| ᠡᠷᠳᠡᠨ ᠤ ᠳᠤᠯᠤᠨ ᠨᠤᠤᠷ ᠨᠢ ᠶᠤᠸᠠᠨ ᠤᠯᠤᠰ ᠤᠨ ᠦᠶᠡ ᠳᠤ ᠶᠡᠭᠡ ᠨᠡᠶᠢᠰᠯᠡᠯ ᠳ᠋ᠡᠶᠢᠳᠦ ᠪᠤᠯᠤᠨ ᠳᠡᠭᠡᠳᠦ | ᠨᠡᠶᠢᠰᠯᠡᠯ ᠱᠠᠩᠳᠦ ᠶᠢᠨ ᠬᠤᠭᠤᠷᠤᠨᠳᠤᠭᠢ ᠨᠢᠭᠡᠨ ᠦᠷᠳᠡᠭᠡ ᠵᠠᠮ ᠪᠠᠶᠢᠵᠥ᠂ ᠮᠢᠩ ᠤᠯᠤᠰ ᠤᠨ ᠦᠶᠡ ᠳᠤ ᠪᠤᠭᠤᠮᠳᠠ | ᠶᠢᠨ ᠭᠠᠳᠠᠨᠠᠭᠢ ᠠᠷᠠᠯᠵᠢᠶᠠ ᠮᠠᠶᠢᠮᠠᠢ ᠶᠢᠨ ᠬᠤᠳᠠ ᠪᠤᠯᠵᠥ᠂ ᠴᠢᠩ ᠤᠯᠤᠰ ᠤᠨ ᠦᠶᠡ ᠳᠤ ᠮᠤᠩᠭᠤᠯ ᠤᠷᠤᠨ ᠤ | ᠱᠠᠰᠢᠨ ᠤ ᠳᠦᠪ ᠪᠠᠶᠢᠬᠰᠠᠠ ᠶᠤᠮ᠃ | ᠵᠦ ᠶᠤᠸᠠᠨ ᠵᠠᠩ ᠤ ᠤᠳᠤᠷᠢᠳᠤᠬᠰᠠᠠ ᠤᠯᠠᠭᠠᠨ ᠠᠯᠴᠢᠭᠤᠷᠳᠠᠨ ᠤ ᠪᠤᠰᠤᠯᠭᠠ ᠶᠤᠸᠠᠨ ᠤᠯᠤᠰ ᠤᠨ ᠶᠡᠭᠡ | ᠨᠡᠶᠢᠰᠯᠡᠯ ᠪᠡ ᠳᠡᠭᠡᠳᠦ ᠨᠡᠶᠢᠰᠯᠡᠯ ᠢ ᠤᠳᠠᠭᠠ ᠳᠠᠷᠠᠭᠠᠯᠠᠨ ᠳᠠᠭᠠᠷᠢᠵᠥ᠂ 1369 ᠤᠨ ᠳᠤ ᠳᠡᠭᠡᠳᠦ ᠨᠡᠶᠢᠰᠯᠡᠯ ᠢ | ᠡᠵᠡᠯᠡᠭᠰᠡᠡ ᠢᠶᠠᠷ ᠳᠤᠭᠤᠨᠳᠡᠮᠦᠷ ᠬᠠᠭᠠᠨ ᠠᠷᠭᠠ ᠪᠤᠰᠤ ᠤᠮᠠᠷᠠᠰᠢ ᠰᠢᠯᠵᠢᠭᠰᠡᠡ ᠶᠤᠮ᠃ ᠳᠡᠭᠦᠨ ᠠᠴᠠ ᠬᠤᠶᠢᠰᠢ | ᠤᠮᠠᠷᠠᠳᠤ ᠶᠤᠸᠠᠨ ᠤ ᠮᠤᠩᠭᠤᠯ ᠤᠷᠤᠨ ᠭᠢᠭᠡᠳ ᠮᠢᠩ ᠤᠯᠤᠰ ᠤᠨ ᠭᠢᠳᠡᠳ ᠤᠷᠤᠨ ᠤ ᠬᠤᠭᠤᠷᠤᠨᠳᠤᠭᠢ ᠠᠷᠠᠯᠵᠢᠶᠠ | ᠬᠤᠳᠠᠯᠳᠤᠭᠠ ᠭᠡᠰᠡᠭ ᠬᠤᠭᠤᠴᠠᠭᠠ ᠭᠦᠨᠳᠦ ᠰᠦᠷᠡᠭᠡᠢ ᠪᠢᠳᠡᠭᠦᠮᠵᠢᠯᠡᠳᠡᠨ ᠪᠦᠭᠦ ᠮᠤᠩᠭᠤᠯ ᠤᠷᠤᠨ ᠳᠤ ᠠᠮᠤ | ᠭᠦᠨᠡᠰᠦ᠂ ᠪᠦᠰ ᠪᠠᠷᠠᠭᠠ ᠶᠡᠭᠡᠪᠡᠷ ᠳᠤᠳᠠᠬᠳᠠᠵᠥ ᠪᠢᠯᠡ᠃ ᠡᠨᠡ ᠪᠠᠶᠢᠳᠡᠯ ᠳᠤᠤᠷᠡ ᠪᠤᠭᠤᠮᠳᠠ ᠶᠢᠨ ᠳᠤᠳᠤᠷᠠᠭᠢ | ᠮᠠᠶᠢᠮᠠᠶᠢᠴᠢᠳ ᠭᠢᠭᠡᠳ ᠮᠤᠩᠭᠤᠯ ᠤᠷᠤᠨ ᠤ ᠠᠷᠠᠳ ᠢᠷᠭᠡᠳ ᠤᠨ ᠭᠦᠰᠡᠯ ᠱᠠᠭᠠᠷᠳᠠᠯᠭᠠ ᠪᠠᠷ ᠬᠤᠶᠠᠷ ᠤᠷᠤᠨ ᠤ | ᠨᠤᠶᠠᠳ ᠢᠵᠠᠭᠤᠷᠳᠠᠳ ᠭᠡᠯᠡᠯᠴᠡᠭᠡᠷ ᠭᠢᠵᠥ᠂ ᠪᠤᠭᠤᠮᠳᠠ ᠶᠢᠨ ᠭᠠᠳᠠᠨᠠᠭᠢ ᠡᠨᠡᠭᠦ ᠡᠷᠳᠡᠨ ᠤ ᠤᠯᠠᠭᠠ ᠦᠷᠳᠡᠭᠡ ᠶᠢᠨ | ᠭᠦᠢᠰᠦ ᠪᠤᠯᠤᠬᠰᠠᠠ ᠡᠯᠡᠰᠦ ᠭᠢᠭᠡᠳ ᠠᠭᠤᠯᠠ ᠤᠰᠤᠨ ᠤ ᠦᠩᠭᠡ ᠦᠵᠡᠮᠵᠢ ᠲᠠᠢ ᠳᠤᠯᠤᠨ ᠨᠤᠤᠷ ᠢ ᠮᠠᠶᠢᠮᠠᠢ | ᠴᠤᠬᠯᠠᠭᠠᠨ ᠤ ᠴᠢᠬ ᠪᠤᠯᠭᠠᠬᠰᠠᠠ ᠪᠠᠶᠢᠵᠠᠢ᠃ ᠢᠩᠭᠢᠭᠡᠳ ᠭᠤᠪᠢ ᠶᠢᠨ ᠠᠷᠤ ᠡᠮᠤᠨᠡ ᠤᠯᠠᠨ ᠵᠠᠭᠤᠨ ᠵᠢᠯ ᠤᠨ | ᠳᠤᠷᠰᠢᠳᠡ ︽ᠳᠤᠯᠤᠨ ᠨᠤᠤᠷ ᠮᠠᠶᠢᠮᠠᠢ︾ ᠭᠡᠮᠡᠨ ᠠᠯᠳᠠᠷᠰᠢᠵᠥ ᠪᠢᠯᠡ᠃ | ᠴᠢᠩ ᠤᠯᠤᠰ ᠨᠢ ᠭᠤᠪᠢ ᠶᠢᠨ ᠠᠷᠤ ᠡᠮᠤᠨᠡᠭᠢ ᠮᠤᠩᠭᠤᠯᠴᠤᠳ ᠢ ᠪᠤᠷᠬᠠᠨ ᠱᠠᠰᠢᠨ ᠢᠶᠠᠷ ᠢᠯᠪᠢᠨ ᠳᠠᠭᠠᠭᠤᠯᠬᠤ | ᠳᠦᠷᠦ ᠶᠢᠨ ᠪᠤᠳᠤᠯᠭᠠ ᠶᠢ ᠳᠤᠬᠳᠠᠭᠠᠵᠥ ᠳᠤᠯᠤᠨ ᠨᠤᠤᠷ ᠲᠤ ᠤᠯᠠᠨ ᠰᠦᠮᠡ ᠭᠡᠶᠢᠳ ᠪᠠᠶᠢᠭᠤᠯᠤᠨ ᠮᠤᠩᠭᠤᠯ | ᠤᠷᠤᠨ ᠤ ᠱᠠᠰᠢᠨ ᠤ ᠳᠦᠪ ᠪᠤᠯᠭᠠᠬᠰᠠᠠ ᠨᠢ ᠪᠠᠰᠠ ᠦᠯᠢᠭᠡᠷ ᠳᠤᠮᠤᠬ ᠲᠠᠢ ᠪᠢᠯᠡ᠃ ᠡᠩᠭᠡ ᠠᠮᠤᠭᠤᠯᠠᠩ ᠬᠠᠭᠠᠨ | 1687 ᠤᠨ ᠳᠤ ᠭᠦᠳᠡᠭᠡ ᠳᠤᠰᠬᠤᠨ ᠢᠶᠠᠷ ᠪᠠᠶᠢᠳᠠᠯ ᠤᠶᠢᠯᠠᠭᠠᠵᠦ᠂ ᠳᠤᠯᠤᠭᠠᠨ ᠨᠠᠭᠤᠷ ᠤᠨ ᠬᠠᠪᠢ ᠪᠠᠷ ᠡᠯᠵᠢᠭᠡ | ᠲᠠᠢ ᠶᠠᠪᠤᠵᠥ ᠪᠠᠶᠢᠭᠠᠳ ᠦᠷᠳᠡᠭᠡᠨ ᠭᠤᠤᠯ ᠤᠨ ᠡᠮᠤᠨᠡ ᠭᠦᠪᠡᠭᠡᠨ ᠤ ᠨᠠᠷᠠᠰᠤᠨ ᠰᠢᠭᠤᠢ᠂ ᠪᠠᠯᠠᠷ ᠤᠢ ᠳᠤᠮᠳᠠ | ᠠᠴᠠ ᠤᠳᠤᠭᠠ ᠭᠠᠷᠴᠤ ᠪᠠᠶᠢᠭᠠ ᠶᠢ ᠤᠯᠵᠥ ᠬᠠᠷᠠᠪᠠ᠃ ᠬᠠᠭᠠᠨ ᠰᠢᠳᠠᠷ ᠳᠦᠰᠢᠮᠡᠯ ᠲᠠᠢ ᠪᠠᠨ ᠬᠤᠶᠠᠭᠤᠯᠠ ᠵᠠᠮ | ᠭᠦᠭᠡᠭᠡᠵᠥ ᠪᠡᠶᠡ ᠴᠢᠯᠡᠭᠰᠡᠡ ᠳᠤᠯᠡ ᠠᠶᠢᠯ ᠳᠤ ᠪᠠᠭᠤᠵᠤ ᠬᠠᠯᠠᠭᠤᠨ ᠪᠦᠯᠢᠶᠡᠨ ᠶᠠᠭᠤᠮᠠ ᠤᠤᠭᠤᠬᠤ ᠪᠠᠷ ᠭᠦᠷᠦᠭᠡᠳ | ᠤᠴᠢᠬᠰᠠᠠ ᠳᠤ ᠨᠢᠭᠡᠨ ᠳᠠᠶᠠᠨᠴᠢ ᠯᠠᠮᠠ ᠬᠤᠶᠠᠷ ᠱᠠᠪᠢ ᠲᠠᠢ ᠪᠠᠨ ᠡᠪᠡᠰᠦᠨ ᠤᠪᠤᠬᠠᠢ ᠳᠤ ᠨᠤᠮ ᠤᠩᠰᠢᠨ ᠰᠠᠭᠤᠵᠥ | ᠪᠠᠶᠢᠬᠰᠠᠠ ᠭᠡᠨᠡ᠃ ᠬᠠᠭᠠᠨ ᠳᠦᠰᠢᠮᠠᠯ ᠬᠤᠶᠠᠷ ᠯᠠᠮᠠ ᠠᠴᠠ ᠴᠡᠪᠡ ᠮᠠᠨᠵᠠ ᠭᠤᠶᠤᠬᠰᠠᠠ ᠳᠤ ᠳᠡᠷᠡ ᠯᠠᠮᠠ᠂ ᠳᠤᠩ | ᠪᠠᠭᠠ ᠦᠨᠳᠡᠭᠡᠨ ᠳᠤᠭᠤᠭᠠᠨ ᠳᠠᠭᠠᠨ ᠭᠡᠳᠦᠭᠡᠨ ᠮᠦᠭᠦᠯᠢᠭ ᠠᠮᠤ ᠶᠢ ᠠᠯᠠᠭᠠᠨ ᠳᠡᠭᠡᠷᠡ ᠪᠠᠨ ᠳᠤᠭᠠᠯᠠᠨ ᠪᠠᠶᠢᠵᠥ | ᠤᠢᠢᠭᠠᠳ ᠭᠠᠯ ᠢᠶᠠᠨ ᠨᠤᠴᠤᠭᠠᠪᠠ ᠭᠡᠨᠡ᠃ ᠢᠩᠭᠢᠭᠡᠳ ᠡᠨᠡᠭᠦ ᠵᠢᠵᠢᠭᠭᠡᠨ ᠦᠨᠳᠡᠭᠡᠨ ᠳᠤᠭᠤᠭᠠᠨ ᠳᠤ | ᠠᠬᠰᠢᠭᠠᠬᠰᠠᠠ ᠠᠮᠤᠰᠤ ᠶᠢ ᠬᠠᠭᠠᠨ ᠳᠦᠰᠢᠮᠡᠯ᠂ ᠪᠠᠭᠰᠢ ᠱᠠᠪᠢ ᠳᠦᠷᠪᠡᠭᠦᠯᠠ ᠢᠳᠡᠭᠡᠳ ᠪᠠᠷᠠᠬᠰᠠᠠ ᠦᠭᠡᠢ ᠭᠡᠨᠡ᠃ | ᠬᠠᠭᠠᠨ ᠮᠠᠰᠢ ᠭᠠᠶᠢᠬᠠᠬᠰᠠᠠ ᠢᠶᠠᠷ ᠪᠠᠷᠠᠬᠤ ᠦᠭᠡᠢ ᠠᠭᠤᠢ ᠶᠢᠨ ᠭᠠᠳᠠᠨᠠ ᠤᠶᠠᠭᠠᠳᠠᠢ ᠤᠨᠤᠭᠠᠨ ᠤ ᠬᠢᠨ ᠦᠩᠭᠡ | ᠵᠢᠰᠦᠮ ᠢ ᠭᠦᠷᠳᠡᠯᠠ ᠮᠡᠳᠡᠴᠢᠭᠡᠭᠰᠡᠡ ᠯᠠᠮᠠ ᠭᠤᠸᠠᠢ ᠶᠢ ᠶᠡᠭᠡᠳᠡ ᠪᠢᠰᠢᠷᠡᠭᠰᠡᠡ ᠪᠠᠶᠢᠪᠠ᠃ ᠬᠠᠭᠠᠨ ᠨᠡᠶᠢᠰᠯᠡᠯ | ᠬᠤᠳᠠᠨ ᠳᠠᠭᠠᠨ ᠬᠠᠷᠢᠬᠰᠠᠠ ᠤ ᠪᠠᠨ ᠳᠠᠷᠠᠭᠠ ᠭᠦᠮᠦᠨ ᠶᠠᠪᠤᠭᠤᠯᠵᠥ ᠳᠤᠰ ᠯᠠᠮᠠ ᠶᠢ ᠵᠠᠯᠠᠵᠥ ᠠᠪᠴᠢᠷᠠᠭᠠᠳ | ᠴᠦᠢᠷᠸᠠ ᠶᠢᠨ ᠴᠢᠭᠤᠯᠭᠠᠨ ᠳᠤ ᠡᠷᠳᠡᠮ ᠨᠤᠮ ᠢ ᠨᠢ ᠰᠢᠯᠭᠠᠭᠠᠳ ᠨᠡᠩ ᠰᠢᠳᠦᠨ ᠪᠢᠰᠢᠷᠡᠭᠦ ᠪᠤᠯᠤᠬᠰᠠᠠ ᠪᠠᠶᠢᠪᠠ᠃ | ᠳᠤᠯᠤᠨ ᠨᠤᠤᠷ ᠤᠨ ᠮᠠᠶᠢᠮᠠᠢ ᠵᠡᠭᠡᠯᠢ ᠳᠤ ᠡᠶᠡᠪᠡᠷ ᠵᠠᠰᠠᠬᠴᠢ ᠶᠢᠨ ᠠᠷᠪᠠᠨ ᠨᠠᠢᠮᠠᠳᠤᠭᠠᠷ ︵1661 ᠤᠨ︶ | ᠤᠨ ᠳᠤ ᠪᠠᠶᠢᠭᠤᠯᠤᠬᠰᠠᠠ ᠽᠦᠩ ᠱᠸᠦ ᠰᠧ ᠭᠡᠶᠢᠳ ᠭᠡᠭᠦ ᠭᠠᠭᠴᠠ ᠰᠦᠮᠡ ᠪᠠᠶᠢᠬᠰᠠᠠ ᠪᠤᠯ ᠡᠩᠭᠡ ᠠᠮᠤᠭᠤᠯᠠᠩ | ᠬᠠᠭᠠᠨ᠂ ᠭᠦᠯᠦ ᠭᠦᠭᠡ ᠬᠤᠰᠢᠭᠤᠨ ᠳᠤ ᠵᠠᠷᠯᠢᠬ ᠪᠢᠴᠢᠭ ᠪᠠᠭᠤᠯᠭᠠᠨ᠂ ᠬᠠᠭᠠᠨ ᠰᠠᠩ ᠠᠴᠠ ᠳᠡᠳᠭᠦᠮᠵᠢ ᠦᠭᠴᠤ᠂ | ᠳᠡᠭᠦᠨ ᠤ ᠤᠢᠢᠷᠡᠯᠴᠠᠭᠠ ᠪᠠᠰᠠ ᠨᠢᠭᠡᠨ ︽ᠯᠠᠮᠠ ᠶᠢᠨ ᠰᠦᠮᠡ︾ ᠭᠡᠭᠴᠢ ᠶᠢ ᠪᠠᠶᠢᠭᠤᠯᠵᠥ ᠳᠡᠷᠡ ᠯᠡᠮᠡ ᠶᠢ | ᠰᠢᠷᠡᠭᠡᠨ ᠯᠡᠮᠡ ᠪᠠᠷ ᠵᠠᠯᠠᠬᠰᠠᠠ ᠪᠠᠶᠢᠵᠠᠢ᠃ ᠡᠶᠢᠨᠭᠦ ᠳᠤᠮᠳᠠᠳᠤ ᠢᠷᠭᠡᠨ ᠤᠯᠤᠰ ᠠᠴᠠ ︽ᠳᠤᠯᠤᠨ ᠨᠤᠤᠷ ᠰᠢᠶᠠᠨ︾ | ᠭᠡᠮᠡᠨ ᠨᠡᠷᠡᠶᠢᠳᠭᠦ ᠪᠤᠯᠳᠠᠯᠠ ᠳᠤᠰ ᠬᠤᠳᠠ ᠪᠠᠯᠭᠠᠰᠤ ᠶᠢ ︽ᠯᠠᠮᠠ ᠶᠢᠨ ᠰᠦᠮᠡ︾ ᠭᠡᠵᠥ ᠳᠠᠭᠤᠳᠠᠳᠠᠬ ᠪᠠᠶᠢᠪᠠ᠃ | ᠰᠠᠭᠦᠯᠡᠷ ᠨᠢ ᠡᠩᠭᠡ ᠠᠮᠤᠭᠤᠯᠠᠩ ᠬᠠᠭᠠᠨ ᠳᠤᠯᠤᠨ ᠨᠤᠤᠷ ᠲᠤ ︽ᠴᠢᠭᠤᠯᠭᠠᠨ ᠬᠤᠷᠠᠬᠰᠠᠠ ᠭᠡᠶᠢᠳ︾ — ᠭᠦᠭᠡ | ᠰᠦᠮᠡ ᠶᠢ ︵1691 — 1612 ᠤᠨ ᠭᠦᠷᠳᠡᠯᠡ︶ ᠪᠠᠶᠢᠭᠤᠯᠵᠥ᠂ ᠠᠷᠪᠠᠨ ᠳᠦᠷᠪᠡᠳᠦᠭᠡᠷ ᠳᠦᠷᠢ ᠶᠢᠨ | ᠵᠠᠩᠭᠢᠶᠠ ᠬᠤᠳᠤᠬᠳᠤ ᠠᠬᠸᠠᠩᠯᠤᠪᠰᠠᠩᠴᠦ᠋ᠢᠯᠳᠠᠨ ᠢ ᠳᠤᠯᠤᠨ ᠨᠤᠤᠷ ᠤᠨ ᠳᠡᠭᠡᠳᠤ ᠬᠤᠳᠤᠬᠳᠤ ᠭᠡᠭᠡᠨ ᠢᠶᠠᠷ ᠵᠠᠯᠠᠵᠥ | ᠰᠠᠭᠤᠯᠭᠠᠭᠠᠳ᠂ ᠠᠷᠤ ᠳᠠᠪᠢᠨ ᠳᠤᠯᠤᠭᠠ᠂ ᠦᠪᠦᠷ ᠳᠦᠴᠢ ᠶᠢᠰᠤᠨ ᠬᠤᠰᠢᠭᠤᠨ ᠤ ᠤᠯᠠᠨ ᠰᠦᠮᠡ ᠭᠡᠶᠢᠳ ᠤᠨ | ᠭᠡᠭᠡᠨ ᠱᠠᠪᠷᠦᠩ ᠨᠡᠷ ᠲᠤ ᠴᠤ ᠡ᠊ᠨᠳᠡ ᠭᠡᠭᠡᠨ ᠰᠡᠩ ᠪᠠᠶᠢᠭᠤᠯᠤᠨ ᠦᠭᠴᠤ᠂ ᠳᠤᠯᠤᠨ ᠨᠤᠤᠷ ᠢ ᠪᠦᠭᠦ ᠮᠤᠩᠭᠤᠯ | ᠤᠷᠤᠨ ᠢ ᠰᠢᠷᠠ ᠶᠢᠨ ᠱᠠᠰᠢᠨ ᠢᠶᠠᠷ ᠵᠠᠭᠢᠷᠠᠬᠤ ᠳᠦᠪ ᠪᠤᠯᠭᠠᠬᠰᠠᠠ ᠪᠠᠶᠢᠨᠠ᠃ | | | ᠪᠡᠯᠡᠳᠬᠡᠭᠰᠡᠨ ᠨᠢ᠄ ᠡᠷᠳᠡᠨᠢᠬᠦᠦ | ᠨᠠᠶᠢᠷᠠᠭᠤᠯᠤᠭᠰᠠᠨ ᠨᠢ᠄ ᠨᠠᠮᠤᠷ | ᠬᠢᠨᠠᠭᠰᠠᠨ ᠨᠢ᠄ ᠤᠷᠢᠬᠠᠨ |