| | ᠮᠤᠩᠭᠤᠯ ᠬᠦᠮᠦᠨ ᠤ ᠲᠦᠷᠦᠯ ᠨᠢ ᠶᠡᠷᠦᠩᠭᠡᠢ ᠳᠡᠭᠡᠨ ᠤᠷᠤᠨ ᠨᠤᠲᠤᠭ ᠲᠠᠭᠠᠨ ᠦᠰᠴᠦ ᠲᠦᠷᠦᠭᠰᠡᠨ ᠨᠤᠲᠤᠭ | ᠤᠨ ᠬᠦᠮᠦᠨ ᠪᠤᠯᠤᠨᠠ᠃ ᠲᠡᠲᠡ ᠭᠤᠤᠯᠲᠠᠭᠤ ᠠᠽᠢᠶᠠ ᠲᠢᠪ᠂ ᠤᠮᠠᠷᠠᠲᠤ ᠠᠮᠧᠷᠢᠺᠠ ᠲᠢᠪ ᠪᠤᠯᠤᠨ ᠯᠠᠲ᠋ᠢᠨ | ᠠᠮᠧᠷᠢᠺᠠ ᠲᠢᠪ ᠵᠡᠷᠭᠡ ᠭᠤᠷᠪᠠᠨ ᠶᠡᠭᠡ ᠲᠢᠪ ᠲᠤ ᠲᠠᠷᠬᠠᠵᠤ ᠪᠠᠶᠢᠭᠠ ᠶᠤᠮ᠃ ᠮᠤᠩᠭᠤᠯ ᠬᠦᠮᠦᠨ ᠤ ᠲᠦᠷᠦᠯ ᠳᠤ | ᠬᠡᠲᠤᠶᠢᠪᠡᠷ ᠮᠠᠰᠢ ᠤᠯᠠᠨ ᠨᠡᠭᠦᠲᠡᠯᠴᠢᠨ ᠦᠨᠲᠦᠰᠦᠲᠡᠨ ᠨᠦᠭᠦᠳ ᠪᠤᠢ ᠪᠤᠯᠪᠠᠴᠤ ᠲᠡᠲᠡ ᠴᠦᠮ ᠦᠪᠡᠷ ᠤᠨ | ᠤᠯᠠᠮᠵᠢᠯᠠᠯᠲᠤ ᠨᠤᠲᠤᠭ ᠤᠷᠤᠨ ᠳᠠᠭᠠᠨ ᠤᠰᠤ ᠪᠡᠯᠴᠢᠭᠡᠷ ᠢᠶᠠᠨ ᠲᠠᠭᠠᠵᠤ ᠨᠡᠭᠦᠲᠡᠯᠯᠡᠲᠡᠭ ᠶᠤᠮ᠃ | ᠮᠤᠩᠭᠤᠯ ᠲᠦᠷᠦᠯᠬᠢᠲᠡᠨ ᠬᠡᠲᠦᠨ ᠲᠦᠮᠡᠨ ᠵᠢᠯ ᠤᠨ ᠡᠮᠤᠨᠡᠬᠢ ᠡᠷᠲᠡ ᠲᠡᠭᠡᠷᠡ ᠦᠶᠡ ᠳᠤ ᠮᠤᠩᠭᠤᠯ ᠤᠨ | ᠦᠨᠲᠦᠷᠯᠢᠭ — ᠮᠤᠩᠭᠤᠯ ᠤᠨ ᠡᠬᠡ ᠭᠠᠵᠠᠷ ᠲᠤ ᠡᠭᠦᠰᠦᠨ ᠬᠦᠭᠵᠢᠵᠦ᠂ ᠠᠵᠤ ᠲᠦᠷᠦᠨ ᠤᠷᠤᠰᠢᠵᠤ ᠪᠠᠶᠢᠯᠠ᠃ | ᠬᠤᠵᠢᠮ ᠨᠢ ᠪᠠᠶᠢᠭᠠᠯᠢ ᠶᠢᠷᠲᠢᠨᠴᠦ ᠶᠢᠨ ᠬᠤᠪᠢᠷᠠᠯ ᠪᠠ ᠬᠦᠮᠦᠨ ᠲᠦᠷᠦᠯᠬᠢᠲᠡᠨ ᠤ ᠨᠡᠶᠢᠭᠡᠮ ᠤᠨ ᠬᠦᠭᠵᠢᠯᠲᠡ ᠶᠢ | ᠲᠠᠭᠠᠯᠲᠤᠵᠤ᠂ ᠡᠲᠡᠭᠡᠷ ᠮᠤᠩᠭᠤᠯ ᠲᠦᠷᠦᠯᠬᠢᠲᠡᠨ ᠲᠠᠯᠠᠢ ᠲᠠᠩᠬᠢᠰ ᠢᠶᠠᠷ ᠲᠡᠨᠤᠨ ᠶᠡᠪᠤᠵᠤ᠂ ᠲᠡᠯᠡᠭᠡᠢ ᠶᠢᠨ ᠡᠯᠡ | ᠭᠠᠵᠠᠷ ᠨᠡᠭᠦᠲᠡᠯᠯᠡᠨ ᠤᠴᠢᠵᠤ᠂ ᠰᠢᠨᠡ ᠶᠢᠷᠲᠢᠨᠴᠦ ᠶᠢ ᠴᠤᠭᠴᠠᠯᠠᠵᠤ᠂ ᠰᠢᠨᠡ ᠰᠤᠶᠤᠯ ᠢ ᠡᠭᠦᠲᠦᠨ ᠪᠦᠲᠦᠭᠡᠪᠡᠢ᠃ | ᠮᠤᠩᠭᠤᠯ ᠬᠦᠮᠦᠨ᠂ ᠮᠤᠩᠭᠤᠯ ᠲᠦᠷᠦᠯ ᠬᠦᠮᠦᠨ᠂ ᠮᠤᠩᠭᠤᠯᠯᠢᠶᠠ ᠬᠦᠮᠦᠨ ᠪᠤᠯ ᠨᠢᠭᠡ ᠴᠢᠰᠤᠨ ᠤᠲᠤᠮ ᠤᠨ | ᠤᠷᠤᠭ ᠲᠤᠲᠤᠮ ᠤᠨ ᠲᠦᠷᠦᠯ ᠤᠭᠰᠠᠭᠠᠲᠠᠨ ᠪᠤᠯᠤᠨᠠ᠃ ᠮᠤᠩᠭᠤᠯ ᠲᠦᠷᠦᠯ ᠬᠦᠮᠦᠨ ᠤ ᠬᠠᠮᠤᠭ ᠤᠨ ᠶᠡᠭᠡ ᠨᠢᠭᠡ | ᠤᠨᠴᠠᠯᠢᠭ ᠪᠤᠯ ᠨᠢᠯᠬᠠ ᠬᠡᠥᠬᠡᠳ ᠤᠨ ᠬᠢᠨᠢ ᠰᠡᠭᠦᠵᠢᠨ ᠲᠡᠭᠡᠷᠡ ᠨᠢ ᠠᠶᠠᠭᠠᠨ ᠴᠢᠨᠡᠭᠡᠨ ᠨᠢᠭᠡ ᠬᠡᠰᠡᠭ ᠬᠦᠬᠡ ᠮᠡᠩᠬᠡ | ᠲᠠᠢ ᠪᠢᠯᠡ᠃ ᠡᠭᠦᠨ ᠢ 《 ᠮᠤᠩᠭᠤᠯ ᠲᠤᠯᠪᠤ 》 ᠭᠡᠲᠡᠭ ᠰᠡᠨ᠃ ᠡᠨᠡ ᠬᠦ ᠬᠦᠬᠡ ᠮᠡᠩᠬᠡ ᠨᠢ ᠲᠡᠭᠡᠲᠦ ᠲᠡᠭᠷᠢ | ᠠᠴᠠ ᠢᠪᠡᠭᠡᠭᠰᠡᠨ ᠬᠦᠬᠡ ᠮᠡᠩᠭᠡ ᠪᠤᠯᠠᠢ᠂ ᠡᠨᠡ ᠨᠢ ᠮᠤᠩᠭᠤᠯ ᠬᠦᠮᠦᠨ ᠤ ᠴᠢᠰᠤᠨ ᠤᠲᠤᠮ ᠤᠨ ᠬᠦᠬᠡ ᠮᠡᠩᠭᠡ | ᠪᠤᠯᠤᠨᠠ᠃ ᠡᠨᠡ ᠬᠦ 《 ᠮᠤᠩᠭᠤᠯ ᠲᠤᠯᠪᠤ 》 ᠨᠢ ᠮᠤᠩᠭᠤᠯ ᠬᠦᠮᠦᠨ᠂ ᠮᠤᠩᠭᠤᠯ ᠲᠦᠷᠦᠯ ᠬᠦᠮᠦᠨ᠂ | ᠮᠤᠩᠭᠤᠯᠯᠢᠶᠠ ᠬᠦᠮᠦᠨ ᠳᠤ ᠯᠡ ᠪᠠᠶᠢᠭᠠ ᠤᠨᠴᠠ ᠲᠡᠮᠲᠡᠭ — ᠴᠢᠰᠤᠨ ᠤᠲᠤᠮ ᠤᠨ ᠢᠮ ᠲᠡᠮᠲᠡᠭ᠂ ᠤᠲᠤᠮ | ᠤᠭᠰᠠᠭᠠᠨ ᠤ ᠪᠡᠯᠭᠡ ᠲᠡᠮᠲᠡᠭ ᠪᠤᠯᠠᠢ᠃ | ᠡᠷᠲᠡᠮ ᠰᠢᠨᠵᠢᠯᠡᠭᠡᠨ ᠤ ᠬᠢᠨ ᠮᠤᠩᠭᠤᠯ ᠦᠨᠲᠦᠰᠦᠲᠡᠨ ᠪᠤᠯ ᠬᠦᠮᠦᠨ ᠲᠦᠷᠦᠯᠬᠢᠲᠡᠨ ᠤ ᠭᠤᠷᠪᠠᠨ ᠶᠡᠭᠡ | ᠬᠦᠮᠦᠨ ᠤ ᠲᠦᠷᠦᠯ ᠤᠨ ᠨᠢᠭᠡ ᠨᠢ ᠮᠦᠨ᠃ ᠮᠤᠩᠭᠤᠯ ᠬᠦᠮᠦᠨ ᠤ ᠲᠦᠷᠦᠯ ᠲᠤᠲᠤᠷᠠ ᠮᠤᠩᠭᠤᠯ ᠦᠨᠲᠦᠰᠦᠲᠡᠨ | ᠪᠤᠯ ᠭᠤᠤᠯ ᠲᠤᠯᠭᠠᠭᠤᠷᠢ ᠪᠤᠯᠲᠠᠭ᠂ ᠲᠡᠲᠡ ᠪᠠᠷ ᠠᠽᠢᠶᠠ ᠶᠢᠨ ᠮᠤᠩᠭᠤᠯ ᠤᠨ ᠦᠨᠲᠦᠷᠯᠢᠭ ᠲᠠᠬᠢ ᠨᠤᠲᠤᠭ ᠤᠨ | ᠬᠦᠮᠦᠨ ᠮᠦᠨ᠂ ᠮᠤᠩᠭᠤᠯ ᠶᠠᠰᠤᠲᠠᠨ ᠤ ᠶᠡᠬᠡᠩᠬᠢ ᠨᠢ ᠪᠤᠶᠤ ᠦᠨᠲᠦᠰᠦᠨ ᠲᠡᠭᠡᠷᠡ ᠪᠠᠨ ᠮᠤᠩᠭᠤᠯ ᠠᠴᠠ | ᠰᠠᠯᠪᠤᠷᠢᠯᠠᠨ ᠭᠠᠷᠴᠦ ᠤᠭᠰᠠᠭᠠ ᠦᠨᠲᠦᠰᠦᠲᠡᠨ ᠪᠤᠯᠵᠤ ᠪᠦᠷᠢᠯᠲᠦᠭᠰᠡᠨ ᠭᠡᠵᠦ ᠦᠵᠡᠵᠦ ᠪᠤᠢ᠃ ᠡᠶᠢᠮᠤ ᠠᠴᠠ | ᠮᠤᠩᠭᠤᠯ ᠦᠨᠲᠦᠰᠦᠲᠡᠨ ᠤ ᠡᠭᠦᠰᠦᠯ ᠪᠦᠷᠢᠯᠲᠦᠯ ᠨᠢ ᠪᠦᠬᠦᠶᠢᠯᠡ ᠮᠤᠩᠭᠤᠯᠴᠤᠳ ᠯᠤᠭᠠ ᠬᠤᠯᠪᠤᠭᠲᠠᠬᠤ ᠶᠤᠮ᠂ | ᠪᠦᠭᠦᠲᠡ ᠮᠤᠩᠭᠤᠯ ᠶᠠᠰᠤᠲᠠᠨ ᠦᠨᠲᠦᠰᠦᠲᠡᠨ ᠯᠦᠭᠡ ᠬᠤᠯᠪᠤᠭᠲᠠᠬᠤ ᠶᠤᠮ᠃ | ᠮᠤᠩᠭᠤᠯ ᠤᠨ ᠨᠡᠶᠢᠭᠡᠮ ᠤᠨ ᠬᠦᠭᠵᠢᠯᠲᠡ ᠶᠢᠨ ᠱᠠᠲᠤ ᠦᠶᠡ ᠨᠢ ᠲᠤᠪ ᠲᠤᠲᠤᠷᠬᠠᠢ᠂ ᠴᠠᠭ ᠬᠤᠭᠤᠴᠠᠭᠠ ᠨᠢ | ᠤᠷᠲᠤ ᠤᠲᠠᠭᠠᠨ᠂ ᠮᠠᠲ᠋ᠧᠷᠢᠶᠠᠯ ᠡᠯᠪᠡᠭ ᠪᠠᠶᠠᠯᠢᠭ᠂ ᠮᠦᠨ ᠡᠯᠡ ᠲᠦᠷᠦ ᠭᠦᠷᠦᠨ ᠤ ᠨᠡᠶᠢᠭᠡᠮ ᠤᠨ ᠰᠢᠨᠵᠢ ᠴᠢᠨᠠᠷ | ᠨᠢ ᠲᠤᠲᠤᠷᠬᠠᠢ᠂ ᠤᠨᠴᠠᠯᠢᠭ ᠨᠢ ᠲᠤᠪᠤᠶᠢᠮᠠ ᠪᠠᠶᠢᠵᠤ᠂ ᠤᠪᠤᠭ ᠲᠦᠷᠦᠯ ᠤᠨ ᠪᠠᠶᠢᠭᠤᠯᠤᠯᠲᠤ ᠨᠡᠶᠢᠭᠡᠮ᠂ ᠪᠤᠭᠤᠯᠲᠤ | ᠨᠡᠶᠢᠭᠡᠮ ᠨᠢ ᠪᠦᠷ ᠡᠶᠢᠮᠤ ᠪᠠᠶᠢᠵᠤ᠂ ᠲᠤᠶᠢᠯ ᠤᠨ ᠲᠤᠲᠤᠷᠬᠠᠢ ᠪᠠᠶᠢᠲᠠᠭ᠃ | ᠲᠡᠥᠬᠡ ᠶᠢᠨ ᠡᠷᠲᠡᠮᠲᠡᠳ ᠤᠪᠤᠭ ᠲᠦᠷᠦᠯ ᠤᠨ ᠨᠡᠶᠢᠭᠡᠮ ᠤᠨ ᠤᠨᠴᠠᠯᠢᠭ ᠢ ᠭᠤᠷᠪᠠᠨ ᠲᠠᠯᠠ ᠪᠠᠷ | ᠬᠤᠷᠢᠶᠠᠩᠭᠤᠶᠢᠯᠠᠭᠰᠠᠨ ᠪᠠᠶᠢᠨᠠ᠄ | 1. ᠤᠷᠤᠭ ᠤᠨ ᠬᠤᠪᠢᠰᠤᠯ ᠤᠯᠠᠷᠢᠯ ᠨᠢ ᠴᠤᠯ ᠲᠤᠷᠠ ᠵᠤᠷᠢᠭ ᠤᠨ ᠴᠢᠰᠤᠨ ᠤᠲᠤᠮ ᠤᠨ ᠤᠷᠤᠭ ᠠᠴᠠ — | ᠲᠡᠳ᠋ᠯᠡᠬᠦ ᠴᠢᠰᠤᠨ ᠤᠲᠤᠮ ᠤᠨ ᠤᠷᠤᠭ ᠪᠤᠯᠵᠤ᠂ ᠡᠴᠤᠰ ᠲᠤ ᠨᠢᠭᠡ ᠡᠷᠡ ᠨᠢᠭᠡ ᠡᠮᠡ ᠶᠢᠨ ᠤᠷᠤᠭ ᠪᠤᠯᠵᠤ ᠪᠢᠯᠡ᠃ | | 2. ᠤᠪᠤᠭ ᠲᠦᠷᠦᠯ ᠤᠨ ᠨᠡᠶᠢᠭᠡᠮ ᠪᠤᠯ ᠡᠬᠡ ᠤᠲᠤᠮ ᠢᠶᠠᠷ ᠭᠤᠤᠯ ᠪᠤᠯᠭᠠᠲᠠᠭ ᠰᠠᠨ᠃ 3. ᠡᠬᠡ ᠤᠲᠤᠮ ᠤᠨ | ᠤᠪᠤᠭ ᠲᠦᠷᠦᠯ ᠤᠨ ᠨᠡᠶᠢᠭᠡᠮ ᠳᠤ ᠬᠤᠪᠢ ᠬᠦᠮᠦᠨ ᠤ ᠡᠳ᠋ ᠬᠦᠷᠦᠩᠭᠡ ᠭᠡᠵᠦ ᠦᠭᠡᠢ ᠪᠠᠶᠢᠵᠠᠢ᠃ | ᠲᠠᠶᠠᠩ ᠲᠡᠯᠡᠬᠡᠢ ᠳᠤ ᠠᠯᠲᠠᠷ ᠲᠠᠢ ᠶᠢᠷᠲᠢᠨᠴᠦ ᠲᠡᠯᠡᠬᠡᠢ ᠶᠢᠨ ᠤᠨᠢᠰᠤᠭᠠ ᠭᠡᠮᠡᠭᠲᠡᠬᠦ — ᠠᠮᠢᠯᠠᠭᠰᠠᠨ ᠡᠲᠤᠷ | ᠠᠷᠠᠯ ᠲᠡᠭᠡᠷᠡᠬᠢ ᠴᠢᠯᠠᠭᠤᠨ ᠬᠦᠮᠦᠨ ᠤ ᠬᠦᠷᠦᠭ ᠢ ᠤᠪᠤᠭ ᠲᠦᠷᠦᠯ ᠤᠨ ᠨᠡᠶᠢᠭᠡᠮ ᠤᠨ ᠦᠶᠡ ᠳᠠᠬᠢ ᠢᠨᠳᠢᠶᠠᠨ | ᠮᠤᠩᠭᠤᠯᠴᠤᠳ ᠵᠤᠬᠢᠶᠠᠵᠤ ᠪᠦᠲᠦᠭᠡᠭᠰᠡᠨ ᠪᠠᠶᠢᠨᠠ᠃ | ᠰᠢᠪᠧᠷᠢᠶᠠ ᠶᠢᠨ ᠶᠧᠨᠢᠰᠠᠢ ᠮᠦᠷᠡᠨ ᠤ ᠬᠦᠪᠡᠭᠡ ᠲᠡᠭᠡᠷᠡ᠂ ᠪᠠᠶᠢᠭᠠᠯ ᠨᠠᠭᠤᠷ ᠲᠠᠭᠠᠤ ᠤᠷᠤᠨ ᠢᠶᠠᠷ᠂ ᠮᠤᠩᠭᠤᠯ | ᠤᠯᠤᠰ ᠤᠨ ᠠᠷᠤ ᠨᠤᠲᠤᠭ ᠲᠤ᠂ ᠦᠪᠦᠷ ᠮᠤᠩᠭᠤᠯ ᠤᠨ ᠰᠢᠯᠤᠭᠤᠨ ᠬᠦᠬᠡ ᠬᠤᠰᠢᠭᠤ ᠵᠡᠷᠭᠡ ᠤᠷᠤᠨ ᠳᠤ ᠪᠦᠷ | ᠴᠢᠯᠠᠭᠤᠨ ᠬᠦᠷᠦᠭ ᠲᠤᠷᠠᠰᠬᠠᠯ ᠪᠤᠢ᠃ | ᠠᠮᠢᠯᠠᠭᠰᠠᠨ ᠡᠲᠤᠷ ᠠᠷᠠᠯ ᠲᠡᠭᠡᠷᠡᠬᠢ ᠴᠢᠯᠠᠭᠤᠨ ᠬᠦᠮᠦᠨ ᠤ ᠬᠦᠷᠦᠭ ᠪᠤᠯᠤᠨ ᠮᠤᠩᠭᠤᠯ ᠤᠷᠤᠨ ᠤ ᠴᠢᠯᠠᠭᠤᠨ | ᠬᠦᠷᠦᠭ ᠤᠨ ᠰᠠᠶᠢᠯᠵᠤ ᠴᠤᠭᠴᠠᠯᠠᠭᠰᠠᠨ ᠨᠢ ᠠᠲᠠᠯᠢ᠂ ᠲᠦᠷᠰᠦ ᠬᠡᠯᠪᠡᠷᠢ ᠨᠢ ᠤᠶᠢᠷᠠᠯᠴᠠᠭᠠ ᠪᠠᠶᠢᠲᠠᠭ᠃ ᠡᠶᠢᠮᠤ | ᠠᠴᠠ᠂ ᠡᠨᠡ ᠬᠡᠲᠦᠨ ᠭᠠᠵᠠᠷ ᠤᠨ ᠬᠦᠷᠦᠭ ᠲᠤᠷᠠᠰᠬᠠᠯ ᠨᠢ ᠨᠢᠭᠡ ᠰᠢᠰᠲ᠋ᠧᠮ ᠤᠨ ᠪᠠᠶᠢᠵᠤ᠂ ᠨᠢᠭᠡ ᠲᠦᠷᠦᠯ ᠤᠨ | ᠰᠤᠶᠤᠯ ᠪᠤᠯᠬᠤ ᠶᠢ ᠬᠠᠷᠠᠭᠤᠯᠵᠤ ᠪᠠᠶᠢᠬᠤ ᠶᠤᠮ᠃ | ᠨᠢᠤ ᠾᠧ ᠯᠢᠶᠠᠩ ᠲᠠᠪᠠᠭᠠ ᠠᠴᠠ ᠢᠯᠡᠷᠡᠭᠦᠯᠦᠭᠰᠡᠨ ᠲᠠᠬᠢᠨᠢ ᠶᠢᠨ ᠰᠦᠮᠡ ᠪᠤᠯᠤᠨ ᠨᠢᠭᠡ ᠪᠦᠯᠦᠭ ᠴᠢᠯᠠᠭᠤᠨ | ᠤᠩᠭᠤᠨ ᠨᠢ 1 ᠲᠦᠮᠡᠨ ᠵᠢᠯ ᠤᠨ ᠡᠮᠤᠨᠡᠬᠢ ᠰᠢᠨᠡ ᠴᠢᠯᠠᠭᠤᠨ ᠪᠠᠭᠠᠵᠢ ᠶᠢᠨ ᠦᠶᠡ ᠶᠢᠨ ᠬᠢ ᠪᠤᠯᠤᠨᠠ᠃ ᠲᠠᠬᠢᠨᠢ | ᠶᠢ ᠡᠬᠡ ᠶᠢᠨ ᠶᠤᠰᠤ ᠪᠠᠷ ᠬᠦᠨᠲᠦᠯᠡᠵᠦ᠂ ᠬᠦᠷᠦᠭ ᠵᠢᠷᠤᠭ ᠲᠤ ᠪᠤᠰᠬᠠᠨ ᠲᠠᠬᠢᠵᠤ᠂ ᠡᠬᠡᠴᠢᠯᠡᠯ ᠤᠨ ᠤᠪᠤᠭ ᠲᠦᠷᠦᠯ | ᠤᠨ ᠨᠡᠶᠢᠭᠡᠮ ᠤᠨ ᠪᠠᠶᠢᠲᠠᠯ ᠢ ᠪᠦᠬᠦ ᠲᠠᠯᠠ ᠪᠠᠷ ᠢᠯᠡᠳᠬᠡᠵᠦ ᠪᠤᠢ ᠪᠤᠯᠠᠢ᠃ | ᠡᠷᠲᠡᠮᠲᠡᠳ ᠤᠨ ᠦᠵᠡᠬᠦ ᠪᠠᠷ᠂ ᠮᠤᠩᠭᠤᠯ ᠤᠨ ᠤᠪᠤᠭ ᠲᠦᠷᠦᠯ ᠤᠨ ᠨᠡᠶᠢᠭᠡᠮ ᠨᠢ ᠨᠠᠷᠢᠯᠢᠭ ᠴᠢᠯᠠᠭᠤᠨ ᠪᠠᠭᠠᠵᠢ | ᠶᠢᠨ ᠰᠡᠭᠦᠯᠴᠢ᠂ ᠰᠢᠨᠡ ᠴᠢᠯᠠᠭᠤᠨ ᠪᠠᠭᠠᠵᠢ ᠶᠢᠨ ᠡᠬᠢᠨ ᠠᠴᠠ ᠡᠬᠢᠯᠡᠵᠦ᠂ ᠬᠦᠷᠡᠯ ᠪᠠᠭᠠᠵᠢ ᠶᠢᠨ ᠦᠶᠡ ᠶᠢᠨ ᠡᠬᠢ | ᠬᠦᠷᠲᠡᠯᠡ ᠦᠷᠬᠦᠯᠵᠢᠯᠡᠪᠡ᠃ ᠴᠠᠭ ᠦᠶᠡ ᠶᠢᠨ ᠲᠠᠯᠠ ᠪᠠᠷ ᠠᠪᠴᠦ ᠬᠡᠯᠡᠪᠡᠯ 1 ᠲᠦᠮᠡ 5 ᠮᠢᠩᠭᠠᠨ ᠵᠢᠯ ᠠᠴᠠ 7 | — 8 ᠮᠢᠩᠭᠠᠨ ᠵᠢᠯ ᠤᠨ ᠡᠮᠤᠨᠡ ᠪᠤᠯᠲᠠᠯᠠ᠂ ᠪᠠᠷᠤᠭ 8 ᠮᠢᠩᠭᠠ ᠠᠴᠠ 1 ᠲᠦᠮᠡ ᠵᠢᠯ ᠦᠷᠬᠦᠯᠵᠢᠯᠡᠭᠰᠡᠨ | ᠪᠠᠶᠢᠨᠠ᠃ | ᠮᠤᠩᠭᠤᠯ ᠤᠨ ᠪᠤᠭᠤᠯ ᠤᠨ ᠨᠡᠶᠢᠭᠡᠮ ᠤᠨ ᠰᠢᠨᠵᠢ ᠴᠢᠨᠠᠷ ᠨᠢ ᠲᠤᠲᠤᠷᠬᠠᠢ᠂ ᠪᠤᠭᠤᠯ ᠤᠨ ᠨᠡᠶᠢᠭᠡᠮ ᠤᠨ ᠴᠠᠭ ᠨᠢ | ᠤᠷᠲᠤ ᠤᠲᠠᠭᠠᠨ᠂ ᠴᠠᠭ ᠦᠶᠡ ᠶᠢᠨ ᠴᠢᠨᠠᠷ ᠨᠢ ᠲᠤᠲᠤᠷᠬᠠᠢ ᠪᠠᠶᠢᠲᠠᠭ᠃ ᠮᠤᠩᠭᠤᠯ ᠤᠨ ᠪᠤᠭᠤᠯᠲᠤ ᠨᠡᠶᠢᠭᠡᠮ ᠤᠨ | ᠬᠦᠭᠵᠢᠯᠲᠡ ᠠᠴᠠ ᠦᠵᠡᠪᠡᠯ᠂ ᠲᠡᠷᠡ ᠨᠢ ᠤᠪᠤᠭ ᠲᠦᠷᠦᠯ ᠤᠨ ᠨᠡᠶᠢᠭᠡᠮ ᠤᠨ ᠲᠤᠲᠤᠷᠠ ᠨᠢᠭᠡᠨᠲᠡ ᠬᠦᠭᠵᠢᠵᠦ᠂ | ᠪᠤᠯᠪᠠᠰᠤᠷᠠᠵᠤ᠂ ᠨᠡᠶᠢᠭᠡᠮ ᠤᠨ ᠲᠤᠭᠲᠠᠯᠴᠠᠭᠠ ᠲᠠᠢ ᠪᠤᠯᠵᠠᠢ᠃ | ᠮᠤᠩᠭᠤᠯ ᠤᠨ ᠪᠤᠭᠤᠯᠲᠤ ᠨᠡᠶᠢᠭᠡᠮ ᠨᠢ ᠭᠤᠤᠯᠲᠠᠭᠤ ᠭᠤᠷᠪᠠᠨ ᠵᠤᠶᠢᠯ ᠤᠨ ᠬᠡᠯᠪᠡᠷᠢ ᠪᠠᠷ ᠢᠯᠡᠷᠡᠵᠦ ᠪᠤᠢ᠄ | 1. ᠮᠤᠩᠭᠤᠯ ᠤᠨ ᠤᠪᠤᠭ ᠲᠦᠷᠦᠯ ᠤᠨ ᠨᠡᠶᠢᠭᠡᠮ ᠤᠨ ᠵᠠᠲᠠᠷᠠᠯ ᠤᠨ ᠶᠠᠪᠤᠴᠠ ᠳᠤ ᠬᠡᠰᠡᠭ ᠠᠶᠢᠮᠠᠭ ᠤᠨ | ᠠᠬᠠᠯᠠᠭᠴᠢ ᠪᠤᠶᠤ ᠡᠰᠡᠭᠦᠯᠡ ᠰᠢᠨᠡ ᠪᠠᠷ ᠮᠠᠨᠲᠤᠭᠰᠠᠨ ᠤᠨᠴᠠ ᠡᠷᠬᠡᠲᠡᠨ ᠳᠤ ᠲᠡᠭᠦᠨ ᠤ ᠬᠠᠷᠢᠶᠠ ᠭᠠᠵᠠᠷ ᠪᠤᠶᠤ | ᠰᠠᠭᠤᠭᠠᠯᠢ ᠢᠷᠭᠡᠨ ᠲᠠᠢ ᠪᠠᠶᠢᠵᠠᠢ᠃ ᠡᠷᠬᠡ ᠲᠤᠰᠢᠶᠠᠯ ᠤᠨ ᠬᠢᠨᠢ ᠶᠡᠭᠡ ᠪᠠᠭᠠ ᠶᠢ ᠦᠨᠲᠦᠰᠦᠯᠡᠵᠦ ᠲᠤᠭᠲᠠᠭᠠᠭᠰᠠᠨ | ᠲᠡᠲᠡᠭᠡᠷ ᠬᠠᠷᠢᠶᠠᠨ ᠤ ᠭᠠᠵᠠᠷ ᠲᠤ ᠤᠷᠤᠰᠢᠨ ᠰᠠᠭᠤᠬᠤ ᠢᠷᠭᠡᠳ ᠨᠢ ᠴᠦᠮ ᠬᠠᠷᠢᠶᠠᠲᠤ ᠪᠤᠭᠤᠯ ᠪᠤᠯᠠᠢ᠃ | ᠡᠶᠢᠮᠤᠷᠬᠦᠦ ᠢᠷᠭᠡᠨ ᠢᠶᠠᠷ ᠪᠦᠷᠢᠯᠲᠦᠭᠰᠡᠨ ᠪᠤᠭᠤᠯ ᠢ 《 ᠤᠩᠭᠤ ᠪᠤᠭᠤᠯ ︵ungu bogol︶ 》 ︵ᠡᠷᠲᠡᠨ | ᠤ ᠪᠤᠭᠤᠯ︶ ᠭᠡᠲᠡᠭ᠃ | 2. ᠲᠠᠶᠢᠨ ᠤ ᠤᠯᠵᠠᠯᠠᠭᠲᠠᠭᠰᠠᠳ ᠪᠤᠶᠤ ᠡᠰᠡᠭᠦᠯᠡ ᠠᠷᠠᠯᠵᠢᠶᠠ ᠰᠤᠯᠢᠯᠴᠠᠭᠠ ᠬᠢᠵᠤ ᠠᠪᠤᠭᠰᠠᠨ ᠪᠤᠭᠤᠯ | ᠪᠠᠶᠢᠲᠠᠭ᠃ ᠠᠶᠢᠮᠠᠭ ᠤᠨ ᠲᠠᠶᠢᠨ ᠪᠠᠶᠢᠯᠲᠤᠭᠠᠨ ᠤ ᠲᠤᠮᠲᠠ ᠲᠠᠶᠢᠨ ᠤ ᠢᠯᠠᠭᠴᠢ ᠨᠢ ᠤᠯᠵᠠᠯᠠᠭᠲᠠᠭᠰᠠᠳ ᠢᠶᠠᠨ | ᠲᠠᠶᠢᠨ ᠤ ᠪᠡᠯᠡᠭ ᠪᠤᠯᠭᠠᠨ ᠠᠶᠢᠮᠠᠭ ᠤᠨ ᠠᠬᠠᠯᠠᠭᠴᠢ ᠪᠤᠯᠤᠨ ᠰᠢᠨᠠ ᠪᠠᠷ ᠮᠠᠨᠲᠤᠭᠰᠠᠨ ᠲᠠᠪᠬᠤᠷᠭᠠᠨ ᠳᠠᠭᠠᠨ | ᠬᠤᠪᠢᠶᠠᠨ ᠦᠭᠲᠡᠭ ᠪᠠᠶᠢᠨᠠ᠃ ᠪᠤᠭᠤᠯ ᠤᠨ ᠡᠵᠡᠳ ᠡᠲᠡᠭᠡᠷ ᠤᠯᠵᠠᠯᠠᠭᠰᠠᠳ ᠢ ᠬᠤᠪᠢ ᠶᠢᠨ ᠭᠡᠷ ᠤᠨ ᠦᠮᠴᠢ | ᠪᠤᠯᠭᠠᠨ ᠵᠠᠷᠤᠴᠠᠯᠠᠲᠠᠭ ᠪᠠᠶᠢᠨᠠ᠃ ᠡᠶᠢᠮᠤᠷᠬᠦᠦ ᠪᠤᠭᠤᠯ ᠢ 《 ᠭᠡᠷ ᠤᠨ ᠪᠤᠭᠤᠯ 》 ᠪᠤᠶᠤ 《 ᠡᠭᠦᠲᠡᠨ ᠪᠤᠭᠤᠯ | 》 ᠭᠡᠲᠡᠭ᠃ | 3.《 ᠬᠠᠷᠢᠶᠠᠲᠤ ᠪᠤᠭᠤᠯ 》 ᠪᠤᠶᠤ 《 ᠬᠠᠮᠵᠢᠯᠭᠠ ᠪᠤᠭᠤᠯ 》 | ᠲᠠᠶᠢᠴᠢᠭᠤᠳ · ᠮᠠᠨᠰᠠᠩ᠂ ᠮᠤᠩᠭᠤᠯ ᠦᠨᠲᠦᠰᠦᠲᠡᠨ ᠤ ᠪᠦᠷᠢᠨ ᠲᠡᠥᠬᠡ | | | ᠪᠡᠯᠡᠳᠬᠡᠭᠰᠡᠨ ᠨᠢ᠄ ᠡᠷᠳᠡᠨᠢᠬᠦᠦ | ᠨᠠᠶᠢᠷᠠᠭᠤᠯᠤᠭᠰᠠᠨ ᠨᠢ᠄ ᠨᠠᠮᠤᠷ | ᠬᠢᠨᠠᠭᠰᠠᠨ ᠨᠢ᠄ ᠤᠷᠢᠬᠠᠨ |