| | ᠮᠣᠩᠭᠤᠯᠴᠤᠳ ᠤᠨ ᠭᠡᠷ ᠲᠦᠮᠡᠨ ᠵᠢᠯ ᠠᠴᠠ ᠴᠦ ᠡᠮᠦᠨᠡ ᠡᠭᠦᠰᠦᠭᠰᠡᠨ ᠭᠡᠳᠡᠭ ᠢ ᠨᠤᠲᠠᠯᠠᠬᠤ ᠶᠠᠩᠵᠤ ᠪᠦᠷᠢ ᠶᠢᠨ | ᠬᠠᠳᠠᠨ ᠤ ᠰᠦᠭ ᠵᠢᠷᠤᠭ ᠤᠳ ᠣᠯᠳᠠᠵᠠᠢ᠃ ᠬᠠᠮᠤᠭ ᠤᠨ ᠲᠣᠳᠣ ᠵᠢᠱᠢᠶᠡ ᠨᠢ ᠥᠪᠥᠷ ᠬᠠᠩᠭᠠᠢ ᠠᠶᠢᠮᠠᠭ ᠤᠨ | ᠪᠤᠭᠤᠲᠤ ᠰᠤᠮᠤ ᠶᠢᠨ ᠬᠠᠳᠠᠨ ᠤ ᠵᠢᠷᠤᠭ ᠪᠥᠭᠡᠳ ᠶᠠᠨᠳᠣᠩ ᠲᠠᠢ ᠭᠡᠷ ᠵᠢᠷᠤᠭᠳᠠᠭᠰᠠᠨ ᠪᠠᠶᠢᠳᠠᠭ ᠪᠣᠯ ᠪᠠᠶᠠᠨ | ᠥᠯᠥᠭᠡᠢ ᠠᠶᠢᠮᠠᠭ ᠤᠨ ᠴᠠᠭᠠᠨ ᠰᠠᠯᠠᠭᠠ ᠬᠠᠳᠠᠨ ᠤ ᠵᠢᠷᠤᠭ ᠲᠤ ᠭᠡᠷ᠂ ᠳᠥᠷᠥᠭᠡ ᠬᠤᠶᠠᠷ ᠵᠢᠷᠤᠭᠰᠠᠨ ᠪᠠᠶᠢᠳᠠᠭ᠃ | ᠠᠷᠪᠠᠨ ᠭᠤᠷᠪᠠᠳᠣᠭᠠᠷ ᠵᠠᠭᠤᠨ ᠤ ᠦᠶᠡ ᠳᠤ ᠬᠡᠳᠦ ᠬᠡᠳᠦᠨ ᠶᠠᠩᠵᠤ ᠶᠢᠨ ᠭᠡᠷ ᠪᠠᠶᠢᠵᠠᠢ᠃ | ᠬᠦᠵᠦᠬᠦᠪᠴᠢᠨ ᠲᠣᠭᠤᠨᠣ ᠲᠠᠢ᠂ ᠨᠡᠭᠦᠳᠡᠯ ᠬᠢᠬᠦ ᠳᠡᠭᠡᠨ ᠲᠡᠷᠭᠡᠨ ᠳᠡᠭᠡᠷᠡ ᠪᠠᠷᠢᠭᠠᠳ ᠵᠥᠭᠡᠭᠡᠵᠦ ᠶᠠᠪᠤᠳᠠᠭ | ᠪᠠᠶᠢᠭᠰᠠᠨ ᠭᠡᠷ ᠢ ᠲᠡᠷᠭᠡ ᠳᠤ ᠭᠡᠷ ᠭᠡᠳᠡᠭ ᠪᠣᠯ ᠭᠠᠳᠠᠭᠠᠳᠤ ᠳᠣᠲᠣᠭᠠᠳᠤ ᠶᠢᠨ ᠡᠯᠴᠢ ᠨᠠᠷ ᠢ ᠬᠦᠯᠢᠶᠡᠨ ᠠᠪᠳᠠᠭ᠂ | ᠶᠡᠭᠡ ᠬᠤᠷᠠᠯᠳᠠᠢ ᠬᠤᠷᠠᠯᠳᠣᠭᠤᠯᠳᠠᠭ ᠬᠡᠳᠦᠨ ᠵᠠᠭᠤᠨ ᠬᠥᠮᠥᠨ ᠪᠠᠭᠲᠠᠬᠤ ᠲᠣᠮᠣ ᠭᠡᠷ ᠤᠳ ᠪᠠᠶᠢᠭᠰᠠᠨ ᠪᠥᠭᠡᠳ | ᠲᠡᠭᠦᠨ ᠢ ᠣᠷᠳᠣ ᠭᠡᠷ ᠪᠤᠶᠤ ᠰᠢᠯᠲᠦᠭᠡᠨ ᠭᠡᠷ ᠭᠡᠨᠡ᠃ ᠨᠣᠶᠠᠳ ᠢᠵᠠᠭᠤᠷᠲᠠᠨ ᠤᠳ ᠤᠨ ᠳᠠᠶᠢᠨ ᠪᠠᠶᠢᠯᠳᠤᠭᠠᠨ ᠳᠤ | ᠠᠪᠴᠤ ᠶᠠᠪᠤᠳᠠᠭ ᠳᠠᠶᠢᠨ ᠤ ᠵᠣᠷᠢᠭᠤᠯᠤᠯᠲᠠ ᠲᠠᠢ ᠭᠡᠷ ᠢ ᠭᠡᠷᠯᠦᠭᠡ ᠬᠡᠮᠡᠨᠡ᠃ ᠪᠤᠷᠭᠠᠰᠤ ᠵᠡᠷᠭᠡ ᠶᠢ ᠦᠵᠦᠭᠦᠷᠯᠡᠨ | ᠪᠡᠶᠡ ᠪᠡᠶᠡ ᠳᠤ ᠨᠢ ᠣᠭᠯᠠᠭᠤᠷᠭᠠᠲᠠᠨ ᠬᠢᠭᠡᠳ ᠬᠠᠨᠠ ᠶᠢ ᠡᠪᠡᠰᠦ ᠪᠠᠷ ᠬᠤᠴᠢᠭᠰᠠᠨ ᠭᠡᠷ ᠢ ᠡᠪᠡᠰᠦᠨ ᠭᠡᠷ ᠭᠡᠳᠡᠭ | ᠪᠣᠯ ᠣᠷᠣᠴᠠ ᠮᠠᠶ᠋ᠢᠭ ᠤᠨ ᠬᠡᠯᠪᠡᠷᠢ ᠲᠠᠢ ᠭᠡᠷ ᠢ ᠬᠤᠰᠢᠯᠢᠭ ᠭᠡᠷ ᠭᠡᠳᠡᠭ ᠪᠠᠶᠢᠵᠠᠢ᠃ ᠮᠥᠨ 13 ᠳ᠋ᠣᠭᠠᠷ ᠵᠠᠭᠤᠨ ᠤ | ᠦᠶᠡ ᠳᠤ ᠮᠣᠩᠭᠤᠯ ᠬᠠᠭᠠᠳ ᠤᠨ ᠭᠡᠷ ᠢ ᠣᠯᠠᠨ ᠠᠷᠪᠠᠨ ᠰᠢᠷᠠ ᠦᠬᠡᠷ ᠬᠥᠯᠯᠡᠭᠰᠡᠨ ᠲᠡᠷᠭᠡᠨ ᠳᠡᠭᠡᠷᠡ ᠪᠠᠷᠢᠵᠤ | ᠨᠡᠭᠦᠳᠡᠯ ᠬᠢᠳᠡᠭ ᠪᠠᠶᠢᠭᠰᠠᠨ᠃ ᠶᠡᠭᠡ ᠲᠡᠷᠭᠡ ᠠᠴᠠ ᠭᠠᠳᠠᠨᠠ ᠳᠥᠷᠪᠡ᠂ ᠨᠠᠢᠮᠠᠨ ᠦᠬᠡᠷ ᠬᠥᠯᠯᠡᠭᠰᠡᠨ ᠪᠡᠰᠡᠷᠡᠭ ᠭᠡᠷ | ᠲᠡᠷᠭᠡ ᠨᠦᠭᠦᠳ ᠴᠦ ᠣᠯᠠᠨ ᠪᠠᠶᠢᠵᠠᠢ᠃ 16 ᠳ᠋ᠣᠭᠠᠷ ᠵᠠᠭᠤᠨ ᠠᠴᠠ ᠣᠳᠣ ᠶᠢᠨ ᠮᠣᠩᠭᠤᠯ ᠭᠡᠷ ᠤᠨ ᠬᠡᠯᠪᠡᠷᠢ ᠳᠤ | ᠰᠢᠯᠵᠢᠭᠰᠡᠨ ᠪᠥᠭᠡᠳ ᠭᠡᠷ ᠤᠨ ᠲᠣᠮᠣ ᠪᠠᠭᠠ ᠬᠡᠮᠵᠢᠶᠡ ᠨᠢ ᠵᠡᠷᠭᠡ ᠳᠡᠪ᠂ ᠬᠥᠷᠥᠩᠭᠡ ᠴᠢᠨᠡᠭᠡᠨ ᠠᠴᠠ ᠬᠠᠮᠢᠶᠠᠷᠴᠤ | ᠪᠠᠶᠢᠪᠠ᠃ ᠵᠢᠷ ᠤᠨ ᠮᠠᠯᠴᠢᠳ ᠤᠨ ᠭᠡᠷ 4-5 ᠬᠠᠨᠠ ᠲᠠᠢ᠂ ᠨᠣᠶᠠᠳ ᠤᠨ ᠭᠡᠷ ᠶᠡᠬᠡᠪᠴᠢᠯᠡᠨ 6-8 ᠬᠠᠨᠠ ᠲᠠᠢ᠂ | ᠠᠶᠢᠮᠠᠭ ᠬᠤᠰᠢᠭᠤᠨ ᠤ ᠲᠠᠮᠠᠭᠠ ᠶᠢᠨ ᠭᠠᠵᠠᠷ ᠤᠨ ᠭᠡᠷ 10-12 ᠬᠠᠨᠠ ᠲᠠᠢ ᠪᠠᠶᠢᠪᠠ᠃ ᠴᠢᠨᠡᠭᠡᠯᠢᠭ ᠠᠶᠢᠯ ᠤᠳ | ᠭᠡᠷ ᠤᠨ ᠳᠡᠭᠡᠭᠦᠷ ᠴᠠᠰᠤ ᠪᠣᠷᠣᠭᠠᠨ ᠤ ᠤᠰᠤ᠂ ᠰᠠᠯᠬᠢ ᠰᠢᠭᠤᠷᠭᠠᠨ ᠠᠴᠠ ᠬᠠᠮᠠᠭᠠᠯᠠᠭᠰᠠᠨ ᠬᠥᠯᠲᠦ ᠡᠷᠦᠬᠡ | ᠬᠡᠷᠡᠭᠯᠡᠵᠦ᠂ ᠳᠡᠭᠡᠪᠦᠷ ᠤᠨ ᠪᠦᠷᠢᠶᠡᠰᠦ ᠪᠠᠨ ᠤᠯᠠᠭᠠᠨ ᠬᠥᠬᠡ ᠬᠠᠯᠵᠠ ᠪᠠᠷ ᠴᠢᠮᠡᠳᠡᠭ ᠪᠠᠶᠢᠪᠠ᠃ ᠤᠯᠠᠭᠠᠨ ᠬᠠᠯᠵᠠ | ᠨᠢ ᠪᠠᠶᠠᠷ ᠪᠠᠶᠠᠰᠬᠤᠯᠠᠩ ᠢ᠂ ᠬᠥᠬᠡ ᠬᠠᠯᠵᠠ ᠨᠢ ᠲᠡᠭᠷᠢ ᠶᠢ ᠪᠡᠯᠭᠡᠳᠡᠭᠰᠡᠨ ᠪᠣᠯ ᠰᠢᠷᠠ ᠶᠢᠨ ᠱᠠᠰᠢᠨ | ᠳᠡᠯᠭᠡᠷᠡᠭᠦᠯᠦᠭᠰᠡᠨ ᠲᠠᠢ ᠬᠤᠯᠪᠣᠭᠳᠠᠨ ᠭᠡᠷ ᠤᠨ ᠴᠢᠮᠡᠭᠯᠡᠯ ᠳᠤ ᠶᠠᠩᠵᠤ ᠪᠦᠷᠢ ᠶᠢᠨ ᠬᠡ ᠤᠭᠠᠯᠵᠠ ᠪᠦᠬᠦᠢ ᠢᠲᠡᠭᠡᠯ | ᠪᠢᠰᠢᠷᠡᠯ ᠤᠨ ᠴᠢᠨᠠᠷᠲᠠᠢ ᠵᠦᠢᠯᠡᠰ ᠣᠷᠣᠵᠤ ᠢᠷᠡᠭᠰᠡᠨ᠃ ᠡᠨᠡ ᠦᠶᠡ ᠶᠢᠨ ᠶᠠᠳᠠᠭᠤᠰ ᠤᠨ ᠭᠡᠷ ᠢ ᠴᠡᠭᠡᠵᠢ ᠭᠡᠷ᠂ | ᠲᠣᠪᠢ ᠭᠡᠷ᠂ ᠬᠠᠳᠬᠤᠭᠤᠷ ᠭᠡᠷ ᠭᠡᠬᠦ ᠮᠡᠲᠦ ᠪᠠᠷ ᠨᠡᠷᠡᠯᠡᠵᠦ ᠪᠠᠶᠢᠵᠠᠢ᠃ ᠴᠡᠭᠡᠵᠢ ᠭᠡᠷ ᠭᠡᠳᠡᠭ ᠨᠢ ᠵᠥᠪᠬᠡᠨ ᠤᠨᠢ | ᠲᠣᠭᠤᠨᠣ ᠭᠡᠰᠡᠨ ᠶᠠᠰᠤ ᠮᠣᠳᠣ ᠲᠠᠢ ᠭᠡᠷ ᠢ ᠬᠡᠯᠡᠳᠡᠭ ᠪᠣᠯ ᠬᠠᠳᠬᠤᠭᠤᠷ ᠭᠡᠷ ᠨᠢ ᠳᠥᠷᠪᠡᠨ ᠲᠠᠯᠠ ᠲᠠᠢ ᠱᠣᠪᠣᠭᠤᠷ | ᠣᠷᠣᠢ ᠲᠠᠢ ᠪᠠᠶᠢᠵᠠᠢ᠃ ᠪᠤᠷᠭᠠᠰᠤ ᠶᠢ ᠵᠣᠷᠢᠭᠤᠳᠠ ᠮᠠᠬᠢᠢᠯᠭᠠᠨ ᠤᠨᠢ ᠬᠠᠨᠠ ᠶᠢ ᠨᠢ ᠦᠷᠭᠦᠯᠵᠢᠯᠡᠯ ᠪᠣᠯᠭᠠᠨ ᠬᠢᠭᠰᠡᠨ | ᠭᠡᠷ ᠢ ᠲᠣᠪᠢ ᠭᠡᠷ ᠭᠡᠳᠡᠭ᠃ | ᠮᠣᠩᠭᠤᠯ ᠭᠡᠷ ᠤᠨ ᠬᠦᠨᠳᠦ ᠶᠢᠨ ᠵᠢᠩ ᠨᠢ 250-270 ᠺᠢᠯᠣᠭ᠍ᠷᠠᠮ ᠪᠠᠶᠢᠳᠠᠭ ᠤᠴᠢᠷ ᠬᠡᠳᠦᠬᠡᠨ ᠲᠡᠮᠡᠭᠡ ᠰᠠᠷᠯᠤᠭ | ᠵᠡᠷᠭᠡ ᠳᠤ ᠠᠴᠢᠶᠠᠯᠠᠭᠠᠳ ᠨᠡᠭᠦᠴᠢᠬᠡᠳᠡᠭ᠂ ᠬᠡᠳᠦᠬᠡᠨ ᠴᠠᠭ ᠤᠨ ᠳᠣᠲᠣᠷᠠ ᠬᠤᠶᠠᠭᠤᠯᠠ ᠭᠤᠷᠪᠠᠭᠤᠯᠠᠬᠠᠨ ᠢᠶᠠᠨ | ᠪᠠᠷᠢᠴᠢᠬᠠᠳᠠᠭ᠂ ᠨᠡᠭᠦᠳᠡᠯ ᠳᠤ ᠲᠣᠬᠢᠷᠠᠮᠵᠢᠲᠠᠢ ᠬᠥᠩᠭᠡᠨ ᠠᠪᠰᠠᠷᠬᠠᠨ ᠰᠠᠭᠤᠴᠠ ᠶᠤᠮ᠃ ᠨᠡᠭᠦᠳᠡᠯ ᠬᠢᠵᠦ ᠶᠠᠪᠤᠭᠠ | ᠬᠥᠮᠥᠰ ᠢ ᠤᠭᠲᠤᠨ ᠲᠣᠰᠴᠤ ᠴᠠᠢ ᠢᠳᠡᠭᠡ ᠪᠠᠷ ᠴᠠᠶᠢᠯᠠᠳᠠᠭ᠂ ᠭᠡᠷ ᠪᠠᠷᠢᠵᠤ ᠪᠠᠶᠢᠬᠤ ᠳᠤ ᠲᠠᠭᠠᠷᠠᠪᠠᠯ ᠲᠠᠨᠢᠳᠠᠭ ᠴᠦ | ᠪᠠᠢ᠂ ᠲᠠᠨᠢᠳᠠᠭ ᠦᠭᠡᠢ ᠴᠦ ᠪᠠᠢ ᠣᠴᠢᠵᠤ ᠲᠤᠰᠠᠯᠠᠳᠠᠭ ᠵᠠᠩᠰᠢᠯ ᠲᠠᠢ᠃ ᠭᠡᠷ ᠤᠨ ᠶᠡᠭᠡ ᠪᠠᠭᠠ ᠶᠢ ᠬᠠᠨᠠᠨ ᠤ | ᠲᠤᠭᠠ ᠪᠠ ᠲᠣᠯᠣᠭᠠᠢ ᠪᠠᠷ ᠢᠯᠭᠠᠨᠠ᠃ ᠭᠡᠷ ᠪᠣᠯ ᠳᠡᠯᠡᠬᠡᠢ ᠲᠠᠢ ᠠᠳᠠᠯᠢ ᠪᠥᠭᠡᠷᠡᠩᠬᠡᠢ ᠳᠤᠭᠤᠢ ᠤᠴᠢᠷ ᠠᠴᠠ | ᠪᠤᠯᠤᠩ ᠲᠣᠬᠤᠢ ᠳᠤ ᠨᠢ ᠮᠠᠭᠤ ᠡᠨᠧᠷᠭᠢ ᠬᠤᠷᠭᠤᠳᠠᠨ ᠦᠯᠡᠳᠡᠬᠦ ᠦᠭᠡᠢ᠂ ᠭᠡᠷ ᠲᠤ ᠪᠠᠶᠢᠭᠠ ᠬᠥᠮᠥᠨ ᠰᠠᠶᠢᠬᠠᠨ | ᠠᠮᠠᠷᠠᠵᠤ ᠤᠨᠲᠠᠵᠤ ᠴᠢᠳᠠᠳᠠᠭ ᠭᠠᠳᠠᠨᠠ ᠬᠥᠮᠥᠨ ᠤ ᠠᠭᠤᠷ ᠪᠣᠬᠢᠨᠢᠳᠣᠯ᠂ ᠣᠴᠠᠭᠠᠷ ᠢ ᠠᠮᠠᠷᠬᠠᠨ ᠲᠠᠶᠢᠯᠳᠠᠭ | ᠪᠠᠶᠢᠨᠠ᠃ ᠬᠠᠨᠠ ᠪᠣᠯᠬᠤ ᠢᠰᠡᠭᠡᠢ ᠲᠤᠭᠤᠷᠭᠠ ᠨᠢ ᠴᠠᠭ ᠲᠤ 500 ᠤᠳᠠᠭᠠ ᠠᠭᠠᠷ ᠰᠣᠯᠢᠯᠴᠠᠵᠤ ᠴᠢᠳᠠᠳᠠᠭ | ᠠᠵᠢ᠃ | ᠪᠡᠯᠡᠳᠬᠡᠭᠰᠡᠨ ᠨᠢ᠄ ᠡᠷᠳᠡᠨᠢᠬᠦᠦ | ᠨᠠᠶᠢᠷᠠᠭᠤᠯᠤᠭᠰᠠᠨ ᠨᠢ᠄ ᠨᠠᠮᠤᠷ | ᠬᠢᠨᠠᠭᠰᠠᠨ ᠨᠢ᠄ ᠤᠷᠢᠬᠠᠨ |