| | ᠦᠯᠦᠭ ᠪᠠᠬᠢ ᠪᠤᠯ ᠪᠠᠷᠤᠯᠠᠰ ᠠᠶᠢᠮᠠᠭ ᠤᠨ ᠬᠦᠮᠦᠨ ᠪᠤᠯᠤᠨᠠ᠃ 1394 ᠤᠨ ᠤ 3 ᠰᠠᠷᠠ ᠶᠢᠨ 23 ᠤ | ᠡᠳᠦᠷ᠂ ᠳᠡᠮᠦᠷ ᠬᠠᠭᠠᠨᠳᠤ ᠤᠯᠤᠰ ᠢ ᠡᠬᠦᠰᠭᠡᠨ ᠪᠠᠶᠢᠭᠤᠯᠤᠭᠴᠢ ᠳᠤᠭᠤᠯᠠᠩ ᠳᠡᠮᠦᠷ ᠤᠨ ᠠᠴᠢ ᠬᠦᠪᠡᠬᠦᠨ ᠪᠤᠯᠵᠦ | ᠲᠦᠷᠦᠵᠡᠢ᠃ ᠦᠯᠦᠭ ᠪᠠᠬᠢ ᠬᠠᠷᠠᠬᠠᠨ ᠪᠠᠭᠠ ᠠᠴᠠ ᠪᠠᠨ ᠰᠡᠴᠡᠨ ᠰᠡᠷᠬᠦᠯᠡᠩ ᠪᠦᠭᠡᠳ ᠰᠤᠷᠬᠤ ᠳᠤ ᠪᠠᠬᠠ ᠲᠠᠢ | ᠳᠤᠯᠠ ᠫᠧᠷᠰ᠂ ᠲᠦᠷᠺ᠂ ᠠᠷᠠᠪ ᠬᠡᠯᠡᠨ ᠳᠤ ᠨᠡᠪᠳᠡᠷᠡᠬᠡᠳ᠂ ᠠᠷᠪᠠᠨ ᠳᠠᠪᠤᠬᠠᠨ ᠨᠠᠰᠤᠳᠠᠢ ᠳᠠᠭᠠᠨ ᠳᠡᠮᠦᠷ ᠬᠠᠭᠠᠨᠳᠤ | ᠤᠯᠤᠰ ᠤᠨ ᠨᠡᠶᠢᠰᠯᠡᠯ ᠰᠠᠮᠠᠷᠺᠠᠨᠳ᠋ ᠤᠨ ᠡᠵᠡᠨ ᠨᠤᠶᠠᠨ ᠢᠶᠠᠷ ᠡᠷᠬᠦᠮᠵᠢᠯᠡᠭᠳᠡᠵᠡᠢ᠃ ᠡᠨᠡ ᠦᠶᠡ ᠠᠴᠠ ᠡᠬᠢᠯᠡᠨ ᠳᠡᠷᠡ | ᠢᠯ ᠬᠠᠭᠠᠨᠳᠤ ᠤᠯᠤᠰ ᠤᠨ ᠪᠠᠭᠳᠠᠳ᠋ ᠲᠤ ᠰᠦᠨᠳᠡᠷᠯᠡᠵᠦ ᠪᠠᠶᠢᠭᠠ ᠤᠳᠤᠨ ᠤᠷᠤᠨ ᠤ ᠰᠤᠳᠤᠯᠤᠯ ᠤᠨ ᠤᠷᠬᠢᠯ ᠢ | ᠪᠠᠭ᠋ᠠᠷᠬᠠᠬᠤ ᠪᠤᠯᠤᠭᠰᠠᠨ ᠪᠦᠭᠡᠳ ᠦᠪᠡᠷ ᠢᠶᠠᠨ ᠴᠦ ᠨᠢᠭᠡᠨ ᠳᠡᠶᠢᠮᠦᠷᠬᠦ ᠭᠠᠶᠢᠬᠠᠮᠰᠢᠭᠳᠤ ᠪᠠᠷᠢᠯᠭᠠ ᠲᠠᠢ ᠪᠤᠯᠬᠤ ᠶᠢ | ᠬᠦᠰᠡᠵᠦ ᠡᠬᠢᠯᠡᠪᠡ᠃ ᠬᠡᠪᠡᠴᠦ ᠤᠳᠤᠨ ᠤᠷᠤᠨ ᠤ ᠤᠷᠬᠢᠯ ᠢ ᠪᠠᠶᠢᠭᠤᠯᠬᠤ ᠶᠠᠪᠤᠳᠠᠯ ᠨᠢ ᠵᠦᠪᠬᠡᠨ ᠨᠢᠭᠡᠨ ᠪᠠᠷᠢᠯᠭᠠ | ᠶᠢᠨ ᠠᠵᠢᠯ ᠤᠨ ᠳᠡᠳᠦᠶᠢᠯᠡ ᠪᠢᠰᠢ᠂ ᠬᠠᠷᠢᠨ ᠤᠯᠠᠨ ᠳᠠᠯᠠ ᠶᠢᠨ ᠰᠢᠨᠵᠢᠯᠡᠬᠦ ᠤᠬᠠᠭᠠᠨ ᠢ ᠬᠠᠮᠤᠷᠤᠭᠰᠠᠨ ᠶᠡᠷᠦᠩᠭᠡᠢ | ᠰᠤᠳᠤᠯᠤᠯ ᠤᠨ ᠠᠵᠢᠯ ᠪᠤᠯᠬᠤ ᠶᠤᠮ᠃ ᠦᠭᠡᠷᠡ ᠪᠠᠷ ᠬᠡᠯᠡᠪᠡᠯ ᠰᠢᠨᠵᠢᠯᠡᠬᠦ ᠤᠬᠠᠭᠠᠨ ᠤ ᠰᠤᠳᠤᠯᠤᠯ ᠤᠨ ᠡᠨᠡ ᠬᠦ | ᠭᠠᠵᠠᠷ ᠢ ᠰᠤᠩᠭᠤᠬᠤ ᠳᠤ ᠳᠡᠯᠡᠭᠡᠢ ᠶᠢᠨ ᠴᠠᠭ ᠠᠭᠤᠷ ᠤᠨ ᠬᠤᠪᠢᠷᠠᠯᠳᠠ᠂ ᠳᠤᠬᠠᠢ ᠶᠢᠨ ᠭᠠᠵᠠᠷ ᠤᠷᠤᠨ ᠤ | ᠳᠤᠯᠠᠭᠠᠨ ᠪᠠ ᠴᠢᠬᠢᠭ ᠨᠤᠶᠢᠳᠠᠨ ᠵᠢᠴᠢ ᠡᠬᠦᠯᠡ ᠲᠠᠢ ᠡᠳᠦᠷ ᠬᠢᠭᠡᠳ ᠪᠦᠷᠬᠦᠭ ᠰᠦᠨᠢ ᠶᠢᠨ ᠳᠤᠭᠠ ᠶᠢ ᠬᠦᠷᠳᠡᠯᠡ | ᠨᠡᠷᠢᠪᠴᠢᠯᠠᠨ ᠰᠢᠨᠵᠢᠵᠦ᠂ ᠳᠤᠭᠠᠴᠢᠨ ᠪᠤᠳᠤᠬᠤ ᠬᠡᠷᠡᠭᠳᠡᠢ ᠪᠠᠶᠢᠪᠠ᠃ ᠬᠡᠷᠡᠭ ᠶᠠᠪᠤᠳᠠᠯ ᠬᠡᠳᠦᠶᠢᠪᠡᠷ ᠡᠶᠢᠮᠦ ᠨᠠᠷᠢᠨ | ᠪᠤᠳᠤᠯᠢᠶᠠᠨ ᠲᠠᠢ ᠪᠠᠶᠢᠭᠰᠠᠨ ᠴᠦ ᠰᠢᠨᠵᠢᠯᠡᠬᠦ ᠤᠬᠠᠭᠠᠨ ᠤ ᠳᠤᠷᠠ ᠪᠠᠬᠠ ᠳᠤ ᠳᠠᠳᠠᠭᠳᠠᠨ ᠤᠷᠤᠭᠰᠠᠨ ᠵᠠᠯᠠᠭᠤ | ᠡᠷᠳᠡᠮᠳᠡᠨ ᠦᠯᠦᠭ ᠪᠠᠬᠢ᠂ ᠬᠤᠷᠴᠠ ᠰᠡᠷᠬᠦᠯᠡᠩ ᠤᠶᠤᠨ ᠤᠬᠠᠭᠠᠨ ᠪᠠ ᠳᠤᠬᠠᠢ ᠶᠢᠨ ᠦᠶᠡ ᠶᠢᠨ ᠰᠢᠨᠵᠢᠯᠡᠬᠦ | ᠤᠬᠠᠭᠠᠨᠳᠠᠳ ᠨᠠᠷ ᠤᠨ ᠬᠠᠪᠰᠤᠷᠤᠯᠭᠠ ᠳᠡᠮᠵᠢᠯᠭᠡ ᠳᠤ ᠳᠦᠰᠢᠭᠯᠡᠨ᠂ ᠦᠩᠭᠡᠷᠡᠭᠰᠡᠨ ᠳᠤ ᠶᠡᠷᠦ ᠬᠢᠵᠦ ᠦᠵᠡᠭᠡ | ᠦᠭᠡᠢ ᠰᠢᠨᠡ ᠦᠢᠯᠡᠰ ᠢ ᠭᠠᠷᠳᠠᠨ ᠬᠢᠵᠦ ᠡᠬᠢᠯᠡᠵᠡᠢ᠃ ᠳᠡᠭᠡᠭᠡᠳ ᠦᠯᠦ ᠪᠠᠬᠢ 10 ᠭᠠᠷᠤᠢ ᠵᠢᠯ ᠳᠡᠰᠪᠦᠷᠢ | ᠬᠠᠳᠠᠭᠤᠵᠢᠯᠳᠠᠢ ᠳᠡᠮᠡᠴᠡᠭᠡᠳ 1420 ᠤᠨ ᠳᠤ 26 ᠨᠠᠰᠤᠳᠠᠢ ᠳᠠᠭᠠᠨ ᠰᠠᠮᠠᠷᠺᠠᠨᠳ᠋ ᠬᠤᠳᠠᠨᠠ ᠤᠳᠤᠨ ᠤᠷᠤᠨ | ᠰᠤᠳᠤᠯᠬᠤ ᠤᠷᠬᠢᠯ ᠢ ᠪᠠᠶᠢᠭᠤᠯᠤᠨ ᠪᠦᠳᠦᠭᠡᠪᠡ᠃ ᠡᠨᠡ ᠬᠦ ᠤᠳᠤᠨ ᠤᠷᠤᠨ ᠤ ᠰᠤᠳᠤᠯᠤᠯ ᠤᠨ ᠤᠷᠬᠢᠯ ᠨᠢ | ᠬᠦᠷᠢᠶᠡ ᠬᠡᠪᠴᠢᠶᠡ ᠶᠢᠨ ᠦᠷᠭᠡᠨ ᠶᠡᠭᠡ ᠪᠠ ᠦᠨᠳᠦᠷ ᠤᠨ ᠬᠤᠪᠢ ᠳᠤ᠂ ᠪᠠᠭᠠᠵᠢ ᠬᠡᠷᠡᠭᠰᠡᠯ ᠤᠨ ᠪᠦᠷᠢᠨ ᠪᠦᠳᠦᠨ | ᠪᠠ ᠨᠠᠷᠢᠯᠢᠭ ᠤᠨ ᠬᠤᠪᠢ ᠳᠤ ᠴᠦᠮ ᠳᠤᠬᠠᠢ ᠶᠢᠨ ᠦᠶᠡ ᠶᠢᠨ ᠳᠡᠯᠡᠭᠡᠢ ᠶᠢᠨ ᠳᠡᠷᠢᠬᠦᠨ ᠤ ᠬᠡᠮᠵᠢᠶᠡᠨ ᠳᠤ | ᠬᠦᠷᠦᠭᠰᠡᠨ ᠪᠠᠶᠢᠪᠠ᠃ ᠵᠢᠱᠢᠶᠡᠯᠡᠪᠡᠯ ᠳᠡᠬᠦᠨ ᠳᠤ ᠬᠡᠷᠡᠭᠯᠡᠬᠦ ᠪᠠᠷ ᠪᠡᠯᠡᠳᠭᠡᠭᠰᠡᠨ ᠮᠦᠴᠡ ᠶᠢᠨ ᠬᠡᠮᠵᠢᠬᠦᠷᠯᠢᠭ ᠤᠨ | ᠷᠠᠳᠢᠤᠰ ᠨᠢ 40 ᠮᠧᠲᠷ ᠤᠷᠳᠤ ᠪᠠᠶᠢᠳᠠᠭ᠃ ᠡᠶᠢᠮᠦ ᠠᠴᠠ ᠠᠩᠭ᠍ᠯᠢ ᠶᠢᠨ ᠰᠢᠨᠵᠢᠯᠡᠬᠦ ᠤᠬᠠᠭᠠᠨᠳᠠᠨ ᠰᠧᠳᠢᠹᠠᠨ ︽ | ᠪᠠᠶᠢᠭᠠᠯᠢ ᠶᠢᠨ ᠰᠢᠨᠵᠢᠯᠡᠬᠦ ᠤᠬᠠᠭᠠᠨ ᠤ ᠳᠡᠦᠭᠡ︾ ᠭᠡᠳᠡᠭ ᠵᠤᠬᠢᠶᠠᠯ ᠳᠠᠭᠠᠨ᠄ ︽ᠦᠯᠦᠭ ᠪᠠᠬᠢ ᠶᠢᠨ | ᠪᠠᠶᠢᠭᠤᠯᠤᠭᠰᠠᠨ ᠤᠳᠤᠨ ᠤᠷᠤᠨ ᠢ ᠰᠤᠳᠤᠯᠬᠤ ᠤᠷᠬᠢᠯ ᠪᠤᠯ ᠮᠤᠩᠭᠤᠯ ᠬᠦᠮᠦᠨ ᠤ ᠰᠢᠨᠵᠢᠯᠡᠬᠦ ᠤᠬᠠᠭᠠᠨ ᠳᠤ | ᠦᠵᠡᠬᠦᠯᠦᠭᠰᠡᠨ ᠬᠠᠮᠤᠭ ᠤᠨ ᠡᠴᠦᠰ ᠤᠨ ᠬᠡᠷᠡᠯ ᠬᠢᠯᠪᠠᠭᠠ︾ ᠭᠡᠵᠦ ᠦᠨᠡᠯᠡᠭᠰᠡᠨ ᠪᠢᠯᠡ᠃ | 1417 ᠤᠨ ᠠᠴᠠ ᠡᠬᠢᠯᠡᠨ ᠦᠯᠦᠭ ᠪᠠᠬᠢ ᠤᠳᠤᠨ ᠤᠷᠤᠨ ᠢ ᠰᠤᠳᠤᠯᠬᠤ ᠬᠠᠳᠠᠭᠤᠵᠢᠯᠳᠠᠢ ᠠᠵᠢᠯ ᠢᠶᠠᠨ | ᠭᠠᠷᠳᠠᠨ ᠬᠢᠵᠦ᠂ ᠠᠤᠭᠠ ᠵᠤᠷᠢᠭ᠂ ᠦᠷᠭᠡᠨ ᠮᠡᠳᠡᠯᠭᠡ᠂ ᠬᠤᠷᠴᠠ ᠰᠡᠷᠭᠡᠢ ᠤᠶᠤᠨ ᠤᠬᠠᠭᠠᠨ ᠢᠶᠠᠷ ᠢᠶᠠᠨ ᠳᠡᠷᠡ | ᠦᠶᠡ ᠶᠢᠨ ᠠᠷᠠᠪ ᠤᠨ ᠰᠢᠨᠵᠢᠯᠡᠬᠦ ᠤᠬᠠᠭᠠᠨᠳᠠᠨ᠂ ᠡᠸᠦ᠋ᠷᠦᠫᠠ ᠶᠢᠨ ᠡᠷᠳᠡᠮᠳᠡᠳ ᠲᠤ ᠬᠦᠨ ᠪᠢᠰᠢᠷᠡᠭᠳᠡᠵᠦ | ᠬᠦᠷᠢᠶᠡᠯᠡᠭᠳᠡᠭᠰᠡᠨ ᠠᠴᠠ ᠰᠠᠮᠠᠷᠺᠠᠨᠳ᠋ ᠤᠨ ᠤᠳᠤᠨ ᠤᠷᠤᠨ ᠤ ᠰᠤᠳᠤᠯᠤᠯ ᠤᠨ ᠤᠷᠬᠢᠯ ᠳᠤ ᠡᠷᠳᠡᠮᠳᠡᠨ | ᠴᠢᠳᠠᠪᠤᠷᠢᠳᠠᠨ ᠮᠠᠰᠢ ᠤᠯᠠᠨ ᠬᠤᠷᠠᠨ ᠴᠤᠭᠯᠠᠷᠠᠭᠠᠳ᠂ ᠰᠢᠨᠵᠢᠯᠡᠬᠦ ᠤᠬᠠᠭᠠᠨ ᠤ ᠬᠦᠴᠢᠷ ᠰᠡᠳᠦᠪ ᠤᠳ ᠢ ᠤᠳᠠᠭᠠ | ᠳᠠᠷᠠᠭᠠ ᠪᠠᠷ ᠳᠠᠶᠢᠯᠵᠦ ᠪᠠᠶᠢᠯᠠ᠃ ᠳᠡᠶᠢᠨ ᠬᠦ ᠦᠯᠦᠭ ᠪᠠᠬᠢ 30 ᠵᠢᠯ ᠤᠨ ᠬᠠᠳᠠᠭᠤᠵᠢᠯᠳᠠᠢ ᠰᠤᠳᠤᠯᠤᠯ ᠢ | ᠦᠩᠭᠡᠷᠡᠭᠡᠭᠡᠳ ︽ᠢᠵᠢ︾ ᠦᠭᠡᠷᠡ ᠪᠠᠷ ᠬᠡᠯᠡᠪᠡᠯ ︽ᠤᠳᠤᠨ ᠤᠷᠤᠨ ᠤ ᠰᠢᠨᠡ ᠬᠦᠰᠦᠨᠦᠭᠳᠦ︾ ᠶᠢ ᠵᠤᠬᠢᠶᠠᠨ | ᠭᠠᠷᠭᠠᠪᠠ᠃ ᠳᠡᠬᠦᠨ ᠤ ᠡᠨᠡ ᠵᠤᠬᠢᠶᠠᠯ ᠪᠤᠯ ᠨᠠᠷᠠᠨ᠂ ᠰᠠᠷᠠᠨ᠂ ᠤᠳᠤᠨ ᠤ ᠡᠷᠬᠢᠬᠦ ᠬᠦᠰᠦᠨᠦᠭᠳᠦ ᠪᠠ 1018 | ᠤᠳᠤᠨ ᠤ ᠪᠠᠶᠢᠷᠢᠰᠢᠯ ᠤᠨ ᠵᠢᠷᠤᠭ ᠢ ᠪᠠᠭᠳᠠᠭᠠᠭᠰᠠᠨ ᠲᠦᠷᠪᠡᠨ ᠪᠤᠳᠢ ᠵᠤᠬᠢᠶᠠᠯ ᠪᠤᠯᠬᠤ ᠶᠤᠮ᠃ ᠳᠡᠬᠦᠨ ᠤ | ᠨᠢᠭᠡᠳᠦᠭᠡᠷ ᠭᠡᠰᠡᠭ ᠲᠤ ᠳᠤᠷᠤᠨᠠᠳᠡᠬᠢᠨ ᠤ ᠬᠡᠷᠡᠭᠯᠡᠳᠡᠭ ᠤᠨ ᠵᠢᠯ ᠤᠨ ᠳᠤᠭᠠᠯᠠᠯ ᠬᠢᠬᠦ ᠠᠷᠭᠠ ᠶᠢ ᠪᠠᠭᠳᠠᠭᠠᠭᠰᠠᠨ | ᠬᠡᠷᠤᠨᠤᠯᠤᠭ ᠤᠨ ᠨᠡᠷᠡ᠂ ᠬᠤᠶᠠᠳᠤᠭᠠᠷ ᠭᠡᠰᠡᠭ ᠲᠤ ᠫᠠᠷᠠᠺᠠᠲ᠋ᠢᠭ ᠤᠨ ᠤᠳᠤᠨ ᠰᠤᠳᠤᠯᠤᠯ ᠤᠨ ᠠᠰᠠᠭᠤᠳᠠᠯ᠂ | ᠭᠤᠷᠪᠠᠳᠤᠭᠠᠷ ᠭᠡᠰᠡᠭ ᠲᠤ ᠶᠢᠷᠳᠢᠨᠴᠦ ᠶᠢᠨ ᠳᠡᠯᠡᠭᠡᠢ ᠪᠠᠷ ᠳᠦᠪᠯᠡᠬᠦ ᠰᠢᠰᠲ᠋ᠧᠮ ᠤᠨ ᠦᠵᠡᠯ ᠤᠨ ᠦᠨᠳᠦᠰᠦᠨ | ᠳᠡᠭᠡᠷᠡ ᠡᠷᠬᠢᠰ ᠤᠨ ᠦᠵᠡᠭᠳᠡᠬᠦ ᠬᠦᠳᠡᠯᠭᠡᠭᠡᠨ ᠤ ᠳᠤᠬᠠᠢ᠂ ᠳᠦᠷᠪᠡᠳᠦᠭᠡᠷ ᠭᠡᠰᠡᠭ ᠲᠤ ᠵᠢᠷᠤᠬᠠᠢ ᠶᠢᠨ ᠳᠤᠭᠠᠨ ᠤ | ᠮᠡᠳᠡᠭᠳᠡᠬᠦᠨ ᠤ ᠳᠤᠬᠠᠢ ᠵᠡᠷᠭᠡ ᠶᠢ ᠪᠠᠭᠳᠠᠭᠠᠵᠠᠢ᠃ ᠡᠶᠢᠮᠦ ᠠᠴᠠ ᠦᠯᠦᠭ ᠪᠠᠬᠢ ᠶᠢᠨ ︽ᠢᠵᠢ︾᠂ ᠳᠤᠬᠠᠶᠢᠯᠠᠪᠠᠯ | ︽ᠤᠳᠤᠨ ᠤᠷᠤᠨ ᠤ ᠰᠢᠨᠡ ᠬᠦᠰᠦᠨᠦᠭᠳᠦ︾ ᠶᠢᠨ ᠭᠤᠤᠯ ᠠᠭᠤᠯᠭᠠ ᠨᠢ 15 ᠳ᠋ᠤᠭᠠᠷ ᠵᠠᠭᠤᠨ ᠤ ᠡᠬᠢᠨ ᠤ | ᠬᠠᠭᠠᠰ ᠦᠶᠡ ᠶᠢᠨ ᠳᠤᠷᠤᠨᠠᠳᠠᠬᠢᠨ ᠤ ᠤᠳᠤᠨ ᠤᠷᠤᠨ ᠤ ᠰᠤᠳᠤᠯᠤᠯ ᠤᠨ ᠳᠠᠯᠠ ᠳᠤ ᠪᠦᠷᠢᠨ ᠳᠠᠶᠢᠯᠪᠤᠷᠢ | ᠪᠤᠯᠤᠭᠰᠠᠨ ᠪᠦᠭᠡᠳ ᠳᠡᠬᠦᠨ ᠤ ᠰᠢᠨᠡ ᠪᠠᠷ ᠬᠡᠮᠵᠢᠨ ᠳᠤᠭᠳᠠᠭᠠᠭᠰᠠᠨ ᠪᠠ ᠵᠢᠷᠤᠭᠯᠠᠭᠰᠠᠨ ᠤᠳᠤᠨ ᠭᠠᠷᠠᠭ ᠤᠨ | ᠪᠠᠶᠢᠷᠢᠰᠢᠯ ᠨᠢ ᠡᠷᠳᠡᠨ ᠤ ᠭᠷᠸᠢᠭ ᠤᠨ ᠬᠢᠫᠠᠫᠠᠷᠠᠢ ᠶᠢᠨ ᠳᠤᠳᠠᠭᠳᠠᠯ ᠪᠠ ᠠᠯᠳᠠᠭᠠ ᠶᠢ ᠵᠠᠰᠠᠨ ᠦᠭᠡᠷᠡᠴᠢᠯᠡᠵᠦ᠂ 16 | ᠳ᠋ᠤᠭᠠᠷ ᠵᠠᠭᠤᠨ ᠤ ᠳᠤᠰᠬᠤᠸ᠋ · ᠪᠠᠷᠠᠬᠠ ︵1546 — 1601︶ ᠠᠴᠠ ᠡᠮᠦᠨᠡᠬᠢ ᠤᠳᠤᠨ ᠤᠷᠤᠨ ᠤ ᠬᠠᠮᠤᠭ | ᠤᠨ ᠤᠨᠤᠪᠴᠢᠳᠠᠢ ᠠᠵᠢᠭᠯᠠᠯᠳᠠ ᠪᠤᠯᠤᠭᠰᠠᠨ ᠪᠠᠶᠢᠨᠠ᠃ | 1449 ᠤᠨ ᠤ 10 