| ᠭᠠᠮᠠᠯᠠ 1879 ︵ᠰᠢᠷᠠᠭᠴᠢᠨ ᠲᠠᠤᠯᠠᠢ ᠵᠢᠯ︶ ᠤᠨ ᠳᠤ ᠰᠢᠯᠢ ᠶᠢᠨ ᠭᠤᠤᠯ ᠤᠨ ᠴᠢᠭᠤᠯᠭᠠᠨ ᠤ | ᠦᠵᠦᠮᠦᠴᠢᠨ ᠵᠡᠭᠦᠨ ᠬᠤᠰᠢᠭᠤᠨ ᠤ ᠡᠩᠡ ᠶᠢᠨ ᠰᠤᠮᠤᠨ ᠤ ︵ᠤᠳᠤ ᠶᠢᠨ ᠭᠠᠬᠢᠯ ᠰᠤᠮᠤᠨ ᠤ ᠬᠠᠳᠠᠳᠤ ᠭᠠᠴᠠᠭᠠ︶ | ᠬᠤᠶᠠᠷ ᠪᠤᠮᠪᠠᠳᠤ ᠬᠡᠮᠡᠬᠦ ᠭᠠᠵᠠᠷ ᠳᠦᠷᠦᠵᠡᠢ᠃ ᠭᠠᠮᠠᠯᠠ ᠶᠢᠨ ᠡᠴᠢᠭᠡ ᠨᠢ ᠳᠡᠭᠦᠨ ᠢ ᠶᠢᠰᠤᠨ ᠨᠠᠰᠤᠳᠠᠢ ᠳᠤᠨᠢ | ᠬᠤᠰᠢᠭᠤ ᠵᠠᠬᠢᠷᠤᠭᠴᠢ ᠯᠤᠪᠰᠠᠩᠳᠤᠩᠷᠤᠪ ᠤᠨ ᠭᠡᠷ ᠤᠨ ᠱᠠᠪᠢ ᠪᠤᠯᠭᠠᠵᠦ ᠪᠢᠴᠢᠭ ᠰᠤᠷᠭᠠᠵᠦ ᠡᠬᠢᠯᠡᠭᠰᠡᠨ ᠠᠴᠠ | ᠪᠤᠰᠤᠳ ᠠᠴᠠ ᠬᠡᠳᠤᠷᠬᠡᠢ ᠤᠢ ᠪᠢᠯᠢᠭ᠂ ᠰᠡᠴᠡᠨ ᠰᠡᠷᠭᠦᠯᠡᠩ ᠤᠶᠤᠨ ᠢᠶᠠᠷ ᠢᠶᠠᠨ ᠪᠢᠴᠢᠭ ᠰᠤᠶᠤᠯ ᠢ ᠰᠢᠮᠳᠠᠨ | ᠰᠤᠷᠴᠤ᠂ ᠤᠯᠠᠨ ᠨᠤᠮ ᠳᠡᠪᠳᠡᠷ ᠤᠩᠰᠢᠨ ᠳᠤᠭᠤᠯᠵᠦ᠂ ᠠᠷᠠᠳ ᠤᠨ ᠠᠮᠠᠨ ᠦᠯᠢᠭᠡᠷ᠂ ᠬᠤᠯᠪᠤᠭᠠ ᠰᠢᠯᠦᠭ ᠤᠨ | ᠰᠢᠳᠢᠳᠤ ᠰᠢᠮᠡ ᠶᠢ ᠬᠦᠷᠳᠡᠵᠦ᠂ ᠪᠠᠭᠠ ᠵᠠᠯᠠᠭᠤ ᠨᠠᠰᠤᠨ ᠠᠴᠠ ᠪᠠᠨ ᠢᠷᠠᠭᠤ ᠨᠠᠶᠢᠷᠠᠭ ᠲᠤ ᠠᠪᠢᠶᠠᠰᠤᠯᠢᠭ | ᠴᠢᠳᠠᠮᠠᠭᠠᠢ ᠪᠤᠯᠵᠠᠢ᠃ | ᠭᠠᠮᠠᠯᠠ 16 ᠨᠠᠰᠤᠳᠠᠢ ᠳᠠᠭᠠᠨ ᠬᠤᠰᠢᠭᠤ ᠶᠠᠮᠤᠨ ᠤ ᠰᠤᠷᠬᠤ ᠪᠢᠴᠢᠭᠡᠴᠢ ᠪᠤᠯᠵᠦ᠂ ᠳᠠᠷᠠᠭᠠ ᠪᠠᠷ ᠨᠢ | ᠳᠤᠰᠠᠯᠠᠬᠤ ᠪᠢᠴᠢᠭᠡᠴᠢ᠂ ᠵᠢᠩᠬᠢᠨᠢ ᠪᠢᠴᠢᠭᠡᠴᠢ ᠶᠢᠨ ᠠᠵᠢᠯ ᠢ ᠠᠷᠪᠠᠭᠠᠳ ᠵᠢᠯ ᠬᠢᠵᠠᠢ᠃ ᠡᠨᠡ ᠨᠢ ᠶᠠᠭ | ᠦᠵᠦᠮᠦᠴᠢᠨ ᠵᠡᠭᠦᠨ ᠭᠠᠷᠤᠨ ᠬᠤᠰᠢᠭᠤᠨ ᠤ ᠵᠠᠰᠠᠭ ᠳᠦᠷᠦ ᠶᠢᠨ ᠡᠷᠳᠡᠨᠢ ᠪᠡᠶᠢᠯᠡ ᠠᠷᠪᠠᠳᠤᠭᠠᠷ ᠦᠶᠡ ᠶᠢᠨ | ᠶᠦᠯᠵᠢᠯᠨᠤᠷᠪᠤ ᠵᠢᠶᠦ᠋ᠨ ᠸᠠᠩ᠂ ᠠᠷᠪᠠᠨ ᠨᠢᠭᠡᠳᠦᠭᠡᠷ ᠦᠶᠡ ᠶᠢᠨ ᠵᠢᠷᠭᠠᠯᠠᠩ ᠵᠢᠶᠦ᠋ᠨ ᠸᠠᠩ ᠤᠨ ᠦᠶᠡ ᠪᠠᠶᠢᠵᠠᠢ᠃ | ᠬᠤᠰᠢᠭᠤ ᠵᠠᠰᠠᠭ ᠵᠢᠷᠭᠠᠯᠠᠩ ᠵᠢᠶᠦ᠋ᠨ ᠸᠠᠩ ᠲᠡᠭᠦᠨ ᠤ ᠡᠷᠳᠡᠮ ᠴᠢᠳᠠᠪᠤᠷᠢ ᠶᠢ ᠰᠢᠯᠭᠠᠨ ᠦᠵᠡᠵᠦ᠂ ᠬᠤᠵᠢᠮ | ᠬᠤᠰᠢᠭᠤ ᠨᠤᠳᠤᠭ᠂ ᠬᠤᠳᠠᠯᠠ ᠤᠯᠠᠨ ᠳᠤ ᠳᠤᠰᠠᠳᠠᠢ ᠠᠵᠢᠯ ᠬᠢᠵᠦ ᠴᠢᠳᠠᠬᠤ ᠬᠦᠮᠦᠨ ᠬᠡᠮᠡᠨ ᠳᠤᠭᠤᠵᠦ | ᠬᠦᠨᠳᠦᠳᠭᠡᠨ ᠬᠡᠷᠡᠭᠯᠡᠵᠡᠢ᠃ 26 ᠨᠠᠰᠤᠨ ᠳᠤᠨᠢ ᠰᠠᠭᠤᠳᠠᠯ ᠤᠨ ᠳᠦᠰᠢᠮᠡᠯ ᠪᠤᠯᠭᠠᠵᠦ᠂ ᠪᠦᠬᠦ ᠬᠤᠰᠢᠭᠤᠨ ᠤ | ᠳᠠᠩᠰᠠ ᠪᠢᠴᠢᠭ ᠢ ᠬᠠᠮᠢᠶᠠᠷᠠᠬᠤ ᠠᠵᠢᠯ ᠢ ᠡᠷᠬᠢᠯᠡᠭᠦᠯᠵᠠᠢ᠃ 31 ᠨᠠᠰᠤᠨ ᠳᠤᠨᠢ ᠳᠠᠪᠤᠨ ᠰᠤᠮᠤᠨ ᠤ ᠵᠠᠯᠠᠨ ᠤ | ᠳᠤᠰᠢᠶᠠᠯ ᠳᠤ ᠳᠡᠪᠰᠢᠭᠦᠯᠵᠠᠢ᠃ 33 ᠨᠠᠰᠤᠨ ᠳᠤᠨᠢ ᠬᠤᠰᠢᠭᠤᠨ ᠤ ᠴᠡᠷᠢᠭ ᠤᠨ ᠮᠠᠶᠢᠷᠡᠨ ᠢᠶᠠᠷ ᠳᠡᠪᠰᠢᠭᠦᠯᠵᠠᠢ᠃ | ᠳᠤᠬᠠᠢ ᠶᠢᠨ ᠦᠶᠠ ᠳᠤ ᠴᠠᠭ ᠳᠦᠷᠦ ᠰᠠᠮᠠᠭᠤᠷᠠᠨ᠂ ᠳᠡᠭᠡᠷᠡᠮ ᠬᠤᠯᠠᠭᠠᠢ ᠤᠯᠠᠰᠢᠷᠠᠨ᠂ ᠬᠤᠰᠢᠭᠤ ᠠᠮᠤᠷ ᠳᠠᠶᠢᠪᠤᠩ | ᠦᠭᠡᠢ ᠪᠠᠶᠢᠳᠠᠯ ᠳᠤᠤᠷᠠ᠂ ᠬᠤᠰᠢᠭᠤ ᠵᠠᠰᠠᠭ ᠵᠢᠷᠭᠠᠯᠠᠩ ᠵᠢᠶᠦ᠋ᠨ ᠸᠠᠩ ᠠᠴᠠ ᠶᠧᠰᠢ ᠮᠡᠶᠢᠷᠠᠨ᠂ ᠭᠠᠮᠠᠯᠠ ᠮᠡᠶᠢᠷᠠᠨ ᠢ | ᠳᠤᠮᠢᠯᠠᠵᠦ᠂ ᠴᠢᠩ ᠤᠯᠤᠰ ᠤᠨ ᠡᠵᠡᠨ ᠵᠤᠷᠭᠠᠨ ᠢᠶᠠᠷ ᠵᠦᠪᠰᠢᠶᠡᠷᠡᠭᠦᠯᠦᠨ᠂ ᠲᠢᠶᠠᠨᠵᠢᠨ ᠬᠤᠳᠠ ᠶᠢᠨ ᠢ ᠰᠢᠶᠠᠨ | ᠬᠡᠮᠡᠬᠦ ᠫᠦᠰᠡᠨ ᠠᠴᠠ ᠭᠤᠷᠪᠠᠨ ᠵᠠᠭᠤᠨ ᠫᠤᠤ ᠵᠡᠪᠰᠡᠭ ᠬᠤᠳᠠᠯᠳᠤᠨ ᠠᠪᠴᠦ ᠢᠷᠡᠭᠡᠳ ᠬᠤᠰᠢᠭᠤ ᠳᠤᠳᠤᠷᠠᠬᠢ | ᠵᠠᠯᠠᠭᠤ ᠢᠳᠡᠷᠴᠤᠳ ᠠᠴᠠ ᠴᠡᠷᠢᠭ ᠲᠤ ᠳᠠᠳᠠᠵᠦ᠂ ᠵᠠᠩᠵᠤᠨ ᠴᠡᠷᠢᠭ᠂ ᠵᠠᠩᠬᠢ ᠶᠢᠨ ᠴᠡᠷᠢᠭ᠂ ᠭᠦᠨᠳᠦ ᠶᠢᠨ ᠴᠡᠷᠢᠭ | ᠂ ᠮᠦᠰᠦᠳᠦ ᠤᠨ ᠴᠡᠷᠢᠭ᠂ ᠮᠠᠩᠬᠠᠨ ᠴᠡᠷᠢᠭ᠂ ᠬᠦᠰᠢᠭᠦᠷ ᠴᠡᠷᠢᠭ ᠬᠡᠬᠦ ᠵᠢᠷᠭᠤᠭᠠᠨ ᠰᠠᠭᠤᠷᠢ ᠶᠢᠨ ᠴᠡᠷᠢᠭ ᠪᠠ | ᠤᠷᠳᠤᠨ ᠴᠡᠷᠢᠭ᠂ ᠭᠠᠴᠠᠭᠠ ᠬᠤᠢ ᠶᠢᠨ ᠴᠡᠷᠢᠭ ᠬᠡᠬᠦ ᠨᠠᠢᠮᠠᠨ ᠰᠠᠭᠤᠷᠢ ᠴᠡᠷᠢᠭ ᠢ ᠵᠤᠬᠢᠶᠠᠨ ᠪᠠᠶᠢᠭᠤᠯᠵᠦ᠂ ᠭᠠᠮᠠᠯᠠ | ᠪᠠᠷ ᠪᠦᠬᠦ ᠴᠡᠷᠢᠭ ᠢ ᠬᠠᠮᠢᠶᠠᠷᠠᠭᠤᠯᠤᠨ ᠰᠤᠷᠭᠠᠭᠤᠯᠢᠯ ᠪᠤᠯᠪᠠᠰᠤᠷᠠᠯ ᠬᠢᠯᠭᠡᠵᠡᠢ᠃ ᠦᠵᠦᠮᠦᠴᠢᠨ ᠴᠡᠷᠢᠭ ᠤᠨ ᠳᠤᠭ᠂ | ᠴᠡᠷᠢᠭ ᠤᠨ ᠡᠮᠤᠰᠬᠡᠯ ᠢ ᠮᠦᠨ ᠭᠠᠮᠠᠯᠠ ᠳᠦᠰᠦᠪᠯᠡᠨ ᠬᠢᠭᠰᠡᠨ ᠭᠡᠳᠡᠭ᠃ ᠡᠨᠡ ᠦᠶᠡ ᠠᠴᠠ ᠦᠵᠦᠮᠦᠴᠢᠨ ᠴᠡᠷᠢᠭ | ᠤᠨ ᠺᠤᠮᠠᠨᠳᠠᠯᠠᠭᠴᠢ ᠪᠤᠯᠵᠦ᠂ ᠤᠯᠠᠨ ᠤᠳᠠᠭᠠ ᠨᠠᠢᠮᠠᠨ ᠰᠠᠭᠤᠷᠢ ᠶᠢᠨ ᠴᠡᠷᠢᠭ ᠢ ᠳᠠᠶᠢᠴᠢᠯᠠᠨ ᠶᠡᠭᠡ ᠪᠠᠭᠠ | ᠳᠤᠯᠤᠯᠳᠤᠭᠠᠨ ᠳᠤ ᠪᠠᠭᠠᠳᠤᠷᠯᠠᠨ ᠪᠠᠶᠢᠯᠳᠤᠵᠤ᠂ ᠨᠤᠳᠤᠭ ᠤᠰᠤ᠂ ᠬᠦᠮᠦᠨ ᠠᠷᠠᠳ ᠲᠠᠭᠠᠨ ᠳᠤᠯᠭᠠᠷᠠᠭᠰᠠᠨ ᠠᠶᠤᠯ | ᠳᠦᠭᠰᠢᠭᠦᠷᠢ ᠶᠢ ᠵᠠᠶᠢᠯᠠᠭᠤᠯᠵᠦ ᠶᠠᠪᠣᠭᠰᠠᠨ ᠢᠶᠠᠷ ᠦᠵᠦᠮᠦᠴᠢᠨ ᠵᠡᠭᠦᠨ ᠭᠠᠷᠤᠨ ᠬᠤᠰᠢᠭᠤᠨ ᠤ ᠨᠠᠢᠮᠠᠨ ᠰᠠᠭᠤᠷᠢ | ᠶᠢᠨ ᠴᠡᠷᠢᠭ ᠬᠡᠮᠡᠨ ᠨᠢᠭᠡᠨ ᠦᠶᠡ ᠠᠯᠳᠠᠷᠰᠢᠵᠦ ᠪᠠᠶᠢᠵᠠᠢ᠃ | ᠳᠡᠭᠦᠨ ᠤ ︽ᠦᠵᠦᠮᠦᠴᠢᠨ ᠴᠡᠷᠢᠭ ᠤᠨ ᠮᠠᠭᠳᠠᠭᠠᠯ︾᠂ ︽ᠳᠤᠭ ᠤᠨ ᠳᠠᠭᠠᠳᠬᠠᠯ︾᠂ ︽ᠳᠤᠭ ᠤᠨ ᠨᠠᠶᠢᠷ | ᠤᠨ ᠰᠠᠷᠬᠤᠳ ᠤᠨ ᠢᠷᠤᠭᠡᠯ︾ ᠵᠡᠷᠭᠡ ᠨᠢ ᠡᠨᠡ ᠦᠶᠡ ᠳᠤ ᠵᠤᠬᠢᠶᠠᠭᠳᠠᠭᠰᠠᠨ ᠭᠡᠳᠡᠭ᠃ 39 ᠨᠠᠰᠤᠨ ᠳᠠᠭᠠᠨ | ᠬᠤᠰᠢᠭᠤ ᠵᠠᠬᠢᠷᠤᠭᠴᠢ ᠪᠤᠯᠵᠦ 44 ᠨᠠᠰᠤᠨ ᠳᠠᠭᠠᠨ ᠬᠤᠰᠢᠭᠤ ᠵᠠᠬᠢᠷᠤᠭᠴᠢ ᠶᠢᠨ ᠳᠤᠰᠢᠶᠠᠯ ᠠᠴᠠ | ᠤᠭᠴᠷᠠᠭᠳᠠᠭᠰᠠᠨ ᠪᠠᠶᠢᠨᠠ᠃ ᠰᠡᠭᠦᠯᠡᠷ ᠨᠢ ᠰᠢᠯᠢ ᠶᠢᠨ ᠭᠤᠤᠯ ᠤᠨ ᠴᠢᠭᠤᠯᠭᠠᠨ ᠳ᠋ᠠ ᠸᠠᠩ ᠤᠨ ᠵᠠᠷᠯᠢᠭ ᠶᠤᠰᠤᠭᠠᠷ | ᠬᠠᠶᠢᠷᠠ ᠶᠢᠨ ᠵᠠᠬᠢᠷᠤᠭᠴᠢ ᠶᠢᠨ ᠵᠡᠷᠭᠡ ᠤᠯᠭᠤᠵᠦ᠂ ᠬᠤᠰᠢᠭᠤ ᠶᠠᠮᠤᠨ ᠳᠠᠬᠢ ᠵᠢᠱᠢᠶᠠ ᠡᠷᠬᠢᠯᠡᠬᠦ ᠳᠦᠰᠢᠮᠡᠯ ᠢᠶᠠᠷ | ᠦᠷᠭᠦᠯᠵᠢ ᠰᠠᠭᠤᠳᠠᠯ ᠳᠤ ᠰᠠᠭᠤᠵᠤ ᠴᠢᠬᠤᠯᠠ ᠶᠡᠭᠡ ᠤᠴᠢᠷ ᠶᠠᠪᠤᠳᠠᠯ ᠢ ᠴᠠᠭ ᠳᠤᠬᠠᠢ ᠳᠤᠨᠢ ᠵᠠᠰᠠᠭ ᠨᠤᠶᠠᠳ ᠲᠤ | ᠮᠡᠳᠡᠭᠦᠯᠬᠦ ᠠᠯᠪᠠ ᠠᠵᠢᠯ ᠢ ᠬᠢᠵᠦ ᠶᠠᠪᠤᠵᠠᠢ᠃ ᠡᠨᠡᠬᠦ ᠴᠠᠭ ᠦᠶᠡ ᠨᠢ ᠶᠠᠭ ᠠᠷᠪᠠᠨ ᠬᠤᠶᠠᠳᠤᠭᠠᠷ ᠦᠶᠠ ᠶᠢᠨ | ᠵᠢᠶᠦ᠋ᠨ ᠸᠠᠩ ᠭᠤᠮᠪᠣᠰᠦ᠋ᠷᠦᠩ ᠤᠨ ᠦᠶᠡ ᠪᠤᠯᠤᠨᠠ᠃ ᠳᠡᠭᠦᠨ ᠤ ︽ᠰᠢᠪᠰᠢᠭ ᠪᠠ ᠳᠠᠯᠠᠭᠠᠷ︾᠂ ︽ᠡᠳᠦᠷ ᠤᠨ | ᠤᠷᠳᠤ ᠶᠢ ᠦᠩᠭᠡᠷᠡᠭᠡᠬᠦ ᠳᠤ︾᠂ ︽ᠴᠠᠭ ᠤᠯᠠᠷᠢᠯ︾ ᠵᠡᠷᠭᠡ ᠰᠢᠯᠦᠭ ᠨᠢ ᠡᠨᠡ ᠴᠠᠭ ᠦᠶᠡ ᠳᠤ ᠵᠤᠬᠢᠶᠠᠭᠳᠠᠭᠰᠠᠨ | ᠭᠡᠳᠡᠭ᠃ | ᠳᠡᠷᠡ ᠪᠠᠰᠠ ᠬᠤᠰᠢᠭᠤ ᠨᠤᠳᠤᠭ ᠤᠨ ᠢᠶᠠᠨ ᠡᠮᠤᠨᠠ ᠠᠴᠠ ᠤᠯᠠᠨ ᠤᠳᠠᠭᠠ ᠬᠠᠳᠠᠭᠤ ᠰᠢᠷᠦᠭᠦᠨ᠂ ᠨᠠᠷᠢᠨ | ᠪᠤᠳᠤᠯᠢᠶᠠᠨ ᠲᠠᠢ ᠠᠯᠪᠠ᠂ ᠠᠴᠢᠨ ᠳᠤ ᠤᠴᠢᠷ ᠶᠠᠪᠤᠳᠠᠯ ᠢ ᠵᠦᠢ ᠵᠤᠬᠢᠰᠳᠠᠢ ᠰᠢᠢᠳᠪᠤᠷᠢᠯᠡᠭᠰᠠᠨ ᠪᠠ ᠳᠠᠮᠠᠭᠠᠨ | ᠪᠢᠴᠢᠭ᠂ ᠡᠷᠭᠦᠯᠳᠠ ᠪᠢᠴᠢᠭ ᠤᠳ ᠢ ᠮᠡᠳᠡᠭᠦᠯᠦᠨ ᠳᠡᠪᠰᠢᠭᠦᠯᠵᠦ᠂ ᠬᠤᠰᠢᠭᠤ ᠨᠤᠳᠤᠭ ᠪᠠ ᠴᠢᠨᠠᠭᠰᠢᠯᠠᠪᠠᠯ ᠰᠢᠯᠢ | ᠶᠢᠨ ᠭᠤᠤᠯ ᠤᠨ ᠴᠢᠭᠤᠯᠭᠠᠨ ᠤ ᠤᠷᠤᠰᠢᠨ ᠳᠤᠭᠳᠠᠨᠢᠬᠤ ᠠᠰᠠᠭᠤᠳᠠᠯ ᠳᠤ ᠴᠦ ᠵᠦᠪ ᠬᠠᠷᠢᠭᠤᠯᠳᠠ ᠦᠭᠴᠦ | ᠶᠠᠪᠤᠭᠰᠠ ᠢᠶᠠᠷ ︽ᠳᠡᠮᠤᠷ ᠰᠤᠮᠤ︾ ᠬᠡᠮᠡᠨ ᠠᠯᠳᠠᠷᠰᠢᠭᠰᠠᠨ ᠪᠢᠴᠢᠭ ᠤᠨ ᠡᠷᠳᠡᠮᠳᠡᠨ ᠪᠠᠶᠢᠪᠠ᠃ ᠵᠢᠱᠢᠶᠠᠯᠡᠪᠡᠯ᠄ | ᠨᠢᠭᠡ᠂ ᠴᠢᠩ ᠤᠯᠤᠰ ᠤᠨ ᠡᠵᠡᠨ ᠵᠤᠷᠭᠠᠨ ᠠᠴᠠ 1909 ᠤᠨ ᠳᠤ ᠰᠢᠯᠢ ᠶᠢᠨ ᠭᠤᠤᠯ ᠤᠨ ᠴᠢᠭᠤᠯᠭᠠᠨ ᠳᠤ | ᠵᠠᠷᠯᠢᠭ ᠢᠷᠡᠭᠦᠯᠵᠦ᠄ ︽ᠳᠠᠨ ᠤ ᠰᠦᠮᠡ ᠬᠡᠶᠢᠳ ᠳᠤ ᠳᠦᠳᠡᠢ ᠯᠠᠮᠠ ᠠᠴᠠ ᠢᠯᠡᠭᠦᠦ ᠯᠠᠮᠠ ᠪᠠᠶᠢᠨᠠ ᠤᠤ︖ | ᠦᠭᠡᠢ ᠤᠤ︖ ᠭᠡᠷᠪᠡ ᠪᠠᠶᠢᠪᠠᠯ ᠡᠵᠡᠨ ᠤ ᠡᠷᠡ ᠴᠠᠭᠠᠨ ᠬᠤᠶᠠᠭ ᠢ ᠬᠡᠨ ᠡᠵᠡᠨ ᠮᠡᠳᠡᠵᠦ ᠯᠠᠮᠠ ᠪᠤᠯᠭᠠᠪᠠ᠂ ᠡᠨᠡ | ᠪᠣᠯ ᠤᠯᠤᠰ ᠳᠦᠷᠦ ᠶᠢᠨ ᠡᠩᠬᠡ ᠳᠠᠶᠢᠪᠤᠩ ᠢ ᠬᠠᠮᠠᠭᠠᠯᠠᠬᠤ ᠶᠠᠪᠤᠳᠠᠯ ᠢ ᠡᠪᠳᠡᠭᠰᠠᠨ ᠬᠡᠷᠡᠭ ᠪᠤᠯᠬᠤ ᠳᠤᠯᠠ ᠤᠯᠤᠰ | ᠳᠦᠷᠦ ᠶᠢ ᠬᠠᠷᠰᠢᠯᠠᠭᠰᠠᠨ ᠶᠠᠯᠠᠳᠤ ᠤᠴᠢᠷ ᠢᠶᠠᠨ ᠳᠤᠳᠤᠷᠬᠠᠢ ᠮᠡᠳᠡᠭᠦᠯ︾ ᠭᠡᠵᠠᠢ᠃ ᠡᠭᠦᠨ ᠢ ᠰᠢᠯᠢ ᠶᠢᠨ ᠭᠤᠤᠯ | ᠤᠨ ᠴᠢᠭᠤᠯᠭᠠᠨ ᠤ ᠠᠷᠪᠠᠨ ᠬᠤᠰᠢᠭᠤ ᠵᠦᠪᠳᠡᠯᠴᠡᠨ ᠡᠨᠡᠬᠦ ᠳᠦᠭᠰᠢᠭᠦᠷᠢᠳᠡᠢ ᠪᠠᠶᠢᠳᠠᠯ ᠢ ᠳᠠᠶᠢᠯᠠᠬᠤ ᠪᠠᠷ | ᠦᠵᠦᠮᠦᠴᠢᠨ ᠤ ᠭᠠᠮᠠᠯᠠ ᠪᠠᠷ ᠡᠷᠭᠦᠯᠳᠡ ᠶᠢᠨ ᠪᠢᠴᠢᠭ ᠳᠡᠪᠰᠢᠭᠦᠯᠦᠯᠪᠡ᠃ ᠴᠢᠩ ᠤᠯᠤᠰ ᠤᠨ ᠡᠵᠡᠨ ᠵᠤᠷᠭᠠᠨ | ᠠᠴᠠ ᠳᠤᠰ ᠪᠢᠴᠢᠭ ᠲᠤ ᠬᠠᠷᠢᠭᠤ ᠢᠷᠡᠭᠦᠯᠦᠭᠰᠠᠨ ᠦᠭᠡᠢ ᠪᠦᠭᠡᠳ ᠰᠢᠯᠢ ᠶᠢᠨ ᠭᠤᠤᠯ ᠤᠨ ᠴᠢᠭᠤᠯᠭᠠᠨ ᠠᠴᠠ | ᠳᠠᠬᠢᠨ ᠬᠡᠷᠡᠭ ᠨᠡᠬᠡᠭᠰᠠᠨ ᠦᠭᠡᠢ ᠦᠩᠭᠡᠷᠡᠭᠡᠵᠡᠢ᠃ | ᠬᠤᠶᠠᠷ᠂ 1911 ᠤᠨ ᠤ ᠴᠠᠭᠠᠭᠴᠢᠨ ᠭᠠᠭ᠋ᠠᠢ ᠵᠢᠯ ᠤᠨ ᠬᠤᠪᠢᠰᠬᠠᠯ ᠤᠨ ᠦᠶᠡᠰ ᠭᠠᠳᠠᠭᠠᠳᠤ ᠮᠤᠩᠭᠤᠯ ᠤᠨ | ᠬᠠᠭᠠᠨᠳᠤ ᠳᠦᠷᠦ ᠠᠴᠠ ᠰᠢᠯᠢ ᠶᠢᠨ ᠭᠤᠤᠯ ᠤᠨ ᠴᠢᠭᠤᠯᠭᠠᠨ ᠢ ᠳᠠᠭᠠᠭᠤᠯᠵᠦ ᠠᠪᠬᠤ ᠶᠢ ᠱᠠᠭᠠᠷᠳᠠᠭᠰᠠᠨ ᠳᠤ | ᠭᠠᠮᠠᠯᠠ ᠦᠵᠦᠮᠦᠴᠢᠨ ᠵᠡᠭᠦᠨ ᠭᠠᠷᠤᠨ ᠬᠤᠰᠢᠭᠤ ᠪᠠᠨ ᠳᠦᠯᠦᠭᠡᠯᠡᠨ ᠡᠷᠭᠦᠯᠳᠡ ᠪᠢᠴᠢᠭ ᠳᠡᠪᠰᠢᠭᠦᠯᠦᠭᠰᠡᠨ ᠢ | ᠴᠢᠭᠤᠯᠭᠠᠨ ᠤ ᠬᠤᠷᠠᠯ ᠢᠶᠠᠷ ᠵᠦᠪᠳᠡᠯᠴᠡᠭᠡᠳ᠂ ᠭᠠᠮᠠᠯᠠ ᠶᠢᠨ ᠪᠢᠴᠢᠭᠰᠡᠨ ᠡᠷᠭᠦᠯᠳᠡ ᠶᠢᠨ ᠪᠢᠴᠢᠭ ᠢ ᠰᠠᠨᠠᠯ ᠨᠢᠭᠡᠳᠡᠢ | ᠪᠠᠳᠤᠯᠠᠨ᠂ ᠰᠡᠶᠢᠷᠡᠭᠦᠯᠦᠨ ᠠᠪᠴᠦ ᠳ᠋ᠠ ᠶᠢᠨ ᠳᠠᠮᠠᠭᠠ ᠳᠠᠷᠤᠨ ᠭᠠᠳᠠᠭᠠᠳᠤ ᠮᠤᠩᠭᠤᠯ ᠤᠨ ᠬᠠᠭᠠᠨᠳᠤ | ᠬᠦᠷᠭᠡᠭᠦᠯᠦᠭᠰᠠᠨ ᠠᠴᠠ ᠭᠠᠳᠠᠭᠠᠳᠤ ᠮᠤᠩᠭᠤᠯ ᠤᠨ ᠱᠠᠭᠠᠷᠳᠠᠯᠭᠠ ᠳᠡᠪᠴᠢᠭᠳᠡᠨ᠂ ᠰᠢᠯᠢ ᠶᠢᠨ ᠭᠤᠤᠯ ᠤᠨ ᠠᠷᠪᠠᠨ | ᠬᠤᠰᠢᠭᠤ ᠨᠤᠳᠤᠭ ᠤᠷᠤᠨ ᠠᠴᠠ ᠪᠠᠨ ᠦᠯᠦ ᠬᠠᠭᠠᠴᠠᠨ ᠤᠷᠤᠰᠢᠨ ᠳᠤᠭᠳᠠᠨᠢᠵᠦ ᠴᠢᠳᠠᠭᠰᠠᠨ ᠪᠠᠶᠢᠨᠠ᠃ | ᠭᠤᠷᠪᠠ᠂ ᠳᠤᠮᠳᠠᠳᠤ ᠢᠷᠭᠡᠨ ᠤᠯᠤᠰ ᠤᠨ ᠠᠷᠪᠠᠨ ᠳᠠᠪᠤᠳᠤᠭᠠᠷ ᠤᠨ ︵1926 ᠤᠨ︶ ᠤ ᠨᠠᠮᠤᠷ ᠳᠡᠤᠬᠡᠨ | ᠳᠤ ᠨᠡᠷᠡᠳᠡᠢ ︽ᠶᠦᠯᠵᠢᠯ ᠤᠨ ᠠᠴᠢᠨ︾ ᠤ ᠰᠢᠭᠦᠨ ᠳᠠᠰᠤᠯᠠᠯᠳᠠ ᠳᠤ ᠳᠤᠰᠠᠯᠠᠭᠴᠢ ᠸᠠᠩᠴᠢᠨᠰᠦ᠋ᠷᠦᠩ ᠲᠠᠢ ᠬᠠᠮᠳᠦ | ᠭᠠᠮᠠᠯᠠ ᠤᠷᠤᠯᠴᠠᠭᠰᠠᠨ ᠪᠠᠶᠢᠨᠠ᠃ ᠪᠠᠰᠠ ᠨᠢᠭᠡ ᠤᠳᠠᠭᠠ ᠬᠠᠯᠬᠠ ᠶᠢᠨ ᠨᠢᠭᠡᠨ ᠬᠤᠰᠢᠭᠤ ᠲᠠᠢ ᠨᠤᠳᠤᠭ ᠤᠨ | ᠠᠴᠢᠨ ᠬᠢᠵᠦ ᠤᠷᠠᠨ ᠠᠷᠭᠠ ᠪᠠᠷ ᠠᠴᠢᠨ ᠠᠪᠤᠭᠰᠠᠠ ᠭᠡᠳᠡᠭ᠃ | ᠭᠠᠮᠠᠯᠠ ᠦᠪᠡᠷ ᠤᠨ ᠦᠨᠳᠦᠰᠦᠳᠡᠨ ᠤ ᠪᠠᠨ ᠳᠡᠤᠬᠡ ᠱᠠᠰᠳᠢᠷ ᠢ ᠰᠠᠶᠢᠨ ᠮᠡᠳᠡᠬᠦ ᠠᠴᠠ ᠭᠠᠳᠠᠨᠠ᠂ ᠬᠢᠳᠠᠳ | ᠦᠨᠳᠦᠰᠦᠳᠡᠨ ᠤ ᠠᠯᠳᠠᠷᠳᠤ ᠷᠤᠮᠠᠨ ᠳᠤᠭᠤᠵᠢ ᠶᠢ ᠤᠩᠰᠢᠵᠦ ᠨᠡᠪᠳᠡᠷᠡᠭᠰᠠᠨ ᠪᠦᠭᠡᠳ ᠪᠤᠷᠬᠠᠨ ᠱᠠᠰᠢᠨ ᠤ ᠨᠤᠮ | ᠰᠤᠳᠤᠷ ᠤᠨ ᠶᠤᠰᠤ ᠶᠢ ᠴᠦ ᠰᠠᠶᠢᠨ ᠮᠡᠳᠡᠳᠡᠭ ᠠᠵᠠᠢ᠃ ᠡᠨᠡ ᠨᠢ ᠳᠡᠭᠦᠨ ᠤ ︽ᠤᠩᠭᠤᠨ ᠴᠠᠭᠠᠨ ᠰᠤᠮᠤᠨ ᠤ | ᠮᠠᠭᠳᠠᠭᠠᠯ︾᠂ ︽ᠬᠤᠭᠤᠷᠴᠢᠨ ᠴᠤᠭᠤᠷᠴᠢᠨ ᠤ ᠳᠤᠬᠠᠢ︾᠂ ︽ᠰᠤᠷ ᠤᠨ ᠬᠤᠯᠪᠤᠭᠠ︾᠂ ︽ᠠᠯᠳᠠᠨ ᠳᠠᠯᠠᠯᠭᠠ | ᠶᠢᠨ ᠮᠠᠭᠳᠠᠭᠠᠯ︾ ᠵᠡᠷᠭᠡ ᠳᠤ ᠢᠯᠡ ᠳᠤᠳᠤᠷᠬᠠᠢ ᠬᠠᠷᠠᠭᠳᠠᠵᠦ ᠪᠠᠶᠢᠨᠠ᠃ | ᠮᠤᠩᠭᠤᠯ ᠤᠯᠤᠰ ᠤᠨ ᠠᠯᠳᠠᠷᠳᠤ ᠡᠷᠳᠡᠮᠳᠡᠨ ᠴ᠊ · ᠲᠠᠮᠳᠢᠨᠰᠦ᠋ᠷᠦᠩ ᠳᠡᠭᠦᠨ ᠤ ︽ᠨᠠᠶᠢᠷ ᠤᠨ ᠪᠦᠬᠡ︾ ᠬᠡᠳᠡᠭ | ᠰᠢᠯᠦᠭ ᠢ ᠨᠢ ︽ᠮᠤᠩᠭᠤᠯ ᠤᠷᠠᠨ ᠵᠤᠬᠢᠶᠠᠯ ᠤᠨ ᠳᠡᠭᠡᠵᠢ ᠵᠠᠭᠤᠨ ᠪᠢᠯᠢᠭ ᠤᠷᠤᠰᠢᠪᠠᠢ︾ ᠬᠡᠮᠡᠬᠦ ᠨᠤᠮ ᠳᠤ | ᠤᠷᠤᠭᠤᠯᠠᠨ ᠨᠡᠶᠢᠳᠡᠯᠡᠭᠰᠠᠨ ᠪᠠᠶᠢᠨᠠ᠃ | | | ᠪᠡᠯᠡᠳᠬᠡᠭᠰᠡᠨ ᠨᠢ᠄ ᠡᠷᠳᠡᠨᠢᠬᠦᠦ | ᠨᠠᠶᠢᠷᠠᠭᠤᠯᠤᠭᠰᠠᠨ ᠨᠢ᠄ ᠨᠠᠮᠤᠷ | ᠬᠢᠨᠠᠭᠰᠠᠨ ᠨᠢ᠄ ᠤᠷᠢᠬᠠᠨ |