠵᠦᠢᠯ ᠢᠶᠠᠷ ᠲᠤᠳᠤᠷᠬᠠᠶᠢᠯᠠᠭᠳᠠᠳᠠᠭ᠃ | ᠮᠤᠩᠭᠤᠯᠴᠤᠳ ᠦᠪᠡᠷᠰᠡᠳ ᠤᠨ ᠭᠠᠷᠤᠯ ᠢ ᠳᠡᠭᠡᠳᠤ ᠲᠡᠭᠷᠢ ᠲᠠᠢ ᠬᠤᠯᠪᠣᠵᠤ ᠢᠷᠡᠭᠰᠡᠨ ᠪᠦᠭᠡᠳ ᠢᠩᠭᠢᠵᠦ | ᠦᠵᠡᠬᠦ ᠨᠢ ᠶᠡᠭᠡ ᠡᠷᠲᠡ ᠦᠶᠡ ᠠᠴᠠ ᠤᠯᠪᠠᠭᠠ ᠲᠠᠢ᠃ ᠨᠡᠶᠢᠭᠡᠮ ᠲᠡᠤᠬᠡᠨ ᠤ ᠬᠥᠭᠵᠢᠯ ᠤᠨ ᠶᠠᠪᠤᠴᠠ ᠳᠤ | ᠲᠡᠷᠢᠭᠦᠯᠡᠬᠦ ᠣᠪᠣᠭ ᠠᠶᠢᠮᠠᠭ ᠤᠳ ᠪᠤᠢ ᠪᠣᠯᠵᠦ ᠪᠣᠰᠣᠳ ᠣᠪᠣᠭ ᠠᠶᠢᠮᠠᠭ ᠢ ᠨᠤᠶᠠᠯᠠᠨ ᠵᠠᠬᠢᠷᠤᠬᠤ ᠪᠣᠯᠣᠭᠰᠠᠨ ᠠᠴᠠ | ᠲᠡᠳᠡᠭᠡᠷ ᠠᠶᠢᠮᠠᠭ ᠤᠳ ᠤᠨ ᠲᠡᠷᠢᠭᠦᠯᠡᠭᠴᠢ᠂ ᠲᠣᠯᠣᠭᠠᠶᠢᠯᠠᠭᠴᠢ ᠶᠢᠨ ᠤᠳᠤᠮ ᠭᠠᠷᠪᠠᠯ ᠢ ᠬᠠᠨ ᠴᠠᠭᠠᠨ ᠶᠠᠰᠦᠲᠠᠢ᠂ | ᠲᠠᠶᠢᠵᠢ ᠤᠭᠰᠠᠭᠠ ᠲᠠᠢ ᠬᠡᠮᠡᠨ ᠨᠠᠷᠡᠯᠡᠵᠡᠢ᠃ | ᠲᠠᠶᠢᠵᠢ ᠨᠠᠷ ᠢ ᠲᠠᠪᠤᠨ ᠬᠡᠰᠡᠭ ᠲᠤ ᠬᠤᠪᠢᠶᠠᠬᠤ ᠪᠥᠭᠡᠳ ᠡᠳᠡᠭᠡᠷ ᠲᠤ᠂ ︿ᠪᠣᠷᠵᠢᠭᠢᠨ ᠲᠠᠶᠢᠵᠢ ᠨᠠᠷ﹀ | ᠪᠣᠳᠠᠨᠴᠠᠷ ᠠᠴᠠ ᠡᠭᠦᠰᠦᠭᠰᠡᠨ ᠠᠯᠲᠠᠨ ᠤᠷᠤᠭ ᠤᠨ ᠭᠠᠷᠤᠯ ᠲᠠᠢ ᠪᠦᠭᠡᠳ ᠳᠤᠲᠤᠷᠠ ᠨᠢ ᠲᠦᠷᠦᠯ ᠲᠠᠶᠢᠵᠢ᠂ | ᠬᠠᠷᠢᠶᠠᠲᠤ ᠲᠠᠶᠢᠵᠢ ᠬᠡᠮᠡᠨ ᠬᠤᠶᠡᠷ ᠬᠤᠪᠢᠶᠠᠨᠠ᠃ ᠲᠥᠷᠦᠯ ᠲᠠᠶᠢᠵᠢ ᠭᠡᠳᠡᠭ ᠨᠢ ᠴᠢᠩᠭᠢᠰ ᠬᠠᠭᠠᠨ ᠤ ᠰᠢᠭᠤᠳ | ᠤᠳᠤᠮ ᠤᠨ ᠲᠠᠶᠢᠵᠢ ᠨᠠᠷ︔ | ᠬᠠᠷᠢᠶᠠᠲᠤ ᠲᠠᠶᠢᠵᠢ ᠭᠡᠳᠡᠭ ᠨᠢ ᠴᠢᠩᠭᠢᠰ ᠬᠠᠭᠠᠨ ᠤ ᠳᠡᠭᠦᠦ ᠬᠠᠪᠤᠲᠤ ᠬᠠᠰᠠᠷ᠂ ᠪᠦᠬᠡ ᠪᠡᠯᠭᠦᠳᠡᠢ᠂ ᠣᠳᠴᠢᠬᠠᠨ | ᠨᠤᠶᠠᠨ ᠨᠠᠷ ᠤᠨ ᠬᠤᠶᠢᠴᠢᠰ ᠶᠤᠮ᠃ | ︿ᠴᠣᠷᠣᠰ ᠲᠠᠶᠢᠵᠢ ᠨᠠᠷ﹀ ᠪᠥᠷᠢᠳᠡ ᠴᠢᠨ᠋ᠸᠠ ᠶᠢᠨ 12 ᠳ᠋ᠤᠭᠠᠷ ᠦᠶᠡ ᠶᠢᠨ ᠠᠴᠢ ᠲᠤᠸᠠ ᠰᠣᠬᠤᠷ ᠠᠴᠠ | ᠲᠥᠷᠦᠭᠰᠡᠨ ᠲᠣᠨᠣᠢ᠂ ᠳᠣᠭᠰᠢᠨ᠂ ᠡᠮᠨᠡᠭ᠂ ᠡᠷᠬᠡ ᠬᠡᠮᠡᠬᠦ ᠳᠦᠷᠪᠡᠨ ᠬᠦᠪᠡᠭᠦᠳ ᠤᠨ ᠨᠢᠭᠡ ᠳᠣᠨᠣᠢ ᠶᠢᠨ | ᠤᠳᠤᠮ ᠠᠴᠠ ᠡᠭᠦᠰᠴᠡᠢ᠃ | ︿ᠬᠤᠶᠢᠳ ᠲᠠᠶᠢᠵᠢ ᠨᠠᠷ﹀12 —13 ᠵᠠᠭᠤᠨ ᠤ ᠦᠶᠡ ᠳᠤ ᠨᠢᠭᠡ ᠲᠦᠮᠡᠨ ᠤᠶᠢᠷᠠᠳ ᠢ ᠵᠠᠬᠢᠷᠴᠤ | ᠶᠠᠪᠤᠭᠰᠠᠨ ᠬᠤᠲᠠᠭᠠ ᠪᠠᠬᠢ ᠨᠤᠶᠠᠨ ᠤ ᠦᠷᠡ ᠬᠤᠶᠢᠴᠢ ᠶᠤᠮ᠃ | ︿ᠤᠷᠢᠶᠠᠩᠬᠠᠢ ᠲᠠᠶᠢᠵᠢ ᠨᠠᠷ﹀ ᠨᠢ ᠴᠢᠩᠭᠢᠰ ᠬᠠᠭᠠᠨ ᠤ ᠶᠢᠰᠦᠨ ᠥᠷᠯᠦᠭ ᠤᠨ ᠨᠢᠭᠡ ᠵᠡᠯᠮᠡ ᠶᠢᠨ ᠦᠷᠡ | ᠬᠤᠶᠢᠴᠢᠰ ᠠᠴᠠ ᠡᠭᠦᠰᠴᠡᠢ᠃ | ︿ᠲᠤᠷᠭᠤᠳ ᠲᠠᠶᠢᠵᠢ ᠨᠠᠷ﹀ ᠬᠡᠷᠡᠶᠢᠳ ᠤᠨ ᠸᠠᠩ ᠬᠠᠨ ᠲᠣᠭᠤᠷᠢᠯ ᠤᠨ ᠦᠷᠡ ᠤᠳᠤᠮ ᠶᠠᠪᠤᠭᠰᠠᠭᠠᠷ | ᠲᠣᠷᠭᠤᠳ ᠲᠠᠶᠢᠵᠢ ᠨᠠᠷ ᠤᠨ ᠡᠪᠦᠭᠡ ᠳᠡᠭᠡᠳᠦᠰ ᠪᠣᠯᠣᠭᠰᠠᠨ ᠶᠤᠮ᠃ | ᠡᠳᠦᠭᠡ ᠮᠣᠩᠭᠤᠯᠴᠣᠳ ᠮᠣᠩᠭᠤᠯ ᠣᠯᠣᠰ᠂ ᠬᠢᠳᠡᠳ ᠤᠯᠤᠰ ᠤᠨ ᠦᠪᠦᠷ ᠮᠤᠩᠭᠤᠯ᠂ ᠶᠦᠨᠨᠠᠨ᠂ | ᠬᠦᠬᠡᠨᠠᠭᠤᠷ᠂ ᠰᠢᠨᠵᠢᠶᠠᠩ᠂ ᠣᠷᠣᠰ ᠤᠨ ᠪᠤᠷᠢᠶᠠᠳ᠂ ᠬᠠᠯᠢᠮᠠᠭ᠂ ᠠᠮᠧᠷᠢᠺᠡ᠂ ᠹᠷᠠᠨᠼᠢ ᠳᠤ ᠣᠷᠣᠰᠢᠨ ᠰᠠᠭᠤᠳᠠᠭ᠃ | | ᠲᠡᠭᠦᠨᠴᠢᠯᠡᠨ ᠦᠪᠡᠷᠰᠡᠳ ᠢ ᠪᠠᠨ ᠮᠤᠩᠭᠤᠯ ᠭᠠᠷᠤᠯ ᠲᠠᠢ ᠬᠡᠮᠡᠨ ᠦᠵᠡᠳᠡᠭ ᠬᠠᠵᠠᠶᠠᠷ ᠮᠤᠩᠭᠤᠯᠴᠤᠳ | ᠠᠹᠭᠠᠨᠨᠢᠰᠲᠠᠨ ᠣᠯᠣᠰ ᠳᠤ ᠪᠠᠶᠢᠳᠠᠭ ᠠᠵᠠᠢ᠃ | ᠳᠡᠯᠡᠬᠡᠢ ᠳᠡᠭᠡᠷᠡ ᠮᠤᠩᠭᠤᠯ ᠭᠠᠷᠪᠠᠯ ᠲᠠᠢ ᠨᠡᠶᠢᠲᠡ ᠠᠷᠪᠠᠨ ᠰᠠᠶᠠ ᠣᠷᠴᠢᠮ ᠮᠤᠩᠭᠤᠯ ᠬᠦᠮᠦᠨ ᠪᠠᠶᠢᠳᠠᠭ᠃ | | | ᠪᠡᠯᠡᠳᠬᠡᠭᠰᠡᠨ ᠨᠢ᠄ ᠡᠷᠳᠡᠨᠢᠬᠦᠦ | ᠨᠠᠶᠢᠷᠠᠭᠤᠯᠤᠭᠰᠠᠨ ᠨᠢ᠄ ᠨᠠᠮᠤᠷ | ᠬᠢᠨᠠᠭᠰᠠᠨ ᠨᠢ᠄ ᠤᠷᠢᠬᠠᠨ | | |