ᠰᠠᠷᠠ ᠶᠢᠨ 27 ᠤ ᠡᠳᠦᠷ᠂ ᠦᠯᠦᠭ ᠪᠠᠬᠢ ᠨᠠᠰᠤ ᠪᠠᠷᠠᠭᠰᠠᠨ ᠠᠴᠠ ᠬᠤᠶᠢᠰᠢ ᠳᠡᠬᠦᠨ | ᠤ ︽ᠤᠳᠤᠨ ᠤᠷᠤᠨ ᠤ ᠰᠢᠨᠡ ᠬᠦᠰᠦᠨᠦᠭᠳᠦ︾ ᠨᠢ ᠰᠠᠮᠠᠷᠺᠠᠨᠳ᠋ ᠤᠨ ᠤᠳᠤᠨ ᠤᠷᠤᠨ ᠤ ᠤᠷᠬᠢᠯ ᠤᠨ ᠠᠵᠢᠯᠳᠠᠨ | ᠠᠯ · ᠪᠤᠰᠢᠴᠢ ᠪᠠᠷ ᠳᠠᠮᠵᠢᠨ ᠤᠶᠢᠷᠠ ᠳᠤᠷᠤᠨᠠᠳᠤ᠂ ᠡᠨᠡᠳᠭᠡᠭ᠂ ᠡᠸᠦ᠋ᠷᠦᠫᠠ ᠳᠤ ᠤᠷᠴᠢᠭᠤᠯᠤᠭᠳᠠᠨ ᠳᠠᠷᠬᠠᠭᠳᠠᠵᠠᠢ | ᠃ ᠳᠡᠬᠦᠨ ᠠᠴᠠ ᠬᠤᠶᠢᠰᠢ 1648 ᠤᠨ ᠳᠤ ᠠᠩᠭ᠍ᠯᠢ ᠶᠢᠨ ᠰᠢᠨᠵᠢᠯᠡᠬᠦ ᠤᠬᠠᠭᠠᠨ ᠤ ᠲᠦᠪ ᠪᠤᠯᠤᠭᠰᠠᠨ | ᠤᠺᠠᠰᠫᠤᠷᠲ ᠬᠤᠳᠠᠨᠠ ᠬᠡᠪᠯᠡᠭᠳᠡᠨ ᠭᠠᠷᠤᠭᠰᠠᠨ ᠪᠦᠭᠡᠳ ᠬᠤᠵᠢᠮ ᠨᠢ 1665 ᠤᠨ ᠳᠤ ᠳᠤᠮᠠᠰ ᠬᠠᠶᠢᠳᠤ | ᠭᠡᠮᠡᠭᠴᠢ ᠬᠦᠮᠦᠨ ᠫᠧᠷᠰ᠂ ᠯᠠᠲ᠋ᠢᠨ ᠬᠡᠯᠡ ᠪᠠᠷ ᠤᠷᠴᠢᠭᠤᠯᠵᠦ ᠮᠦᠨ 1673 ᠤᠨ ᠳᠤ ᠫᠤᠯᠱᠠ ᠶᠢᠨ ᠡᠷᠳᠡᠮᠳᠡᠨ | ᠭᠶᠧᠶᠤᠯ ︵1611 — 1687︶ ︽ᠤᠳᠤᠳᠤ ᠳᠡᠭᠷᠢ ᠶᠢᠨ ᠠᠲ᠋ᠠᠯᠡᠰ︾ ᠨᠡᠷᠡ ᠲᠠᠢ ᠨᠤᠮ ᠪᠤᠯᠭᠠᠨ | ᠬᠡᠪᠯᠡᠬᠦᠯᠪᠡ᠃ ᠳᠤᠰ ᠵᠤᠬᠢᠶᠠᠯ ᠢ 1968 ᠤᠨ ᠪᠤᠯᠤᠨ 1970 ᠤᠨ ᠳᠤ ᠵᠦᠪᠯᠡᠯᠳᠤ ᠬᠤᠯᠪᠤᠭᠠᠳᠤ ᠤᠯᠤᠰ ᠤᠨ | ᠰᠢᠨᠵᠢᠯᠡᠬᠦ ᠤᠬᠠᠭᠠᠨ ᠤ ᠬᠦᠷᠢᠶᠡᠯᠡᠩ ᠤᠨ ᠵᠢᠩᠬᠢᠨᠢ ᠬᠡᠰᠢᠬᠦᠨ᠂ ᠹᠢᠽᠢᠺ ᠤᠨ ᠤᠬᠠᠭᠠᠨᠳᠠᠨ᠂ ᠳᠤᠭᠠᠨ ᠤ | ᠤᠬᠠᠭᠠᠨᠳᠠᠨ ᠸ᠊ · ᠫ᠊ · ᠰᠠᠶᠠᠯᠤᠸ᠋ ᠤᠨ ᠪᠡᠯᠡᠳᠭᠡᠯ ᠢᠶᠠᠷ ᠤᠷᠤᠰ᠂ ᠠᠩᠭ᠍ᠯᠢ᠂ ᠦᠽᠪᠧᠺ ᠬᠡᠯᠡᠨ ᠳᠤ | ᠤᠷᠴᠢᠭᠤᠯᠤᠭᠳᠠᠨ ᠬᠡᠪᠯᠡᠭᠳᠡᠵᠡᠢ᠃ ᠦᠯᠦᠭ ᠪᠠᠬᠢ ᠪᠤᠯ ᠤᠳᠤᠨ ᠤᠷᠤᠨ ᠢ ᠰᠤᠳᠤᠯᠬᠤ ᠭᠠᠷᠮᠠᠭᠠᠢ ᠰᠤᠳᠤᠯᠤᠭᠴᠢ | ᠪᠤᠯᠬᠤ ᠪᠦᠭᠡᠳ ᠮᠦᠨ ᠴᠦ ᠠᠭᠤᠤ ᠶᠡᠭᠡ ᠳᠤᠭᠠᠨ ᠤ ᠤᠬᠠᠭᠠᠨᠳᠠᠨ ᠪᠤᠯᠬᠤ ᠶᠤᠮ᠃ ᠨᠠᠷᠠᠨ᠂ ᠰᠠᠷᠠᠨ᠂ ᠤᠳᠤᠨ | ᠭᠠᠷᠠᠭ ᠤᠨ ᠭᠭ᠍ᠷᠳᠤᠯ᠂ ᠳᠤᠬᠢᠶᠠᠯ ᠢ ᠰᠤᠳᠤᠯᠬᠤ ᠪᠠ ᠴᠠᠭ ᠳᠤᠭᠠᠨ ᠤ ᠪᠢᠴᠢᠭ ᠢ ᠵᠤᠬᠢᠶᠠᠬᠤ ᠶᠢᠨ ᠳᠦᠯᠦᠭᠡ ᠳᠡᠷᠡ | ᠪᠠᠰᠠ ᠳᠤᠭᠠᠨ ᠤ ᠤᠬᠠᠭᠠᠨ ᠢ ᠬᠦᠨᠵᠡᠭᠡᠢ ᠰᠤᠳᠤᠯᠤᠭᠰᠠᠨ ᠪᠠᠶᠢᠪᠠ᠃ ᠡᠬᠦᠨ ᠤ ᠤᠯᠠᠮ ᠠᠴᠠ ᠳᠡᠬᠦᠨ ᠤ | ᠰᠤᠳᠤᠯᠤᠯᠭᠠᠨ ᠳᠤ ᠭᠸᠤᠮᠧᠲᠷᠢ ᠶᠢᠨ ᠹᠦᠩᠺᠼ ᠤᠨ ᠬᠡᠳᠦᠨ ᠬᠦᠰᠦᠨᠦᠭᠳᠦ ᠪᠤᠢ ᠪᠤᠯᠤᠭᠰᠠᠨ ᠪᠠᠶᠢᠵᠠᠢ᠃ | | | | ᠪᠡᠯᠡᠳᠬᠡᠭᠰᠡᠨ ᠨᠢ᠄ ᠡᠷᠳᠡᠨᠢᠬᠦᠦ | ᠨᠠᠶᠢᠷᠠᠭᠤᠯᠤᠭᠰᠠᠨ ᠨᠢ᠄ ᠨᠠᠮᠤᠷ | ᠬᠢᠨᠠᠭᠰᠠᠨ ᠨᠢ᠄ ᠤᠷᠢᠬᠠᠨ | |