ᠲᠡᠷᠢᠭᠦᠨ ᠬᠠᠭᠤᠳᠠᠰᠤ
ᠲᠣᠶᠢᠮᠣ ᠪᠠᠶᠢᠳᠠᠯ
ᠰᠣᠨᠢᠨ ᠮᠡᠳᠡᠭᠡ
ᠢᠯᠡ ᠵᠠᠰᠠᠭ
ᠦᠢᠯᠡᠴᠢᠯᠡᠭᠡ
ᠰᠣᠶᠣᠯ ᠡᠷᠳᠡᠨᠢ
ᠰᠢᠨ᠎ᠡ ᠬᠦᠳᠡᠭᠡ
ᠮᠣᠩᠭᠤᠯ ᠡᠷᠳᠡᠮᠲᠡᠨ ᠪᠦᠭᠡᠭᠡᠰᠢᠭ
ᠨᠡᠶᠢᠲᠡᠯᠡᠭᠰᠡᠨ ᠴᠠᠭ᠄
2020/4/7
   ᠪᠦᠭᠡᠭᠡᠰᠢᠭ ᠤᠨ ᠬᠢᠳᠡᠳ ᠨᠠᠷ᠎ᠡ ᠨᠢ ᠯᠢᠶᠡᠩ ᠢᠤᠢ ᠯᠠᠨ ︵梁玉岚）ᠪᠢᠴᠢᠭ ᠤᠨ ᠨᠠᠷ᠎ᠡ ᠨᠢ ᠼᠦᠢ ᠱᠦᠢ ᠰᠢᠥᠸᠠᠨ ᠬᠡᠳᠡᠭ᠃ 1902 ᠤᠨ ᠳᠤ ᠦᠪᠤᠷ ᠮᠤᠩᠭᠤᠯ ᠤᠨ ᠵᠤᠤ ᠤᠳᠠ ᠶᠢᠨ ᠴᠢᠭᠤᠯᠭᠠᠨ ᠤ ᠨᠠᠢᠮᠠᠨ ᠬᠤᠰᠢᠭᠤ ︵ᠤᠳᠤ ᠲᠦᠩᠯᠢᠶᠤᠤ ᠳᠤ ᠬᠠᠮᠢᠶᠠᠷᠤᠭᠳᠠᠨ᠎ᠠ︶ ᠪᠠᠭᠢ ᠶᠢᠨ ᠤᠰᠤ ᠠᠶᠢᠯ ᠤᠨ ᠦᠯᠢᠩᠭ᠎ᠠ ᠬᠤᠰᠢᠭᠤᠨ ᠵᠠᠬᠢᠷᠤᠭᠴᠢ ᠶᠢᠨ ᠬᠡᠷ ᠲᠤ ᠲᠦᠷᠤᠵᠠᠢ᠃ ᠪᠠᠬᠢ ᠶᠢᠨ ᠤᠰᠤ ᠬᠡᠳᠡᠭ ᠪᠤᠯ ᠨᠠᠢᠮᠠᠨ ᠬᠤᠰᠢᠭᠤ ᠲᠠᠰᠢᠨᠮᠤᠳᠤ ᠰᠤᠮᠤ ᠶᠢᠨ ᠪᠠᠭᠢ ᠶᠢᠨ ᠤᠰᠤ ᠭᠠᠴᠠᠭ᠎ᠠ ᠶᠢ ᠬᠡᠯᠠᠵᠤ ᠪᠤᠢ᠃ ᠠᠯᠢ ᠡᠷᠳᠠ ᠦᠶ᠎ᠡ ᠳᠤ ᠮᠤᠩᠭᠤᠯ ᠡᠷᠳᠡᠮᠳᠠᠨ ᠪᠦᠭᠡᠭᠡᠰᠢᠭ ᠤᠨ ᠲᠠᠭᠡᠳᠤᠰ ᠤᠨ ᠰᠠᠭᠤᠷᠢᠰᠢᠵᠤ ᠪᠠᠶᠢᠭᠰᠠᠨ ᠭᠠᠵᠠᠷ ᠪᠢᠯᠡ᠃ ᠪᠦᠭᠡᠭᠡᠰᠢᠭ ᠤᠨ ᠲᠠᠭᠡᠳᠤᠰ ᠨᠢ ᠡᠷᠳᠠᠨ ᠠᠴᠠ ᠠᠪᠤᠭᠠᠳ ᠬᠤᠰᠢᠭᠤ ᠨᠤᠳᠤᠭ ᠲᠠᠭᠠᠨ ᠨᠠᠷ᠎ᠠ ᠬᠦᠨᠳᠤᠳᠠᠢ ᠪᠠᠶᠠᠯᠢᠭ ᠡᠷᠦᠭᠡ ᠪᠠᠶᠢᠵᠠᠢ᠃ ᠨᠢᠭᠡᠨ ᠵᠢᠯ ᠭᠤᠤᠯ ᠤᠨ ᠤᠰᠤ ᠢᠳᠡᠳᠡᠭ ᠬᠠᠭᠤᠴᠢᠨ ᠮᠤᠩᠭᠤᠯ ᠵᠠᠩᠰᠢᠯ ᠢᠶᠠᠨ ᠦᠭᠡᠷᠴᠢᠯᠠᠨ ᠲᠤᠳᠤᠷ᠎ᠠ ᠭᠠᠵᠠᠷ ᠢ ᠲᠠᠭᠤᠷᠢᠶᠠᠵᠤ ᠬᠤᠳᠤᠭ ᠮᠠᠯᠳᠠᠪᠠ ᠬᠡᠨ᠎ᠠ᠃ ᠬᠤᠳᠳᠤᠭ ᠢᠶᠠᠨ ᠨᠡᠯᠢᠶᠡᠳ ᠬᠦᠨ ᠮᠠᠯᠳᠠᠭᠰᠠᠨ ᠳᠤ ᠬᠡᠨᠡᠳᠳᠠ ᠪᠠᠬᠢ ᠮᠠᠳᠤ ᠬᠠᠷ᠎ᠠ ᠦᠩᠭᠡ ᠲᠠᠢ ᠤᠰᠤ ᠤᠷᠬᠢᠯᠠᠨ ᠭᠠᠷᠴᠤ ᠭᠠᠳᠠᠭᠰᠢ ᠤᠷᠤᠰᠪᠠᠢ ᠬᠡᠨ᠎ᠠ᠃ ᠲᠤᠬᠠᠢ ᠶᠢᠨ ᠦᠶ᠎ᠡ ᠳᠤ ᠮᠤᠩᠭᠤᠯᠴᠤᠳ ᠶᠡᠭᠡ ᠰᠦᠰᠦᠭ ᠪᠢᠰᠢᠷᠠᠯ ᠲᠠᠢ ᠲᠤᠯᠠ ᠲᠠᠷᠤᠢ ᠲᠦᠷᠭᠡᠨ ᠨᠠᠢᠮᠠᠨ ᠬᠤᠰᠢᠭᠤᠨ ᠰᠦᠮ᠎ᠠ ᠳᠤ ᠬᠦᠷᠴᠤ ᠬᠡᠭᠡᠨ ᠯᠠᠮᠠ ᠠᠴᠠ ᠶᠠᠮᠠᠷ ᠪᠠᠯᠭᠡ ᠲᠠᠮᠪᠡᠷᠢᠯ ᠲᠠᠢ ᠪᠤᠢ ᠬᠡᠵᠤ ᠠᠶᠢᠯᠠᠳᠬᠠᠪᠠᠯ᠄ ᠬᠡᠬᠡᠨ ᠯᠠᠮᠠ ᠨᠢ ᠡᠷᠢᠭᠡ ᠲᠠᠳᠠᠨ᠂ ᠲᠦᠯᠭᠡ ᠬᠠᠶᠠᠵᠤ ᠦᠵᠡᠭᠡᠳ ᠶᠡᠭᠡ ᠰᠠᠶᠢᠨ ᠪᠡᠯᠭᠡ ᠲᠠᠮᠪᠡᠷᠢᠯ ᠲᠠᠢ ᠪᠠᠶᠢᠨ᠎ᠠ᠃ ᠬᠠᠷ᠎ᠠ ᠯᠤᠤᠰ ᠤᠨ ᠬᠠᠭᠠᠨ ᠤ ᠵᠡᠮ ‍ᠤᠨ‌‍ᠰᠤᠳᠠᠰᠤ ᠲᠠᠭᠠᠷᠠᠴᠢᠬᠠᠵᠠᠢ᠃ ᠡᠨᠡᠬᠦ ᠤᠰᠤ ᠶᠢ ᠬᠦᠮᠤᠨ ᠤᠤᠭᠤᠪᠠᠯ ᠬᠤᠵᠢᠮ ᠤᠨ ᠦᠷᠡᠰ ᠠᠴᠠ ᠪᠢᠴᠢᠭ ᠤᠨ ᠡᠷᠳᠠᠮᠳᠠᠨ ᠭᠠᠷᠤᠨ᠎ᠠ᠃ ᠠᠳᠤᠭᠤ ᠮᠠᠯ ᠤᠤᠭᠤᠪᠠᠯ ᠲᠤᠭ᠎ᠠ ᠦᠭᠡᠢ ᠤᠯᠠᠨ ᠠᠷᠪᠢᠵᠢᠨ ᠦᠰᠦᠨ᠎ᠠ᠃ ᠡᠶᠢᠮᠤ ᠠᠴᠠ ᠰᠠᠶᠢᠬᠠᠨ ᠬᠠᠮᠠᠭᠠᠯᠠᠨ ᠵᠠᠰᠠᠵᠤ ᠪᠠᠶᠢᠬᠤ ᠬᠡᠷᠡᠭᠳᠠᠢ ᠬᠡᠵᠤ ᠵᠠᠷᠯᠢᠭ ᠪᠤᠯᠤᠨ ᠪᠡᠶ᠎ᠡ ᠪᠠᠷ ᠭᠦᠷᠴᠤ ᠯᠤᠤᠰ ᠤᠨ ᠰᠠᠩ ᠲᠠᠯᠪᠢᠨ᠂ ᠨᠤᠮ ᠤᠩᠰᠢᠵᠤ᠂ ᠴᠢᠯᠠᠭᠤᠨ ᠬᠠᠰᠢᠯᠭ᠎ᠠ ᠵᠠᠰᠠᠨ ᠭᠠᠳᠠᠭᠰᠢ ᠤᠷᠤᠰᠬᠠᠪᠠ ᠬᠡᠨ᠎ᠠ᠂ ᠢᠩᠭᠢᠬᠡᠳ ᠪᠡᠭᠡ ᠮᠠᠳᠤ ᠬᠠᠷ᠎ᠠ ᠤᠰᠤ ᠲᠠᠢ ᠪᠤᠯᠠᠭ  ᠤᠨ ᠨᠠᠷ᠎ᠠ ᠪᠠᠷ ᠡᠨᠠᠬᠦ ᠭᠠᠵᠠᠷ ᠢ ᠪᠠᠬᠢ ᠶᠢᠨ ᠤᠰᠤ ᠬᠡᠵᠤ ᠨᠠᠷᠠᠯᠡᠪᠠ᠃ ᠬᠤᠵᠢᠮ ᠨᠢ ᠲᠤᠬᠠᠢ ᠶᠢᠨ ᠭᠠᠵᠠᠷ ᠤᠨ ᠲᠠᠪᠤᠨ ᠬᠤᠰᠢᠭᠤ ᠮᠠᠯ ᠲᠠᠯ᠎ᠠ ᠪᠦᠷᠬᠦᠨ ᠠᠷᠪᠢᠵᠢᠭᠰᠠᠨ ᠪᠦᠬᠡᠳ ᠪᠠᠭᠢ ᠶᠢᠨ ᠤᠰᠤ ᠤᠨ ᠤᠷᠴᠢᠮ ᠰᠠᠭᠤᠷᠢᠰᠢᠵᠤ ᠪᠠᠶᠢᠭᠰᠠᠨ ᠠᠶᠢᠯ ᠡᠷᠤᠭᠡ ᠠᠴᠠ ᠤᠯᠠᠨ ᠠᠷᠪᠢᠨ ᠰᠤᠶᠤᠯ ᠮᠠᠳᠡᠯᠭᠡ ᠲᠠᠢ ᠪᠢᠴᠢᠭ ᠤᠨ ᠡᠷᠳᠡᠮᠳᠠᠨ ᠭᠠᠷᠪᠠ ᠬᠡᠳᠡᠭ᠃ ᠪᠤᠳᠠᠳᠠᠢ ᠭᠡᠯᠡᠪᠠᠯ ᠪᠦᠭᠡᠭᠡᠰᠢᠭ ᠤᠨ ᠡᠴᠢᠭᠡ ᠦᠯᠢᠩᠭ᠎ᠠ ᠮᠤᠩᠭᠤᠯ ᠬᠢᠳᠠᠳ ᠪᠢᠴᠢᠭ ᠲᠤ ᠨᠠᠪᠳᠡᠷᠡᠨ ᠬᠤᠰᠢᠭᠤᠨ ᠵᠠᠬᠢᠷᠤᠭᠴᠢ ᠰᠠᠭᠤᠵᠤ᠂ ᠦᠯᠢᠩᠭ᠎ᠠ ᠶᠢᠨ ᠤᠤᠭᠠᠨ ᠬᠦᠤ ᠪᠦᠭᠡᠭᠡᠰᠢᠭ ᠮᠤᠩᠭᠤᠯᠴᠢ ᠡᠷᠳᠡᠮᠳᠠᠨ ᠪᠤᠯᠵᠤ᠂ ᠤᠳᠬᠠᠨ ᠬᠦᠤ ᠪᠦᠭᠡᠨ᠋ᠦ᠋ᠨᠳᠤᠰᠤ ᠨᠢ ᠶᠠᠫᠤᠨ ᠤ ᠡᠮᠨᠡᠯᠭᠡ ᠶᠢᠨ ᠶᠡᠭᠡ ᠰᠤᠷᠭᠠᠭᠤᠯᠢ ᠶᠢ ᠲᠠᠬᠦᠰᠭᠡᠵᠤ ᠵᠢᠷᠢᠮ ᠠᠶᠢᠮᠠᠭ ᠤᠨ ᠨᠠᠷᠡᠳᠤ ᠡᠮᠴᠢ ᠪᠤᠯᠪᠠ᠃    ᠪᠦᠭᠡᠭᠡᠰᠢᠭ ᠮᠤᠩᠭᠤᠯ᠂ ᠬᠢᠳᠠᠳ᠂ ᠮᠠᠨᠵᠤ ᠪᠢᠴᠢᠭ ᠲᠤ ᠴᠠᠭᠠᠷᠠᠭᠰᠠᠨ ᠡᠷᠳᠠᠮ ᠮᠡᠳᠡᠯᠭᠡ ᠲᠠᠢ ᠬᠦᠮᠤᠨ᠃ 1922 ᠤᠨ ᠳᠤ ᠪᠡᠭᠡᠵᠢᠭ ᠤᠨ ᠬᠠᠥᠯᠢ ᠵᠠᠰᠠᠭ ᠤᠨ ᠶᠡᠭᠡ ᠰᠤᠷᠭᠠᠭᠤᠯᠢ ᠳᠤ ᠪᠠᠭᠰᠢᠯᠠᠵᠤ᠂ ᠡᠷᠳᠠᠨ ᠤ ᠮᠤᠩᠭᠤᠯ ᠭᠡᠯᠠ᠂ ᠤᠶᠢᠭᠤᠷ ᠡᠶᠦᠺ ᠬᠡᠯᠡ ᠪᠠ ᠲᠦᠪᠡᠳ ᠬᠡᠯᠠ ᠶᠢ ᠰᠤᠳᠤᠯᠤᠨ ᠰᠤᠷᠤᠯᠴᠠᠵᠠᠢ᠃ 1926 ᠤᠨ ᠳᠤ ᠰᠦᠭᠡᠪᠠᠭᠠᠳᠤᠷ᠂ ᠮᠠᠭᠰᠠᠷ ᠨᠠᠷ ᠲᠠᠢ ᠬᠠᠮᠵᠢᠯᠴᠠᠨ ᠮᠤᠩᠭᠤᠯ ᠭᠡᠯᠠ ᠤᠳᠬ᠎ᠠ ᠵᠤᠬᠢᠶᠠᠯ ᠤᠨ ᠡᠷᠳᠠᠮ ᠰᠢᠨᠵᠢᠯᠡᠭᠡᠨ ᠤ ᠨᠡᠶᠢᠭᠡᠮᠯᠢᠭ ᠪᠤᠯᠬᠤ ︽ᠮᠤᠩᠭᠤᠯ ᠤᠳᠬ᠎ᠠ ᠶᠢᠨ ᠰᠤᠷᠭᠠᠯ ᠤᠨ ᠬᠤᠷᠠᠯ︾ ᠢ ᠵᠤᠬᠢᠶᠠᠨ ᠪᠠᠶᠢᠭᠤᠯᠵᠤ᠂ ᠨᠠᠨ ᠬᠤᠷᠠᠯ ᠤᠨ ᠲᠦᠷᠢᠮ ᠳᠡᠭᠡᠨ᠄ ︽ᠲᠤᠰ ᠬᠤᠷᠠᠯ ᠪᠤᠯᠪᠠᠰᠤ ᠮᠤᠩᠭᠤᠯ ᠤᠳᠬ᠎ᠠ ᠪᠠᠨ ᠰᠦᠪᠡᠭᠴᠢᠯᠠᠨ ᠨᠢᠭᠳᠠᠯᠠᠵᠤ᠂ ᠠᠯᠢᠪᠡ ᠰᠤᠷᠭᠠᠯ ᠡᠷᠳᠠᠮ ᠢ ᠮᠤᠩᠭᠤᠯ ᠤᠳᠬ᠎ᠠ ᠲᠠᠭᠡᠷ᠎ᠠ ᠪᠠᠨ ᠲᠠᠯᠭᠡᠷᠠᠬᠦᠯᠤᠨ᠂ ᠦᠵᠡᠯ ᠰᠠᠨᠠᠭ᠎ᠠ ᠪᠠᠨ ᠰᠢᠨᠡᠳᠭᠡᠨ ᠰᠠᠶᠢᠵᠢᠷᠠᠭᠤᠯᠵᠤ᠂ ᠮᠤᠩᠭᠤᠯ ᠦᠨᠳᠤᠰᠦᠳᠠᠨ ᠤ ᠤᠶᠤᠨ ᠪᠢᠯᠢᠭ ᠢ ᠨᠠᠭᠡᠭᠡᠭᠳᠠᠬᠦᠯᠤᠨ ᠬᠦᠭᠵᠢᠬᠦᠯᠬᠦ ᠪᠠᠷ ᠭᠤᠤᠯ ᠵᠤᠷᠢᠯᠳᠠ ᠪᠤᠯᠭᠠᠮᠤᠢ︕︾ ᠬᠡᠵᠤ ᠵᠤᠷᠢᠯᠭ᠎ᠠ ᠪᠠᠨ ᠲᠤᠳᠤᠷᠬᠠᠶᠢᠯᠠᠨ ᠨᠠᠶᠢᠳᠡᠯᠡᠪᠠ᠃ ᠡᠨᠠᠬᠦ ᠬᠤᠷᠠᠯ ᠨᠢ ︽ᠤᠯᠠᠭᠠᠨ ᠪᠠᠷᠰ︾᠂ ︽ᠬᠦᠭᠡ ᠮᠤᠩᠭᠤᠯ ᠤᠨ ᠬᠦᠭᠡ ᠲᠤᠭ︾᠂ ︽ᠮᠤᠩᠭᠤᠯ ᠤᠨ ᠢᠵᠠᠭᠤᠷ ᠲᠠᠤᠭᠡ︾᠂ ︽ᠮᠤᠩᠭᠤᠯ ᠤᠨ ᠨᠢᠭᠤᠴᠠ ᠲᠤᠪᠴᠢᠶᠠᠨ︾᠂ ︽ᠠᠷᠠᠳ ᠤᠨ ᠠᠮᠠᠨ ᠦᠯᠢᠭᠡᠷ︾᠂ ︽ᠶᠠᠫᠤᠨ ᠤ ᠰᠤᠷᠭᠠᠨ ᠬᠦᠮᠤᠵᠢᠯ ᠢ ᠪᠠᠶᠢᠴᠠᠭᠠᠭᠰᠠᠨ ᠡᠳᠤᠷ ᠪᠦᠷᠢ ᠶᠢᠨ ᠲᠠᠮᠳᠡᠭᠯᠠᠯ︾᠂ ︽ᠮᠤᠩᠭᠤᠯ ᠦᠰᠦᠭ ᠤᠨ ᠰᠢᠨ᠎ᠠ ᠲᠤᠯᠢ︾ ᠵᠡᠷᠭᠡ ᠨᠤᠮ ᠤᠳ ᠢ ᠤᠷᠴᠢᠭᠤᠯᠤᠨ ᠬᠡᠪᠯᠠᠨ ᠲᠠᠷᠬᠠᠭᠠᠭᠰᠠᠨ ᠪᠦᠭᠡᠳ ︽ᠤᠯᠠᠭᠠᠨ ᠪᠠᠷᠰ︾ ᠰᠠᠳᠬᠦᠯ ᠲᠠᠭᠡᠷ᠎ᠠ ᠪᠠᠨ ︽ᠮᠤᠩᠭᠤᠯ ᠬᠦᠮᠤᠨ ᠪᠤᠶᠠᠨ ᠢᠶᠠᠷ ᠢᠶᠠᠨ ᠬᠡᠭᠴᠢ ᠦᠨᠠᠨ ᠶᠤ᠋︾᠂ ︽ᠭᠠᠰᠢᠭᠤᠨ ᠤ ᠲᠤᠳᠤᠷᠠᠭᠢ ᠲᠠᠯᠴᠢᠯᠡᠭᠴᠢ︾ ᠵᠡᠷᠭᠡ ᠶᠢᠨ ᠵᠤᠬᠢᠶᠠᠯ ᠬᠢᠬᠡᠳ ᠲᠠᠤᠭᠡ᠂ ᠰᠢᠬᠦᠮᠵᠢ ᠦᠬᠦᠯᠡᠯ᠂ ᠨᠠᠶᠢᠷᠠᠭᠤᠯᠤᠯ᠂ ᠰᠢᠯᠦᠭ᠂ ᠲᠤᠭᠤᠵᠢ᠂ ᠠᠷᠠᠳ ᠤᠨ ᠠᠮᠠᠨ ᠵᠤᠬᠢᠶᠠᠯ᠂ ᠠᠵᠤ ᠠᠬᠤᠢ ᠶᠢᠨ ᠤᠬᠠᠭᠠᠨ᠂ ᠪᠠᠶᠢᠭᠠᠯᠢ ᠶᠢᠨ ᠰᠢᠨᠵᠢᠯᠡᠬᠦ ᠤᠬᠠᠭᠠᠨ᠂ ᠡᠷᠡᠬᠦᠯ ᠬᠠᠮᠠᠭᠠᠯᠠᠯ ᠤᠨ ᠮᠡᠳᠡᠯᠭᠡ᠂ ᠨᠠᠷ᠎ᠠ ᠲᠤᠮᠢᠶᠠᠨ ᠤ ᠮᠡᠳᠡᠯᠭᠡ ᠵᠡᠷᠭᠡ ᠦᠷᠭᠡᠨ ᠲᠠᠯᠭᠡᠷ ᠠᠭᠤᠯᠭ᠎ᠠ ᠶᠢ ᠪᠠᠭᠳᠠᠭᠠᠨ ᠨᠡᠶᠢᠳᠡᠯᠠᠵᠤ ᠪᠠᠶᠢᠪᠠ᠃ 1933 ᠤᠨ ᠳᠤ ᠪᠦᠭᠡᠭᠡᠰᠢᠭ ᠪᠡᠬᠡᠵᠢᠩ ᠠᠴᠠ ᠵᠢᠷᠢᠮ ᠠᠶᠢᠮᠠᠭ ᠤᠨ ᠺᠠᠶᠢᠯᠤ ᠳᠤ ᠰᠢᠯᠵᠢᠨ ᠢᠷᠡᠭᠰᠠᠨ ᠤ ᠲᠠᠷᠠᠭ᠎ᠠ ᠬᠠᠭᠤᠷᠮᠠᠭ ᠮᠠᠨᠵᠤ ᠶᠢᠨ ᠬᠢᠩᠭᠠᠨ ᠪᠠᠷᠠᠭᠤᠨ ᠮᠤᠵᠢ ᠶᠢᠨ ᠵᠠᠬᠢᠷᠭᠠᠨ ᠤ ᠰᠤᠶᠤᠯ ᠰᠤᠷᠭᠠᠨ ᠬᠦᠮᠤᠵᠢᠯ ᠤᠨ ᠰᠠᠯᠠᠭᠠᠨ ᠲᠠᠷᠤᠭ᠎ᠠ ᠶᠢᠨ ᠲᠤᠰᠢᠶᠠᠯ ᠳᠤ ᠲᠠᠪᠰᠢᠵᠤ᠂ ᠲᠤᠰ ᠮᠤᠵᠢ ᠶᠢᠨ ᠠᠷᠠᠳ ᠤᠨ ᠶᠠᠪᠤᠳᠠᠯ ᠤᠨ ᠲᠢᠩᠬᠢᠮ ᠤᠨ ᠲᠠᠷᠤᠭ᠎ᠠ ᠷᠤᠯᠭᠠᠷᠵᠠᠪ᠂ ᠤᠷᠤᠨ ᠨᠤᠳᠤᠭ  ᠤᠨ ᠰᠠᠯᠠᠭᠠᠨ ᠲᠠᠷᠤᠭ᠎ᠠ ᠬᠠᠹᠦ᠋ᠩᠭ᠎ᠠ ︵ᠤᠤᠯ ᠤᠨ ᠦᠪᠤᠷ ᠮᠤᠩᠭᠤᠯ ᠤᠨ ᠲᠡᠳ᠋ ᠲᠠᠷᠢᠬᠦᠯᠤᠭᠴᠢ︶ ᠨᠠᠷ ᠤᠨ ᠲᠠᠮᠵᠢᠯᠭᠡ  ᠶᠢ ᠤᠯᠪᠠ᠃ ᠵᠡᠬᠦᠨ ᠮᠤᠩᠭᠤᠯ ᠤᠨ ᠡᠯ᠎ᠠ ᠬᠤᠰᠢᠭᠤᠳ ᠤᠨ ᠬᠠᠪᠰᠤᠷᠯᠭ᠎ᠠ ᠶᠢ ᠬᠦᠷᠳᠠᠨ᠂ ᠨᠠᠶᠢᠭᠡᠮ ᠤᠨ ᠬᠦᠴᠤᠨ  ᠳᠤ ᠲᠦᠰᠢᠭᠯᠡᠨ ᠬᠤᠪᠢ ᠤᠷᠤᠬᠤ ᠪᠤᠶᠤ ᠵᠤᠭᠤᠰ ᠮᠦᠩᠬᠦ ᠪᠠᠷ ᠲᠤᠰᠠᠯᠬᠤ ᠭᠡᠯᠪᠡᠷᠢ ᠪᠠᠷ ︽ᠮᠤᠩᠭᠤᠯ ᠤᠳᠬ᠎ᠠ ᠶᠢᠨ ᠰᠤᠷᠭᠠᠯ ᠤᠨ ᠬᠤᠷᠠᠯ︾ ᠢᠶᠠᠨ ᠦᠷᠬᠡᠳᠭᠡᠨ᠂ ᠪᠡᠯᠠ ᠮᠦᠩᠬᠦ ᠬᠤᠷᠠᠮᠳᠤᠭᠤᠯᠤᠨ᠂ ︽ᠤᠯᠠᠭᠠᠨ ᠪᠠᠷᠰ︾ ᠰᠠᠳᠬᠦᠯ ᠢᠶᠠᠨ ᠦᠷᠬᠦᠯᠵᠢᠯᠠᠨ ᠨᠠᠶᠢᠳᠡᠯᠠᠵᠤ᠂ ᠦᠪᠠᠷ ᠤᠨ ᠬᠠᠳᠠᠭᠠᠯᠠᠵᠤ ᠪᠠᠶᠢᠭᠰᠠᠨ ᠪᠦᠷᠢᠨ ᠪᠤᠰᠤ ᠢᠨᠵᠠᠨᠨᠠᠰᠢ ᠶᠢᠨ ᠵᠤᠬᠢᠶᠠᠭᠰᠠᠨ ᠭᠠᠷ ᠪᠢᠴᠢᠮᠠᠯ ︽ᠬᠦᠭᠡ ᠰᠤᠳᠤᠷ︾ ᠲᠠᠭᠡᠷ᠎ᠠ ᠨᠠᠢᠮᠠᠨ ᠸᠠᠩ ᠤᠨ ᠪᠢᠴᠢᠭᠡᠴᠢ ᠰᠢᠷᠠᠩᠭ᠎ᠠ᠂ ᠤᠩᠨᠢᠭᠤᠳ‌ᠯᠾ᠊ ᠸᠠᠩ ᠤᠨ ᠬᠠᠮᠳᠤ ᠰᠤᠷᠤᠭᠴᠢ᠂ ᠤᠩᠨᠢᠭᠤᠳ ᠵᠡᠬᠦᠨ ᠭᠠᠷ ᠤᠨ ᠲᠠᠪᠤᠨ ᠬᠤᠳᠠ ᠶᠢᠨ ᠲᠠᠶᠢᠵᠢ ᠷᠠᠵᠢᠮᠪᠠ ᠨᠠᠷ ᠤᠨ ᠬᠠᠳᠠᠭᠠᠯᠠᠵᠤ ᠪᠠᠶᠢᠭᠰᠠᠨ ᠭᠠᠷ ᠪᠢᠴᠢᠮᠡᠯ ᠲᠠᠢ ᠨᠡᠶᠢᠯᠡᠬᠦᠯᠵᠤ ᠪᠦᠷᠢᠨ ᠪᠦᠳᠤᠨ ᠪᠤᠯᠭᠠᠭᠠᠳ ᠴᠢᠯᠠᠭᠤᠨ ᠪᠠᠷ ᠢᠶᠠᠷ ᠬᠡᠪᠯᠠᠨ ᠲᠠᠷᠬᠠᠭᠠᠪᠠ᠃ ᠮᠦᠨ ᠴᠤ ᠰᠢᠷᠠᠩᠭ᠎ᠠ ᠶᠢᠨ ᠬᠠᠷᠠᠴᠢᠨ ᠠᠴᠠ ᠤᠯᠵᠤ ᠢᠷᠡᠭᠰᠠᠨ ︽ᠨᠢᠭᠡᠨ ᠲᠠᠪᠬᠤᠷ ᠠᠰᠠᠷ︾᠂ ︽ᠤᠯᠠᠭᠠᠨ᠎ᠠ ᠤᠬᠢᠯᠠᠬᠤ ᠲᠠᠩᠬᠢᠮ︾ ᠢ ᠮᠤᠩᠭᠤᠯ ᠢᠶᠠᠷ ᠤᠷᠴᠢᠭᠤᠯᠤᠨ ᠬᠡᠪᠯᠠᠨ ᠲᠠᠷᠬᠠᠭᠠᠬᠤ ᠶᠢᠨ ᠬᠠᠮᠳᠤ ᠨᠠᠢᠮᠠᠨ ᠬᠤᠰᠢᠭᠤᠨ ᠤ ᠬᠡᠯᠮᠡᠷᠴᠢ ᠶᠢᠨ ᠦᠭᠡ ︵ᠨᠠᠷ᠎ᠠ ᠵᠢᠯ ᠠᠰᠠᠭᠤᠬᠤ᠂ ᠰᠤᠮᠤ ᠢᠷᠦᠭᠡᠬᠦ᠂ ᠨᠤᠳᠤᠭ ᠵᠢᠭᠠᠵᠤ ᠦᠭᠬᠦ᠂ ᠬᠦᠰᠢᠭᠡ ᠮᠢᠯᠢᠶᠠᠬᠤ᠂ ᠬᠦᠰᠢᠭᠡ ᠲᠠᠶᠢᠯᠠᠬᠤ︶᠂ ᠬᠡᠰᠢᠭᠳᠡᠨ ᠬᠡᠯᠡᠮᠤᠷᠴᠢ ᠶᠢᠨ ᠦᠭᠡ ︵ᠬᠤᠷᠢᠮ ᠤᠨ ᠴᠠᠢ ᠤᠤᠭᠤᠯᠭᠠᠬᠤ ᠨᠠᠶᠢᠷ ᠲᠤ ᠬᠡᠯᠡᠬᠦ ᠦᠭᠡ᠂ ᠬᠤᠷᠢᠮ ᠤᠨ ᠨᠠᠶᠢᠷ ᠤᠨ ᠪᠡᠯᠭᠡ ᠮᠠᠳᠡᠬᠦᠯᠬᠦ ᠦᠭᠡ᠂ ᠡᠬᠦᠳᠠᠨ ᠤ ᠦᠭᠡ︶ ᠵᠡᠷᠭᠡ ᠲᠦᠷᠪᠠ᠂ ᠲᠠᠪᠤᠨ ᠵᠡᠭᠤᠨ ᠪᠠᠳᠠᠭ ᠵᠤᠶᠢᠷ ᠦᠭᠡ᠂ ᠬᠠᠪᠤᠳᠤ ᠦᠭᠡ ᠶᠢ ᠲᠠᠷᠬᠠᠭᠠᠪᠠ᠃    1940 ᠤᠨ ᠳᠤ ᠪᠦᠭᠡᠭᠡᠰᠢᠭ ᠬᠢᠩᠭᠠᠨ ᠪᠠᠷᠠᠭᠤᠨ ᠮᠤᠵᠢ ᠶᠢᠨ ᠦᠢᠯᠡᠳᠪᠤᠷᠢ ᠬᠤᠳᠠᠯᠳᠤᠭ᠎ᠠ ᠶᠢᠨ ᠲᠢᠩᠬᠢᠮ  ᠤᠨ ᠲᠠᠷᠤᠭ᠎ᠠ ᠪᠤᠯᠪᠠ᠃ ᠪᠦᠭᠡᠭᠡᠰᠢᠭ ᠺᠠᠶᠢᠯᠤ ᠳᠤ ︽ᠮᠤᠩᠭᠤᠯ ᠪᠠᠭᠰᠢ ᠨᠠᠷ ᠢ ᠬᠦᠮᠤᠵᠢᠬᠦᠯᠬᠦ ᠰᠤᠷᠭᠠᠭᠤᠯᠢ︾ ︵国高）︽ᠮᠤᠩᠭᠤᠯ ᠠᠷᠠᠳ ᠤᠨ ᠪᠤᠯᠪᠠᠰᠤᠷᠠᠯ ᠤᠨ ᠰᠤᠷᠭᠠᠭᠤᠯᠢ︾ ᠶᠢ ᠪᠠᠶᠢᠭᠤᠯᠵᠤ᠂ ᠦᠷᠭᠡᠨ ᠤᠯᠠᠨ ᠦᠭᠡᠬᠦᠤ ᠶᠠᠳᠠᠭᠤ ᠮᠠᠯᠴᠢᠳ ᠤᠨ ᠦᠷ᠎ᠠ ᠬᠡᠤᠬᠡᠳ ᠪᠠ ᠪᠠᠭ᠎ᠠ ᠨᠠᠰᠤᠨ ᠤ ᠯᠠᠮᠠ ᠨᠠᠷ ᠬᠦᠷᠳᠠᠯ᠎ᠠ ᠰᠤᠷᠭᠠᠭᠤᠯᠢ ᠳᠠᠭᠠᠨ ᠡᠯᠰᠠᠨ ᠦᠪᠡᠷ  ᠲᠡᠭᠡᠨ ᠰᠤᠷᠭᠠᠭᠤᠯᠢ ᠶᠢᠨ ᠵᠠᠬᠢᠷᠤᠯ ᠤᠨ ᠠᠵᠢᠯ ᠢ ᠬᠠᠷᠢᠭᠤᠴᠠᠪᠠ᠃ ᠪᠠᠰᠠ ᠬᠢᠳᠡᠳ ᠠᠩᠬᠢ ᠨᠢᠭᠡ ᠭᠠᠷᠭᠠᠪᠠ᠃ ᠡᠨᠠᠬᠦ ᠪᠠᠶᠢᠳᠠᠯ ᠲᠤᠤᠷ᠎ᠠ ᠬᠠᠷᠠᠴᠢᠨ ᠸᠠᠩ ᠠᠴᠠ ᠦᠰᠦᠭ ᠬᠡᠪᠯᠡᠬᠦ ᠬᠤᠷᠭᠤᠯᠵᠢᠨ ᠪᠠᠷ ᠦᠭᠴᠤ ᠲᠠᠮᠵᠢᠬᠦ ᠳᠤ᠂ ᠨᠠᠢᠮᠠᠨ ᠸᠠᠩ ᠤᠨ ᠶᠡᠭᠡ ᠠᠬ᠎ᠠ ᠪᠤᠷᠤ ᠬᠤᠰᠢᠭᠤᠨ ᠬᠡᠭᠡᠨ᠂ ᠨᠠᠢᠮᠠᠨ ᠸᠠᠩ ᠤᠨ ᠪᠠᠭ᠎ᠠ ᠲᠠᠬᠦᠤ ᠶᠡᠭᠡ ᠳ᠋ᠠᠴᠢᠨ ᠰᠦᠮ᠎ᠠ  ᠶᠢᠨ ᠬᠡᠭᠡᠨ᠂ ᠨᠠᠢᠮᠠᠨ ᠰᠤᠳᠨᠠᠮᠳᠤᠷᠵᠢ ᠸᠠᠩ ᠲᠠᠢ ᠵᠦᠪᠯᠠᠨ ᠯᠤᠤᠬ᠎ᠠ ᠶᠢᠨ ᠭᠤᠤᠯ ᠤᠨ ᠠᠷᠤ ᠡᠷᠬᠢ ᠳᠠᠬᠢ ᠭᠤᠷᠪᠠᠨ ᠵᠠᠭᠤᠨ ᠮᠤ᠋ ᠰᠠᠶᠢᠨ ᠲᠠᠷᠢᠶᠠᠨ ᠭᠠᠵᠠᠷ ᠢ ᠺᠠᠶᠢᠯᠤ ᠳᠠᠬᠢ ᠰᠢᠨ᠎ᠠ ᠪᠠᠶᠢᠭᠤᠯᠤᠭᠰᠠᠨ ᠮᠤᠩᠭᠤᠯ ᠰᠤᠷᠭᠠᠭᠤᠯᠢ ᠳᠤ ᠪᠡᠯᠡᠭᠯᠡᠪᠠ᠃ ᠵᠠᠯᠭᠠᠪᠠᠷ ᠠᠷᠤ ᠬᠤᠷᠴᠢᠨ ᠬᠤᠰᠢᠭᠤ᠂ ᠵᠠᠷᠤᠳ ᠬᠤᠰᠢᠭᠤ᠂ ᠲᠠᠷᠬᠠᠨ ᠬᠤᠰᠢᠭᠤ᠂ ᠤᠩᠨᠢᠭᠤᠳ ᠬᠤᠰᠢᠭᠤ ᠶᠢᠨ ᠲᠤᠬᠠᠢ ᠶᠢᠨ ᠦᠶ᠎ᠡ ᠶᠢᠨ ᠨᠠᠷᠡᠳᠤ ᠬᠦᠮᠤᠰ᠂ ᠪᠠᠶᠠᠴᠤᠳ᠂ ᠤᠷᠤᠭᠰᠢᠯᠠᠭᠰᠠᠨ ᠰᠡᠭᠡᠭᠡᠳᠠᠨ ᠨᠠᠷ ᠵᠤᠬᠢᠬᠤ ᠬᠡᠮᠵᠢᠶ᠎ᠡ ᠶᠢᠨ ᠵᠤᠭᠤᠰ ᠮᠦᠩᠬᠦ᠂ ᠡᠳ᠋ ᠪᠤᠳᠠᠰ᠂ ᠮᠠᠯ ᠤᠨᠤᠭ᠎ᠠ ᠪᠠᠷ ᠲᠠᠮᠵᠢᠪᠠ᠃    ᠪᠦᠭᠡᠭᠡᠰᠢᠭ ᠢ ᠨᠢᠭᠤᠴᠠ ᠡᠪ ᠬᠠᠮᠳᠤ ᠨᠠᠮ ᠤᠨ ᠭᠡᠰᠢᠬᠦᠨ ᠭᠡᠳᠡᠭ᠃ ᠶᠠᠫᠤᠨ ᠬᠦᠮᠤᠨ ᠴᠠᠩᠴᠦ᠋ᠨ ᠬᠤᠳᠠ ᠳᠤ ᠬᠡᠳᠤᠨᠳᠠ ᠲᠠᠭᠤᠳᠠᠨ ᠴᠠᠭᠠᠯᠠᠭᠰᠠᠨ ᠴᠦ ᠥ ᠰᠡᠪ ᠤᠯᠤᠭᠰᠠᠨ ᠦᠭᠡᠢ᠃ ᠬᠡᠳᠠᠯ᠎ᠠ 1943 ᠤᠨ ᠤ 1 ᠰᠠᠷ᠎ᠠ ᠳᠤ ᠺᠠᠶᠢᠯᠤ ᠳᠠᠬᠢ ᠶᠠᠫᠤᠨ ᠤ ᠵᠤᠯᠢᠭ ᠤᠳ ᠨᠢᠭᠤᠴᠠ ᠪᠠᠷ ᠬᠡᠮ ᠬᠢᠵᠤ᠂ ᠲᠠᠶᠢᠯᠠᠯᠭ᠎ᠠ ᠳᠤ ᠤᠷᠢᠪᠠ᠃ ᠮᠤᠩᠭᠤᠯ ᠦᠨᠳᠤᠰᠤᠳᠠᠨ ᠤ ᠰᠤᠶᠤᠯ ᠤᠨ ᠪᠠᠭᠠᠳᠤᠷ ᠪᠦᠭᠡᠭᠡᠰᠢᠭ ᠮᠠᠨᠢ ᠡᠨᠠᠬᠦ ᠲᠠᠶᠢᠯᠠᠯᠭ᠎ᠠ ᠳᠤ ᠤᠷᠤᠯᠴᠠᠭᠠᠳ ᠰᠦᠨᠢ ᠳᠡᠭᠡᠨ ᠤᠯᠠᠭᠠᠨ ᠨᠤᠭᠤᠭᠠᠨ ᠢᠶᠠᠷ ᠪᠦᠬᠡᠯᠵᠢᠨ ᠨᠠᠰᠤ ᠪᠠᠷᠠᠪᠠ᠃ ᠪᠦᠭᠡᠭᠡᠰᠢᠭ ᠮᠤᠩᠭᠤᠯ᠂ ᠮᠠᠨᠵᠤ᠂ ᠬᠢᠳᠠᠳ᠂ ᠲᠦᠪᠡᠳ᠂ ᠤᠷᠤᠰ᠂ ᠠᠩᠬᠢᠯᠢ᠂ ᠤᠶᠢᠭᠤᠷ᠂ ᠶᠠᠫᠤᠨ ᠵᠡᠷᠭᠡ ᠨᠠᠢᠮᠠᠨ ᠵᠤᠶᠢᠯ ‍ᠤᠨ‌ᠦᠭᠡ ᠬᠡᠯᠠ᠂ ᠦᠰᠦᠭ ᠪᠢᠴᠢᠭ ᠢ ᠮᠠᠳᠡᠳᠡᠭ ᠮᠤᠩᠭᠤᠯᠴᠢ ᠡᠷᠳᠡᠮᠳᠠᠨ᠃ ᠪᠦᠭᠡᠭᠡᠰᠢᠭ ᠮᠤᠩᠭᠤᠯ ᠤᠨ ᠰᠤᠶᠤᠯ ᠢ ᠲᠠᠯᠬᠡᠷᠠᠬᠦᠯᠵᠤ᠂ ᠮᠤᠩᠭᠤᠯ ᠤᠭᠰᠠᠭᠠᠳᠠᠨ ᠤ ᠤᠶᠤᠨ ᠪᠢᠯᠢᠭ ᠢ ᠨᠠᠭᠡᠭᠡᠭᠳᠠᠬᠦᠯᠤᠨ ᠭᠡᠭᠡᠷᠠᠬᠦᠯᠵᠤ᠂ ᠮᠤᠩᠭᠤᠯ ᠦᠨᠳᠤᠰᠤᠳᠠᠨ ᠤ ᠬᠤᠪᠢ ᠵᠠᠶᠠᠭ᠎ᠠ ᠶᠢ ᠠᠪᠤᠷᠠᠬᠤ ᠶᠢᠨ ᠲᠦᠯᠦᠭᠡ ᠦᠪᠠᠷ ᠤᠨ ᠪᠦᠬᠦᠶᠢᠯᠠ‌ᠤᠶᠤᠨ ᠤᠬᠠᠭᠠᠨ ᠬᠦᠴᠤᠨ ᠴᠢᠳᠠᠯ ᠢᠶᠠᠨ ᠵᠤᠷᠢᠭᠤᠯᠤᠨ ᠲᠠᠭᠠᠭᠠᠮᠠᠭᠠᠢ ᠵᠢᠳᠬᠦᠵᠤ ᠶᠠᠪᠤᠭᠰᠠᠨ ᠮᠤᠩᠭᠤᠯ ᠰᠤᠶᠤᠯ ᠤᠨ ᠴᠢᠩ ᠵᠤᠷᠢᠭᠳᠤ ᠪᠠᠭᠠᠳᠤᠷ ᠮᠦᠨ᠃ ᠲᠠᠬᠦᠨ ᠤ ᠠᠯᠳᠠᠷ᠂ ᠲᠠᠬᠦᠨ ᠤ ᠤᠶᠢᠯᠡᠰ  ᠨᠢ ᠠᠷᠢᠭᠤᠨ ᠴᠠᠭᠠᠨ ᠮᠤᠩᠭᠤᠯᠴᠤᠳ ᠤᠨ ᠵᠢᠷᠤᠬᠡᠨ ᠳᠤ ᠦᠨᠢᠳᠠ ᠬᠤᠨᠤᠭᠰᠢᠬᠤ ᠪᠤᠯᠤᠨ᠎ᠠ᠃    ᠪᠦᠭᠡᠭᠡᠰᠢᠭ ᠤᠨ ᠲᠠᠬᠦᠤ ᠨᠢ ᠪᠦᠭᠡᠨ᠋ᠦ᠋ᠨᠳᠤᠰᠤ᠂ ᠬᠢᠳᠠᠳ ᠨᠠᠷ᠎ᠠ ᠨᠢ ᠯᠢᠶᠠᠩ ᠢᠥᠢ ᠭᠠᠩ ︵梁玉岗）ᠪᠡᠭᠡᠵᠢᠩ ᠳᠠᠬᠢ ︽ᠮᠤᠩᠭᠤᠯ ᠤᠳᠬ᠎ᠠ ᠶᠢᠨ ᠰᠤᠷᠭᠠᠯ ᠤᠨ ᠬᠤᠷᠠᠯ︾ ᠤᠨ ᠭᠤᠤᠯ ᠬᠡᠰᠢᠬᠦᠨ ᠤ ᠨᠢᠭᠡ᠃ ᠪᠡᠭᠡᠵᠢᠩ  ᠤᠨ ᠡᠮᠴᠢ ᠶᠢᠨ ᠶᠡᠭᠡ ᠰᠤᠷᠭᠠᠭᠤᠯᠢ ᠲᠠᠬᠦᠰᠤᠬᠡᠳ ᠬᠠᠭᠤᠷᠮᠠᠭ ᠮᠠᠨᠵᠤ ᠶᠢᠨ ᠦᠶ᠎ᠡ ᠳᠤ ᠶᠠᠫᠤᠨ ᠤ ᠳ᠋ᠦᠩ ᠵᠢᠩ ᠤᠨ ᠦᠨᠳᠤᠷ ᠵᠡᠷᠭᠡ ᠶᠢᠨ ᠪᠠᠭᠰᠢ ᠶᠢᠨ ᠶᠡᠭᠡ ᠰᠤᠷᠭᠠᠭᠤᠯᠢ ︵东京高等师范） ᠢ ᠲᠠᠬᠦᠰᠴᠤ ᠤᠯᠤᠰ  ᠲᠠᠭᠠᠨ ᠪᠤᠴᠠᠵᠤ ᠵᠢᠷᠢᠮ ᠠᠶᠢᠮᠠᠭ ᠲᠤ ᠡᠮᠴᠢᠯᠡᠪᠠ᠃ᠪᠡᠯᠡᠳᠬᠡᠭᠰᠡᠨ ᠨᠢ᠄ ᠡᠷᠳᠡᠨᠢᠬᠦᠦᠨᠠᠶᠢᠷᠠᠭᠤᠯᠤᠭᠰᠠᠨ ᠨᠢ᠄ ᠨᠠᠮᠤᠷᠬᠢᠨᠠᠭᠰᠠᠨ ᠨᠢ᠄ ᠤᠷᠢᠬᠠᠨ
 
ᠢᠷᠡᠯᠲᠡ᠄ ᠲᠤᠰ ᠰᠦᠯᠵᠢᠶ᠎ᠡ
 
 
ᠬᠠᠮᠢᠶ᠎ᠡ ᠪᠦᠬᠦᠢ ᠰᠣᠨᠢᠨ
  
ᠠᠯᠠᠱᠠ ᠦᠷᠡᠰ ᠨᠠᠶᠢᠷ ᠤᠨ ᠡᠭᠦᠰᠦᠯᠲᠡ ᠲᠡᠤᠬᠡ
ᠠᠯᠠᠱᠠ ᠣᠷᠴᠢᠭᠤᠯᠭ᠎ᠠ ᠶᠢᠨ ᠰᠤᠷᠭᠠᠭᠤᠯᠢ ᠶᠢᠨ ᠠᠩᠭᠢ ᠪᠠᠶᠢᠭᠤᠯᠪᠠ
ᠠᠯᠠᠱᠠ ᠦᠬᠢᠳ ᠤᠨ ᠰᠤᠷᠭᠠᠭᠤᠯᠢ  ᠶᠢ ᠪᠠᠶᠢᠭᠤᠯᠪᠠ
ᠠᠯᠠᠱᠠ ᠪᠠᠭᠰᠢ ᠶᠢᠨ ᠰᠤᠷᠭᠠᠭᠤᠯᠢ ᠪᠠᠶᠢᠭᠤᠯᠪᠠ
ᠪᠠᠭ᠎ᠠ ᠬᠡᠤᠬᠡᠳ ᠢ ᠯᠠᠮᠠ ᠪᠣᠯᠭᠠᠬᠤ ᠶᠢ ᠬᠤᠷᠢᠭᠯᠠᠭᠰᠠᠨ ᠨᠢ
2014-2015 ©  ᠦᠪᠦᠷ ᠮᠣᠩᠭᠤᠯ ᠤᠨ ᠮᠦᠩᠭᠡᠭᠠᠯ ᠰᠣᠹᠲ ᠤᠨ ᠬᠤᠪᠢᠴᠠᠭᠠᠨ ᠤ ᠬᠢᠵᠠᠭᠠᠷᠲᠦ ᠺᠣᠮᠫᠠᠨᠢ ᠪᠦᠬᠦ ᠵᠦᠢᠯ ᠬᠠᠤᠯᠢ ᠪᠠᠷ ᠬᠠᠮᠠᠭᠠᠯᠠᠭᠳᠠᠭᠰᠠᠨ᠂ ᠵᠦᠪᠰᠢᠶᠡᠷᠡᠯ ᠦᠭᠡᠢ ᠪᠠᠷ ᠬᠠᠭᠤᠯᠪᠤᠷᠢᠯᠠᠬᠤ ᠶᠢ ᠡᠷᠡᠰ ᠬᠤᠷᠢᠭᠯᠠᠨ᠎ᠠ 蒙ICP备05070829号